ਨਿਊਜ ਪੰਜਾਬ -ਪੰਜਾਬ ਦੀ ਅਵਾਜ

Previous Editions

11 Aug 17 Aug
4 Aug 10 Aug
28 July 3 Aug
21 July 27 July
14 July 20 July
7 July 13 July
30 June 6 July

Shaheed Bhai Harmander Singh Ji

Shaheed Bhai Balkar Singh Ji

Shaheed Bhai Kanwaljit Singh Ji

ਮੁੰਬਈ ਦੀ ਨਵੀ ਵੀਡਿਉ

"ਅਣਪਛਾਤੀ ਲਾਸ਼"

ADVERTISEMENTS

ਗਦਰੀ ਬਾਬਿਆਂ ਦੀ ਧਰਤੀ ਤੇ ਹੋਏ ਕੀਰਤਨ ਮੁਕਾਬਲੇ

ਸਟਾਕਟਨ (ਬਲਵਿੰਦਰਪਾਲ ਸਿੰਘ ਖ਼ਾਲਸਾ) ਕੱਲ ਛਨਿੱਛਰਵਾਰ ਵਾਲੇ ਦਿਨ ਗੁਰਦੁਆਰਾ ਸਾਹਿਬ ਸਟਾਕਟਰਨ ਵਿਖੇ ਬੱਚਿਆਂ ਦੇ ਕੀਰਤਨ ਮੁਕਾਬਲੇ ਕਰਵਾਏ ਗਏ, ਜਿਨ੍ਹਾਂ ਵਿਚ ਵੱਖ ਵੱਖ ਉਮਰਾਂ ਦੇ ਬੱਚਿਆਂ ਨੇ ਵਧ ਚੜ੍ਹ ਕੇ ਹਿਸੱਾ ਲਿਆ। ਬਚਿਆਂ ਨੇ ਰਾਗਾਂ ਵਿਚ ਕੀਰਤਨ ਕਰਕੇ, ਫ਼ਿਲਮੀ ਧੁੰਨਾਂ ਤੇ ਕੀਰਤਨ ਕਰਨ ਵਾਲੇ ਵਡੇ ਵਡੇ ਕੀਰਤਨੀ ਜਥਿਆਂ ਨੂੰ ਮੁੰਹ ਵਿਚ ਉਂਗਲਾਂ ਪਾਉਣ ਲਈ ਮਜਬੂਰ ਕਰ ਦਿਤਾ। ਇਸ ਮੁਕਾਬਲੇ ਵਿਚ ਹਿੱਸਾ ਲੈਣ ਲਈ ਦੂਰੋਂ ਦੂਰੋਂ ਬੱਚੇ ਪਹੁੰਚੇ ਹੋਏ ਸਨ। ਕਾਫ਼ੀ ਬਚਿਆਂ ਨੇ ਤੰਤੀ ਸਾਜ਼ਾਂ ਵਿਚ ਕੀਰਤਨ ਕੀਤਾ ਜਿਸ ਨਾਲ ਹੈਰਾਨੀ ਤੇ ਖ਼ੁਸ਼ੀ ਵੀ ਹੋਈ। ਸੁਹਣੇ ਬਾਣਿਆਂ ਵਿਚ ਸੱਜੇ ਬੱਚੇ, ਜਦੋਂ ਬਾਣੀ ਗਾਇਨ ਕਰਦੇ ਸਨ ਤਾਂ ਵਿਸਮਾਦ ਪੈਦਾ ਹੁੰਦਾ ਸੀ। ਰਿਆਜ਼ ਕਰਕੇ ਸਧਾਏ ਹੋਏ ਗਲੇ ਵਿਚੋਂ ਬੜੀ ਮਧੁਰ ਤੇ ਮਿੱਠੀ ਆਵਾਜ਼ ਨਿਕਲਦੀ ਸੀ ਤੇ ਆਪ ਹੀ ਸੰਗਤ, ਪ੍ਰਬੰਧਕਾਂ ਤੇ ਜੱਜਾਂ ਦੇ ਮੁਹੋਂ ਵਾਹ ਵਾਹ ਨਿਕਲਦਾ ਸੀ ਤੇ ਜੈਕਾਰੇ ਛੱਡ ਹੋ ਜਾਂਦੇ ਸਨ। ਜਸਕੀਰਤ ਸਿੰਘ, ਪੁਨੀਤ ਕੌਰ ਖ਼ਾਲਸਾ ਤੇ ਦਮਨਜੀਤ ਸਿੰਘ ਦੇ ਵਜਾਏ ਤਬਲੇ ਦੇ ਬੋਲ ਤੇ ਵੱਖ ਵੱਖ ਰਾਗ ਵੀ ਸਿਰ ਹਿਲਾਉਣ ਲਈ ਮਜਬੂਰ ਕਰ ਦੇਂਦੇ ਸਨ। ਹਿਰਦੇ ਦੀਆਂ ਗਹਿਰਾਈਆਂ ਵਿਚੋਂ ਨਿਕਲੀਆਂ ਤੋਤਲੀਆਂ ਆਵਾਜ਼ਾਂ ਵਿਚ ਗਾਈ ਮਹਾਨ ਗੁਰਬਾਣੀ ਕਿਸੇ ਹੋਰ ਹੀ ਮੰਡਲ ਵਿਚ ਲਿਜਾਂਦੀ ਜਾਪਦੀ ਸੀ।
ਇਨ੍ਹਾਂ ਕੀਰਤਨ ਮੁਕਾਬਲਿਆਂ ਵਿਚ ਸੰਗਤ, ਪ੍ਰਬੰਧਕ ਕਮੇਟੀ, ਧਰਮ ਪ੍ਰਚਾਰ ਕਮੇਟੀ ਤੇ ਨੌਜਵਾਨਾਂ ਦੇ ਆਪਸੀ ਸਹਿਯੋਗ ਦੀ ਸਿਫ਼ਤ ਕਰਨੀ ਬਣਦੀ ਹੈ ਜੋ ਮਾਪਿਆਂ, ਬੱਚਿਆਂ ਤੇ ਭਾਈਚਾਰੇ ਨੂੰ ਸੇਹਤਮੰਦ ਵਾਤਾਵਰਣ ਪੈਦਾ ਕਰਕੇ ਆਪਣੇ ਮਹਾਨ ਵਿਰਸੇ ਤੇ ਗੁਰਮਤਿ ਸੰਗੀਤ ਨਾਲ ਜੋੜਕੇ ਭਲੇ ਦਾ ਕੰਮ ਰਹੇ ਹਨ। ਕਾਫ਼ੀ ਸਾਰੇ ਕੀਰਤਨੀ ਜਥੇ ਇਨ੍ਹਾਂ ਮੁਕਾਬਲਿਆਂ ਵਿਚ ਮੱਲ ਮਾਰ ਗਏ। ਵਡੇ ਬੱਚਿਆਂ ਵਿਚ ਫ਼ਰੀਮਾਂਟ ਗੁਰਦੁਆਰਾ ਸਾਹਿਬ ਨਾਲ ਸੰਬਧਿਤ ਅੰਮ੍ਰਿਤ ਕੌਰ ਖ਼ਾਲਸਾ, ਪੁਨੀਤ ਕੌਰ ਖ਼ਾਲਸਾ ਤੇ ਜਸਕੀਰਤ ਸਿੰਘ ਦੇ ਜਥੇ ਨੂੰ ਨਿਯਮਾਂ ਅਨੁਸਾਰ ਪਹਿਲਾ ਸਥਾਨ ਦਿਤਾ ਗਿਆ। ਜਸਮੀਤ ਕੌਰ, ਹਰਮੀਤ ਕੌਰ ਤੇ ਹਰਨੇਕ ਸਿੰਘ ਮਨਟੀਕਾ ਅਤੇ ਫ਼ਰੀਮਾਂਟ ਤੋਂ ਅਨਮੋਲ ਕੌਰ, ਨਯਨਜੋਤ ਕੌਰ ਤੇ ਪੁਨੀਤ ਕੌਰ ਖ਼ਾਲਸਾ ਦੇ ਜਥੇ ਨੇ ਵੀ ਜਿੱਤ ਹਾਸਲ ਕੀਤੀ। ਪ੍ਰਭਸਿਮਰਨ ਕੌਰ ਗੁਰਸਿਮਰਨ ਕੌਰ, ਸੁਖਸਾਗਰ ਕੌਰ ਟਰੇਸੀ ਵੀ ਜੇਤੂ ਰਹੇ, ਅਜੈਪਾਲ ਸਿੰਘ ਮਨਪਾਲ ਸਿੰਘ, ਸ਼ਾਨ ਸਿੰਘ ਖ਼ਾਲਸਾ, ਮਹਿਤਾਬ ਕੌਰ ਖ਼ਾਲਸਾ ਵੀ ਜੇਤੂ ਰਹੇ। ਪੂਜਾ ਕੋਰ, ਦਮਨਜੀਤ ਸਿੰਘ, ਹਰਪ੍ਰੀਤ ਕੌਰ ਤੇ ਮਨਜੀਤ ਸਿੰਘ ਦੇ ਜਥੇ ਨੇ ਤੰਤੀ ਸਾਜ਼ਾਂ ਨਾਲ ਕੀਰਤਨ ਕੀਤਾ। ਸੱਕਤਰ ਵਜੋਂ ਅਮਨਦੀਪ ਸਿੰਘ ਸਫ਼ਲ ਰਿਹਾ। ਲੈਥਰੋਪ ਤੋਂ ਬਲਜੀਤ ਸਿੰਘ ਦੇ ਸਾਥੀਆਂ ਨੇ ਬੇਹੱਦ ਮੇਹਨਤ ਕੀਤੀ।

ਬੀਜਿੰਗ ਓਲੰਪਿਕ ਖੇਡਾਂ ਪੂਰੀ ਸ਼ਾਨੋ-ਸ਼ੌਕਤ ਨਾਲ ਸੰਪੰਨ

ਅੱਜ ਬੀਜਿੰਗ ਓਲੰਪਿਕ ਖੇਡਾਂ ਅੱਜ ਪੂਰੀ ਸ਼ਾਨੋ-ਸ਼ੌਕਤ ਨਾਲ ਸੰਪੰਨ ਹੋ ਗਈਆਂ। ਹੁਣ ਅਗਲੀਆਂ 2012 ਦੀਆਂ ਓਲੰਪਿਕ ਖੇਡਾਂ ਲੰਡਨ ਵਿਖੇ ਹੋਣਗੀਆਂ। ਅੰਤਰਰਾਸ਼ਟਰੀ ਓਲੰਪਿਕ ਕਮੇਟੀ ਦੇ ਪ੍ਰਧਾਨ ਸ੍ਰੀ ਜੈਕੁਇਜ਼ ਰੌਜੀ ਨੇ ਅਧਿਕਾਰਿਤ ਤੌਰ ‘ਤੇ ਓਲੰਪਿਕ ਖੇਡਾਂ ਦੀ ਸਮਾਪਤੀ ਦਾ ਐਲਾਨ ਕੀਤਾ। ਉਨ੍ਹਾਂ ਨੇ ਆਪਣੇ ਭਾਸ਼ਣ ਦੌਰਾਨ ਕਾਮਯਾਬੀ ਨਾਲ ਖੇਡਾਂ ਕਰਵਾਉਣ ਲਈ ਚੀਨ ਦੀ ਸ਼ਲਾਘਾ ਵੀ ਕੀਤੀ। ਇਸ ਮੌਕੇ ਉਨ੍ਹਾਂ ਇਹ ਵੀ ਕਿਹਾ ਕਿ ਜਿੰਨਾ ਦੁਨੀਆਂ ਚੀਨ ਬਾਰੇ ਜਾਣੇਗੀ, ਉਨ੍ਹਾਂ ਹੀ ਚੀਨ ਵੀ ਦੁਨੀਆਂ ਬਾਰੇ ਜਾਣੇਗਾ। ਸਮਾਪਤੀ ਸਮਾਗਮ ਨੂੰ ਦੇਖਣ ਲਈ ਲੋਕਾਂ ਦਾ ਭਾਰੀ-ਭਰਕਮ ਇਕੱਠ ਸਟੇਡੀਅਮ ਵਿੱਚ ਮੌਜੂਦ ਸੀ। ਮੀਡੀਆ ਰਿਪੋਰਟਾਂ ਅਨੁਸਾਰ 91,000 ਹਜ਼ਾਰ ਦਰਸ਼ਕਾਂ ਨੇ ਸਮਾਪਤੀ ਸਮਾਗਮ ਦਾ ਆਨੰਦ ਮਾਣਿਆ। ਇਸ ਮੌਕੇ ਜਦੋਂ ਆਤਿਸ਼ਬਾਜ਼ੀ ਕੀਤੀ ਗਈ ਤਾਂ ਆਸਮਾਨ ਵਿੱਚ ਇਸ ਤਰ੍ਹਾਂ ਦਾ ਪ੍ਰਕਾਸ਼ ਫੈਲ ਗਿਆ, ਮੰਨੋ ਇਹ ਰਾਤ ਦਾ ਨਹੀਂ ਸਗੋਂ ਦਿਨ ਦਾ ਸਮਾਂ ਹੋਵੇ। ਇਸ ਮੌਕੇ ਇੱਕ ਸੰਖੇਪ ਸੱਭਿਆਚਾਰਕ ਪ੍ਰੋਗਰਾਮ ਵੀ ਕਰਵਾਇਆ ਗਿਆ। ਇਸ ਪ੍ਰੋਗਰਾਮ ਵਿੱਚ ਇੰਗਲੈਂਡ ਦੇ ਮਸ਼ਹੂਰ ਫੁੱਟਬਾਲ ਖਿਡਾਰੀ ਡੇਵਿਡ ਬੈਕਹਮ, ਗਾਇਕਾ ਲਿਓਨਾ ਲੁਇਸ ਅਤੇ ਮਸ਼ਹੂਰ ਗਿਟਾਰਿਸਟ ਜਿੰਮੀ ਪੇਜ ਆਦਿ ਹਸਤੀਆਂ ਨੇ ਹਿੱਸਾ ਲਿਆ। ਚੀਨ ਨੇ ਇਨ੍ਹਾਂ ਖੇਡਾਂ ਦੇ ਆਯੋਜਨ ‘ਤੇ 43 ਬਿਲੀਅਨ ਅਮਰੀਕੀ ਡਾਲਰ ਦੀ ਰਕਮ ਖਰਚ ਕੀਤੀ ਅਤੇ ਆਯੋਜਨ ਦੇ ਅੰਦਾਜ਼ ਵਿੱਚ ਇਹ ਪੱਖ ਸਾਫ਼ ਨਜ਼ਰ ਵੀ ਰਿਹਾ ਸੀ।
ਬੀਜਿੰਗ ਦੇ ਮੇਅਰ ਗੁਓ ਜਿਨਲੌਂਗ ਨੇ ਓਲੰਪਿਕ ਪਰਚਮ ਲੰਡਨ ਦੇ ਮੇਅਰ ਬੋਰਿਸ ਜੌਨਸਨ ਨੂੰ ਸੌਂਪਿਆ ਅਤੇ ਇਸੇ ਦੇ ਨਾਲ ਹੀ ਲੰਡਨ ਓਲੰਪਿਕ ਖੇਡਾਂ ਦੀ ਪੁੱਠੀ ਗਿਣਤੀ ਹੁਣੇ ਤੋਂ ਸ਼ੁਰੂ ਹੋ ਗਈ। ਜਦੋਂ ਆਖਿਰਕਾਰ ਓਲੰਪਿਕ ਮਿਸ਼ਾਲ ਬੁਝਾ ਦਿੱਤੀ ਗਈ ਤਾਂ ਸਟੇਡੀਅਮ ਵਿੱਚ ਮੌਜੂਦ ਦਰਸ਼ਕਾਂ ਨੇ ਬੀਜਿੰਗ, ਬੀਜਿੰਗ, ਆਈ ਲਵ ਬੀਜਿੰਗ ਦੀ ਨਾਅਰੇਬਾਜ਼ੀ ਕਰਦਿਆਂ ਹੋਇਆਂ ਓਲੰਪਿਕ ਖੇਡਾਂ ਨੂੰ ਜਜ਼ਬਾਤੀ ਤੌਰ ‘ਤੇ ਅਲਵਿਦਾ ਆਖੀ। ਹੁਣ ਇੰਗਲੈਂਡ ਵੱਲੋਂ ਬਕਿੰਘਮ ਮਹਿਲ ਦੇ ਬਾਹਰ ਹੋਣ ਵਾਲੇ ਜਸ਼ਨ ਮੌਕੇ ਓਲੰਪਿਕ ਖੇਡਾਂ ਦੇ ਪਰਚਮ ਦੀ ਅਹਿਮ ਜ਼ਿੰਮੇਵਾਰੀ ਸੰਭਾਲੀ ਜਾਵੇਗੀ। ਇਹ ਖੇਡਾਂ 112 ਸਾਲਾਂ ਦੇ ਓਲੰਪਿਕ ਖੇਡਾਂ ਦੇ ਇਤਿਹਾਸ ਵਿੱਚ ਸਭ ਤੋਂ ਜ਼ਿਆਦਾ ਸਫ਼ਲ ਓਲੰਪਿਕ ਖੇਡਾਂ ਕਹੀਆਂ ਜਾ ਸਕਦੀਆਂ ਹਨ। 2004 ਦੀਆਂ ਏਥਨਜ਼ ਓਲੰਪਿਕ ਖੇਡਾਂ ਦੇ ਮੁਕਾਬਲੇ ਇਨ੍ਹਾਂ ਖੇਡਾਂ ਦੀ ਮਕਬੂਲੀਅਤ 20 ਤੋਂ ਲੈ ਕੇ 30 ਫੀਸਦੀ ਤੱਕ ਵਧੀ ਹੈ। ਇਨ੍ਹਾਂ ਖੇਡਾਂ ਮੌਕੇ 302 ਮੁਕਾਬਲਿਆਂ ਵਿੱਚ ਵੱਖੋ-ਵੱਖਰੇ ਦੇਸ਼ਾਂ ਦੇ ਖਿਡਾਰੀ ਤਮਗੇ ਹਾਸਲ ਕਰਨ ਲਈ ਭਿੜੇ। ਇਨ੍ਹਾਂ ਖੇਡਾਂ ਦੌਰਾਨ ਹੀ ਅਮਰੀਕਾ ਦੇ ਤੈਰਾਕ 23 ਵਰ੍ਹਿਆਂ ਦੇ ਮਾਈਕਲ ਫੈਲਪਸ, ਜੋ ਕਿ ਬਾਲਟੀਮੋਰ ਬੁਲਟ ਦੇ ਨਾਂ ਨਾਲ ਵੀ ਜਾਣੇ ਜਾਂਦੇ ਹਨ, ਨੇ ਆਪਣੇ ਹੀ ਹਮਵਤਨ ਮਾਰਕ ਸਪਿਟਜ਼ ਵੱਲੋਂ 1972 ਦੀਆਂ ਜਰਮਨ ਸ਼ਹਿਰ ਮਿਊਨਿਖ਼ ਵਿਖੇ ਹੋਈਆਂ ਓਲੰਪਿਕ ਖੇਡਾਂ ਦੌਰਾਨ 7 ਸੋਨ ਤਮਗੇ ਜਿੱਤਣ ਦਾ ਰਿਕਾਰਡ ਤੋੜਦੇ ਹੋਏ ਸ਼ਾਨਦਾਰ 8 ਸੋਨ ਤਮਗੇ ਜਿੱਤੇ। ਬੀਜਿੰਗ ਓਲੰਪਿਕ ਖੇਡਾਂ ਵਿੱਚ ਅਮਰੀਕਾ ਨੇ ਸਭ ਤੋ ਵੱਧ 110 ਤਗਮੇ ਜਿੱਤੇ ਜਿਸ ਵਿੱਚ 36 ਸੋਨੇ ਦੇ, 38 ਸਿਲਵਰ, 36 ਤਾਂਬੇ ਦੇ ਮਿਲੇ,ਚੀਨ ਦੂਜੇ ਨੰਬਰ ਤੇ ਰਿਹਾ ਪਰ ਉਸਨੇ ਸੋਨੇ ਦੇ ਸਭ ਤੋ ਜਿਆਦਾ 51 ਸੋਨੇ ਦੇ ਜਿੱਤੇ ਪਰ ਕੇਵਲ 21 ਚਾਂਦੀ ਦੇ ਤੇ 28 ਤਾਂਬੇ ਦੇ ਜਿੱਤੇ , ਭਾਰਤ ਨੂੰ ਹੁਣ ਤੱਕ ਓਲੰਪਿਕ ਖੇਡਾਂ ਵਿੱਚ ਸਭ ਤੋਂ ਜ਼ਿਆਦਾ 3 ਤਮਗੇ ਮਿਲੇ।

ਪਾਕਿਸਤਾਨ ਦੇ ਸਾਬਕਾ ਰਾਸ਼ਟਰਪਤੀ ਜਨਰਲ ਪ੍ਰਵੇਜ਼ ਮੁਸ਼ੱਰਫ਼ ਨਜ਼ਰਬੰਦ

ਇਸਲਾਮਾਬਾਦ- ਪਾਕਿਸਤਾਨ ਦੇ ਸਾਬਕਾ ਰਾਸ਼ਟਰਪਤੀ ਜਨਰਲ ਪ੍ਰਵੇਜ਼ ਮੁਸ਼ੱਰਫ਼ ਨੂੰ ਚੌਕਸੀ ਹਿਰਾਸਤ ਵਿੱਚ ਰੱਖਿਆ ਗਿਆ ਹੈ ਅਤੇ ਨਵੇਂ ਰਾਸ਼ਟਰਪਤੀ ਦੀ ਚੋਣ ਅਤੇ ਬਰਖਾਸਤ ਜੱਜਾਂ ਦੀ ਬਹਾਲੀ ਤੋਂ ਬਾਅਦ ਉਨ੍ਹਾਂ ਨੂੰ ਆਜ਼ਾਦੀ ਨਾਲ ਕਿਤੇ ਵੀ ਆਉਣ ਜਾਣ ਦੀ ਖੁੱਲ੍ਹ ਹੋਵੇਗੀ। ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਮੁਸ਼ੱਰਫ਼ ਨੂੰ ਚੌਕਸੀ ਹਿਰਾਸਤ ਵਿੱਚ ਰੱਖਿਆ ਗਿਆ ਹੈ ਪ੍ਰੰਤੂ ਉਨ੍ਹਾਂ ਨੂੰ ਮਿੱਤਰਾਂ ਅਤੇ ਰਿਸ਼ਤੇਦਾਰਾਂ ਨੂੰ ਮਿਲਣ ਦੀ ਖੁੱਲ੍ਹ ਦਿੱਤੀ ਗਈ ਹੈ। ਉਨ੍ਹਾਂ ਦੱਸਿਆ ਕਿ ਇਹ ਕਦਮ ਸੁਰੱਖਿਆ ਕਾਰਨਾਂ ਕਰਕੇ ਕੀਤੇ ਗਏ ਹਨ। ਇੱਕ ਵਾਰ ਨਵੇਂ ਰਾਸ਼ਟਰਪਤੀ ਦੀ ਚੋਣ ਅਤੇ ਮੁਸ਼ੱਰਫ਼ ਵੱਲੋਂ ਬਰਖਾਸਤ ਜੱਜਾਂ ਦੀ ਬਹਾਲੀ ਹੋਣ ਤੋਂ ਬਾਅਦ ਸਾਬਕਾ ਰਾਸ਼ਟਰਪਤੀ ਨੂੰ ਆਜ਼ਾਦੀ ਨਾਲ ਘੁੰਮਣ ਫਿਰਨ ਦੀ ਇਜਾਜ਼ਤ ਹੋਵੇਗੀ। ਸੂਤਰਾਂ ਨੇ ਦੱਸਿਆ ਕਿ ਰਾਸ਼ਟਰਪਤੀ ਅਹੁਦੇ ਤੋਂ ਅਸਤੀਫ਼ਾ ਦੇਣ ਤੋਂ ਬਾਅਦ ਮੁਸ਼ੱਰਫ਼ ਅਮਰੀਕਾ ਜਾਣਾ ਚਾਹੁੰਦੇ ਸਨ ਪ੍ਰ²ੰਤੂ ਮੌਜੂਦਾ ਸਰਕਾਰ ਨੇ ਇਸ ‘ਤੇ ਰੋਕ ਲਗਾ ਦਿੱਤੀ। ਉਨ੍ਹਾਂ ਨੂੰ ਦੱਸ ਦਿੱਤਾ ਗਿਆ ਹੈ ਕਿ ਰਾਸ਼ਟਰਪਤੀ ਦੀ ਚੋਣ ਤੋਂ ਤਿੰਨ ਚਾਰ ਹਫ਼ਤਿਆਂ ਬਾਅਦ ਉਹ ਦੇਸ਼ ਤੋਂ ਬਾਹਰ ਜਾ ਸਕਦੇ ਹਨ। ਅਧਿਕਾਰੀ ਨੇ ਦੱØਸਿਆ ਕਿ ਮੁਸ਼ੱਰਫ਼ ਨੂੰ ਇਸਲਾਮਾਬਾਦ ਵਿੱਚ ਆਪਣੇ 5 ਏਕੜ ਦੇ ਫਾਰਮ ਹਾਊਸ ਵਿੱਚ ਜਾ ਕੇ ਰਹਿਣ ਦੀ ਇਜਾਜ਼ਤ ਨਹੀਂ ਹੋਵੇਗੀ। ਪਿਛਲੇ 5 ਸਾਲਾਂ ਤੋਂ ਇਹ ਫਾਰਮ ਹਾਊਸ ਨਿਰਮਾਣ ਅਧੀਨ ਹੈ। ਮੁਸ਼ੱਰਫ਼ ਨੇ ਸੱਤਾ ਸੰਭਾਲਣ ਤੋਂ ਬਾਅਦ 50 ਲੱਖ ਡਾਲਰ ਦੀ ਸੰਪਤੀ ਬਣਾਈ ਹੈ। ਫਾਰਮ ਹਾਊਸ ਦੇ ਕਰਮਚਾਰੀ ਨੇ ਦੱਸਿਆ ਕਿ ਇੱਥੇ 11 ਬੈੱਡਰੂਮ, ਇੱਕ ਟੈਨਿਸ ਪੋਰਟ, ਇੱਕ ਸਵੀਮਿੰਗ ਪੂਲ ਅਤੇ ਹੋਰ ਅਤਿਆਧੁਨਿਕ ਸਹੂਲਤਾਂ ਹਨ। ਪਾਕਿਸਤਾਨ ਵਿੱਚ ਰਾਸ਼ਟਰਪਤੀ ਚੋਣਾਂ 6 ਸਤੰਬਰ ਨੂੰ ਹੋਣੀਆਂ ਹਨ। ਕੁਝ ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਸੁਰੱਖਿਆ ਦੇ ਪੱਖ਼ ਤੋਂ ਸਾਊਦੀ ਅਰਬ ਜਾਣਾ ਮੁਸ਼ੱਰਫ਼ ਲਈ ਠੀਕ ਰਹੇਗਾ। ਇਸਦੇ ਨਾਲ ਹੀ ਪਾਕਿਸਤਾਨ ਪੀਪਲਜ਼ ਪਾਰਟੀ ਨੇ ਸੰਕੇਤ ਦਿੱਤੇ ਹਨ ਕਿ ਰਾਸ਼ਟਰਪਤੀ ਦੇ ਅਹੁਦੇ ਦੌਰਾਨ ਪ੍ਰ²ਵੇਜ਼ ਮੁਸ਼ੱਰਫ਼ ਵੱਲੋਂ ਲਏ ਗਏ ਫੈਸਲਿਆਂ ਲਈ ਉਨ੍ਹਾਂ ਖਿਲਾਫ਼ ਕੋਈ ਕਾਰਵਾਈ ਨਹੀਂ ਕੀਤੀ ਜਾਵੇਗੀ। ਜ਼ਿਕਰਯੋਗ ਹੈ ਕਿ ਮੁਸ਼ੱਰਫ਼ ਨੇ ਰਾਸ਼ਟਰਪਤੀ ਕਾਰਜਕਾਲ ਦੌਰਾਨ ਐਮਰਜੈਂਸੀ ਲਗਾਉਣ ਅਤੇ ਸੁਪਰੀਮ ਕੋਰਟ ਦੇ ਜੱਜਾਂ ਨੂੰ ਬਰਖਾਸਤ ਕਰਨ ਵਰਗੇ ਕਈ ਵਿਵਾਦਤ ਫੈਸਲੇ ਲਏ ਸਨ।

ਪਾਕਿਸਤਾਨ ‘ਚ ਸਿਆਸੀ ਬੇਚੈਨੀ ਬਰਕਾਰ

ਲਾਹੌਰ- ਪੀਐਮਐਲ (ਐਨ) ਨੇਤਾ ਅਤੇ ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸਰੀਫ਼ ਨੇ ਬਰਖਾਸਤ ਜੱਜਾਂ ਦੀ ਬਹਾਲੀ ਦੀ ਸਮਾਂ ਮਿਆਦ ਨੂੰ ਘਟਾ ਕੇ ਸੋਮਵਾਰ ਕਰ ਦਿੱਤਾ ਹੈ ਅਤੇ ਇਸ ਮੁੱਦੇ ਨੂੰ ਹੁਣ ਰਾਸ਼ਟਰਪਤੀ ਅਹੁਦੇ ਲਈ ਪੀਪੀਪੀ ਨੇਤਾ ਆਸਿਫ਼ ਅਲੀ ਜ਼ਰਦਾਰੀ ਦੀ ਉਮੀਦਵਾਰੀ ਦੇ ਸਮਰਥਨ ਨਾਲ ਜੋੜ ਦਿੱਤਾ ਹੈ। ਸਰੀਫ਼ ਨੇ ਇੱਥੇ ਆਪਣੇ ਨਿਵਾਸ ‘ਤੇ ਪੀਪੀਪੀ ਨੇਤਾਵਾਂ ਨਾਲ ਬੈਠਕ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਸੰਸਦ ਨੂੰ ਬਰਖਾਸਤ ਜੱਜਾਂ ਦੀ ਬਹਾਲੀ ਲਈ ਪ੍ਰਸਤਾਵ ਨੂੰ ਪਾਸ ਕਰਨ ਲਈ 10 ਮਿੰਟ ਲੱਗਣਗੇ ਜਿਸ ਤੋਂ ਬਾਅਦ ਪ੍ਰਧਾਨ ਮੰਤਰੀ ਸ਼ਾਮ ਨੂੰ ਇੱਕ ਕਾਰਜਕਾਰੀ ਆਦੇਸ਼ ਜਾਰੀ ਕਰਨਗੇ। ਸਾਬਕਾ ਪ੍ਰਧਾਨ ਮੰਤਰੀ ਨੇ ਪਿਛਲੇ ਸਾਲ ਸਾਬਕਾ ਰਾਸ਼ਟਰਪਤੀ ਪ੍ਰਵੇਜ਼ ਮੁਸ਼ੱਰਫ਼ ਦੇ ਐਮਰਜੈਂਸੀ ਸਾਸ਼ਨ ਦੌਰਾਨ ਬਰਖਾਸਤ ਕੀਤੇ ਗਏ ਜੱਜਾਂ ਦੀ ਬਹਾਲੀ ਲਈ ਬੁੱਧਵਾਰ ਦੀ ਸਮਾਂ ਸੀਮਾ ਨਿਰਧਾਰਕ ਕੀਤੀ ਸੀ ਹੁਣ ਉਨ੍ਹਾਂ ਨੇ ਇਸ ਨੂੰ ਘਟਾ ਕੇ ਸੋਮਵਾਰ ਕਰ ਦਿੱਤਾ ਹੈ। ਪੀਐਮਐਲ (ਐਨ) ਨੇਤਾ ਨੇ ਕਿਹਾ ਕਿ 6 ਸਤੰਬਰ ਨੂੰ ਰਾਸ਼ਟਰਪਤੀ ਅਹੁਦੇ ਦੀ ਚੋਣ ਦੇ ਐਲਾਨ ਦੇ ਮੱਦੇਨਜ਼ਰ ਹੁਣ ਸਾਰੇ ਬਰਖਾਸਤ ਜੱਜਾਂ ਨੂੰ ਸੋਮਵਾਰ ਤੱਕ ਬਹਾਲ ਕਰ ਦਿੱਤਾ ਜਾਣਾ ਚਾਹੀਦਾ ਹੈ। ਸਰੀਫ਼ ਨੇ ਰਾਸ਼ਟਰਪਤੀ ਦੇ ਅਹੁਦੇ ਦੀ ਚੋਣ ਲਈ ਜ਼ਰਦਾਰੀ ਦੀ ਉਮੀਦਵਾਰੀ ਨੂੰ ਆਪਣੀ ਪਾਰਟੀ ਪੀਐਮਐਲ (ਐਨ) ਦੀ ਹਮਾਇਤ ਦੇ ਨਾਲ ਪਾਕਿਸਤਾਨ ਸੰਵਿਧਾਨ ਦੇ 17ਵੇਂ ਸੋਧ ਦੇ ਖਾਤਮੇ ਨਾਲ ਜੋੜਿਆ ਹੈ। ਜ਼ਿਕਰਯੋਗ ਹੈ ਕਿ ਸੰਵਿਧਾਨ ਦਾ 17ਵਾਂ ਸੋਧ ਕਿਸੇ ਰਾਸ਼ਟਰਪਤੀ ਨੂੰ ਸੰਸਦ ਨੂੰ ਭੰਗ ਕਰਨ ਅਤੇ ਕਿਸੇ ਚੁਣੇ ਪ੍ਰਧਾਨ ਮੰਤਰੀ ਨੂੰ ਬਰਖਾਸਤ ਕਰਨ ਅਤੇ ਨਾਲ ਹੀ ਬਰਖਾਸਤ ਜੱਜਾਂ ਨੂੰ ਬਹਾਲ ਕਰਨ ਦਾ ਅਧਿਕਾਰ ਦਿੰਦਾ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸਾਡੀ ਕੋਈ ਹਕੂਮਤ ਕਰਨ ਦੀ ਚਾਹ ਨਹੀਂ, ਅਸੀਂ ਬਸ ਇਹੀ ਚਾਹੁੰਦੇ ਹਾਂ ਕਿ ਪੀਪੀਪੀ ਨੇ ਸਾਡੇ ਅਤੇ ਰਾਸ਼ਟਰ ਨਾਲ ਜੋ ਵਾਅਦਾ ਕੀਤਾ ਸੀ ਉਸ ਨੂੰ ਪੂਰਾ ਕਰੇ। ਦੂਜੇ ਪਾਸੇ 6 ਸਤੰਬਰ ਨੂੰ ਹੋਣ ਵਾਲੀ ਰਾਸ਼ਟਰਪਤੀ ਦੀ ਚੋਣ ਵਿੱਚ ਪੀਪੀਪੀ ਨੇ ਆਸਿਫ਼ ਅਲੀ ਜ਼ਰਦਾਰੀ ਨੂੰ ਆਪਣਾ ਉਮੀਦਵਾਰ ਐਲਾਨਿਆ ਹੈ। ਜ਼ਿਕਰਯੋਗ ਹੈ ਕਿ ਮਹਾਂਦੋਸ਼ ਚਲਾਏ ਜਾਣ ਤੋਂ ਪਹਿਲਾਂ ਹੀ ਸਾਬਕਾ ਰਾਸ਼ਟਰਪਤੀ ਪ੍ਰ²ਵੇਜ਼ ਮੁਸ਼ੱਰਫ਼ ਨੇ ਆਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿੱਤਾ ਸੀ।

