ਮਨਪ੍ਰੀਤ ਬਾਦਲ ਨੇ ਪੰਜਾਬ ਦਾ ਘਾਟੇ ਵਾਲਾ ਬਜਟ ਪੇਸ਼

ਪੰਜਾਬ ਦੇ ਖਜ਼ਾਨਾ ਮੰਤਰੀ ਮਨਪ੍ਰੀਤ ਸਿੰਘ ਬਾਦਲ ਨੇ ਅੱਜ ਸੂਬੇ ਦੀ ਵਿਧਾਨ ਸਭਾ ਵਿੱਚ ਸਾਲ 2010-11 ਲਈ 43925.21 ਕਰੋੜ ਰੁਪਏ ਦਾ ਬਜਟ ਪੇਸ਼ ਕਰਦਿਆਂ ਕਿਹਾ ਆਉਣ ਵਾਲੇ ਵਿੱਤੀ ਵਰ੍ਹੇ ਵਿੱਚ 3787.73 ਕਰੋੜ ਰੁਪਏ ਦਾ ਘਾਟਾ ਪਵੇਗਾ। ਵਿੱਤ ਮੰਤਰੀ ਨੇ ਭਾਵੇਂ ਕੋਈ ਨਵਾਂ ਟੈਕਸ ਲਾਉਣ ਦੀ ਤਜਵੀਜ਼ ਨਹੀਂ ਦਿੱਤੀ ਪਰ ਬਿਜਲੀ ਉਤੇ ਟੈਕਸ ਦੀ ਦਰ 10 ਪ੍ਰਤੀਸ਼ਤ ਤੋਂ ਵਧਾ ਕੇ 13 ਪ੍ਰਤੀਸ਼ਤ ਕਰਕੇ 270 ਕਰੋੜ ਰੁਪਏ ਦੀ ਸਾਲਾਨਾ ਆਮਦਨ ਹੋਣ ਦੀ ਗੱਲ ਕਹੀ। ਉਨ੍ਹਾਂ ਮਨੋਰੰਜਨ ਕਰ ਨੂੰ 125 ਪ੍ਰਤੀਸ਼ਤ ਤੋਂ ਘਟਾ ਕੇ 25 ਪ੍ਰਤੀਸ਼ਤ ਕਰਨ ਅਤੇ ਨਾਟਕ ਅਤੇ ਰੰਗਮੰਚੀ ਸਰਗਰਮੀਆਂ ਨੂੰ ਇਸ ਕਰ ਤੋਂ ਬਿਲਕੁਲ ਮੁਕਤ ਕਰ ਦਿੱਤਾ ਹੈ। ਮੁਲਾਜ਼ਮਾਂ ਦੇ ਬਕਾਏ ਸਬੰਧੀ ਕੋਈ ਵੀ ਵਾਅਦਾ ਨਾ ਕਰਦਿਆਂ, ਵਿੱਤ ਮੰਤਰੀ ਨੇ ਕਿਹਾ ਕਿ ਬਕਾਏ ਕਿਵੇਂ ਦੇਣੇ ਹਨ, ਨਕਦ ਦੇਣੇ ਹਨ ਜਾਂ ਜੀਪੀਐਫ ਵਿੱਚ ਜਮ੍ਹਾਂ ਕਰਨੇ ਹਨ, ਕਿੰਨੀਆਂ ਕਿਸ਼ਤਾਂ ਵਿੱਚ ਦੇਣੇ ਹਨ, ਇਸ ਬਾਰੇ ਸਰਕਾਰ ਅਜੇ ਕਿਸੇ ਸਿੱਟੇ ਉਤੇ ਨਹੀਂ ਪਹੁੰਚੀ। ਅੱਜ ਪੇਸ਼ ਕੀਤੇ ਗਏ 43925 ਕਰੋੜ ਰੁਪਏ ਦੇ ਬਜਟ ਨਾਲ ਪੰਜਾਬ ਦੇ ਲੋਕਾਂ ਦੇ ਸਿਰ ‘ਤੇ ਬਿਜਲੀ ਦੇ ਬਿੱਲ ਹੋਰ ਭਾਰੂ ਹੋ ਜਾਣਗੇ। ਬਜਟ ਦਾ ਬਹੁਤਾ ਹਿੱਸਾ ਤਨਖਾਹਾਂ, ਕਰਜ਼ਿਆਂ ਦੀ ਵਾਪਸੀ ਅਤੇ ਕਰਜ਼ੇ ‘ਤੇ ਵਿਆਜ ਉਤੇ ਹੀ ਖ਼ਰਚ ਹੋ ਜਾਵੇਗਾ। ਨਵੇਂ ਬਜਟ ਅਨੁਮਾਨਾਂ ਅਨੁਸਾਰ ਸੂਬੇ ਸਿਰ ਕੁੱਲ ਕਰਜ਼ਾ 31 ਮਾਰਚ ਤੱਕ 64924 ਕਰੋੜ ਹੋ ਜਾਵੇਗਾ। ਸਾਲਾਨਾ ਯੋਜਨਾ ਇਸ ਵਾਰ 9050 ਕਰੋੜ ਰੁਪਏ ਦੀ ਹੋਵੇਗੀ। ਵਿੱਤ ਮੰਤਰੀ ਵੱਲੋਂ ਪੇਸ਼ ਕੀਤੇ ਗਏ ਬਜਟ ‘ਚ ਸੂਬੇ ਦੇ ਵਿਕਾਸ ਦੀ ਦਰ ਕੌਮੀ ਵਿਕਾਸ ਦਰ ਤੋਂ ਕਾਫੀ ਥੱਲੇ ਹੈ। ਆਰਥਿਕ ਮਾਹਿਰਾਂ ਅਨੁਸਾਰ ਬਜਟ ਵਿੱਚ ਪੰਜਾਬ ਦੇ ਨਵੇਂ ਅਰਥਚਾਰੇ ਨੂੰ ਨਵੀਆਂ ਲੀਹਾਂ ‘ਤੇ ਤੋਰਨ ਲਈ ਬਜਟ ‘ਚ ਕੋਈ ਵਿਉਂਤਬੰਦੀ ਨਜ਼ਰ ਨਹੀਂ ਆਉਂਦੀ। ਅਕਾਲੀ-ਭਾਜਪਾ ਸਰਕਾਰ ਨੇ ਆਪਣੇ ਚੌਥੇ ਬਜਟ ਵਿੱਚ ਕਿਸੇ ਵੀ ਵਰਗ ਨੂੰ ਖੁਸ਼ ਕਰਨ ਦੀ ਕੋਸ਼ਿਸ ਨਹੀਂ ਕੀਤੀ ਲੱਗਦੀ। ਬਜਟ ‘ਚ ਲੋਕਾਂ ਨੂੰ ਸੁਪਨਾ ਦਿਖਾਉਣ ਦੀ ਵੀ ਕੋਈ ਪੇਸ਼ਕਾਰੀ ਨਹੀਂ ਕੀਤੀ ਗਈ।
ਵਿੱਤ ਮੰਤਰੀ ਨੇ ਅਸਿੱਧੇ ਤੌਰ ਉਤੇ ਮੰਨਿਆ ਕਿ ਸੁਖਬੀਰ-ਕਾਲੀਆ ਕਮੇਟੀ ਵੱਲੋਂ ਤਜਵੀਜ਼ਤ ਵਿੱਤੀ ਸੁਧਾਰਾਂ (ਟੈਕਸਾਂ ਵਿੱਚ ਵਾਧਾ) ਰਾਹੀਂ ਇਕੱਠੇ ਹੋਣ ਵਾਲੇ ਪੈਸੇ ਸਦਕਾ ਕੋਈ ਨਵਾਂ ਟੈਕਸ ਲਾਉਣ ਦੀ ਲੋੜ ਨਹੀਂ ਪਈ। ਵਿੱਤ ਮੰਤਰੀ ਨੇ ਬਜਟ ਪੇਸ਼ ਕਰਦਿਆਂ ਕਿਹਾ ਕਿ ਸਾਲ 2008-09 