ਨਿਊਜ ਪੰਜਾਬ -ਪੰਜਾਬ ਦੀ ਅਵਾਜ

Previous Editions

24_5 Jan
11_23 Dec
28_10 Dec
13_27 Nov
3_12 Nov
16_2 Nov
26_15 Oct

Shaheed Bhai Harmander Singh Ji

Shaheed Bhai Balkar Singh Ji

Shaheed Bhai Kanwaljit Singh Ji

"ਅਣਪਛਾਤੀ ਲਾਸ਼"

ADVERTISEMENTS

ਆਮ ਲੋਕਾ ਲਈ ਮਰ ਮਿਟਣ ਵਾਲੇ ਸੁਖਵਿੰਦਰ ਦਾ ਅੰਤਮ ਸੰਸਕਾਰ ਵੀ ਲੋਕਾ ਨੇ ਹੀ ਕੀਤਾ
ਪੰਜਾਬ ਸਰਕਾਰ ਵੱਲੋ ਕੋਈ ਵੱਡਾ ਆਗੂ ਨਾ ਪਹੁੰਚਿਆ

ਸੁਖਵਿੰਦਰ ਦੇ ਮ੍ਰਿਤਕ ਸਰੀਰ ਨੂੰ ਗੱਡੀ ਵਿਚ ਲਿਜਾਦੇ ਹੋਏ,ਮ੍ਰਿਤਕ ਦੀ ਪਤਨੀ ਵਿਰਲਾਪ ਕਰਦੀ ਹੋਈ ਤੇ ਅਗਨੀ ਦਿੰਦਾ ਹੋਇਆ ਨੋ ਸਾਲਾ ਪੁੱਤਰ ਅਤੇ ਲੋਕਾ ਦਾ ਭਰਵਾ ਇੱਕਠ

ਮਾਛੀਵਾੜਾ 28 ਜਨਵਰੀ (ਸੁਸ਼ੀਲ ਸ਼ਰਮਾ) ਲੋਕਾ ਲਈ ਮਰ ਮਿਟਣ ਵਾਲੇ ਸੁਖਵਿੰਦਰ ਦਾ ਅੰਤਮ ਸੰਸਕਾਰ ਵੀ ਪਰਿਵਾਰਕ ਮੈਬਰਾ ਨੇ ਲੋਕਾ ਦੇ ਸਹਿਯੋਗ ਨਾਲ ਹੀ ਕੀਤਾ ਜਦ ਕਿ ਪੰਜਾਬ ਸਰਕਾਰ ਵੱਲੋ ਕੋਈ ਵੀ ਉੱਚ ਪੱਧਰ ਦਾ ਆਗੂ ਪਹੁੰਚਿਆ ਤੇ ਨਾ ਹੀ ਕੋਈ ਸਲਾਮੀ ਦਿੱਤੀ ਗਈ। ਇੱਥੋ 20 ਕਿਲੋਮੀਟਰ ਦੂਰੀ ਤੇ ਪੈਦੇ ਪਿੰਡ ਢੋਲਣਵਾਲ ਦੇ ਸਾਹਸੀ ਨੋਜਵਾਨ ਸੁਖਵਿੰਦਰ ਸਿੰਘ ਦੀ ਇੰਗਲੈਡ ਵਿਚ ਕੁਝ ਮਾੜੇ ਅਨਸਰਾ ਨੇ ਉਦੋ ਚਾਕੂ ਮਾਰ ਕੇ ਹੱਤਿਆ ਕਰ ਦਿੱਤੀ ਸੀ ਜਦੋ ਉਸ ਨੇ ਸਿਖੀ ਸਿਦਕ ਪਗਾਉਦਿਆ ਇੱਕ ਔਰਤ ਨੂੰ ਉਨ੍ਹਾ ਗੁੰਡਿਆ ਦੇ ਚੁੰਗਲ ਵਿਚੋ ਛੁਡਵਾਇਆ ਤੇ ਉਸਦਾ ਪਰਸ ਵਾਪਸ ਕਰਵਾਇਆ ਸੀ ਸੁਖਵਿੰਦਰ ਸਿੰਘ ਦਾ ਮ੍ਰਿਤਕ ਸਰੀਰ ਬੰਦ ਬਕਸੇ ਰਾਹੀ ਕੱਲ ਲੁਧਿਆਣਾ ਪਹੁੰਚਿਆ ਤੇ ਅੱਜ ਉਸਦੇ ਜੱਦੀ ਪਿੰਡ ਢੋਲਣਵਾਲ ਵਿਖੇ ਲਿਆਦਾ ਗਿਆ ਜਿੱਥੇ ਉਸ ਦੇ ਪਰਿਵਾਰਕ ਮੈਬਰਾ ਤੇ ਰਿਸ਼ਤੇਦਾਰਾ ਦਾ ਲਹੂਰ ਦੇਖਿਆ ਨਹੀ ਸੀ ਜਾਦਾ ਇਸ ਵੇਲੇ ਲੋਕਾ ਦੇ ੳੋਮੜੇ ਇੱਕਠ ਵਿਚ ਕੋਈ ਅੱਖ ਅਜਿਹੀ ਨਹੀ ਸੀ ਜੋ ਨਮ ਨਾ ਹੋਈ ਹੋਵੇ। ਵੱਡੇ-ਵੱਡੇ ਦਮਗਜੇ ਮਾਰਨ ਵਾਲੀ ਪੰਜਾਬ ਸਰਕਾਰ ਵੱਲੋ ਕੋਈ ਕੈਬਨਿਟ ਰੈਕ ਦਾ ਨੁਮਿਆਦਾ ਨਹੀ ਪਹੁਚਿਆ ਸਿਰਫ ਸਾਬਕਾ ਸੰਸਦ ਸ਼ਰਨਜੀਤ ਸਿੰਘ ਢਿੱਲੋ ਨੇ ਸਰਕਾਰ ਵੱਲੋ ਫੁਲਮਾਲਾ ਅਰਪਿਤ ਕੀਤੀ ਤੇ ਪ੍ਰਸ਼ਾਸਨ ਵੱਲੋ ਲੁਧਿਆਣਾ ਦੇ ਡਿਪਟੀ ਕਮਿਸ਼ਨਰ ਵਿਕਾਸ ਗਰਗ ਤੇ ਐਸ ਐਸ ਪੀ ਨੇ ਸ਼ਰਧਾ ਦੇ ਫੁਲ ਭੇਟ ਕੀਤੇ। ਜਦ ਕਿ ਦੂਜੇ ਪਾਸੇ ਪਰਿਵਾਰ ਨੂੰ ਸਹਿਯੋਗ ਦੇਣ ਤੇ ਵਿਦੇਸ ਵਿਚੋ ਮ੍ਰਿਤਕ ਸਰੀਰ ਲਿਆਉਣ ਦਾ ਪ੍ਰਬੰਧ ਦਿੱਲੀ ਗੁਰਦੁਆਰਾ ਕਮੇਟੀ ਦੇ ਪ੍ਰਧਾਨ ਪਰਮਜੀਤ ਸਿੰਘ ਸ਼ਰਨਾ ਨੇ ਕੀਤਾ ਤੇ ਉਨ੍ਹਾ ਵੱਲੋ ਜਸਵਿੰਦਰ ਸਿੰਘ ਬਲੀਏਵਾਲ ਨੇ ਫੁੱਲਾ ਦੀ ਮਾਲਾ ਭੇਟ ਕੀਤੀ ਜਦੋ ਸਾਬਕਾ ਸੰਸਦ ਢਿੱਲੋ ਨਾਲ ਗੱਲ ਕੀਤੀ ਤਾ ਉਨ੍ਹਾ ਕਿਹਾ ਕਿ ਪੀੜਤ ਪਰਿਵਾਰ ਨੂੰ ਮਾਲੀ ਮੱਦਦ ਤੇ ਹੋਰ ਵੀ ਜੋ ਸਰਦਾ ਹੋਵੇਗਾ ਉਸ ਦਾ ਐਲਾਨ ਅੰਤਮ ਅਰਦਾਸ ਵੇਲੇ ਹੀ ਕੀਤਾ ਜਾਵੇਗਾ। ਇਸ ਮੌਕੇ ਅਕਾਲੀ ਆਗੂ ਜਸਵਿੰਦਰ ਸਿੰਘ ਨੇ ਕਿਹਾ ਕਿ ਪੰਥਕ ਅਖਵਾਉਣ ਵਾਲੀ ਪੰਜਾਬ ਸਰਕਾਰ ਨੇ ਆਪ ਤਾ ਕੁਝ ਨਹੀ ਕੀਤਾ ਸਗੋ ਪੁਲਿਸ ਪ੍ਰਸ਼ਸਾਨ ਨੂੰ ਵੀ ਕੋਈ ਨਿਰਦੇਸ ਜਾਰੀ ਨਹੀ ਕੀਤਾ ਕਿ ਉਹ ਵੀ ਸਲਾਮੀ ਦੇ ਸਕਣ। ਪੁਲਿਸ ਤੇ ਪ੍ਰਸ਼ਾਸਨ ਦੇ ਉੱਚ ਅਧਿਕਾਰੀ ਤਾ ਆਪਣੀ ਮਰਜੀ ਨਾਲ ਹੀ ਲੋਕਾ ਦਾ ਭਰਵਾ ਇੱਕਠ ਦੇਖ ਕਿ ਪਹੁੰਚੇ ਸਨ।ਅੰਤਮ ਸ਼ੰਸਕਾਰ ਮੌਕੇ ਬਾਬਾ ਜਸਵੰਤ ਸਿੰਘ ਜਵੱਦੀ ਵਾਲੇ ਸਮੇਤ ਬਹੁਤ ਸਾਰੇ ਪਤਵੰਤਆਿ ਨੇ ਇਸ ਮ੍ਰਿਤਕ ਸਰੀਰ ਤੇ ਸ਼ਾਲਾ ਚਿੜਾਈਆ। ਦਿੱਲੀ ਦੇ ਗੁਰਦੁਆਰਾ ਸ੍ਰੀ ਬੰਗਲਾ ਸਾਹਿਬ ਦੇ ਹੈਡ ਗ੍ਰਥੀ ਪਿਆਰਾ ਸਿੰਘ ਨੇ ਅਗਿਨ ਭੇਟ ਤੋ ਪਹਿਲਾ ਅਰਦਾਸ ਕੀਤੀ ਤੇ ਆਖਿਰ ਵਿਚ ਮਰਹੂਮ ਦੇ ਨੋ ਸਾਲਾ ਬੇਟੇ ਨੇ ਚਿਤਾ ਨੂੰ ਅੱਗ ਦਿਖਾਈ। ਇਸ ਮੋਕੇ ਸਾਬਕਾ ਮੇਅਰ ਨਾਹਰ ਸਿੰਘ ਗਿੱਲ,ਸਾਬਕਾ ਮੰਤਰੀ ਮਲਕੀਤ ਸਿੰਘ ਦਾਖਾ,ਵਿਧਾਇਕ ਈਸਰ ਸਿੰਘ ਮੇਹਰਵਾਨ,ਸੰਤਾ ਸਿੰਘ ਉਮੈਦਪੁਰੀ, ਸਤਵੰਤ ਸਿੰਘ ਸਿੱਧੂ,ਲਖਵੀਰ ਸਿੰਘ ਲੱਖਾ,ਸ਼ਕਤੀ ਆਨੰਦ, ਗੁਰਪ੍ਰੀਤ ਬਲੀਏਵਾਲ, ਅਮਰੀਕ ਸਿੰਘ ਔਜਲਾ,ਜਸਵੀਰ ਸਿੰਘ ਜੀੳ,ਅਮਰਜੀਤ ਭੱਟੀਆ ਤੇ ਹੋਰ ਵੀ ਬਹਤ ਸਾਰੇ ਪਤਵੰਤੇ ਸੱਜਣ ਮੌਜੂਦ ਸਨ।

ਸਿੱਖ ਮਿਸ਼ਨਰੀ ਕਾਲਜ (ਰਜਿ:) ਲੁਧਿਆਣਾ ਦੇ ਧਾਰਮਿਕ ਪ੍ਰੀਖਿਆ 2009 ਦਾ ਨਤੀਜਾ

ਸਿੱਖ ਮਿਸ਼ਨਰੀ ਕਾਲਜ (ਰਜਿ:) ਲੁਧਿਆਣਾ ਵੱਲੋਂ ਹਰ ਸਾਲ ਵਿਦਿਆਰਥੀਆਂ ਦੀ ਦੇਸ਼ ਪੱਧਰ ਤੇ ਧਾਰਮਿਕ ਪ੍ਰੀਖਿਆ ਲਈ ਜਾਂਦੀ ਹੈ । ਇਸ ਪ੍ਰੀਖਿਆ ਦਾ ਨਿਸ਼ਾਨਾ ਵਿਦਿਆਰਥੀਆਂ ਵਿੱਚ ਉਚੱੀਆਂ‐ ਸੁਚੱੀਆਂ ਕਦਰਾਂ ਕੀਮਤਾਂ ਅਤੇ ਨੈਤਿਕ ਗੁਣਾਂ ਦਾ ਸੰਚਾਰ ਕਰਨਾ ਹੈ । ਪਿਛਲੇ ਸਾਲ ਨਵੰਬਰ 2009 ਵਿੱਚ ਲਈ ਗਈ ਪ੍ਰੀਖਿਆ ਵਿੱਚ 2875 ਸਕੂਲਾਂ ਦੇ 142630 ( ਇੱਕ ਲੱਖ ਬਿਆਲੀ ਹਜ਼ਾਰ ਛੇ ਸੌੋ ਤੀਹ ) ਵਿਦਿਆਰਥੀਆਂ ਨੇ ਭਾਗ ਲਿਆ ।ਦੇਸ਼ ਭਰ ਵਿੱਚ 1498 ਪ੍ਰੀਖਿਆ ਕੇਂਦਰਾਂ ਵਿੱਚ ਸਕੂਲਾਂ ਤੇ ਕਾਲਜਾਂ ਦੇ ਵਿਦਿਆਰਥੀਆ ਨੇ ਪ੍ਰੀਖਿਆ ਦਿੱਤੀ । ਪ੍ਰੀਖਿਆ ਦੇ ਚਾਰ ਗਰੁੱਪ ਸਨ । ਪਹਿਲਾ ਗਰੁੱਪ ਪ੍ਰਾਇਮਰੀ ਤੱਕ , ਦੂਜਾ ਮਿਡਲ ਤੱਕ , ਤੀਜਾ ਸੀਨੀਅਰ ਸੈਕੰਡਰੀ ਤੱਕ ਅਤੇ ਚੌਥਾ ਕਾਲਜਾਂ ਅਤੇ ਸਰਬੱਤ ਸੰਗਤ ਲਈ ਸੀ । ਇਸ ਪ੍ਰੀਖਿਆ ਵਿੱਚ 90% ਤੋਂ ਉਪਰ ਅੰਕ ਲੈ ਕੇ 3337 ਵਿਦਿਆਰਥੀ ਮੈਰਿਟ ਵਿੱਚ ਆਏ । 6465 ਵਿਦਿਆਰਥੀਆਂ ਨੇ 80% ਤੋਂ 89.99% ਅੰਕ ਲੈ ਕੇ “ਅ” ਗ੍ਰੇਡ ਪ੍ਰਾਪਤ ਕੀਤਾ । 8702 ਵਿਦਿਆਰਥੀਆਂ ਨੇ 70% ਤੋਂ 79.99% ਅੰਕ ਲੈ ਕੇ “ਭ” ਗ੍ਰੇਡ ਪ੍ਰਾਪਤ ਕੀਤਾ । 10418 ਵਿਦਿਆਰਥੀਆਂ ਨੇ 60% ਤੋਂ 69.99% ਅੰਕ ਲੈ ਕੇ “ਛ” ਗ੍ਰੇਡ ਪ੍ਰਾਪਤ ਕੀਤਾ । ਇਨ੍ਹਾਂ ਤੋਂ ਬਿਨਾਂ 46711 ਵਿਦਿਆਰਥੀ 33% ਤੋਂ 59.99% ਅੰਕ ਪ੍ਰਾਪਤ ਕਰਕੇ ਪਾਸ ਹੋਏ । ਕੁੱਲ 28922 ਵਿਦਿਆਰਥੀਆਂ ਨੂੰ ਸਿੱਖ ਮਿਸ਼ਨਰੀ ਕਾਲਜ ਵੱਲੋਂ ਇਨਾਮ ਭੇਜੇ ਜਾ ਰਹੇ ਹਨ ।
ਪੰਜਾਬ ਵਿਚਲੇ ਪ੍ਰਾਇਮਰੀ ਗਰੁੱਪ ਵਿੱਚੋਂ ‘ ਪਰਾਈਮ ਰੋਜ਼ਜ਼ ਇੰਗਲਿਸ਼ ਸਕੂਲ ਸੁਲਤਾਨਵਿੰਡ ਰੋਡ ਅੰਮ੍ਰਿਤਸਰ’ ਦਾ ਵਿਦਿਆਰਥੀ ‘ਰਣਜੀਤ ਸਿੰਘ’ 298 / 300 ਅੰਕ ਪ੍ਰਾਪਤ ਕਰਕੇ ‘ਪਹਿਲੇ ਸਥਾਨ’ ਤੇ ਰਿਹਾ । ਇਸੇ ਸਕੂਲ ਦੀ ਵਿਦਿਆਰਥਣ ਸਿਮਰਨਜੀਤ ਕੌਰ 297 / 300 ਅੰਕ ਪ੍ਰਾਪਤ ਕਰਕੇ ਦੂਜੇ ਸਥਾਨ ਅਤੇ ਸਿਮਰਿਤਾ 296 / 300 ਅੰਕ ਪ੍ਰਾਪਤ ਕਰਕੇ ਤੀਸਰੇ ਸਥਾਨ ਤੇ ਰਹੀ ।
ਮਿਡਲ ਗਰੁੱਪ ਵਿੱਚੋਂ ‘ਗੁਰੂ ਨਾਨਕ ਮਿਸ਼ਨ ਸੀਨੀਅਰ ਸੈਕੰਡਰੀ ਸਕੂਲ’ ਢਾਹਾਂ ਕਲੇਰਾਂ, ਜ਼ਿਲਾ ਹੁਸ਼ਿਆਰਪੁਰ ਦੀ ਵਿਦਿਆਰਥਣ ‘ਮਨਦੀਪ ਕੌਰ’ 291 / 300 ਅੰਕ ਪ੍ਰਾਪਤ ਕਰਕੇ ਪਹਿਲੇ ਸਥਾਨ ਤੇ ਰਹੀ । “ਦਸਮੇਸ਼ ਅਕੈਡਮੀ ਸੁਲਤਾਨਪੁਰ ਲੋਧੀ , ਜ਼ਿਲਾ ਕਪੂਰਥਲਾ ਦੀ ਵਿਦਿਆਰਥਣ ਅਵਨੀਤ ਕੌਰ 289 / 300 ਅੰਕ ਪ੍ਰਾਪਤ ਕਰਕੇ ਦੂਸਰੇ ਸਥਾਨ ਤੇ ਰਹੀ । “ਸ੍ਰੀ ਗੁਰੂ ਹਰਗੋਬਿੰਦ ਮਾਡਰਨ ਹਾਈ ਸਕੂਲ” ਪਿੰਡ ਢੰਡ ਜ਼ਿਲਾ ਤਰਨ-ਤਾਰਨ ਦੀ ਵਿਦਿਆਰਥਣ ‘ਰਜਵੰਤ ਕੌਰ’ 288 / 300 ਅੰਕ ਪ੍ਰਾਪਤ ਕਰਕੇ ਤੀਸਰੇ ਸਥਾਨ ਤੇ ਰਹੀ ।
ਸੀਨੀਅਰ ਸੈਕੰਡਰੀ ਗਰੁੱਪ ਵਿੱਚੋਂ ‘ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ, ਪਿੰਡ ਬਨੂੜ, ਜ਼ਿਲਾ ਪਟਿਆਲਾ ਦੀ ਵਿਦਿਆਰਥਣ ‘ਜਸਪ੍ਰੀਤ ਕੌਰ’ 280 / 300 ਅੰਕ ਪ੍ਰਾਪਤ ਕਰਕੇ ਪਹਿਲੇ ਸਥਾਨ ਤੇ ਰਹੀ । ‘ਐਸ.ਕੇ.ਡੀ.ਖ਼ਾਲਸਾ ਸੀਨੀਅਰ ਸੈਕੰਡਰੀ ਸਕੂਲ’ ਪਿੰਡ ਤੁਗਲਵਾਲਾ , ਜ਼ਿਲਾ ਗੁਰਦਾਸਪੁਰ ਦਾ ਵਿਦਿਆਰਥੀ ਕਰਨਬੀਰ ਸਿੰਘ 277 / 300 ਅੰਕ ਪ੍ਰਾਪਤ ਕਰਕੇ ਦੂਜੇ ਸਥਾਨ ਤੇ ਰਿਹਾ ।“ਰਿਸ਼ੀ ਦਇਆਨੰਦ ਸਕੂਲ,’’ ਫੋਕਲ ਪੁਆਇੰਟ ਲੁਧਿਆਣਾ ਦਾ ਵਿਦਿਆਰਥੀ ‘ਮੋਨੂ ਮਿੱਤਲ’ 276 / 300 ਅੰਕ ਪ੍ਰਾਪਤ ਕਰਕੇ ਤੀਸਰੇ ਸਥਾਨ ਤੇ ਰਿਹਾ ।
ਚੌਥਾ ਗਰੁੱਪ ਜੋ ਕਾਲਜਾਂ ਅਤੇ ਸਰਬੱਤ ਸੰਗਤ ਲਈ ਸੀ , ਵਿਚੋਂ ‘ਸਰਕਲ ਆਰ.ਸੀ.ਐਫ,’’ ਜ਼ਿਲਾ ਕਪੂਰਥਲਾ ਦੀ ਵਿਦਿਆਰਥਣ ‘ਦਵਿੰਦਰ ਕੌਰ’ 286 / 300 ਅੰਕ ਪ੍ਰਾਪਤ ਕਰਕੇ ਪਹਿਲੇ ਸਥਾਨ ਤੇ ਰਹੀ ।‘ਐਨ . ਐਸ . ਐਮ ਪਬਲਿਕ ਸਕੂਲ’ ਪਿੰਡ ਹਾਕਮ ਸਿੰਘ ਵਾਲਾ , ਜ਼ਿਲਾ ਬਠਿੰਡਾ ਦੀ ‘ ਸੁਖਜੀਤ ਕੌਰ’ 285 / 300 ਅੰਕ ਪ੍ਰਾਪਤ ਕਰਕੇ ਦੂਸਰੇ ਸਥਾਨ ਤੇ ਰਹੀ । ‘ਸਰਕਲ ਆਰ.ਸੀ.ਐਫ , ਜ਼ਿਲਾ ਕਪੂਰਥਲਾ ਦੀ ਵਿਦਿਆਰਥਣ ‘ਰਾਜਬੀਰ ਕੌਰ 284 / 300 ਅੰਕ ਪ੍ਰਾਪਤ ਕਰਕੇ ਤੀਸਰੇ ਸਥਾਨ ਤੇ ਰਹੀ ।
‘ਪੰਜਾਬ ਤੋਂ ਬਾਹਰ ਪ੍ਰਾਇਮਰੀ ਗਰੁੱਪ ਵਿੱਚੋਂ ‘ਸਰਸਵਤੀ ਸ਼ਿਸ਼ੂ ਵਿਦਿਆ ਮੰਦਿਰ’ ਪਾਂਡਵ ਨਗਰ ਜ਼ਿਲਾ ਸ਼ਾਹਡੌਲ (ਮੱਧ-ਪ੍ਰਦੇਸ਼)ਦੀ ਵਿਦਿਆਰਥਣ ‘ਮਨੀਸ਼ਾ ਮੰਗਲਾਨੀ’ 288 / 300 ਅੰਕ ਪ੍ਰਾਪਤ ਕਰਕੇ ਪਹਿਲੇ ਸਥਾਨ ਤੇ ਰਹੀ । “ਇੰਦਰਾ ਮੈਮੋਰੀਅਲ ਪਬਲਿਕ ਹਾਈ ਸਕੂਲ,’’ ਜ਼ਿਲਾ ਪੁਣਛ ਦਾ ਵਿਦਿਆਰਥੀ ‘ਜਸਪ੍ਰੀਤ ਸਿੰਘ’ 286 / 300 ਅੰਕ ਪ੍ਰਾਪਤ ਕਰਕੇ ਦੂਸਰੇ ਸਥਾਨ ਤੇ ਰਿਹਾ । ‘ਐਨ ਸ਼ਾਤੀ ਨਿਕੇਤਨ ਪਬਲਿਕ ਸਕੂਲ,’’ ਗੋਲ ਗੁਜਰਾਲ, ਜ਼ਿਲਾ ਜੰਮੂ ਦਾ ਵਿਦਿਆਰਥੀ ‘ਜਗਮੀਤ ਸਿੰਘ 282 / 300 ਅੰਕ ਪ੍ਰਾਪਤ ਕਰਕੇ ਤੀਸਰੇ ਸਥਾਨ ਤੇ ਰਿਹਾ ।
ਮਿਡਲ ਗਰੁੱਪ ਵਿੱਚੋਂ ‘ਸਰਸਵਤੀ ਸ਼ਿਸ਼ੂ ਵਿਦਿਆ ਮੰਦਿਰ’ ਪਾਂਡਵ ਨਗਰ ਜ਼ਿਲਾ ਸ਼ਾਹਡੌਲ (ਮੱਧ-ਪ੍ਰਦੇਸ਼)ਦੀ ਵਿਦਿਆਰਥਣ ਨਿਤਿਨ ਮੰਗਲਾਨੀ’ 295 / 300 ਅੰਕ ਪ੍ਰਾਪਤ ਕਰਕੇ ਪਹਿਲੇ ਸਥਾਨ ਤੇ ਅਤੇ ‘ਮੀਰੀ ਪੀਰੀ ਖਾਲਸਾ ਅਕੈਡਮੀ,’’ ਰਤਨਪੁਰਾ, ਜ਼ਿਲਾ ਊਧਮ ਸਿੰਘ ਨਗਰ’’ ਦੀ ਵਿਦਿਆਰਥਣ ‘ਚਰਨਪ੍ਰੀਤ ਕੌਰ’ 290 / 300 ਅੰਕ ਪ੍ਰਾਪਤ ਕਰਕੇ ਦੂਸਰੇ ਸਥਾਨ ਤੇ ਰਹੀ ।‘ਸਪਰਿੰਗ ਡੇਲਜ਼ ਸਕੂਲ,’’ ਸ਼ਾਹਡੌਲ (ਮੱਧ-ਪ੍ਰਦੇਸ਼) ਦੀ ਵਿਦਿਆਰਥਣ ‘ਸਿਮਰਨ ਕੌਰ’ 288 / 300 ਅੰਕ ਪ੍ਰਾਪਤ ਕਰਕੇ ਤੀਸਰੇ ਸਥਾਨ ਤੇ ਰਹੀ ।
ਸੀਨੀਅਰ ਗਰੁੱਪ ਵਿੱਚੋਂ ‘ਰਾਮਕ੍ਰਿਸ਼ਨ ਪਰਮ ਹੰਸ ਹਾਇਰ.ਸੈਕੰਡਰੀ.ਸਕੂਲ,’’ ਸ਼ਾਹਡੌਲ (ਮੱਧ-ਪ੍ਰਦੇਸ਼) ਦੀ ਵਿਦਿਆਰਥਣ ‘ਪਰਦੀਪ ਕੌਰ’ 291 / 300 ਅੰਕ ਪ੍ਰਾਪਤ ਕਰਕੇ ਪਹਿਲੇ ਸਥਾਨ ਤੇ ਰਹੀ । ‘ਐਸ.ਈ . ਸੈਟਰਲ ਰੇਲਵੇ ਸੀ . ਸੈ . ਸਕੂਲ’ ਸ਼ਾਹਡੌਲ , ਮੱਧ ਪ੍ਰਦੇਸ਼ ਦੀ ਵਿਦਿਆਰਥਣ ‘ਸ਼ਿਲਪਾ ਜੀਵਾਨੀ 284 / 300 ਅੰਕ ਪ੍ਰਾਪਤ ਕਰਕੇ ਦੂਸਰੇ ਸਥਾਨ ਤੇ ਰਹੀ । ‘ਵਿਵੇਕਾ ਨੰਦ ਹਾਇਰ .ਸੈਕੰਡਰੀ.ਸਕੂਲ,’’ਜ਼ਿਲਾ ਸ਼ਾਹਡੌਲ (ਮੱਧ-ਪ੍ਰਦੇਸ਼) ਦਾ ਵਿਦਿਆਰਥੀ ‘ਪਰਗਟ ਸਿੰਘ’ 282 / 300 ਅੰਕ ਪ੍ਰਾਪਤ ਕਰਕੇ ਤੀਸਰੇ ਸਥਾਨ ਤੇ ਰਿਹਾ ।
ਚੌਥਾ ਗਰੁੱਪ ਜੋ ਕਾਲਜਾਂ ਅਤੇ ਸਰਬੱਤ ਸੰਗਤ ਲਈ ਸੀ , ਵਿਚੋਂ ‘ਸਰਕਲ ਸ਼ਾਹਡੌਲ (ਮੱਧ-ਪ੍ਰਦੇਸ਼) ਦਾ ਵਿਦਿਆਰਥੀ ‘ਦਰਬਾਰ ਸਿੰਘ’ 290 / 300 ਅੰਕ ਪ੍ਰਾਪਤ ਕਰਕੇ ਪਹਿਲੇ ਸਥਾਨ ਤੇ ਰਿਹਾ । “ਸ੍ਰੀ ਗੁਰੂ ਨਾਨਕ ਨਰਸਰੀ ਸਕੂਲ,’’ ਰਾਮਗੜ੍ਹ ਕੈਂਟ, ( ਝਾਰਖੰਡ ) ਦਾ ਵਿਦਿਆਰਥੀ ‘ਅਮਰਜੀਤ ਸਿੰਘ’ 288 / 300 ਅੰਕ ਪ੍ਰਾਪਤ ਕਰਕੇ ਦੂਸਰੇ ਸਥਾਨ ਤੇ ਰਿਹਾ ।‘ਇਸੇ ਸਕੂਲ ਦੀ ਵਿਦਿਆਰਥਣ ‘ਰਵਿੰਦਰ ਕੌਰ 271 / 300 ਅੰਕ ਪ੍ਰਾਪਤ ਕਰਕੇ ਤੀਸਰੇ ਸਥਾਨ ਤੇ ਰਹੀ ।
ਪ੍ਰੀਖਿਆ ਵਿੱਚੋਂ ਹਰ ਗਰੁੱਪ ਵਿੱਚ ਪਹਿਲੇ , ਦੁੂਜੇ ਅਤੇ ਤੀਜੇ ਸਥਾਨ ਤੇ ‘ਆਉਣ ਵਾਲੇ ਵਿਦਿਆਰਥੀਆਂ ਨੂੰ ਸ਼ਾਨਦਾਰ ਮੋਮੈਂਟੋ ਤੋਂ ਇਲਾਵਾ 2000 , 1500 ਅਤੇ 1000 ਰੁਪਏ ਦੇ ਨਕਦ ਇਨਾਮ ਵੀ ਦਿੱਤੇ ਜਾਣਗੇ । ਪ੍ਰੀਖਿਆ ਵਿੱਚ ਸਕੂਲਾਂ ਦੀ ਵਧੀਆ ਕਾਰਗੁਜ਼ਾਰੀ ਲਈ ਪ੍ਰਿੰਸੀਪਲ ਤੇ ਅਧਿਆਪਕਾਂ ਨੂੰ ਵਿਸ਼ੇਸ਼ ਇਨਾਮ ਵੀ ਦਿੱਤੇ ਜਾ ਰਹੇ ਹਨ । ਪ੍ਰੀਖਿਆ ਦਾ ਨਤੀਜਾ ਸਭ ਸਰਕਲਾਂ ਨੂੰ ਭੇਜਿਆ ਜਾ ਰਿਹਾ ਹੈ। ਇਹ ਨਤੀਜਾ ਸਿੱਖ ਮਿਸ਼ਨਰੀ ਕਾਲਜ ਦੀ ਾਂੲਬਸਟਿੲ, ਾ.ਸਕਿਹਪਹੁਲਾੳਰ.ਿਚੋਮ ਤੇ ਵੀ ਵੇਖਿਆ ਜਾ ਸਕਦਾ ਹੈ ਤੇ ਹਰ ਸਕੂਲ ਆਪਣਾ ਨਤੀਜਾ ਡਾਊਨਲੋਡ ਵੀ ਕਰ ਸਕਦਾ ਹੈ ।ਘਸ਼ੰ ਮੋਬਾਈਲਜ ਤੇ ਨਤੀਜਾ ਲੈਣ ਲਈ ਮੈਸੈਜ ਬੌਕਸ ਵਿੱਚ ਸ਼ੰਛ ਸਪੇਸ ੍ਰੌਲ਼ਲ਼ ਸਪੇਸ ਤੋਂ ਬਾਅਦ ਆਪਣਾ ਰੋਲ ਨੰਬਰ ਲਿਖੋ । ਇਸਨੂੰ 56300 ਤੇ ਭੇਜੋ । ਤਹਾਨੂੰ ਨਾਲ ਹੀ ਨਤੀਜਾ ਪ੍ਰਾਪਤ ਹੋ ਜਾਵੇਗਾ । । ਅਗਲੇ ਸਾਲ ਦੀ ਪ੍ਰੀਖਿਆ ਨਵੰਬਰ 2010 ਵਿੱਚ ਹੋਵੇਗੀ ।ਪ੍ਰੀਖਿਆ ਲਈ ਦਾਖਲਾ 15 ਮਈ 2010 ਤੱਕ ਖੁੱਲ੍ਹਾ ਰਹੇਗਾ ।

ਕੈਨੇਡੀਅਨ ਐਮ.ਪੀ. ਨੇ ਕੀਤਾ ਗੁਰੁ ਆਸਰਾ ਟਰੱਸਟਦ ਦਾ ਦੌਰਾ

ਮੋਹਾਲੀ, 28 ਜਨਵਰੀ - ਜਿਮ ਕੈਰੀ ਜਿਅਨਸ ਮੈਂਬਰ ਪਾਰਲੀਮੈਂਟ ਸਕਾਰਬਰੋ-ਅਗਿਨਕੋਟ (ਕਨੈਡਾ) ਨੇ ਅੱਜ ਇੱਥੇ ਕਿਹਾ ਕਿ ਮੈਂ ਪ੍ਰਮਿੰਦਰ ਸਿੰਘ ਨੂੰ ਨਿੱਜੀ ਤੌਰ ਤੇ ਮਿਲਿਆ ਹਾਂ ਅਤੇ ਉਸਦਾ ਕੈਨੇਡਾ ਵਿੱਚ ਕੋਈ ਅਪਰਾਧਿਕ ਰਿਕਾਰਡ ਵੀ ਨਹੀਂ ਪਰ ਫਿਰ ਵੀ ਉ¤ਥੋਂ ਦੇ ਕਾਨੂੰਨ ਅਨੁਸਾਰ ਕਿਸੇ ਵੀ ਅਪਰਾਧਿਕ ਰਿਕਾਰਡ ਵਾਲੇ ਵਿਆਕਤੀ ਨੂੰ ਕੈਨੇਡਾ ਵਿੱਚ ਰਹਿਣ ਦੀ ਆਗਿਆ ਨਹੀਂ ਮਿਲ ਸਕਦੀ। ਉਹ ਅੱਜ ਇੱਥੇ ਅਕਾਲੀ ਦਲ ਪੰਚ ਪ੍ਰਧਾਨੀ ਦੇ ਸੱਦੇ ’ਤੇ ਗੁਰੂ ਆਸਰਾ ਟਰੱਸਟ ਦੇ ਦੌਰੇ ’ਤੇ ਆਏ ਹੋਏ ਸਨ। ਇਸ ਮੌਕੇ ਮੌਜ਼ੂਦ ਪੰਚ ਪ੍ਰਧਾਨੀ ਦੇ ਸਕੱਤਰ ਜਨਰਲ ਭਈ ਹਰਪਾਲ ਸਿੰਘ ਚੀਮਾ ਅਤੇ ਯੂਥ ਵਿੰਗ ਦੇ ਕੌਮੀ ਜਨਰਲ ਸਕੱਤਰ ਸੰਦੀਪ ਸਿੰਘ ਕਨੇਡੀਅਨ ਨੇ ਉਨ੍ਹਾਂ ਨੂੰ ਸਥਿਤੀ ਸਪੱਸ਼ਟ ਕਰਦਿਆਂ ਕਿਹਾ ਕਿ ਪ੍ਰਮਿੰਦਰ ਸਿੰਘ ਪਹਿਲਾਂ ਹੀ ਕਾਨੂੰਨ ਅਨੁਸਾਰ ਬਣਦੀ ਸਜ਼ਾ ਕੱਟ ਚੁੱਕਿਆ ਹੈ। ਉਨ੍ਹਾ ਜੇਲ੍ਹ ਵਿੱਚ ਰਹਿ ਕੇ ਕਾਨੂੰਨ ਦੀ ਪੜ੍ਹਾਈ ਕੀਤੀ ਤਾਂ ਜੋ ਸਿੱਖਾਂ ਨਾਲ ਹੋ ਰਹੀਆਂ ਵਧੀਕੀਆਂ ਦੇ ਕੇਸ ਲੜ ਸਕੇ ਪਰ ਕੈਨੇਡਾ ਨੇ ਉਸਨੂੰ ਇਹ ਮੌਕਾ ਨਾ ਦੇ ਕੇ ਉਸਦੇ ਪਰਿਵਾਰ ਨੂੰ ਖੇਰੂੰ-ਖੇਰੂੰ ਕਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਅਸੀਂ ਪ੍ਰਮਿੰਦਰ ਸਿੰਘ ਨੂੰ ਇੱਥੇ ਬਣਦਾ ਸਤਿਕਾਰ ਦਵਾਂਗੇ। ਇਸ ਮੌਕੇ ਸ੍ਰੀ ਜਿਮ ਨੇ ਭਾਈ ਮਨਮੋਹਨ ਸਿੰਘ ਜੰਮੂ ਦੀ ਜੰਮੂ ਕਸ਼ਮੀਰ ਦੇ ਸਿੱਖ ਸ਼ਹੀਦਾਂ ’ਤੇ ਅਧਾਰਿਤ ਕਿਤਾਬ ਵੀ ਰਿਲੀਜ਼ ਕੀਤੀ। ਉਨ੍ਹਾ ਕਿਹਾ ਕਿ ਅਸੀਂ ਸ੍ਰੀ ਜਿਮ ਦਾ ਧੰਨਵਾਦ ਕਰਦੇ ਹਾਂ ਜਿਨ੍ਹਾਂ ਨੇ ਮਾਨਵਤਾ ਦੇ ਆਧਾਂਰ ’ਤੇ ਇਸ ਟਰੱਸਟ ਦਾ ਦੌਰਾ ਕਰਕੇ ਸ਼ਹੀਦ ਪਰਿਵਾਰਾਂ ਦੇ ਬੱਚਿਆਂ ਨਾਲ ਮੁਲਾਕਾਤ ਕੀਤੀ ਪਰ ਪੰਜਾਬ ਦੇ ਕਿਸੇ ਵੀ ਪੰਥਕ ਅਖਵਾਉਂਦੇ ਆਗੂ ਨੇ ਅੱਜ ਤੱਕ ਮਾਨਵਤਾ ਦੇ ਆਧਾਰ ’ਤੇ ਵੀ ਇਸ ਪਾਸੇ ਵੱਲ ਮੂੰਹ ਤੱਕ ਨਹੀਂ ਕੀਤਾ। ਇਸ ਮੌਕੇ ਸ੍ਰੀ ਜਿਮ ਨੂੰ ਇੱਥੇ ਆਉਣ ’ਤੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਹਰਭਜਨ ਸਿੰਘ ਕੈਨੇਡਾ, ਜਸਟਿਸ ਅਜੀਤ ਸਿੰਘ ਬੈਂਸ ਦੇ ਸਪੁੱਤਰ ਰਾਜਵਿੰਦਰ ਸਿੰਘ ਬੈਂਸ, ਐਡਵੋਕੇਟ ਸ. ਅਮਰ ਸਿੰਘ ਚਾਹਲ, ਭਾਈ ਕੰਵਰ ਸਿੰਘ ਧਾਮੀ, ਬੀਬੀ ਕੁਲਵੀਰ ਕੌਰ ਧਾਮੀ, ਹਰਬੰਸ ਕੌਰ ਸੁਪਤਨੀ ਚਰਨਜੀਤ ਸਿੰਘ ਚੰਨੀ, ਮਹਾਬੀਰ ਸਿੰਘ ਮੋਹਾਲੀ,ਮਨਮੋਹਨ ਸਿੰਘ ਜੰਮੂ, ਸਰਪੰਚ ਗੁਰਮੁਖ ਸਿੰਘ, ਦਰਸ਼ਨ ਸਿੰਘ ਬੈਣੀ ਤੋਂ ਇਲਾਵਾ ਹੋਰ ਵੀ ਵੱਡੀ ਗਿਣਤੀ ਵਿੱਚ ਪਤਵੰਤੇ ਹਾਜ਼ਰ ਸਨ।

‘ਯੂਨਾਇਟਿਡ ਸਿੱਖਜ਼’ ਸੰਸਥਾ ਵਲੋਂ ਹੇਤੀ ਵਿੱਚ ਰੋਜ਼ਾਨਾ 5000 ਪ੍ਰਾਣੀਆਂ ਨੂੰ ਛਕਾਇਆ ਜਾ ਰਿਹੈ ਗਰਮ ਭੋਜਨ!
ਸਿੱਖ ਸੰਗਤਾਂ ਨੂੰ ਵਧ ਚੜ੍ਹ ਕੇ ਮੱਦਦ ਕਰਨ ਦੀ ਅਪੀਲ!

ਪੋਰਟ-ਓ-ਪ੍ਰਿੰਸ (ਹੇਤੀ) - ਸਿੱਖੀ ਦੇ ਸੁਨਹਿਰੇ ਅਸੂਲ ‘ਗਰੀਬ ਕੀ ਰਸਨਾ ਕੋ, ਗੁਰੂ ਕੀ ਗੋਲਕ ਜਾਣੋ’ ਤੇ ਅਮਲ ਕਰਦਿਆਂ, ਗੁਰਸਿੱਖਾਂ ਦੀ ਦਸਵੰਧ ਦੀ ਕਮਾਈ ਨਾਲ, ਯੂਨਾਇਟਿਡ ਨੇਸ਼ਨਜ਼ ਦੀ ਮਾਨਤਾ ਪ੍ਰਾਪਤ ਸੰਸਥਾ, ਯੂਨਾਇਟਿਡ ਸਿੱਖਜ਼ ਵਲੋਂ ਹੇਤੀ ਦੀ ਭੁਚਾਲ ਪੀੜਤਾਂ ਲਈ, ਵੱਡੇ ਪੈਮਾਨੇ ਤੇ ‘ਗੁਰੂ ਕਾ ਲੰਗਰ ’ ਪਿਛਲੇ ਕਈ ਦਿਨਾਂ ਤੋਂ ਲਗਾਤਾਰ ਜਾਰੀ ਹੈ। ਇਹ ਲੰਗਰ ਹੇਤੀ ਦੀ ਰਾਜਧਾਨੀ ਪੋਰਟ-ਓਪ੍ਰਿੰਸ ਵਿਚਲੇ ਤਿੰਨ ਅੱਡ-ਅੱਡ ਸ਼ਹਿਰਾਂ ਵਿੱਚ ਵਰਤਾਇਆ ਜਾ ਰਿਹਾ ਹੈ, ਜਿਸ ਵਿੱਚ ਅੰਦਾਜ਼ਨ ਰੋਜ਼ਾਨਾ 5000 ਦੇ ਕਰੀਬ ਪ੍ਰਾਣੀ ਲੰਗਰ ਛਕਦੇ ਹਨ। ਇਸ ਲੰਗਰ ਦੀ ਸੇਵਾ ਲਈ, ਇੱਕ ਦਰਜਨ ਤੋਂ ਜ਼ਿਆਦਾ ਸਿੱਖ ਵਲੰਟੀਅਰ ਕੈਨੇਡਾ ਅਤੇ ਅਮਰੀਕਾ ਤੋਂ ਪਹੁੰਚੇ ਹੋਏ ਹਨ ਜਿਹੜੇ ਭਾਰੀ ਮੁਸ਼ਕਲਾਂ ਦੇ ਬਾਵਜੂਦ, ਅਣਥੱਕ ਸੇਵਾ ਵਿੱਚ ਜੁਟੇ ਹੋਏ ਹਨ। ਟੋਰੰਟੋ, ਕੈਲੇਫੋਰਨੀਆ, ਸਿਆਟਲ, ਸ਼ਿਕਾਗੋ, ਡੇਅਟਨ (ਓਹਾਇਓ), ਸ਼ਾਰਲਟ (ਨਾਰਥ ਕੈਰੋਲਾਈਨਾ), ਬੋਸਟਨ, ਨਿਊਯਾਰਕ, ਨਿਊਜਰਸੀ ਆਦਿ ਤੋਂ ਆਏ ਇਨ੍ਹਾਂ ਵਾਲੰਟੀਅਰਾਂ ਦੀ ਟੀਮ ਵਿੱਚ, ਸਰੀ (ਬੀ. ਸੀ.) ਦੇ ਗੁਰੂ ਨਾਨਕ ਸਿੱਖ ਗੁਰਦੁਆਰਾ ਸਾਹਿਬ ਤੋਂ ਚਾਰ ਵਲੰਟੀਅਰ ਬਹੁਤ ਜਲਦੀ ਸ਼ਾਮਲ ਹੋ ਰਹੇ ਹਨ। ਭੁਚਾਲ ਦੌਰਾਨ ਜ਼ਖਮੀ ਹੋਏ ਅਤੇ ਹੋਰ ਰੋਗ ਪੀੜਤਾਂ ਦੀ ਮੱਦਦ ਲਈ ਚਾਰ ਡਾਕਟਰਾਂ ਦੀ ਟੀਮ, ਆਉਂਦੇ ਦਿਨਾਂ ਵਿੱਚ ਹੇਤੀ ਵਿੱਚ ਮੋਬਾਇਲ ਕਲੀਨਿਕ ਸਥਾਪਤ ਕਰੇਗੀ, ਜਿਨ੍ਹਾਂ ਵਿੱਚ ਡਾਕਟਰ ਸਗੀਨਾ ਹੰਜਰਾ, ਡਾ. ਤਜਿੰਦਰ ਸਿੰਘ ਕਾਹਲੋਂ, ਡਾ. ਬਲਜਿੰਦਰ ਸਿੰਘ ਬੱਥਲਾ ਅਤੇ ਡਾ. ਆਈਸ਼ਾ ਹੁਸੈਨ ਦੇ ਨਾਂ ਵਰਨਣਯੋਗ ਹਨ।
ਹੇਤੀ ਵਿੱਚ ਚੱਲ ਰਹੇ ਇਸ ‘ਗੁਰੂ ਕੇ ਲੰਗਰ' ਦੀ ਸੇਵਾ ਲਈ ਹੇਤੀ ਦੇ ਅਧਿਕਾਰੀਆਂ ਅਤੇ ਨਾਲ ਲੱਗਦੇ ਦੇਸ਼ ਡੋਮੀਨੀਕਲ ਰੀਪਬਲਿਕ ਦੇ ਉੱਚ-ਅਧਿਕਾਰੀਆਂ ਵਲੋਂ ਭਾਰੀ ਸ਼ੁਕਰਾਨੇ ਦਾ ਪ੍ਰਗਟਾਵਾ ਕੀਤਾ ਜਾ ਰਿਹਾ ਹੈ। ਡੋਮੀਨੀਕਨ ਰੀਪਬਲਿਕ ਦੇ ਐਡਮਿਨਿਸਟਰੇਟਰ ਜਨਰਲ ਮਿਸਟਰ ਨਿਕੋਲਸ ਕਾਲਡੈਰੋਨ ਅਤੇ ਕੋਰੈਫਰ ਸਿਟੀ ਦੇ ਮੇਅਰ ਮਿਸਟਰ ਯੂਨੇ ਜੈਰੋਮ ਨੇ, ਯੂਨਾਇਟਿਡ ਸਿੱਖਜ਼ ਦੇ ਬੇਸ ਕੈਂਪ ਵਿੱਚ ਆ ਕੇ ¦ਗਰ-ਸੇਵਾ ਲਈ ਸਿੱਖ ਕੌਮ ਦਾ ਧੰਨਵਾਦ ਕੀਤਾ। ਯੂਨਾਇਟਿਡ ਸਿੱਖਜ਼ ਦੇ ਡਾਇਰੈਕਟਰ, ਸ. ਕੁਲਦੀਪ ਸਿੰਘ ਨੇ ਸਿੱਖ ਮੀਡੀਏ ਨੂੰ ਦਿੱਤੇ ਸੁਨੇਹੇ ਵਿੱਚ ਕਿਹਾ - ‘‘ਗੁਰੂ ਨਾਨਕ ਸਾਹਿਬ ਨੇ 20 ਰੁਪਈਆਂ ਦੇ ‘ਸੱਚੇ ਸੌਦੇ’ ਨਾਲ, ਭੁੱਖੇ ਸਾਧੂਆਂ ਨੂੰ ਤ੍ਰਿਪਤ ਕਰਕੇ, ਗੁਰੂ ਕੇ ¦ਗਰ ਦਾ ਜਿਹੜਾ ਇਲਾਹੀ-ਮਿਸ਼ਨ ਸਥਾਪਤ ਕੀਤਾ ਸੀ, ਅਸੀਂ ਹੇਤੀ ਦੇ ਭੁਚਾਲ ਪੀੜਤਾਂ ਦੀ ‘ ਲੰਗਰ ’ ਰਾਹੀਂ ਸੇਵਾ ਕਰਕੇ, ਇਸ ਮਿਸ਼ਨ ’ਤੇ ਤੁਰਨ ਦਾ ਯਤਨ ਕਰ ਰਹੇ ਹਾਂ। ਸਿੱਖ ਸੰਗਤਾਂ ਇਸ ਮਿਸ਼ਨ ਵਿੱਚ ਵਧ ਚੜ੍ਹ ਕੇ ਸਹਾਇਤਾ ਕਰਨਾ।’ ਯੂਨਾਇਟਿਡ ਸਿੱਖਜ਼ ਤੱਕ ਪਹੁੰਚ ਕਰਨ ਲਈ ਇਨ੍ਹਾਂ ਨੰਬਰਾਂ ’ਤੇ ਕਾਲ ਕੀਤੀ ਜਾ ਸਕਦੀ ਹੈ।
ਅਮਰੀਕਾ 1-888-243-1690
ਕੈਨੇਡਾ 1-905-672-2245

ਪੰਥਕ ਜਥੇਬੰਦੀਆਂ ਨੇ ਜਰਮਨ ‘ਚ ਹਿੰਦੋਸਤਾਨ ਦੇ ਗੰਣਤੰਤਰਤ ਦਿਵਸ ਨੂੰ ਕਾਲੇ ਦਿਵਸ ਦੇ ਤੌਰਤੇ ਮਨਾਇਆ

ਫਰੈਕਫਰਟ 26 ਜਨਵਰੀ -ਹਿੰਦੋਸਤਾਨ ਦੇ 61 ਵੇਂ ਗੰਣਤੰਤਰਤਾ ਦਿਵਸ ਨੂੰ ਜਰਮਨ ਦੀਆਂ ਪੰਥਕ ਜਥੇਬੰਦੀਆਂ ਨੇ ਭਾਰਤੀ ਕੌਸਲੇਂਟ ਫਰੈਕਫਰਟ ਵਿੱਚ ਭਾਰੀ ਰੋਹ ਮਜ਼ਾਹਾਰਾ ਕਰਕੇ ਕਾਲੇ ਦਿਵਸ ਦੇ ਤੌਰਤੇ ਮਨਾਇਆ ਪੰਥਕ ਜਥੇਬੰਦੀਆਂ ਦੇ ਸੱਦੇ ਤੇ ਜਰਮਨ ਦੇ ਵੱਖ ਵੱਖ ਸ਼ਹਿਰਾਂ ਤੋਂ ਪੰਹੁਚੇ ਪੰਥ ਦਰਦੀਆਂ ਨੇ ਫਰੈਕਫਰਟ ਦੇ ਮੈਨ ਰੇਲਵੇ ਸਟੇਸ਼ਨ ਸਾਹਮਣੇ ਇੱਕਠੇ ਹੋ ਕੇ ਜਰਮਨ ਭਾਸ਼ਾ ਵਿੱਚ ਲਿਟਰੇਚਰ ਵੰਡਦੇ, ਸਿੱਖਾਂ ਤੇ ਜ਼ੁਲਮਾਂ ਵਾਲੀਆਂ, ਤਸਵੀਰਾਂ ਉਠਾਈ ਤੇ ਖਾਲਿਸਤਾਨ ਜਿੰਦਾਬਾਦ , ਮਹਾਨ ਸ਼ਹੀਦ ਸੰਤ ਬਾਬਾ ਜਰਨੈਲ਼ ਸਿੰਘ ਜੀ ਭਿੰਡਰਾਂਵਾਲਿਆਂ ਤੇ ਸਮੂਹ ਸ਼ਹੀਦਾਂ ਦੀ ਯਾਦ ਵਿੱਚ ਅਕਾਸ਼ ਗੰਜਾਊ ਨਾਹਰੇ ਮਾਰਦਾ ਕਾਫਲਾ ਭਾਰਤੀ ਕੌਸਲੇਟ ਅੱਗੇ ਪੰਹੁਚਿਆਂ ਜਿਥੇ ਸਿੰਘਾਂ ਨੇ ਹਿੰਦੋਸਤਾਨ ਦੀ ਹਕੂਮਤ ਵੱਲੋ ਘੱਟ ਗਿਣਤੀਆਂ ਤੇ ਸਿੱਖਾਂ ਤੇ ਕੀਤੇ ਜ਼ੁਲਮਾਂ ਦੇ ਖਿਲਾਫ ਵੀਚਾਰਾਂ ਦੀ ਭੜਾਸ ਦੁਆਰਾ ਭਾਰੀ ਠੰਡ ਨੂੰ ਆਪਣੇ ਨੇੜੇ ਫਰਕੱਣ ਨਾ ਦਿੱਤਾ ।ਪੰਥਕ ਜਥੇਬੰਦੀਆਂ ਦੇ ਬੁਲਾਰਿਆਂ ਨੇ ਜੋ ਹਿੰਦੋਸਤਾਨ ਅੱਜ 26 ਜਨਵਰੀ ਨੂੰ ਗੰਣਤੰਤਰਤਾ ਦਿਵਸ ਦੇ ਜਸ਼ਨ ਮਨਾ ਰਿਹਾ ਹੈ । ਇਹ ਸਿੱਖ ਕੌਮ ਦੀਆਂ 83 % ਕੁਰਬਾਨੀਆਂ ਸਦਕਾ ਹੈ ਪਰ ਇਸ ਦੀ ਹਕੂਮਤ ਵੱਲੋ ਸਿੱਖ ਕੌਮ ਨਾਲ ਕੀਤੇ ਵਿਸ਼ਵਾਸ਼ਘਾਤ ਲਈ ਜਿੱਥੇ ਹਿੰਦੋਸਤਾਨ ਦੀ ਬ੍ਰਹਮਵਾਦੀ ਸੋਚ ਦੀ ਧਾਰਨੀ ਹਕੂਮਤ ਨੂੰ ਲਾਹਣਤਾਂ ਪਾਈਆਂ ।ਉਥੇ ਇਸੇ ਸੰਵਿਧਾਨ ਵਿੱਚ ਧਰਮ ਨਿਰਪੱਖਤਾ ,ਸਾਰੇ ਧਰਮਾਂ ਨੂੰ ਬਾਰਬਰ ਤੇ ਹਰ ਮਨੁੱਖ ਲਈ ਕਾਨੂੰਨ ਬਾਰਬਰਤਾ ਦੀ ਦੁਹਾਈ ਪਾਉਣ ਵਾਲੀ ਹਕੂਮਤ, ਸਿੱਖਾਂ ਤੇ ਘੱਟਗਿਣਤੀਆਂ ਵਾਸਤੇ ਵੱਖਰੇ ਕਾਨੂੰਨ ਬਣਾਕੇ ਸੰਵਿਧਾਨ ਵਿਰੋਧੀ ਫੈਸਲੇ ਕਰਕੇ ਇਸ ਦੀਆਂ ਆਪ ਹੀ ਧੱਜੀਆਂ ਉਡਾ ਰਹੇ ਹਨ ਤੇ ਸੰਵਿਧਾਨ ਦੀ ਧਾਰਾ 25 ਜੋ ਸਿੱਖ ਕੌਮ ਨੂੰ ਵੱਖਰੀ ਕੌਮ ਮੰਨਣ ਤੋਂ ਇਨਕਾਰੀ ਵਰਗੇ ਕਾਲੇ ਸੰਵਿਧਾਨ ਲਾਗੂ ਦਿਵਸ ਨੂੰ ਗੁਰੂ ਨਾਨਕ ਦੇ ਚਲਾਏ ਨਿਰਾਲੇ ਸਿੱਖ ਪੰਥ ਦੇ ਵਾਰਸਾਂ ਨੂੰ ਚਾਹੀਦਾ ਤਾਂ ਇਹ ਸੀ ਕਿ ਉਹ ਇਸ ਧਾਰਾ ਦੇ ਖਿਲਾਫ ਕਾਲਾ ਦਿਵਸ ਮਨਾਉਦੇ ਪਰ ਕੇਸਾ ਧਾਰੀ ਹਿੰਦੂ, ਕੁਰਸੀ ਦੇ ਲਾਲਚੀ ਲੀਡਰ, ਜਾਂ ਫਿਰ ਇਸ ਸੰਵਿਧਾਨ ਤੋਂ ਅਣਜਾਣ ਸਿੱਖ ਹੀ ਇਹਨਾਂ ਦੇ ਜਸ਼ਨਾਂ ਮਨਾਉਦੇ ਤੇ ਉਸ ਵਿੱਚ ਭਾਗ ਲੈਦੇ ਹਨ ।ਪੰਥਕ ਜੱਥੇਬੰਦੀਆਂ ਦੇ ਬਲਾਰਿਆਂ ਨੇ ਹਿੰਦੋਸਤਾਨ ਦੀ ਹਕੂਮਤ ਦੇ ਕਰਮਚਾਰੀਆਂ ਨੂੰ ਕਿਹਾ ਕਿ ਆਪਣੇ ਮਾਲਕਾਂ ਤੱਕ ਸਾਡਾ ਸੇਨੇਹਾ ਪੰਹੁਚਾ ਦੇਣਾ ਕਿ ਸਿੱਖ ਕੌਮ ਦੇ ਅਜ਼ਾਦ ਵਤਨ ਖਾਲਿਸਤਾਨ ਬਣਨ ਤੱਕ ਸਾਡਾ ਸੰਘਰਸ਼ ਜਾਰੀ ਰਹੇਗਾ । ਪੰਥਕ ਜਥੇਬੰਦੀਆਂ ਬੱਬਰ ਖਾਲਸਾ ਇੰਟਰਨੈਸ਼ਨਲ, ਸਿੱਖ ਫੈਡਰੇਸ਼ਨ ਜਰਮਨੀ, ਸ਼ਰੋਮਣੀ ਅਕਾਲੀ ਦਲ ਅਮ੍ਰਿਤਸਰ, ਬੱਬਰ ਖਾਲਸਾ ਜਰਮਨੀ, ਦਲ ਖਾਲਸਾ ਜਰਮਨੀ, ਇੰਟਰਨੈਸ਼ਨਲ ਸਿੱਖ ਯੂਥ ਫੈਡਰੇਸ਼ਨ, ਸ਼ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਈ.ਵੀ. ਦੇ ਬੁਲਾਰਿਆਂ ਨੇ ਵੀਚਾਰ ਰੱਖੇ ਸਿੱਖ ਫੈਡਰੇਸ਼ਨ ਜਰਮਨੀ ਦੇ ਭਾਈ ਗੁਰਮੀਤ ਸਿੰਘ ਖਨਿਆਣ, ਭਾਈ ਗੁਰਚਰਨ ਸਿੰਘ ਗੁਰਾਇਆ, ਭਾਈ ਗੁਰਦਿਆਲ ਸਿੰਘ ਲਾਲੀ ਭਾਈ ਜਤਿੰਦਰਬੀਰ ਸਿੰਘ ਭਾਈ ਅਮਰਜੀਤ ਸਿੰਘ ਮੰਗੂਪੁਰ ਸ੍ਰ. ਗੁਰਸ਼ਰਨਜੀਤ ਸਿੰਘ ਭਾਈ ਜਸਵਿੰਦਰ ਸਿੰਘ ,ਬੱਬਰ ਖਾਲਸਾ ਇੰਟਰਨੈਸ਼ਨਲ ਦੇ ਭਾਈ ਅਮਰਜੀਤ ਸਿੰਘ ਬੱਬਰ, ਸ਼ਰੋਮਣੀ ਆਕਾਲੀ ਦਲ ਅੰਮ੍ਰਿਤਸਰ ਦੇ ਭਾਈ ਜਗਤਾਰ ਸਿੰਘ ਮਾਹਲ , ਭਾਈ ਭਪਿੰਦਰ ਸਿੰਘ ਸੁਖਪ੍ਰੀਤ ਸਿੰਘ, ਦਲ ਖਾਲਸਾ ਜਰਮਨੀ ਦੇ ਭਾਈ ਗੁਰਦੀਪ ਸਿੰਘ ਪ੍ਰਦੇਸੀ, ਬੱਬਰ ਖਾਲਸਾ ਜਰਮਨੀ ਦੇ ਭਾਈ ਰਜਿੰਦਰ ਸਿੰਘ ,ਭਾਈ ਜਸਵੰਤ ਸਿੰਘ ਬੱਬਰ,ਇੰਟਰਨੈਸ਼ਨਲ ਸਿੱਖ ਯੂਥ ਫੈਡਰੇਸ਼ਨ ਭਾਈ ਅਵਤਾਰ ਸਿੰਘ ,ਭਾਈ ਲਖਵਿੰਦਰ ਸਿੰਘ ਮੱਲੀ ਤੇ ਸ਼ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਈ. ਵੀ. ਦੇ ਭਾਈ ਸੁਰਜੀਤ ਸਿੰਘ ਮਾਹਲ ਨੇ ਆਪਣੇ ਵੀਚਾਰ ਰੱਖੇ ।ਮਜ਼ਾਹਾਰੇ ਵਿੱਚ ਗੁਰਦੁਆਰਾ ਸਿੱਖ ਸੈਟਰ ਫਰੈਕਫਰਟ ਦੀ ਕਮੇਟੀ ਦੇ ਪ੍ਰਧਾਨ ਭਾਈ ਅਨੂਪ ਸਿੰਘ ,ਭਾਈ ਮਨਜੀਤ ਸਿੰਘ, ਭਾਈ ਸੱਜਣ ਸਿੰਘ, ਭਾਈ ਕਰਨੈਲ਼ ਸਿੰਘ ਪ੍ਰਦੇਸੀ, ਗੁਰਦੁਆਰਾ ਕਲੋਨ ਦੇ ਜਨਰਲ ਸਕੱਤਰ ਭਾਈ ਹਰਪਾਲ ਸਿੰਘ, ਭਾਈ ਅਵਤਾਰ ਸਿੰਘ ਸੁਟਗਾਟ, ਭਾਈ ਪ੍ਰਤਾਪ ਸਿੰਘ ਬੱਬਰ ਭਾਈ ਗੁਰਪਾਲ ਸਿੰਘ ਬੱਬਰ ਭਾਈ ਅਵਤਾਰ ਸਿੰਘ ਨਿੱਝਰ, ਭਾਈ ਅੰਗਰੇਜ਼ ਸਿੰਘ,ਭਾਈ ਗੁਰਮੀਤ ਸਿੰਘ ,ਕੁਲਵਿੰਦਰ ਸਿੰਘ, ਰਣਜੀਤ ਸਿੰਘ, ਮਨਦੀਪ ਸਿੰਘ, ਬਲਕਾਰ ਸਿੰਘ, ਬਲਜੀਤ ਸਿੰਘ, ਨਰਿੰਦਰ ਸਿੰਘ, ਪਲਵਿੰਦਰ ਸਿੰਘ, ਜਸਵੀਰ ਸਿੰਘ ,ਕੁਲਦੀਪ ਸਿੰਘ ,ਗੁਰਭੇਜ ਸਿੰਘ ਰੰਧਾਵਾ, ਬਲਦੇਵ ਸਿੰਘ,ਹਰਮੀਤ ਸਿੰਘ ਸ਼ਾਮਲ ਹੋਏ

ਪ੍ਰੋ. ਦਰਸ਼ਨ ਸਿੰਘ ਨੂੰ ਛੇਕੇ ਜਾਣ ਦੀ ਸੰਭਾਵਨਾ

ਅੰਮ੍ਰਿਤਸਰ, 27 ਜਨਵਰੀ - ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਸਾਬਕਾ ਜਥੇਦਾਰ ਪ੍ਰੋ. ਦਰਸ਼ਨ ਸਿੰਘ ਨੂੰ 29 ਜਨਵਰੀ ਦਿਨ ਸ਼ੁੱਕਰਵਾਰ ਨੂੰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੋਂ ਪੰਥ ਵਿਚੋਂ ਛੇਕੇ ਜਾਣ ਦੀ ਸੰਭਾਵਨਾ ਹੈ, ਕਿਉਂਕਿ ਪ੍ਰੋ. ਦਰਸ਼ਨ ਸਿੰਘ 29 ਜਨਵਰੀ ਨੂੰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਅੱਗੇ ਪੇਸ਼ ਨਹੀਂ ਹੋ ਰਹੇ । ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਨੇ 7 ਜਨਵਰੀ ਨੂੰ ਪ੍ਰੋ. ਦਰਸ਼ਨ ਸਿੰਘ ਨੂੰ ਅਕਾਲ ਤਖ਼ਤ ਸਾਹਿਬ 'ਤੇ ਪੇਸ਼ ਹੋਣ ਦੀ ਤਰੀਕ ਬਿਨਾਂ ਮੰਗਿਆਂ, ਬਿਨਾਂ ਪੇਸ਼ ਹੋਇਆਂ ਇਕ ਤਨਖ਼ਾਹੀਆ ਕਰਾਰ ਦਿੱਤੇ ਵਿਅਕਤੀ ਨੂੰ 29 ਜਨਵਰੀ ਨੂੰ ਪੇਸ਼ ਹੋਣ ਦੀ ਦਿੱਤੀ ਸੀ, ਪਰ ਆਸਨਸੋਲ ਵਿਚ ਕੁੱਝ ਸਿੱਖਾਂ ਵਲੋਂ ਪ੍ਰੋ. ਦਰਸ਼ਨ ਸਿੰਘ 'ਤੇ ਕੀਤੇ ਗਏ ਹਮਲੇ ਨੂੰ ਜਾਇਜ਼ ਕਰਾਰ ਦਿੰਦਿਆਂ ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਜਥੇਦਾਰ ਅਵਤਾਰ ਸਿੰਘ ਮੱਕੜ ਨੇ ਪ੍ਰੋ. ਦਰਸ਼ਨ ਸਿੰਘ 'ਤੇ ਹਮਲੇ ਨੂੰ ਵਿਅੰਗ ਰਾਹੀਂ ਕਿਹਾ ਕਿ ਜਿਹੜੀ ਚਿੱਠੀ ਪ੍ਰੋ. ਦਰਸ਼ਨ ਸਿੰਘ ਨੇ ਅਕਾਲ ਪੁਰਖ ਨੂੰ ਲਿਖੀ ਸੀ ਇਹ ਉਸ ਦਾ ਹੀ ਜਵਾਬ ਆਇਆ ਹੈ। ਇਸ ਦਿਨ ਪ੍ਰੋ. ਦਰਸ਼ਨ ਸਿੰਘ ਦਸੰਬਰ ਵਿਚ ਸ੍ਰੀ ਅਕਾਲ ਤਖ਼ਤ ਸਾਹਿਬ ਅੱਗੇ ਦੋ ਘੰਟੇ ਸਪਸ਼ਟੀਕਰਨ ਲੈ ਕੇ ਬੈਠੇ ਰਹੇ। ਉਸ ਦਿਨ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਸਕੱਤਰੇਤ ਵਿਚ ਪੰਜ ਤਖ਼ਤ ਸਾਹਿਬਾਨ ਦੇ ਜਥੇਦਾਰ ਬੈਠੇ ਰਹੇ ਪਰ ਅਕਾਲ ਤਖ਼ਤ ਉਪਰ ਨਹੀਂ ਆਏ। ਜਦੋਂ ਪ੍ਰੋ. ਦਰਸ਼ਨ ਸਿੰਘ ਚਲੇ ਗਏ ਤਾਂ ਤਖ਼ਤ ਸਾਹਿਬਾਨ ਦੇ ਜਥੇਦਾਰ ਅਕਾਲ ਤਖ਼ਤ ਸਾਹਿਬ 'ਤੇ ਆ ਗਏ। ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਨੇ ਆਉਂਦਿਆਂ ਕਿਹਾ ਕਿ ਪ੍ਰੋ. ਦਰਸ਼ਨ ਸਿੰਘ ਅਕਾਲ ਤਖ਼ਤ 'ਤੇ ਸੱਦਿਆ ਸੀ ਨਹੀਂ ਆਏ, ਇਸ ਲਈ ਉਨ੍ਹਾਂ ਨੂੰ ਤਨਖ਼ਾਹੀਆ ਕਰਾਰ ਦਿੱਤਾ ਗਿਆ ਸੀ। ਤੇ ਜਥੇਦਾਰ ਨੇ 7 ਜਨਵਰੀ ਨੂੰ ਤਨਖਾਹ ਲਵਾਉਣ ਦੀ ਤਰੀਕ ਅਗੇ ਪਾ ਦਿੱਤੀ। ਪ੍ਰੋ. ਦਰਸ਼ਨ ਸਿੰਘ 7 ਜਨਵਰੀ ਨੂੰ ਪੇਸ਼ ਨਹੀਂ ਹੋਏ ਨਾ ਉਨ੍ਹਾਂ ਅੱਗੇ ਤਰੀਕ ਮੰਗੀ ਤੇ ਨਾ ਹੀ ਅੱਗੇ ਤਰੀਕ ਪਾਉਣ ਲਈ ਬੇਨਤੀ ਕੀਤੀ। ਪਰ ਪੰਜਾ ਤਖਤਾਂ ਦੇ ਜਥੇਦਾਰਾਂ ਨੇ ਬਿਨਾ ਪੇਸ਼ ਹੋਇਆਂ ਪ੍ਰੋ. ਦਰਸ਼ਨ ਸਿੰਘ ਜੋ ਤਨਖਾਹੀਆਂ ਐਲਾਨੇ ਹੋਏ ਸੀ ਨੂੰ 22 ਦਿਨਾਂ ਦਾ ਹੋਰ ਸਮਾ ਦੇ ਕੇ ਮੁੜ 29 ਜਨਵਰੀ ਨੂੰ ਪੇਸ਼ ਹੋਣ ਲਈ ਕਿਹਾ।

ਭਾਰਤ ਦਾ ਗਣਤੰਤਰ ਦਿਵਸ ਸਿੰਘਾ ਦੇ ਪੈਰਾ ਥੱਲੇ

ਬਾਦਲ ਵੱਲੋਂ ਆਜ਼ਾਦੀ ਦਿਹਾੜੇ ‘ਤੇ ਵਧਾਈ ਦੇ ਕੇ ਖੁਦ ਹੀ ਗੁਲਾਮੀਅਤ ਨੂੰ ਪ੍ਰਵਾਨ ਕੀਤਾ ਜਾ ਰਿਹਾ ਹੈ :- ਮਾਨ

ਚੰਡੀਗੜ੍ਹ, 26 ਜਨਵਰੀ :- ਜਿਸ ਸਿੱਖ ਕੌਮ ਉੱਤੇ ਆਜ਼ਾਦ ਭਾਰਤ ਵਿੱਚ ਬੀਤੇ 62 ਸਾਲਾਂ ਤੋਂ ਇੱਥੋ ਦੇ ਹਿੰਦੂਤਵ ਸੋਚ ਵਾਲੇ ਹੁਕਮਰਾਨਾਂ ਵੱਲੋ ਹਰ ਖੇਤਰ ਵਿੱਚ ਵੱਡੀ ਬੇਇਨਸਾਫੀਆਂ ਤੇ ਇੰਤਹਾ ਦੇ ਜ਼ਬਰ ਜੁਲਮ ਢਾਹੁੰਦੇ ਆ ਰਹੇ ਹੋਣ ਤੇ ਜਿੱਥੇ ਸਿੱਖ ਕੌਮ ਦੀ ਨਸਲਕੁਸੀ ਕੀਤੀ ਗਈ ਹੋਵੇ, ਸਿੱਖ ਬੀਬੀਆਂ ਨਾਲ ਜ਼ਬਰ ਜਿਨਾਹ ਕੀਤੇ ਗਏ ਹੋਣ, ਸਾਡੇ ਗੁਰੂ ਘਰਾਂ ਉੱਤੇ ਫੌਜਾਂ ਚਾੜੀਆਂ ਗਈਆਂ ਹੋਣ, ਜਿੱਥੇ ਸਰਬੱਤ ਦਾ ਭਲਾ ਲੋੜਣ ਵਾਲੀ ਸਿੱਖ ਕੌਮ ਨੂੰ ਇੱਥੋ ਦੇ ਮੀਡੀਏ, ਪ੍ਰੈਸ ਤੇ ਅਖਬਾਰਾਂ ਵੱਲੋ ਅੱਤਵਾਦੀ, ਵੱਖਵਾਦੀ ਦੇ ਨਫਰਤ ਭਰੇ ਨਾਮ ਦੇ ਕੇ ਕੌਮਾਂਤਰੀ ਪੱਧਰ ਉੱਤੇ ਬਦਨਾਮ ਕੀਤਾ ਗਿਆ ਹੋਵੇ, ਉਸ ਭਾਰਤ ਦੀ ਆਜ਼ਾਦੀ ਦੇ ਦਿਹਾੜਿਆਂ ਉਤੇ ਸ: ਪ੍ਰਕਾਸ਼ ਸਿੰਘ ਬਾਦਲ ਵੱਲੋ ਜਨਤਕ ਤੌਰ ਤੇ ਦਿੱਤੀ ਜਾਣ ਵਾਲੀ ਵਧਾਈ ਦਾ ਮਤਲਬ ਹੈ ਕਿ ਇਹ ਲੋਕ ਹਿੰਦੂਤਵ ਤਾਕਤਾਂ ਦੀ ਗੁਲਾਮੀ ਨੂੰ ਪੂਰਨ ਤੌਰ ਤੇ ਪ੍ਰਵਾਨ ਕਰ ਚੁੱਕੇ ਹਨ। ਅਜਿਹਾ ਕਰਕੇ ਇਹ ਵੀ ਸਾਬਿਤ ਕਰ ਰਹੇ ਹਨ ਕਿ ਸਿੱਖ ਕੌਮ ਉੱਤੇ ਹੋਣ ਵਾਲੇ ਹੁਣ ਤੱਕ ਦੇ ਜ਼ਬਰ ਜੁਲਮਾਂ ਲਈ ਅਸੀਂ ਭਾਈਵਾਲ ਹਾਂ। ਇਹ ਵਧਾਈ ਸਿੱਖ ਕੌਮ ਨੂੰ ਨਹੀਂ ਹਿੰਦੂਤਵ ਹੁਕਮਰਾਨਾਂ ਨੂੰ ਦਿੱਤੀ ਗਈ ਹੈ ਕਿਉਂਕਿ ਸਿੱਖ ਕੌਮ ਤਾਂ ਅਜਿਹੀ ਵਧਾਈ ਨੂੰ ਪ੍ਰਵਾਨ ਹੀ ਨਹੀਂ ਕਰ ਸਕਦੀ ਜਿੱਥੇ ਸਿੱਖਾਂ ਨੂੰ ਦੂਸਰੇ ਦਰਜੇ ਦਾ ਸ਼ਹਿਰੀ ਬਣਾ ਕੇ ਰੱਖਿਆ ਗਿਆ ਹੋਵੇ ਤੇ ਜਿੱਥੋਂ ਦਾ ਕਾਨੂੰਨ ਉਨ੍ਹਾ ਨਾਲ ਦੋਹਰੇ ਮਾਪਦੰਡ ਅਪਣਾਉਂਦਾ ਹੋਵੇ।
ਇਹ ਵਿਚਾਰ ਅੱਜ ਇੱਥੇ ਸ: ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਸ਼੍ਰੀ ਬਾਦਲ ਵੱਲੋ ਅਖਬਾਰਾਂ ਵਿੱਚ ਦਿੱਤੀ ਗਈ ਮੁਬਾਰਕਵਾਦ ਉੱਤੇ ਤਿੱਖਾ ਪ੍ਰਤੀਕਰਮ ਕਰਦੇ ਹੋਏ ਆਪਣੇ ਦਸਤਖਤਾਂ ਹੇਠ ਜਾਰੀ ਕੀਤੇ ਗਏ ਇੱਕ ਬਿਆਨ ਵਿੱਚ ਪ੍ਰਗਟਾਏ। ਉਨ੍ਹਾ ਕਿਹਾ ਕਿ ਜਿੱਥੇ ਸਿੱਖ ਕੌਮ ਨੂੰ ਵੱਖਰੀ ਕੌਮ ਵਜੋਂ ਕੋਈ ਕਾਨੂੰਨੀ ਮਾਨਤਾ ਨਾ ਹੋਵੇ। ਜਿਸ ਉੱਤੇ ਹਿੰਦੂ ਕੋਡ ਬਿਲ ਅਨੁਸਾਰ ਹਿੰਦੂ ਮੈਰਿਜ ਐਕਟ ਲਾਗੂ ਕਰਕੇ ਸਾਨੂੰ ਜ਼ਬਰੀ ਹਿੰਦੂ ਗਰਦਾਨਿਆ ਗਿਆ ਹੋਵੇ, ਜਿਸ ਮੁਲਕ ਦੇ ਵਿਧਾਨ ਦੀ ਧਾਰਾ 25 ਸਾਨੂੰ ਹਿੰਦੂ ਸਾਬਿਤ ਕਰਦੀ ਹੋਵੇ, ਮੁਲਕ ਦੀ ਪਾਰਲੀਮੈਟ ਤੇ ਹਵਾਈ ਸਫਰ ਸਮੇਂ ਆਪਣੇ ਸਰੀਰ ਤੋਂ ਵੀ ਵੱਧ ਪਿਆਰੇ ਸਿੱਖੀ ਕਕਾਰ ਕ੍ਰਿਪਾਨ ਨੂੰ ਪਹਿਣਨ ਉੱਤੇ ਪਾਬੰਦੀ ਲਾਈ ਹੋਵੇ, ਸਿੱਖ ਕੌਮ ਦੀਆਂ ਕਾਲੀਆਂ ਸੂਚੀਆਂ ਬਣਾਈਆਂ ਗਈਆਂ ਹੋਣ, ਸਿੱਖਾਂ ਨੂੰ ਬਿਨਾਂ ਟਰਾਇਲਾਂ ਤੋਂ ਲੰਮੇ ਲੰਮੇ ਸਮੇਂ ਲਈ ਜ਼ੇਲ੍ਹਾ ਵਿੱਚ ਬੰਦੀ ਬਣਾ ਕੇ ਰੱਖਿਆ ਗਿਆ ਹੋਵੇ ਤੇ ਵਿਸ਼ੇਸ ਅਦਾਲਤਾਂ ਰਾਹੀਂ ਝੱਟ ਪੱਖਪਾਤੀ ਫੈਸਲੇ ਕਰਕੇ ਸਿੱਖਾਂ ਨੂੰ ਮੌਤ ਦੀਆਂ ਸਜ਼ਾਵਾਂ ਦਿੱਤੀਆਂ ਗਈਆਂ ਹੋਣ। ਜਿੱਥੇ ਬੇਰੁਜ਼ਗਾਰੀ, ਮਹਿੰਗਾਈ, ਨਸ਼ੀਲੀਆਂ ਵਸਤਾਂ ਦੀ ਸਮੱਗਲਿੰਗ, ਕਾਨੂੰਨੀ ਵਿਵਸਥਾ ਆਦਿ ਸਿੱਖ ਕੌਮ ਨਾਲ ਸੰਬੰਧਿਤ ਕੋਈ ਵੀ ਮਸਲਾ ਹੱਲ ਨਾ ਕੀਤਾ ਗਿਆ ਹੋਵੇ। ਸਿੱਖਾ ਦੇ ਕਾਤਿਲਾਂ ਨੂੰ ਕਾਨੂੰਨੀ ਮਾਰ ਤੋਂ ਬਚਾਉਣ ਦੇ ਢੰਗ ਲੱਭੇ ਜਾਂਦੇ ਹੋਣ। ਖੇਤੀ, ਉਦਯੋਗ, ਵਪਾਰਿਕ ਤੇ ਧਾਰਮਿਕ ਤੌਰ ਤੇ ਪੰਜਾਬ ਤੇ ਸਿੱਖ ਕੌਮ ਨਾਲ ਨਿਰੰਤਰ ਵਿਤਕਰੇ ਹੁੰਦੇ ਆ ਰਹੇ ਹੋਣ, ਉਸ ਕੌਮ ਦੇ ਸ: ਬਾਦਲ ਵਰਗੇ ਅਖੌਤੀ ਆਗੂ ਸਿੱਖ ਕੌਮ ਨੂੰ ਨਹੀਂ ਹਿੰਦੂਤਵ ਹੁਕਮਰਾਨਾਂ ਨੂੰ ਹੀ ਆਜ਼ਾਦੀ ਦੀ ਵਧਾਈ ਦੇ ਕੇ ਇਹ ਸਾਬਿਤ ਕਰ ਰਹੇ ਹਨ ਕਿ ਅਸੀਂ ਤੁਹਾਡੇ ਹਮੇਸ਼ਾ ਇਸੇ ਤਰ੍ਹਾ ਵਫਾਦਾਰ ਰਹਾਂਗੇ। ਭਾਵੇਂ ਸਿੱਖ ਕੌਮ ਤੇ ਪੰਜਾਬੀ ਸਾਡੇ ਨਾਲ ਕਿੰਨੇ ਵੀ ਨਰਾਜ਼ ਹੋਣ ਤੇ ਪੰਜਾਬ ਦਾ ਮਾਲੀ, ਸੱਭਿਆਚਾਰਕ, ਧਾਰਮਿਕ, ਇਖਲਾਕੀ ਤੇ ਭੂਗੋਲਿਕ ਕਿੰਨਾ ਵੀ ਨੁਕਸਾਨ ਕਿਉਂ ਨਾ ਹੋ ਜਾਵੇ। ਉਨ੍ਹਾ ਬਾਦਲ ਵੱਲੋਂ ਪੰਜਾਬ ਨੂੰ ਸਭ ਤੋਂ ਵਧੀਆ ਰਾਜ ਦੀ ਗੱਲ ਕਰਨ ਨੂੰ ਹਾਸੋਹੀਣਾ ਕਰਾਰ ਦਿੰਦੇ ਹੋਏ ਕਿਹਾ ਕਿ ਇਹ ਗੱਲਾ ਕੇਵਲ ਅਖਬਾਰੀ ਤੇ ਇਨ੍ਹਾ ਵੱਲੋਂ ਬਣਾਈਆਂ ਗਈਆਂ ਹਨ, ਜਦੋਂ ਕਿ ਅੱਜ ਪੰਜਾਬ ਦਾ ਜਿ਼ਮੀਦਾਰ, ਵਪਾਰੀ, ਦੁਕਾਨਦਾਰ, ਮਜ਼ਦੂਰ, ਮੁਲਾਜ਼ਮ, ਵਿਦਿਆਰਥੀ ਤੇ ਉਦਯੋਗਪਤੀ ਆਦਿ ਸਭ ਵਰਗ ਮਹਿੰਗਾਈ, ਬਿਜਲੀ ਤੇ ਪਾਣੀ ਦੀ ਥੁੜ, ਜਮਾਂਖੌਰੀ, ਜਖੀਰੇਬਾਜ਼ੀ, ਸਮੱਗਲਿੰਗ, ਕਤਲੋਗਾਰਤ ਤੇ ਵਿਗੜਦੀ ਜਾ ਰਹੀ ਕਾਨੂੰਨੀ ਵਿਵਸਥਾ ਤੋਂ ਤਰਾਹ ਤਰਾਹ ਕਰ ਰਹੇ ਹਨ। ਇਨ੍ਹਾ ਦਾ “ਰਾਜ ਨਹੀਂ ਸੇਵਾ” ਦਾ ਨਾਅਰਾ ਵੀ ਕੇਵਲ ਅਖਬਾਰਾਂ ਦੀਆਂ ਸੁਰਖੀਆਂ ਬਣਕੇ ਰਹਿ ਗਿਆ ਹੈ ਜਦੋਂ ਕਿ ਸਮੁੱਚੇ ਪੰਜਾਬੀਆਂ ਤੇ ਸਿੱਖ ਕੌਮ ਨੂੰ ਇਹ ਜਾਣਕਾਰੀ ਹੈ ਕਿ ਬਾਦਲ-ਮਜੀਠੀਆ ਪਰਿਵਾਰਾਂ ਦੀ ਜੁੰਡਲੀ ਗੈਰ ਕਾਨੂੰਨੀ ਤਰੀਕੇ ਸਮੁੱਚੀ ਟ੍ਰਾਂਸਪੋਰਟ, ਰੇਤੇ ਬਜਰੀ ਦੇ ਠੇਕੇ, ਟੀ ਵੀ ਨੈਟਵਰਕ ਅਤੇ ਹੋਟਲਾਂ ਤੇ ਢਾਬਿਆਂ ਦੇ ਸਮੁੱਚੇ ਕਾਰੋਬਾਰ ਉੱਤੇ ਜ਼ਬਰੀ ਕਬਜ਼ੇ ਕਰ ਚੁੱਕੇ ਹਨ ਤੇ ਪੰਜਾਬ ਦੇ ਖਜ਼ਾਨੇ ਦਾ ਦਿਵਾਲਾ ਕੱਢ ਚੁੱਕੇ ਹਨ।