ਪੰਥਕ ਰਾਜਨੀਤੀ ’ਚ ਨਵੀਂ ਉ¤ਥਲ-ਪੁੱਥਲ
ਸਰਨਾ ਬਣਾਉਣ ਲੱਗੇ ਨਵਾਂ ਅਕਾਲੀ ਦਲ

ਚੰਡੀਗੜ੍ਹ, 24 ਅਗਸਤ (ਹਰੀਸ਼ ਚੰਦਰ ਬਾਗਾਂਵਾਲਾ)- ਪੰਜਾਬ ਦੀ ਪੰਥਕ ਰਾਜਨੀਤੀ ਵਿੱਚ ਉਥਲ-ਪੁਥਲ ਦਾ ਇੱਕ ਨਵਾਂ ਦੌਰ ਸ਼ੁਰੂ ਹੋਣ ਦੀ ਸੰਭਾਵਨਾ ਹੈ। ਇਸ ਵਿੱਚ ਮੁਖਰੋਲ ਸ਼੍ਰੋਮਣੀ ਅਕਾਲੀ ਦਲ ਦਿੱਲੀ ਦੇ ਪ੍ਰਧਾਨ ਅਤੇ ਦਿਲੀ ਦੀ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਤੇ ਕਾਬਜ਼ ਪਰਮਜੀਤ ਸਿੰਘ ਸਰਨਾ ਅਦਾ ਕਰ ਰਹੇ ਹਨ। ਪਤਾ ਲੱਗਾ ਹੈ ਕਿ ਪੰਜਾਬ ਦੇ ਕੁਝ ਅਕਾਲੀ ਧੜੇ ਅਤੇ ਦਿੱਲੀ ਸ਼੍ਰੋਮਣੀ ਅਕਾਲੀ ਦਲ ਪੰਜਾਬ ਵਿੱਚ ਇੱਕ ਨਵਾਂ ਸ਼੍ਰੋਮਣੀ ਅਕਾਲੀ ਦਲ ਬਣਾਉਣਾ ਚਾਹੁੰਦੇ ਹਨ। ਜਿਸ ਵਿੱਚ ਸਾਰੇ ਅਕਾਲੀ ਧੜੇ ਜੋ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਦੇ ਵਿਰੋਧ ਹਨ। ਉਹਨਾਂ ਨੂੰ ਇੱਕ ਪਲੇਟਫਾਰਮ ਤੇ ਇਕੱਠ ਕਰਕੇ ਇੱਕ ਸਾਂਝਾ ਅਕਾਲੀ ਦਲ ਬਣਾਉਣ ਦੀ ਯੋਜਨਾ ਹੈ। ਸੂਤਰਾਂ ਤੋਂ ਪਤਾ ਲੱਗਾ ਹੈ ਕਿ ਜਥੇਦਾਰ ਜੋਗਿੰਦਰ ਸਿੰਘ ਵੇਦਾਂਤੀ ਨੇ ਗੁਪਤ ਮੀਟਿੰਗ ਵਿੱਚ ਨਵੇਂ ਅਕਾਲੀ ਦਲ ਦੀ ਰਹਿਨੁਮਾਈ ਕਰਨ ਲਈ ਹਾਂ ਕਰ ਦਿੱਤੀ ਹੈ। ਇਹ ਵੀ ਪਤਾ ਲੱਗਾ ਹੈ ਕਿ ਨਵੇਂ ਅਕਾਲੀ ਦਲ ਦੇ ਗਠਿਤ ਤੇ ਪਹਿਲਾ ਦਿੱਲੀ ਅਕਾਲੀ ਦਲ ਵਲੋਂ ਇੱਕ ਵੱਡੇ ਵਿਸ਼ਾਲ ਇਕੱਠ ਵਿੱਚ ਜਥੇਦਾਰ ਵੇਦਾਂਤੀ ਦਾ ਸਨਮਾਨ ਵੀ ਕੀਤਾ ਜਾਵੇਗਾ। ਵਰਨਣਯੋਗ ਹੈ ਕਿ ਵੇਦਾਂਤੀ ਨੂੰ ਸ੍ਰੀ ਅਕਾਲ ਤਖਤ ਸਾਹਿਬ ਤੋਂ ਹਟਾਏ ਜਾਣ ਦੀ ਘਟਨਾ ਨੂੰ ਲੈ ਕੇ ਲੱਗਭਗ ਸਮੁੱਚੇ ਸਿੱਖ ਪੰਥ ਵਿੱਚ ਭਾਰੀ ਰੋਹ ਤੇ ਰੋਸ ਦੀ ਲਹਿਰ ਦੌੜ ਗਈ ਸੀ। ਇਸ ਸਮੇਂ ਪੰਜਾਬ ਦੀ ਬਾਦਲ ਵਿਰੋਧੀ ਰਾਜਨੀਤੀ ਲੱਗਭਗ ਜਥੇਦਾਰ ਵੇਦਾਂਤੀ ਦੇ ਉਪਰ ਕੇਂਦਰਤ ਹੈ। ਵੇਦਾਂਤੀ ਨੂੰ ਲੈ ਕੇ ਨਵੀਆਂ ਸਰਗਰਮੀਆਂ ਬਣੀਆਂ ਹੋਈਆਂ ਹਨ।
ਸਿੱਖ ਰਾਜਨੀਤੀ ਦੇ ਮਾਹਿਰਾਂ ਅਨੁਸਾਰ ਜਥੇਦਾਰ ਵੇਦਾਂਤੀ ਦੀ ਕਰਵਟ ਸਿੱਖ ਸਿਆਸਤ ਨੂੰ ਬੁਰੀ ਤਰ੍ਹਾਂ ਪ੍ਰਭਾਵਿਤ ਕਰ ਸਕਦੀ ਹੈ। ਜੇ ਅਕਾਲੀ ਦਲ (ਬ) ਵਿਰੋਧੀ ਖੇਮੇ ਦੇ ਜਥੇਦਾਰ ਵੇਦਾਂਤੀ ਨੂੰ ਖਿੱਚਣ ਵਿੱਚ ਸਨ, ਹੋ ਜਾਂਦੇ ਹਨ ਤਾਂ ਸੂਬੇ ਅੰਦਰਲੀ ਪੰਥਕ ਸਿਆਸਤ ਵਿਚ ਨਵੇਂ ਸਮੀਕਰਣ ਨੂੰ ਰੱਦ ਨਹੀਂ ਕੀਤਾ ਜਾ ਸਕਦਾ। ਪਤਾ ਲੱਗਾ ਹੈ ਕਿ ਜਥੇਦਾਰ ਵੇਦਾਂਤੀ ਨੂੰ ਲੈ ਕੇ ਪੰਥਕ ਰਾਜਨੀਤੀ ਵਿਚ ਵਾਪਰ ਰਹੇ ਘਟਨਾ ਕ੍ਰਮ ਤੇ ਪੰਜਾਬ ਕਾਂਗਰਸ ਵਲੋਂ ਵੀ ਤਿਖੀ ਨਜ਼ਰ ਰੱਖੀ ਜਾ ਰਹੀ ਹੈ। ਪੰਜਾਬ ਦੇ ਸਾਬਕਾ ਮੰਤਰੀ ਪੰਜਾਬ ਅਤੇ ਕੰਪੇਨ ਕਮੇਟੀ ਦੇ ਨਵੇਂ ਬਣਾਏ ਚੇਅਰਮੈਨ ਕੈਪਟਨ ਅਮਰਿੰਦਰ ਸਿੰਘ ਜੋ ਪੰਜਾਬ ਰਾਜਨੀਤੀ ਵਿੱਚ ਮੁੜ ਸਰਗਰਮ ਹੋਏ ਹਨ। ਇਸ ਨਵ ਅਕਾਲੀ ਦਲ ਦੇ ਮੁੱਦੇ ਵਿੱਚ ਖਾਸ ਦਿਲਚਸਪੀ ਲੈ ਰਹੇ ਹਨ। ਜਿਹੜਾ ਆਪਣਾ ਤੀਰ ਰਵੀਇੰਦਰ ਰਾਹੀਂ ਛੱਡਦੇ ਹਨ। ਕਾਂਗਰਸ ਪਾਰਟੀ ਦੇ ਸੀਨੀਅਰ ਨੇਤਾਵਾਂ ਅਤੇ ਕੁਲ ਅਕਾਲੀ ਲੀਡਰ ਜੋ ਬਾਦਲ ਤੋਂ ਅੰਦਰ ਖਾਤੇ ਕਾਫੀ ਵਿਰੁੱਧ ਹੈ ਕਿ ਲੋਕ ਸਭਾ ਚੋਣਾਂ ਤੋਂ ਪਹਿਲਾਂ ਪੰਜਾਬ ਦੀ ਰਾਜਨੀਤੀ ਵਿੱਚ ਕੋਈ ਵੀ ਉਥਲ-ਪੁਥਲ ਹੋਣ ਤੋਂ ਇਨਕਾਰ ਨਹੀਂ ਕੀਤਾ ਜਾਂ ਸਕਦਾ। ਜਿਸ ਵਿੱਚ ਵੇਦਾਂਤੀ ਦੀ ਅਹਿਮ ਭੂਮਿਕਾ ਹੋ ਸਕੇਗਾ।

ਕੇਂਦਰੀ ਟੀਮ ਵਲੋਂ ਹੜ੍ਹ ਮਾਰੇ ਖੇਤਰਾਂ ਦਾ ਦੌਰਾ
ਬਾਦਲ ਦੀ ਦਿੱਲੀ ਫੇਰੀ ਲਿਆਈ ਰੰਗ

ਚੰਡੀਗੜ੍ਹ 24 ਅਗਸਤ (ਹਰੀਸ਼ ਚੰਦਰ ਬਾਗਾਂਵਾਲਾ)- ਸਤਲੁੱਜ ਦਰਿਆ ਦੇ ਨਾਲ ਲੱਗਦੇ ਧੂਸੀ ਬੰਧ ਨੂੰ ਮਜ਼ਬੂਤ ਅਤੇ ਪੱਕਾ ਕਰਨ ਦੇ ਲਈ ਕੇਂਦਰ ਸਰਕਾਰ ਨੇ ਪੰਜਾੁਬ ਸਰਕਾਰ ਨੂੰ ਪ੍ਰੋਜੈਕਟ ਤਿਆਰ ਕਰਕੇ ਭੇਜਣ ਦੇ ਲਈ ਕਿਹਾ ਹੈ ਤਾਂ ਜੋ ਹੜ੍ਹਾਂ ਤੇ ਸਥਾਈ ਤੌਰ ਤੇ ਕਾਬੂ ਪਾਇਆ ਜਾ ਸਕੇ। ਇਹ ਪ੍ਰਗਟਾਵਾ ਕਰਦੇ ਹੋਏ ਪੰਜਾਬ ਦੇ ਸੰਚਾਈ ਮੰਤਰੀ ਸ੍ਰ: ਜਨਮੇਜਾ ਸਿੰਘ ਸੇਖੋਂ ਨੇ ਦੱਸਿਆ ਕਿ ਪੰਜਾਬ ਦੇ ਮੁੱਖ ਮੰਤਰੀ ਸ੍ਰ: ਪਰਕਾਸ਼ ਸਿੰਘ ਬਾਦਲ ਇਸ ਮੁੱਦੇ ਤੇ ਪ੍ਰਧਾਨ ਮੰਤਰੀ ਨੂੰ ਮਿਲੇ ਸਨ ਅਤੇ ਉਨ੍ਹਾਂ ਦੀ ਸਿਫਾਰਸ਼ ਤੇ ਹੀ ਸ਼੍ਰੀ ਪ੍ਰਭਾਨਸ਼ੂੰ ਜਾਇੰਟ ਸਕੱਤਰ ਗ੍ਰਹਿ ਮੰਤਰਾਲਾ ਦੀ ਅਗਵਾਈ ਵਿਚ ਹੜ੍ਹ ਨਾਲ ਪ੍ਰਭਾਵਿਤ ਕਿਸਾਨਾਂ ਅਤੇ ਹੋਰ ਜਾਇਦਾਦ ਦੇ ਨੁਕਸਾਨ ਦਾ ਜਾਇਜ਼ਾ ਲੈਣ ਲਈ ਪੰਜ ਮੈਂਬਰੀ ਟੀਮ ਫਿਰੋਜ਼ਪੁਰ ਜ਼ਿਲੇ ਵਿਚ ਭੇਜੀ ਗਈ। ਇਸ ਟੀਮ ਦੇ ਨਾਲ ਸ਼੍ਰੀਮਤੀ ਰੋਮਿਲਾ ਦੂਬੇ, ਵਿੱਤ ਕਮਿਸ਼ਨਰ ਮਾਲ, ਸ਼੍ਰੀ ਸੁਰੇਸ਼ ਕੁਮਾਰ ਪ੍ਰਿੰਸੀਪਲ ਸਕੱਤਰ, ਬਿਜਲੀ ਤੇ ਸਿੰਚਾਈ ਵਿਭਾਗ, ਪੰਜਾਬ, ਸ੍ਰ: ਬੀ ਐਸ. ਸੂਦਨ, ਕਮਿਸ਼ਨਰ ਫਿਰੋਜ਼ਪੁਰ ਤੇ ਫਰੀਦਕੋਟ ਡਵੀਜ਼ਨ, ਸ਼੍ਰੀ ਮੇਘ ਰਾਜ ਡਿਪਟੀ ਕਮਿਸ਼ਨਰ, ਸ਼੍ਰੀ ਐਮ.ਐਲ ਵਾਸਨ ਡੀ.ਆਈ.ਜੀ. ਬੀ.ਐਸ.ਐਫ, ਸ਼੍ਰੀ ਦਿਨੇਸ਼ ਪ੍ਰਤਾਪ ਸਿੰਘ ਐਸ ਐਸ ਪੀ ਫਿਰੋਜਪੁਰ ਵੀ ਸ਼ਾਮਲ ਸਨ। ਸ਼੍ਰੀ ਸੇਖੋਂ ਨੇ ਦੱਸਿਆ ਕਿ ਟੀਮ ਵਲੋ ਮਹਿਸੂਸ ਕੀਤਾ ਗਿਆ ਕਿ ਵਾਕਿਆ ਹੀ ਕਿਸਾਨਾਂ ਦੀਆਂ ਖੜ੍ਹੀਆਂ ਫਸਲਾਂ ਅਤੇ ਮਕਾਨਾਂ ਆਦਿ ਦਾ ਬਹੁਤ ਨੁਕਸਾਨ ਹੋਇਆ ਹੈ ਅਤੇ ਸਾਰੇ ਪਾਸੇ ਪਾਣੀ ਹੀ ਪਾਣੀ ਹੈ, ਉਹ ਹੜ੍ਹ ਦੇ ਪਾਣੀ ਦੇ ਨਾਲ ਹੋਏ ਭਾਰੀ ਨੁਕਸਾਨ ਅਤੇ ਕਿਸਾਨਾਂ ਦੀਆਂ ਮੁਸ਼ਕਲਾਂ ਬਾਰੇ ਆਪਣੀ ਰਿਪੋਰਟ 2 ਦਿਨਾਂ ਦੇ ਅੰਦਰ ਅੰਦਰ ਕੇਂਦਰ ਸਰਕਾਰ ਨੂੰ ਸੌਂਪ ਦੇਣਗੇ। ਸਿੰਚਾਈ ਮੰਤਰੀ ਜੋ ਕਿ ਖੁਦ ਵੀ ਟੀਮ ਦੇ ਨਾਲ ਸਨ ਨੇ ਦੱਸਿਆ ਕਿ ਜਿਲ੍ਹਾ ਫਿਰੋਜ਼ਪੁਰ ਦੇ ਹੜ੍ਹ ਨਾਲ 134 ਪਿੰਡ ਪ੍ਰਭਾਵਿਤ ਹੋਏ ਹਨ ਅਤੇ ਲੱਗਭਗ 55000 ਵਿਅੱਕਤੀ ਹੜ੍ਹ ਦੇ ਪਾਣੀ ਨਾਲ ਪ੍ਰਭਾਵਿਤ ਹੋਏ । ਉਹਨਾਂ ਦੱਸਿਆ ਕਿ ਪਾਣੀ ਵਿਚ ਘਿਰੇ 6320 ਲੋਕਾਂ ਨੂੰ ਕਿਸ਼ਤੀਆਂ ਅਤੇ ਮੋਟਰ ਕਿਸ਼ਤੀਆਂ ਰਾਹੀਂ ਬਾਹਰ ਕੱਢ ਕੇ ਰਾਹਤ ਕੈਂਪਾਂ ਵਿਚ ਠਹਿਰਾਇਆ ਗਿਆ ਹੈ। 11080 ਹੈਕਟੈਅਰ ਖੜੀਆਂ ਫਸਲਾਂ ਦਾ ਨੁਕਸਾਨ ਹੋਇਆ ਹੈ ਅਤੇ ਲੱਗਭਗ 190 ਕਰੋੜ ਰੁਪਏ ਦਾ ਕੁੱਲ ਨੁਕਸਾਨ ਹੋਇਆ ਹੈ। ਮੰਤਰੀ ਨੇ ਕੇਂਦਰ ਸਰਕਾਰ ਤੋਂ ਮੰਗ ਕੀਤੀ ਕਿ ਕਿਸਾਨਾ ਦੇ ਹੋਏ ਸਾਰੇ ਨੁਕਸਾਨ ਦੀ ਭਰਪਾਈ ਕੇਂਦਰ ਸਰਕਾਰ ਵਲੋਂ ਕੀਤੀ ਜਾਵੇ ਕਿਉਂਕਿ ਪੰਜਾਬ ਦਾ ਕਿਸਾਨ ਕੇਂਦਰੀ ਅਨ-ਭੰਡਾਰ ਵਿਚ 60 ਤੋਂ 70 ਫੀਸਦੀ ਤੱਕ ਯੋਗਦਾਨ ਪਾ ਰਿਹਾ ਹੈ ਉਹਨਾਂ ਇਹ ਵੀ ਮੰਗ ਕੀਤੀ ਕਿ ਹੜ੍ਹ ਨਾਲ ਪ੍ਰਭਾਵਿਤ ਕਿਸਾਨਾਂ ਦੇ ਕਰਜ਼ੇ ਮੁਆਫ ਕੀਤੇ ਜਾਣ। ਉਨ੍ਹਾਂ ਅੱਗੇ ਦੱਸਿਆ ਕਿ ਹੜ੍ਹ ਨਾਲ ਪ੍ਰਭਾਵਿਤ ਪਰਿਵਾਰਾਂ ਨੂੰ ਰਾਹਤ ਮੁਹੱਈਆ ਕਰਵਾਉਣ ਦੇ ਲਈ ਸ੍ਰ: ਸੁਖਬੀਰ ਸਿੰਘ ਬਾਦਲ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ ਅਤੈ ਮੈਂਬਰ ਲੋਕ ਸਭਾ ਨੇ 25 ਟਰੱਕ ਰਾਹਤ ਸਮੱਗਰੀ ਜਿਸ ਵਿਚ ਤੂੜੀ, ਹਰਾ ਚਾਰਾ, ਆਟਾ, ਦਾਲ ਅਤੇ ਹੋਰ ਜ਼ਰੂਰੀ ਵਸਤਾਂ ਸ਼ਾਮਲ ਸਨ, ਭੇਜੀਆਂ ਗਈਆਂ। ਇਸੇ ਤਰ੍ਹਾਂ ਸ੍ਰ: ਬਿਕਰਮ ਸਿੰਘ ਮਜੀਠੀਆ, ਸੂਚਨਾਂ ਤੇ ਲੋਕ ਸੰਪਰਕ ਮੰਤਰੀ, ਪੰਜਾਬ ਵਲੋ 18 ਟਰੱਕ ਰਾਹਤ ਸਮੱਗਰੀ ਦੇ ਹੜ੍ਹ ਪ੍ਰਭਾਵਿਤ ਇਲਾਕੇ ਵਿਚ ਭੇਜੇ ਗਏ ਹਨ।
ਮੋਗਾ (ਇਕਬਾਲ ਸਿੰਘ) ਜ਼ਿਲ੍ਹਾ ਮੋਗਾ ਦੇ ਸਤਲੁਜ ਦਰਿਆ ਦੇ ਧੁੱਸੀ ਬੰਨ ’ਚ ਬੀਤੀ 16 ਅਗਸਤ ਨੂੰ ਪਾੜ ਪੈ ਜਾਣ ਨਾਲ ਹੋਏ ਭਾਰੀ ਨੁਕਸਾਨ ਦਾ ਜਾਇਜ਼ਾ ਲੈਣ ਲਈ ਕੇਂਦਰ ਦੀ ਟੀਮ ਪਿੰਡ ਮੁਦਾਰਪੁਰ ਤੇ ਸੰਘੇੜਾ ਵਿਖੇ ਪਹੁੰਚੀ। ਇਸ ਟੀਮ ਵਿਚ ਸੈਂਟਰ ਵਰਕਰ ਕਮਿਸ਼ਨ ਅਤੇ ਮਨਿਸਟਰੀ ਆਫ ਵਾਟਰ ਰਿਸੋਰਸ ਐਮ.ਪੀ. ਸਿੰਘ, ਜੁਇੰਟ ਸੈਕਟਰੀ ਹੋਮ ਕੁਦਰਤੀ ਆਫਦਾ ਪ੍ਰਭੂ ਅੰਸ਼ ਕਮਲ, ਵਿ¤ਤ ਸਕ¤ਤਰ ਮਾਲ ਰੋਮਿਲਾ ਦੂਬੇ, ਸਿੰਚਾਈ ਮੰਤਰੀ ਜਨਮੇਜਾ ਸਿੰਘ ਸੇਖੋਂ, ਫਿਰੋਜ਼ਪੁਰ ਡਵੀਜਨ ਦੇ ਕਮਿਸ਼ਨਰ ਬੀ.ਐਸ. ਸੂਦਨ, ਡਿਪਟੀ ਕਮਿਸ਼ਨਰ ਫਰੀਦਕੋਟ ਵੀ.ਕੇ. ਮੀਨਾ, ਡੀ.ਸੀ. ਫਿਰੋਜ਼ਪੁਰ ਮੇਘ ਰਾਜ, ਮੈਂਬਰ ਸ਼੍ਰੋਮਣੀ ਕਮੇਟੀ ਸੁਖਜੀਤ ਸਿੰਘ ਲੋਹਗੜ੍ਹ, ਯੂਥ ਅਕਾਲੀ ਦਲ ਕੌਮੀ ਮੀਤ ਪ੍ਰਧਾਨ ਰਾਜਵਿੰਦਰ ਸਿੰਘ ਧਰਮਕੋਟ ਤੋਂ ਇਲਾਵਾ ਇਲਾਕੇ ਭਰ ਦੇ ਪੰਚ ਸਰਪੰਚ ਅਤੇ ਹੜ੍ਹਾਂ ਤੋਂ ਪੀੜਤ ਕਿਸਾਨ ਵੀ ਹਾਜ਼ਰ ਸਨ। ਇਸ ਮੌਕੇ ਕੇਂਦਰੀ ਟੀਮ ਨੇ ਪੱਤਰਕਾਰਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਹੜ੍ਹਾਂ ਨਾਲ ਜਿੰਨਾਂ ਵੀ ਨੁਕਸਾਨ ਹੋਇਆ ਉਸ ਦੀ ਕੇਂਦਰ ਸਰਕਾਰ ਨੂੰ ਜਲਦ ਹੀ ਰਿਪੋਰਟ ਸੌਂਪੀ ਦਿ¤ਤੀ ਜਾਵੇਗੀ ਅਤੇ ਨੁਕਸਾਨੀਆਂ ਗਈਆਂ ਫਸਲਾਂ ਦੀ ਗਿਰਦਾਵਰੀ ਕਰਵਾ ਕੇ ਢੁੱਕਵਾਂ ਮੁਆਵਜ਼ਾ ਦਿੱਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਧੁੱਸੀ ਬੰਨ੍ਹ ਦੇ ਅੰਦਰ ਕੇਵਲ ਉਹ ਲੋਕ ਖੇਤੀ ਕਰ ਸਕਦੇ ਹਨ ਜਿਨ੍ਹਾਂ ਕੋਲ ਮਲਕੀਅਤ ਹੈ ਪਰ ਉਨ੍ਹਾਂ ਨੂੰ ਵੀ ਰਿਹਾਇਸ਼ ਕਰਨ ਦਾ ਕੋਈ ਅਧਿਕਾਰ ਨਹੀਂ ਜੇਕਰ ਇਸ ਦੌਰਾਨ ਕਿਸੇ ਦਾ ਕੋਈ ਨੁਕਸਾਨ ਹੁੰਦਾ ਹੈ ਤਾਂ ਉਸ ਦੀ ਸਰਕਾਰ ਜਿੰਮੇਵਾਰ ਨਹੀਂ ਹੋਵੇਗੀ। ਸਿੰਚਾਈ ਸੈਕਟਰੀ ਪੰਜਾਬ ਸੁਰੇਸ਼ ਕੁਮਾਰ ਨੇ ਕਿਹਾ ਕਿ 448 ਕਰੋੜ ਰੁਪਏ ਦੀ ਲਾਗਤ ਨਾਲ ਤਿਆਰ ਹੋਣ ਵਾਲੇ 21 ਫਲੱਡ ਰੋਕੂ ਪ੍ਰੋਜੈਕਟ ਨੂੰ ਕੇਂਦਰ ਸਰਕਾਰ ਦੀ ਪ੍ਰਵਾਨਗੀ ਲਈ ਭੇਜ ਦਿ¤ਤਾ ਗਿਆ ਹੈ। ਜਿੰਨਾਂ ਵਿਚੋਂ ਅੰਮ੍ਰਿਤਸਰ ਵਿਚ 168 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣਿਆ ਫਲੱਡ ਰੋਕੂ ਪ੍ਰੋਜੈਕਟ ਨੇ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ 50 ਫੀਸਦੀ ਤੋਂ ਉ¤ਪਰ ਨੁਕਸਾਨੀਆਂ ਗਈਆਂ ਫਸਲਾਂ ਦਾ 1650 ਰੁਪਏ ਮੁਆਵਜ਼ਾ ਬਹੁਤ ਘੱਟ ਹੈ। ਇਸੇ ਸਬੰਧ ਵਿ¤ਚ ਮੁੱਖ ਮੰਤਰੀ ਪੰਜਾਬ ਸ. ਪ੍ਰਕਾਸ਼ ਸਿੰਘ ਬਾਦਲ ਪ੍ਰਧਾਨ ਮੰਤਰੀ ਸ. ਮਨਮੋਹਨ ਸਿੰਘ ਅਤੇ ਗ੍ਰਹਿ ਮੰਤਰੀ ਸ਼ਿਵਰਾਜ ਪਾਟਿਲ ਨੂੰ ਮਿਲੇ ਅਤੇ ਮੁਆਵਜ਼ਾ ਵਧਾਉਣ ਦੀ ਮੰਗ ਕੀਤੀ। ਜਿਸ ’ਤੇ ਕੇਂਦਰ ਸਰਕਾਰ ਵਿਚਾਰ ਕਰ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਪੌਂਗ ਡੈਮ, ਰਣਜੀਤ ਸਿੰਘ ਸਾਗਰ ਡੈਮ, ਥੀਨ ਡੈਮ ਦੇ ਪਾਣੀ ਲੇਵਲ ਪਿਛਲੇ ਸਾਲ ਨਾਲੋਂ ਭਾਵੇਂ 15 ਫੁੱਟ ਉ¤ਪਰ ਹੈ ਪਰ ਕੰਟਰੋਲ ਵਿਚ ਹੈ। ਮੌਸਮ ਦੇ ਮੁਤਾਬਕ 28 ਅਗਸਤ ਤੱਕ ਪਾਣੀ ਮੌਜੂਦਾ ਮਾਤਰਾ ਵਿਚ ਹੀ ਆਵੇਗਾ। ਜੇਕਰ ਪਾਣੀ ਵਧਾਉਣ ਦੀ ਲੋੜ ਪਈ ਤਾਂ ਪਹਿਲਾਂ ਡਰੇਨਜ਼ ਵਿਭਾਗ ਨੂੰ ਚੌਕਸ ਕਰ ਦਿੱਤਾ ਜਾਵੇਗਾ।
ਜ¦ਧਰ 24 ਅਗਸਤ (ਸਰਬਜੀਤ ਵਾਲੀਆ)- ਪੰਜਾਬ ਵਿੱਚ ਹੜ੍ਹਾ ਨਾਲ ਹੋਏ ਨੁਕਸਾਨ ਦਾ ਜਾਇਜਾ ਲੈਣ ਲਈ ਸ੍ਰੀ ਪ੍ਰਭਾਸੂ ਕਮਲ ਜਾਇੰਟ ਸਕੱਤਰ (ਕੁਦਰਤੀ ਆਫਤ ਪ੍ਰਬੰਧ) ਕੇਂਦਰੀ ਗ੍ਰਹਿ ਮੰਤਰਾਲੇ ਦੀ ਅਗਵਾਈ ਹੇਠ 7 ਮੈਂਬਰੀ ਕੇਂਦਰੀ ਟੀਮ ਨੇ ਅੱਜ ਜ਼ਿਲ੍ਹਾ ਜ¦ਧਰ ਦੇ ਹੜਾਂ ਤੋਂ ਪ੍ਰਭਾਵਿਤ ਪਿੰਡ ਮੰਡਾਲਾ, ਗਿੱਦੜਪਿੰਡੀ ਬਾੜਾ ਜੋਧਾਂ ਸਿੰਘ ਅਤੇ ਠਸੀਰੇਵਾਲ ਆਦਿ ਪਿੰਡਾਂ ਦਾ ਦੌਰਾ ਕੀਤਾ ਅਤੇ ਹੜਾ ਨਾਲ ਹੋਏ ਭਾਰੀ ਨੁਕਸਾਨ ਦਾ ਜਾਇਜਾ ਲਿਆ ਅਤੇ ਹੜਾ ਨਾਲ ਹੋਏ ਫਸਲਾਂ, ਜਮੀਨ ਸੜਕਾਂ ਲੋਕਾਂ ਦੇ ਮਕਾਨਾਂ ਆਦਿ ਦੇ ਹੋਏ ਨੁਕਸਾਨ ਦਾ ਜਾਇਜਾ ਵੀ ਲਿਆ। ਇਸ ਟੀਮ ਵਿੱਚ ਡਾ. ਜੀ. ਕੇ. ਚੋਧਰੀ ਡਾਇਰੈਕਟਰ (ਡੀ. ਡਵਯੂ. ਡੀ. ) ਖੇਤੀਬਾੜੀ ਅਤੇ ਸਹਿਕਾਰਤਾ ਮੰਤਰਾਲਾ, ਸ੍ਰੀ ਚਾਂਈ ਸੀ ਸ਼ਰਮਾ ਡਿਪਟੀ ਡਾਇਰੈਕਟਰ (ਐਫ. ਸੀ. ਡੀ) ਖਰਚ ਵਿਭਾਗ ਵਿੱਚ ਮੰਤਰਾਲਾ, ਡਾ. ਅਮਰਜੀਤ ਕੌਰ ਡਾਇਰੈਕਟਰ ਸਿਹਤ ਤੇ ਪਰਿਵਾਰ ਭਲਾਈ ਸ਼੍ਰੀਮਤੀ ਅੰਜਲੀ ਚੰਦਰਾ ਡਾਇਰੈਕਟਰ ਬਿਜਲੀ ਮੰਤਰਾਲਾ ਸ੍ਰੀ ਐਮ. ਪੀ. ਸਿੰਘ ਡਾਇਰੈਕਟਰ (ਐਫ. ਸੀ. ਡੀ. ) ਜਲ ਮੰਤਰਾਲਾ, ਸ੍ਰੀ ਅਸ਼ੋਕ ਕੁਮਾਰ ਨਾਗਪਾਲ ਐਸ. ਯੂਯ ਪੀ. ਟੀ. (ਇੰਜੀਨੀਅਰ) ਸੜਕੀ ਆਵਾਜਾਈ ਅਤੇ ਮੁੱਖ ਮਾਰਗ ਸ਼ਾਮਲ ਸਨ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਸ. ਅਜੀਤ ਸਿੰਘ ਕੋਹਾੜ ਮਾਲ ਮੰਤਰੀ ਪੰਜਾਬ ਸ੍ਰੀਮਤੀ ਉਪਿੰਦਰਜੀਤ ਕੌਰ ਸਿਖਿਆ ਮੰਤਰੀ ਪੰਜਾਬ ਸ਼੍ਰੀਮਤੀ ਰੋਮਿਲਾ ਦਬੇ ਵਿੱਚ ਕਮਿਸ਼ਨਰ ਮਾਲ। ਪੰਜਾਬ ਸਰਕਾਰ ਦੇ ਸਿਚਾਈ ਤੇ ਬਿਜਲੀ ਵਿਭਾਗ ਦੇ ਪ੍ਰਮੁੱਖ ਸਕੱਤਰ ਸ੍ਰੀ ਸੁਰੇਸ਼ ਕੁਮਾਰ, ਸ੍ਰੀ ਐਸ. ਆਰ. ਲੱਧੜ ਕਮਿਸ਼ਨਰ ਜ¦ਧਰ ਡਵੀਜ਼ਨ ਜ¦ਧਰ, ਸ੍ਰੀ ਅਜੀਤ ਸਿੰਘ ਪਨੂੰ ਡਿਪਟੀ ਕਮਿਸ਼ਨਰ ਜ¦ਧਰ ਸ੍ਰੀ ਜੇ. ਐਸ. ਬਾਲਾਮੁਰਗਨ ਡਿਪਟੀ ਕਮਿਸ਼ਨਰ ਕਪੂਥਲਾ ਅਤੇ ਸ੍ਰੀ ਪਵਨ ਰਾਏ ਐਸ. ਐਸ. ਪੀ. ਜ¦ਧਰ ਸ੍ਰੀ ਜੇ. ਐਸ. ਬਾਲਾਮੁਰਗਨ ਡਿਪਟੀ ਕਮਿਸ਼ਨਰ ਕਪੂਰਥਲਾ ਅਤੇ ਸ੍ਰੀ ਪਵਨ ਰਾਏ ਐਸ. ਐਸ. ਪੀ. ਜ¦ਧਰ ਵੀ ਸ਼ਾਮਲ ਸਨ।
ਸ਼ਾਹਕੋਟ, 24 ਅਗਸਤ (ਜਿੰਦਰਪਾਲ ਸਿੰਘ)- ਬਲਾਕ ਲੋਹੀਆ ’ਚ ਆਏ ਭਿਆਨਕ ਹੜ੍ਹ ਨਾਲ ਹੋਈ ਤਬਾਹੀ ਦਾ ਜਾਇਜਾ ਲੈਣ ਲਈ ਅੱਜ ਪੰਜ ਮੈਂਬਰੀ ਕੇਂਦਰੀ ਟੀਮ ਨੇ ਹੜ੍ਹਾ ਨਾਲ ਪ੍ਰਭਾਵਿਤ ਪਿੰਡਾ ਦਾ ਦੌਰਾ ਕੀਤਾ। ਕੇਂਦਰੀ ਟੀਮ ਦਾ ਅੱਜ ਸਭ ਤੋਂ ਪਹਿਲਾ ਗਿਦੜਪਿੰਡੀ ਦੇ ਪੁਲ ’ਤੇ ਮਾਲ ਤੇ ਤੇ ਮੁੜ ਵਸੇਬਾ ਮੰਤਰੀ ਜਥੇਦਾਰ ਅਜੀਤ ਸਿੰਘ ਕੋਹਾੜ, ਸਿੱਖਿਆ ਮੰਤਰੀ ਬੀਬੀ ਉਪਿੰਦਰ ਜੀਤ ਕੌਰ, ਡਿਪਟੀ ਕਮਿਸ਼ਨਰ ਜ¦ਧਰ ਤੇ ਕਪੂਰਥਲਾ ਐਸ. ਐਸ. ਪੀ. ਜ¦ਧਰ ਤੇ ਕਪੂਰਥਲਾ ਅਤੇ ਕਈ ਹੋਰ ਪ੍ਰਸਾਸ਼ਨਿਕ ਅਧਿਕਾਰੀਆਂ ਨੇ ਸਵਾਗਤ ਕੀਤਾ। ਇਸ ਤੋਂ ਬਾਅਦ ਕੇਂਦਰੀ ਟੀਮ ਨੇ ਹੜ੍ਹਾ ਨਾਲ ਪ੍ਰਭਾਵਿਤ ਪਿੰਡ ਗਿਦੜਪਿੰਡੀ ਦਾਰੇਵਾਲ, ਮੰਡੀ ਕਹਲੂ, ਨਸੀਰਪੁਰ, ਮੰਢਾਲਾ ਸਮੇਤ ਕਈ ਹੋਰ ਪਿੰਡਾਂ ਵਿੱਚ ਜਾ ਕੇ ਘਰਾਂ ਤੇ ਫਸਲਾਂ ਦੀ ਹੋਈ ਬ੍ਰਬਾਦੀ ਦਾ ਜਾਇਜਾ ਲਿਆ। ਇਸ ਤੋਂ ਬਾਅਦ ਕੇਂਦਰੀ ਟੀਮ ਉਸ ਥਾਂ ਤੇ ਗਈ ਜਿਥੇ ਦਰਿਆ ਸਤਲੁਜ ਤੇ ਚਿੱਟੀ ਵੇਈ ਦੇ ਧੁੱਸੀ ਬੰਨ੍ਹ ਵਿੱਚ ਪਾੜ ਪੈ ਗਿਆ ਸੀ। ਉਨ੍ਹਾਂ ਬੰਨ੍ਹ ਵਿੱਚ ਪਏ ਪਾੜ ਨੂੰ ਰਿੰਗ ਬੰਨ੍ਹ ਦੁਆਰਾ ਪੂਰੇ ਜਾਣ ਤੇ ਚੱਲ ਰਹੇ ਕੰਮ ਦਾ ਵੀ ਕੇਂਦਰੀ ਟੀਮ ਨੇ ਜਾਇਜਾ ਲਿਆ। ਕੇਂਦਰੀ ਟੀਮ ਨੇ ਸਿਹਤ ਵਿਭਾਗ ਵੱਲੋਂ ਹੁਣ ਤੱਕ ਹੜ੍ਹ ਪੀੜ੍ਹਤਾ ਨੂੰ ਦਿੱਤੀਆ ਗਈਆ ਦਵਾਈਆ ਦਾ ਵੀ ਜਾਇਜਾ ਲਿਆ ਕੇਂਦਰੀ ਟੀਮ ਨੇ ਸਿਹਤ ਵਿਭਾਗ ਦੇ ਅਧਿਕਾਰੀਆਂ ਨੂੰ ਜਦੋਂ ਪੁੱਛਿਆ ਕਿ ਤੁਸੀ ਹੁਣ ਤੱਕ ਕਿਨੇ ਮਰੀਜ ਦੇਖੇ ਹਨ, ਕਿੰਨੀ ਮਾਤਰਾ ਵਿੱਚ ਦਵਾਈ ਦਿੱਤੀ ਹੈ ਤਾਂ ਉਹ ਕੋਈ ਤਸੱਲੀ ਬਖਸ਼ ਜਵਾਬ ਨਹੀ ਦੇ ਸਕੇ। ਸਿਹਤ ਵਿਭਾਗ ਦੇ ਕਰਮਚਾਰੀ ਕੇਂਦਰੀ ਟੀਮ ਨੂੰ ਇਨ੍ਹਾਂ ਹੀ ਦੱਸ ਸਕੇ ਕਿ ਅਸੀ ਅਜੇ ਤੱਕ ਨਾ ਕੋਈ ਸੀਰੀਅਸ ਮਰੀਜ ਦੇਖਿਆ ਹੈ ਅਤੇ ਨਾ ਹੀ ਇਥੋ ਕਿਸੇ ਵਿਅਕਤੀ ਦੀ ਅਤੇ ਨਾ ਹੀ ਕਿਸੇ ਡੰਗਰ ਦੀ ਮੌਤ ਹੋਈ ਹੈ। ਮਾਲ ਤੇ ਮੁੜ ਵਸੇਬਾ ਮੰਤਰੀ ਜਥੇਦਾਰ ਅਜੀਤ ਸਿੰਘ ਕੋਹਾੜ ਨੇ ਕੇਂਦਰੀ ਟੀਮ ਅੱਗੇ ਹੜ੍ਹ ਪੀੜ੍ਹਥਾ ਦੀ ਮਦਦ ਲਈ ਮੰਗ ਕਰਦਿਆ ਕਿਹਾ ਕਿ ਪੰਜਾਬ ਸਰਕਾਰ ਕੋਲ ਹੜ੍ਹ ਪੀੜ੍ਹਤਾ ਦੀ ਮਦਦ ਕਰਨ ਲਈ ਕੋਈ ਪੈਸਾ ਨਹੀ ਹੈ। ਇਸ ਕਰਕੇ ਅਸੀ ਕੇਂਦਰੀ ਸਰਕਾਰ ਤੋਂ ਮੰਗ ਕਰਦੇ ਹਾਂ ਕਿ ਬ੍ਰਬਾਦ ਹੋਈਆ ਫਸਲਾ ਦਾ ਪ੍ਰਤੀ ਏਕੜ 25 ਹਜ਼ਾਰ ਰੁਪਏ ਮੁਆਵਜਾ ਦਿੱਤਾ ਜਾਵੇ, ਹੜ੍ਹਾ ਤੇ ਵਰਖਾ ਨਾਲ ਟੁੱਟੀਆ ਸੜਕਾ ਦੀ ਮੁਰੰਮਤ ਕਰਵਾਈ ਜਾਵੇ, ਬੰਨ੍ਹ ਨੂੰ 50 ਫੁੱਟ ਚੌੜਾ ਤੇ 6 ਫੁੱਟ ਉਚਾ ਬਣਾਇਆ ਜਾਵੇ ਬ੍ਰਬਾਦ ਹੋਏ ਘਰਾਂ ਤੇ ਸਮਾਨ ਦਾ ਯੋਗ ਮੁਆਵਜਾ ਦਿੱਤਾ ਜਾਵੇ ਅਤੇ ਪਿੰਡ ਭਰੋਆਲਾ (ਸੁਲਤਾਨਪੁਰ ਲੋਧੀ) ਕੋਲ ਕਾਲੀ ਵੇਈ ਦੇ ਬੰਨ੍ਹ ਉ¤ਪਰ ਗੇਟ ਬਣਾਏ ਜਾਣ ਜਿੱਥੇ ਲੋੜ ਸਮੇਂ ਪਾਣੀ ਛੱਡਿਆ ਜਾਵੇ। ਜਥੇਦਾਰ ਕੰਹਾੜ ਨੇ ਕਿਹਾ ਕਿ ਉਕਤ ਸਾਰੀਆ ਮੰਗਾ ਕੇਂਦਰ ਸਰਕਾਰ ਪੂਰੀਆ ਕਰੇ। ਜਥੇਦਾਰ ਕੋਹਾੜ ਨੇ ਕਿਹਾ ਕਿ ਹੜ੍ਹ ਪੀੜ੍ਹਤਾ ਤੇ ਪੰਜਾਬ ਦੇ ਵਿਕਾਸ ਲਈ ਕੇਂਦਰ ਸਰਕਾਰ 1600 ਕਰੋੜ ਦੀ ਮਦਦ ਕਰੇ। ਕੇਂਦਰੀ ਟੀਮ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆ ਕਿਹਾ ਕਿ ਅਸੀ ਹੜ੍ਹਾ ਨਾਲ ਹੋਈ ਤਬਾਹੀ ਦਾ ਜਾਇਜਾ ਲੈਦਿਆ ਜੋ ਦੇਖ ਰਹੇ ਹਾਂ ਉਸਦੀ ਸਹੀ ਰਿਪੋਰਟ ਦਾ ਪ੍ਰੋਜੈਕਟ ਬਣਾ ਕੇ ਕੇਂਦਰ ਸਰਕਾਰ ਅੱਗੇ ਰੱਖ ਦੇਵਾਂਗੇ। ਉਨ੍ਹਾਂ ਕਿਹਾ ਕਿ ਰਿਪੋਰਟ ਦੇਣ ਤੋਂ ਬਾਅਦ 15 ਦਿਨਾਂ ਦੇ ਅੰਦਰ ਹੜ੍ਹ ਪੀੜ੍ਹਤਾ ਨੂੰ ਸਹਾਇਤਾ ਰਾਸ਼ੀ ਜਾਰੀ ਹੋ ਜਾਵੇਗੀ। ਬਲਾਕ ਲੋਹੀਆ ਦੇ ਹੜ੍ਹ ਪ੍ਰਭਾਵਿਤ ਪਿੰਡਾਂ ਦਾ ਦੌਰਾ ਕਰਨ ਤੋਂ ਬਾਅਦ ਜਿਉ ਹੀ ਕੇਂਦਰੀ ਟੀਮ ਪਿੰਡ ਗਿਦੜ੍ਹ ਪਿੰਡੀ ਪਹੁੰਚੀ ਤਾਂ ਉ¤ਥੇ ਉਸ ਮੌਕੇ ਸਥਿਤੀ ਤਨਾਅ ਪੂਰਨ ਹੋ ਗਈ ਜਦੋਂ ਉਨ੍ਹਾਂ ਨੂੰ ਸੁਲਤਾਨਪੁਰ ਲੋਧੀ ਲਿਜਾਣ ਲਈ ਜ਼ਿਲ੍ਹਾ ਜ¦ਧਰ ਦੇ ਅਧਿਕਾਰੀਆਂ ਵੱਲੋਂ ਕਦੇ ਗੱਡੀ ਵਿਚ ਬਿਠਾ ਦਿੱਤਾ ਜਾਂਦਾ ਸੀ ਕਦੇ ਉਤਾਰ ਦਿੱਤਾ ਜਾਂਦਾ ਸੀ। ਜਿਕਰਯੋਗ ਹੈ ਕਿ ਕੇਂਦਰੀ ਟੀਮ ਇਥੋ ਸੁਲਤਾਨਪੁਰ ਲੋਧੀ ਦੇ ਹੜ੍ਹ ਨਾਲ ਪ੍ਰਭਾਵਿਤ ਪਿੰਡਾਂ ਦਾ ਦੌਰਾ ਕਰਨਾ ਸੀ, ਜਿਸ ਨੂੰ ਜ਼ਿਲ੍ਹਾ ਕਪੂਰਥਲਾ ਦੇ ਪ੍ਰਸ਼ਾਸਨ ਨੇ ਲਿਜਾਣਾ ਸੀ। ਜਦੋਂ ਦੋ ਤਿੰਨ ਵਾਰ ਕੇਂਦਰੀ ਟੀਮ ਦੇ ਮੈਂਬਰਾਂ ਨੂੰ ਤਿੰਨ ਵਾਰ ਗੱਡੀਆ ਵਿੱਚ ਬਿਠਾ ਕੇ ਉਤਾਰ ਦਿੱਤਾ ਤਾਂ ਉਹ ਪੂਰੇ ਗੁਸੇ ਵਿੱਚ ਆ ਗਏ ਉਨ੍ਹਾਂ ਸੜਕ ਕਿਨਾਰੇ ਖੜੇ ਸਬ ਡਵੀਜਨ ਸ਼ਾਹਕੋਟ ਦੇ ਅਧਿਕਾਰੀਆਂ ਦੀ ਝਾੜ ਕਰਦਿਆ ਕਿਹਾ ਕਿ ਜੇਕਰ ਤੁਸੀ ਸਾਨੂੰ ਤਹਿਸੀਲ ਸੁਲਤਾਨਪੁਰ ਲੋਧੀ ਦੇ ਹੜ੍ਹਾ ਨਾਲ ਪ੍ਰਭਾਵਿਤ ਪਿੰਡਾਂ ਵਿੱਚ ਨਹੀ ਲਿਜਾ ਸਕਦੇ ਤਾਂ ਅਸੀ ਆਪਣੀਆਂ ਗੱਡੀਆ ਵਿੱਚ ਚਲੇ ਜਾਵੇਗਾ, ਸਾਡੇ ਕੋਲ ਸਭ ਪ੍ਰਬੰਧ ਮੁਕੰਮਲ ਹੈ। ਝਾੜ ਝੰਬ ਕਰਵਾ ਕੇ ਤਹਿਸੀਲ ਸ਼ਾਹਕੋਟ ਦੇ ਅਧਿਕਾਰੀਆਂ ਨੇ ਤੁਰੰਤ ਆਪਸੀ ਗਿਟਮਿਟ ਕੀਤੀ ਤੇ ਜ਼ਿਲ੍ਹਾ ਕਪੂਰਥਲਾ ਦੇ ਪ੍ਰਸਾਸ਼ਨ ਵੱਲੋਂ ਆਈਆ ਗੱਡੀਆ ਵਿੱਚ ਉਨ੍ਹਾਂ ਨੂੰ ਬਿਠਾ ਕੇ ਤਹਿਸੀਲ ਸੁਲਤਾਨਪੁਰ ਲੋਧੀ ਵੱਲ ਰਵਾਨਾ ਕਰ ਦਿੱਤਾ।

