ਸੈਕਰਾਮੈਂਟੋ ਦੇ ਗੁਰਦੁਆਰਾ ਸਾਹਿਬ ਬਰਾਡਸ਼ਾਹ ਦੇ ਖੇਡ ਮੈਦਾਨਾਂ 'ਚ ਗੋਲੀ ਨਾਲ ਇਕ ਮੌਤ ਇਕ ਜ਼ਖ਼ਮੀ

ਸੈਨ ਫ਼ਰਾਂਸਿਸਕੋ-ਸੈਕਰਾਮੈਂਟੋ (ਬਲਵਿੰਦਰਪਾਲ ਸਿੰਘ ਖ਼ਾਲਸਾ) ਅੱਜ ਸ਼ਾਮੀਂ ਐਤਵਾਰ ਨੂੰ ਪ੍ਰਾਪਤ ਸੂਚਨਾਵਾਂ ਅਨੁਸਾਰ ਦੁਪਹਿਰੀਂ ਡੇਢ ਵਜੇ, ਗੁਰਦੁਆਰਾ ਸਾਹਿਬ ਬਰਾਡਸ਼ਾਹ ਦੇ ਖੇਡ ਮੈਦਾਨਾਂ ਵਿਚ ਚੱਲੀ ਗੋਲੀ ਨਾਲ ਇਕ ਬੰਦੇ ਦੇ ਮਰਨ ਅਤੇ ਇਕ ਦੇ ਜ਼ਖ਼ਮੀ ਹੋਣ ਦੀ ਖ਼ਬਰ ਹਾਸਲ ਹੋਈ ਹੈ।ਅੱਜ ਇਥੇ ਖੇਡਾਂ ਦੇ ਬਾਸਕਟ-ਬਾਲ ਅਤੇ ਕੁਝ ਹੋਰ ਮੁਕਾਬਲੇ ਹੋ ਰਹੇ ਸਨ ਜਦੋਂ ਦੋ ਬੰਦੇ ਬਾਹਰੋਂ ਆਏ ਤੇ ਉਨ੍ਹਾਂ ਨੇ ਗੋਲੀਆਂ ਚਲਾਉਣੀਆਂ ਸ਼ੁਰੂ ਕਰ ਦਿੱਤੀਆਂ। ਲੋਕਾਂ ਨੇ ਗੋਲੀਆਂ ਦੀ ਅਵਾਜ਼ ਸੁਣ ਕੇ ਕਾਰਾਂ ਓਹਲੇ ਲੁਕਣਾ ਤੇ ਭੱਜਣਾ ਸ਼ੁਰੂ ਕਰ ਦਿਤਾ। ਇਕ 38 ਸਾਲਾ ਜ਼ਖ਼ਮੀ ਮਨੁੱਖ ਨੂੰ ਯੂ.ਸੀ. ਡੇਵਿਸ ਮੈਡੀਕਲ ਹਸਪਤਾਲ ਲਿਜਾਇਆ ਗਿਆ ਜਿੱਥੇ ਉਹ ਖ਼ਤਰੇ ਵਾਲੀ ਹਾਲਤ ਵਿਚ ਦੱਸਿਆ ਗਿਆ ਹੈ।ਦੂਜਾ ਬੰਦਾ ਮੌਕੇ ਤੇ ਹੀ ਦੱਮ ਤੋੜ ਗਿਆ। ਪੁਲੀਸ ਅਫ਼ਸਰਾਂ ਨੇ ਦੱਸਿਆ ਕਿ ਖੇਡਾਂ ਵੇਖ ਰਹੇ ਲੋਕਾਂ ਨੇ ਗੋਲੀਆਂ ਦੇ ਖੜਾਕੇ ਸੁਣੇ ਅਤੇ ਦੋ ਬੰਦਿਆਂ ਨੂੰ ਗੰਨਾਂ ਸਣੇ ਵੇਖਿਆ ਅਤੇ ਨਾਲ ਹੀ ਲੋਕਾਂ ਨੇ ਦੋ ਗੰਨਾਂ ਵਾਲਿਆਂ ਵਿਚੋਂ ਇਕ ਨੂੰ ਫ਼ੜ ਲਿਆ ਅਤੇ ਹਾਕੀਆਂ ਤੇ ਕਰਿਕਟ ਬੈਟਾਂ ਨਾਲ ਕੁੱਟਣ ਤੋਂ ਬਾਅਦ ਪੁਲੀਸ ਦੇ ਹਵਾਲੇ ਕਰ ਦਿਤਾ। ਪੁਲੀਸ ਅਫ਼ਸਰ ਕੁਰੈਨ ਅਨੁਸਾਰ ਕੁੱਟ ਨਾਲ ਮੁੰਡਾ ਜ਼ਖ਼ਮੀ ਹੋ ਗਿਆ ਸੀ। ਗੋਲੀਆਂ ਚਲਾਉਣ ਵਾਲਾ ਦੂਜਾ ਮੁੰਡਾ ਕਿਸੇ ਅਣਦੱਸੀ ਕਾਰ ਵਿਚ ਦੌੜਨ ਵਿਚ ਕਾਮਯਾਬ ਹੋ ਗਿਆ। ਪੁਲੀਸ ਨੇ ਇਹ ਵੀ ਕਿਹਾ ਹੈ ਕਿ ਇਹ ਗੋਲੀਬਾਰੀ ਕੋਈ ਨਫ਼ਰਤ ਵਾਲੀ ਕਾਰਵਾਈ ਨਹੀਂ ਲੱਗਦੀ ਬਲਕਿ ਚਲਦੇ ਹੋਏ ਕਿਸੇ ਝਗੜੇ ਕਾਰਨ ਪੈਦਾ ਹੋਈ ਜਾਪਦੀ ਹੈ। ਬਾਅਦ ਵਿਚ ਪੁਲੀਸ ਨੂੰ ਦੋ ਬੰਦੂਕਾਂ ਖੇਡ ਮੈਦਾਨ ਵਿਚੋਂ ਮਿਲ ਗਈਆਂ। ਪੁਲੀਸ ਦੇ ਸੈਕਰਾਮੈਂਟੋ ਵਿਭਾਗ ਨੇ ਅਪਰਾਧ ਨਾਲ ਸੰਬਧਿਤ ਕਿਸੇ ਵੀ ਸੂਚਨਾ ਲਈ ਹੇਠ ਲਿਖ਼ੇ ਨੰਬਰਾਂ ਤੇ ਸੰਪਰਕ ਕਰਨ ਲਈ ਬੇਨਤੀ ਕੀਤੀ ਹੈ:
916-874-5115 916-443-ਹੈਲਪ

ਭਾਈ ਦਿਲਾਵਰ ਸਿੰਘ ਸਿੱਖ ਕੌਮ ਦਾ ਮਹਾਨ ਸ਼ਹੀਦ-ਜੱਥੇ. ਨੰਦਗੜ੍ਹ
ਪੂਹਲਾ ਨੂੰ ਸਾੜਨ ਵਾਲੇ ਵੀ ਕੌਮ ਦੇ ਹੀਰੇ-ਭਾਈ ਮੋਹਕਮ ਸਿੰਘ
ਅਦਾਲਤਾਂ ਵੀ ਸਿੱਖਾਂ ਨੂੰ ਇਨਸਾਫ਼ ਨਹੀਂ ਦੇ ਸਕੀਆਂ- ਬੈਂਸ