ਡਾ: ਰਮਾਕਾਂਤ ਤਿਵਾੜੀ ਵਰਗੇ ਫਿਰਕੂਆਂ ਨੂੰ ਸਿੱਖਾਂ ਦੇ ਮਾਮਲਿਆਂ ਵਿੱਚ ਦਖਲ ਦੇਣ ਦਾ ਕੋਈ ਹੱਕ ਨਹੀਂ :- ਟਿਵਾਣਾ

ਫਤਿਹਗੜ੍ਹ ਸਾਹਿਬ, 26 ਜਨਵਰੀ :- ਸ੍ਰੀ ਦਰਬਾਰ ਸਾਹਿਬ ਦੇ ਚਾਰ ਦਿਸ਼ਾਵਾਂ ਵੱਲ ਚਾਰ ਦਰਵਾਜ਼ੇ ਰੱਖ ਕੇ ਗੁਰੂ ਸਾਹਿਬਾਨ ਨੇ ਵੱਖ ਵੱਖ ਜਾਤਾਂ, ਗੋਤਾਂ, ਧਰਮਾਂ, ਕੌਮਾਂ ਦੇ ਵਲੱਗਣ ਵਿੱਚੋਂ ਲੋਕਾਈ ਨੂੰ ਕੱਢ ਕੇ ਮਨੁੱਖਤਾ ਪੱਖੀ ਸਰਬ ਸਾਂਝੇ ਸਿੱਖ ਧਰਮ ਤੇ ਉਸ ਅਕਾਲ ਪੁਰਖ ਨਾਲ ਜੋੜਿਆ ਸੀ। ਸ਼੍ਰੀ ਦਰਬਾਰ ਸਾਹਿਬ ਦੇ ਦਰਸ਼ਨ ਕਰਨ ਤੇ ਆਪਣੀ ਸ਼ਰਧਾ ਪ੍ਰਗਟ ਕਰਨ ਲਈ ਕੋਈ ਵੀ ਮਨੁੱਖ ਆ ਸਕਦਾ ਹੈ। ਪਰ ਸੰਘ ਪਰਿਵਾਰ ਦੀ ਵੈੱਬਸਾਈਟ ਦੇ ਇੰਚਾਰਜ ਡਾ: ਰਮਾਕਾਂਤ ਤਿਵਾੜੀ ਜੋ ਬੀਤੇ ਦਿਨੀਂ ਸ਼੍ਰੀ ਦਰਬਾਰ ਸਾਹਿਬ ਦਰਸ਼ਨ ਕਰਨ ਲਈ ਆਏ ਸੀ, ਉਨ੍ਹਾ ਨੂੰ ਸਿੱਖ ਕੌਮ ਦੇ ਇਸ ਪ੍ਰਬੰਧ ਤੇ ਗੁਰਾਂ ਦੀ ਬਾਣੀ ਵਿੱਚ ਰਾਮ, ਗੋਬਿੰਦ ਤੇ ਸਿ਼ਵ ਦੇ ਵਰਣਨ ਕੀਤੇ ਗਏ ਉਸ ਅਕਾਲ ਪੁਰਖ ਨੂੰ ਸੰਬੋਧਿਤ ਕਰਨ ਵਾਲੇ ਸ਼ਬਦਾਂ ਉੱਤੇ ਆਪਣੇ ਹੀ ਅਰਥ ਕੱਢ ਕੇ ਸਿੱਖ ਕੌਮ ਨੂੰ ਹਿੰਦੂ ਕੌਮ ਵਿੱਚ ਰੱਲਗੱਡ ਕਰਨ ਦਾ ਅਧਿਕਾਰ ਕਿਸਨੇ ਦਿੱਤਾ ਹੈ? ਇਹ ਉਪਰੋਕਤ ਵਿਚਾਰ ਭਾਈ ਇਕਬਾਲ ਸਿੰਘ ਟਿਵਾਣਾ ਸਿਆਸੀ ਤੇ ਮੀਡੀਆ ਸਲਾਹਕਾਰ ਤੇ ਇੰਚਾਰਜ ਗੁਰਦੁਆਰਾ ਚੋਣਾਂ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਅੱਜ ਆਰ ਐਸ ਐਸ ਸੰਘ ਪਰਿਵਾਰ ਬੀ ਜੇ ਪੀ ਵਰਗੇ ਫਿਰਕੂ ਸੰਗਠਨਾਂ ਵੱਲੋਂ ਸਿੱਖ ਧਰਮ ਤੇ ਸਿੱਖ ਕੌਮ ਦੇ ਅੰਦਰੂਨੀ ਮਾਮਲਿਆਂ ਵਿੱਚ ਦਖਲ ਅੰਦਾਜ਼ੀ ਕਰਨ ਦੀ ਪੁਰਜ਼ੋਰ ਨਿਖੇਧੀ ਕਰਦੇ ਹੋਏ ਇੱਕ ਪਾਰਟੀ ਬਿਆਨ ਵਿੱਚ ਪ੍ਰਗਟ ਕੀਤੇ। ਉਨ੍ਹਾ ਕਿਹਾ ਕਿ ਬਾਦਲ ਦਲੀਏ, ਤਖਤਾਂ ਦੇ ਜਥੇਦਾਰ ਸਾਹਿਬਾਨ ਤੇ ਸੰਤ ਸਮਾਜ ਲੰਮੇ ਸਮੇ ਤੋਂ ਅਜਿਹੀਆਂ ਗੈਰ ਸਿਧਾਂਤਕ ਕਾਰਵਾਈਆਂ ਕਰਦੇ ਆ ਰਹੇ ਹਨ ਜਿਸ ਨਾਲ ਸਿੱਖ ਕੌਮ ਨੂੰ ਹਿੰਦੂਆਂ ਦਾ ਇੱਕ ਅੰਗ ਗਰਦਾਨਿਆਂ ਜਾ ਸਕੇ। ਡਾ: ਰਮਾ ਕਾਂਤ ਵੱਲੋ ਸਿੱਖ ਕੌਮ ਦੇ ਨਾਇਕਾਂ ਸੰਤ ਜਰਨੈਲ ਸਿੰਘ ਖਾਲਸਾ ਭਿੰਡਰਾਂਵਾਲਿਆ, ਸ਼ਹੀਦ ਬਲਵੰਤ ਸਿੰਘ, ਸ਼ਹੀਦ ਸਤਵੰਤ ਸਿੰਘ ਤੇ ਕੇਹਰ ਸਿੰਘ ਦੇ ਕੱਦ ਬੁੱਤ ਵਾਲੀਆਂ ਫੋਟੋਆਂ ਸਿੱਖ ਅਜਾਇਬ ਘਰ ਵਿੱਚ ਸ਼ੁਸੋਭਿਤ ਹੋਣ ਉੱਤੇ ਕਿੰਤੂ ਪ੍ਰੰਤੂ ਕਰਨ ਵਾਲੇ ਡਾ: ਤਿਵਾੜੀ ਨੂੰ ਇਹ ਸਮਝ ਨਹੀਂ ਕਿ ਹਰ ਕੌਮ ਦੇ ਵੱਖ-ਵੱਖਰੇ “ਨਾਇਕ” ਹੁੰਦੇ ਹਨ। ਸਿੱਖ ਕੌਮ ਦੇ ਨਾਇਕ ਕਿਹੜੇ ਹਨ, ਉਨ੍ਹਾ ਦੀਆਂ ਯਾਦਗਾਰਾਂ ਨੂੰ ਕਿੱਥੇ ਕਿਸ ਰੂਪ ਵਿੱਚ ਕਾਇਮ ਕਰਨਾ ਹੈ, ਇਹ ਫੈਸਲਾ ਸਿੱਖ ਕੌਮ ਦੇ ਆਪਣੇ ਅਧਿਕਾਰ ਵਿੱਚ ਹੈ। ਉਨ੍ਹਾ ਸੰਤ ਭਿੰਡਰਾਂਵਾਲਿਆਂ ਦੀ ਸਖਸੀਅਤ ਉੱਤੇ ਡਾ: ਰਮਾ ਕਾਂਤ ਵੱਲੋਂ ਕੀਤੇ ਗਏ ਗੈਰ ਦਲੀਲ ਹਮਲੇ ਦਾ ਜਵਾਬ ਦਿੰਦੇ ਹੋਏ ਕਿਹਾ ਕਿ ਗਲਤ ਗਤੀਵਿਧੀਆਂ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਜੀ ਨੇ ਨਹੀਂ ਕੀਤੀਆਂ ਬਲਕਿ ਮਰਹੂਮ ਇੰਦਰਾ ਗਾਂਧੀ, ਵਾਜਪਾਈ, ਅਡਵਾਨੀ, ਕਲਿਆਣ ਸਿੰਘ, ਮੁਰਲੀ ਮਨੋਹਰ ਜੋਸ਼ੀ, ਨਰਸਿੰਮਾ ਰਾਓ, ਅਰੁਣ ਸਿੰਘ, ਤੋਗੜੀਆ, ਅਸ਼ੋਕ ਸਿੰਗਲ, ਕੇ ਪੀ ਐਸ ਗਿੱਲ, ਜਨਰਲ ਸੁੰਦਰ ਜੀ, ਜਨਰਲ ਬਰਾੜ, ਰਿਬੈਰੋ, ਚਿਦੰਬਰਮ ਆਦਿ ਬਹੁਗਿਣਤੀ ਨਾਲ ਸੰਬੰਧਿਤ ਹੁਕਮਰਾਨਾਂ ਅਤੇ ਪੁਲਿਸ ਅਫਸਰਾਂ ਨੇ ਸਿੱਖ ਕੌਮ ਉੱਤੇ ਜ਼ਬਰ ਜੁਲਮ ਕੀਤੇ ਹਨ। ਇਸ ਮੁਲਕ ਦੀ ਇੱਜ਼ਤ ਆਬਰੂ ਨੂੰ ਬਚਾਉਣ ਵਾਲੇ, ਸਰਹੱਦਾਂ ਉੱਤੇ ਆਪਣੀਆਂ ਜਾਨਾਂ ਤੋ ਖੇਡ ਕੇ ਰਾਖੀ ਕਰਨ ਵਾਲੇ, ਹਿੰਦੂਆਂ ਦੀਆਂ ਧੀਆਂ-ਭੈਣਾਂ ਨੂੰ ਜ਼ਾਬਰਾਂ ਕੋਲੋ ਛੁਡਵਾ ਕੇ ਸੁਰੱਖਿਅਤ ਉਨ੍ਹਾ ਦੇ ਘਰ ਪਹੁੰਚਾਉਣ ਵਾਲੇ ਅਤੇ ਸਰਬੱਤ ਦਾ ਭਲਾ ਲੋੜਣ ਵਾਲੀ ਸਿੱਖ ਕੌਮ ਨਾਲ ਹਰ ਖੇਤਰ ਵਿੱਚ ਵਿਤਕਰੇ ਕਰਨ ਵਾਲਿਆਂ ਨੇ ਗਲਤ ਕਾਰਵਾਈਆਂ ਕੀਤੀਆਂ ਹਨ। ਬਲਕਿ ਉਨ੍ਹਾ ਨੇ ਸ਼੍ਰੀ ਦਰਬਾਰ ਸਾਹਿਬ ਉੱਤੇ ਫੌਜੀ ਹਮਲਾ ਕਰਕੇ ਸਿੱਖ ਕੌਮ ਦੇ ਖੂਨ ਨਾਲ ਹੋਲੀ ਖੇਡ ਕੇ ਇੱਥੋ ਦੇ ਮਾਹੌਲ ਨੂੰ ਨਫ਼ਰਤ ਭਰਿਆ ਬਣਾਇਆ ਹੈ। ਜੋ ਅੱਜ ਵੀ ਜਖਮੀ ਹੋਏ ਸਿੱਖ ਮਨਾਂ ਨੂੰ ਡੂੰਘੀ ਠੇਸ ਪਹੁੰਚਾ ਕੇ ਆਪਣੇ “ਹਿੰਦੂਤਵ” ਸੋਚ ਦੇ ਗੁਲਾਮ ਬਣਾਉਣ ਦੀਆਂ ਕਾਰਵਾਈਆਂ ਵਿੱਚ ਮਸ਼ਰੂਫ ਹਨ।
ਉਨ੍ਹਾ ਆਪਣੇ ਬਿਆਨ ਦੇ ਅਖੀਰ ਵਿੱਚ ਕਿਹਾ ਕਿ ਜੇਕਰ ਡਾ: ਤਿਵਾੜੀ ਵਰਗੇ ਲੋਕ ਸਿੱਖ ਕੌਮ ਦੇ ਜਖਮਾਂ ਨੂੰ ਕੁਰੇਦਣ ਦੀ ਅੱਜ ਵੀ ਅਸਹਿ ਕਾਰਵਾਈ ਕਰ ਰਹੇ ਹਨ ਤਾਂ ਇਸ ਲਈ ਸਿੱਖੀ ਸਿਧਾਂਤਾਂ ਨੂੰ ਚੁਣੌਤੀ ਦੇਣ ਵਾਲੇ ਸ: ਬਾਦਲ, ਸ਼੍ਰੀ ਮੱਕੜ, ਤਖਤਾਂ ਦੇ ਜਥੇਦਾਰ ਵਰਗੇ ਸਾਡੇ ਆਗੂ ਸਿੱਧੇ ਤੌਰ ਤੇ ਜਿੰਮੇਵਾਰ ਹਨ ਜੋ ਆਪਣੀ ਸਵਾਰਥੀ ਵੋਟ ਸਿਆਸਤ ਦੀ ਸੋਚ ਅਧੀਨ ਹੋ ਕੇ ਆਪਣੀ ਹੀ ਪੱਗ-ਇੱਜ਼ਤ ਨੂੰ ਸੰਘ ਪਰਿਵਾਰ ਦੇ ਸਪੁਰਦ ਪੂਰੀ ਤਰ੍ਹਾ ਕਰ ਚੁੱਕੇ ਹਨ ਤੇ ਪੰਥ ਵਿਰੋਧੀ ਤਾਕਤਾਂ ਨੂੰ ਅਜਿਹੀਆਂ ਕਾਰਵਾਈਆਂ ਕਰਨ ਲਈ ਖੁਦ ਉਤਸ਼ਾਹਿਤ ਕਰ ਰਹੇ ਹਨ। ਉਨ੍ਹਾ ਡਾ: ਤਿਵਾੜੀ ਵਰਗੇ ਫਿਰਕੂਆਂ ਨੂੰ ਖਬਰਦਾਰ ਕਰਦੇ ਹੋਏ ਕਿਹਾ ਕਿ ਉਹ ਸਰਬੱਤ ਦਾ ਭਲਾ ਲੋੜਣ ਵਾਲੀ ਸਿੱਖ ਕੌਮ ਦੇ ਮਾਮਲਿਆਂ ਵਿੱਚ ਦਖਲ ਦੇਣਾ ਬੰਦ ਕਰ ਦੇਣ ਵਰਨਾ ਇਸ ਮੁਲਕ ਦੇ ਹਾਲਾਤਾਂ ਨੂੰ ਅਤਿ ਵਿਸਫੋਟਕ ਬਣਾਉਣ ਲਈ ਅਜਿਹੇ ਫਿਰਕੂ ਹੀ ਖੁਦ ਜਿ਼ੰਮੇਵਾਰ ਹੋਣਗੇ ਨਾ ਕਿ ਸਿੱਖ ਕੌਮ।

ਫਰੀਮਾਂਟ ਗੁਰਦੁਆਰਾ ਸਾਹਿਬ ਵਲੋਂ ਨੌਜਵਾਨਾਂ ਲਈ 20,000 ਡਾਲਰ ਦੇ ਵਜੀਫੇ

ਸੈਨ ਫਰਾਂਸਿਸਕੋ-ਫਰੀਮਾਂਟ : ਫਰੀਮਾਂਟ ਗੁਰਦੁਆਰਾ ਸਾਹਿਬ ਨੇ ਸਿੱਖ ਨੌਜਵਾਨਾਂ ਵਿਚ ਚੰਗੀ ਲੀਡਰਸ਼ਿਪ, ਵਿਦਵਤਾ ਅਤੇ ਕਿਰਦਾਰ ਪੈਦਾ ਕਰਨ ਲਈ ਸਾਲਾਨਾ ਸਕਾਲਰਸ਼ਿਪ ਫੰਡ ਕਾਇਮ ਕੀਤਾ ਹੈ। ਕੈਲੀਫੋਰਨੀਆ ਸੂਬੇ ਦੇ ਕਾਲਜਾਂ ਅਤੇ ਹਾਈ ਸਕੂਲਾਂ ਵਿਚ ਪੜ੍ਹਦੇ ਸੀਨੀਅਰ ਸਿੱਖ ਵਿਦਿਆਰਥੀਆਂ ਨੂੰ 500 ਡਾਲਰ ਤੋਂ 1000 ਡਾਲਰ ਤੱਕ ਦੇ ਸਕਾਲਰਸ਼ਿਪ ਦਿੱਤੇ ਜਾਣਗੇ। ਕੁਲ 20,000 ਡਾਲਰ ਦੇ ਵਜ਼ੀਫ਼ੇ ਦਿੱਤੇ ਜਾਣਗੇ। ਇਸ ਮੰਤਵ ਲਈ ਗੁਰਦੁਆਰਾ ਸਾਹਿਬ ਦੀ ਤਰਫੋਂ 10 ਹਜ਼ਾਰ ਡਾਲਰ ਦਿੱਤੇ ਜਾਣ ਦਾ ਪ੍ਰੋਗਰਾਮ ਸੀ ਪਰ ਇੱਕ ਉੱਚ ਪੜ੍ਹੇ ਲਿਖੇ ਗੁਰਮੁਖ ਸੇਵਾਦਾਰ ਪਰਿਵਾਰ ਵਲੋਂ ਇਸ ਸ਼ੁਭ ਕਾਰਜ ਲਈ 10 ਹਜ਼ਾਰ ਡਾਲਰ ਦੇਣ ਦੀ ਪੇਸ਼ਕਸ਼ ਨੂੰ ਧਿਆਨ ਵਿੱਚ ਰਖਦਿਆਂ ਸਕਾਰਲਸ਼ਿਪਸ਼ ਦੀ ਰਕਮ ਵਧਾ ਕੇ 20 ਹਜ਼ਾਰ ਡਾਲਰ ਕੀਤੀ ਜਾ ਰਹੀ ਹੈ। ਇਥੇ ਇਹ ਗੱਲ ਯਾਦ ਕਰਵਾਈ ਜਾਂਦੀ ਹੈ ਕਿ ਇਹ ਵਜੀਫੇ ਸਿਰਫ ਤੇ ਸਿਰਫ ਹਾਈ ਸਕੂਲਾਂ ਦੇ ਆਖਰੀ ਸਾਲ ਦੇ ਵਿਦਿਆਰਥੀਆਂ - ਵਿਦਿਆਰਥਣਾਂ ਲਈ ਹਨ ।
ਇਹ ਧਨ ਕਾਲਜ ਪੱਧਰ ਦੀ ਪੜ੍ਹਾਈ ਜਾਂ ਸੈਕੰਡਰੀ ਤੋਂ ਬਾਅਦ ਕਿਸੇ ਵਿਦਿਅਕ ਸੰਸਥਾ ਦੇ ਖਰਚਿਆਂ ਲਈ ਵਰਤਿਆ ਜਾ ਸਕਦਾ ਹੈ। ਚਾਹਵਾਨ ਵਿਦਿਆਰਥੀ 11 ਫਰਵਰੀ ਤੱਕ ਅਰਜ਼ੀਆਂ ਦੇ ਸਕਦੇ ਹਨ। ਉਮੀਦਵਾਰਾਂ ਨੂੰ ਘੱਟੋ ਘੱਟ ਇਕ ਜਾਂ ਦੋ ਸਿਫਾਰਿਸ਼ ਪੱਤਰ (letter of Recommendation) ਦਾਇਰ ਹੋਣਗੇ, ਜਿਨ੍ਹਾਂ ਉਪਰ ਇਹ ਵਜ਼ੀਫ਼ਾ ਦੇਣ ਲਈ ਸਿਫਾਰਿਸ਼ ਕੀਤੀ ਹੋਵੇ। ਇਹ ਸਿਫਾਰਿਸ਼ ਵਿਅਕਤੀਗਤ ਹੈਸੀਅਤ ਵਿਚ ਵੀ ਹੋ ਸਕਦੀ ਹੈ ਜੋ ਵਿਦਿਆਰਥੀ ਦੀ ਅਕਾਦਮਿਕ ਯੋਗਤਾ, ਪ੍ਰਾਪਤੀਆਂ, ਵਿਸ਼ੇਸ਼ਤਾਵਾਂ ਅਤੇ ਕਿਰਦਾਰ ਬਾਰੇ ਹੋਵੇਗੀ। ਸਿਫਾਰਿਸ਼ ਕਰਤਾ (Recommenders) ਨੂੰ ਅਪਣੇ ਸਿਫਾਰਿਸ਼ ਪੱਤਰ 11 ਫਰਵਰੀ ਤੋਂ ਪਹਿਲਾਂ ਈ ਮੇਲ fgscholarship@gmail.com ਉਪਰ ਭੇਜਣੇ ਜਰੂਰੀ ਹਨ।
ਗੁਰਦੁਆਰਾ ਸਾਹਿਬ ਦੀ ਪ੍ਰਬੰਧਕ ਕਮੇਟੀ ਨੇ ਉੱਚ ਯੋਗਤਾ ਪ੍ਰਾਪਤ ਮਾਹਿਰਾਂ ਦੀ ਇੱਕ ਕਮੇਟੀ ਕਾਇਮ ਕੀਤੀ ਹੈ ਜਿਹੜੀ ਸਕਾਲਰਸ਼ਿਪ ਲਈ ਯੋਗ ਤੇ ਹੱਕਦਾਰ ਵਿਦਿਆਰਥੀਆਂ ਦੀ ਚੋਣ ਕਰੇਗੀ। ਫਰੀਮਾਂਟ ਗੁਰਦੁਆਰਾ ਸਾਹਿਬ ਦੇ ਪ੍ਰਧਾਨ ਭਾਈ ਹਰਜੋਤ ਸਿੰਘ ਖਾਲਸਾ ਨੇ ਆਸ ਪ੍ਰਗਟ ਕੀਤੀ ਹੈ ਕਿ ਇਸ ਨਾਲ ਹੋਰ ਗੁਰਦੁਆਰਾ ਸਾਹਿਬਾਨ ਵਲੋਂ ਵੀ ਵਿਦਿਆਰਥੀਆਂ ਨੂੰ ਵਜ਼ੀਫ਼ੇ ਦੇਣ ਦੀ ਰਵਾਇਤ ਅੱਗੇ ਤੋਰੀ ਜਾਵੇਗੀ। ਭਾਈ ਹਰਜੋਤ ਸਿੰਘ ਨੇ ਦਸਿਆ ਕਿ ਇਸ ਫੰਡ ਲਈ ਗੁਰਦੁਆਰਾ ਸਾਹਿਬ ਦੀ ਤਰਫੋਂ 10 ਹਜ਼ਾਰ ਡਾਲਰ ਦੀ ਜਿਹੜੀ ਰਕਮ ਦਿੱਤੀ ਜਾਣੀ ਹੈ ਉਹ ਵਾਲੰਟੀਅਰਾਂ ਵਲੋਂ ਪਿਛਲੇ ਇੱਕ ਸਾਲ ਦੌਰਾਨ ਗੁਰਦੁਆਰਾ ਸਾਹਿਬ ਵਿਖੇ ਸੁਖਮਨੀ ਸਾਹਿਬ ਦੇ ਪਾਠਾਂ ਦੀਆਂ ਮੁਫ਼ਤ ਰਾਊਲਾਂ ਲਾਉਣ ਸਦਕਾ ਕੀਤੀ ਬੱਚਤ ਹੈ। ਸਕਾਲਰਸ਼ਿਪ ਬਾਰੇ ਹੋਰ ਜਾਣਕਾਰੀ ਲਈ ਫਰੀਮਾਂਟ ਗੁਰੂਘਰ ਦੀ ਵੈਬਸਾਈਟ www.fremontgurdwara.org 'ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।

ਅਕਾਲੀ ਦਲ ਬਾਦਲ ਸਣੇ ਭਾਰਤੀ ਰਾਜਨੀਤਕ ਪਾਰਟੀਆਂ ਸਿੱਖ ਕੌਮ ਦੀਆਂ ਦੁਸ਼ਮਣ ਹਨ-ਡਾ ਔਲਖ

ਨਿਊਯਾਰਕ (ਹਰਵਿੰਦਰ ਰਿਆੜ) - ਭਾਰਤ ਦੀਆਂ ਸਾਰੀਆਂ ਰਾਜਨੀਤਕ ਪਾਰਟੀਆਂ ਸਿੱਖ ਕੌਮ ਦੀਆਂ ਦੁਸ਼ਮਣ ਹਨ। ਡਾ ਨੇ ਅੱਗੇ ਕਿਹਾ ਕਿ ਇਥੋਂ ਤੱਕ ਕਿ ਸਿੱਖਾਂ ਦੀ ਆਪਣੀ ਪਾਰਟੀ ਜਿਸ ਨੇ 1980 ਵਿਆਂ ਵਿੱਚ ਪੰਜਾਬ ਅਤੇ ਸਿੱਖ ਕੌਮ ਲਈ ਵੱਧ ਅਧਿਕਾਰ ਅਤੇ ਸੰਵਿਧਾਨ ਦੀ ਧਾਰਾ 25 ਜਿਸ ਅਨੁਸਾਰ ਸਿੱਖਾਂ ਨੂੰ ਹਿੰਦੂ ਲਿਖਿਆ ਹੋਇਆ ਹੈ ਨੂੰ ਹਟਾਉਣ ਲਈ ਧਾਰਮਿਕ ਮੋਰਚਾ ਲਾਇਆ ਸੀ। ਦੋ ਸਾਲ ਇਸ ਮੋਰਚੇ ਨੇ ਕੇਂਦਰ ਸਰਕਾਰ ਨੂੰ ਵਾਣੀ ਪਾਈ ਰਖਿਆ ਸੀ। ਜਿੱਤ ਬਹੁਤ ਨੇੜੇ ਸੀ, ਜਦੋਂ ਇੰਦਰਾ ਗਾਂਧੀ ਨੇ ਅਕਾਲੀ ਲੀਡਰਾਂ ਨੂੰ ਡਰਾ ਧਮਕਾ ਕੇ ਸਿੱਖ ਕੌਮ ਤੋਂ ਅੱਲਗ ਥਲੱਗ ਕਰ ਦਿੱਤਾ। ਪਹਿਲੀ ਜੂਨ ਨੂੰ ਪਹਿਲਾਂ ਹੀ ਪਕਾਏ ਮਤੇ ਅਨੁਸਾਰ ਇਹ ਅਕਾਲੀ ਸਣੇ ਬਾਦਲ ਟੌਹੜਾ ਬਲਵੰਤ ਰਾਮੂਵਾਲੀਆ ਅਤੇ ਲੌਂਗੋਵਾਲੀਆ ਸਿੱਖ ਸੰਗਤਾਂ ਨੂੰ ਇਕੱਲੀਆਂ ਛੱਡ ਕੇ ਦੁਸਮਨ ਨਾਲ ਜਾ ਮਿਲੇ।
ਇਸ ਕਰਕੇ ਇਹ ਅਕਾਲੀ ਵਾਰ ਵਾਰ ਸਿੱਖ ਕੌਮ ਨੂੰ ਧੋਖਾ ਦੇਈ ਜਾ ਰਹੇ ਹਨ। ਪਰ ਵਿਚਾਰੀ ਸੰਗਤ ਕੁੱਟ ਖਾ ਰਹੀ ਹੈ। ਅਕਾਲੀ ਦਲ ਸਿੱਖਾਂ ਦੀ ਸਭ ਤੋਂ ਵੱਡੀ ਦੁਸ਼ਮਣ ਜਮਾਤ ਹੈ। ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਖ਼ਾਲਿਸਤਾਨ ਕੌਂਸਲ ਦੇ ਮੁਖੀ ਡਾ: ਗੁਰਮੀਤ ਸਿੰਘ ਔਲਖ ਨੇ ਨਿਊਜਰਸੀ ਦੇ ਗੁਰਦੁਆਰਾ ਗਲੈਨਰੌਕ ਵਿਚ ਸੰਗਤਾਂ ਦੇ ਇਕ ਭਾਰੀ ਇਕੱਠ ਵਿਚ ਕੀਤਾ। ਉਨ੍ਹਾਂ ਕਿਹਾ ਕਿ ਸਿੱਖਾਂ ਦਾ ਆਪਣਾ ਵੱਖਰਾ ਰਾਜ ਦੀ ਗੱਲ ਅੱਜ ਵੀ ਉਥੇ ਖੜ੍ਹੀ ਹੈ ਅਤੇ ਇਕ ਖੁਫ਼ੀਆ ਰਿਪੋਰਟ ਤਹਿਤ 2015 ਤੱਕ ਭਾਰਤ ਦੇ ਟੁਕੜੇ ਹੋਣਗੇ ਅਤੇ ਖ਼ਾਲਸਾ ਰਾਜ ਦੀ ਹੋਂਦ ਵੀ ਦੂਰ ਦੀ ਗੱਲ ਨਹੀਂ ਹੈ। ਉਨ੍ਹਾਂ ਪੰਜਾਬ ਦੀ ਅਕਾਲੀ ਸਰਕਾਰ ਬਾਰੇ ਕਿਹਾ ਕਿ ਉਹ ਸਿੱਖਾਂ ਦੀ ਪਾਰਟੀ ਨਹੀਂ। ਉਨ੍ਹਾਂ ਵਿਦੇਸ਼ੀ ਸਿੱਖਾਂ ਨੂੰ ਅਪੀਲ ਕੀਤੀ ਕਿ ਆਪਣੇ ਬੱਚਿਆਂ ਨੂੰ ਉੱਚ ਸਿੱÎਖਿਆ ਜ਼ਰੂਰ ਦਿਓ। ਕਿਉਂਕਿ ਵਿੱਦਿਆ ਹੀ ਆਪਣਾ ਨਰੋਆ ਅਤੇ ਸੂਝਵਾਨ ਸੰਸਾਰ ਸਿਰਜ ਸਕਦੀ ਹੈ। ਭਰੂਣ ਹੱÎਤਿਆਂ ਨੂੰ ਵੱਡਾ ਦੁਖਾਂਤ ਦੱਸਦਿਆਂ ਡਾ: ਔਲਖ ਨੇ ਕਿਹਾ ਕਿ ਇਹ ਇਕ ਗ਼ੈਰ ਧਰਮੀ ਅਤੇ ਗ਼ੈਰ-ਸਮਾਜਿਕ ਕੰਮ ਹੈ ਅਤੇ ਪੰਜਾਬ ਵਿਚ ਇਹ ਕੰਮ ਜ਼ੋਰਾਂ 'ਤੇ ਹੈ। ਅਸੀਂ ਪੰਜਾਬੀ ਪੁੱਤਰ ਪੈਦਾ ਕਰਨ ਵਾਲੀਆਂ ਮਾਵਾਂ ਨੂੰ ਗਰਭ ਵਿਚ ਹੀ ਮਾਰ ਕੇ ਕਲੰਕੀ ਹੋ ਰਹੇ ਹਾਂ। ਜਿਸ ਨਾਲ ਸਾਡੀ ਅਗਾਂਹ ਵਧੂ ਸੋਚ ਨੂੰ ਵੀ ਸੱਟ ਵੱਜ ਰਹੀ ਹੈ।

ਡਾ: ਰਮਾ ਕਾਂਤ ਨੇ ਸਿਰਸੇ ਵਾਲੇ ਅਖੌਤੀ ਸਾਧ ਤੋਂ ਵੱਡਾ ਨਾ ਬਖਸਣਯੋਗ ਗੁਨਾਹ ਕੀਤਾ :- ਮਾਨ

ਫਤਿਹਗੜ੍ਹ ਸਾਹਿਬ, 26 ਜਨਵਰੀ :- ਸ: ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਸਾਹਿਬ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਉੱਤੇ ਕਿੰਤੂ-ਪ੍ਰੰਤੂ ਕਰਨ ਵਾਲੇ ਸੰਘ ਪਰਿਵਾਰ ਦੇ ਡਾ: ਰਮਾ ਕਾਂਤ ਦੀਆਂ ਸਿੱਖ ਮਨਾਂ ਨੂੰ ਡੂੰਘੀ ਠੇਸ ਪਹੁੰਚਾਉਣ ਵਾਲੀਆਂ ਕਾਰਵਾਈਆਂ ਉੱਤੇ ਤਿੱਖਾ ਪ੍ਰਤੀਕਰਮ ਪ੍ਰਗਟ ਕਰਦੇ ਹੋਏ ਅੱਜ ਪਾਰਟੀ ਦੇ ਮੁੱਖ ਦਫਤਰ ਤੋਂ ਜਾਰੀ ਕੀਤੇ ਗਏ ਇੱਕ ਬਿਆਨ ਵਿੱਚ ਕਿਹਾ ਹੈ ਕਿ ਇਸ ਰਮਾ ਕਾਂਤ ਨੇ ਸਿਰਸੇ ਵਾਲੇ ਅਖੌਤੀ ਸਾਧ ਤੋਂ ਵੱਡਾ ਨਾ ਬਖਸਣ ਵਾਲਾ ਗੁਨਾਹ ਕਰਕੇ, ਸਿੱਖ ਕੌਮ ਨੂੰ ਚੁਣੌਤੀ ਦਿੱਤੀ ਹੈ ਜਿਸਦੇ ਨਤੀਜੇ ਅਤਿ ਭਿਆਨਕ ਹੋ ਸਕਦੇ ਹਨ।
ਉਨ੍ਹਾ ਕਿਹਾ ਕਿ ਡਾ: ਰਮਾ ਕਾਂਤ ਅਜਿਹੀ ਬਿਆਨਬਾਜੀ ਕਰਦੇ ਹੋਏ, ਇਹ ਭੁੱਲ ਗਏ ਹਨ ਕਿ ਸਿੱਖ ਕੌਮ ਦਾ ਇਤਿਹਾਸ ਰਿਹਾ ਹੈ ਕਿ ਸਿੱਖ ਕੌਮ ਨੇ ਸਮੇ ਸਮੇਂ ਦੇ ਮੱਸੇ ਰੰਘੜਾ, ਅਹਿਮਦਸ਼ਾਹ ਅਬਦਾਲੀਆਂ ਦਾ ਕੀ ਹਸ਼ਰ ਕੀਤਾ ਹੈ। ਉਸਨੂੰ ਅਜਿਹੇ ਸਿੱਖ ਮਨਾਂ ਨੂੰ ਠੇਸ ਪਹੁੰਚਾਉਣ ਵਾਲੀ ਸ਼ਬਦਾਵਲੀ ਵਰਤਣ ਤੋਂ ਪਹਿਲਾ ਭਾਈ ਬੋਤਾ ਸਿੰਘ, ਭਾਈ ਗਰਜਾ ਸਿੰਘ, ਭਾਈ ਸੁੱਖਾ ਸਿੰਘ, ਭਾਈ ਮਹਿਤਾਬ ਸਿੰਘ, ਸ਼ਹੀਦ ਭਾਈ ਬੇਅੰਤ ਸਿੰਘ ਤੇ ਸਤਵੰਤ ਸਿੰਘ ਅਤੇ ਭਾਈ ਹਰਜਿੰਦਰ ਸਿੰਘ ਜਿੰਦਾ, ਭਾਈ ਸੁਖਦੇਵ ਸਿੰਘ ਸੁੱਖਾ ਦੇ ਇਤਿਹਾਸ ਉੱਤੇ ਨਜ਼ਰ ਮਾਰ ਲੈਣੀ ਚਾਹੀਦੀ ਸੀ ਕਿ ਉਨ੍ਹਾ ਨੇ ਅਜਿਹੇ ਪੰਥ ਦੋਖੀਆ ਨੂੰ ਸਿੱਖੀ ਰਵਾਇਤਾਂ ਅਨੁਸਾਰ ਸਜ਼ਾਵਾਂ ਦੇ ਕੇ ਖਾਲਸਾ ਪੰਥ ਦੇ ਇਤਿਹਾਸ ਨੂੰ ਹਮੇਸ਼ਾ ਉੱਚਾ ਕਰਦੇ ਆਏ ਹਨ। ਉਨ੍ਹਾ ਡਾ: ਰਮਾ ਕਾਂਤ ਨੂੰ ਖਬਰਦਾਰ ਕਰਦੇ ਹੋਏ ਕਿਹਾ ਕਿ ਜਾਪਦਾ ਹੈ ਕਿ ਇਸ ਨੇ ਗੁਰੂ ਦੀ ਬਾਣੀ, ਗੁਰੂ ਦੇ ਲੰਗਰ, ਸਿੱਖ ਕੌਮ ਦੇ ਸ਼ਹੀਦਾਂ ਤੇ ਮੁਸਲਿਮ ਕੌਮ ਨਾਲ ਸੰਬੰਧਿਤ ਪੀਰਾਂ, ਫਕੀਰਾਂ, ਭਗਤਾਂ ਉੱਤੇ ਕਿੰਤੂ ਪ੍ਰੰਤੂ ਕਰਕੇ ਆਪਣੇ ਜੀਊਣ ਦੀ ਇੱਛਾ ਖੁਦ ਹੀ ਘੱਟ ਕਰ ਲਈ ਹੈ। ਕਿਉਂਕਿ ਅਜਿਹੇ ਸਿਰ ਫਿਰਿਆਂ ਨੂੰ ਸਬਕ ਸਿਖਾਉਣ ਲਈ ਉਹ ਅਕਾਲ ਪੁਰਖ ਖੁਦ ਹੀ ਕਿਸੇ “ਸਿੰਘ” ਦੀ ਸੇਵਾ ਲਾਉਂਦੇ ਆਏ ਹਨ ਤੇ ਸਿੱਖਾਂ ਉਤੇ ਬਖਸਿ਼ਸ ਕਰਕੇ ਅਜਿਹੀ ਸੇਵਾ ਲੈਦੇ ਆਏ ਹਨ।

ਸਰਨਾ ਪੰਥਕ ਧਿਰਾਂ ਨੂੰ ਇਕੱਠੀਆਂ ਕਰਕੇ ਪੰਜਾਬ ‘ਚ ਸ਼੍ਰੋਮਣੀ ਕਮੇਟੀ ਦੀਆਂ ਚੋਣਾਂ ਲੜਨਗੇ

ਅੰਮ੍ਰਿਤਸਰ : 25 ਜਨਵਰੀ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਆਮ ਚੋਣਾਂ ਸਾਲ ਦੇ 5ਵੇਂ ਮਹੀਨੇ ਹੋਣ ਦੀਆਂ ਕਿਆਸਅਰਾਈਆਂ ਉਪਰੰਤ ਜਿੱਥੇ ਬਾਦਲ ਵਿਰੋਧੀ ਧੜਿਆਂ ਨੇ ਕਮਰਕਸੇ ਕੱਸ ਲਏ ਹਨ, ਉਥੇ ਇਸ ਵਾਰ ਉਨ੍ਹਾਂ ਦੀ ਕਾਂਗਰਸ ਵੱਲੋਂ ਵੀ ਅੰਦਰੂਨੀ ਮਦਦ ਕੀਤੇ ਜਾਣ ਦੀ ਸੰਭਾਵਨਾ ਬਣਦੀ ਜਾ ਰਹੀ ਹੈ। ਦੂਜੇ ਪਾਸੇ ਸ਼੍ਰੋਮਣੀ ਕਮੇਟੀ ‘ਤੇ ਕਾਬਜ਼ ਮੌਜੂਦਾ ਧਿਰ ਅਕਾਲੀ ਦਲ (ਬਾਦਲ) ਹਰਿਆਣਾ ਵਿਚਲੀ ਸਿੱਖ ਸਿਆਸਤ ਦੇ ਗਰਮਾਉਣ ਕਾਰਨ ਅਜੇ ਚੋਣਾਂ ਕਰਵਾਉਣ ਦੇ ਹੱਕ ‘ਚ ਨਜ਼ਰ ਨਹੀਂ ਆ ਰਿਹਾ। ਉਚ ਪੱਧਰੀ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਕੇਂਦਰ ਦੀ ਸੱਤਾ ‘ਤੇ ਕਾਬਜ਼ ਕਾਂਗਰਸ ਪਾਰਟੀ ਭਵਿੱਖ ‘ਚ ਹੋਣ ਵਾਲੀਆਂ ਅਸੰਬਲੀ ਚੋਣਾਂ ‘ਚ ਜਿੱਤ ਹਾਸਲ ਕਰਨ ਲਈ ਇਸ ਵਾਰ ਬਾਦਲ ਵਿਰੋਧੀ ਧੜਿਆਂ ਦੀ ਅਸਿੱਧੇ ਤੌਰ ‘ਤੇ ਮਦਦ ਕਰਨ ਲਈ ਤਿਆਰ ਹੈ। ਕਾਂਗਰਸ ਦੀ ਰਣਨੀਤੀ ਦਾ ਅੰਦਾਜ਼ਾ ਇਸ ਗੱਲ ਤੋਂ ਵੀ ਲਗਾਇਆ ਜਾ ਸਕਦਾ ਹੈ ਕਿ ਇਸ ਪਾਰਟੀ ਦੇ ਉਚ ਕੋਟੀ ਦੇ ਇੱਕ ਬੁਲਾਰੇ ਨੇ ਹਰਿਆਣਾ ਦੇ ਸਿੱਖ ਆਗੂ ਜਗਦੀਸ਼ ਸਿੰਘ ਝੀਂਡਾ ਦੀ ਮਦਦ ਕਰਨ ਤੋਂ ਸਪੱਸ਼ਟ ਇਨਕਾਰ ਕਰ ਦਿੱਤਾ। ਇਸ ਬੁਲਾਰੇ ਨੇ ਤਰਕ ਦਿੱਤਾ ਹੈ ਕਿ ਜੇਕਰ ਅਸੀਂ ਹਰਿਆਣਾ ‘ਚ ਸ. ਝੀਂਡਾ ਦੀ ਮਦਦ ਕਰਦੇ ਹਾਂ ਤਾਂ ਸਾਨੂੰ ਪੰਜਾਬ ‘ਚ ਵੱਡਾ ਨੁਕਸਾਨ ਹੋ ਸਕਦਾ ਹੈ।
ਇੱਥੇ ਇਹ ਦੱਸਣਾ ਬਣਦਾ ਹੈ ਕਿ ਪੰਜਾਬ ਦੇ ਗੁਰਦੁਆਰਿਆਂ ਤੋਂ ਅਕਾਲੀ ਦਲ (ਬ) ਦਾ ਕਬਜ਼ਾ ਖ਼ਤਮ ਕਰਾਉਣ ਲਈ ਜਿੱਥੇ ਅਕਾਲੀ ਦਲ (ਅ) ਦੇ ਪ੍ਰਧਾਨ ਸਿਮਰਨਜੀਤ ਸਿੰਘ ਮਾਨ ਨੇ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ‘ਚ ਅਰਜ਼ੀ ਦਾਇਰ ਕੀਤੀ ਹੋਈ ਹੈ, ਉਥੇ ਕਈ ਬਾਦਲ ਵਿਰੋਧੀ ਅਕਾਲੀ ਧਿਰਾਂ ਨੇ ਲਗਾਤਾਰ ਕੇਂਦਰ ਸਰਕਾਰ ਨਾਲ ਸੰਪਰਕ ਬਣਾਇਆ ਹੋਇਆ ਹੈ। ਇਸ ਵਾਰ ਕਾਂਗਰਸ ਵੱਲੋਂ ਬਾਦਲ ਵਿਰੋਧੀ ਧੜਿਆਂ ਦੀ ਮਦਦ ਕਰਨ ਦੀ ਪੁਸ਼ਟੀ ਬਾਦਲ ਦੇ ਇੱਕ ਨੇੜਲੇ ਕੈਬਨਿਟ ਮੰਤਰੀ ਨੇ ਵੀ ਕੀਤੀ ਹੈ। ਇਸ ਕੈਬਨਿਟ ਮੰਤਰੀ ਨੇ ਆਪਣਾ ਨਾਂ ਗੁਪਤ ਰੱਖਣ ਦੀ ਸ਼ਰਤ ‘ਤੇ ਕਿਹਾ ਕਿ ਸਾਨੂੰ ਇਸ ਵਾਰ ਅਕਾਲੀ ਵਿਰੋਧੀ ਧੜਿਆਂ ਦੇ ਮੁਕਾਬਲੇ ਕਾਂਗਰਸ ਦੇ ਕੁਝ ਪੰਥਕ ਆਗੂਆਂ ਦੀ ਰਣਨੀਤੀ ਤੋਂ ਖ਼ਤਰਾ ਹੈ। ਸ਼੍ਰੋਮਣੀ ਕਮੇਟੀ ਦੀਆਂ ਚੋਣਾਂ ਲਈ ਕੀਤੀ ਜਾ ਰਹੀ ਟਾਲ-ਮਟੋਲ ਨੂੰ ਗੰਭੀਰਤਾ ਨਾਲ ਲੈਂਦਿਆਂ ਸ਼੍ਰੋਮਣੀ ਪੰਥਕ ਕੌਂਸਲ ਦੇ ਚੇਅਰਮੈਨ ਮਨਜੀਤ ਸਿੰਘ ਕਲਕੱਤਾ ਨੇ ਕਿਹਾ ਕਿ ਚੋਣਾਂ ‘ਚ ਦੇਰੀ ਅਕਾਲੀ ਦਲ (ਬ) ਦੇ ਮਨ ਅੰਦਰਲੇ ਡਰ ਦਾ ਪ੍ਰਗਟਾਵਾ ਕਰਦੀ ਹੈ।
ਜ਼ਿਕਰਯੋਗ ਹੈ ਕਿ ਨਾਨਕਸ਼ਾਹੀ ਕੈਲੰਡਰ ‘ਚ ਸੋਧ ਕਰਨ ਸਮੇਂ ਲਏ ਇੱਕ ਪਾਸੜ ਫੈਸਲੇ ਅਤੇ ਪ੍ਰੋ. ਦਰਸ਼ਨ ਸਿੰਘ ਦੇ ਮਾਮਲੇ ‘ਤੇ ਵੀ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੂੰ ਵੱਡੀ ਆਲੋਚਨਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਸ ਦੇ ਨਾਲ ਹੀ ਕਾਂਗਰਸ ਦੇ ਕੁਝ ਆਗੂ ਸ਼੍ਰੋਮਣੀ ਕਮੇਟੀ ਚੋਣਾਂ ‘ਚ ਸਿੱਧੀ ਦਖ਼ਲਅੰਦਾਜ਼ੀ ਦੇ ਬਿਆਨ ਵੀ ਦੇ ਚੁੱਕੇ ਹਨ।
ਇਸੇ ਦੌਰਾਨ ਹਰਿਆਣਾ ‘ਚ ਵੱਖਰੀ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਮੰਗ ਉਠਾਉਣ ਵਾਲੇ ਜਗਦੀਸ਼ ਸਿੰਘ ਝੀਂਡਾ ਦਾ ਬਿਆਨ ਵੀ ਕਾਂਗਰਸ ਵੱਲੋਂ ਚੱਲੀ ਜਾ ਰਹੀ ਚਾਲ ਨੂੰ ਸਪੱਸ਼ਟ ਕਰਦਾ ਹੈ। ਸ. ਝੀਂਡਾ ਨੇ ਦੋਸ਼ ਲਗਾਇਆ ਕਿ ਕਾਂਗਰਸ ਨੇ ਪਹਿਲਾਂ ਉਨ੍ਹਾਂ ਨੂੰ ਲਾਰਾ ਲਗਾ ਕੇ ਹਰਿਆਣਾ ‘ਚ ਵੋਟਾਂ ਹਾਸਲ ਕੀਤੀਆਂ ਤੇ ਹੁਣ ਉਹ ਹਰਿਆਣਵੀ ਸਿੱਖਾਂ ਦੀ ਮੰਗ ਨੂੰ ਵਿਸਾਰ ਕੇ ਪੰਜਾਬ ਦੇ ਸਿੱਖਾਂ ਨੂੰ ਆਪਣੇ ਪੱਖ ‘ਚ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਸ. ਝੀਂਡਾ ਨੇ ਆਪਣੀ ਮੰਗ ਪੂਰੀ ਕਰਵਾਉਣ ਲਈ ਕਾਨੂੰਨੀ ਚਾਰਾਜੋਈ ਕਰਨ ਦਾ ਐਲਾਨ ਵੀ ਕੀਤਾ। ਸ਼੍ਰੋਮਣੀ ਕਮੇਟੀ ਚੋਣਾਂ ‘ਚ ਜਿੱਥੇ ਬਾਦਲ ਵਿਰੋਧੀ ਧੜੇ ਅਤੇ ਕਾਂਗਰਸ ਪਾਰਟੀ ਅਕਾਲੀ ਦਲ (ਬ) ਨੂੰ ਢਾਹੁਣ ਦੀ ਤਿਆਰੀ ‘ਚ ਹੈ, ਉਥੇ ਖ਼ੁਦ ਬਾਦਲ ਦਲ ਅੰਦਰ ਵੀ ਹਾਲਾਤ ਚੰਗੇ ਨਹੀਂ ਹਨ। ਸੂਤਰਾਂ ਮੁਤਾਬਕ ਬਾਦਲ ਪੱਖੀ ਇਸ ਵਾਰ ਸਾਬਕਾ ਐਸਜੀਪੀਸੀ ਪ੍ਰਧਾਨ ਗੁਰਚਰਨ ਸਿੰਘ ਟੌਹੜਾ ਦੇ ਬਚੇ-ਖੁਚੇ ਹਮਾਇਤੀਆਂ ਨੂੰ ਨੁਕਰੇ ਲਾਉਣ ਦੀ ਤਿਆਰੀ ਕਰ ਰਹੇ ਹਨ। ਉਪਰੋਕਤ ਗੱਲਾਂ ਤੋਂ ਇਲਾਵਾ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਪਰਮਜੀਤ ਸਿੰਘ ਸਰਨਾ ਦਾ ਦਾਅਵਾ ਹੈ ਕਿ ਐਤਕੀਂ ਉਹ ਪੰਥਕ ਧਿਰਾਂ ਨੂੰ ਇਕੱਠੀਆਂ ਕਰਕੇ ਪੰਜਾਬ ‘ਚ ਸ਼੍ਰੋਮਣੀ ਕਮੇਟੀ ਦੀਆਂ ਚੋਣਾਂ ਲੜਨਗੇ।

ਰੋਪੜ ਕਚਹਿਰੀ 'ਚ ਅਕਾਲੀ ਆਗੂ ਦਾ ਤੇਜ਼ਧਾਰ ਹਥਿਆਰਾਂ ਨਾਲ ਕਤਲ

ਰੂਪਨਗਰ, 25 ਜਨਵਰੀ- ਰੂਪਨਗਰ ਕੋਰਟ ਕੰਪਲੈਕਸ ਵਿੱਚ ਅੱਜ ਦਿਨ ਦਿਹਾੜੇ ਇੱਕ ਅਕਾਲੀ ਆਗੂ ਦਾ ਸ਼ਰੇਆਮ ਤੇਜ਼ਧਾਰ ਹਥਿਆਰਾਂ ਨਾਲ ਕਤਲ ਕਰ ਦਿੱਤਾ ਗਿਆ। ਹਾਲਾਂਕਿ ਲੋਕਾਂ ਨੇ ਬਚਾਉਣ ਦੀ ਬਹੁਤ ਕੋਸ਼ਿਸ਼ ਕੀਤੀ ਪਰ ਕਾਤਲ ਨੇ ਚਾਕੂ ਨਾਲ ਕਈ ਵਾਰ ਕਰਕੇ ਅਕਾਲੀ ਆਗੂ ਨੂੰ ਮਾਰ ਦਿੱਤਾ। ਕਤਲ ਵਾਲੀ ਥਾਂ ਦੇ ਕੋਲ ਹੀ ਡੀ.ਸੀ, ਐਸ.ਐਸ.ਪੀ ਦਾ ਦਫਤਰ ਵੀ ਹੈ। ਮ੍ਰਿਤਕ ਦੇ ਪਰਿਵਾਰ ਵਾਲਿਆ ਨੇ ਪੁਲਿਸ 'ਤੇ ਦੋਸ਼ ਲਾਇਆ ਕਿ ਜੇਕਰ ਪੁਲਿਸ ਸਮੇਂ 'ਤੇ ਕਾਰਵਾਈ ਕਰਦੀ ਤਾਂ ਇਹ ਕਤਲ ਨਹੀਂ ਹੋ ਸਕਦਾ ਸੀ। ਦੂਜੇ ਪਾਸੇ ਪੁਲਿਸ ਨੇ ਮੌਕੇ 'ਤੇ ਹੀ ਕਾਤਲ ਨੂੰ ਆਪਣੀ ਗ੍ਰਿਫਤ ਵਿੱਚ ਲੈ ਲਿਆ ਅਤੇ ਇੱਕ ਵਿਅਕਤੀ ਨੂੰ ਨਾਮਜ਼ਦ ਕਰਕੇ ਬਾਕੀਆਂ ਦੀ ਵੀ ਭਾਲ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਨੇ ਇਸ ਮਾਮਲੇ ਨੂੰ ਆਪਸੀ ਪੁਰਾਣੀ ਰੰਜਿਸ਼ ਦਾ ਮਾਮਲਾ ਦੱਸਿਆ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਰੂਪਨਗਰ ਕੋਰਟ ਕੰਪਲੈਕਸ ਵਿੱਚ ਇੱਕ ਅਕਾਲੀ ਅਤੇ ਬਲਾਕ ਸੰਮਤੀ ਮੈਂਬਰ ਨੇਤਾ ਨੇਤਰ ਸਿੰਘ ਦਾ ਦਿਨ ਦਿਹਾੜੇ ਚਾਕੂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ। ਇਹ ਕਤਲ ਡੀ.ਸੀ ਦਫਤਰ ਅਤੇ ਜ਼ਿਲ੍ਹਾ ਪੁਲਿਸ ਮੁਖੀ ਦੇ ਦ/ਤਰ ਦੇ ਨੇੜੇ ਕੀਤਾ ਗਿਆ। ਕਾਤਲ ਹਰਿੰਦਰ ਸਿੰਘ ਪੁੱਤਰ ਕੁਲਦੀਪ ਸਿੰਘ ਵਾਸੀ ਘਟੋਰ ਕੁਰਾਲੀ ਨੇ ਇੱਕ ਵੱਡਾ ਚਾਕੂ ਲੈ ਕੇ ਲਗਭਗ ਦੁਪਿਹਰ 12 ਵਜੇ ਨੇਤਰ ਸਿੰਘ ਨੂੰ ਆਪਣੇ ਕੰਮ ਕਰਨ ਤੋਂ ਬਾਅਦ ਕੋਰਟ ਕੰਪਲੈਕਸ ਵਿੱਚ ਜਾਂਦੇ ਹੋਏ ਅਚਾਨਕ ਹਮਲਾ ਕਰ ਦਿੱਤਾ ਅਤੇ ਤਦੋਂ ਤੱਕ ਉਸਨੂੰ ਚਾਕੂਆਂ ਨਾਲ ਗੋਦਦਾ ਗਿਆ ਜਦੋ ਤੱਕ ਕਿ ਨੇਤਰ ਸਿੰਘ ਦੇ ਸਾਹ ਖ਼ਤਮ ਨਾ ਹੋ ਗਏ। ਉਥੇ ਕੰਮ ਕਰਦੇ ਵਕੀਲਾਂ ਅਤੇ ਹੋਰ ਲੋਕਾਂ ਨੇ ਹਰਿੰਦਰ ਨੂੰ ਪਕੜਨ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਉਨ੍ਹਾਂ ਦੇ ਕਾਬੂ ਨਾ ਆਇਆ। ਪੁਲਿਸ ਨੇ ਆਪਣੀ ਮੁਸਤੈਦੀ ਨਾਲ ਉਸਨਨੂੰ ਮੌਕੇ 'ਤੇ ਹੀ ਦਬੋਚ ਲਿਆ। ਇਸ ਤੋਂ ਬਾਅਦ ਨੇਤਰ ਸਿੰਘ ਨੂੰ ਅੱਧ ਮਰੀ ਹਾਲਤ ਵਿੱਚ ਰੂਪਨਗਰ ਦੇ ਸਿਵਲ ਹਸਪਤਾਲ ਵਿੱਚ ਲਿਜਾਇਆ ਗਿਆ ਜਿੱਥੇ ਉਸਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ ਗਿਆ। ਉਸਦੀ ਮੌਤ ਦੀ ਖਬਰ ਸੁਣਕੇ ਸੈਕੜੇ ਲੋਕ ਅਤੇ ਉਘੇ ਅਕਾਲੀ ਨੇਤਾ ਉਨਾਂ ਦੇ ਪਰਿਵਾਰ ਨੂੰ ਹੋਸਲਾ ਦੇਣ ਲਈ ਹਸਪਤਾਲ ਪਹੁੰਚੇ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਮ੍ਰਿਤਕ ਦੇ ਮਾਮਾ ਜਗੀਰ ਸਿੰਘ ਪੜੋਲ ਅਤੇ ਸਾਬਕਾ ਸਰਪੰਚ ਬਲਵੀਰ ਸਿੰਘ ਨੇ ਪੁਲਿਸ 'ਤੇ ਦੋਸ਼ ਲਾਇਆ ਕਿ ਨੇਤਰ ਸਿੰਘ ਅਤੇ ਉਸਦੇ ਪਰਿਵਾਰ ਵਾਲੇ ਪੁਲਿਸ ਕੋਲ ਲਗਭਗ ਤਿੰਨ ਮਹੀਨਿਆਂ ਤੋਂ ਸ਼ਿਕਾਇਤ ਲੈ ਕੇ ਜਾ ਰਹੇ ਹਨ ਅਤੇ ਇਸ ਦੌਰਾਨ ਉਨਾਂ ਉਂਤੇ ਹਮਲੇ ਵੀ ਕੀਤੇ ਗਏ, ਜਿਸ 'ਤੇ ਪੁਲਿਸ ਨੇ ਕੋਈ ਕਾਰਵਾਈ ਨਾ ਕੀਤੀ ਅਤੇ ਦੂਜੇ ਪਾਸੇ ਦਾ ਪੱਖ ਪੂਰਦੀ ਰਹੀ। ਜਿਸ ਕਾਰਨ ਇਹ ਮੰਦਭਾਗਾ ਹਾਦਸਾ ਵਾਪਰਿਆ। ਉਨਾਂ ਪੁਲਿਸ ਉਂਤੇ ਕਈ ਹੋਰ ਵੀ ਦੋਸ਼ ਲਾਉਂਦਿਆਂ ਹੋਏ ਜਮ ਕੇ ਭੜਾਸ ਕੱਢੀ। ਪੁਲਿਸ ਨੇ ਇਸ ਮਾਮਲੇ ਵਿੱਚ ਕਾਰਵਾਈ ਕਰਦਿਆਂ ਥਾਣਾ ਸਿਟੀ ਵਿੱਚ ਹਰਿੰਦਰ ਸਿੰਘ ਪੁੱਤਰ ਕੁਲਦੀਪ ਸਿੰਘ ਵਾਸੀ ਘਟੋਰ ਜ਼ਿਲ੍ਹਾ ਮੋਹਾਲੀ, ਅੰਮ੍ਰਿਤ ਪਾਲ ਸਿੰਘ ਵਾਸੀ ਅਕਬਰਪੁਰ ਸਮੇਤ ਅਣਪਛਾਤੇ ਵਿਅਕਤੀਆਂ ਦੇ ਖਿਲਾਫ ਆਈ.ਪੀ.ਸੀ ਦੀ ਧਾਰਾ 302, 34, 120ਬੀ ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ। ਦੂਜੇ ਪਾਸੇ ਡੀ.ਐਸ.ਪੀ ਭੁਪਿੰਦਰ ਸਿੰਘ ਥਿੰਦ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਇਹ ਮਾਮਲਾ ਰੂਪਨਗਰ ਨਜ਼ਦੀਕ ਗੋਬਿੰਦ ਹੁੰਡਈ ਸ਼ੋਅਰੂਮ ਦੇ ਕਬਜ਼ੇ ਨੂੰ ਲੈ ਕੇ ਆਪਸੀ ਹਿਸੇਦਾਰਾਂ ਦਾ ਹੈ ਜੋ ਕਿ ਸ਼ਿਕਾਇਤ ਉਨਾਂ ਕੋਲ ਜਾਂਚ ਲਈ ਆਈ ਹੋਈ ਹੈ ਅਤੇ ਪੁਲਿਸ ਇਸ ਮਾਮਲੇ ਨੂੰ ਮਿਹਨਤ ਨਾਲ ਹੱਲ ਕਰ ਰਹੀ ਸੀ। ਪੁਲਿਸ ਸੂਤਰਾਂ ਅਨੁਸਾਰ ਨੇਤਰ ਸਿੰਘ ਦੇ ਆਪਣੇ ਹਿੱਸੇਦਾਰਾਂ ਨਾਲ ਚੱਲ ਰਹੇ ਝਗੜਿਆਂ ਦੇ ਮਾਮਲੇ ਰੂਪਨਗਰ ਥਾਣਾ ਸਦਰ,ਮੋਰਿੰਡਾ ਅਤੇ ਚੰਡੀਗੜ ਵਿੱਚ ਚਲ ਰਹੇ ਹਨ। ਮ੍ਰਿਤਕ ਆਪਣੇ ਪਿੱਛੇ ਦੋ ਛੋਟੇ ਛੋਟੇ ਲੜਕੇ ਅਤੇ ਪਤਨੀ ਛੱਡ ਗਿਆ ਹੈ। ਘਟਨਾਂ ਦੀ ਸੁਚਨਾਂ ਮਿਲਦੇ ਸਾਰ ਹੀ ਹਸਪਤਾਲ ਵਿੱਚ ਮੌਜੂਦ ਲੋਕਾਂ ਵਿੱਚ ਸਾਬਕਾ ਕੈਬਨਿਟ ਮੰਤਰੀ ਬੀਬੀ ਸਤਵੰਤ ਕੋਰ ਸੰਧੂ,ਜ਼ਿਲ੍ਹਾ ਯੂਥ ਅਕਾਲੀ ਦਲ ਦੇ ਪ੍ਰਧਾਨ ਹਰਪ੍ਰੀਤ ਸਿੰਘ ਬਸੰਤ, ਪਲਵਿੰਦਰ ਕੌਰ ਰਾਣੀ ,ਮੋਹਣਜੀਤ ਸਿੰਘ ਕਮਾਲਪੁਰ, ਸੁਰਿੰਦਰ ਚੋਪੜਾ,ਬਲਵੰਤ ਸਿੰਘ ਸਾਬਕਾ ਸਰਪੰਚ, ਗੁਰਸੇਵਕ ਸਿੰਘ ਦੂਮਣਾ ਆਦਿ ਵੀ ਹਾਜ਼ਰ ਸਨ।

ਸੱਦਾਮ ਹੁਸੈਨ ਦੇ ਸਹਿਯੋਗੀ ਰਹੇ ਕੈਮੀਕਲ ਅਲੀ ਨੂੰ ਫਾਹੇ ਲਾਇਆ

ਬਗਦਾਦ, 25 ਜਨਵਰੀ -ਇਰਾਕ ਦੇ ਸਾਬਕਾ ਰਾਸ਼ਟਰਪਤੀ ਸੱਦਾਮ ਹੁਸੈਨ ਦੇ ਸਹਿਯੋਗੀ ਰਹੇ ਹਸਨ ਅਲੀ ਮਾਜਿਦ ਉਰ ‘ਕੈਮੀਕਲ ਅਲੀ’ ਨੂੰ ਅੱਜ ਫਾਂਸੀ ਦੇ ਦਿੱਤੀ ਗਈ। ਕੈਮੀਕਲ ਅਲੀ ਨੂੰ ਚਾਰ ਵਾਰ ਮੌਤ ਦੀ ਸਜਾ ਸੁਣਾਈ ਜਾ ਚੁੱਕੀ ਸੀ। ਸੱਦਾਮ ਹੁਸੈਨ ਨੂੰ ਪਹਿਲਾਂ ਹੀ ਫਾਂਸੀ ਦੀ ਸਜਾ ਦਿੱਤੀ ਜਾ ਚੁੱਕੀ ਹੈ। ਜ਼ਿਕਰਯੋਗ ਹੈ ਕਿ ਪਿਛਲੇ ਦਿਨੀਂ ਹੀ ਕੈਮੀਕਲ ਅਲੀ ਨੂੰ ਇਕ ਅਦਾਲਤ ਨੇ ਕੁਰਦਾਂ ਖ਼ਿਲਾ ਰਸਾਇਣਿਕ ਗੈਸ ਹਮਲੇ ਦਾ ਆਦੇਸ਼ ਦੇਣ ਦਾ ਦੋਸ਼ੀ ਠਹਿਰਾਉਂਦਿਆਂ ਮੌਤ ਦੀ ਸਜਾ ਸੁਣਾਈ ਗਈ ਸੀ।

ਰੁਚਿਕਾ ਗਿਰਹੋਤਰਾ ਮਾਮਲੇ 'ਚ ਰਾਠੌਰ ਨੂੰ ਜ਼ਮਾਨਤ ਮਿਲੀ

ਚੰਡੀਗੜ੍ਹ, 25 ਜਨਵਰੀ - ਰੁਚਿਕਾ ਗਿਰਹੋਤਰਾ ਮਾਮਲੇ ਵਿਚ ਸਾਬਕਾ ਪੁਲਿਸ ਮੁਖੀ ਐਸ.ਪੀ.ਐਸ. ਰਾਠੌਰ ਨੂੰ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਨੇ ਸੀ.ਬੀ.ਆਈ. ਵੱਲੋਂ ਉਨ੍ਹਾਂ ਖਿਲਾ/ ਦਰਜ ਦੋ ਨਵੇਂ ਕੇਸਾਂ ਵਿਚ ਪੇਸ਼ਗੀ ਜ਼ਮਾਨਤ ਦੇ ਦਿੱਤੀ। ਅਦਾਲਤ ਨੇ ਤੀਸਰੇ ਮਾਮਲੇ ਵਿਚ ਵੀ ਰਾਠੌਰ ਨੂੰ ਰਾਹਤ ਦਿੱਤੀ, ਜਿਸ ਵਿਚ ਉਸ 'ਤੇ ਰੁਚਿਕਾ ਨੂੰ ਆਤਮ ਹੱਤਿਆ ਲਈ ਮਜਬੂਰ ਕਰਨ ਦਾ ਦੋਸ਼ ਲਗਾਇਆ ਗਿਆ ਸੀ। ਅਦਾਲਤ ਨੇ ਸੀ.ਬੀ.ਆਈ. ਨੂੰ ਕਿਹਾ ਹੈ ਕਿ ਰਾਠੌਰ ਨੂੰ ਗ੍ਰਿਫਤਾਰ ਕਰਨ ਤੋਂ ਚਾਰ ਦਿਨ ਪਹਿਲਾਂ ਉਸ ਨੂੰ ਨੋਟਿਸ ਦਿੱਤਾ ਜਾਵੇ। ਰਾਠੌਰ ਦੀ ਪੇਸ਼ਗੀ ਜ਼ਮਾਨਤ 'ਤੇ ਸੁਣਵਾਈ ਸੀ.ਬੀ.ਆਈ. ਵੱਲੋਂ ਜਾਂਚ ਤੋਂ ਬਾਅਦ ਅੰਤਿਮ ਰਿਪੋਰਟ ਦਾਖਲ ਕੀਤੇ ਜਾਣ ਦੇ ਉਪਰੰਤ ਹੋਵੇਗੀ। ਤਦ ਤੱਕ ਅੰਤਰਿਮ ਜ਼ਮਾਨਤ ਜਾਰੀ ਰਹੇਗੀ। ਵਰਣਨਯੋਗ ਹੈ ਕਿ 12 ਅਗਸਤ, 1990 ਨੂੰ ਐਸ.ਪੀ.ਐਸ. ਰਾਠੌਰ ਨੇ 14 ਸਾਲਾ ਰੁਚਿਕਾ ਨਾਲ ਦੁਰਵਿਵਹਾਰ ਕੀਤਾ ਸੀ ਅਤੇ ਇਸ ਤੋਂ ਤਿੰਨ ਸਾਲ ਬਾਅਦ ਰੁਚਿਕਾ ਨੇ ਆਤਮ ਹੱਤਿਆ ਕਰ ਲਈ ਸੀ। ਸੀ.ਬੀ.ਆਈ. ਦੀ ਵਿਸ਼ੇਸ਼ ਅਦਾਲਤ ਨੇ ਪਿਛਲੇ ਦਿਨੀਂ ਰੁਚਿਕਾ ਮਾਮਲੇ ਵਿਚ ਰਾਠੌਰ ਨੂੰ ਛੇ ਮਹੀਨੇ ਦੀ ਸਜ਼ਾ ਸੁਣਾਈ ਸੀ, ਪਰ 10 ਮਿੰਟ ਦੇ ਅੰਦਰ ਹੀ ਉਸ ਨੂੰ ਜ਼ਮਾਨਤ 'ਤੇ ਰਿਹਾਅ ਕਰ ਦਿੱਤਾ ਗਿਆ ਸੀ।

ਜਸਵੰਤ ਸਿੰਘ ਕੰਵਲ ਨੂੰ ਪਹਿਲਾ ਟੈਗੋਰ ਸਾਹਿਤ ਪੁਰਸਕਾਰ

ਨਵੀਂ ਦਿੱਲੀ, 25 ਜਨਵਰੀ -ਟੈਗੋਰ ਸਾਹਿਤ ਪੁਰਸਕਾਰਾਂ ਵਿਚ ਅੱਜ ਪੰਜਾਬੀ ਦਾ ਪਹਿਲਾ ਪੁਰਸਕਾਰ ਉਘੇ ਲੇਖਕ ਜਸਵੰਤ ਸਿੰਘ ਕੰਵਲ ਨੂੰ ਦਿੱਤਾ ਗਿਆ ਹੈ। ਸਾਹਿਤ ਅਕਾਦਮੀ ਤੇ ਸੈਮਸੰਗ ਇਲੈਕਟਰੋਨਿਕਸ ਵਲੋਂ ਸ਼ੁਰੂ ਕੀਤੇ ਗਏ ਇਹ ਪੁਰਸਕਾਰ ਅੱਜ ਭਾਰਤ ਦੌਰੇ ’ਤੇ ਆਏ ਦੱਖਣੀ ਕੋਰੀਆ ਦੇ ਰਾਸ਼ਟਰਪਤੀ ਦੀ ਪਤਨੀ ਪ੍ਰਥਮ ਮਹਿਲਾ ਕਿਮ ਯੂਨ-ਓਕੇ ਨੇ ਪ੍ਰਦਾਨ ਕੀਤੇ। ਇਸ ਪੁਰਸਕਾਰ ਵਿਚ 91 ਹਜ਼ਾਰ ਦੀ ਨਕਦ ਰਾਸ਼ੀ, ਇਕ ਟਰਾਫੀ ਤੇ ਪ੍ਰਸ਼ੰਸਾ ਪੱਤਰ ਸ਼ਾਮਿਲ ਹੈ। ਕੁਲ 8 ਭਾਰਤੀ ਭਾਸ਼ਾਵਾਂ ਦੇ ਲੇਖਕਾਂ ਨੂੰ ਇਸ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ ਹੈ ਜਿਨ੍ਹਾਂ ਵਿਚ ਬੰਗਾਲੀ ਲਈ ਅਲੋਕ ਸਰਕਾਰ, ਬੋਡੋ ਲਈ ਬ੍ਰਜੇਂਦਰ ਕੁਮਾਰ ਬ੍ਰਹਮਾ, ਗੁਜਰਾਤੀ ਲਈ ਭਗਵਾਨਦਾਸ ਪਟੇਲ, ਹਿੰਦੀ ਲਈ ਰਾਜੀ ਸੇਠ, ਕਸ਼ਮੀਰੀ ਲਈ ਨਸੀਮ ਸ਼ਫਾਈ, ਕੰਨੜ ਲਈ ਚੰਦਰਸ਼ੇਖਰ ਕੰਬਰ ਤੇ ਤੇਲਗੂ ਲਈ ਕੋਵਲਾ ਸੁਪ੍ਰਸੰਨਾਚਾਰੀਆ ਨੂੰ ਦਿੱਤਾ ਗਿਆ ਹੈ। ਸੈਮਸੰਗ ਦੇ ਸੀ. ਈ. ਓ. ਵਾਈ ਡਬਲਯੂ ਲੀ ਨੇ ਕਿਹਾ ਕਿ ਉਘੇ ਕਵੀ ਤੇ ਦਾਰਸ਼ਨਿਕ ਰਬਿੰਦਰਨਾਥ ਟੈਗੋਰ ਭਾਰਤ ਵਾਂਗ ਕੋਰੀਆ ਵਿਚ ਵੀ ਬਹੁਤ ਸਤਿਕਾਰਯੋਗ ਹਨ। ਇੱਥੇ ਦੱਸਣਯੋਗ ਹੈ ਕਿ 1929 ਵਿਚ ਟੈਗੋਰ ਨੇ ਆਪਣੀ ਇਕ ਕਵਿਤਾ ਵਿਚ ਕਿਹਾ ਸੀ ਕਿ ਕੋਰੀਆ ਇਕ ਰੌਸ਼ਨੀ ਹੈ ਜਿਹੜੀ ਪੂਰਬ ਨੂੰ ਰੁਸ਼ਨਾ ਰਹੀ ਹੈ ਤੇ ਇਸ ਨੇ ਕੋਰੀਆਈ ਕੌਮੀਵਾਦ ਦੇ ਉਭਾਰ ਨੂੰ ਪ੍ਰਭਾਵਿਤ ਕੀਤਾ ਹੈ। ਇਸ ਸਾਲ ਤੋਂ ਸ਼ੁਰੂ ਕੀਤਾ ਗਏ ਇਸ ਪੁਰਸਕਾਰ ਵਿਚ 8 ਭਾਰਤੀ ਭਾਸ਼ਾਵਾਂ ਨੂੰ ਸ਼ਾਮਿਲ ਕੀਤਾ ਗਿਆ ਹੈ ਜਦਕਿ ਤੀਜੇ ਸਾਲ ਦੇ ਅੰਤ ਤੱਕ ਦੇਸ਼ ਦੀਆਂ ਸਾਰੀਆਂ 24 ਭਾਸ਼ਾਵਾਂ ਨੂੰ ਇਸ ਵਿਚ ਸ਼ਾਮਿਲ ਕਰ ਲਿਆ ਜਾਵੇਗਾ।

ਲਾਦੇਨ ਵੱਲੋਂ ਅਮਰੀਕਾ 'ਤੇ ਮੁੜ ਹਮਲੇ ਦੀ ਧਮਕੀ

ਕਾਹਿਰਾ, 24 ਜਨਵਰੀ - ਓਸਾਮਾ ਬਿਨ ਲਾਦੇਨ ਨੇ ਅਮਰੀਕਾ ਨੂੰ ਧਮਕੀ ਦਿੱਤੀ ਹੈ ਕਿ ਜੇਕਰ ਉਸ ਨੇ ਆਪਣੀ ਵਿਦੇਸ਼ ਨੀਤੀ ਵਿਚ ਤਬਦੀਲੀ ਨਾ ਕੀਤੀ ਤਾਂ ਉਸ 'ਤੇ ਹੋਰ ਹਮਲੇ ਕੀਤੇ ਜਾਣਗੇ । ਲਾਦੇਨ ਦੀ ਆਵਾਜ਼ ਵਿਚ ਇਹ ਧਮਕੀ ਅਲ ਜਜੀਰਾ ਚੈਨਲ 'ਤੇ ਅੱਜ ਪ੍ਰਸਾਰਤ ਆਡੀਓ ਟੇਪ ਵਿਚ ਦਿੱਤੀ ਗਈ ਹੈ। 'ਓਸਾਮਾ ਟੂ ਓਬਾਮਾ' ਸਿਰਲੇਖ ਵਾਲੀ ਇਸ ਟੇਪ ਵਿਚ ਲਾਦੇਨ ਨੇ ਅਮਰੀਕੀ ਰਾਸ਼ਟਰਪਤੀ ਬਰਾਕ ਓਬਾਮਾ ਨੂੰ ਕਿਹਾ ਕਿ ਜੇਕਰ ਅਮਰੀਕਾ ਨੇ ਇਜ਼ਰਾਇਲ ਨੂੰ ਸਮਰਥਨ ਦੇਣਾ ਬੰਦ ਨਾ ਕੀਤਾ ਤਾਂ ਉਸ ਨੂੰ ਹੋਰ ਹਮਲਿਆਂ ਦਾ ਸਾਹਮਣਾ ਕਰਨਾ ਪਵੇਗਾ। ਲਾਦੇਨ ਨੇ ਬੀਤੇ 25 ਦਸੰਬਰ ਨੂੰ ਜਹਾਜ਼ ਵਿਚ ਧਮਾਕਾ ਕਰਨ 'ਚ ਨਾਕਾਮ ਰਹਿਣ ਵਾਲੇ ਨਾਈਜੀਰੀਆਈ ਨਾਗਰਿਕ ਦੀ ਸ਼ਲਾਘਾ ਕੀਤੀ ਹੈ।

ਹਵਾਈ ਤੇ ਰੇਲ ਆਵਾਜਾਈ ਬੁਰੀ ਤਰ੍ਹਾਂ ਪ੍ਰਭਾਵਿਤ

ਨਵੀਂ ਦਿੱਲੀ, 24 ਜਨਵਰੀ-ਰਾਜਧਾਨੀ ਦਿੱਲੀ ਅਤੇ ਆਸ ਪਾਸ ਦੇ ਇਲਾਕਿਆਂ ਵਿਚ ਅੱਜ ਕੋਹਰੇ ਨੇ ਪਿਛਲੇ 10 ਸਾਲਾਂ ਦਾ ਰਿਕਾਰਡ ਤੋੜ ਦਿੱਤਾ ਹੈ। ਜਾਣਕਾਰੀ ਅਨੁਸਾਰ ਦਿੱਲੀ ਤੇ ਐਨ.ਸੀ.ਆਰ ਵਿਚ ਸੰਘਣੀ ਧੁੰਦ ਕਾਰਨ ਰੇਲ, ਸੜਕ ਤੇ ਹਵਾਈ ਆਵਾਜਾਈ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਈ ਹੈ। ਮੌਸਮ ਵਿਭਾਗ ਅਨੁਸਾਰ ਅਗਲੇ ਤਿੰਨ-ਚਾਰ ਦਿਨਾਂ ਵਿਚ ਕੋਹਰੇ ਅਤੇ ਠੰਡ ਤੋਂ ਰਾਹਤ ਦੀ ਕਈ ਸੰਭਾਵਨਾ ਨਹੀਂ ਹੈ। ਵਿਭਾਗ ਅਨੁਸਾਰ ਸਾਲ 2000 ਤੋਂ ਪਹਿਲਾਂ 1918 ਵਿਚ ਦਿੱਲੀ ਤੇ ਆਸ ਪਾਸ ਦੇ ਇਲਾਕਿਆਂ ਵਿਚ ਇੰਨੀ ਸੰਘਣੀ ਧੁੰਦ ਪਈ ਸੀ ਅਤੇ ਇਹ ਸਥਿਤੀ ਇਕ ਮਹੀਨੇ ਤੱਕ ਬਣੀ ਰਹੀ ਸੀ। ਦਿੱਲੀ ਵਿਚ ਅੱਜ ਦਾ ਘੱਟੋ ਘੱਟ ਤਾਪਮਾਨ 7.7 ਡਿਗਰੀ ਦਰਜ ਕੀਤਾ ਗਿਆ। ਅੰਮ੍ਰਿਤਸਰ ਸਭ ਤੋਂ ਠੰਡਾ ਰਿਹਾ ਹੈ। ਇਥੇ ਤਾਪਮਾਨ 0.8 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ। ਧੁੰਦ ਕਾਰਨ ਕੌਮਾਂਤਰੀ ਹਵਾਈ ਅੱਡੇ ’ਤੇ ਅੱਜ ਕੰਮਕਾਰ ਪੂਰੀ ਤਰ੍ਹਾਂ ਠੱਪ ਰਿਹਾ। ਕੁਝ ਵੀ ਦਿਖਾਈ ਨਾ ਦੇਣ ਕਾਰਨ ਸਵੇਰੇ 9 ਵਜੇ ਤੱਕ ਏਅਰਪੋਰਟ ਤੋਂ ਇਕ ਵੀ ਉਡਾਨ ਨਹੀਂ ਭਰੀ ਗਈ। 22 ਕੌਮਾਂਤਰੀ ਉਡਾਨਾਂ ਦੇਰੀ ਨਾਲ ਅਤੇ ਇਕ ਉਡਾਨ ਰੱਦ ਕਰ ਦਿੱਤੀ ਗਈ। ਘਰੇਲੂ 7 ਉਡਾਨਾਂ ਰੱਦ ਕਰਨੀਆਂ ਪਈਆਂ। ਉਥੇ 80 ਤੋਂ ਜ਼ਿਆਦਾ ਟ੍ਰੇਨਾਂ ਦੇਰੀ ਨਾਲ ਚੱਲੀਆਂ, 15 ਟ੍ਰੇਨਾਂ ਦਾ ਸਮਾਂ ਬਦਲਿਆ ਗਿਆ ਅਤੇ 6 ਨੂੰ ਰੱਦ ਕਰਨਾ ਪਿਆ।