ਵੀਐਚਪੀ ਦੇ 4 ਨੇਤਾਵਾਂ ਸਣੇ ਪੰਜ ਦੀ ਹੱਤਿਆ

ਭੁਵਨੇਸ਼ਵਰ, 23 ਅਗਸਤ - ਉੜੀਸਾ ਵਿਚ ਫਿਰਕੂ ਰੂਪ ਵਿਚ ਨਾਜ਼ੁਕ ਕੰਧਮਾਲ ਜ਼ਿਲ੍ਹੇ ਵਿਚ ਜਨਮ ਅਸ਼ਟਮੀ ਦੇ ਤਿਓਹਾਰ ਦੇ ਮੌਕੇ ਇਕ ਕੰਨਿਆ ਆਸ਼ਰਮ ਉੱਤੇ ਸ਼ੱਕੀ ਮਾਓਵਾਦੀਆਂ ਨੇ ਹਮਲਾ ਕਰਕੇ ਵੀਐਚਪੀ ਦੇ ਚਾਰ ਨੇਤਾਵਾਂ ਸਮੇਤ ਪੰਜ ਵਿਅਕਤੀਆਂ ਦੀ ਹੱਤਿਆ ਕਰ ਦਿੱਤੀ।ਇਕ ਸੀਨੀਅਰ ਪੁਲਿਸ ਅਫਸਰ ਨੇ ਦੱਸਿਆ ਕਿ ਕਰੀਬ 30 ਬੰਦੂਧਾਰੀ ਵਿਅਕਤੀਆਂ ਨੇ ਕੰਧਮਾਲ ਜ਼ਿਲ੍ਹੇ ਦੇ ਮੁੱਖ ਦਫਤਰੀ ਸ਼ਹਿਰ ਫੂਲਬਨੀ ਤੋਂ ਕਰੀਬ 127 ਕਿਲੋਮੀਟਰ ਦੂਰ ਤੁਮੁਦੀਬੰਧ ਪ੍ਰਖੰਡ ਦੇ ਜਾਲੇਸਪਤਾ ਸਥਿਤ ਆਸ਼ਰਮ ਉੱਤੇ ਰਾਤ ਨੂੰ ਗੋਲੀਆਂ ਦੀ ਭਾਰੀ ਬਰਸਾਤ ਕੀਤੀ। ਇਸ ਵਿਚ ਵੀਐਚਪੀ ਨੇਤਾ ਲਕਸ਼ਮਣਨੰਦਾ, ਸਰਸਵਤੀ ਸਮੇਤ 5 ਵਿਅਕਤੀ ਮਾਰੇ ਗਏ। ਆਸ਼ਰਮ ਉੱਤੇ ਹਮਲੇ ਦੇ ਬਾਅਦ ਆਦਿਵਾਦੀ ਬਹੁਗਿਣਤੀ ਜ਼ਿਲ੍ਹੇ ਦੇ ਕੁਝ ਸਥਾਨਾਂ ਉੱਤੇ ਤਣਾਅ ਦਾ ਮਹੌਲ ਬਣ ਗਿਆ। ਤੁਮੁਦੀਬੰਧ ਨੂੰ ਜਾਣ ਵਾਲੀ ਸੜਕ ਸੀਲ ਕਰ ਦਿੱਤੀ ਗਈ ਹੈ ਅਤੇ ਜ਼ਿਲ੍ਹੇ ਵਿਚ ਫਿਰਕੂ ਹਿੰਸਾ ਫੈਲਣ ਤੋਂ ਰੋਕਣ ਲਈ ਕਦਮ ਉਠਾਏ ਗਏ ਹਨ। ਇਲਾਕੇ ਵਿਚ ਸੀਆਰਪੀਐਫ ਸਮੇਤ ਸੁਰੱਖਿਆ ਜਵਾਨਾਂ ਨੂੰ ਤਾਇਨਾਤ ਕਰ ਦਿੱਤਾ ਗਿਆ ਹੈ।

ਡੈਮੋਕ੍ਰੇਟਿਕ ਉਮੀਦਵਾਰ ਬਰਾਕ ਓਬਾਮਾ ਨੇ ਉਪ ਰਾਸ਼ਟਰਪਤੀ ਅਹੁਦੇ ਲਈ ਬਿਡੇਨ ਨੂੰ ਚੁਣਿਆ

ਵਾਸ਼ਿੰਗਟਨ, 23 ਅਗਸਤ -ਅਮਰੀਕਾ ਦੇ ਰਾਸ਼ਟਰਪਤੀ ਅਹੁਦੇ ਦੇ ਡੈਮੋਕ੍ਰੇਟਿਕ ਉਮੀਦਵਾਰ ਬਰਾਕ ਓਬਾਮਾ ਨੇ ਉਪ ਰਾਸ਼ਟਰਪਤੀ ਅਹੁਦੇ ਲਈ ਆਪਣੇ ਸੈਨਟ ਸਹਿਯੋਗੀ ਜੋਸੇਫ ਬਿਡੇਨ ਨੂੰ ਚੁਣਿਆ ਹੈ। ਇਕ ਨਿੱਜੀ ਟੈਲੀਵਿਜ਼ਨ ਚੈਨਲ ਨੇ ਡੈਮੋਕ੍ਰੇਟ ਸੂਤਰਾਂ ਦੇ ਹਵਾਲੇ ਨਾਲ ਦੱਸਿਆ ਕਿ ਜੋਸੇਫ ਬਿਡੇਨ ਦੇ ਉਪ ਰਾਸ਼ਟਰਪਤੀ ਉਮੀਦਵਾਰ ਬਣਨ ਦੀ ਪੂਰੀ ਸੰਭਾਵਨਾ ਹੈ। ਭਾਵੇਂ ਇਸ ਸਬੰਧ ਵਿਚ ਵਿਸਥਾਰਪੂਰਵਕ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ ਪਰ ਪਤਾ ਲੱਗਾ ਹੈ ਕਿ ਖੁਫੀਆ ਸੇਵਾ ਏਜੰਟਾਂ ਨੂੰ ਬਿਡੇਨ ਬਾਰੇ ਜਾਣਕਾਰੀ ਭੇਜ ਦਿੱਤੀ ਗਈ ਹੈ। ਅਜਿਹਾ ਇਸ ਲਈ ਕੀਤਾ ਗਿਆ ਹੈ ਕਿ ਉਪ ਰਾਸ਼ਟਰਪਤੀ ਦੇ ਉਮੀਦਵਾਰ ਬਣਨ ਦੀ ਸੂਰਤ ਵਿਚ ਉਨ੍ਹਾਂ ਦੀ ਸੁਰੱਖਿਆ ਦੇ ਪ੍ਰਬੰਧ ਕੀਤੇ ਜਾ ਸਕਣ। ਸੂਤਰਾਂ ਦੇ ਅਨੁਸਾਰ ਇਸ ਅਹੁਦੇ ਲਈ ਦੋ ਹੋਰ ਦਾਅਵੇਦਾਰ-ਇੰਡੀਆਨਾ ਦੇ ਸੈਨਟਰ ਇਵਾਨ ਬਿਯਾਹ ਅਤੇ ਵਰਜਨੀਆ ਦੇ ਗਵਰਨ ਟਿਮ ਕੈਨੇ ਸਨ ਪਰ 65 ਸਾਲ ਦੇ ਬਿਡੇਨ ਨੂੰ ਇਸ ਮਹੱਤਵਪੂਰਨ ਅਹੁਦੇ ਲਈ ਚੁਣਿਆ ਗਿਆ ਹੈ।ਸੈਨਟ ਦੀ ਫੋਰੇਨ ਰਿਲੇਸ਼ਨਸ ਕਮੇਟੀ ਦੇ ਪ੍ਰਧਾਨ ਬਿਡੇਨ ਰਾਸ਼ਟਰੀ ਸੁਰੱਖਿਆ ਮਾਮਲਿਆਂ ਦੇ ਖਾਸ ਅਨੁਭਵੀ ਹਨ।ਉਹ ਪਹਿਲੀ ਵਾਰ 1972 ਵਿਚ 29 ਸਾਲ ਦੀ ਉਮਰ ਵਿਚ ਕਾਂਗਰਸ ਲਈ ਚੁਣੇ ਗਏ ਸਨ।

ਡੇਰਾ ਸੌਦਾ ਮੁਖੀ ਨੂੰ 6 ਸਤੰਬਰ ਨੂੰ ਹਰ ਹਾਲਤ ‘ਚ ਅਦਾਲਤ ਸਾਹਮਣੇ ਪੇਸ਼ ਹੋਣ ਦੇ ਹੁਕਮ

ਅੰਬਾਲਾ, 23 ਅਗਸਤ - ਸੀ. ਬੀ. ਆਈ. ਦੀ ਵਿਸ਼ੇਸ਼ ਅਦਾਲਤ ਨੇ ਅੱਜ ਡੇਰਾ ਸੌਦਾ ਮੁਖੀ ਬਾਬਾ ਗੁਰਮੀਤ ਰਾਮ ਰਹੀਮ ਨੂੰ 6 ਸਤੰਬਰ ਵਾਲ਼ੇ ਦਿਨ ਹਰ ਹਾਲਤ ਵਿੱਚ ਅਦਾਲਤ ਸਾਹਮਣੇ ਪੇਸ਼ ਹੋਣ ਦੇ ਹੁਕਮ ਜਾਰੀ ਕੀਤੇ। ਅੱਜ ਅਦਾਲਤ ‘ਚ ਡੇਰਾ ਮੁਖੀ ਦੀ ਅਦਾਲਤ ‘ਚ ਪੇਸ਼ੀ ਸੀ ਪਰ ਉਹ ਪੇਸ਼ ਨਹੀਂ ਹੋਏ, ਇਸੇ ਲਈ ਅਦਾਲਤ ਨੂੰ ਅਜਿਹੇ ਹੁਕਮ ਜਾਰੀ ਕਰਨੇ ਪਏ। ਇਸ ਤੋਂ ਪਹਿਲਾਂ ਹਰਿਆਣਾ ਸਰਕਾਰ ਵੱਲੋਂ ਡੇਰਾ ਮੁਖੀ ਦੇ ਮਾਮਲੇ ਦੀ ਸੁਣਵਾਈ ਸਿਰਸਾ ਵਿਖੇ ਤਬਦੀਲ ਕਰਨ ਦੀਆਂ ਹਰਿਆਣਾ ਸਰਕਾਰ ਦੀਆਂ ਕੋਸ਼ਿਸ਼ਾਂ ਦਾ ਸਵਰਗੀ ਪੱਤਰਕਾਰ ਰਾਮ ਚੰਦਰ ਛਤਰਪਤੀ ਦੇ ਸਪੁੱਤਰ ਅੰਸ਼ੁਲ ਛਤਰਪਤੀ ਨੇ ਜ਼ੋਰਦਾਰ ਵਿਰੋਧ ਕੀਤਾ ਹੈ। ਉਸ ਨੇ ਦੋਸ਼ ਲਾਇਆ ਕਿ ਹਰਿਆਣਾ ਸਰਕਾਰ ਅੰਦਰਖਾਤੇ ਪੂਰੀ ਤਰ੍ਹਾਂ ਡੇਰਾ ਮੁਖੀ ਨਾਲ਼ ਮਿਲ਼ੀ ਹੋਈ ਹੈ। ਚੇਤੇ ਰਹੇ ਕਿ ਸ੍ਰੀ ਛਤਰਪਤੀ ਦੇ ਕਤਲ ਦਾ ਦੋਸ਼ ਵੀ ਡੇਰਾ ਮੁਖੀ ਸਿਰ ਹੀ ਲੱਗਾ ਹੋਇਆ ਹੈ। ਇਹ ਕਤਲ ਅਕਤੂਬਰ 2001 ‘ਚ ਹੋਇਆ ਸੀ, ਉਸ ਉਤੇ ਡੇਰੇ ਦੇ ਪ੍ਰਬੰਧਕ ਰਣਜੀਤ ਸਿੰਘ ਦੇ ਕਤਲ ਦਾ ਵੀ ਦੋਸ਼ ਹੈ ; ਇਹ ਕਤਲ ਜੁਲਾਈ 2002 ‘ਚ ਹੋਇਆ ਸੀ। ਇਸ ਦੇ ਨਾਲ਼ ਹੀ ਇੱਕ ਸਾਧਵੀ ਨਾਲ਼ ਬਲਾਤਕਾਰ ਦੇ ਦੋਸ਼ ਵੀ ਡੇਰਾ ਮੁਖੀ ਉਤੇ ਲੱਗੇ ਹੋਏ ਹਨ। ਸਰਕਾਰ ਦੀ ਦਲੀਲ ਹੈ ਕਿ ਡੇਰਾ ਮੁਖੀ ਨੂੰ ਸਖ਼ਤ ਸੁਰੱਖਿਆ ਮੁਹੱਈਆ ਹੋਣ ਕਾਰਨ ਉਸ ਦਾ ਅੰਬਾਲਾ ਆਉਣਾ ਔਖਾ ਹੈ।