ਗੁਰਜੀਤ ਸਿੰਘ ਚੌਹਾਨ- ਸੰਗਤ ਮੰਡੀ/ਜੈ ਸਿੰਘ ਵਾਲਾ(ਬਠਿੰਡਾ), 31 ਅਗਸਤ- ਅੱਜ ਪਿੰਡ ਜੈ ਸਿੰਘ ਵਾਲਾ ਵਿਖੇ ਸਾਬਕਾ ਮੁੱਖ ਮੰਤਰੀ ਬੇਅੰਤ ਸਿੰਘ ਕਾਂਡ ਵਿੱਚ ਮਨੁੱਖ ਬੰਬ ਬਣੇ ਭਾਈ ਦਿਲਾਵਰ ਸਿੰਘ ਦੇ ਸ਼ਹੀਦੀ ਸਮਾਗਮ ਵਿੱਚ ਸਿੱਖ ਸੰਗਤਾਂ ਦਾ ਭਾਰੀ ਇਕੱਠ ਹੋਇਆ। ਭਾਰੀ ਇਕੱਠ ਮੌਕੇ ਬੋਲਦਿਆਂ ਤਖਤ ਸ੍ਰੀ ਦਮਦਮਾ ਸਾਹਿਬ ਦੇ ਜਥੇਦਾਰ ਭਾਈ ਬਲਵੰਤ ਸਿੰਘ ਨੰਦਗੜ੍ਹ ਨੇ ਕਿਹਾ ਕਿ ਭਾਈ ਦਿਲਾਵਰ ਸਿੰਘ ਨੇ ਸਿੱਖਾਂ ਤੇ ਜ਼ੁਲਮ ਕਰਨ ਵਾਲੇ ਨੂੰ ਖਤਮ ਕੀਤਾ ਹੈ। ਇਸ ਲਈ ਭਾਈ ਦਿਲਾਵਰ ਸਿੰਘ ਸਿੱਖ ਕੌਮ ਦਾ ਮਹਾਨ ਸ਼ਹੀਦ ਹੈ। ਉਹਨਾਂ ਕਿਹਾ ਕਿ ਸਿੱਖ ਧਰਮ ਆਪਣੇ ਅਸੂਲਾਂ ਅਤੇ ਸਿਧਾਂਤ ਕਾਰਨ ਦੁਨੀਆਂ ਵਿੱਚ ਜਾਣਿਆਂ ਜਾਂਦਾ ਹੈ ਅਤੇ ਉਹ ਵੀ ਸਿੱਖ ਧਰਮ ਦੇ ਸਿਧਾਤਾਂ ਅਨੁਸਾਰ ਹੀ ਜਥੇਦਾਰੀ ਦੀ ਸੇਵਾ ਕਰ ਰਹੇ ਹਨ ਅਤੇ ਸਿਧਾਂਤ ਅਨੁਸਾਰ ਹੀ ਅੱਗੇ ਚੱਲਣਗੇ। ਜਥੇਦਾਰ ਨੰਦਗੜ੍ਹ ਨੇ ਇਹ ਵੀ ਕਿਹਾ ਕਿ ਉਹ ਕਿਸੇ ਦੇ ਦਬਾਅ ਹੇਠ ਜਾਂ ਪਿੱਛਲੱਗੂ ਬਣਕੇ ਕੰਮ ਨਹੀਂ ਕਰਨਗੇ। ਡੇਰਾ ਵਿਵਾਦ ਬਾਰੇ ਬੋਲਦਿਆਂ ਜਥੇਦਾਰ ਨੇ ਕਿਹਾ ਕਿ ਡੇਰਾ ਸਿਰਸਾ ਨੂੰ ਮੁਆਫੀ ਕੇਵਲ ਅੰਮ੍ਰਿਤ ਪਾਨ ਕਰਕੇ ਸਿੱਖ ਧਰਮ ਵਿੱਚ ਸ਼ਾਮਿਲ ਹੋਣ ਤੇ ਹੀ ਮਿਲ ਸਕਦੀ ਹੈ। ਕਾਗਜੀ ਚਿੱਠੀਆਂ ਰਾਹੀਂ ਮੁਆਫੀ ਮਿਲਣੀ ਸਿੱਖੀ ਸਿਧਾਂਤ ਵਿੱਚ ਸੰਭਵ ਨਹੀਂ। ਇਸ ਮੌਕੇ ਪੰਚ ਪ੍ਰਧਾਨੀ ਅਕਾਲੀ ਦਲ ਦੇ ਚੇਅਰਮੈਨ ਭਾਈ ਦਲਜੀਤ ਸਿੰਘ ਬਿੱਟੂ ਨੇ ਗਰਮਸੁਰ ਵਿੱਚ ਬੋਲਦਿਆਂ ਕਿਹਾ ਕਿ ਭਾਰਤ ਵਿੱਚ ਅਜ਼ਾਦੀ ਤੋਂ ਬਾਅਦ ਸਿੱਖ ਗੁਲਾਮਾਂ ਵਾਲਾ ਜੀਵਨ ਬਤੀਤ ਕਰ ਰਹੇ ਹਨ। ਉਹਨਾਂ ਕਿਹਾ ਕਿ ਸਿੱਖਾਂ ਲਈ ਵੱਖਰੇ ਦੇਸ਼ ਤੋਂ ਬਿਨਾਂ ਧਰਮ ਅਤੇ ਹਿੱਤ ਦੀ ਰਾਖੀ ਲਈ ਕੋਈ ਚਾਰਾਂ ਨਹੀਂ ਰਿਹਾ। ਇਸ ਲਈ ਸਿੱਖ ਸੰਘਰਸ਼ ਖਾਲਸਾ ਰਾਜ ਤੱਕ ਜਾਰੀ ਰਹੇਗਾ ਅਤੇ ਇਸ ਦੀ ਪ੍ਰਾਪਤੀ ਲਈ ਹੋਰ ਕੁਰਬਾਨੀਆਂ ਵੀ ਦੇਣੀਆਂ ਪੈਣਗੀਆਂ। ਸਾਬਕਾ ਜਸਟਿਸ ਅਜੀਤ ਸਿੰਘ ਬੈਂਸ ਨੇ ਆਪਣੇ ਭਾਸ਼ਣ ਵਿੱਚ ਕਿਹਾ ਕਿ ਭਾਰਤ ਦੀ ਨਿਆਪਾਲਿਕਾ ਵੀ ਸਿੱਖਾਂ ਨੂੰ ਨਿਆ ਨਹੀ ਦੁਆ ਸਕੀ। ਇਸੇ ਕਾਰਨ ਹੀ ਸਿੱਖ ਨੌਜਵਾਨਾਂ ਨੂੰ ਆਪਣੀ ਲੜਾਈ ਆਪ ਲੜਨੀ ਪੈ ਰਹੀ ਹੈ ਅਤੇ ਇਸ ਲੜੀ ਤਹਿਤ ਹੀ ਦਿਲਾਵਰ ਸਿੰਘ ਨੇ ਸ਼ਹੀਦੀ ਦਿੱਤੀ ਹੈ। ਜੇਕਰ ਸਿੱਖਾਂ ਨਾਲ ਇਸੇ ਤਰ੍ਹਾਂ ਹੀ ਲਗਾਤਾਰ ਵਿਤਕਰਾ ਹੁੰਦਾ ਰਿਹਾ ਤਾਂ ਸਿੱਖ ਸੰਘਰਸ਼ ਵੱਡਾ ਰੂਪ ਅਖਤਿਆਰ ਕਰੇਗਾ। ਇਸ ਮੌਕੇ ਬੋਲਦਿਆਂ ਧਰਮ ਪ੍ਰਚਾਰ ਕਮੇਟੀ ਦੇ ਪ੍ਰਚਾਰਕ ਅਤੇ ਮਾਲਵੇ ਜੋਨ ਦੇ ਇੰਚਾਰਜ ਭਾਈ ਬਲਦੇਵ ਸਿੰਘ ਨੇ ਕਿਹਾ ਕਿ ਭਾਈ ਦਿਲਾਵਰ ਸਿੰਘ ਦਾ ਸ਼ਹੀਦੀ ਸਮਾਗਮ ਕਰਵਾਉਣਾ ਸਿੱਖ ਕੌਮ ਲਈ ਮਾਨ ਵਾਲੀ ਗੱਲ ਹੈ।
ਉਹਨਾਂ ਕਿਹਾ ਕਿ ਸਿੱਖ ਯੋਧੇ ਜ਼ੁਲਮ ਕਰਨ ਵਾਲੇ ਨੂੰ ਬਖਸ਼ਦੇ ਨਹੀਂ ਅਤੇ ਹੁਣੇ ਹੀ ਇਸੇ ਕੜੀ ਵਿੱਚ ਨਿਹੰਗ ਅਜੀਤ ਸਿੰਘ ਪੂਹਲਾ ਨੂੰ ਵੀ ਸਬਕ ਸਿਖਾ ਦਿੱਤਾ ਹੈ। ਉਹਨਾਂ ਕਿਹਾ ਕਿ ਮਾਲਵੇ ਦੇ ਇਲਾਕੇ ਵਿੱਚ ਧਰਮ ਪ੍ਰਚਾਰ ਦੇ ਕਾਰਜ ਨਾਲ 12000 ਡੇਰਾ ਪ੍ਰੇਮੀ ਸਿੱਖ ਧਰਮ ਵਿੱਚ ਵਾਪਸ ਪਰਤ ਆਏ ਹਨ ਅਤੇ ਵੱਡੀ ਗਿਣਤੀ ਵਿੱਚ ਸਿੱਖ ਅਮ੍ਰਿਤਪਾਨ ਕਰ ਰਹੇ ਹਨ। ਉਹਨਾਂ ਕਿਹਾ ਕਿ ਮਾਲਵੇ ਵਿੱਚ ਡੇਰਾ ਸਿਰਸਾ ਦਾ ਪ੍ਰਭਾਵ ਵੱਧਣ ਲਈ ਸਿੱਖ ਧਰਮ ਦੇ ਆਗੂ ਜ਼ਿੰਮੇਵਾਰ ਹਨ। ਇਸ ਮੌਕੇ ਸੰਤ ਬਲਜੀਤ ਸਿੰਘ ਦਾਦੂਵਾਲ ਨੇ ਬੋਲਦਿਆਂ ਕਿਹਾ ਕਿ ਇਕ ਸ਼ਹੀਦ ਦਾ ਸ਼ਹੀਦੀ ਦਿਹਾੜਾ ਤੇਰ੍ਹਾਂ ਸਾਲਾਂ ਬਾਅਦ ਉਸ ਦੇ ਜੱਦੀ ਪਿੰਡ ’ਚ ਮਨਾਇਆ ਗਿਆ ਹੈ। ਇਸ ਤੋਂ ਪਹਿਲਾਂ ਪੈਦਾ ਕੀਤੀਆਂ ਗਈਆਂ ਮੁਸ਼ਕਿਲਾਂ ਕਾਰਨ ਹੀ ਇਹ ਸਮਾਗਮ ਜੈ ਸਿੰਘ ਵਾਲਾ ਵਿਖੇ ਨਹੀਂ ਮਨਾਇਆ ਗਿਆ। ਇਹ ਸਿੱਖਾਂ ਨਾਲ ਹੋ ਰਹੇ ਪੱਖਪਾਤ ਦੀ ਨਿਸ਼ਾਨੀ ਹੈ ਕਿ ਅਸੀਂ ਅਜ਼ਾਦ ਭਾਰਤ ਵਿੱਚ ਗੁਲਾਮਾਂ ਵਾਲਾ ਜੀਵਨ ਬਤੀਤ ਕਰਦੇ ਹਾਂ। ਸਿੱਖਾਂ ਨਾਲ ਹੋ ਰਹੀਆਂ ਵਧੀਕੀਆਂ ਬਾਰੇ ਸਮੁੱਚੇ ਪੰਥ ਨੂੰ ਇੱਕਮੁੱਠ ਹੋਣਾ ਚਾਹੀਦਾ ਹੈ। ਇਸ ਮੌਕੇ ਤੇ ਅਕਾਲੀ ਦਲ 1920 ਦੇ ਜਨਰਲ ਸਕੱਤਰ ਭਾਈ ਗੁਰਦੀਪ ਸਿੰਘ ਬਠਿੰਡਾ ਨੇ ਕਿਹਾ ਕਿ ਮੈਨੂੰ ਸਾਡੀ ਜਥੇਬੰਦੀ ਵੱਲੋਂ ਇਸ ਸ਼ਹੀਦ ਨੂੰ ਸ਼ਰਧਾਂਜਲੀ ਦੇਣ ਦੇ ਲਈ ਭੇਜਿਆ ਹੈ। ਉਨ੍ਹਾਂ ਕਿਹਾ ਕਿ ਮੇਰੇ ਕੋਲ ਇਸ ਦੀ ਵਡਿਆਈ ਕਰਨ ਬਾਰੇ ਉਹ ਸ਼ਬਦ ਨਹੀਂ ਹੈ ਕਿਉਂਕਿ ਇਸਦੀ ਵਡਿਆਈ ਉਹ ਪੁਰਜੋਰ ਸ਼ਬਦਾਂ ਵਿੱਚ ਕੀਤੀ ਜਾਵੇ ਉਹ ਉਨੀ ਹੀ ਘੱਟ ਹੈ। ਉਨ੍ਹਾਂ ਕਿਹਾ ਕਿ ਅੱਜ ਜੋ ਸਾਡੇ ਉ¤ਪਰ ਵਾਪਰ ਰਿਹਾ ਹੈ ਉਹ ਕਿਉਂ ਵਾਪਰ ਰਿਹਾ ਹੈ। ਇਸ ਦਾ ਇੱਕ ਕਾਰਨ ਹੈ ਕਿ ਸਾਨੂੰ ਇੱਕ ਚੰਗੇ ਆਗੂ ਦੀ ਲੋੜ ਹੈ। ਇਹ ਜੋ ਕੁਝ ਵਾਪਰ ਰਿਹਾ ਹੈ ਇੱਕ ਚੰਗੇ ਆਗੂ ਤੋਂ ਬਿਨਾਂ ਵਾਪਰ ਰਿਹਾ ਹੈ। ਸਾਨੂੰ ਪ੍ਰਮਾਤਮਾ ਅੱਗੇ ਅਰਦਾਸਾਂ ਕਰਨੀਆਂ ਚਾਹੀਦੀਆਂ ਹਨ ਕਿ ਪ੍ਰਮਾਤਮਾ ਸਾਨੂੰ ਸੰਤ ਜਰਨੈਲ ਸਿੰਘ ਖਾਲਸਾ ਭਿੰਡਰਾਂਵਾਲੇ ਵਰਗਾ ਇੱਕ ਵਧੀਆਂ ਆਗੂ ਬਣਾ ਕੇ ਭੇਜੇ। ਸਾਨੂੰ ਸਾਡੇ ਗੁਰੂ ਸਾਹਿਬਾਨਾਂ ਦੇ ਦੱਸੇ ਹੋਏ ਮਾਰਗ ਤੇ ਚੱਲਣਾ ਚਾਹੀਦਾ ਹੈ। ਬਾਬਾ ਅਮਰੀਕ ਸਿੰਘ ਅਜਨਾਲਾ (ਦਮਦਮੀ ਟਕਸਾਲ) ਨੇ ਕਿਹਾ ਕਿ ਗੁਰੂ ਸਾਹਿਬਾਨਾਂ ਦੇ ਸਮੇਂ ਤੋਂ ਹੀ ਸਿੱਖਾਂ ਨੂੰ ਆਪਣੇ ਹਿੱਤਾਂ ਦੀ ਰਾਖੀ ਲਈ ਕੁਰਬਾਨੀਆਂ ਦੇਣੀਆਂ ਪਈਆਂ ਹਨ ਤੇ ਅੱਜ ਵੀ ਸਥਿਤੀ ਉਹੀ ਹੈ ਹੁਣ ਵੀ ਧਰਮ ਦੀ ਰੱਖਿਆ ਲਈ ਕੁਰਬਾਨੀਆਂ ਦੇਣ ਵਾਲਿਆਂ ਦੀ ਕਮੀ ਨਹੀਂ ਉਹਨਾਂ ਕਿਹਾ ਕਿ ਡੇਰਾ ਸਿਰਸਾ ਮਾਮਲੇ ਵਿੱਚ ਸਿੱਖ ਪੰਥ ਆਰ-ਪਾਰ ਦੀ ਲੜਾਈ ਲੜੇਗਾ। ਦਮਦਮੀ ਟਕਸਾਲ ਦੇ ਸੀਨੀਅਰ ਆਗੂ ਭਾਈ ਮੋਹਕਮ ਸਿੰਘ ਨੇ ਵੀ ਗਰਮ ਸੁਰ ਵਿੱਚ ਕਿਹਾ ਕਿ ਸਿੱਖਾਂ ਨਾਲ ਟੱਕਰ ਲੈਣ ਵਾਲੇ ਦਾ ਖਾਤਮਾ ਯਕੀਨੀ ਹੈ। ਉਹਨਾਂ ਕਿਹਾ ਕਿ ਨਿਹੰਗ ਅਜੀਤ ਸਿੰਘ ਪੂਹਲਾ ਨੂੰ ਸਾੜਨ ਵਾਲੇ ਵੀ ਸਿੱਖ ਕੌਮ ਦੇ ਹੀਰੇ ਹਨ। ਉਹਨਾਂ ਕਿਹਾ ਕਿ ਸਿੱਖਾਂ ਦਾ ਵਿਰੋਧ ਸਿਧਾਤਾਂ ਨਾਲ ਹੈ ਕਿਸੇ ਵਿਅਕਤੀ ਵਿਸ਼ੇਸ਼ ਨਾਲ ਨਹੀਂ ਅਤੇ ਸਿੱਖ ਸਿਧਾਤਾਂ ਨਾਲ ਟੱਕਰ ਲੈਣ ਵਾਲੇ ਨਾਲ ਹਰ ਤਰ੍ਹਾਂ ਦੀ ਲੜਾਈ ਲੜੀ ਜਾਵੇਗੀ। ਉਹਨਾਂ ਕਿਹਾ ਕਿ ਭਾਈ ਦਿਲਾਵਰ ਸਿੰਘ ਦਾ ਸ਼ਹੀਦੀ ਸਮਾਗਮ ਵੱਡੀ ਪੱਧਰ ਤੇ ਮਨਾਇਆ ਜਾਵੇ। ਸਤਿਨਾਮ ਸਿੰਘ ਪਾਉਂਟਾ ਨੇ ਕਿਹਾਕਿ ਸਿੱਖ ਆਗੂਆਂ ਦੀ ਬੇਸਮਝੀ ਕਾਰਨ ਹੀ ਸਿੱਖਾਂ ਨੂੰ ਅੰਗਰੇਜ਼ਾਂ ਦੇ ਸਮੇਂ ਤੋਂ ਗੁਲਾਮਾਂ ਵਾਲਾ ਜੀਵਨ ਬਤੀਤ ਕਰਨਾ ਪੈ ਰਿਹਾ ਹੈ। ਸਿੱਖੀ ਨੂੰ ਮੌਜੂਦਾ ਸਮੇਂ ਵਿੱਚ ਅੰਦਰੋਂ ਅਤੇ ਬਾਹਰੋਂ ਦੋ ਪਾਸਿਆਂ ਤੋਂ ਖਤਰਾ ਹੈ ਅਤੇ ਸਿੱਖ ਧਰਮ ਖਤਮ ਕਰਨ ਲਈ ਵੱਡੀ ਪੱਧਰ ਤੇ ਸਾਜਿਸ਼ਾਂ ਹੋ ਰਹੀਆਂ ਹਨ। ਜਥੇਦਾਰ ਮੋਹਨ ਸਿੰਘ ਪਟਿਆਲਾ ਨੇ ਕਿਹਾ ਕਿ ਭਾਰਤ ਵਿੱਚ ਸਿੱਖਾਂ ਦੀਆਂ ਕਾਲੀਆਂ ਸੂਚੀਆਂ ਬਣਾਈਆਂ ਗਈਆਂ ਹਨ ਜਿਹਨਾਂ ਰਾਹੀਂ ਬੇਗੁਨਾਹੇ ਸਿੱਖਾਂ ਨੂੰ ਸਜਾਵਾਂ ਦਿੱਤੀਆਂ ਦਾ ਰਹੀਆਂ ਹਨ। ਇਹ ਕਾਲੀਆਂ ਸੂਚੀਆਂ ਖਤਮ ਹੋਣੀਆਂ ਚਾਹੀਦੀਆਂ ਹਨ। ਪਾਲ ਸਿੰਘ ਫਰਾਂਸ ਨੇ ਕਿਹਾ ਕਿ ਅੱਜ ਵੀ ਬਾਬਾ ਦੀਪ ਸਿੰਘ ਵਾਂਗ ਕੁਰਬਾਨੀਆਂ ਲਈ ਲੀਕ ਖਿੱਚਣੀ ਪਵੇਗੀ। ਸਿੱਖ ਮਾਵਾਂ ਆਪਣੇ ਬੱਚਿਆਂ ਨੂੰ ਚੰਗਾ ਸਿੱਖ ਬਣਨ ਦੀ ਸਿੱਖਿਆ ਦੇਣ ਤਾਂ ਕਿ ਆਉਣ ਵਾਲੇ ਸਮੇਂ ਵਿੱਚ ਪੰਥ ਚੜ੍ਹਦੀ ਕਲਾ ਵਿੱਚ ਰਹੇ। ਸਿੱਖ ਕੌਸ਼ਲ ਇੰਟਰਨੈਸ਼ਨਲ ਦੇ ਭਾਈ ਨਰੈਣ ਸਿੰਘ ਚੌੜਾ ਨੇ ਵੀ ਆਪਣੇ ਵਿਚਾਰ ਪੇਸ਼ ਕੀਤੇ। ਇਸ ਮੌਕੇ ਭਾਈ ਦਿਲਾਵਰ ਸਿੰਘ ਦੇ ਪਿਤਾ ਭਾਈ ਹਰਨੇਕ ਸਿੰਘ ਅਤੇ ਮਾਤਾ ਸੁਰਜੀਤ ਕੌਰ ਨੂੰ ਗੋਲਡ ਮੈਡਲ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਸਿੱਖ ਆਗੂ ਭਾਈ ਨਰੈਣ ਸਿੰਘ ਚੌੜਾ ਦੇ ਕੁਝ ਮਤੇ ਵੀ ਪੇਸ਼ ਕੀਤੇ। ਇਸ ਮੌਕੇ ਤੇ ਉਕਤ ਆਗੂਆਂ ਤੋਂ ਇਲਾਵਾ ਸੰਤ ਗੁਰਮੀਤ ਸਿੰਘ ਤਿਰਲੋਕੇਵਾਲੇ, ਭਾਈ ਨਛੱਤਰ ਸਿੰਘ ਕਲਰ ਭੈਣੀ ਪਟਿਆਲਾ, ਭਾਈ ਜੱਸਾ ਸਿੰਘ ਮੰਡਿਆਲਾ, ਪਰਮਿੰਦਰ ਸਿੰਘ ਵਾਲਿਆਵਾਲੀ, ਗੁਰਜੰਟ ਸਿੰਘ ਬੁੱਟਰ ਬੁਰਜ ਮਹਿਮਾ, ਭਾਈ ਕੰਵਰ ਸਿੰਘ, ਸੁਖਦੇਵ ਸਿੰਘ ਮਿੱਠੜੀ ਤੋਂ ਇਲਾਵਾ ਭਾਰੀ ਗਿਣਤੀ ਵਿੱਚ ਸਿੱਖ ਸੰਗਤ ਹਾਜ਼ਰ ਸਨ।
ਜੈ ਸਿੰਘ ਵਾਲਾ (ਬਠਿੰਡਾ),ਰਣਜੀਤ ਰਾਜੂ 31 ਅਗਸਤ- ਪੂਰੇ 13 ਸਾਲ੍ਹਾਂ ਬਾਅਦ ਸਿੱਖ ਕੌਮ ਦੇ ਮਹਾਨ ਸ਼ਹੀਦ ਭਾਈ ਦਿਲਾਵਰ ਸਿੰਘ ਦੀ ਬਰਸੀ ਉਨ੍ਹਾਂ ਦੇ ਜੱਦੀ ਪਿੰਡ ਜੈ ਸਿੰਘ ਵਾਲ੍ਹਾ ਵਿਖੇ ਮਨਾਈ ਜਾਣੀ ਇੱਕ ਸ਼ਲਾਘਾਯੋਗ ਉ¤ਦਮ ਹੈ, ਉਂਕਤ ਸ਼ਬਦਾਂ ਦਾ ਪ੍ਰਗਟਾਵਾ ਸੰਤ ਸਮਾਜ ਦੇ ਸੀਨ. ਆਗੂ ਸੰਤ ਬਾਬਾ ਬਲਜੀਤ ਸਿੰਘ ਜੀ ਖਾਲਸਾ ਦਾਦੂ ਸਾਹਿਬ ਵਾਲਿਆਂ ਨੇ ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਬੇਅੰਤ ਸਿੰਘ ਨੂੰ ਮੌਤ ਦੇ ਘਾਟ ਉਤਾਰ ਕੇ ਖੁਦ ਵੀ ਸ਼ਹੀਦ ਹੋ ਜਾਣ ਵਾਲੇ ਭਾਈ ਦਿਲਾਵਰ ਸਿੰਘ ਦੀ 13ਵੀਂ ਬਰਸੀ ਮੌਕੇ ਪਿੰਡ ਜੈ ਸਿੰਘ ਵਾਲਾ ਦੇ ਗੁਰਦੁਆਰਾ ਸਾਹਿਬ ਵਿਖੇ ਕਰਵਾਏ ਸ਼ਰਧਾਂਜਲੀ ਸਮਾਗਮ ਮੌਕੇ ਆਪਣੇ ਸੰਬੋਧਨ ਵਿੱਚ ਕੀਤਾ। ਉਨ੍ਹਾਂ ਕਿਹਾ ਕਿ ਕੌਮ ਲਈ ਸ਼ਹੀਦ ਹੋਣ ਵਾਲੇ ਯੋਧਿਆਂ ਨੂੰ ਸੱਚੀ ਸ਼ਰਧਾਂਜਲੀ ਇਹੀ ਦਿੱਤੀ ਜਾ ਸਕਦੀ ਹੈ ਕਿ ਅੱਜ ਹਰ ਸਿੱਖ ਆਪਣੇ ਜ਼ਮੀਰ ਦੀ ਆਵਾਜ਼ ਸੁਣ ਕੇ ਸ਼ਬਦ ਗੁਰੂ ਦੇ ਲੜ ਲੱਗ ਕੇ ਸ਼ਹੀਦਾਂ ਵੱਲੋਂ ਦਰਸਾਏ ਨਕਸ਼ੇ ਕਦਮ ਤੇ ਚੱਲੀਏ। ਸੰਤ ਦਾਦੂਵਾਲ ਨੇ ਸਿੱਖ ਲੀਡਰਾਂ ਨੂੰ ਬੇਨਤੀ ਕੀਤੀ ਕਿ ਉਹ ਸਰਕਾਰ ਦੇ ਝੋਲੀਚੁੱਕ ਬਨਣ ਦੀ ਬਜਾਏ ਸਿੱਖ ਕੌਮ ਦੇ ਨਾਲ ਖੜ੍ਹਨ ਕਿਉਂਕਿ ਸਰਕਾਰ ਦੇ ਝੋਲੀ ਚੁੱਕ ਬਨਣ ਵਾਲਿਆਂ ਨੂੰ ਗੱਦਾਰ ਕਿਹਾ ਜਾਂਦਾ ਹੈ ਅਤੇ ਜਿਸ ਕਿਸੇ ਨੇ ਵੀ ਕੌਮ ਨਾਲ ਗੱਦਾਰੀ ਕੀਤੀ ਉਹ ਬਖਸ਼ਿਆ ਨਹੀਂ ਗਿਆ। ਸੰਤ ਬਲਜੀਤ ਸਿੰਘ ਨੇ ਭਾਸ਼ਣ ਦੌਰਾਨ ਇੱਕ ਵਾਰ ਫਿਰ ਸਪੱਸ਼ਟ ਕੀਤਾ ਕਿ ਉਹ ਸਿਰਸਾ ਸਾਧ ਵਿਰੁੱਧ ਵਿੱਢੇ ਸੰਘਰਸ਼ ਵਿੱਚ ਪਿੱਛੇ ਨਹੀਂ ਹੱਟਣਗੇ ਭਾਵੇਂ ਆਪਣੀ ਜਾਨ ਦੀ ਆਹੂਤੀ ਕਿਉਂ ਨਾ ਦੇਣੀ ਪਵੇ। ਬਰਸੀ ਮੌਕੇ ਸੰਗਤਾਂ ਨੂੰ ਸੰਬੋਧਨ ਕਰਦਿਆਂ ਤਖਤ ਸ੍ਰੀ ਦਮਦਮਾ ਸਾਹਿਬ ਦੇ ਜਥੇਦਾਰ ਗਿਆਨੀ ਬਲਵੰਤ ਸਿੰਘ ਨੰਦਗੜ੍ਹ ਨੇ ਕਿਹਾ ਕਿ ਭਾਈ ਦਿਲਾਵਰ ਸਿੰਘ ਜਿਹੇ ਮਹਾਨ ਯੋਧੇ ਰੋਜ ਰੋਜ ਪੈਦਾ ਨਹੀਂ ਹੁੰਦੇ ਅਤੇ ਅੱਜ ਜਿਵੇਂ ਇਸ ਸ਼ਰਧਾਂਜਲੀ ਸਮਾਗਮ ਵਿੱਚ ਭਾਰੀ ਗਿਣਤੀ ਵਿੱਚ ਲੋਕਾਂ ਦੀ ਸ਼ਮੂਲੀਅਤ ਇੱਕ ਪ੍ਰਸੰਸਾਯੋਗ ਉਪਲੱਧਦੀ ਹੈ। ਜਥੇਦਾਰ ਨੰਦਗੜ੍ਹ ਨੇ ਪੰਜਾਬ ਹਰਿਆਣਾ ਜਾਂ ਰਾਜਸਥਾਨ ਵਿੱਚ ਸਿੱਖਾਂ ਤੇ ਧਾਰਾ 295 ਏ ਦੇ ਪਰਚੇ ਦਰਜ ਕਰਨ ਦੀ ਕਾਰਵਾਈ ਨੂੰ ਅਤਿ ਮੰਦਭਾਗੀ ਕਾਰਵਾਈ ਕਰਾਰ ਦਿੱਤਾ ਅਤੇ ਇਸਨੂੰ ਤੁਰੰਤ ਰੋਕਣ ਦੀ ਗੱਲ ਵੀ ਕਹੀ। ਜਥੇ ਨੰਦਗੜ੍ਹ ਨੇ ਅੱਜ ਇਹ ਵੀ ਕਿਹਾ ਕਿ ਸੌਦਾ ਸਾਧ ਨੂੰ ਸ੍ਰੀ ਅਕਾਲ ਤਖਤ ਸਾਹਿਬ ਤੋਂ ਕਿਸੇ ਵੀ ਕੀਮਤ ਤੇ ਮੁਆਫ ਨਹੀਂ ਕੀਤਾ ਜਾਵੇਗਾ। ਇਸ ਮੌਕੇ ਆਪਣੇ ਸੰਬੋਧਨ ਵਿੱਚ ਦਮਦਮੀ ਟਕਸਾਲ ਦੇ ਸੀਨੀਅਰ ਆਗੂ ਭਾਈ ਮੋਹਕਮ ਸਿੰਘ ਨੇ ਕੌਮ ਦੇ ਨਿਰਾਸ਼ਾਂ ਭਰੇ ਦੌਰ ਵਿੱਚ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਦੀ ਘਾਟ ਨੂੰ ਹੀ ਡੇਰਾਵਾਦ ਦੇ ਵਧਣ ਦਾ ਕਾਰਣ ਦੱਸਿਆ, ਉਨ੍ਹਾਂ ਕਿਹਾ ਕਿ ਜਦੋਂ ਤੱਕ ਕੌਮ ਪੂਰੀ ਤਰ੍ਹਾਂ ਸੰਗਠਿਤ ਨਹੀਂ ਹੋ ਜਾਂਦੀ ਡੇਰਾਵਾਦ ਦਾ ਖਾਤਮਾ ਨਹੀਂ ਹੋ ਸਕਦਾ। ਸ਼ਹੀਦ ਭਾਈ ਦਿਲਾਬਰ ਸਿੰਘ ਦੀ ਬਰਸੀ ਮਨਾਉਣਾ ਇੱਕ ਸ਼ਲਾਘਾਯੋਗ ਉਦਮ ਹੈ। ਸ਼ਰਧਾਂਜਲੀ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਸ਼੍ਰੋਮਣੀ ਅਕਾਲੀ ਦਲ (ਅ) ਪੰਚ ਪ੍ਰਧਾਨੀ ਦੇ ਚੇਅਰਮੈਨ ਭਾਈ ਦਲਜੀਤ ਸਿੰਘ ਬਿੱਟੂ ਨੇ ਕਿਹਾਕਿ ਜਿਸ ਤਰ੍ਹਾਂ ਸੂਰਬੀਰਾਂ ਨੇ ਅਜੀਤ ਸਿੰਘ ਪੂਹਲੇ ਨੂੰ ਜੇਲ੍ਹ ਵਿੱਚ ਵੀ ਸਬਕ ਸਿੱਖਾ ਦਿੱਤਾ, ਉਸੇ ਤਰ੍ਹਾਂ ਕਦੇ ਨਾਂ ਕਦੇ ਸਾਧ ਨੂੰ ਵੀ ਉਸ ਦੀ ਕਰਨੀ ਦਾ ਫਲ ਮਿਲ ਜਾਵੇਗਾ। ਭਾਈ ਬਿੱਟੂ ਨੇ ਕਿਹਾ ਕਿ ਕੇਂਦਰ ਸਰਕਾਰ ਤੇ ਖੁਫੀਆ ਏਜੰਸੀਆਂ ਪੰਜਾਬ ਵਿੱਚ ਸਿੱਖ ਨੌਜਵਾਨੀ ਨੂੰ ਇੱਕ ਸਕੀਮ ਅਧੀਨ ਹੀ ਪਤਿਤਪੁਣੇ ਅਤੇ ਨਸ਼ਿਆਂ ਵੱਲ ਧੱਕ ਰਹੀ ਹੈ। ‘ਅੱਜ ਦੀ ਆਵਾਜ਼’ ਦੇ ਪ੍ਰਬੰਧਕੀ ਸੰਪਾਦਕ ਸ੍ਰ. ਗੁਰਦੀਪ ਸਿੰਘ ਬਠਿੰਡਾ ਨੇ ਡੇਰਾਵਾਦ ਦੇ ਵੱਧਣ ਦਾ ਕਾਰਣ ਮੌਜੂਦਾ ਸਿੱਖ ਲੀਡਰਸ਼ਿਪ ਦੀ ਕਮਜ਼ੋਰੀ ਦਸਦਿਆਂ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲੇ ਵਰਗੇ ਆਗੂ ਦੀ ਹੋਂਦ ਨੂੰ ਜ਼ਰੂਰਤ ਦੱਸਿਆ। ਉਨ੍ਹਾਂ ਸ਼੍ਰੋਮਣੀ ਸਿੱਖ ਇੰਟਰਨੈਸ਼ਨਲ ਅਤੇ ਹੋਰਨਾਂ ਜਥੇਬੰਦੀਆਂ ਵੱਲੋਂ ਭਾਈ ਦਿਲਾਬਰ ਸਿੰਘ ਦੀ ਬਰਸੀ ਮਨਾਉਣ ਨੂੰ ਸ਼ਲਾਘਾਯੋਗ ਕਾਰਵਾਈ ਦੱਸਿਆ। ਇਸ ਸ਼ਰਧਾਂਜਲੀ ਸਮਾਗਮ ਮੌਕੇ ਸ਼ਹੀਦ ਭਾਈ ਦਿਲਾਬਰ ਸਿੰਘ ਦੇ ਪਿਤਾ ਸ੍ਰ. ਹਰਨੇਕ ਸਿੰਘ ਅਤੇ ਮਾਤਾ ਸੁਰਜੀਤ ਕੌਰ ਨੂੰ ਗੋਲਡ ਮੈਡਲ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਮੈਡਲ ਅਤੇ ਸਿਰੋਪੇ ਦੇਣ ਦੀ ਰਸਮ ਜਥੇਦਾਰ ਨੰਦਗੜ੍ਹ ਸੰਤ ਬਲਜੀਤ ਸਿੰਘ ਦਾਦੂਵਾਲ, ਭਾਈ ਬਿੱਟੂ, ਪਾਲ ਸਿੰਘ ਫਰਾਂਸ ਆਦਿ ਨੇ ਨਿਭਾਈ। ਇਸ ਤੋਂ ਪਹਿਲਾਂ ਢਾਡੀ ਜਥਿਆਂ, ਕਵੀਸ਼ਰੀ ਜੱਥਿਆਂ ਨੇ ਧਾਰਮਿਕ ਵਾਰਾਂ ਨਾਲ ਭਾਈ ਦਿਲਾਵਰ ਸਿੰਘ ਦੀ ਬਹਾਦਰੀ ਦਾ ਗੁਣਗਾਨ ਕੀਤਾ। ਪਿੰਡ ਜੈ ਸਿੰਘ ਵਾਲਾ ਦੇ ਨੇੜੇ ਤੇੜੇ ਕਾਫੀ ਤਕੜੇ ਸੁਰੱਖਿਆ ਪ੍ਰਬੰਧ ਕੀਤੇ ਗਏ ਸਨ। ਕਈ ਥਾਵਾਂ ਤੇ ਨਾਕੇ ਲਾ ਕੇ ਤਲਾਸ਼ੀ ਲੈਣ ਤੇ ਸਿਘਾਂ ਦੀਆਂ ਕ੍ਰਿਪਾਨਾਂ ਜਬਤ ਕਰਨ ਦੀਆਂ ਖਬਰਾਂ ਸੁਨਣ ਨੂੰ ਮਿਲੀਆਂ ਹਨ। ਇਸ ਮੌਕੇ ਸ਼ਰਧਾਂਜਲੀ ਸਮਾਗਮ ਤੋਂ ਇਲਾਵਾ ਸ੍ਰੀ ਪਰਮਿੰਦਰ ਸਿੰਘ ਵਾਲਿਆਂ ਵਾਲ੍ਹੀ, ਜ਼ਿਲ੍ਹਾ ਪ੍ਰਧਾਨ ਅਕਾਲੀ ਦਲ (ਮਾਨ) ਜਸਟਿਸ ਅਜੀਤ ਸਿੰਘ ਬੈਂਸ, ਦਲ ਖਾਲਸਾ ਦੇ ਭਾਈ ਸਤਨਾਮ ਸਿੰਘ ਪਾਉਂਟਾ ਸਾਹਿਬ, ਆਖੰਡ ਕੀਰਤਨੀ ਜਥੇ ਦੇ ਭਾਈ ਬਲਦੇਵ ਸਿੰਘ, ਅਕਾਲੀ ਦਲ ਪੰਚ ਪ੍ਰਧਾਨ ਦੇ ਜਥੇਦਾਰ ਦਰਸ਼ਨ ਸਿੰਘ ਜਗ੍ਹਾ ਰਾਮ ਤੀਰਥ, ਭਾਈ ਗੁਰਜੰਟ ਸਿੰਘ ਬੁਰਜ ਮਹਿਮਾ, ਭਾਈ ਪਾਲ ਸਿੰਘ ਫਰਾਂਸ, ਸ੍ਰ. ਭਰਪੂਰ ਸਿੰਘ, ਇੰਚਾਰਜ ਉ¤ਪ ਦਫਤਰ ਧਰਮ ਪ੍ਰਚਾਰ ਕਮੇਟੀ ਤਲਵੰਡੀ ਸਾਬੋ, ਭਾਈ ਨਰਾਇਣ ਸਿੰਘ ਚੌਰ੍ਹਾ, ਬਾਬਾ ਗੁਰਮੀਤ ਸਿੰਘ ਤ੍ਰਿਲੋਕੇਵਾਲਾ ਆਦਿ ਨੇ ਵੀ ਸੰਬੋਧਨ ਕੀਤਾ। ਇਸ ਮੌਕੇ ਸ੍ਰੀ ਸਹਿਜ ਪਾਠਾਂ ਦੇ ਭੋਗ ਪਾਏ ਗਏ ਅਤੇ ਗੁਰੂ ਕਾ ਅਤੁੱਟ ਲੰਗਰ ਵੀ ਵਰਤਾਇਆ ਗਿਆ।