ਦੋ ਸਿੱਖ ਨੋਜਵਾਨਾ ਨੂੰ ਕਤਲ ਕਰਨ ਵਾਲਾ ਗ੍ਰਿਫਤਾਰ

ਟਰਾਂਟੋ- ਦੋ ਸਿੱਖ ਨੋਜਵਾਨਾ ਨੂੰ ਬੇਰਹਿਮੀ ਨਾਲ ਕਤਲ ਕਰਨ ਵਾਲੇ ਹਤਿਆਰੇ ਨੂੰ ਆਖਰ ਪੁਲਿਸ ਨੇ ਗ੍ਰਿਫਤਾਰ ਕਰ ਲਿਆ ਹੈ। ਇੰਨ੍ਹਾਂ ਨੋਜਵਾਨਾਂ ਦੇ ਕਤਲ ਪਿੱਛੇ ਜਿਹੜੇ ਕਾਰਣ ਪੁਲਿਸ ਦੇ ਅੰਦਾਜੇ ਵਿੱਚ ਹਨ ਉਨ੍ਹਾਂ ਕਰਕੇ ਸਿੱਖ ਭਾਈਚਾਰੇ ਵਿੱਚ ਉਦਾਸੀ ਵੀ ਪਾਈ ਜਾ ਰਹੀ ਹੈ।ਥਾਈਢਅਨ ਨਿਊਜ ਏਜੰਸੀ ਅਨੁਸਾਰ ਹਰਜਿੰਦਰ ਸਿੰਘ ਸੰਧੂ ਉਮਰ 28 ਸਾਲ ਅਤੇ ਪੁਨੀਤ ਸਿੰਘ ਛੀਨਾ ਉਮਰ 26 ਸਾਲ ਨੂੰ ਬੀਤੇ ਸਾਲ 4 ਮਈ ਨੂੰ ਉਸ ਸਮੇਂ ਕਤਲ ਕਰ ਦਿੱਤਾ ਗਿਆ ਸੀ ਜਦੋਂ ਉਹ ਕਿਸੇ ਨੂੰ ਮਿਲਣ ਵਾਸਤੇ ਜਾ ਰਹੇ ਸਨ। ਦੋਹਾਂ ਦੀਆਂ ਲਾਸ਼ਾਂ ਉਨ੍ਹਾਂ ਦੀ ਗੱਡੀ ਦੇ ਟਰੰਕ ਵਿੱਚੋਂ ਮਿਲੀਆਂ ਸਨ।ਭਾਵੇ ਕਿ ਪੁਲਿਸ ਨੂੰ ਸ਼ੱਕ ਹੈ ਕਿ ਇਹ ਕਤਲ ਗੈਂਗ ਰੂਪੀ ਟਕਰਾਅ ਦਾ ਸਿੱਟਾ ਹੈ ਪਰ ਕਤਲ ਦਾ ਅਸਲੀ ਕਾਰਣ ਹੋ ਸਕਦਾ ਹੈ ਕਿ ਸਿੱਖ ਨੋਜਵਾਨਾਂ ਨੇ ਕੋਕੀਨ ਦਾ ਪੈਸਾ ਦੇਣਾ ਸੀ ਜੋ ਕਿ ਉਹ ਦੇ ਨਹੀਂ ਸਨ ਸਕੇ।ਪੁਲਿਸ ਅਨੁਸਾਰ ਸੰਧੂ ਉੱਤੇ ਦੋਸ਼ ਹੈ ਕਿ ਉਸ ਨੇ ਅਮਰੀਕਾ ਤੋਂ ਕਨੇਡਾ ਨੂੰ 2007 ਵਿੱਚ ਟਰੱਕ ਵਿੱਚ ਛੁਪਾ ਕੇ ਕੋਕੀਨ ਲਿਆਉਣ ਦੀ ਕੋਸਿ਼ਸ਼ ਕੀਤੀ ਸੀ ਜਿਸ ਦੀ ਕੀਮਤ 3.8 ਮਿਲੀਅਨ ਡਾਲਰ ਦੱਸੀ ਜਾਂਦੀ ਹੈ।ਪੁਲਿਸ ਦਾ ਮੰਨਣਾ ਹੈ ਕਿ ਕੋਕੀਨ ਦੇ ਪੈਸੇ ਦੇਣੇ ਹੀ ਇਸ ਕਤਲ ਦਾ ਕਾਰਣ ਹੋ ਸਕਦਾ ਹੈ।ਛੀਨਾਂ ਵੀ ਟਰੱਕ ਡਰਾਈਵਰ ਸੀ ਪਰ ਉਨ੍ਹਾਂ ਦਿਨ ਵਿੱਚ ਉਹ ਕੰਮ ਨਹੀ ਸੀ ਕਰ ਰਿਹਾ ਜਦੋਂ ਉਸ ਦਾ ਕਤਲ ਕੀਤਾ ਗਿਆ।ਪੁਲਿਸ ਨੇ ਕਾਤਲ ਦੀ ਪੈੜ ਉਨ੍ਹਾਂ ਫੋਨ ਸਿਗਨਲਾਂ ਅਤੇ ਨੰਬਰਾਂ ਰਾਂਹੀਂ ਲੱਭੀ ਜਿਹੜੇ ਫੋਨ ਦੋਹਾਂ ਸਿੱਖ ਨੋਜਵਾਨਾਂ ਨੂੰ ਕਤਲ ਤੋਂ ਪਹਿਲਾਂ ਗਏ ਸਨ।ਪੁਲਿਸ ਨੇ ਸੱਖਤ ਮਹਿਨਤ ਕਰਕੇ 38 ਸਾਲਾ ਜੋਹਨ ਲੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਜੋਹਨ ਲੀ ਨੂੰ ਪਹਿਲੇ ਦਰਜੇ ਦੇ ਕਤਲ ,ਅਗਵਾ ਕਰਨ ਅਤੇ ਅਪਰਾਧ ਕਰਨ ਵਿੱਚ ਸ਼ਾਸ਼ਤਰ ਵਰਤਣ ਦੇ ਦੋਸ਼ ਵਿੱਚ ਚਾਰਜ ਕਰ ਲਿਆ ਗਿਆ ਹੈ।ਮਿਰਤਕਾਂ ਦੇ ਸਰੀਰ ਤੋਂ ਡੀ ਐਨ ਏ ਦੇ ਲਏ ਨਮੂਨੇ ਵੀ ਜੋਹਨ ਲੀ ਨੌੰ ਦੋਸ਼ੀ ਸਾਬਤ ਕਰਦੇ ਹਨ।

ਹੇਤੀ ‘ਚ 11 ਵੇਂ ਦਿਨ ਮਲਬੇ ਹੇਠੋਂ ਜੀਊਂਦਾ ਨੋਜਵਾਨ ਮਿਲਿਆ

ਨਿਊਯਾਰਕ-ਮਨੁੱਖ ਦੀਆਂ ਸਿਆਣਪਾ ਕਿੰਨੀਆਂ ਕੁ ਪਾਇਦਾਰ ਹਨ ਇਹਦਾ ਬਿਆਨ ਤਾਂ ਸਤਿਗੁਰ ਜੀ ਨੇ ਗੁਰੂ ਗ੍ਰੰਥ ਸਾਹਿਬ ਦੇ ਪਹਿਲੇ ਅੰਗ ਉੱਤੇ ਅਤੇ ਪਹਿਲੀ ਪਾਉੜੀ ਵਿੱਚ ਹੀ ਕਰ ਦਿਆਂ ਕਹਿ ਦੱਸ ਸੀ “ਸਹਸ ਸਿਆਣਪਾ ਲਖ ਹੋਹਿ ਤ ਇਕ ਚਲੈ ਨਾਲਿ”.ਇਸ ਦਾ ਪਰਤੱਖ ਉਦੋਂ ਸੰਸਾਰ ਮੰਚ ਤੇ ਆ ਟਿਕਿਆ ਜਦੋਂ ਇਹ ਪਤਾ ਲੱਗਾ ਕਿ ਹੇਤੀ ਸਰਕਾਰ ਨੇ ਭੁਚਾਲ ਆਉਣ ਦੇ 11 ਵੇਂ ਦਿਨ 23 ਜਨਵਰੀ ਦਿਨ ਸ਼ਨੀਚਰ ਵਾਰ ਨੂੰ ਐਲਾਨ ਕਰ ਦਿੱਤਾ ਕਿ ਹੁਣ ਕਿਸੇ ਦੇ ਬਚੇ ਹੋਏ ਦੀ ਆਸ ਨਹੀਂ ਹੈ ਇਸ ਕਰਕੇ ਹੁਣ ਕਿਸੇ ਨੂੰ ਜੀਊਂਦੇ ਲੱਭਣ ਦੀ ਕੋਸਿ਼ਸ਼ ਨਹੀਂ ਕੀਤੀ ਜਾਵੇਗੀ।ਪਰ ਦੁਨੀਆਂ ਦੀ ਕੋਈ ਹੈਰਾਨੀ ਨਾ ਰਹੀ ਜਦੋਂ ਪਰਟ ਓ ਪਿਰੰਸ ਦੇ ਨਿਪੋਲੀ ਹੋਟਲ ਦੇ ਮਲਬੇ ਵਿੱਚ ਦੱਬੇ ਹੋਏ 23 ਸਾਲ ਦੇ ਨੋਜਵਾਨ ਨੂੰ ਜੀਊਂਦਿਆਂ ਲੱਭ ਲਿਆ ।ਇਸ ਤੋਂ ਇੱਕ ਦਿਨ ਪਹਿਲਾਂ ਇੱਕ 84 ਸਾਲ ਦੀ ਔਰਤ ਅਤੇ ਇੱਕ 22 ਸਾਲ ਦਾ ਗਭਰੂ ਜੀਊਂਦਾ ਮਲਬੇ ਹੇਠੋਂ ਲੱਭੇ ਸਨ।

ਸਿੱਖੀ ਇਖਲਾਕ ਕਿਸੇ ਧੀ-ਭੈਣ ਜਾਂ ਕਿਸੇ ਦੂਸਰੇ ਦੀ ਪਤਨੀ ਨੂੰ ਬੁਰੀ ਨਜ਼ਰ ਨਾਲ ਦੇਖਣ ਦੀ ਇਜ਼ਾਜਤ ਨਹੀਂ ਦਿੰਦਾ :- ਮਾਨ

ਚੰਡੀਗੜ੍ਹ, 23 ਜਨਵਰੀ :- “ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਪੰਜਾਬੀ ਤੇ ਸਿੱਖ ਵਿਰਸੇ-ਸੱਭਿਆਚਾਰ ਨਾਲ ਸੰਬੰਧਿਤ ਭੰਗੜੇ ਤੇ ਗਿੱਧੇ ਵਾਲੇ ਮਨੋਰੰਜਨ ਦੇ ਪ੍ਰੋਗਰਾਮਾਂ ਨੂੰ ਤਾਂ ਮਾਨਤਾ ਦਿੰਦਾ ਹੈ ਲੇਕਿਨ ਜੋ ਅਜੋਕੇ ਸਮੇਂ ਵਿੱਚ ਵਿਆਹਾਂ-ਸ਼ਾਦੀਆਂ ਤੇ ਹੋਰ ਖੁਸ਼ੀ ਦੇ ਪ੍ਰੋਗਰਾਮਾਂ ਉੱਤੇ ਸਾਡੀਆਂ ਧੀਆਂ-ਭੈਣਾਂ ਨੂੰ ਅਰਧ ਨਗਨ ਸਰੀਰਾਂ ਵਿੱਚ ਨਚਾ ਕੇ ਜਾਂ ਅਸੱਭਿਅਕ ਬੋਲਾਂ ਵਾਲੇ ਅਸ਼ਲੀਲ ਗੀਤ ਗਾਉਣ ਤੇ ਨੰਗੇਜ਼ਵਾਦ ਨੂੰ ਬੜਾਵਾ ਦੇਣ ਦਾ ਮੰਦਭਾਗਾ ਰੁਝਾਨ ਵੱਧ ਰਿਹਾ ਹੈ, ਉਸਦੇ ਅਸੀਂ ਸਖਤ ਵਿਰੁੱਧ ਹਾਂ।”
ਇਹ ਵਿਚਾਰ ਅੱਜ ਇੱਥੇ ਸ: ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਪੰਜਾਬੀ ਤੇ ਸਿੱਖ ਸਮਾਜ ਵਿੱਚ ਫੈਲ ਰਹੀ ਉਪਰੋਕਤ ਗੈਰ ਸੱਭਿਆਚਾਰਿਕ ਬਿਮਾਰੀ ਉੱਤੇ ਤਿੱਖਾ ਪ੍ਰਤੀਕਰਮ ਪ੍ਰਗਟ ਕਰਦੇ ਹੋਏ ਆਪਣੇ ਦਸਤਖਤਾਂ ਹੇਠ ਜਾਰੀ ਕੀਤੇ ਇੱਕ ਬਿਆਨ ਵਿੱਚ ਜ਼ਾਹਿਰ ਕੀਤੇ। ਉਨ੍ਹਾ ਇਸ ਵੱਧ ਰਹੀ ਅਸ਼ਲੀਲਤਾ, ਨੰਗੇਜਵਾਦ ਲਈ ਮਰਹੂਮ ਬੇਅੰਤ ਸਿੰਘ, ਕੇ ਪੀ ਐਸ ਗਿੱਲ ਤੇ ਉਸ ਸਮੇ ਦੇ ਪੁਲਿਸ ਅਫਸਰਾਂ ਵੱਲੋਂ ਕੀਤੇ ਜਾਣ ਵਾਲੇ ਸੱਭਿਆਚਾਰਿਕ ਸਮਾਗਮਾਂ ਦੇ ਨਾਮ ਤੇ ਕੀਤੀ ਜਾਣ ਵਾਲੀ ਕਾਰਵਾਈ ਨੂੰ ਦੋਸ਼ੀ ਠਹਿਰਾਉਦੇ ਹੋਏ ਕਿਹਾ ਕਿ ਪੰਜਾਬੀਆਂ ਤੇ ਸਿੱਖ ਕੌਮ ਦੇ ਕਾਤਿਲਾਂ ਵੱਲੋ ਕੇਵਲ ਉਸ ਸਮੇ ਮਨੁੱਖਤਾ ਦਾ ਹੀ ਕਤਲ ਨਹੀਂ ਕੀਤਾ ਗਿਆ ਬਲਕਿ ਧਾਰਮਿਕ ਤੇ ਸਮਾਜਿਕ ਕਦਰਾਂ-ਕੀਮਤਾਂ ਦਾ ਵੀ ਇੰਨਾ ਲੋਕਾਂ ਨੇ ਬੁਰੀ ਤਰ੍ਹਾ ਘਾਣ ਕੀਤਾ ਹੈ। ਉਨ੍ਹਾ ਕਿਹਾ ਕਿ ਇਸ ਮਾਰੂ ਰਵਾਇਤ ਨੂੰ ਕੈਪਟਨ ਅਮਰਿੰਦਰ ਸਿੰਘ ਦੀ ਹਕੂਮਤ ਵੇਲੇ ਵੀ ਉਸੇ ਤਰਾ ਜਾਰੀ ਰੱਖਿਆ ਗਿਆ ਜਿਸ ਵਿੱਚ ਪਾਕਿਸਤਾਨੀ ਔਰਤਾਂ ਅਰੂਸਾ ਆਲਮ, ਜ਼ੀਰਵੀ ਰਾਣਾ ਸੋਢੀ ਵਰਗੇ ਗੈਰ ਇਖਲਾਕੀਆਂ ਦੇ ਐਯਾਸੀਆਂ ਦੇ ਅਮਲ ਸ਼ਰੇਆਮ ਹੋਣ ਲੱਗ ਪਏ ਹਨ। ਸਮੁੱਚੀ ਕਾਂਗਰਸ ਜਮਾਤ ਦੇ ਬਹੁਤੇ ਪੰਜਾਬ ਦੇ ਆਗੂ ਇਸ ਖੇਡ ਵਿੱਚ ਮਲੀਨ ਹੋ ਕੇ ਅੱਜ ਵੀ ਸਮਾਜ ਨੂੰ ਗੰਧਲਾ ਕਰਨ ਤੇ ਲੱਗੇ ਹੋਏ ਹਨ। ਜੋ ਕਿ ਗੁਰੂਆਂ, ਪੀਰਾਂ, ਫਕੀਰਾਂ ਤੇ ਦਰਵੇਸ਼ਾਂ ਦੀ ਇਸ ਪੰਜਾਬ ਦੀ ਪਵਿੱਤਰ ਧਰਤੀ ਉੱਤੇ ਅਜਿਹੀ ਖੁੱਲ੍ਹ ਦੇਣੀ ਆਪਣੇ ਗੁਰੂ ਸਾਹਿਬਾਨ ਦੇ ਉੱਚੇ ਇਖਲਾਕ ਵਾਲੀ ਸੋਚ ਨੂੰ ਚੁਣੌਤੀ ਦੇਣ ਦੇ ਤੁੱਲ ਅਸਹਿ ਕਾਰਵਾਈ ਹੈ। ਉਨ੍ਹਾ ਕਿਹਾ ਕਿ ਇਸ ਵਿੱਚ ਵੀ ਕੋਈ ਸ਼ੱਕ ਬਾਕੀ ਨਹੀਂ ਕਿ ਬੀਤੇ ਸਮੇ ਵਿੱਚ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਤੇ ਬਾਦਲ ਦਲ ਦੇ ਅਹੁਦੇਦਾਰਾਂ ਮਰਹੂਮ ਬਲਬੀਰ ਸਿੰਘ ਪੰਨੂ, ਗੁਰਪਾਲ ਸਿੰਘ ਗੋਰਾਂ, ਸੂਰਮੇ ਰਾਗੀ ਦੀ ਪਤਨੀ ਨਾਲ ਜ਼ਬਰ ਜਿਨਾਹ ਕਰਨ ਵਾਲੇ, ਦਲਜੀਤ ਸਿੰਘ ਬੇਦੀ ਅਤੇ ਤੋਤਾ ਸਿੰਘ ਦੇ ਪੁੱਤਰ ਮੱਖਣ ਬਰਾੜ ਵਰਗੇ ਲੋਕ ਵੀ ਇਸ ਹਮਾਮ ਵਿੱਚ ਨੰਗੇ ਹਨ। ਇਹ ਹੋਰ ਵੀ ਦੁੱਖ ਦੀ ਗੱਲ ਹੈ ਕਿ ਸ: ਪ੍ਰਕਾਸ਼ ਸਿੰਘ ਬਾਦਲ ਤੇ ਬਾਦਲ ਪਰਿਵਾਰ ਅਜਿਹੇ ਗੈਰ ਇਖਲਾਕੀ ਲੋਕਾਂ ਦੀਆਂ ਕਾਰਵਾਈਆਂ ਨੂੰ ਨਜ਼ਰ ਅੰਦਾਜ਼ ਕਰਕੇ ਮਾਹੌਲ ਨੂੰ ਹੋਰ ਗੰਧਲਾ ਬਣਾਉਣ ਵਿੱਚ ਕੋਈ ਕਸਰ ਨਹੀਂ ਛੱਡ ਰਹੇ ਜੋ ਕਿ ਸਿੱਧੇ ਤੌਰ ਤੇ ਦੋਸ਼ੀ ਹਨ। ਪੰਜਾਬੀਆਂ ਤੇ ਸਿੱਖ ਕੌਮ ਨੂੰ ਅਜਿਹੇ ਗੈਰ ਇਖਲਾਕੀ ਸਿਆਸਤਦਾਨਾਂ ਤੇ ਉੱਚਾ ਸੁੱਚਾ ਇਖਲਾਕ ਰੱਖਣ ਵਾਲੇ ਧਾਰਮਿਕ ਤੇ ਸਿਆਸੀ ਆਗੂਆਂ ਦਾ ਨਿਖੇੜਾ ਕਰਕੇ ਆਉਣ ਵਾਲੇ ਸਮੇ ਵਿੱਚ ਸੰਜੀਦਾ ਉੱਦਮ ਕਰਨੇ ਪੈਣਗੇ। ਤਦ ਜਾ ਕੇ ਅਸੀਂ ਕੌਮਾਂਤਰੀ ਪੱਧਰ ਉੱਤੇ ਆਪਣੇ ਉੱਚੇ ਇਖਲਾਕ ਵਾਲੀ ਪਹਿਚਾਣ ਨੂੰ ਕਾਇਮ ਰੱਖ ਸਕਾਂਗੇ।
ਉਨ੍ਹਾ ਕਿਹਾ ਕਿ ਬੀਬੀ ਅਰੂਸਾ, ਬੀਬੀ ਜੀਰਵੀ ਤੇ ਹੋਰ ਵੱਡੀ ਗਿਣਤੀ ਵਿੱਚ ਇਸ ਮੁਲਕ ਵਿੱਚ ਆਉਣ ਵਾਲੀਆਂ ਪਾਕਿਸਤਾਨੀ ਔਰਤਾਂ ਨਾਲ ਸੰਬੰਧ ਰੱਖਣ ਵਾਲੇ ਸਿਆਸਤਦਾਨ ਮੁਲਕ ਦੀ ਸੁਰੱਖਿਆ ਲਈ ਵੱਡਾ ਖਤਰਾ ਬਣ ਚੁੱਕੇ ਹਨ। ਇਸ ਲਈ ਇਸ ਦਿਸ਼ਾ ਵੱਲ ਸੈਟਰ ਤੇ ਪੰਜਾਬ ਦੀ ਹਕੂਮਤ ਨੂੰ ਨਿਰਪੱਖਤਾ ਨਾਲ ਜਾਂਚ ਕਰਾਉਣੀ ਚਾਹੀਦੀ ਹੈ ਤਾਂ ਕਿ ਕੋਈ ਵੱਡੀ ਦੁਖਾਂਤਿਕ ਘਟਨਾ ਹੋਣ ਤੋਂ ਰੋਕਿਆ ਜਾ ਸਕੇ।

ਸੰਘ ਪਰਿਵਾਰ ਤੇਤਿਵਾੜੀ ਆਪਣੀ ਬਜਰ ਗਲਤੀ ਦੀ ਤੁਰੰਤ ਮੁਆਫ਼ੀ ਮੰਗੇ : ਗਿ. ਗੁਰਬਚਨ ਸਿੰਘ

ਅੰਮ੍ਰਿਤਸਰ, 23 ਜਨਵਰੀ - ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਨੇ ਸੰਘ ਪਰਿਵਾਰ ਦੀ ਵੈਬਸਾਈਟ 'ਤੇ ਡਾਕਟਰ ਰਮਾਕਾਂਤ ਤਿਵਾੜੀ ਵਲੋਂ ਸਿੱਖ ਧਰਮ ਬਾਰੇ ਕੀਤੀਆਂ ਟਿੱਪਣੀਆਂ ਦਾ ਗੰਭੀਰ ਨੋਟਿਸ ਲੈਂਦਿਆਂ ਕਿਹਾ ਕਿ ਸੰਘ ਪਰਿਵਾਰ ਤੇ ਡਾ. ਤਿਵਾੜੀ ਆਪਣੀ ਕੀਤੀਆਂ ਬਜਰ ਗਲਤੀਆਂ ਦੀ ਤੁਰੰਤ ਮੁਆਫ਼ੀ ਮੰਗਣ ਅਤੇ ਅੱਗੇ ਤੋਂ ਯਕੀਨੀ ਬਨਾਉਣ ਕਿ ਅਜਿਹੀਆਂ ਘਟੀਆ ਤੇ ਬੇਹੂਦਾ ਹਰਕਤਾਂ ਦੁਬਾਰਾ ਨਹੀਂ ਕਰਨਗੇ । ਪ੍ਰੈਸ ਨੂੰ ਜਾਰੀ ਇਕ ਬਿਆਨ ਰਾਹੀਂ ਜਥੇਦਾਰ ਅਕਾਲ ਤਖ਼ਤ ਗਿਆਨੀ ਗੁਰਬਚਨ ਸਿੰਘ ਨੇ ਕਿਹਾ ਕਿ ਗੁਰੂ ਰਾਮਦਾਸ ਜੀ ਦੇ ਲੰਗਰ ਵਿਚ ਸ਼ੁੱਧ ਸ਼ਾਕਾਹਾਰੀ ਭੋਜਨ ਹੀ ਬਣਦਾ ਹੈ ਅਤੇ ਜੋ ਕੁੱਝ ਵੀ ਤਿਆਰ ਕੀਤਾ ਜਾਂਦਾ ਹੈ ਉਹ ਮਰਿਆਦਾ ਅਨੁਸਾਰ ਤਿਆਰ ਕੀਤਾ ਜਾਂਦਾ ਹੈ। ਉਨ੍ਹਾਂ ਕਿਹਾ ਕਿ ਸੰਘ ਪਰਿਵਾਰ ਗੁਰੂ ਕਾ ਲੰਗਰ ਬਾਰੇ ਟਿੱਪਣੀ ਕਰਨ ਤੋਂ ਪਹਿਲਾਂ ਆਪਣੇ ਗਿਰੇਬਾਨ 'ਚ ਝਾਤੀ ਮਾਰ ਕੇ ਵੇਖਣ। ਉਨ੍ਹਾਂ ਕਿਹਾ ਕਿ ਗੁਰੂ ਕਾ ਲੰਗਰ ਕਈ ਸਦੀਆਂ ਤੋਂ ਬਣਦਾ ਆ ਰਿਹਾ ਹੈ ਅਤੇ ਦੇਸ਼ਾਂ ਵਿਦੇਸ਼ਾਂ ਤੋਂ ਸੰਗਤਾਂ ਆ ਕੇ ਪੰਗਤ ਵਿਚ ਬੈਠ ਕੇ ਸ਼ਰਧਾ ਤੇ ਸਤਿਕਾਰ ਨਾਲ ਛਕਦੀਆਂ ਆ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ਗੁਰੂ ਕਾ ਲੰਗਰ ਕਿਸ ਤਰ੍ਹਾਂ ਤਿਆਰ ਕਰਨਾ ਹੈ ਇਸ ਬਾਰੇ ਸੰਗਤਾਂ ਭਲੀ ਭਾਂਤ ਜਾਣਦੀਆਂ ਹਨ ਅਤੇ ਡਾ. ਤਿਵਾੜੀ ਨੂੰ ਬੇਲੋੜੇ ਸੁਝਾਅ ਦੇਣ ਦੀ ਕੋਈ ਲੋੜ ਨਹੀਂ। ਕੇਂਦਰੀ ਸਿੱਖ ਅਜਾਇਬ ਘਰ ਸਿੱਖ ਸ਼ਹੀਦਾਂ ਜਾਂ ਹੋਰ ਗੁਰੂ ਸਾਹਿਬਾਨ ਤੇ ਗੁਰੂ ਘਰ ਦੇ ਪ੍ਰੇਮੀਆਂ, ਨਾਨਕ ਨਾਮ ਲੇਵਾ ਵਿਅਕਤੀਆਂ ਦੀਆਂ ਲੱਗੀਆਂ ਤਸਵੀਰਾਂ ਸਿੱਖ ਪੰਥ ਦਾ ਅਨਮੋਲ ਖ਼ਜਾਨਾ ਹਨ। ਇਨ੍ਹਾਂ 'ਤੇ ਕੋਈ ਟਿੱਪਣੀ ਕਰਨ ਦਾ ਕਿਸੇ ਨੂੰ ਕੋਈ ਅਧਿਕਾਰ ਨਹੀਂ ਹੈ।

ਸਰਨਾ ਵੱਲੋਂ ਆਰ. ਐਸ. ਐਸ ਦੇ ਪ੍ਰਚਾਰਕ ਵੱਲੋਂ ਵੈਬਸਾਈਟ ਤੇ ਸਿੱਖ ਧਰਮ ਵਿਰੁੱਧ ਟਿੱਪਣੀਆਂ ਦਾ ਵਿਰੋਧ

ਨਵੀਂ ਦਿੱਲੀ (ਅੰਮ੍ਰਿਤਸਰ), 23, ਜਨਵਰੀ - ਸ. ਪਰਮਜੀਤ ਸਿੰਘ ਸਰਨਾ, ਪ੍ਰਧਾਨ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਅਤੇ ਸ਼੍ਰੋਮਣੀ ਅਕਾਲੀ ਦਲ, ਦਿੱਲੀ ਨੇ ਇਥੇ ਜਾਰੀ ਇਕ ਬਿਆਨ ਵਿਚ ਕਿਹਾ ਹੈ ਕਿ ਜਦਕਿ ਸਿੱਖਾਂ ਵਲੋਂ ਕਿਸੇ ਦੇ ਵੀ ਧਾਰਮਕ ਮਾਮਲਿਆਂ ਅਤੇ ਵਿਸ਼ਵਾਸਾਂ ਵਿਚ ਨਾ ਤਾਂ ਕੋਈ ਦਫ਼ਲ ਨਹੀਂ ਦਿੱਤਾ ਜਾਂਦਾ ਹੈ ਅਤੇ ਨਾ ਹੀ ਕਿੰਤੂ ਕੀਤਾ ਜਾਂਦਾ ਹੈ, ਤਾਂ ਫਿਰ ਕਿਸੇ ਨੂੰ ਕੀ ਅਧਿਕਾਰ ਹੈ ਕਿ ਉਹ ਸਿੱਖਾਂ ਦੇ ਧਾਰਮਕ ਮਾਮਲਿਆਂ ਅਤੇ ਵਿਸ਼ਵਾਸ ਵਿਚ ਦਫ਼ਲ ਦੇਵੇ ਜਾਂ ਉਸ ਪੁਰ ਕਿੰਤੂ ਕਰੇ। ਸ. ਸਰਨਾ ਨੇ ਆਰ ਐਸ ਐਸ ਦੇ ਪ੍ਰਚਾਰਕ ਰਮਾਕਾਂਤ ਤਿਵਾੜੀ ਦੇ ਆਰ ਐਸ ਐਸ ਦੀ ਵੈਬਸਾਈਟ ਤੇ ਆਏ ਉਸ ਮਜ਼ਮੂਨ ਪੁਰ, ਟਿੱਪਣੀ ਕਰਦਿਆਂ ਇਹ ਵਿਚਾਰ ਪ੍ਰਗਟ ਕੀਤੇ, ਜਿਸ ਵਿਚ ਉਨ੍ਹਾਂ ਨੇ ਹਿੰਦੂ ਧਰਮ ਦੀਆਂ ਮਾਨਤਾਵਾਂ ਦਾ ਜ਼ਿਕਰ ਕਰਦਿਆਂ, ਨਾ ਕੇਵਲ ਲੰਗਰ ਵਿਚ ਪਿਆਜ਼ ਤੇ ਥੋਮ ਦੀ ਵਰਤੋਂ ਕੀਤੇ ਜਾਣ ਪੁਰ ਕਿੰਤੂ ਕੀਤਾ ਹੈ, ਸਗੋਂ ਸਿੱਖ ਅਜਾਇਬ ਘਰ ਵਿਚ ਲਗੀਆਂ ਸੰਤ ਜਰਨੈਲ ਸਿੰਘ ਅਤੇ ਹੋਰ ਸਿੱਖ ਸ਼ਹੀਦਾਂ ਦੀਆਂ ਫੋਟੋਆਂ ਪੁਰ ਵੀ ਇਤਰਾਜ਼ ਕੀਤਾ ਹੈ। ਇਸਦੇ ਨਾਲ ਹੀ ਉਨ੍ਹਾਂ ਨੇ ਆਪਣੇ ਮਜ਼ਮੂਨ ਵਿਚ ਇਹ ਸੁਆਲ ਵੀ ਉਠਾਇਆ ਹੈ ਕਿ ਗੁਰਬਾਣੀ ਵਿਚ ਕਈ ਵਾਰ ਰਾਮ, ਗੋਵਿੰਦ ਅਤੇ ਸ਼ਿਵਾ ਦਾ ਨਾਂ ਆਇਆ ਹੈ ਤਾਂ ਫਿਰ ਸਿੱਖ ਆਪਣੇ ਆਪ ਨੂੰ ਕਿਉਂ ਹਿੰਦੂਆਂ ਤੋਂ ਵਖਰੀ ਕੌਮ ਤੇ ਧਰਮ ਮੰਨਦੇ ਹਨ ਅਤੇ ਕਿਉਂ ਮੰਦਰਾਂ ਵਿਚ ਦੇਵਤਿਆਂ ਦੀ ਪੂਜਾ ਕਰਨ ਤੋਂ ਕਤਰਾਉਂਦੇ ਹਨ। ਰਾਮ ਜਨਮ ਭੂਮੀ ਅਤੇ ਕ੍ਰਿਸ਼ਨ ਜਨਮ ਭੂਮੀ ਨੂੰ ਮੁਕਤ ਕਰਾਉਣ ਵਿਚ ਸਹਿਯੋਗ ਕਿਉਂ ਨਹੀਂ ਕਰਦੇ? ਸ. ਸਰਨਾ ਨੇ ਆਪਣੇ ਬਿਆਨ ਵਿਚ ਕਿਹਾ ਕਿ ਸ੍ਰੀ ਤਿਵਾੜੀ ਦੇ ਇਸ ਬਿਆਨ ਤੋਂ ਇਕ ਵਾਰ ਫਿਰ ਇਹ ਗਲ ਸਪਸ਼ਟ ਹੋ ਕੇ ਸਾਹਮਣੇ ਆ ਗਈ ਹੈ, ਆਰ ਐਸ ਐਸ ਦਾ ਮੁਖ ਏਜੰਡਾ ਸਿੱਖ ਧਰਮ ਦੀ ਸੁਤੰਤਰ ਹੋਂਦ ਅਤੇ ਸਿੱਖਾਂ ਦੀ ਅੱਡਰੀ ਪਛਾਣ ਫ਼ਤਮ ਕਰ ਕੇ ਉਨ੍ਹਾਂ ਨੂੰ ਹਿੰਦੂਆਂ ਵਿਚ ਜਜ਼ਬ ਕਰ ਲੈਣ ਦਾ ਹੈ। ਇਸੇ ਗਿਣੀ-ਮਿਥੀ ਸਾਜ਼ਸ਼ ਨੂੰ ਸਿਰੇ ਚੜ੍ਹਾਉਣ ਵਿਚ ਉਹ ਤੇ ਉਸਦੇ ਮੁੱਖੀ-ਪ੍ਰਚਾਰਕ ਜ਼ੋਰ-ਸ਼ੋਰ ਨਾਲ ਜੁਟੇ ਹੋਏ ਹਨ ਅਤੇ ਇਸੇ ਉਦੇਸ਼ ਦੀ ਪੂਰਤੀ ਦੇ ਲਈ ਹੀ ਉਹ ਗੁਰਬਾਣੀ, ਸਿੱਖ ਇਤਿਹਾਸ ਅਤੇ ਮਾਨਤਾਵਾਂ ਨੂੰ ਆਪਣੇ ਸੁਆਰਥ ਅਧੀਨ ਵਿਗਾੜ ਰਹੇ ਹਨ ਅਤੇ ਆਪਣੀ ਫਿਰਕੂ ਸੋਚ ਤੇ ਨੀਤੀ ਸਿੱਖਾਂ ਪੁਰ ਠੋਸਣ ਦੀ ਕੌਸ਼ਿਸ਼ ਕਰ ਰਹੇ ਹਨ। ਸ. ਸਰਨਾ ਨੇ ਸਪਸ਼ਟ ਕੀਤਾ ਕਿ ਗੁਰੂ ਸਾਹਿਬਾਂ ਨੇ ਆਪਣੀ ਬਾਣੀ ਵਿਚ ਜਿਸ ਰਾਮ, ਕ੍ਰਿਸ਼ਨ ਅਤੇ ਸ਼ਿਵਾ ਆਦਿ ਦੇ ਨਾਵਾਂ ਦੀ ਵਰਤੋਂ ਕੀਤੀ ਹੈ, ਉਹ ਕੇਵਲ ਤੇ ਕੇਵਲ ਅਕਾਲ ਪੁਰਖ ਦੇ ਲਈ ਕੀਤੀ ਹੈ, ਨਾ ਕਿ ਅਯੋਧਿਆ ਦੇ ਰਾਮ ਜਾਂ ਬਿੰਦਰਾਬਨ ਦੇ ਕ੍ਰਿਸ਼ਨ ਦੇ ਲਈ।ਸ. ਸਰਨਾ ਨੇ ਹੋਰ ਕਿਹਾ ਕਿ ਸਿੱਖ ਕੌਮ ਦੇ ਸ਼ਹੀਦ ਕੌਣ ਹਨ? ਇਸਦਾ ਫੈਸਲਾ ਕਰਨ ਦਾ ਅਧਿਕਾਰ ਸ਼੍ਰੀ ਤਿਵਾੜੀ ਨੂੰ ਕਿਸ ਨੇ ਦਿਤਾ ਹੈ? ਉਨ੍ਹਾਂ ਕਿਹਾ ਕਿ ਰਾਮ ਜਨਮ ਭੂਮੀ ਤੇ ਕ੍ਰਿਸ਼ਨ ਜਨਮ ਭੂਮੀ ਨੂੰ ਹਿੰਦੂ ਜਮ-ਜਮ ਮੁਕਤ ਕਰਾਉਣ। ਸਿੱਖਾਂ ਨੇ ਨਾ ਤਾਂ ਪਹਿਲਾਂ ਕਿਸੇ ਦੇ ਧਾਰਮਕ ਝਗੜੇ ਵਿਚ ਕਦੀ ਦਫ਼ਲ ਦਿਤਾ ਹੈ ਅਤੇ ਨਾ ਹੀ ਅਗੋਂ ਉਹ ਅਜਿਹਾ ਕਰਨ ਦੇ ਇੱਛੁਕ ਹਨ। ਉਨ੍ਹਾਂ ਕਿਹਾ ਕਿ ਸ਼੍ਰੀ ਤਿਵਾੜੀ ਦੇ ਇਸ ਮਜ਼ਮੂਨ ਦੇ ਨਾਲ ਇਕ ਵਾਰ ਮੁੜ ਇਸ ਗਲ ਦੀ ਪੁਸ਼ਟੀ ਹੋ ਗਈ ਹੈ ਕਿ ਆਰ ਐਸ ਐਸ ਤੇ ਉਸਦੇ ਮੁਖੀ-ਪ੍ਰਚਾਰਕ ਸਿੱਖ ਧਰਮ ਦੀ ਸੁਤੰਤਰ ਹੋਂਦ ਅਤੇ ਸਿੱਖਾਂ ਦੀ ਅੱਡਰੀ ਪਛਾਣ ਸਹਿਣ ਨਹੀਂ ਕਰ ਪਾ ਰਹੇ। ਉਹ ਕਿਸੇ ਵੀ ਤਰ੍ਹਾਂ ਉਨ੍ਹਾਂ ਨੂੰ ਹਿੰਦੂ ਧਰਮ ਵਿਚ ਜਜ਼ਬ ਕਰ ਲੈਣਾ ਚਾਹੁੰਦੇ ਹਨ। ਸ. ਸਰਨਾ ਨੇ ਜ਼ੋਰ ਦੇ ਕੇ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ, ਦਿੱਲੀ ਅਤੇ ਉਸਦੇ ਮੁਖੀ ਉਨ੍ਹਾਂ ਦੀ ਇਸ ਸਾਜ਼ਸ਼ ਨੂੰ ਅਸਫਲ ਬਣਾਉਣ ਪ੍ਰਤੀ ਵਚਨਬੱਧ ਹਨ ਅਤੇ ਉਹ ਆਪਣੀ ਇਸ ਵਚਨਬੱਧਤਾ ਪੁਰ ਸਦਾ ਹੀ ਚੇਤਨਤਾ ਅਤੇ ਦ੍ਰਿੜ੍ਹਤਾ ਦੇ ਨਾਲ ਪਹਿਰਾ ਦਿੰਦੇ ਰਹਿਣਗੇ।

1984 ਦੰਗਿਆਂ ਬਾਰੇ ਕਮੇਟੀ ਬਣਾਈ ਜਾਵੇ

ਜਲੰਧਰ : 23 ਜਨਵਰੀ/ 1984 ‘ਚ ਹੋਏ ਸਿੱਖ ਕਤਲੇਆਮ ਵਿਰੁੱਧ ਪਿਛਲੇ 25 ਸਾਲਾਂ ਤੋਂ ਇਨਸਾਫ਼ ਦੀ ਲੜਾਈ ਲੜ ਰਹੇ ਸੁਪਰੀਮ ਕੋਰਟ ਦੇ ਸੀਨੀਅਰ ਵਕੀਲ ਐਚ ਐਸ ਫੂਲਕਾ ਨੇ ਦੱਸਿਆ ਕਿ ਉਨ੍ਹਾਂ ਦਿੱਲੀ ਹਾਈਕੋਰਟ ਵਿੱਚ ਰਿੱਟ ਦਾਇਰ ਕਰਕੇ ਮੰਗ ਕੀਤੀ ਹੈ ਕਿ ਜਿਵੇਂ ਗੁਜਰਾਤ ਦੰਗਿਆਂ ਦੇ ਮਾਮਲੇ ਦੀ ਦੇਖ-ਰੇਖ ਲਈ ਸੁਪਰੀਮ ਕੋਰਟ ਨੇ ਇੱਕ ਕਮੇਟੀ ਬਣਾਈ ਹੈ, ਉਸੇ ਹੀ ਤਰਜ਼ ‘ਤੇ ‘84 ਦੇ ਦੰਗਿਆਂ ਬਾਰੇ ਵੀ ਕਮੇਟੀ ਬਣਾਈ ਜਾਵੇ।
ਦੱਸਣਯੋਗ ਹੈ ਕਿ ਐਚਐਸ ਫੂਲਕਾ ਤੇ ਐਡਵੋਕੇਟ ਨਵਕਿਰਨ ਸਿੰਘ ਅੱਜ ਇੱਥੇ ਪੰਜਾਬ ਪ੍ਰੈਸ ਕਲੱਬ ਵਿੱਚ ਪੱਤਰਕਾਰਾਂ ਨਾਲ ਗੱਲਬਾਤ ਕਰ ਰਹੇ ਸਨ। ਉਨ੍ਹਾਂ ਕਿਹਾ ਕਿ ‘84 ਦੇ ਸਿੱਖ ਕਤਲੇਆਮ ਬਾਰੇ ਦਿੱਲੀ ਹਾਈ ਕੋਰਟ ਵਿੱਚ ਜਿਸ ਕਮੇਟੀ ਨੇ ਰਿੱਟ ਦਾਇਰ ਕੀਤੀ ਹੈ, ਉਸ ‘ਚ ਕੁਲਦੀਪ ਨਈਅਰ, ਦਿੱਲੀ ਹਾਈਕੋਰਟ ਦੇ ਸਾਬਕਾ ਚੀਫ਼ ਜਸਟਿਸ ਰਜਿੰਦਰ ਸੱਚਰ ਵਰਗੀਆਂ ਸ਼ਖ਼ਸੀਅਤਾਂ ਸ਼ਾਮਲ ਹਨ। ਉਨ੍ਹਾਂ ਸੀਬੀਆਈ ‘ਤੇ ਨਿਸ਼ਾਨਾ ਸਾਧਦਿਆਂ ਕਿਹਾ ਕਿ ਸੀਬੀਆਈ ਅੱਜ ਵੀ ਸੱਜਣ ਕੁਮਾਰ ਵਰਗੇ ਕਥਿਤ ਦੋਸ਼ੀ ਦੀ ਅਸਿੱਧੇ ਢੰਗ ਨਾਲ ਹਮਾਇਤ ਕਰ ਰਹੀ ਹੈ। ਉਨ੍ਹਾਂ ਮੰਗ ਕੀਤੀ ਕਿ ਇਸ ਮਾਮਲੇ ਵਿੱਚ ਸੀਬੀਆਈ ਦੀ ਥਾਂ ਵਿਸ਼ੇਸ਼ ਸਰਕਾਰੀ ਵਕੀਲ ਖੜ੍ਹੇ ਕੀਤੇ ਜਾਣ, ਕਿਉਂਕਿ ਅਜਿਹੀ ਸਟੇਜ ‘ਤੇ ਆ ਕੇ ਸੀਬੀਆਈ ‘ਤੇ ਭਰੋਸਾ ਨਹੀਂ ਕੀਤਾ ਜਾ ਸਕਦਾ।
ਉਨ੍ਹਾਂ ਕਿਹਾ ਕਿ ਢਾਈ ਦਹਾਕੇ ਹੋ ਗਏ ਇਨਸਾਫ਼ ਲਈ ਲੜਾਈ ਲੜਦਿਆਂ, ਪਰ ਹੁਣ ਇਸ ਕੇਸ ਦੀ ਰੋਜ਼ਾਨਾ ਸੁਣਵਾਈ ਹੋਣੀ ਚਾਹੀਦੀ ਸੀ। ਸੁਪਰੀਮ ਕੋਰਟ ਦੇ ਸੀਨੀਅਰ ਵਕੀਲ ਐਚਐਸ ਫੂਲਕਾ ਅਨੁਸਾਰ ਉਹ ਦੰਗਿਆਂ ਦੇ ਦੋਸ਼ੀਆਂ ਨੂੰ ਸਜ਼ਾਵਾਂ ਦਿਵਾ ਕੇ ਹੀ ਦਮ ਲੈਣਗੇ।

ਖੰਨਾ ਚਮਾਰਾ ਘਟਨਾ ਦੇ ਦੋਸ਼ੀਆਂ ਨੂੰ ਸਜਾ ਦੇਣ ਦੀ ਮੰਗ ’ਤੇ 8 ਕਿਸਾਨ ਜਥੇਬੰਦੀਆਂ ਨੇ ਬੱਸਾਂ ਦਾ ਚੱਕਾ ਜਾਮ ਕੀਤਾ
ਸ਼੍ਰੋਮਣੀ ਕਮੇਟੀ ਪ੍ਰਧਾਨ ਅਵਤਾਰ ਸਿੰਘ ਮੱਕੜ, ਸਕੱਤਰ ਦਲਮੇਘ ਸਿੰਘ, ਮੈਂਬਰ ਅਮਰੀਕ ਸਿੰਘ ਸ਼ਾਹਪੁਰਾ ਤੇ ਕਸ਼ਮੀਰ ਸਿੰਘ ਸਿੱਧੇ ਤੌਰ ਤੇ ਜਿੰਮੇਵਾਰ -ਕਿਸਾਨ ਜਥੇਬੰਦੀਆਂ

ਅੰਮ੍ਰਿਤਸਰ, 23 ਜਨਵਰੀ - ਖੰਨਾ ਚਮਾਰਾ ਵਿਖੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਮੁਜਾਰਿਆਂ ਨੂੰ ਦਿੱਤੀ ਜਮੀਨ ਤੇ ਕਾਬਜ ਹੋਣ ਸਮੇਂ ਹੋਈ ਗੋਲੀਬਾਰੀ ਦੇ ਦੋਸ਼ੀਆਂ ਨੂੰ ਗ੍ਰਿਫਤਾਰ ਨਾ ਕਰਨ ਅਤੇ ਕਿਸਾਨਾਂ ਨੂੰ ਜਮੀਨ ਦੀ ਮਲਕੀਅਤ ਦੇ ਅਧਿਕਾਰ ਨਾ ਦੇ ਵਿਰੁੱਧ ਸਥਾਨਕ ਅੰਤਰਰਾਜੀ ਬੱਸ ਸਟੈਂਡ ਵਿਖੇ 8 ਕਿਸਾਨ ਜਥੇਬੰਦੀਆਂ ਨੇ ਧਰਨਾ ਦੇ ਕੇ ਬੱਸਾਂ ਦਾ ਚੱਕਾ ਜਾਮ ਕਰ ਦਿੱਤਾ। ਖੰਨਾ ਚਮਾਰਾ ਗੋਲੀ ਕਾਂਡ ਐਕਸ਼ਨ ਕਮੇਟੀ ਦੇ ਸੱਦੇ ਤੇ ਜਮਹੂਰੀ ਕਿਸਾਨ ਸਭਾ, ਕਿਰਤੀ ਕਿਸਾਨ ਯੂਨੀਅਨ, ਪੇਂਡੂ ਮਜ਼ਦੂਰ ਯੂਨੀਅਨ, ਦਿਹਾਤੀ ਮਜ਼ਦੂਰ ਸਭਾ, ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਨਾਲ ਸਬੰਧਿਤ ਵੱਡੀ ਗਿਣਤੀ ਵਿੱਚ ਇਕੱਤਰ ਹੋਏ ਕਿਸਾਨਾਂ ਵੱਲੋਂ ਬੱਸ ਸਟੈਂਡ ਤੇ ਲਾਏ ਗਏ ਜਾਮ ਕਰਕੇ ਇਥੇ ਨਾ ਤਾਂ ਕੋਈ ਬੱਸ ਆ ਸਕੀ ਅਤੇ ਨਾ ਹੀ ਰਵਾਨਾ ਹੋ ਸਕੀ, ਜਿਸ ਨਾਲ ਬੱਸ ਯਾਤਰੀਆਂ ਨੂੰ ਕਾਫੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ। ਇਸ ਮੌਕੇ ਜਮਹੂਰੀ ਕਿਸਾਨ ਸਭਾ ਦੇ ਪੰਜਾਬ ਪ੍ਰਧਾਨ ਡਾ. ਸਤਨਾਮ ਸਿੰਘ, ਭਾਰਤੀ ਕਿਸਾਨ ਯੂਨੀਅਨ ਦੇ ਕਾਰਜਕਾਰਨੀ ਮੈਂਬਰ ਸਾਧੂ ਸਿੰਘ ਤਖਤੂਪੁਰਾ ਅਤੇ ਕਿਰਤੀ ਕਿਸਾਨ ਯੂਨੀਅਨ ਦੇ ਧਨਵੰਤ ਸਿੰਘ ਖਤਰਾਏਂ ਕਲਾ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਨਿਹੱਥੇ ਕਿਸਾਨਾਂ ਤੇ ਗੋਲੀ ਚਲਾਉਣ ਵਾਲੇ ਜਿੰਨ੍ਹਾਂ ਦੋਸ਼ੀਆਂ ਨੂੰ ਮੌਕੇ ਤੋਂ ਗ੍ਰਿਫਤਾਰ ਕੀਤਾ ਗਿਆ ਸੀ ਉਨ੍ਹਾਂ ਵਿਰੁੱਧ ਪੁਲਿਸ ਵੱਲੋਂ ਅਜੇ ਤੱਕ ਕੋਈ ਵੀ ਕਾਰਵਾਈ ਨਹੀਂ ਕੀਤੀ ਗਈ। ਉਨ੍ਹਾਂ ਕਿਹਾ ਕਿ ਇਸ ਘਟਨਾ ਲਈ ਸ਼੍ਰੋਮਣੀ ਕਮੇਟੀ ਪ੍ਰਧਾਨ ਅਵਤਾਰ ਸਿੰਘ ਮੱਕੜ, ਸਕੱਤਰ ਦਲਮੇਘ ਸਿੰਘ, ਮੈਂਬਰ ਅਮਰੀਕ ਸਿੰਘ ਸ਼ਾਹਪੁਰਾ ਤੇ ਕਸ਼ਮੀਰ ਸਿੰਘ ਸਿੱਧੇ ਤੌਰ ਤੇ ਜਿੰਮੇਵਾਰ ਹਨ। ਇੰਨ੍ਹਾਂ ਨੇਤਾਵਾਂ ਨੇ ਮੰਗ ਕੀਤੀ ਕਿ ਸ਼ਰੇਆਮ ਘੁੰਮ ਰਹੇ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰਕੇ ਤਿੰਨ ਮਹੀਨਿਆਂ ਦੇ ਅੰਦਰ ਅੰਦਰ ਉਨ੍ਹਾਂ ਦੇ ਚਲਾਣ ਪੇਸ਼ ਕੀਤੇ ਜਾਣ, ਮਾਮਲੇ ਨਾਲ ਸਬੰਧਿਤ ਸ਼੍ਰੋਮਣੀ ਕਮੇਟੀ ਮੁਲਾਜ਼ਮਾਂ ਦੀ ਫਾਈਲ ਜਨਤਕ ਕੀਤੀ ਜਾਵੇ, ਐਸ. ਐਸ. ਪੀ. ਬਟਾਲਾ ਦਿਨੇਸ਼ ਪ੍ਰਤਾਪ ਸਿੰਘ, ਡੀ. ਐਸ. ਪੀ. ਫਤਹਿਗੜ੍ਹ ਸਾਹਿਬ, ਮੋਹਨ ਲਾਲ ਵੱਲੋਂ ਘਟਨਾ ਸਮੇਂ ਦੋਸ਼ੀਆਂ ਨੂੰ ਮੌਕੇ ਤੋਂ ਭਜਾਉਣ ਬਦਲੇ ਉਨ੍ਹਾਂ ਨੂੰ ਬਰਖਾਸਤ ਕੀਤਾ ਜਾਵੇ। ਅਗਰ ਸਰਕਾਰ ਨੇ ਤੁਰੰਤ ਐਕਸ਼ਨ ਲੈ ਕੇ ਕੋਈ ਕਾਰਵਾਈ ਨਾ ਕੀਤੀ ਤਾਂ ਅੰਦੋਲਣ ਤੇਜ਼ ਕਰ ਦਿੱਤਾ ਜਾਵੇਗਾ। ਇਸ ਅਵਸਰ ਤੇ ਹੋਰਨਾਂ ਤੋਂ ਇਲਾਵਾ ਗੁਰਨਾਮ ਸਿੰਘ, ਸੁੱਚਾ ਸਿੰਘ, ਮੁਖਤਾਰ ਸਿੰਘ, ਰਛਪਾਲ ਸਿੰਘ, ਕਾਰਜ ਸਿੰਘ, ਬੀਬੀ ਕਮਲਜੀਤ ਕੌਰ, ਹਰਦੀਪ ਸਿੰਘ, ਰਤਨ ਸਿੰਘ, ਅਵਤਾਰ ਸਿੰਘ, ਸੁੱਚਾ ਸਿੰਘ ਅਤੇ ਪਰਮਜੀਤ ਸਿੰਘ ਆਦਿ ਹਾਜ਼ਰ ਸਨ।

ਰਾਜਨੀਤੀ ਦਾ ਰਿਮੋਰਟ ਮੇਰੇ ਹੱਥ ਵਿਚ ਹੀ ਰਹੇਗਾ:ਬਾਲ ਠਾਕਰੇ

ਮੁੰਬਈ, 23 ਜਨਵਰੀ -ਸ਼ਿਵ ਸੈਨਾ ਸੁਪਰੀਮੋ ਬਾਲ ਠਾਕਰੇ ਅੱਜ 84 ਸਾਲ ਦੇ ਹੋ ਗਏ । ਆਪਣੇ ਜਨਮ ਦਿਨ ਦੇ ਮੌਕੇ 'ਤੇ ਠਾਕਰੇ ਨੇ ਇਹ ਸਪਸ਼ਟ ਕਰ ਦਿੱਤਾ ਹੈ ਕਿ 'ਕੇਸਰੀਆ ਪਾਰਟੀ' ਦੇ ਮਾਮਲਿਆਂ 'ਤੇ ਹਾਲੇ ਵੀ ਉਨ੍ਹਾਂ ਦਾ ਕੰਟਰੋਲ ਹੈ। ਪਾਰਟੀ ਦੇ ਮੁੱਖ ਅਖ਼ਬਾਰ 'ਸਾਮਨਾ' ਦੇ ਇਕ ਲੇਖ ਵਿਚ ਉਨ੍ਹਾਂ ਨੇ ਲਿਖਿਆ ਹੈ ਕਿ ਰਾਜਨੀਤੀ ਦਾ ਰਿਮੋਰਟ ਕੰਟਰੋਲ ਹਾਲੇ ਵੀ ਮੇਰੇ ਕੋਲ ਹੈ ਅਤੇ ਇਹ ਮੇਰੇ ਹੱਥ ਵਿਚ ਹੀ ਰਹੇਗਾ। ਜ਼ਿਕਰਯੋਗ ਹੈ ਕਿ ਪੰਜ ਸਾਲ ਪਹਿਲਾਂ ਠਾਕਰੇ ਨੇ ਸਰਗਰਮੀ ਰਾਜਨੀਤੀ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕੀਤਾ ਸੀ। ਉਨ੍ਹਾਂ ਨੇ ਆਪਣੇ ਬੇਟੇ ਉਦਵ ਠਾਕਰੇ ਨੂੰ ਆਪਣਾ ਉਤਰਾ ਅਧਿਕਾਰੀ ਬਣਾਇਆ ਸੀ। ਠਾਕਰੇ ਨੇ ਕਿਹਾ ਕਿ 45 ਸਾਲ ਪਹਿਲਾਂ ਉਨ੍ਹਾਂ ਨੇ ਜਿਸ ਪੌਦੇ ਨੂੰ ਲਗਾਇਆ ਸੀ, ਉਹ ਹੁਣ ਇਕ ਵੇਲ੍ਹ ਦੀ ਤਰ੍ਹਾਂ ਫੈਲ ਗਿਆ ਹੈ ਅਤੇ ਉਸ ਦੀ ਤਾਕਤ ਦਿੱਲੀ ਤੱਕ ਪਹੁੰਚ ਚੁੱਕੀ ਹੈ।

ਸੁਪਰੀਮ ਕੋਰਟ ਤੇ ਹਾਈ ਕੋਰਟ ਵੱਲੋਂ ਸਾਨੂੰ “ਖਾਲਿਸਤਾਨ” ਦੇ ਪ੍ਰਚਾਰ ਲਈ ਕਾਨੂੰਨੀ ਮਾਨਤਾ ਮਿਲੀ :- ਮਾਨ

ਫਤਿਹਗੜ੍ਹ ਸਾਹਿਬ, 22 ਜਨਵਰੀ :- “ਕਿਉਂਕਿ ਹੁਣ ਸਿੱਖ ਕੌਮ ਨੂੰ ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ ਵੱਲੋ ਤੇ ਹਿੰਦੋਸਤਾਨ ਦੀ ਸੁਪਰੀਮ ਕੋਰਟ ਵਲੋਂ ਹੋਏ ਫੈਸਲਿਆਂ ਅਨੁਸਾਰ ਸਾਨੂੰ “ਖਾਲਿਸਤਾਨ” ਦੀ ਗੱਲ ਜਮਹੂਰੀਅਤ ਤੇ ਅਮਨਮਈ ਤਰੀਕੇ ਕਰਨ ਦੀ ਕਾਨੂੰਨੀ ਮਾਨਤਾ ਮਿਲ ਚੁੱਕੀ ਹੈ। ਹਿੰਦ ਹਕੂਮਤ ਜਾਂ ਇੱਥੋਂ ਦੇ ਸੂਬਿਆਂ ਦੀਆਂ ਪੁਲਿਸ ਫੋਰਸਾਂ ਜਾਂ ਅਰਧ ਸੈਨਿਕ ਬਲ ਸਾਨੂੰ ਆਪਣੇ ਨਵੇ ਬਣਨ ਜਾ ਰਹੇ ਮੁਲਕ ਦਾ ਪ੍ਰਚਾਰ ਕਰਨ ਤੋਂ ਨਾ ਤਾਂ ਰੋਕ ਸਕਦੀਆਂ ਹਨ ਤੇ ਨਾ ਹੀ ਸਾਨੂੰ ਗ੍ਰਿਫਤਾਰ ਕਰ ਸਕਣਗੀਆਂ। ਇਸ ਲਈ ਸੰਤ ਜਰਨੈਲ ਸਿੰਘ ਖਾਲਸਾ ਭਿੰਡਰਾਂਵਾਲਿਆਂ ਦੇ ਜਨਮ ਦਿਨ ਮਨਾਉਣ ਦੀ ਗੱਲ ਨੂੰ ਅੱਗੇ ਵਧਾਉਦੇ ਹੋਏ ਇਸ ਵਾਰੀ ਫਤਿਹਗੜ੍ਹ ਸਾਹਿਬ ਸ਼ਹੀਦਾਂ ਦੀ ਧਰਤੀ ਉੱਤੇ 12 ਫਰਵਰੀ ਨੂੰ ਪੰਜਾਬ ਪੱਧਰ ਦਾ ਇਕੱਠ ਕਰਕੇ ਮਨਾਇਆ ਜਾਵੇਗਾ।” \ ਇਹ ਵਿਚਾਰ ਅੱਜ ਇੱਥੇ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੀ ਜਮਾਤ ਦੇ ਕੌਮੀ ਅਹੁਦੇਦਾਰਾਂ, ਜਿ਼ਲ੍ਹਾ ਜਥੇਦਾਰਾਂ ਤੇ ਮੈਬਰਾਨ ਵਰਕਿੰਗ ਕਮੇਟੀ ਦੀ ਇੱਕ ਹੋਈ ਮੀਟਿੰਗ ਦੀ ਪ੍ਰਧਾਨਗੀ ਕਰਦੇ ਹੋਏ ਸ: ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਆਪਣੀ ਤਕਰੀਰ ਦੌਰਾਨ ਪ੍ਰਗਟ ਕੀਤੇ। ਉਨ੍ਹਾ ਸਮੁੱਚੀ ਸਿੱਖ ਕੌਮ ਤੇ ਦੂਸਰੇ ਧਰਮਾਂ ਤੇ ਕੌਮਾਂ ਨਾਲ ਸੰਬੰਧਿਤ ਲੋਕਾਂ ਨੂੰ ਅਪੀਲ ਕਰਦੇ ਹੋਏ ਕਿਹਾ ਕਿ ਉਹ “ਖਾਲਿਸਤਾਨ” ਦੇ ਸ਼ਬਦ ਨੂੰ ਬਿਲਕੁਲ ਨਫਰਤ ਨਾ ਕਰਨ ਤੇ ਨਾ ਹੀ ਆਪਣੇ ਮਨ ਆਤਮਾ ਵਿੱਚ ਕਿਸੇ ਤਰਾਂ ਦਾ ਡਰ ਭੈ ਰੱਖਣ ਕਿਉਂਕਿ ਪਾਕਿਸਤਾਨ ਤੇ ਹਿੰਦੋਸਤਾਨ ਦੋਵਾਂ ਮੁਲਕਾਂ ਦੇ ਵਿਚਕਾਰ ਬਤੌਰ ਬੱਫਰ ਸਟੇਟ ਦੇ ਹੋਂਦ ਵਿੱਚ ਆਉਣ ਨਾਲ ਕੇਵਲ ਇੱਥੇ ਵੱਸਣ ਵਾਲੇ ਹਰ ਕੌਮ ਧਰਮ ਨਾਲ ਸੰਬੰਧਿਤ ਨਾਗਰਿਕ ਨੂੰ ਬਰਾਬਰਤਾ ਦੇ ਹੀ ਅਧਿਕਾਰ ਪ੍ਰਾਪਤ ਨਹੀਂ ਹੋਣਗੇ ਬਲਕਿ ਸਿੱਖ ਕੌਮ ਦੀ ਇਹ ਸਟੇਟ ਸਮੁੱਚੇ ਏਸ਼ੀਆ ਖਿੱਤੇ ਦੇ ਅਮਨ ਚੈਨ ਨੂੰ ਸਥਾਈ ਤੌਰ ਤੇ ਕਾਇਮ ਕਰਨ ਵਿੱਚ ਮੁੱਖ ਭੂਮਿਕਾ ਨਿਭਾਏਗੀ। ਹਿੰਦੂ ਤੇ ਮੁਸਲਿਮ ਕੌਮ ਵਿੱਚ ਸਦੀਆਂ ਤੋਂ ਚੱਲਦੀ ਆ ਰਹੀ ਦੁਸ਼ਮਣੀ ਨੂੰ ਖਤਮ ਕਰਨ ਵਿੱਚ ਸਹਾਈ ਹੋਵੇਗੀ। ਉਨ੍ਹਾ ਸਮੁੱਚੀ ਸਿੱਖ ਕੌਮ ਨੂੰ ਸੰਬੋਧਿਤ ਹੁੰਦੇ ਹੋਏ ਕਿਹਾ ਕਿ ਉਹ ਦੁਚਿੱਤੀ ਨੂੰ ਛੱਡ ਕੇ ਆਪਣੇ ਮਿੱਥੇ ਨਿਸ਼ਾਨੇ ਤੇ ਕੇਂਦਰਿਤ ਹੋ ਜਾਣ ਕਿਉਂਕਿ ਸਿੱਖ ਕੌਮ ਦੀਆਂ ਸਮੂਹ ਮੁਸ਼ਕਿਲਾਂ ਦਾ ਇੱਕੋ ਇੱਕ ਸਹੀ ਹੱਲ ਹੈ ਖਾਲਿਸਤਾਨ ਦੀ ਜਮਹੂਰੀਅਤ ਤਰੀਕੇ ਸਥਾਪਤੀ।
ਉਨ੍ਹਾ ਸਮੁੱਚੇ ਜਥੇਦਾਰਾਂ ਪਾਰਟੀ ਮੈਬਰਾਂ ਤੇ ਸਿੱਖ ਕੌਮ ਨੂੰ ਆਉਣ ਵਾਲੀਆਂ ਗੁਰਦੁਆਰਾ ਚੋਣਾਂ ਲਈ ਤਿਆਰ ਬਰ ਤਿਆਰ ਰਹਿਣ ਦਾ ਸੱਦਾ ਦਿੰਦੇ ਹੋਏ ਕਿਹਾ ਕਿ ਗੁਰਦੁਆਰਿਆਂ ਦੇ ਪ੍ਰਬੰਧ ਵਿੱਚ ਆਏ ਨਿਘਾਰ ਨੂੰ ਦੂਰ ਕਰਨ, ਮੀਰੀ ਪੀਰੀ ਦੇ ਸਿਧਾਂਤ ਨੂੰ ਕਾਇਮ ਰੱਖਣ, ਸ਼੍ਰੀ ਅਕਾਲ ਤਖਤ ਸਾਹਿਬ ਦੀ ਸਰਵ ਉੱਚਤਾ ਨੂੰ ਪਰਪੱਕ ਕਰਦੇ ਹੋਏ ਸਰਵ ਪ੍ਰਵਾਨਿਤ ਫੈਸਲੇ ਕਰਨ ਦੀ ਮਹਾਨ ਰਵਾਇਤ ਨੂੰ ਬਲ ਦੇਣ ਲਈ ਉਹ ਕਮਰਕੱਸੇ ਕਰ ਲੈਣ। ਉਨ੍ਹਾ ਫਤਿਹਗੜ੍ਹ ਸਾਹਿਬ ਦੇ ਸ਼ਹੀਦੀ ਜੋੜ ਮੇਲੇ, ਮੁਕਤਸਰ ਤੇ ਮੋਗੇ ਦੀਆਂ ਸ਼ਹੀਦੀ ਕਾਨਫਰੰਸਾਂ ਵਿੱਚ ਸਿੱਖ ਕੌਮ ਵਲੋਂ ਦਿੱਤੇ ਸਹਿਯੋਗ ਲਈ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਉਹ ਹਰ ਪਿੰਡ, ਸ਼ਹਿਰ, ਗਲੀ, ਕਸਬੇ ਵਿੱਚ ਆਪੋ ਆਪਣੀ ਕੌਮੀ ਜਿ਼ੰਮੇਵਾਰੀ ਨੂੰ ਪੂਰਨ ਕਰਕੇ ਸਿੱਖ ਕੌਮ ਵਿੱਚ ਸ਼ਾਜਿਸੀ ਢੰਗਾਂ ਨਾਲ ਉਠਾਏ ਗਏ ਵਿਵਾਦਾਂ ਦਾ ਅੰਤ ਵੀ ਕਰਨ ਤੇ ਗੁਰਦੁਆਰਾ ਚੋਣਾਂ ਆਉਣ ਤੇ ਕੌਮੀ ਦਰਦ ਰੱਖਣ ਵਾਲੀਆਂ ਸਖਸੀਅਤਾਂ ਨੂੰ ਅੱਗੇ ਲਿਆਉਣ। ਉਨ੍ਹਾ ਅੰਤ ਵਿੱਚ ਕਿਹਾ ਕਿ ਕਾਂਗਰਸ, ਭਾਜਪਾ ਤੇ ਬਾਦਲ ਦਲੀਆਂ ਨੂੰ ਛੱਡ ਕੇ ਜੋ ਵੀ ਸਿਆਸੀ, ਧਾਰਮਿਕ ਸੰਗਠਨ ਖਾਲਿਸਤਾਨ ਦੇ ਮੁੱਦੇ ‘ਤੇ ਸਾਨੂੰ ਸਾਥ ਦੇਣਾ ਚਾਹੁੰਦੇ ਹਨ, ਉਨ੍ਹਾ ਸਮੁੱਚੀਆਂ ਧਿਰਾਂ ਦਾ ਸਵਾਗਤ ਕੀਤਾ ਜਾਵੇਗਾ। ਅੱਜ ਦੀ ਮੀਟਿੰਗ ਵਿੱਚ ਇਹ ਗੱਲ ਸਪੱਸ਼ਟ ਰੂਪ ਵਿੱਚ ਸਾਹਮਣੇ ਆਈ ਕਿ ਅੱਜ ਪਹਿਲੀ ਵਾਰ ਹਾਜ਼ਰੀਨ ਸਮੁੱਚੇ ਮੈਬਰਾਂ ਨੇ “ਖਾਲਿਸਤਾਨ” ਦੇ ਮੁੱਦੇ ‘ਤੇ ਪੂਰੀ ਦ੍ਰਿੜਤਾ ਨਾਲ ਸ: ਮਾਨ ਦੀ ਸੋਚ ਨਾਲ ਸਹਿਮਤ ਹੁੰਦੇ ਹੋਏ ਆਪਣੇ ਸੰਘਰਸ਼ ਨੂੰ ਅੱਗੇ ਲਿਜਾਉਣ ਵਿੱਚ ਸਹਿਯੋਗ ਦੇਣ ਦਾ ਤਹੱਈਆ ਕੀਤਾ। ਅੱਜ ਦੀ ਮੀਟਿੰਗ ਦੀ ਸਟੇਜ ਦੀ ਸੇਵਾ ਭਾਈ ਇਕਬਾਲ ਸਿੰਘ ਟਿਵਾਣਾ ਸਿਆਸੀ ਤੇ ਮੀਡੀਆ ਸਲਾਹਕਾਰ ਤੇ ਇੰਚਾਰਜ ਗੁਰਦੁਆਰਾ ਚੋਣਾਂ ਨੇ ਬਾਖੂਬੀ ਨਿਭਾਉਦੇ ਹੋਏ ਹਰ ਮੁੱਦੇ ਨੂੰ ਤੇ ਹਰ ਬੁਲਾਰੇ ਦੀ ਸਹੀ ਗੱਲ ਨੂੰ ਸਹੀ ਪ੍ਰਪੇਖ ਵਿੱਚ ਉਜਾਗਰ ਕੀਤਾ। ਅੱਜ ਦੀ ਮੀਟਿੰਗ ਵਿੱਚ ਸ: ਸਿਮਰਨਜੀਤ ਸਿੰਘ ਮਾਨ ਤੋਂ ਇਲਾਵਾ ਭਾਈ ਧਿਆਨ ਸਿੰਘ ਮੰਡ ਸੀ:ਮੀ: ਪ੍ਰਧਾਨ, ਪ੍ਰੋ: ਮਹਿੰਦਰਪਾਲ ਸਿੰਘ, ਜਸਕਰਨ ਸਿੰਘ ਕਾਹਨ ਸਿੰਘ ਵਾਲਾ, ਗੁਰਸੇਵਕ ਸਿੰਘ ਜਵਾਹਰਕੇ, ਗੁਰਿੰਦਰਪਾਲ ਸਿੰਘ ਧਨੋਲਾ, ਮਾਸਟਰ ਕਰਨੈਲ ਸਿੰਘ ਨਾਰੀਕੇ (ਸਾਰੇ ਜ: ਸਕੱਤਰ), ਰਣਜੀਤ ਸਿੰਘ ਰਾਣਾ ਜਥੇ: ਸਕੱਤਰ, ਸੁਰਿੰਦਰ ਸਿੰਘ ਅਕਾਲਗੜ੍ਹ ਬੋਰਾਂ ਸਦਰ ਏ ਖਾਲਿਸਤਾਨ, ਇਮਾਨ ਸਿੰਘ ਮਾਨ ਸਰਪ੍ਰਸਤ ਯੂਥ ਅਕਾਲੀ ਦਲ (ਅੰਮ੍ਰਿਤਸਰ), ਰਣਜੀਤ ਸਿੰਘ ਚੀਮਾਂ ਸਕੱਤਰ, ਗੁਰਜੰਟ ਸਿੰਘ ਪੀ ਏ, ਅਨੂਪ ਸਿੰਘ ਸੰਧੂ ਲੁਧਿਆਣਾ, ਹਰਭਜਨ ਸਿੰਘ ਕਸ਼ਮੀਰੀ ਪਟਿਆਲਾ, ਸੁਰਿੰਦਰ ਸਿੰਘ ਸੱਦੋਵਾਲੀਆ ਬਰਨਾਲਾ, ਅਮਰੀਕ ਸਿੰਘ ਅੰਮ੍ਰਿਤਸਰ, ਕਸ਼ਮੀਰ ਸਿੰਘ ਲੱਖਣਕਲਾਂ ਕਪੂਰਥਲਾ, ਬਲਵਿੰਦਰ ਸਿੰਘ ਮੰਡੇਰ ਮਾਨਸਾ, ਇਕਬਾਲ ਸਿੰਘ ਬਰੀਵਾਲਾ ਮੁਕਤਸਰ, ਗੁਰਦੀਪ ਸਿੰਘ ਖੁਣਖੁਣ ਹੁਸਿ਼ਆਰਪੁਰ, ਮਨਜੀਤ ਸਿੰਘ ਰੇਰੂ ਜਲੰਧਰ, ਦਵਿੰਦਰ ਸਿੰਘ ਖਾਨਖਾਨ ਨਵਾਂਸ਼ਹਿਰ, ਹਰਜੀਤ ਸਿੰਘ ਸੰਜੂਮਾ ਸੰਗਰੂਰ, ਹਰਪਾਲ ਸਿੰਘ ਕੁੱਸਾ ਮੋਗਾ, ਬੀਬੀ ਤੇਜ ਕੌਰ, ਬੀਬੀ ਅਮਨਦੀਪ ਕੌਰ, ਕੁਲਦੀਪ ਸਿੰਘ ਭਾਗੋਵਾਲ ਮੁਹਾਲੀ, ਬਾਬਾ ਅਮਰਜੀਤ ਸਿੰਘ, ਗੁਰਦੀਪ ਸਿੰਘ ਫੱਗੂਵਾਲ, ਸਮੂਹ ਜਿ਼ਲ੍ਹਾ ਜਥੇਦਾਰ ਤੇ ਵਰਕਿੰਗ ਕਮੇਟੀ ਮੈਬਰਾਨ ਨੇ ਵੱਡੀ ਗਿਣਤੀ ਵਿੱਚ ਸਮੂਲੀਅਤ ਕੀਤੀ।

ਦੋ ਹੋਰ ਭਾਰਤੀਆਂ ’ਤੇ ਆਸਟਰੇਲੀਆ ’ਚ ਹਮਲੇ

ਆਸਟਰੇਲੀਆ ਸਰਕਾਰ ਵੱਲੋਂ ਦਿੱਤੇ ਜਾ ਰਹੇ ਭਰੋਸਿਆਂ ਦੇ ਬਾਵਜੂਦ ਉਥੇ ਭਾਰਤੀਆਂ ’ਤੇ ਹੋ ਰਹੇ ਹਮਲੇ ਰੁਕਣ ਦਾ ਨਾਂ ਨਹੀਂ ਲੈ ਰਹੇ। ਤਾਜ਼ਾ ਲੜੀ ਤਹਿਤ ਆਸਟਰੇਲੀਆ ’ਚ ਦੋ ਹੋਰ ਭਾਰਤੀਆਂ ਨੂੰ ਨਿਸ਼ਾਨਾ ਬਣਾਇਆ ਗਿਆ। ਇਨ੍ਹਾਂ ਵਿਚ ਇਕ ਟੈਕਸੀ ਡਰਾਈਵਰ ਵੀ ਸ਼ਾਮਲ ਹੈ। ਜ਼ਿਕਰਯੋਗ ਹੈ ਕਿ ਬੀਤੇ ਕੱਲ੍ਹ ਹੀ ਆਸਟਰੇਲੀਆਈ ਪ੍ਰਧਾਨ ਮੰਤਰੀ ਤੇ ਉਪ-ਪ੍ਰਧਾਨ ਮੰਤਰੀ ਨੇ ਇਕ ਬਿਆਨ ਦਿੰਦਿਆਂ ਆਸਟਰੇਲੀਆ ’ਚ ਵਾਪਰਦੀਆਂ ਅਜਿਹੀਆਂ ਘਟਨਾਵਾਂ ਨੂੰ ਮੰਦਭਾਗਾ ਦੱਸਿਆ ਸੀ। ਇਸ ਦੇ ਨਾਲ ਹੀ ਨਵੀਂ ਦਿੱਲੀ ’ਚ ਆਸਟਰੇਲੀਆਈ ਹਾਈ ਕਮਿਸ਼ਨਰ ਨੇ ਆਸਟਰੇਲੀਆ ਜਾਣ ਲਈ ਪਰਵਾਸ ਨਿਯਮਾਂ ਨੂੰ ਸਫ਼ਤ ਕਰਨ ਦੀ ਗੱਲ ਕਹੀ ਸੀ।
ਅੱਜ ਦੇ ਹਮਲਿਆਂ ਸਬੰਧੀ ਜਾਣਕਾਰੀ ਦਿੰਦਿਆਂ ਸਥਾਨਕ ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਪਹਿਲਾ ਹਮਲਾ 25 ਸਾਲਾ ਨੌਜਵਾਨ ’ਤੇ ਉਦੋਂ ਕੀਤਾ ਗਿਆ, ਜਦੋਂ ਉਹ ਦੇਰ ਰਾਤ ਬ੍ਰਿਸਬੇਨ ਦੇ ਦੱਖਣੀ ਇਲਾਕੇ ਮੈਕਗ੍ਰੈਗਰ ’ਚ ਫੋਨ ਬੁੂਥ ’ਤੇ ਕਿਸੇ ਨਾਲ ਗੱਲ ਕਰ ਰਿਹਾ ਸੀ। ਹਮਲਾਵਰਾਂ ਨੇ ਇਸ ਨੌਜਵਾਨ ਦੀ ਕੁੱਟਮਾਰ ਤੋਂ ਇਲਾਵਾ ਉਸਦਾ ਸਮਾਨ ਵੀ ਲੁੱਟ ਲਿਆ।
ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਹਮਲਾਵਰਾਂ ਨੇ ਨੌਜਵਾਨ ਦੇ ਸਿਰ ’ਚ ਘਸੁੰਨ ਮਾਰੇ ਅਤੇ ਉਸ ਦਾ ਪਰਸ ਖੋਹ ਲਿਆ। ਪੁਲਿਸ ਨੇ ਅਜੇ ਤੱਕ ਪੀੜਤ ਨੌਜਵਾਨ ਦੀ ਪਹਿਚਾਣ ਬਾਰੇ ਜਾਣਕਾਰੀ ਨਹੀਂ ਦਿੱਤੀ, ਪਰ ਇੰਨਾ ਜ਼ਰੂਰ ਦੱਸਿਆ ਕਿ ਇਕ ਹਮਲਾਵਰ ਦੇ ਲੰਮੇ-ਕਾਲੇ ਘੁੰਗਰਾਲੇ ਵਾਲ ਸਨ। ਇਸ ਦੇ ਨਾਲ ਹੀ ਉਨ੍ਹਾਂ ਦੱਸਿਆ ਕਿ ਹਮਲਾਵਰਾਂ ਦੀ ਸ਼ਕਲ ਪ੍ਰਸ਼ਾਂਤ ਖੇਤਰ ਦੇ ਲੋਕਾਂ ਨਾਲ ਮਿਲਦੀ ਜੁਲਦੀ ਸੀ।
ਦੂਜੀ ਘਟਨਾ ਅੱਜ ਸਵੇਰੇ ਟੈਕਸੀ ਡਰਾਈਵਰ ਨਾਲ ਵਾਪਰੀ। ਸਥਾਨਕ ਮੀਡੀਆ ਮੁਤਾਬਕ ਬ੍ਰਿਸਬੇਨ ਦੇ ਕੈਰਿੰਡੇਲ ਇਲਾਕੇ ’ਚ 2 ਜਣਿਆਂ ਨੇ ਬਹਿਸ ਤੋਂ ਬਾਅਦ ਭਾਰਤੀ ਟੈਕਸੀ ਡਰਾਈਵਰ ਨੂੰ ਬੁਰੀ ਤਰ੍ਹਾਂ ਕੁੱਟਿਆ ਅਤੇ ਉਸ ਦੀ ਕਾਰ ਦੇ ਸ਼ੀਸ਼ੇ ਭੰਨ ਦਿੱਤੇ। ਇਸ ਕੁੱਟਮਾਰ ’ਚ ਡਰਾਈਵਰ ਦੇ ਚਿਹਰੇ ਤੇ ਖੱਬੀ ਅੱਖ ’ਤੇ ਸੱਟਾਂ ਲੱਗੀਆਂ ਹਨ। ਦੂਜੇ ਪਾਸੇ ਆਸਟਰੇਲੀਆਈ ਸਰਕਾਰ ਨੇ ਇਕ ਵਾਰ ਫਿਰ ਇਨ੍ਹਾਂ ਹਮਲਿਆਂ ਨੂੰ ਆਮ ਘਟਨਾ ਦੱਸਿਆ ਹੈ। ਕਵੀਸਲੈਂਡ ਦੇ ਕਾਰਜਕਾਰੀ ਪ੍ਰਧਾਨ ਮੰਤਰੀ ਐਂਡੀਯੂ ਫਰੇਜ਼ਰ ਨੇ ਕਿਹਾ ਕਿ ਉਹ ਭਾਰਤੀਆਂ ਨੂੰ ਵਿਸ਼ਵਾਸ ਦਿਵਾਉਾਂਦੇ ਨ ਕਿ ਆਸਟਰੇਲੀਆ ਉਨ੍ਹਾਂ ਲਈ ਸੁਰੱਖਿਅਤ ਥਾਂ ਹੈ।

26-11 ਜਿਹੇ ਹਮਲੇ ਦੁਬਾਰਾ ਨਾ ਹੋਣ ਦੀ ਗਰੰਟੀ ਨਹੀਂ : ਗਿਲਾਨੀ

ਇਸਲਾਮਾਬਾਦ, 22 ਜਨਵਰੀ- ਹਰ ਰੋਜ਼ 26/11 ਵਰਗੇ ਹਮਲਿਆਂ ਦਾ ਸਾਹਮਣਾ ਕਰ ਰਹੇ ਪਾਕਿਸਤਾਨ ਨੇ ਅਮਰੀਕਾ ਨੂੰ ਕਿਹਾ ਹੈ ਕਿ ਉਹ ਇਸ ਗੱਲ ਦੀ ਬਿਲਕੁਲ ਗਰੰਟੀ ਨਹੀਂ ਲੈ ਸਕਦਾ ਕਿ ਭਾਰਤ ਵਿਚ ਮੁੰਬਈ ਵਰਗੇ ਹਮਲੇ ਦੁਬਾਰਾ ਨਹੀਂ ਹੋਣਗੇ। ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਯੂਸੁਫ ਰਜ਼ਾ ਗਿਲਾਨੀ ਨੇ ਅੱਜ ਭਾਰਤ ਵਿਚ ਮੁੰਬਈ ਵਰਗੇ ਹਮਲਿਆਂ ਨੂੰ ਰੋਕਣ ਦੀ ਗਰੰਟੀ ਲੈਣ ਤੋਂ ਸਾਫ ਇਨਕਾਰ ਕਰ ਦਿੱਤਾ ਹੈ। ਅਮਰੀਕੀ ਰੱਖਿਆ ਮੰਤਰੀ ਰੋਬਰਟ ਗੇਟਸ ਨਾਲ ਹੋਈ ਗੱਲਬਾਤ ਦੌਰਾਨ ਗਿਲਾਨੀ ਨੇ ਕਿਹਾ ਕਿ ਪਾਕਿਸਤਾਨ 26/11 ਵਰਗੇ ਅਤਿਵਾਦੀ ਹਮਲਿਆਂ ਨੂੰ ਰੋਕਣ ਦੀ ਕੋਈ ਜ਼ਿੰਮੇਵਾਰੀ ਨਹੀਂ ਲੈ ਸਕਦਾ। ਗੇਟਸ ਦੋ ਦਿਨਾਂ ਭਾਰਤ ਯਾਤਰਾ ਤੋਂ ਬਾਅਦ ਪਾਕਿਸਤਾਨ ਦੇ ਦੌਰੇ 'ਤੇ ਪਹੁੰਚੇ ਹਨ। ਗਿਲਾਨੀ ਨੇ ਕਿਹਾ ਕਿ ਅਜਿਹੇ ਹਮਲਿਆਂ ਨੂੰ ਰੋਕਣ ਲਈ ਇਕੋ ਇਕ ਢੰਗ ਇਹ ਹੈ ਕਿ ਦੁਵੱਲੀ ਸ਼ਾਂਤੀ ਗੱਲਬਾਤ ਪ੍ਰਕ੍ਰਿਆ ਨੂੰ ਅਤਿਵਾਦ ਦੇ ਖਿਲਾ/ ਕਾਰਵਾਈ ਨਾਲ ਜੋੜਿਆ ਨਾ ਜਾਵੇ। ਪ੍ਰਧਾਨ ਮੰਤਰੀ ਗਿਲਾਨੀ ਨੇ ਗੇਟਸ ਨੂੰ ਅਤਿਵਾਦੀਆਂ ਫ਼ਿਲਾ/ ਚੁੱਕੇ ਗਏ ਕਦਮਾਂ ਬਾਰੇ ਜਾਣਕਾਰੀ ਦਿੱਤੀ। ਗਿਲਾਨੀ ਨੇ ਦੱਸਿਆ ਕਿ ਅਤਿਵਾਦੀ ਜਥੇਬੰਦੀਆਂ 'ਤੇ ਪਾਬੰਦੀ ਲਗਾਉਣ ਅਤੇ ਉਨ੍ਹਾਂ ਦੇ ਨੈਟਵਰਕ ਨੂੰ ਨਸ਼ਟ ਕੀਤਾ ਜਾ ਚੁੱਕਿਆ ਹੈ। ਭਾਰਤ ਅਨੁਸਾਰ ਮੁੰਬਈ ਹਮਲਿਆਂ ਦੇ ਸੂਤਰਧਾਰ ਅਤੇ ਜਮਾਤ ਉਦ ਦਾਅਵਾ ਦੇ ਮੁਖੀ ਹਾ/ਿਸ ਮੁਹੰਮਦ ਸਈਦ ਦਾ ਨਾਂ ਲਏ ਬਿਨਾਂ ਗਿਲਾਨੀ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਬਿਨਾਂ ਸਬੂਤਾਂ ਤੋਂ ਕਿਸੇ ਖਿਲਾ/ ਕਾਰਵਾਈ ਨਹੀਂ ਕਰ ਸਕਦੀ।ਵਰਣਨਯੋਗ ਹੈ ਕਿ ਗੇਟਸ ਨੇ ਪਾਕਿਸਤਾਨ ਨੂੰ ਚੇਤਾਵਨੀ ਦਿੱਤੀ ਸੀ ਕਿ ਜੇਕਰ ਭਾਰਤ ਵਿਚ ਫਿਰ ਕੋਈ ਅਤਿਵਾਦੀ ਹਮਲਾ ਹੋਇਆ ਤਾਂ ਉਸ ਦੇ ਸਬਰ ਦਾ ਬੰਨ੍ਹ ਟੁੱਟ ਸਕਦਾ ਹੈ ਅਤੇ ਉਹ ਜਵਾਬੀ ਕਾਰਵਾਈ ਕਰ ਸਕਦਾ ਹੈ। ਗੇਟਸ ਨੇ ਕਿਹਾ ਸੀ ਕਿ ਖਤਰਨਾਕ ਅਤਿਵਾਦੀ ਸੰਗਠਨ ਅਲਕਾਇਦਾ ਭਾਰਤ ਦੇ ਖਿਲਾ/ ਸਾਜਿਸ਼ ਰਚ ਰਿਹਾ ਹੈ। ਤਹਿਰੀਕ-ਏ-ਤਾਲਿਬਾਨ ਅਤੇ ਲਸ਼ਕਰ-ਏ-ਤੋਇਬਾ ਵਰਗੇ ਅਤਿਵਾਦੀ ਸੰਗਠਨ ਅਲਕਾਇਦਾ ਦੇ ਇਸ਼ਾਰੇ 'ਤੇ ਕੰਮ ਕਰ ਰਹੇ ਹਨ।

ਲਾਦੇਨ ਦੀ ਮੌਤ ਨਾਲ ਲੜਾਕੇ ਬਹੁਤ ਹੀ ਭਿਆਨਕ ਹਮਲਾ ਕਰਨਗੇ

ਲੰਦਨ 22 ਜਨਵਰੀ - ਜਦੋਂ ਜਾਰਜ ਡਬਲਿਊ ਬੁਸ਼ 2001 ਵਿੱਚ ਅਮਰੀਕਾ ਦੇ ਰਾਸ਼ਟਰਪਤੀ ਬਣੇ ਤਾਂ ਅਲ ਕਾਇਦਾ ਮੁੱਖੀ ਓਸਾਮਾ ਬਿਨ ਲਾਦੇਨ ਕਾਫੀ ਖੁਸ਼ ਸੀ ਕਿਉਂਕਿ ਉਹ ਅਜਿਹਾ ਨੇਤਾ ਚਾਹੁੰਦਾ ਸੀ ਜੋ ਅੱਤਵਾਦ ਦੇ ਵਿਰੁੱਧ ਜੰਗ ਵਿੱਚ ਅਰਬਾਂ ਡਾਕਰ ਖਰਚ ਕਰਕੇ ਦੇਸ਼ ਨੂੰ ਤੋੜ ਦੇਵੇ। ਇਹ ਦਾਅਵਾ ਉਸ ਦੇ ਚੌਥੇ ਪੁੱਤਰ ਉਮਰ ਬਿਨ ਲਾਦੇਨ ਨੇ ਕੀਤਾ। ਉਮਰ ਨੇ ਧਿਮਕੀ ਦਿੱਤੀ ਹੈ ਕਿ ਜਿਊਂਦੇ ਓਸਾਮਾ ਦੀ ਅਮਰੀਕਾ ਨੂੰ ਮਰੇ ਹੋਏ ਓਸਾਮਾ ਨਾਲੋਂ ਜ਼ਿਆਦਾ ਲੋੜ ਹੈ ਕਿਉਂਕਿ ਉਸ ਦੀ ਮੌਤ ਨਾਲ ਲੜਾਕੇ ਬਹੁਤ ਹੀ ਭਿਆਨਕ ਹਮਲਾ ਕਰਨਗੇ। ਉਮਰ ਨੇ ਰੋਲਿੰਗ ਸਟੋਨ ਮੈਗਜ਼ੀਨ ਨੂੰ ਕਿਹਾ ਕਿ ਮੇਰਾ ਪਿਤਾ ਕਾਫੀ ਖੁਸ਼ ਸੀ। ਉਹ ਇਸ ਤਰ੍ਹਾਂ ਦਾ ਰਾਸ਼ਟਰਪਤੀ ਚਾਹੁੰਦਾ ਸੀ ਜੋ ਹਮਲਾ ਕਰਕੇ ਪੈਸਾ ਖਰਚ ਕਰੇ ਅਤੇ ਦੇਸ਼ ਨੂੰ ਤੋੜ ਦੇਵੇ। ਮੇਰਾ ਵਿਚਾਰ ਹੈ ਕਿ ਮੇਰਾ ਪਿਤਾ ਰਾਸ਼ਟਰਪਤੀ ਬਰਾਕ ਓਬਾਮਾ ਦੇ ਮੁਕਾਬਲੇ ਮੈਕਕੇਨ ਨੂੰ ਪਸੰਦ ਕਰਦਾ ਹੈ ਕਿਉਂਕਿ ਮੈਕਕੇਨ ਦੀ ਮਾਨਸਿਕਤਾ ਬਿਲਕੁਲ ਬੁਸ਼ ਵਰਗੀ ਹੈ। ਓਬਾਮਾ ਦੇ ਅਹੁਦਾ ਹਾਸਲ ਕਰਨ ਤੇ ਉਹ ਕਾਫੀ ਨਿਰਾਸ਼ ਹੋਏ। ਉਮਰ ਨੇ ਇਹ ਵੀ ਕਿਹਾ ਕਿ ਉਹ ਸਿਆਂਣੇ ਫੈਸਲੇ ਲਈ ਸਾਬਕਾ ਰਾਸ਼ਟਰਪਤੀ ਬਿਲ ਕਲਿੰਟਨ ਦਾ ਆਦਰ ਕਰਦਾ ਹੈ, ਜਿਨ੍ਹਾਂ ਨੇ ਅਮਰੀਕਾ ਵਿੱਚ ਅਮਰੀਕੀ ਹਿੱਤਾਂ ਤੇ ਹਮਲੇ ਦੇ ਵਿਰੋਧ ਵਿੱਚ ਉਸਦੇ ਪਿਤਾ ਦੇ ਟਰੇਨਿੰਗ ਕੈਂਪ ਤੇ ਕਰੂਜ਼ ਮਿਜ਼ਾਇਲਾਂ ਨਾਲ ਹਮਲਾ ਕੀਤਾ ਸੀ।

ਓਬਾਮਾ ਨੇ ਮੰਨਿਆ ਉਨ੍ਹਾਂ ਨੇ ਲੋਕਾਂ ਨਾਲ ਸਿੱਧਾ ਸੰਪਰਕ ਨਹੀ ਰੱਖਿਆ

ਵਾਸ਼ਿੰਗਟਨ 22 ਜਨਵਰੀ - ਅਮਰੀਕੀ ਰਾਸ਼ਠਰਪਤੀ ਬਰਾਕ ਓਬਾਮਾ ਨੇ ਅਹੁਦਾ ਸੰਭਾਲਣ ਤੋਂ ਬਾਅਦ ਵਾਇਟ ਹਾਊਸ ਵਿੱਚ ਇਕ ਸਾਲ ਪੂਰਾ ਹੋਣ ਤੋਂ ਇਕ ਦਿਨ ਬਾਅਦ ਮੰਨਿਆ ਹੈ ਕਿ ਉਨ੍ਹਾਂ ਨੇ ਅਮਰੀਕੀ ਲੋਕਾਂ ਨਾਲ ਸਿੱਧਾ ਸੰਪਰਕ ਨਹੀ ਰੱਖਿਆ, ਇਸ ਲਈ ਵੋਟਰ ਨਰਾਜ਼ ਅਤੇ ਗੁੱਸੇ ਵਿੱਚ ਹਨ। ਜ਼ਿਕਰਯੋਗ ਹੈ ਕਿ ਉਨ੍ਹਾਂ ਦਾ ਬਿਆਨ ਮੈਸਾਚੁਸੈਟ ਵਿੱਚ ਰਿਪਬਲਿਕਨ ਪਾਰਟੀ ਦੀ ਜਿੱਤ ਤੋਂ ਇਕ ਦਿਨ ਬਾਅਦ ਆਇਆ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਡੈਮੋਕਰੇਟਿਕ ਪਾਰਟੀ ਨੂੰ ਕਾਂਗਰਸ ਵਿੱਚ ਸਿਹਤ ਬਿੱਲ ਜਲਦਬਾਜ਼ੀ ਵਿੱਚ ਪਾਸ ਕਰਵਾਉਣ ਦੀ ਕੋਸ਼ਿਸ਼ ਨਹੀਂ ਕਰਨੀ ਚਾਹੀਦੀ। ਮੈਸਾਚੁਸੈਟ ਵਿੱਚ ਵੋਟਰਾਂ ਵਲੋਂ ਤਕੜਾ ਝਟਕਾ ਦੇਣ ਤੋਂ ਬਾਅਦ ਓਬਾਮਾ ਨੇ ਮੰਨਿਆ ਹੈ ਕਿ ਉਨ੍ਹਾਂ ਦਾ ਕੁਝ ਸੰਕਟਾਂ ਨਾਲ ਨਜਿੱਠਣ ਵਿੱਚ ਉਲਝੇ ਹੋਣ ਕਰਕੇ ਉਨ੍ਹਾਂ ਦਾ ਲੋਕਾਂ ਨਾਲ ਸੰਪਰਕ ਟੁੱਟ ਗਿਆ ਸੀ ਅਤੇ ਇਸ ਦਾ ਇਹ ਕਾਰਨ ਹੈ ਕਿ ਓਬਾਮਾ ਨੇ ਰਿਪਬਲਿਕਨ ਉਮੀਦਵਾਰ ਦੀ ਜਿੱਤ ਤੇ ਹੈਰਾਨੀ ਪ੍ਰਗਟਾਈ ਹੈ ਕਿਉਂਕਿ ਇਸ ਸੀਟ ਤੇ ਲਗਭਗ ਪੰਜ ਦਹਾਕੇ ਤੱਕ ਡੈਮੋਕਰੇਟਿਕ ਪਾਰਟੀ ਦੇ ਐਡਵਟਡ ਕਨੇਡੀ ਦਾ ਕਬਜ਼ਾ ਰਿਹਾ ਸੀ। ਅਮਰੀਕੀ ਟੀ ਵੀ ਚੈਨਲ ਏਬੀਸੀ ਨੈਟਵਰਕ ਨੂੰ ਦਿੱਤੀ ਇੰਟਰਵਿਊ ਵਿੱਚ ਓਬਾਮਾ ਨੇ ਕਿਹਾ ਕਿ ਕਿਸ ਤਰ੍ਹਾਂ ਸਕਾਊਟ ਬਰਾਊਨ ਜਿੱਤੇ ਹਨ। ਮੈਂ ਵੀ ਉਸੇ ਤਰ੍ਹਾਂ ਜਿੱਤਿਆ ਸੀ ਪਰ ਲੋਕ ਗੁੱਸੇ ਅਤੇ ਨਿਰਾਸ਼ ਹਨ।

ਸੁਖਬੀਰ-ਕਾਲੀਆ ਦੋ ਮੈਬਰੀ ਕਮੇਟੀ ਦੇ ਫੈਸਲੇ ਪੰਜਾਬੀਆਂ ਦੀ ਲੁੱਟ-ਖਸੁੱਟ ਦੀ ਪ੍ਰਤੱਖ ਨਿਸ਼ਾਨੀ :- ਮਾਨ

ਚੰਡੀਗੜ੍ਹ, 22 ਜਨਵਰੀ :- ਸ: ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਸੁਖਬੀਰ-ਕਾਲੀਆ ਦੋ ਮੈਬਰੀ ਕਮੇਟੀ ਦੀ ਰਿਪੋਰਟ ਦੇ ਆਧਾਰ ਤੇ ਪੰਜਾਬ ਸਰਕਾਰ ਵੱਲੋਂ ਪੰਜਾਬੀਆਂ ਉੱਤੇ ਟੈਕਸ ਲਾਉਣ ਦੀ ਕਾਰਵਾਈ ਮੱਧਵਰਗ ਤੇ ਗਰੀਬ ਵਰਗ ਉੱਤੇ ਪਾਏ ਜਾਣ ਵਾਲੇ ਮਾਲੀ ਬੋਝ ਨੂੰ ਦਿਸ਼ਾਹੀਣ ਕਰਾਰ ਦਿੰਦੇ ਹੋਏ ਬਾਦਲ ਹਕੂਮਤ ਦੀ ਪੁਰਜ਼ੋਰ ਨਿਖੇਧੀ ਕੀਤੀ ਤੇ ਕਿਹਾ ਕਿ ਅੱਜ ਬਾਦਲ ਹਕੂਮਤ ਵਿੱਚ ਇੱਕ ਵੀ ਅਜਿਹਾ ਵਜ਼ੀਰ ਜਾਂ ਇਨ੍ਹਾ ਦਾ ਸਲਾਹਕਾਰ ਨਹੀਂ ਜੋ ਪੰਜਾਬੀਆਂ ਤੇ ਸਿੱਖ ਕੌਮ ਨੂੰ ਦਰਪੇਸ਼ ਆ ਰਹੀਆਂ ਮਹਿੰਗਾਈ, ਬੇਰੁਜ਼ਗਾਰੀ, ਰਿਸ਼ਵਤਖੋਰੀ, ਜਮਾਖੋਰੀ ਤੇ ਨਸ਼ਾਖੋਰੀ ਆਦਿ ਵੱਡੀਆਂ ਮੁਸ਼ਕਿਲਾਂ ਨੂੰ ਠੱਲ੍ਹ ਪਾਉਣ ਦੀ ਸਮਰੱਥਾ ਬੁੱਧੀ ਰੱਖਦਾ ਹੋਵੇ ਤੇ ਪੰਜਾਬ ਦੇ ਦਿਵਾਲੀਆ ਹੋਏ ਖਜ਼ਾਨੇ ਨੂੰ ਭਰ ਕੇ ਪੰਜਾਬ ਦਾ ਵਿਕਾਸ ਕਰਨ ਲਈ ਇਮਾਨਦਾਰ ਹੋਵੇ। ਉਨ੍ਹਾ ਕਿਹਾ ਕਿ ਸੁਖਬੀਰ ਕਾਲੀਆ ਕਮੇਟੀ ਨੇ ਕਿਸਾਨ, ਦਲਿਤ, ਮਜ਼ਦੂਰ ਤੇ ਆਮ ਸ਼ਹਿਰੀਆਂ ਉੱਤੇ ਟੈਕਸ ਲਗਾ ਕੇ ਅਤਿ ਦੀ ਮਹਿੰਗਾਈ ਦੀ ਬੁਰੀ ਤਰਾ ਮਾਰ ਝੱਲ ਰਹੇ ਇਸ ਵਰਗ ਨੂੰ ਹੋਰ ਕੁਚਲਣ ਦੀ ਅਸਹਿ ਕਾਰਵਾਈ ਕੀਤੀ ਹੈ। ਜਦੋਂ ਕਿ ਸ: ਪ੍ਰਕਾਸ਼ ਸਿੰਘ ਬਾਦਲ, ਸੁਖਬੀਰ ਬਾਦਲ, ਮਨਪ੍ਰੀਤ ਬਾਦਲ, ਸੁਰਿੰਦਰ ਕੌਰ ਬਾਦਲ, ਹਰਸਿਮਰਤ ਕੌਰ ਬਾਦਲ ਤੇ ਬਿਕਰਮਜੀਤ ਸਿੰਘ ਮਜੀਠੀਆ ਦੀ ਜੁੰਡਲੀ ਨਿਰੰਤਰ ਗੈਰ ਕਾਨੂੰਨੀ ਤੇ ਗੈਰ ਸਮਾਜਿਕ ਤਰੀਕੇ ਪੰਜਾਬ ਦੀ ਸਮੁੱਚੀ ਟ੍ਰਾਂਸਪੋਰਟ, ਸਮੁੱਚੇ ਟੀ ਵੀ ਚੈੱਨਲ ਨੈਟਵਰਕ, ਰੇਤ ਤੇ ਬਜਰੀ ਦੇ ਠੇਕਿਆਂ, ਪੰਜਾਬ ਦੇ ਵੱਡੇ ਸ਼ਹਿਰਾਂ ਤੇ ਜੀ ਟੀ ਰੋਡਾਂ ਉਤੇ ਕਾਮਯਾਬੀ ਨਾਲ ਚੱਲ ਰਹੇ ਹੋਟਲਾਂ ਤੇ ਢਾਬਿਆਂ ਦੇ ਕਾਰੋਬਾਰਾਂ ਉੱਤੇ ਜ਼ਬਰੀ ਕਬਜ਼ੇ ਕਰ ਚੁੱਕੀ ਹੈ। ਇਨ੍ਹਾ ਕਾਰੋਬਾਰਾਂ ਨੂੰ ਕਰਨ ਵਾਲੇ ਹਜ਼ਾਰਾਂ ਪਰਿਵਾਰਾਂ ਨਾਲ ਇਨ੍ਹਾ ਨੇ ਜ਼ੋਰ ਜ਼ਬਰੀ ਕਰਕੇ ਬੇਰੁਜ਼ਗਾਰ ਕਰ ਦਿੱਤਾ ਹੈ। ਉਨ੍ਹਾ ਕਿਹਾ ਕਿ ਸੁਖਬੀਰ-ਮਜੀਠੀਆ ਐਂਡ ਕੰਪਨੀ ਵੱਲੋਂ ਇੰਨੀ ਦਿਨੀ ਜੀ ਟੀ ਰੋਡਾਂ ਉੱਤੇ ਚੰਗਾ ਕਾਰੋਬਾਰ ਕਰ ਰਹੇ ਹੋਟਲਾਂ ਦੇ ਮਾਲਿਕਾਂ ਨੂੰ ਕਿਹਾ ਜਾ ਰਿਹਾ ਹੈ ਕਿ ਉਹ ਆਪਣੇ ਹੋਟਲ ਸਾਨੂੰ ਵੇਚ ਦੇਣ। ਜੋ ਅਣਖੀ ਲੋਕ ਅਜਿਹਾ ਕਰਨ ਤੋਂ ਨਾਹ ਕਰ ਰਹੇ ਹਨ, ਉਨ੍ਹਾ ਨੂੰ ਸਿੱਟੇ ਭੁਗਤਣ ਦਾ ਡਰਾਵਾ ਦੇ ਕੇ ਮੌਜੂਦਾ ਕੀਮਤਾਂ ਤੋਂ ਕਿਤੇ ਘੱਟ ਪੈਸੇ ਦੇ ਕੇ ਕਬਜ਼ੇ ਕੀਤੇ ਜਾ ਰਹੇ ਹਨ। ਵੱਖ ਵੱਖ ਵਿਭਾਗਾਂ ਦੇ ਮੁਲਾਜ਼ਮਾਂ ਦੀਆਂ ਤਨਖਾਹਾਂ ਦੇ ਵਧੇ ਸਕੇਲ, ਭੱਤੇ ਤੇ ਹੋਰ ਸਹੂਲਤਾਂ ਉੱਤੇ ਪੰਜਾਬ ਦੀ ਹਕੂਮਤ ਡਾਕਾ ਮਾਰੀ ਬੈਠੀ ਹੈ। ਲੱਖਾਂ ਦੀ ਗਿਣਤੀ ਵਿੱਚ ਅਸਾਮੀਆਂ ਖਾਲੀ ਪਈਆਂ ਹਨ ਕਿਉਕਿ ਇਸ ਜੁੰਡਲੀ ਦੀ ਕੋਈ ਵੀ ਅਗਾਂਹਵਧੂ ਯੋਜਨਾ ਨਾ ਹੋਣ ਕਾਰਨ ਪੰਜਾਬ ਦੇ ਖਜ਼ਾਨੇ ਦੀ ਪਹਿਲੋ ਹੀ ਵੱਡੀ ਪੱਧਰ ਉੱਤੇ ਦੁਰਵਰਤੋਂ ਹੁੰਦੀ ਆ ਰਹੀ ਹੈ।
ਉਨ੍ਹਾ ਪੰਜਾਬ ਨਿਵਾਸੀਆਂ ਤੇ ਸਿੱਖ ਕੌਮ ਨੂੰ ਜ਼ੋਰਦਾਰ ਅਪੀਲ ਕਰਦੇ ਹੋਏ ਕਿਹਾ ਕਿ ਉਹ ਇਸ ਸੁਖਬੀਰ-ਕਾਲੀਆ, ਮਜੀਠੀਆ ਤੇ ਬਾਦਲ ਪਰਿਵਾਰ ਦੇ ਲੋਟੂ ਟੋਲੇ ਵਾਲੀ ਜੁੰਡਲੀ ਨੂੰ ਸਿਆਸੀ, ਧਾਰਮਿਕ ਤੇ ਇਖਲਾਕੀ ਤੌਰ ਤੇ ਪਛਾੜਣ ਲਈ ਆਪੋ-ਆਪਣੀਆਂ ਸਮਾਜਿਕ ਤੇ ਕੌਮੀ ਜਿ਼ੰਮੇਵਾਰੀਆਂ ਪੂਰੀਆਂ ਕਰਨ ਲਈ ਸੰਜੀਦਾ ਵੀ ਹੋਣ ਤੇ ਤਿਆਰ ਵੀ ਰਹਿਣ ਕਿਉਂਕਿ “ਧਾਰਮਿਕ ਤੇ ਇਖਲਾਕੀ ਜੰਗ” ਹੋਣ ਦਾ ਬਿਗਲ ਵੱਜਣ ਵਾਲਾ ਹੈ। ਇਸ ਆਉਣ ਵਾਲੀਆਂ ਗੁਰਦੁਆਰਾ ਚੋਣਾਂ ਵਿੱਚ ਉੱਚੇ ਸੁੱਚੇ ਇਖਲਾਕ ਤੇ ਇਮਾਨਦਾਰੀ ਉੱਤੇ ਪਹਿਰਾ ਦੇਣ ਵਾਲੀਆਂ ਸਖਸੀਅਤਾਂ ਨੂੰ ਅੱਗੇ ਲਿਆ ਕੇ ਗੰਧਲੀ ਹੋਈ ਰਾਜਸੀ ਪ੍ਰਕ੍ਰਿਆ ਨੂੰ ਵੀ ਸਾਫ ਸੁੱਥਰਾ ਕਰਨ ਵਿੱਚ ਆਪਣਾ ਯੋਗਦਾਨ ਪਾਉਣ ਤਾਂ ਕਿ ਅਸੀਂ ਗੁਰੂ ਸਾਹਿਬਾਨ ਦੀ ਵੱਡਮੁੱਲੀ “ਸਰਬੱਤ ਦੇ ਭਲੇ” ਵਾਲੀ ਸੋਚ ਨੂੰ ਦੁਨੀਆ ਪੱਧਰ ਉਤੇ ਲਿਜਾ ਕੇ ਸਿੱਖ ਕੌਮ ਦਾ ਬੋਲਬਾਲਾ ਕਰ ਸਕੀਏ।

ਸੁਰਜੀਤ ਸਿੰਘ ਫੂਲ ਦੀ ਰਿਹਾਈ ਲਈ ਕਿਸਾਨਾਂ ਨੇ ਲਗਾਇਆ ਜਾਮ .

. ਬਠਿੰਡਾ 21 ਜਨਵਰੀ -ਨਕਸਲਵਾਦੀ ਲਹਿਰ ਭੜਕਾਉਣ ਦੇ ਦੋਸ਼ ਵਿੱਚ ਗ੍ਰਿਫ਼ਤਾਰ ਕੀਤੇ ਭਾਰਤੀ ਕਿਸਾਨ ਯੂਨੀਅਨ ਕ੍ਰਾਂਤੀਕਾਰੀ ਦੇ ਸੂਬਾ ਪ੍ਰਧਾਨ ਸੁਰਜੀਤ ਸਿੰਘ ਫੂਲ ਦੀ ਰਿਹਾਈ ਲਈ ਅੱਜ ਕਿਸਾਨ ਜਥੇਬੰਦੀਆਂ ਵੱਲੋਂ ਬਠਿੰਡਾ ਦੇ ਮਿੰਨੀ ਸਕੱਤਰੇਤ ਅੱਗੇ ਹਾਈਵੇ ਸੜਕ ਜਾਮ ਕਰਦਿਆਂ ਰੋਸ ਧਰਨਾ ਦਿੱਤਾ ਗਿਆ । ਕਿਸਾਨਾਂ ਦੇ ਧਰਨੇ ਨੂੰ ਮੁੱਖ ਰੱਖਦੇ ਹੋਏ ਜਿੱਥੇ ਪੁਲਿਸ ਵਲੋਂ ਮਿੰਨੀ ਸਕੱਤਰੇਤ ਨੂੰ ਛਾਊਣੀ ਵਿੱਚ ਤਬਦੀਲ ਕਰਦਿਆਂ ਰੈਸਟ ਹਾਊਸ ਰੋਡ , ਕਚਹਿਰੀ ਰੋਡ ਤੇ ਬੈਰੀਗੇਟ ਲਾਏ ਗਏ ਪਰੰਤੂ ਧਰਨੇ ਵਿੱਚ ਸ਼ਾਮਲ ਕਿਸਾਨਾ ਨੇ ਵੀ ਧਰਨੇ ਵਿੱਚ ਹੋਏ ਬੇਤਹਾਸ਼ਾ ਇੱਕਠ ਤੋਂ ਹੰਕਾਰ ਵਿੱਚ ਆਉਂਦਿਆਂ ਪੁਲਿਸ ਮੁਲਾਜ਼ਮਾਂ ਨਾਲ ਦੁਰ ਵਿਵਹਾਰ ਕੀਤਾ ਗਿਆ ਉਥੇ ਹੀ ਡੰਡੇ ਦੇ ਜ਼ੋਰ ਤੇ ਜੀ ਟੀ ਰੋਡ ਦੇ ਨਾਲ ਲਗਦੀਆਂ ਗਲੀਆਂ ਤੇ ਸੜਕਾਂ ਨੂੰ ਵੀ ਬੰਦ ਕੀਤਾ ਗਿਆ ਤੇ ਗਲੀਆਂ ਦੇ ਮੂਹਰੇ ਟਰੈਕਟਰ ਟਰਾਲੀਆਂ ਲਾ ਕੇ ਲੋਕਾਂ ਨੂੰ ਧੱਕੇ ਮਾਰੇ ਗਏ ਜਿਸ ਕਾਰਨ ਰਜਿੰਦਰਾ ਕਾਲਜ ਦੀਆਂ ਵਿਦਿਆਰਥਣਾਂ ਨੂੰ ਵੀ ਇਸ ਦਾ ਸ਼ਿਕਾਰ ਹੋਣਾ ਪਿਆ। ਹੋਰ ਤਾਂ ਹੋਰ ਕਿਸਾਨ ਲੋਕਾਂ ਦੇ ਮੋਟਰਸਾਈਕਲਾਂ ਨੂੰ ਖੋਹ ਕੇ ਪਾਸੇ ਕਰਦੇ ਵੀ ਦੇਖੇ ਗਏ ਜਿਸ ਕਾਰਨ ਭੜਕੇ ਲੋਕਾਂ ਨੇ ਪੁਲਿਸ ਤੋਂ ਉਕਤ ਕਿਸਾਨਾ ਦੇ ਖਿਲਾਫ ਕਾਰਵਾਈ ਦੀ ਵੀ ਮੰਗ ਕੀਤੀ। ਉਕਤ ਮਾਮਲਾ ਜਦੋਂ ਡੀ ਐਸ ਪੀ ਸਿਟੀ ਦੇ ਧਿਆਨ ਵਿੱਚ ਲਿਆਂਦਾ ਤਾਂ ਉਹਨਾ ਕਿਹਾ ਕਿ ਭਾਰੀ ਇਕੱਠ ਅਤੇ ਸ਼ਹਿਰ ਦੀ ਅਮਨ ਸ਼ਾਂਤੀ ਬਣਾਈ ਰੱਖਣ ਲਈ ਪੁਲਿਸ ਵੱਲੋਂ ਕੁੱਝ ਰਸਤੇ ਸੀਲ ਕੀਤੇ ਗਏ ਸਨ ਪਰੰਤੂ ਜੇਕਰ ਕਿਸਾਨਾਂ ਨੇ ਕਿਸੇ ਨਾਲ ਦੁਰਵਿਵਹਾਰ ਕੀਤਾ ਹੈ ਤਾਂ ਇਹ ਨਿੰਦਾਯੋਗ ਹੈ। ਉਥੇ ਹੀ ਇਸ ਮਾਮਲੇ ਸਬੰਧੀ ਜਦੋਂ ਧਰਨੇ ਦੀ ਅਗਵਾਈ ਕਰਨ ਵਾਲੇ ਜਥੇਬੰਦੀ ਭਾਰਤੀ ਕਿਸਾਨ ਯੂਨੀਅਨ ਉਗਰਾਹਾਂ ਦੇ ਸੂਬਾ ਐਕਟਿੰਗ ਪ੍ਰਧਾਨ ਮਨਜੀਤ ਸਿੰਘ ਧਨੇਰ ਨਾਲ ਗੱਲ ਕੀਤੀ ਤਾਂ ਉਹਨਾਂ ਕਿਸਾਨਾਂ ਵਲੋਂ ਧੱਕੇ ਨਾਲ ਬੰਦ ਕੀਤੀਆਂ ਗਈਆਂ ਸੜਕਾਂ ਪ੍ਰਤੀ ਅਫਸੋਸ ਪ੍ਰਗਟ ਕਰਦਿਆਂ ਕਿਹਾ ਕਿ ਅੱਗੇ ਤੋਂ ਕਿਸੇ ਵੀ ਧਰਨੇ ਵਿੱਚ ਅਜੇਹੀ ਘਟਨਾ ਨਹੀਂ ਵਾਪਰਨ ਦਿੱਤੀ ਜਾਵੇਗੀ।

ਪ੍ਰਵਾਸੀ ਭਾਰਤੀ ਪੰਕੇਸ਼ ਪਟੇਲ ਸਮੇਤ ਅਮਰੀਕੀ ਰਿਸ਼ਵਤ ਕਾਂਡ ’ਚ 22 ਅਫ਼ਸਰ ਗ੍ਰਿਫ਼ਤਾਰ

ਵਾਸ਼ਿੰਗਟਨ, 21 ਜਨਵਰੀ - ਅਮਰੀਕਾ ਦੇ ਕੇਂਦਰੀ ਜਾਂਚ ਬਿਊਰੋ ਨੇ ਇਕ ਅਫ਼ਰੀਕੀ ਦੇਸ਼ ਦੇ ਰੱਖਿਆ ਮੰਤਰੀ ਨੂੰ ਰਿਸ਼ਵਤ ਦੇਣ ਦੀ ਕੋਸ਼ਿਸ਼ ਕਰਨ ਦੇ ਦੋਸ਼ ਵਿਚ ਫ਼ੌਜ ਨਾਲ ਜੁੜੇ ਸਾਜੋਸਮਾਨ ਨੂੰ ਸਪਲਾਈ ਕਰਨ ਵਾਲੀ ਕੰਪਨੀਆਂ ਦੇ 22 ਕਾਰਜਕਾਰੀ ਅਧਿਕਾਰੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਸ ਵਿਚ ਪਰਵਾਸੀ ਭਾਰਤੀ ਦਾ ਇਕ ਬ੍ਰਿਟਿਸ਼ ਨਾਗਰਿਕ ਵੀ ਸ਼ਾਮਲ ਹੈ। ਇਸ ਘਟਨਾ ਨੂੰ ਅਮਰੀਕਾ ਦਾ ਹੁਣ ਤੱਕ ਦਾ ਸਭ ਤੋਂ ਵੱਡਾ ਰਿਸ਼ਵਤ ਕਾਂਡ ਕਿਹਾ ਜਾ ਰਿਹਾ ਹੈ। ਅਮਰੀਕੀ ਨਿਆ ਵਿਭਾਗ ਨੇ ਦੱਸਿਆ ਕਿ ਪਰਵਾਸੀ ਭਾਰਤੀ ਦਾ ਬ੍ਰਿਟਿਸ਼ ਨਾਗਰਿਕ ਪੰਕੇਸ਼ ਪਟੇਲ (43) ਇਕ ਬ੍ਰਿਟਿਸ਼ ਫਰਮ ਦਾ ਮਹਾ ਪ੍ਰਬੰਧਕ ਹੈ, ਜਿਹੜਾ ਫੌਜ ਦੇ ਸਾਜੋਸਮਾਨ ਉਦਯੋਗਾਂ ਦੇ ਲਈ ਇਕ ਵਿਕਰੀ ਏਜੰਟ ਦੇ ਰੂਪ ਵਿਚ ਕੰਮ ਕਰਦੀ ਹੈ। ਵਿਭਾਗ ਨੇ ਦੱਸਿਆ ਕਿ ਡੇਵਿਡ ਪੇਂਟਰ (56) ਅਤੇ ਲੀ ਵਾਰੇਸ (43) ਨਾਂ ਦੇ ਦੋ ਹੋਰ ਬ੍ਰਿਟਿਸ਼ ਨਾਗਰਿਕਾਂ ਨੂੰ ਵੀ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਵਾਰੇਸ ਇਕ ਹੋਰ ਬ੍ਰਿਟਿਸ਼ ਕੰਪਨੀ ਦਾ ਪ੍ਰਮੁੱਖ ਹੈ, ਜਿਹੜਾ ਬਖਤਰਬੰਦ ਗੱਡੀਆਂ ਦਾ ਨਿਰਮਾਣ ਕਰਦੀ ਹੈ। ਫੌਕਸ ਨਿਊਜ਼ ਦੇ ਮੁਤਾਬਕ 22 ਕਾਰਜਕਾਰੀ ਅਧਿਕਾਰੀਆਂ ਵਿਚੋਂ 21 ਨੂੰ ਲਾਸ ਵੇਗਾਸ ਵਿਚ ਗ੍ਰਿਫ਼ਤਾਰ ਕੀਤਾ ਗਿਆ। ਜਦ ਕਿ 22ਵੇਂ ਵਿਅਕਤੀ ਨੂੰ ਮਿਆਮੀ ਵਿਚ ਗ੍ਰਿਫ਼ਤਾਰ ਕੀਤਾ ਗਿਆ। ਹਾਲਾਂਕਿ, ਗ੍ਰਿਫ਼ਤਾਰ ਵਿਅਕਤੀਆਂ ਵਿਚੋਂ ਇਕ ਵੀ ਲਾਸ ਵੇਗਾਸ ਦਾ ਨਹੀਂ ਹੈ, ਲੇਕਿਨ ਇਹ ਸਾਰੇ ਲੋਕ 2010 ਦੇ ਸ਼ੂਟਿੰਗ, ਹੰਟਿੰਗ ਅਤੇ ਆਊਟਡੋਰ ਟਰੇਸ਼ ਸ਼ੋਅ ਦੇ ਲਈ ਇੱਥੇ ਆਏ ਹੋਏ ਸਨ, ਜੋ ਇੱਥੇ ਸੈਂਡਸ ਐਕਸਪੋ ਅਤੇ ਕਨਵੈਨਸ਼ਨ ਸੈਂਟਰ ਵਿਚ ਸ਼ੁਰੂ ਹੋ ਗਿਆ। ਗ੍ਰਿਫ਼ਤਾਰ ਕੀਤੇ ਗਏ ਇਨ੍ਹਾਂ ਲੋਕਾਂ ਦੇ ਖ਼ਿਲਾਫ਼ ਇਕ ਅਮਰੀਕੀ ਅਦਾਲਤ ਵਿਚ ਦੋਸ਼ ਲਗਾਇਆ ਗਿਆ ਕਿ ਇਹ ਲੋਕ ਇਕ ਅਫ਼ਰੀਕੀ ਦੇਸ਼ ਦੇ ਰੱਖਿਆ ਮੰਤਰੀ ਨੂੰ ਰਿਸ਼ਵਤ ਦੇਣ ਦੀ ਯੋਜਨਾ ਵਿਚ ਸ਼ਾਮਲ ਸਨ। ਹਾਲਾਂਕਿ ਇਸ ਦੇਸ਼ ਦੇ ਨਾਂ ਦਾ ਖੁਲਾਸਾ ਨਹੀਂ ਕੀਤਾ ਗਿਆ ਹੈ।

ਸੰਤ ਸੀਚੇਵਾਲ ਦੀ ਮਾਤਾ ਨੂੰ ਸ਼ਰਧਾਂਜਲੀਆਂ

ਸੁਲਤਾਨਪੁਰ ਲੋਧੀ, 21 ਜਨਵਰੀ -ਪ੍ਰਸਿੱਧ ਵਾਤਾਵਰਣ ਪ੍ਰੇਮੀ ਸੰਤ ਬਾਬਾ ਬਲਬੀਰ ਸਿੰਘ ਜੀ ਸੀਂਚੇਵਾਲ ਦੀ ਮਾਤਾ ਚੰਨਣ ਕੌਰ ਜੀ ਦੀ ਅੰਤਿਮ ਅਰਦਾਸ ਸਮੇਂ ਹਜਾਰਾਂ ਸ਼ਰਧਾਲੂਆਂ ਨੇ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ। ਇਸ ਮੌਕੇ ਸੰਤ ਸੀਂਚੇਵਾਲ ਨੇ ਮਾਤਾ ਜੀ ਦੀ ਯਾਦ ਵਿੱਚ ਸਵਾ ਲੱਖ ਬੂਟੇ ਲਾਉਣ ਦਾ ਐਲਾਨ ਕੀਤਾ। ਇਹ ਬੂਟੇ ਸਾਲ ਭਰ ਵਿੱਚ ਲਗਾਏ ਜਾਣਗੇ। ਸ਼ਰਧਾਂਜਲੀ ਦੇਣ ਵਾਲਿਆਂ ਵਿੱਚ ਦੇਸ਼ ਵਿਦੇਸ਼ ਦੀਆਂ ਸਮਾਜ ਸੇਵੀ ਜੱਥੇਬੰਦੀਆਂ ਵੀ ਸ਼ਾਮਲ ਹੋਈਆਂ। ਇਸ ਮੌਕੇ ਵੱਖ-ਵੱਖ ਬੁਲਾਰਿਆਂ ਨੇ ਗੁਰਬਾਣੀ ਦੇ ਹਵਾਲੇ ਦੇ ਕੇ ਮਾਤਾ ਦੇ ਸਤਿਕਾਰ ਦੀਆਂ ਬਹੁਤ ਸਾਰੀਆਂ ਉਦਾਹਰਣਾਂ ਦਿੱਤੀਆਂ। ਮਾਤਾ ਚੰਨਣ ਕੌਰ ਜੀ ਦੇ ਸ਼ਰਧਾਂਜਲੀ ਸਮਾਗਮ ਵਿੱਚ ਜਿੱਥੇ ਉਨ੍ਹਾਂ ਸ਼ਰਧਾਂਜਲੀਆਂ ਦਿੱਤੀਆਂ ਗਈਆਂ, ਉੱਥੇ ਸਭ ਤੋਂ ਵੱਧ ਚਰਚਾ ਵਿਗੜ ਰਹੇ ਵਾਤਾਵਰਣ ਬਾਰੇ ਹੋਈ। ਸ਼੍ਰੋਮਣੀ ਪ੍ਰਬੰਧਕ ਕਮੇਟੀ ਦੀ ਸਾਬਕਾ ਪ੍ਰਧਾਨ ਬੀਬੀ ਜਗੀਰ ਕੌਰ ਨੇ ਸ਼ਰਧਾਂਜਲੀ ਭੇਂਟ ਕਰਦਿਆਂ ਕਿਹਾ ਕਿ ਇਹ ਮਾਤਾ ਚੰਨਣ ਕੌਰ ਜੀ ਦੇ ਸੰਸਕਾਰਾਂ ਦੀ ਦੇਣ ਸਦਕਾ ਹੀ ਸੰਤ ਬਲਬੀਰ ਸਿੰਘ ਸੀਂਚੇਵਾਲ ਵੱਲੋਂ ਕੀਤੇ ਜਾ ਰਹੇ ਕਾਰਜਾਂ ਦੀ ਦੁਨੀਆਂ ਭਰ ਵਿੱਚ ਚਰਚਾ ਹੋ ਰਹੀ ਹੈ। ਇਸ ਮੌਕੇ ਭਗਤ ਪੂਰਨ ਸਿੰਘ ਪਿੰਗਲਵਾੜਾ ਦੀ ਪ੍ਰਧਾਨ ਬੀਬੀ ਇੰਦਰਜੀਤ ਕੌਰ ਨੇ ਕਿਹਾ ਕਿ ਮਾਤਾ ਚੰਨਣ ਕੌਰ ਨੂੰ ਤਦ ਹੀ ਸੱਚੀ ਸ਼ਰਧਾਂਜਲੀ ਦਿੱਤੀ ਜਾ ਸਕਦੀ ਹੈ, ਜੋ ਅਸੀਂ ਮਨੁੱਖਤਾ ਦੀ ਸੇਵਾ ਕਰਦੇ ਹੋਏ ਸੰਤ ਬਲਬੀਰ ਸਿੰਘ ਜੀ ਸੀਂਚੇਵਾਲ ਦਾ ਡਟ ਕੇ ਸਾਥ ਦੇਈਏ ਜਿਨ੍ਹਾਂ ਨੇ ਪ੍ਰਦੂਸ਼ਣ ਵਿਰੁੱਧ ਜੰਗ ਹੈ। ਇਸ ਮੌਕੇ ਸੰਤ ਬਲਬੀਰ ਸਿੰਘ ਜੀ ਸੀਂਚੇਵਾਲ ਨੇ ਆਪਣੀ ਮਾਤਾ ਜੀ ਨੂੰ ਸ਼ਰਧਾਂਜਲੀ ਭੇਂਟ ਕਰਦਿਆਂ ਕਿਹਾ ਕਿ ਧਰਤੀ ਸਾਡੀ ਸਾਰਿਆਂ ਦੀ ਮਾਂ ਹੈ ਤੇ ਇਸ ਦੀ ਗੋਦ ਹਮੇਸ਼ਾਂ ਹੀ ਹਰੀ-ਭਰੀ ਰਹਿਣੀ ਚਾਹੀਦੀ ਹੈ। ਇਸ ਲਈ ਧਰਤੀ ਦੇ ਚੱਪੇ-ਚੱਪੇ ਤੇ ਰੁੱਖ ਲਗਾ ਕੇ ਇਸ ਨੂੰ ਹਰਿਆ-ਭਰਿਆ ਬਣਾਈਏ। ਉਨ੍ਹਾਂ ਇਸ ਮੌਕੇ ਮਾਤਾ ਜੀ ਦੀ ਯਾਦ ਵਿੱਚ ਸਾਲ ਭਰ ਬੂਟੇ ਲਾਉਣ ਦੀ ਮੁਹਿੰਮ ਚਲਾਉਣ ਦਾ ਐਲਾਨ ਕਰਦਿਆਂ ਕਿਹਾ ਕਿ ਉਨ੍ਹਾਂ ਦੀ ਯਾਦ ਵਿੱਚ ਸਵਾ ਲੱਖ ਦੇ ਕਰੀਬ ਬੂਟੇ ਲਗਾਏ ਜਾਣਗੇ।

ਬੇਅੰਤ ਸਿੰਘ ਦੇ ਪੋਤੇ ਰਵਨੀਤ ਬਿੱਟੂ ਨੂੰ ਜਾਨ ਤੋਂ ਮਾਰਨ ਦੀ ਧਮਕੀ

ਚੰਡੀਗੜ੍ਹ, 21 ਜਨਵਰੀ - ਸਾਬਕਾ ਪੰਜਾਬ ਦੇ ਸਾਬਕਾ ਮੁੱਖਮੰਤਰੀ ਬੇਅੰਤ ਸਿੰਘ ਦੇ ਪੋਤੇ ਸਾਂਸਦ ਰਵਨੀਤ ਸਿੰਘ ਬਿੱਟੂ ਨੂੰ ਜਾਨ ਨਾਲ ਮਾਰਨ ਦੀ ਸੁਪਾਰੀ ਕਿਸ ਨੇ ਦਿੱਤੀ ਹੈ? ਪੰਜਾਬ ਦੀ ਸੁਰੱਖਿਆ ਏਜੰਸੀਆਂ ਹੁਣ ਇਸ ਸਵਾਲ ਦਾ ਜਵਾਬ ਲੱਭਣ ਵਿਚ ਲੱਗੀ ਹੈ ਕਿ ਆਖ਼ਰ ਬਿੱਟੂ ਨੂੰ ਕੌਣ ਮਾਰਨਾ ਚਾਹੁੰਦਾ ਹੈ। ਸੁਰੱਖਿਆ ਏਜੰਸੀਆਂ ਨੇ ਪਾਕਿਸਤਾਨ ਤੋਂ ਇਕ ਕਾਲ ਇੰਟਰਸਪੇਟ ਕੀਤੀ ਹੈ। ਕਾਲ ਕਰਨ ਵਾਲਾ ਅਣਪਛਾਤਾ ਵਿਅਕਤੀ ਬਿੱਟੂ ਨੂੰ ਜਾਨ ਨਾਲ ਮਾਰਨਾ ਚਾਹੁੰਦਾ ਹੈ। ਰਵਨੀਤ ਸਿੰਘ ਬਿੱਟੂ ਨੇ ਦੱਸਿਆ ਕਿ ਪੰਜਾਬ ਦੇ ਖੁਫ਼ੀਆ ਵਿਭਾਗ ਦੇ ਇਕ ਅਧਿਕਾਰੀ ਨੇ ਵੀ ਉਨ੍ਹਾਂ ਨੂੰ ਇਸ ਗੱਲ ਦੀ ਜਾਣਕਾਰੀ ਦਿੱਤੀ ਹੈ। ਕਾਲ ਕਰਨ ਵਾਲੇ ਨੇ ਕਿਹਾ ਕਿ ਉਹ ਬਿੱਟੂ ਨੂੰ ਰੋਪੜ ਅਤੇ ਆਨੰਦਪੁਰ ਸਾਹਿਬ ਵਿਚ ਆਯੋਜਿਤ ਰੈਲੀਆਂ ਦੇ ਦੌਰਾਨ ਉਹ ਉਨ੍ਹਾਂ ਦੇ ਨੇੜੇ ਤੇੜੇ ਹੀ ਰਿਹਾ। ਇਕ ਵਾਰ ਤਾਂ ਉਹ ਬਿੱਟੂ ਦੇ ਇੰਨੇ ਨਜ਼ਦੀਕ ਆ ਗਿਆ ਕਿ ਉਹ ਆਸਾਨੀ ਨਾਲ ਉਸ ਨੂੰ ਖ਼ਤਮ ਕਰ ਸਕਦਾ ਸੀ ਲੇਕਿਨ ਉਸ ਨੇ ਅਜਿਹਾ ਨਹੀਂ ਕੀਤਾ। ਪਾਕਿਸਤਾਨ ਤੋਂ ਕਾਲ ਕਰਨ ਵਾਲਾ ਵਿਅਕਤੀ ਕੌਣ ਹੈ ਇਸ ਦਾ ਅਜੇ ਪਤਾ ਨਹੀਂ ਚੱਲ ਸਕਿਆ ਹੈ। ਰਵਨੀਤ ਬਿੱਟੂ ਦੇ ਭਰਾ ਗੁਰਕੀਰਤ ਨੇ ਕਿਹਾ ਕਿ ਬਿੱਟੂ ਨੂੰ ਜਾਨ ਦਾ ਖਤਰਾ ਹੈ ਇਸ ਲਈ ਉਨ੍ਹਾਂ ਦੀ ਸੁਰੱਖਿਆ ਵਧਾਉਣ ਦੀ ਗੁਹਾਰ ਲਗਾਈ ਸੀ ਜਿਸ ਦੇ ਬਾਅਦ ਸੁਰੱਖਿਆ ਵਧਾ ਦਿੱਤੀ ਗਈ ਹੈ। ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਜਾਨ ਤੋਂ ਮਾਰਨ ਦੀਆਂ ਧਮਕੀਆਂ ਮਿਲ ਰਹੀਆਂ ਹਨ।

ਰਾਜੀਵ ਗਾਂਧੀ ਕਤਲ ਕਾਂਡ ਦੀ ਦੋਸ਼ੀ ਨਲਿਨੀ ਹੋ ਸਕਦੀ ਹੈ ਸਮੇਂ ਤੋਂ ਪਹਿਲਾਂ ਰਿਹਾਅ

ਵੈਲੂਰ, 21 ਜਨਵਰੀ - ਰਾਜੀਵ ਗਾਂਧੀ ਕਤਲ ਕਾਂਡ ਵਿਚ ਉਮਰ ਕੈਦ ਦੀ ਸਜ਼ਾ ਕੱਟ ਰਹੀ ਨਲਿਨੀ ਨੂੰ ਸਮੇਂ ਤੋਂ ਪਹਿਲਾਂ ਰਿਹਾਅ ਕੀਤਾ ਜਾ ਸਕਦਾ ਹੈ । ਉਸਦੀ ਰਿਹਾਈ ਦੀ ਅਪੀਲ 'ਤੇ ਵਿਚਾਰ ਕਰਨ ਲਈ ਗਠਿਤ ਸਲਾਹਕਾਰ ਬੋਰਡ ਕੁੱਝ ਹੀ ਦਿਨਾਂ ਵਿਚ ਰਿਪੋਰਟ ਸੌਂਪੇਗਾ। ਸਰਕਾਰ ਵਲੋਂ ਜ਼ਿਲ੍ਹਾ ਕੁਲੈਕਟਰ ਸੀ. ਰਾਜੇਂਦਰਨ ਦੀ ਪ੍ਰਧਾਨਗੀ ਵਿਚ ਗਠਿਤ ਬੋਰਡ ਨੇ ਬੁੱਧਵਾਰ ਨੂੰ ਤਿੰਨ ਘੰਟੇ ਤੋਂ ਵੱਧ ਸਮੇਂ ਤੰਕ ਮੀਟਿੰਗ ਕੀਤੀ ਅਤੇ ਵੈਲੂਰ ਮਹਿਲਾ ਜੇਲ੍ਹ ਵਿਚ ਨਲਿਨੀ ਦੀ ਗੱਲ ਸੁਣੀ। ਬੈਠਕ ਦੇਰ ਰਾਤ ਤੱਕ ਚਲਦੀ ਰਹੀ। ਰਾਜੇਂਦਰਨ ਨੇ ਅੱਜ ਸਵੇਰੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਬੋਰਡ ਨੇ ਅਜੇ ਬੈਠਕ ਕਰਨੀ ਹੈ ਅਤੇ ਰਿਪੋਰਟ ਤਿਆਰ ਕਰਨੀ ਹੈ। ਹਾਲਾਂਕਿ ਸ਼ਿਫ਼ਾਰਸ਼ਾਂ 'ਤੇ ਫ਼ੈਸਲਾ ਕਰਨਾ ਸਰਕਾਰ ਦਾ ਕੰਮ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਕੁੱਝ ਦਿਨਾਂ ਵਿਚ ਆਪਣੀ ਰਿਪੋਰਟ ਸਰਕਾਰ ਨੂੰ ਭੇਜ ਦਿਆਂਗੇ। ਜੇਲ੍ਹ ਨਿਯਮਾਂ ਅਨੁਸਾਰ ਕੈਦੀਆਂ ਦੀ ਸਮੇਂ ਤੋਂ ਪਹਿਲਾਂ ਰਿਹਾਈ ਲਈ ਕੁੱਝ ਮਾਪਦੰਡ ਹਨ। ਉਸੇ ਅਨੁਸਾਰ ਅਸੀਂ ਚਰਚਾ ਕੀਤੀ ਹੈ। ਬੋਰਡ ਨੇ ਮਾਮਲੇ ਵਿਚ ਪੁਰਖ ਜੇਲ੍ਹ ਵਿਚ ਦੋ ਹੋਰ ਦੋਸ਼ੀਆਂ ਜੈ ਕੁਮਾਰ ਅਤੇ ਰਾਬਰਟ ਪਾਇਸ ਦੀ ਅਪੀਲ 'ਤੇ ਵੀ ਸੁਣਵਾਈ ਕੀਤੀ ਜਿਨ੍ਹਾਂ ਨੇ ਸਮੇਂ ਤੋਂ ਪਹਿਲਾਂ ਰਿਹਾਈ ਲਈ ਅਪੀਲ ਕੀਤੀ ਹੈ।

‘ਯੂਨਾਈਟਿਡ ਸਿੱਖਜ਼’ ਵਲੋਂ ਹੇਤੀ ਦੇ ਭੂਚਾਲ ਪੀੜਤਾਂ ਲਈ ਰਾਹਤ ਕਾਰਜ ਆਰੰਭ ਸਿੱਖ ਸੰਗਤਾਂ ਨੂੰ ਮੱਦਦ ਲਈ ਕੀਤੀ ਅਪੀਲ

ਪੋਰਟ-ਓ-ਪ੍ਰਿੰਸ - ਹੇਤੀ ਦੀ ਰਾਜਧਾਨੀ ਪੋਰਟ-ਓ-ਪ੍ਰਿੰਸ ਤੋਂ ਜਾਰੀ ਕੀਤੀ ਇੱਕ ਪ੍ਰੈਸ ਰਿਲੀਜ਼ ਵਿੱਚ, ਯੂਨਾਈਟਿਡ ਨੇਸ਼ਨਜ਼ ਦੀ ਮਾਨਤਾ ਪ੍ਰਾਪਤ ਸਿੱਖ ਸੰਸਥਾ ‘ਯੂਨਾਈਟਿਡ ਸਿੱਖਜ਼’ ਦੇ ਰਾਹਤ-ਕਾਰਜ ਇੰਚਾਰਜ ਲੈਫਟੀਨੈਂਟ ਕਰਨਲ ਗੁਰਬਚਨ ਸਿੰਘ ਨੇ ਸਿੱਖ ਸੰਗਤਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਸਿੱਖੀ ਦੇ ਸਰਬੱਤ ਦੇ ਭਲੇ ਦੇ ਆਸ਼ੇ ਅਨੁਸਾਰ, ਭੂਚਾਲ ਪੀੜਤਾਂ ਲਈ ਵੱਧ ਤੋਂ ਵੱਧ ਆਰਥਿਕ ਸਹਾਇਤਾ ਦੇਣ। ਸ. ਗੁਰਬਚਨ ਸਿੰਘ ਹੇਤੀ ਵਿੱਚ ਆਏ ਭੂਚਾਲ ਤੋਂ ਇਕਦਮ ਬਾਅਦ ਹੋਰ ਵ¦ਟੀਅਰਾਂ ਸਹਿਤ ਹੇਤੀ ਲਈ ਰਵਾਨਾ ਹੋ ਗਏ ਸਨ। ‘ਯੂਨਾਈਟਿਡ ਸਿੱਖਜ਼’ ਦੀ ਇਸ ਟੀਮ ਨੇ, ਖਤਰਿਆਂ ਦੀ ਪ੍ਰਵਾਹ ਨਾ ਕਰਦੇ ਹੋਏ, ਗਵਾਂਢੀ ਰਾਜ ਡੋਮੀਨੀਕਨ ਰੀਪਬਲਿਕ ਤੋਂ ਕਾਰ ਰਾਹੀਂ ਹੇਤੀ ਵਿੱਚ ਪ੍ਰਵੇਸ਼ ਕਰਕੇ ਆਪਣਾ ਬੇਸ ਕੈਂਪ ਸਥਾਪਤ ਕੀਤਾ ਅਤੇ ਰਾਹਤ ਕਾਰਜ ਅਰੰਭਿਆ। ਹੇਤੀ ਵਿੱਚ ਆਏ ਭੂਚਾਲ ਨਾਲ ਹੋਈ ਤਬਾਹੀ ਦੀਆਂ ਖਬਰਾਂ ਮੀਡੀਏ ਵਿੱਚ ਕਾਫੀ ਵਿਸਥਾਰ ਨਾਲ ਆ ਰਹੀਆਂ ਹਨ ਪਰ ‘ਯੂਨਾਈਟਿਡ ਸਿੱਖਜ਼’ ਦੀ ਰਾਹਤ ਟੀਮ ਅਨੁਸਾਰ ਮੌਕੇ ਤੇ ਹਾਲਾਤ ਹੋਰ ਵੀ ਬੱਦਤਰ ਹਨ। ਬਹੁਤ ਜ਼ਿਆਦਾ ਹੋ ਰਹੀਆਂ ਲੁੱਟਮਾਰ ਦੀਆਂ ਘਟਨਾਵਾਂ ਰਾਹਤ ਕਾਰਜਾਂ ਨੂੰ ਹੋਰ ਵੀ ਮੁਸ਼ਕਲ ਬਣਾ ਰਹੀਆਂ ਹਨ। ਜਿਨ੍ਹਾਂ ਵਸਤੂਆਂ ਦੀ ਸਭ ਤੋਂ ਜ਼ਿਆਦਾ ਲੋੜ ਹੈ, ਉਨ੍ਹਾਂ ਵਿੱਚ ਗਰਮ ਖਾਣਾ, ਪੀਣ ਲਈ ਸਾਫ ਪਾਣੀ, ਬੇਬੀ ਫੂਡ, ਟੈਂਟ, ਡਾਕਟਰੀ ਸਹੂਲਤਾਂ ਤੇ ਦਵਾਈਆਂ ਅਤੇ ਹੋਰ ਨਿੱਕੀਆਂ-ਮੋਟੀਆਂ ਰੋਜ਼ਾਨਾਂ ਵਰਤੋਂ ਵਿੱਚ ਆਉਣ ਵਾਲੀਆਂ ਵਸਤੂਆਂ ਸ਼ਾਮਲ ਹਨ।
‘ਯੂਨਾਈਟਿਡ ਸਿੱਖਜ਼’ ਦੇ ਕੌਮੀ ਡਾਇਰੈਕਟਰ ਸ. ਕੁਲਦੀਪ ਸਿੰਘ ਨੇ ਸਿੱਖ ਕੌਮ ਦੇ ਨਾਂ ਜਾਰੀ ਅਪੀਲ ਵਿੱਚ ਕਿਹਾ ਹੈ, ‘‘ਯੂਨਾਈਟਿਡ ਸਿੱਖਜ਼ ਸੰਸਥਾ, ਭਾਈ ਘਨੱਈਆ ਜੀ ਦੇ ਮਿਸ਼ਨ ਨੂੰ ਅੱਗੇ ਤੋਰਦਿਆਂ ਕੁੱਲ ਮਨੁੱਖਤਾ ਦੀ ਸੇਵਾ ਲਈ ਹਮੇਸ਼ਾ ਤੱਤਪਰ ਰਹਿੰਦੀ ਹੈ। ਜਿਵੇਂ ਸਿੱਖ ਸੰਗਤਾਂ ਨੇ ਕੁਦਰਤੀ ਬਿਪਤਾਵਾਂ ਸੁਨਾਮੀ, ਹਰੀਕੇਨ ਆਦਿ ਦੇ ਮੌਕੇ ਦਿਲ ਖੋਲ੍ਹ ਕੇ ਸਹਾਇਤਾ ਕੀਤੀ ਸੀ, ਅਸੀਂ ਉਸ ਤਰ੍ਹਾਂ ਹੀ ਹੇਤੀ ਰਾਹਤ ਕਾਰਜਾਂ ਲਈ ਵੀ ਸਿੱਖ ਸੰਗਤਾਂ ਦੇ ਸਹਿਯੋਗ ਦੀ ਆਸ ਰੱਖਦੇ ਹਾਂ। ਆਰਥਿਕ ਸਹਾਇਤਾ ਦੇ ਨਾਲ ਨਾਲ ਡਾਕਟਰ, ਨਰਸਾਂ ਅਤੇ ਵ¦ਟੀਅਰਾਂ ਦੀ ਮਦਦ ਵੀ ਰਾਹਤ ਕਾਰਜਾਂ ਲਈ ਕਾਫੀ ਸਹਾਈ ਹੋਵੇਗੀ।’’
ਬੀਤੇ ਕੁਝ ਦਿਨਾਂ ਵਿੱਚ ਸਿੱਖ ਸੰਗਤਾਂ ਨੇ ਗੁਰਦੁਆਰਾ ਸਾਹਿਬਾਨ, ਰੇਡੀਓ-ਟੀ. ਵੀ. ਟਾਕਸ਼ੋਆਂ ਅਤੇ ਹੋਰ ਅੱਡ-ਅੱਡ ਤਰੀਕਿਆਂ ਨਾਲ ਹੇਤੀ ਰਾਹਤ ਕਾਰਜਾਂ ਲਈ ਮਾਇਆ ਅਤੇ ਹੋਰ ਵਸਤੂਆਂ ਪ੍ਰਦਾਨ ਕੀਤੀਆਂ ਹਨ। ਚੰਗਾ ਹੋਵੇਗਾ ਕਿ ਇਹ ਮੱਦਦ ਸਿੱਖ ਸੰਸਥਾ ਰਾਹੀਂ ਪੀੜਤਾਂ ਤੱਕ ਪਹੁੰਚਾਈ ਜਾਵੇ ਕਿਉਂਕਿ ਇਸ ਨਾਲ ਸਿੱਖ ਪਛਾਣ ਤੇ ਸਿੱਖ ਪਰਉਪਕਾਰੀ ਸੁਭਾਅ ਦੇ ਗੁਣ ਸੁ

ਪ੍ਰੋ. ਦਰਸ਼ਨ ਸਿੰਘ ਨੂੰ ਸਪਸ਼ਟੀਕਰਣ ਦੇਣ ਲਈ ਸ਼੍ਰੀ ਅਕਾਲ ਤੱਖਤ ਸਾਹਿਬ 'ਤੇ ਪੇਸ਼ ਹੋਣਾ ਹੀ ਪਵੇਗਾ: ਮੱਕੜ

. ਫਗਵਾੜਾ, 20 ਜਨਵਰੀ - ਅਕਾਲ ਤਖਤ ਸਾਹਿਬ ਦੇ ਸਾਬਕਾ ਜਥੇਦਾਰ ਪ੍ਰੋ.ਦਰਸ਼ਨ ਸਿੰਘ ਖਾਲਸਾ ਪੂਰੀ ਸਿੱਖ ਕੌਮ ਨੂੰ ਗੁੰਮਰਾਹ ਕਰ ਰਿਹਾ ਹੈ । ਪ੍ਰੋ.ਖਾਲਸਾ ਨੇ ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਸਾਹਿਬ ਜੀ ਦੀ ਜੀਵਨੀ ਬਾਰੇ ਇਤਰਾਜ਼ਯੋਗ ਟਿੱਪਣੀਆਂ ਕੀਤੀਆਂ ਹਨ ਇਸ ਲਈ ਉਨ੍ਹਾਂ ਨੂੰ ਸਪਸ਼ਟੀਕਰਣ ਦੇਣ ਲਈ ਸ਼੍ਰੀ ਅਕਾਲ ਤੱਖਤ ਸਾਹਿਬ 'ਤੇ ਪੇਸ਼ ਹੋਣਾ ਹੀ ਪਵੇਗਾ। ਅੱਜ ਫਗਵਾੜਾ ਦੇ ਇਤਿਕਹਾਸਕ ਗੁਰਦੁਆਰਾ ਛੇਵੀਂ ਪਾਤਸ਼ਾਹੀ ਚੌੜਾ ਖੂਹ ਵਿਖੇ ਨਾਲ ਲਗਦੀ ਨਵੀਂ ਲਈ 14 ਮਰਲੇ ਥਾਂ ਦੇ ਨੀਂਹ ਪੱਥਰ ਦਾ ਉਦਘਾਟਨ ਕਰਨ ਪਹੁੰਚੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਅਵਤਾਰ ਸਿੰਘ ਮੱਕੜ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਉਕਤ ਵਿਚਾਰਾਂ ਦਾ ਪ੍ਰਗਟਾਵਾ ਕੀਤਾ। ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਅਵਤਾਰ ਸਿੰਘ ਮੱਕੜ ਨੇ ਪ੍ਰੋ.ਦਰਸ਼ਨ ਸਿੰਘ ਖਾਲਸਾ ਨੂੰ ਤਾੜਨਾ ਕਰਦੇ ਹੋਏ ਕਿਹਾ ਕਿ ਉਹ ਆਪਣੀ ਜ਼ੁਬਾਨ ਤੇ ਕਾਬੂ ਰੱਖੇ। ਉਨ੍ਹਾਂ ਕਿਹਾ ਕਿ ਜਿਸ ਤੱਖਤ ਤੋਂ ਪ੍ਰੋ. ਦਰਸ਼ਨ ਸਿੰਘ ਬਰਨਾਲਾ ਅਤੇ ਹੋਰ ਆਗੂਆਂ ਨੂੰ ਸਖਤ ਸਜ਼ਾਵਾਂ ਦੇ ਹੁਕਮ ਦਿੰਦੇ ਰਹੇ ਹਨ ਪਰ ਅੱਜ ਉਸੇ ਤਖਤ ਤੋਂ ਮਿਲੇ ਹੁਕਮ ਨਾਮੇ ਦੀ ਉਲੰਘਣਾਂ ਕਰ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਸ਼੍ਰੀ ਅਕਾਲ ਤਖਤ ਸਾਹਿਬ ਦੇ ਨਾਲ ਸਿਖਾਂ ਦੀ ਆਸਥਾ ਜੁੜੀ ਹੈ ਅਤੇ ਉਥੋਂ ਜਾਰੀ ਕੀਤੇ ਹੁਕਮਨਾਮੇ ਦੀ ਪਾਲਨਾ ਨਾ ਕਰਨ ਕਰਕੇ ਸੰਗਤ ਉਸਦਾ ਵਿਰੋਧ ਕਰ ਰਹੀ ਹੈ। ਪ੍ਰੋ.ਦਰਸ਼ਨ ਸਿੰਘ ਦੇ ਹੋ ਰਹੇ ਵਿਰੋਧ ਬਾਰੇ ਉਨ੍ਹਾਂ ਕੋਈ ਵੀ ਟਿੱਪਣੀ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਸਿੱਖ ਪੰਥ ਵਿਚ ਦਸਮ ਗ੍ਰੰਥ ਬਾਰੇ ਵਾਦ-ਵਿਵਾਦ ਦੇ ਮਾਮਲੇ ਨੂੰ ਸੁਲਝਾਉਣ ਲਈ ਸ਼੍ਰੀ ਅਕਾਲ ਤਖ਼ਤ ਵਲੋਂ ਐਸ.ਜੀ.ਪੀ.ਸੀ ਨੂੰ ਪਿਛਲੇ ਸਾਲਾਂ ਦੌਰਾਨ ਕਮੇਟੀ ਬਨਾਉਣ ਦੇ ਦਿੱਤੇ ਆਦੇਸ਼ਾਂ ਬਾਰੇ ਜਦੋਂ ਸ੍ਰ.ਅਵਤਾਰ ਸਿੰਘ ਮੱਕੜ ਨੂੰ ਪੱਤਰਕਾਰਾਂ ਨੇ ਚੇਤੇ ਕਰਵਾਇਆ ਤਾਂ ਉਨ੍ਹਾਂ ਕਿਹਾ ਕਿ ਮੈਨੂੰ ਇਸ ਬਾਰੇ ਜਾਣਕਾਰੀ ਨਹੀ ਹੈ। ਉਨ੍ਹਾਂ ਕਿਹਾ ਕਿ ਉਹ ਇਸ ਮਾਮਲੇ ਨੂੰ ਸੁਲਝਾਉਣ ਲਈ ਕਮੇਟੀ ਜਲਦ ਬਣਾ ਦੇਣਗੇਂ। ਜਥੇਦਾਰ ਮੱਕੜ ਨੇ ਪੱਤਰਕਾਰਾਂ ਦੇ ਸਵਾਲਾਂ ਦੇ ਜਵਾਬ ਵਿਚ ਦੱਸਿਆ ਕਿ ਐਸ.ਜੀ.ਪੀ.ਸੀ ਵਿਚ ਵਿਦੇਸ਼ਾਂ ਵਿਚ ਬੈਠੇ ਸਿੱਖਾਂ ਵਿਚੋਂ 10 ਮੈਂਬਰ ਕੌਆਪਟ ਕਰਨ ਸਬੰਧੀ ਐਸ.ਜੀ.ਪੀ.ਸੀ ਵਲੋਂ ਪ੍ਰਧਾਨਮੰਤਰੀ ਮਨਮੋਹਨ ਸਿੰਘ ਨੂੰ ਲਿਖ ਚੁੱਕੇ ਹਨ ਅਤੇ ਜਾਤੀ ਤੌਰ ਤੇ ਵੀ ਮਿਲ ਚੁੱਕੇ ਹਨ ਪਰ ਉਸ ਸਬੰਧੀ ਅਜੇ ਤੱਕ ਕੋਈ ਅਮਲ ਨਹੀ ਹੋਇਆ। ਉਨ੍ਹਾਂ ਦੱਸਿਆ ਕਿ 120 ਹਲਕਿਆਂ ਵਿਚੋਂ 170 ਮੈਂਬਰਾਂ ਦੀ ਚੋਣ ਕੀਤੀ ਜਾਂਦੀ ਹੈ ਜਦਕਿ 15 ਮੈਂਬਰ ਬਾਹਰਲੇ ਸੂਬਿਆਂ ਚੋਂ ਕੌਆਪਟ ਕੀਤੇ ਜਾਂਦੇ ਹਨ। ਇਸ ਮੋਕੇ ਉਨ੍ਹਾਂ ਨੇ 14 ਮਰਲੇ ਥਾਂ ਲਈ ਇਮਾਰਤ ਉਸਾਰਨ ਨੀਂਹ ਪੱਥਰ ਦਾ ਉਦਘਾਟਨ ਕੀਤਾ ਅਤੇ ਇਮਾਰਤ ਲਈ 5 ਲੱਖ ਰੁਪਏ ਕਮੇਟੀ ਵਲੋਂ ਦੇਣ ਦਾ ਐਲਾਨ ਕੀਤਾ। ਇਸ ਮੋਕੇ ਉਨ੍ਹਾਂ ਦੇ ਨਾਲ ਮਾਰਕਫੈਡ ਮੰਜਾਬ ਦੇ ਪ੍ਰਧਾਨ ਜਰਨੈਲ ਸਿੰਘ ਵਾਹਦ,ਅਕਾਲੀ ਆਗੂ ਸਰਵਨ ਸਿੰਘ ਕੁਲਾਰ,ਮਨਜੀਤ ਸਿੰਘ ਖਾਲਸਾ,ਏਕਮ ਸਿੰਘ,ਗੁਰਮੀਤ ਸਿੰਘ ਰਾਵਲਪਿੰਡੀ,ਪੀ.ਏ.ਪਰਮਜੀਤ ਸਿੰਘ,ਮੈਨੇਜਰ ਰੇਸ਼ਮ ਸਿੰਘ ਹੋਰ ਆਗੂ ਅਤੇ ਸੰਗਤ ਮੌਜ਼ੂਦ ਸੀ।

ਭਰਤਇੰਦਰ ਚਾਹਲ ਨੂੰ ਹਫ਼ਤੇ ਦੀ ਜੇਲ੍ਹ ਤੇ ਜੁਰਮਾਨਾ

ਚੰਡੀਗੜ੍ਹ : 20 ਜਨਵਰੀ/ ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਨੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੇ ਮੀਡੀਆ ਸਲਾਹਕਾਰ ਭਰਤਇੰਦਰ ਚਾਹਲ ਨੂੰ ਅਦਾਲਤ ਦੀ ਮਾਨਹਾਨੀ ਦੇ ਮਾਮਲੇ ‘ਚ ਦੋਸ਼ੀ ਠਹਿਰਾਉਦੇ ੋਏ ਇਕ ਹਫ਼ਤੇ ਲਈ ਜੇਲ੍ਹ ਜਾਣ ਤੇ ਇਕ ਲੱਖ ਰੁਪਏ ਜੁਰਮਾਨੇ ਦੀ ਸਜ਼ਾ ਸੁਣਾਈ ਹੈ। ਜ਼ਿਕਰਯੋਗ ਹੈ ਕਿ ਚਾਹਲ ਨੇ ਸਾਲ 2005 ‘ਚ ਅਦਾਲਤ ਦੇ ਕੰਮਕਾਜ ‘ਚ ਦਖ਼ਲ ਦੇ ਕੇ ਅਦਾਲਤ ਦੀ ਮਾਨਹਾਨੀ ਕੀਤੀ ਸੀ। ਦੱਸਣਯੋਗ ਹੈ ਕਿ ਖੇਡ ਕੋਟੇ ‘ਚ ਪੰਜਾਬ ਪੁਲਿਸ ‘ਚ ਡੀਐਸਪੀ ਦੀ ਭਰਤੀ ਸਬੰਧੀ ਫ਼ਾਈਲ ਨੂੰ ਚਾਹਲ ਨੇ ਜਾਣਬੁੱਝ ਕੇ ਦਬਾਅ ਕੇ ਰੱਖਣ ਦੀ ਕੋਸ਼ਿਸ਼ ਕੀਤੀ ਸੀ। ਇਸ ਭਰਤੀ ਵਿਚ ਚਾਹਲ ਦੇ ਪੁੱਤਰ ਨੂੰ ਬਤੌਰ ਡੀਐਸਪੀ ਖੇਡ ਕੋਟੇ ‘ਚ ਭਰਤੀ ਕੀਤਾ ਗਿਆ ਸੀ। ਇਸ ਤੋਂ ਬਾਅਦ ਇਹ ਮਾਮਲਾ ਹਾਈ ਕੋਰਟ ‘ਚ ਆਇਆ ਸੀ। ਹਾਈ ਕੋਰਟ ਨੇ ਚਾਹਲ ਨੂੰ ਉਕਤ ਸਜ਼ਾ ਸੁਣਾਉਾਂਦਿਆਂ ਪੀਲ ਕਰਨ ਲਈ 90 ਦਿਨਾਂ ਦਾ ਸਮਾਂ ਦਿੱਤਾ ਹੈ। ਜ਼ਿਕਰਯੋਗ ਹੈ ਕਿ ਹਾਈ ਕੋਰਟ ਨੇ ਡੀਐਸਪੀ ਦੀ ਭਰਤੀ ‘ਚ ਬੇਨਿਯਮੀਆਂ ਅਤੇ ਅਦਾਲਤ ਦੀ ਕਾਰਵਾਈ ‘ਚ ਵਿਘਨ ਪਾਉਣ ਦਾ ਸਖ਼ਤ ਨੋਟਿਸ ਲਿਆ ਸੀ।

ਜਗਰਾਉਂ ਕਚਹਿਰੀਆਂ ‘ਚ ਅੰਨ੍ਹੇਵਾਹ ਫਾਇਰਿੰਗ

ਜਗਰਾਉਂ ਜੀ.ਟੀ. ਰੋਡ ‘ਤੇ ਸਥਿਤ ਕਚਹਿਰੀਆਂ ‘ਚ ਪੁਲੀਸ ਲਾਈਨ ਅਤੇ ਡੀ ਐਸ ਪੀ ਦਫ਼ਤਰ ਦੇ ਨਜ਼ਦੀਕ ਅੱਜ ਸਵੇਰੇ ਕੁਝ ਨੌਜਵਾਨਾਂ ਵੱਲੋਂ ਸ਼ਰ੍ਹੇਆਮ ਅੰਨ੍ਹੇਵਾਹ ਚਲਾਈਆਂ ਗੋਲੀਆਂ ਨਾਲ ਅਦਾਲਤ ‘ਚ ਤਰੀਕ ਭੁਗਤ ਕੇ ਆ ਰਹੇ ਇਕ ਨੌਜਵਾਨ ਦੀ ਮੌਤ ਹੋ ਗਈ, ਜਦਕਿ ਦੂਸਰਾ ਗੰਭੀਰ ਰੂਪ ‘ਚ ਫੱਟੜ ਹੋ ਗਿਆ। ਲੜਾਈ ਨੌਜਵਾਨਾਂ ਦੀ ਆਪਸੀ ਧੜੇਬੰਦੀ ਦਾ ਸਿੱਟਾ ਸੀ ਅਤੇ ਕਾਫੀ ਸਮੇਂ ਤੋਂ ਦੋਵੇਂ ਧੜੇ ਇਕ ਦੂਸਰੇ ਨਾਲ ਖਹਿਬੜਦੇ ਆ ਰਹੇ ਸਨ। ਮਰਨ ਵਾਲੇ ਦੀ ਪਛਾਣ ਹਰਗੁਣਜੀਤ ਸਿੰਘ ਪੁੱਤਰ ਗੁਰਦੀਪ ਸਿੰਘ ਪਿੰਡ ਬੁਜਰਗ ਵਜੋਂ ਹੋਈ, ਜਦਕਿ ਫੱਟੜ ਦੀ ਪਛਾਣ ਇੰਦਰਜੀਤ ਸਿੰਘ ਪੁੱਤਰ ਕਰਨੈਲ ਸਿੰਘ ਪਿੰਡ ਕੋਠੇ ਖੰਜੂਰਾਂ ਵਜੋਂ ਹੋਈ।
ਮਿਲੀ ਜਾਣਕਾਰੀ ਅਨੁਸਾਰ ਅੱਜ ਸਵੇਰੇ ਕਰੀਬ ਸਾਢੇ ਦਸ ਵਜੇ ਡੀ ਐਸ ਪੀ ਦਫ਼ਤਰ ਤੋਂ ਕਰੀਬ ਪੰਜਾਹ ਗਜ਼ ਦੀ ਦੂਰੀ ‘ਤੇ ਕਚਹਿਰੀਆਂ ਦੇ ਗੇਟ ‘ਚੋਂ ਨਿਕਲਦੇ ਸਮੇਂ ਇਹ ਗੋਲੀਬਾਰੀ ਸ਼ੁਰੂ ਹੋਈ, ਜਿਸ ਕਰਕੇ ਕਚਹਿਰੀਆਂ ਤੇ ਤਹਿਸੀਲ ਰੋਡ ‘ਤੇ ਸੰਨਾਟਾ ਛਾ ਗਿਆ। ਗੋਲੀਆਂ ਚਲਾਉਣ ਵਾਲੇ ਦੇਸੀ ਪਿਸਤੌਲ ਮੌਕੇ ‘ਤੇ ਹੀ ਸੁੱਟ ਕੇ ਭੱਜਣ ‘ਚ ਸਫਲ ਹੋ ਗਏ। ਗੋਲੀ ਚੱਲਣ ਤੋਂ ਬਾਅਦ ਡੀ ਐਸ ਪੀ ਭੁਪਿੰਦਰ ਸਿੰਘ ਤੁਰੰਤ ਪਹੁੰਚ ਗਏ ਅਤੇ ਬਾਅਦ ‘ਚ ਹੋਰ ਪੁਲਿਸ ਅਧਿਕਾਰੀ ਵੀ ਘਟਨਾ ਵਾਲੀ ਥਾਂ ‘ਤੇ ਪਹੁੰਚੇ। ਇੰਦਰਜੀਤ ਦੀ ਪਿੱਠ ‘ਚ ਗੋਲੀਆ ਦੇ ਕਾਫੀ ਸ਼ਰ੍ਹੇ ਲੱਗੇ ਹੋਏ ਸਨ, ਜਿਸ ਨੂੰ ਸਿਵਲ ਹਸਪਤਾਲ ਜਗਰਾਉਂ ‘ਚ ਲਿਜਾਇਆ ਗਿਆ, ਪਰ ਉਸਦੀ ਹਾਲਤ ਗੰਭੀਰ ਹੋਣ ਕਰਕੇ ਡਾਕਟਰਾਂ ਨੇ ਉਸਨੂੰ ਲੁਧਿਆਣੇ ਦੇ ਦਿਆ ਨੰਦ ਮੈਡੀਕਲ ਕਾਲਜ ਤੇ ਹਸਪਤਾਲ ‘ਚ ਰੈਫਰ ਕਰ ਦਿੱਤਾ ਗਿਆ। ਮੌਕੇ ‘ਤੇ ਮੌਜੂਦ ਲੋਕਾਂ ਨੇ ਦੱਸਿਆ ਕਿ ਗੋਲੀਆਂ ਚਲਾਉਣ ਵਾਲੇ ਕਚਹਿਰੀ ਕੰਪਲੈਕਸ ਅੰਦਰ ਹੀ ਲੋਈਆਂ ਲੈ ਕੇ ਅਤੇ ਮੂੰਹ ਢੱਕ ਕੇ ਪੁਹੰਚੇ, ਜਿਨ੍ਹਾਂ ਦੀ ਗਿਣਤੀ ਛੇ ਦੇ ਕਰੀਬ ਸੀ। ਘਟਨਾ ਤੋਂ ਬਾਅਦ ਇਸ ਗੱਲ ਦਾ ਖੁਲਾਸਾ ਹੋਇਆ ਕਿ ਇਨ੍ਹਾਂ ਨੌਜਵਾਨਾਂ ਨੇ ਲੋਈਆਂ ਹੇਠ ਹਥਿਆਰ ਲੁਕਾਏ ਹੋਏ ਸਨ। ਹਰਗੁਣਜੀਤ ਸਿੰਘ ਅਤੇ ਇੰਦਰਜੀਤ ਸਿੰਘ ਅਦਾਲਤ ‘ਚੋਂ ਜਿਵੇਂ ਹੀ ਤਾਰੀਕ ਭੁਗਤ ਕੇ ਬਾਹਰ ਨਿਕਲੇ ਤਾਂ ਤਹਿਸੀਲ ਰੋਡ ਵਾਲੇ ਪਾਸੇ ਖੜ੍ਹੇ ਇਨ੍ਹਾਂ ਨੌਜਵਾਨਾਂ ਨੇ ਆਪਣੇ ਹਥਿਆਰ ਕੱਢ ਲਏ ਅਤੇ ਫਾਇਰਿੰਗ ਸ਼ੁਰੂ ਕਰ ਦਿੱਤੀ। ਗੋਲੀਆਂ ਚਲਾਉਂਦੇ ਹੀ ਉਹ ਬਾਹਰ ਨਿਕਲ ਗਏ ਅਤੇ ਕਾਰ ਵਿਚ ਫਰਾਰ ਹੋ ਗਏ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਐਸਪੀ (ਐਚ) ਗੁਰਪ੍ਰੀਤ ਸਿੰਘ ਤੂਰ ਅਤੇ ਡੀਐਸਪੀ ਭੁਪਿੰਦਰ ਸਿੰਘ ਮੌਕੇ ‘ਤੇ ਪਹੁੰਚ ਗਏ। ਦੇਰ ਸ਼ਾਮ ਪੁਲਿਸ ਵੱਲੋਂ ਜਾਰੀ ਪ੍ਰੈਸ ਨੋਟ ‘ਚ ਦੱਸਿਆ ਗਿਆ ਕਿ ਇਸ ਸਬੰਧ ‘ਚ ਜਸਪਿੰਦਰ ਸਿੰਘ ਮੱਲ੍ਹੀ, ਗੁਰਪ੍ਰੀਤ ਸਿੰਘ ਲਹਿੰਬਰ, ਗੁਰਪ੍ਰੀਤ ਸਿੰਘ ਦੀਪਾ, ਗੁਰਪ੍ਰੀਤ ਸਿੰਘ ਗੋਪੀ, ਸਤਿੰਦਰਪਾਲ ਸਿੰਘ ਅਤੇ ਰਿੰਕੂ ਬੀਹਲਾ ਖਿਲਾਫ ਧਾਰਾ 302, 307, 506, 148, 149 ਅਤੇ ਅਸਲਾ ਐਕਟ ਤਹਿਤ ਕੇਸ ਦਰਜ ਕਰ ਲਿਆ ਗਿਆ ਹੈ ਅਤੇ ਮੁਲਜ਼ਮਾਂ ਦੀ ਭਾਲ ਜਾਰੀ ਹੈ। ਜਾਣਕਾਰੀ ਮੁਤਾਬਕ ਨੌਜਵਾਨਾਂ ਦੇ ਇਨ੍ਹਾਂ ਦੋਹਾਂ ਧੜਿਆਂ ‘ਚ ਪਿਛਲੇ ਦੋ ਤਿੰਨ ਸਾਲਾਂ ਤੋਂ ਖਿੱਚੋਤਾਣ ਚਲਦੀ ਆ ਰਹੀ ਸੀ। ਪਿਛਲੇ ਸਾਲ 31 ਜੁਲਾਈ ਨੂੰ ਸਥਾਨਕ ਡੀਏਵੀ ਕਾਲਜ ਦੇ ਗੇਟ ‘ਤੇ ਜਸਪਿੰਦਰ ਸਿੰਘ ਮੱਲ੍ਹੀ ਨੂੰ ਪ੍ਰਧਾਨ ਬਣਾਏ ਜਾਣ ਦੇ ਪੋਸਟਰ ਲਾ ਦਿੱਤੇ ਗਏ ਸਨ। ਦੂਸਰੇ ਗਰੁੱਪ ਨੇ 1 ਅਗਸਤ ਨੂੰ ਇਕ ਹੋਰ ਨੌਜਵਾਨ ਗਿੰਦਾ ਨੂੰ ਪ੍ਰਧਾਨ ਬਣਾਉਣ ਦਾ ਪੋਸਟਰ ਲਾ ਦਿੱਤਾ। ਇਸ ਤਰ੍ਹਾਂ ਨੌਜਵਾਨਾਂ ਦੇ ਦੋਹਾਂ ਧੜਿਆਂ ‘ਚ ਤਣਾਅ ਹੋਰ ਵਧ ਗਿਆ। ਬੀਤੀ ਸੱਤ ਸਤੰਬਰ ਨੂੰ ਇਕ ਧੜੇ ਨੇ ਸੋਨੂੰ ਨਾਂ ਦੇ ਨੌਜਵਾਨ ਨੂੰ ਚੁੱਕ ਲਿਆ, ਜਿਸ ਸਬੰਧੀ ਇਨ੍ਹਾਂ ‘ਤੇ ਅਗਵਾ ਦਾ ਪਰਚਾ ਦਰਜ ਹੋਇਆ। ਹੁਕਮਰਾਨ ਧਿਰ ਦੇ ਆਗੂਆਂ ਨੇ ਵਿਚ ਪੈ ਕੇ ਸਮਝੌਤਾ ਤਾਂ ਕਰਵਾ ਦਿੱਤਾ ਪ੍ਰੰਤੂ ਨੌਜਵਾਨਾਂ ਦੇ ਦਿਲਾਂ ‘ਚ ਪੈਦਾ ਹੋਈ ਦੁਸ਼ਮਣੀ ਕਾਇਮ ਰਹੀ। ਅੱਜ ਉਸੇ ਅਗਵਾ ਵਾਲੇ ਮਾਮਲੇ ਦੀ ਤਰੀਕ ਸੀ, ਜਿਸ ਨੂੰ ਭੁਗਤ ਕੇ ਮਕਤੂਲ ਤੇ ਦੂਸਰਾ ਨੌਜਵਾਨ ਅਦਾਲਤ ‘ਚੋਂ ਬਾਹਰ ਆ ਰਹੇ ਸਨ ਜਦੋਂ ਇਹ ਫਾਇਰਿੰਗ ਹੋਈ।