ਬਾਦਲ ਦਲ ਦੀ ਕਰਨਾਲ ਰੈਲੀ ਮੁਲਤਵੀ

ਬਾਦਲ ਦਲ ਦੇ ਪ੍ਰਧਾਨ ਸਰਦਾਰ ਸੁਖਬੀਰ ਸਿੰਘ ਬਾਦਲ ਨੇ ਅੱਜ ਐਲਾਨ ਕੀਤਾ ਕਿ ਪ੍ਰਧਾਨ ਮੰਤਰੀ ਡਾ:ਮਨਮੋਹਨ ਸਿੰਘ ਜੀ ਵੱਲੋਂ ਹਰਿਆਣਾ ਵਿਚ ਵੱਖਰੀ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਬਨਾਉਣ ਦੇ ਮੁੱਦੇ ਉਤੇ ਕੱਲ੍ਹ ਦਿੱਤੇ ਗਏ ਭਰੋਸੇ ਦੇ ਮੱਦੇ-ਨਜ਼ਰ ਪਾਰਟੀ ਹਾਈ-ਕਮਾਂਡ ਨੇ 30 ਅਗਸਤ ਨੂੰ ਕਰਨਾਲ ਵਿਖੇ ਹੋਣ ਵਾਲੀ ਰੈਲੀ ਮੁਲਤਵੀ ਕਰ ਦਿੱਤੀ ਹੈ। ਇਥੇ ਜ਼ਾਰੀ ਇੱਕ ਬਿਆਨ ਵਿਚ ਸਰਦਾਰ ਸੁਖਬੀਰ ਸਿੰਘ ਬਾਦਲ ਨੇ ਕਿਹਾ ਕਿ ਕੱਲ੍ਹ ਅਕਾਲੀ ਵਫ਼ਦ ਦੀ ਪ੍ਰਧਾਨ ਮੰਤਰੀ ਡਾ: ਮਨਮੋਹਨ ਸਿੰਘ ਨਾਲ ਮੁਲਾਕਾਤ ਦੌਰਾਨ ਉਨ੍ਹਾਂ ਵੱਲੋਂ ਇਹ ਭਰੋਸਾ ਦਿੱਤਾ ਗਿਆ ਸੀ ਇਸ ਸਾਰੇ ਮਸਲੇ ਨੂੰ ਮਿਲ-ਬੈਠ ਕੇ ਨਜਿੱਠ ਲਿਆ ਜਾਵੇਗਾ ਅਤੇ ਕੁਝ ਵੀ ਅਜਿਹਾ ਨਹੀਂ ਕੀਤਾ ਜਾਵੇਗਾ ਜੋ ਬਹੁ-ਗਿਣਤੀ ਸਿੱਖ ਸਮੁਦਾਇ ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਉਂਦਾ ਹੋਏ। ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨੇ ਇਹ ਭਰੋਸਾ ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਹਰਿਆਣਾ ਵਿਚ ਵੱਖਰੀ ਕਮੇਟੀ ਬਣਾਏ ਜਾਣ ਨੂੰ ਸਿੱਖਾਂ ਦੇ ਜ਼ਜਬਾਤਾਂ ਨਾਲ ਖਿਲਵਾੜ੍ਹ ਕਰਨ ਦੀ ਕਾਰਵਾਈ ਦੱਸਣ ਤੋਂ ਬਾਅਦ ਦਿੱਤਾ ਗਿਆ। ਅਕਾਲੀ ਆਗੂ ਨੇ ਕਿਹਾ ਉਨ੍ਹਾਂ ਦੀ ਪਾਰਟੀ ਹਰ ਇੱਕ ਮਸਲੇ ਦੇ ਸ਼ਾਂਤਮਈ ਅਤੇ ਆਪਸੀ ਮਿਲਵਰਤਨ ਵਾਲੇ ਹੱਲ ਦੀ ਹਾਮੀ ਹੈ। ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਦੀ ਹਾਈ-ਕਮਾਂਡ ਨੇ ਪ੍ਰਧਾਨ ਮੰਤਰੀ ਜੀ ਵੱਲੋਂੌ ਦਿੱਤੇ ਗਏ ਭਰੋਸੇ ਨੂੰ ਸੰਜੀਦਗੀ ਨਾਲ ਲਿਆ ਹੈ ਅਤੇ ਪਾਰਟੀ ਦੀਆਂ ਪੁਰਾਣੀਆਂ ਜਮਹੂਰੀ, ਅਮਨ ਪਸੰਦ ਅਤੇ ਆਪਸੀ ਸੂਝ-ਬੂਝ ਰਾਹੀ ਮਸਲਾ ਹੱਲ ਕਰਨ ਦੀ ਪਹੁੰਚ ਨੂੰ ਅਪਨਾਉਂਦੇ ਹੋਏ ਸ਼੍ਰੋਮਣੀ ਅਕਾਲੀ ਦਲ ਦੀ ਹਾਈ-ਕਮਾਂਡ ਨੇ ਕਰਨਾਲ ਰੈਲੀ ਨੂੰ ਮੁਲਤਵੀ ਕਰਨ ਦਾ ਫੈਸਲਾ ਲਿਆ ਹੈ।
ਬਠਿੰਡਾ ਤੋਂ ਰਿਪੋਰਟ ਮੁਤਾਬਿਕ -ਸ੍ਰ. ਸੁਖਬੀਰ ਬਾਦਲ ਮੈਂਬਰ ਪਾਰਲੀਮੈਂਟ ਅਤੇ ਪ੍ਰਧਾਨ ਦਲ ਨੇ ਅੱਜ ਬਠਿੰਡਾ ਤੋਂ ਪੰਜਾਬ ਦੇ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਲਈ ਸ਼੍ਰੋਮਣੀ ਅਕਾਲੀ ਦਲ ਵਲੋਂ ਇਕੱਠੀ ਕੀਤੀ ਰਾਹਤ ਸਮੱਗਰੀ ਦੇ 25 ਟਰੱਕ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤੇ। ਇਸ ਮੌਕੇ ਤੇ ਉਨ੍ਹਾਂ ਨਾਲ ਬੀਬੀ ਪਰਮਜੀਤ ਕੌਰ ਗੁਲਸ਼ਨ, ਸ. ਸਿੰਕਦਰ ਸਿੰਘ ਮਲੂਕਾ, ਸ. ਅਮਰਜੀਤ ਸਿੰਘ ਸਿੱਧੂ, ਸ੍ਰੀ ਸਰੂਪ ਸਿੰਗਲਾ ਸ੍ਰ. ਦਰਸ਼ਨ ਕੋਟ ਫੱਤੂ, ਸ੍ਰ. ਗੁਰਾ ਸਿੰਘ ਤੁੰਗਵਾਲੀ, ਸ੍ਰੀ ਚਿਰੰਗੀ ਲਾਲ ਗਰਗ, ਸ. ਬਲਜੀਤ ਸਿੰਘ ਬੀੜ ਬਹਿਮਣ, ਡਾ. ਓਮ ਪ੍ਰਕਾਸ਼ ਸ਼ਰਮਾ, ਨਰਿੰਦਰ ਮਿੱਤਲ ਸ੍ਰੀ ਤਰਸੇਮ ਗੋਇਲ, ਸ੍ਰੀਮਤੀ ਗੁਰਵਿੰਦਰ ਕੌਰ ਮਾਂਗਟ, ਸ਼੍ਰੀ ਤਜਿੰਦਰ ਸਿੰਘ ਮਿੱਡੂਖੇੜਾ, ਸ੍ਰ. ਅਵਤਾਰ ਸਿੰਘ, ਵਣਵਾਲੀ, ਸ੍ਰ. ਭੁਪਿੰਦਰ ਸਿੰਘ ਭੁੱਲਰ, ਸ੍ਰ. ਦਲਜੀਤ ਸਿੰਘ ਬਰਾੜ, ਸ੍ਰੀ ਰਾਜਿੰਦਰ ਸਿੱਧੂ, ਹਰਮੰਦਰ ਸਿੰਘ ਸਿੱਧੂ, ਗੁਰਤੇਜ ਸਿੰਘ ਜੋਧਪੁਰ ਰੋਮਾਣਾ, ਟੇਕ ਸਿੰਘ ਖਾਲਸਾ. ਆਦਿ ਆਗੂਆਂ ਤੋਂ ਇਲਾਵਾ ਸ਼੍ਰੋਮਣੀ ਅਕਾਲੀ ਦਲ ਅਤੇ ਭਾਰਤੀ ਜਨਤਾ ਪਾਰਟੀ ਦੇ ਮੈਂਬਰ ਸ਼ਾਮਿਲ ਸਨ।
ਸੁਖਬੀਰ ਸਿੰਘ ਬਾਦਲ ਨੇ ਕਿਹਾਕਿ ਪੰਜਾਬ ਸਰਕਾਰ ਵਲੋਂ ਵਿੱਤੀ ਸਾਲ 2008-09 ਨੂੰ ਸਰਵਪੱਖੀ ਵਿਕਾਸ ਦੇ ਸਾਲ ਵਜੋਂ ਮਨਾਇਆ ਜਾ ਰਿਹਾ ਹੈ ਅਤੇ 2 ਸਤੰਬਰ ਨੂੰ ਤਲਵੰਡੀ ਸਾਬੋ ਥਰਮਲ ਪਲਾਂਟ ਦਾ ਨੀਂਹ ਪੱਥਰ ਰੱਖਿਆ ਜਾਵੇਗਾ ਅਤੇ ਅਗਲੇ ਮਹੀਨੇ ਗੋਇੰਦਵਾਲ ਸਾਹਿਬ ਅਤੇ ਉਸ ਉਪਰਂਤ ਰਾਜਪੁਰਾ ਅਤੇ ਦਸੰਬਰ ਮਹੀਨੇ ਵਿੱਚ ਗਿੱਦੜਬਾਹਾ ਥਰਮਲ ਪਲਾਂਟ ਦਾ ਨੀਂਹ ਪੱਥਰ ਰੱਖਿਆ ਜਾਵੇਗਾ। ਹੜ੍ਹਾਂ ਦੀ ਰੋਕਥਾਮ ਬਾਰੇ ਉਨ੍ਹਾਂ ਦੱਸਿਆ ਕਿ ਦਰਿਆ ਦੇ ਬੰਨ੍ਹਾਂ ਨੂੰ ਉੱਚਾ-ਚੌੜਾ ਅਤੇ ਮਜ਼ਬੂਤ ਕੀਤਾ ਜਾਵੇਗਾ ਅਤੇ ਇਨ੍ਹਾਂ ਉਪਰ ਸੜਕਾਂ ਦਾ ਨਿਰਮਾਣ ਵੀ ਕੀਤਾ ਜਾਵੇਗਾ। ਸ੍ਰੀ ਸੁਖਬੀਰ ਸਿੰਘ ਬਾਦਲ ਨੇ ਕੇਂਦਰ ਸਰਕਾਰ ਵੱਲੋਂ ਝੋਨੇ ਦਾ ਖਰੀਦ ਮੂਲ 850 ਰੁਪਏ ਪ੍ਰਤੀ ਕੁਇੰਟਲ ਮਿਲਣ ਨੂੰ ਪੰਜਾਬ ਦੇ ਕਿਸਾਨਾਂ ਨਾਲ ਏਇਨਸਾਫੀ ਦੱਸਿਆ ਅਤੇ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ 1400 ਰੁਪਏ ਪ੍ਰਤੀ ਕੁਇੰਟਲ ਭਾਅ ਮਿਲਣ ਦੀ ਕਰਦਾ ਹੈ ਅਤੇ ਉਨ੍ਹਾਂ ਐਲਾਨ ਕੀਤਾ ਕਿ ਇਸ ਸਬੰਧੀ ਪਾਰਲੀਮੈਂਟ ਵਿੱਚ ਮਸਲਾ ਉਠਾਇਆ ਜਾਵੇਗਾ ਅਤੇ ਸ਼੍ਰੋਮਣੀ ਅਕਾਲੀ ਦਲ ਵਧੇਰੇ ਭਾਅ ਲਈ ਆਪਣਾ ਸੰਘਰਸ਼, ਪਰੇਸ਼ਰ ਜਾਰੀ ਰੱਖੇਗਾ। ਉਨ੍ਹਾਂ ਕੇਂਦਰ ਸਰਕਾਰ ਤੋਂ ਮੰਗ ਕੀਤੀ ਕਿ ਪੰਜਾਬ ਵਿੱਚ ਆਏ ਹੜ੍ਹਾਂ ਨੂੰ ਸੁਨਾਮੀ ਵਾਂਗ ਕੁਦਰਤੀ ਆਫਤ ਐਲਾਨਿਆਂ ਜਾਵੇ ਅਤੇ ਕੇਂਦਰ ਪੰਜਾਬ ਨੂੰ 500 ਕਰੋੜ ਰੁਪਏ ਦੀ ਘਟੋ-ਘੱਟ ਵਿੱਤੀ ਸਹਾਇਤਾ ਜਾਰੀ ਕਰੇ।
ਬਾਦਲ ਨੇ ਇਹ ਵੀ ਦੱਸਿਆ ਕਿ ਸ਼੍ਰੋਮਣੀ ਅਕਾਲੀ ਦਲ ਵਲੋਂ 30 ਤਰੀਕ ਦੀ ਕਰਨਾਲ ਵਿਖੇ ਹਰਿਆਣਾ ਦੇ ਸਿੱਖਾਂ ਦੀ ਕੀਤੀ ਜਾਣ ਵਾਲੀ ਰੈਲੀ ਪ੍ਰਧਾਨ ਮੰਤਰੀ ਵਲੋਂ ਗੱਲਬਾਤ ਰਾਹੀਂ ਮਸਲਾ ਹੱਲ ਕਰਨ ਦੇ ਦਿੱਤੇ ਗਏ ਭਰੋਸੇ ਤੋਂ ਬਾਅਦ ਅਣਮਿੱਥੇ ਸਮੇਂ ਲਈ ਅੱਗੇ ਪਾ ਦਿੱਤੀ ਗਈ ਹੈ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਬੰਗਾਲ ਵਿਖੇ ਟਾਟਾ ਮੋਟਰਜ਼ ਨੂੰ ਛੋਟੀ ਕਾਰ ਨੰਨੋ ਲਈ ਜ਼ਮੀਨ ਉਪਲੱਬਧ ਨਹੀਂ ਹੋ ਰਹੀ ਅਤੇ ਕਿਹਾ ਕਿ ਟਾਟਾ ਤੱਕ ਇਹ ਕਾਰਖਾਨਾ ਪੰਜਾਬ ਵਿੱਚ ਲਗਾਉਣ ਲਈ ਪਹੁੰਚ ਕੀਤੀ ਜਾਵੇਗੀ। ਇਸ ਉਪਰੰਤ ਸ੍ਰ. ਬਾਦਲ ਨੇ ਫੀਲਡ ਹੋਸਟਲ ਵਿਖੇ ਸ਼੍ਰੋਮਣੀ ਅਕਾਲੀ ਦਲ ਦੇ ਆਗੂਆਂ ਦੀ 2 ਸਤੰਬਰ ਦੀ ਰੈਲੀ ਬਾਰੇ ਮੀਟਿੰਗ ਕੀਤੀ ਅਤੇ ਉਨ੍ਹਾਂ ਨਗਰ ਨਿਗਮ ਬਠਿੰਡਾ ਦੇ ਨਗਰ ਕੰਸਲਰਾਂ ਨਾਲ ਵੀ ਮੀਟਿੰਗ ਕੀਤੀ। ਸ੍ਰ. ਸੁਖਬੀਰ ਸਿੰਘ ਬਾਦਲ ਨੇ ਅੱਜ ਡਿਪਟੀ ਕਮਿਸ਼ਨਰ ਬਠਿੰਡਾ, ਡਿਪਟੀ ਕਮਿਸ਼ਨਰ, ਮਾਨਸਾ, ਡੀ. ਆਈ. ਜੀ., ਡਾ. ਜਤੇਦਰ ਜੈਨ, ਪੰਜਾਬ ਰਾਜ ਬਿਜਲੀ ਬੋਰਡ ਦੇ ਅਧਿਕਾਰੀਆਂ, ਸ੍ਰੀ ਹੁਸਨ ਲਾਲ ਸਕੱਤਰ, ਪਾਵਰ ਪੰਜਾਬ ਸਰਕਾਰ ਅਤੇ ਸ੍ਰੀ ਅਨੁਰਾਗ ਅਗਰਵਾਲ ਮੈਂਬਰ ਫਾਇਨੈਸ ਪੰਜਾਬ ਰਾਜ ਬਿਜਲੀ ਬੋਰਡ ਅਤੇ ਸ੍ਰ. ਗਗਨਦੀਪ ਸਿੰਘ ਸਿੰਘ ਬਰਾੜ, ਵਧੀਕ ਪ੍ਰਮੁੱਖ ਸਕੱਤਰ, ਮੁੱਖ ਮੰਤਰੀ ਪੰਜਾਬ, ਸ੍ਰੀ ਤੇਜਵੀਰ ਸਿੰਘ ਡਾਇਰੈਕਟਰ ਲੋਕ ਸੰਪਰਕ ਨਾਲ 2 ਸਤੰਬਰ ਨੂੰ ਤਲਵੰਡੀ ਸਾਬੋ ਥਰਮਲ ਪਾਵਰ ਪ੍ਰੋਜੈਕਟ ਸਾਈਟ ਵਣਾਂ ਵਾਲਾ (ਮਾਨਸਾ) ਦਾ ਦੋਰਾ ਕੀਤਾ ਅਤੇ ਅਧਿਕਾਰੀਆਂ ਨਾਲ ਮੀਟਿੰਗ ਵੀ ਕੀਤੀ। ਉਨ੍ਹਾਂ ਦੱਸਿਆ ਕਿ ਲੱਗਭਗ 2000 ਮੈਗਾਵਾਟ ਦੇ ਇਸ ਥਰਮਲ ਪ੍ਰੋਜੈਕਟ ਦੇ ਲੱਗਭਗ 10 ਹਜ਼ਾਰ ਕਰੋੜ ਰੁਪਏ ਦੀ ਲਾਗਤ ਆਵੇਗੀ ਅਤੇ ਇਸ ਪ੍ਰੋਜੈਕਟ ਲਈ ਲੋੜੀਂਦੀ ਜ਼ਮੀਨ ਪ੍ਰਾਪਤ ਕਰ ਲਈ ਗਈ ਹੈ। ਉਨ੍ਹਾਂ ਕਿਹਾ ਕਿ 2 ਸਤੰਬਰ ਦੇ ਇਸ ਸਮਾਗਮ ਨੂੰ ਕਾਮਯਾਬ ਕਰਨ ਲਈ ਪਾਰਟੀ ਵਰਕਰ ਅਤੇ ਅਕਾਲੀ ਆਗੂ ਹਰ ਪਿੰਡ ਵਿੱਚ ਹਰ ਵਰਕਰ ਤੱਕ ਪਹੁੰਚ ਕਰਨ। ਸ੍ਰ. ਬਲਵਿੰਦਰ ਸਿੰਘ ਭੂੰਦੜ ਜਨਰਲ ਸਕੱਤਰ ਸ਼੍ਰੋਮਣੀ ਅਕਾਲੀ ਦਲ ਨੇ ਦੱਸਿਆ ਕਿ ਲੋਕਾਂ ਵਿੱਚ ਇਸ ਰੈਲੀ ਪ੍ਰਤੀਭਾਰੀ ਉਤਸ਼ਾਹ ਹੈ ਅਤੇ ਇਹ ਥਰਮਲ ਪ੍ਰੋਜੈਕਟ ਇਲਾਕੇ ਦੀ ਤਰੱਕੀ ਦਾ ਮੀਲ ਪੱਥਰ ਸਾਬਤ ਹੋਵੇਗਾ। ਇਸ ਸਮੇਂ ਸ੍ਰ. ਮਲੂਕਾ ਸ੍ਰ. ਸਿੱਧੂ ਅਤੇ ਇਲਾਕੇ ਦੇ ਹੋਰ ਆਗੂ ਵੀ ਹਾਜ਼ਰ ਸਨ

ਪਾਕਿ ਬੰਬ ਧਮਾਕਿਆਂ ‘ਚ ਮ੍ਰਿਤਕਾਂ ਦੀ ਗਿਣਤੀ 78 ਹੋਈ

ਇਸਲਾਮਾਬਾਦ, 23 ਅਗਸਤ - ਪਾਕਿਸਤਾਨ ਦੀ ਉਤਰ-ਪੱਛਮੀ ਸਵਾਤ ਵਾਦੀ _ਚ ਸਨਿੱਚਰਵਾਰ ਤੜਕੇ ਇੱਕ ਆਤਮਘਾਤੀ ਹਮਲੇ ’ਚ 78 ਵਿਅਕਤੀ ਹਲਾਕ ਹੋ ਗਏ ਅਤੇ ਅਨੇਕਾਂ ਹੋਰ ਜ਼ਖ਼ਮੀ ਹੋ ਗਏ। ਪ੍ਰਾਪਤ ਜਾਣਕਾਰੀ ਮੁਤਾਬਕ ਇੱਕ ਆਤਮਘਾਤੀ ਨੇ ਵਿਸਫ਼ੋਟਕ ਪਦਾਰਥਾਂ ਨਾਲ਼ ਲੱਦੀ ਆਪਣੀ ਗੱਡੀ ਚਾਰਬਾਗ਼ ਪੁਲਿਸ ਥਾਣੇ ਅੰਦਰ ਵਾੜ ਦਿੱਤੀ। ਇਹ ਸਥਾਨ ਸਵਾਤ ਜ਼ਿਲ੍ਹੇ ਦੇ ਪ੍ਰਮੁੱਖ ਸ਼ਹਿਰ ਮਿੰਗੋਰਾ ਤੋਂ 10 ਕਿਲੋਮੀਟਰ ਦੂਰ ਹੈ। ਨੀਮ ਫ਼ੌਜੀ ਬਲਾਂ ਨੂੰ ਤਾਇਨਾਤ ਕਰ ਦਿੱਤਾ ਗਿਆ ਹੈ ਅਤੇ ਪੂਰੇ ਇਲਾਕੇ ’ਚ ਕਰਫ਼ਿਊ ਲਾਗੂ ਕਰ ਦਿੱਤਾ ਗਿਆ ਹੈ। ਤਾਲਿਬਾਨ ਨੇ ਇਸ ਧਮਾਕੇ ਦੀ ਜ਼ਿੰਮੇਵਾਰੀ ਲਈ ਹੈ। ਪੀਪੀਪੀ ਦੇ ਇਕ ਉੱਘੇ ਨੇਤਾ ਰਹਿਮਾਨ ਮਲਿਕ ਨੇ ਕਿਹਾ ਕਿ ਤਿੰਨ ਆਤਮਘਾਤੀ ਬੰਬ ਹਮਲਾਵਰਾਂ ਨੇ ਕੱਲ ਵਾਹ ਛਾਉਣੀ ਵਿਚ ਇਕ ਕਾਰਖਾਨੇ ਵਿਚ ਹਮਲਾ ਕੀਤਾ ਸੀ। ਉਨ੍ਹਾਂ ਨੇ ਸੰਸਦ ਦੇ ਬਾਹਰ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਇਕ ਚੌਥੇ ਬੰਬ ਹਮਲਾਵਰ ਨੂੰ ਧਮਾਕਾ ਕਰਨ ਤੋਂ ਪਹਿਲਾਂ ਹੀ ਗ੍ਰਿਫਤਾਰ ਕਰ ਲਿਆ ਗਿਆ ਅਤੇ ਉਨ੍ਹਾਂ ਨੂੰ ਪੁੱਛਗਿੱਛ ਤੋਂ ਮਹੱਤਵਪੂਰਨ ਸੁਰਾਗ ਮਿਲੇ ਹਨ। ਪਹਿਲਾਂ ਖਬਰਾਂ ਵਿਚ ਦੱਸਿਆ ਗਿਆ ਸੀ ਕਿ ਹਮਲੇ ਵਿਚ ਕੇਵਲ ਦੋ ਹਮਲਾਵਰ ਸ਼ਾਮਲ ਸਨ।

ਭਾਰਤ-ਅਮਰੀਕਾ ਪ੍ਰਮਾਣੂ ਕਰਾਰ ਲਈ ਐਨ.ਐਸ.ਜੀ. ਦੀ ਸ਼ਰਤ ਨਹੀਂ ਮੰਨਾਂਗੇ: ਪ੍ਰਣਬ

ਵਿਸ਼ੇਸ਼ ਹਵਾਈ ਜਹਾਜ਼ ਤੋਂ, 23 ਅਗਸਤ 2008 - ਭਾਰਤ-ਅਮਰੀਕਾ ਪ੍ਰਮਾਣੂ ਕਰਾਰ ਲਈ ਐਨ.ਐਸ.ਜੀ. ਮਤਲਬ ਪ੍ਰਮਾਣੂ ਸਪਾਲਾਇਰ ਗਰੁੱਪ ਦੀ ਮਨਜ਼ੂਰੀ ਪਾਉਣ ਲਈ ਮਸੌਦੇ ਵਿਚ ਬਦਲਾਵ ਦੀ ਕਵਾਇਦ ਸ਼ੁਰੂ ਹੋ ਚੁੱਕੀ ਹੈ। ਵਿਦੇਸ਼ ਸਕੱਤਰ ਸ਼ਿਵਸ਼ੰਕਰ ਮੈਨਨ ਇਸ ਸਬੰਧ ਵਿਚ ਗੱਲਬਾਤ ਲਈ ਅਮਰੀਕਾ ਪਹੁੰਚ ਗਏ ਹਨ ਪਰ ਵਿਦੇਸ਼ ਮੰਤਰੀ ਪ੍ਰਣਬ ਮੁਖਰਜੀ ਨੇ ਸ਼ਨੀਵਾਰ ਨੂੰ ਸਾਫ ਕਹਿ ਦਿੱਤਾ ਕਿ ਭਾਰਤ ਕਈ ਵੀ ਨਾਂਹ-ਪੱਖੀ ਸ਼ਰਤ ਮਨਜ਼ੂਰ ਨਹੀਂ ਕਰੇਗਾ।ਰਾਸ਼ਟਰਪਤੀ ਪ੍ਰਤਿਭਾ ਪਾਟਿਲ ਦੇ ਨਾਲ ਪੱਛਮੀ ਬੰਗਾਲ ਜਾਂਦੇ ਹੋਏ ਵਿਦੇਸ਼ ਮੰਤਰੀ ਨੇ ਕਿਹਾ ਕਿ ਪਹਿਲਾਂ ਤਾਂ ਇਹ ਦੇਖਣਾ ਹੋਵੇਗਾ ਕਿ ਮਸੌਦੇ ਵਿਚ ਕੀ ਤਬਦੀਲੀ ਹੁੰਦੀ ਹੈ।ਇਸਦੇ ਬਾਅਦ ਹੀ ਕੋਈ ਫੈਸਲਾ ਲਿਆ ਜਾ ਸਕਦਾ ਹੈ ਪਰ ਅਸੀਂ ਕਈ ਨਾਂਹ-ਪੱਖੀ ਸ਼ਰਤ ਸਵੀਕਾਰ ਨਹੀਂ ਕਰਾਂਗੇ। ਪ੍ਰਣਬ ਪੱਤਰਕਾਰਾਂ ਦੇ ਉਸ ਸਵਾਲ ਦਾ ਜਵਾਬ ਦੇ ਰਹੇ ਸਨ ਜਿਸ ਵਿਚ ਪੁੱਛਿਆ ਗਿਆ ਸੀ ਕਿ ਐਨ.ਐਸ.ਜੀ. ਦੀ ਦੋ ਦਿਨ ਚਲੀ ਮੀਟਿੰਗ ਦੇ ਬਾਅਦ ਸ਼ੁੱਕਰਵਾਰ ਨੂੰ 45 ਚੋਂ 15-20 ਨੇ ਮਸੌਦੇ ਵਿਚ ਸੋਧ ਦਾ ਸੁਝਾਅ ਦਿੱਤਾ ਸੀ। ਇਨ੍ਹਾਂ ਮੈਂਬਰਾਂ ਦਾ ਕਹਿਣਾ ਸੀ ਕਿ ਭਾਰਤ ਨੇ ਸੀਟੀਬੀਟੀ ਅਤੇ ਐਨਪੀਟੀ ਉੱਤੇ ਹਸਤਾਖਰ ਨਹੀਂ ਕੀਤੇ ਹਨ ਤਾਂ ਉਸ ਨੂੰ ਕਿਵੇਂ ਪੂਰੀ ਦੁਨੀਆਂ ਦੇ ਨਾਲ ਪ੍ਰਮਾਣੂ ਵਪਾਰ ਦੀ ਛੂਟ ਦਿੱਤੀ ਜਾ ਸਕਦੀ ਹੈ? ਉੱਧਰ ਵਿਦੇਸ਼ ਸਕੱਤਰ ਮੈਨਨ ਵਾਸ਼ਿੰਗਟਨ ਪਹੁੰਚ ਗਏ ਹਨ। ਹਾਲਾਂਕਿ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਇਹ ਯਾਤਰਾ ਪਹਿਲਾਂ ਤੋਂ ਹੀ ਤੈਅ ਸੀ। ਲਿਹਾਜਾ ਇਸ ਨੂੰ ਸਿੱਧੇ ਤੌਰ ‘ਤੇ ਐਨਐਸਜੀ ਦੀ ਅਗਲੀ ਮੀਟਿੰਗ ਵਿਚ ਪੇਸ਼ ਕੀਤੇ ਜਾਣ ਵਾਲੇ ਮਸੌਦੇ ਦੀ ਤਿਆਰੀ ਨਾਲ ਜੋੜ ਕੇ ਨਹੀਂ ਦੇਖਿਆ ਜਾ ਸਕਦਾ ਹੈ।

ਤੀਜੇ ਵਿਕਲਪ ਨੂੰ ਅੰਤਿਮ ਰੂਪ ਦੇਣ ਲਈ ਗੱਲਬਾਤ ਜਾਰੀ: ਯੇਚੁਰੀ

ਨਵੀਂ ਦਿੱਲੀ, 23 ਅਗਸਤ- ਤੇਲਗੂ ਦੇਸਮ ਪਾਰਟੀ ਦੇ ਪ੍ਰਧਾਨ ਚੰਦਰਬਾਬੂ ਨਾਇਡੂ ਨੇ ਅੱਜ ਇੱਥੇ ਹਿੰਦ ਕਮਿਊਨਿਸਟ ਪਾਰਟੀ (ਮਾਰਕਸਵਾਦੀ) ਦੇ ਜਨਰਲ ਸਕੱਤਰ ਪ੍ਰਕਾਸ਼ ਕਰਤ ਨਾਲ ਮੁਲਾਕਾਤ ਕੀਤੀ, ਜਿਸਦੇ ਨਾਲ ਕਾਂਗਰਸ ਅਤੇ ਭਾਜਪਾ ਦੇ ਰਾਸ਼ਟਰੀ ਵਿਕਲਪ ਨੂੰ ਆਖ਼ਰੀ ਰੂਪ ਦੇਣ ਦੀ ਕੋਸ਼ਿਸ਼ ਮੁੜ ਸ਼ੁਰੂ ਹੋ ਗਈ ਹੈ।ਇਨ੍ਹਾਂ ਦੋਵੇਂ ਨੇਤਾਵਾਂ ਦੀ ਇਸ ਬੈਠਕ ਵਿੱਚ ਬਸਪਾ ਪ੍ਰਧਾਨ ਮਾਇਆਵਤੀ ਦੇ ਉਸ ਬਿਆਨ ਤੋਂ ਉੁਤਪੰਨ ਹੋਏ ਰਾਜਨੀਤਿਕ ਦ੍ਰਿਸ਼ਟੀਕੋਣ ‘ਤੇ ਵੀ ਚਰਚਾ ਕੀਤੀ ਗਈ ਜਿਸ ਵਿੱਚ ਉਨ੍ਹਾਂ ਨੇ ਸਾਰੀਆਂ 80 ਲੋਕ ਸਭਾ ਸੀਟਾਂ ‘ਤੇ ਚੋਣ ਲੜਨ ਦੀ ਗੱਲ ਕਹੀ ਸੀ। ਉਨ੍ਹਾਂ ਨੇ ਆਸ ਪ੍ਰਗਟਾਈ ਕਿ ਗਠਜੋੜ ਦੇ ਸਾਰੇ 10 ਦਲਾਂ ਦੀ ਆਪਸੀ ਬੈਠਕ ਤੋਂ ਬਾਅਦ ਤੀਜਾ ਵਿਕਲਪ ਇਸ ਮਹੀਨੇ ਦੇ ਅੰਤ ਤੱਕ ਆਖ਼ਰੀ ਰੂਪ ਲੈ ਲਵੇਗਾ। ਸੀਪੀਆਈ (ਐਮ) ਦੇ ਮੁੱਖ ਦਫ਼ਤਰ ਵਿੱਚ ਨਾਇਡੂ ਦੀ ਕਾਮਰੇਡ ਕਰਤ ਨਾਲ ਇੱਕ ਘੰਟੇ ਚੱਲੀ ਬੈਠਕ ਤੋਂ ਬਾਅਦ ਸੀਤਾਰਾਮ ਯੇਚੁਰੀ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਇਸ ਮਹੀਨੇ ਦੇ ਅੰਤ ਤੱਕ ਸਭ ਕੁਝ ਸਪੱਸ਼ਟ ਹੋ ਜਾਵੇਗਾ। ਕਾਮਰੇਡ ਯੇਚੁਰੀ ਨੇ ਕਿਹਾ ਕਿ ਤੀਜੇ ਵਿਕਲਪ ਨੂੰ ਅੰਤਿਮ ਰੂਪ ਦੇਣ ਲਈ ਗੱਲਬਾਤ ਜਾਰੀ ਹੈ। ਇਸ ਦਾ ਪ੍ਰੋਗਰਾਮ, ਨੀਤੀਆਂ ਅਤੇ ਹੋਰ ਮੁੱਦੇ ਜਲਦ ਹੀ ਸਪੱਸ਼ਟ ਹੋ ਜਾਣਗੇ। ਉਨ੍ਹਾਂ ਨੇ ਦੱਸਿਆ ਕਿ ਸ੍ਰੀ ਨਾਇਡੂ, ਕੁਮਾਰੀ ਮਾਇਆਵਤੀ ਨਾਲ ਗੱਲਬਾਤ ਕਰ ਸਕਦੇ ਹਨ ਅਤੇ ਇਸ ਤੋਂ ਬਾਅਦ ਪ੍ਰੋਗਰਾਮ ਨੂੰ ਅੰਤਿਮ ਰੂਪ ਦੇਣ ਲਈ ਸਾਰੇ ਦਲਾਂ ਦੀ ਸਾਂਝੀ ਬੈਠਕ ਹੋਵੇਗੀ। ਮਾਇਆਵਤੀ ਦੇ ਐਲਾਨ ‘ਤੇ ਰਾਸ਼ਟਰੀ ਲੋਕ ਦਲ ਦੀ ਪ੍ਰਤੀਕਿਰਿਆ ਸਬੰਧੀ ਪੁੱਛਣ ‘ਤੇ ਕਾਮਰੇਡ ਯੇਚੁਰੀ ਨੇ ਕਿਹਾ ਕਿ ਇਨ੍ਹਾਂ ਸਾਰਿਆਂ ਮੁੱØਦਿਆਂ ‘ਤੇ ਗੱਲਬਾਤ ਕੀਤੀ ਜਾਵੇਗੀ।

ਮੁਸ਼ੱਰਫ ਹਿਰਾਸਤ ‘ਚ ਰੱਖੇ ਗਏ ਹਨ?