ਯੂਨੀਵਰਸਿਟੀ ਦੇ ਨਾਂ ‘ਚੋਂ 'ਸਿੱਖ‘ ਸ਼ਬਦ ਕੱਢਣ ਦਾ ਪੰਚ ਪ੍ਰਧਾਨੀ ਵਲੋਂ ਵਿਰੋਧ
ਪੰਥਕ ਧਿਰਾਂ ਅਤੇ ਸਿੱਖ ਚਿੰਤਕ ਇਸ ਮੁੱਦੇ ‘ਤੇ ਇਕਠੇ ਹੋਣ : ਭਾਈ ਚੀਮਾ

ਫ਼ਤਿਹਗੜ੍ਹ ਸਾਹਿਬ 31 ਅਗਸਤ (ਪਰਦੀਪ ਸਿੰਘ ਖਾਲਸਾ) ਸ਼੍ਰੋਮਣੀ ਅਕਾਲੀ ਦਲ ਪੰਚ ਪ੍ਰਧਾਨੀ ਦੇ ਪ੍ਰਜ਼ੀਡੀਅਮ ਮੈਂਬਰ ਭਾਈ ਹਰਪਾਲ ਸਿੰਘ ਚੀਮਾ ਨੇ ਫ਼ਤਿਹਗੜ੍ਹ ਸਾਹਿਬ ਵਿਖੇ ਸਥਾਪਿਤ ਕੀਤੀ ਜਾ ਰਹੀ 'ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿਸ਼ਵ ਸਿੱਖ ਯੂਨੀਵਰਸਿਟੀ‘ ਦੇ ਨਾਂ ਵਿਚੋਂ ਸਿੱਖ ਸ਼ਬਦ ਕੱਢ ਦੇਣ ਦੀ ਸਖਤ ਨਿਖੇਧੀ ਕੀਤੀ ਹੈ ਜ਼ਿਕਰਯੋਗ ਹੈ ਕਿ ਪੰਜਾਬ ਸਰਕਾਰ ਅਤੇ ਸ਼੍ਰੋਮਣੀ ਕਮੇਟੀ ਨੇ ਹੁਣ ਇਸ ‘ਵਰਸਿਟੀ ਦੇ ਨਾਂ ‘ਚੋਂ ਸਿੱਖ ਸ਼ਬਦ ਕੱਢ ਕੇ ਹੁਣ ਇਸਦਾ ਨਾਂ 'ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿਸ਼ਵ ਯੂਨੀਵਰਸਿਟੀ‘ ਰੱਖ ਦਿਤਾ ਹੈ। ਭਾਈ ਚੀਮਾ ਨੇ ਕਿਹਾ ਕਿ ਪੰਥ ਅਤੇ ਪੰਜਾਬ ਵਿਰੋਧੀ ਸ਼ਕਤੀਆ ਨੇ ਪਹਿਲਾਂ ਪੰਜਾਬ ਯੂਨੀਵਰਸਿਟੀ ਨੂੰ ਸਾਡੇ ਤੋਂ ਖੋਹਣ ਦਾ ਰਾਹ ਪੱਧਰਾ ਕਰ ਲਿਆ ਹੈ ਤੇ ਹੁਣ ਇਨ੍ਹਾਂ ਇਸ ਨਵੀਂ ਬਣਨ ਜਾ ਰਹੀ ਯੂਨੀਵਰਸਿਟੀ ਤੇ ਵੀ ਅੱਖ ਰੱਖ ਲਈ ਹੈ। ਇਸ ਯੂਨੀਵਰਸਿਟੀ ਦੇ ਐਲਾਨ ਵਾਲੇ ਦਿਨ ਤੋਂ ਹੀ ਇਸਨੂੰ ਸਿੱਖ ਯੂਨੀਵਰਸਿਟੀ ਪ੍ਰਚਾਰਿਆ ਜਾ ਰਿਹਾ ਸੀ ਪਰ ਇਸਦਾ ਨੀਂਹ ਪੱਥਰ ਰੱਖਣ ਤੋਂ ਐਨ੍ਹ ਪਹਿਲਾਂ ਇਸਦੇ ਨਾਂ ਵਿਚੋਂ 'ਸਿੱਖ‘ ਸ਼ਬਦ ਕੱਢ ਦੇਣਾ ਕਈ ਸਵਾਲਾਂ ਨੂੰ ਜਨਮ ਦਿੰਦਾ ਹੈ। ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਕਮੇਟੀ ਅਤੇ ਬਾਦਲ ਸਰਕਾਰ ਨੇ ਇਹ ਕਦਮ ਭਾਜਪਾ, ਆਰ. ਐਸ. ਐਸ. ਤੇ ਆਰੀਆ ਸਮਾਜੀਆਂ ਦੇ ਕਹਿਣ ‘ਤੇ ਚੁੱਕਿਆ ਹੈ ਤਾਂ ਜੋ ਬਾਅਦ ਵਿਚ ਇਸ ਗੱਲ ਨੂੰ ਅਧਾਰ ਬਣਾ ਕੇ ਇਥੋਂ ਬਿਪਰਵਾਦ ਨੂੰ ਹਵਾ ਦਿੱਤੀ ਜਾ ਸਕੇ ਕਿ 'ਇਹ ਇਕੱਲੇ ਸਿੱਖਾਂ ਦੀ ਯੂਨੀਵਰਸਿਟੀ ਨਹੀਂ, ਇਸ ਦੇ ਤਾਂ ਨਾਮ ਵਿਚ ਵੀ 'ਸਿੱਖ‘ ਸ਼ਬਦ ਨਹੀਂ ਅਤੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਤਾਂ ਸਭ ਦੇ ਸਾਂਝੇ ਹਨ।‘
ਭਾਈ ਚੀਮਾ ਨੇ ਕਿਹਾ ਕਿ ਇਸ ਵਾਪਰ ਰਹੇ ਵਰਤਾਰੇ ਦਾ ਪਿਛੋਕੜ ਇਤਿਹਾਸ ਵਿਚ ਛੁਪਿਆ ਹੋਇਆ ਹੈ ਤੇ ਇਹ ਸਾਡੇ ਵਿਰੁਧ ਛੇੜੀ ਹੋਈ ਸਭਿਆਚਾਰਿਕ ਜੰਗ ਦਾ ਹੀ ਇਕ ਹਿੱਸਾ ਹੈ। ਉਨ੍ਹਾਂ ਕਿਹਾ ਕਿ 1969 ਵਿਚ ਵੀ ਗੁਰੂ ਨਾਨਕ ਸਾਹਿਬ ਦੇ ਨਾਂ ਹੇਠ ਯੂਨਵਰਸਿਟੀ ਦੀ ਸਥਾਪਨਾ ਦਾ ਆਰੀਆ ਸਮਾਜੀਆਂ ਅਤੇ ਹੋਰ ਹਿੰਦੁਵਾਦੀਆਂ ਨੇ ਜੰਮ ਕੇ ਵਿਰੋਧ ਕੀਤਾ ਸੀ। ਉਨਾਂ ਇਸ ਸਬੰਧੀ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦੀ ਸਥਾਪਨਾ ਵਿਰੁਧ ਉਠੇ ਵਿਰੋਧ ਅਤੇ ਬਾਅਦ ਵਿਚ ਉਸ ‘ਤੇ ਕਾਮਰੇਡ ਤਬਕੇ ਨੂੰ ਭਾਰੂ ਕਰ ਦੇਣ ਦੀਆਂ ਉਦਾਹਰਨਾਂ ਦਿੰਦੇ ਹੋਏ ਕਿਹਾ ਕਿ ਹੁਣ ਫ਼ਤਿਹਗੜ੍ਹ ਸਾਹਿਬ ਵਿਚ ਸਥਾਪਿਤ ਹੋ ਰਹੀ ਯੂਨੀਵਰਿਸਟੀ ਦੇ ਨਾਂ ਵਿਚੋਂ ਸਿੱਖ ਸ਼ਬਦ ਕੱਢ ਦੇਣ ਅਤੇ ਪੰਜਾਬ ਯੂਨੀਵਰਸਿਟੀ ਨੂੰ ਵੀ 'ਫ਼ੰਡਾਂ‘ ਦਾ ਇਕ ਨਿਰਅਧਾਰ ਬਹਾਨਾ ਵਰਤ ਕੇ ਕੇਂਦਰ ਦੇ ਹੱਥਾਂ ਵਿਚ ਧੱਕ ਦੇਣ ਦੀ ਹੋ ਰਹੀ ਕੋਸ਼ਿਸ਼ ਪਿੱਛੇ ਵੀ ਉਹੀ ਤਾਕਤਾਂ ਕੰਮ ਕਰ ਰਹੀਆ ਹਨ ਜਿਨਾਂ ਨੇ 'ਗੁਰੂ ਨਾਨਕ ਯੂਨੀਵਰਸਿਟੀ‘ ਅਤੇ 'ਪੰਜਾਬੀ ਯੂਨੀਵਰਸਿਟੀ‘ ਦਾ ਵਿਰੋਧ ਕੀਤਾ ਸੀ। ਭਾਈ ਚੀਮਾ ਨੇ ਪੰਥਕ ਦਰਦ ਰੱਖਣ ਵਾਲੀਆ ਸਮੁਚੀਆਂ ਧਿਰਾਂ, ਵਿਦਵਾਨਾਂ ਅਤੇ ਸਿੱਖ ਚਿੰਤਕਾਂ ਨੂੰ ਅਪੀਲ ਕੀਤੀ ਕਿ ਉਹ ਇਸਦਾ ਇਕੱਠੇ ਹੋ ਕੇ ਵਿਰੋਧ ਕਰਨ ਅਤੇ ਬਾਦਲ ਸਰਕਾਰ ਤੇ ਸ਼੍ਰੋਮਣੀ ਕਮੇਟੀ ਨੂੰ ਇਸ ਯੂਨੀਵਰਸਿਟੀ ਦੇ ਨਾਂ ਵਿਚ ਫਿਰ ਤੋਂ 'ਸਿੱਖ‘ ਸ਼ਬਦ ਜੋੜਨ ਲਈ ਮਜ਼ਬੂਰ ਕਰ ਦੇਣ ਤਾਂ ਜੋ ਵਿਸ਼ਵ ਭਰ ਵਿਚ ਇਸ ਯੂਨੀਵਰਸਿਟੀ ਰਾਹੀ ਸਿੱਖਾਂ ਦੀ ਪਹਿਚਾਣ ਹੋਵੇ ਅਤੇ ਸਿੱਖੀ ਦਾ ਸਹੀ ਪ੍ਰਚਾਰ ਹੋ ਸਕੇ। ਉਨ੍ਹਾ ਅੱਗੇ ਕਿਹਾ ਕਿ ਸ੍ਰੀ ਗੁਰੁ ਗ੍ਰੰਥ ਸਾਹਿਬ ਦੇ ਨਾਂ ਹੇਠ ਬਣ ਰਹੀ ਯੂਨੀਵਰਸਿਟੀ ਦਾ ਨੀਂਹ ਪੱਥਰ ਸਿੱਖ ਸਿਧਾਂਤ ਅਨੁਸਾਰ ਪੰਜ ਪਿਆਰਿਆਂ ਵਲੋਂ ਰੱਖਿਆ ਜਾਣਾ ਚਾਹੀਦਾ ਸੀ ਪਰ ਸ. ਪ੍ਰਕਾਸ਼ ਸਿੰਘ ਬਾਦਲ ਵਲੋਂ ਰੱਖਿਆ ਜਾਣ ਵਾਲਾ ਯੂਨੀਵਰਸਿਟੀ ਦਾ ਨੀਂਹ ਪੱਥਰ ਸਿੱਖ ਸਿਧਾਂਤਾਂ ਅਤੇ ਪੰਥਕ ਮਰਿਯਾਦਾ ਦੇ ਬਿਲਕੁਲ ਉਲਟ ਹੈ।

ਨੌਜਵਾਨ ਨੇ ਚਾਕੂ ਮਾਰ ਕੇ ਵਿਅਕਤੀ ਨੂੰ ਕੀਤਾ ਗੰਭੀਰ ਜ਼ਖਮੀ
ਮਾਮੂਲੀ ਪੈਸਿਆਂ ਦੀ ਖਾਤਰ ਕੀਤਾ ਹਮਲਾ

ਮਲਸੀਆਂ, 31 ਅਗਸਤ (ਸੁਖਦੀਪ ਸਚਦੇਵਾ) ਮਾਮੂਲੀ ਪੈਸਿਆਂ ਦੀ ਖਾਤਰ ਇੱਕ ਨੌਜਵਾਨ ਵੱਲੋਂ ਇੱਕ ਵਿਅਕਤੀ ਨੂੰ ਚਾਕੂ ਮਾਰ ਕੇ ਗੰਭੀਰ ਜ਼ਖਮੀ ਕਰ ਦੇਣ ਦਾ ਸਮਾਚਾਰ ਮਿਲਿਆ ਹੈ . ਪ੍ਰਾਪਤ ਜਾਣਕਾਰੀ ਦੇ ਅਨੁਸਾਰ ਮਲਸੀਆਂ ਦੇ ਬਜ਼ਾਰ ਵਿੱਚ ਬੀਤੀ ਦੇਰ ਰਾਤ ਹਰੀ ਕ੍ਰਿਸ਼ਨ ਗਰੋਵਰ ਪੁੱਤਰ ਰੌਸ਼ਨ ਲਾਲ ਗਰੋਵਰ ਵਾਸੀ ਮਲਸੀਆਂ ਬਜ਼ਾਰ ਵਿੱਚ 500 ਰੁਪਏ ਦਾ ਨੋਟ ਤੁੜਵਾ ਕੇ ਆਪਣੇ ਘਰ ਵੱਲ ਚੱਲ ਪਿਆ . ਆਪਣੇ ਘਰ ਤੋਂ ਕੁੱਝ ਕੁ ਹੀ ਦੂਰੀ ਤੇ ਸੀ ਕਿ ਉਸ ਦਾ ਪਿੱਛਾ ਕਰ ਰਹੇ ਇੱਕ ਨੌਜਵਾਨ ਦੇਬੀ ਪੁੱਤਰ ਸਫੀ ਵਾਸੀ ਪੱਤੀ ਅਕਲਪੁਰ ਮਲਸੀਆਂ ਨੇ ਉਸ ਨੂੰ ਪਿੱਛੋਂ ਦੀ ਆ ਕੇ ਫੜ੍ਹ ਲਿਆ ਤੇ ਜੇਬ ਵਿੱਚੋਂ ਪੈਸੇ ਕੱਢਣ ਦੀ ਕੋਸਿ਼ਸ਼ ਕੀਤੀ , ਉਸ ਨੌਜਵਾਨ ਨੇ ਆਪਣੀ ਜੇਬ ਵਿੱਚੋਂ ਚਾਕੂ ਰੱਖਿਆ ਹੋਇਆ ਸੀ ਅਤੇ ਉਸ ਨੇ ਚਾਕੂ ਕੱਢ ਕੇ ਹਰੀ ਕ੍ਰਿਸ਼ਨ ਦੇ ਮਾਰਨਾ ਸ਼ੁਰੂ ਕਰ ਦਿੱਤਾ . ਹਰੀ ਕ੍ਰਿਸ਼ਨ ਨੇ ਆਪਣਾ ਬਚਾਅ ਕਰਨ ਲਈ ਪੂਰੀ ਕੋਸਿ਼ਸ਼ ਕੀਤੀ ਅਤੇ ਕਾਫੀ ਰੌਲਾ ਪਾਇਆ . ਇਸੇ ਦੌਰਾਨ ਆਪਣੇ ਆਪ ਨੂੰ ਬਚਾਉਂਦੇ ਹੋਏ ਚਾਕੂ ਦੇਬੀ ਦੇ ਵੀ ਵੱਜ ਗਿਆ . ਰਸਤੇ ਵਿੱਚ ਆ ਰਹੇ ਗੁਰਸੇਵਕ ਸਿੰਘ ਮਲਸੀਆਂ ਨੇ ਮੌਕੇ ਤੇ ਪਹੁੰਚ ਕੇ ਦੇਬੀ ਨੂੰ ਪਾਸੇ ਕੀਤਾ ਪਰ ਫਿਰ ਵੀ ਦੇਬੀ ਚਾਕੂ ਨਾਲ ਹਮਲਾ ਕਰਦਾ ਰਿਹਾ . ਜਿਸ ਕਾਰਨ ਉਸ ਕੋਲੋਂ ਚਾਕੂ ਹਰੀ ਕ੍ਰਿਸ਼ਨ ਦੇ ਢਿੱਡ, ਬਾਹਾਂ ਅਤੇ ਛਾਤੀ ਤੇ ਵੱਜਿਆ ਅਤੇ ਹਰੀ ਕ੍ਰਿਸ਼ਨ ਗੰਭੀਰ ਜ਼ਖਮੀ ਹੋ ਗਿਆ . ਆਸ-ਪਾਸ ਦੇ ਲੋਕ ਰੌਲਾ ਸੁਣਦੇ ਹੀ ਉਥੇ ਪਹੁੰਚੇ ਅਤੇ ਦੇਬੀ ਨੂੰ ਕਾਬੂ ਕਰ ਲਿਆ . ਮੌਕੇ ‘ਤੇ ਮਲਸੀਆਂ ਚੌਕੀ ਵਿੱਚ ਇਤਲਾਹ ਕਰਨ ਤੇ ਚੌਕੀਂ ਇੰਚਾਰਜ ਏ।ਐਸ।ਆਈ। ਹਰਜੀਤ ਸਿੰਘ ਮੌਕੇ ‘ਤੇ ਪਹੁੰਚ ਗਏ ਅਤੇ ਦੇਬੀ ਨੂੰ ਗ੍ਰਿਫਤਾਰ ਕਰ ਲਿਆ . ਹਮਲੇ ਵਿੱਚ ਜ਼ਖਮੀ ਹੋਏ ਹਰੀ ਕ੍ਰਿਸ਼ਨ ਨੂੰ ਨੇੜਲੇ ਮਲਸੀਆਂ ਦੇ ਇੱਕ ਪ੍ਰਾਈਵੇਟ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ . ਚੌਕੀਂ ਇੰਚਾਰਜ ਹਰਜੀਤ ਸਿੰਘ ਪਨੂੰ ਨੇ ਦੱਸਿਆ ਕਿ ਜ਼ਖਮੀ ਹੋਏ ਹਰੀ ਕ੍ਰਿਸ਼ਨ ਦੇ ਬਿਆਨਾਂ ਦੇ ਅਧਾਰ ਤੇ ਪਰਚਾ ਦਰਜ ਕਰ ਦਿੱਤਾ ਜਾਵੇਗਾ ਅਤੇ ਦੇਬੀ ਦੇ ਵੀ ਕੁੱਝ ਕੁ ਸੱਟਾਂ ਲੱਗੀਆ ਹਨ, ਜਿਸ ਕਰਕੇ ਉਹ ਸ਼ਾਹਕੋਟ ਦੇ ਸਰਕਾਰੀ ਹਸਪਤਾਲ ਵਿੱਚ ਇਲਾਜ ਅਧੀਨ ਹੈ .

ਕੁੜੀਆਂ
( ਕਰਮਜੀਤ ਸਿੰਘ ਸ਼ਾਹੀ )

ਮਮਤਾ ਵਿੱਚ ਡੁੱਬ ਕੇ ਜਨਮ ਦੇਵਣ
ਸਭ ਨੂੰ ਸੰਸਾਰ ਦਿਖਾਉਣ ਕੁੜੀਆਂ।

ਇੱਜ਼ਤ, ਸ਼ਰਮ, ਹਯਾ ਦਾ ਪਹਿਨ ਗਹਿਣਾ,
ਇੱਜ਼ਤ ਮਾਂ ਬਾਪ ਦੀ ਨੂੰ ਵਧਾਉਣ ਕੁੜੀਆਂ।

ਅਣਖ ਆਪਣੀ ਨੂੰ ਸਦਾ ਸਾਂਭ ਰੱਖਣ
ਸੁੱਖ ਵੀਰਾਂ ਦੀ ਸਦਾ ਮਨਾਉਣ ਕੁੜੀਆਂ।

ਜਨਮ ਪੇਕਿਆਂ ਦੇ ਘਰ ਲੈਂਦੀਆਂ ਨੇ
ਪਰ ਬੁੱਢੀਆਂ ਹੋਣ ਤੱਕ ਸਹੁਰੀਂ ਕਮਾਉਣ ਕੁੜੀਆਂ।

ਚੜ੍ਹੀ ਜਵਾਨੀ ਤੇ ਬਿਗਾਨੀਆਂ ਹੋ ਜਾਵਣ
ਡੋਲੀ ਬੈਠ ਮਾਂ ਬਾਪ ਨੂੰ ਰੁਆਉਣ ਕੁੜੀਆਂ

ਧੀਆਂ ਤੋਰੀਆਂ ਰਾਜਿਆਂ ਰਾਣਿਆਂ ਨੇ
ਪੇਕੇ ਘਰ ਨਾ ਕਦੇ ਸਮਾਉਣ ਕੁੜੀਆਂ।

ਲਾਜ ਜੱਗ ਦੀ ਤੇ ਗਹਿਣਾ ਸ਼ਰਮ ਵਾਲਾ,
ਸਾਰੀ ਉਮਰ ਜਿਸਮ ਤੇ ਹੰਢਾਉਣ ਕੁੜੀਆਂ।

ਭਾਵੇਂ ਲੱਖਾਂ ਦੁੱਖ ਨੇ ਮਰਦ ਦਿੰਦੇ
ਸੁੱਖ ਇਨ੍ਹਾਂ ਦੀ ਫਿਰ ਵੀ ਮਨਾਉਣ ਕੁੜੀਆਂ।

ਬੇਬਸੀ, ਗਰੀਬੀ, ਲਾਚਾਰੀ ਕਾਰਣ,
ਮਾਪੇ ਖੂਹਾਂ ਦੇ ਵਿੱਚ ਡੁਬਾਉਣ ਕੁੜੀਆਂ।

ਕਦੇ ਬਣ ਧੀਆਂ ਕਦੇ ਬਣ ਨੂੰਹਾਂ
ਮਾਵਾਂ ਵਾਲੇ ਇਹ ਫਰਜ਼ ਨਿਭਾਉਣ ਕੁੜੀਆਂ।

ਪੁੱਤ ਮਾਪਿਆਂ ਨੂੰ ਭਾਵੇਂ ਭੁੱਲ ਜਾਵਣ,
ਦੁੱਖ ਸੁੱਖ ਮਾਪਿਆਂ ਦੇ ਵਿਚ ਖਲੌਣ ਕੁੜੀਆਂ।

ਸ਼ਾਹੀ ਕਦੇ ਨਾ ਫਰਜ਼ ਤੋਂ ਮੁੱਖ ਮੋੜਣ
ਘਰ ਨੂੰ ਸਵਰਗ ਦਾ ਰੂਪ ਬਣਾਉਣ ਕੁੜੀਆਂ।

ਕਰਮਜੀਤ ਸਿੰਘ ਸ਼ਾਹੀ ਨੂੰ ਉਹਨਾ ਦੀ ਬੇਟੀ ਨਵਦੀਪ ਕੌਰ ਸ਼ਾਹੀ ਦੇ ਜਨਮ ਦਿਨ ਤੇ ਵਧਾਈ ਹੋਵੇ।

ਅੱਜ ਬਾਦਲ ਦੀ ਫ਼ੇਰੀ ਮੌਕੇ ਆਹਲੂਵਾਲੀਆ ਦੀ ਨਿਯੁਕਤੀ ਵਿਰੁਧ ਰੋਸ ਪ੍ਰਦਰਸ਼ਨ ਹੋਵੇਗਾ

ਫ਼ਤਿਹਗੜ੍ਹ ਸਾਹਿਬ 31 ਅਗਸਤ (ਪਰਦੀਪ ਸਿੰਘ ਖਾਲਸਾ) ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਵਿਸਵ ਯੂਨੀਵਰਸਿਟੀ ਦਾ ਨੀਂਹ ਪੱਥਰ ਰੱਖਣ ਆ ਰਹੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦਾ ਆਹਲੂਵਾਲੀਆ ਦੀ ਵਾਈਸ ਚਾਂਸਲਰ ਵਜੋਂ ਨਿਯੁਕਤੀ ਦੇ ਵਿਰੋਧ ਵਿਚ ਸਿੱਖਾਂ ਵਲੋਂ ਵਿਰੋਧ ਪ੍ਰਦਰਸ਼ਨ ਕੀਤਾ ਜਾ ਰਿਹਾ ਹੈ। ਅੱਜ ਇਸ ਸਬੰਧੀ ਸ਼੍ਰੋਮਣੀ ਕਮੇਟੀ ਮੈਂਬਰਾਂ ਭਾਈ ਰਵਿੰਦਰ ਸਿੰਘ ਖਾਲਸਾ ਅਤੇ ਬੀਬੀ ਸੁਰਿੰਦਰ ਕੌਰ ਨੇ ਅੱਜ ਇਕ ਮੀਟਿੰਗ ਦੌਰਾਨ ਕਿਹਾ ਕਿ ਪੰਜਾਬ ਸਰਕਾਰ ਤੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਫ਼ਤਿਹਗੜ੍ਹ ਸਾਹਿਬ ਵਿਖੇ ਸ੍ਰੀ ਗੁਰੁ ਗ੍ਰੰਥ ਸਾਹਿਬ ਦੇ ਨਾਂ ਹੇਠ ਸਥਾਪਿਤ ਕੀਤੀ ਜਾ ਰਹੀ ਯੂਨੀਵਰਸਿਟੀ ਦੇ ਵੀ.ਸੀ. ਵਜੋਂ ਜਸਬੀਰ ਸਿੰਘ ਆਹਲੂਵਾਲੀਆ ਦੀ ਨਿਯੁਕਤੀ ਦੇ ਫ਼ੈਸਲੇ ਨੂੰ ਸਿੱਖ ਪੰਥ ਦੇ ਭਾਰੀ ਵਿਰੋਧ ਦੇ ਬਾਵਯੂਦ ਅਜੇ ਤੱਕ ਵੀ ਵਾਪਸ ਨਹੀਂ ਲਿਆ। ਉਨ੍ਹਾਂ ਕਿਹਾ ਕਿ ਭਲਕੇ 1 ਸਤੰਬਰ ਨੂੰ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੀ ਫ਼ਤਿਹਗੜ੍ਹ ਸਾਹਿਬ ਆਮਦ ‘ਤੇ ਇਸ ਮੁੱਦੇ ‘ਤੇ ਸਿੱਖਾਂ ਵਲੋਂ ਸਾਂਤਮਈ ਰਹਿ ਕੇ ਭਾਰੀ ਰੋਸ ਪ੍ਰਦਰਸ਼ਨ ਕੀਤਾ ਜਾਵੇਗਾ।
ਭਾਈ ਖ਼ਾਲਸਾ ਅਤੇ ਬੀਬੀ ਸੁਰਿੰਦਰ ਕੌਰ ਨੇ ਕਿਹਾ ਕਿ ਅਸੀਂ ਇਸ ਯੂਨੀਵਟਸਿਟੀ ਦੀ ਕੀਤੀ ਜਾ ਰਹੀ ਸਥਾਪਨਾ ਦੀ ਸ਼ਲਾਘਾ ਕਰਦੇ ਹਾਂ ਅਤੇ ਇਸ ਦੀ ਪੰਥ ਨੂੰ ਲੋੜ ਵੀ ਹੈ ਪਰ ਡਾ. ਜਸਬੀਰ ਸਿੰਘ ਆਹਲੂਵਾਲੀਆ ਅਚਰਨ ਪੱਖੋਂ ਬਹੁਤ ਹੀ ਗੰਭੀਰ ਦੋਸ਼ਾਂ ਦਾ ਸਾਹਮਣਾ ਕਰ ਰਿਹਾ ਹੈ ਤੇ ਇਸ ਸਬੰਧ ਵਿਚ ਅਦਾਲਤਾਂ ਵਿਚ ਉਸ ‘ਤੇ ਕੇਸ ਵੀ ਚਲ ਰਹੇ ਹਨ ਜਿਸ ਕਾਰਨ ਉਹ ਕਿਸੇ ਵੀ ਹਾਲਾਤ ਵਿਚ ਸ਼ਬਦ ਗੁਰੂ ਦੇ ਨਾਂ ਹੇਠ ਬਣਨ ਜਾ ਰਹੀ ‘ਵਰਸਿਟੀ ਦੇ ਕਿਸੇ ਵੀ ਆਹੁਦੇ ‘ਤੇ ਬਣੇ ਰਹਿਣ ਦੇ ਯੋਗ ਨਹੀਂ ਹੈ। ਇਸ ਲਈ ਸਿੱਖ ਪੰਥ ਦੀ ਮੰਗ ਅਨੁਸਾਰ ਸਰਕਾਰ ਤੇ ਸ਼੍ਰੋਮਣੀ ਕਮੇਟੀ ਆਹਲੂਵਾਲੀਆ ਦੀ ਵੀ.ਸੀ ਵਜੋਂ ਨਿਯੁਕਤੀ ਨੂੰ ਤੁਰੰਤ ਰੱਦ ਕਰੇ ਅਤੇ ਕਿਸੇ ਯੋਗ ਤੇ ਸਮਰਪਣ ਭਾਵਨਾ ਵਾਲੇ ਵਿਅਕਤੀ ਨੂੰ ਹੀ ਇਹ ਸੇਵਾ ਸੌਂਪੇ। ਉਨ੍ਹਾਂ ਕਿਹਾ ਕਿ ਅਸੀਂ ਪਹਿਲਾਂ ਵੀ ਬਾਦਲ ਸਾਹਿਬ ਨੂੰ ਇਸ ਸਬੰਧੀ ਬੇਨਤੀ ਕਰਿ ਚੁੱਕੇ ਹਾਂ ਪਰ ਉਨ੍ਹਾਂ ਦਾ ਇਸ ਸਬੰਧੀ ਕੋਈ ਹੁੰਗਾਰਾ ਨਹੀਂ ਮਿਲਿਆਂ। ਇਸ ਲਈ ਕੱਲ੍ਹ ਸ. ਬਾਦਲ ਦੀ ਆਮਦ ‘ਤੇ ਸਿੱਖਾਂ ਵਲੋਂ ਇਸ ਮੰਗ ਨੂੰ ਲੈ ਕੇ ਸਾਂਤਮਈ ਰੋਸ ਪ੍ਰਦਰਸ਼ਨ ਕੀਤਾ ਜਾਵੇਗਾ ਉਨ੍ਹਾਂ ਪੰਥਕ ਦਰਦ ਰੱਖਣ ਵਾਲੀਆਂ ਸਮੁੱਚੀਆਂ ਧਿਰਾਂ ਨੂੰ ਇਸ ਰੋਸ ਪ੍ਰਦਰਸ਼ਨ ਵਿਚ ਪਹੁੰਚਣ ਦੀ ਅਪੀਲ ਵੀ ਕੀਤੀ। ਇਸ ਮੀਟਿੰਗ ਵਿਚ ਸ਼੍ਰੋਮਣੀ ਅਕਾਲੀ ਦਲ ਪੰਚ ਪ੍ਰਧਾਨੀ ਦੇ ਕੌਮੀ ਪੰਚ ਭਾਈ ਹਰਪਾਲ ਸਿੰਘ ਚੀਮਾ, ਜਨਰਲ ਸਕੱਤਰ ਅਮਰੀਕ ਸਿੰਘ ਈਸੜੂ, ਜਿਲ੍ਹਾ ਪ੍ਰਧਾਨ ਭਾਈ ਹਰਿੰਦਰ ਪਾਲ ਸਿੰਘ ਰੁੜਕੀ ਅਤੇ ਸ. ਜਗਪਾਲ ਸਿੰਘ ਭੰਗੂ ਨੇ ਵੀ ਸ਼ਮੂਲੀਅਤ ਕੀਤੀ।

ਬਾਰੂਦੀ ਸੁਰੰਗ ਧਮਾਕੇ ‘ਚ 12 ਪੁਲਿਸਕਰਮੀ ਹਲਾਕ

ਜਮਸ਼ੇਦਪੁਰ, 30 ਅਗਸਤ 2008 - ਝਾਰਖੰਡ ਦੇ ਮਾਓਵਾਦੀ ਪ੍ਰਭਾਵਿਤ ਸਿੰਧਭੂਮ ਜ਼ਿਲ੍ਹੇ ਵਿਚ ਅੱਜ 12 ਪੁਸਿਲਕਰਮੀਆਂ ਦੀ ਉਸ ਸਮੇਂ ਮੌਤ ਹੋ ਗਈ ਜਦੋਂ ਉਨ੍ਹਾਂ ਦਾ ਵਾਹਨ ਬਾਰੂਦੀ ਸੁਰੰਗ ਦੀ ਚਪੇਟ ਵਿਚ ਆ ਗਿਆ। ਇਕ ਸੀਨੀਅਰ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਦਿਘਾ ਪੁਲਿਸ ਪਿਕੇਟ ਦੇ ਐਸਐਚਓ ਸਬ ਇੰਸਪੈਕਟਰ ਰਵੀ ਕਾਂਤ ਦੀ ਅਗਵਾਈ ਵਿਚ ਪੁਲਿਸ ਕਰਮੀ ਲੰਬੀ ਦੂਰੀ ਦੀ ਗਸ਼ਤ ਕਰ ਰਹੇ ਸਨ। ਉਸ ਸਮੇਂ ਸ਼ੱਕੀ ਮਾਓਵਾਦੀਆਂ ਵਲੋਂ ਲਗਾਈ ਗਈ ਇਕ ਬਾਰੂਦੀ ਸੁਰੰਗ ਵਿਚ ਧਮਾਕਾ ਹੋ ਗਿਆ। ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਵਾਹਨ ਵਿਚ ਸਵਾਰ ਪੁਲਿਸ ਕਰਮੀਆਂ ਦੀ ਮੌਕੇ ਉੱਤੇ ਹੀ ਮੌਤ ਹੋ ਗਈ।ਉਨ੍ਹਾਂ ਦੱਸਿਆ ਸੀਨੀਅਰ ਪੁਲਿਸ ਅਧਿਕਾਰੀ ਘਟਨਾ ਦਾ ਜਾਇਜ਼ਾ ਲੈਣ ਲਈ ਘਟਨਾ ਸਥਾਨ ਲਈ ਰਵਾਨ ਹੋ ਚੁੱਕੇ ਹਨ।

ਪੂਹਲੇ ਦੀ ਮੌਤ ਸਾਰੇ ਜਾਲਮਾਂ ਲਈ ਸਬਕ : ਭਾਈ ਦਲਜੀਤ ਸਿੰਘ

ਤਰੀਕ: 30 ਅਗਸਤ, 2008 ਦੋ ਨੌਜਵਾਨਾਂ ਵਲੋਂ ਪੁਹਲੇ ਨੂੰ ਸਾੜ ਕੇ ਮਾਰਨ ਦੀ ਘਟਨਾ ਨੇ ਪੰਥ ਦਰਦੀਆਂ ਦੇ ਮਨਾਂ ਵਿਚ ਇਕ ਉਤਸ਼ਾਹ ਭਰ ਦਿ¤ਤਾ ਹੈ ਅਤੇ ਸਾਰਾ ਪੰਥ ਇਸ ਕਾਰਜ ਨੂੰ ਸਰ-ਅੰਜ਼ਾਮ ਦੇਣ ਵਾਲੇ ਦੋਵੇ ਨੌਜਵਾਨਾਂ ਭਾਈ ਨਵਤੇਜ ਸਿੰਘ ਤੇ ਭਾਈ ਹਰਚੰਦ ਸਿੰਘ ਦੇ ਨਾਲ ਖੜ੍ਹਾ ਹੈ ਅਤੇ ਇਹ ਮੌਤ ਪਿਛਲੇ ਸੰਘਰਸ਼ ਦੌਰਾਨ ਸਿ¤ਖ ਨੌਜਵਾਨਾਂ ਨੂੰ ਮਾਰਨ ਵਾਲਿਆ ਲਈ ਇਕ ਸਬਕ ਵੀ ਹੈ ਕਿ ਮਨੁ¤ਖੀ ਅਧਿਕਾਰਾਂ ਦਾ ਘਾਣ ਕਰਨ ਵਾਲਿਆਂ ਨੂੰ ਆਪਣੀ ਕੀਤੀ ਦਾ ਫਲ ਭੁਗਤਣਾ ਹੀ ਪੈਂਦਾ ਹੈ ਅਤੇ ਜੇਕਰ ਸਮੇਂ ਦੀ ਨਿਆਇਕ ਵਿਵਸਥਾ ਖੋਖਲੀ ਹੋਣ ਕਾਰਨ ਨਿਆਂ ਨਹੀਂ ਕਰਦੀ ਤਾਂ ਅਕਾਲ ਪੁਰਖ ਆਪ ਕਿਸੇ ਨੂੰ ਨਿਆਂ ਕਰਨ ਲਈ ਬਲ ਬਖਸ਼ ਦਿੰਦਾ ਹੈ। ਇਹਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ (ਪੰਚ ਪ੍ਰਧਾਨੀ) ਦੇ ਚੇਅਰਮੈਨ ਭਾਈ ਦਲਜੀਤ ਸਿੰਘ ਨੇ ਅ¤ਜ ਅੰਤਰਰਾਸ਼ਟਰੀ ਲਾਪਤਾ ਲੋਕਾਂ ਦੇ ਦਿਹਾੜੇ ਮੌਕੇ ਪਾਰਟੀ ਦੀ ਮੀਡੀਆ ਕਮੇਟੀ ਮੈਂਬਰ ਜਸਪਾਲ ਸਿੰਘ ਮੰਝਪੁਰ ਰਾਹੀਂ ਪ੍ਰੈਸ ਨੋਟ ਜਾਰੀ ਕਰਦਿਆਂ ਕੀਤਾ।
ਉਹਨਾਂ ਕਿਹਾ ਕਿ ਅੰਤਰਰਾਸ਼ਟਰੀ ਲਾਪਤਾ ਲੋਕਾਂ ਦਾ ਦਿਹਾੜਾ ਦੁਨੀਆਂ ਭਰ ਦੇ ਉਹਨਾਂ ਸਾਰੇ ਲੋਕਾਂ ਨੂੰ ਸਮਰਪਿਤ ਹੈ ਜਿਹਨਾਂ ਨੂੰ ਸਰਕਾਰਾਂ ਵਲੋ ਆਪਣੇ ਹ¤ਕਾਂ ਦੀ ਆਵਾਜ਼ ਬੁ¦ਦ ਕਰਨ ਬਦਲੇ ਲਾਪਤਾ ਕਰ ਦਿ¤ਤਾ ਜਾਂਦਾ ਹੈ ਅਤੇ ਪੰਜਾਬ ਵਿਚ ਖਾਸ ਤੌਰ ਤੇ ਅਤੇ ਭਾਰਤ ਵਿਚ ਆਮ ਤੌਰ ਤੇ ਸਰਕਾਰੀ ਧਿਰ ਵਲੋਂ ਦਲਿਤਾਂ, ਘ¤ਟਗਿਣਤੀਆਂ ਤੇ ਹੋਰ ਸੰਘਰਸ਼ ਕਰ ਰਹੇ ਲੋਕਾਂ ਨੂੰ ਵ¤ਡੀ ਪ¤ਧਰ ਤੇ ਲਾਪਤਾ ਕਰ ਦਿ¤ਤਾ ਗਿਆ ਅਤੇ ਪੰਜਾਬ ਵਿਚ ਅਜਿਹੀ ਧਿਰ ਦਾ ਪੂਹਲਾ ਇਕ ਮੁ¤¤ਖ ਨੁੰਮਾਇਦਾ ਸੀ।
ਉਹਨਾਂ ਕਿਹਾ ਕਿ ਪੂਹਲੇ ਨੂੰ ਮਾਰਨ ਵਾਲੇ ਨੌਜਵਾਨਾਂ ਵਿਚੋਂ ਭਾਈ ਹਰਚੰਦ ਸਿੰਘ ਦਾ 18ਵੀਂ ਸਦੀ ਵਿਚ ਮ¤ਸੇ ਰੰਘੜ ਦਾ ਸਿਰ ਵ¤ਢਣ ਵਾਲੇ ਭਾਈ ਸੁ¤ਖਾ ਸਿੰਘ ਜੀ ਦੇ ਪਿੰਡੋ ਹੋਣਾ ਆਪਣੇ ਆਪ ਵਿਚ ਬਹੁਤ ਵ¤ਡੀ ਗ¤ਲ ਹੈ ਕਿਉਂਕਿ ਕਹਿੰਦੇ ਹਨ ਇਤਿਹਾਸ ਆਪਣੇ ਆਪ ਨੂੰ ਦੁਹਰਾਉਂਦਾ ਹੈ ਅਤੇ ਅ¤ਜ ਪਰਤ¤ਖ ਨੂੰ ਪ੍ਰਮਾਣ ਦੀ ਲੋੜ ਨਹੀਂ ਹੈ।
ਉਹਨਾਂ ਕਿਹਾ ਕਿ ਅਗਸਤ ਮਹੀਨੇ ਦੀ ਹੀ 31 ਤਰੀਕ ਨੂੰ ਭਾਈ ਦਿਲਾਵਰ ਸਿੰਘ ਜੀ ਨੇ ਸ਼ਹਾਦਤ ਪਾ ਕੇ ਇਸ ਪੂਹਲੇ ਦੇ ਆਕਾ ਮੁ¤ਖ ਮੰਤਰੀ ਬੇਅੰਤ ਨੂੰ ਵੀ ਸਬਕ ਸਿਖਾਇਆ ਸੀ ਅਤੇ ਅਸੀਂ ਅਕਾਲੀ ਦਲ ਅੰਮ੍ਰਿਤਸਰ (ਪੰਚ ਪ੍ਰਧਾਨੀ) ਵਲੋਂ ਜਿ¤ਥੈ ਭਾਈ ਦਿਲਾਵਰ ਸਿੰਘ ਦੀ ਸ਼ਹਾਦਤ ਨੂੰ ਕੋਟ-ਕੋਟ ਸਲਾਮ ਕਰਦੇ ਹਾਂ ਉ¤ਥੇ ਪੂਹਲੇ ਨੂੰ ਉਸਦੀਆਂ ਕੀਤੀਆਂ ਦਾ ਫਲ ਭੁਗਤਾਉਂਣ ਵਾਲਿਆ ਨੂੰ ਵੀ ਸਾਡਾ ਸਲਾਮ ਹੈ ਅਤੇ ਨਮਸਕਾਰ ਹੈ ਇਹਨਾਂ ਸਾਰਿਆਂ ਯੋਧਿਆਂ ਦੇ ਮਾਪਿਆਂ ਨੂੰ ਜਿਹਨਾਂ ਕੌਮ ਦੀ ਝੋਲੀ ਅਜਿਹੇ ਹੀਰੇ ਪਾਏ। ਉਹਨਾਂ ਪਿਛਲੇ ਦਿਨੀਂ ਕਸ਼ਮੀਰ ਤੇ ਉੜੀਸਾ ਵਿਚ ਵਿਗੜੇ ਹਲਾਤਾਂ ਬਾਰੇ ਕਿਹਾ ਕਿ ਇਹ ਸਭ ਕੁਝ ਸਟੇਟ ਤੇ ਕਾਬਜ਼ ਬਹੁਗਿਣਤੀ ਵਲੋਂ ਕੀਤਾ ਜਾਂਦਾ ਹੈ ਅਤੇ ਅ¤ਜ ਵੀ ਕਸ਼ਮੀਰੀਆਂ, ਸਿ¤ਖਾਂ, ਪੰਜਾਬੀਆਂ, ਨਾਗਿਆਂ, ਇਸਾਈਆਂ, ਮੁਸਲਮਾਨਾਂ ਤੇ ਦਲਿਤਾਂ ਨਾਲ ਸਬੰਧਤ ਲੋਕਾਂ ਨੂੰ ਨਪੀੜਨ ਦੀ ਨੀਤੀ ਤਹਿਤ ਸਦਾ ਹੀ ਕੁਚਲਿਆ ਜਾ ਰਿਹਾ ਹੈ ਅਤੇ ਕਸ਼ਮੀਰ ਤੇ ਉੜੀਸਾ ਦੀ ਮੌਜੂਦਾ ਹਾਲਤ ਲਈ ਇਹੀ ਕ¤ਟੜਵਾਦੀ ਹਿੰਦੁ ਤਾਕਤਾਂ ਹਾਵੀ ਹੋ ਰਹੀਆਂ ਹਨ ਅਤੇ ਵ¤ਖ-ਵ¤ਖ ਥਾਵਾਂ ਤੇ ਬੰਬ ਧਮਾਕੇ ਕਰਵਾ ਕੇ ਸੰਘਰਸ਼ਸ਼ੀਲ ਲੋਕਾਂ ਨੂੰ ਬਦਨਾਮ ਕਰ ਕੇ, ਅ¤ਤਵਾਦ ਦਾ ਰੌਲਾ ਪਾ ਕੇ ਬਹੁਗਿਣਤੀ ਦੀਆਂ ਵੋਟਾਂ ਬਟੋਰਨ ਦੀ ਖੇਡ ਖੇਡੀ ਜਾ ਰਹੀ ਹੈ ਜੋ ਕਿ ਸਮੁ¤ਚੇ ਦੇਸ਼ ਦੇ ਲੋਕਾਂ ਲਈ ਬੜੀ ਘਾਤਕ ਸਿ¤ਧ ਹੋ ਸਕਦੀ ਹੈ।

ਪੂਹਲੇ ਨੂੰ ਸਾੜਨ ਵਾਲੇ ਭਾਈ ਹਰਚੰਦ ਸਿੰਘ ਤੇ ਭਾਈ ਨਵਤੇਜ ਸਿੰਘ ਉਰਫ ਗੱਗੂ ਦਾ 5 ਤੱਕ ਪੁਲਿਸ ਰਿਮਾਂਡ
ਪੂਹਲੇ ਦੇ ਗੜਵਈ ਗੁਰਦਿਆਲ ਸਿੰਘ ’ਤੇ ਹਮਲਾ

ਅੰਮ੍ਰਿਤਸਰ, 30 ਅਗਸਤ -ਪੂਹਲਾ ਨੂੰ ਡੀਜ਼ਲ ਪਾ ਕੇ ਸਾੜਨ ਤੋਂ ਬਾਅਦ ਚੰਡੀਗੜ੍ਹ ਵਿਖੇ ਮੌਤ ਹੋ ਗਈ ਸੀ । ਦੋਨਾਂ ਹਮਲਾਵਾਰਾਂ ਭਾਈ ਨਵਤੇਜ ਸਿੰਘ ਉਰਫ ਗੱਗੂ ਤੇ ਉਸ ਦੇ ਦੂਸਰੇ ਸਾਥੀ ਭਾਈ ਹਰਚੰਦ ਸਿੰਘ ਨੂੰ ਅੰਮ੍ਰਿਤਸਰ ਸੈਂਟਰਲ ਜੇਲ੍ਹ ਤੋਂ ਭਾਰੀ ਪੁਲਿਸ ਫੋਰਸ ਦੀ ਦੇਖ-ਰੇਖ ਵਿੱਚ ਅੰਮ੍ਰਿਤਸਰ ਸਿਵਲ ਕੋਰਟ ਵਿੱਚ ਪੇਸ਼ ਕੀਤਾ ਗਿਆ। ਕੋਰਟ ਵਿੱਚ ਪਹਿਲਾ ਤੋਂ ਹੀ ਕਈ ਸਿੱਖ ਜਥੇਬੰਦੀਆਂ ਮੌਜੂਦ ਸਨ, ਜਿਨ੍ਹਾਂ ਨੇ ਕੋਰਟ ਦੇ ਬਾਹਰ ਦੋਨਾਂ ਸਿੰਘਾਂ ਦੇ ਹੱਕ ਵਿੱਚ ਭਾਰੀ ਨਾਅਰੇਬਾਜ਼ੀ ਕੀਤੀ ਤੇ ਬਾਬਾ ਪੂਹਲਾ ਦੇ ਖਿਲਾਫ ਜਮ ਕੇ ਭੜਾਸ ਕੱਢੀ। ਅੱਜ ਦੋਵੇਂ ਕਥਿਤ ਹਮਲਾਵਾਰ ਭਾਈ ਹਰਚੰਦ ਸਿੰਘ ਅਤੇ ਭਾਈ ਨਵਤੇਜ ਸਿੰਘ ਨੂੰ ਥਾਣਾ ਸਦਰ ਦੀ ਪੁਲਿਸ ਵਲੋਂ ਮਾਣਯੋਗ ਸ੍ਰੀ ਹਰਸ਼ ਮਹਿਤਾ ਦੀ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ। ਮਾਣਯੋਗ ਜੱਜ ਨੇ ਦੋਵਾਂ ਧਿਰਾਂ ਦੀਆਂ ਦਲੀਲਾਂ ਸੁਣਨ ਉਪਰੰਤ 5 ਸਤੰਬਰ ਤੱਕ ਪੁਲਿਸ ਰਿਮਾਂਡ ਦੇ ਦਿੱਤਾ।
ਪੁਲਿਸ ਨੇ ਕੱਲ੍ਹ ਅਦਾਲਤ ਧਾਰਾ ਐਕਸ਼ਨ ਵਰੰਟ ਹਾਸਲ ਕੀਤਾ ਸੀ। ਉਘੇ ਵਕੀਲ ਸ੍ਰ. ਭਗਵੰਤ ਸਿੰਘ ਸਿਆਲਕਾ ਅਤੇ ਸ. ਵਰਿੰਦਰਪਾਲ ਸਿੰਘ ਭਾਟੀਆ ਐਡਵੋਕੇਟ ਨੇ ਪੁਲਿਸ ਰਿਮਾਂਡ ਦਾ ਵਿਰੋਧ ਕੀਤਾ। ਇਸ਼ ਮੌਕੇ ਤੇ ਜਥੇਬੰਦੀਆਂ ਦੇ ਕੁਝ ਆਗੂ ਵੀ ਹਾਜ਼ਰ ਸਨ। ਅਦਾਲਤ ਵਿੱਚ ਪੇਸ਼ੀ ਤੇ ਆਏ ਉਕਤ ਦੋਵੇਂ ਸਿੰਘਾਂ ਨੇ ਕਿਹਾ ਕਿ ਉਨ੍ਹਾਂ ਨੇ ਨਿਹੰਗ ਪੂਹਲੇ ਨੂੰ ਮਾਰ ਕੇ ਕੋਈ ਮਾੜਾ ਕੰਮ ਨਹੀਂ ਕੀਤਾ ਅਤੇ ਸਿੱਖ ਕੌਮ ਦੇ ਸਿਰੋਂ ਕੋਹੜ ਲਾਹ ਦਿੱਤਾ ਹੈ। ਉਹਨਾਂ ਨੇ ਸਿਰਸਾ ਸਾਧ ਵੱਲ ਇਸ਼ਾਰਾ ਦਿੰਦਿਆ ਕਿਹਾ ਕਿ ਉਹਨਾਂ ਨੂੰ ਵੀ ਸਮਝ ਲੈਣਾ ਚਾਹੀਦਾ ਹੈ ਅਤੇ ਆਪਣੀਆਂ ਆਦਤਾਂ ਬਦਲ ਦੇਣੀਆਂ ਚਾਹੀਦੀਆਂ ਹਨ।
ਪੂਹਲਾ ਨੂੰ ਡੀਜ਼ਲ ਪਾ ਕੇ ਸਾੜਨ ਦੀ ਘਟਨਾ ਤੋਂ ਬਾਅਦ ਇਸੇ ਜੇਲ੍ਹ ਵਿੱਚ ਪੂਹਲੇ ਦੇ ਗੜਵਈ ਗੁਰਦਿਆਲ ਸਿੰਘ ਨੂੰ ਵੀ ਇੱਕ ਹੋਰ ਨਜ਼ਰਬੰਦ ਭਾਈ ਰਣਜੀਤ ਸਿੰਘ ਨੇ ਫੱਟੜ ਕਰ ਦਿੱਤਾ। ਪ੍ਰਾਪਤ ਸੂਚਨਾ ਅਨੁਸਾਰ ਗੁਰਦਿਆਲ ਸਿੰਘ ਨੂੰ ਪੂਹਲੇ ਦੀ ਸੇਵਾ ਲਈ ਪੁਲਿਸ ਨੇ 107/151 ਦਾ ਕੇਸ ਬਣਾ ਕੇ ਜੇਲ੍ਹ ਭੇਜਿਆ ਸੀ, ਜਿਸ ’ਤੇ ਜੇਲ੍ਹ ਵਿੱਚ ਬੰਦ ਕੈਦੀ ਰਣਜੀਤ ਸਿੰਘ ਵਾਸੀ ਸਰਹੱਦੀ ਪਿੰਡ ਨੌਸ਼ਹਿਰਾ ਢਾਲਾ ਜੋ ਕਿ ਜਾਅਲੀ ਕਰੰਸੀ ਦੇ ਕੇਸ ਵਿੱਚ ਨਜ਼ਰਬੰਦ ਸੀ ਨੇ ਚਮਚੇ ਦੀ ਡੰਡੀ ਨੂੰ ਤਿੱਖਾ ਕਰਕੇ, ਗੁਰਦਿਆਲ ਸਿੰਘ ਤੇ ਵਾਰ ਕਰਕੇ ਉਸਨੂੰ ਫੱਟੜ ਕਰ ਦਿੱਤਾ। ਬਾਅਦ ’ਚ ਗੁਰਦਿਆਲ ਸਿੰਘ ਦੀ ਮਰਹਮ ਪੱਟੀ ਕਰਕੇ ਜ਼ਮਾਨਤ ਤੇ ਜੇਲ੍ਹ ਤੋਂ ਰਿਹਾਅ ਕਰ ਦਿੱਤਾ ਗਿਆ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।

ਪੂਹਲੇ ਮਸੰਦ ਨੂੰ ਸਾੜਨ ਵਾਲੇ ਸੂਰਬੀਰ ਯੋਧਿਆਂ ਨੇ ਗੁਰੂ ਗੋਬਿੰਦ ਸਿੰਘ ਜੀ ਦੇ ਸਪੂਤ ਹੋਣ ਦਾ ਦਿੱਤਾ ਸਬੂਤ

ਜਰਮਨ, 30 ਅਗਸਤ -ਸਿੱਖ ਫੈਡਰੇਸ਼ਨ ਜਰਮਨੀ ਦੇ ਪ੍ਰਧਾਨ ਭਾਈ ਗੁਰਮੀਤ ਸਿੰਘ ਖਨਿਆਣ ਜਨਰਲ ਸਕੱਤਰ ਭਾਈ ਗੁਰਚਰਨ ਸਿੰਘ ਗੁਰਾਇਆ ਭਾਈ ਜਤਿੰਦਰਬੀਰ ਸਿੰਘ ਨੇ ਪ੍ਰੈਸ ਦੇ ਨਾ ਜਾਰੀ ਬਿਆਨ ਵਿੱਚ ਨਿਹੰਗਾਂ ਸਿੰਘਾਂ ਦੇ ਬਾਣੇ ਵਿੱਚ ਸਿੱਖ ਨੌਜਵਾਨਾਂ ਨੂੰ ਸ਼ਹੀਦ ਕਰਨ ਧੀਆਂ ਭੈਣਾਂ ਦੀਆਂ ਇੱਜ਼ਤਾਂ ਨਾਲ ਖਿਲਵਾੜ ਕਰਨ ਵਾਲੇ ਅਜੀਤ ਪੂਹਲੇ ਨੂੰ ਉਸ ਦੇ ਕੀਤੇ ਪਾਪਾਂ ਦੀ ਸਜ਼ਾ ਦੇਣ ਵਾਲੇ ਭਾਈ ਨਵਤੇਜ ਸਿੰਘ ਤੇ ਭਾਈ ਹਰਚੰਦ ਸਿੰਘ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਸੁਰਬੀਰ ਯੋਧਿਆਂ ਦਾ ਨਾਮ ਇਤਿਹਾਸ ਦੇ ਸੁਨਿਹਰੀ ਪੰਨਿਆਂ ਵਿੱਚ ਲਿਖਿਆ ਜਾਵੇਗਾ, ਕਿਉਂਕਿ ਇਸ ਅਜੀਤ ਪੂਹਲੇ ਦੁਸ਼ਟ ਪਾਪੀ ਨੇ ਸਿੱਖ ਕੌਮ ਦੀ ਅਜ਼ਾਦੀ ਵਾਸਤੇ ਸੰਘਰਸ਼ ਕਰ ਰਹੇ ਸਿੰਘਾਂ ਨੂੰ ਬ੍ਰਹਮਣਵਾਦੀ ਹਕੂਮਤ ਦੀ ਪੁਲਿਸ ਦਾ ਬਲੈਕ ਕੈਟ ਬਣ ਕੇ ਸ਼ਹੀਦ ਕਰਨ ਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਜਿਉਂਦਿਆ ਜਲਾਉਣ ਤੇ ਧੀਆਂ ਭੈਣਾਂ ਦੀ ਇੱਜ਼ਤਾਂ ਨਾਲ ਖੇਡਣ ਵਾਲੇ ਮਸੰਦ ਨੂੰ ਜਿਉਂਦਿਆਂ ਜਲਾ ਕੇ ਦਸਵੇਂ ਪਾਤਸ਼ਾਹ ਗੁਰੂ ਗੋਬਿੰਦ ਸਿੰਘ ਜੀ ਦੇ ਸੱਚੇ ਸਪੂਤ ਹੋਣ ਦਾ ਤੇ ਸੰਤ ਬਾਬਾ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਦੇ ਵਚਨਾਂ ਮੁਤਾਬਿਕ ਕੋਈ ਸਿੱਖੀ ਬਾਣੇ ਵਿੱਚ ਮਾੜੇ ਕੰਮ ਕਰਨ ਵਾਲੇ ਨੂੰ ਤੇਲ ਪਾ ਕੇ ਜਿਉਂਦੇ ਨੂੰ ਜਲਾ ਦਿਓ ਤੇ ਪਹਿਰਾਂ ਦੇਣ ਵਾਲੇ ਇਨ੍ਹਾਂ ਸੂਰਬੀਰ ਯੋਧਿਆਂ ਦੇ ਕੇਸ ਦੀ ਕਾਨੂੰਨੀ ਤੇ ਪਰਿਵਾਰ ਦੀ ਆਰਥਿਕ ਮਦਦ ਕਰਨਾ ਸਿੱਖ ਕੌਮ ਦਾ ਫਰਜ਼ ਬਣਦਾ ਹੈ। ਸਿੱਖ ਫੈਡਰੇਸ਼ਨ ਜਰਮਨੀ ਵੱਲੋਂ ਇਨ੍ਹਾਂ ਦੇ ਪਰਿਵਾਰਾਂ ਦੀ ਮਦਦ ਤੇ ਕਾਨੂੰਨੀ ਪੈਰਵਾਈ ਵਿੱਚ ਯੋਗਦਾਨ ਪਾਇਆ ਜਾਵੇਗਾ। ਹਕੂਮਤਾਂ ਦੇ ਹੱਥ ਠੋਕੇ ਬਣ ਕੇ ਆਪਣੇ ਹੱਕਾਂ ਹਿੱਤਾਂ ਵਾਸਤੇ ਸੰਘਰਸ਼ ਕਰ ਰਹੀਆਂ ਕੌਮਾਂ ’ਤੇ ਜ਼ੁਲਮ ਕਰਨ ਵਾਲਿਆਂ ਨੂੰ ਸਬਕ ਸਿਖਾਉਣਾ ਚਾਹੀਦਾ ਹੈ ਕਿ ਜ਼ੁਲਮ ਕਰਨ ਵਾਲਿਆਂ ਦਾ ਹਸ਼ਰ ਮਾੜਾ ਹੁੰਦਾ ਹੈ। ਇਹ ਸੰਘਰਸ਼ ਕਰ ਰਹੀਆਂ ਕੌਮਾਂ ਕਰਨ ਜਾਂ ਫਿਰ ਆਪਣੇ ਪਾਪ ਛਪਾਉਣ ਲਈ ਹਕੂਮਤਾਂ ਆਪ ਹੀ ਕਰਨ ਖਾਸ ਕਰਕੇ ਸਿਰਸੇ ਵਾਲੇ ਬਲਾਤਕਾਰੀ ਸਾਧ, ਆਸ਼ੂਤੋਸ਼ ਜਾਂ ਸਿੱਖੀ ਭੇਸ ਵਾਲੇ ਕੇਸਧਾਰੀ ਜੰਨਸੰਘੀਏ ਜੋ ਆਏ ਦਿਨ ਬਾਬੇ ਨਾਨਕ ਦੇ ਗੁਰਮਤਿ ਸਿਧਾਂਤ ਨੂੰ ਵਿਗਾੜ ਕੇ ਪੇਸ਼ ਕਰਦੇ ਹਨ।

ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਸਾਬਕਾ ਜਥੇਦਾਰ ਗਿਆਨੀ ਜੋਗਿੰਦਰ ਸਿੰਘ ਵੇਦਾਂਤੀ ਵੱਲੋਂ ਦਿੱਲੀ ’ਚ ਡੇਰਾ

ਅੰਮ੍ਰਿਤਸਰ, 30 ਅਗਸਤ -ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਸਾਬਕਾ ਜਥੇਦਾਰ ਗਿਆਨੀ ਜੋਗਿੰਦਰ ਸਿੰਘ ਵੇਦਾਂਤੀ ਨੇ ਦੇਸ਼-ਵਿਦੇਸ਼ ਦੇ ਪੰਥਕ ਆਗੂਆਂ ਅਤੇ ਵਿਦਵਾਨਾਂ ਨਾਲ ਮੁਲਾਕਾਤਾਂ ਦਾ ਸਿਲਸਿਲਾ ਆਰੰਭ ਕਰ ਦਿੱਤਾ ਹੈ। ਇਸੇ ਕੜੀ ’ਚ ਬੀਤੀ ਸ਼ਾਮ ਗਿਆਨੀ ਵੇਦਾਂਤੀ ਨੂੰ ਨਵੀਂ ਦਿੱਲੀ ਦੇ ਗੁਰਦੁਆਰਾ ਰਕਾਬ ਰੀਜ ਸਾਹਿਬ ਵਿਖੇ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਪਰਮਜੀਤ ਸਿੰਘ ਸਰਨਾ ਅਤੇ ਲੋਕ ਭਲਾਈ ਪਾਰਟੀ ਦੇ ਪ੍ਰਧਾਨ ਬਲਵੰਤ ਸਿੰਘ ਰਾਮੂਵਾਲੀਆ ਨਾਲ ਬੰਦ ਕਮਰੇ ’ਚ ਮੁਲਾਕਾਰ ਵੀ ਕੀਤੀ ਹੈ। ਇਸ ਤੋਂ ਇਲਾਵਾ ਗਿਆਨੀ ਵੇਦਾਂਤੀ ਨੇ ਨਵੀਂ ਦਿੱਲੀ ਵਿਖੇ ਹੀ ਅੱਜ ਵੀ ਅੱਧੀ ਦਰਜਨ ਦੇ ਕਰੀਬ ਧਾਰਮਿਕ ਵਿਦਵਾਨਾਂ ਨਾਲ ਮੁਲਾਕਾਤਾਂ ਕੀਤੀਆਂ। ਇਨ੍ਹਾਂ ਮੁਲਾਕਾਤਾਂ ਨੂੰ ਕਾਫੀ ਅਹਿਮੀਅਤ ਵਜੋਂ ਦੇਖਿਆ ਜਾਣਾ ਚਾਹੀਦਾ ਹੈ, ਕਿਉਂਕਿ ਪਿਛਲੇ ਦਿਨੀਂ ਹੀ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਦੇ ਅਹੁਦੇ ਤੋਂ ਜ਼ਬਰੀ ਲਾਰੇ ਜਾਣ ਉਪਰੰਤ ਗਿਆਨੀ ਵੇਦਾਂਤੀ ਨੇ ਸ਼੍ਰੋਮਣੀ ਕਮੇਟੀ ਅਤੇ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਨੂੰ ਸ੍ਰੀ ਅਕਾਲ ਤਖਤ ਸਾਹਿਬ ਦੀ ਪ੍ਰਭੂਸੱਤਾ ਦੀ ਬਹਾਲੀ ਦੇ ਸੱਦੇ ’ਤੇ ਘੇਰਨਦਾ ਐਲਾਨ ਕੀਤਾ ਸੀ। ਅਤਿ ਭਰੋਸੇਯੋਗ ਸੂਤਰਾਂ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਗਿਆਨੀ ਜੋਗਿੰਦਰ ਸਿੰਘ ਵੇਦਾਂਦੀ, ਪਰਮਜੀਤ ਸਿੰਘ ਸਰਨਾ ਅਤੇ ਬਲਵੰਤ ਸਿੰਘ ਰਾਮੂਵਾਲੀਆ ਵਿਚਾਲੇ ਬੀਤੀ ਦੇਰ ਸ਼ਾਮ 5 ਵਜੇ ਗੁਰਦੁਆਰਾ ਰਕਾਬ ਰੀਜ ਸਾਹਿਬ, ਦੇ ਮਾਤਾ ਗੁਜਰੀ ਨਿਵਾਸ ਵਿਖੇ ਇੱਕ ਘੰਟਾ ਦੇ ਲੱਗਭਗ ਬੰਦ ਕਮਰਾ ਮੀਟਿੰਗ ਹੋਈ।
ਮੀਟਿੰਗ ਦੌਰਾਨ ਪਰਮਜੀਤ ਸਿੰਘ ਸਰਨਾ ਨੇ ਗਿਆਨੀ ਵੇਦਾਂਤੀ ਨੂੰ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦਾ ਪ੍ਰਮਾਣਿਕ ਟੀਕਾ ਤਿਆਰ ਕਰਨ, ਸਿੱਖ ਇਤਿਹਾਸ ਨੂੰ ਨਵੇਂ ਸਿਰੇ ਤੋਂ ਸੋਧਣ, ਪਤਿਤਪੁਣਾ ਅਤੇ ਨਸ਼ਾਖੋਰੀ ਦੀ ਵੱਧ ਰਹੀ ਅਲਾਮਤ ਨੂੰ ਠੱਲ੍ਹ ਪਾਉਣ ਲਈ ਪੰਜਾਬ ’ਚ ਲਹਿਰ ਚਲਾਉਣਦੀ ਸਲਾਹ ਦਿੰਦਿਆਂ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਹਰ ਤਰ੍ਹਾਂ ਦਾ ਸਹਿਯੋਗ ਦੇਣ ਦਾ ਭਰੋਸਾ ਵੀ ਦਿੱਤਾ। ਸਰਨਾ ਨੇ ਗਿਆਨੀ ਵੇਦਾਂਤੀ ਨੂੰ ਅੰਮ੍ਰਿਤਸਰ ਵਿਖੇ ਇਸ ਪ੍ਰੋਜੈਕਟ ਲਈ ਇੱਕ ਟਰੱਸਟ ਕਾਇਮ ਕਰਨ ਦੀ ਸਲਾਹ ਵੀ ਦਿੱਤੀ ਅਤੇ ਉਨ੍ਹਾਂ ਕਿਹਾ ਕਿ ਦਿੱਲੀ ਕਮੇਟੀ ਇਸ ਲਈ ਹਰ ਤਰ੍ਹਾਂ ਦਾ ਸਹਿਯੋਗ ਕਰੇਗੀ ਪਰ ਗਿਆਨੀ ਵੇਦਾਂਤੀ ਦੇ ਧਾਰਮਿਕ ਪ੍ਰਾਜੈਕਟ ’ਚ ਕਿਸੇ ਪ੍ਰਕਾਰ ਦਾ ਦਾਖਲ ਨਹੀਂ ਦੇਵੇਗੀ। ਸੂਤਰਾਂ ਅਨੁਸਾਰ ਦਿੱਲੀ ਕਮੇਟੀ ਦੇ ਪ੍ਰਧਾਨ ਪਰਮਜੀਤ ਸਿੰਘ ਸਰਨਾ ਚਾਹੁੰਦੇ ਹਨ ਕਿ ਗਿਆਨੀ ਵੇਦਾਂਤੀ ਦੀ ਅਗਵਾਈ ’ਚ ਪੰਜਾਬ ਅੰਦਰ ਧਰਮ ਪ੍ਰਚਾਰ ਦੀ ਇੱਕ ਸੰਸਥਾ ਪੈਦਾ ਕਰਕੇ ਸ਼੍ਰੋਮਣੀ ਕਮੇਟੀ ਦੀ ਧਰਮ ’ਚ ਮਨੋਪਲੀ ਨੂੰ ਢਾਹ ਲਾਈ ਜਾਵੇ। ਇਸੇ ਮਕਸਦ ਲਈ ਗਿਆਨੀ ਵੇਦਾਂਤੀ ਨਾਲ ਮੁਲਾਕਾਤ ਦੌਰਾਨ ਲੋਕ ਭਲਾਈ ਪਾਰਟੀ ਦੇ ਪ੍ਰਧਾਨ ਬਲਵੰਤ ਸਿੰਘ ਰਾਮੂਵਾਲੀਆ ਨੇ ਵੀ ਗਿਆਨੀ ਵੇਦਾਂਤੀ ਨੂੰ ਪੰਜਾਬ ਅੰਦਰਾ ਭਰੂਣ ਹੱਤਿਆ ਜਿਹੀਆਂ ਸਮਾਜਿਕ ਬੁਰਾਈਆਂ ਵਿਰੁੱਧ ਵੀ ਲਹਿਰ ਪੈਦਾ ਕਰਨ ਦਾ ਸੱਦਾ ਦਿੱਤਾ। ਰਾਮੂਵਾਲੀਆ ਨੇ ਵੇਦਾਂਤੀ ਨੂੰ ਇਸ ਤਰ੍ਹਾਂ ਦੀ ਧਾਰਮਿਕ ਤੇ ਸਮਾਜਿਕ ਮੁਹਿੰਮ ’ਚ ਆਪਣੀ ਪਾਰਟੀ ਵਲੋਂ ਵੀ ਸਿਆਸੀ ਹਿੱਤਾਂ ਤੋਂ ਉ¤ਪਰ ਉਠ ਕੇ ਹਰ ਤਰ੍ਹਾਂ ਦਾ ਸਹਿਯੋਗ ਕਰਨ ਦਾ ਵਿਸ਼ਵਾਸ਼ ਦਿਵਾਇਆ ਹੈ। ਇਸੇ ਦੌਰਾਨ ਮੁਸਲਮਾਨ ਜਥੇਬੰਦੀ ਇੰਟਰਫੇਥ ਹਾਰਮਨੀ ਫਾਊਂਡੇਸ਼ਨ ਇੰਡੀਆ ਦੇ ਪ੍ਰਧਾਨ ਡਾ. ਖਵਾਜਾ ਨੇ ਵੀ ਗਿਆਨੀ ਵੇਦਾਂਤੀ ਨਾਲ ਮੁਲਕਾਤਾ ਕਰਕੇ ਦਸੰਬਰ ਮਹੀਨੇ ਦਿੱਲੀ ਵਿਖੇ ਵਰਲਡ ਪਾਰਲੀਮੈਂਟ ਆਫ ਰਿਲੀਜਨ ਦੀ ਕਾਨਫਰੰਸ ’ਚ ਬਤੌਰ ਪ੍ਰਧਾਨਗੀ ਕਰਨ ਦਾ ਵੀ ਸਨਿਮਰ ਸੱਦਾ ਦਿੱਤਾ ਹੈ।
ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਰਿਸੋਰਟ ਸੈਂਟਰ ਦੇ ਚੇਅਰਮੈਨ ਡਾ. ਜਸਵੰਤ ਸਿੰਘ ਨੇ ਕੀ, ਭਾਈ ਵੀਰ ਸਿੰਘ ਸੇਵਾ ਸਦਨ ਨੇ ਡਾਇਰੈਕਟਰ ਡਾ. ਮਹਿੰਦਰ ਸਿੰਘ ਨੇ ਵੀ ਗਿਆਨੀ ਵੇਦਾਂਤੀ ਨਾਲ ਮੁਲਾਕਾਤ ਕਰਕੇ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦਾ ਪ੍ਰਮਾਣਿਕ ਟੀਕਾ ਤਿਆਰ ਕਰਨ, ਹੱਥ ਲਿਖਤ ਬੀੜਾਂ ਦੀ ਖੋਜ ਅਤੇ ਧਾਰਮਿਕ ਪ੍ਰਾਜੈਕਟ ਸਬੰਧੀ ਵਿਚਾਰ ਵਟਾਂਦਰਾ ਕੀਤਾ। ਗਿਆਨੀ ਜੋਗਿੰਦਰ ਸਿੰਘ ਵੇਦਾਂਤੀ ਬੀਤੇ ਕੱਲ੍ਹ ਤੋਂ ਨਵੀਂ ਦਿੱਲੀ ਵਿਖੇ ਗਏ ਹੋਏ ਹਨ, ਜੋ ਭਲਕੇ ਵੀ ਨਵੀਂ ਦਿੱਲੀ ਵਿਖੇ ਵੱਖ-ਵੱਖ ਧਾਰਮਿਕ ਨੇਤਾਵਾਂ ਨਾਲ ਮੁਲਾਕਾਤਾਂ ਕਰਨਗੇ।