ਦੌਰਾਨ ਕੁੱਲ ਯੋਜਨਾ ਅਮਲ 6210 ਕਰੋੜ ਰੁਪਏ ਦੇ ਮਨਜ਼ੂਰ-ਸ਼ੁਦਾ ਮਨਸੂਬੇ ਦੇ ਮੁਕਾਬਲੇ 6925 ਕਰੋੜ ਰੁਪਏ ਖ਼ਰਚ ਹੋਏ ਸਨ। ਭਾਰੀ ਮਾਲੀ ਬੋਹਰਾਨ ਦੇ ਬਾਵਜੂਦ, ਜਿਸ ਦਾ ਕਿ ਪਿਛਲੇ ਸਾਲ ਸੂਬੇ ਨੇ ਸਾਹਮਣਾ ਕੀਤਾ, ਸੂਬੇ ਵੱਲੋਂ ਸਾਲ 2009-10 (ਸੋਧੇ ਅਨੁਮਾਨ) ਦੇ ਮੁਤਾਬਕ 8625 ਕਰੋੜ ਰੁਪਏ ਦੇ ਮਨਜ਼ੂਰ ਕੀਤੇ ਖ਼ਰਚ ਦੇ ਮੁਕਾਬਲੇ 7363 ਕਰੋੜ ਰੁਪਏ ਦੀ ਕੁੱਲ ਯੋਜਨਾ ਦੇ ਲਾਗੂ ਕੀਤੇ ਜਾਣ ਦੀ ਉਮੀਦ ਹੈ। ਉਨ੍ਹਾਂ ਕਿਹਾ ਕਿ ਸਾਲ 2010-11 ਵਿੱਚ ਸਾਨੂੰ ਨਵੇਂ ਵਸੀਲਿਆਂ ਤੋਂ ਤਕਰੀਬਨ 1930 ਕਰੋੜ ਰੁਪਏ ਦੀ ਮਜ਼ੀਦ ਮਾਲ-ਆਮਦਨ ਹੋਣ ਦੀ ਉਮੀਦ ਹੈ। ਵਿੱਤ ਮੰਤਰੀ ਨੇ ਦੱਸਿਆ ਕਿ ਪਿਛਲੇ ਕਈ ਸਾਲਾਂ ਤੋਂ ਸੂਬੇ ਦੀ ਵਿੱਤੀ ਹਾਲਤ ਕਰਜ਼ੇ ਵਿੱਚ ਵਾਧਾ ਹੋਣ ਦੇ, ਨਤੀਜੇ ਵਜੋਂ ਜ਼ਿਆਦਾ ਵਿਆਜ ਦੀ ਰਕਮ ਵੱਧ ਜਾਣ, ਨਾਨ ਪਲਾਨ ਮਾਲੀ ਖ਼ਰਚੇ ਵਿੱਚ ਵਾਧਾ ਹੋਣ ਅਤੇ ਕੇਂਦਰੀ ਟੈਕਸ ਵਿੱਚ ਸੂਬੇ ਦਾ ਘੱਟ ਹਿੱਸਾ ਹੋਣ ਕਾਰਨ ਬਹੁਤ ਮੁਤਾਸਿਰ ਰਹੀ ਹੈ।
ਮਨਪ੍ਰੀਤ ਬਾਦਲ ਨੇ ਸੂਬੇ ਦੇ ਕਰਜ਼ਾ ‘ਤੇ ਚਾਨਣਾ ਪਾਉਂਦਿਆਂ ਦੱਸਿਆ ਕਿ ਸੂਬੇ ਦੇ ਕਰਜ਼ੇ ਦੀ ਕੁੱਲ ਰਕਮ ਸਾਲ 2001-02 ਵਿੱਚ 32496 ਕਰੋੜ ਰੁਪਏ ਤੋਂ ਵੱਧ ਕੇ ਸਾਲ 2008-09 ਵਿੱਚ 57787 ਕਰੋੜ ਰੁਪਏ ਹੋ ਗਈ ਹੈ ਅਤੇ 31.3.2010 ਤੱਕ 64924 ਰੁਪਏ ਹੋ ਜਾਣ ਦੀ ਉਮੀਦ ਹੈ। ਇਸ ਕਰਜ਼ੇ ਨੂੰ ਚੁਕਾਉਣ ਦੀ ਜ਼ਿੰਮੇਵਾਰੀ ਵੀ ਵੱਧ ਰਹੀ ਹੈ। ਸਾਲ 2008-09 ਵਿੱਚ 4902 ਕਰੋੜ ਰੁਪਏ ਦੀਆਂ ਵਿਆਜ ਅਦਾਇਗੀਆਂ ਸਨ, ਜੋ ਕਿ ਸਾਲ 2009-10 ਵਿੱਚ ਵੱਧ ਕੇ 5389 ਕਰੋੜ ਰੁਪਏ ਹੋ ਗਈਆਂ ਅਤੇ ਸਾਲ 2010-11 ਵਿੱਚ ਹੋਰ ਵਾਧੇ ਨਾਲ 5764 ਕਰੋੜ ਰੁਪਏ ਹੋ ਜਾਣਗੀਆਂ। ਲੇਕਿਨ ਬਿਹਤਰ ਕਰਜ਼ਾ ਪ੍ਰਬੰਧ ਸਦਕਾ ਅਸੀਂ ਇਹ ਕਰਜ਼ਾ ਕੁੱਲ ਰਾਜ ਘਰੇਲੂ ਨਿਸਬਤ ਵਿੱਚ ਸਾਲ 2006-07 ਵਿੱਚ 39.89 ਫੀਸਦੀ ਤੋਂ ਸਾਲ 2008-09 ਵਿੱਚ 34.85 ਫੀਸਦੀ ਤੱਕ ਸੁਧਾਰਨ ਕਰਨ ਦੇ ਕਾਬਲ ਹੋ ਸਕ ਹਾਂ। ਇਸ ਨਿਸਬਤ ਵਿੱਚ ਇਹ 31.3.2010 ਤੱਕ 33.75 ਫੀਸਦੀ ਤੱਕ ਸੁਧਾਰ ਹੋਣ ਅਤੇ 2010-11 ਦੇ ਆਖ਼ੀਰ ਤੱਕ ਹੋਰ ਵੀ 32.85 ਫੀਸਦੀ ਤੱਕ ਸੁਧਾਰ ਹੋ ਜਾਣ ਦੀ ਉਮੀਦ ਹੈ। ਉਨ੍ਹਾਂ ਕਰਜ਼ੇ ਬਾਰੇ ਵਿਸਥਾਰ ‘ਚ ਜ਼ਿਕਰ ਕਰਦਿਆਂ ਕਿਹਾ ਕਿ ਸਾਲ 2007-08 ਤੋਂ ਬਾਅਦ ਬਾਰ੍ਹਵੇਂ ਵਿੱਤ ਕਮਿਸ਼ਨ ਨੇ ਸੂਬੇ ਲਈ ਮਾਲੀ ਘਾਟੇ ਦੀ ਪੂਰਤੀ ਲਈ ਕਿਸੇ ਗਰਾਂਟ ਦੀ ਸਿਫਾਰਿਸ਼ ਨਹੀਂ ਸੀ ਕੀਤੀ। ਪੰਜਵੇਂ ਪੰਜਾਬ ਤਨਖਾਹ ਕਮਿਸ਼ਨ ਦੀਆਂ ਸਿਫਾਰਿਸ਼ਾਂ ਨੂੰ ਲਾਗੂ ਕਰਨ ਨਾਲ ਸੂਬੇ ਦੇ ਵਸੀਲਿਆਂ ‘ਤੇ ਹੋਰ ਦਬਾਅ ਪਿਆ ਹੈ। ਉਨ੍ਹਾਂ ਦੱਸਿਆ ਕਿ ਸਾਲ 2007-08 ਵਿੱਚ 3823.24 ਕਰੋੜ ਰੁਪਏ (ਕੁੱਲ ਘਰੇਲੂ ਉਤਪਾਦ ਦਾ 2.65 ਫੀਸਦੀ) ਦੇ ਮੁਕਾਬਲੇ ਸਾਲ 2008-09 ਵਿੱਚ ਮਾਲੀ ਘਾਟਾ 3856.20 ਕਰੋੜ ਰੁਪਏ (ਕੁੱਲ ਘਰੇਲੂ ਉਤਪਾਦ ਦਾ 2.33 ਫੀਸਦੀ) ਸੀ। ਸਾਲ 2009-10 ਵਿੱਚ ੍ਰਮਾਲੀ ਘਾਟਾ 4233.92 ਕਰੋੜ ਰੁਪਏ (ਕੁੱਲ ਘਰੇਲੂ ਉਤਪਾਦ ਦਾ 2.20 ਫੀਸਦੀ) ਪੇਸ਼ ਕੀਤਾ ਗਿਆ। ਲੇਕਿਨ, ਸਾਲ 2009-10 (ਸੋਧੇ ਅਨੁਮਾਨ ) ਮੁਤਾਬਿਕ ਸੂਬੇ ਦਾ ਮਾਲੀ ਘਾਟਾ 4151.51 ਕਰੋੜ ਰੁਪਏ (ਕੁੱਲ ਘਰੇਲੂ ਉਤਪਾਦ ਦਾ 2.16 ਫੀਸਦੀ) ਹੋਣ ਦੀ ਉਮੀਦ ਹੈ। ਵਿੱਤ ਮੰਤਰੀ ਨੇ ਕਿਹਾ ਕਿ ਸਾਲ 2010-11 (ਬਜਟ ਅਨੁਮਾਨ) 3787.33 ਕਰੋੜ ਰੁਪਏ (ਕੁੱਲ ਘਰੇਲੂ ਉਤਪਾਦ ਦਾ 1.75 ਫੀਸਦੀ) ਮਾਲੀ ਘਾਟਾ ਪੇਸ਼ ਕਰਦਾ ਹੈ। ਵਿੱਤ ਮੰਤਰੀ ਨੇ ਮੰਨਿਆ ਕਿ ਸੂਬੇ ਦਾ ਮਾਲੀ ਘਾਟਾ ਪ੍ਰਤੱਖ ਰੂਪ ਵਿੱਚ ਵਧੇਰੇ ਹੈ, ਜੋ ਕਿ ਮੁੱਢਲੇ ਤੌਰ ‘ਤੇ ਤਨਖਾਹਾਂ, ਪੈਨਸ਼ਨਾਂ ਅਤੇ ਵਧੇਰੇ ਕਰਜ਼ਾ ਚੁਕਾਉਣ ਕਾਰਨ ਹੈ। ਕਿਸੇ ਵੇਲੇ ਨੰਬਰ ਇੱਕ ਸੂਬਾ ਕਹਾਉਣ ਵਾਲਾ ਪੰਜਾਬ ਹੁਣ ਕਿਵੇਂ ਹੇਠਾਂ ਵੱਲ ਨੂੰ ਜਾ ਰਿਹਾ ਹੈ, ਇਸ ਦਾ ਅੰਦਾਜ਼ਾ ਸੂਬੇ ਦੀ ਪਿਛਲੇ ਸਾਲਾਂ ਦੀ ਵਿਕਾਸ ਦਰ ਤੋਂ ਲਗਾਇਆ ਜਾ ਸਕਦਾ ਹੈ। ਵਿਕਾਸ ਦਰ ਬਾਰੇ ਵਿੱਤ ਮੰਤਰੀ ਨੇ ਕਿਹਾ ਕਿ ਪਿਛਲੇ ਮਾਲੀ ਸਾਲ ਸਾਡੇ ਲਈ ਵੰਗਾਰ ਵਾਲਾ ਵਰ੍ਹਾ ਸੀ। ਆਲਮੀ ਮੰਦੀ ਅਤੇ ਕੌਮੀ ਅਰਥਚਾਰੇ ਦੀ ਸੁਸਤ ਰਫ਼ਤਾਰ ਦੇ ਅਸਰਾਤ ਮਹਿਸੂਸ ਕੀਤੇ ਜਾ ਰਹੇ ਸਨ, ਜਿਸ ਕਾਰਨ ਸੂਬੇ ਦੇ ਅਰਥਚਾਰੇ ਅਤੇ ਵਿੱਤ ‘ਤੇ ਦਬਾਅ ਸੀ। ਪਿਛਲੇ ਕਈ ਸਾਲਾਂ ਤੋਂ ਸੂਬੇ ਦੇ ਅਰਥਚਾਰੇ ਦਾ ਵਿਕਾਸ ਵੀ ਕੌਮੀ ਅਰਥਚਾਰੇ ਦੀ ਵਿਕਾਸ ਦਰ ਤੋਂ ਘੱਟ ਦਰ ਉਤੇ ਹੁੰਦਾ ਰਿਹਾ ਹੈ, ਜੋ ਕਿ ਸਾਡੇ ਲਈ ਫ਼ਿਕਰ ਦਾ ਸਬੱਬ ਰਿਹਾ ਹੈ। ਦਸਵੀਂ ਪੰਜ ਸਾਲਾ ਯੋਜਨਾ (2002-2007) ਦੌਰਾਨ, ਜਦੋਂ ਮੁਲਕ ਦੀ ਫੀਸਦੀ ਵਿਕਾਸ ਦਰ 7.8 ਸੀ, ਸੂਬੇ ਦੇ ਅਰਥਚਾਰੇ ਦਾ ਵਿਕਾਸ 5.11 ਫੀਸਦੀ ਦੀ ਦਰ ਨਾਲ ਹੋਇਆ। ਗਿਆਰ੍ਹਵੀਂ ਪੰਜ ਸਾਲਾ ਯੋਜਨਾ (2007-12) ਦੇ ਸਮੇਂ ਵਿੱਚ ਯੋਜਨਾ ਕਮਿਸ਼ਨ ਦੀਆਂ ਮਨਸੂਬਾਬੰਦੀਆਂ ਤੋਂ ਇਹ ਇਸ਼ਾਰਾ ਹੋਇਆ ਕਿ ਕੌਮੀ ਅਰਥਚਾਰੇ ਦੀ 9 ਫੀਸਦੀ ਵਿਕਾਸ ਦਰ ਦੇ ਮੁਕਾਬਲੇ ਪੰਜਾਬ 5.9 ਫੀਸਦੀ ਦੀ ਦਰ ਨਾਲ ਵਿਕਾਸ ਕਰੇਗਾ। ਪੰਜਾਬ ਦੇ ਅਰਥਚਾਰੇ ਦਾ ਵਿਕਾਸ 2007-08 ਵਿਚਲੇ 6.9 ਫੀਸਦੀ ਵਿਕਾਸ ਦੇ ਮੁਕਾਬਲੇ 2008-09 ਵਿੱਚ 6.4 ਫੀਸਦੀ ਸੀ। ਫਿਰ ਵੀ ਸਮੁੱਚੇ ਤੌਰ ‘ਤੇ ਭਾਰਤ ਨੇ 2007-08 ਵਿਚਲੇ 9.0 ਫੀਸਦੀ ਦੇ ਵਿਕਾਸ ਦੇ ਮੁਕਾਬਲੇ 2008-09 