ਮਾਰਕਸਵਾਦੀ ਆਗੂ ਜਯੋਤੀ ਬਾਸੂ ਨੂੰ ਅੰਤਿਮ ਵਿਦਾਇਗੀ

ਕੋਲਕਾਤਾ, 19 ਜਨਵਰੀ -ਮਾਰਕਸਵਾਦੀ ਆਗੂ ਜਯੋਤੀ ਬਾਸੂ ਦੀ ਮ੍ਰਿਤਕ ਦੇਹ ਨੂੰ ਜਿਉਂ ਹੀ ਅੰਤਿਮ ਯਾਤਰਾ ਲਈ ਚਿੱਟੇ ਫੁੱਲਾਂ ਤੇ ਮਾਰਕਸਵਾਦੀ ਕਮਿਊਨਿਸਟ ਪਾਰਟੀ ਦੇ ਲਾਲ ਝੰਡਿਆਂ ਨਾਲ ਸਜੇ ਵਾਹਨ 'ਚ ਰੱਖਿਆ ਗਿਆ ਤਾਂ ਹਜ਼ਾਰਾਂ ਲੋਕ ਆਪਣੇ ਮਹਿਬੂਬ ਆਗੂ ਦੇ ਆਖਰੀ ਦਰਸ਼ਨਾਂ ਲਈ ਸੜਕਾਂ 'ਤੇ ਉਤਰ ਆਏ। ਕੋਲਕਾਤਾ ਪੁਲਿਸ ਦੀ ਇਕ ਪਾਇਲਟ ਕਾਰ ਦੀ ਅਗਵਾਈ ਵਿਚ ਉਨ੍ਹਾਂ ਦੀ ਮ੍ਰਿਤਕ ਦੇਹ ਨੂੰ ਲਿਜਾ ਰਹੀ ਗੱਡੀ ਸਵੇਰੇ 8 ਵਜੇ ਅਲੀਮੂਦੀਨ ਮਾਰਗ ਸਥਿਤ ਮਾਕਪਾ ਦੇ ਹੈਂਡ ਕੁਆਰਟਰ ਵੱਲ ਵਧੀ, ਜਿਥੇ ਏਜੰਸੀ ਬੋਸ ਰੋਡ 'ਤੇ ਵੱਡੀ ਗਿਣਤੀ ਵਿਚ ਲੋਕ ਜਮ੍ਹਾਂ ਸਨ। ਨਮੂਨੀਆ ਦੇ ਵਾਇਰਸ ਕਾਰਨ 96 ਸਾਲਾ ਬਾਸੂ ਨੂੰ 1 ਜਨਵਰੀ ਨੂੰ ਕੋਲਕਾਤਾ ਦੇ ਏ.ਐਮ.ਆਰ.ਆਈ. ਹਸਪਤਾਲ ਵਿਚ ਦਾਫ਼ਲ ਕਰਵਾਇਆ ਗਿਆ ਸੀ ਜਿਥੇ 17 ਜਨਵਰੀ ਨੂੰ ਉਨ੍ਹਾਂ ਦਾ ਦੇਹਾਂਤ ਹੋ ਗਿਆ।
ਚਿੱਟੇ ਕੱਪੜੇ ਪਹਿਨੇ ਮਾਕਪਾ ਦੇ ਸਵੈ ਸੇਵੀ ਹੱਥਾਂ ਵਿਚ ਚੁੱਕੀ ਪਾਰਟੀ ਦੇ ਝੰਡੀਆਂ ਨੂੰ ਝੁਕਾ ਕੇ ਸਾਵਧਾਨ ਦੀ ਸਥਿਤੀ ਵਿਚ ਖੜ੍ਹੇ ਸਨ। ਠੰਢ ਦੀ ਪ੍ਰਵਾਹ ਕੀਤੇ ਬਿਨਾਂ ਸੜਕਾਂ 'ਤੇ ਇਕੱਠੀ ਹੋਈ ਭੀੜ ਦੇ ਚਲਦਿਆਂ ਬਾਸੂ ਦੀ ਮ੍ਰਿਤਕ ਦੇਹ ਨੂੰ ਪਾਰਟੀ ਦ/ਤਰ ਪਹੁੰਚਣ ਵਿਚ ਤਕਰੀਬਨ ਅੱਧਾ ਘੰਟਾ ਲੱਗਿਆ। ਬਸੂ ਦੀ ਮ੍ਰਿਤਕ ਦੇਹ ਨੂੰ ਗੱਡੀ ਵਿਚੋਂ ਮਾਕਪਾ ਜਨਰਲ ਸਕੱਤਰ ਪ੍ਰਕਾਸ਼ ਕਰਾਤ, ਮਾਕਪਾ ਪੋਲਟ ਬਿਊਰੋ ਦੇ ਮੈਂਬਰ ਸੀਤਾ ਰਾਮ ਯੇਚੁਰੀ, ਪੱਛਮੀ ਬੰਗਾਲ ਦੇ ਮੁੱਖ ਮੰਤਰੀ ਬੁਧ ਦੇਵ ਭੱਟਾਚਾਰੀਆ, ਖੱਬੇ ਮੋਰਚੇ ਦੇ ਪ੍ਰਧਾਨ ਬਿਮਨ ਬੋਸ, ਉਦਯੋਗ ਮੰਤਰੀ ਨਿਰੁਪਮ ਸੇਨ ਅਤੇ ਹੋਰ ਸੀਨੀਅਰ ਆਗੂਆਂ ਨੇ ਬਾਹਰ ਕੱਢਿਆ ਅਤੇ ਉਨ੍ਹਾਂ ਨੂੰ ਇਕ ਮੰਚ 'ਤੇ ਰਖਿਆ ਗਿਆ। ਮਾਕਪਾ ਦੇ ਸਾਰੇ ਸੀਨੀਅਰ ਆਗੂਆਂ ਨੇ ਆਪਣੀ ਛਾਤੀ 'ਤੇ 'ਕਾਮਰੇਡ ਜਯੋਤੀ ਬਸੂ ਲਾਲ ਸਲਾਮ' ਲਿਖੇ ਕਾਗਜ਼ ਦੇ ਚਿੱਟੇ ਬਿੱਲੇ ਲਗਾ ਰਖੇ ਸਨ। ਜਦੋਂ ਜਯੋਤੀ ਬਸੂ ਦੀ ਮ੍ਰਿਤਕ ਦੇਹ ਸਟੇਜ 'ਤੇ ਰੱਖ ਦਿੱਤੀ ਗਈ ਤਾਂ ਪੱਛਮੀ ਬੰਗਾਲ ਵਿਚ ਪਾਰਟੀ ਦੇ ਸਭ ਤੋਂ ਸੀਨੀਅਰ ਮੈਂਬਰ 97 ਸਾਲਾ ਸਮਰ ਮੁਖਰਜੀ ਨੇ ਸਭ ਤੋਂ ਪਹਿਲਾਂ ਰੀਥ ਭੇਂਟ ਕੀਤੀ। ਉਨ੍ਹਾਂ ਤੋਂ ਬਾਅਦ ਪ੍ਰਕਾਸ਼ ਕਰਾਤ, ਯੇਚੁਰੀ, ਐਸ.ਆਰ.ਪਿੱਲਈ, ਵਰਿੰਦਰ ਕਰਾਤ ਅਤੇ ਫਿਰ ਪਾਰਟੀ ਦੀ ਕੇਂਦਰੀ ਕਮੇਟੀ ਦੇ ਮੈਂਬਰਾਂ ਨੇ ਸ਼ਰਧਾ ਦੇ ਫੁੱਲ ਭੇਟ ਕੀਤੇ। ਕਿਉਂ ਜੋ ਬਸੂ ਨੇ ਆਪਣੇ ਸਰੀਰ ਨੂੰ ਮੈਡੀਕਲ ਖੋਜ ਲਈ ਦਾਨ ਕਰ ਦਿੱਤਾ ਸੀ ਇਸ ਲਈ ਉਨ੍ਹਾਂ ਦਾ ਦਾਹ ਸਸਕਾਰ ਨਹੀਂ ਕੀਤਾ ਗਿਆ ਅਤੇ ਉਨ੍ਹਾਂ ਦੀ ਮ੍ਰਿਤਕ ਦੇਹ ਨੂੰ ਸਰਕਾਰੀ ਹਸਪਤਾਲ ਨੂੰ ਸੌਂਪ ਦਿੱਤਾ ਜਾਵੇਗਾ।

ਪ੍ਰੋ. ਦਰਸ਼ਨ ਸਿੰਘ 'ਤੇ ਪੱਛਮੀ ਬੰਗਾਲ 'ਚ ਹਮਲਾ

ਅੰਮ੍ਰਿਤਸਰ, 19 ਜਨਵਰੀ - ਸ੍ਰੀ ਅਕਾਲ ਤਫ਼ਤ ਸਾਹਿਬ ਦੇ ਸਾਬਕਾ ਜਥੇਦਾਰ ਪ੍ਰੋ. ਦਰਸ਼ਨ ਸਿੰਘ 'ਤੇ ਅੱਜ ਪੱਛਮੀ ਬੰਗਾਲ ਦੇ ਆਸਨਸੋਲ ਇਲਾਕੇ 'ਚ 30ਤੋਂ 50 ਦੇ ਕਰੀਬ ਹਮਲਾਵਰਾਂ ਵਲੋਂ ਹਮਲਾ ਕੀਤਾ ਗਿਆ। ਪ੍ਰੋ. ਦਰਸ਼ਨ ਸਿੰਘ ਆਸਨਸੋਲ ਵਿਚ ਕੀਰਤਨ ਸਮਾਗਮ ਵਿਚ ਭਾਗ ਲੈਣ ਲਈ ਗਏ ਸਨ। ਇਸ ਹਮਲੇ ਵਿਚ ਉਹ ਵਾਲ-ਵਾਲ ਬਚ ਗਏ। ਉਨ੍ਹਾਂ ਦੋਸ਼ ਲਗਾਇਆ ਕਿ ਹਮਲਾਵਰ ਤਫ਼ਤ ਸ੍ਰੀ ਪਟਨਾ ਸਾਹਿਬ ਦੇ ਜਥੇਦਾਰ ਭਾਈ ਇਕਬਾਲ ਸਿੰਘ ਦੇ ਆਦਮੀ ਸਨ। ਇਸ ਬਾਰੇ ਟਿੱਪਣੀ ਕਰਦਿਆਂ ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਅਵਤਾਰ ਸਿੰਘ ਮੱਕੜ ਨੇ ਕਿਹਾ ਕਿ ਪ੍ਰੋ. ਦਰਸ਼ਨ ਸਿੰਘ ਨੇ ਅਕਾਲ ਪੁਰਖ ਨੂੰ ਜੋ ਚਿੱਠੀ ਲਿਖੀ ਸੀ ਇਹ ਉਸਦਾ ਜਵਾਬ ਆਇਆ ਹੈ। ਜਾਣਕਾਰੀ ਅਨੁਸਾਰ ਜਦੋਂ ਪ੍ਰੋ. ਦਰਸ਼ਨ ਸਿੰਘ ਕੀਰਤਨ ਕਰਨ ਲਈ ਆਸਨਸੋਲ ਪਹੁੰਚੇ ਤਾਂ 30-50 ਵਿਅਕਤੀ ਜੋ ਕ੍ਰਿਪਾਨਾਂ ਨਾਲ ਲੈਸ ਸਨ, ਨੇ ਉਨ੍ਹਾਂ 'ਤੇ ਹਮਲਾ ਕਰ ਦਿੱਤਾ। ਪ੍ਰਬੰਧਕਾਂ ਅਤੇ ਪੁਲਿਸ ਨੇ ਪ੍ਰੋ. ਦਰਸ਼ਨ ਸਿੰਘ ਨੂੰ ਘੇਰੇ ਵਿਚ ਲੈ ਕੇ ਬਚਾਇਆ ਤੇ ਸੁਰੱਖਿਅਤ ਥਾਂ ਉਤੇ ਪਹੁੰਚਾਇਆ।

ਹੈਤੀ ਲਈ ਅਮਰੀਕਾ 'ਚ 21 ਕਰੋੜ ਡਾਲਰ ਇਕੱਠੇ .

ਵਾਸ਼ਿੰਗਟਨ, 19 ਜਨਵਰੀ -ਭੂਚਾਲ ਨਾਲ ਪੀੜ੍ਹਤ ਹੈਤੀ ਦੀ ਮਦਦ ਲਈ ਜਿਥੇ ਦੁਨੀਆਂ ਭਰ ਦੇ ਦੇਸ਼ ਅੱਗੇ ਆਏ ਹਨ ਉਥੇ ਇਕੱਲੇ ਅਮਰੀਕਾ ਵਿਚ ਬੁਰੀ ਤਰ੍ਹਾਂ ਤਬਾਹ ਹੋ ਚੁੱਕੇ ਇਸ ਛੋਟੇ ਜਿਹੇ ਦੇਸ਼ ਲਈ ਲਗਪਗ 21 ਕਰੋੜ ਡਾਲਰ ਦੀ ਰਾਸ਼ੀ ਇਕੱਠੀ ਹੋ ਚੁੱਕੀ ਹੈ । ਜਾਣਕਾਰੀ ਅਨੁਸਾਰ ਅਮਰੀਕਾ ਦੇ ਵੱਖ-ਵੱਖ ਹਿੱਸਿਆਂ ਤੋਂ ਚੈਰਿਟੀ ਸੰਸਥਾਵਾਂ, ਕੰਪਨੀਆਂ ਅਤੇ ਪ੍ਰਸਿੱਧ ਹਸਤੀਆਂ ਹੈਤੀ ਵਿਚ ਰਾਹਤ ਕਾਰਜ ਚਲਾਉਣ ਖਾਤਰ ਇੰਨੀ ਵੱਡੀ ਰਾਸ਼ੀ ਇਕੱਠੀ ਕਰ ਚੁੱਕੀਆਂ ਹਨ। ਇਕ ਅਖ਼ਬਾਰ ਦੀ ਰਿਪੋਰਟ ਅਨੁਸਾਰ ਇਹ ਰਾਸ਼ੀ ਇਸ ਸਮੇਂ ਦੌਰਾਨ ਸੁਨਾਮੀ ਲਈ ਇਕੱਠੀ ਕੀਤੀ ਗਈ ਰਾਸ਼ੀ ਤੋਂ ਕਿਤੇ ਜ਼ਿਆਦਾ ਹੈ।

ਗਿਆਨੀ ਗੁਰਬਚਨ ਸਿੰਘ ਦਾ 'ਭਾਰਤ ਸਰਕਾਰ ਨੂੰ ਸਿਂਖਾਂ ਦੀ ਬਲੈਕ ਲਿਸਟ ਖਤਮ ਕਰਨੀ ਚਾਹੀਦੀ ਹੈ' ਦੀ ਸ਼ਲਾਘਾ

ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਵਂਲੋਂ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਵਂਲੋਂ ਨਿਊਜ਼ੀਲੈਂਡ ਵਾਪਿਸ ਭੇਜੀ ਗਈ ਬੀਬੀ ਸ਼ੁਭਜੀਤ ਕੌਰ ਅਤੇ ਉਸਦੇ ੇ 2 ਸਾਲਾਂ ਦੇ ਬੇਟੇ ਬਚਿੰਤਵੀਰ ਸਿੰਘ ਦੇ ਕੇਸ ਨੂੰ ਅਧਾਰ ਬਣਾ ਕੇ ਜੋ ਬਿਆਨ ਅਂਜ ਅਖਬਾਰਾਂ ਵਿਂਚ ਆਇਆ ਹੈ ਕਿ ਭਾਰਤ ਸਰਕਾਰ ਨੂੰ ਸਿਂਖਾਂ ਦੀ ਬਲੈਕ ਲਿਸਟ ਖਤਮ ਕਰਨੀ ਚਾਹੀਦੀ ਹੈ, ਦੀ ਸ਼ਲਾਘਾ ਕੀਤੀ ਜਾਂਦੀ ਹੈ ਅਤੇ ਜਥੇਦਾਰ ਸਾਹਿਬ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਇਹੋ ਜਿਹੇ ਮਾਮਲੇ ਅਤਿਅੰਤ ਜਰੂਰੀ ਸਨ ਜਿਹਨਾਂ ਵਂਲ ਕਿਸੇ ਵੀ ਸਿਂਖ ਆਗੂ ਜੋ ਸ਼੍ਰੋਮਣੀ ਕਮੇਟੀ ਉਤੇ ਕਾਬਜ਼ ਸਨ ਨੇ ਅਜੇ ਤਂਕ ਨਹੀਂ ਸੀ ਲਿਆ, ਪਰ ਦੇਰ ਆਏ ਦਰੁਸਤ ਆਏ।
ਇਹ ਬਿਆਨ ਜ਼ਾਰੀ ਕਰਦੇ ਹੋਏ ਗੁਰਜੀਤ ਸਿੰਘ ਝਾਂਮਪੁਰ ਇੰਟਰਨੈਸ਼ਨਲ ਮੀਡੀਆ ਸੈਕਟਰੀ ਨੇ ਕਿਹਾ ਕਿ ਸਮੁਂਚੇ ਤੌਰ ਤੇ ਸਿਂਖ ਕੌਮ ਦੀ ਆਵਾਜ਼ ਜਦੋਂ ਹਿੰਦੁਸਤਾਨ ਦੇ ਕੰਨਾ ਵਿਚ ਪਵੇਗੀ ਤਾਂ ਹੀ ਕੋਈ ਇਨਸਾਫ ਦੀ ਕਿਰਨ ਵਿਖਾਈ ਦੇਵੇਗੀ ਨਹੀਂ ਤਾਂ ਜੋ ਦੁਰਦਸ਼ਾ ਬਾਹਰਲੇ ਸਿਂਖਾਂ ਦੀ ਕੀਤੀ ਜਾ ਰਹੀ ਹੈ ਉਹ ਸਭ ਦੇ ਸਾਹਮਣੇ ਹੈ। ਝਾਮਪੁਰ ਨੇ ਕਿਹਾ ਕਿ ਬਾਹਰਲੇ ਦੇਸ਼ਾਂ ਵਿਂਚ ਭਾਵੇਂ ਕਿ ਕਈ ਜਗ੍ਹਾ ਸਿਂਖ ਅੰਬੈਸਡਰ ਵੀ ਹਨ ਉਹ ਵੀ ਭਾਰਤ ਸਰਕਾਰ ਦੇ ਨਕਸ਼ੇ ਕਦਮਾ ਉਪਰ ਚਂਲ ਕੇ ਸਿਂਖਾਂ ਨੂੰ ਪਾਸਪੋਰਟ ਨਹੀਂ ਦੇ ਰਹੇ ਬਹਾਨਾ ਕਿ ਉਹਨਾਂ ਨੇ ਅਸਾਇਲਮ (ਪਨਾਹ) ਲਈ ਹੋਈ ਹੈ ਜਦੋਂ ਕਿ ਦੂਸਰਾ ਕੋਈ ਹੋਰ ਪਾਸਪੋਰਟ ਲੈਣ ਲਈ ਜਾਂਦਾ ਹੈ ਭਾਵੇਂ ਉਸ ਕੋਲ ਵੀ ਪਨਾਹ ਦਾ ਗਰੀਨ ਕਾਰਡ ਹੋਵੇ ਉਸਨੂੰ ਛੇਤੀ ਹੀ ਪਾਸਪੋਰਟ ਬਣਾ ਕੇ ਦੇ ਦਿਂਤਾ ਜਾਂਦਾ ਹੈ। ਜੇਕਰ ਸਿਂਖ ਕਿਸੇ ਸਿਫਾਰਸ਼ੀ ਨੂੰ ਵਿਂਚ ਪਾ ਕੇ 4 ਤੋ 5 ਹਜਾਰ ਯੂ.ਐਂਸ. ਡਾਲਰ ਉਸ ਨੂੰ ਦੇ ਦੇਵੇ ਤਾਂ ਉਸਨੂੰ ਪਾਸਪੋਰਟ ਜਾਰੀ ਕਰ ਦਿਂਤਾ ਜਾਂਦਾ ਹੈ ਫਿਰ ਉਸਦੀ ਪਨਾਹ ਵੀ ਲੁਕ ਜਾਂਦੀ ਹੈ। ਆਖਿਰ ਇਹ ਕਿਉਂ ਹੋ ਰਿਹਾ ਹੈ ਸਿਂਖਾਂ ਨਾਲ ਕਦੋਂ ਤਂਕ ਇਹ ਬੇਇਨਸਾਫੀਆਂ ਜਾਰੀ ਰਹਿਣਗੀਆਂ? ਉਹਨਾਂ ਕਿਹਾ ਕਿ ਜਦੋਂ ਤਂਕ ਸਿਂਖ ਕੌਮ ਦਾ ਆਪਣਾ ਘਰ ਨਹੀਂ ਬਣ ਜਾਂਦਾ ਉਦੋਂ ਤਂਕ ਦਰ ਦਰ ਦੀਆਂ ਠੋਕਰਾਂ ਖਾਣ ਲਈ ਮਜ਼ਬੂਰ ਹੋਣਾ ਪੈਣਾ ਹੈ।
ਉਹਨਾਂ ਨੇ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਨੂੰ ਅਪੀਲ ਕੀਤੀ ਕਿ ਜੋ ਉਹਨਾਂ ਨੇ ਨਾਨਕਸ਼ਾਹੀ ਕਲੈਂਡਰ ਨੂੰ ਚਾਰ ਟੋਟਰੂਆਂ ਦੇ ਪ੍ਰਭਾਵ ਹੇਠ ਆ ਕੇ ਵਿਗਾੜਿਆ ਹੈ ਉਸ ਨੂੰ ਤੁਰੰਤ ਆਪਣੀ ਜ਼ਮੀਰ ਦੀ ਆਵਾਜ਼ ਸੁਣ ਖੇ ਵਾਪਿਸ ਲੈਣ ਤਾਂ ਜੋ ਸਿਂਖ ਕੌਮ ਵਿਂਚ ਵੰਡੀਆਂ ਪਾਉਣ ਤੋਂ ਰੋਕ ਲਂਗ ਸਕੇ।
ਗੁਰਜੀਤ ਸਿੰਘ ਝਾਮਪੁਰ ਨੇ “ਰੋਜ਼ਾਨਾ ਸਪੋਕਸਮੈਨ” ਪੰਜਾਬੀ ਅਖਬਾਰ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਇਸ ਅਖਬਾਰ ਦੀ ਜ਼ੁਰਅਤ ਤੋਂ ਅਸ਼ਕੇ ਜਾਈਏ ਜਿਸਨੇ ਸਿਂਖ ਕੌਮ ਦੀ ਰਗ ਨੂੰ ਪਛਾਣਦੇ ਹੋਏ ਕਾਰਵਾਈ ਅਰੰਭੀ ਹੋਈ ਹੈ ਜਿਸ ਨਾਲ ਕੋਈ ਵੀ ਅਜਿਹਾ ਮਸਲਾ ਨਹੀਂ ਜਿਸ ਨੂੰ ਇਸ ਅਖਬਾਰ ਦੇ ਦਲੇਰ ਐਡੀਟਰ ਅਤੇ ਰਿਪੋਰਟਰਾਂ ਵਂਲੋਂ ਨਾ ਛੂਹਿਆ ਗਿਆ ਹੋਵੇ। ਅਸੀਂ ਪ੍ਰਮਾਤਮਾ ਦੇ ਅਂਗੇ ਅਰਦਾਸ ਕਰਦੇ ਹਾਂ ਕਿ ਇਸ ਅਖਬਾਰ ਨੂੰ ਦਿਨ ਦੁਂਗਣੀ ਰਾਤ ਚੌਗੁਣੀ ਤਰਂਕੀ ਅਤੇ ਦਲੇਰੀ ਬਖਸ਼ਣ ਤਾਂ ਜੋ ਭਵਿਂਖ ਵਿੱਚ ਵੀ ਇਸੇ ਤਰ੍ਹਾਂ ਸਿਂਖ ਕੌਮ ਦੀਆਂ ਭਾਵਨਾਵਾਂ ਉਤੇ ਖਰ ਉਤਰ ਸਕੇ।

ਰੁਚਿਕਾ ਮਾਮਲੇ ਵਿਚ ਰਾਠੌਰ ਨੂੰ ਹਾਈ ਕੋਰਟ ਤੋਂ ਪੇਸ਼ਗੀ ਜ਼ਮਾਨਤ ਨਹੀਂ ਮਿਲੀ

ਚੰਡੀਗੜ੍ਹ, 19 ਜਨਵਰੀ - ਰੁਚਿਕਾ ਮਾਮਲੇ ਵਿਚ ਐਸਪੀਐਸ ਰਾਠੌਰ ਨੂੰ ਹਾਈ ਕੋਰਟ ਤੋਂ ਰਾਹਤ ਨਹੀਂ ਮਿਲੀ। ਜਸਟਿਸ ਸਬੀਨਾ ਨੇ ਰਾਠੌਰ ਨੂੰ ਕਿਸੇ ਵੀ ਤਰ੍ਹਾਂ ਦੀ ਰਾਹਤ ਦੇਣ ਤੋਂ ਇੰਨਕਾਰ ਕਰਦੇ ਹੋਏ ਮਾਮਲੇ ਨੂੰ 25 ਜਨਵਰੀ ਤੱਕ ਦੇ ਲਈ ਟਾਲ ਦਿੱਤਾ। ਮਾਮਲੇ ਦੀ ਸੁਣਵਾਈ ਦੇ ਦੌਰਾਨ ਸੀਬੀਆਈ ਨੇ ਕੋਰਟ ਦੇ ਸਾਹਮਣੇ ਅਪਣਾ ਜਵਾਬ ਰੱਖਿਆ। ਸੀਬੀਆਈ ਨੇ ਕੋਰਟ ਨੂੰ ਬੇਨਤੀ ਕੀਤੀ ਕਿ ਅਦਾਲਤ ਰਾਠੌਰ ਨੂੰ ਕਿਸੇ ਤਰ੍ਹਾਂ ਦੀ ਰਾਹਤ ਨਾ ਦੇਵੇ ਅਤੇ ਨਾ ਹੀ ਹਾਲ ਵਿਚ ਦਰਜ ਕੀਤੀ ਗਈ ਦੋਵੇਂ ਐਫਆਈਆਰ ਵਿਚੋਂ ਕਿਸੇ ਵੀ ਮਾਮਲੇ ਵਿਚ ਉਸ ਨੂੰ ਪੇਸ਼ਗੀ ਜ਼ਮਾਨਤ ਦੇਵੇ। ਸੀਬੀਆਈ ਦੇ ਵਕੀਲ ਅਨਮੋਲ ਰਤਨ ਸਿੰਘ ਸਿੱਧੂ ਨੇ ਕੋਰਟ ਵਿਚ ਰਾਠੌਰ ਦੀ ਪੇਸ਼ਗੀ ਜ਼ਮਾਨਤ ਪਟੀਸ਼ਨ ਦਾ ਵਿਰੋਧ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਰਾਠੌਰ ਇਕ ਪ੍ਰਭਾਵਸ਼ਾਲੀ ਵਿਅਕਤੀ ਹੈ। ਜੇਕਰ ਉਸ ਨੂੰ ਜ਼ਮਾਨਤ ਮਿਲਦੀ ਹੈ ਤਾਂ ਉਹ ਮਾਮਲੇ ਨੂੰ ਪ੍ਰਭਾਵਤ ਕਰ ਸਕਦਾ ਹੈ। ਉਨ੍ਹਾਂ ਨੇ ਰਾਠੌਰ ’ਤੇ ਦਰਜ ਐਫਆਈਆਰ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਇਨ੍ਹਾਂ ਸਾਰੇ ਮਾਮਲਿਆਂ ਦੀ ਜਾਂਚ ਸੀਬੀਆਈ ਕਰ ਰਹੀ ਹੈ। ਰਾਠੌਰ ਨੂੰ ਜ਼ਮਾਨਦ ਦੇਣ ’ਤੇ ਜਾਂਚ ’ਤੇ ਅਸਰ ਪੈ ਸਕਦਾ ਹੈ। ਅਨਮੋਲ ਰਤਨ ਸਿੰਘ ਸਿੱਧੂ ਨੇ ਕਿਹਾ ਕਿ ਸੀਬੀਆਈ ਰਾਠੌਰ ਤੋਂ ਪੁੱਛਗਿੱਛ ਦੇ ਲਈ ਹਿਰਾਸਤ ਵਿਚ ਲੈ ਸਕਦੀ ਹੈ ਇਸ ਲਈ ਕੋਰਟ ਉਸ ਦੀ ਗ੍ਰਿਫ਼ਤਾਰੀ ’ਤੇ ਰੋਕ ਨਾ ਲਵਾਏ। ਬਹਿਸ ਦੇ ਦੌਰਾਨ ਰਾਠੌੜ ਦੀ ਵਕੀਲ ਪਤਨੀ ਆਭਾ ਰਾਠੌਰ ਨੇ ਇਸ ਮਾਮਲੇ ਵਿਚ ਸੀਬੀਆਈ ਵਲੋਂ ਅਜੇ ਤੱਕ ਕੀਤੀ ਗਈ ਜਾਂਚ ਨੂੰ ਰਿਕਾਰਡ ਵਿਚ ਰੱਖਣ ਦੀ ਮੰਗ ਕੀਤੀ। ਸੀਬੀਆਈ ਨੇ ਰਾਠੌਰ ਵਲੋਂ ਧਾਰਾ 306 ਦੀ ਐਫਆਈਆਰ ਨੂੰ ਰੱਦ ਕਰਨ ਦੀ ਮੰਗ ’ਤੇ ਜਵਾਬ ਦੇਣ ਦੇ ਲਈ ਕੁਝ ਸਮਾਂ ਦੇਣ ਦੀ ਮੰਗ ਕੀਤੀ। ਰਾਠੌਰ ਦੀ ਜ਼ਮਾਨਤ ਪਟੀਸ਼ਨ ਦੇ ਖ਼ਿਲਾਫ਼ ਰੁਚਿਕਾ ਦੇ ਭਾਈ ਆਸ਼ੂ ਨੇ ਵੀ ਕੋਰਟ ਵਿਚ ਇਕ ਹਲਫ਼ਨਾਮਾ ਦਿੱਤਾ ਜਿਸ ਵਿਚ ਉਸ ਨੇ ਰਾਠੌਰ ਨੂੰ ਜ਼ਮਾਨਤ ਨਾ ਦੇਣ ਦੀ ਮੰਗ ਕੀਤੀ ਹੈ। ਰਾਠੌਰ ਨੇ ਪੰਚਕੂਲਾ ਵਿਚ ਅਪਣੇ ਖ਼ਿਲਾਫ਼ ਦਰਜ ਦੋ ਮਾਮਲਿਆਂ ਵਿਚ ਪੇਸ਼ਗੀ ਜ਼ਮਾਨਤ ਅਤੇ ਆਤਮ ਹੱਤਿਆ ਦੇ ਲਈ ਮਜ਼ਬੂਰ ਕਰਨ ਸਬੰਧੀ ਧਾਰਾ 306 ਦੇ ਤਹਿਤ ਦਰਜ ਮਾਮਲੇ ਰੱਦ ਕਰਨ ਦੇ ਲਈ ਪਟੀਸ਼ਨ ਹਾਈ ਕੋਰਟ ਵਿਚ ਦਾਖ਼ਲ ਕਰ ਰੱਖੀ ਹੈ। ਆਭਾ ਰਾਠੌਰ ਨੇ ਕਿਹਾ ਕਿ ਰਾਠੌਰ ਦੇ ਖ਼ਿਲਾਫ਼ ਸਾਰੇ ਮਾਮਲੇ ਮੀਡੀਆ ਦੇ ਦਬਾਅ ਵਿਚ ਦਰਜ ਕੀਤੇ ਗਏ ਹਨ।

ਸੁਖਵਿੰਦਰ ਸਿੰਘ ਨੂੰ ਸ਼ਾਹੀ ਘਰਾਣੇ ਤੋਂ ਸਨਮਾਨ ਦਾ ਦਿੱਤਾ ਜਾਵੇ-ਡੱਲੇਵਾਲ

ਲੰਡਨ-ਪਰਉਪਕਾਰ ਦੀ ਭਾਵਨਾ ਤਹਿਤ ਆਪਣੀ ਜਾਨ ਕੁਰਬਾਨ ਕਰਨ ਵਾਲਾ ਸੁਖਵਿੰਦਰ ਸਿੰਘ ਵਿਦੇਸ਼ੀ ਲੋਕਾਂ ਵਿੱਚ ਪਿਆਰ ਅਤੇ ਸਤਿਕਾਰ ਦੀ ਅਮਿੱਟ ਛਾਪ ਛੱਡ ਗਿਆ ਹੈ । ਸਭ ਧਰਮਾਂ ,ਨਸਲਾਂ ਅਤੇ ਕੌਮਾਂ ਦੇ ਲੋਕ ਉਸ ਵਲੋਂ ਪਰਉਪਕਾਰ ਤਹਿਤ ਦਿਖਾਈ ਗਈ ਬਹਾਦਰੀ ਦੇ ਕਾਇਲ ਹਨ । ਯੂਨਾਈਟਿਡ ਖਾਲਸਾ ਦਲ ਯੂ,ਕੇ ਦੇ ਜਨਰਲ ਸਕੱਤਰ ਸ੍ਰ, ਲਵਸਿ਼ੰਦਰ ਸਿੰਘ ਡੱਲੇਵਾਲ ਵਲੋਂ ਇੰਗਲੈਂਡ ਦੇ ਪਾਰਲੀਮੈਂਟ ਮੈਂਬਰ ਮਾਈਕ ਉਬਾਰਇਨ ਨੂੰ ਼ਿਲਖੇ ਗਏ ਪੱਤਰ ਵਿੱਚ ਸੁਖਵਿੰਦਰ ਸਿੰਘ ਦੇ ਪਰਿਵਾਰ ਨੂੰ ਸ਼ਾਹੀ ਘਰਾਣੇ ਤੋਂ ਵਿਸ਼ੇਸ਼ ਸਨਮਾਨ ਦਿਵਾਉਣ ਦੀ ਸਿਫਾਰਸ਼ ਦੀ ਮੰਗ ਕੀਤੀ ਗਈ ਹੈ ਅਤੇ ਉਸ ਦੀ ਵਿਧਵਾ ਪਤਨੀ ਅਤੇ ਦਸ ਸਾਲਾ ਪੁੱਤਰ ਦੀ ਭਵਿੱਖਤ ਸੁਰੱਖਿਆ ਯਕੀਨੀ ਬਣਾਉਣ ਲਈ ਯੋਗ ਉਪਰਾਲੇ ਅਤੇ ਸਾਥ ਦੀ ਮੰਗ ਕਰਦਿਆਂ ਪਾਰਲੀਮੈਂਟ ਦੇ ਬਾਕੀ ਮੈਂਬਰਾਂ ਇਸ ਬਾਬਤ ਰਾਜ਼ੀ ਕਰਨ ਲਈ ਕਿਹਾ ਗਿਆ ਹੈ । ਯੂਨਾਈਟਿਡ ਖਾਲਸਾ ਦਲ ਵਲੋਂ ਸੁਖਵਿੰਦਰ ਸਿੰਘ ਨੂੰ ਮੈਂ ਆਫ ਦਾ ਯੀਅਰ ਦੇ ਖਿਤਾਬ ਦੇਣ ਦੀ ਬ੍ਰਿਟਿਸ਼ ਸਰਕਾਰ ਤੋਂ ਮੰਗ ਕੀਤੀ ਗਈ ਹੈ । ਇਸੇ ਤਰਾਂ ਦਲ ਵਲੋਂ ਸ੍ਰੀ ਅਕਾਲ ਤਖਤ ਸਹਿਬ ਦੇ ਸਕੱਤਰਏਤ ਨੂੰ ਲਿਖੇ ਦੂਜੇ ਪੱਤਰ ਵਿੱਚ ਮੰਗ ਕੀਤੀ ਗਈ ਹੈ ਕਿ ਸ੍ਰੀ ਅਕਾਲ ਤਖਤ ਸਾਹਿਬ ਤੋਂ ਉਸ ਨੂੰ ਸ਼ਹੀਦ ਦਾ ਦਰਜਾ ਦਿੰਦਿਆਂ ਉਸ ਦੀ ਤਸਵੀਰ ਕੇਂਦਰੀ ਸਿੱਖ ਅਜਾਇਬ ਘਰ ਵਿੱਚ ਲਗਾਈ ਜਾਵੇ

ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਚੋਣਾਂ ਵਿੱਚ ਪੰਥਕ ਧਿਰਾਂ ਦਾ ਸਾਥ ਦਿਉ।

ਬਰਮਿੰਘਮ, (ਇੰਗਲੈਂਡ) 1919 ਸਮੇਂ ਅੰਗਰੇਜਾਂ ਨੇ ਜਲ੍ਹਿਆਂਵਾਲਾ ਬਾਗ ਵਿਂਚ ਗੋਲੀ ਚਲਾਈ ਸੀ। ਹੁਣ ਭਾਵੇਂ 13 ਅਪ੍ਰੈਲ 1978 ਹੋਵੇ ਜਾਂ 5 ਦਿਸੰਬਰ 2009 ਆਪਣੇ ਆਪ ਨੂੰ ਪੰਥਕ ਕਹਾਉਂਦੀ ਸਰਕਾਰ ਵੇਲੇ ਹੀ ਸਿੰਘਾਂ ਤੇ ਗੋਲੀ ਚਲਦੀ ਹੈ। 7 ਜਨਵਰੀ 2010 ਨੂੰ ਗੁਰੂ ਨਾਨਕ ਗੁਰਦੁਆਰਾ ਸਮੈਦਿਕ ਵਿਖੇ ਹਰ ਸਾਲ ਦੀ ਤਰ੍ਹਾਂ ਪ੍ਰਬੰਧਕ ਕਮੇਟੀ ਵਲੋਂ ਕਰਵਾਈ ਗਈ ਸਲਾਨਾ ਕਾਨਫਰੰਸ ਮੌਕੇ ਪ੍ਰਬੰਧਕ ਕਮੇਟੀ ਦਾ ਇਸ ਉਪਰਾਲੇ ਲਈ ਵਿਸ਼ੇਸ਼ ਧੰਨਵਾਦ ਕਰਦੇ ਹੋਏ ਸ੍ਰ: ਕੁਲਵੰਤ ਸਿੰਘ ਮੁਠੱਡਾ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਯੂਥ ਵਿੰਗ ਯ.ੂ ਕੇ. ਨੇ ਉਪਰੋਕਤ ਵਿਚਾਰ ਪ੍ਰਗਟ ਕਰਦੇ ਹੋਏ ਕਿਹਾ ਕਿ ਸਾਨੂੰ ਸੰਗਤਾਂ ਨੂੰ ਦੱਸਣਾਂ ਪਵੇਗਾ ਕਿ ਅਸੀਂ ਪ੍ਰੈਕਟੀਕਲੀ ਕੀ ਕਰ ਰਹੇ ਹਾਂ।ਸਾਨੂੰ ਆ ਰਹੀਆਂ ਸ਼੍ਰੋਮਣੀ ਕਮੇਟੀ ਚੋਣਾਂ ਵਿੱਚ ਪੰਥਕ ਸੋਚ ਦੇ ਧਾਰਨੀ ਗੁਰਸਿੱਖਾਂ ਦੀ ਹਮਾਇਤ ਕਰਕੇ ਜਿਤਾਉਣਾਂ ਚਾਹੀਦਾ ਹੈ। ਜੋ ਪੰਥਕ ਮੁਖੋਟਾ ਪਾ ਕੇ ਕੌਮ ਨੂੰ ਗੁਮਰਾਹ ਕਰ ਰਹੇ ਹਨ ਉਨ੍ਹਾਂ ਤੋਂ ਖਹਿੜਾ ਛੁਡਾਉਣਾਂ ਚਾਹੀਦਾ ਹੈ।ਕਾਨਫਰੰਸ ਦੌਰਾਨ ਸ੍ਰ: ਬੇਅੰਤ ਸਿੰਘ (ਸਾਬਕਾ ਕੈਸ਼ੀਅਰ ਤੇ ਬਾਡੀਗਾਰਡ ਸੌਦਾ ਸਾਧ) ਦਾ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਲੋਂ ਵਿਸ਼ੇਸ਼ ਤੌਰ ਤੇ ਸਨਮਾਨ ਕੀਤਾ ਗਿਆ।

ਕਾਬੁਲ 'ਚ ਤਾਲਿਬਾਨ ਤੇ ਸੁਰੱਖਿਆ ਕਰਮਚਾਰੀਆਂ ਵਿਚਾਲੇ ਗਹਿਗੱਚ ਲੜਾਈ

. ਕਾਬੁਲ, 18 ਜਨਵਰੀ -ਅਫ਼ਗਾਨਿਸਤਾਨ ਦੀ ਰਾਜਧਾਨੀ ਕਾਬੁਲ ਵਿਚ ਸ਼ੱਕੀ ਤਾਲਿਬਾਨੀ ਕੱਟੜਪੰਥੀਆਂ ਅਤੇ ਸੁਰੱਖਿਆ ਕਰਮਚਾਰੀਆਂ ਵਿਚਾਲੇ ਜ਼ੋਰਦਾਰ ਲੜਾਈ ਜਾਰੀ ਹੈ। ਧਮਾਕਿਆਂ ਅਤੇ ਗੋਲੀਬਾਰੀ ਦੌਰਾਨ ਇਕ ਇਮਾਰਤ ਵਿਚ ਅੱਗ ਲੱਗ ਗਈ। ਇਸ ਲੜਾਈ ਵਿਚ ਘੱਟੋ ਘੱਟ 4 ਕੱਟੜਪੰਥੀਆਂ ਅਤੇ ਕਈ ਹੋਰ ਲੋਕਾਂ ਦੇ ਮਾਰੇ ਜਾਣ ਦੀ ਖਬਰ ਹੈ। ਪਰ ਹਾਲੇ ਤੱਕ ਮ੍ਰਿਤਕਾਂ ਦੀ ਗਿਣਤੀ ਦੀ ਪੁਸ਼ਟੀ ਨਹੀਂ ਹੋ ਸਕੀ। ਕਾਬੁਲ ਵਿਚ ਸਿੱਖਿਆ ਮੰਤਰਾਲੇ ਦੇ ਬਾਹਰ ਇਕ ਕਾਰ ਬੰਬ ਧਮਾਕੇ ਨਾਲ ਇਹ ਹਮਲਾ ਸ਼ੁਰੂ ਹੋਇਆ। ਇਸ ਤੋਂ ਬਾਅਦ ਕੱਟੜਪੰਥੀਆਂ ਨੇ ਕਈ ਟਿਕਾਣਿਆਂ ਨੂੰ ਆਪਣਾ ਨਿਸ਼ਾਨਾ ਬਣਾਇਆ। ਇਕ ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਚਾਰ ਬੰਦੂਕਧਾਰੀ ਇਕ ਸਿਨੇਮਾਘਰ ਵਿਚ ਲੁਕੇ ਹੋਏ ਹਨ, ਜਿਸ ਨੂੰ ਸੁਰੱਖਿਆ ਕਰਮਚਾਰੀਆਂ ਨੇ ਘੇਰਿਆ ਹੋਇਆ ਹੈ। ਅਫ਼ਗਾਨਿਸਤਾਨ ਦੇ ਰਾਸ਼ਟਰਪਤੀ ਹਾਮਿਦ ਕਰਜ਼ਈ ਨੇ ਕਿਹਾ ਹੈ ਕਿ ਕਾਬੁਲ ਵਿਚ ਸੁਰੱਖਿਆ ਸਥਿਤੀ ਕੰਟਰੋਲ ਵਿਚ ਹੈ। ਦੂਜੇ ਪਾਸੇ ਤਾਲਿਬਾਨ ਨੇ ਦਾਅਵਾ ਕੀਤਾ ਹੈ ਕਿ ਇਸ ਹਮਲੇ ਵਿਚ ਉਸਦੇ 20 ਲੜਾਕੇ ਸ਼ਾਮਲ ਹਨ। ਤਾਲਿਬਾਨ ਨੇ ਆਪਣੀ ਵੈਬਸਾਈਟ 'ਤੇ ਜਾਰੀ ਬਿਆਨ ਵਿਚ ਕਿਹਾ ਹੈ ਕਿ ਹਮਲੇ ਵਿਚ ਸਰਕਾਰੀ ਇਮਾਰਤਾਂ ਤੇ ਹੋਟਲ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ। ਅਮਰੀਕਾ ਨੇ ਇਸ ਹਮਲੇ ਦੀ ਆਲੋਚਨਾ ਕੀਤੀ ਹੈ। ਅਮਰੀਕੀ ਦੂਤਘਰ ਦਾ ਕਹਿਣਾ ਹੈ ਕਿ ਤਾਲਿਬਾਨ ਦੇ ਹਮਲੇ ਵਿਚ ਅਫ਼ਗਾਨਿਸਤਾਨ ਦੀ ਸਰਕਾਰ ਅਤੇ ਬੇਕਸੂਰ ਨਾਗਰਿਕਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ। ਅੱਜ ਸਵੇਰੇ ਹਮਲਾ ਉਸ ਸਮੇਂ ਸ਼ੁਰੂ ਹੋਇਆ ਜਦੋਂ ਸੜਕਾਂ 'ਤੇ ਕਾਫ਼ੀ ਚਹਿਲ ਪਹਿਲ ਸੀ। ਹਮਲਾ ਸੇਰੇਨਾ ਹੋਟਲ ਤੇ ਰਾਸ਼ਟਰਪਤੀ ਨਿਵਾਸ ਨੇੜੇ ਹੋਇਆ। ਹਮਲੇ ਸਮੇਂ ਰਾਸ਼ਟਰਪਤੀ ਦੀ ਕੈਬਨਿਟ ਦੇ ਨਵੇਂ ਮੈਂਬਰਾਂ ਨੂੰ ਸਹੁੰ ਚੁਕਾਈ ਜਾ ਰਹੀ ਸੀ। ਮੌਕੇ 'ਤੇ ਮੌਜੂਦ ਗਵਾਹਾਂ ਦਾ ਕਹਿਣਾ ਹੈ ਕਿ ਫ਼ੌਜ ਨੇ ਇਲਾਕੇ ਨੂੰ ਘੇਰ ਲਿਆ ਹੈ।

ਅਕਾਲੀ ਦਲ ਬਾਦਲ ਸਿੱਖ ਸ਼ਹੀਦਾਂ ਪ੍ਰਤੀ ਗੰਭੀਰ ਨਹੀਂ

ਅੰਮ੍ਰਿਤਸਰ, 18 ਜਨਵਰੀ - ਸ਼੍ਰੋਮਣੀ ਅਕਾਲੀ ਦਲ ਅਤੇ ਭਾਰਤੀ ਜਨਤਾ ਪਾਰਟੀ ਦੀ ਗਠਜੋੜ ਸਰਕਾਰ ਵਿਚੋਂ ਭਾਜਪਾ ਆਪਣੇ ਧਰਮ ਦੀ ਪੱਕੀ ਪਾਰਟੀ ਸਾਬਤ ਹੋਈ ਜਿਸ ਨੇ ਸਵਰਗੀ ਡਾ. ਬਲਦੇਵ ਪ੍ਰਕਾਸ਼ ਦਾ ਕੱਦ ਉੱਚਾ ਕਰਨ ਲਈ ਰਿਆਲਟੋ ਚੌਂਕ ਵਿਚ ਉਨ੍ਹਾਂ ਦਾ ਬੁੱਤ ਲਗਾਇਆ, ਜਿਸਦਾ ਸਵਿੱਚ ਮੁੱਖ ਮੰਤਰੀ ਸ. ਪ੍ਰਕਾਸ਼ ਸਿੰਘ ਬਾਦਲ ਤੇ ਭਾਜਪਾ ਕੌਮੀ ਪ੍ਰਧਾਨ ਨਿਤਿਨ ਗਡਕਰੀ ਨੇ ਨੱਪ ਕੇ ਪਰਦਾ ਹਟਾਇਆ । ਇਸ ਤੋਂ ਭਾਜਪਾ ਆਗੂਆਂ ਵਿਚ ਖੁਸ਼ੀ ਦੀ ਲਹਿਰ ਪਾਈ ਜਾ ਰਹੀ ਹੈ। ਦੂਜੇ ਪਾਸੇ ਸ਼੍ਰੋਮਣੀ ਅਕਾਲੀ ਦਲ ਜਿਹੜੀ ਖੁਦ ਨੂੰ ਪੰਥਕ ਪਾਰਟੀ ਕਹਾਉਂਦੀ ਹੈ ਅਤੇ ਸ਼੍ਰੋਮਣੀ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਵੀ ਅਕਾਲੀ ਦਲ ਬਾਦਲ ਦੇ ਅਧੀਨ ਹੀ ਹੈ, ਉਸ ਤੋਂ ਸਿੱਖ ਕਤਲੇਆਮ ਦੇ ਜ਼ਖ਼ਮ ਧੋਣ ਲਈ ਹਾਲੇ ਤੱਕ ਕੋਈ ਢੰਗ ਦੀ ਕਾਰਵਾਈ ਨਹੀਂ ਕੀਤੀ ਗਈ। ਸ਼੍ਰੋਮਣੀ ਗੁ. ਪ੍ਰਬੰਧਕ ਕਮੇਟੀ ਨੇ ਦੋ ਕੁ ਸਾਲ ਪਹਿਲਾਂ ਇਕ ਮਤਾ ਪਾਸ ਕੀਤਾ ਸੀ ਜਿਸਦੇ ਤਹਿਤ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ 1984 ਵਿਚ ਆਪਰੇਸ਼ਨ ਬਲੂ ਸਟਾਰ ਦੌਰਾਨ ਸ਼ਹੀਦ ਹੋਏ ਸਿੱਖਾਂ ਦੀ ਯਾਦਗਾਰ ਬਨਾਉਣ ਦੀ ਗੱਲ ਕੀਤੀ ਗਈ ਸੀ। ਸ਼੍ਰੋਮਣੀ ਅਕਾਲੀ ਦਲ 20 ਸਾਲਾਂ ਤੋਂ ਸ਼੍ਰੋਮਣੀ ਕਮੇਟੀ 'ਤੇ ਕਾਬਜ਼ ਹੈ ਪਰ ਮਤਾ ਪਾਸ ਹੋਣ ਦੇ ਬਾਵਜੂਦ ਹਾਲੇ ਤੱਕ ਸ਼ਹੀਦ ਸਿੱਖਾਂ ਦੀ ਯਾਦਗਾਰ ਨਹੀਂ ਬਣ ਸਕੀ। ਜਿਸ ਕਾਰਨ ਕਈ ਸਿੱਖ ਜਥੇਬੰਦੀਆਂ ਸ਼ਰੇਆਮ ਅਤੇ ਕਈ ਅੰਦਰਖਾਤੇ ਸ਼੍ਰੋਮਣੀ ਅਕਾਲੀ ਦਲ ਤੋਂ ਨਰਾਜ਼ ਹਨ। ਪੰਥਕ ਆਗੂਆਂ ਵਿਚ ਇਸ ਗੱਲੋਂ ਰੋਸ ਹੈ ਕਿ ਭਾਜਪਾ ਨੇ ਸਰਕਾਰੀ ਪੈਸਾ ਖਰਚ ਕੇ ਸ਼ਹਿਰ ਦੇ ਸਭ ਤੋਂ ਮੁੱਖ ਚੌਕ ਵਿਚ ਆਪਣੀ ਪਾਰਟੀ ਦੇ ਆਗੂ ਡਾ. ਬਲਦੇਵ ਪ੍ਰਕਾਸ਼ ਦੇ ਬੁੱਤ ਦਾ ਮੁੱਖ ਮੰਤਰੀ ਹੱਥੋਂ ਉਦਘਾਟਨ ਕਰਵਾਇਆ। ਇਸ ਤੋਂ ਭਾਜਪਾ ਦੀ ਆਪਣੇ ਸ਼ਹੀਦਾਂ ਪ੍ਰਤੀ ਸੰਜੀਦਗੀ ਝਲਕਦੀ ਹੈ, ਪਰ ਇਸਦੇ ਉਲਟ ਸ਼੍ਰੋਮਣੀ ਅਕਾਲੀ ਦਲ ਪੰਥ ਦੇ ਸ਼ਹੀਦਾਂ ਪ੍ਰਤੀ ਗੰਭੀਰ ਨਜ਼ਰ ਨਹੀਂ ਆਉਂਦਾ। ਜੇਕਰ ਸ਼੍ਰੋਮਣੀ ਗੁ. ਪ੍ਰਬੰਧਕ ਕਮੇਟੀ ਮਤੇ ਅਨੁਸਾਰ ਬਲੂ ਸਟਾਰ ਸਮੇਂ ਸ੍ਰੀ ਹਰਿਮੰਦਰ ਸਾਹਿਬ ਅੰਦਰ ਸ਼ਹੀਦ ਹੋਏ ਸਿੱਖਾਂ ਦੀ ਯਾਦਗਾਰ ਬਣਾਉਂਦੀ ਤਾਂ ਉਸਦਾ ਖਰਚਾ ਗੁਰੂ ਦੀ ਗੋਲਕ ਵਿਚੋਂ ਕੀਤਾ ਜਾਂਦਾ। ਪਹਿਲਾਂ ਚਰਚਾ ਸੀ ਕਿ ਸਿੱਖ ਆਗੂ ਤਾਂ ਸ਼ਹੀਦਾਂ ਦੀ ਯਾਦਗਾਰ ਬਣਾਉਣੀ ਚਾਹੁੰਦੇ ਹਨ। ਪਰ ਭਾਰਤੀ ਜਨਤਾ ਪਾਰਟੀ ਦੇ ਦਬਾਅ ਹੇਠ ਨਹੀਂ ਬਣਾ ਰਹੇ। ਹੁਣ ਭਾਰਤੀ ਜਨਤਾ ਪਾਰਟੀ ਨੇ ਡਾ. ਬਲਦੇਵ ਪ੍ਰਕਾਸ਼ ਦਾ ਬੁਤ ਲਾ ਦਿੱਤਾ ਹੈ ਜਿਸ ਨੇ ਸ੍ਰੀ ਹਰਿਮੰਦਰ ਸਾਹਿਬ 'ਤੇ ਹੋਏ ਫੌਜੀ ਹਮਲੇ ਸਮੇਂ ਲੱਡੂ ਵੰਡੇ ਸਨ ਤੇ ਸ੍ਰੀ ਅਡਵਾਨੀ ਨੇ ਕਿਹਾ ਸੀ ਕਿ ਇਹ ਕਾਰਵਾਈ ਪਹਿਲਾਂ ਹੀ ਦੇਣੀ ਚਾਹੀਦੀ ਸੀ। ਕਈ ਸਿੱਖ ਜਥੇਬੰਦੀਆਂ ਅੰਦਰੋ ਅੰਦਰੀ ਸੁਲਗ ਰਹੀਆਂ ਹਨ ਕਿ ਸਿੱਖ ਆਗੂ ਆਪਣੇ ਸ਼ਹੀਦਾਂ ਪ੍ਰਤੀ ਸੰਜੀਦਾ ਕਿਉਂ ਨਹੀਂ ਹਨ।

ਪੰਜਾਬ ਰੂਪੀ ਸਰੀਰ ਦੀਆਂ ਲੱਤਾਂ-ਬਾਹਾਂ ਵੱਢ ਕੇ ਪੰਜਾਬ ਸੂਬਾ ਬਣਾਉਣਾ ਹੁਕਮਰਾਨਾਂ ਦੀ ਮੰਦਭਾਵਨਾ ਸੀ :- ਮਾਨ

ਫਤਿਹਗੜ੍ਹ ਸਾਹਿਬ, 16 ਜਨਵਰੀ :- ਜਦੋਂ 1966 ਵਿੱਚ ਪੰਜਾਬੀ ਸੂਬਾ ਬਣਿਆ ਸੀ ਤਾਂ ਹਿੰਦ ਹਕੂਮਤ ਉੱਤੇ ਬੈਠੇ ਮੁਤੱਸਵੀ ਸੋਚ ਵਾਲੇ ਹਿੰਦੂਤਵ ਹੁਕਮਰਾਨਾਂ ਤੇ ਉਸ ਸਮੇ ਦੀ ਸਵਾਰਥੀ ਸਿੱਖ ਲੀਡਰਸਿ਼ਪ ਦੀਆਂ ਕਮਜ਼ੌਰੀਆਂ ਤੇ ਆਪਸੀ ਮਿਲੀਭੁਗਤ ਦੀ ਬਦੌਲਤ ਚੰਡੀਗੜ੍ਹ ਪੰਜਾਬ ਦੀ ਰਾਜਧਾਨੀ, ਪੰਜਾਬ ਦੇ ਬਿਜਲੀ ਪੈਦਾ ਕਰਨ ਵਾਲੇ ਹੈੱਡਵਰਕਸਾਂ, ਪੰਜਾਬੀ ਬੋਲਦੇ ਇਲਾਕੇ ਹਰਿਆਣਾ, ਹਿਮਾਚਲ, ਜੰਮੂ ਕਸ਼ਮੀਰ ਨੂੰ ਸਿੱਖ ਕੌਮ ਦੀ ਪੰਜਾਬ ਸਟੇਟ ਰੂਪੀ ਸਰੀਰ ਦੀਆਂ ਲੱਤਾਂ, ਬਾਹਾਂ ਆਦਿ ਅੰਗ ਵੱਢ ਕੇ ਹੋਂਦ ਵਿੱਚ ਲਿਆਉਣ ਦੀ ਕਾਰਵਾਈ ਮੰਦਭਾਵਨਾ ਭਰੀ ਸੀ।”
ਇਹ ਵਿਚਾਰ ਅੱਜ ਇੱਥੇ ਸ: ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਸ਼੍ਰੀ ਸੁਖਬੀਰ ਬਾਦਲ ਤੇ ਬਾਦਲ ਦਲੀਆਂ ਵੱਲੋਂ ਨਿੱਤ ਦਿਹਾੜੇ ਅਖਬਾਰਾਂ ਵਿੱਚ ਇਸ ਗੱਲ ਦਾ ਰਾਗ ਅਲਾਪਣਾ ਕਿ ਸੈਟਰ ਦੀ ਹਕੂਮਤ ਹਰਿਆਣਾ, ਹਿਮਾਚਲ, ਜੰਮੂ ਕਸ਼ਮੀਰ ਆਦਿ ਪੰਜਾਬ ਦੇ ਗੁਆਂਢੀ ਸੂਬਿਆਂ ਨੂੰ ਉਦਯੋਗ ਰਿਆਇਤਾਂ ਦੇ ਕੇ ਪੰਜਾਬ ਨਾਲ ਬੇਇਨਸਾਫੀ ਕਰ ਰਹੀ ਹੈ ਦੇ ਬਿਆਨ ਨੂੰ ਗੁੰਮਰਾਹਕੁੰਨ ਕਰਾਰ ਦਿੰਦੇ ਹੋਏ ਕਿਹਾ ਕਿ ਇਹ ਉਪਰੋਕਤ ਉਦਯੋਗਿਕ ਰਿਆਇਤਾਂ ਤਾਂ ਸੈਟਰ ਵਿੱਚ ਬੀ ਜੇ ਪੀ ਜਮਾਤ ਦੀ ਹਕੂਮਤ, ਜਿਸਦੇ ਬਾਦਲ ਦਲੀਏ ਭਾਈਵਾਲ ਹਨ ਵੱਲੋਂ ਦਿੱਤੀਆਂ ਗਈਆਂ ਸਨ। ਉਨ੍ਹਾ ਕਿਹਾ ਕਿ ਉਸ ਸਮੇਂ ਸ: ਸੁਖਦੇਵ ਸਿੰਘ ਢੀਂਡਸਾ ਸੈਟਰ ਦੀ ਵਜ਼ਾਰਤ ਵਿੱਚ ਵਜ਼ੀਰ ਸਨ ਤੇ ਸ਼੍ਰੀ ਸੁਖਬੀਰ ਸਿੰਘ ਬਾਦਲ ਵੀ ਸੈਟਰ ਵਿੱਚ ਰਾਜ ਸਭਾ ਮੈਬਰ ਸੀ। ਉਸ ਸਮੇ ਮੈ ਪੰਜਾਬ ਨਾਲ ਹੋ ਰਹੇ ਮਾਲੀ ਤੇ ਵਿਕਾਸ ਪੱਖੋ ਵਿਤਕਰਿਆਂ ਦੀ ਅਵਾਜ਼ ਉਠਾਉਂਦੇ ਹੋਏ ਬਾਦਲ ਦਲ ਦੇ ਐਮ ਪੀਜ਼ ਨੂੰ ਦ੍ਰਿੜਤਾ ਨਾਲ ਸਟੈਡ ਲੈਣ ਲਈ ਕਿਹਾ ਸੀ। ਲੇਕਿਨ ਬਹੁਤ ਦੁੱਖ ਤੇ ਅਫਸੋਸ ਦੀ ਗੱਲ ਹੈ ਕਿ ਇਹ ਬਾਦਲ ਦਲੀਏ ਵਾਜਪਾਈ ਸਰਕਾਰ ਦੇ ਇੰਨੇ ਗੁਲਾਮ ਬਣ ਚੁੱਕੇ ਸਨ ਕਿ ਉਸ ਵਿਰੁੱਧ ਕਦੀ ਵੀ ਕੋਈ ਅਵਾਜ਼ ਨਹੀਂ ਸਨ ਕੱਢਦੇ। ਉਨ੍ਹਾ ਕਿਹਾ ਕਿ ਇਸ ਗੱਲ ਵਿੱਚ ਵੀ ਕੋਈ ਦੋ ਰਾਵਾਂ ਨਹੀਂ ਕਿ ਕਾਂਗਰਸ ਤੇ ਭਾਜਪਾ ਦੋਵੇ ਹੀ ਜਮਾਤਾਂ ਸਿੱਖ ਕੌਮ ਤੇ ਪੰਜਾਬ ਵਿਰੋਧੀ ਹਨ। ਜਦੋਂ ਸੈਟਰ ਵਿੱਚ ਬਾਦਲ ਦਲੀਆਂ ਦੀ ਆਪਣੇ ਭਾਈਵਾਲਾਂ ਦੀ ਹਕੂਮਤ ਸੀ, ਉਦੋਂ ਤਾਂ ਹੋ ਰਹੇ ਵਿਤਕਰਿਆਂ ਤੇ ਜ਼ਬਰ ਜੁਲਮ ਸੰਬੰਧੀ ਇਨ੍ਹਾ ਨੇ ਕਦੀ ਵੀ ਅਵਾਜ਼ ਨਹੀਂ ਉਠਾਈ। ਲੇਕਿਨ ਅੱਜ ਇਹ ਲੋਕ ਸ਼ੋਰ-ਸ਼ਰਾਬਾ ਕਰਕੇ ਕੀ ਪੰਜਾਬੀਆਂ ਨੂੰ ਗੁੰਮਰਾਹ ਨਹੀਂ ਕਰ ਰਹੇ?
ਸ: ਮਾਨ ਨੇ ਕਿਹਾ ਕਿ ਜਿੰਨਾ ਹਕੂਮਤਾਂ ਦੇ ਵਜ਼ੀਰਾਂ ਅਫਸਰਸ਼ਾਹੀ ਨੇ ਸਿੱਖਾਂ ਉੱਤੇ ਜ਼ਬਰ ਜੁਲਮ ਕਰਕੇ ਨਸਲਕੁਸੀ ਖੁਦ ਕਰਵਾਈ ਹੈ, ਉਹ ਲੋਕ ਸਿੱਖ ਕੌਮ ਦੇ ਕਾਤਿਲ ਦੋਸ਼ੀਆਂ ਨੂੰ ਕਦੀ ਵੀ ਸਜ਼ਾਵਾਂ ਨਹੀਂ ਦੇਣਗੇ। ਕਿਉਂਕਿ ਹਿੰਦੂਤਵ ਹੁਕਮਰਾਨ ਤਾਂ ਸਿੱਖ ਕੌਮ ਦੀ ਨਸਲਕੁਸੀ ਕਰਨ ਵਾਲਿਆਂ ਦੀ ਖੁਦ ਪੁਸਤਪਨਾਹੀ ਕਰਦਾ ਆ ਰਿਹਾ ਹੈ। ਅਜਿਹੇ ਹੁਕਮਰਾਨ ਸੁਖਬੀਰ ਬਾਦਲ ਦੇ ਕਹਿਣ ਉੱਤੇ ਫਿਰ ਵਿਰੋਧੀ ਕਾਂਗਰਸ ਜਮਾਤ ਪੰਜਾਬੀਆਂ ਤੇ ਸਿੱਖ ਕੌਮ ਨੂੰ ਕਦੋਂ ਇਨਸਾਫ ਦੇ ਸਕਦੀ ਹੈ? ਉਨ੍ਹਾ ਇੱਕ ਹੋਰ ਅਤਿ ਸੰਜੀਦਾ ਮੁੱਦੇ ਉਤੇ ਗੱਲ ਕਰਦੇ ਹੋਏ ਕਿਹਾ ਕਿ ਬਹੁਤ ਹੀ ਵਿਤਕਰੇ ਭਰੀ ਗੱਲ ਹੈ ਕਿ ਬਾਦਲ ਹਕੂਮਤ ਨੇ ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਸ਼੍ਰੀ ਹਰਚਰਨ ਸਿੰਘ ਬਰਾੜ ਦੀ ਵਿਧਵਾ ਪਤਨੀ ਬੀਬੀ ਗੁਰਵਿੰਦਰ ਕੌਰ ਬਰਾੜ ਨੂੰ ਵੀ ਆਈ ਪੀ ਸਹੂਲਤਾਂ, ਭੱਤੇ ਤੇ ਖਰਚ ਦੇਣ ਦੀ ਗੁਜ਼ਾਰਿਸ ਕੀਤੀ ਹੈ। ਜਦੋਂ ਕਿ ਹਜ਼ਾਰਾਂ ਲੱਖਾਂ ਪੰਜਾਬ ਦੀਆਂ ਲੋੜਵੰਦ ਵਿਧਵਾਵਾਂ ਜਿਨ੍ਹਾ ਦਾ ਜੀਵਨ-ਨਿਰਵਾਹ ਇਨ੍ਹਾ ਵਿਧਵਾ ਪੈਨਸ਼ਨਾਂ ਉਤੇ ਨਿਰਭਰ ਕਰਦਾ ਹੈ, ਉਨ੍ਹਾ ਨੂੰ ਇਹ ਸਹੂਲਤਾਂ ਦੇਣ ਤੋਂ ਪੰਜਾਬ ਸਰਕਾਰ ਭੱਜ ਚੁੱਕੀ ਹੈ। ਉਨ੍ਹਾ ਕਿਹਾ ਕਿ ਬਾਦਲ ਪਰਿਵਾਰ ਤੇ ਬਰਾੜ ਪਰਿਵਾਰ ਦੋਵੇ ਸਿਰੇ ਦੇ ਧਨਾਢ ਪਰਿਵਾਰ ਹਨ। ਜਿਨ੍ਹਾ ਦੀਆਂ ਜਾਇਦਾਦਾਂ ਅਮਰੀਕਾ, ਅਸਟ੍ਰੇਲੀਆ, ਨਿਊਜ਼ੀਲੈਡ ਵਰਗੇ ਮੁਲਕਾਂ ਵਿੱਚ ਹਨ ਤੇ ਬਾਹਰਲੇ ਮੁਲਕਾਂ ਦੇ ਗੁਪਤ ਬੈਕ ਖਾਤਿਆਂ ਵਿੱਚ ਕਰੋੜਾਂ-ਅਰਬਾਂ ਰੁਪਏ ਜਮ੍ਹਾ ਹਨ। ਅਜਿਹੇ ਪਰਿਵਾਰਾਂ ਨੂੰ ਪੰਜਾਬ ਦੇ ਖਜ਼ਾਨੇ ਵਿੱਚੋ ਸਹੂਲਤਾਂ ਦੇਣਾ ਪੰਜਾਬੀਆਂ ਨਾਲ ਹੋਰ ਵੀ ਵੱਡੀ ਬੇਇਨਸਾਫੀ ਹੈ। ਉਨ੍ਹਾ ਕਿਹਾ ਕਿ ਜਦੋਂ ਅਮਰੀਕਾ ਵਿੱਚ ਤਾਲਿਬਾਨਾਂ ਨੇ ਹਮਲਾ ਕੀਤਾ ਤਾਂ ਸਿੱਖਾਂ ਨੂੰ ਤਾਲਿਬਾਨ ਸਮਝ ਕੇ ਨਿਸ਼ਾਨਾ ਬਣਾਇਆ ਗਿਆ ਪਰ ਹਿੰਦ ਹਕੂਮਤ ਨੇ ਤਾਲਿਬਾਨਾਂ ਤੇ ਸਿੱਖਾਂ ਦਾ ਨਿਖੇੜਾ ਕਰਨ ਲਈ ਕੋਈ ਵੀ ਉੱਦਮ ਨਾ ਕੀਤਾ। ਜਦੋਂ ਕਿ ਮਲੇਸ਼ੀਆ ਵਿੱਚ ਹਿੰਦੂਆਂ ਉੱਤੇ ਜਦੋਂ ਹਮਲੇ ਹੋਏ ਤਾਂ ਹਿੰਦ ਹਕੂਮਤ ਨੇ ਫੌਰੀ ਹਰਕਤ ਵਿੱਚ ਆ ਕੇ ਇਹ ਹਮਲੇ ਰੁਕਵਾਏ। ਜਿਸ ਤੋਂ ਹਿੰਦ ਹਕੂਮਤ ਦੀ ਸਿੱਖਾਂ ਪ੍ਰਤੀ ਭੈੜੀ ਨੀਤੀ ਸਪੱਸ਼ਟ ਦਿਖਾਈ ਦੇ ਰਹੀ ਹੈ। ਉਨ੍ਹਾ ਚੀਨ ਵੱਲੋ ਤਿੱਬਤ ਵਿਖੇ ਇੱਕ ਫੌਜੀ ਜਰਨੈਲ ਪਧਾਰਾ ਚੋਲਿੰਗ ਨੂੰ ਗਵਰਨਰ ਲਾ ਕੇ ਤਿੱਬਤੀਆਂ ਦੇ ਅਧਿਕਾਰਾਂ ਦਾ ਹਨਣ ਕੀਤਾ ਹੈ, ਉਸੇ ਤਰ੍ਹਾ ਪੰਜਾਬ ਵਿੱਚ ਵਾਰ ਵਾਰ ਫੌਜੀ ਜਰਨੈਲਾਂ ਨੂੰ ਗਵਰਨਰ ਲਾਉਣ ਦੀ ਸਖਤ ਨਿਖੇਧੀ ਕੀਤੀ। ਉਨ੍ਹਾ ਗੁਰਜੀਤ ਸਿੰਘ ਰਾਣਾ ਸੋਢੀ ਐਮ ਐਲ ਏ ਗੁਰੂ ਹਰ ਸਹਾਏ ਵੱਲੋਂ ਕੈਪਟਨ ਅਮਰਿੰਦਰ ਸਿੰਘ ਨੂੰ ਕਾਂਗਰਸ ਦਾ ਪ੍ਰਧਾਨ ਬਣਾਉਣ ਦੀ ਵਕਾਲਤ ਕਰਨ ਉੱਤੇ ਤਿੱਖਾ ਪ੍ਰਤੀਕਰਮ ਪ੍ਰਗਟ ਕਰਦੇ ਹੋਏ ਕਿਹਾ ਕਿ ਵਾਹਗਾ ਬੋਰਡਰ ਤੋਂ ਦੂਸਰੇ ਮੁਲਕਾਂ ਦੀਆਂ ਬੀਬੀਆਂ ਨੂੰ ਆਪਣੀਆਂ ਐਯਾਸੀਆਂ ਲਈ ਲਿਜਾ ਕੇ ਸਿੱਖ ਵਿਵਹਾਹਾ ਵਿੱਚ ਖਲਲ ਪਾਉਣ ਵਾਲੇ ਅਜਿਹੇ ਕਾਂਗਰਸੀਆਂ ਨੂੰ ਕੋਈ ਹੱਕ ਨਹੀਂ ਕਿ ਉਹ ਕਾਂਗਰਸ ਜਮਾਤ ਨੂੰ ਪ੍ਰਧਾਨਗੀਆਂ ਲਈ ਆਪਣੀ ਰਾਏ ਦੇਣ। ਬੇਸ਼ੱਕ ਇਹ ਫੈਸਲਾ ਕਰਨਾ ਕਾਂਗਰਸ ਦਾ ਆਪਣਾ ਮਾਮਲਾ ਹੈ।

ਬਾਬਾ ਨਿਰਮਲ ਦਾਸ ਦੀ ਸਲਾਹ ਮੁਤਾਬਕ ਦਲਿਤ ਸਮਾਜ ਗੁਰੂ ਗ੍ਰੰਥ ਸਾਹਿਬ ਦੀ ਅਗਵਾਈ ਹੀ ਕਬੂਲੇ-ਭਾਈ ਚੀਮਾ

ਫ਼ਤਿਹਗੜ੍ਹ ਸਾਹਿਬ, 16 ਜਨਵਰੀ (ਪਰਦੀਪ ਸਿੰਘ) : ਭਗਤ ਰਵਿਦਾਸ ਜੀ ਨਾਲ ਸਬੰਧਿਤ ਕੁਝ ਗੁਰਦੁਆਰਿਆਂ ਵਿੱਚੋਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਸਰੂਪ ਹਟਾਏ ਜਾਣ ਦੀ ਕਾਰਵਾਈ ਦਾ ਭਗਤ ਰਵਿਦਾਸ ਸਾਧੂ ਸੰਪ੍ਰਦਾਇ ਸੁਸਾਇਟੀ ਦੇ ਪ੍ਰਧਾਨ ਬਾਬਾ ਨਿਰਮਲ ਦਾਸ ਜੋੜੇ ਵਾਲਿਆਂ ਨੇ ਵਿਰੋਧ ਕਰਕੇ ਅਤੇ ਸ੍ਰੀ ਗੁਰੁ ਗ੍ਰੰਥ ਸਾਹਿਬ ਜੀ ਨੂੰ ਹੀ ਦਲਿਤ ਸਮਾਜ ਲਈ ਰਾਹ ਦਸੇਰਾ ਦੱਸ ਕੇ ਉਨ੍ਹਾਂ ਨੇ ਦਲਿਤ ਸਮਾਜ ਨੂੰ ਮਨੂੰਵਾਦੀਆਂ ਦੀਆਂ ਚਾਲਾਂ ਤੋਂ ਸੁਚੇਤ ਕੀਤਾ ਹੈ। ਦਲਿਤ ਸਮਾਜ ਜ਼ਰੂਰ ਉਨ੍ਹਾਂ ਦੀ ਚੇਤਾਵਨੀ ਨੂੰ ਸਮਝਦਾ ਹੋਇਆ ਇਸ ਤਰ੍ਹਾਂ ਦਾ ਕੋਈ ਕਦਮ ਨਹੀਂ ਚੁਕੇਗਾ ਜੋ ਉਸ ਸਮਾਜ ਲਈ ਭੱਵਿਖ ਵਿੱਚ ਉਨ੍ਹਾਂ ਲਈ ਨਿਰਾਸ਼ਾ ਦਾ ਕਾਰਨ ਬਣੇ। ਇਹ ਵਿਚਾਰ ਅੱਜ ਇੱਥੇ ਸ਼੍ਰੋਮਣੀ ਅਕਾਲੀ ਦਲ ਪੰਚ ਪ੍ਰਧਾਨੀ ਦੇ ਸਕੱਤਰ ਜਨਰਲ ਭਾਈ ਹਰਪਾਲ ਸਿੰਘ ਚੀਮਾ ਨੇ ਪ੍ਰਗਟ ਕੀਤੇ। ਉਨ੍ਹਾਂ ਕਿਹਾ ਕਿ ਬਾਬਾ ਨਿਰਮਲ ਦਾਸ ਸ਼ੁਰੂ ਤੋਂ ਹੀ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦਾ ਸਤਿਕਾਰ ਕਰਦੇ ਆ ਰਹੇ ਹਨ ਅਤੇ ਅਸੀਂ ਵੀ ਭਗਤ ਰਵਿਦਾਸ ਜੀ ਦੇ ਜਨਮ ਦਿਹਾੜੇ ’ਤੇ ਫ਼ਤਿਹਗੜ੍ਹ ਸਾਹਿਬ ਤੋਂ ਇਕ ਨਗਰ ਕੀਰਤਨ ਉਨ੍ਹਾਂ ਦੇ ਧਾਰਮਿਕ ਸਥਾਨ ਤੱਕ ਲੈ ਕੇ ਗਏ ਸੀ। ਉਨ੍ਹਾਂ ਕਿਹਾ ਕਿ ਦਲਿਤ ਸਮਾਜ ਨੂੰ ਚਾਹੀਦਾ ਹੈ ਕਿ ਉਹ ਬਾਬਾ ਨਿਰਮਲ ਦਾਸ ਦੇ ਆਦੇਸ਼ ਅਨੁਸਾਰ ਉਸੇ ਤਰ੍ਹਾਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਅਗਵਾਈ ਕਬੂਲਦਾ ਰਹੇ ਜਿਵੇਂ ਪਹਿਲਾਂ ਤੋਂ ਕਬੂਲਦਾ ਆ ਰਿਹਾ ਹੈ ਕਿਉਂ ਕਿ ਮਨੂੰਵਾਦ ਨੂੰ ਸ਼ਬਦ ਗੁਰੂ ਦੀ ਸਿੱਖਿਆ ’ਤੇ ਚੱਲ ਕੇ ਹੀ ਭਾਂਜ ਦਿੱਤੀ ਜਾ ਸਕਦੀ ਹੈ ਤੇ ਉਸ ਸਰਬ-ਸਾਂਝੀਵਾਲਤਾ ਵਾਲੇ ਨਿਜ਼ਾਮ ਦੀ ਸਥਾਪਨਾ ਕਰ ਸਕਦੇ ਹਾਂ ਜਿਸ ਦਾ ਸੰਕਲਪ ਸਾਡੇ ਗੁਰੂਆਂ ਨੇ ਸਾਨੂੰ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਭਗਤ ਰਵਿਦਾਸ ਜੀ ਦੀ ਵੀ ਉਹੀ ਬਾਣੀ ਮੂਲ ਰੂਪ ਵਿੱਚ ਸੁਰੱਖਿਅਤ ਪਈ ਹੈ ਜਿਸਨੂੰ ਗੁਰੂ ਗ੍ਰੰਥ ਸਾਹਿਬ ਵਿੱਚ ਸੰਕਲਨ ਕਰਕੇ ਸਾਂਭ ਲਿਆ ਗਿਆ ਸੀ ਵਰਨਾ ਮਨੂੰਵਾਦ ਨੇ ਤਾਂ ਦਲਿਤ ਸਮਾਜ ਨੂੰ ਅਪਣਾ ਗੁਲਾਮ ਬਣਾਏ ਰੱਖਣ ਵਿੱਚ ਕੋਈ ਕਸਰ ਨਹੀਂ ਛੱਡ ਰੱਖੀ।

ਆਸਟਰੇਲੀਆ 'ਚ ਭਾਰਤੀਆਂ ਨੂੰ ਬਾਰ 'ਚ ਜਾਣ ਤੋਂ ਰੋਕਿਆ .