ਇਸਲਾਮਾਬਾਦ, 23 ਅਗਸਤ 2008 -ਪਾਕਿਸਤਾਨ ਦੇ ਸਾਬਕਾ ਰਾਸ਼ਟਰਪਤੀ ਅਤੇ ਜਨਰਲ ਪ੍ਰਵੇਜ਼ ਮੁਸ਼ੱਰਫ ਨੂੰ ਫਿਲਹਾਲ ਹਿਰਾਸਤ ਵਿਚ ਰੱਖਿਆ ਗਿਆ ਹੈ। ਉਨ੍ਹਾਂ ਨੂੰ ਕਿਸੇ ਵੀ ਥਾਂ ‘ਤੇ ਆਉਣ-ਜਾਣ ਅਤੇ ਕਿਸੇ ਵੀ ਵਿਅਕਤੀ ਨਾਲ ਮਿਲਣ-ਜੁਲਣ ਦੀ ਆਜ਼ਾਦੀ ਨਹੀਂ ਹੈ। ਸਰਕਾਰੀ ਸੂਤਰਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ‘ਤੇ ਇਹ ਸਖਤੀ ਚੌਕਸੀ ਦੇ ਤੌਰ ‘ਤੇ ਵਰਤੀ ਗਈ ਹੈ।ਉਨ੍ਹਾਂ ਨੂੰ ਦੇਸ਼ ਦਾ ਨਵਾਂ ਰਾਸ਼ਟਰਪਤੀ ਚੁਣੇ ਜਾਣ ਅਤੇ ਬਰਖਾਸਤ ਜੱਜਾਂ ਦੀ ਬਹਾਲੀ ਹੋਣ ਦੇ ਬਾਅਦ ਹੀ ਆਜ਼ਾਦੀ ਨਸੀਬ ਹੋਵੇਗੀ। ਇਕ ਅਧਿਕਾਰੀ ਨੇ ਦੱਸਿਆ ਕਿ ਮੁਸ਼ੱਰਫ ਨੂੰ ਇਤਹਾਤ ਦੇ ਤੌਰ ‘ਤੇ ਹਿਰਾਸਤ ਵਿਚ ਰੱਖਿਆ ਗਿਆ ਹੈ ਪਰ ਉਨ੍ਹਾਂ ਨੂੰ ਰਿਸ਼ਤੇਦਾਰਾਂ ਨੂੰ ਮਿਲਣ ਦੀ ਛੁਟ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਇਹ ਕਦਮ ਸੁਰੱਖਿਆ ਕਾਰਨਾਂ ਕਰਕੇ ਉਠਾਇਆ ਗਿਆ ਹੈ। ਅਧਿਕਾਰੀ ਨੇ ਕਿਹਾ ਕਿ ਇਕ ਵਾਰ ਨਵੇਂ ਰਾਸ਼ਟਰਪਤੀ ਦੀ ਚੋਣ ਅਤੇ ਮੁਸ਼ੱਰਫ ਦੁਆਰਾ ਬਰਖਾਸਤ ਜੱਜਾਂ ਦੀ ਬਹਾਲੀ ਹੋ ਜਾਵੇ ਤਾਂ ਸਾਬਕਾ ਰਾਸ਼ਟਰਪਤੀ ਆਜ਼ਾਦ ਹੋ ਜਾਣਗੇ ਅਤੇ ਉਨ੍ਹਾਂ ਨੂੰ ਦੇਸ਼ ਦੇ ਬਾਹਰ ਜਾਣ ਦੀ ਇਜਾਜ਼ਤ ਵੀ ਹੋਵੇਗੀ। ਸੂਤਰਾਂ ਨੇ ਦੱਸਿਆ ਕਿ ਅਸਤੀਫੇ ਦੇ ਬਾਅਦ ਮੁਸ਼ੱਰਫ ਅਮਰੀਕਾ ਜਾਣਾ ਚਾਹੁੰਦੇ ਸਨ ਪਰ ਪ੍ਰਸ਼ਾਸਨ ਨੇ ਉਨ੍ਹਾਂ ਨੂੰ ਰੋਕ ਦਿੱਤਾ। ਉਨ੍ਹਾਂ ਨੂੰ ਦੱਸ ਦਿੱਤਾ ਗਿਆ ਕਿ ਰਾਸ਼ਟਰਪਤੀ ਚੋਣ ਦੇ ਤਿੰਨ ਹਫਤੇ ਦੇ ਬਾਅਦ ਹੀ ਉਹ ਦੇਸ਼ ਦੇ ਬਾਹਰ ਜਾ ਸਕਣਗੇ। ਰਾਸ਼ਟਰਪਤੀ ਦੀ ਚੋਣ ਛੇ ਸਤੰਬਰ ਨੂੰ ਹੋਣੀ ਹੈ। ਇਕ ਹੋਰ ਅਧਿਕਾਰੀ ਨੇ ਦੱਸਿਆ ਕਿ ਮੁਸ਼ੱਰਫ ਨੂੰ ਇਸਲਾਮਾਬਾਦ ਵਿਚ ਆਪਣੇ ਪੰਜ ਏਕੜ ਦੇ ਸ਼ਾਨਦਾਰ ਫਾਰਮਹਾਉਸ ਵਿਚ ਰਹਿਣ ਦੀ ਇਜਾਜ਼ਤ ਨਹੀਂ ਹੋਵੇਗੀ। ਇਸਹ ਫਾਰਮ ਹਾਉਸ ਪਿਛਲੇ ਪੰਜ ਸਾਲ ਤੋਂ ਸਜਾਇਆ ਜਾ ਰਿਹਾ ਹੈ। ਅਧਿਕਾਰੀ ਨੇ ਦੱਸਿਆ ਹੈ ਕਿ ਮੁਸ਼ੱਰਫ ਨੇ 50 ਲੱਖ ਡਾਲਰ (30.15 ਕਰੋੜ ਪਾਕਿਸਤਾਨੀ ਰੁਪਏ) ਕੀਮਤ ਦੀ ਇਹ ਜ਼ਾਇਦਾਦ 1999 ਵਿਚ ਤਖਤਪਲਟ ਕਰਕੇ ਸੱਤਾ ਹਾਸਲ ਕਰਨ ਦੇ ਬਾਅਦ ਖਰੀਦੀ ਸੀ। ਇਸ ਫਾਰਮਹਾਉਸ ਵਿਚ ਐਸ਼ ਅਤੇ ਆਰਾਮ ਦੇ ਤਮਾਮ ਸਾਧਨ ਮੌਜੂਦ ਹਨ।

ਮਧੂ ਕੋੜਾ ਨੇ ਦਿੱਤਾ ਅਸਤੀਫਾ

ਰਾਂਚੀ, 23 ਅਗਸਤ 2008 - ਝਾਰਖੰਡ ਦੇ ਮੁੱਖ ਮੰਤਰੀ ਮਧੂ ਕੋੜਾ ਨੇ ਸ਼ਨੀਵਾਰ ਨੂੰ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ ਅਤੇ ਇਸਦੇ ਨਾਲ ਹੀ ਸ਼ਿਬੂ ਸੋਰੇਨ ਦੇ ਝਾਰਖੰਡ ਮੁਕਤੀ ਮੋਰਚੇ ਦੀ ਹਿਮਾਇਤ ਵਾਪਸੀ ਨਾਲ ਰਾਜ ਵਿਚ ਇਕ ਹਫਤੇ ਤੋਂ ਜਾਰੀ ਸਿਆਸੀ ਉੱਥਲ-ਪੁੱਥਲ ਦਾ ਦੌਰ ਖਤਮ ਹੋ ਗਿਆ ਹੈ। ਕੋੜਾ ਨੇ ਅੱਜ ਸ਼ਾਮ ਝਾਰਖੰਡ ਦੇ ਰਾਜਪਾਲ ਸਈਅਦ ਸਿਬਤੇ ਰਜੀ ਨਾਲ ਮੁਲਾਕਾਤ ਕੀਤੀ ਅਤੇ ਉਨ੍ਹਾਂ ਨੇ ਆਪਣਾ ਅਸਤੀਫਾ ਦੇ ਦਿੱਤਾ। ਉਨ੍ਹਾਂ ਨੇ ਇਸਤੋਂ ਪਹਿਲਾਂ ਨਵੀਂ ਦਿੱਲੀ ਵਿਚ ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਨਾਲ ਮੁਲਾਕਾਤ ਕੀਤੀ। ਕੋੜਾ ਦੇ ਨਾਲ ਪੰਜ ਆਜ਼ਾਦ ਸੰਸਦ ਮੈਂਬਰ ਰਾਜ ਭਵਨ ਗਏ ਸਨ। ਬਾਅਦ ਵਿਚ ਉਨ੍ਹਾਂ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਘੱਟ ਗਿਣਤੀ ਵਿਚ ਆ ਗਈ ਸੀ। ਉਨ੍ਹਾਂ ਨੇ ਕਿਹਾ ਕਿ ਪਿਛਲੇ ਦਸ ਬਾਰਾਂ ਦਿਨ ਤੋਂ ਘਟਨਾਕ੍ਰਮ ਵਿਚ ਨੈਤਿਕ ਰੂਪ ਵਿਚ ਮੈਂ ਮਹਿਸੂਸ ਕੀਤਾ ਕਿ ਮੈਨੂੰ ਅਸਤੀਫਾ ਦੇ ਦੇਣਾ ਚਾਹੀਦਾ ਹੈ ਅਤੇ ਇਹੀ ਕਾਰਨ ਹੈ ਕਿ ਮੈਂ ਰਾਜਪਾਲ ਨੂੰ ਆਪਣਾ ਅਸਤੀਫਾ ਦੇ ਦਿੱਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਨਵੀਂ ਦਿੱਲੀ ਵਿਚ ਯੂਪੀਏ ਦੀ ਅਗਵਾਈ ਨਾਲ ਮੁਲਾਕਾਤ ਕਰਨ ਦੇ ਬਾਅਦ ਪਾਇਆ ਕਿ ਹੁਣ ਉਹ ਉਨ੍ਹਾਂ ਨੂੰ ਹਿਮਾਇਤ ਨਹੀਂ ਦੇ ਰਹੇ ਹਨ। ਇਹੀ ਕਾਰਨ ਹੈ ਕਿ ਮੈਂ ਮਹਿਸੂਸ ਕਰ ਰਿਹਾ ਹਾਂ ਕਿ ਰਾਜਪਾਲ ਨੂੰ ਅਸਤੀਫਾ ਦੇਣਾ ਮੇਰੇ ਲਈ ਸਹੀ ਹੋਵੇਗਾ। ਕੋੜਾ ਨੇ ਕਿਹਾ ਕਿ ਉਹ ਕਿਸੇ ਵੀ ਨਵੀਂ ਸਰਕਾਰ ਦੀ ਹਿਮਾਇਤ ਨਹੀਂ ਕਰਨਗੇ।

ਸਿੱਖ ਮੁਦਿਆਂ ਤੇ ਨੀਰਜ ਸ਼ੇਖਰ ਵਲੋਂ ਅਕਾਲੀ ਦਲ (ਪੰਚ ਪ੍ਰਧਾਨੀ) ਨੂੰ ਸਮਰਥਨ

ਅਕਾਲੀ ਦਲ ਪੰਚ ਪ੍ਰਧਾਨੀ ਦੇ ਆਗੂ ਭਾਈ ਹਰਪਾਲ ਸਿੰਘ ਚੀਮਾ,ਅਮਰੀਕ ਸਿੰਘ ਈਸੜੂ, ਮਨਧੀਰ ਸਿੰਘ, ਸੁਰਿੰਦਰ ਸਿੰਘ ਕਿਸ਼ਨਪੁਰਾ ਤੇ ਬਹੁਜਨ ਸ਼ਕਤੀ ਪਾਰਟੀ ਦੇ ਆਗੂ ਰੇਸ਼ਮ ਸਿੰਘ ਸਿਖ ਮੁਦਿਆਂ ਸਬੰਧੀ ਸਵ.ਚੰਦਰ ਸ਼ੇਖਰ ਦੇ ਪੁਤਰ ਤੇ ਐਮ.ਪੀ ਸ੍ਰੀ ਨੀਰਜ਼ ਸ਼ੇਖਰ ਨੂੰ ਪੱਤਰ ਸੌਂਪਦੇ ਹੋਏ

ਤਰੀਕ: 22 ਅਗਸਤ, 2008/ਜਸਪਾਲ ਸਿੰਘ ਮੰਝਪੁਰ- ਅਕਾਲੀ ਦਲ (ਪੰਚ ਪ੍ਰਧਾਨੀ) ਵਲੋਂ ਦਿ¤ਲੀ ਵਿਚ ਸਿ¤ਖ ਮੁਦਿਆਂ ਦੇ ਹ¤ਲ ਲਈ ਚਲ ਰਹੀ ਭੁੱਖ ਹੜਤਾਲ ਨੂੰ ਉਸ ਵੇਲੇ ਭਾਰੀ ਬਲ ਮਿਲਿਆ ਜਦੋਂ ਬਲੀਆਂ ਤੋਂ ਮੈਂਬਰ ਪਾਰਲੀਆਮੈਂਟ ਤੇ ਸਾਬਕਾ ਪ੍ਰਧਾਨ ਮੰਤਰੀ ਸਵਰਗਵਾਸੀ ਸ੍ਰੀ ਚੰਦਰ ਸ਼ੇਖਰ ਦੇ ਸਪੁਤਰ ਸ਼ੀ ਨੀਰਜ਼ ਸ਼ੇਖਰ ਨੇ ਸਮਰਥਨ ਦੇ ਦਿਤਾ ਅਤੇ ਭਰੋਸਾ ਦਵਾਇਆ ਕਿ ਸੰਵਿਧਾਨ ਦੀ ਧਾਰਾ 25 (2) (ਬੀ) ਵਿਚ ਸੋਧ ਤੇ ਸਿਖ ਰੈਫਰੈਂਸ ਲਾਇਬ੍ਰੇਰੀ ਦੀ ਵਾਪਸੀ ਲਈ ਉਹ ਅਕਾਲੀ ਦਲ (ਪੰਚ ਪ੍ਰਧਾਨੀ) ਤੇ ਸਮੁਚੇ ਸਿੱਖ ਪੰਥ ਨਾਲ ਖੜ੍ਹੇ ਹਨ। ਉਹਨਾਂ ਕਿਹਾ ਕਿ ਜਿਥੇ ਉਹ ਸਿਖ ਮੁਦਿਆਂ ਸਬੰਧੀ ਸਮਾਜਵਾਦੀ ਪਾਰਟੀ ਦੇ ਮੁਖੀ ਸ੍ਰੀ ਮੁਲਾਇਮ ਯਾਦਵ ਜੀ ਨਾਲ ਗਲ ਕਰਨਗੇ ਉਥੇ ਵਖ-ਵਖ ਰਾਜਾਂ ਨੂੰ ਕੇਂਦਰ ਤੋਂ ਆਉਂਦੀਆਂ ਸਮ¤ਸਿਆਵਾਂ ਦੇ ਸਬੰਧ ਵਿਚ ਖੇਤਰੀ ਪਾਰਟੀਆਂ ਨੂੰ ਇਕ ਮੰਚ ਤੇ ਲਿਆਉਂਣ ਲਈ ਵੀ ਯਤਨ ਕੀਤੇ ਜਾਣਗੇ। ਇਹ ਜਾਣਕਾਰੀ ਸ੍ਰੀ ਨੀਰਜ ਸ਼ੇਖਰ ਨੂੰ ਇਕ ਵਫਦ ਦੇ ਰੂਪ ਵਿਚ ਮਿਲਣ ਤੋਂ ਬਾਅਦ ਅਕਾਲੀ ਦਲ (ਪੰਚ ਪ੍ਰਧਾਨੀ) ਦੇ ਆਗੂਆਂ ਭਾਈ ਹਰਪਾਲ ਸਿੰਘ ਚੀਮਾ, ਸ. ਅਮਰੀਕ ਸਿੰਘ ਈਸੜੂ, ਭਾਈ ਸੁਰਿੰਦਰ ਸਿੰਘ ਕਿਸ਼ਨਪੁਰਾ,ਭਾਈ ਮਨਧੀਰ ਸਿੰਘ ਤੇ ਸ. ਰੇਸ਼ਮ ਸਿੰਘ ਨੇ ਇਕ ਪ੍ਰੈਸ ਬਿਆਨ ਰਾਹੀਂ ਦਿਤੀ।
ਜਿਕਰਯੋਗ ਹੈ ਕਿ ਅਕਾਲੀ ਦਲ (ਪੰਚ ਪ੍ਰਧਾਨੀ) ਵਲੋਂ 20 ਜੁਲਾਈ ਤੋਂ ਲਗਾਤਾਰ ਦਿ¤ਲੀ ਪਾਰਲੀਮੈਂਟ ਸਾਹਮਣੇ ਸੰਵਿਧਾਨ ਦੀ ਧਾਰਾ 25 (2) (ਬੀ) ਵਿਚ ਸੋਧ, ਸਿ¤ਖ ਰੈਫਰੈਂਸ ਲਾਇਬ੍ਰੇਰੀ ਦੀ ਵਾਪਸੀ ਤੇ ਸੌਦਾ ਸਾਧ ਦੀ ਗ੍ਰਿਫਤਾਰੀ ਲਈ ਭੁ¤ਖ ਹੜਤਾਲ ਤੇ ਜਥੇ ਬੈਠ ਰਹੇ ਹਨ ਅਤੇ ਹੁਣ ਤ¤ਕ ਅਨੇਕਾਂ ਮੈਂਬਰ ਪਾਰਲੀਆਮੈਂਟਜ਼, ਦਲਿਤ ਤੇ ਘਟਗਿਣਤੀਆਂ ਨਾਲ ਸਬੰਧਤ ਆਗੁਆਂ ਤੇ ਸੰਘਰਸ਼ਸ਼ੀਲ ਧਿਰਾਂ ਵਲੋਂ ਸਮਰਥਨ ਮਿਲਿਆ ਹੈ ਜਿਹਨਾਂ ਨੇ ਸਿਖ ਮੁਦਿਆਂ ਨੂੰ ਹਲ ਕਰਵਾਉਂਣ ਲਈ ਭਰੋਸਾ ਦਵਾਇਆ ਹੈ ਜਿਹਨਾਂ ਵਿਚ ਬਾਬਾ ਸਾਹਿਬ ਅੰਬੇਦਕਰ ਦੀ ਪਾਰਟੀ ਰਿਪਬਲਿਕ ਪਾਰਟੀ ਆਫ ਇੰਡੀਆ ਦੇ ਪ੍ਰਧਾਨ ਸ੍ਰੀ ਰਾਮਦਾਸ ਅਥਲਵੇ, ਤ੍ਰਿਣਮੂਲ ਕਾਂਗਰਸ ਦੀ ਪ੍ਰਧਾਨ ਕੁਮਾਰੀ ਮਮਤਾ ਬੈਨਰਜੀ, ਰਾਸ਼ਟਰਵਾਦੀ ਕਾਂਗਰਸ ਦੇ ਕੌਮੀ ਜਨਰਲ ਸਕਤਰ ਸ੍ਰੀ ਬੀ.ਪੀ ਤ੍ਰਿਪਾਠੀ, ਬਹੁਜਨ ਸ਼ਕਤੀ ਪਾਰਟੀ ਦੇ ਰੇਸ਼ਮ ਸਿੰਘ, ਸ. ਸੂਖਦੇਵ ਸਿੰਘ ਲਿਬੜਾ ਐਮ.ਪੀ ਤੇ ਸ੍ਰੀ ਏ ਆਰ ਜਿਲਾਨੀ ਪ੍ਰਮੁਖ ਹਨ ।
ਆਗੂਆਂ ਨੇ ਦਸਿਆ ਕਿ ਸ੍ਰੀ ਨੀਰਜ ਸ਼ੇਖਰ ਨੂੰ ਯਾਦ ਕਰਵਾਇਆ ਗਿਆ ਕਿ ਉਹਨਾਂ ਦੇ ਪਿਤਾ ਸਵਰਗਵਾਸੀ ਸ੍ਰੀ ਚੰਦਰ ਸ਼ੇਖਰ ਜੀ ਨੇ ਆਪਣੇ ਪ੍ਰਧਾਨ ਮੰਤਰੀ ਕਾਲ ਦੌਰਾਨ 1991 ਵਿਚ ਸਿੱਖ ਰੈਫਰੈਂਸ ਲਾਇਬ੍ਰੇਰੀ ਨੂੰ ਸਿਖ ਪੰਥ ਨੂੰ ਵਾਪਸ ਕਰਵਾਉਂਣ ਦੀ ਗਲ ਕੀਤੀ ਸੀ ਤਾਂ ਸ਼੍ਰੀ ਨੀਰਜ਼ ਨੇ ਕਿਹਾ ਕਿ ਉਹ ਆਪਣੇ ਪਿਤਾ ਦੇ ਅਧੂਰੇ ਪਏ ਇਸ ਕੰਮ ਨੂੰ ਪੂਰਾ ਕਰਨ ਲਈ ਪ੍ਰਧਾਨ ਮੰਤਰੀ ਡਾ. ਮਨਮੋਹਣ ਸਿੰਘ ਨੂੰ ਛੇਤੀ ਹੀ ਮਿਲਣਗੇ।

ਸੁਖਬੀਰ ਬਾਦਲ ਦੀ ਅਗਵਾਈ ਵਿੱਚ ਅਕਾਲੀ ਦਲ ਦੇ ਵਫ਼ਦ ਨੇ ਮਨਮੋਹਨ ਸਿੰਘ ਨਾਲ ਮੁਲਾਕਾਤ

ਹਰਿਆਣਾ ਲਈ ਵੱਖਰੀ ਗੁਰਦੁਅਰਾ ਪ੍ਰਬੰਧਕ ਕਮੇਟੀ ਬਣਾਉਣ ਦੇ ਮਾਮਲੇ ‘ਤੇ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਨੇ ਪੰਜਾਬ ਦੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੂੰ ਹਾਂ ਪੱਖ਼ੀ ਹੁੰਗਾਰਾ ਦਿੰਦਿਆਂ ਭਰੋਸਾ ਦਿਵਾਇਆ ਹੈ ਕਿ ਉਹ ਇਸ ਮਾਮਲੇ ਨੂੰ ਹਰਿਆਣਾ ਸਰਕਾਰ ਕੋਲ ਉਠਾਉਣ ਲਈ ਗ੍ਰਹਿ ਮੰਤਰੀ ਸ਼ਿਵਰਾਜ ਪਾਟਿਲ ਨੂੰ ਨਿਰਦੇਸ਼ ਦੇਣਗੇ। ਸ਼੍ਰੋਮਣੀ ਗੁਰਦੁਅਰਾ ਪ੍ਰਬੰਧਕ ਕਮੇਟੀ ਨੂੰ ਤੋੜਨ ਦਾ ਸ਼੍ਰੋਮਣੀ ਅਕਾਲੀ ਦਲ ਤੇ ਪੰਜਾਬ ਸਰਕਾਰ ਵੱਲੋਂ ਤਿੱਖ਼ਾ ਵਿਰੋਧ ਕੀਤਾ ਜਾ ਰਿਹਾ ਹੈ।
ਇਸ ਮਾਮਲੇ ਨੂੰ ਲੈ ਕੇ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੀ ਅਗਵਾਈ ਵਿੱਚ ਅਕਾਲੀ ਦਲ ਦੇ ਇੱਕ ਵਫ਼ਦ ਨੇ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਨਾਲ ਦਿੱਲੀ ਵਿੱਚ ਮੁਲਾਕਾਤ ਕੀਤੀ ਜਿਸ ਵਿੱਚ ਸ੍ਰ. ਬਾਦਲ ਤੋਂ ਇਲਾਵਾ ਪਾਰਟੀ ਦੇ ਸਕੱਤਰ ਜਨਰਲ ਸੁਖਦੇਵ ਸਿੰਘ ਢੀਂਡਸਾ ਅਤੇ ਸਹਿਕਾਰਤਾ ਮੰਤਰੀ ਕੈਪਟਨ ਕੰਵਲਜੀਤ ਸਿੰਘ ਵੀ ਸ਼ਾਮਲ ਸਨ।
ਬਾਅਦ ਵਿੱਚ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਮੁੱਖ ਮੰਤਰੀ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨੇ ਇਸ ਮਾਮਲੇ ‘ਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਵਫ਼ਦ ਨਾਲ ਹਮਦਰਦੀ ਪ੍ਰਗਟ ਕੀਤੀ। ਸ੍ਰ. ਬਾਦਲ ਅਨੁਸਾਰ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਉਹ ਸਿੱਖ ਜਗਤ ਦੇ ਮਨਾਂ ਵਿੱਚ ਇਸ ਮੁੱਦੇ ‘ਤੇ ਪਾਏ ਜਾਂਦੇ ਖਦਸ਼ਿਆਂ ਦੀ ਗੰਭੀਰਤਾ ਨੂੰ ਸਮਝ ਸਕਦੇ ਹਨ ਕਿਉਂਕਿ ਉਨ੍ਹਾਂ ਦੇ ਪਿਤਾ ਨੇ ਵੀ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਬਣਾਉਣ ਲਈ ਵਿੱਢੇ ਗਏ ਅਕਾਲੀ ਸੰਘਰਸ਼ ਵਿੱਚ ਗ੍ਰਿਫ਼ਤਾਰੀ ਦਿੱਤੀ ਸੀ। ਮੁੱਖ ਮੰਤਰੀ ਨੇ ਕਿਹਾ ਕਿ ਪੰਜਾਬ ਇਸ ਸਮੇਂ ਦੇਸ਼ ਦੇ ਉਨ੍ਹਾਂ ਗਿਣੇ-ਚੁਣੇ ਸੂਬਿਆਂ ਵਿੱਚ ਹੈ ਜਿੱਥੇ ਅਮਨ ਦੀ ਛਾਂ ਬਰਕਰਾਰ ਹੈ। ਕਾਂਗਰਸ ਪਾਰਟੀ ਵੱਲੋਂ ਸਿੱਖ ਭਾਵਨਾਵਾਂ ਨੂੰ ਕੁਚਲਕੇ ਸ਼੍ਰੋਮਣੀ ਕਮੇਟੀ ਨੂੰ ਤੋੜਨ ਅਤੇ ਹਰਿਆਣਾ ਲਈ ਵੱਖਰ²ੀ ਕਮੇਟੀ ਬਣਾਉਣ ਨਾਲ ਸੂਬੇ ਦੇ ਅਮਨ ‘ਤੇ ਮਾੜਾ ਅਸਰ ਪੈ ਸਕਦਾ ਹੈ। ਕਾਂਗਰਸ ਪਾਰਟੀ ਅਤੇ ਉਸਦੀਆਂ ਸਰਕਾਰਾਂ ਵੱਲੋਂ ਸਿੱਖ ਕੌਮ ਵਿੱਚ ਆਪਸੀ ਵੰਡੀਆਂ ਪਾਉਣ ਦੀਆਂ ਸਾਜਿਸ਼ਾਂ ਦੀ ਪੰਜਾਬ ਅਤੇ ਪੂਰੇ ਦੇਸ਼ ਨੇ ਪਹਿਲਾਂ ਹੀ ਭਾਰੀ ਕੀਮਤ ਚੁਕਾਈ ਹੈ।
ਉਨ੍ਹਾਂ ਨੇ ਉਮੀਦ ਪ੍ਰਗਟਾਈ ਕਿ ਕਾਂਗਰਸ ਦੀ ਕੌਮੀ ਪ੍ਰਧਾਨ ਸੋਨੀਆ ਗਾਂਧੀ ਇਸ ਸੂਬੇ ਦੇ ਹੰਢਾਏ ਸੰਤਾਪ ਤੋਂ ਕੁਝ ਸਿਖਦੇ ਹੋਏ ਹਰਿਆਣਾ ਅਤੇ ਪੰਜਾਬ ਅੰਦਰ ਆਪਣੀ ਪਾਰਟੀ ਦੇ ਇਸ ਖ਼ਤਰਨਾਕ ਰੁਝਾਨ ਨੂੰ ਠੱਲ੍ਹ ਪਾਉਣਗੇ। ਉਨ੍ਹਾਂ ਕਿਹਾ ਕਿ ਜੇ ਕਾਂਗਰਸ ਆਪਣੀ ਜਿੱਤ ‘ਤੇ ਕਾਇਮ ਰਹੀ ਤਾਂ ਪੰਜਾਬ ਨੂੰ ਹੋਰ ਕਸ਼ਮੀਰ ਬਣਨ ਤੋਂ ਕੋਈ ਨਹੀਂ ਰੋਕ ਸਕੇਗਾ। ਅਕਾਲੀ ਦਲ ਦੇ ਪ੍ਰਧਾਨ ਨੇ ਕਾਂਗਰਸ ਦੀ ਇਸ ਤਜਵੀਜ਼ ਦੀ ਕਰੜੀ ਨਿਖੇਧੀ ਕਰਦਿਆਂ ਕਿਹਾ ਕਿ ਕੇਂਦਰ ਦੀ ਸਰਕਾਰ ਨੂੰ ਇਹ ਗੱਲ ਚੰਗੀ ਤਰ੍ਹਾਂ ਸਮਝ ਲੈਣੀ ਚਾਹੀਦੀ ਹੈ ਕਿ ਕਈ ਵਾਰ ਇੱਕ ਚਿੰਗਾਰੀ ਵੀ ਭਾਂਬੜ ਦਾ ਰੂਪ ਧਾਰਨ ਲੈਂਦੀ ਹੈ ਜਿਵੇਂ ਕਿ ਜੰਮੂ ਕਸ਼ਮੀਰ ਵਿੱਚ ਇਸ ਸਮੇਂ ਹੋ ਰਿਹਾ ਹੈ। ਕਾਂਗਰਸ ਨੂੰ ਦੇਸ਼ ਦੇ ਹਿੱਤਾਂ ਨਾਲ ਇਸ ਤਰ੍ਹਾਂ ਖਿਲਵਾੜ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਣੀ ਚਾਹੀਦੀ। ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਅਕਾਲੀ ਦਲ ਸਿੱਖ ਭਾਵਨਾਵਾਂ ਨਾਲ ਖਿਲਵਾੜ ਨਹੀਂ ਹੋਣ ਦੇਵੇਗਾ। ਇਸ ਮੌਕੇ ‘ਤੇ ਪਾਰਟੀ ਨੇ ਪ੍ਰਧਾਨ ਮੰਤਰੀ ਨੂੰ ਇੱਕ ਮੈਮੋਰੰਡਮ ਵੀ ਦਿੱਤਾ ਜਿਸ ਵਿੱਚ ਚੇਤਾਵਨੀ ਦਿੱਤੀ ਕਿ ਜੇ ਉਨ੍ਹਾਂ ਨੇ ਦਖ਼ਲ ਦੇ ਕੇ ਸ੍ਰੀਮਤੀ ਗਾਂਧੀ ਅਤੇ ਹਰਿਆਣਾ ਸਰਕਾਰ ਨੂੰ ਇਨ੍ਹਾਂ ਖ਼ਤਰਨਾਕ ਮਨਸੂਬਿਆਂ ਤੋਂ ਨਾ ਵਰਜਿਆ ਤਾਂ ਇਹ ਮਾਮਲਾ ਇੱਕ ਵੱਡੇ ਕੌਮੀ ਸੰਕਟ ਦਾ ਰੂਪ ਧਾਰਨ ਕਰ ਸਕਦਾ ਹੈ।