300 ਸਾਲਾ ਗੁਰਤਾਗੱਦੀ ਦਿਵਸ ਨੂੰ ਸਮਰਪਿਤ ਨਗਰ ਕੀਰਤਨ ਸੁਰੂ ਹੋਇਆ

ਧਨੌਲਾ ਮੰਡੀ, 30 ਅਗਸਤ -ਧੰਨ ਧੰਨ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ 300 ਸਾਲਾ ਗੁਰਤਾਗੱਦੀ ਦਿਵਸ ਨੂੰ ਸਮਰਪਿਤ ਮਹਾਨ ਨਗਰ ਕੀਰਤਨ ਗੁਰਦੁਆਰਾ ਗੁਰੂਸਰ ਪਾਤਸ਼ਾਹੀ ਨੌਵੀਂ ਪਿੰਡ ਕੱਟੂ ਤੋਂ ਅੱਜ ਸਵੇਰੇ ਮੱਸਿਆਂ ਦੇ ਸਬੰਧੀ ਸ੍ਰੀ ਅਖੰਡ ਪਾਠ ਦੇ ਭੋਗ ਤੋਂ ਬਾਅਦ ਸਾਬਕਾ ਜਥੇਦਾਰ ਸ੍ਰੀ ਅਕਾਲ ਤਖਤ ਸਾਹਿਬ ਸਿੰਘ ਸਾਹਿਬ ਭਾਈ ਜਸਬੀਰ ਸਿੰਘ ਖ਼ਾਲਸਾ ਹੋਰਾਂ ਦੀ ਰਹਿਨੁਮਾਈ ਅਤੇ ਪੰਜ ਪਿਆਰਿਆਂ ਦੀ ਅਗਵਾਈ ਗੁਰੂ ਗ੍ਰੰਥ ਸਾਹਿਬ ਦੀ ਛਤਰਸਾਇਆ ਹੇਠ ਪਿੰਡ ਬਾਲੀਆ (ਕੱਟੂ) ਨੂੰ ਰਵਾਨਾ ਹੋਇਆ ਮੌਕੇ ਮਾਰਚ ਦੀ ਦੇਖ-ਰੇਖ ਕਰ ਰਹੇ ਹਨ ਸਿੰਘ ਸਾਹਿਬ ਭਾਈ ਜਸਵੀਰ ਸਿੰਘ ਖਾਲਸਾ ਸਾਬਕਾ ਜਥੇਦਾਰ ਸ੍ਰੀ ਅਕਾਲ ਤਖਤ ਸਾਹਿਬ ਨੇ ਸੰਗਤਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਸਾਡੀਆਂ ਸਿੱਖ ਸੰਗਤਾਂ ਦੇ ਵੱਡੇ ਭਾਗ ਹਨ ਜਿਹਨਾਂ ਨੂੰ 300 ਸਾਲਾ ਗੁਰਤਾਗੱਦੀ ਦਿਵਸ ਮਨਾਉਣ ਦਾ ਸੁਭਾਗਾ ਸਮਾਂ ਪ੍ਰਾਪਤ ਹੋਇਆ ਹੈ। ਸਿੱਖ ਸੰਗਤਾਂ ਪਿੰਡ-ਪਿੰਡ ਅਤੇ ਸ਼ਹਿਰਾਂ ਦੇਸ਼ ਵਿਦੇਸ਼ਾਂ ਵਿੱਚ ਵਿੱਚ ਮਨਾਉਣ ਤੋਂ ਇਲਾਵਾ ਤਖਤ ਸ੍ਰੀ ਹਜ਼ੂਰ ਸਾਹਿਬ ਵਿਖੇ ਵੱਡੀ ਪੱਧਰ ਤੇ ਸਿੱਖ ਸੰਗਤਾਂ 300 ਸਾਲਾਂ ਦਿਵਸ ਮਨਾ ਰਹੀਆਂ ਹਨ। ਭਾਈ ਸਾਹਿਬ ਨੇ ਅੱਗੇ ਕਿਹਾ ਕਿ ਸਿੱਖ ਸੰਗਤਾਂ ਨੂੰ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਲੜ ਲਗ ਕੇ ਆਪਣੇ ਜੀਵਨ ਸਫਲ ਕਰਨ ਤੋਂ ਇਲਾਵਾ ਜਿਉਂਦੇ ਜੀ ਖੁਸ਼ੀਆਂ ਦੀਆਂ ਪ੍ਰਾਪਤੀ ਅਤੇ ਸਮਾਜਿਕ ਆਰਥਿਕ, ਪਰਿਵਾਰ ਪੱਖੋਂ ਤਰੱਕੀ ਪ੍ਰਾਪਤ ਹੁੰਦੀ ਹੈ। ਉਹਨਾਂ ਕਿਹਾ ਕਿ ਅਸੀਂ ਸਿੱਖ ਸੰਗਤਾਂ ਦੇ ਧੰਨਵਾਦੀ ਹਾਂ ਵਿਚੱੋਂ ਜੋ ਪੂਰੀ ਤਨਦੇਹੀ ਨਾਲ ਮਹਾਨ ਨਗਰ ਕੀਰਤਨ ਨੂੰ ਹਰ ਪੱਖ ਤੋਂ ਸਹਿਯੋਗ ਦੇ ਰਹੀਆਂ ਹਨ। ਇਹ 300 ਸਾਲਾ ਗੁਰਤਾਗੱਦੀ ਦਿਵਸ ਨੂੰ ਸਮਰਪਿਤ ਮਹਾਨ ਨਗਰ ਕੀਰਤਨ ਗੁਰਦੁਆਰਾ ਸ੍ਰੀ ਗੁਰੂ ਤੇਗ ਬਹਾਦਰ ਪਿੰਡ ਫਰਵਾਰੀ (ਬਰਨਾਲਾ) ਤੋਂ 27-8-08 ਨੂੰ ਸ਼ੁਰੂ ਕੀਤਾ ਗਿਆ। ਰੋਜ਼ਾਨਾ ਦੀ ਤਰ੍ਹਾਂ ਦਸ ਪਿੰਡਾਂ ਦੇ ਚੇਤਨਾਂ ਮਾਰਚ ਕਰਨ ਤੇ ਅੱਗੇ ਲਈ ਰਵਾਨਾ ਕੀਤਾ ਜਾਂਦਾ ਹੈ।
31-8-08 ਨੂੰ ਪਿੰਡ ਸੇਖਾਂ ਗੁਰਦੁਆਰਾ ਗੁਰੂਸਰ ਵਿਖੇ ਸਮਾਪਤ ਹੋਵੇਗਾ। ਅੱਜ ਸਵੇਰੇ ਪਿੰਡ ਕੱਟੂ ਤੋਂ ਬਾਲੀਆਂ (ਕੱਟੂ) ਕੁੰਭੜਵਾਲ, ਸੰਦੀਵਾਲ, ਹਸਨਪੁਰ ਕਿਲਾਹਕੀਆਂ ਬਟੂਹਾਂ, ਭੈਣੀ ਮਹਿਰਾਜ, ਨੱਤ, ਕਾਝਲੀ, ਗੁਰਦੁਆਰਾ ਪਿੰਡ ਕਾਝਲਾ ਵਿਖੇ ਸ਼ਾਮ ਨੂੰ ਪਹੁੰਚੇਗਾ। 31 ਅਗਸਤ ਨੂੰ ਸਵੇਰੇ ਕਾਝਲਾ ਤੋਂ ਰਵਾਨਾ ਹੋ ਕੇ ਧੰਨਵਾਲ, ਪੇਧਨੀ ਕੱਕੜਵਾਲ, ਬੁੱਗਰਾ, ਰਣੀਕੇ, ਮੂਲੋਵਾਲ, ਅਲਾਲਾਂ, ਸੁਲਤਾਨਪੁਰ, ਰੰਗੀਆਂ, ਸੇਖਾਂ ਗੁਰਦੁਆਰਾ ਸਾਹਿਬ ਸ਼ਾਮ ਨੂੰ ਪਹੁੰਚੇਗਾ ਅਤੇ ਸਮਾਪਤੀ ਹੋਵੇਗੀ। ਪਿੰਡ ਕੱਟੂ ਲੋਕਲ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਕੱਟੂ ਦੇ ਪ੍ਰਧਾਨ ਕਰਨੈਲ ਸਿੰਘ ਸਰਾਂ ਸਾਬਕਾ ਪ੍ਰਧਾਨ ਸਰਬਜੀਤ ਸਿੰਘ ਕੱਟੂ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਭਾਈ ਸਾਹਿਬ ਭਾਈ ਜਸਵੀਰ ਸਿੰਘ ਖਾਲਸਾ ਵੱਲੋਂ ਪਿਛਲੇ ਕਾਫੀ ਸਮੇਂ ਤੋਂ ਸਿੱਖ ਸੰਗਤਾਂ ਨੂੰ ਸਮਰਪਿਤ ਚੇਤਨਾ ਮਾਰਚ ਸਮੇਂ-ਸਮੇਂ ਅਨੁਸਾਰ ਕਰਨ ਤੇ ਸਿੱਖ ਸੰਗਤਾਂ ਲਈ ਬਹੁਤ ਵੱਡੀ ਦੇਣ ਹੈ ਜੋ ਕਿ ਗੁਰੂ ਗ੍ਰੰਥ ਸਾਹਿਬ ਦੇ ਲੜਨ ਲੱਖਾਂ ਸੰਗਤਾਂ ਨੂੰ ਲੜ ਲਾ ਕੇ ਸਿੱਖੀ ਮਾਰਗ ਦਾ ਰਸਤਾ ਦੱਸਿਆ ਹੈ। ਅਸੀਂ ਸਮੂਹ ਪ੍ਰਬੰਧਕ ਕਮੇਟੀ ਕੋਟਿ-ਕੋਟਿ ਧੰਨਵਾਦੀ ਹਾਂ ਜਿਨ੍ਹਾਂ ਦੀ ਹਿੰਮਤ ਮਿਹਨਤ ਸਦਕਾ ਸਾਡੀ ਨਗਰੀ ਨੂੰ ਨਿਹਾਲ ਕੀਤਾ ਹੈ। ਇਸ ਮੌਕੇ ਭਾਈ ਸਾਹਿਬ ਹੋਰਾਂ ਦਾ ਪ੍ਰਬੰਧਕ ਕਮੇਟੀ ਵਲੋਂ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਮੈਨੇਜਰ ਗੁਲਜਾਰ ਸਿੰਘ ਪ੍ਰਧਾਨ ਕਰਨੈਲ ਸਿੰਘ ਸਰਾਂ, ਸੰਤ ਬਾਬਾ ਅਜੀਤ ਸਿੰਘ ਕੱਟੂ ਗੁਰਦੁਆਰਾ ਟਿੱਬੀਸਰਵੇ ਮੁੱਖ ਸੇਵਾਦਾਰ, ਸੰਤ ਬਾਬਾ ਬੂਟਾ ਸਿੰਘ ਕੁੱਬੇ ਵਾਲਿਆਂ, ਸੰਤ ਅਮਰਜੀਤ ਸਿੰਘ ਕਿਲਾਂ ਹਕੀਮਾਂ ਕਰਮਜੀਤ ਸਿੰਘ ਧੁੰਨਾਵਾਲ, ਮਨਜੀਤ ਸਿੰਘ ਮੈਨੇਜਰ ਸੇਖਾ, ਭਾਈ ਅਵਤਾਰ ਸਿੰਘ ਰੌਡੇ, ਭਾਈ ਕਰਮਜੀਤ ਸਿੰਘ ਧਨੇਠਾ, ਭਾਈ ਗੁਰਦਰਸ਼ਨ ਸਿੰਘ ਰਾਜਸਥਾਨ, ਉ¤ਘੇ ਚਿੱਤਰਕਾਰ ਭੁਪਿੰਦਰ ਸਿੰਘ ਧਨੌਲਾ, ਸਰਕਲ ਪ੍ਰਧਾਨ ਜਥੇਦਾਰ ਨਿਹਾਲ ਸਿੰਘ ਉ¤ਪਲੀ ਜਥੇਦਾਰ ਗੁਰਚਰਨ ਸਿੰਘ ਘੁਮਾਣ, ਭਾਗ ਸਿੰਘ ਚੌਹਾਨ, ਜਗਰਾਜ ਸਿੰਘ, ਜਗਤਾਰ ਸਿੰਘ ਉਪਲੀ, ਨਿਹੰਗ ਸਿੰਘ ਬਾਠ, ਸਰਪੰਚ ਗੁਰਜੀਤ ਸਿੰਘ ਚੀਮਾ ਨੇ ਮਹਾਨ ਨਗਰ ਕੀਰਤਨ ਅਤੇ ਭਾਈ ਸਾਹਿਬ ਭਾਈ ਜਸਵੀਰ ਸਿੰਘ ਖਾਲਸਾ ਦਾ ਪਿੰਡ ਕੱਟੂ ਵਲੋਂ ਧੰਨਵਾਦ ਕੀਤਾ।
ਨਿਹੰਗ ਬਾਣੇ ਨੂੰ ਬਦਨਾਮ ਕਰਨ ਵਾਲਿਆਂ ਦਾ ਹਾਲ ਮਸੰਦਾਂ ਵਾਲਾ ਹੋਵੇਗਾ ਕਿਉਂਕਿ ਗੁਰੂ ਜੀ ਵਲੋਂ ਨਿਹੰਗਾਂ ਨੂੰ ਸਤਿਕਾਰਯੋਗ ਤੇ ਲਾਡਲੀਆਂ ਫੌਜਾਂ ਦੀ ਮਾਨਤਾ ਦਿੱਤੀ ਗਈ ਹੈ। ਇਹ ਪ੍ਰਗਟਾਵਾ ਸਿੰਘ ਸਾਹਿਬ ਭਾਈ ਜਸਵੀਰ ਸਿੰਘ ਖਾਲਸਾ ਨੇ ਗੁਰੂ ਦੁਆਰਾ ਗੁਰੂਸਰ ਕੱਟੂ ਵਿਖੇ ਗੱਲਬਾਤ ਕਰਦਿਆਂ ਕਿਹਾਕਿ ਬਦਨਾਮ ਨਿਹੰਗ ਅਜੀਤ ਸਿੰਘ ਪੂਹਲੇ ਨੇ ਨਿਹੱਥੇ ਅਤੇ ਨਿਰਦੋਸ਼ ਲੋਕਾਂ ਦੀਆਂ ਜਾਨਾਂ ਲਈਆਂ ਇਹੋ ਨਿਹੰਗ ਬਾਣੇ ਨੂੰ ਬਦਨਾਮ ਕੀਤਾ। ਉਨ੍ਹਾਂ ਕਿਹਾ ਕਿ ਨਿਹੰਗ ਸਿੱਖਾਂ ਦੀਆਂ ਸਿੱਖੀ ਪ੍ਰਤੀ ਵੱਡੀਆਂ ਕੁਰਬਾਨੀਆਂ ਹਨ, ਪਰ ਕੁਝ ਮੌਕਾ ਪ੍ਰਸਤੀ ਵਿਅਕਤੀ ਆਪਣੇ ਹਿੱਤਾਂ ਦੀ ਪੂਰਤੀ ਲਈ ਪੂਰੀ ਫੌਜ ਨੂੰ ਬਦਨਾਮ ਕਰਦੇ ਹਨ, ਉਹਨਾਂ ਨੂੰ ਸਰਕਾਰ ਸਖਤ ਸਜ਼ਾਵਾਂ ਦੇਵੇ ਤਾਂ ਕਿ ਭਵਿੱਖ ਵਿੱਚ ਅਜਿਹੇ ਮੌਕਾਪ੍ਰਸਤੀ ਵਿਅਕਤੀ ਜ਼ੁਲਮ ਨਾ ਕਰੇ। ਉਨ੍ਹਾਂ ਕਿਹਾ ਕਿ ਸਿੱਖ ਧਰਮ ਦੀ ਆੜ ਹੇਠ ਗਲਤ ਕੰਮ ਕਰਨ ਵਾਲੇ ਨਿਹੰਗਾਂ ਨੂੰ ਗੁਰੂ ਨੇ ਵੀ ਮਸੰਦਾਂ ਵਾਲਾ ਹਾਲ ਹੋਵੇਗਾ। ਇਸ ਮੌਕੇ ਜਥੇਦਾਰ ਅਵਤਾਰ ਸਿੰਘ ਰੋਡੇ, ਸਰਬਜੀਤ ਸਿੰਘ ਕੱਟੂ, ਜਥੇਦਾਰ ਗੁਰਦਰਸ਼ਨ ਸਿੰਘ ਪ੍ਰਧਾਨ ਕਰਨੈਲ ਸਿੰਘ ਸਰਾਂ ਸ਼ਾਮਿਲ ਸਨ।

ਕੈਪਟਨ ਅਮਰਿੰਦਰ ਸਿੰਘ ਲੋਕ ਸਭਾ ਚੋਣਾਂ ਵਿੱਚ ਅਕਾਲੀ ਦਲ ਤੇ ਆਪਣਾ ਦਬਦਬਾ ਬਣਾਉਣ ਦੀ ਕੋਸ਼ਿਸ਼ ਵਿੱਚ