. ਮੈਲਬੌਰਨ, 16 ਜਨਵਰੀ-ਆਸਟ੍ਰੇਲੀਆ ਵਿਚ ਪਹਿਲਾਂ ਭਾਰਤੀਆਂ ਨਾਲ ਨਸਲੀ ਹਿੰਸਾ ਤੇ ਹੁਣ ਉਥੇ ਵਿਤਕਰੇਬਾਜ਼ੀ ਵੀ ਸ਼ੁਰੂ ਹੋ ਗਈ ਹੈ । ਜਾਣਕਾਰੀ ਅਨੁਸਾਰ ਆਸਟ੍ਰੇਲੀਆ ਵਿਚ ਅੱਜ ਤਿੰਨ ਭਾਰਤੀਆਂ ਨੂੰ ਇਕ ਬਾਰ ਵਿਚ ਜਾਣ ਤੋਂ ਰੋਕ ਦਿੱਤਾ ਗਿਆ। ਇਹ ਘਟਨਾ ਮੈਲਬੌਰਨ ਸੈਂਟਰ ਲਾਇਨ ਹੋਟਲ ਬਾਰ ਦੀ ਹੈ, ਜਿਥੇ ਤਿੰਨ ਭਾਰਤੀਆਂ ਤੇ ਤਿੰਨ ਨੇਪਾਲੀ ਲੋਕਾਂ ਨੂੰ ਬਾਰ ਦੇ ਅੰਦਰ ਦਾਖ਼ਲ ਨਹੀਂ ਹੋਣ ਦਿੱਤਾ। ਇਨ੍ਹਾਂ ਵਿਚੋਂ ਨੇਪਾਲ ਦੇ ਨਾਗਰਿਕ ਸੁਜਾਨ ਪਾਠਕ ਦਾ ਕਹਿਣਾ ਹੈ ਕਿ ਅਸੀਂ ਆਪਣੇ ਭਾਰਤੀ ਮਿੱਤਰ ਨੂੰ ਬਾਰ ਵਿਚ ਪਾਰਟੀ ਦੇਣ ਲਈ ਗਏ ਸੀ। ਪਰ ਸਾਨੂੰ ਬਾਰ ਦੇ ਅੰਦਰ ਦਾਖ਼ਲ ਨਹੀਂ ਹੋਣ ਦਿੱਤਾ ਗਿਆ। ਸੁਜਾਨ ਦਾ ਕਹਿਣਾ ਸੀ ਕਿ ਅਸੀਂ ਇਸ ਤੋਂ ਬਾਅਦ ਪੁਲਿਸ ਨਾਲ ਸੰਪਰਕ ਕੀਤਾ। ਪਰ ਪੁਲਿਸ ਨੇ ਵੀ ਇਸ ਮਾਮਲੇ ਵਿਚ ਸਾਡੀ ਕੋਈ ਸਹਾਇਤਾ ਨਹੀਂ ਕੀਤੀ। ਇਥੋਂ ਦੇ ਸਾਰੇ ਬਾਰਾਂ ਦੇ ਬਾਹਰ ਨੋਟਿਸ ਲਗਾਇਆ ਗਿਆ ਹੈ, ਜਿਸ ਵਿਚ ਲਿਖਿਆ ਹੈ ਕਿ ਅਸੀਂ ਕਿਸੇ ਵੀ ਕਸਟਮਰ ਨੂੰ ਬਿਨਾਂ ਕਿਸੇ ਕਾਰਨ ਦੱਸੇ ਬਾਹਰ ਕੱਢ ਸਕਦੇ ਹਾਂ। ਉਨ੍ਹਾਂ ਦੱਸਿਆ ਕਿ ਅਸੀਂ ਹੋਟਲ ਦੇ ਬਾਹਰ ਲਗਭਗ 10 ਮਿੰਟ ਤੱਕ ਖੜ੍ਹੇ ਰਹੇ। ਉਸ ਤੋਂ ਬਾਅਦ ਪੁਲਿਸ ਨੂੰ ਮਦਦ ਲਈ ਬੁਲਾਇਆ ਅਤੇ ਦੱਸਿਆ ਕਿ ਇਹ ਇਕ ਨਸਲੀ ਹਮਲਾ ਹੈ। ਪਰ ਕੁਝ ਦੇਰ ਬਾਅਦ ਪੁਲਿਸ ਨੇ ਇਸ ਨੂੰ ਨਸਲੀ ਮਾਮਲਾ ਨਾ ਮੰਨਦੇ ਹੋਏ ਉਥੇ ਆਉਣ ਤੋਂ ਇਨਕਾਰ ਕਰ ਦਿੱਤਾ।

ਸੱਜਣ ਕੁਮਾਰ ਖਿਲਾਫ਼ ਕੇਸ ਲੜਨ ਵਾਲੇ ਵਕੀਲ ਨੂੰ ਹਰ ਸੰਭਵ ਮਦਦ ਦਿੱਤੀ ਜਾਵੇਗੀ-ਸਰਨਾ

ਨਵੀਂ ਦਿਲੀ, 16, ਜਨਵਰੀ-ਸੀ ਬੀ ਆਈ ਵਲੋਂ ਨਵੰਬਰ-84 ਦੇ ਗਰਦਾਨੇ ਜਾਂਦੇ ਇਕ ਮੁਖ ਦੋਸ਼ੀ, ਸਜਣ ਕੁਮਾਰ ਦੇ ਵਿਰੁਧ ਦੋ ਮਾਮਲਿਆਂ ਵਿਚ ਚਾਰਜਸ਼ੀਟ ਦਾਖ਼ਲ ਕਰ ਦਿਤੇ ਜਾਣ ਤੇ, ਉਸਦੇ ਵਿਰੁਧ ਪੀੜਤਾਂ ਵਲੋਂ ਪ੍ਰਭਾਵੀ ਪੈਰਵੀ ਕੀਤੇ ਜਾਣ ਦੀ ਲੋੜ ਨੂੰ ਮੁਖ ਰਖਦਿਆਂ, ਇਹ ਮਹਿਸੂਸ ਕੀਤਾ ਜਾ ਰਿਹਾ ਹੈ, ਕਿ ਇਸਦੇ ਲਈ ਪ੍ਰਮੁਖ ਕਾਨੂੰਨਦਾਨਾਂ ਦੀਆਂ ਸੇਵਾਵਾਂ ਵੀ ਪ੍ਰਾਪਤ ਕੀਤੀਆਂ ਜਾਣ। ਇਸ ਗਲ ਦੇ ਮਦੇ-ਨਜ਼ਰ, ਜਦੋਂ ਸ ਪਰਮਜੀਤ ਸਿੰਘ ਸਰਨਾ ਪ੍ਰਧਾਨ, ਦਿਲੀ ਸਿਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਅਤੇ ਸ਼੍ਰੋਮਣੀ ਅਕਾਲੀ ਦਲ, ਦਿਲੀ ਨਾਲ ਸੰਪਰਕ ਕੀਤਾ ਗਿਆ ਤਾਂ ਉਨ੍ਹਾਂ ਨੇ ਦਸਿਆ ਕਿ ਜਿਉਂ ਹੀ ਉਨ੍ਹਾਂ ਨੂੰ ਸਜਣ ਕੁਮਾਰ ਦੇ ਵਿਰੁਧ ਚਾਰਜਸ਼ੀਟ ਦਾਖ਼ਲ ਕੀਤੇ ਜਾਣ ਦਾ ਪਤਾ ਚਲਿਆ, ਤਾਂ ਉਨ੍ਹਾਂ ਨੇ ਉਸੇ ਸਮੇਂ ਪੀੜਤਾਂ ਦੇ ਕੇਸਾਂ ਦੀ ਪੈਰਵੀ ਕਰਦੇ ਚਲੇ ਆ ਰਹੇ ਐਡਵੋਕੇਟ ਸ ਐਚ ਐਸ ਫ਼ੂਲਕਾ ਦੇ ਨਾਲ ਫ਼ੋਨ ਪੁਰ ਗਲ ਕੀਤੀ ਤੇ ਉਨ੍ਹਾਂ ਨੂੰ ਕਿਹਾ ਕਿ ਇਸ ਮਾਮਲੇ ਨੂੰ ਬਹੁਤ ਹੀ ਗੰਭੀਰਤਾ ਦੇ ਨਾਲ ਲੈ ਕੇ ਲੜਿਆ ਜਾਣਾ ਚਾਹੀਦਾ ਹੈ, ਤਾਂ ਜੋ ਇਕ ਮੁਖ ਦੋਸ਼ੀ ਨੂੰ ਸਜ਼ਾ ਦੁਆਉਣ ਦਾ ਜੋ ਮੌਕਾ ਬਣਿਆ ਹੈ, ਉਹ ਹਥੋਂ ਨਾ ਨਿਕਲ ਜਾਏ। ਇਸਦੇ ਲਈ ਉਨ੍ਹਾਂ ਨੂੰ ਕਿਸੇ ਕਿਸਮ ਦੀ, ਜਿਵੇਂ ਸੀਨੀਅਰ ਐਡਵੋਕੇਟਾਂ ਦੀਆਂ ਸੇਵਾਵਾਂ ਹਾਸਲ ਕਰਨ, ਜਾਂ ਕਿਸੇ ਕਾਗਜ਼-ਪਤ੍ਰ ਆਦਿ ਪੁਰ ਦਸਤਖ਼ਤ ਕਰਨ-ਕਰਾਉਣ ਜਾਂ ਕਿਸੇ ਵੀ ਤਰ੍ਹਾਂ ਦੀ ਹੋਰ ਮਦਦ ਜਾਂ ਸਹਿਯੋਗ ਦੀ ਲੋੜ ਹੋਵੇ, ਦਿੱਲੀ ਸਿਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਲੋਂ ਪਹਿਲਾਂ ਵਾਂਗ ਹੀ ਪੂਰਣ ਸਹਿਯੋਗ ਦਿਤਾ ਜਾਂਦਾ ਰਹੇਗਾ। ਸ ਸਰਨਾ ਨੇ ਕਿਹਾ ਕਿ ਉਹ ਨਵੰਬਰ-84 ਦੇ ਦੋਸ਼ੀਆਂ ਨੂੰ ਸਜ਼ਾ ਦੁਆਉਣ ਦੇ ਮੁਦੇ ਤੇ ਸ਼ੁਰੂ ਤੋਂ ਹੀ ਬਹਤ ਗੰਭੀਰ ਚਲਦੇ ਆ ਰਹੇ ਹਨ। ਉਨ੍ਹਾਂ ਦਸਿਆ ਕਿ ਦੋਸ਼ੀਆਂ ਦੇ ਵਿਰੁਧ ਮਾਮਲਿਆਂ ਦੀ ਪੈਰਵੀ ਕਰਨ ਦੇ ਲਈ ਦਿਲੀ ਸਿਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਲੋਂ ਐਡਵੋਕੇਟ ਸ ਫ਼ੂਲਕਾ ਦੀ ਅਗਵਾਈ ਵਿਚ ਇਕ ਕਮੇਟੀ ਬਣਾਈ ਗਈ ਹੈ, ਜਿਸਨੂੰ ਕਮੇਟੀ ਵਲੋਂ ਹਰ ਤਰ੍ਹਾਂ ਦਾ ਸਹਿਯੋਗ ਦਿਤਾ ਜਾਂਦਾ ਰਿਹਾ ਹੈ। ਉਨ੍ਹਾਂ ਸਪਸ਼ਟ ਕੀਤਾ ਕਿ ਉਹ ਇਸ ਮਾਮਲੇ ਵਿਚ ਬਿਆਨਾਂ ਪੁਰ ਨਹੀਂ, ਸਗੋਂ ਅਮਲੀ ਸਹਿਯੋਗ ਕਰਨ ਵਿਚ ਵਿਸ਼ਵਾਸ ਕਰਦੇ ਹਨ। ਉਹ ਚਾਹੁੰਦੇ ਹਨ ਕਿ ਸਿਖਾਂ ਦੇ ਹਤਿਆ-ਕਾਂਡ ਦੇ ਦੋਸ਼ੀਆਂ ਨੂੰ ਹਰ ਹਾਲਤ ਵਿਚ ਸਜ਼ਾ ਮਿਲੇ, ਕਿਉਂਕਿ ਉਨ੍ਹਾਂ ਨੇ ਬੇਗ਼ੁਨਾਹ ਸਿਖਾਂ ਦੇ ਕਤਲਾਂ ਦਾ ਅਜਿਹਾ ਗ਼ੁਨਾਹ ਕੀਤਾ ਹੈ, ਜੋ ਕਦੀ ਵੀ ਬਖ਼ਸ਼ਿਆ ਨਹੀਂ ਜਾ ਸਕਦਾ।। ਉਹ ਇਸ ਉਦੇਸ਼ ਲਈ ਦਿਤੇ ਜਾ ਰਹੇ ਸਹਿਯੋਗ ਦੀ ਰਾਜਨੈਤਿਕ ਵਰਤੋਂ ਕੀਤੇ ਜਾਣ ਦੇ ਹਕ ਵਿਚ ਨਹੀਂ ਹਨ, ਕਿਉਂਕਿ ਇਹ ਸਮੁਚੇ ਸਿਖ-ਜਗਤ ਦਾ ਭਾਵਨਾਤਮਕ ਮੁਦਾ ਹੈ, ਜਿਸਦੀ ਰਾਜਸੀ ਸੁਆਰਥ ਲਈ ਵਰਤੋਂ ਕੀਤਾ ਜਾਣਾ, ਕਿਸੇ ਤਰ੍ਹਾਂ ਵੀ ਜਾਇਜ਼ ਨਹੀਂ ਹੈ।

ਹਕੀਮਉਲਾ ਮਰਿਆ ਨਹੀਂ ਸਿਰਫ਼ ਜ਼ਖ਼ਮੀ ਹੋਇਐ

ਪਿਸ਼ਾਵਰ, 16 ਜਨਵਰੀ - ਪਾਕਿਸਤਾਨ ਵਿਚ ਤਾਲਿਬਾਨ ਦੇ ਇਕ ਬੁਲਾਰੇ ਨੇ ਸਵੀਕਾਰ ਕੀਤਾ ਹੈ ਕਿ ਵੀਰਵਾਰ ਨੂੰ ਹੋਏ ਅਮਰੀਕੀ ਡਰੋਨ ਹਮਲੇ ਵਿਚ ਉਨ੍ਹਾਂ ਦਾ ਆਗੂ ਹਕੀਮਉਲਾ ਮਹਿਸੂਦ ਮਾਰਿਆ ਨਹੀਂ ਗਿਆ ਸਗੋਂ ਜ਼ਖ਼ਮੀ ਹੋਇਆ ਹੈ । ਇਸ ਹਮਲੇ ਵਿਚ ਹਕੀਮਉਲਾ ਦੇ ਮਾਰੇ ਜਾਣ ਦੇ ਅਨੁਮਾਨ ਲਗਾਏ ਜਾ ਰਹੇ ਸਨ, ਪਰ ਤਾਲਿਬਾਨ ਨੇ ਦਾਅਵਾ ਕੀਤਾ ਹੈ ਕਿ ਹਕੀਮਉਲਾ ਬਚ ਨਿਕਲਣ ਵਿਚ ਸਫ਼ਲ ਰਿਹਾ। ਇਸ ਦੌਰਾਨ ਉਤਰੀ ਵਜ਼ੀਰਸਤਾਨ ਵਿਚ ਹੋਏ ਡਰੋਨ ਹਮਲੇ ਵਿਚ ਛੇ ਕੱਟੜਪੰਥੀਆਂ ਦੇ ਮਾਰੇ ਜਾਣ ਦੀ ਖ਼ਬਰ ਹੈ। ਸੂਤਰਾਂ ਦਾ ਕਹਿਣਾ ਹੈ ਕਿ ਇਸ ਹਮਲੇ ਵਿਚ ਕੱਟੜਪੰਥੀਆਂ ਦਾ ਇਕ ਕੈਂਪ ਤਬਾਹ ਹੋ ਗਿਆ ਹੈ। ਅਧਿਕਾਰੀਆਂ ਨੇ ਇਹ ਵੀ ਦਾਅਵਾ ਕੀਤਾ ਹੈ ਕਿ 9 ਜਨਵਰੀ ਵਿਚ ਹੋਏ ਮਿਜ਼ਾਈਲ ਹਮਲੇ ਵਿਚ ਇਕ ਪ੍ਰਮੁੱਖ ਤਾਲਿਬਾਨੀ ਆਗੂ ਜਮਾਲ ਸਈਦ ਅਬਦੁਲ ਰਹੀਮ ਦੀ ਮੌਤ ਹੋ ਗਈ ਹੈ।

ਮਹਿੰਗਾਈ ਰੋਕਣ ਲਈ ਜ਼ਖੀਰੇਬਾਜਾਂ ਤੇ ਸਮੱਗਲਰਾਂ ਦੀ ਪੁਸ਼ਤਪਨਾਹੀ ਕਰਨ ਵਾਲੇ ਕਾਬੂ ਕਰੋ-ਮਾਨ

ਚੰਡੀਗੜ੍ਹ,15 ਜਨਵਰੀ -ਸ. ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਅੱਜ ਆਪਣੀ ਪਾਰਟੀ ਦੇ ਮੁੱਖ ਦਫਤਰ ਤੋਂ ਆਪਣੇ ਦਸਤਖਤਾਂ ਹੇਠ ਜਾਰੀ ਕੀਤੇ ਇੱਕ ਬਿਆਨ ਵਿੱਚ ਕਰਨ ਵਾਲੇ ਸਿਆਸਤਦਾਨਾਂ ਤੇ ਉੱਚ ਅਫਸਰਸ਼ਾਹੀ ਨੂੰ ਕਾਬੂ ਕੀਤੇ ਬਿਨਾਂ, ਡਾ. ਮਨਮੋਹਨ ਸਿੰਘ ਵਜੀਰ-ਏ-ਆਜ਼ਮ ਹਿੰਦ ਵੱਲੋਂ ਦਿਨੋਂ-ਦਿਨ ਵੱਧਦੀ ਜਾ ਰਹੀ ਮਹਿੰਗਾਈ ਨੂੰ ਰੋਕਣ ਦੀ ਗੱਲ ਕਰਨਾ ਕੇਵਲ ਘੁੱਪ ਹਨ੍ਹੇਰੇ ਵਿੱਚ ਕਾਲੀ ਬਿੱਲੀ ਫੜਨ ਦੇ ਹੀ ਤੁੱਲ ਕਾਰਵਾਈ ਹੈ। ਉਨ੍ਹਾਂ ਕਿਹਾ ਕਿ ਸੈਂਟਰ ਦੀ ਹਕੂਮਤ ਮੁਲਕ ਤੇ ਸੂਬਿਆਂ ਦੇ ਚੌਕਸੀ ਵਿਭਾਗ ਛੋਟੀ-ਮੋਟੀ ਗੈਰ ਮਗਰਮਛ, ਬੋਫਰਜ਼, ਘੋਟਾਲੇ, ਪੰਜਾਬ ਦੇ ਭੂ ਮਾਫੀਆ ਦੇ ਸਰਗਨੇ ਮੌਜੂਦ ਗਵਰਨਰ ਪੰਜਾਬ, ਜਨਰਲ ਦੀਪਕ ਕਪੂਰ ਵਰਗੇ ਫੌਜੀ ਵਸਤਾਂ ਦੀ ਖਰੀਦੋ ਫਰੋਖਤ ਕਰਦੇ ਸਮੇਂ ਵੱਡੇ ਘੋਟਾਲੇ ਕਰਨ ਵਾਲੇ ਰਿਸ਼ਵਤਖੋਰ ਸ. ਪ੍ਰਕਾਸ਼ ਸਿੰਘ ਬਾਦਲ, ਸੁਖਬੀਰ ਬਾਦਲ, ਮਾਤਾ ਸੁਰਿੰਦਰ ਕੌਰ ਬਾਦਲ, ਕੈਪਟਨ ਅਮਰਿੰਦਰ ਸਿੰਘ, ਬੀਬੀ ਭੱਠਲ ਜੋ ਅੱਜ ਅਦਾਲਤ ਦੇ ਕਟਹਿਰਿਆਂ ਵਿੱਚ ਖੜ੍ਹੇ ਹਨ। ਅਜਿਹੇ ਵੱਡੇ ਮੁਰਗਿਆਂ ਨੂੰ ਕਾਨੂੰਨ ਤੇ ਚੌਕਸੀ ਵਿਭਾਗ ਪਹਿਲੇ ਤਾਂ ਹੱਥ ਹੀ ਨਹੀਂ ਪਾਉਂਦਾ। ਜੇਕਰ ਅਵਾਮ ਦੀ ਉੱਠ ਰਹੀ
ਇਨਸਾਫ ਵਾਲੀ ਆਵਾਜ਼ ਅੱਗੇ ਝੁਕ ਕੇ ਹਕੂਮਤਾਂ ਤੇ ਸਿਆਸਤਦਾਨਾਂ ਵੱਲੋਂ ਅਜਿਹੇ ਵੱਡੇ ਜਖੀਰੇਬਾਜਾਂ, ਸਮੱਗਲਰਾਂ, ਗੈਰ-ਕਾਨੂੰਨੀ ਧੰਦਿਆਂ ਵਿੱਚ ਸ਼ਾਮਲ ਦੋਸ਼ੀਆਂ ਵਿਰੁੱਧ ਕੋਈ ਕਾਰਵਾਈ ਕਰਨ ਦੀ ਗੱਲ ਸਾਹਮਣੇ ਆਉਂਦੀ ਹੈ, ਤਾਂ ਉਨ੍ਹਾਂ ਨੂੰ ਚੋਰ ਦਰਵਾਜ਼ਿਓਂ ਕਾਨੂੰਨੀ ਮਾਰ ਤੋਂ ਬਚਾਉਣ ਲਈ ਸਾਜਿਸ਼ਾਂ ਸ਼ੁਰੂ ਹੋ ਜਾਂਦੀਆਂ ਹਨ। ਉਨ੍ਹਾਂ ਕਿਹਾ ਕਿ ਮੁਲਕ ਵਿੱਚ ਅਫਰਾ-ਤਫਰੀ ਫੈਲਾਉਣ ਤੇ ਵੱਧਦੀ ਜਾ ਰਹੀ ਮਹਿੰਗਾਈ ਲਈ ਅਜਿਹੇ ਲੋਕ ਹੀ ਮੁੱਖ ਤੌਰ ’ਤੇ ਜ਼ਿੰਮੇਵਾਰ ਹਨ। ਉਨ੍ਹਾਂ ਇਸ ਗੱਲ ਤੇ ਬਹੁਤ ਹੈਰਾਨੀ ਤੇ ਦੁੱਖ ਪ੍ਰਗਟ ਕੀਤਾ ਕਿ ਆਰ.ਟੀ.ਆਈ.ਐਕਟ ਨੂੰ ਸਭ ਉੱਚ ਅਹੁਦਿਆਂ ਉੱਤੇ ਬਰਾਬਰ ਨਾ ਲਾਗੂ ਕਰਕੇ ਮੁਲਕ ਦੀ ਰਿਪਬਲੀਕਨ ਅਧਿਕਾਰਾਂ ਦਾ ਮੌਜੂ ਉਡਾਇਆ ਜਾਂਦਾ ਹੈ, ਜਦੋਂਕਿ ਇਹ ਆਰ.ਟੀ.ਆਈ. ਐਕਟ ਸਮੁੱਚੇ ਮੁਲਕ ਵਿੱਚ ਸਮੁੱਚੇ ਉੱਚ-ਅਹੁਦਿਆਂ ਉੱਤੇ ਵੀ ਉਸੇ ਤਰ੍ਹਾਂ ਲਾਗੂ ਹੋਣਾ ਚਾਹੀਦਾ ਹੈ। ਉਨ੍ਹਾਂ ਆਪਣੇ ਬਿਆਨ ਦੇ ਅੰਤ ਵਿੱਚ ਕਿਹਾ ਕਿ ਜਦੋਂ ਹਰਿਆਣੇ ਦੇ ਸਾਬਕਾ ਡੀ.ਜੀ.ਪੀ.ਰਾਠੌਰ ਵੱਲੋਂ ਗੈਰ-ਕਾਨੂੰਨੀ ਤੇ ਗੈਰ-ਇਖਲਾਕੀ ਕੀਤੀ ਗਈ ਕਾਰਵਾਈ ਉਪਰੰਤ ਉਸ ਦੇ ਸਨਮਾਨ ਮੈਡਲ ਵਾਪਸ ਲਏ ਜਾ ਰਹੇ ਹਨ ਤਾਂ ਪੰਜਾਬ ਦੇ ਸਾਬਕਾ ਡੀ.ਜੀ.ਪੀ. ਸ੍ਰੀ ਕੇ.ਪੀ.ਐੱਸ.ਗਿੱਲ ਜਿਨ੍ਹਾਂ ਉੱਤੇ ਇਕ ਸੀਨੀਅਰ ਆਈ.ਏ.ਐੱਸ.ਬੀਬੀ ਰੂਪਨ ਦਿਓਲ ਬਜਾਜ ਵੀ ਤੁਰੰਤ ਵਾਪਸ ਲਿਆ ਜਾਵੇ ਤਾਂ ਜਿਨ੍ਹਾਂ ਪੁਲਿਸ ਅਫਸਰਾਂ ਨੇ ਬੀਤੇ ਸਮੇਂ ਵਿੱਚ ਪੰਜਾਬ ਵਿੱਚ ਆਪਣੇ ਅਧਿਕਾਰਾਂ ਤੇ ਮਾਲਕ ਦੇ ਕਾਨੂੰਨ ਦੀਆਂ ਹੱਦਾਂ ਟੱਪ ਕੇ ਅਣਮਨੁੱਖੀ ਤੇ ਗੈਰ-ਕਾਨੂੰਨੀ ਤਰੀਕੇ ਸਿੱਖ ਕੌਮ ਦਾ ਕਤਲੇਆਮ ਕਰਕੇ ਤਰੱਕੀਆਂ ਲਈਆਂ ਹਨ ਤੇ ਆਪਣੀ ਹੈਸੀਅਤ ਤੋਂ ਵੱਧ ਜਾਇਦਾਦਾਂ ਦੇ ਭੰਡਾਰ ਇੱਕਠੇ ਕੀਤੇ ਹਨ, ਉਨ੍ਹਾਂ ਦੀਆਂ ਕੀਤੀਆਂ ਗਈਆਂ ਤਰੱਕੀਆਂ ਨੂੰ ਤੁਰੰਤ ਮਨਸੂਖ ਕੀਤਾ ਜਾਵੇ।

ਡਾ: ਮਨਮੋਹਨ ਸਿੰਘ, ਬਾਦਲ ਤੇ ਮੱਕੜ੍ਹ ਸਿੱਖਾਂ ਉੱਤੇ ਹੋ ਰਹੇ ਹਮਲਿਆਂ ਨੂੰ ਰੋਕਣ ਲਈ ਸੰਜੀਦਾ ਨਹੀਂ :- ਟਿਵਾਣਾ

ਫਤਿਹਗੜ੍ਹ ਸਾਹਿਬ, 15 ਜਨਵਰੀ :- “ਆਸਟ੍ਰੇਲੀਆ ਤੇ ਹੋਰ ਕਈ ਮੁਲਕਾਂ ਵਿੱਚ ਉੱਥੋ ਦੇ ਬਸਿੰਦਿਆਂ ਵੱਲੋ, ਉਨ੍ਹਾ ਮੁਲਕਾਂ ਵਿੱਚ ਪੜ੍ਹ ਰਹੇ ਪੰਜਾਬੀ ਸਿੱਖ ਵਿਦਿਆਰਥੀਆਂ ਅਤੇ ਕਈ ਕੰਮ ਕਰਨ ਵਾਲੇ ਸਿੱਖਾਂ ਉਤੇ ਜਾਨਲੇਵਾ ਹਮਲੇ ਲੰਮੇ ਸਮੇ ਤੋਂ ਨਿਰੰਤਰ ਹੁੰਦੇ ਆ ਰਹੇ ਹਨ। ਜੋ ਕਿ ਕੌਮਾਂਤਰੀ ਮਨੁੱਖੀ ਅਧਿਕਾਰਾਂ ਤੇ ਇਨਸਾਨੀਅਤ ਕਦਰਾਂ-ਕੀਮਤਾਂ ਦਾ ਕਤਲ ਕਰਨ ਦੇ ਤੁੱਲ ਕਾਰਵਾਈ ਹੈ। ਉਥੋ ਦੀਆਂ ਸਰਕਾਰਾਂ ਵੱਲੋ ਸਿੱਖ ਵਿਦਿਆਰਥੀਆਂ ਤੇ ਉਨ੍ਹਾ ਮੁਲਕਾਂ ਵਿੱਚ ਸਥਿਤ ਗੁਰੂ ਘਰਾਂ ਉੱਤੇ ਹੋਣ ਵਾਲੇ ਹਮਲਿਆਂ ਨੂੰ ਰੋਕਣ ਲਈ ਕੋਈ ਵੀ ਉਚੇਚਾ ਉੱਦਮ ਨਹੀਂ ਕੀਤਾ ਜਾ ਰਿਹਾ, ਜੋ ਗਹਿਰੀ ਚਿੰਤਾ ਦਾ ਵਿਸ਼ਾ ਹੈ। ਇੱਥੋ ਤੱਕ ਹਿੰਦ ਦੇ ਵਜ਼ੀਰ ਏ ਆਜਿ਼ਮ ਡਾ: ਮਨਮੋਹਨ ਸਿੰਘ, ਸ: ਪ੍ਰਕਾਸ਼ ਸਿੰਘ ਬਾਦਲ ਮੁੱਖ ਮੰਤਰੀ ਪੰਜਾਬ ਤੇ ਸ਼੍ਰੀ ਅਵਤਾਰ ਸਿੰਘ ਮੱਕੜ੍ਹ ਪ੍ਰਧਾਨ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਜਿਨ੍ਹਾ ਦੀ ਇਸ ਮਸਲੇ ਨੂੰ ਹੱਲ ਕਰਨ ਦੀ ਸਭ ਤੋਂ ਵੱਧ ਜਿ਼ੰਮੇਵਾਰੀ ਬਣਦੀ ਹੈ, ਉਹ ਵੀ ਇਨ੍ਹਾ ਹਮਲਿਆਂ ਨੂੰ ਰੁਕਵਾਉਣ ਲਈ ਕੋਈ ਸੰਜੀਦਾ ਯਤਨ ਨਹੀਂ ਕਰ ਰਹੇ। ਬਲਕਿ ਇੱਕ ਅੱਧਾ ਅਖਬਾਰੀ ਬਿਆਨ ਦੇ ਕੇ ਸਿੱਖ ਕੌਮ ਦੀਆਂ ਅੱਖਾਂ ਵਿੱਚ ਘੱਟਾ ਪਾਉਣ ਦੀ ਅਸਫਲ ਕੌਸਿ਼ਸਾਂ ਕਰ ਰਹੇ ਹਨ।”
ਇਹ ਉਪਰੋਕਤ ਵਿਚਾਰ ਅੱਜ ਇੱਥੇ ਪਾਰਟੀ ਦੇ ਮੁੱਖ ਦਫਤਰ ਤੋਂ ਭਾਈ ਇਕਬਾਲ ਸਿੰਘ ਟਿਵਾਣਾ ਸਿਆਸੀ ਤੇ ਮੀਡੀਆ ਸਲਾਹਕਾਰ ਤੇ ਇੰਚਾਰਜ ਗੁਰਦੁਆਰਾ ਚੋਣਾਂ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਪਾਰਟੀ ਦੀ ਕੌਮੀ ਤੇ ਵਿਦੇਸ਼ੀ ਨੀਤੀ ਅਧੀਨ ਇੱਕ ਬਿਆਨ ਜਾਰੀ ਕਰਦੇ ਹੋਏ ਪ੍ਰਗਟ ਕੀਤੇ। ਉਨ੍ਹਾ ਬਾਹਰਲੇ ਮੁਲਕਾਂ ਵਿੱਚ ਪੜਾਈ ਕਰਨ ਵਾਲੇ ਵਿਦਿਆਰਥੀਆਂ ਸੰਬੰਧੀ ਸੰਖੇਪ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਇਹ ਵਿਦਿਆਰਥੀ ਆਪਣੇ ਮਾਪਿਆਂ ਦੀਆਂ ਜ਼ਮੀਨਾਂ-ਜਾਇਦਾਦਾਂ ਵਿੱਚੋ ਲੱਖਾਂ ਰੁਪਇਆ ਬਾਹਰਲੇ ਮੁਲਕਾਂ ਦੀਆਂ ਯੁਨੀਵਰਸਿਟੀਆਂ ਤੇ ਕਾਲਿਜਾਂ ਵਿੱਚ ਫੀਸਾਂ ਭਰ ਕੇ ਤੇ ਆਪਣੇ ਰਹਿਣ ਸਹਿਣ ਉੱਤੇ ਵੱਡੀ ਰਕਮ ਖਰਚ ਕਰਕੇ ਉੱਚ ਵਿੱਦਿਆ ਹਾਸਿਲ ਕਰਨ ਲਈ ਆਪਣੇ ਪਰਿਵਾਰਾਂ ਤੋ ਦੂਰ ਗਏ ਹੋਏ ਹਨ ਤੇ ਉਨ੍ਹਾ ਮੁਲਕਾਂ ਵਿੱਚ ਰਹਿ ਕੇ ਮਿਹਨਤ-ਮੁਸ਼ੱਕਤ ਕਰ ਰਹੇ ਹਨ, ਉੱਥੇ ਉਨ੍ਹਾ ਮੁਲਕਾਂ ਦੀ ਤਰੱਕੀ ਵਿੱਚ ਵੀ ਯੋਗਦਾਨ ਪਾ ਰਹੇ ਹਨ। ਵਿਦਿਆਰਥੀਆਂ ਤੇ ਕੰਮ ਕਰਨ ਵਾਲੇ ਸਿੱਖਾਂ ਉੱਤੇ ਹੋ ਰਹੇ ਨਸਲੀ ਹਮਲਿਆਂ ਦੀ ਕਾਰਵਾਈ ਅਸਹਿ ਹੈ।
ਉਨ੍ਹਾ ਆਸਟ੍ਰੇਲੀਆ ਦੇ ਵਜ਼ੀਰ ਏ ਆਜਿ਼ਮ ਸ਼੍ਰੀ ਕੇਵਿਨ ਰੁੱਡ ਤੇ ਮਲੇਸ਼ੀਆ ਤੇ ਹੋਰ ਮੁਲਕਾਂ ਵਿੱਚ ਜਿੱਥੇ ਗੁਰੂਘਰਾਂ ਤੇ ਸਿੱਖਾਂ ਉੱਤੇ ਹਮਲੇ ਹੋ ਰਹੇ ਹਨ, ਉਨ੍ਹਾ ਦੀਆ ਹਕੂਮਤਾਂ ਨੂੰ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਤੇ ਸਮੁੱਚੀ ਸਿੱਖ ਕੌਮ ਵੱਲੋ ਅਪੀਲ ਕਰਦੇ ਹੋਏ ਕਿਹਾ ਕਿ ਉਹ ਆਪਣੇ ਮੁਲਕਾਂ ਵਿੱਚ ਪੜ੍ਹ ਰਹੇ ਤੇ ਕੰਮ ਕਰ ਰਹੇ ਸਿੱਖਾਂ ਦੇ ਜਾਨ ਮਾਲ ਦੀ ਹਿਫਾਜ਼ਤ ਕਰਨ ਲਈ ਉਚੇਚੇ ਤੌਰ ਤੇ ਪ੍ਰਬੰਧ ਕਰਨ ਤਾਂ ਜੋ ਜਮਹੂਰੀਅਤ ਤੇ ਅਮਨ-ਚੈਨ ਚਾਹੁਣ ਵਾਲੇ ਮੁਲਕ ਸਹੀ ਮਾਇਨਿਆ ਵਿੱਚ ਆਪਣੀ ਕੌਮਾਂਤਰੀ ਦਿੱਖ ਨੂੰ ਕਾਇਮ ਰੱਖ ਸਕਣ। ਸ: ਟਿਵਾਣਾ ਨੇ ਡਾ: ਮਨਮੋਹਨ ਸਿੰਘ ਵਜ਼ੀਰ ਏ ਆਜਿ਼ਮ ਹਿੰਦ ਤੇ ਵਿਦੇਸ਼ੀ ਮਾਮਲਿਆਂ ਦੇ ਸਟੇਟ ਵਜ਼ੀਰ ਮਹਾਰਾਣੀ ਪ੍ਰਨੀਤ ਕੌਰ ਨੂੰ ਉਚੇਚੇ ਤੌਰ ਤੇ ਇਸ ਦਿਸ਼ਾ ਵੱਲ ਅਮਲੀ ਕਦਮ ਚੁੱਕਣ ਦੀ ਜਿੱਥੇ ਅਪੀਲ ਕੀਤੀ, ਉੱਥੇ ਬਾਹਰਲੇ ਮੁਲਕਾਂ ਵਿੱਚ ਆਪਣੇ ਬੱਚੇ ਭੇਜਣ ਵਾਲੇ ਮਾਪਿਆਂ ਨੂੰ ਵੀ ਅਪੀਲ ਕੀਤੀ ਕਿ ਉਹ ਆਪਣੇ ਬੱਚਿਆਂ ਨੂੰ ਸਿੱਖੀ ਸਰੂਪ ਵਿੱਚ ਹੀ ਬਾਹਰ ਭੇਜਣ ਕਿਉਕਿ ਇਹ ਹਮਲੇ ਸਿੱਖ ਕੌਮ ਉੱਤੇ ਨਹੀਂ ਬਲਕਿ ਘੋਨੇ-ਮੋਨੇ ਸਿੱਖੀ ਨੂੰ ਤਿਲਾਂਜਲੀ ਦੇਣ ਵਾਲਿਆ ਉਤੇ ਗਲਤ ਫਹਿਮੀ ਵਿੱਚ ਹੋ ਰਹੇ ਹਨ।

ਭਾਰਤੀ ਟੈਕਸੀ ਡਰਾਇਵਰ ‘ਤੇ ਹਮਲਾ ਕਰਨ ਵਾਲੇ ਆਸਟਰੇਲੀਆਈ ਨੂੰ 3 ਮਹੀਨੇ ਦੀ ਕੈਦ

ਮੈਲਬੌਰਨ : 15 ਜਨਵਰੀ ਆਸਟਰੇਲੀਆ ਦੀ ਇੱਕ ਅਦਾਲਤ ਨੇ ਤੁਰੰਤ ਕਾਰਵਾਈ ਕਰਦਿਆਂ ਭਾਰਤੀ ਟੈਕਸੀ ਡਰਾਇਵਰ ‘ਤੇ ਹਮਲਾ ਕਰਨ ਵਾਲੇ ਆਸਟਰੇਲੀਆਈ ਨਾਗਰਿਕ ਨੂੰ 3 ਮਹੀਨੇ ਕੈਦ ਦੀ ਸਜ਼ਾ ਸੁਣਾਈ ਹੈ। ਜ਼ਿਕਰਯੋਗ ਹੈ ਕਿ ਆਸਟਰੇਲੀਆਈ ਸਰਕਾਰ ਨੇ ਫੁਰਤੀ ਵਿਖਾਉਂਦਿਆਂ ਇਹ ਫੈਸਲਾ ਕੁਝ ਘੰਟਿਆਂ ਦੌਰਾਨ ਹੀ ਸੁਣਾ ਦਿੱਤਾ। ਦੱਸਣਯੋਗ ਹੈ ਕਿ ਬੈਲਾਰਟ, ਪੱਛਮੀ ਵਿਕਟੋਰੀਆ ਦੇ ਪਾਲ ਜਾਨ ਬਰੋਗਡਨ (48) ਨੇ ਬੀਤੀ ਰਾਤ ਸ਼ਰਾਬ ਦੇ ਨਸ਼ੇ ਵਿੱਚ ਧੁੱਤ ਹੋ ਕੇ ਭਾਰਤੀ ਟੈਕਸੀ ਡਰਾਇਵਰ ਸਤੀਸ਼ ਥਾਤੀਪਾਮੁਲਾ (24) ਨੂੰ ਮੰਦਾ ਬੋਲਣ ਤੋਂ ਬਾਅਦ ਉਸ ‘ਤੇ ਹਮਲਾ ਕਰ ਦਿੱਤਾ। ਆਸਟਰੇਲੀਆਈ ਨਾਗਰਿਕ ਨੇ ਉਸ ਨੂੰ ਜਾਨ ਤੋਂ ਮਾਰਨ ਦੀਆਂ ਧਮਕੀਆਂ ਦਿੰਦਿਆਂ, ਉਸ ਦੀ ਟੈਕਸੀ ਦੀ ਭੰਨ-ਤੋੜ ਵੀ ਕੀਤੀ। ਇਸ ਮਾਮਲੇ ‘ਚ ਪੁਲਿਸ ਨੇ ਅੱਜ ਸਵੇਰੇ ਹੀ ਬਰੋਗਡਨ ਨੂੰ ਗ੍ਰਿਫ਼ਤਾਰ ਕਰਕੇ ਅਦਾਲਤ ਵਿੱਚ ਪੇਸ਼ ਕੀਤਾ, ਜਿੱਥੇ ਘਟਨਾ ਦੇ ਕੁਝ ਘੰਟਿਆਂ ਬਾਅਦ ਹੀ ਉਸ ਨੂੰ 3 ਮਹੀਨੇ ਕੈਦ ਦੀ ਸਜ਼ਾ ਸੁਣਾਈ ਗਈ। ਭਾਰਤੀ ਨਾਗਰਿਕ ਦੀ ਕੁੱਟਮਾਰ ਕਰਨ ਵਾਲੇ ਆਸਟਰੇਲੀਆਈ ਬਰੋਗਡਨ ਦਾ ਕਹਿਣਾ ਸੀ ਕਿ ਭਾਰਤੀ ਟੈਕਸੀ ਡਰਾਇਵਰ ਉਸ ਨੂੰ ਗਲਤ ਰਸਤੇ ਲੈ ਗਿਆ ਸੀ।
ਇਸ ਮਾਮਲੇ ਵਿੱਚ ਆਸਟਰੇਲੀਆਈ ਨਾਗਰਿਕ ਨੂੰ ਕੈਦ ਦੀ ਸਜ਼ਾ ਸਣਾਉਂਦਿਆਂ ਮੈਜਿਸਟਰੇਟ ਨੇ ਕਿਹਾ ਕਿ ਆਸਟਰੇਲੀਆਈ ਭਾਈਚਾਰੇ ਨੂੰ ਵਧੀਆ ਸੇਵਾਵਾਂ ਦੇ ਰਹੇ ਭਾਰਤੀ ਵਿਅਕਤੀਆਂ ਖਿਲਾਫ਼ ਨਸਲਵਾਦ ਅਤੇ ਹਿੰਸਾ ਦੀਆਂ ਘਟਨਾਵਾਂ ਬਰਦਾਸ਼ਤ ਨਹੀਂ ਕੀਤੀਆਂ ਜਾਣਗੀਆਂ। ਅਦਾਲਤ ਵਿੱਚ ਦਿੱਤੇ ਗਏ ਬਿਆਨਾਂ ਅਨੁਸਾਰ ਬਰੋਗਡਨ ਨੇ ਇੱਕ ਪਾਰਟੀ ਵਿੱਚ ਸ਼ਾਮਲ ਹੋਣ ਤੋਂ ਬਾਅਦ ਬੀਤੀ ਰਾਤ ਸਥਾਨਕ ਸਮੇਂ ਅਨੁਸਾਰ ਤੜਕੇ 2 ਵਜੇ ਦੇ ਕਰੀਬ ਇੱਕ ਟੈਕਸੀ ਕਿਰਾਏ ‘ਤੇ ਕੀਤੀ। ਪਾਰਟੀ ਦੌਰਾਨ ਉਸ ਨੇ ਕੁਝ ਨਸ਼ੀਲੀਆਂ ਗੋਲੀਆਂ ਵੀ ਖਾਧੀਆਂ। ਪੁਲਿਸ ਬੁਲਾਰੇ ਨੇ ਦੱਸਿਆ ਕਿ ਆਸਟਰੇਲੀਆਈ ਨਾਗਰਿਕ ਜਦੋਂ ਮੰਦਾ ਬੋਲਣ ਲੱਗਿਆ ਤਾਂ ਭਾਰਤੀ ਟੈਕਸੀ ਡਰਾਇਵਰ ਨੇ ਸਵਾ ਦੋ ਵਜੇ ਦੇ ਕਰੀਬ ਇੱਕ ਸਰਵਿਸ ਸਟੇਸ਼ਨ ਵਿੱਚ ਪਨਾਹ ਲਈ, ਪਰ ਸ਼ਰਾਬੀ ਆਸਟਰੇਲੀਆਈ ਨਾਗਰਿਕ ਨੇ ਉਸ ਦਾ ਪਿੱਛਾ ਕਰਦਿਆਂ ਉਸ ‘ਤੇ ਹਮਲਾ ਕਰ ਦਿੱਤਾ। ਜ਼ਿਕਰਯੋਗ ਹੈ ਕਿ ਬਰੋਗਡਨ ਨੇ ਭਾਰਤੀ ਵਿਅਕਤੀ ‘ਤੇ ਹਮਲਾ ਕਰਨ ਦੇ ਨਾਲ-ਨਾਲ ਸਰਵਿਸ ਸਟੇਸ਼ਨ ‘ਤੇ ਪੈਟਰੋਲ ਪਾ ਰਹੇ ਇੱਕ ਵਿਅਕਤੀ ‘ਤੇ ਵੀ ਹਮਲਾ ਕੀਤਾ।

ਨਾਨਕਸ਼ਾਹੀ ਕੈਲੰਡਰ ਵਿਵਾਦ : ਸਿਧਾਂਤਾਂ ਉਤੇ ਸਿਆਸਤ ਭਾਰੂ
-ਤਲਵਿੰਦਰ ਸਿੰਘ ਬੁੱਟਰ

ਲਗਭਗ ਇਕ ਦਹਾਕੇ ਤੋਂ ਸਿੱਖ ਪੰਥ ਅੰਦਰ ਵੱਡੇ ਵਿਵਾਦ ਦਾ ਵਿਸ਼ਾ ਬਣਦਾ ਆਇਆ ਨਾਨਕਸ਼ਾਹੀ ਕੈ¦ਡਰ ਦਾ ਮੁੱਦਾ ਇਨ੍ਹੀਂ ਦਿਨੀਂ ਪੂਰੀ ਤਰ੍ਹਾਂ ਭਖਿਆ ਹੋਇਆ ਹੈ। ਸੱਤ ਸਾਲ ਪਹਿਲਾਂ ਲਾਗੂ ਕੀਤੇ ਇਸ ਕੈ¦ਡਰ ਦੀ ਪਹਿਲਾਂ ਤਾਂ ਸੰਤ ਸਮਾਜ ਤੇ ਕੁਝ ਹੋਰ ਰਵਾਇਤੀ ਸੰਪਰਦਾਵਾਂ ਵਿਰੋਧਤਾ ਕਰਦੀਆਂ ਰਹੀਆਂ ਹਨ, ਪਰ ਹੁਣ ਜਦੋਂ ਉਨ੍ਹਾਂ ਦੀ ਮੰਗ ’ਤੇ ਕੈ¦ਡਰ ਵਿਚ ਸੋਧਾਂ ਕਰ ਦਿੱਤੀਆਂ ਗਈਆਂ ਤਾਂ ਅਨੇਕਾਂ ਹੀ ਦੇਸ਼-ਵਿਦੇਸ਼ ਦੀਆਂ ਸਿੱਖ ਜਥੇਬੰਦੀਆਂ, ਗੁਰਦੁਆਰਾ ਕਮੇਟੀਆਂ ਤੇ ਸਭਾ ਸੁਸਾਇਟੀਆਂ ਇਸ ਦੇ ਵਿਰੋਧ ’ਚ ਖੜ੍ਹੀਆਂ ਹੋ ਗਈਆਂ ਹਨ। ਸ਼੍ਰੋਮਣੀ ਕਮੇਟੀ ਵਲੋਂ ਤਾਂ ਬੇਸ਼ੱਕ ਕੈ¦ਡਰ ਵਿਚ ਸੋਧਾਂ ਦਾ ਫ਼ੈਸਲਾ ਸਾਲਾਂ ਤੋਂ ਮੱਘਦੇ ਆ ਰਹੇ ‘ਨਾਨਕਸ਼ਾਹੀ ਕੈਲੰਡਰ' ਵਿਵਾਦ ਨੂੰ ਠੱਲ੍ਹਣ ਦੀ ਮਨਸ਼ਾ ਨਾਲ ਲਿਆ ਗਿਆ ਹੋਵੇ, ਪਰ ਜਿਸ ਤਰ੍ਹਾਂ ਗੈਰ-ਸਿਧਾਂਤਕ ਪ੍ਰਕਿਰਿਆ ਅਤੇ ਕਾਹਲੀ ਨਾਲ ਇਸ ਕੈ¦ਡਰ ਨੂੰ ਪਹਿਲਾਂ ਲਾਗੂ ਕੀਤਾ ਗਿਆ ਤੇ ਫ਼ਿਰ ਉਸ ਵਿਚ ਸੋਧਾਂ ਦਾ ਫ਼ੈਸਲਾ ਕੀਤਾ ਗਿਆ, ਉਸ ਤੋਂ ਇਸ ਸਮੁੱਚੇ ਮਾਮਲੇ ਪਿੱਛੇ ਸਿਆਸੀ ਮੁਫ਼ਾਦ ਭਾਰੂ ਨਜ਼ਰ ਆਉਂਦੇ ਹਨ। ਇਸ ਧਾਰਮਿਕ ਮੁੱਦੇ ’ਤੇ ਦੁਵੱਲ੍ਹੀ ਸਿਆਸਤ ਭਾਰੂ ਹੋਣ ਕਰਕੇ ਹੀ ਅੱਜ ਨਾਨਕਸ਼ਾਹੀ ਕੈਲੰਡਰ ਵਿਵਾਦ ਨੇ ਸਿੱਖ ਕੌਮ ਨੂੰ ਖਾਨਾਜੰਗੀ ਦੇ ਮੁਹਾਣ ’ਤੇ ਲਿਆ ਖੜ੍ਹਾ ਕੀਤਾ ਹੈ।
ਕੀ ਹੈ ਨਾਨਕਸ਼ਾਹੀ ਕੈਲੰਡਰ?
ਨਾਨਕਸ਼ਾਹੀ ਕੈ¦ਡਰ ਵਿਦੇਸ਼ ’ਚ ਰਹਿੰਦੇ ਇਕ ਸਿੱਖ ਵਿਦਵਾਨ ਪਾਲ ਸਿੰਘ ਪੁਰੇਵਾਲ ਨੇ ਤਿਆਰ ਕੀਤਾ ਸੀ। ਸ. ਪੁਰੇਵਾਲ ਨੇ 1994-95 ਤੋਂ ਨਾਨਕਸ਼ਾਹੀ ਕੈ¦ਡਰ ਲਈ ਖੋਜ ਸ਼ੁਰੂ ਕੀਤੀ ਸੀ। ਨਾਨਕਸ਼ਾਹੀ ਕੈਲੰਡਰ ਨਾਨਕਸ਼ਾਹੀ ਸੰਮਤ ਦਾ ਆਰੰਭ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਦੇ ਸਾਲ 1526 ਬਿਕ੍ਰਮੀ ਚੇਤ ਤੋਂ ਹੁੰਦਾ ਹੈ। ਇਸ ਕੈ¦ਡਰ ’ਚ ਮਹੀਨੇ ਗੁਰਬਾਣੀ ’ਚ ਵਰਣਿਤ ‘ਬਾਰਹ ਮਾਹਾ’ ਅਨੁਸਾਰ ਚੇਤ ਪਹਿਲਾ ਮਹੀਨਾ ਅਤੇ ਫ਼ੱਗਣ ਅਖ਼ੀਰਲਾ ਤੇ ਬਾਰ੍ਹਵਾਂ ਮਹੀਨਾ ਹੈ। ਨਾਨਕਸ਼ਾਹੀ ਕੈਲੰਡਰ ਲਈ ਤਾਰੀਖ਼ ਮਿੱਥਣ ਲਈ ਸੂਰਜ ਉਦੈ ਦਾ ਸਮਾਂ ਨਿਰਧਾਰਿਤ ਕਰਨ ਲਈ ਸ੍ਰੀ ਦਰਬਾਰ ਸਾਹਿਬ ਅੰਮ੍ਰਿਤਸਰ ਦੇ ਰੇਖਾਂਸ਼ (Longitude) ਤੇ ਅਕਸ਼ਾਂਸ਼ (Latitude) ਨੂੰ ਕੇਂਦਰ ਮੰਨਿਆ ਗਿਆ ਹੈ।
ਸ਼੍ਰੋਮਣੀ ਕਮੇਟੀ ਨੇ ਪਹਿਲੀ ਵਾਰ 1998 ’ਚ ਅੰਤ੍ਰਿਗ ਕਮੇਟੀ ਦੀ ਮੀਟਿੰਗ ਤੇ ਜਨਰਲ ਹਾਊਸ ’ਚ ਨਾਨਕਸ਼ਾਹੀ ਕੈ¦ਡਰ ਨੂੰ ਪ੍ਰਵਾਨਗੀ ਦਿੰਦਿਆਂ, ਜਨਵਰੀ 1999 ਤੋਂ ਇਸ ਨੂੰ ਲਾਗੂ ਕਰਨ ਦੇ ਮਤੇ ਵੀ ਪਾਸ ਕਰ ਦਿੱਤੇ ਸਨ, ਪਰ ਸਿੱਖ ਸੰਪਰਦਾਵਾਂ ‘ਸੰਤ ਸਮਾਜ’ ਤੇ ਸਿੱਖ ਵਿਦਵਾਨਾਂ ਦੇ ਵਿਰੋਧ ਕਾਰਨ ਇਸ ਉਪਰ ਅਮਲ ਰੋਕ ਦਿੱਤਾ ਗਿਆ। ਬੱਸ ਇਥੋਂ ਹੀ ਸ਼ੁਰੂ ਹੋ ਗਿਆ ਸੀ ‘ਨਾਨਕਸ਼ਾਹੀ ਕੈਲੰਡਰ' ਦਾ ਵਿਵਾਦ। ਨਾਨਕਸ਼ਾਹੀ ਕੈਲੰਡਰ ’ਤੇ ਮੁੜ-ਵਿਚਾਰ ਕਰਨ ਲਈ ਇਕ 7 ਮੈਂਬਰੀ ਕਮੇਟੀ ਬਣਾ ਦਿੱਤੀ ਗਈ ਅਤੇ ਸ਼੍ਰੋਮਣੀ ਕਮੇਟੀ ਨੇ ਨਾਨਕਸ਼ਾਹੀ ਕੈ¦ਡਰ ਸਬੰਧੀ ਇਤਰਾਜ਼ ਤੇ ਤਰੁੱਟੀਆਂ ਸਬੰਧੀ ਕਈ ਮੀਟਿੰਗਾਂ ਤੇ ਇਕੱਠ ਹੋਏ, ਪਰ ਗੱਲ ਕਿਸੇ ਸਿਰੇ ਨਾ ਲੱਗ ਸਕੀ। ਨਵੰਬਰ 2002 ਦੌਰਾਨ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਤਤਕਾਲੀ ਜਥੇਦਾਰ ਗਿਆਨੀ ਜੋਗਿੰਦਰ ਸਿੰਘ ਵੇਦਾਂਤੀ ਨੇ ਨਾਨਕਸ਼ਾਹੀ ਕੈ¦ਡਰ ਲਾਗੂ ਕਰਨ ਦਾ ਐਲਾਨ ਕੀਤਾ ਸੀ। ਨਾਨਕਸ਼ਾਹੀ ਕੈਲੰਡਰ ਨੂੰ ਤਰਕ-ਵਿਹੂਣਾ ਅਤੇ ਅਧੂਰਾ ਦੱਸਣ ਵਾਲੀਆਂ ਪੰਥਕ ਸੰਪਰਦਾਵਾਂ ਨੇ ਨਾਨਕਸ਼ਾਹੀ ਕੈ¦ਡਰ ਨੂੰ ਲਾਗੂ ਕਰਨ ਤੋਂ ਪਹਿਲਾਂ ਸਰਬੱਤ ਖ਼ਾਲਸਾ ਬੁਲਾਉਣ ਦੀ ਮੰਗ ਕਰ ਦਿੱਤੀ। ਜਥੇਦਾਰ ਵੇਦਾਂਤੀ ਨੇ ਵਿਰੋਧੀ ਧਿਰ ਦੀ ਸਰਬੱਤ ਖ਼ਾਲਸਾ ਬੁਲਾਉਣ ਦੀ ਮੰਗ ਤਾਂ ਭਾਵੇਂ ਪ੍ਰਵਾਨ ਨਾ ਕੀਤੀ, ਪਰ ਕੈ¦ਡਰ ਵਿਚ ਸੋਧ ਕਰਨ ਦੀਆਂ ਸਿਫ਼ਾਰਿਸਾਂ ਲਈ 11 ਮੈਂਬਰੀ ਕਮੇਟੀ ਦਾ ਗਠਨ 8 ਜਨਵਰੀ 2003 ਨੂੰ ਕਰ ਦਿੱਤਾ। ਇਸ ਕਮੇਟੀ ਦੇ ਕਨਵੀਨਰ ਪ੍ਰੋ. ਦਰਸ਼ਨ ਸਿੰਘ ਨੂੰ ਥਾਪ ਦਿੱਤਾ ਗਿਆ। ਇਸ ਕਮੇਟੀ ਵਿਚ ਪ੍ਰੋ. ਦਰਸ਼ਨ ਸਿੰਘ ਤੋਂ ਇਲਾਵਾ ਕੈਲੰਡਰ ਨੂੰ ਬਣਾਉਣ ਵਾਲੇ ਪਾਲ ਸਿੰਘ ਪੁਰੇਵਾਲ, ਪ੍ਰੋ. ਕ੍ਰਿਪਾਲ ਸਿੰਘ ਬਡੂੰਗਰ, ਬਲਵੰਤ ਸਿੰਘ ਢਿੱਲੋਂ, ਪ੍ਰੋ. ਜੋਧ ਸਿੰਘ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਅੰਮ੍ਰਿਤਸਰ, ਪ੍ਰੋ. ਗੁਰਨਾਮ ਕੌਰ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ, ਡਾ. ਕੁਲਵਿੰਦਰ ਸਿੰਘ ਅੰਮ੍ਰਿਤਸਰ, ਪ੍ਰਿੰ. ਸਵਰਨ ਸਿੰਘ ਚੂਸਲੇਵੜ, ਅਜੀਤ ਸਿੰਘ ਸ਼ਰੀਫ਼ਪੁਰਾ, ਪ੍ਰਿੰ. ਅਮਰਜੀਤ ਸਿੰਘ ਦਮਦਮਾ ਸਾਹਿਬ ਅਤੇ ਬੀਬੀ ਕਿਰਨਜੋਤ ਕੌਰ ਨੂੰ ਸ਼ਾਮਲ ਕੀਤਾ ਗਿਆ।
ਇਸ ਕਮੇਟੀ ਦੀ ਪਹਿਲੀ ਮੀਟਿੰਗ 16 ਜਨਵਰੀ ਅਤੇ ਦੂਜੀ ਮੀਟਿੰਗ 13 ਫ਼ਰਵਰੀ 2003 ਨੂੰ ਹੋਈ। 28 ਮਾਰਚ 2003 ਨੂੰ ਇਸ ਕੈ¦ਡਰ ਦੀਆਂ ਆਮ ਸਿਫ਼ਾਰਿਸ਼ਾਂ ਨੂੰ ਸਹਿਮਤੀ ਦੇ ਦਿੱਤੀ ਤੇ ਸੰਤ ਸਮਾਜ ਤੇ ਹੋਰ ਸਿੱਖ ਸੰਪਰਦਾਵਾਂ ਦੇ ਵਿਰੋਧ ਦੇ ਬਾਵਜੂਦ 14 ਅਪ੍ਰੈਲ 2003 ਨੂੰ ਤਖ਼ਤ ਸ੍ਰੀ ਦਮਦਮਾ ਸਾਹਿਬ ਤੋਂ ਵਿਸਾਖੀ ਦੇ ਦਿਹਾੜੇ ਮੌਕੇ ਸ਼੍ਰੋਮਣੀ ਕਮੇਟੀ ਦੇ ਤਤਕਾਲੀ ਪ੍ਰਧਾਨ ਕ੍ਰਿਪਾਲ ਸਿੰਘ ਬਡੂੰਗਰ ਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਪ੍ਰਕਾਸ਼ ਸਿੰਘ ਬਾਦਲ ਨੇ ਰਿਲੀਜ਼ ਕਰ ਦਿੱਤਾ। ਹਾਲਾਂਕਿ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਗਿਆਨੀ ਜੋਗਿੰਦਰ ਸਿੰਘ ਵੇਦਾਂਤੀ ਚਾਹੁੰਦੇ ਸਨ ਕਿ ਇਸ ਕੈ¦ਡਰ ਨੂੰ ਇਕ ਵਿਸ਼ੇਸ਼ ਸਮਾਗਮ ਰਾਹੀਂ ਰਿਲੀਜ਼ ਕੀਤਾ ਜਾਵੇ, ਪਰ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਪ੍ਰਕਾਸ਼ ਸਿੰਘ ਬਾਦਲ ਇਸ ਨੂੰ ਲਾਗੂ ਕਰਨ ਵਿਚ ਦੇਰ ਨਹੀਂ ਚਾਹੁੰਦੇ ਸਨ। ਇਸੇ ਕਰਕੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਦੀ ਗੈਰ-ਹਾਜ਼ਰੀ ’ਚ ਹੀ ਨਾਨਕਸ਼ਾਹੀ ਕੈਲੰਡਰ ਰਿਲੀਜ਼ ਕਰ ਦਿੱਤਾ ਗਿਆ ਸੀ। ਸੰਤ ਸਮਾਜ ਤੋਂ ਇਲਾਵਾ ਪੰਜਾਬ ਤੋਂ ਬਾਹਰ ਸਥਿਤ ਸਿੱਖਾਂ ਦੇ ਦੋ ਤਖ਼ਤ ‘ਤਖ਼ਤ ਸ੍ਰੀ ਪਟਨਾ ਸਾਹਿਬ’ (ਬਿਹਾਰ) ਅਤੇ ‘ਤਖ਼ਤ ਸ੍ਰੀ ਹਜ਼ੂਰ ਸਾਹਿਬ ਨਾਂਦੇੜ’ (ਮਹਾਰਾਸ਼ਟਰ) ਦੇ ਜਥੇਦਾਰਾਂ ਨੇ ਵੀ ਨਾਨਕਸ਼ਾਹੀ ਕੈਲੰਡਰ ਨੂੰ ਪ੍ਰਵਾਨ ਨਹੀਂ ਕੀਤਾ। ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਤਤਕਾਲੀ ਜਥੇਦਾਰ ਗਿਆਨੀ ਜੋਗਿੰਦਰ ਸਿੰਘ ਨੇ 22 ਅਪ੍ਰੈਲ, 2008 ਨੂੰ ਸਾਰੀਆਂ ਧਾਰਮਿਕ ਸੰਸਥਾਵਾਂ ਨੂੰ ਪੱਤਰ ਲਿਖਿਆ ਸੀ ਕਿ ਜੇਕਰ ਧਾਰਮਿਕ, ਸਿਧਾਂਤਕ, ਇਤਿਹਾਸਕ ਤੌਰ ’ਤੇ ਨਾਨਕਸ਼ਾਹੀ ਕੈਲੰਡਰ ਵਿਚ ਕੋਈ ਖਾਮੀ ਰਹਿ ਗਈ ਹੋਵੇ ਤਾਂ 15 ਅਗਸਤ, 2008 ਤੱਕ ਆਪਣੇ ਸੁਝਾਅ ਭੇਜੋ। ਪਰ ਨਾਨਕਸ਼ਾਹੀ ਕੈਲੰਡਰ ਵਿਚ ਊਣਤਾਈਆਂ ਦੱਸਣ ਵਾਲੀਆਂ ਧਿਰਾਂ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੀ 11 ਮੈਂਬਰੀ ਕਮੇਟੀ ਕੋਲ ਲਿਖਤੀ ਸੁਝਾਅ ਭੇਜਣ ਲਈ ਕਦੇ ਵੀ ਤਿਆਰ ਨਾ ਹੋਈਆਂ।
ਸਾਲਾਂਬੱਧੀ ਸੁੱਲਘਦੇ ਰਹਿਣ ਤੋਂ ਬਾਅਦ 2009 ਦੀ ਦੀਵਾਲੀ ਵਾਲੇ ਦਿਨ ਅਚਾਨਕ ਨਾਨਕਸ਼ਾਹੀ ਕੈਲੰਡਰ ਦਾ ਮੁੱਦਾ ਮੁੜ ਭੱਖ਼ ਉਠਿਆ, ਜਦੋਂ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਿਖੇ ਪੰਜ ਸਿੰਘ ਸਾਹਿਬਾਨ ਵਲੋਂ ਅਚਨਚੇਤ ਨਾਨਕਸ਼ਾਹੀ ਕੈ¦ਡਰ ਵਿਚ ਤਬਦੀਲੀਆਂ ਦੇ ਏਜੰਡੇ ’ਤੇ ਮੀਟਿੰਗ ਬੁਲਾ ਲਈ ਗਈ। ਸੋਧਾਂ ਦੀ ਮੰਗ ਤੇ ਵਿਰੋਧ ਕਰਨ ਵਾਲਿਆਂ ਦੀ ਤੇਜ਼ ਹੋਈ ਕਸ਼ਮਕਸ਼ ਦੌਰਾਨ ਹੀ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਲੋਂ ਸ਼੍ਰੋਮਣੀ ਕਮੇਟੀ ਪ੍ਰਧਾਨ ਜਥੇਦਾਰ ਅਵਤਾਰ ਸਿੰਘ ਮੱਕੜ ਤੇ ਸੰਤ ਸਮਾਜ ਦੇ ਪ੍ਰਧਾਨ ਗਿਆਨੀ ਹਰਨਾਮ ਸਿੰਘ ਧੁੰਮਾ ਦੀ ਦੋ ਮੈਂਬਰੀ ਕਮੇਟੀ ਬਣਾ ਦਿੱਤੀ। ਇਸ ਕਮੇਟੀ ਦੀ ਰਿਪੋਰਟ ’ਤੇ ¦ਘੀ 28 ਤੇ 30 ਦਸੰਬਰ 2009 ਨੂੰ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਿਖੇ ਪੰਜ ਸਿੰਘ ਸਾਹਿਬਾਨ ਵਲੋਂ ਲਗਾਤਾਰ ਦੋ ਮੀਟਿੰਗਾਂ ਕੀਤੀਆਂ ਗਈਆਂ। ਤਖ਼ਤ ਸ੍ਰੀ ਦਮਦਮਾ ਸਾਹਿਬ ਦੇ ਜਥੇਦਾਰ ਬਲਵੰਤ ਸਿੰਘ ਨੰਦਗੜ੍ਹ ਵਲੋਂ ਨਾਨਕਸ਼ਾਹੀ ਕੈ¦ਡਰ ’ਚ ਸੋਧਾਂ ਦਾ ਵਿਰੋਧ ਕਰਨ ਕਰਕੇ ਕੋਈ ਸਹਿਮਤੀ ਨਾ ਬਣ ਸਕੀ ਤਾਂ ਸਿੰਘ ਸਾਹਿਬਾਨ ਵਲੋਂ ਖੁਦ ਕੋਈ ਨਿਰਣਾ ਲੈਣ ਦੀ ਥਾਂ ਧੁੰਮਾ-ਮੱਕੜ ਕਮੇਟੀ ਦੀ ਰਿਪੋਰਟ ’ਤੇ ਫ਼ੈਸਲਾ ਲੈਣ ਦਾ ਅਧਿਕਾਰ ਸ਼੍ਰੋਮਣੀ ਕਮੇਟੀ ਦੀ ਕਾਰਜਕਾਰਨੀ ਕਮੇਟੀ ਨੂੰ ਦੇ ਦਿੱਤਾ।
ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਕਾਰਜਕਾਰਨੀ ਕਮੇਟੀ ਵਿਚ ਵੀ ਤਿੰਨ ਮੈਂਬਰਾਂ, ਜਨਰਲ ਸਕੱਤਰ ਸੁਖਦੇਵ ਸਿੰਘ ਭੌਰ, ਅੰਤਿੰਰਗ ਕਮੇਟੀ ਮੈਂਬਰ ਕਰਨੈਲ ਸਿੰਘ ਪੰਜੋਲੀ ਤੇ ਬੀਬੀ ਰਵਿੰਦਰ ਕੌਰ ਦੇ ਵਿਰੋਧ ਅਤੇ ਬਾਈਕਾਟ ਦੇ ਬਾਵਜੂਦ ਬਹੁਸੰਮਤੀ ਨਾਲ ਨਾਨਕਸ਼ਾਹੀ ਕੈ¦ਡਰ ਦੀਆਂ ਪ੍ਰਸਤਾਵਿਤ ਸੋਧਾਂ ਨੂੰ ਪ੍ਰਵਾਨਗੀ ਦੇ ਦਿੱਤੀ ਗਈ। ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਨੇ 4 ਜਨਵਰੀ ਨੂੰ ਬਾਕੀ ਜਥੇਦਾਰਾਂ ਤੋਂ ਬਿਨ੍ਹਾਂ ਹੀ ਕਾਹਲੀ ਵਿਚ ਪੰਜ ਗ੍ਰੰਥੀਆਂ ਨੂੰ ਨਾਲ ਲੈ ਕੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੋਂ ਨਾਨਕਸ਼ਾਹੀ ਕੈਲੰਡਰ ਵਿਚ ਸੋਧਾਂ ਨੂੰ ਪ੍ਰਵਾਨਗੀ ਦੇ ਦਿੱਤੀ। ਇਕ ਚੇਤ (ਦੇਸੀ ਮਹੀਨਾ) ਤੋਂ ਨਾਨਕਸ਼ਾਹੀ ਕੈ¦ਡਰ ਵਿਚ ਇਨ੍ਹਾਂ ਸੋਧਾਂ ਨੂੰ ਸ਼ਾਮਲ ਕੀਤਾ ਜਾਵੇਗਾ।
ਨਾਨਕਸ਼ਾਹੀ ਕੈਲੰਡਰ ਵਿਚ ਸੋਧਾਂ ਦਾ ਸਿਧਾਂਤਕ ਪੱਖ
ਨਾਨਕਸ਼ਾਹੀ ਕੈਲੰਡਰ ਦਾ ਵਿਰੋਧ ਕਰਦੇ ਵਿਦਵਾਨਾਂ ਤੇ ਸੰਤ ਸਮਾਜ ਦਾ ਸਿਧਾਂਤਕ ਪੱਖ ਇਹ ਰਿਹਾ ਹੈ ਕਿ ਨਾਨਕਸ਼ਾਹੀ ਕੈਲੰਡਰ ਨੂੰ ਤਿਆਰ ਕਰਨ ਵੇਲੇ ਸੂਰਜੀ ਤਰੀਕਾਂ ਮਿੱਥਦਿਆਂ ਪੂਰੀਆਂ ਵਿਗਿਆਨਕ ਤੇ ਤਕਨੀਕੀ ਸੋਧਾਂ ਨਹੀਂ ਵਰਤੀਆਂ ਗਈਆਂ, ਜਿਸ ਕਰਕੇ ਨਾਨਕਸ਼ਾਹੀ ਕੈਲੰਡਰ ਊਣਤਾਈਆਂ ਨਾਲ ਭਰਿਆ ਹੋਇਆ ਹੈ। ਇਸ ਕੈਲੰਡਰ ਅਨੁਸਾਰ ਕਈ ਗੁਰਪੁਰਬ ਇਕੋ ਦਿਨ ’ਚ ਆ ਜਾਂਦੇ ਹਨ। ਈਸਵੀ ਸਾਲ 2007 ’ਚ ਨਾਨਕਸ਼ਾਹੀ ਕੈਲੰਡਰ ਅਨੁਸਾਰ 24 ਨਵੰਬਰ ਨੂੰ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦਾ ਪ੍ਰਕਾਸ਼ ਗੁਰਪੁਰਬ ਅਤੇ ਸ੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦਾ ਸ਼ਹੀਦੀ ਪੁਰਬ ਇਕੋ ਦਿਨ ਆ ਗਏ ਸਨ।
ਨਾਨਕਸ਼ਾਹੀ ਕੈ¦ਡਰ ਵਿਚ ਗਲਤੀਆਂ ਦੇ ਸਿਧਾਂਤਕ ਪੱਖ ਨੂੰ ਡੂੰਘਾਈ ਤੱਕ ਫ਼ਰੋਲਿਆ ਜਾਵੇ ਤਾਂ ਇਸ ਮਾਮਲੇ ’ਤੇ ਜਾਣਕਾਰੀ ਦਾ ਵਿਸ਼ਾਲ ਭੰਡਾਰ ਰੱਖਣ ਵਾਲੇ ਗਣਿਤ ਵਿਸ਼ੇ ’ਚ ਮਾਹਰ ਤੇ ਤਾਰਾ ਵਿਗਿਆਨ ’ਚ ਡੂੰਘਾ ਅਧਿਐਨ ਕਰ ਚੁੱਕੇ ‘ਸਰਵੇ ਆਫ਼ ਇੰਡੀਆ’ ਤੋਂ ਸੇਵਾਮੁਕਤ ਡਿਪਟੀ ਡਾਇਰੈਕਟਰ ਕਰਨਲ ਸੁਰਜੀਤ ਸਿੰਘ ਅਨੁਸਾਰ ਕੈ¦ਡਰ ਵਿਗਿਆਨ ਦੇ ਪੱਖ ਤੋਂ ਨਾਨਕਸ਼ਾਹੀ ਕੈਲੰਡਰ ਬਿਲਕੁਲ ਹੀ ਗਲਤ ਹੈ। ਇਸ ਕੈ¦ਡਰ ਦੀਆਂ ਤਰੀਕਾਂ 1999 ਈਸਵੀ ਵਰ੍ਹੇ ਤੋਂ ਪਿੱਛੇ ਨੂੰ ਲਈਆਂ ਗਈਆਂ ਹਨ। 1999 ਈਸਵੀ ਨੂੰ ਸੰਮਤ ਬਿਕ੍ਰਮੀ ਅਨੁਸਾਰ ਗੁਰਪੁਰਬ ਜਿਸ ਤਰੀਕ ਨੂੰ ਮਨਾਉਂਦੇ ਸਨ, ਉਨ੍ਹਾਂ ਨੂੰ ਹੀ ਆਧਾਰ ਬਣਾ ਕੇ ਕੈਲੰਡਰ ਤਿਆਰ ਕੀਤਾ ਗਿਆ ਹੈ। ਨਾਨਕਸ਼ਾਹੀ ਕੈਲੰਡਰ ਦੇ ਗੁਰਪੁਰਬ ਸੂਰਜੀ ਤਰੀਕਾਂ ਅਨੁਸਾਰ ਮਿੱਥੇ ਗਏ ਹਨ, ਜੋ 100 ਪ੍ਰਤੀਸ਼ਤ ਗਲਤ ਹਨ। ਕਰਨਲ ਨਿਸ਼ਾਨ ਤਾਂ ਇਥੋਂ ਤੱਕ ਆਖ਼ਦੇ ਹਨ ਕਿ ਜੇਕਰ ਕੋਈ ਵੀ ਦੁਨੀਆ ਦਾ ਕੈਲੰਡਰ-ਵਿਗਿਆਨੀ ਸੂਰਜੀ ਤਰੀਖ਼ ਨੂੰ ਸਹੀ ਸਿੱਧ ਕਰ ਦੇਵੇ ਤਾਂ ਉਹ ਉਸ ਨੂੰ ਇਕ ਲੱਖ ਰੁਪਏ ਨਕਦ ਇਨਾਮ ਦੇਣਗੇ। ਪੁਰਾਤਨ ਸਮੇਂ ਤੋਂ ਗੁਰਪੁਰਬ ਬਿਕ੍ਰਮੀ ਸੰਮਤ ਅਨੁਸਾਰ ਮਨਾਏ ਜਾਂਦੇ ਸਨ, ਜੋ ਚੰਦਰਮਾ ਤਰੀਕਾਂ ਅਨੁਸਾਰ ਹੈ।
ਸੋਧਾਂ ਦਾ ਵਿਰੋਧ ਕਰਨ ਵਾਲਿਆਂ ਦਾ ਸਿਧਾਂਤਕ ਪੱਖ
ਦੂਜੇ ਪਾਸੇ ਨਾਨਕਸ਼ਾਹੀ ਕੈਲੰਡਰ ਵਿਚ ਸੋਧਾਂ ਦਾ ਵਿਰੋਧ ਕਰਨ ਵਾਲਿਆਂ ਦਾ ਸਿਧਾਂਤਕ ਪੱਖ ਇਹ ਹੈ ਕਿ ਨਾਨਕਸ਼ਾਹੀ ਕੈਲੰਡਰ ਸਿੱਖਾਂ ਦੀ ਵੱਖਰੀ ਹੋਂਦ ਦਾ ਪ੍ਰਤੀਕ ਸੀ ਅਤੇ ਇਹ ਦੁਨੀਆ ਦਾ ਪਹਿਲਾ ਕੈਲੰਡਰ ਸੀ, ਜਿਸ ਨੂੰ ਸੂਰਜੀ ਤਿੱਥਾਂ ਅਤੇ ਮੌਸਮ ਦਾ ਅਧਿਐਨ ਕਰਨ ਤੋਂ ਬਾਅਦ ਬਣਾਇਆ ਗਿਆ ਸੀ। ਇਸ ਕੈਲੰਡਰ ਵਿਚ ਸੂਰਜੀ ਸੰਗਰਾਂਦਾਂ ਸਥਿਰ ਹਨ, ਸਾਲ ਦੇ ਪਹਿਲੇ 5 ਮਹੀਨੇ 31 ਦਿਨਾਂ ਦੇ ਅਤੇ ਅਗਲੇ 7 ਮਹੀਨੇ 30 ਦਿਨਾਂ ਦੇ ਨਿਯਤ ਕੀਤੇ ਗਏ। ਇਸ ਤਰ੍ਹਾਂ ਨਾਨਕਸ਼ਾਹੀ ਕੈ¦ਡਰ ਵਿਚ ਹਰੇਕ ਗੁਰਪੁਰਬ ਤੇ ਦਿਨ-ਤਿਓਹਾਰ ਸਾਲ ਵਿਚ ਇਕ ਵਾਰ ਹੀ ਅਤੇ ਹਰ ਵਾਰ ਇਕੋ ਤਰੀਕ ’ਤੇ ਆਉਂਦਾ ਹੈ। ਪਰ ਬਿਕ੍ਰਮੀ ਕੈਲੰਡਰ ਦੇ ਵਦੀ-ਸੁਦੀ ਚੰਦਰਮਾ ਕੈਲੰਡਰ ਅਨੁਸਾਰ ਗੁਰਪੁਰਬ ਤੇ ਦਿਨ-ਤਿਓਹਾਰ ਸਥਿਰ ਨਹੀਂ ਹਨ। ਬਿਕ੍ਰਮੀ ਕੈ¦ਡਰ ਅਨੁਸਾਰ ਤਾਂ ਕਈ ਵਾਰ ਸਾਲ ’ਚ ਇਕ ਵਾਰ ਵੀ ਨਹੀਂ ਅਤੇ ਕਈ ਵਾਰ ਸਾਲ ’ਚ ਦੋ-ਦੋ ਵਾਰ ਇਕੋ ਗੁਰਪੁਰਬ ਆ ਜਾਂਦਾ ਹੈ। ਸੂਰਜੀ ਤਿੱਥਾਂ ਅਨੁਸਾਰ ਬਣਾਏ ਗਏ ਨਾਨਕਸ਼ਾਹੀ ਕੈ¦ਡਰ ਵਿਚ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦਾ ਪ੍ਰਕਾਸ਼ ਪੁਰਬ, ਜੋ 23 ਪੋਹ ਨੂੰ ਹੋਇਆ ਸੀ, ਹਰ ਸਾਲ 5 ਜਨਵਰੀ ਨੂੰ ਹੀ ਆਉਂਦਾ ਹੈ, ਪਰ ਬਿਕ੍ਰਮੀ ਕੈ¦ਡਰ ਅਨੁਸਾਰ ਸਾਲ 2010 ਵਿਚ ਤਾਂ ਇਹ ਗੁਰਪੁਰਬ ਇਕ ਵਾਰ ਵੀ ਨਹੀਂ ਅਤੇ ਸਾਲ 2011 ਵਿਚ ਦੋ ਵਾਰ ਆ ਜਾਂਦਾ ਹੈ। ਨਾਨਕਸ਼ਾਹੀ ਕੈਲੰਡਰ ਵਿਚ ਸੋਧਾਂ ਦਾ ਵਿਰੋਧ ਕਰਨ ਵਾਲੇ ਤਾਂ ਇਥੋਂ ਤੱਕ ਆਖਦੇ ਹਨ ਕਿ ਸੋਧਾਂ ਦੀ ਆੜ ਹੇਠ ਪੰਥ ਨਾਲ ਖਿਲਵਾੜ ਕਰਦਿਆਂ ਨਾਨਕਸ਼ਾਹੀ ਕੈ¦ਡਰ ਦੀ ਹੋਂਦ ਹੀ ਖ਼ਤਮ ਕਰ ਦਿੱਤੀ ਗਈ ਹੈ।
ਨਾਨਕਸ਼ਾਹੀ ਕੈ¦ਡਰ ਸਬੰਧੀ ਕਮੇਟੀ ਦੇ ਮੈਂਬਰ ਡਾ. ਬਲਵੰਤ ਸਿੰਘ ਢਿੱਲੋਂ ਦੱਸਦੇ ਹਨ ਕਿ ਨਾਨਕਸ਼ਾਹੀ ਕੈਲੰਡਰ ਸੂਰਜੀ ਤੇ ਮੌਸਮੀ ਕੈਲੰਡਰ ਅਨੁਸਾਰ ਬਣਾਇਆ ਗਿਆ ਸੀ। ਬਿਕ੍ਰਮੀ ਕੈਲੰਡਰ ਅਨੁਸਾਰ ਹਰ ਸਾਲ 20 ਮਿੰਟ ਵੱਡਾ ਹੁੰਦਾ ਹੈ ਤੇ 24 ਸਾਲਾਂ ਵਿਚ ਇਕ ਦਿਨ ਦਾ ਫਰਕ ਪੈ ਜਾਂਦਾ ਹੈ। ਇਸ ਕਰਕੇ ਮੌਸਮ ਨੂੰ ਸਾਹਮਣੇ ਰੱਖ ਕੇ ਇਸ ਕੈਲੰਡਰ ਵਿਚ ਗੁਰਪੁਰਬਾਂ ਦੀਆਂ ਤਰੀਕਾਂ ਨਿਸ਼ਚਿਤ ਕੀਤੀਆਂ ਗਈਆਂ ਸਨ, ਤਾਂ ਜੋ ਪੰਥ ਵਿਚ ਗੁਰਪੁਰਬ ਤੇ ਹੋਰ ਦਿਹਾੜੇ ਮਨਾਉਣ ਨੂੰ ਲੈ ਕੇ ਭੁਲੇਖੇ ਨਾ ਪੈਣ।
ਧਾਰਮਿਕ ਮੁੱਦਿਆਂ ’ਤੇ ਭਾਰੂ ਸਿਆਸਤ
ਨਾਨਕਸ਼ਾਹੀ ਕੈ¦ਡਰ ਨੂੰ ਲਾਗੂ ਕਰਨ ਅਤੇ ਇਸ ਵਿਚ ਮੁੜ ਸੋਧਾਂ ਕਰਨ ਲਈ ਵਰਤੀ ਗਈ ਕਾਹਲੀ ਤੇ ਗੈਰ-ਸਿਧਾਂਤਕ ਦਖ਼ਲਅੰਦਾਜੀ ਦਾ ਹੀ ਨਤੀਜਾ ਹੈ, ਜਿਸ ਕਾਰਨ ਅੱਜ ਸਿੱਖ ਕੌਮ ਨੂੰ ‘ਨਾਨਕਸ਼ਾਹੀ ਕੈ¦ਡਰ’ ਦੇ ਮੁੱਦੇ ’ਤੇ ਖਾਨਾਜੰਗੀ ਵਰਗੇ ਹਾਲਾਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਬੇਸ਼ੱਕ ਪਹਿਲਾਂ ਲਾਗੂ ਕੀਤੇ ਨਾਨਕਸ਼ਾਹੀ ਕੈਲੰਡਰ ਵਿਚ ਸਿਧਾਂਤਕ ਊਣਤਾਈਆਂ ਹੋਣ ਪਰ ਜੇਕਰ ਸੋਧਾਂ ਦਾ ਫ਼ੈਸਲਾ ਵਿਦਵਾਨਾਂ ਦੀ ਰਾਏ ਅਤੇ ਪੂਰੀ ਕੌਮ ਨੂੰ ਭਰੋਸੇ ਵਿਚ ਲੈ ਕੇ ਕੀਤਾ ਜਾਂਦਾ ਤਾਂ ਇਸ ਮੁੱਦੇ ’ਤੇ ਇੰਨਾ ਵਿਵਾਦ ਨਹੀਂ ਸੀ ਉਠਣਾ। ਇਸ ਸਮੁੱਚੇ ਮਾਮਲੇ ਵਿਚ ਜਿਸ ਤਰ੍ਹਾਂ ਕਾਹਲੀ ਅਤੇ ਗੈਰ-ਸੰਜੀਦਗੀ ਵਰਤੀ ਗਈ ਉਸ ਤੋਂ ਇਸ ਧਾਰਮਿਕ ਮੁੱਦੇ ਨਾਲ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਅਤੇ ਸ਼੍ਰੋਮਣੀ ਕਮੇਟੀ ਦੇ ਸਿਆਸੀ ਹਿੱਤ ਜੁੜੇ ਪ੍ਰਤੀਤ ਹੁੰਦੇ ਹਨ, ਪਰ ਨਾਲ ਹੀ ਅੱਜ ਨਾਨਕਸ਼ਾਹੀ ਕੈਲੰਡਰ ਵਿਚ ਸੋਧਾਂ ਦਾ ਵਿਰੋਧ ਕਰਨ ਵਾਲਿਆਂ ਵਿਚੋਂ ਵੀ ਬਹੁਤੇ ਸਿਆਸੀ ਡੱਫ਼ਲੀ ਵਜਾਉਂਦੇ ਹੀ ਪ੍ਰਤੀਤ ਹੋ ਰਹੇ ਹਨ।
ਨਾਨਕਸ਼ਾਹੀ ਕੈਲੰਡਰ ਦੇ ਮੁੱਦੇ ’ਤੇ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਦਾ ਸਿਆਸੀ ਪਹਿਲੂ ਇਹ ਸੀ ਕਿ ਇਹ ਕੈ¦ਡਰ ਉਸ ਵੇਲੇ ਲਾਗੂ ਕੀਤਾ ਗਿਆ ਸੀ, ਜਦੋਂ ਪੰਜਾਬ ’ਚ ਕੈਪਟਨ ਅਮਰਿੰਦਰ ਸਿੰਘ ਦੀ ਕਾਂਗਰਸ ਸਰਕਾਰ ਸੀ। ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਨਾਨਕਸ਼ਾਹੀ ਕੈ¦ਡਰ ਨੂੰ ਹਥਿਆਰ ਬਣਾ ਕੇ ਕੈਪਟਨ ਸਰਕਾਰ ਨੂੰ ਘੇਰਨਾ ਚਾਹੁੰਦਾ ਸੀ। ਜੇਕਰ ਪੰਜਾਬ ਦੀ ਕੈਪਟਨ ਸਰਕਾਰ ਨਾਨਕਸ਼ਾਹੀ ਕੈਲੰਡਰ ਨੂੰ ਮਾਨਤਾ ਨਾ ਦਿੰਦੀ ਤਾਂ ਸਿੱਖ ਸਮਾਜ ਅੰਦਰ ਸਰਕਾਰ ਵਿਰੁੱਧ ਰੋਹ ਪੈਦਾ ਹੋਣਾ ਸੀ ਅਤੇ ਸ਼੍ਰੋਮਣੀ ਅਕਾਲੀ ਦਲ ਨੂੰ ਇਕ ਸਿਆਸੀ ਮੁੱਦਾ ਮਿਲਣਾ ਸੀ, ਪਰ ਕੈਪਟਨ ਸਰਕਾਰ ਨੇ ਬਿਨ੍ਹਾਂ ਕਿਸੇ ਹੀਲ-ਹੁੱਜਤ ਦੇ ਨਾਨਕਸ਼ਾਹੀ ਕੈਲੰਡਰ ਅਨੁਸਾਰ ਹੀ ਪੰਜਾਬ ਸਰਕਾਰ ਦੀਆਂ ਛੁੱਟੀਆਂ ਤੈਅ ਕਰ ਦਿੱਤੀਆਂ। ਅਕਾਲੀ ਸਿਆਸਤ ਦੀ ‘ਨਾਨਕਸ਼ਾਹੀ ਕੈਲੰਡਰ' ਨੂੰ ਹਥਿਆਰ ਬਣਾ ਕੇ ਕੈਪਟਨ ਸਰਕਾਰ ਲਈ ਸੰਕਟ ਖੜ੍ਹਾ ਕਰਨ ਦੀ ਰਣਨੀਤੀ, ਪੂਰੀ ਤਰ੍ਹਾਂ ਸਫ਼ਲ ਨਹੀਂ ਹੋ ਸਕੀ। ਨਾਨਕਸ਼ਾਹੀ ਕੈਲੰਡਰ ਵਿਚ ਸੋਧਾਂ ਲਈ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਲੋਂ ਵਿਦਵਾਨਾਂ ਦੀਆਂ ਬਣਾਈਆਂ ਕਮੇਟੀਆਂ ਤੋਂ ਬਾਹਰ ਜਾ ਕੇ ਹੁਣ ਜਿਸ ਤਰ੍ਹਾਂ ਕਾਹਲੀ ਵਿਚ ਕੈ¦ਡਰ ’ਚ ਸੋਧਾਂ ਦਾ ਫ਼ੈਸਲਾ ਲਿਆ ਗਿਆ ਉਸ ਵਿਚੋਂ ਵੀ ਸਿਆਸੀ ਦਿਲਚਸਪੀ ਨਜ਼ਰ ਆ ਰਹੀ ਹੈ। ਸਿਆਸੀ ਵਿਸ਼ਲੇਸ਼ਕ ਇਹ ਅਨੁਮਾਨ ਲਗਾ ਰਹੇ ਹਨ ਕਿ ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਨੇ ਆਗਾਮੀ ਸ਼੍ਰੋਮਣੀ ਕਮੇਟੀ ਚੋਣਾਂ ਨੂੰ ਦੇਖਦਿਆਂ ਸੰਤ-ਸੰਪਰਦਾਵਾਂ ਦਾ ਵੋਟ ਬੈਂਕ ਹਾਸਲ ਕਰਨ ਲਈ ਨਾਨਕਸ਼ਾਹੀ ਕੈਲੰਡਰ ਵਿਚ ਸੋਧਾਂ ਦਾ ਫ਼ੈਸਲਾ ਕਰਵਾ ਦਿੱਤਾ।
ਦੂਜੇ ਪਾਸੇ ਕੈਲੰਡਰ ਵਿਚ ਸੋਧਾਂ ਦਾ ਵਿਰੋਧ ਕਰਨ ਵਾਲਿਆਂ ਦਾ ਸਿਆਸੀ ਪੱਖ ਇਹ ਹੈ ਕਿ ਉਹ ਇਸ ਮੁੱਦੇ ਨੂੰ ਹਥਿਆਰ ਬਣਾ ਕੇ ਅਕਾਲੀ ਦਲ ਬਾਦਲ ਤੇ ਸ਼੍ਰੋਮਣੀ ਕਮੇਟੀ ਨੂੰ ਘੇਰਨਾ ਚਾਹੁੰਦੇ ਹਨ। ਹੁਣ ਤੱਕ ਅਕਾਲੀ ਦਲ ਬਾਦਲ ਤੇ ਸ਼੍ਰੋਮਣੀ ਕਮੇਟੀ ਦੀ ਥਾਂ-ਥਾਂ ਵਿਰੋਧਤਾ ਕਰਨ ਵਾਲੇ ਇਨ੍ਹਾਂ ਸਿਆਸੀ ਦਲਾਂ ਨੂੰ ਨਾਨਕਸ਼ਾਹੀ ਕੈਲੰਡਰ ਅਜਿਹਾ ਹਥਿਆਰ ਜਾਪ ਰਿਹਾ ਹੈ, ਜਿਸ ਨਾਲ ਸ਼ਾਇਦ ਉਹ ਸੋਚਦੇ ਹਨ ਕਿ ਬਾਦਲ ਦਲ ਨੂੰ ਸਿਆਸੀ ਪਿੜ ’ਚ ਚਿੱਤ ਕਰ ਸਕਣਗੇ ਤੇ ਆਪਣੀ ਸਿਆਸਤ ਚਮਕਾ ਸਕਣਗੇ। ਇਨ੍ਹਾਂ ਦਲਾਂ ਨੂੰ ਵੀ ਆਗਾਮੀ ਸ਼੍ਰੋਮਣੀ ਕਮੇਟੀ ਚੋਣਾਂ ਦਿਖਾਈ ਦੇ ਰਹੀਆਂ ਹਨ, ਜਿਨ੍ਹਾਂ ਕਰਕੇ ‘ਨਾਨਕਸ਼ਾਹੀ ਕੈ¦ਡਰ’ ਨੂੰ ਮੁੱਦਾ ਬਣਾ ਕੇ ਉਹ ਪ੍ਰਭਾਵਸ਼ਾਲੀ ਸਥਿਤੀ ਬਣਾਉਣ ਦੀ ਤਾਕ ’ਚ ਹਨ।

12 ਦਿਸੰਬਰ ਦੇ ਪੰਥਕ ਇਕੱਠਾਂ ਵਿੱਚ ਪਾਸ ਕੀਤੇ ਮਤਿਆਂ ਦਾ ਕੀ ਬਣੇਗਾ?