ਕੈਪਟਨ ਅਮਰਿੰਦਰ ਸਿੰਘ,ਕੇਪੀ ਤੇ ਭੱਠਲ ਦੀ ਸੋਨੀਆ ਨਾਲ ਮੁਲਾਕਾਤ

ਚੰਡੀਗੜ੍ਹ- ਪੰਜਾਬ ਕਾਂਗਰਸ ‘ਚ ਹੋਏ ਰੱਦੋਬਦਲ ਤੋਂ ਬਾਅਦ ਅੱਜ ਪਹਿਲੀ ਵਾਰ ਪੰਜਾਬ ਕਾਂਗਰਸ ਦੇ ਤਿੰਨ ਸੀਨੀਅਰ ਲੀਡਰ ਜਿਨ੍ਹਾਂ ‘ਚ ਸਾਬਕਾ ਮੁੱਖ ਮੰਤਰੀ ਅਤੇ ਲੋਕ ਸਭਾ ਚੋਣ ਕੰਪੇਨ ਕਮੇਟੀ ਦੇ ਚੇਅਰਮੈਨ ਕੈਪਟਨ ਅਮਰਿੰਦਰ ਸਿੰਘ, ਪੰਜਾਬ ਕਾਂਗਰਸ ਦੇ ਕਾਰਜਕਾਰੀ ਪ੍ਰਧਾਨ ਮਹਿੰਦਰ ਸਿੰਘ ਕੇਪੀ, ਵਿਧਾਨ ਸਭਾ ‘ਚ ਵਿਰੋਧੀ ਧਿਰ ਦੀ ਨੇਤਾ ਸ੍ਰੀਮਤੀ ਰਾਜਿੰਦਰ ਕੌਰ ਭੱਠਲ ਨੇ ਆਲ ਇੰਡੀਆ ਕਾਂਗਰਸ ਕਮੇਟੀ ਦੀ ਪ੍ਰਧਾਨ ਸ੍ਰੀਮਤੀ ਸੋਨੀਆ ਗਾਂਧੀ ਨੂੰ ਅੱਜ ਪੰਜਾਬ ‘ਚ ਆਏ ਹੜ੍ਹਾਂ ਨਾਲ ਹੋਏ ਨੁਕਸਾਨ ਦੀ ਸਥਿਤੀ ਬਾਰੇ ਵਿਸਥਾਰ ‘ਚ ਜਾਣਕਾਰੀ ਦਿੱਤੀ। ਇਨ੍ਹਾਂ ਨੇਤਾਵਾਂ ਨੇ ਸ੍ਰੀਮਤੀ ਗਾਂਧੀ ਨੂੰ ਦੱਸਿਆ ਕਿ ਪੰਜਾਬ ‘ਚ ਹੜ੍ਹਾਂ ਨਾਲ ਮੋਗਾ, ਮੁਕਤਸਰ ਅਤੇ ਜਲੰਧਰ ਜ਼ਿਲ੍ਹਿਆਂ ਵਿੱਚ ਭਾਰੀ ਨੁਕਸਾਨ ਹੋਇਆ ਹੈ। ਇਸ ਦੌਰਾਨ ਸ੍ਰੀ ਕੇਪੀ ਨੇ ਸ੍ਰੀਮਤੀ ਗਾਂਧੀ ਨੂੰ ਪੰਜਾਬ ਦੇ ਕਿਸਾਨਾਂ, ਖੇਤ ਮਜ਼ਦੂਰਾਂ ਅਤੇ ਹੋਰ ਵਰਗਾਂ ਨੂੰ ਹੜ੍ਹਾਂ ਨਾਲ ਹੋਏ ਨੁਕਸਾਨ ਬਾਰੇ ਵੀ ਜਾਣੂੰ ਕਰਵਾਇਆ ਅਤੇ ਕੇਂਦਰ ਸਰਕਾਰ ਤੋਂ ਪੰਜਾਬ ਦੇ ਹੜ੍ਹ ਪੀੜਤਾਂ ਲਈ ਤੁਰੰਤ ਰਾਹਤ ਦੀ ਮੰਗ ਕੀਤੀ। ਸ੍ਰੀਮਤੀ ਗਾਂਧੀ ਨੇ ਉਕਤ ਨੇਤਾਵਾਂ ਨੂੰ ਕੇਂਦਰ ਵੱਲੋਂ ਹਰ ਸੰਭਵ ਮੱਦਦ ਦੇਣ ਦਾ ਭਰੋਸਾ ਦਿੱਤਾ ਅਤੇ ਪ੍ਰਧਾਨ ਮੰਤਰੀ ਨਾਲ ਪੰਜਾਬ ਨੂੰ ਢੁੱਕਵੀਂ ਮਦਦ ਦੇਣ ਦਾ ਮਸਲਾ ਉਠਾਉਣ ਦੀ ਵੀ ਹਾਮੀ ਭਰੀ ਹੈ। ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਮਹਿੰਦਰ ਸਿੰਘ ਕੇਪੀ, ਪ੍ਰਚਾਰ ਕਮੇਟੀ ਦੇ ਕਨਵੀਨਰ ਅਸ਼ਵਨੀ ਸੇਖੜੀ ਅਤੇ ਸਾਬਕਾ ਪਾਰਲੀਮਾਨੀ ਸਕੱਤਰ ਡਾ. ਰਾਜ ਕੁਮਾਰ ਦੇ ਇਲਾਵਾ ਉਕਤ ਨੇਤਾਵਾਂ ਨੇ ਉਨ੍ਹਾਂ ਨੂੰ ਪਾਰਟੀ ਵੱਲੋਂ ਦਿੱਤੀਆਂ ਗਈਆਂ ਨਵੀਆਂ ਜ਼ਿੰਮੇਵਾਰੀਆਂ ਲਈ ਸ੍ਰੀਮਤੀ ਗਾਂਧੀ ਦਾ ਧੰਨਵਾਦ ਕੀਤਾ ਅਤੇ ਉਨ੍ਹਾਂ ਨੂੰ ਭਰੋਸਾ ਦੁਆਇਆ ਕਿ ਜਥੇਬੰਦਕ ਬਦਲਾਉ ਨਾਲ ਆਉਣ ਵਾਲੀਆਂ ਲੋਕ ਸਭਾ ਚੋਣਾਂ ਵਿੱਚ ਪਾਰਟੀ ਦੀ ਕਾਰਗੁਜ਼ਾਰੀ ਵਿੱਚ ਸੁਧਾਰ ਹੋਵੇਗਾ।
ਇਸ ਤੋਂ ਪਹਿਲਾਂ ਅੱਜ ਬਾਅਦ ਦੁਪਹਿਰ 3 ਵਜੇ ਕੈਪਟਨ ਅਮਰਿੰਦਰ, ਮਹਿੰਦਰ ਸਿੰਘ ਕੇਪੀ ਅਤੇ ਸ਼੍ਰੀਮਤੀ ਰਾਜਿੰਦਰ ਕੌਰ ਭੱਠਲ ਨੇ ਪੰਜਾਬ ਮਾਮਲਿਆਂ ਦੀ ਜਨਰਲ ਸਕੱਤਰ ਸ੍ਰੀਮਤੀ ਮਾਰਗਰੇਟ ਅਲਵਾ ਨਾਲ ਵੀ ਮੀਟਿੰਗ ਕੀਤੀ। ਜਿਸ ਵਿੱਚ ਪਾਰਟੀ ਦੀ ਚੋਣ ਰਣਨੀਤੀ ਬਾਰੇ ਵਿਚਾਰ ਵਟਾਂਦਰਾ ਕੀਤਾ ਗਿਆ। ਇਸ ਵਿੱਚ ਕਾਂਗਰਸ ਪ੍ਰਧਾਨ ਮਹਿੰਦਰ ਸਿੰਘ ਕੇਪੀ ਨੇ ਸ੍ਰੀਮਤੀ ਅਲਵਾ ਨੂੰ ਪੰਜਾਬ ਦੇ ਸਿਆਸੀ ਹਾਲਾਤਾਂ ਬਾਰੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪਾਰਟੀ ‘ਚ ਹੇਠਲੇ ਪੱਧਰ ‘ਤੇ ਵਰਕਰਾਂ ਨੂੰ ਲਾਮਬੰਦ ਕੀਤਾ ਜਾ ਰਿਹਾ ਹੈ ਅਤੇ ਜਲਦ ਹੀ ਉਹ ਪੰਜਾਬ ਭਰ ਵਿੱਚ ਚੋਣ ਪ੍ਰਚਾਰ ਸੰਬੰਧੀ ਵਰਕਰਾਂ ਤੇ ਨੇਤਾਵਾਂ ਦੀਆਂ ਡਿਊਟੀਆਂ ਲਾਉਣਗੇ। ਇਸ ਸੰਬੰਧੀ ਉਨ੍ਹਾਂ ਨੇ ਕਾਂਗਰਸ ਪ੍ਰਧਾਨ ਸ਼੍ਰੀਮਤੀ ਸੋਨੀਆ ਗਾਂਧੀ ਨਾਲ ਵੀ ਵਿਚਾਰ ਵਟਾਂਦਰਾ ਕੀਤਾ ਹੈ। ਕੈਪਟਨ ਅਮਰਿੰਦਰ ਸਿੰਘ ਅਤੇ ਸ਼੍ਰੀਮਤੀ ਰਾਜਿੰਦਰ ਕੌਰ ਭੱਠਲ ਨੇ ਇਸ ਮੌਕੇ ਆਪੋ ਆਪਣੇ ਵਿਚਾਰ ਪ੍ਰਗਟ ਕਰਦਿਆਂ ਕਿਹਾ ਕਿ ਪੰਜਾਬ ਕਾਂਗਰਸ ‘ਚੋਂ ਧੜੇਬੰਦੀ ਹੁਣ ਪੂਰੀ ਤਰ੍ਹਾਂ ਖ਼ਤਮ ਹੋ ਚੁੱਕੀ ਹੈ ਅਤੇ ਅਸੀਂ ਸਾਰੇ ਰਲ ਕੇ ਕਾਂਗਰਸ ਪਾਰਟੀ ਨੂੰ ਆਉਂਦੀਆਂ ਲੋਕ ਸਭਾ ਚੋਣਾਂ ‘ਚ ਭਾਰੀ ਜਿੱਤ ਦੁਆਵਾਂਗੇ।
ਕੈਪਟਨ ਅਮਰਿੰਦਰ ਸਿੰਘ ਦੇ ਅਤੀ ਨਜ਼ਦੀਕੀ ਕਮਾਂਡਰ ਜੀਤ ਮਹਿੰਦਰ ਸਿੰਘ ਨੇ ਇਸ ਪੱਤਰਕਾਰ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਅਜੇ ਪੰਜਾਬ ਕਾਂਗਰਸ ਅਤੇ ਕੈਪਟਨ ਸਿੰਘ ਵੱਲੋਂ ਕਿਸੇ ਵੀ ਤਰ੍ਹਾਂ ਦੀ ਜ਼ਿਲ੍ਹਾ ਚੋਣ ਕਮੇਟੀ ਦੇ ਮੈਂਬਰਾਂ ਦੀ ਚੋਣ ਨਹੀਂ ਕੀਤੀ ਗਈ ਹੈ ਅਤੇ ਨਾ ਹੀ ਹਾਈਕਮਾਂਡ ਨੇ ਕਿਸੇ ਵੀ ਤਰ੍ਹਾਂ ਦੀ ਜ਼ਿਲ੍ਹਾ ਚੋਣ ਲਿਸਟ ਨੂੰ ਰੱਦ ਕੀਤਾ ਹੈ। ਸ੍ਰੀ ਸਿੱਧੂ ਨੇ ਕਿਹਾ ਕਿ ਜ਼ਿਲ੍ਹਾ ਚੋਣ ਕਮੇਟੀਆਂ ਦੀਆਂ ਨਾਮਜ਼ਦਗੀਆਂ ਬਾਰੇ ਕੈਪਟਨ ਅਮਰਿੰਦਰ ਸਿੰਘ ਦਿੱਲੀ ਪਰਤਣ ਤੋਂ ਬਾਅਦ ਹੀ ਫੈਸਲਾ ਕਰਨਗੇ।

ਸਾਬਕਾ ਜਥੇਦਾਰ ਗਿਆਨੀ ਜੋਗਿੰਦਰ ਸਿੰਘ ਵੇਦਾਂਤੀ ਵੱਲੋਂ ਮਸਜਿਦਾਂ ‘ਤੇ ਕੀਤੇ ਗਏ ਹਮਲੇ ਦੀ ਸਖ਼ਤ ਸ਼ਬਦਾਂ ‘ਚ ਨਿੰਦਿਆਂ

ਜਲੰਧਰ- ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਦੀ ਪਦਵੀ ਤੋ ਜਬਰੀ ਲਾਹੇ ਗਏ ਜਥੇਦਾਰ ਗਿਆਨੀ ਜੋਗਿੰਦਰ ਸਿੰਘ ਵੇਦਾਂਤੀ ਨੇ ਸ਼੍ਰੋਮਣੀ ਅਕਾਲੀ ਦਲ-ਭਾਜਪਾ ਗਠਜੋੜ ‘ਤੇ ਪਹਿਲਾ 'ਧਾਰਮਿਕ ਹਮਲਾ‘ ਬੋਲਦਿਆਂ ਅੰਮ੍ਰਿਤਸਰ ‘ਚ ਮਸਜਿਦਾਂ ‘ਤੇ ਹਮਲਾ ਕਰਨ ਵਾਲਿਆਂਦੀ ਸਖ਼ਤ ਸਬ²ਦਾਂ ‘ਚ ਨਿੰਦਿਆਂ ਕੀਤੀ ਹੈ। ਸਾਬਕਾ ਜਥੇਦਾਰ ਗਿਆਨੀ ਜੋਗਿੰਦਰ ਸਿੰਘ ਵੇਦਾਂਤੀ ਵੱਲੋਂ ਜਾਰੀ ਪ੍ਰੈੱਸ ਬਿਆਨ ‘ਚ ਉਨ੍ਹਾਂ ਨੇ ਸ੍ਰੀ ਅਮਰਨਾਥ ਮੰਦਰ ਬੋਰਡ ਦੇ ਵਿਵਾਦਤ ਜ਼ਮੀਨ ਮਾਮਲੇ ‘ਤੇ ਗ੍ਰਿਫ਼ਤਾਰੀਆਂ ਦੇਣ ਸਮੇਂ ਭਾਜਪਾ ਤੇ ਉਨ੍ਹਾਂ ਦੇ ਹਮਾਇਤੀ ਸੰਗਠਨਾਂ ਵੱਲੋਂ ਮਸਜਿਦਾਂ ‘ਤੇ ਕੀਤੇ ਗਏ ਹਮਲੇ ਦੀ ਸਖ਼ਤ ਸ਼ਬਦਾਂ ‘ਚ ਨਿੰਦਿਆਂ ਕੀਤੀ ਹੈ।
ਜਥੇਦਾਰ ਵੇਦਾਂਤੀ ਵੱਲੋਂ ਕੀਤੀ ਗਈ ਇਸ ਨਿੰਦਿਆਂ ਨੂੰ ਪੰਥਕ ਹਲਕੇ ਬਾਦਲ ‘ਤੇ ਬੋਲਿਆ ਗਿਆ ਪਹਿਲਾ ਧਾਰਮਿਕ ਹਮਲਾ ਮੰਨ ਰਹੇ ਹਨ। ਜਥੇਦਾਰ ਵੇਦਾਂਤੀ ਦੀ ਇਸ ਟਿੱਪਣੀ ਨੇ ਪੰਜਾਬ ਦੇ ਸੱਤਾਧਾਰੀ ਗਠਜੋੜ ਨੂੰ ਇੱਕ ਤਰ੍ਹਾਂ ਚਿੱਬ ਪਾ ਦਿੱਤਾ ਹੈ ਜਿਸ ਨਾਲ ਸ੍ਰ. ਬਾਦਲ ਲਈ ਨਵਾਂ ਧਾਰਮਿਕ ਸੰਕਟ ਖੜ੍ਹਾ ਹੋਣ ਦੀਆਂ ਸੰਭਾਵਨਾਵਾਂ ਬਣ ਗਈਆਂ ਹਨ।
ਜਥੇਦਾਰ ਵੇਦਾਂਤੀ ਨੇ ਮਸਜਿਦਾਂ ‘ਤੇ ਕੀਤੇ ਗਏ ਹਮਲੇ ਦੀ ਅੰਮ੍ਰਿਤਸਰ ਦੇ ਰੇਲਵੇ ਸਟੇਸ਼ਨ ‘ਤੇ ਲੱਗੇ ਸ੍ਰੀ ਦਰਬਾਰ ਸਾਹਿਬ ਦੇ ਮਾਡਲ ਨੂੰ ਸ਼ਰਾਰਤੀ ਅਨਸਰਾਂ ਵੱਲੋਂ ਤੋੜੇ ਜਾਣ ਨਾਲ ਤੁਲਨਾ ਕੀਤੀ ਹੈ। ਯਾਦ ਰਹੇ ਕਿ ਪੰਜਾਬ ਦੇ ਇੱਕ ਸਾਬਕਾ ਵਿਧਾਇਕ ਹਰਬੰਸ ਲਾਲ ਖੰਨਾ ਨੇ ਅੰਮ੍ਰਿਤਸਰ ਦੇ ਰੇਲਵੇ ਸਟੇਸ਼ਨ ‘ਤੇ ਲੱਗੇ ਸ੍ਰੀ ਦਰਬਾਰ ਸਾਹਿਬ ਦੇ ਮਾਡਲ ਨੂੰ ਤੋੜਣ ‘ਚ ਮੋਹਰੀ ਭੂਮਿਕਾ ਨਿਭਾਈ ਸੀ। ਇਸ ਘਟਨਾ ਨੇ ਉਦੋਂ ਪੰਜਾਬ ਦੇ ਸਦਭਾਵਨਾ ਵਾਲੇ ਮਹੌਲ ‘ਚ ਫਿਰਕੂ ਜ਼ਹਿਰ ਘੋਲਣ ਲਈ ਵੱਡਾ ਹਿੱਸਾ ਪਾਇਆ ਸੀ ਜਿਸ ਨੇ ਪੰਜਾਬ ‘ਚ ਸ਼ੁਰੂ ਹੋਈ ਅੱਤਵਾਦ ਦੀ ਬਲਦੀ ਅੱਗ ‘ਤੇ ਘਿਉ ਦਾ ਕੰਮ ਕੀਤਾ ਸੀ। ਇਸ ਘਟਨਾ ਨਾਲ ਉਦੋਂ ਸਿੱਖ-ਨਿਰੰਕਾਰੀ ਟਕਰਾਅ ਨੂੰ ਹਿੰਦੂ-ਸਿੱਖ ਦੁਫੇੜ ਪਾਉਣ ਦੀ ਚਾਲ ਸ਼ੁਰੂ ਹੋ ਗਈ ਸੀ। ਉਦੋਂ ਭਾਜਪਾ ਦੇ ਸ਼ਰਾਰਤੀ ਅਨਸਰਾਂ ਨੇ ਇਕੱਲਾ ਦਰਬਾਰ ਸਾਹਿਬ ਦਾ ਮਾਡਲ ਹੀ ਨਹੀਂ ਸੀ ਤੋੜਿਆ ਸਗੋਂ ਸਟੇਸ਼ਨ ‘ਤੇ ਲੱਗੀ ਗੁਰੂ ਰਾਮਦਾਸ ਦੀ ਤਸਵੀਰ ਦੇ ਮੂੰਹ ‘ਚ ਬੀੜੀ ਵੀ ਪਾ ਦਿੱਤੀ ਸੀ।
ਮੈਂਬਰ ਪਾਰਲੀਮੈਂਟ ਨਵਜੋਤ ਸਿੰਘ ਸਿੱਧੂ ਦੀ ਅਗਵਾਈ ‘ਚ ਹੋਈਆਂ ਗ੍ਰਿਫ਼ਤਾਰੀਆਂ ਦੌਰਾਨ ਮਸਜਿਦਾਂ ‘ਤੇ ਕੀਤੇ ਗਏ ਹਮਲੇ ਦੀ ਅਕਾਲੀ ਦਲ ਨੇ ਕੋਈ ਨਿੰਦਿਆਂ ਤੱਕ ਨਹੀਂ ਕੀਤੀ। ਭਾਜਪਾ ਇਸ ਮਾਮਲੇ ਨੂੰ ਲੋਕ ਸਭਾ ਚੋਣਾਂ ਤੱਕ ਭੱਖਦਾ ਰੱਖਣ ਦੇ ਮੂਡ ‘ਚ ਹੈ। ਇਸ ਮਾਮਲੇ ਨਾਲ ਦੇਸ਼ ਫਿਰਕੂ ਮਹੌਲ ਪੈਦਾ ਹੋਣ ਦਾ ਖ਼ਤਰਾ ਪੈਦਾ ਹੋ ਗਿਆ। ਜਥੇਦਾਰ ਵੇਦਾਂਤੀ ਨੇ ਜਿੱਥੇ ਇਸ ਘਟਨਾ ਦੀ ਨਿੰਦਿਆ ਕੀਤੀ ਹੈ ਉੱਥੇ ਪੰਜਾਬ ਸਰਕਾਰ ਨੂੰ ਅਪੀਲ ਕੀਤੀ ਹੈ ਕਿ ਸ਼ਰਾਰਤੀ ਅਨਸਰਾਂ ਵਿਰੁੱਧ ਕਾਰਵਾਈ ਕੀਤੀ ਜਾਵੇ ਤਾਂ ਜੋ ਪੰਜਾਬ ਦਾ ਮਹੌਲ ਨਾ ਵਿਗੜੇ।

ਦੇਸ਼ ਵਿਚ ਘੱਟਗਿਣਤੀਆਂ ਦਾ ਭੱਵਿਖ ਖਤਰੇ ਵਿਚ : ਭਾਈ ਚੀਮਾ
ਮਸਜਿਦਾਂ ਤੋੜਣ ਵਾਲੇ ਦਹਿਸ਼ਤਗਰਦ ਦੇਸ਼ ਧ੍ਰੋਹ ਦੇ ਦੋਸ਼ਾਂ ਹੇਠ ਗ੍ਰਿਫ਼ਤਾਰ ਕੀਤੇ ਜਾਣ

ਫ਼ਤਿਹਗੜ੍ਹ ਸਾਹਿਬ 22 ਅਗਸਤ (ਪਰਦੀਪ ਸਿੰਘ ਖ਼ਾਲਸਾ) ਕੱਲ੍ਹ ਅੰਮ੍ਰਿਤਸਰ ਵਿਚ ਹਿੰਦੂ ਦਹਿਸ਼ਤਗਰਦਾਂ ਵਲੋਂ ਤਿੰਨ ਮਸਜਿਦਾਂ ਦੀ ਕੀਤੀ ਗਈ ਭੰਨਤੋੜ, ਬੇਅਦਬੀ, ਇਸਲਾਮ ਖਿਲਾਫ਼ ਕੀਤੀ ਗਈ ਨਾਅਰ੍ਹੇਬਾਜ਼ੀ ਅਤੇ ਗੁੰਡਾਗਰਦੀ ਦੀ ਸ਼ਖ਼ਤ ਲਫ਼ਜ਼ਾਂ ਵਿਚ ਨਿਖੇਧੀ ਕਰਦਿਆਂ ਸ਼੍ਰੋਮਣੀ ਅਕਾਲੀ ਦਲ ਪੰਚ ਪ੍ਰਧਾਨੀ ਦੇ ਕੌਮੀ ਪੰਚ ਭਾਈ ਹਰਪਾਲ ਸਿੰਘ ਚੀਮਾ ਅਤੇ ਜਨਰਲ ਸਕੱਤਰ ਭਾਈ ਕੁਲਬੀਰ ਸਿੰਘ ਬੜਾ ਪਿੰਡ ਨੇ ਕਿਹਾ ਹੈ ਕਿ ਭੀੜ ਨੇ ਜਿਸ ਤਰ੍ਹਾਂ ਸਰਕਾਰੀ ਸ਼ਹਿ ‘ਤੇ ਅਤੇ ਪੁਲਿਸ ਦੀ ਹਾਜ਼ਰੀ ਵਿਚ ਮਸ਼ਜਿਦਾਂ ਦੀ ਭੰਨਤੋੜ ਕੀਤੀ ਹੈ, ਉਸਤੋਂ ਹੁਣ ਕੋਈ ਸ਼ੱਕ ਨਹੀਂ ਰਹਿ ਜਾਂਦਾ ਕਿ ਭਾਰਤ ਵਿਚ ਘੱਟਗਿਣਤੀਆਂ ਦਾ ਭੱਵਿਖ ਉਨ੍ਹਾਂ ਦੀ ਜਾਨ ਮਾਲ ਤੇ ਉਨ੍ਹਾਂ ਦੇ ਧਾਰਮਿਕ ਸਥਾਨ ਸੁਰੱਖਿਅਤ ਨਹੀਂ ਹਨ। ਉਕਤ ਆਗੂਆ ਨੇ ਕਿਹਾ ਕਿ ਇਨ੍ਹਾਂ ਕਾਰਵਾਈਆਂ ਰਾਹੀ ਦੇਸ਼ ਵਿਚ ਫ਼ਿਰਕੂ ਨਫ਼ਰਤ ਭੜਕਾਉਣ ਵਾਲੇ ਇਨ੍ਹਾਂ ਗੁੰਡਿਆ ਨੂੰ ਨਵਜੋਤ ਸਿੱਧੂ, ਵਿਧਾਇਕ ਅਨਿਲ ਜੋਸ਼ੀ ਅਤੇ ਮੇਅਰ ਸ਼ਵੇਤ ਮਲਿਕ ਸਮੇਤ ਦੇਸ਼ ਧ੍ਰੋਹ ਅਤੇ ਧਾਰਮਿਕ ਭਾਵਨਾਵਾਂ ਭੜਕਾਉਣ ਦੇ ਦੋਸ਼ਾਂ ਹੇਠ ਗੈਰ ਜ਼ਮਾਨਤੀ ਕੇਸ਼ ਦਰਜ਼ ਕਰਕੇ ਗ੍ਰਿਫ਼ਤਾਰ ਕੀਤਾ ਜਾਵੇ ਕਿਉਂਕਿ ਇਨ੍ਹਾਂ ਦੀ ਅਗਵਾਈ ਵਾਲੇ ਹਜੂਮ ਨੇ ਹੀ ਮਸਜਿਦਾਂ ਦੀ ਭੰਨਤੋੜ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਜੰਮੂ ਕਸ਼ਮੀਰ ਦੀ ਜਨਤਕ ਸੰਪਤੀ ਦੀ ਰੱਖਿਆ ਲਈ ਸ਼ੰਘਰਸ ਕਰ ਰਹੀਆਂ ਮੁਸਲਿਮ ਧਿਰ੍ਹਾਂ ਦੀ ਅਸੀਂ ਹਮਾਇਤ ਕਰਦੇ ਹਾਂ ਤੇ ਉਨ੍ਹਾਂ ਦਾ ਸੰਘਰਸ਼ ਵਾਜ਼ਿਬ ਹੈ।
ਭਾਈ ਚੀਮਾ ਤੇ ਬੜਾ ਪਿੰਡ ਨੇ ਕਿਹਾ ਕਿ ਪੰਜਾਬ ਦੀ ਬਾਦਲ ਸਰਕਾਰ ਨੇ ਭਾਜਪਾ ਦੇ ਦਬਾਅ ਹੇਠ ਪੰਜਾਬ ਵਿਚ ਹਿੰਦੂ ਦਹਿਸ਼ਤਗਰਦਾਂ ਨੂੰ ਕੋਈ ਵੀ ਵਾਰਦਾਤ ਕਰਨ ਲਈ ਖੁੱਲ੍ਹਾ ਛੱਡ ਰੱਖਿਆ ਹੈ ਤੇ ਇਹ ਉਪੱਦਰੀ ਟੋਲੇ ਕਿਸੇ ਵੀ ਸਮੇਂ ਕਿਸੇ ਵੀ ਵਾਰਦਾਤ ਨੂੰ ਅੰਜ਼ਾਮ ਦੇ ਕੇ ਪੰਜਾਬ ਨੂੰ ਅੱਗ ਦੀ ਭੱਠੀ ਵਿਚ ਸੁੱਟ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਇਹੋ ਹਮਲਾ ਜੇ ਕਿਸੇ ਹਿੰਦੂ ਧਾਰਮਿਕ ਸਥਾਨ ‘ਤੇ ਹੋਇਆ ਹੁੰਦਾ ਤਾਂ ਹੁਣ ਤੱਕ ਕਿੰਨੇ ਹੀ ਮੁਸਲਮਾਨਾਂ ਨੂੰ ਅੱਤਵਾਦੀ ਦੱਸ ਕੇ ਗ੍ਰਿਫ਼ਤਾਰ ਕਰ ਲਿਆ ਹੋਣਾ ਸੀ ਪਰ ਇਸ ਮਾਮਲੇ ਵਿਚ ਬਾਦਲ ਸਰਕਾਰ ਹੱਥ ਤੇ ਹੱਥ ਰੱਖ ਕੇ ‘ਤਮਾਸ਼ੇ‘ ਦਾ ਆਨੰਦ ਮਾਣ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਲੋਕਾਂ ਵਲੋਂ ਹੀ ਦੇਸ਼ ਦੇ ਵੱਖ ਵੱਖ ਹਿੱਸਿਆਂ ਵਿਚ ਕੀਤੀ ਜਾਂਦੀ ਭੰਨਤੋੜ ਦੇ ਮਾਮਲਿਆਂ ਨੂੰ ਸਿੱਖਾਂ ਜਾਂ ਮੁਸਲਿਮ ਨੌਜਵਾਨਾਂ ਸਿਰ ਮੜ੍ਹ ਕੇ ਦੇਸ਼ ਧ੍ਰੋਹ ਦੇ ਕੇਸ਼ ਪਾ ਕੇ ਗ੍ਰਿਫ਼ਤਾਰ ਕਰ ਲਿਆ ਜਾਂਦਾ ਹੈ। ਉਕਤ ਆਗੂਆਂ ਨੇ ਕਿਹਾ ਕਿ ਅੱਜ ਇਹ ਗੁੰਡੇ ਅਪਣੇ ਆਪ ਨੂੰ ਧਰਮ ਨਿਰਪੱਖ ਅਖਵਾ ਰਹੀ ਬਾਦਲ ਸਰਕਾਰ ਦੇ ਰਾਜ ਵਿਚ ਮਸ਼ਜਿਦਾਂ ‘ਤੇ ਹਮਲੇ ਕਰ ਰਹੇ ਹਨ ਕੱਲ੍ਹ ਨੂੰ ਇਹ ਗੁਰਦੁਆਰਿਆਂ ਨੂੰ ਵੀ ਨਿਸ਼ਾਨਾਂ ਬਣਾ ਸਕਦੇ ਹਨ ਇਸ ਲਈ ਇਨਾਂ ਗੈਰ ਸਮਾਜਿਕ ਤੱਤਾਂ ‘ਤੇ ਲਗਾਮ ਕਸਣੀ ਬਹੁਤ ਜ਼ਰੂਰੀ ਹੋ ਗਈ ਹੈ।

ਸਾਬਕਾ ਰਾਸ਼ਟਰਪਤੀ ਪ੍ਰਵੇਜ਼ ਮੁਸ਼ੱਰਫ ਵਿਰੁੱਧ ਅਰਜ਼ੀ ਖਾਰਜ

ਇਸਲਾਮਾਬਾਦ, 22 ਅਗਸਤ 2008 -ਪਾਕਿਸਤਾਨ ਦੀ ਇਕ ਅਦਾਲਤ ਨੇ ਸਾਬਕਾ ਰਾਸ਼ਟਰਪਤੀ ਪ੍ਰਵੇਜ਼ ਮੁਸ਼ੱਰਫ ਦੇ ਵਿਰੁੱਧ ਅਰਜ਼ੀ ਖਾਰਜ ਕਰਦੇ ਹੋਏ ਕਿਹਾ ਹੈ ਕਿ ਪਿਛਲੇ ਸਾਲ ਲਾਲ ਮਸਜਿਦ ਮਾਮਲੇ ਵਿਚ ਮੁਸ਼ੱਰਫ ਅਤੇ ਹੋਰ ਅਧਿਕਾਰੀਆਂ ਦੇ ਵਿਰੁੱਧ ਹੱਤਿਆ ਦਾ ਮਾਮਲਾ ਦਰਜ ਕਰਨ ਦਾ ਅਧਿਕਾਰੀਆਂ ਨੂੰ ਹੁਕਮ ਦੇਣਾ ਚਾਹੀਦਾ ਹੈ। ਡਿਫੇਂਸ ਆਫ ਹਿਊਮਨ ਰਾਈਟਸ ਸੁਸਾਇਟੀ ਦੇ ਪ੍ਰਧਾਨ ਖਵਾਜਾ ਖਾਲਿਦ ਨੇ ਇਸਲਾਮਾਬਾਦ ਉੱਚ ਅਦਾਲਤ ਵਿਚ ਮੁਸ਼ੱਰਫ ਦੇ ਖਿਲਾਫ ਇਕ ਅਰਜ਼ੀ ਦਾਖਲ ਕੀਤੀ ਸੀ, ਜਿਸਨੂੰ ਅਦਾਲਤ ਨੇ ਖਾਰਜ ਕਰ ਦਿੱਤਾ ਹੈ। ਅਦਾਲਤ ਵਿਚ ਅਰਜ਼ੀ ਦਾਖਲ ਕਰਕੇ ਖਾਲਿਦ ਨੇ ਇਹ ਮੰਗ ਕੀਤੀ ਸੀ ਕਿ ਮੁਸ਼ੱਰਫ, ਸਾਬਕਾ ਗ੍ਰਹਿ ਮੰਤਰੀ ਆਫਤਾਬ ਅਹਿਮਦ ਖਾਨ ਸ਼ੇਰਪਾਓ ਅਤੇ ਹੋਰ ਉੱਚ ਅਧਿਕਾਰੀਆਂ ਵਿਰੁੱਧ ਲਾਲ ਮਸਜਿਦ ਮਾਮਲੇ ਵਿਚ ਮੁਕੱਦਮਾ ਦਰਜ ਕਰਨ ਦੇ ਹੁਕਮ ਪੁਲਿਸ ਨੂੰ ਦਿੱਤੇ ਜਾਣ। ਇਸਲਾਮਾਬਾਦ ਦੀ ਇਕ ਅਦਾਲਤ ਨੇ ਕਿਹਾ ਕਿ ਇਸ ਤਰ੍ਹਾਂ ਦੀ ਅਰਜ਼ੀ ਨੂੰ ਸਵੀਕਾਰ ਕਰਨਾ ਸੰਭਵ ਨਹੀਂ ਹੋਵੇਗਾ ਕਿਉਂਕਿ ਦੇਸ਼ ਦੀ ਸਰਬਉੱਚ ਅਦਾਲਤ ਵਿਚ ਲਾਲ ਮਸਜਿਦ ਉੱਤੇ ਚਲਾਏ ਗਏ ਫੌਜੀ ਅਭਿਆਨ ਮਾਮਲੇ ਦੀ ਸੁਣਵਾਈ ਹੋ ਰਹੀ ਹੈ। ਗੌਰਤਲਬ ਹੈ ਕਿ ਪਿਛਲੇ ਸਾਲ ਲਾਲ ਮਸਜਿਦ ਉੱਤੇ ਚਲਾਏ ਗਏ ਫੌਜੀ ਅਭਿਆਨ ਵਿਚ ਸੌ ਤੋਂ ਵੱਧ ਵਿਅਕਤੀ ਮਾਰੇ ਗਏ ਸਨ ਜਦੋਂਕਿ ਸੈਂਕੜੇ ਹੋਰ ਜ਼ਖਮੀ ਹੋ ਗਏ ਸਨ।