ਚੰਡੀਗੜ੍ਹ, 30 ਅਗਸਤ -ਅੰਮ੍ਰਿਤਸਰ ਵਿਚ ਮਿਲੇ ਭਰਵੇਂ ਹੁੰਗਾਰੇ ਤੋਂ ਬਾਅਦ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਅੱਖ ਮਾਲਵੇ ’ਤੇ ਟਿਕੀ ਹੋਈ ਹੈ। ਪਹਿਲੀ ਸਤੰਬਰ ਨੂੰ ¦ਬੀ ਵਿੱਚ ਭਰਵੀਂ ਰੈਲੀ ਕਰਕੇ ਅਮਰਿੰਦਰ ਲੋਕ ਸਭਾ ਚੋਣਾਂ ਵਿੱਚ ਅਕਾਲੀ ਦਲ ਤੇ ਆਪਣਾ ਦਬਦਬਾ ਬਣਾਉਣ ਦੀ ਕੋਸ਼ਿਸ਼ ਵਿੱਚ ਹਨ ਅੰਮ੍ਰਿਤਸਰ ’ਚ ਉਨ੍ਹਾਂ ਦੇ ਸਵਾਗਤ ਲਈ ਉਮੜੀ ਭੀੜ ਨੇ ਅਕਾਲੀਆਂ ਨੂੰ ਫਿਕਰ ਵਿੱਚ ਪਾ ਦਿੱਤਾ ਹੈ। ਪਾਕਿਸਤਾਨੀ ਪੱਤਰਕਾਰ ਅਰੂਸਾ ਨਾਲ ਦੋਸਤੀ ਨੂੰ ਲੈ ਕੇ ਵਿਰੋਧੀਆਂ ਦੇ ਨਿਸ਼ਾਨੇ ਤੇ ਰਹੇ ਕੈਪਟਨ ਅਮਰਿੰਦਰ ਸਿੰਘ ਇਕ ਸਾਲ ਤੋਂ ਵੀ ਵੱਧ ਸਮਾਂ ਪੰਜਾਬ ਰਾਜਨੀਤਿਕ ਨਕਸ਼ੇ ਤੋਂ ਲਾਂਭੇ ਰਹਿਣ ਉਪਰੰਤ ਇਕ ਦਮ ਪੰਜਾਬ ਦੀ ਰਾਜਨੀਤੀ ਵਿੱਚ ਇੰਨੇ ਪ੍ਰਭਾਵਸ਼ਾਲੀ ਢੰਗ ਨਾਲ ਦਾਖਲ ਹੋਣਗੇ। ਅਕਾਲੀ-ਭਾਜਪਾ ਸਮੇਤ ਉਨ੍ਹਾਂ ਦੀ ਪਾਰਟੀ ਦੇ ਅੰਦਰਲੇ ਵਿਰੋਧੀਆਂ ਨੂੰ ਵੀ ਇਹ ਆਸ ਨਹੀਂ ਸੀ। ਬੀਤੀਆਂ ਵਿਧਾਨ ਸਭਾ ਚੋਣਾਂ ਦੌਰਾਨ ਮਾਲਵਾ ਵਿੱਚ ਕਾਂਗਰਸ ਨੂੰ ਮੁੜ ਸੁਰਜੀਤ ਕਰਕੇ ਬਾਦਲ ਨੂੰ ਚੁਣੌਤੀ ਦੇਣ ਵਾਲੇ ਅਮਰਿੰਦਰ ਨੇ ਦੁਬਾਰਾ ਪੰਜਾਬ ਦੀ ਰਾਜਨੀਤੀ ਵਿੱਚ ਦਾਖਲ ਹੁੰਦਿਆਂ ਹੀ ਮਾਝੇ ਵਿੱਚ ਵਿਰੋਧੀਆਂ ਨੂੰ ਆਪਣਾ ਜਲਵਾ ਦਿਖਾ ਦਿੱਤਾ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੀਆਂ ਵਿਧਾਨ ਸਭਾ ਚੋਣਾਂ ਦੌਰਾਨ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਹੇਠ ਕਾਂਗਰਸ ਨੇ ਪ੍ਰਕਾਸ਼ ਸਿੰਘ ਬਾਦਲ ਦੇ ਗੜ੍ਹ ਵਾਲੇ ਮਾਲਵਾ ਖੇਤਰ ਵਿੱਚ ਠਿੱਬੀ ਲਾ ਕੇ ਅਕਾਲੀ ਦਲ ਨੂੰ ਰਿਕਾਰਡ ਮਾਤ ਦਿੱਤੀ ਸੀ। ਲੋਕ ਸਭਾ ਚੋਣਾਂ ਦੌਰਾਨ ਇਕ ਵਾਰ ਮੁੜ ਕੈਪਟਨ ਅਮਰਿੰਦਰ ਸਿੰਘ ਵਿਧਾਨ ਸਭਾ ਵਾਲੀ ਕਾਰਗੁਜ਼ਾਰੀ ਨੂੰ ਦੁਹਰਾਉਣ ਦੀ ਜੁਗਤ ਵਿੱਚ ਹਨ। ਰਾਜਨੀਤਕ ਮਾਹਿਰਾ ਮੁਤਾਬਿਕ ¦ਬੀ ਦੀ ਰੈਲੀ ਵਿੱਚ ਜੇਕਰ ਕੈਪਟਨ ਅਮਰਿੰਦਰ ਸਿੰਘ ਬੜੀ ਭੀੜ ਇੱਕਠੀ ਕਰ ਲੈਂਦੇ ਹਨ ਤਾਂ ਅਕਾਲੀਆਂ ਲਈ ਇਹ ਚੁਣੌਤੀ ਲੋਕ ਸਭਾ ਚੋਣਾਂ ਦੇ ਮੱਦੇਨਜ਼ਰ ਉਹ ਸਿਰਦਰਦੀ ਹੋਵੇਗੀ। ਜਿਸ ਦਾ ਇਲਾਜ ਲੱਭਣ ਲਈ ਅਕਾਲੀਆਂ ਨੂੰ ਵੀ ਕੋਈ ਨਵੀ ਜੁਗਤ ਲੜਾਉਣੀ ਪਵੇਗੀ। ਸੂਤਰਾਂ ਅਨੁਸਾਰ ਕੱਲ੍ਹ ਅੰਮ੍ਰਿਤਸਰ ਵਿਖੇ ਕੈਪਟਨ ਅਮਰਿੰਦਰ ਸਿੰਘ ਨੂੰ ਮਿਲੇ ਭਰਵੇਂ ਸਵਾਗਤ ਨੂੰ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਸਮੇਤ ਅਕਾਲੀ ਦਲ ਦੀ ਮੁੱਖ ਕਤਾਰ ਦੇ ਲੀਡਰਾਂ ਦੇ ਮੱਥਿਆਂ ’ਤੇ ਚਿੰਤਾਂ ਦੀਆਂ ਲਕੀਰਾਂ ਵਾਹ ਦਿੱਤੀਆਂ ਹਨ। ਸੂਤਰ ਇਹ ਵੀ ਦੱਸਦੇ ਹਨ ਕਿ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਫਿਲਹਾਲ ਸਾਰੇ ਸਰਕਾਰੀ ਰੁਝੇਵਿਆਂ ਨੂੰ ਛੱਡ ਕੇ ਕੈਪਟਨ ਅਮਰਿੰਦਰ ਸਿੰਘ ਦੀ ਚੁਣੌਤੀ ਦਾ ਸਾਹਮਣਾ ਕਰਨ ਲਈ ਆਪਣੇ ਰਾਜਨੀਤਿਕ ਪੰਡਤਾਂ ਅਤੇ ਸਾਥੀ ਨੇਤਾਵਾਂ ਨਾਲ ਵਿਚਾਰਾਂ ਸ਼ੁਰੂ ਕਰ ਦਿੱਤੀਆਂ ਹਨ। ਇਥੇ ਵੀ ਜ਼ਿਕਰਯੋਗ ਹੈ ਕਿ ਕੈਪਟਨ ਅਮਰਿੰਦਰ ਸਿੰਘ ਨੇ ਪਾਰਟੀ ਅੰਦਰ ਚੋਣ ਮੁਹਿੰਮ ਦੇ ਮੁਖੀ ਦਾ ਅਹੁਦਾ ਸੰਭਾਲਦਿਆਂ ਹੀ ਅਕਾਲੀਆਂ ਨੂੰ ਵੰਗਾਰਿਆਂ ਕਿਹਾ ਸੀ ਕਿ ਉਨ੍ਹਾਂ ਦੇ ਨਿਸ਼ਾਨੇ ’ਤੇ ਦੋ ਮੁੱਖ ਕੰਮ ਹਨ। ਪਹਿਲਾ ਕਾਂਗਰਸ ਨੂੰ ਰਾਜ ਦੀਆ ਲੋਕ ਸਭਾ ਚੋਣਾਂ ਵਿੱਚ ਹੂੰਝਾਫੇਰ ਜਿੱਤ ਦਿਵਾਉਣੀ ਅਤੇ ਦੂਜਾ ਅਕਾਲੀ ਸਰਕਾਰ ਨੂੰ ਚੱਲਦਾ ਕਰਨਾ। ਕੈਪਟਨ ਨੇ ਇਸ ਗੱਲ ਨੂੰ ਦੁਬਾਰਾ ਦੁਹਰਾਇਆ ਹੈ। ਬੇਸ਼ੱਕ ਅਕਾਲੀ ਦਲ ਵੱਲੋਂ ਕੈਪਟਨ ਦੀ ਇਸ ਵੰਗਾਰ ਨੂੰ ਜਨਤਕ ਤੌਰ ’ਤੇ ਬਹੁਤੀ ਅਹਿਮੀਅਤ ਨਹੀਂ ਦਿੱਤੀ ਜਾ ਰਹੀ ਪ੍ਰੰਤੂ ਦਲ ਦੇ ਅੰਦਰ ਕੁਝ ਮਹੱਤਵਪੂਰਨ ਨੇਤਾ ਅਮਰਿੰਦਰ ਸਿੰਘ ਦੇ ਇਸ ਤਰਕ ਨੂੰ ਗੰਭੀਰਤਾ ਨਾਲ ਲੈ ਰਹੇ ਹਨ। ਆਪਣਾ ਨਾਂ ਗੁਪਤ ਰੱਖਣ ਦੀ ਸ਼ਰਤ ’ਤੇ ਇਨ੍ਹਾਂ ਨੇਤਾਵਾਂ ਦਾ ਕਹਿਣਾ ਹੈ ਕਿ ਬਾਦਲ ਤੋਂ ਬਾਅਦ ਪਹਿਲੀ ਵਾਰ ਪੰਜਾਬ ਦੀ ਰਾਜਨੀਤੀ ਵਿੱਚ ਜੋ ਕਿਸੇ ਲੀਡਰ ਨੂੰ ਲੋਕਪ੍ਰਿਅਤਾ ਮਿਲੀ ਹੈ ਉਹ ਅਮਰਿੰਦਰ ਸਿੰਘ ਹੈ। ਉਸ ਨੇ ਆਉਂਦਿਆ ਹੀ ਸਮੁੱਚੇ ਅਕਾਲੀ ਦਲ ਵਿੱਚ ਚਿੰਤਾ ਪੈਦਾ ਕਰ ਦਿੱਤੀ ਹੈ। ਇਨ੍ਹਾਂ ਨੇਤਾਵਾ ਦਾ ਇੱਥੋਂ ਤੱਕ ਕਹਿਣਾ ਹੈ ਕਿ ਭਰੋਸੇ ਦੀ ਵੋਟ ਦੇ ਮੌਕੇ ਕੀਤਾ ਗਿਆ ਡਾ. ਮਨਮੋਹਨ ਸਿੰਘ ਦਾ ਵਿਰੋਧ ਵੀ ਅਕਾਲੀ ਦਲ ਨੂੰ ਮਹਿੰਗਾ ਪਵੇਗਾ। ਅਮਰਿੰਦਰ ਸਿੰਘ ਵੱਲੋਂ ਡਾ. ਮਨਮੋਹਨ ਸਿੰਘ ਨੂੰ ਅੰਮ੍ਰਿਤਸਰ ਤੋਂ ਚੋਣ ਲੜਾਉਣ ਦੀ ਅਪੀਲ ਨੂੰ ਵੀ ਲੋਕ ਸਭਾ ਚੋਣਾਂ ਦੇ ਮਦੇਨਜ਼ਰ ਨੀਤੀ ਦੇ ਹਿੱਸੇ ਵਜੋਂ ਲਿਆ ਜਾ ਰਿਹਾ ਹੈ। ਸਟਾਰ ਕੰਪੇਨਰ ਵਜੋਂ ਉਭਰ ਰਹੇ ਕੈਪਟਨ ਅਮਰਿੰਦਰ ਸਿੰਘ ਨੂੰ ਵੇਖ ਕੇ ਅਕਾਲੀ ਦਲ ਨੂੰ ਇਹ ਵੀ ਚਿੰਤਾ ਸਤਾਉਣ ਲੱਗੀ ਹੈ ਕਿ ਕੈਪਟਨ ਅਮਰਿੰਦਰ ਸਿੰਘ ਲੋਕ ਸਭਾ ਚੋਣਾਂ ਵਿੱਚ ਕਾਂਗਰਸ ਦੇ ਸਟਾਰ ਕੰਪੇਨਰ ਵਜੋਂ ਉਭਰ ਕੇ ਸਾਹਮਣੇ ਆ ਸਕਦੇ ਹਨ। ਕੁਝ ਸਮਾਂ ਪਹਿਲਾਂ ਕਾਂਗਰਸ ਕੋਲ ਇਸ ਗੱਲ ਦੀ ਕਮੀ ਨੂੰ ਵੇਖਦਿਆਂ ਅਕਾਲੀਆਂ ਦੇ ਹੌਸਲੇ ਬੁ¦ਦ ਸਨ ਪ੍ਰੰਤੂ ਕੈਪਟਨ ਅਮਰਿੰਦਰ ਸਿੰਘ ਦੁਆਲੇ ਜੁੜਦੀ ਭੀੜ ਨੇ ਅਕਾਲੀਆਂ ਨੂੰ ਹੁਣੇ ਤੋਂ ਹੀ ਸੰਕੇਤ ਦੇਣੇ ਸ਼ੁਰੂ ਕਰ ਦਿੱਤੇ ਹਨ ਕਿ ਕੈਪਟਨ ਅਮਰਿੰਦਰ ਸਿੰਘ ਲੋਕ ਸਭਾ ਚੋਣਾਂ ਵਿੱਚ ਕਾਂਗਰਸ ਦਾ ਸਟਾਰ ਕੰਪੇਨਰ ਹੋਵੇਗਾ। ਇਹ ਵੀ ਪਤਾ ਲੱਗਾ ਹੈ ਕਿ ਸਤੰਬਰ ਦੇ ਪਹਿਲੇ ਹਫਤੇ ਕੈਪਟਨ ਅਮਰਿੰਦਰ ਸਿੰਘ ਵੱਲੋਂ ਬਕਾਇਦਾ ਤੌਰ ’ਤੇ ਜ਼ਿਲ੍ਹਾ ਚੋਣ ਕਮੇਟੀਆਂ ਗਠਿਤ ਕਰਨ ਦਾ ਸਿਲਸਿਲਾ ਸ਼ੁਰੂ ਕੀਤਾ ਜਾ ਰਿਹਾ ਹੈ ਅਤੇ ਇਸ ਪ੍ਰੀਕਿਆ ਨੂੰ ਜਲਦੀ ਮੁਕੰਮਲ ਕਰਕੇ ਉਹ ਬਕਾਇਦਾ ਚੋਣ ਮੁਹਿੰਮ ਵਿੱਚ ਕੁੱਦ ਪੈਣਗੇ।

ਉੜੀਸਾ ਦੇ ਕੰਧਮਾਲ ਜ਼ਿਲ੍ਹੇ ਵਿਚ ਪ੍ਰਦਰਸ਼ਨਕਾਰੀਆਂ ਨੇ 24 ਘਰਾਂ ਨੂੰ ਫੂਕਿਆ

ਕੋਟਾਪੁਟ, 30 ਅਗਸਤ 2008 - ਉੜੀਸਾ ਦੇ ਕੰਧਮਾਲ ਜ਼ਿਲ੍ਹੇ ਵਿਚ ਪ੍ਰਦਰਸ਼ਨਕਾਰੀਆਂ ਨੇ ਸ਼ਨੀਵਾਰ ਨੂੰ 24 ਘਰਾਂ ਨੂੰ ਅੱਗ ਲਗਾ ਦਿੱਤੀ। ਇਸ ਦੌਰਾਨ ਜ਼ਿਲ੍ਹੇ ਵਿਚ ਦੋ ਲਾਸ਼ਾਂ ਬਰਾਮਦ ਹੋਣ ਦੇ ਨਾਲ ਹੀ ਕਰੀਬ ਇਕ ਹਫਤੇ ਤੋਂ ਜਾਰੀ ਫਿਰਕੂ ਹਿੰਸਾ ਵਿਚ ਮ੍ਰਿਤਕਾਂ ਦੀ ਗਿਣਤੀ 14 ਹੋ ਗਈ ਹੈ। ਉੱਧਰ ਕੋਟਾਪੁਟ ਜ਼ਿਲ੍ਹੇ ਦੇ ਜੈਪੁਰ ਸ਼ਹਿਰ ਵਿਚ ਦੋ ਧਿਰਾਂ ਦੇ ਵਿਚਾਲੇ ਹੋਈ ਲੜਾਈ ਦੇ ਬਾਅਦ ਉੱਥੇ ਕਰਫਿਊ ਲਗਾ ਦਿੱਤਾ ਗਿਆ ਹੈ।ਝੜੱਪ ਦੇ ਦੌਰਾਨ ਹੋਈ ਹਿੰਸਕ ਘਟਨਾ ਵਿਚ ਪੰਜ ਪੁਲਿਸਕਰਮੀ ਵੀ ਜ਼ਖਮੀ ਹੋ ਗਏ। ਕੰਧਮਾਲ ਵਿਚ ਪਿਛਲੇ ਕਈ ਦਿਨ ਤੋਂ ਪ੍ਰਦਰਸ਼ਨਕਾਰੀਆਂ ਦੀਆਂ ਹਿੰਸਕ ਘਟਨਾਵਾਂ ਜਾਰੀ ਹਨ ਅਤੇ ਸ਼ਨੀਵਾਰ ਨੂੰ ਇਸੇ ਲੜੀ ਵਿਚ 24 ਘਰਾਂ ਨੂੰ ਅੱਗ ਲਗਾ ਦਿੱਤੀ ਗਈ। ਮੁੱਖ ਮੰਤਰੀ ਨਵੀਨ ਪਟਨਾਇਕ ਨੇ ਹਿੰਸਾ ਨਾਲ ਪ੍ਰਭਾਵਿਤ ਇਲਾਕਿਆਂ ਦਾ ਦੌਰਾ ਕੀਤਾ। ਉੱਧਰ ਸਰਕਾਰੀ ਸੂਤਰਾਂ ਨੇ ਦੱਸਿਆ ਕਿ ਖਰਾਬ ਮੌਸਮ ਦੇ ਕਾਰਨ ਹੈਲੀਕਾਪਟਰ ਵਾਪਸ ਆਉਣ ਦੇ ਬਾਅਦ ਪਟਨਾਇਕ ਨੇ ਸੜਕੀ ਮਾਰਗ ਰਾਹੀਂ ਕੰਧਮਾਲ ਜਾਣ ਦਾ ਫੈਸਲਾ ਕੀਤਾ ਸੀ। ਜ਼ਿਲ੍ਹੇ ਦੀ ਸਥਿਤੀ ‘ਤੇ ਨਜ਼ਰ ਰੱਖ ਰਹੇ ਇਕ ਸੀਨੀਅਰ ਅਧਿਕਾਰੀ ਸੁਰੇਸ਼ ਮਹਾਪਾਤਰ ਨੇ ਕਿਹਾ ਕਿ ਪੇਟਾਪੰਗਾ ਪਿੰਡ ਦੇ ਨੇੜੇ ਰਾਈਕਿਆ ਇਲਾਕੇ ਵਿਚ ਦੋ ਲਾਸ਼ਾਂ ਬਰਾਬਦ ਕੀਤੀਆਂ ਗਈਆਂ। ਇਸ ਦੇ ਨਾਲ ਮ੍ਰਿਤਕਾਂ ਦੀ ਗਿਣਤੀ 14 ਹੋ ਗਈ ਹੈ।ਪੁਲਿਸ ਨੇ ਕਿਹਾ ਕਿ ਕਟਰਿੰਗਿਆ,ਕਾਨੀਬਲੀ, ਬਘਡੁੰਗਰੀ ਅਤੇ ਗੋਚਾਪਾੜਾ ਪੰਚਾਇਤ ਖੇਤਰ ਵਿਚ ਆਉਣ ਵਾਲੇ ਕੁਝ ਹੋਰ ਪਿੰਡਾਂ ਵਿਚ ਘਰਾਂ ਨੂੰ ਅੱਗ ਲਗਾ ਦਿੱਤੀ ਗਈ।

ਪਾਕਿਸਤਾਨ ‘ਚ ਚਾਰ ਹੋਰ ਬਰਖਾਸਤ ਜੱਜ ਬਹਾਲ

ਇਸਲਾਮਾਬਾਦ, 30 ਅਗਸਤ 2008 - ਪਾਕਿਸਤਾਨ ਸਰਕਾਰ ਨੇ ਸਾਬਕਾ ਰਾਸ਼ਟਰਪਤੀ ਪ੍ਰਵੇਜ਼ ਮੁਸ਼ੱਰਫ ਦੁਆਰਾ ਬਰਖਾਸਤ ਕੀਤੇ ਗਏ ਚਾਰ ਹੋਰ ਜੱਜ ਬਹਾਲ ਕਰ ਦਿੱਤੇ ਹਨ। ਇਸ ਦੇ ਨਾਲ ਹੀ ਬਹਾਲ ਕੀਤੇ ਜਾਣ ਵਾਲੇ ਜੱਜਾਂ ਦੀ ਕੁਲ ਗਿਣਤੀ 12 ਹੋ ਗਈ ਹੈ। ਬਹਾਲ ਕੀਤੇ ਗਏ ਚਾਰ ਜੱਜ ਲਹੌਰ ਹਾਈਕੋਰਟ ਦੇ ਹਨ। ਇਹ ਚਾਰ ਜੱਜ ਉਨ੍ਹਾਂ 60 ਜੱਜਾਂ ਵਿਚ ਸ਼ਾਮਲ ਸਨ ਜਿਨ੍ਹਾਂ ਨੂੰ ਮੁਸ਼ੱਰਫ ਨੇ ਪਿਛਲੇ ਸਾਲ ਐਮਰਜੈਂਸੀ ਦੌਰਾਨ ਬਰਖਾਸਤ ਕੀਤਾ ਸੀ।ਇਨ੍ਹਾਂ ਜੱਜਾਂ ਨੂੰ ਜਸਟਿਸ ਸਈਅਦ ਹੁਸੈਨ ਬੁਖਾਰੀ ਨੇ ਸਾਦੇ ਸਮਾਰੋਹ ਵਿਚ ਸਹੁੰ ਚੁਕਾਈ। ਉੱਧਰ ਸਰਕਾਰ ਵਲੋਂ ਚੋਣਵੇਂ ਤਰੀਕੇ ਨਾਲ ਜੱਜਾਂ ਨੂੰ ਬਹਾਲ ਕਰਨ ਦੀ ਨੀਤੀ ਦੀ ਵਕੀਲਾਂ ਨੇ ਸਖਤ ਆਲੋਚਨਾ ਕੀਤੀ ਹੈ ਅਤੇ ਪੀਪੀਪੀ ਦੀ ਅਗਵਾਈ ਵਾਲੀ ਗੱਠਜੋੜ ਸਰਕਾਰ ਤੋਂ ਵੱਖ ਹੋਣ ਵਾਲੀ ਪੀਐਮਐਲ ਐਨ ਨੇ ਪਾਰਟੀ ਉਪ ਪ੍ਰਧਾਨ ਅਲੀ ਜ਼ਰਦਾਰੀ ਉੱਤੇ ਜੱਜਾਂ ਨੂੰ ਬਹਾਲ ਕਰਨ ਦੇ ਵਾਅਦੇ ਤੋਂ ਪਿੱਛੇ ਹਟਣ ਦਾ ਦੋਸ਼ ਲਗਾਇਆ ਹੈ। ਲਹੌਰ ਹਾਈਕੋਰਟ ਬਾਰ ਐਸੋਸੀਏਸ਼ਨ ਦੇ ਅਹੁਦੇਦਾਰਾਂ ਨੇ ਆਪਣਾ ਵਿਰੋਧ ਦਰਜ ਕਰਦੇ ਹੋਏ ਅੱਜ ਦੇ ਸਮਾਰੋਹ ਵਿਚ ਹਿੱਸਾ ਨਹੀਂ ਲਿਆ। ਇਸ ਪ੍ਰੋਗਰਾਮ ਦੇ ਲਈ ਸੁਰੱਖਿਆ ਦੇ ਕੜੇ ਇੰਤਜ਼ਾਮ ਕੀਤੇ ਗਏ ਸਨ ਅਤੇ ਸਾਧਾਰਨ ਲੋਕਾਂ ਨੂੰ ਸਮਾਰੋਹ ਵਿਚ ਦਾਖਲੇ ਦੀ ਆਗਿਆ ਨਹੀਂ ਦਿੱਤੀ ਗਈ।ਇਕ ਨੋਟੀਫਿਕੇਸ਼ਨ ਵਿਚ ਕਿਹਾ ਗਿਆ ਸੀ ਕਿ ਲਹੌਰ ਹਾਈਕੋਰਟ ਦੇ ਜੱਜਾਂ ਦੀ ਸ਼ਕਤੀ ਵਧਾ ਕੇ 60 ਜੱਜ ਕਰ ਦਿੱਤੀ ਗਈ ਸੀ ਪਰ ਇਨ੍ਹਾਂ ਚਾਰ ਜੱਜਾਂ ਦੀ ਬਹਾਲੀ ਦੇ ਬਾਵਜੂਦ ਹਾਈਕੋਰਟ ਵਿਚ ਜੱਜਾਂ ਦੀ ਗਿਣਤੀ ਕੇਵਲ 37 ਹੈ।