ਨਾਨਕਸ਼ਾਹੀ ਕੈਲੰਡਰ ਵਿੱਚ ਮਨਮਰਜੀ ਨਾਲ ਜਬਰੀ ਸੋਧਾਂ ਕਰਨ ਕਰਵਾਉਣ ਲਈ ਜਿੰਮੇਵਾਰ ਧਿਰਾਂ ਦਾ ਰੋਮ ਰੋਮ ਧੰਨਵਾਦ ਕਰ ਰਹੇ ਬਾਬਾ ਹਰਨਾਮ ਸਿੰਘ ਧੁੰਮਾਂ ਸਮੇਤ ਦੇਸ਼ ਵਿਦੇਸ਼ਾਂ ਵਿਚਲੇ ਆਗੂਆਂ ਨੂੰ ਅਸੀਂ ਪੁੱਛਣਾਂ ਚਾਹੁੰਂਦੇ ਹਾਂ ਕਿ 12 ਦਿਸੰਬਰ ਨੁੰ ਚੌਂਕ ਮਹਿਤਾ ਅਤੇ ਸਾਊਥਾਲ ਇੰਗਲੈਂਡ ਤੋਂ ਪਾਸ ਕੀਤੇ ਮਤਿਆਂ ਦਾ ਕੀ ਬਣੇਗਾ?ਜਬਰੀ ਸੋਧਾਂ ਦਾ ਵਿਰੋਧ ਕਰ ਰਹੇ ਸਿੰਘਾਂ ਅਤੇ ਸਮੂਹ ਜਥੇਬੰਦੀਆਂ ਨੂੰ ਡੇੜ ਬੰਦਾਂ ਕਹਿਣ ਵਿਚ ਅਤੇ ਸਮੇਂ ਦੀਆਂ ਸਰਕਾਰਾਂ ਵਲੋਂ ਪੰਥਕ ਆਗੂਆਂ ਨੂੰ ਮੁੱਠੀ ਭਰ ਲੋਕ ਕਹਿਣ ਵਿਚ ਕੀ ਫਰਕ ਰਹਿ ਗਿਆ,ਅਤੇ ਸਵਾ ਲਾਖ ਸੇ ਏਕ ਲੜਾਊਂ ਦੇ ਸਿਧਾਂਤ ਨੂੰ ਕਿਵੇਂ ਵਿਸਾਰ ਦਿੱਤਾ?2003 ਵਿਚ ਨਾਨਕਸ਼ਾਹੀ ਕੈਲੰਡਰ ਜਾਰੀ ਕਰਨ ਨੂੰ ਲੈ ਕੇ ਜੋ ਅਖਬਾਰਾਂ ਵਿਚ ਇਸ਼ਤਿਹਾਰਾਂ ਰਾਹੀਂ ਸਵਾਲ ਪੁੱਛੇ ਜਾ ਰਹੇ ਹਨ ਹੈਰਤ ਹੈ ਕਿ ਜਿਹੜੇ ਇਸਦੇ ਅਸਲ ਜਵਾਬ ਦੇਣ ਲਈ ਜਿੰਮੇਵਾਰ ਹਨ ਉਨ੍ਹਾਂ ਦੀਆਂ ਤਸਵੀਰਾਂ ਉਂਪਰ ਸਵਾਲ ਕਰਤਾਵਾਂ ਵਿਚ ਹਨ,ੳਨ੍ਹਾਂ ਅਹੁਦਿਆਂ ਤੇ ਰਹੇ ਪਹਿਲੇ ਆਗੂਆਂ ਨੇ ਜਾਰੀ ਕੀਤਾ ਸੀ ਅਤੇ ਇਨ੍ਹਾਂ ਸਾਰਿਆਂ ਦਾ ਬਾਦਲ ਦਲ ਨਾਲ ਹੀ ਸਬੰਧ ਹੈ।ਪ੍ਰਧਾਨ ਮਾਸਟਰ ਅਵਤਾਰ ਸਿੰਘ 07980287059,ਜਨਰਲ ਸਕੱਤਰ ਸਰਬਜੀਤ ਸਿੰਘ 07957401180।ਪ੍ਰਧਾਨ ਯੂਥ ਵਿੰਗ ਭਾਈ ਕੁਲਵੰਤ ਸਿੰਘ ਮੁਠੱਡਾ 07828219373,ਜਨਰਲ ਸਕੱਤਰ ਭਾਈ ਸਤਿੰਦਰਪਾਲ ਸਿੰਘ ਮੰਗੂਵਾਲ 07794882249

ਕੈਨੇਡਾ (ਉਨਟਾਰੀਓ)ਸੜਕ ਹਾਦਸੇ ’ਚ ਦੋ ਪੰਜਾਬੀ ਨੌਜਵਾਨਾਂ ਦੀ ਮੌਤ

ਬਲਾਈਂਡ ਰਿਵਰ -14 ਜਨਵਰੀ-ਬੁੱਧਵਾਰ ਸਵੇਰੇ 6 ਵਜੇ ਇਥੋਂ 17 ਕਿਲੋਮੀਟਰ ਦੂਰ ਪੱਛਮ ਵੱਲ ਹਾਈਵੇਅ 17 ਉਤੇ ਦੋ ਟਰੱਕ-ਟਰਾਲਿਆਂ ਵਿਚਾਲ਼ੇ ਹੋਈ ਜ਼ਬਰਦਸਤ ਟੱਕਰ ਵਿੱਚ ਦੋ ਪੰਜਾਬੀ ਨੌਜਵਾਨਾਂ ਦੀ ਮੌਤ ਹੋ ਗਈ। ਮਾਰੇ ਗਏ ਵਿਅਕਤੀਆਂ ਦੀ ਸ਼ਨਾਖ਼ਤ ਬਰੈਂਪਟਨ ਵਾਸੀ ਡਰਾਇਵਰ ਬਲਵਿੰਦਰ ਸਿੰਘ (32) ਅਤੇ ਮਾਂਟਰੀਅਲ ਦੇ ਬਲਵੀਰ ਸਿੰਘ (44) ਵਜੋਂ ਹੋਈ ਹੈ। ਇਹ ਦੋਵੇਂ ਆਪਣੇ ਟਰੱਕ ਨੂੰ ਲੈ ਕੇ ਪੱਛਮ ਵੱਲ ਲਿਜਾ ਰਹੇ ਸਨ ਕਿ ਇੱਕ ਚੌਕ ਉਤੇ ਪੂਰਬ ਵੱਲ ਜਾ ਰਿਹਾ ਟਰੱਕ ਉਨ੍ਹਾਂ ਵਿੱਚ ਆ ਟਕਰਾਇਆ। ਇਸ ਹਾਦਸੇ ਵਿੱਚ ਪੂਰਬ ਵੱਲ ਜਾ ਰਹੇ ਟਰੱਕ ਦਾ ਡਰਾਇਵਰ ਸਟੈਨਲੇ ਸਪੱਰ (45) ਵਾਸੀ ਨਾਇਰਨ ਸੈਂਟਰ ਵੀ ਮਾਰਿਆ ਗਿਆ ਹੈ। ਆਖ਼ਰੀ ਖ਼ਬਰਾਂ ਮਿਲਣ ਵੇਲੇ ਤੱਕ ਇਸ ਸੜਕ ਦੀ ਸਿਰਫ਼ ਇੱਕੋ ਲੇਨ ਖੋਲ੍ਹੀ ਗਈ ਸੀ ਅਤੇ ਸੜਕ ਦੀ ਸਫ਼ਾਈ ਦਾ ਕੰਮ ਤੇਜ਼ੀ ਨਾਲ਼ ਚੱਲ ਰਿਹਾ ਸੀ। ਪਹਿਲਾਂ ਆਇਰਨ ਬ੍ਰਿਜ ਤੇ ਬਲਾਈਂਡ ਰਿਵਰ ਦੇ ਵਿਚਾਲ਼ੇ ਆਵਾਜਾਈ ਪੂਰੀ ਤਰ੍ਹਾਂ ਬੰਦ ਕਰ ਦਿੱਤੀ ਗਈ ਪਰ ਬਾਅਦ ਦੁਪਹਿਰ ਇੰਕ ਲੇਨ ਖੋਲ੍ਹ ਦਿੱਤੀ ਗਈ ਸੀ। ਉਨਟਾਰੀਓ ਸੂਬਾਈ ਪੁਲਿਸ ਦੇ ਅਧਿਕਾਰੀਆਂ ਅਨੁਸਾਰ ਸੜਕ ਦੀਆਂ ਸਥਿਤੀਆਂ ਜਾਂ ਧੁੰਦ ਇਸ ਹਾਦਸੇ ਦਾ ਕਾਰਣ ਨਹੀਂ ਜਾਪਦੇ। ਮਾਮਲੇ ਦੀ ਤਫ਼ਤੀਸ਼ ਜਾਰੀ ਹੈ।

ਸ਼੍ਰੋਮਣੀ ਕਮੇਟੀ ਤੇ ਅਕਾਲੀ ਦਲ ਪ੍ਰੋ.ਦਰਸ਼ਨ ਸਿੰਘ ਦੇ ਮਾਮਲੇ ਨੂੰ ਫਿਲਹਾਲ ਟਾਲਣ ਦੇ ਮੂਡ ਵਿਚ

ਜਲੰਧਰ 14 ਜਨਵਰੀ-ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰਾਂ ਤੇ ਸ਼੍ਰੋਮਣੀ ਕਮੇਟੀ ਤੋਂ ਇਲਾਵਾ ਹੋਰ ਪੰਥ ਹਿਤੈਸ਼ੀਆਂ ਵਲੋਂ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਸਾਬਕਾ ਜਥੇਦਾਰ ਪ੍ਰੋ. ਦਰਸ਼ਨ ਸਿੰਘ ਖਾਲਸਾ ਨੂੰ ਤਨਖਾਹ ਲਗਾਉਣ ਤੇ ਸਖਤ ਖਮਿਆਜ਼ਾ ਸੁਣਾਉਣ ਲਈ ਜੋ ਕਾਰਵਾਈ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ ਬਾਰੇ ਧਾਰਮਿਕ ਹਲਕਿਆਂ ਵਿਚ ਇਹ ਸ਼ੰਕਾ ਪਾਇਆ ਜਾ ਰਿਹਾ ਹੈ ਕਿ ਜਿਸ ਤਰੀਕੇ ਨਾਲ ਪ੍ਰੋ. ਦਰਸ਼ਨ ਸਿੰਘ ਨੂੰ ਮੌਕੇ ਦਿੱਤੇ ਜਾ ਰਹੇ ਹਨ ਹੋ ਸਕਦਾ ਹੈ ਕਿ ਉਨ੍ਹਾਂ ਨੂੰ ਪੰਥ ਵਿਚੋਂ ਨਾ ਛੇਕਿਆ ਜਾਵੇ। ਤਾਜ਼ੇ ਤਾਜ਼ੇ ਨਾਨਕਸ਼ਾਹੀ ਕੈਲੰਡਰ ਵਿਚ ਕੀਤੀਆਂ ਸੋਧਾਂ ਅਤੇ ਕਈ ਧੜਿਆਂ ਵਲੋਂ ਉਸ ਨੂੰ ਮੰਨਣ ਤੋਂ ਇਨਕਾਰ ਕਰਨ ਤੇ ਉਸ ਵਾਵਰੋਲੇ ਨੂੰ ਦੇਖਦੇ ਹੋਏ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਤੇ ਅਕਾਲੀ ਦਲ ਪ੍ਰੋ. ਦਰਸ਼ਨ ਸਿੰਘ ਦੇ ਮਾਮਲੇ ਨੂੰ ਫਿਲਹਾਲ ਟਾਲਣ ਦੇ ਮੂਡ ਵਿਚ ਹਨ। ਜਾਣਕਾਰ ਸੂਤਰਾਂ ਨੇ ਦੱਸਿਆ ਕਿ ਸ਼੍ਰੋਮਣੀ ਕਮੇਟੀ ਤੇ ਭਾਵੇਂ ਅਸਿੱਧੇ ਤੌਰ ਅਕਾਲੀ ਦਲ ਦਾ ਕਬਜ਼ਾ ਹੈ ਤੇ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਤੇ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੂੰ ਇਹ ਵੀ ਡਰ ਖਾ ਰਿਹਾ ਹੈ ਕਿ ਪ੍ਰੋ. ਦਰਸ਼ਨ ਸਿੰਘ ਸ਼ਹਿਰੀ ਸਿੱਖ ਹੋਣ ਕਰ ਕੇ ਉਸ ਨੂੰ ਪੰਥ ਚੋਂ ਛੇਕਣ ਤੇ ਸ਼ਹਿਰੀ ਸਿੱਖ ਵੋਟਰ ਤੇ ਵਸਨੀਕਾਂ ਤੋਂ ਇਲਾਵਾ ਦਿੱਲੀ ਵਾਲੇ ਪਰਮਜੀਤ ਸਿੰਘ ਸਰਨਾ ਧੜੇ ਦਾ ਵਿਰੋਧ ਤੋਂ ਇਲਾਵਾ ਸਾਬਕਾ ਮਾਮਲਾ ਕਾਫੀ ਤੂਲ ਫੜ ਸਕਦਾ ਹੈ।

ਕੈਨੇਡਾ ਦੀ ਪੀਲ ਪੁਲਿਸ ਵਿਚ ਦੋ ਲੜਕੀਆਂ ਸਮੇਤ ਪੰਜ ਪੰਜਾਬੀਆਂ ਦੀ ਭਰਤੀ

ਜਗਰਾਉਂ, 14 ਜਨਵਰੀ -ਪੰਜਾਬੀ ਭਾਈਚਾਰੇ ਲਈ ਇਹ ਖ਼ਬਰ ਖੁਸ਼ੀ ਵਾਲੀ ਹੈ ਕਿ ਕੈਨੇਡਾ ਦੀ ਪੀਲ ਪੁਲਿਸ ਵਿਚ ਪੰਜਾਬੀ ਮੂਲ ਦੀਆਂ ਦੋ ਕੁੜੀਆਂ ਸਮੇਤ ਕੁੱਲ ਪੰਜ ਪੰਜਾਬੀ ਨੌਜਵਾਨਾਂ ਦੀ ਭਰਤੀ ਕੀਤੀ ਗਈ ਹੈ। ਇਨ੍ਹਾਂ ਪੰਜ ਪੰਜਾਬੀਆਂ ਨੇ ਮਿਸੀਸਾਗਾ ਦੇ ਇਮਿਲ ਵੀ ਕਾਲਬ ਸੈਂਟਰ ਫਾਰ ਪੁਲਿਸ ਐਕਸੀਲੈਂਸ ਵਿਖੇ ਹੋਏ ਉਦਘਾਟਨ ਸਮਾਰੋਹ ਦੌਰਾਨ ਪੀਲ ਪੁਲਿਸ ਜੁਆਇਨ ਕੀਤੀ। ਇਸ ਨਵੀਂ ਭਰਤੀ ਮੁਹਿੰਮ ਦੌਰਾਨ ਕੁੱਲ 44 ਜਣੇ ਪਾਸ ਹੋਏ, ਜਿਨ੍ਹਾਂ ਵਿਚ ਪੰਜ ਪੰਜਾਬੀ ਵੀ ਸ਼ਾਮਲ ਹਨ। ਜਾਣਕਾਰੀ ਮੁਤਾਬਕ ਪੀਲ ਪੁਲਿਸ ’ਚ ਨਵੇਂ ਭਰਤੀ ਹੋਏ ਪੰਜ ਪੰਜਾਬੀ ਗੱਭਰੂਆਂ ’ਚ ਨਵਨੀਤ ਸੈਣੀ, ਗੁਰਪ੍ਰੀਤ ਸਰਾਂ, ਗੁਰਤੇਜ ਧੂਤ, ਰੋਮੀਤ ਕਿੰਦਰਾ ਅਤੇ ਬਲਜੀਤ ਕੌਰ ਸੈਣੀ ਸ਼ਾਮਲ ਹਨ। ਭਰਤੀ ਉਪਰੰਤ ਨਵਨੀਤ ਸੈਣੀ ਨੇ ਕਿਹਾ ਕਿ ਉਸ ਨੂੰ ਖੁਸ਼ੀ ਹੈ ਕਿ ਉਸ ਨੂੰ ਪੀਲ ਪੁਲਿਸ ਵਿਚ ਭਰਤੀ ਹੋ ਕੇ ਅਪਣੀ ਕਾਬਲੀਅਤ ਸਿੱਧ ਕਰਨ ਦਾ ਮੌਕਾ ਹਾਸਲ ਹੋਇਆ ਹੈ। ਉਤਸ਼ਾਹ ਨਾਲ ਭਰਪੂਰ ਨਵਨੀਤ ਨੇ ਕਿਹਾ, ‘‘ਪੀਲ ਪੁਲਿਸ ’ਚ ਭਰਤੀ ਹੋਣ ’ਤੇ ਮੈਂ ਮਾਣ ਮਹਿਸੂਸ ਕਰ ਰਿਹਾ ਹਾਂ ਅਤੇ ਮੈਨੂੰ ਉਮੀਦ ਹੈ ਕਿ ਆਪਣੀਆਂ ਸੇਵਾਵਾਂ ਨਾਲ ਨਾ ਸਿਰਫ ਮੈਂ ਅਪਣੇ ਭਾਈਚਾਰੇ ਦਾ ਸਿਰ ਮਾਣ ਨਾਲ ਉਚਾ ਕਰਾਂਗਾ, ਬਲਕਿ ਹੋਰ ਭਾਰਤੀ ਨੌਜਵਾਨਾਂ ਨੂੰ ਪੀਲ ਪੁਲਿਸ ’ਚ ਭਰਤੀ ਹੋਣ ਲਈ ਵੀ ਪ੍ਰੇਰਤ ਕਰਾਂਗਾ।’
ਪੀਲ ਪੁਲਿਸ ’ਚ ਭਰਤੀ ਹੋਈ ਪੰਜਾਬੀ ਮੂਲ ਦੀ ਕੁੜੀ ਬਲਜੀਤ ਸੈਣੀ ਨੇ ਕਿਹਾ ਕਿ ਪੀਲ ਪੁਲਿਸ ਜੁਆਇਨ ਕਰਕੇ ਉਸ ਨੂੰ ਬਹੁਤ ਖੁਸ਼ੀ ਹੋ ਰਹੀ ਹੈ ਅਤੇ ਇਯ ਨੌਕਰੀ ਦੇ ਜ਼ਰੀਏ ਉਹ ਹੋਰ ਕੁੜੀਆਂ ਨੂੰ ਵੀ ਪ੍ਰੇਰਤ ਕਰੇਗੀ ਕਿ ਉਹ ਪੀਲ ਪੁਲਿਸ ’ਚ ਭਰਤੀ ਹੋਣ, ਜੋ ਕੁੜੀਆਂ ਲਈ ਕੁਝ ਚੰਗੇ ਕਿੱਤਿਆਂ ’ਚੋਂ ਇਕ ਹੈ ਅਤੇ ਇੱਥੇ ਸਭ ਨੂੰ ਅੱਗੇ ਵਧਣ ਲਈ ਬਰਾਬਰ ਮੌਕੇ ਮੁਹੱਈਆ ਕਰਾਏ ਜਾਂਦੇ ਹਨ। ਪੀਲ ਪੁਲਿਸ ’ਚ ਨਵੀਂ ਭਰਤੀ ਹੋਈ ਦੂਜੀ ਲੜਕੀ ਦੇ ਪਿਤਾ ਨੇ ਕਿਹਾ ਕਿ ਇਹ ਉਨ੍ਹਾਂ ਅਤੇ ਪੰਜਾਬੀ ਭਾਈਚਾਰੇ ਲਈ ਬੜੇ ਮਾਣ ਦੀ ਗੱਲ ਹੈ ਕਿ ਸਾਡੇ ਭਾਈਚਾਰੇ ਵਿਚੋਂ ਕੁੜੀਆਂ ਪੀਲ ਪੁਲਿਸ ’ਚ ਭਰਤੀ ਹੋ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ‘ਮੈਨੂੰ ਉਮੀਦ ਹੈ ਕਿ ਮੇਰੀ ਲੜਕੀ ਆਪਣੀਆਂ ਸੇਵਾਵਾਂ ਨਾਲ ਨਾ ਸਿਰਫ ਮੇਰਾ, ਬਲਕਿ ਪੂਰੇ ਪੰਜਾਬੀ ਭਾਈਚਾਰੇ ਦਾ ਸਿਰ ਮਾਣ ਨਾਲ ਉਚਾ ਕਰੇਗੀ।

ਕੈਰੀਬੀਅਨ ਮੁਲਕ ਹੈਤੀ 'ਚ ਸ਼ਕਤੀਸ਼ਾਲੀ ਭੂਚਾਲ, ਲੱਖਾ ਮੌਤਾਂ ਦਾ ਖਦਸ਼ਾ .

. ਹੈਤੀ, 13 ਜਨਵਰੀ-ਕੈਰੀਬੀਅਨ ਮੁਲਕ ਹੈਤੀ ਵਿਚ 7.3 ਰਿਕਟਰ ਸਕੇਲ ਦਾ ਇਕ ਜ਼ਬਰਦਸਤ ਭੂਚਾਲ ਆਇਆ, ਜਿਸ ਵਿੱਚ ਲੱਖਾ ਲੋਕਾਂ ਦੇ ਮਾਰੇ ਜਾਣ ਦਾ ਖਦਸ਼ਾ ਹੈ । ਭੂਚਾਲ ਇੰਨਾ ਜ਼ਬਰਦਸਤ ਸੀ ਕਿ ਰਾਜਧਾਨੀ ਪੋਰਟ ਓ ਪ੍ਰਿੰਸ ਹਿੱਲ ਗਈ ਅਤੇ ਆਸ ਪਾਸ ਦੇ ਖੇਤਰਾਂ ਵਿਚ ਸੁਨਾਮੀ ਦੀ ਚਿਤਾਵਨੀ ਵੀ ਜਾਰੀ ਕਰ ਦਿੱਤੀ ਗਈ ਹੈ। ਗੁਆਂਢੀ ਮੁਲਕਾਂ ਕਿਊਬਾ, ਬਹਾਮਾਸ ਅਤੇ ਡੋਮੀਨਿੰਕ ਰਿਪਬਲਿਕ ਵਿਚ ਚੌਕਸੀ ਵਧਾ ਦਿੱਤੀ ਗਈ ਹੈ। ਪ੍ਰਾਪਤ ਖ਼ਬਰਾਂ ਮੁਤਾਬਕ ਭੂਚਾਲ ਕਾਰਨ ਇਮਾਰਤਾਂ ਹਿੱਲ ਗਈਆਂ ਅਤੇ ਹਜ਼ਾਰਾਂ ਲੋਕੀ ਜ਼ਖਮੀ ਹੋਏ ਦੱਸੇ ਜਾਂਦੇ ਹਨ। ਹਾਲਾਂਕਿ ਨੁਕਸਾਨ ਦੀਆਂ ਰਿਪੋਰਟਾਂ ਵਿਸਥਾਰ ਵਿਚ ਹਾਸਲ ਨਹੀਂ ਹੋ ਸਕੀਆਂ ਪਰ ਨੁਕਸਾਨ ਕਾਫੀ ਹੋਇਆ ਦੱਸਿਆ ਜਾਂਦਾ ਹੈ। ਇਹ ਭੂਚਾਲ ਦੇ ਝਟਕੇ ਸਥਾਨਕ ਸਮੇਂ ਮੁਤਾਬਕ ਸ਼ਾਮੀ ਕਰੀਬ 4.53 ਵਜੇ ਮਹਿਸੂਸ ਕੀਤੇ ਗਏ। ਵਰਣਨਯੋਗ ਹੈ ਕਿ ਹੈਤੀ ਅਮਰੀਕੀ ਮਹਾਂਦੀਪ ਦੇ ਕੈਰੀਬੀਆਈ ਖੇਤਰ ਦਾ ਇਕ ਛੋਟਾ ਜਿਹਾ ਮੁਲਕ ਹੈ। ਇਕ ਵਿਅਕਤੀ ਨੇ ਦੱਸਿਆ ਕਿ ਇਕ ਹਸਪਤਾਲ ਅਤੇ ਕੁੱਝ ਇਮਾਰਤਾਂ ਡਿੱਗ ਗਈਆਂ ਜਦਕਿ ਲੋਕ ਸਹਾਇਤਾ ਲਈ ਚੀਖ-ਚਿਹਾੜਾ ਪਾ ਰਹੇ ਸਨ। ਇਕ ਅਮਰੀਕੀ ਅਧਿਕਾਰੀ ਮੁਤਾਬਿਕ ਪੂਰਾ ਅਸਮਾਨ ਧੂੜ ਨਾਲ ਭਰ ਗਿਆ ਅਤੇ ਦੂਰ ਤੋਂ ਲੋਕਾਂ ਦੀਆਂ ਸਹਿਮੀਆਂ ਚੀਖਾਂ ਹੀ ਸੁਣਾਈ ਦੇ ਰਹੀਆਂ ਸਨ। ਅਮਰੀਕੀ ਭੂ-ਗਰਭ ਸਰਵੇਖਣ ਦਾ ਕਹਿਣਾ ਹੈ ਕਿ ਇਸ ਭੂਚਾਲ ਦਾ ਕੇਂਦਰ ਰਾਜਧਾਨੀ ਪੋਰਟ ਓ ਪ੍ਰਿੰਸ ਤੋਂ 15 ਕਿਲੋਮੀਟਰ ਦੂਰ ਸੀ। ਇਸ ਤੋਂ ਬਾਅਦ 5.9 ਅਤੇ 5.5 ਸਮਰੱਥਾ ਦੇ ਦੋ ਹੋਰ ਭੂਚਾਲ ਦੇ ਝਟਕੇ ਆਏ। ਅਮਰੀਕੀ ਸੁਨਾਮੀ ਚਿਤਾਵਨੀ ਕੇਂਦਰ ਦਾ ਕਹਿਣਾ ਸੀ ਕਿ ਇਸ ਕਾਰਨ ਸਥਾਨਕ ਸੁਨਾਮੀ ਆਉਣ ਦੀ ਸੰਭਾਵਨਾ ਹੈ ਅਤੇ ਇਸ ਭੂਚਾਲ ਦੇ ਕੇਂਦਰ ਤੋਂ 100 ਕਿਲੋਮੀਟਰ ਦੂਰ ਤੱਕ ਦੇ ਖੇਤਰ ਨੂੰ ਪ੍ਰਭਾਵਿਤ ਕਰ ਸਕਦੀਆਂ ਹਨ। ਅਮਰੀਕੀ ਰਾਸ਼ਟਰਪਤੀ ਬਰਾਕ ਓਬਾਮਾ ਨੇ ਪ੍ਰਸ਼ਾਸਨ ਨੂੰ ਚੌਕਸ ਕਰ ਦਿੱਤਾ ਹੈ।

'ਇੱਕ ਬਾਬਾ ਬਾਦਲ ਸੀ ਜਿਸ ਨੇ 800 ਬੱਸ ਪਾ ‘ਤੀ‘- ਬਰਾੜ

ਮੁਕਤਸਰ : 13 ਜਨਵਰੀ ਅੱਜ ਮੇਲਾ ਮਾਘੀ ‘ਤੇ ਕਾਂਗਰਸ ਪਾਰਟੀ ਦੀ ਕਾਨਫਰੰਸ ਕੈਪਟਨ ਅਮਰਿੰਦਰ ਸਿੰਘ ਅਤੇ ਹੋਰ ਕੇਂਦਰੀ ਆਗੂਆਂ ਦੇ ਨਾ ਪਹੁੰਚਣ ਕਾਰਨ ਅਕਾਲੀ ਦਲ ਦੇ ਮੁਕਾਬਲੇ ਫਿੱਕੀ ਰਹੀ। ਇਸ ਮੌਕੇ ਜਗਮੀਤ ਸਿੰਘ ਬਰਾੜ ਨੇ ਆਪਣੇ ਸਿਆਸੀ ਵਿਰੋਧੀ ਅਕਾਲੀ ਭਾਜਪਾ ਸਰਕਾਰ ‘ਤੇ ਵਰਦਿਆਂ ਕਿਹਾ ਕਿ ਬਾਦਲ ਪਰਿਵਾਰ ਨੂੰ ਪੈਸੇ ਕਮਾਉਣ ਦੀ ਇੰਨੀ ਕਾਹਲ ਹੈ ਕਿ ਇਸ ਦੀਆਂ ਬੱਸਾਂ ਹੇਠ ਆ ਕੇ ਹੁਣ ਤੱਕ 70 ਬੰਦੇ ਮਰ ਚੁੱਕੇ ਹਨ, ਜਿਸ ਦੀ ਨਾ ਤਾਂ ਕੋਈ ਸੁਣਵਾਈ ਹੋਈ ਹੈ ਅਤੇ ਨਾ ਹੀ ਕਿਸੇ ਨੂੰ ਮੁਆਵਜ਼ਾ ਮਿਲਿਆ ਹੈ।
ਉਨ੍ਹਾਂ ਕਿਹਾ ਕਿ ਸੂਬੇ ਦਾ ਵਿਕਾਸ ਕਰਨ ਦੀ ਬਜਾਏ ਬਾਦਲ ਪਰਿਵਾਰ ਆਪਣਾ ਵਿਕਾਸ ਕਰ ਰਿਹਾ ਹੈ ਅਤੇ ਪੰਜਾਬ ਦੇ ਸਾਰੇ ਆਮਦਨ ਦੇ ਸਾਧਨਾਂ ‘ਤੇ ਕਬਜ਼ਾ ਕਰ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਬਾਦਲ ਸਰਕਾਰ ਵਿਕਾਸ ਦੇ ਲੱਖਾਂ ਦਾਅਵੇ ਕਰ ਰਹੀ ਹੈ ਪਰ ਅਸਲੀ ਰੂਪ ਵਿਚ ਸੂਬਾ ਸਰਕਾਰ ਦੀਆਂ ਕਮਜ਼ੋਰੀਆਂ ਕਾਰਨ ਵਿਕਾਸ ਲੀਹਂੋ ਲੱਥ ਚੁੱਕਾ ਹੈ। ਉਨ੍ਹਾਂ ਕਿਹਾ ਕਿ ਪਾਰਲੀਮੈਂਟ ਮੈਂਬਰ ਹੁੰਦਿਆਂ ਮੈਂ 19 ਵਾਰ 1984 ਦੇ ਦੰਗਿਆਂ ਬਾਰੇ ਕੇਂਦਰ ਵਿਚ ਕਾਂਗਰਸ ਦੀ ਸਰਕਾਰ ਹੁੰਦਿਆਂ ਤਕਰੀਰਾਂ ਕੀਤੀਆਂ ਸਨ ਤਾਂ ਜੋ ਦੋਸ਼ੀਆਂ ਨੂੰ ਸਜ਼ਾਵਾਂ ਦਿੱਤੀਆਂ ਜਾ ਸਕਣ। ਉਨ੍ਹਾਂ ਬਾਦਲ ‘ਤੇ ਵਰ੍ਹਦਿਆਂ ਕਿਹਾ ਕਿ ਇਸ ਨੇ ਕੇਂਦਰ ਸਰਕਾਰ ਦੇ ਭਾਈਵਾਲ ਹੁੰਦਿਆਂ 84 ਦੇ ਦੰਗਿਆਂ ਦੇ ਦੋਸ਼ੀਆਂ ਨੂੰ ਸਜ਼ਾਵਾਂ ਦੁਆਉਣ ਲਈ ਪ੍ਰਧਾਨ ਮੰਤਰੀ ਨੂੰ ਇੱਕ ਵੀ ਲਫ਼ਜ਼ ਨਹੀਂ ਲਿਖਿਆ।
ਉਨ੍ਹਾਂ ਬਾਦਲ ਪਰਿਵਾਰ ‘ਤੇ ਵਿਅੰਗ ਕਸਦਿਆਂ ਬੱਬੂ ਮਾਨ ਦੇ ਇੱਕ ਬਾਬਾ ਨਾਨਕ ਸੀ ਦੀ ਬਜਾਏ ਬੱਬੂ ਮਾਨ ਨੂੰ ਇਹ ਗਾਣਾ ਗਾਉਣਾ ਚਾਹੀਦਾ ਹੈ ਕਿ 'ਇੱਕ ਬਾਬਾ ਬਾਦਲ ਸੀ ਜਿਸ ਨੇ 800 ਬੱਸ ਪਾ ‘ਤੀ‘। ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਜਿਸ ਤਰ੍ਹਾਂ ਪੰਜਾਬ ਅੰਦਰੋਂ ਪਿਛਲੇ ਦਿਨੀਂ ਪੰਜਾਬ ਅੰਦਰ ਦਵਾਈਆਂ ਦਾ ਛਿੜਕਾਅ ਕਾਰਨ ਚਿੜੀਆਂ ਮਰ ਗਈਆਂ ਸਨ ਠੀਕ ਉਸੇ ਤਰ੍ਹਾਂ ਪੰਜਾਬ ਅੰਦਰਂੋ ਦੇਸੀ ਮੁਰਗੇ ਖਤਮ ਹੋ ਗਏ ਹਨ, ਕਿਉਂਕਿ ਬਾਦਲ ਜਿੱਥੇ ਜਾਂਦਾ ਹੈ ਉਥੇ ਇਹ ਮੁਰਗੇ ਖਾ ਜਾਂਦੇ ਹਨ। ਉਨ੍ਹਾਂ ਕਿਹਾ ਕਿ ਇਹ ਪਰਿਵਾਰ ਲੰਗਰ ਚਲਾਉਣ ਦੀ ਪ੍ਰਥਾ ਦੀ ਗੱਲ ਕਰਦੇ ਹਨ ਜਦੋਂ ਕਿ ਅਸਲੀਅਤ ਇਹ ਹੈ ਕਿ ਸ. ਬਾਦਲ ਨੇ ਆਪਣੇ ਪੱਲਿਓਂ ਕਿਸੇ ਵੀ ਗੁਰਦੁਆਰਾ ਨੂੰ 500 ਰੁਪਏ ਦੀ ਪਰਚੀ ਕਟਾਈ ਤਾਂ ਹੋਵੇ ਤਾਂ ਮੈਂ ਰਾਜਨੀਤੀ ਤੋਂ ਸੰਨਿਆਸ ਲੈ ਲਵਾਂਗਾ।
ਇਸ ਮੌਕੇ ਬੋਲਦਿਆਂ ਕਾਂਗਰਸ ਦੇ ਸੂਬਾ ਪ੍ਰਧਾਨ ਮਹਿੰਦਰ ਸਿੰਘ ਕੇਪੀ ਨੇ ਕਿਹਾ ਕਿ ਕਾਂਗਰਸ ਨੇ ਭਾਰੀ ਕੁਰਬਾਨੀਆਂ ਦੇ ਕੇ ਸੂਬੇ ਵਿਚ ਅਮਨ ਸਾਂਤੀ ਲਿਆਂਦੀ ਹੈ ਜਦਕਿ ਅਕਾਲੀ ਸੂਬੇ ਵਿਚ ਗੜਬੜੀ ਵਾਲੇ ਹਲਾਤ ਪੈਦਾ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਅਕਾਲੀ ਦਲ ਨੇ ਹਮੇਸ਼ਾ ਸਿੱਖੀ ਦੇ ਨਾਮ ‘ਤੇ ਲੋਕਾਂ ਨੂੰ ਗੁਮਰਾਹ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਸੂਬੇ ਨੂੰ ਉਨਤੀ ਵੱਲ ਲਿਜਾਣ ਲਈ ਅਕਾਲੀਆਂ ਤੋਂ ਖਹਿੜਾ ਛੁਡਾਉਣਾ ਬਹੁਤ ਜ਼ਰੂਰੀ ਹੈ। ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਸਾਬਕਾ ਮੁੱਖ ਮੰਤਰੀ ਰਾਜਿੰਦਰ ਕੌਰ ਭੱਠਲ ਨੇ ਕਿਹਾ ਕਿ ਇਨ੍ਹਾਂ ਪਿਉ ਪੁੱਤਰਾਂ ਨੇ ਪੰਜਾਬ ਨੂੰ ਲਹੂ-ਲੁਹਾਣ ਹੀ ਨਹੀਂ ਕੀਤਾ ਸਗੋਂ ਇਨ੍ਹਾਂ ਨੇ ਪੰਚਾਇਤੀ ਚੋਣਾ ਸਮੇਂ 20 ਹਜ਼ਾਰ ਕਾਂਗਰਸੀ ਵਰਕਰਾਂ ‘ਤੇ ਝੂਠੇ ਪਰਚੇ ਦਰਜ ਕੀਤੇ ਹਨ। ਉਨ੍ਹਾਂ ਕਿਹਾ ਕਿ ਹੁਣ ਲੋਕ ਬਾਦਲ ਦੇ ਅਸਲ ਚਿਹਰੇ ਨੂੰ ਪਛਾਣ ਚੁੱਕੇ ਹਨ ਅਤੇ ਆਉਣ ਵਾਲੀਆਂ ਚੋਣਾਂ ਵਿਚ ਇਸ ਦਾ ਡਟ ਕੇ ਜਵਾਬ ਦੇਣਗੇ। ਇਸ ਮੌਕੇ ਬੋਲਦਿਆਂ ਦਰਸ਼ਨ ਸਿੰਘ ਬਰਾੜ ਨੇ ਕਿਹਾ ਕਿ ਜਿਸ ਤਰ੍ਹਾਂ ਪੰਚਾਇਤੀ ਚੋਣਾਂ ਸਮੇਂ ਇੰਨ੍ਹਾਂ ਦੇ ਧਾਂਦਲੀਆਂ ਕਰਕੇ ਆਪਣੀ ਮਨਮਰਜ਼ੀ ਦੇ ਪੰਚ ਸਰਪੰਚ ਬਣਾਏ ਹਨ, ਕਾਂਗਰਸੀ ਸਰਕਾਰ ਆਉਣ ‘ਤੇ ਅਸੀਂ ਵੀ ਘਰੇ ਬੈਠ ਕੇ ਪੰਚ-ਸਰਪੰਚ ਬਣਾਵਾਂਗੇ ਅਤੇ ਇਨ੍ਹਾਂ ‘ਤੇ ਪਰਚੇ ਦਰਜ ਕਰਵਾਂਵਾਂਗੇ। ਇਸ ਮੌਕੇ ਗੁਰਸੰਤ ਸਿੰਘ ਬਰਾੜ ਜ਼ਿਲ੍ਹਾ ਪ੍ਰਧਾਨ, ਸੁਖਵਿੰਦਰ ਸਿੰਘ ਡੈਨੀ, ਦਰਸ਼ਨ ਸਿੰਘ ਬਰਾੜ ਵਿਧਾਇਕ, ਮਹਿੰਦਰ ਰਿਣਵਾਂ ਨੇ ਵੀ ਸੰਬੋਧਨ ਕੀਤਾ। ਇਸ ਮੌਕੇ ਸੁਖਦੇਵ ਸਿੰਘ ਲਿਬੜਾ ਮੈਂਬਰ ਰਾਜ ਸਭਾ, ਮੱਖਣ ਸਿੰਘ ਵਿਧਾਇਕ, ਪ੍ਰਕਾਸ਼ ਸਿੰਘ ਭੱਟੀ ਸਾਬਕਾ ਵਿਧਾਇਕ, ਰਿਪਜੀਤ ਸਿੰਘ ਬਰਾੜ ਵਿਧਾਇਕ, ਹੰਸ ਰਾਜ ਜੋਸਨ ਸਾਬਕਾ ਮੰਤਰੀ, ਬਾਲ ਮੁਕੰਦ ਸ਼ਰਮਾ, ਸ਼ੇਰਬਾਜ ਸਿੰਘ ਭੁੱਲਰ, ਹਰਬੰਸ ਗਰੀਬ, ਵਿਜੇ ਸਾਥੀ ਸਾਬਕਾ ਵਿਧਾਇਕ, ਮਲਕੀਤ ਕੌਰ ਸਿੱਧੂ, ਗੁਰਦਾਸ ਗਿਰਧਰ, ਕਰਨਲ ਬਾਬੂ ਸਿੰਘ ਪ੍ਰਧਾਨ ਜ਼ਿਲਾ ਮੋਗਾ, ਅਨੂਪ ਸਿੰਘ ਫਿਰੋਜ਼ਪੁਰ, ਪਵਨ ਗੋਇਲ ਜ਼ਿਲਾ ਪ੍ਰਧਾਨ ਫਰੀਦਕੋਟ, ਜਗਪਾਲ ਸਿੰਘ ਅਬੁਲ ਖੁਰਾਣਾ, ਸਿਮਰਜੀਤ ਸਿੰਘ ਭੀਨਾ ਬਰਾੜ, ਗੁਰਵੀਰ ਸਿੰਘ ਕਾਕੂ ਸੀਰਵਾਲੀ, ਨੈਬ ਸਿੰਘ ਮਹਿਲ, ਮਲਕੀਤ ਸਿੰਘ ਕਾਲਾ ਕਾਉਣੀ ਆਦਿ ਹਾਜ਼ਰ ਸਨ। ਇਸੇ ਦੌਰਾਨ ਭਾਰਤੀ ਕਿਸਾਨ ਯੂਨੀਅਨ ਵੱਲੋਂ ਕੀਤੀ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਅਜਮੇਰ ਸਿੰਘ ਲੱਖੋਵਾਲ ਨੇ ਕਿਹਾ ਕਿ ਕਿਸਾਨਾਂ ਦੀ ਮਾੜੀ ਹਾਲਤ ਲਈ ਕੇਂਦਰ ਸਰਕਾਰ ਜ਼ਿੰਮੇਵਾਰ ਹੈ, ਕਿਉਂਕਿ ਇਹ ਫ਼ਸਲਾਂ ਦੇ ਭਾਅ ਨਿਰਧਾਰਤ ਕਰਨ ਸਬੰਧੀ ਡਾਕਟਰ ਸਵਾਮੀਨਾਥਨ ਦੀ ਰਿਪੋਰਟ ਨੂੰ ਲਾਗੂ ਨਹੀਂ ਕਰ ਰਹੀ।

ਕਾਂਗਰਸ ਨੂੰ ਪੰਜਾਬ ਦੀ ਦੁਸ਼ਮਣ ਨੰਬਰ 'ਇੱਕ‘ ਪਾਰਟੀ ਕਰਾਰ ਦਿੱਤਾ ਜਾਣਾ ਚਾਹੀਦਾ ਹੈ-ਬਾਦਲ

ਮੁਕਤਸਰ : 13 ਜਨਵਰੀ ਕਾਂਗਰਸ ਨੂੰ ਪੰਜਾਬ ਦੀ ਦੁਸ਼ਮਣ ਨੰਬਰ 'ਇੱਕ‘ ਪਾਰਟੀ ਕਰਾਰ ਦਿੱਤਾ ਜਾਣਾ ਚਾਹੀਦਾ ਹੈ, ਕਿਉਂਕਿ ਇਸ ਪਾਰਟੀ ਨੇ ਕਦੇ ਵੀ ਪੰਜਾਬ ਦੇ ਹਿੱਤਾਂ ਬਾਰੇ ਕੁਝ ਨਹੀਂ ਕੀਤਾ। ਇਸ ਪਾਰਟੀ ਨੇ ਹਮੇਸ਼ਾ ਹੀ ਪੰਜਾਬ ਨੂੰ ਹਰ ਪੱਖੋਂ ਨੁਕਸਾਨ ਪਹੁੰਚਾਉਣ ਵਾਲੀਆਂ ਨੀਤੀਆਂ ਹੀ ਬਣਾਈਆਂ ਹਨ। ਇਸ ਲਈ ਪੰਜਾਬ ਵਾਸੀਆਂ ਨੂੰ ਚਾਹੀਦਾ ਹੈ ਕਿ ਉਹ ਕਾਂਗਰਸ ਨੂੰ ਕਦੇ ਵੀ ਮੂੰਹ ਨਾ ਲਾਉਣ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਮੇਲਾ ਮਾਘੀ ਮੌਕੇ ਅਕਾਲੀ ਦਲ ਵੱਲੋਂ ਕੀਤੀ ਗਈ ਸਿਆਸੀ ਕਾਨਫਰੰਸ ਦੌਰਾਨ ਲੋਕਾਂ ਦੇ ਇਕੱਠ ਨੂੰ ਸੰਬੋਧਨ ਕਰਦਿਆਂ ਕੀਤਾ।
ਉਨ੍ਹਾਂ ਕਿਹਾ ਕਿ ਇਹ ਦੁੱਖ ਦੀ ਗੱਲ ਹੈ ਕਿ ਅਜ਼ਾਦੀ ਦੇ 62 ਸਾਲਾਂ ਤੋਂ ਬਾਅਦ ਵੀ ਅਸੀਂ ਅਜੇ ਤੱਕ ਸ਼ਹਿਰਾਂ ਦੀਆਂ ਮੁਢਲੀਆਂ ਜ਼ਰੂਰਤਾਂ ਨੂੰ ਪੂਰਾ ਨਹੀਂ ਕਰ ਸਕੇ ਤੇ ਪਿੰਡਾਂ ਦੀਆਂ ਮੁਢਲੀਆਂ ਜ਼ਰੂਰਤਾਂ ਤਾਂ ਪਤਾ ਨਹੀਂ ਕਦੋਂ ਪੂਰੀਆਂ ਹੋਣਗੀਆਂ।
ਉਨ੍ਹਾਂ ਕਿਹਾ ਕਿ ਕੇਂਦਰ ਸਰਕਾਰ ਨੇ ਕਦੇ ਵੀ ਕਿਸਾਨਾਂ ਨੂੰ ਜਿਣਸਾਂ ਦੇ ਸਹੀ ਮੁੱਲ ਨਹੀਂ ਦਿੱਤੇ ਤੇ ਕੇਂਦਰ ਦੀ ਇਹ ਨੀਤੀ ਹੈ ਕਿ ਪੰਜਾਬ ਵਾਸੀ ਸਹਿਕਦੇ ਰਹਿਣ। ਸ. ਬਾਦਲ ਨੇ ਕਿਹਾ ਕਿ ਕੇਂਦਰ ਦੀ ਕਾਂਗਰਸੀ ਸਰਕਾਰ ਧਰਮ ਨਿਰਪੱਖ ਹੋਣ ਦਾ ਢਕਵੰਜ ਕਰਦੀ ਹੈ, ਪਰ 1984 ਦੇ ਸਿੱਖ ਕਤਲੇਆਮ ‘ਚ ਸ਼ਾਮਲ ਦੋਸ਼ੀਆਂ ਨੂੰ ਢੁਕਵੀਂ ਸਜ਼ਾ ਨਹੀਂ ਦਿਵਾਈ ਗਈ। ਉਨ੍ਹਾਂ ਕਿਹਾ ਕਿ ਇਹ ਮੰਦਭਾਗੀ ਗੱਲ ਹੈ ਕਿ ਸਾਰੇ ਦੇਸ਼ ਦਾ ਢਿੱਡ ਭਰਨ ਵਾਲੇ ਸੂਬੇ ਨਾਲ ਕੇਂਦਰ ਸਰਕਾਰ ਮਤਰੇਈ ਮਾਂ ਵਾਲਾ ਸਲੂਕ ਕਰਦੀ ਹੈ। ਸ. ਬਾਦਲ ਨੇ ਕਿਹਾ ਕਿ ਕੇਂਦਰ ਸਰਕਾਰ ਕਿਸਾਨੀ ਨੂੰ ਤਾਂ ਪਹਿਲਾਂ ਹੀ ਖਤਮ ਕਰ ਰਹੀ ਹੈ, ਉਸ ਦੇ ਨਾਲ-ਨਾਲ ਉਸ ਨੇ ਹੁਣ ਗੁਆਂਢੀ ਪਹਾੜੀ ਰਾਜਾਂ ਨੂੰ ਵਿਸ਼ੇਸ਼ ਆਰਥਕ ਪੈਕੇਜ਼ ਦੇ ਕੇ ਉਥੇ ਉਦਯੋਗਾਂ ਨੂੰ ਕਈ ਤਰ੍ਹਾਂ ਦੇ ਟੈਕਸਾਂ ਦੀ ਛੋਟ ਦਿੱਤੀ ਹੈ, ਪ੍ਰੰਤੂ ਪੰਜਾਬ ਵਿਚ ਪਹਿਲਾਂ ਨਾਲੋਂ ਟੈਕਸ ਵਧਾ ਦਿੱਤੇ ਹਨ, ਜਿਸ ਕਾਰਨ ਇਹ ਉਦਯੋਗ ਖਤਮ ਹੋਣ ਕੰਢੇ ਪਹੁੰਚ ਗਏ ਹਨ। ਉਨ੍ਹਾਂ ਕਿਹਾ ਕਿ ਸਾਨੂੰ ਆਪਣੇ ਤੇ ਬਿਗਾਨੇ ਦੀ ਪਹਿਚਾਣ ਕਰਕੇ ਆਉਣ ਵਾਲੀਆਂ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਚੋਣਾਂ ਵਿਚ ਪੰਥ ਵਿਰੋਧੀ ਤਾਕਤਾਂ ਨੂੰ ਕਰਾਰੀ ਹਾਰ ਦੇ ਕੇ ਸ਼੍ਰੋਮਣੀ ਅਕਾਲੀ ਦਲ ਦੇ ਹੱਥ ਮਜ਼ਬੂਤ ਕਰਨੇ ਚਾਹੀਦੇ ਹਨ। ਉਨ੍ਹਾਂ ਕਿਹਾ ਕਿ ਪੰਜਾਬ ਦਾ ਅਮਨ-ਕਾਨੂੰਨ ਭੰਗ ਕਰਨ ਵਾਲੇ ਲੋਕਾਂ ਨੂੰ ਕਿਸੇ ਵੀ ਕੀਮਤ ‘ਤੇ ਬਖਸ਼ਿਆ ਨਹੀਂ ਜਾਵੇਗਾ। ਇਸ ਤੋਂ ਪਹਿਲਾਂ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਅਤੇ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਨੇ ਕਿਹਾ ਕਿ ਅਕਾਲੀ-ਭਾਜਪਾ ਸਰਕਾਰ ਦਾ ਮੁੱਖ ਏਜੰਡਾ ਪੰਜਾਬ ਵਿਚ ਵੱਧ ਤੋਂ ਵੱਧ ਬਿਜਲੀ ਪੈਦਾ ਕਰਨਾ ਹੈ। ਉਨ੍ਹਾਂ ਕਿਹਾ ਕਿ ਅਕਾਲੀ-ਭਾਜਪਾ ਸਰਕਾਰ ਨੇ ਮਾਲਵਾ ਖੇਤਰ ਵਿਚ 2500 ਕਰੋੜ ਦੀ ਲਾਗਤ ਨਾਲ ਕੇਂਦਰ ਯੂਨੀਵਰਸਿਟੀ ਬਨਾਉਣ ਲਈ ਸਮਝੌਤਾ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਪੰਜਾਬ ਦੇ ਸਕੂਲਾਂ ਵਿਚ ਹਰ ਤਰ੍ਹਾਂ ਦੀਆਂ ਬੁਨਿਆਦੀ ਸਹੂਲਤਾਂ ਪੂਰੀਆਂ ਕਰਵਾਈਆਂ ਜਾ ਰਹੀਆਂ ਹਨ। ਉਨ੍ਹਾਂ ਕਿਹਾ ਪੰਜਾਬ ਵਿਚ ਕੈਂਸਰ ਵਰਗੀਆਂ ਨਾਮੁਰਾਦ ਬੀਮਾਰੀਆਂ ਦਾ ਮੁੱਖ ਕਾਰਨ ਪੀਣ ਵਾਲਾ ਪਾਣੀ ਹੈ, ਜਿਸ ਦੇ ਹੱਲ ਲਈ ਪੰਜਾਬ ਦੇ ਪਿੰਡਾਂ ਅੰਦਰ ਆਰਓ ਸਿਸਟਮ ਲਾਏ ਜਾ ਰਹੇ ਹਨ।
ਇਸ ਮੌਕੇ ਸ਼੍ਰੋਮਣੀ ਕਮੇਟੀ ਪ੍ਰਧਾਨ ਅਵਤਾਰ ਸਿੰਘ ਮੱਕੜ ਨੇ ਚਾਲੀ ਮੁਕਤਿਆਂ ਦੀ ਸ਼ਹੀਦੀ ਨੂੰ ਯਾਦ ਕਰਦਿਆਂ ਕਿਹਾ ਕਿ ਇਨ੍ਹਾਂ ਸਿੰਘਾਂ ਨੇ ਹੀ ਔਖੇ ਸਮੇਂ ਵਿਚ ਗੁਰੂ ਸਾਹਿਬ ਨਾਲ ਮਿਲ ਕੇ ਮੁਗਲਾਂ ਵਿਰੁੱਧ ਆਖਰੀ ਲੜਾਈ ਲੜ ਕੇ ਸ਼ਹੀਦੀਆਂ ਪ੍ਰਾਪਤ ਕੀਤੀਆਂ ਸਨ। ਉਨ੍ਹਾਂ ਕਿਹਾ ਕਿ ਅੱਜ ਕੁਝ ਲੋਕ ਇਨ੍ਹਾਂ ਸ਼ਹੀਦਾਂ ਦੀਆਂ ਕੁਰਬਾਨੀਆਂ ਨੂੰ ਭੁੱਲ ਕੇ ਅਕਾਲ ਤਖਤ ਵਰਗੇ ਮਹਾਨ ਸਥਾਨ ਨਾਲ ਟੱਕਰ ਲੈ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਅਜਿਹੇ ਲੋਕਾਂ ਦਾ ਹਸ਼ਰ ਬਹੁਤ ਬੁਰਾ ਹੋਵੇਗਾ।

ਲੰਡਨ ਵਿੱਚ ਪਰਉਪਕਾਰ ਕਰਦਿਆਂ ਕਤਲ ਹੋਏ ਨੌਜਵਾਨ ਨੇ ਸਿੱਖੀ ਦਾ ਅਕਸ ਉਭਾਰਿਆ -ਡੱਲੇਵਾਲ

ਲੰਡਨ- ਸ੍ਰ, ਸੁਖਵਿੰਦਰ ਸਿੰਘ ਨਾਮ ਦਾ ਨੌਜਵਾਨ ਪਿਛਲੇ ਦਿਨੀਂ ਇੱਕ ਬਜਰ੍ਰੁਗ ਔਰਤ ਤੋਂ ਉਸਦਾ ਪਰਸ ਖੋਹ ਕੇ ਭੱਜ ਰਹੇ ਲੁਟੇਰਿਆਂ ਦਾ ਮੁਕਾਬਲਾ ਕਰਦਿਆਂ ਆਪਣੀ ਜਾਨ ਕੁਰਬਾਨ ਕਰ ਗਿਆ। ਜਦੋਂ ਇਹ ਘਟਨਾ ਵਾਪਰੀ ਤਾਂ ਉੱਥੇ ਹੋਰ ਧਰਮਾਂ ,ਨਸਲਾਂ ਅਤੇ ਕੌਮਾਂ ਨਾਲ ਸਬੰਧਤ ਲੋਕ ਵੀ ਮੌਜੂਦ ਸਨ ਪਰ ਕਿਸੇ ਦੇ ਦੁੱਖ ਨੂੰ ਆਪਣਾ ਦੁੱਖ ਜਾਣ ਕੇ ਵੰਡਾਉਣਾ ਜਾਂ ਕਿਸੇ ਨਾਲ ਅੱਖਾਂ ਸਾਹਮਣੇ ਹੋਏ ਧੱਕੇ ਖਿਲਾਫ ਜੂਝਦਿਆਂ ਆਪਣੀ ਜਾਨ ਦੀ ਪਰਵਾਹ ਤੱਕ ਨਾ ਕਰਨਾ ਇਹ ਕੇਵਲ ਅਣਖੀ ,ਪਰਉਪਕਾਰੀ ਅਤੇ ਬਹਾਦਰ ਸਿੱਖ ਕੌਮ ਦੇ ਹਿੱਸੇ ਹੀ ਆਇਆ ਹੈ । ਸੁਖਵਿੰਦਰ ਸਿੰਘ ਵਲੋਂ ਦਿਖਾਈ ਗਈ ਬਹਾਦਰੀ ਦੇ ਅੱਜ ਗੋਰੇ ਲੋਕ ਕਾਇਲ ਹਨ ਅਤੇ ਉਸ ਪ੍ਰਤੀ ਡੂੰਘੇ ਸੁਨੇਹ ਵਿੱਚ ਹਨ । ਉੱਥੇ ਸਿੱਖ ਜਥੇਬੰਦੀਆਂ ਵਲੋਂ ਉਸ ਦੀ ਰੱਜ ਕੇ ਪ੍ਰਸੰਸਾ ਕਰਦਿਆਂ ਵਿਦੇਸ਼ਾਂ ਦੀ ਧਰਤੀ ਤੇ ਇੱਕੀਵੀਂ ਸਦੀ ਦਾ ਹੀਰੋ ਕਰਾਰ ਦਿਤਾ ਗਿਆ ਹੈ । ਯੂਨਾਈਟਿਡ ਖਾਲਸਾ ਦਲ ਯੂ,ਕੇ ਦੇ ਜਨਰਲ ਸਕੱਤਰ ਸ੍ਰ, ਲਵਸਿ਼ੰਦਰ ਸਿੰਘ ਡੱਲੇਵਾਲ ,ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਯੂ,ਕੇ ਮੁਖੀ ਸ੍ਰ, ਸੁਖਵਿੰਦਰ ਸਿੰਘ ਖਾਲਸਾ ਅਤੇ ਸ੍ਰ, ਚਰਨਜੀਤ ਸਿੰਘ ਸੁੱਜੋਂ ਸਮੇਤ ਅਨੇਕਾਂ ਸਿੱਖ ਆਗੂਆਂ ਵਲੋਂ ਉਸ ਦੀ ਮੌਤ ਨੂੰ ਪਰਿਵਾਰ ਨੂੰ ਪੁੱਜੇ ਸਦਮੇਂ ਰੂਪੀ ਦੁੱਖ ਵਿੱਚ ਸ਼ਰੀਕ ਹੁੰਦਿਆਂ ਉਸ ਦੇ ਕਾਤਲਾਂ ਨੂੰ ਸਖਤ ਸਜ਼ਾ ਦੇਣ ਦੀ ਮੰਗ ਕੀਤੀ ਗਈ ਹੈ। ਉਕਤ ਘਟਨਾ ਨੇ ਸਾਬਤ ਕਰ ਦਿੱਤਾ ਹੈ ਕਿ ਸਿੱਖ ਜਿੱਥੇ ਦੁਨੀਆਂ ਭਰ ਵਿੱਚ ਆਪਣੇ ਕਾਰੋਬਾਰ ਸਥਾਪਤ ਕਰਨ ਵਿੱਚ ਸਫਲ ਹੋਏ ਹਨ ਉੱਥੇ ਉਹਨਾਂ ਨੇ ਪਰਉਪਕਾਰ ਕਰਨ ਦੇ ਸੁਭਾਅ ਨੂੰ ਸਦਾ ਕਾਇਮ ਰੱਖਿਆ ਹੈ । ਦੁਨੀਆਂ ਭਰ ਵਿੱਚ ਮਸ਼ਹੂਰ ਰੈੱਡ ਕਰਾਸ ਨਾਮੀਂ ਸੰਸਥਾ ਦਾ ਅਧਾਰ ਵੀ ਸਿਦਕੀ ਸਿੱਖ ਭਾਈ ਘਨੱਈਆ ਜੀ ਦਾ ਪਰਉਪਕਾਰੀ ਸੁਭਆ ਅਤੇ ਸਿੱਖ ਸਿਧਾਂਤ ਹਨ । ਜਿੱਥੇ ਇਸ ਘਟਨਾ ਨਾਲ ਸਿੱਖ ਭਾਈਚਾਰੇ ਵਿੱਚ ਰੋਸ ਅਤੇ ਦੁੱਖ ਹੈ ਉੱਥੇ ਫ਼ਖਰ ਵੀ ਹੈ ।

ਮਲੇਸ਼ੀਆ 'ਚ ਗੁਰਦੁਆਰੇ 'ਤੇ ਹਮਲਾ

. ਕੁਆਲਾਲੰਮਪੁਰ, 13 ਜਨਵਰੀ - ਕੁਝ ਅਣਪਛਾਤੇ ਵਿਅਕਤੀਆਂ ਨੇ ਇਥੇ ਸਥਿਤ ਇਕ ਗੁਰਦੁਆਰੇ 'ਤੇ ਪਥਰਾਅ ਕਰਕੇ ਇਮਾਰਤ ਦੀ ਸਾਹਮਣੇ ਵਾਲੀ ਇਕ ਖਿੜਕੀ ਨੂੰ ਨੁਕਸਾਨ ਪਹੁੰਚਾਇਆ । ਇਸ ਕਾਰਨ ਭਾਰੀ ਤਣਾਅ ਪਾਇਆ ਜਾ ਰਿਹਾ ਹੈ। ਪੁਲਿਸ ਨੇ ਇਸ ਘਟਨਾ ਨੂੰ ਸ਼ਰਾਰਤੀ ਨੌਜਵਾਨਾਂ ਦੀ ਕਰਤੂਤ ਦੱਸੀ ਹੈ ਅਤੇ ਕਿਹਾ ਹੈ ਕਿ ਉਹ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਪੁਲਿਸ ਅਨੁਸਾਰ ਗੁਰਦੁਆਰੇ 'ਤੇ ਮੰਗਲਵਾਰ ਸ਼ਾਮ ਕਰੀਬ 6:45 'ਤੇ ਪਥਰਾਅ ਕੀਤਾ ਗਿਆ। ਉਸ ਸਮੇਂ ਗੁਰਦੁਆਰੇ ਦੇ ਗਲਿਆਰੇ ਅੰਦਰ ਸੰਗਤਾਂ ਦਾ ਇਕੱਠ ਸੀ। ਪਥਰਾਅ 'ਚ ਕੋਈ ਜ਼ਖਮੀ ਨਹੀਂ ਹੋਇਆ। ਪੁਲਿਸ ਅਨੁਸਾਰ ਗੁਰਦੁਆਰੇ ਦੇ ਨਜ਼ਦੀਕ ਦੂਰ ਸੰਚਾਰ ਦੀ ਇਕ ਇਮਾਰਤ 'ਤੇ ਵੀ ਪਥਰਾਅ ਕੀਤਾ ਗਿਆ। ਸਥਾਨਕ ਅਖ਼ਬਾਰ 'ਸਟ੍ਰੇਟ ਟਾਈਮਜ਼' ਵਿੱਚ ਗੁਰਦੁਆਰੇ ਵਿੱਚ ਗੁਰਦੁਆਰੇ ਦੇ ਮੁੱਖੀ ਸ੍ਰ. ਗੁਰਦਿਆਲ ਸਿੰਘ ਦੇ ਹਵਾਲੇ ਨਾਲ ਕਿਹਾ ਗਿਆ ਹੈ ਕਿ ਗੁਰਦੁਆਰੇ ਅੰਦਰ ਮੌਜੂਦ ਸੰਗਤਾਂ ਨੇ ਕੁਝ ਆਵਾਜ਼ਾਂ ਸੁਣੀਆਂ ਅਤੇ ਉਹ ਬਾਹਰ ਆ ਗਏ ਪਰ ਬਾਹਰ ਕੋਈ ਮੌਜੂਦ ਨਹੀਂ ਸੀ। ਉਨ੍ਹਾਂ ਨੇ ਫਿਰ ਪੁਲਿਸ ਨੂੰ ਸੂਚਿਤ ਕੀਤਾ। ਪੁਲਿਸ ਮੁਖੀ ਉਪ ਕਮਾਂਡਰ ਸੇਬਤੂ ਉਸਮਾਨ ਨੇ ਦੱਸਿਆ ਹੈ ਕਿ ਲਗਦਾ ਹੈ ਕਿ ਕੁਝ ਸ਼ਰਾਰਤੀ ਬੱਚਿਆਂ ਨੇ ਅਜਿਹਾ ਕੀਤਾ ਹੈ। ਦੂਰ ਸੰਚਾਰ ਇਮਾਰਤ ਵੀ ਗੁਰਦੁਆਰੇ ਦੇ ਨਾਲ ਹੀ ਹੈ, ਉਸ ਉਤੇ ਵੀ ਉਹੋ ਜਿਹੇ ਪੱਥਰ ਸੁੱਟੇ ਗਏ, ਜਿਹੋ ਜਿਹੇ ਗੁਰਦੁਆਰੇ 'ਤੇ ਸੁੱਟੇ ਗਏ ਸਨ।

1984 ਦੇ ਦੰਗਿਆਂ 'ਚ ਅਮਿਤਾਬ ਬਚਨ ਦੀ ਭੂਮਿਕਾ ਕਾਰਨ ਕਟਹਿਰੇ ਵਿਚ ਖੜ੍ਹਾ ਕੀਤਾ ਜਾਣਾ ਚਾਹੀਦਾ ਹੈ-ਸਿੱਖ ਜਥੇਬੰਦੀਆਂ

ਵਾਸ਼ਿੰਗਟਨ, 13 ਜਨਵਰੀ -1984 ਦੇ ਦੰਗਿਆਂ ਵਿਚ ਅਮਿਤਾਬ ਬਚਨ ਦੀ ਭੂਮਿਕਾ ਨੂੰ ਉਜਾਗਰ ਕਰਦਿਆਂ ਸਿੱਖ ਜਥੇਬੰਦੀਆਂ ਨੇ ਮੰਗ ਕੀਤੀ ਕਿ ਇਹਨਾਂ ਦੰਗਿਆਂ ਲਈ ਅਮਿਤਾਬ ਬਚਨ ਨੂੰ ਕਟਹਿਰੇ ਵਿਚ ਖੜ੍ਹਾ ਕੀਤਾ ਜਾਣਾ ਚਾਹੀਦਾ ਹੈ । 1984 ਵਿਚ ਹੋਏ ਕਤਲੇਆਮ ਜਿਸ ਵਿਚ ਹਜ਼ਾਰਾਂ ਸਿੱਖਾਂ ਦਾ ਨਸਲਘਾਤ ਕੀਤਾ ਗਿਆ, ਲਈ ਅਮਿਤਾਬ ਬਚਨ ਵਿਰੁੱਧ ਕਾਰਵਾਈ ਦੀ ਮੰਗ ਕਰਦਿਆਂ ਸਿੱਖ ਜਥੇਬੰਦੀਆਂ ਨੇ ਕਿਹਾ ਕਿ 1984 ਦੇ ਦੰਗਿਆਂ ਸਮੇਂ ਅਮਿਤਾਬ ਬਚਨ ਦੀਆਂ ਤਸਵੀਰਾਂ ਵੀ ਟੈਲੀਵਿਜ਼ਨ 'ਤੇ ਦਿਖਾਈਆਂ ਗਈਆਂ ਸਨ। ਲੋਕੀ ਉਸ ਵਕਤ ਮਰ ਰਹੇ ਸਨ ਜਦਕਿ ਅਮਿਤਾਬ ਬਚਨ ਨੇ ਕਿਹਾ ਸੀ ਕਿ ਇੰਦਰਾ ਗਾਂਧੀ ਸਿਰਫ ਇਕ ਪ੍ਰਧਾਨ ਮੰਤਰੀ ਨਹੀਂ ਬਲਕਿ ਮੁਲਕ ਦੀ ਮਾਂ ਸੀ, ਜਿਸ ਦੀ ਹੱਤਿਆ ਕਰਕੇ ਹਿੰਦੁਸਤਾਨੀਆਂ ਦੀ ਮਾਂ ਦੀ ਹੱਤਿਆ ਕੀਤੀ ਗਈ ਹੈ। ਸਿੱਖ ਜਥੇਬੰਦੀਆਂ ਨੇ ਦੰਗੇ ਭੜਕਾਉਣ ਵਿਚ ਅਮਿਤਾਬ ਬਚਨ ਦੀ ਭੂਮਿਕਾ ਅਤੇ ਉਸ ਦੀ ਪਰਿਵਾਰਕ ਪਿੱਠਭੂਮੀ ਬਾਰੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸ੍ਰੀ ਖੇਮ ਸਿੰਘ ਬੇਦੀ (1832-1904) ਦੇ ਦੋ ਮੁੰਡੇ ਕਰਤਾਰ ਸਿੰਘ ਬੇਦੀ ਅਤੇ ਗੁਰਬਖਸ਼ ਸਿੰਘ ਬੇਦੀ ਸਨ। ਗੁਰਬਖਸ਼ ਸਿੰਘ ਬੇਦੀ ਦੀ ਪੋਤੀ ਤੇਜੀ ਬੇਦੀ ਸੀ ਅਤੇ ਉਸ ਦਾ ਮੁੰਡਾ ਅਮਿਤਾਬ ਬਚਨ ਹੈ। ਸਿੱਖਾਂ ਦੇ ਧਾਰਮਿਕ ਮਾਮਲਿਆਂ ਵਿਚ ਦਖਲਅੰਦਾਜ਼ੀ ਦੇ ਦੋਸ਼ ਲਗਾਉਂਦਿਆਂ ਸਿੱਖ ਜਥੇਬੰਦੀਆਂ ਨੇ ਕਿਹਾ ਕਿ ਹਿੰਦੂਤਵੀ ਜਥੇਬੰਦੀਆਂ ਭਰਮ ਭੁਲੇਖੇ ਪਾਉਣ ਲਈ ਗੁਰੂ ਗ੍ਰੰਥ ਸਾਹਿਬ ਨੂੰ ਪੰਜਵਾਂ ਵੇਦ ਕਹਿੰਦੀਆਂ ਰਹੀਆਂ ਹਨ, ਜਦਕਿ ਆਰ. ਐਸ. ਐਸ. ਅਤੇ ਕੱਟੜ ਹਿੰਦੂ ਜਥੇਬੰਦੀਆਂ ਦਾ ਨਿਸ਼ਾਨਾ ਸਿੱਖਾਂ ਦੇ ਧਾਰਮਿਕ ਵਖਰੇਵੇਂ ਦੇ ਦਾਅਵੇ ਨੂੰ ਨਕਾਰਨਾ ਰਿਹਾ ਹੈ। ਸਿੱਖ ਜਥੇਬੰਦੀਆਂ ਨੇ ਕਿਹਾ ਕਿ ਅਮਿਤਾਬ ਬਚਨ ਦੇ ਪਰਿਵਾਰ ਵਿਚੋਂ ਕਰਤਾਰ ਸਿੰਘ ਬੇਦੀ ਮਹੰਤ ਨਰਾਇਣ ਦਾਸ ਦੀ ਸਪੋਰਟ ਕਰਦਾ ਰਿਹਾ ਹੈ, ਜਿਸ ਨੇ ਨਨਕਾਣਾ ਸਾਹਿਬ ਵਿਖੇ 1921 ਵਿਚ 130 ਸਿੱਖਾਂ ਦਾ ਬੇਰਹਿਮੀ ਨਾਲ ਕਤਲੇਆਮ ਕੀਤਾ। ਖੇਮ ਸਿੰਘ ਬੇਦੀ ਦਾ ਦੂਜਾ ਪੁੱਤਰ ਗੁਰਬਖਸ਼ ਸਿੰਘ ਬੇਦੀ ਸਿੱਖ ਵਿਰੋਧੀ ਕਾਰਵਾਈਆਂ ਕਰਦਾ ਰਿਹਾ ਹੈ ਅਤੇ ਉਸ ਨੇ ਆਪਣੇ ਆਪ ਨੂੰ ਹਿੰਦੂ ਵੀ ਐਲਾਨ ਦਿੱਤਾ ਸੀ। ਉਹਨਾਂ ਦੀ ਪੋਤੀ ਯੂ. ਪੀ. ਵਿਚ ਹਿੰਦੂ ਭਈਆ ਪਰਿਵਾਰ ਵਿਚ ਵਿਆਹੀ ਗਈ ਅਤੇ ਉਸ ਨੇ ਸਿੱਖ ਧਰਮ ਦਾ ਤਿਆਗ ਕਰ ਦਿੱਤਾ ਸੀ। ਅਮਿਤਾਬ ਬਚਨ ਦੰਗਿਆਂ ਤੋਂ ਪਹਿਲਾਂ ਜੂਨ 1984 ਵਿਚ ਰਾਜੀਵ ਗਾਂਧੀ ਕੋਲ ਆਮ ਆਉਂਦਾ ਜਾਂਦਾ ਸੀ ਅਤੇ ਬਾਅਦ ਵਿਚ ਇਸ ਨੇ ਉਸ ਨਾਲ ਯਾਰੀ ਪੁਗਾਈ। ਹੁਣ ਅਮਿਤਾਬ ਬਚਨ ਕੇ. ਪੀ. ਐਸ. ਗਿੱਲ ਦੀ ਭੂਮਿਕਾ ਵਿਚ ਇਕ ਫਿਲਮ ਵਿਚ ਆ ਰਿਹਾ ਹੈ। ਫਿਲਮ ਵਿਚ ਸਿੱਖਾਂ ਦੇ ਹਤਿਆਰੇ ਕੇ. ਪੀ. ਐਸ. ਗਿੱਲ ਨੂੰ ਇਕ ਹੀਰੋ ਵਜੋਂ ਪੇਸ਼ ਕੀਤਾ ਜਾ ਰਿਹਾ ਹੈ।

ਬੰਗਲਾਦੇਸ਼ ਦੇ ਗੁਰਧਾਮਾਂ ਦੀ ਸੰਭਾਲ ਲਈ ਕਾਰਸੇਵਾ ਦਾ ਕਾਰਜ ਸ਼੍ਰੋਮਣੀ ਕਮੇਟੀ ਨੂੰ ਸੌਂਪਿਆ ਜਾਵੇ : ਮੱਕੜ

ਅੰਮ੍ਰਿਤਸਰ, 12 ਜਨਵਰੀ : ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਜਥੇਦਾਰ ਅਵਤਾਰ ਸਿੰਘ ਨੇ ਭਾਰਤ ਦੇ ਦੌਰੇ 'ਤੇ ਦਿੱਲੀ ਪੁੱਜੀ ਬੰਗਲਾ ਦੇਸ਼ ਦੀ ਪ੍ਰਧਾਨ ਮੰਤਰੀ ਸ਼ੇਖ ਹਸੀਨਾ ਤੋਂ ਮੰਗ ਕੀਤੀ ਹੈ ਕਿ ਬੰਗਲਾਦੇਸ਼ ਵਿਚਲੇ ਇਤਿਹਾਸਕ ਗੁਰਧਾਮਾਂ ਦੀ ਕਾਰਸੇਵਾ ਦਾ ਕਾਰਜ ਸਿੱਖ ਜਗਤ ਦੀ ਪ੍ਰਤੀਨਿਧ ਸੰਸਥਾ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੂੰ ਸੌਂਪਿਆ ਜਾਵੇ । ਇਥੋਂ ਜਾਰੀ ਇਕ ਪ੍ਰੈਸ ਰਲੀਜ਼ 'ਚ ਕਿਹਾ ਕਿ ਬੰਗਲਾਦੇਸ਼ ਬਣਨ ਉਪਰੰਤ ਬੰਗਲਾਦੇਸ਼ ਦੇ ਬਾਨੀ ਜਨਾਬ ਮੁਜੀਬਰ ਰਹਿਮਾਨ ਨੇ ਭਾਰਤੀ ਫੌਜ ਦੇ ਜਨਰਲ ਜਗਜੀਤ ਸਿੰਘ ਅਰੋੜਾ ਦੇ ਸਨਮਾਨ 'ਚ ਦਿੱਤੀ ਪਾਰਟੀ ਦੌਰਾਨ ਬੰਗਲਾਦੇਸ਼ 'ਚ ਇਤਿਹਾਸਕ ਗੁਰਧਾਮਾਂ ਦੀ ਸਾਂਭ-ਸੰਭਾਲ ਦਾ ਕਾਰਜ ਸਿੱਖਾਂ ਨੂੰ ਦਿੱਤੇ ਜਾਣ ਦਾ ਵਚਨ ਦਿੱਤਾ ਸੀ ਕਿਉਂਕਿ ਉਸ ਸਮੇਂ ਉਥੇ ਕੋਈ ਸਿੱਖ ਨਾ ਹੋਣ ਕਰਕੇ ਕਲਕੱਤੇ ਤੋਂ ਸਿੱਖ ਲਿਜਾ ਕੇ ਗੁਰਧਾਮਾਂ ਦੀ ਸਾਂਭ-ਸੰਭਾਲ ਤੇ ਪ੍ਰਬੰਧ ਮਰਯਾਦਾ ਅਨੁਸਾਰ ਚਲਾਉਣ ਲਈ ਇਕ ਬੋਰਡ ਦਾ ਗਠਨ ਕੀਤਾ ਗਿਆ ਸੀ, ਜਿਸ ਦੀ ਹੋਂਦ ਇਸ ਸਮੇਂ ਨਾ ਦੇ ਬਰਾਬਰ ਹੈ। ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਯਤਨਾਂ ਨਾਲ ਇਤਿਹਾਸਕ ਗੁਰਦੁਆਰਾ ਚਿਟਾਗਾਂਗ ਵਿਖੇ ਇਕ ਗ੍ਰੰਥੀ ਨਿਯੁਕਤ ਕੀਤਾ ਗਿਆ ਸੀ ਪਰ ਕਿਉਂਕਿ ਉਸ ਨੂੰ ਵੀਜ਼ਾ ਬਹੁਤ ਥੋੜੇ ਸਮੇਂ ਦਾ ਦਿੱਤਾ ਗਿਆ, ਜੋ ਖਤਮ ਹੋਣ ਉਪਰੰਤ ਉਹ ਵਾਪਸ ਭਾਰਤ ਆ ਗਿਆ ਤੇ ਮੁੜ ਬੰਗਲਾਦੇਸ਼ ਅੰਬੈਸੀ ਵਲੋਂ ਵੀਜ਼ਾ ਨਹੀਂ ਦਿੱਤਾ ਗਿਆ ਅਤੇ ਮੌਜੂਦਾ ਪ੍ਰਬੰਧ ਤਸੱਲੀਬਖਸ਼ ਨਾ ਹੋਣ ਕਾਰਨ ਗੁਰਧਾਮਾਂ ਦੀਆਂ ਇਮਾਰਤਾਂ ਦੀ ਹਾਲਤ ਚਿੰਤਾਜਨਕ ਹੈ। ਉਨ੍ਹਾਂ ਕਿਹਾ ਕਿ ਗੁਰੂ ਨਾਨਕ ਦੇਵ ਜੀ ਮਨੁੱਖਤਾ ਦੇ ਭਲੇ ਤੇ ਸਿੱਖੀ ਦੇ ਪ੍ਰਚਾਰ ਲਈ ਸੰਸਾਰ ਦੀਆਂ ਵੱਖ-ਵੱਖ ਉਦਾਸੀਆਂ ਦੌਰਾਨ ਬੰਗਲਾਦੇਸ਼ ਵੀ ਗਏ ਸਨ, ਜਿਥੇ ਉਨ੍ਹਾਂ ਦੀ ਪਾਵਨ ਯਾਦ 'ਚ ਵੱਖ-ਵੱਖ ਸ਼ਹਿਰਾਂ 'ਚ ਸੱਤ ਗੁਰਦੁਆਰਾ ਸਾਹਿਬਾਨ ਸੁਸ਼ੋਭਿਤ ਹਨ। ਉਨ੍ਹਾਂ ਕਿਹਾ ਕਿ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਇਨ੍ਹਾਂ ਗੁਰਧਾਮਾਂ ਦੀ ਸਾਂਭ-ਸੰਭਾਲ ਲਈ ਕਾਰਸੇਵਾ ਕਰਾਉਣੀ ਚਾਹੁੰਦੀ ਹੈ ਅਤੇ ਜੇਕਰ ਕਾਰਸੇਵਾ ਰਾਹੀਂ ਇਨ੍ਹਾਂ ਇਤਿਹਾਸਕ ਗੁਰਧਾਮਾਂ ਦੀ ਸੰਭਾਲ ਨਾ ਕੀਤੀ ਤਾਂ ਇਹ ਪਾਵਨ ਅਸਥਾਨ ਦੁਨੀਆ ਦੇ ਨਕਸ਼ੇ ਤੋਂ ਗਾਇਬ ਹੋ ਜਾਣ ਦਾ ਖਦਸ਼ਾ ਹੈ। ਜਥੇਦਾਰ ਅਵਤਾਰ ਸਿੰਘ ਨੇ ਬੰਗਲਾਦੇਸ਼ 'ਚ ਸਿੱਖ ਕੌਮ ਦੇ ਜਾਨ ਤੋਂ ਪਿਆਰੇ ਇਨ੍ਹਾਂ ਗੁਰਧਾਮਾਂ 'ਚ ਮਰਯਾਦਾ ਬਹਾਲ ਰੱਖਣ ਲਈ ਗ੍ਰੰਥੀ ਤੇ ਸੇਵਾਦਾਰਾਂ ਨੂੰ ਲੰਮੇ ਸਮੇਂ ਦੇ ਵੀਜ਼ੇ ਦਿੱਤੇ ਜਾਣ ਦੀ ਮੰਗ ਕਰਦਿਆਂ ਕਿਹਾ ਕਿ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਇੱਛਾ ਹੈ ਕਿ ਇਨ੍ਹਾਂ ਇਤਿਹਾਸਕ ਗੁਰਧਾਮਾਂ ਵਿਖੇ ਸਾਂਭ-ਸੰਭਾਲ ਤੇ ਮਰਯਾਦਾ ਸ਼ੁਰੂ ਹੋਣ ਉਪਰੰਤ ਇਨ੍ਹਾਂ ਦੇ ਦਰਸ਼ਨਾਂ ਲਈ ਜਥੇ ਭੇਜੇ ਜਾ ਸਕਣ। ਉਨ੍ਹਾਂ ਭਾਰਤ ਦੇ ਪ੍ਰਧਾਨ ਮੰਤਰੀ ਨੂੰ ਇਕ ਪੱਤਰ ਰਾਹੀਂ ਅਪੀਲ ਕੀਤੀ ਹੈ ਕਿ ਉਹ ਵੀ ਨਿੱਜੀ ਦਿਲਚਸਪੀ ਲੈ ਕੇ ਗੁਰਧਾਮਾਂ ਦੀ ਸਾਂਭ-ਸੰਭਾਲ ਲਈ ਬੰਗਲਾਦੇਸ਼ ਦੇ ਪ੍ਰਧਾਨ ਮੰਤਰੀ ਨਾਲ ਗੱਲਬਾਤ ਕਰਨ।