ਬੁਸ਼ ਜਾਰਜੀਆ ਤੋਂ ਰੂਸ ਦੀ ਘੇਰਾਬੰਦੀ ਹਟਾਉਣਾ ਚਾਹੁੰਦੇ ਹਨ

ਸ੍ਰੀਨਗਰ, 22 ਅਗਸਤ 2008 - ਅਮਰੀਕਾ ਦੇ ਰਾਸ਼ਟਰਪਤੀ ਜਾਰਜ ਡਬਲਿਊ ਬੁਸ਼ ਨੇ ਜਾਰਜੀਆ ਦੇ ਆਪਣੇ ਹਮਰੁਤਬਾ ਮਿਖਾਇਲ ਸਾਕਾਸ਼ਵਿਲੀ ਨੂੰ ਕਿਹਾ ਕਿ ਉਹ ਸਾਬਕਾ ਸੋਵੀਅਤ ਗਣਰਾਜ ‘ਤੇ ਰੂਸੀ ਘੇਰਾਬੰਦੀ ਨੂੰ ਖਤਮ ਕਰਨਾ ਚਾਹੁੰਦੇ ਹਨ। ਵਾਈਟ ਹਾਉਸ ਦੇ ਬੁਲਾਰੇ ਗਾਰਡਨ ਜਾਨਡਰੋ ਨੇ ਕਿਹਾ ਕਿ ਰਾਸ਼ਟਰਪਤੀ ਬੁਸ਼ ਨੇ ਫੋਨ ‘ਤੇ ਗੱਲਬਾਤ ਵਿਚ ਕਿਹਾ ਕਿ ਅਮਰੀਕਾ ਚਾਹੁੰਦਾ ਹੈ ਕਿ ਰੂਸ ਆਪਣੀ ਫੌਜ ਵਾਪਸੀ ਦੇ ਸਮਝੌਤੇ ਨੂੰ ਪੂਰਾ ਕਰੇ ਅਤੇ ਜਾਰਜੀਆ ‘ਤੇ ਜਾਰੀ ਘੇਰਾਬੰਦੀ ਨੂੰ ਖਤਮ ਕਰੇ। ਜਾਨਡਰੋ ਨੇ ਇਕ ਬਿਆਨ ਵਿਚ ਕਿਹਾ ਕਿ ਸਾਕਾਸ਼ਵਿਲੀ ਨੇ ਜਾਰਜੀਆ ਦੀ ਸਥਿਤੀ ਉੱਤੇ ਗੱਲਬਾਤ ਕਰਨ ਲਈ ਬੁਸ਼ ਨੂੰ ਫੋਨ ਕੀਤਾ ਸੀ। ਬੁਸ਼ ਇਸ ਵੇਲੇ ਆਪਣੀ ਟੈਕਸਾਸ ਵਿਖੇ ਸਥਿਤ ਰਿਹਾਇਸ਼ ਵਿਖੇ ਆਰਾਮ ਕਰ ਰਹੇ ਹਨ। ਉੱਥੋ ਉਹ ਇਸ ਮੁੱਦੇ ਉੱਤੇ ਨਜ਼ਰ ਰੱਖ ਰਹੇ ਹਨ। ਇਸ ਤੋਂ ਪਹਿਲਾਂ ਵਾਈਟ ਹਾਉਸ ਵਲੋਂ ਮੰਗ ਕੀਤੀ ਗਈ ਸੀ ਕਿ ਰੂਸ ਆਪਣੀ ਫੌਜ ਨੂੰ ਜਾਰਜੀਆ ਤੋਂ ਤੁਰੰਤ ਬੁਲਾ ਲਵੇ। ਨਾਲ ਹੀ ਚੇਤਾਵਨੀ ਵੀ ਦਿੱਤੀ ਗਈ ਸੀ ਕਿ ਸਮੱਸਿਆ ਦੇ ਖਤਮ ਹੋਣ ਤੱਕ ਰੂਸ-ਨਾਟੋ ਫੌਜੀ ਸਹਿਯੋਗ ਨਹੀਂ ਚਲ ਸਕਦਾ। ਜਾਨਡਰੋ ਨੇ ਕਿਹਾ ਕਿ ਰੂਸ ਨੇ ਫਰਾਂਸ ਦੀ ਵਿਚੋਲਗੀ ਵਾਲੇ ਸਮਝੌਤੇ ਦੀ ਉਲੰਘਣਾ ਕੀਤੀ ਹੈ। ਉਨ੍ਹਾਂ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਰੂਸ ਨੇ ਜੋ ਵੀ ਵਚਨ ਦਿੱਤੇ ਸਨ, ਉਨ੍ਹਾਂ ਨੂੰ ਤੋੜਿਆ ਹੈ। ਫੌਜ ਦੀ ਵਾਪਸੀ ਅਜੇ ਹੋਣੀ ਹੈ।

ਭਾਜਪਾ ਆਗੁਆਂ ਨੂੰ ਦੇਸ਼ ਧ੍ਰੋਹ ਤੇ ਐਨ.ਐਸ.ਏ ਅਧੀਨ ਜੇਲੀਂ ਡਕਿਆ ਜਾਵੇ: ਅਕਾਲੀ ਦਲ ਅੰਮ੍ਰਿਤਸਰ(ਪੰਚ ਪ੍ਰਧਾਨੀ)

ਤਰੀਕ: 22 ਅਗਸਤ, 2008 ਭਾਜਪਾ ਤੇ ਹੋਰ ਫਿਰਕੂ ਜਥੇਬੰਦੀਆਂ ਵਲੋਂ ਕਲ੍ਹ ਅੰਮ੍ਰਿਤਸਰ ਵਿਚ ਐ¤ਮ.ਪੀ ਨਵਜੋਤ ਸਿਧੂ, ਵਿਧਾਇਕ ਅਨਿਲ ਜੋਸ਼ੀ ਤੇ ਮੇਅਰ ਸ਼ਵੇਤ ਮਲਿਕ ਦੀ ਅਗਵਾਈ ਵਿਚ ਕਢੇ ਮਾਰਚ ਦੌਰਾਨ ਮਸਜਿਦਾਂ ਦੀ ਤੋੜ-ਭੰਨ ਕਰਨੀ ਜਿਥੇ ਬੇਹਦ ਅਫਸੋਸਜਨਕ ਹੈ ਉਥੇ ਇਸ ਦੇ ਗੰਭੀਰ ਸਿਟੇ ਨਿਕਲ ਸਕਦੇ ਹਨ ਅਤੇ ਸਭ ਤੋਂ ਭਾਰੀ ਅਫਸੋਸ ਇਸ ਗਲ ਦਾ ਹੈ ਕਿ ਇਥੇ ਜੇਕਰ ਘਟ ਗਿਣਤੀਆਂ ਆਪਣੇ ਹਕਾਂ ਦੀ ਗਲ ਕਰਨ ਤਾਂ ਉਹਨਾਂ ਨੂੰ ਦੇਸ਼-ਧ੍ਰੋਹੀ ਦਾ ਖਿਤਾਬ ਦੇ ਦਿਤਾ ਜਾਂਦਾ ਹੈ ਪਰ ਜੇਕਰ ਬਹੁਗਿਣਤੀ ਘਟਗਿਣਤੀਆਂ ਦੇ ਧਾਰਮਿਕ ਅਸਥਾਨਾਂ ਤੇ ਹਮਲੇ ਕਰੇ ਤਾਂ ਉਹ ਸਦਾ ਹੀ ਦੇਸ਼ ਭਗਤ ਬਣੇ ਰਹਿੰਦੇ ਹਨ ਕਿਉਂਕਿ ਦੇਸ਼ ਦੇ ਕਾਨੂੰਨ ਦੇ ਹਮੇਸ਼ਾਂ ਦੋਹਰੇ ਮਾਪਢੰਡ ਰਹੇ ਹਨ ਇਥੇ ਘਟ ਗਿਣਤੀਆਂ ਤੇ ਹਮਲੇ ਕਰਨ ਵਾਲਿਆਂ ਨੂੰ ਉ¤ਚ ਅਹੁਦੇ ਤੇ ਸਰਕਾਰੀ ਸਰਪ੍ਰਸਤੀ ਦਿ¤ਤੀ ਜਾਂਦੀ ਹੈ ਪਰ ਜੇਕਰ ਇੰਝ ਹੀ ਚਲਦਾ ਰਿਹਾ ਤਾਂ ਇਹ ਰਿਆਇਤਾਂ ਬਹੁਤਾ ਚਿਰ ਨਹੀਂ ਚਲਣੀਆਂ ਤੇ ਵਕਤ ਕਦੇ ਫਿਰ ਅਜਿਹਾ ਆ ਸਕਦਾ ਹੈ ਜਦੋਂ ਲੋਕ ਆਪ ਫੈਸਲੇ ਕਰਨਗੇ। ਇਹਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ(ਪੰਚ ਪਰਧਾਨੀ) ਦੇ ਕੌਮੀ ਪੰਚ ਸ. ਗੁਰਜਤਿੰਦਰਪਾਲ ਸਿੰਘ ਭਿਖਵਿੰਡ ਤੇ ਯੂਥ ਦੇ ਕੌਮੀ ਪੰਚ ਭਾਈ ਰਾਜਵਿੰਦਰ ਸਿੰਘ ਭੰਗਾਲੀ ਨੇ ਵਰਕਰਾਂ ਸਮੇਤ ਭਾਜਪਾ ਆਗੂਆਂ ਵਲੋਂ ਨੁਕਸਾਨੀਆਂ ਮਸਜਿਦਾਂ ਦਾ ਦੌਰਾ ਕਰਨ ਤੋਂ ਬਾਦ ਕੀਤਾ।
ਆਗੁਆਂ ਨੇ ਦ¤ਸਿਆ ਕਿ ਬਾਦਲ ਆਰ.ਐ¤ਸ.ਐ¤ਸ-ਭਾਜਪਾ ਨੂੰ ਪੰਜਾਬ ਵਿਚ ਮਜਬੂਤ ਕਰਨ ਲਈ ਮੌਕਾ ਦੇ ਰਿਹਾ ਹੈ ਅਤੇ ਇਸ ਦੇ ਸਿਟੇ ਭਵਿਖ ਵਿਚ ਬਹੁਤ ਹੀ ਗੰਭੀਰ ਨਿਕਲ ਸਕਦੇ ਹਨ। ਉਹਨਾਂ ਕਿਹਾ ਕਿ ਅੰਮ੍ਰਿਤਸਰ ਸ਼ਹਿਰ ਵਿਚ ਮੁਸਲਮਾਨ ਕੌਮ ਦੀ ਰਾਖੀ ਕਰਨੀ ਸਾਡਾ ਮੁਢਲਾ ਫਰਜ਼ ਹੈ ਅਤੇ ਕਿਸੇ ਨੂੰ ਵੀ ਸ਼ਹਿਰ ਵਿਚ ਫਿਰਕੂ ਅਗ ਲਗਾਉਂਣ ਦੀ ਇਜ਼ਾਜ਼ਤ ਨਹੀਂ ਦਿਤੀ ਜਾਵੇਗੀ ਭਾਵੇਂ ਉਹ ਐਮ.ਪੀ ਹੋਵੇ, ਵਿਧਾਇਕ ਹੋਵੇ ਜਾਂ ਮੇਅਰ ਹੋਵੇ।
ਉਹਨਾਂ ਕਿਹਾ ਕਿ ਕਿਥੇ ਹੈ ਅਜ ਉਹ ਕਾਨੂੰਨ ਜੋ ਹਰ ਸਾਲ 6 ਜੂਨ ਨੂੰ ਆਪਣੇ ਸ਼ਹੀਦਾਂ ਨੂੰ ਯਾਦ ਕਰਨ ਦੇ ‘ਜ਼ੁਰਮ’ ਵਿਚ ਸਿਖਾਂ ਨੂੰ ਦੇਸ਼-ਧ੍ਰੋਹੀ ਗਰਦਾਨ ਦਿੰਦਾ ਹੈ ਅਤੇ ਕਿਥੇ ਹੈ ਉਹ ਐਨ.ਐਸ.ਏ ਜਿਸ ਤਹਿਤ ਹਜ਼ਾਰਾਂ-ਲਖਾਂ ਸਿਖਾਂ ਨੂੰ ਸਾਲਾਂ ਬਧੀ ਜੇਲ੍ਹਾਂ ਵਿਚ ਡਕੀ ਰਖਿਆ ਗਿਆ। ਉਹਨਾਂ ਕਿਹਾ ਕਿ ਜੇ ਅਜ ਕਾਨੂੰਨ ਨੇ ਆਪਣੇ ਹਥਾਂ ਨੂੰ ਬੰਨ ਲਿਆ ਤਾਂ ਇਹਨਾਂ ਪਈਆਂ ਗੰਢਾਂ ਨੂੰ ਉਦੋਂ ਮੂੰਹ ਨਾਲ ਖੋਲਣਾ ਪਵੇਗਾ ਜਦੋ ਲੋਕ ਆਪ ਨਿਆਂ ਕਰਨ ਤੁਰ ਪੈਣਗੇ।
ਉਹਨਾਂ ਕਿਹਾ ਕਿ ਜੇਕਰ ਉਕਤ ਦੁਖਦਾਈ ਘਟਨਾ ਦੇ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰਕੇ ਜੇਲ੍ਹਾਂ ਵਿਚ ਨਾ ਡਕਿਆ ਗਿਆ ਤਾਂ ਗੁਜਰਾਤ ਕਤਲੇਆਮ ਬਾਰੇ ਭਾਜਪਾ ਆਗੂਆਂ ਦੇ ਕਹੇ ਮੁਤਾਬਕ ਐਕਸ਼ਨ ਦਾ ਰਿਐਕਸ਼ਨ ਜਰੂਰ ਹੁੰਦਾ ਹੈ।

ਸਿੱਖ ਮੁਦਿਆਂ ਦੇ ਹਲ ਲਈ ਦਿਲੀ ਚਲੋ:ਭਾਈ ਦਲਜੀਤ ਸਿੰਘ ਬਿਟੂ

ਬਰਨਾਲਾ, 22 ਅਗਸਤ (ਜਸਪਾਲ ਸਿੰਘ ਮੰਝਪੁਰ)-ਭਾਰਤ ਦੀ ਆਜ਼ਾਦੀ ਦੇ 61 ਵਰ੍ਹੇ ਬਾਦ ਵੀ ਸਿਖ ਹੋਂਦ-ਹਸਤੀ ਦੇ ਸਵਾਲ ਪੰਥ ਸਾਹਮਣੇ ਖੜੇ ਹਨ ਅਤੇ ਇਸ ਸਭ ਦੇ ਹਲ ਲਈ ਪਾਰਟੀ ਵਲੋਂ ਦਿਲੀ ਪਾਰਲੀਮੈਂਟ ਸਾਹਮਣੇ 20 ਜੁਲਾਈ ਤੋਂ ਭੁਖ ਹੜਤਾਲ ਚਲ ਰਹੀ ਹੈ ਜਿਸ ਵਿਚ ਸੌਦਾ ਸਾਧ ਦੀ ਗ੍ਰਿਫਤਾਰੀ, ਸੰਵਿਧਾਨ ਦੀ ਧਾਰਾ 25 (2) (ਬੀ) ਵਿਚ ਸੋਧ ਤੇ ਸਿੱਖ ਮੁਦਿਆਂ ਦੇ ਹਲ ਲਈ ਦਿਲੀ ਚਲੋ:ਭਾਈ ਦਲਜੀਤ ਸਿੰਘ ਬਿਟੂ ਰੈਫਰੈਂਸ ਲਾਇਬ੍ਰੇਰੀ ਦੀ ਵਾਪਸੀ ਦੇ ਤਿੰਨ ਪ੍ਰਮੁ¤ਖ ਮੁ¤ਦੇ ਸ਼ਾਮਲ ਕੀਤੇ ਗਏ ਹਨ ਤੇ ਇਹਨਾਂ ਦੀ ਕਾਮਯਾਬੀ ਤਕ ਇਹ ਮੋਰਚਾ ਚਲਦਾ ਰਹੇਗਾ। ਇਹਨਾਂ ਵਿਚਾਰਾਂ ਦਾ ਪਰਗਟਾਵਾ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ (ਪੰਚ ਪ੍ਰਧਾਨੀ) ਦੇ ਚੇਅਰਮੈਨ ਭਾਈ ਦਲਜੀਤ ਸਿੰਘ ਬਿਟੂ ਨੇ ਅਜ ਇਥ ਪ੍ਰੈਸ ਸੰਬੋਧਨ ਕਰਦਿਆਂ ਕੀਤਾ। ਉਹ ਅਜ ਜ਼ਮੀਨੀ ਵਿਵਾਦ ਵਿਚ ਦੇਸ਼ ਧ੍ਰੋਹ ਦੇ ਕੇਸ ਵਿਚ ਬਰਨਾਲਾ ਕੋਰਟ ਵਿਚ ਤਰੀਕ ਭੁਗਤਣ ਆਏ ਸਨ। ਉਹਨਾਂ ਦੀ ਅਗਲੀ ਤਰੀਕ 19 ਸਤੰਬਰ ਪਈ ਹੈ। ਇਸ ਮੌਕੇ ਉਹਨਾਂ ਦਸਿਆ ਕਿ ਦਿਲੀ ਵਿਚ ਸਿਖ ਮੁਦਿਆਂ ਨੂੰ ਲੈ ਕੇ ਚਲ ਰਹੀ ਭੁਖ ਹੜਤਾਲ ਨੂੰ ਦਲਿਤ, ਘਟਗਿਣਤੀਆਂ ਤੇ ਸੰਘਰਸ਼ਸ਼ੀਲ ਧਿਰਾਂ ਵਲੋਂ ਭਰਵਾਂ ਸਹਿਯੋਗ ਮਿਲ ਰਿਹਾ ਹੈ ਜਿਸ ਵਿਚ ਬਲੀਆਂ ਤੋਂ ਮੈਂਬਰ ਪਾਰਲੀਆਮੈਂਟ ਤੇ ਸਾਬਕਾ ਪ੍ਰਧਾਨ ਮੰਤਰੀ ਸਵਰਗਵਾਸੀ ਸ੍ਰੀ ਚੰਦਰ ਸ਼ੇਖਰ ਦੇ ਸਪੁਤਰ ਸ਼ੀ ਨੀਰਜ਼ ਸ਼ੇਖਰ, ਬਾਬਾ ਸਾਹਿਬ ਅੰਬੇਦਕਰ ਦੀ ਪਾਰਟੀ ਰਿਪਬਲਿਕ ਪਾਰਟੀ ਆਫ ਇੰਡੀਆ ਦੇ ਪ੍ਰਧਾਨ ਸ੍ਰੀ ਰਾਮਦਾਸ ਅਥਲਵੇ, ਤ੍ਰਿਣਮੂਲ ਕਾਂਗਰਸ ਦੀ ਪ੍ਰਧਾਨ ਕੁਮਾਰੀ ਮਮਤਾ ਬੈਨਰਜੀ, ਰਾਸ਼ਟਰਵਾਦੀ ਕਾਂਗਰਸ ਦੇ ਕੌਮੀ ਜਨਰਲ ਸਕ¤ਤਰ ਸ੍ਰੀ ਬੀ.ਪੀ ਤ੍ਰਿਪਾਠੀ, ਬਹੁਜਨ ਸ਼ਕਤੀ ਪਾਰਟੀ ਦੇ ਰੇਸ਼ਮ ਸਿੰਘ, ਸ. ਸੂਖਦੇਵ ਸਿੰਘ ਲਿਬੜਾ ਐ¤ਮ.ਪੀ ਤੇ ਸ੍ਰੀ ਏ ਆਰ ਜਿਲਾਨੀ ਪ੍ਰਮੁਖ ਹਨ ।
ਆਪਣੀ ਬਰਨਾਲਾ ਫੇਰੀ ਦੌਰਾਨ ਉਹ ਸੌਦਾ ਸਾਧ ਵਿਵਾਦ ਵਿਚ ਸਰਗਰਮ ਬਾਬਾ ਬੂਟਾ ਸਿੰਘ ਗੁਰਥੜੀ, ਬਲਜੀਤ ਸਿੰਘ ਕੈਰੋਂ ਨੂੰ ਵੀ ਮਿਲੇ। ਉਪਰੰਤ ਉਹ ਟਕਸਾਲੀ ਅਕਾਲੀ ਭਾਈ ਦਰਸ਼ਨ ਸਿੰਘ ਨਾਈਵਾਲਾ ਦੇ ਪਰਿਵਾਰ ਨਾਲ ਦੁ¤ਖ ਸਾਂਝਾਂ ਕਰਨ ਵੀ ਗਏ।ਇਸ ਮੌਕੇ ਉਨਾਂ ਨੇ 28 ਅਗਸਤ ਨੂੰ ਭਾਈ ਦਰਸ਼ਨ ਸਿੰਘ ਦੇ ਭੋਗ ਮੌਕੇ ਸਿਖ ਸੰਗਤਾਂ ਨੂੰ ਵਧ-ਚੜ੍ਹ ਕੇ ਸ਼ਾਮਲ ਹੋਣ ਦੀ ਅਪੀਲ ਵੀ ਕੀਤੀ। ਇਸ ਦੌਰਾਨ ਭਾਈ ਦਲਜੀਤ ਸਿੰਘ ਸਾਥੀਆਂ ਸਮੇਤ ਜੂਨ ਵਿਚ ਜੰਮੂ ਦੀ ਅੰਫੁਲਾ ਜੇਲ੍ਹ ਵਿਚ ਬੰਦ ਮਲਕੀਤ ਸਿੰਘ ਭੋਤਨਾ,ਹਰਬੰਸ ਸਿੰਘ ਤੇ ਸੁਰਜੀਤ ਸਿੰਘ ਦੇ ਪਰਿਵਾਰਾਂ ਨੂੰ ਮਿਲਣ ਲਈ ਵੀ ਗਏ ਅਤੇ ਉਹਨਾਂ ਵਿਸ਼ਵਾਸ਼ ਦਵਾਇਆ ਕਿ ਪਾਰਟੀ ਦੇ ਲੀਗਲ ਸੈ¤ਲ ਵਲੋਂ ਉਨਾਂ ਨੌਜਵਾਨਾਂ ਦੀ ਹਰ ਕਾਨੂੰਨੀ ਮਦਦ ਕੀਤੀ ਜਾਵੇਗੀ।
ਇਸ ਮੌਕੇ ਉਹਨਾਂ ਨਾਲ ਗਿਆਨੀ ਜਰਨੈਲ ਸਿੰਘ ਮਹਿਲ ਖੁਰਦ, ਨਛਤਰ ਸਿੰਘ ਠੀਕਰੀਵਾਲ, ਬਲਦੇਵ ਸਿੰਘ ਕਾਲੇਕੇ, ਕਰਤਾਰ ਸਿੰਘ ਠੁਲੇਵਾਲ, ਗੁਰਜੀਤ ਸਿੰਘ ਸੰਘੇੜਾ, ਚਮਕੌਰ ਸਿੰਘ ਜੋਧਪੁਰ, ਜਸਬੀਰ ਸਿੰਘ ਡਾਂਗੋ, ਮਹਿੰਦਰਪਾਲ ਸਿੰਘ ਦਾਨਗੜ, ਜਗਤਾਰ ਸਿੰਘ ਜੰਗੀਆਣਾ, ਓਕਾਰ ਸਿੰਘ ਭਦੌੜ, ਭੋਲਾ ਸਿੰਘ ਸੰਘੇੜਾ, ਅਵਤਾਰ ਸਿੰਘ ਕਟੂ, ਅਛਰਾ ਸਿੰਘ ਹਮੀਦੀ, ਪਲਵਿੰਦਰ ਸਿੰਘ ਸ਼ੁਤਰਾਣਾ, ਬਾਬਾ ਬਲਬੀਰ ਸਿੰਘ ਮੌਲਵੀਵਾਲਾ ਤੇ ਰਣਬੀਰ ਸਿੰਘ ਗੋਹ ਅਦਿ ਵੀ ਹਾਜ਼ਰ ਸਨ।

ਪ੍ਰਮਾਣੂ ਕਰਾਰ: ਐਨ.ਐਸ.ਜੀ. ਦੀ ਮੀਟਿੰਗ ਬੇਸਿੱਟਾ ਖਤਮ

ਵਿਆਨਾ, 22 ਅਗਸਤ 2008 - ਭਾਰਤ ਨੂੰ ਪ੍ਰਮਾਣੂ ਵਪਾਰ ਵਿਚ ਛੁਟ ਦੇਣ ਨੂੰ ਲੈ ਕੇ ਵਿਆਨਾ ਵਿਚ ਪ੍ਰਮਾਣੂ ਸਪਲਾਇਰ ਗਰੁੱਪ (ਐਨ.ਐਸ.ਜੀ.) ਦੇ ਮੈਂਬਰ ਦੇਸ਼ਾਂ ਦੇ ਪ੍ਰਤੀਨਿਧੀਆਂ ਦੀ ਸ਼ੁੱਕਰਵਾਰ ਨੂੰ ਹੋਈ ਮੀਟਿੰਗ ਬੇਸਿੱਟਾ ਖਤਮ ਹੋ ਗਈ। ਸੂਤਰਾਂ ਦੇ ਅਨੁਸਾਰ ਇਸ ਸਬੰਧ ਵਿਚ ਹੁਣ ਅਗਲੀ ਮੀਟਿੰਗ 4-5 ਸਤੰਬਰ ਨੂੰ ਸ਼ੁਰੂ ਹੋਵੇਗੀ, ਜਿਸ ਵਿਚ ਅਮਰੀਕਾ ਨਵਾਂ ਡਰਾਫਟ ਮੁੜ ਤੋਂ ਪੇਸ਼ ਕੀਤਾ ਜਾਵੇਗਾ। ਮੀਟਿੰਗ ਤੋਂ ਬਾਅਦ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਅਮਰੀਕੀ ਪ੍ਰਤੀਨਿਧੀ ਮੰਡਲ ਦੀ ਅਗਵਾਈ ਕਰ ਰਹੇ ਜਾਨ ਰੂਡ ਨੇ ਕਿਹਾ ਕਿ ਅੱਜ ਦੀ ਮੀਟਿੰਗ ਉਸਾਰੂ ਮਹੌਲ ਵਿਚ ਹੋਈ। ਹਾਲਾਂਕਿ ਕੁਝ ਮੈਂਬਰਾਂ ਨੇ ਇਸ ਮਾਮਲੇ ‘ਤੇ ਸਵਾਲ ਖੜੇ ਕੀਤੇ ਪਰ ਸਾਨੂੰ ਕੋਈ ਖਾਸ ਦਿੱਕਤ ਨਹੀਂ ਹੈ। ਉਨ੍ਹਾਂ ਨੇ ਵਿਸ਼ਵਾਸ ਵਿਅਕਤ ਕੀਤਾ ਕਿ ਇਸ ਮਾਮਲੇ ਵਿਚ ਜ਼ਰੂਰ ਉੱਨਤੀ ਹੋਵਗੀ ਅਤੇ ਇਸ ਵਿਚ ਸਫਲਤਾ ਹੱਥ ਲੱਗੇਗੀ। ਇਸ ਤੋਂ ਪਹਿਲਾਂ ਮੀਟਿੰਗ ਵਿਚ ਹਿੱਸਾ ਲੈਣ ਵਾਲੇ ਇਕ ਸਿਆਸੀ ਆਗੂ ਨੇ ਉਮੀਦ ਪ੍ਰਗਟ ਕੀਤੀ ਸੀ ਕਿ ਐਨ.ਐਸ.ਜੀ. ਦੀ ਇਕ ਹੋਰ ਮੀਟਿੰਗ ਸਤੰਬਰ ਵਿਚ ਹੋ ਸਕਦੀ ਹੈ। ਸਿਆਸੀ ਆਗੂ ਦੇ ਅਨੁਸਾਰ ਐਨ.ਐਸ.ਜੀ. ਦੀ ਅੱਜ ਦੀ ਮੀਟਿੰਗ ਕਿਸੇ ਵੀ ਨਤੀਜੇ ‘ਤੇ ਨਹੀਂ ਪਹੁੰਚੀ ਅਤੇ ਅਗਲੀ ਮੀਟਿੰਗ ਚਾਰ ਅਤੇ ਪੰਜ ਸਤੰਬਰ ਨੂੰ ਹੋਣ ਦੀ ਸੰਭਾਵਨਾ ਹੈ।

ਪੰਥ ਵਿਚ ਵੰਡੀਆਂ ਲਈ ਬਾਦਲ ਦੀਆਂ ਆਰ.ਐਸ.ਐਸ-ਭਾਜਪਾ ਅਧੀਨ ਬਣਾਈਆਂ ਨੀਤੀਆਂ ਜਿੰਮੇਵਾਰ: ਹਰਿੰਦਰ ਸਿੰਘ ਨਾਰਵੇ