ਗੁਰਦਾਖੋਰ ਡਾ. ਅਮਿਤ ਦੀ ਜਾਇਦਾਦ ਕੁਰਕੀ ਲਈ ਇੰਟਰਪੋਲ ਤੇ ਕੈਨੇਡੀਅਨ ਐਂਬੈਸੀ ਤੱਕ ਪਹੁੰਚ

ਅੰਬਾਲਾ, 30 ਅਗਸਤ - ਗੁਰਦਾਖੋਰ ਡਾ. ਅਮਿਤ ਦੀ ਜਾਇਦਾਦ ਦੀ ਕੁਰਕੀ ਲਈ ਸੀ. ਬੀ. ਆਈ. ਨੇ ਇੰਟਰਪੋਲ ਤੇ ਕੈਨੇਡੀਅਨ ਸਫ਼ਾਰਤਖਾਨੇ ਤੱਕ ਪਹੁੰਚ ਕੀਤੀ ਹੈ। ਸੀ. ਬੀ. ਆਈ. ਦੀ ਅਦਾਲਤ ਨੇ ਕੱਲ੍ਹ ਸ਼ੁੱਕਰਵਾਰ ਨੂੰ ਗੁੜਗਾਓਂ ਨਿਵਾਸੀ ਡਾ. ਅਮਿਤ, ਡਾ. ਜੀਵਨ ਅਤੇ ਡਾ. ਉਪਿੰਦਰ ਦੀ ਜਾਇਦਾਦ ਅਗਲੇਰੀ ਜਾਂਚ ਲਈ ਕੁਰਕ ਕਰਨ ਦੇ ਹੁਕਮ ਜਾਰੀ ਕਰ ਦਿੱਤੇ ਹਨ। ਇਹ ਤਿੰਨੇ ਗੁਰਦਾ ਘੁਟਾਲੇ ਦੇ ਦੋਸ਼ੀ ਹਨ ਅਤੇ ਇਸ ਵੇਲੇ ਅੰਬਾਲਾ ਦੀ ਜੇਲ ਵਿੱਚ ਹਿਰਾਸਤੀ ਰਿਮਾਂਡ ‘ਤੇ ਹਨ। ਡਾ. ਅਮਿਤ ਟੋਰਾਂਟੇ ਨੇੜੇ ਬਰੈਂਪਟਨ ਵਿਖੇ ਰਹਿ ਰਿਹਾ ਸੀ, ਉਥੇ ਉਸ ਦਾ ਆਪਣਾ 5600 ਵਰਗ ਫ਼ੁੱਟ ਦਾ ਇੱਕ ਮਕਾਨ ਵੀ ਹੈ, ਜਿੱਥੇ ਅੱਜ ਕੱਲ੍ਹ ਇੱਕ ਔਰਤ (ਜੋ ਸ਼ਾਇਦ ਅਮਿਤ ਦੀ ਪਤਨੀ ਪੂਨਮ ਹੈ) ਅਤੇ ਉਸ ਦੇ ਦੋ ਬੱਚਿਆਂ ਤੋਂ ਇਲਾਵਾ ਹੋਰ ਕੋਈ ਵੀ ਵਿਖਾਈ ਨਹੀਂ ਦਿੰਦਾ। ਡਾ. ਅਮਿਤ ਨੇ ਇਹ ਮਕਾਨ ਪਿਛਲੇ ਸਾਲ 2 ਫ਼ਰਵਰੀ ਨੂੰ 6.10 ਲੱਖ ਡਾਲਰ ਦਾ ਖ਼ਰੀਦਿਆ ਦੱਸਿਆ ਜਾਂਦਾ ਹੈ। ਡਾ. ਅਮਿਤ ਦੇ ਬੱਚਿਆਂ ਦੀ ਉਮਰ 4 ਤੇ 5 ਸਾਲ ਹੈ। ਇਸ ਸਾਲ ਫ਼ਰਵਰੀ ‘ਚ ਜਦੋਂ ਉਸ ਨੂੰ ਨੇਪਾਲ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਸੀ ਤਾਂ ਉਹ ਕੈਨੇਡਾ ਵਿੱਚ ਇੱਕ ਹੋਟਲ ਖ਼ਰੀਦਣ ਦੀ ਯੋਜਨਾ ਬਣਾ ਰਿਹਾ ਸੀ। ਸੀ. ਬੀ. ਆਈ. ਦੇ ਮੈਜਿਸਟਰੇਟ ਅਬਦੁਲ ਮਜੀਦ ਨੇ ਕੱਲ੍ਹ ਇਸ ਮਾਮਲੇ ਦੀ ਸੁਣਵਾਈ 3 ਸਤੰਬਰ ਤੱਕ ਲਈ ਮੁਲਤਵੀ ਕਰ ਦਿੱਤੀ। ਇਸ ਤੋਂ ਪਹਿਲਾਂ ਸੀ. ਬੀ. ਆਈ. ਨੇ ਡਾ. ਅਮਿਤ ਤੇ ਹੋਰਨਾਂ ਦੋਸ਼ੀਆਂ ਦੀ ਜਾਇਦਾਦ ਕੁਰਕ ਕਰਵਾਉਣ ਲਈ ਇੱਕ ਅਰਜ਼ੀ ਅਦਾਲਤ ‘ਚ ਦਾਖ਼ਲ ਕੀਤੀ ਸੀ। ਸੀ. ਬੀ. ਆਈ. ਨੇ ਉਸ ਦੀ ਰਿਹਾਇਸ਼ੀ ਅਤੇ ਵਪਾਰਕ ਜਾਇਦਾਦਾਂ ਦੀਆਂ 12 ਸੂਚੀਆਂ ਤਿਆਰ ਕੀਤੀਆਂ ਸਨ। ਗੁੜਗਾਓਂ ਦੀਆਂ ਕਈ ਵਧੀਆ ਕਾਲੋਨੀਆਂ ਵਿੱਚ ਮਕਾਨ ਹਨ, ਜਿਨ੍ਹਾਂ ਦੀ ਕੀਮਤ ਕਰੋੜਾਂ ‘ਚ ਬੈਠਦੀ ਹੈ। ਇਸੇ ਤਰ੍ਹਾਂ ਡਾ. ਉਪਿੰਦਰ ਦੀਆਂ ਵੀ 11 ਸੰਪਤੀਆਂ ਫ਼ਰੀਦਾਬਾਦ ਤੇ ਬੱਲਭਗੜ੍ਹ ਵਿੱਚ ਹਨ ਜਦਕਿ ਡਾ. ਜੀਵਨ ਦੇ ਦੋ ਸੰਪਤੀਆਂ ਹਨ। ਸੀ. ਬੀ. ਆਈ. ਨੇ ਡਾ. ਅਮਿਤ ਦੇ ਹਾਂਗਕਾਂਗ ਦੇ ਐਚ ਐਸ ਬੀ ਸੀ ਬੈਂਕ ਵਿੱਚ ਮੌਜੂਦ ਖਾਤੇ ਦਾ ਵੀ ਜ਼ਿਕਰ ਕੀਤਾ ਹੈ। ਸੀ. ਬੀ. ਆਈ. ਅਨੁਸਾਰ ਇਸ ਖਾਤੇ ਵਿੱਚ ਡਾ. ਅਮਿਤ ਦੇ 58 ਹਜ਼ਾਰ ਡਾਲਰ ਪਏ ਹਨ। ਸੀ. ਬੀ. ਆਈ. ਨੇ ਇਹ ਸਭ ਸੰਪਤੀਆਂ ਕੁਰਕ ਕਰਨ ਲਈ ਅਰਜ਼ੀ ਦਿੱਤੀ ਸੀ। ਅੰਬਾਲਾ ਅਦਾਲਤ ਪਹਿਲਾਂ ਹੀ ਕੈਨੇਡਾ ਸਥਿਤ ਡਾ. ਅਮਿਤ ਦੀ ਜਾਇਦਾਦ ਦੀ ਸਥਿਤੀ ਦਾ ਜਾਇਜ਼ਾ ਲੈਣ ਲਈ ਨਿਆਂ ਵਿਭਾਗ ਰਾਹੀਂ ਇੰਟਰਪੋਲ ਅਤੇ ਕੈਨੇਡੀਅਨ ਸਫ਼ਾਰਤਖਾਨੇ ਤੱਕ ਵੀ ਪਹੁੰਚ ਕਰ ਚੁੱਕੀ ਹੈ। ਕੇਂਦਰੀ ਜਾਂਚ ਬਿਊਰੋ ਮੁਤਾਬਕ ਡਾ. ਅਮਿਤ ਦੀ ਪਹੁੰਚ ਦੇਸ਼ ਤੇ ਵਿਦੇਸ਼ਾਂ ਵਿੱਚ ਬਹੁਤ ਦੂਰ ਤੱਕ ਹੈ। ਡਾ. ਅਮਿਤ ਦੀ ਪਤਨੀ ਪੂਨਮ ਮੈਸ. ਲਿਬਰਟੀ ਹੈਲਥ ਕੇਅਰ ਪ੍ਰਾਈਵੇਟ ਲਿਮਟਿਡ ਦੀ ਡਾਇਰੈਕਟਰ ਹੈ, ਜਿਸ ਅਧੀਨ ਅਮਿਤ ਦਾ ਗੁੜਗਾਓਂ ਵਾਲ਼ਾ ਹਸਪਤਾਲ ਚਲਦਾ ਰਿਹਾ ਹੈ।

ਜਸਵਿੰਦਰ ਸਿੰਘ ਬਣਿਆ ਪਾਕਿਸਤਾਨ ਦਾ ਪਹਿਲਾ ਗ੍ਰੈਜੂਏਟ ਸਿੱਖ

ਲਾਹੌਰ, 30 ਅਗਸਤ - ਜਸਵਿੰਦਰ ਸਿੰਘ ਨੂੰ ਪਾਕਿਸਤਾਨ ਦਾ ਪਹਿਲਾ ਗ੍ਰੈਜੂਏਟ ਸਿੱਖ ਬਣਨ ਦਾ ਮਾਣ ਹਾਸਲ ਹੋਇਆ ਹੈ। ਇਸ ਤੋਂ ਪਹਿਲਾਂ ਕਿਸੇ ਵੀ ਸਿੱਖ ਵਿਦਿਆਰਥੀ ਨੇ ਪਾਕਿਸਤਾਨ ‘ਚ ਗ੍ਰੈਜੂਏਸ਼ਨ ਨਹੀਂ ਕੀਤੀ। ਜਸਵਿੰਦਰ ਸਿੰਘ ਨੇ ਬੀ. ਏ. ਆਨਰਜ਼ ਨਾਲ਼ ਪਾਸ ਕੀਤੀ ਹੈ। ਉਹ ਉਤਰੀ ਕਬਾਇਲੀ ਇਲਾਕੇ ਨਾਲ਼ ਸਬੰਧਤ ਹੈ ਅਤੇ ਉਸ ਨੇ 2004 ‘ਚ ਕਬਾਇਲੀ ਇਲਾਕਿਆਂ ਲਈ ਰਾਖਵੀਂ ਸੀਟ ਉਤੇ ਪੰਜਾਬ ਯੂਨੀਵਰਸਿਟੀ ‘ਚ ਦਾਖ਼ਲਾ ਲਿਆ ਸੀ। ਉਸ ਨੂੰ ਆਨਰਜ਼ ਪ੍ਰੋਗਰਾਮ ਵਿੱਚ 3.4 ਜੀ ਪੀ ਏ (ਗ੍ਰੇਡ ਪੁਆਇੰਟ ਪ੍ਰੋਗਰਾਮ) ਮਿਲੇ ਹਨ। ਹੁਣ ਉਸ ਦਾ ਇਰਾਦਾ ਇਸੇ ਯੂਨੀਵਰਸਿਟੀ ਤੋਂ ਫ਼ਾਈਨਾਂਸ ਵਿੱਚ ਐਮ. ਬੀ. ਏ. ਕਰਨ ਦਾ ਹੈ। ਜਸਵਿੰਦਰ ਸਿੰਘ ਨੇ ਮੰਗ ਕੀਤੀ ਹੈ ਕਿ ਸਿੱਖਾਂ ਲਈ ਪੰਜਾਬ ਯੂਨੀਵਰਸਿਟੀ ਵਿੱਚ ਦਾਖ਼ਲੇ ਸਮੇਂ ਸੀਟਾਂ ਰਾਖਵੀਆਂ ਰੱਖੀਆਂ ਜਾਣ। ਉਸ ਨੇ ਕਿਹਾ ਕਿ ਫ਼ੌਜੀ ਜਵਾਨਾਂ, ਅਧਿਆਪਕਾਂ, ਯੂਨੀਵਰਸਿਟੀ ਦੇ ਮੁਲਾਜ਼ਮਾਂ ਦੇ ਬੱਚਿਆਂ, ਖਿਡਾਰੀਆਂ ਅਤੇ ਹੋਰ ਅਕਾਦਮਿਕ ਤੇ ਸਭਿਆਚਾਰਕ ਗਤੀਵਿਧੀਆਂ ਵਿੱਚ ਭਾਗ ਲੈਣ ਵਾਲ਼ਿਆਂ ਲਈ ਸੀਟਾਂ ਪਹਿਲਾਂ ਤੋਂ ਹੀ ਰਾਖਵੀਆਂ ਹਨ। ਇਸ ਤੋਂ ਇਲਾਵਾ ਉਤਰੀ ਕਬਾਇਲੀ ਇਲਾਕਿਆਂ, ਵਜ਼ੀਰਿਸਤਾਨ ਅਤੇ ਬਲੋਚਿਸਤਾਨ ਦੇ ਵਿਦਿਆਰਥੀਆਂ ਲਈ ਵੀ ਸੀਟਾਂ ਰਾਖਵੀਆਂ ਗਈਆਂ ਹਨ ਪਰ ਘੱਟ ਗਿਣਤੀਆਂ ਲਈ ਇੱਕ ਵੀ ਸੀਟ ਰਾਖਵੀਂ ਨਹੀਂ ਰੱਖੀ ਗਈ। ਉਸ ਨੇ ਕਿਹਾ ਕਿ ਸਾਰੀਆਂ ਘੱਟ ਗਿਣਤੀਆਂ ਨੂੰ ਹੀ ਦਾਖ਼ਲੇ ਵੇਲੇ ਰਾਖਵੀਆਂ ਸੀਟਾਂ ਦੀ ਸਹੂਲਤ ਦਿੱਤੀ ਜਾਣੀ ਚਾਹੀਦੀ ਹੈ। ਉਸ ਨੇ ਕਿਹਾ ਕਿ ਭਾਰਤ ਅਤੇ ਪਾਕਿਸਤਾਨ ਵਿਚਾਲ਼ੇ ਸਬੰਧ ਹੋਰ ਮਜ਼ਬੂਤ ਕੀਤੇ ਜਾਣੇ ਚਾਹੀਦੇ ਹਨ। ਇੱਕ ਸੁਆਲ ਦੇ ਜੁਆਬ ਵਿੱਚ ਜਸਵਿੰਦਰ ਸਿੰਘ ਨੇ ਕਿਹਾ ਕਿ ਪਾਕਿਸਤਾਨ ਦੇ ਸਿੱਖ ਲੜਕਿਆਂ ਦਾ 30 ਸਾਲਾਂ ਦੀ ਉਮਰ ਵਿੱਚ ਜਾ ਕੇ ਵੀ ਵਿਆਹ ਸੰਭਵ ਨਹੀਂ ਹੋ ਪਾਉਾਂਦਾ ਕਿਉਂਕਿ ਇੱਥੇ ਸਿੱਖ ਕੁੜੀਆਂ ਦੀ ਘਾਟ ਹੈ। ਅੰਮ੍ਰਿਤਸਰ ਜਾ ਕੇ ਵਿਆਹ ਕਰਵਾਉਣਾ ਹੁਣ ਸਖ਼ਤ ਵੀਜ਼ਾ ਪਾਬੰਦੀਆਂ ਕਾਰਣ ਔਖਾ ਹੋ ਗਿਆ ਹੈ। ਉਸ ਨੇ ਿਕਿਹਾ ਕਿ ਪੜ੍ਹਾਈ ਦੌਰਾਨ ਉਸ ਨਾਲ਼ ਕਦੇ ਵੀ ਕਿਸੇ ਕਿਸਮ ਦਾ ਨਸਲੀ ਵਿਤਕਰਾ ਨਹੀਂ ਹੋਇਆ।

ਸੈਕਰਾਮੈਂਟੋ ਦੇ ਪੰਜਾਬੀ ਨੌਜਵਾਨ ਸਮੇਤ 5 ਜਣੇ ਭੀੜ ‘ਤੇ ਗੋਲ਼ੀਆਂ ਚਲਾਉਣ ਦੇ ਦੋਸ਼ ਹੇਠ ਗ੍ਰਿਫ਼ਤਾਰ

ਸੈਕਰਾਮੈਂਟੋ (ਕੈਲੀਫ਼ੋਰਨੀਆ, ਅਮਰੀਕਾ), 30 ਅਗਸਤ - ਵੀਰਵਾਰ ਨੂੰ ਤਕਰੀਬਨ 13 ਵਿਅਕਤੀਆਂ ਉਤੇ ਗੋਲ਼ੀਆਂ ਚਲਾਉਣ ਦੇ ਦੋਸ਼ ਹੇਠ ਸੈਕਰਾਮੈਂਟੋ ਪੁਲਿਸ ਨੇ 20 ਸਾਲਾਂ ਦੇ ਪੰਜਾਬੀ ਨੌਜਵਾਨ ਕੁਲਪ੍ਰੀਤ ਸਿੰਘ ਅਤੇ 19 ਵਰ੍ਹਿਆਂ ਦੇ ਕਲੀਅਰੈਂਸ ਵਾਟਸ ਸਮੇਤ ਪੰਜ ਜਣਿਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਬਾਕੀ ਦੇ ਤਿੰਨ ਜਣਿਆਂ ਦੇ ਨਾਂਅ ਪੁਲਿਸ ਨੇ ਇਸ ਲਈ ਨਹੀਂ ਦੱਸੇ ਕਿਉਂਕਿ ਉਨ੍ਹਾਂ ਦੀ ਉਮਰ 16 ਸਾਲਾਂ ਤੋਂ ਵੀ ਘੱਟ ਹੈ। ਪੁਲਿਸ ਅਨੁਸਾਰ ਸ਼ੱਕੀ ਦੋਸ਼ੀਆਂ ਨੇ ਮੀਡੋਵਿਊ ਇਲਾਕੇ ਤੋਂ ਮਿਡਟਾਊਨ ਸੈਕਰਾਮੈਂਟੋ ਜਾਂਦੇ ਸਮੇਂ ਚਲਦੀ ਕਾਰ ਵਿਚੋਂ 13 ਵਿਅਕਤੀਆਂ ਉਤੇ ਗੋਲ਼ੀਆਂ ਚਲਾਈਆਂ ਸਨ। ਇਸ ਘਟਨਾ ਵਿੱਚ ਅੱਠ ਵਿਅਕਤੀ ਜ਼ਖ਼ਮੀ ਹੋ ਗਏ ਸਨ ਪਰ ਚੰਗੇ ਭਾਗਾਂ ਨਾਲ਼ ਉਹ ਸਾਰੇ ਹੀ ਬਚ ਗਏ ਸਨ। ਵਾਰਦਾਤ ਵਾਲ਼ੀ ਥਾਂ ਦੇ ਨਿਰੀਖਣ ਮਗਰੋਂ ਪੁਲਿਸ ਨੇ ਅੰਦਾਜ਼ਾ ਲਾਇਆ ਸੀ ਕਿ ਗੋਲ਼ੀਆਂ ਅੰਨ੍ਹੇਵਾਹ ਹੀ ਚਲਾਈਆਂ ਗਈਆਂ ਸਨ, ਕਿਸੇ ਖ਼ਾਸ ਵਿਅਕਤੀ ਨੂੰ ਨਿਸ਼ਾਨਾ ਨਹੀਂ ਬਣਾਇਆ ਗਿਆ ਸੀ। ਵਾਰਦਾਤ ਲਈ ਵਰਤੀ ਗਈ ਕਾਰ ਦੀ ਪਛਾਣ ਕਰਕੇ ਹੀ ਪੁਲਿਸ ਇਨ੍ਹਾਂ ਪੰਜ ਨੌਜਵਾਨਾਂ ਤੱਕ ਪਹੁੰਚੀ ਹੈ ਅਤੇ ਉਸ ਕਾਰ ਵਿਚੋਂ ਕਈ ਬੀ ਬੀ ਗੰਨਜ਼ ਵੀ ਬਰਾਮਦ ਹੋ ਗਈਆਂ ਹਨ।