ਕੈਪਟਨ ਅਤੇ ਭੱਠਲ ਇੱਕ-ਦੂਜੇ ਨੂੰ ਪੰਜਾਬ ਤੋਂ ਬਾਹਰ ਕਰਨ ’ਤੇ ਲੱਗੇ

ਚੰਡੀਗੜ੍ਹ, 11 ਜਨਵਰੀ - ਪੰਜਾਬ ਦੇ ਦੋ ਸੀਨੀਅਰ ਕਾਂਗਰਸੀ ਨੇਤਾ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਅਤੇ ਵਿਧਾਨ ਸਭਾ ’ਚ ਵਿਰੋਧੀ ਧਿਰ ਦੀ ਨੇਤਾ ਰਾਜਿੰਦਰ ਕੌਰ ਭੱਠਲ ਇਕ-ਦੂਜੇ ਨੂੰ ਪੰਜਾਬ ਤੋਂ ਬਾਹਰ ਕਰਨ ’ਤੇ ਲੱਗੇ ਹੋਏ ਹਨ। ਅਸਲ ਮਸਲਾ ਕੁਝ ਹੋਰ ਹੀ ਹੈ। ਮਾਰਚ ਵਿਚ ਪੰਜਾਬ ’ਚ ਕਾਂਗਰਸ ਦੇ ਪ੍ਰਧਾਨ ਦੀ ਚੋਣ ਹੋਣੀ ਹੈ ਅਤੇ ਦੋਵੇਂ ਨੇਤਾ ਅਪਣੇ ਅਪਣੇ ਗੁੱਟ ਦਾ ਨਵਾਂ ਪ੍ਰਧਾਨ ਚਾਹੁੰਦੇ ਹਨ।
ਸਾਬਕਾ ਮੁੱਖ ਮੰਤਰੀ ਸ੍ਰੀਮਤੀ ਭੱਠਲ ਨੇ ਪਿਛਲੇ ਦਿਨੀਂ ਕਿਹਾ ਸੀ ਕਿ ਕੈਪਟਨ ਅਮਰਿੰਦਰ ਨੂੰ ਹੁਣ ਕੇਂਦਰ ਦੀ ਸਿਆਸਤ ਵਿਚ ਚਲਿਆ ਜਾਣਾ ਚਾਹੀਦਾ। ਉਨ੍ਹਾਂ ਦਾ ਇਸ਼ਾਰਾ ਸੀ ਕਿ ਅਪ੍ਰੈਲ ਵਿਚ ਖਾਲੀ ਹੋਣ ਵਾਲੀ ਰਾਜ ਸਭਾ ਸੀਟਾਂ ਵਿਚੋਂ ਇਕ ’ਤੇ ਅਮਰਿੰਦਰ ਨੂੰ ਰਾਜ ਸਭਾ ਭੇਜ ਦਿੱਤਾ ਜਾਵੇ। ਰਾਜ ਵਿਚ ਸ਼੍ਰੋਮਣੀ ਅਕਾਲੀ ਦਲ ਦੇ ਖ਼ਿਲਾਫ਼ ਲੜਨ ਦੀ ਬਜਾਏ ਸ੍ਰੀਮਤੀ ਭੱਠਲ ¦ਮੇ ਸਮੇਂ ਤੋਂ ਅਪਣੀ ਹੀ ਪਾਰਟੀ ਦੇ ਸੀਨੀਅਰ ਨੇਤਾ ਕੈਪਟਨ ਅਮਰਿੰਦਰ ਸਿੰਘ ਦੇ ਖ਼ਿਲਾਫ ਮੋਰਚਾ ਖੋਲ੍ਹੇ ਬੈਠੀ ਹੈ। ਕੈਪਟਨ ਵੀ ਕਿਤੇ ਚੁੱਪ ਬੈਠਣ ਵਾਲੇ ਸਨ। ਉਨ੍ਹਾਂ ਨੇ ਉਲਟਾ ਹੀ ਸ੍ਰੀਮਤੀ ਭੱਠਲ ਨੂੰ ਕਾਂਗਰਸ ਦੀ ਸੀਨੀਅਰ ਨੇਤਾ ਦੱਸਦੇ ਹੋਏ ਕਹਿ ਦਿੱਤਾ ਕਿ ਉਨ੍ਹਾਂ ਨੂੰ ਕੇਂਦਰ ਦੀ ਰਾਜਨੀਤੀ ਵਿਚ ਚਲਿਆ ਜਾਣਾ ਚਾਹੀਦਾ। ਉਨ੍ਹਾਂ ਨੂੰ ਅਪਣੇ ਤਜ਼ਰਬੇ ਦਾ ਲਾਭ ਦਿੱਲੀ ਵਿਚ ਪਾਰਟੀ ਨੂੰ ਦੇਣਾ ਚਾਹੀਦਾ। ਦਰਅਸਲ, ਦੋਵੇਂ ਸੀਨੀਅਰ ਨੇਤਾਵਾਂ ਦਾ ਮਕਸਦ ਕੁਝ ਹੋਰ ਹੈ। ਰਾਜ ਦੀ ਰਾਜਨੀਤੀ ਤੋਂ ਬਾਹਰ ਕਰਨ ਦੇ ਇਰਾਦੇ ਨਾਲ ਹੀ ਇਹ ਇਕ-ਦੂਜੇ ਨੂੰ ਦਿੱਲੀ ਭੇਜਣਾ ਚਾਹੁੰਦੇ ਹਨ। ਰਾਜ ਵਿਚ ਇਨ੍ਹਾਂ ਦੇ ਅਪਣੇ-ਅਪਣੇ ਗੁੱਟ ਹਨ, ਜਿਹੜੇ ਹਮੇਸ਼ਾ ਆਮਣੇ ਸਾਹਮਣੇ ਡਟਦੇ ਰਹੇ ਹਨ। ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਦਾ ਫੈਸਲਾ ਮਾਰਚ ਤੱਕ ਹੋ ਜਾਵੇਗਾ। ਅਜਿਹੇ ਵਿਚ ਸਾਰਿਆਂ ਦਾ ਪੂਰਾ ਜ਼ੋਰ ਪ੍ਰਧਾਨਗੀ ਨੂੰ ਅਪਣੇ ਖੇਮੇ ਵਿਚ ਲਿਆਉਣ ’ਤੇ ਲੱਗਿਆ ਹੈ। ਅਮਰਿੰਦਰ ਨੇ ਤਾਂ ਪਹਿਲਾਂ ਹੀ ਸਾਫ ਕਰ ਦਿੱਤਾ ਹੈ ਕਿ ਜੇਕਰ ਪ੍ਰਧਾਨ ਦੇ ਲਈ ਚੋਣ ਵੀ ਹੋਈ ਤਾਂ ਉਹ ਲੜਨਗੇ।
ਇਸ ਅਹੁਦੇ ਦੇ ਲਈ ਉਨ੍ਹਾਂ ਦੇ ਸਾਹਮਣੇ ਹਾਲਾਂਕਿ ਸ੍ਰੀਮਤੀ ਭੱਠਲ ਨਹੀਂ ਹੈ, ਕਿਉਂਕਿ ਉਨ੍ਹਾਂ ਅਜੇ ਤੱਕ ਅਪਣੇ ਪੱਤੇ ਨਹੀਂ ਖੋਲ੍ਹੇ ਹਨ। ਉਨ੍ਹਾਂ ਨੇ ਨਾ ਤਾਂ ਚੋਣ ਲੜਨ ਦੀ ਗੱਲ ਕਹੀ ਹੈ, ਨਾ ਹੀ ਅਪਣੇ ਗੁੱਟ ਤੋਂ ਕਿਸੇ ਨੂੰ ਪ੍ਰਧਾਨ ਅਹੁਦੇ ਦੀ ਚੋਣ ਲੜਨ ਦੇ ਲਈ ਅੱਗੇ ਕੀਤਾ ਹੈ। ਫਿਲਹਾਲ ਤਾਂ ਸਾਰੇ ਅਪਣੇ ਅਪਣੇ ਮੈਂਬਰਾਂ ਦੀ ਸੂਚੀ ਜਮ੍ਹਾਂ ਕਰਾਉਣ ਵਿਚ ਬਿਜ਼ੀ ਰਹੇ। ਜਿੱਤ ਦੇ ਪ੍ਰਤੀ ਕਾਫੀ ਆਸ ਲਗਾਈ ਬੈਠੇ ਅਮਰਿੰਦਰ ਸਿੰਘ ਨੂੰ ਪਤਾ ਹੈ ਕਿ ਅਗਲੀ ਵਿਧਾਨ ਸਭਾ ਚੋਣਾਂ ਨਵੇਂ ਪ੍ਰਧਾਨ ਦੀ ਅਗਵਾਈ ਵਿਚ ਲੜੀ ਜਾਵੇਗੀ। ਜੇਕਰ ਪਾਰਟੀ ਜਿੱਤ ਜਾਂਦੀ ਹੈ ਤਾਂ ਪ੍ਰਧਾਨ ਦੇ ਸਿਰ ਹੀ ਜਿੱਤ ਦਾ ਸਿਹਰਾ ਬੰਨ੍ਹ ਹੋਵੇਗਾ। ਇਹੀ ਕਾਰਨ ਹੈ ਕਿ ਉਹ ਰਾਜ ਵਿਚ ਪਾਰਟੀ ਦੀ ਵਾਗਡੋਰ ਸੰਭਾਲਣਾ ਚਾਹੁੰਦੇ ਹਨ। ਰਾਜ ਵਿਚ ਕਈ ਧੜੇ ਵੀ ਅਮਰਿੰਦਰ ਨੂੰ ਹੀ ਪ੍ਰਧਾਨ ਬਨਾਉਣਾ ਚਾਹੁੰਦੇ ਹਨ, ਕਿਉਂਕਿ ਉਨ੍ਹਾਂ ਨੂੰ ਅਮਰਿੰਦਰ ਦੀ ਅਗਵਾਈ ਵਿਚ ਹੀ ਰਾਜ ਵਿਚ ਕਾਂਗਰਸ ਦੀ ਵਾਪਸੀ ਦਿਖਦੀ ਹੈ। ਹੁਣ ਸ੍ਰੀਮਤੀ ਭੱਠਲ ਅਤੇ ਅਮਰਿੰਦਰ ਦੀ ਪ੍ਰਧਾਨਗੀ ਨੂੰ ਲੈ ਕੇ ਚਲ ਰਹੀ ਇਹ ਲੜਾਈ ਹਾਈ ਕਮਾਂਡ ਦੇ ਲਈ ਕਾਫੀ ਦੁਬਿਧਾ ਪੈਦਾ ਕਰ ਰਹੀ ਹੈ। ਰਾਜ ਵਿਚ ਜੇਕਰ ਕਾਂਗਰਸ ਇਕਜੁੱਟ ਨਾ ਰਹੀ ਅਤੇ ਇਕ ਦੂਜੇ ’ਤੇ ਹੀ ਸੀਨੀਅਰ ਨੇਤਾ ਨਿਸ਼ਾਨਾ ਲਗਾਉਂਦੇ ਰਹੇ ਤਾਂ ਪਾਰਟੀ ਦੇ ਲਈ ਪੰਜਾਬ ਵਿਚ ਦੋਬਾਰਾ ਸ਼ਾਸਨ ਦੀ ਰਾਹ ਅਸਾਨ ਨਹੀਂ ਹੋਵੇਗੀ।

ਸਿੱਖ ਨੌਜਵਾਨਾ ਵਲੋਂ ਉੱਤਰੀ ਅਮਰੀਕਾ ਵਿੱਚ ਪਹਿਲਾ ਸਿੱਖ ਅਜਾਇਬਘਰ ਬਣਾਉਣ ਲਈ ਤੁਹਾਡੀ ਵੋਟ ਦੀ ਲੋੜ

ਉੱਤਰੀ ਅਮਰੀਕਾ ਵਿੱਚ ਸਿੱਖਾਂ ਦਾ ਇੱਕ ਇਤਿਹਾਸਕ ਕਾਰਜ ਹੋਣ ਜਾ ਰਿਹਾ ਹੈ। ਲੰਘੇ ਦਸੰਬਰ ਮਹੀਨੇ ਦੌਰਾਨ ਉੱਤਰੀ ਅਮਰੀਕਾ ਵਿੱਚ 5 ਲੱਖ ਗੈਰ ਮੁਨਾਫ਼ਾ ਜਥੇਬੰਦੀਆਂ ਨੇ ਚੇਸ ਬੈਂਕ ਦੇ ਇੱਕ ਮੁਕਾਬਲੇ ਵਿੱਚ ਇੰਟਰਨੈੱਟ ਵੈਬੱਸਾਈਟ ਫੇਸਬੁੱਕ (Facebook) ਉੱਤੇ ਭਾਗ ਲਿਆ। ਜੇਤੂ 100 ਗਰੁੱਪ ਮੁਕਾਬਲੇ ਦੇ ਦੂਜੇ ਗੇੜ ਵਿੱਚ ਪਹੁੰਚ ਕੇ 10 ਲੱਖ ਡਾਲਰ ਜਿੱਤਣ ਵਾਲਿਆਂ ਦੀ ਕਤਾਰ ਵਿੱਚ ਸ਼ਾਮਲ ਹੋਏ ਹਨ।
ਇਨ੍ਹਾਂ ਜੇਤੂ 100 ਗਰੁੱਪਾਂ ਵਿੱਚੋਂ ਇੱਕ ਸਿੱਖ ਜਥੇਬੰਦੀ ਜੈਕਾਰਾ ਪਹਿਲੇ 20 ਮੋਹਰੀਆਂ ਵਿੱਚ ਪੁਜ ਗਈ। ਜੈਕਾਰਾ ਜਥੇਬੰਦੀ ਦੇ ਕੈਲੇਫੋਰਨੀਆ ਵਿੱਚ ਹਜ਼ਾਰਾਂ ਵਾਲੰਟੀਅਰ ਹਨ ਜਿਹੜੇ ਪਿਛਲੇ 10 ਸਾਲਾਂ ਤੋਂ ਸਿੱਖ ਕਾਨਫਰੰਸਾਂ, ਸੈਮੀਨਾਰ ਅਤੇ ਕੈਂਪ ਲਾਉਂਦੇ ਆ ਰਹੇ ਹਨ। ਹੁਣ ਉਨ੍ਹਾਂ ਨੂੰ ਅਪਣੀ ਕੌਮ ਦੀ ਹੋਰ ਸੇਵਾ ਕਰਨ ਦਾ ਸ਼ੁਭ ਅਵਸਰ ਮਿਲਿਆ ਹੈ। ਦੂਜੇ ਗੇੜ ਲਈ ਵੋਟਾਂ 15 ਜਨਵਰੀ ਤੋਂ 22 ਜਨਵਰੀ ਤੱਕ ਹੀ ਪੈਣੀਆਂ ਹਨ। ਦੁਨੀਆਂ ਭਰ ਵਿੱਚ ਜਿਸ ਦਾ ਵੀ ਫੇਸਬੁੱਕ ਅਕਾਊਂਟ ਹੈ ਉਹ ਵੋਟ ਪਾ ਸਕਦਾ ਹੈ। ਫੇਸਬੁੱਕ ਅਕਾਊਂਟ ਮੂਫ਼ਤ ਵਿਚ ਬਣ ਜਾਂਦਾ ਹੈ। ਜੈਕਾਰਾ ਲਹਿਰ ਨੇ ਵਾਅਦਾ ਕੀਤਾ ਹੈ ਕਿ ਇਸ ਵਲੋਂ ਮੁਕਾਬਲੇ ਵਿੱਚ ਜਿੱਤਣ ਕਾਰਨ ਮਿਲੇ ਫੰਡ ਉੱਤਰੀ ਅਮਰੀਕਾ ਵਿੱਚ ਵਿੱਚ ਸਿੱਖ ਅਜਾਇਬਘਰ (ਮਿਊਜੀਅਮ) ਬਣਾਉਣ ਉੱਤੇ ਲਾਏ ਜਾਣਗੇ।
ਇਸਨੂੰ ਅਮਲੀ ਰੂਪ ਦੇਣ ਲਈ ਜੈਕਾਰਾ ਲਹਿਰ ਨੂੰ ਸਾਰੀ ਸਿੱਖ ਕਮਿਉਨਿਟੀ ਦਾ ਸਹਿਯੋਗ ਲੋੜੀਂਦਾ ਹੈ। ਇਹ ਤੁਹਾਡੇ ਕੋਲੋਂ ਕੋਈ ਪੈਸਾ ਨਹੀਂ ਮੰਗਦੇ। ਤੁਸੀਂ ਤਾਂ ਸਿਰਫ਼ ਇੰਟਰਨੈੱਟ ਵੈਬਸਾਈਟ ਫੇਸਬੁੱਕ ਉੱਤੇ ਕੇਵਲ ਵੋਟ ਪਾਉਣੀ ਹੈ । ਜੈਕਾਰਾ ਲਹਿਰ ਨੇ ਇੱਕ ਵੈਬਸਾਈਟ ਬਣਾ ਕੇ ਨਾਲ ਇਹ ਵੀ ਦਸਿਆ ਹੈ ਕਿ ਫੇਸਬੁੱਕ ਅਕਾਊਂਟ ਕਿਵੇਂ ਬਣਾੳੇਣਾ ਅਤੇ ਕਿਵੇਂ ਵੋਟ ਪਾਉਣੀ ਹੈ। ਇਸਨੂੰ www.votesikh.com ਉੱਤੇ ਵੇਖਿਆ ਜਾ ਸਕਦਾ ਹੈ। ਜੈਕਾਰਾ ਲਹਿਰ ਦੇ ਗੁਰਜੀਤ ਸਿੰਘ ਦਾ ਕਹਿਣਾ ਹੈ, ‘ਇਸ ਕਾਰਜ ਨੂੰ ਸਫ਼ਲਤਾ ਪੂਰਬਕ ਨੇਪਰੇ ਚਾੜ੍ਹਣ ਲਈ ਸਾਨੂੰ ਬਠਿੰਡਾ, ਬਰਮਿੰਘਮ, ਬਰੈਂਪਟਨ, ਬੇਕਰਜ਼ਫੀਲਡ...ਜਾਣੀ ਕੇ ਸਾਰੀ ਸਿੱਖ ਕੌਮ ਦਾ ਸਹਿਯੋਗ ਲੋਂੜੀਂਦਾ ਹੈ’।
ਹੋਰ ਜਾਣਕਾਰੀ ਲਈ ਵੇਖੋ ਵੈਬਸਾਈਟ www.votesikh.com ਅਤੇ ਉੱਤਰੀ ਅਮਰੀਕਾ ਵਿੱਚ ਪਹਿਲਾ ਸਿੱਖ ਅਜਾਇਬਘਰ ਬਣਾਉਣ ਲਈ ਜੈਕਾਰਾ ਲਹਿਰ ਨੂੰ ਸਹਿਯੋਗ ਦਿਓ। ਯਾਦ ਰੱਖਿਓ ਵੋਟਾਂ 15 ਜਨਵਰੀ ਤੋਂ 22 ਜਨਵਰੀ ਤੱਕ ਹੀ ਪੈਣੀਆਂ ਹਨ।

ਸੋਹਰਾਬੂਦੀਨ ਫਰਜ਼ੀ ਮੁਕਾਬਲੇ ਦੀ ਜਾਂਚ ਸੀਬੀਆਈ ਹਵਾਲੇ

ਨਵੀਂ ਦਿੱਲੀ : 12 ਜਨਵਰੀ ਗੁਜਰਾਤ ਦੀ ਨਰਿੰਦਰ ਮੋਦੀ ਸਰਕਾਰ ਨੂੰ ਉਸ ਸਮੇਂ ਵੱਡਾ ਝਟਕਾ ਲੱਗਿਆ, ਜਦੋਂ ਸੁਪਰੀਮ ਕੋਰਟ ਨੇ 2005 ਦੇ ਬਹੁਚਰਚਿਤ ਸੋਹਰਾਬੂਦੀਨ ਸ਼ੇਖ ਫਰਜ਼ੀ ਮੁਕਾਬਲੇ ਦੀ ਜਾਂਚ ਸੀਬੀਆਈ ਹਵਾਲੇ ਕਰਨ ਦਾ ਨਿਰਦੇਸ਼ ਦੇ ਦਿੱਤਾ। ਜਸਟਿਸ ਤਰੁਣ ਚੈਟਰਜੀ ਤੇ ਜਸਟਿਸ ਆਫ਼ਤਾਬ ਆਲਮ ਦੀ ਅਗਵਾਈ ਵਾਲੇ ਬੈਂਚ ਨੇ ਗੁਜਰਾਤ ਪੁਲਿਸ ਵੱਲੋਂ ਕਥਿਤ ਫਰਜ਼ੀ ਮੁਕਾਬਲੇ ‘ਚ ਮਾਰੇ ਗਏ ਸੋਹਰਾਬੂਦੀਨ ਸ਼ੇਖ ਦੇ ਭਰਾ ਦੀ ਅਰਜ਼ੀ ਨੂੰ ਸਵੀਕਾਰ ਕਰਦਿਆਂ ਇਹ ਫ਼ੈਸਲਾ ਸੁਣਾਇਆ ਹੈ।
ਸੁਪਰੀਮ ਕੋਰਟ ਦੇ ਇਸ ਫ਼ੈਸਲੇ ਨਾਲ ਗੁਜਰਾਤ ‘ਚ ਭਾਜਪਾ ਦੀ ਅਗਵਾਈ ਵਾਲੀ ਸਰਕਾਰ ਦੀ ਪੋਲ ਵੀ ਖੁੱਲ੍ਹ ਗਈ ਹੈ। ਇਹ ਸਰਕਾਰ ਲਗਾਤਾਰ ਕਹਿੰਦੀ ਰਹੀ ਹੈ ਕਿ ਉਸ ਵੱਲੋਂ ਬਣਾਈ ਵਿਸ਼ੇਸ਼ ਜਾਂਚ ਟੀਮ ਨਿਰਪੱਖ ਤਰੀਕੇ ਨਾਲ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ, ਜਦਕਿ ਸੁਪਰੀਮ ਕੋਰਟ ਵੱਲੋਂ ਇਹ ਮਾਮਲਾ ਸੀਬੀਆਈ ਨੂੰ ਸੌਂਪਣ ਨਾਲ ਹੁਣ ਇਸ ਟੀਮ ਦੀ ਕਾਰਗੁਜ਼ਾਰੀ ‘ਤੇ ਸਵਾਲੀਆ ਚਿੰਨ੍ਹ ਲੱਗ ਗਿਆ ਹੈ।
ਦੱਸਣਾ ਬਣਦਾ ਹੈ ਕਿ ਗੁਜਰਾਤ ਪੁਲਿਸ ਦੇ ਮੁਅੱਤਲ ਡੀਆਈਜੀ, ਡੀਜੀ ਬੰਜਾਰਾ ਤੇ ਆਰਕੇ ਪਾਂਡਿਆ (ਦੋਵੇਂ ਗੁਜਰਾਤ ਕਾਡਰ ਦੇ ਆਈਪੀਐਸ ਅਧਿਕਾਰੀ) ਤੋਂ ਇਲਾਵਾ ਦਿਨੇਸ਼ ਐਮ ਐਨ (ਰਾਜਸਥਾਨ ਕਾਡਰ ਦੇ ਆਈਪੀਐਸ ਅਧਿਕਾਰੀ) ਇਸ ਮਾਮਲੇ ‘ਚ ਮੁੱਖ ਦੋਸ਼ੀ ਹਨ। ਇਸ ਦੇ ਨਾਲ ਹੀ ਇਸ ਮਾਮਲੇ ‘ਚ ਗੁਜਰਾਤ ਪੁਲਿਸ ਦੇ ਕਈ ਹੋਰ ਅਧਿਕਾਰੀਆਂ ਖ਼ਿਲਾਫ਼ ਵੀ ਮਾਮਲਾ ਦਰਜ ਕੀਤਾ ਗਿਆ ਸੀ, ਜੋ ਅੱਜਕੱਲ੍ਹ ਜੇਲ੍ਹ ਵਿਚ ਹਨ। ਦੱਸਣਾ ਬਣਦਾ ਹੈ ਕਿ ਗੁਜਰਾਤ ਅਤੇ ਆਂਧਰਾ ਪ੍ਰਦੇਸ਼ ਪੁਲਿਸ ਨੇ ਇਕ ਸਾਂਝੇ ਅਪਰੇਸ਼ਨ ‘ਚ ਸੋਹਰਾਬੂਦੀਨ, ਉਸਦੀ ਪਤਨੀ ਕੌਸਰ ਬੀ ਤੇ ਇਕ ਹੋਰ ਵਿਅਕਤੀ ਤੁਲਸੀ ਰਾਮ ਪਰਜਾਪਤੀ ਨੂੰ ਬੱਸ ਵਿਚੋਂ ਉਸ ਸਮੇਂ ਉਤਾਰ ਲਿਆ ਸੀ, ਜਦੋਂ ਉਹ 22 ਨਵੰਬਰ 2005 ਨੂੰ ਹੈਦਰਾਬਾਦ ਤੋਂ ਮਹਾਰਾਸ਼ਟਰ ਜਾ ਰਹੇ ਸਨ। ਇਸ ਉਪਰੰਤ ਗੁਜਰਾਤ ਦੇ ਦਹਿਸ਼ਤਵਾਦ ਰੋਕੂ ਦਸਤੇ ਨੇ ਸੋਹਰਾਬੂਦੀਨ ਨੂੰ ਕਥਿਤ ਫਰਜ਼ੀ ਮੁਕਾਬਲੇ ‘ਚ ਮਾਰ ਮੁਕਾਉਾਂਦਿਆਂçਾਅਵਾ ਕੀਤਾ ਸੀ ਕਿ ਸੋਹਰਾਬੂਦੀਨ ਸੂਬੇ ਦੇ ਮੁੱਖ ਮੰਤਰੀ ਨਰਿੰਦਰ ਮੋਦੀ ਦਾ ਕਤਲ ਕਰਨ ਲਈ ਇੱਥੇ ਆਇਆ ਸੀ। ਇਸ ਤੋਂ ਬਾਅਦ ਪੁਲਿਸ ਅਧਿਕਾਰੀਆਂ ਨੇ ਸਬੂਤ ਖ਼ਤਮ ਕਰਨ ਲਈ ਸੋਹਰਾਬੂਦੀਨ ਦੀ ਪਤਨੀ ਕੌਸਰ ਬੀ ਤੇ ਉਸ ਦੇ ਸਹਿਯੋਗੀ ਤੁਲਸੀ ਰਾਮ ਪਰਜਾਪਤੀ ਨੂੰ ਵੀ ਗੱਡੀ ਚਾੜ੍ਹ ਦਿੱਤਾ ਸੀ।

ਧੁੰਮਾਂ ਦਮਦਮੀ ਟਕਸਾਲ ਤੋ ਅਸਤੀਫਾ ਦੇ ਕੇ ਬਾਦਲ ਦਾ ਗੜਵਈ ਹੀ ਬਣ ਜਾਵੇ-ਅਮੈਰਿਕਨ ਸਿੱਖ ਆਰਗੇਨਾਈਜੇਸ਼ਨ

ਨਿਊਯਾਰਕ 12 ਜਨਵਰੀ- ਦਮਦਮੀ ਟਕਸਾਲ ਨੇ ਕੌਮ ਲਈ ਬੜੇ ਹੀ ਸਿਰਲੱਥ ਸੂਰਮੇ ਪੈਦਾ ਕੀਤੇ ਜਿਨਾਂ ਨੇ ਸਮੇਂ ਸਮੇਂ ਅਨੁਸਾਰ ਕੌਮ ਅੰਦਰ ਆਈਆਂ ਗਿਰਾਵਟਾਂ ਨੂੰ ਦੂਰ ਕਰਨ ਲਈ ਗੁਰਮਿਤ ਦਾ ਪ੍ਰਚਾਰ ਹੀ ਨਹੀ ਕੀਤਾ ਸਗੋਂ ਜਦੋ ਕੋਈ ਵੈਰੀ ਦਲ ਪੰਥ ਤੇ ਚੜ ਕੇ ਆਇਆ ਤਾਂ ਉਸਦਾ ਸਿੱਖ ਰਵਾਇਤਾ ਅਨੁਸਾਰ ਮੂੰਹ ਤੋੜਵਾਂ ਜਵਾਬ ਵੀ ਦਿੱਤਾ।20 ਵੀਂ ਸਦੀ ਦੇ ਮਹਾਨ ਜਰਨੈਲ ਬਾਬਾ ਜਰਨੈਲ ਸਿੰਘ ਜੀ ਖਾਲਸਾ ਭਿੰਡਰਾਂਵਾਲਿਆ ਨੇ ਗਿਣਤੀ ਦੇ ਸਿੰਘਾਂ ਨਾਲ ਜਿਸ ਢੰਗ ਨਾਲ ਹਿੰਦੁਸਤਾਨ ਦੀਆਂ ਫੌਜਾਂ ਨਾਲ ਅਸਾਵੀਂ ਲੜਾਈ ਲੜੀ ਕੌਮ ਦਾ ਵਡਮੁੱਲਾ ਇਤਿਹਾਸ ਹੈ।ਅਤੇ ਜਥੇਦਾਰ ਗੁਰਦੇਵ ਸਿੰਘ ਕਾਉਂਕੇ ਦੀ ਸ਼ਹੀਦੀ ਵੀ ਸਿੱਖ ਇਤਿਹਾਸ ਸੁਨਿਹਰੀ ਪੰਨਾ ਹੈ ।ਪਰ ਮੌਜੂਦਾ ਮੁੱਖੀ ਹਰਨਾਮ ਸਿੰਘ ਧੁੰਮਾਂ ਬਾਦਲ ਦਾ ਏਜੰਟ ਬਣ ਕੇ ਜਿਸ ਢੰਗ ਨਾਲ ਸਿੱਖ ਸਿਧਾਤਾਂ ਅਤੇ ਪੰਥ ਦੋਖੀਆਂ ਵਿਰੁੱਧ ਉਭਰ ਰਹੀਆਂ ਸਿੱਖ ਲਹਿਰਾਂ ਦਾ ਘਾਣ ਕਰ ਰਿਹਾ ਹੈ ਉਹ ਕੌਮ ਲਈ ਬਹੁਤ ਹੀ ਘਾਤਕ ਹੈ ਇਸ ਲਈ ਬੇਹਤਰ ਹੈ ਕਿ ਧੁੰਮਾਂ ਟਕਸਾਲ ਤੋ ਅਸਤੀਫਾ ਦੇ ਕੇ ਬਾਦਲ ਦਾ ਗੜਵਈ ਹੀ ਬਣ ਜਾਵੇ ਜਿਸ ਨਾਲ ਟਕਸਾਲ ਦਾ ਮਾਣਮੱਤਾ ਇਤਿਹਾਸ ਕਲੰਕਤ ਹੋਣ ਤੋ ਬਚ ਸਕੇ ਇਨਾਂ ਸ਼ਬਦਾ ਦਾ ਪ੍ਰਗਟਾਵਾ ਅਮੈਰਿਕਨ ਸਿੱਖ ਆਰਗੇਨਾਇਜੇਸ਼ਨ ਦੇ ਆਗੂਆਂ ਦਵਿੰਦਰ ਸਿੰਘ, ਸੁਰਿੰਦਰ ਸਿੰਘ ਸਰਪੰਚ, ਜਸਦੇਵ ਸਿੰਘ, ਪ੍ਰੋ.ਰਾਜਿੰਦਰਪਾਲ ਸਿੰਘ, ਦਿਦਾਰ ਸਿੰਘ, ਬਲਜੀਤ ਸਿੰਘ ਕੈਲੀਫੋਰਨੀਆਂ, ਸੁਖਦੇਵ ਸਿੰਘ, ਇੰਦਰਪਾਲ ਸਿੰਘ ਸਿਆਟਲ, ਪ੍ਰਿਤਪਾਲ ਸਿੰਘ, ਸੁਰਜੀਤ ਸਿੰਘ, ਸੁਖਵੀਰ ਸਿੰਘ, ਬਲਜਿੰਦਰਪਾਲ ਸਿੰਘ, ਸਤਪ੍ਰਕਾਸ਼ ਸਿੰਘ, ਕਰਨੈਲ ਸਿੰਘ ਸਲੇਮਪੁਰ, ਵਰਿੰਦਰ ਸਿੰਘ, ਲਖਵੀਰ ਸਿੰਘ ਲਾਡੀ, ਚਰਨਜੀਤ ਸਿੰਘ “ਸਮਰਾ” ਨਿਊਯਾਰਕ ਨੇ ਸਾਂਝੇ ਤੌਰ ਤੇ ਬਿਆਨ ਜਾਰੀ ਕਰਦਿਆ ਕੀਤਾ।ੳਨਾ ਕਿਹਾ ਅੰਦਰ ਬੈਠ ਕੇ ਧੂਣੇ ਧੁਖਾਉਣ ਵਾਲਾ, ਚਾਲੀਸੇ ਕੱਟਣ ਵਾਲਾ, ਅਤੇ ਜੋਤਸ਼ੀਆਂ ਤੋ ਟੇਵੇ ਲੁਆਉਣਾ ਵਾਲਾ ਬਾਬਾ ਧੁੰਮਾਂ ਕਿਸੇ ਉਦਾਸੀ ਜਾਂ ਸਨਾਤਨੀ ਮੱਤ ਦਾ ਪ੍ਰਚਾਰਕ ਤਾਂ ਹੋ ਸਕਦਾ ਹੈ ਗੁਰਮਤਿ ਦਾ ਨਹੀ।ਉਨਾਂ ਕਿਹਾ ਪੰਥਕ ਧਿਰਾਂ ਅੰਦਰ ਫੁੱਟ ਪਾਉਣ ਲਈ ਬਾਦਲਾਂ ਦੇ ਕਹਿਣ ਤੇ ਹੀ ਇਸਨੇ 13 ਸਾਲ ਤੋ ਲਾਗੂ ਹੋਏ ਨਾਨਕਸ਼ਾਹੀ ਕੈਲੰਡਰ ਦੀ ਛੇੜ ਉਦੋ ਛੇੜੀ ਜਦੋ ਪੰਥ ਨੇ ਇੱਕਤਰ ਹੋ ਕੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਚੋਣਾਂ ਲੜ ਕੇ ਬਾਦਲ ਦਾ ਬੋਰੀ ਬਿਸਤਰਾ ਗੋਲ ਕਰਨਾ ਸੀ।ਸਿਂਖ ਆਗੂਆਂ ਨੇ ਕਿਹਾ ਕਿ ਇਸਦੀ ਗਦਾਰ ਜੁੰਡਲੀ ਦੇ ਅੱਜ ਮੁੱਖ ਸਲਾਹਕਾਰ ਵੀ ਉਹੀ ਰਜਿੰਦਰ ਸਿੰਘ ਮਹਿਤਾ,ਅਮਰਜੀਤ ਸਿੰਘ ਚਾਵਲਾ ਅਤੇ ਪਰਮਜੀਤ ਸਿੰਘ ਖਾਲਸਾ ਹਨ ਜੋ ਕਦੀ ਆਪਣੇ ਆਪ ਨੂੰ ਬਾਬਾ ਜਰਨੈਲ ਸਿੰਘ ਜੀ ਦੀ ਸੱਜੀ ਬਾਂਹ ਦੱਸਦੇ ਸਨ ਤੇ ਅੱਜ ਬਾਦਲ ਦੇ ਤਲਵੇ ਚੱਟ ਰਹੇ ਹਨ।ਬਿਆਨ ਦੇ ਅਖੀਰ ਵਿਚ ਉਨਾਂ ਸਮੁੱਚੇ ਪੰਥ ਨੂੰ ਬੇਨਤੀ ਕੀਤੀ ਕਿ ਇਨਾਂ ਦੋਗਲੇ ਕਿਰਦਾਰ ਵਾਲੇ ਲੋਕਾਂ ਨੂੰ ਫਿਟਕਾਰ ਕੇ ਖਾਲਸਾ ਪੰਥ ਇੱਕ ਪਲੇਟ ਫਾਰਮ ਤੇ ਇੱਕਤਰ ਹੋਵੇ ਤਾਂ ਹੀ ਪੰਥ ਦੀ ਚੜਦੀ ਕਲਾ ਹੋਵੇਗੀ।ਏ.ਐਸ.ਓ ਦੇ ਇੱਕ ਸਿੰਘ ਵਲੋ ਲਿਖੀ ਕਵਿਤਾ ਵੀ ਇਸ ਦੇ ਕਿਰਦਾਰ ਨੂੰ ਇਸ ਤਰਾਂ ਬਿਆਨਦੀ ਹੈ।
ਨਾਨਕਸ਼ਾਹੀ ਕੈਲੰਡਰ ਦਾ ਕਾਤਲ ਧੁੰਮਾ
ਮੈਂ ਆਗੂ ਸੰਤ ਸਮਾਜ ਦਾ ਮੇਰਾ ਨਾਂ ਧੁੰਮਾ ।
ਜੋ ਉਂਗੇ ਸਿਂਖੀ ਪੰਥ ਚ’ ਜਿਵੇਂ ਉਂਗਣ ਖੁੰਬਾਂ ।
ਮੈਂ ਕਾਤਲ ਨਾਨਕਸ਼ਾਹੀ ਦਾ ਮੈਂ ਲੈਨਾ ਜੁੰਮਾ ।
ਮੈਨੂੰ ਥਾਪੀ ਬਾਦਲ ਸਾਹਿਬ ਦੀ ਪੈਰ ਉਹਦੇ ਚੁੰਮਾਂ ।
ਮੈਂ ਚੰਡੀਗ੍ਹੜ ਨੂੰ ਤੁਰ ਪਵਾਂ ਲੈ ਲਸ਼ਕਰ ਲੰਮਾ ।
ਫਿਰ ਸਿਰੀ ਲਕੋਵਾਂ ਆਪਣੀ ਜਿਵੇਂ ਕਂਛੂ ਕੁੰਮਾ ।
ਮੈਂ ਚਿਂਟਾ ਚੋਲਾ ਪਾ ਕੇ ਦੁਨੀਆਂ ਵਿਚ ਘੁੰਮਾਂ ।
ਮੈਂ ਦੇਖਣ ਨੂੰ ਤਰਬੂਜ਼ ਹਾਂ ਪਰ ਕੌੜਾ ਤੁੰਮਾ ।
ਮੈਨੂੰ ਭੇਜਿਆ ਭਗਵੇਂਕਰਨ ਲਈ ਦੋਖੀ ਸਿਰਗੁੰਮਾਂ ।
ਮੈਂ ਸੁੱਟਾਂ ਪਿਆਰੇ ਪੰਥ ਨੂੰ ਵਿਚ ਖੂਹਾਂ ਡੁੰਮ੍ਹਾਂ ।
ਜਦ ਬਾਜ਼ੀ ਲਂਗੇ ਸਿਰਾਂ ਦੀ ਵਿਚ ਭੀੜਾਂ ਗੁੰਮਾਂ ।
ਉਂਝ ਪਈਆਂ ਮੇਰੇ ਨਾਂ ਦੀਆਂ ਦੁਨੀਆਂ ਵਿਚ ਧੁੰਮਾਂ ।

ਸੁਖਵਿੰਦਰ ਸਿੰਘ ਲੰਡਨ ਨੇ ਆਪਣੀ ਅਹੂਤੀ ਦੇ ਕੇ ਸਿੱਖ ਕੌਮ ਦੇ “ਉੱਚੇ ਇਖਲਾਕ” ਨੂੰ ਉਜਾਗਰ ਕੀਤਾ :- ਟਿਵਾਣਾ

ਫਤਿਹਗੜ੍ਹ ਸਾਹਿਬ, 11 ਜਨਵਰੀ :- ਲੰਡਨ (ਬਰਤਾਨੀਆ) ਨਿਵਾਸੀ ਅਮਲੀ ਜੀਵਨ ਵਿੱਚ ਰੰਗੇ ਗੁਰਸਿੱਖ ਨੌਜਵਾਨ ਸ: ਸੁਖਵਿੰਦਰ ਸਿੰਘ ਨੇ, ਉੱਥੋ ਦੇ ਲੁਟੇਰਿਆਂ ਵੱਲੋ ਇੱਕ ਅੰਗਰੇਜ਼ ਬੀਬੀ ਉੱਤੇ ਕੀਤੇ ਗਏ ਹਮਲਾਵਰਾਂ ਨੂੰ ਸਬਕ ਸਿਖਾਉਣ ਹਿੱਤ ਆਪਣੇ ਸਿੱਖੀ ਕਿਰਦਾਰ ਉੱਤੇ ਪਹਿਰਾ ਦਿੰਦੇ ਹੋਏ ਬੇਖੌਫ ਹੋ ਕੇ ਆਪਣੇ ਇਨਸਾਨੀ ਫਰਜ਼ਾ ਦੀ ਪੂਰਤੀ ਕਰਦੇ ਹੋਏ ਆਪਣੀ ਜਾਨ ਤੋਂ ਖੇਡਣਾ ਪਿਆ, ਇਹ ਅਸਲੀਅਤ ਵਿੱਚ ਉਸਨੇ ਕੌਮਾਂਤਰੀ ਪੱਧਰ ਉੱਤੇ ਸਿੱਖ ਕੌਮ ਦੇ ਉਚੇ-ਸੁੱਚੇ ਇਨਸਾਨੀਅਤ ਪੱਖੀ ਇਖਲਾਕ ਨੂੰ ਉਜਾਗਰ ਕੀਤਾ ਹੈ। ਜਿਸਦੀ ਸਦੀਆਂ ਪਹਿਲੇ ਹਿੰਦੋਸਤਾਨ ਵਿੱਚ ਹਿੰਦਵਾਣੀਆਂ “ਸਿੰਘ” ਨੂੰ ਵੇਖ ਕੇ ਆਪ ਮੁਹਾਰੇ ਪੁਕਾਰਦੀਆਂ ਹੁੰਦੀਆਂ ਹਨ ਕਿ “ਬਚਾਈ ਵੇ ਭਾਈ ਕੱਛ ਵਾਲਿਆਂ ਮੇਰੀ ਧੀ ਬਸਰੇ ਨੂੰ ਗਈ” ਜਾਂ “ਆ ਗਏ ਨਿਹੰਗ, ਬੂਹੇ ਖੋਲ੍ਹਦੋ ਨਿਸੰਗ” ਬੋਲਦੀਆਂ ਸਨ।
ਇਹ ਵਿਚਾਰ ਅੱਜ ਇੱਥੇ ਭਾਈ ਇਕਬਾਲ ਸਿੰਘ ਟਿਵਾਣਾ ਸਿਆਸੀ ਤੇ ਮੀਡੀਆ ਸਲਾਹਕਾਰ ਤੇ ਇੰਚਾਰਜ ਗੁਰਦੁਆਰਾ ਚੋਣਾਂ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਸ: ਸੁਖਵਿੰਦਰ ਸਿੰਘ ਵੱਲੋ ਕੀਤੀ ਗਈ ਦਲੇਰਾਨਾ ਕਾਰਵਾਈ ਦੀ ਜਿੱਥੇ ਭਰਪੂਰ ਪ੍ਰਸੰਸਾ ਕਰਦੇ ਹੋਏ ਕਿਹਾ, ਉੱਥੇ ਉਨ੍ਹਾ ਨੇ ਖਾਲਸਾ ਕੌਮ ਵਿੱਚੋ ਇੱਕ ਅਮਲੀ ਜੀਵਨ ਵਾਲੇ ਗੁਰਸਿੱਖ ਦੇ ਚਲੇ ਜਾਣ ਉੱਤੇ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਵੱਲੋਂ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕਰਦੇ ਹੋਏ ਸ: ਸੁਖਵਿੰਦਰ ਸਿੰਘ ਦੇ ਪਰਿਵਾਰਕ ਮੈਬਰਾਂ ਤੇ ਬੱਚਿਆਂ ਨਾਲ ਹਮਦਰਦੀ ਪ੍ਰਗਟ ਵੀ ਕੀਤੀ। ਉਨ੍ਹਾ ਕਿਹਾ ਕਿ ਜਿਸ ਸਥਾਨ ਉੱਤੇ ਇਹ ਵਾਕਿਆ ਹੋਇਆ, ਉੱਥੇ ਵੱਡੀ ਗਿਣਤੀ ਵਿੱਚ ਅੰਗਰੇਜ਼ ਤੇ ਹੋਰ ਲੋਕ ਮੌਜੂਦ ਸਨ। ਪਰ ਇਹ ਇਨਸਾਨੀ ਜਿ਼ੰਮੇਵਾਰੀ ਨਿਭਾਉਣਾ ਸਿੱਖ ਕੌਮ ਦੇ ਹਿੱਸੇ ਹੀ ਆਇਆ। ਉਨ੍ਹਾ ਵਿੱਚੋ ਕਿਸੇ ਨੇ ਵੀ ਉਸ ਅੰਗਰੇਜ਼ ਬੀਬੀ ਉੱਤੇ ਕੀਤੇ ਗਏ ਹਮਲਾਵਰਾਂ ਨੂੰ ਚੁਣੌਤੀ ਦੇਣ ਦੀ ਕੌਸਿ਼ਸ ਵੀ ਨਾ ਕੀਤੀ। ਜਿਸ ਤੋਂ ਇਹ ਪ੍ਰਤੱਖ ਹੋ ਜਾਂਦਾ ਹੈ ਕਿ ਸਿੱਖ ਕੌਮ ਸਮੁੱਚੀ ਮਨੁੱਖਤਾ ਨੂੰ ਪਿਆਰ ਕਰਨ ਵਾਲੀ ਤੇ ਹਰ ਤਰਾ ਦੀ ਸਮਾਜਿਕ ਬੁਰਾਈ ਵਿਰੁੱਧ ਆਖਰੀ ਦਮ ਤੱਕ ਜੂਝਣ ਵਾਲੀ ਕੌਮ ਹੈ। ਇਸ ਕਰਕੇ ਹੀ ਅੱਜ ਕੌਮਾਂਤਰੀ ਪੱਧਰ ਉੱਤੇ ਸਿੱਖ ਕੌਮ ਦੀ ਅਣਖੀਲੀ ਤੇ ਨਿਵੇਕਲੀ ਪਹਿਚਾਣ ਸਥਾਪਿਤ ਹੋ ਚੁੱਕੀ ਹੈ।
ਸ: ਟਿਵਾਣਾ ਨੇ ਪੰਜਾਬ ਦੀ ਪਵਿੱਤਰ ਧਰਤੀ ਉੱਤੇ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਤੇ ਪੰਜਾਬ ਸਰਕਾਰ ਉੱਤੇ ਕਾਬਿਜ਼ ਹੋਏ ਬਾਹਰੀ ਦਿਖਾਵੇ ਵਾਲੇ ਸਿੱਖ ਆਗੂਆਂ ਦੇ ਕਿਰਦਾਰ ਉੱਤੇ ਚੋਟ ਕਰਦੇ ਹੋਏ ਕਿਹਾ ਕਿ ਇਹ ਸਰਦਾਰੀਆਂ ਗੁਰੂ ਸਾਹਿਬਾਨ, ਸਿੰਘ ਸਿੰਘਣੀਆਂ ਤੇ ਸਿੱਖ ਸ਼ਰਧਾਲੂਆਂ ਵੱਲੋ ਕੀਤੀਆਂ ਗਈਆਂ ਮਹਾਨ ਕੁਰਬਾਨੀਆਂ ਅਤੇ ਘਾਲਣਾਵਾਂ ਉਪਰੰਤ ਸਾਨੂੰ ਮਿਲੀਆਂ ਹਨ। ਲੇਕਿਨ ਦੁੱਖ ਤੇ ਅਫਸੋਸ ਹੈ ਕਿ ਮੌਜੂਦਾ ਸਿੱਖ ਲੀਡਰਸਿ਼ਪ ਗੁਰੂ ਸਾਹਿਬਾਨ ਵੱਲੋ ਸਾਨੂੰ ਬਖਸਿ਼ਸ ਕੀਤੇ ਗਏ ਉੱਚੇ-ਸੁੱਚੇ ਇਖਲਾਕ ਨੂੰ ਅਲਵਿਦਾ ਕਹਿ ਕੇ ਆਪੋ ਆਪਣੀਆਂ ਪਰਿਵਾਰਿਕ ਤੇ ਸਿਆਸੀ ਸਵਾਰਥਾਂ ਦੀ ਪੂਰਤੀ ਕਰਨ ਵਿੱਚ ਲੱਗੀ ਹੋਈ ਹੈ ਤੇ ਛੋਟੇ ਛੋਟੇ ਪੰਥਕ ਮੁੱਦਿਆਂ ਦਾ ਸਰਵ ਪ੍ਰਵਾਨਿਤ ਹੱਲ ਨਾ ਕਰਕੇ ਕੌਮ ਨੂੰ ਭਰਾ ਮਾਰੂ ਜੰਗ ਵੱਲ ਧਕੇਲਣ ਦੀ ਗੁਨਾਹਗਾਰ ਬਣ ਰਹੀ ਹੈ। ਇਸ ਲੀਡਰਸਿ਼ਪ ਨੇ ਕੋਈ ਵੀ ਅਜਿਹਾ ਉੱਦਮ ਨਹੀਂ ਕੀਤਾ, ਜਿਸ ਨਾਲ ਕੌਮਾਂਤਰੀ ਪੱਧਰ ਉੱਤੇ ਸਿੱਖ ਕੌਮ ਦੀ ਆਨ-ਸ਼ਾਨ ਵਿੱਚ ਵਾਧਾ ਹੋਵੇ ਤੇ ਸਿੱਖ ਕੌਮ ਸਾਹਿਬ ਸ਼੍ਰੀ ਗੁਰੂ ਗੰ੍ਰਥ ਸਾਹਿਬ ਜੀ ਦੀ ਅਗਵਾਈ ਵਿੱਚ ਇਕੱਤਰ ਹੋ ਕੇ ਆਪਣੇ ਮੰਜਿ਼ਲ ਵੱਲ ਵੱਧ ਸਕੇ। ਜਦੋਂ ਕਿ ਸ: ਸੁਖਵਿੰਦਰ ਸਿੰਘ ਨੇ ਬਾਹਰਲੇ ਮੁਲਕ ਦੀ ਧਰਤੀ ਉੱਤੇ ਵੀ ਬਹਾਦਰੀ ਵਾਲਾ ਕਾਰਨਾਮਾ ਕਰਕੇ ਸਿੱਖ ਕੌਮ ਦਾ ਸਿਰ ਉੱਚਾ ਕੀਤਾ।

ਮੱਕੜ੍ਹ ਤੇ ਸੰਤ ਯੂਨੀਅਨ ਵੱਲੋ ਕੌਮੀ ਏਕਤਾ ਦੇ ਦਾਅਵੇ ਖੋਖਲੇ, ਮੱਕੜ੍ਹ ਦੀ ਹਾਰਟ ਤਕਲੀਫ ਦਾ ਬਹਾਨਾ ਝੂਠਾ :- ਅਕਾਲਗੜ੍ਹ ਬੋਰਾਂ

ਫਤਿਹਗੜ੍ਹ ਸਾਹਿਬ, 11 ਜਨਵਰੀ :- “ਸ਼੍ਰੀ ਅਵਤਾਰ ਸਿੰਘ ਮੱਕੜ੍ਹ ਪ੍ਰਧਾਨ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ , ਸੰਤ ਯੂਨੀਅਨ ਵੱਲੋਂ ਕੌਮੀ ਏਕਤਾ ਹੋਣ ਦੇ ਪਾਏ ਜਾ ਰਹੇ ਰਾਮ-ਰੌਲੇ ਦਾ ਘੜਾ ਉਦੋਂ ਚੁਰਾਹੇ ਵਿੱਚ ਭੱਜ ਗਿਆ ਜਦੋਂ ਅੱਜ ਥਾਂ-ਥਾਂ ਉੱਤੇ ਨਾਨਕਸ਼ਾਹੀ ਕੈਲੰਡਰ, ਦਸ਼ਮ ਗ੍ਰੰਥ, ਸਿੱਖ ਰਹਿਤ ਮਰਿਯਾਦਾ, ਸ਼੍ਰੀ ਅਕਾਲ ਤਖਤ ਸਾਹਿਬ ਦੀ ਸਰਵ ਉੱਚਤਾ ਤੇ ਸਰਬੱਤ ਖਾਲਸਾ ਬੁਲਾਏ ਜਾਣ ਦੇ ਮੁੱਦੇ ਉੱਤੇ ਸਿੱਖ ਜਥੇਬੰਦੀਆਂ ਤੇ ਸਿੱਖ ਆਗੂਆਂ ਇੱਕ ਦੂਸਰੇ ਪ੍ਰਤੀ ਅਪਮਾਨਜਨਕ ਸ਼ਬਦਾਵਲੀ ਦੀ ਵਰਤੋ ਕਰਦੇ ਹੋਏ ਡਾਂਗੋ-ਡਾਂਗੀ ਹੋ ਰਹੇ ਹਨ ਅਤੇ ਬਾਦਲ ਮੱਕੜ੍ਹ ਦੇ ਵਿਰੋਧੀਆਂ ਵੱਲੋ ਕੀਤੇ ਜਾ ਰਹੇ ਸਮਾਗਮਾਂ ਉੱਤੇ ਪੰਜਾਬ ਸਰਕਾਰ, ਪੰਜਾਬ ਪੁਲਿਸ, ਖੁਫੀਆ ਵਿਭਾਗ ਦੀ ਮਦਦ ਨਾਲ ਸਿੱਖ ਧਾਰਮਿਕ ਸਮਾਗਮਾਂ ਉੱਤੇ ਜ਼ਬਰੀ ਰੋਕਾਂ ਲੱਗਣੀਆਂ ਸ਼ੁਰੂ ਹੋ ਗਈਆਂ ਹਨ।”
ਇਹ ਵਿਚਾਰ ਅੱਜ ਇੱਥੇ ਜਥੇਦਾਰ ਸੁਰਿੰਦਰ ਸਿੰਘ ਅਕਾਲਗੜ੍ਹ ਬੋਰਾਂ ਸਦਰ-ਏ-ਖਾਲਿਸਤਾਨ ਨੇ ਆਪਣੇ ਦਸਤਖਤਾਂ ਹੇਠ ਪ੍ਰੈੱਸ ਦੇ ਨਾਮ ਭੇਜੇ ਇੱਕ ਬਿਆਨ ਵਿੱਚ ਪ੍ਰਗਟ ਕੀਤੇ। ਉਨ੍ਹਾ ਸਿੱਖ ਕੌਮ ਵਿੱਚ ਵੱਖ ਵੱਖ ਮੁੱਦਿਆਂ ਉਤੇ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਅਤੇ ਪੰਜਾਬ ਸਰਕਾਰ ਉੱਤੇ ਕਾਬਿਜ਼ ਆਗੂਆਂ ਦੀਆਂ ਨਲਾਇਕੀਆਂ ਦਾ ਵੇਰਵਾ ਦਿੰਦੇ ਹੋਏ ਕਿਹਾ ਕਿ ਦਿੱਲੀ ਵਿਖੇ 5 ਜਨਵਰੀ ਨੂੰ ਗੁਰਦੁਆਰਾ ਸ਼੍ਰੀ ਰਕਾਬ ਗੰਜ ਸਾਹਿਬ ਵਿਖੇ ਸਾਹਿਬ ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਜਨਮ ਦਿਹਾੜੇ ਦੇ ਮੌਕੇ ਉੱਤੇ ਬਾਦਲ ਦਲੀਆਂ ਤੇ ਸਰਨਾ ਦਲੀਆਂ ਦੀ ਸਾਹਿਬ ਸ਼੍ਰੀ ਗੁਰੂ ਗੰ੍ਰਥ ਸਾਹਿਬ ਜੀ ਦੀ ਹਜ਼ੂਰੀ ਵਿੱਚ ਹੋਈ ਹੱਥੋ ਪਾਈ ਗਾਲੀ ਗਲੋਚ ਦੀਆਂ ਕਾਰਵਾਈਆਂ, ਫਿਰ ਬੀਤੇ ਦਿਨੀ ਕਰਨਾਲ ਵਿਖੇ ਉੱਥੋ ਦੇ ਸਿੱਖਾਂ ਤੇ ਮੱਕੜ੍ਹ ਦੇ ਸਾਥੀਆਂ ਵਿਚਕਾਰ ਹੋਈਆਂ ਝੜਪਾਂ ਤੇ ਫਿਰ ਅਜਨਾਲੇ ਵਿਖੇ ਪ੍ਰੋ: ਦਰਸ਼ਨ ਸਿੰਘ ਦੇ ਧਾਰਮਿਕ ਸਮਾਗਮ ਉੱਤੇ ਲਾਈਆਂ ਗਈਆਂ ਪਾਬੰਦੀਆਂ ਤੇ ਰੋਜ਼ਾਨਾ ਹੀ ਮੀਡੀਏ ਤੇ ਅਖਬਾਰਾਂ ਵਿੱਚ ਸ਼ੁਰੂ ਹੋ ਚੁੱਕੀ ਸ਼ਬਦਾਂ ਦੀ ਭਰਾ ਮਾਰੂ ਜੰਗ ਦੇ ਉਤਪੰਨ ਹੋਏ ਅਤਿ ਗੰਭੀਰ ਹਾਲਾਤਾਂ ਉਪਰੰਤ ਅਸੀਂ ਕਿਸ ਤਰ੍ਹਾ ਕਹਿ ਸਕਦੇ ਹਾਂ ਕਿ ਨਾਨਕਸ਼ਾਹੀ ਕੈਲੰਡਰ ਵਿੱਚ ਤਬਦੀਲੀ ਕਰਕੇ ਸਮੁੱਚੀ ਕੌਮੀ ਏਕਤਾ ਹੋ ਗਈ ਹੈ? ਉਨ੍ਹਾ ਕਿਹਾ ਕਿ ਜਦੋਂ ਸ਼੍ਰੀ ਮੱਕੜ੍ਹ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀ ਅੰਤ੍ਰਿਗ ਕਮੇਟੀ ਦੇ ਗਿਆਰਾਂ ਮੈਬਰਾਂ ਨੂੰ ਹੀ ਸਿੱਖ ਮੁੱਦਿਆਂ ਉੱਤੇ ਏਕਤਾ ਦਾ ਸਬੂਤ ਨਹੀਂ ਦੇ ਸਕੇ ਤੇ ਇਹਨਾਂ ਗਿਆਰਾਂ ਮੈਬਰਾਂ ਨੂੰ ਹੀ ਇੱਕ ਨਹੀਂ ਕਰ ਸਕੇ, ਨਾਨਕਸ਼ਾਹੀ ਕੈਲੰਡਰ ਦੀ ਤਬਦੀਲੀ ਕਰਨ ਲਈ ਪੰਜੇ ਤਖਤਾਂ ਦੇ ਜਥੇਦਾਰ ਸਾਹਿਬਾਨ ਦੀ ਪ੍ਰਵਾਨਗੀ ਲੈਣ ਦੀ ਬਜਾਏ ਚਾਰ ਹੋਰ ਗ੍ਰੰਥੀਆਂ ਦੀ ਦੁਰਵਰਤੋਂ ਕਰਕੇ ਜਿਨ੍ਹਾ ਨੇ ਸਿੱਖ ਕੌਮ ਨੂੰ ਦੋ ਧੜਿਆਂ ਵਿੱਚ ਵੰਡ ਦਿੱਤਾ ਹੈ। ਫਿਰ ਅਜਿਹਾ ਅਸਫਲ ਇਨਸਾਨ ਸਮੁੱਚੀ ਕੌਮ ਦੀ ਏਕਤਾ ਕਰਾਉਣ ਦੇ ਕਿਵੇ ਸਮਰੱਥ ਹੋ ਸਕਦਾ ਹੈ?
ਸ਼੍ਰੀ ਸੁਰਿੰਦਰ ਸਿੰਘ ਅਕਾਲਗੜ੍ਹ ਬੋਰਾਂ ਨੇ ਆਪਣੇ ਬਿਆਨ ਦੇ ਅਖੀਰ ਵਿੱਚ ਕਿਹਾ ਕਿ 12 ਜਨਵਰੀ ਨੂੰ ਮੱਕੜ੍ਹ ਦੀਆਂ ਆਪ ਹੁਦਰੀਆਂ ਗੈਰ ਸਿਧਾਂਤਕ ਕਾਰਵਾਈਆਂ ਵਿਰੁੱਧ ਧਰਨਾ ਦੇਣ ਵਾਲੀਆਂ ਜਥੇਬੰਦੀਆਂ ਦੇ ਵੱਲੋ ਪ੍ਰਗਟਾਏ ਗਏ ਉਸ ਬਹਾਨੇ ਦੀ ਸੱਚਾਈ ਵੀ ਸਾਹਮਣੇ ਆ ਗਈ ਹੈ, ਜਿਸ ਵਿੱਚ ਉਨ੍ਹਾ ਨੇ ਸ਼੍ਰੀ ਮੱਕੜ੍ਹ ਨੂੰ ਦਿਲ ਦੀ ਤਕਲੀਫ ਹੋਣ ਦਾ ਬਹਾਨਾ ਬਣਾ ਕੇ ਉਪਰੋਕਤ 12 ਜਨਵਰੀ ਦੇ ਦਿੱਤੇ ਜਾਣ ਵਾਲੇ ਧਰਨੇ ਨੂੰ ਮੁਲਤਵੀ ਕਰ ਦਿੱਤਾ ਸੀ। ਜਦੋਂ ਕਿ ਬੀਤੇ ਦਿਨੀਂ ਸ਼੍ਰੀ ਮੱਕੜ੍ਹ ਕਰਨਾਲ ਵਿਖੇ ਆਪਣੀਆਂ ਟਾਸਕ ਫੋਰਸ ਤੇ ਜ਼ੀ ਹਜ਼ੂਰੀਆਂ ਦੀ ਸਹਾਇਤਾ ਨਾਲ ਸਿੱਖ ਕੌਮ ਵਿਰੁੱਧ ਬੁਰਛਾਗਰਦੀ ਕਰਦੇ ਦੀਆਂ ਫੋਟੋਗ੍ਰਾਫ ਅੱਜ ਦੇ ਅਖਬਾਰਾਂ ਵਿੱਚ ਪ੍ਰਕਾਸਿ਼ਤ ਹੋਈਆਂ ਸਮੁੱਚੀ ਸਿੱਖ ਕੌਮ ਨੇ ਵੇਖੀਆਂ ਹਨ। ਉਨ੍ਹਾ ਕਿਹਾ ਕਿ ਦਿਲ ਦੀ ਤਕਲੀਫ ਵਾਲਾ ਇਨਸਾਨ ਇੱਕ ਦਿਨ ਵਿੱਚ ਹੀ ਬੈਡ ਰੈਸਟ ਤੋਂ ਕਿਸ ਤਰ੍ਹਾ ਉੱਠ ਸਕਦਾ ਹੈ?

ਰੁਚਿਕਾ ਮਾਮਲੇ ਸੀ.ਬੀ.ਆਈ. ਕਰੇਗੀ ਨਵੀਂ ਐਫ਼.ਆਈ.ਆਰ. ਦੀ ਜਾਂਚ .

. ਦਿੱਲੀ, 11 ਜਨਵਰੀ - ਰੁਚਿਕਾ ਗਿਰਹੋਤਰਾ ਛੇੜਖਾਨੀ ਮਾਮਲੇ ਵਿਚ ਸੀ.ਬੀ.ਆਈ. ਹਰਿਆਣਾ ਦੇ ਸਾਬਕਾ ਡੀ.ਜੀ.ਪੀ. ਐਸ.ਪੀ.ਐਸ. ਰਾਠੌਰ ਅਤੇ ਹੋਰਨਾਂ ਦੇ ਖਿਲਾਫ਼ ਦਰਜ ਨਵੀਂ ਐਫ਼.ਆਈ.ਆਰ. ਦੀ ਜਾਂਚ ਕਰੇਗੀ । ਕੇਂਦਰ ਸਰਕਾਰ ਵਲੋਂ ਅੱਜ ਜਾਰੀ ਨੋਟੀਫਿਕੇਸ਼ਨ ਅਨੁਸਾਰ ਸੀ.ਬੀ.ਆਈ. ਸਾਰੇ ਤਿੰਨ ਮਾਮਲਿਆਂ ਦੀ ਜਾਂਚ ਕਰੇਗੀ, ਜਿਸ ਵਿਚੋਂ ਇਕ ਵਿਚ ਰਾਠੌਰ 'ਤੇ ਆਤਮਘਾਤ ਲਈ ਉਕਸਾਉਣ ਦਾ ਦੋਸ਼ ਲਗਾਇਆ ਗਿਆ ਹੈ। ਇਸ ਦੀ ਸ਼ਿਕਾਇਤ ਰੁਚਿਕਾ ਦੇ ਪਰਿਵਾਰ ਵਲੋਂ ਦਰਜ ਕਰਵਾਈ ਗਈ ਹੈ। ਇਸ ਸਬੰਧੀ ਰੁਚਿਕਾ ਦੇ ਪਿਤਾ ਐਸ.ਸੀ. ਗਿਰਹੋਤਰਾ ਅਤੇ ਭਰਾ ਆਸ਼ੂ ਵਲੋਂ ਦਰਜ ਦੋ ਨਵੀਆਂ ਐਫ਼.ਆਈ.ਆਰ. ਵਿਚ ਰਾਠੌਰ 'ਤੇ ਇਰਾਦਾ ਕਤਲ, ਗਲਤ ਢੰਗ ਨਾਲ ਕੈਦ ਕਰਨ ਅਤੇ ਰੁਚਿਕਾ ਦੀ ਪੋਸਟਮਾਰਟਮ ਰਿਪੋਰਟ ਨਾਲ ਛੇੜਛਾੜ ਕਰਨ ਦਾ ਦੋਸ਼ ਲਗਾਇਆ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਰੁਚਿਕਾ ਦੇ ਨਾਲ ਸਾਬਕਾ ਆਈ.ਪੀ.ਐਸ. ਅਫ਼ਸਰ ਨੇ 12 ਅਗਸਤ 1990 ਨੂੰ ਛੇੜਛਾੜ ਕੀਤੀ ਸੀ ਜਿਸ ਤੋਂ ਤਿੰਨ ਸਾਲ ਬਾਅਦ ਉਸ ਨੇ ਆਤਮਹੱਤਿਆ ਕਰ ਲਈ ਸੀ। ਹੇਠਲੀ ਅਦਾਲਤ ਨੇ ਇਸ ਮਾਮਲੇ ਵਿਚ ਰਾਠੌਰ ਨੂੰ ਹਾਲ ਹੀ ਵਿਚ ਛੇ ਮਹੀਨੇ ਦੀ ਸਜ਼ਾ ਸੁਣਾਈ ਸੀ ਅਤੇ ਇਕ ਹਜ਼ਾਰ ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ ਸੀ। ਇਸ ਦੌਰਾਨ ਰਾਠੌਰ ਨੇ 2 ਨਵੀਆਂ ਐਫ਼.ਆਈ.ਆਰ ਦੇ ਸਿਲਸਿਲੇ ਵਿਚ ਅਗਾਊਂ ਜ਼ਮਾਨਤ ਲਈ ਅੱਜ ਪੰਜਾਬ-ਹਰਿਆਣਾ ਹਾਈ ਕੋਰਟ ਵਿਚ ਪਟੀਸ਼ਨ ਦਾਇਰ ਕੀਤੀ ਜਿਸ 'ਤੇ ਮੰਗਲਵਾਰ ਨੂੰ ਸੁਣਵਾਈ ਹੋਵੇਗੀ।

ਅੰਮ੍ਰਿਤਧਾਰੀ ਸਾਬਤ ਸੂਰਤ ਤੇ ਗੁਰਮਤਿ ਮਰਿਯਾਦਾ ’ਤੇ ਖ਼ਰਾ ਉਤਰਨ ਵਾਲਿਆਂ ਦੀਆਂ ਵੋਟਾਂ ਹੀ ਬਣਾਈਆਂ ਜਾਣ : ਪ੍ਰੋ. ਬਡੂੰਗਰ

ਫਤਿਹਗੜ• ਸਾਹਿਬ 10 ਦਸੰਬਰ (ਮਾਨ/ਪਰਦੀਪ ਸਿੰਘ/ਬਰਜਿੰਦਰ) :-ਆਉਣ ਵਾਲੀਆਂ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਚੋਣਾਂ ਵਿਚ ਬਨਣ ਵਾਲੀਆਂ ਵੋਟਾਂ ਕੇਵਲ ਅੰਮ੍ਰਿਤਧਾਰੀ ਸਾਬਤ ਸੂਰਤ, ਗੁਰਮਤਿ ਅਤੇ ਸ਼੍ਰੀ ਅਕਾਲ ਤਖ਼ਤ ਸਾਹਿਬ ਦੀ ਮਰਿਯਾਦਾ ਤੇ ਖ਼ਰਾ ਉਤਰਨ ਵਾਲਿਆਂ ਦੀਆਂ ਵੋਟਾਂ ਹੀ ਬਣਾਈਆਂ ਜਾਣ। ਇਨਂ ਵਿਚਾਰਾਂ ਦਾ ਪ੍ਰਗਟਾਵਾ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਸਾਬਕਾ ਪ੍ਰਧਾਨ ਪ੍ਰੋ. ਕ੍ਰਿਪਾਲ ਸਿੰਘ ਬਡੂੰਗਰ ਨੇ ਫਤਿਹਗੜ• ਸਾਹਿਬ ਵਿਖੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕੀਤਾ। ਉਨਾਂ ਕਿਹਾ ਕਿ ਪੰਥ ਪ੍ਰਵਾਨਤ ਮਰਿਯਾਦਾ ਦੇ ਧਾਰਨੀ ਤੇ ਉਸ ਦਾ ਪਰਿਵਾਰ, ਪਤਨੀ ਤੇ ਬੱਚੇ ਵੀ ਗੁਰਮਤਿ ਮਰਿਯਾਦਾ ਤੇ ਪੂਰੇ ਉਤਰਣ ਵਾਲਿਆਂ ਦੀਆਂ ਨੂੰ ਹੀ ਵੋਟਰ ਬਣਾਇਆ ਜਾਣਾ ਯਕੀਨੀ ਬਣਾਉਣਾ ਚਾਹੀਦਾ ਹੈ ਤਾਂ ਕਿ ਧਾਰਮਿਕ ਭਾਵਨਾ ਤੇ ਕੋਈ ਸੱਟ ਨਾ ਵੱਜ ਸਕੇ। ਉਨਾਂ ਗੁਰਦੁਆਰਾ ਚੋਣ ਕਮਿਸ਼ਨ ਨੂੰ ਵੀ ਅਪੀਲ ਕਰਦਿਆਂ ਕਿਹਾ ਕਿ ਉਹ ਵੀ ਸ਼ਰਤਾਂ ਤੇ ਪੂਰਾ ਧਿਆਨ ਰੱਖਦੇ ਹੋਏ ਗੁਰਮਤਿ ਮਰਿਯਾਦਾ ਦੇ ਧਾਰਨੀਆਂ ਨੂੰ ਹੀ ਵੋਟ ਪਾਉਣ ਦਾ ਅਧਿਕਾਰ ਦੇਣ। ਉਨਾਂ ਇਹ ਵੀ ਸਪਸ਼ਟ ਕਰਦਿਆਂ ਕਿਹਾ ਕਿ ਗੁਰੂ ਪੰਥ ਵਿਚ ਗਿਣਤੀ ਦੀ ਕੋਈ ਮੱਹਤਤਾ ਨਹੀਂ ਸਗੋਂ ਸਿਧਾਤ ਦੇ ਗੁਣ ਤੇ ਗੁਰਮਤਿ ਦੇ ਗੁਣਾਂ ਨੂੰ ਹੀ ਮੱਹਤਤਾ ਦਿੱਤੀ ਗਈ ਹੈ। ਪਾਕਿ ਦੀਆਂ ਔਰਤਾਂ ਨਾਲ ਕਾਂਗਰਸੀ ਆਗੂਆਂ ਦੇ ਸਬੰਧਾਂ ਨੂੰ ਕਿਉਂ ਉਤਸ਼ਾਹਿਤ ਕੀਤਾ ਜਾ ਰਿਹਾ।

ਹਰਿਆਣਾ ਦੇ ਕਰਨਾਲ ਸ਼ਹਿਰ ਦੀ ਘਟਨਾ ਕਾਂਗਰਸ ਦੀ ਸਾਜਿਸ਼ : ਸੁਖਬੀਰ .

. ਤਲਵੰਡੀ ਸਾਬੋ, 11 ਜਨਵਰੀ -ਹਰਿਆਣਾ ਦੇ ਕਰਨਾਲ ਸ਼ਹਿਰ ਵਿਚ ਕੱਲ੍ਹ ਜਗਦੀਸ਼ ਸਿੰਘ ਝੀਂਡਾ ਗਰੁੱਪ ਅਤੇ ਅਕਾਲੀ ਸਮਰਥਕਾਂ ਵਿਚ ਹੋਇਆ ਟਕਰਾਅ ਕਾਂਗਰਸ ਦੇ ਇਸ਼ਾਰੇ 'ਤੇ ਹੋਇਆ ਹੈ, ਕਿਉਂਕਿ ਝੀਂਡਾ ਕਾਂਗਰਸੀ ਏਜੰਟ ਹੈ, ਪਰ ਅਜਿਹੀਆਂ ਘਟਨਾਵਾਂ ਨਾਲ ਸਾਨੂੰ ਕੋਈ ਫ਼ਰਕ ਨਹੀਂ ਪੈਂਦਾ । ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਉਪ ਮੁੱਖ ਮੰਤਰੀ ਸ. ਸੁਖਬੀਰ ਸਿੰਘ ਬਾਦਲ ਨੇ ਸਥਾਨਕ ਖ਼ਾਲਸਾ ਸੈਕੰਡਰੀ ਸਕੂਲ ਵਿਖੇ ਭਾਰੀ ਇਕੱਠ ਨੂੰ ਸੰਬੋਧਨ ਕਰਦਿਆਂ ਕੀਤਾ।

ਨਾਨਕਸ਼ਾਹੀ ਕੈਲੰਡਰ ਵਿਚ ਅਖੌਤੀ ਸੋਧਾਂ ਵਿਰੁੱਧ ਪੰਥਕ ਕਾਨਫ਼ਰੰਸ...
ਨਾਨਕਸ਼ਾਹੀ ਕੈਲੰਡਰ ਵਿਚ ਕੀਤੀਆਂ ਇਕਪਾਸੜ ਸੋਧਾਂ ਸਖ਼ਤੀ ਨਾਲ ਰੱਦ।

ਫ਼ਰੀਮਾਂਟ-ਕੈਲੇਫ਼ੋਰਨੀਆ (ਬਲਵਿੰਦਰਪਾਲ ਸਿੰਘ ਖ਼ਾਲਸਾ) ਅਮਰੀਕਨ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਭਰਵੀਆਂ ਕੋਸ਼ਿਸ਼ਾਂ ਨੂੰ ਉਦੋਂ ਭਰਵਾ ਫ਼ਲ ਲੱਗਾ ਜਦੋਂ ਉਸਦੇ ਵਿਸ਼ੇਸ਼ ਸੱਦੇ ਤੇ ਕੈਲੇਫ਼ੋਰਨੀਆ, ਵਾਸ਼ਿੰਗਟਨ ਡੀ.ਸੀ. ਤੇ ਵਾਸ਼ਿੰਗਟਨ ਰਾਜ ਵਿਚਲੇ ਗੁਰਦੁਆਰਾ ਸਾਹਿਬਾਨ ਦੀਆਂ ਪ੍ਰਬੰਧਕ ਕਮੇਟੀਆਂ, ਪੰਥਕ ਜਥੇਬੰਦੀਆਂ ਤੇ ਸੰਗਤਾਂ ਦੇ ਭਰਪੂਰ ਸਹਿਯੋਗ ਨਾਲ ਗੁਰਦੁਆਰਾ ਸਾਹਿਬ ਫ਼ਰੀਮਾਂਟ ਵਿਖੇ ਨਾਨਕਸ਼ਾਹੀ ਕੈਲੰਡਰ ਵਿਚ ਇਕਪਾਸੜ ਸੋਧਾਂ ਵਿਰੁੱਧ ਭਰਵੀਂ ਪੰਥਕ ਕਾਨਫ਼ਰੰਸ ਹੋਈ। ਇਸ ਕਾਨਫ਼ਰੰਸ ਵਿਚ ਖ਼ਾਲਿਸਤਾਨ ਅਫ਼ੇਅਰਜ਼ ਸੈਂਟਰ ਵਾਸ਼ਿੰਗਟਨ ਡੀ.ਸੀ. , ਸਿੱਖ ਯੂਥ ਆਫ਼ ਅਮਰੀਕਾ, ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ, ਅਮੈਰੀਕਨ ਸਿੱਖ ਆਰਗੇਨਾਈਜ਼ੇਸ਼ਨ, ਖ਼ਾਲਿਸਤਾਨ ਦੇ ਸ਼ਹੀਦ ਪ੍ਰਵਾਰ, ਗੁਰਮਤਿ ਚੇਤਨਾ ਲਹਿਰ, ਸਿੱਖ ਮਿਸ਼ਨਰੀ ਜਥੇਬੰਦੀ, ਗੁਰਦੁਆਰਾ ਸਾਹਿਬ ਫ਼ਰੀਮਾਂਟ, ਦਸ਼ਮੇਸ਼ ਦਰਬਾਰ ਗੁਰਦੁਆਰਾ ਸਾਹਿਬ ਲੋਡਾਈ, ਗਦਰੀ ਬਾਬਿਆਂ ਦਾ ਇਤਿਹਾਸਕ ਗੁਰਦੁਆਰਾ ਸਾਹਿਬ ਸਟਾਕਟਨ, ਗੁਰਦੁਆਰਾ ਸਿੰਘ ਸਭਾ ਸਿਆਟਲ ਵਾਸ਼ਿੰਗਟਨ ਸਟੇਟ, ਸੈਲਮਾ ਗੁਰਦੁਆਰਾ ਸਾਹਿਬ ਤੇ ਹੋਰ ਬਹੁਤ ਸਾਰੇ ਗੁਰਦੁਆਰਾ ਸਾਹਿਬਾਨਾਂ ਨੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਬਾਦਲ ਦੀ ਅਕਾਲੀ ਸਰਕਾਰ ਤੇ ਅਖੌਤੀ ਸਾਧ ਕੰਪਨੀ ਵਿਰੁੱਧ ਮਤਾ ਪਾਸ ਕਰਨ ਵਿਚ ਸਹਿਯੋਗ ਕਰਨ ਵਿਚ ਲਿਖਤੀ ਸਹਿਮਤੀ ਭੇਜੀ।
ਪੰਥਕ ਬੁਲਾਰਿਆਂ ਵਿਚ ਗੁਰਦੁਆਰਾ ਸਾਹਿਬ ਫ਼ਰੀਮਾਂਟ ਦੇ ਸੱਕਤਰ ਭਾਈ ਸਤਨਾਮ ਸਿੰਘ ਖ਼ਾਲਸਾ, ਏ.ਜੀ.ਪੀ.ਸੀ. ਦੇ ਕੋਆਰਡੀਨੇਟਰ ਡਾ: ਪ੍ਰਿਤਪਾਲ ਸਿੰਘ, ਖਾਲਿਸਤਾਨ ਅਫ਼ੇਅਰਜ਼ ਸੈਂਟਰ ਦੇ ਸੰਚਾਲਕ ਡਾ: ਅਮਰਜੀਤ ਸਿੰਘ, ਗੁਰਦੁਆਰਾ ਸਾਹਿਬ ਲੋਡਾਈ ਦੇ ਸਕੱਤਰ ਭਾਈ ਅਵਤਾਰ ਸਿੰਘ ਰੰਧਾਵਾ, ਅਮਰੀਕਨ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਮੀਤ ਪ੍ਰਧਾਨ ਭਾਈ ਜਸਵੰਤ ਸਿੰਘ ਹੋਠੀ, ਖ਼ਾਲਿਸਤਾਨ ਦੇ ਸ਼ਹੀਦਾਂ ਦੀ ਯਾਦ ਵਿਚ ਬਣੇ ਗੁਰਦੁਆਰਾ ਸਾਹਿਬ ਫ਼ਰੀਮਾਂਟ ਦੀ ਸੁਪਰੀਮ ਕੌਂਸਲ ਦੇ ਮੈਂਬਰ ਭਾਈ ਜਸਵਿੰਦਰ ਸਿੰਘ ਜੰਡੀ, ਗੁਰਦੁਆਰਾ ਸਿੰਘ ਸਭਾ ਵਾਸ਼ਿੰਗਟਨ ਸਟੇਟ ਤੋਂ ਭਾਈ ਜਸਵਿੰਦਰ ਸਿੰਘ ਪੰਨੂ, ਨਕੋਦਰ ਕਾਂਡ ਦੇ ਸ਼ਹੀਦ ਭਾਈ ਰਵਿੰਦਰ ਸਿੰਘ ਦੇ ਪਿਤਾ ਭਾਈ ਬਲਦੇਵ ਸਿੰਘ ਬੇਦੀ, ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਦੇ ਅੰਤਰਾਸ਼ਟਰੀ ਪਰੈਸ ਸਕਤਰ ਭਾਈ ਗੁਰਜੀਤ ਸਿੰਘ ਝਾਮਪੁਰ, ਸਿੱਖ ਯੂਥ ਆਫ਼ ਅਮਰੀਕਾ ਦੇ ਰਾਸ਼ਟਰੀ ਪੈਨਲ ਮੈਂਬਰ ਭਾਈ ਕੁਲਵੰਤ ਸਿੰਘ, ਅਮੈਰੀਕਨ ਸਿੱਖ ਆਰਗੇਨਾਈਜ਼ੇਸ਼ਨ ਦੇ ਪੱਛਮੀ ਰੀਜ਼ਨ ਦੇ ਡਾ: ਤਰਲੋਚਨ ਸਿੰਘ ਨਾਹਲ, ਸਾਬਕਾ ਸ਼੍ਰੋਮਣੀ ਗੁਰਦੁਆਰਾ ਪ੍