ਲੁਧਿਆਣਾ, 22 ਅਗਸਤ (ਜਸਪਾਲ ਸਿੰਘ ਮੰਝਪੁਰ)-ਹਰਿਆਣਾ ਵਿਚ ਜੋ ਵ¤ਖਰੀ ਕਮੇਟੀ ਦੀ ਆਵਾਜ਼ ਉ¤ਠ ਰਹੀ ਹੈ ਉਸ ਲਈ ਕੇਵਲ ਬਾਦਲ ਤੇ ਉਸ ਦੀਆਂ ਸਵਾਰਥੀ ਨੀਤੀਆਂ ਜਿੰਮੇਵਾਰ ਹਨ ਜੋ ਕਿ ਆਰ.ਐਸ. ਐਸ-ਭਾਜਪਾ ਦੇ ਅਧੀਨ ਹੋ ਕੇ ਬਣਾਈਆਂ ਗਈਆਂ ਹਨ। ਇਹਨਾਂ ਗਲਤ ਨੀਤੀਆਂ ਕਾਰਨ ਹੀ ਪੰਥ ਵਿਚ ਵੰਡੀਆਂ ਪੈ ਰਹੀਆਂ ਹਨ ਅਤੇ ਹਰਿਆਣਾ ਦੀ ਵਖਰੀ ਗੁਰਦੁਆਰਾ ਕਮੇਟੀ ਬਣਾਉਂਣ ਲਈ ਆਵਾਜ਼ ਉਠ ਰਹੀ ਹੈ ਜੋ ਕਿ ਸਿਧਾਂਤਕ ਤੌਰ ਤੇ ਭਾਵੇਂ ਠੀਕ ਨਹੀਂ ਹੈ ਪਰ ਸ਼੍ਰੋਮਣੀ ਕਮੇਟੀ ਦਾ ਹਰਿਆਣੇ ਦੇ ਸਿਖਾਂ ਪ੍ਰਤੀ ਅਵੇਸਲਾਪਣ ਅਤੇ ਪੰਜਾਬ ਤੇ ਹਰਿਆਣੇ ਦੇ ਗੁਰਦੁਆਰਿਆਂ ਨੂੰ ਇਕ ਪਰਿਵਾਰ ਦੇ ਅਧੀਨ ਕਰਨਾ , ਇਸ ਪਿਛੇ ਮੁਢਲਾ ਕਾਰਨ ਹੈ। ਇਹਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਦੇ ਕੌਮੀ ਪੰਚ ਤੇ ਸਾਬਕਾ ਸਕ¤ਤਰ ਸ਼੍ਰੋਮਣੀ ਕਮੇਟੀ ਸ.ਹਰਿੰਦਰ ਸਿੰਘ ਖਾਲਸਾ (ਨਾਰਵੇ) ਨੇ ਕੀਤਾ। ਆਗੂ ਨੇ ਕਿਹਾ ਕਿ ਸਿ¤ਖ ਸੰਗਤਾਂ ਦਾ ਸ਼੍ਰੋਮਣੀ ਕਮੇਟੀ ਦੇ ਅਜੋਕੇ ਪ੍ਰਬੰਧ ਤੋਂ ਮਨ ਅ¤ਕਦਾ ਜਾ ਰਿਹਾ ਹੈ ਅਤੇ ਸ਼੍ਰੋਮਣੀ ਕਮੇਟੀ ਸਿਖਾਂ ਦੀਆਂ ਭਾਵਨਾਵਾਂ ਦੀ ਸਹੀ ਤਰਜ਼ਮਾਨੀ ਨਹੀਂ ਕਰ ਰਹੀ ਸਗੋਂ ਸਭ ਕੁਝ ਇਕ ਪਰਿਵਾਰ ਦੇ ਅਧੀਨ ਕੀਤਾ ਜਾ ਰਿਹਾ ਹੈ ਜਿਸ ਕਾਰਨ ਸਿਖਾਂ ਵਿਚ ਸ਼੍ਰੋਮਣੀ ਕਮੇਟੀ ਪ੍ਰਤੀ ਬਗਾਵਤ ਉਠਣੀ ਸੁਭਾਵਕ ਹੈ।
ਉਹਨਾਂ ਕਿਹਾ ਕਿ ਸਮੇਂ ਦੀ ਲੋੜ ਤਾਂ ਸੀ ਕਿ ਪਹਿਲਾਂ ਭਾਰਤ ਵਿਚ ਵਸਦੇ ਸਿਖ ਇਕ ਪ੍ਰਬੰਧ ਅਧੀਨ ਆਉਂਦੇ ਤੇ ਹੌਲੀ-ਹੌਲੀ ਸਮੁ¤ਚੀ ਦੁਨੀਆਂ ਵਿਚ ਵਸਦਾ ਸਿ¤ਖ ਪੰਥ ਅਕਾਲ ਤਖ਼ਤ ਦੀ ਛਤਰ ਛਾਇਆ ਹੇਠ ਆਉਂਦਾ ਪਰ ਦਿ¤ਲੀ ਤਖ਼ਤ ਨੇ ਕਦੇ ਵੀ ਐਸਾ ਨਹੀਂ ਹੋਣ ਦਿ¤ਤਾ ਤੇ ਕਦੇ ਕਾਂਗਰਸ ਰਾਹੀਂ ਤੇ ਕਦੇ ਆਰ.ਐ¤ਸ.ਐ¤ਸ-ਭਾਜਪਾ ਰਾਹੀ ਸਿ¤ਖਾਂ ਦੇ ਮਸਲਿਆਂ ਨੂੰ ਹੋਰ ਤੋਂ ਹੋਰ ਉਲਝਾਇਆ ਹੈ।
ਉਹਨਾਂ ਕਿਹਾ ਕਿ ਸ਼੍ਰੋਮਣੀ ਕਮੇਟੀ ਵਿਚ ਫੈਲਿਆ ਭ੍ਰਿਸ਼ਟਾਚਾਰ ਆਪਣੀ ਚਰਮ ਸੀਮਾ ਤ¤ਕ ਪਹੁੰਚ ਚੁ¤ਕਾ ਹੈ ਅਤੇ ਗੁਰਦੁਆਰਿਆਂ ਦੀਆਂ ਜਾਇਦਾਦਾਂ ਨੂੰ ਪ੍ਰਾਈਵੇਟ ਟਰ¤ਸਟ ਬਣਾ ਕੇ ਆਪਣੇ ਚਹੇਤਿਆਂ ਨੂੰ ਉਸ ਵਿਚ ਪ¤ਕੀਆਂ ਮੈਂਬਰੀਆਂ ਦਿ¤ਤੀਆਂ ਜਾ ਰਹੀਆਂ ਹਨ ਅਤੇ ਆਮ ਤੌਰ ਤੇ ਸਾਰੇ ਤੇ ਖਾਸ ਤੌਰ ਤੇ ਹਰਿਆਣੇ ਦੇ ਗੁਰੁ-ਘਰਾਂ ਦਾ ਚੜਾਵਾ ਸਿਆਸੀ ਕਾਨਫਰੰਸਾਂ ਤੇ ਸਿਆਸੀ ਹਿ¤ਤਾਂ ਦੀ ਪੂਰਤੀ ਲਈ ਵਰਤਿਆ ਜਾ ਰਿਹਾ ਹੈ ਅਤੇ ਹਰਿਆਣੇ ਦੇ ਸਿਖਾਂ ਨੂੰ ਅਛੂਤ ਸਮਝ ਕੇ ਉਹਨਾਂ ਦੇ ਵਿਕਾਸ ਲਈ ਕੋਈ ਪ੍ਰੋਗਰਾਮ ਨਹੀਂ ਉਲੀਕਿਆ ਜਾਂਦਾ।
ਸ. ਨਾਰਵੇ ਨੇ ਕਿਹਾ ਕਿ ਸ਼੍ਰੋਮਣੀ ਕਮੇਟੀ ਜੇ ਸਹੀ ਰੂਪ ਵਿਚ ਮਨੋਂ ਇਹ ਚਾਹੁੰਦੀ ਹੈ ਕਿ ਹਰਿਆਣੇ ਦੀ ਵ¤ਖਰੀ ਕਮੇਟੀ ਨਾ ਬਣੇ ਤਾਂ ਉਸਨੂੰ ਬਾਦਲ ਦਲ ਦੀਆਂ ਸਿਆਸੀ ਲੀਹਾਂ ਤੇ ਚਲ ਕੇ ਕੀਤੀ ਜਾ ਰਹੀ ਫੋਕੀ ਬਿਆਨਬਾਜ਼ੀ ਛਡ ਕੇ ਕੁਝ ਕਦਮ ਸਹਿਰਦਤਾ ਨਾਲ ਪੁਟਣੇ ਚਾਹੀਦੇ ਹਨ ਜਿਹਨਾਂ ਵਿਚ ਹਰਿਆਣੇ ਦੇ ਗੁਰੂ ਘਰਾਂ ਦਾ ਚੜਾਵਾ ਹਰਿਆਣੇ ਦੇ ਸਿਖਾਂ ਦੇ ਵਿਕਾਸ ਤੇ ਖਰਚਣਾ, ਹਰਿਆਣੇ ਤੋਂ ਸ਼੍ਰੋਮਣੀ ਕਮੇਟੀ ਮੈਂਬਰਾਂ ਦੀ ਗਿਣਤੀ ਵਧਾਉਂਣੀ, ਹਰਿਆਣੇ ਦੇ ਗੁਰਦੁਆਰਿਆਂ ਵਿਚ ਪ੍ਰਬੰਧ ਲਈ ਹਰਿਆਣੇ ਵਿਚ ਵਸਨੀਕ ਸਿ¤ਖਾਂ ਨੂੰ ਨਿਯੁਕਤ ਕਰਨਾ,ਪਾਕਿਸਤਾਨ ਜਾਂਦੇ ਜਥਿਆਂ ਵਿਚ ਹਰਿਆਣੇ ਦੇ ਸਿਖਾਂ ਨੂੰ ਬਣਦੀ ਨੁੰਮਾਇਦਗੀ ਦੇਣੀ, ਹਰਿਆਣੇ ਦੇ ਮੈਂਬਰਾਂ ਦੀ ਸਹਿਮਤੀ ਤੋਂ ਬਿਨਾਂ ਹਰਿਆਣੇ ਲਈ ਕੋਈ ਫੈਸਲਾ ਨਾ ਕਰਨਾ ਆਦਿ ਸ਼ਾਮਲ ਹੈ। ਮੁਕਦੀ ਗਲ ਕਿ ਸਮੁ¤ਚੇ ਪ੍ਰਬੰਧ ਦਾ ਵਿਕੇਂਦਰੀ ਕਰਨ ਕੀਤਾ ਜਾਣਾ ਚਾਹੀਦਾ ਹੈ, ਜਿਹਾ ਕਿ ਅਕਾਲੀ ਸਦਾ ਤੋਂ ਹੀ ਭਾਰਤ ਸਰਕਾਰ ਤੋਂ ਖੁਦਮੁਖਤਿਆਰੀ ਦੀ ਮੰਗ ਕਰਦੇ ਰਹੇ ਹਨ ਤਾਂ ਉਸ ਤਰ੍ਹਾਂ ਦਾ ਪ੍ਰਬੰਧ ਸਾਨੂੰ ਪਹਿਲਾਂ ਆਪ ਦੇਣਾ ਪਵੇਗਾ।
ਖਾਲਸਾ ਜੀ ਨੇ ਕਿਹਾ ਕਿ ਜੇ ਸ਼੍ਰੋਮਣੀ ਕਮੇਟੀ ਨੇ ਉਕਤ ਸੁਹਿਰਦ ਕਦਮ ਨਾ ਚੁਕੇ ਤਾਂ ਸ਼੍ਰੋਮਣੀ ਕਮੇਟੀ ਤੋਂ ਟੁਟ ਕੇ ਵਖਰੀ ਕਮੇਟੀ ਬਣਨ ਤੋਂ ਕੋਈ ਨਹੀਂ ਰੋਕ ਸਕਦਾ ਤੇ ਇਸ ਕਾਰਨ ਉਪਜੀ ਸਥਿਤੀ ਤੋਂ ਆਰ. ਐਸ. ਐਸ-ਭਾਜਪਾ ਅਤੇ ਕਾਂਗਰਸ ਦੋਹਾਂ ਨੇ ਆਪਣੀਆਂ ਇਕੋ ਜਿਹੀਆਂ ਨੀਤੀਆਂ ਤਹਿਤ ਸਿ¤ਖਾਂ ਵਿਚ ਵੰਡੀਆਂ ਪਾਉਂਣ ਦੀ ਚਾਲ ਵਿਚ ਸਫਲ ਹੋ ਜਾਣਾ ਹੈ ਅਤੇ ਸਿਖਾਂ ਨੂੰ ਨਮੋਸ਼ੀ ਤੋਂ ਇਲਾਵਾ ਕੁਝ ਪਲੇ ਨਹੀਂ ਪੈਣਾ।

ਸ਼੍ਰੋਮਣੀ ਅਕਾਲੀ ਦਲ ਪੰਚ ਪ੍ਰਧਾਨੀ ਦਾ ਧਰਨਾ 34ਵੇਂ ਦਿਨ ਵਿਚ ਦਾਖ਼ਲ

ਪੰਥਕ ਮੰਗਾਂ ਨੂੰ ਲੈ ਕੇ ਨਵੀਂ ਦਿੱਲੀ ਦੇ ਜੰਤਰ ਮੰਤਰ ਵਿਖੇ ਭੁੱਖ ਹੜਤਾਲ ਦੇ ਧਰਨੇ 'ਤੇ ਬੈਠੇ ਸ਼੍ਰੋਮਣੀ ਅਕਾਲੀ ਦਲ ਪੰਚ ਪ੍ਰਧਾਨੀ ਦੇ ਆਗੂ

ਨਵੀਂ ਦਿੱਲੀ 21 ਜੁਲਾਈ (ਪਰਦੀਪ ਸਿੰਘ ਖਾਲਸਾ) ਸੌਦਾ ਸਾਧ ਦੀ ਗ੍ਰਿਫ਼ਤਾਰੀ, ਸਿੱਖਾਂ ਨੂੰ ਹਿੰਦੂ ਦਰਸਾਉਂਦੀ ਧਾਰਾ 25 (ਬੀ) (2) ਵਿਚ ਸੋਧ ਅਤੇ ਭਾਰਤੀ ਫ਼ੌਜ ਵਲੋਂ ਲੁੱਟੇ ਗਏ ਸਿੱਖ ਰੈਫ਼ਰੈਂਸ ਲਾਇਬ੍ਰੇਰੀ ਦੇ ਖਜ਼ਾਨੇ ਦੀ ਵਾਪਸੀ ਲਈ ਸ਼੍ਰੋਮਣੀ ਅਕਾਲੀ ਦਲ ਪੰਚ ਪ੍ਰਧਾਨੀ ਵਲੋਂ ਨਵੀਂ ਦਿੱਲੀ ਦੇ ਜੰਤਰ ਮੰਤਰ ਵਿਖੇ ਲਗਾਇਆ ਗਿਆ ਭੁੱਖ ਹੜਤਾਲ ਦਾ ਧਰਨਾ ਅੱਜ 34ਵੇਂ ਦਿਨ ਵਿਚ ਦਾਖਲ ਹੋ ਗਿਆ। ਅੱਜ ਦਲ ਦੇ ਜਨਰਲ ਸਕੱਤਰ ਭਾਈ ਅਮਰੀਕ ਸਿੰਘ ਈਸੜੂ ਦੀ ਅਗਵਾਈ ਵਿਚ 17ਵਾਂ ਜਥਾ ਇਸ ਧਰਨੇ ‘ਤੇ ਬੈਠਿਆ ਜਿਸ ਵਿਚ ਸੁਜਾਨ ਸਿਘ ਬਲਦੇਵ ਸਿੰਘ, ਬਲਦੀਪ ਸਿੰਘ ਅਤੇ ਹਾਕਮ ਸਿੰਘ ਅਦਿ ਸਿੰਘ ਸ਼ਾਮਿਲ ਹੋਏ। ਇਸ ਸਮੇਂ ਦਲ ਦੇ ਕੌਮੀ ਪੰਚ ਭਾਈ ਹਰਪਾਲ ਸਿੰਘ ਚੀਮਾ, ਜਥੇਬੰਦਕ ਸਕੱਤਰ ਸੁਰਿੰਦਰ ਸਿੰਘ ਕਿਸ਼ਨਪੁਰਾ ਅਤੇ ਯੂਥ ਵਿੰਗ ਦੇ ਆਗੂ ਭਾਈ ਮਨਧੀਰ ਸਿੰਘ ਨੇ ਕਿਹਾ ਕਿ ਉਪ੍ਰੋਕਤ ਮੰਗਾਂ ਦੀ ਪੂਰਤੀ ਤੱਕ ਸਿੱਖਾਂ ਦਾ ਸੰਘਰਸ ਜਾਰੀ ਰਹੇਗਾ। ਉਨ੍ਹਾਂ ਕਿਹਾ ਕਿ ਸੌਦਾ ਸਾਧ ਵਰਗੇ ਕਿਸੇ ਵੀ ਢੌਗੀ ਨੂੰ ਸਿੱਖ ਪੰਜਾਬ ਦੀ ਪਵਿੱਤਰ ਆਵੋ-ਹਵਾ ਨੂੰ ਪਲੀਤ ਕਰਨ ਦੀ ਇਜ਼ਾਜਤ ਨਹੀਂ ਦੇਣਗੇ ਅਤੇ ਇਨਾਂ ਅਪਰਾਧੀਆਂ ਨੂੰ ਜੇਲ੍ਹਾਂ ਦੀਆਂ ਸਲਾਖਾਂ ਪਿੱਛੇ ਪਹੁੰਚਾ ਕੇ ਹਟਣਗੇ। ਉਕਤ ਆਗੂਆਂ ਨੇ ਕਿਹਾ ਕਿ ਇਨ੍ਹਾਂ ਅਪਰਾਧੀ ਸਾਧਾਂ ਤੇ ਸਿਆਸਤ ਦਾ ਗੱਠਜੋੜ ਪੰਥ ਤੇ ਪੰਜਾਬ ਲਈ ਹਰ ਪੱਖੋਂ ਘਤਕ ਹੈ। ਇਨ੍ਹਾਂ ਪਾਖੰਡੀਆਂ ਤੋਂ ਲੋਕਾਂ ਦੀਆ ਇਜਤ ਆਬਰੂ ਤੇ ਸੰਪਤੀ ਦੋਨਾਂ ਨੂੰ ਹੀ ਖ਼ਤਰਾ ਬਣਿਆ ਹੋਇਆ ਹੈ ਅਤੇ ਇਨ੍ਹਾਂ ਲੋਕਾਂ ਦੇ ਡੇਰੇ ਕੋਈ ਧਾਰਮਿਕ ਕੇਂਦਰ ਨਹੀਂ ਸਗੋਂ ਅਪਰਾਧਾਂ ਦੇ ਅੱਡੇ ਬਣ ਚੁੱਕੇ ਹਨ ਜਦ ਕਿ ਸਰਕਾਰਾਂ ਇਸ ਮਾਫ਼ੀਏ ਦਾ ਸਾਥ ਦੇ ਕੇ ਇਨ੍ਹਾਂ ਨੂੰ ਜ਼ੁਰਮ ਕਰਨ ਲਈ ਹੋਰ ਉਤਸ਼ਾਹਿਤ ਕਰ ਰਹੀਆਂ ਹਨ ਜਦ ਕਿ ਚਾਹੀਦਾ ਤਾਂ ਇਹ ਹੈ ਕਿ ਸਰਕਾਰਾਂ ਇਨ੍ਹਾਂ ਕਥਿਤ ਡੇਰਿਆਂ ਨੂੰ ਖਾਲੀ ਕਰਵਾ ਕੇ ਇਨ੍ਹਾਂ ਦੀ ਥਾਂ ਸਕੂਲ ਕਾਲਜ ਜਾਂ ਹਸਪਤਾਲ ਖ੍ਹੋਲਣ। ਧਾਰਾ 25 (ਬੀ) (2) ਵਿਚ ਸੋਧ ਦੀ ਮੰਗ ਕਰਦਿਆਂ ਉਨ੍ਹਾਂ ਕਿਹਾ ਕਿ ਸਿੱਖ ਕਿਸੇ ਵੀ ਹਾਲਤ ਵਿਚ ਅਪਣੇ ਆਪ ਨੂੰ ਹਿੰਦੂ ਨਹੀਂ ਅਖਵਾ ਸਕਦੇ ਕਿਉਂਕਿ ਗੁਰੁ ਸਾਹਿਬਾਨ ਨੇ ਖੁਦ ਉਨ੍ਹਾਂ ਲਈ ਹਿੰਦੂ ਧਰਮ ਤੋਂ ਵੱਖਰੀ, ਨਿਆਰੀ ਤੇ ਫ਼ਖਰਯੋਗ ਜੀਵਨ ਜਾਂਚ ਸੌਂਪੀ ਹੈ ਤੇ ਇਸ ਧਾਰਾ ਰਾਹੀਂ ਸਾਨੂੰ ਜਬਰਦਸਤੀ ਹਿੰਦੂ ਅਖਵਾਉਣ ਲਈ ਮਜ਼ਬੂਰ ਕੀਤਾ ਜਾ ਰਿਹਾ ਹੈ।

ਹੜ੍ਹਾਂ ਕਾਰਨ 530 ਕਰੋੜ ਰੁਪਏ ਦਾ ਨੁਕਸਾਨ, 500 ਪਿੰਡ ਪ੍ਰਭਾਵਿਤ

ਚੰਡੀਗੜ੍ਹ, 21 ਅਗਸਤ (ਦਵਿੰਦਰ ਸਿੰਘ ਕੋਹਲੀ/ਕਮਲਾ ਸ਼ਰਮਾ) : ਪੰਜਾਬ ਦੇ ਮੁੱਖ ਮੰਤਰੀ ਸ੍ਰ. ਪ੍ਰਕਾਸ਼ ਸਿੰਘ ਬਾਦਲ ਨੇ ਕਿਹਾ ਕਿ ਪੰਜਾਬ ਦੇ 500 ਦੇ ਕਰੀਬ ਪਿੰਡਾਂ ਵਿਚ ਆਏ ਹੜ੍ਹਾਂ ਕਾਰਨ 530.44 ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਹੈ। ਇਹ ਨੁਕਸਾਨ ਇਕੱਲਾ ਝੋਨਾ ਜਾਂ ਹੋਰ ਫਸਲਾਂ ਦਾ ਨਹੀਂ ਬਲਕਿ ਇਸ ਵਿਚ ਸਮੁੱਚੇ ਢਾਂਚੇ ਦਾ ਨੁਸਕਾਨ ਵੀ ਸ਼ਾਮਲ ਹੈ। ਇਹ ਗੱਲ ਉਨ੍ਹਾਂ ਅੱਜ ਇਕ ਪ੍ਰੈਸ ਕਾਨਫਰੰਸ ਦੌਰਾਨ ਕਹੀ। ਉਨ੍ਹਾਂ ਅੱਗੇ ਕਿਹਾ ਕਿ ਉਹ ਇਸ ਸਬੰਧੀ ਕੇਂਦਰੀ ਗ੍ਰਹਿ ਮੰਤਰੀ ਅਤੇ ਖੇਤੀਬਾੜੀ ਮੰਤਰੀ ਨੂੰ ਮਿਲਣ ਜਾ ਰਹੇ ਹਨ ਤਾਂ ਕਿ ਲੋਕਾਂ ਦੀਆਂ ਮੁਸ਼ਕਿਲਾਂ ਅਤੇ ਮੁਆਵਜ਼ੇ ਸਬੰਧੀ ਗੱਲਬਾਤ ਕੀਤੀ ਜਾ ਸਕੇ। ਕੇਂਦਰ ਸਰਕਾਰ ਪ੍ਰਤੀ ਏਕੜ ਪਹਿਲਾਂ 2 ਹਜ਼ਾਰ ਰੁਪਏ ਦਿੰਦੀ ਸੀ ਪਰ ਰਾਜ ਸਰਕਾਰ ਆਪਣੇ ਤੌਰ 'ਤੇ ਕਿਸਾਨਾਂ ਨੂੰ ਮੁਆਵਜ਼ੇ ਲਈ 3 ਹਜ਼ਾਰ ਰੁਪਏ ਪ੍ਰਤੀ ਏਕੜ ਹੋਰ ਦਿੰਦੀ ਹੈ। ਉਨ੍ਹਾਂ ਕੇਂਦਰ ਸਰਾਕਰ ਤੋਂ ਮੰਗ ਕੀਤੀ ਕਿ ਕਿਸਾਨਾਂ ਨੂੰ 15 ਹਜ਼ਾਰ ਰੁਪਏ ਪ੍ਰਤੀ ਏਕੜ ਮੁਆਵਾਜ਼ਾ ਦੇਣ ਦੀ ਉਹ ਮੰਗ ਕਰਨਗੇ, ਕਿਉਂਕਿ ਜੀਰੀ ਦੀ ਫਸਲ ਤਾਂ ਕਰੀਬ ਪੱਕ ਚੁੱਕੀ ਸੀ ਤੇ ਉਹ ਕਟਾਈ ਦੇ ਨੇੜੇ ਪਹੁੰਚ ਗਈ ਸੀ। ਕਿਸਾਨਾਂ ਦਾ ਫਸਲ 'ਤੇ ਕੋਈ ਖਰਚ ਨਹੀਂ ਆਉਂਣਾ ਸੀ, ਇਹੀ ਕਾਰਨ ਹੈ ਉਹ ਕੇਂਦਰ ਤੋਂ ਮੰਗ ਕਰਨਗੇ ਕਿ ਕਿਸਾਨਾਂ ਨੂੰ ਉਨ੍ਹਾਂ ਦੀਆਂ ਫਸਲਾਂ ਦੇ ਹੋਏ ਨੁਕਸਾਨ ਦਾ ਯੋਗ ਮੁਆਵਜ਼ਾ ਮਿਲੇ। ਪੰਜਾਬ ਵਿਚ ਇਸ ਸਮੇਂ ਦੌਰਾਨ 75 ਹਜ਼ਾਰ ਤੋਂ 80 ਹਜ਼ਾਰ ਏਕੜ ਖੇਤੀਬਾੜੀ ਏਰੀਆ ਪ੍ਰਭਾਵਿਤ ਹੋਇਆ ਹੈ ਤੇ 22 ਦੇ ਕਰੀਬ ਮੌਤਾਂ ਹੋਈਆਂ ਹਨ। ਸ੍ਰ. ਬਾਦਲ ਨੇ ਐਲਾਨ ਕੀਤਾ ਕਿ ਕਿਸਾਨਾਂ ਦੇ ਸਹਿਕਾਰੀ ਕਰਜ਼ੇ ਬਿਜਲੀ ਦੇ ਘਰਾਂ ਵਿਚ ਬਿੱਲ ਅਤੇ ਹੋਰ ਅਦਾਰਿਆਂ ਦੇ ਬਿੱਲ ਵੀ ਮੁਲਤਵੀ ਕਰ ਦਿੱਤੇ ਹਨ। ਕਿਸਾਨਾਂ ਦਾ ਸਭ ਤੋਂ ਵੱਧ ਨੁਕਸਾਨ ਜਲੰਧਰ ਜ਼ਿਲ੍ਹੇ ਦੇ 183 ਪਿੰਡਾਂ ਵਿਚ ਹੋਇਆ ਹੈ,

ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਗਠਨ ਦਾ ਮਾਮਲਾ

ਨਵੀਂ ਦਿੱਲੀ- ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਗਠਨ ਦਾ ਮਾਮਲਾ ਇੱਕ ਵਾਰ ਫ਼ਿਰ ਭਖਣ ਲੱਗ ਪਿਆ ਹੈ। ਭਾਜਪਾ ਪ੍ਰਧਾਨ ਵੱਲੋਂ ਇਸਦੇ ਵਿਰੋਧ ਤੋਂ ਪਿੱਛੋਂ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਪਰਮਜੀਤ ਸਿੰਘ ਸਰਨਾ ਅਤੇ ਹਰਿਆਣਾ ਗੁਰਦੁਆਰਾ ਪ੍ਰਬੰਧਕ ਕਮੇਟੀ (ਐਡਹਾਕ) ਦੇ ਪ੍ਰਧਾਨ ਜਗਦੀਸ਼ ਸਿੰਘ ਝੀਂਡਾ ਨੇ ਧਮਕੀ ਦਿੱਤੀ ਹੈ ਕਿ 30 ਅਗਸਤ ਨੂੰ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਵੱਲੋਂ ਹਰਿਆਣਾ ਵਿੱਚ ਕੀਤੀ ਜਾ ਰਹੀ ਕਾਨਫਰੰਸ ਵਿੱਚ ਪੰਜਾਬ ਦੀਆਂ ਬੱਸਾਂ ਨੂੰ ਦਾਖ਼ਲ ਨਹੀਂ ਹੋਣ ਦਿੱਤਾ ਜਾਵੇਗਾ। ਇਸ ਤੋਂ ਇਲਾਵਾ ਹਰਿਆਣਾ ਕਮੇਟੀ ਦਾ ਵਿਰੋਧ ਕਰਨ ਦੇ ਰੋਸ ਵਜੋਂ ਭਾਜਪਾ ਪ੍ਰਧਾਨ ਦੇ ਪੁਤਲੇ ਵੀ ਸਾੜੇ ਜਾਣਗੇ।
ਉਕਤ ਆਗੂਆਂ ਨੇ ਅੱਜ ਪ੍ਰੈੱਸ ਕਾਨਫਰੰਸ ਵਿੱਚ ਦੋਸ਼ ਲਗਾਇਆ ਕਿ ਭਾਰਤੀ ਜਨਤਾ ਪਾਰਟੀ, ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਦੇ ਸਰਪ੍ਰਸਤ ਪ੍ਰਕਾਸ਼ ਸਿੰਘ ਬਾਦਲ ਦੀ ਮਦਦ ਨਾਲ ਸਿੱਖ ਧਰਮ ਦੀ ਸੁਤੰਤਰ ਹੋਂਦ ਅਤੇ ਸਿੱਖਾਂ ਦੀ ਵੱਖ਼ਰੀ ਪਛਾਣ ਖ਼ਤਮ ਕਰਨਾ ਚਾਹੁੰਦੀ ਹੈ। ਸ੍ਰ. ਸਰਨਾ ਨੇ ਕਿਹਾ ਕਿ ਇੱਕ ਪਾਸੇ ਸ੍ਰ. ਬਾਦਲ ਕਾਂਗਰਸ ‘ਤੇ ਦੋਸ਼ ਲਗਾਉਂਦੇ ਹਨ ਕਿ ਉਹ ਸਿੱਖਾਂ ਦੇ ਧਾਰਮਿਕ ਮਾਮਲਿਆਂ ਵਿੱਚ ਦਖ਼ਲ ਦੇ ਕੇ ਹਰਿਆਣਾ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦਾ ਗਠਨ ਕਰਨ ਜਾ ਰਹੀ ਹੈ ਤੇ ਦੂਜੀ ਪਾਸੇ ਉਨ੍ਹਾਂ ਦੀ ਮੌਜੂਦਗੀ ਵਿੱਚ ਭਾਜਪਾ ਪ੍ਰਧਾਨ ਰਾਜਨਾਥ ਸਿੰਘ ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਗਠਨ ਦਾ ਵਿਰੋਧ ਕਰਦਿਆਂ ਸਿੱਖਾਂ ਦੇ ਧਾਰਮਿਕ ਮਾਮਲਿਆਂ ਵਿੱਚ ਦਖ਼ਲ ਦਿੰਦੇ ਹਨ, ਤਾਂ ਉਹ ਉਨ੍ਹਾਂ ਨੂੰ ਟੋਕਦੇ ਤੱਕ ਨਹੀਂ ਜੋ ਇਸ ਗੱਲ ਦਾ ਸਬੂਤ ਹੈ ਕਿ ਸ੍ਰ. ਬਾਦਲ ਨੇ ਆਪਣੇ ਆਪ ਤੇ ਆਪਣੇ ਅਕਾਲੀ ਦਲ ਨੂੰ ਭਾਜਪਾ ਪਾਸ ਗਹਿਣੇ ਰੱਖ ਦਿੱਤਾ ਹੋਇਆ ਹੈ।
ਸ੍ਰ. ਸਰਨਾ ਨੇ ਹਰਿਆਣਾ ਸਿੱਖ ਗੁਰਦੁਆਰਾ ਪਬੰਧਕ ਕਮੇਟੀ ਦੇ ਗਠਨ ਦੀ ਮੰਗ ਨੂੰ ਲੈ ਕੇ ਹਰਿਆਣਾ ਦੇ ਸਿੱਖਾਂ ਵੱਲੋਂ ਸ਼ੁਰੂ ਕੀਤੇ ਗਏ ਹੋਏ ਸੰਘਰਸ਼ ਨੂੰ ਪੂਰਨ ਸਮਰਥਨ ਦੇਣ ਦਾ ਐਲਾਨ ਕੀਤਾ। ਇਸਦੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਸ੍ਰ. ਬਾਦਲ ਅੱਜ ਆਲ ਇੰਡੀਆ ਗੁਰਦੁਆਰਾ ਐਕਟ ਬਣਾਉਣ ਦੀ ਗੱਲ ਕਰਦੇ ਹਨ, ਪਰ ਉਸ ਸਮੇਂ ਉਨ੍ਹਾਂ ਨੇ ਇਹ ਐਕਟ ਕਿਉਂ ਨਾ ਬਣਵਾਇਆ, ਜਦੋਂ ਉਹ ਕੇਂਦਰ ਦੀ ਸੱਤਾ ਵਿੱਚ 6 ਸਾਲ ਭਾਈਵਾਲ ਬਣੇ ਰਹੇ। ਜਿਸ ਤੋਂ ਇਹ ਸਾਬਤ ਹੁੰਦਾ ਹੈ ਕਿ ਉਹ ਆਲ ਇੰਡੀਆ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਬਣਾਉਣ ਪ੍ਰਤੀ ਇਮਾਨਦਾਰੀ ਨਹੀਂ, ਕੇਵਲ ਪੰਜਾਬ ਤੋਂ ਬਾਹਰ ਵਸਦੇ ਸਿੱਖਾਂ ਦੇ ਅਧਿਕਾਰਾਂ ‘ਤੇ ਛਾਪਾਮਾਰੀ ਰੱਖਣ ਲਈ ਇਸਦੀ ਗੱਲ ਕਰਦੇ ਹਨ ਕਿਉਂਕਿ ਉਨ੍ਹਾਂ ਨੂੰ ਡਰ ਹੈ ਕਿ ਜੇ ਆਲ ਇੰਡੀਆ ਗੁਰਦੁਆਰਾ ਐਕਟ ਬਣ ਗਿਆ ਤਾਂ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ‘ਤੇ ਉਨ੍ਹਾਂ ਦੀ ਜੋ ਇਜ਼ਾਰੇਦਾਰੀ ਬਣੀ ਹੋਈ ਹੈ, ਉਹ ਵੀ ਖੁੱਸ ਜਾਵੇਗੀ।
ਸ੍ਰ. ਝੀਂਡਾ ਨੇ ਭਾਜਪਾ ਦੇ ਮੁਖੀਆਂ ‘ਤੇ ਦੋਸ਼ ਲਗਾਇਆ ਕਿ ਉਨ੍ਹਾਂ ਨੇ ਸਿੱਖਾਂ ਵੱਲੋਂ ਆਪਣੇ ਹਿੱਤਾਂ ਅਧਿਕਾਰਾਂ ਲਈ ਕੀਤੇ ਜਾਂਦੇ ਸੰਘਰਸ਼ ਦਾ ਸਦਾ ਹੀ ਵਿਰੋਧ ਕੀਤਾ ਜਾਂਦਾ ਰਿਹਾ ਹੈ, ਅੱਜ ਵੀ ਉਹ ਸ੍ਰ. ਪ੍ਰਕਾਸ਼ ਸਿੰਘ ਬਾਦਲ ਦੇ ਮੋਢਿਆਂ ‘ਤੇ ਚੜ੍ਹ ਕੇ ਹਰਿਆਣੇ ਦੇ ਸਿੱਖਾਂ ਵੱਲੋਂ ਆਪਣੇ ਅਧਿਕਾਰ ਦੀ ਪ੍ਰਾਪਤੀ ਲਈ ਕੀਤੇ ਜਾ ਰਹੇ ਸੰਘਰਸ਼ ਦਾ ਵਿਰੋਧ ਹੀ ਨਹੀਂ ਕਰ ਰਹੇ, ਸਗੋਂ ਧਮਕੀਆਂ ਵੀ ਦੇ ਰਹੇ ਹਨ। ਉਨ੍ਹਾਂ ਚੇਤਾਵਨੀ ਦਿੱਤੀ ਕਿ ਜੇ ਰਾਜਨਾਥ ਸਿੰਘ ਨੇ ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਗਠਨ ਦਾ ਵਿਰੋਧ ਕੀਤੇ ਜਾਣ ਦੀ ਮੁਆਫ਼ੀ ਨਾ ਮੰਗੀ ਤਾਂ ਹਰਿਆਣਾ ਭਰ ਵਿੱਚ ਭਾਜਪਾ ਦਫ਼ਤਰਾਂ ਦੇ ਸਾਹਮਣੇ ਪ੍ਰਦਰਸ਼ਨ ਕੀਤੇ ਜਾਣਗੇ ਤੇ ਸ੍ਰੀ ਰਾਜਨਾਥ ਦੇ ਪੁਤਲੇ ਸਾੜੇ ਜਾਣਗੇ। ਸ੍ਰੀ ਝੀਂਡਾ ਨੇ ਪ੍ਰਕਾਸ਼ ਸਿੰ