ਵਿੱਚ 6.7 ਫੀਸਦੀ ਦੀ ਦਰ ਨਾਲ ਵਿਕਾਸ ਕੀਤਾ। ਸੂਬੇ ਲਈ ਸਾਲ 2009-10 ਵਾਸਤੇ ਐਡਵਾਂਸ ਐਸਟੀਮੇਟਸ ਕੌਮੀ ਅਰਥਚਾਰੇ ਦੇ 7.2 ਫੀਸਦੀ ਦੇ ਮੁਕਾਬਲੇ 6.7 ਫੀਸਦੀ ਦੀ ਦਰ ਨਾਲ ਰੱਖੇ ਗਏ ਹਨ। ਵਿੱਤ ਮੰਤਰੀ ਨੇ ਅੱਗੇ ਦੱਸਿਆ ਕਿ ਸੂਬੇ ਦੀ ਆਪਣੀ ਕਰ ਮਾਲ-ਆਮਦਨ ਦੀ ਵਿਕਾਸ ਦਰ ਸਾਲ 2006-07 ਵਿੱਚ 0.31 ਫੀਸਦੀ ਤੋਂ ਵੱਧ ਕੇ 2007-08 ਵਿੱਚ 9.78 ਫੀਸਦੀ ਅਤੇ ਅੱਗੇ ਚੱਲ ਕੇ 2008-09 ਵਿੱਚ 12.64 ਫੀਸਦੀ ਹੋ ਗਈ। ਸਾਲ 2009-10 (ਸੋਧੇ ਅਨੁਮਾਨ) ਦੇ ਮੁਤਾਬਕ ਸੂਬੇ ਦੀ ਆਪਣੀ ਮਾਲ-ਆਮਦਨ 24.27 ਫੀਸਦੀ ਹੋਣ ਦੀ ਸੰਭਾਵਨਾ ਹੈ। ਸਾਲ 2010-11 ਦੇ ਬਜਟ ਅਨੁਮਾਨ 17.69 ਫੀਸਦੀ ਦੀ ਵਿਕਾਸ ਦਰ ਦੀ ਮਨਸੂਬਾਬੰਦੀ ਪੇਸ਼ ਕਰਦੇ ਹਨ। ਉਨ੍ਹਾਂ ਕਿਹਾ ਕਿ ਸੂਬੇ ਦੇ ਕੁੱਲ ਘਰੇਲੂ ਉਤਪਾਦ ਨਾਲ ਸੂਬੇ ਦੇ ਕਰ ਮਾਲੀਏ ਦੀ ਨਿਸਬਤ ਸਾਲ 2009-10 (ਸੋਧੇ ਅਨੁਮਾਨ) ਵਿੱਚ 7.20 ਫੀਸਦੀ ਤੋਂ ਵੱਧ ਕੇ ਸਾਲ 2010-11 ਦੇ ਬਜਟ ਅਨੁਮਾਨਾਂ ਮੁਤਾਬਕ 7.54 ਫੀਸਦੀ ਹੋਣ ਦੀ ਉਮੀਦ ਹੈ।
ਬਜਟ ‘ਤੇ ਬੋਲਦਿਆਂ ਵਿੱਤ ਮੰਤਰੀ ਨੇ ਕਿਹਾ ਕਿ ਪੌਣ-ਪਾਣੀ ਦੀਆਂ ਤਬਦੀਲੀਆਂ ਪੰਜਾਬ ਲਈ ਇੱਕ ਵੱਡੀ ਚੁਣੌਤੀ ਹੈ ਅਤੇ ਇਸ ਲਈ ਆਬ-ਓ-ਹਵਾ ਦੀਆਂ ਤਬਦੀਲੀਆਂ ਨੂੰ ਮੁਖਾਤਿਬ ਹੋਣਾ ਸਾਡੀ ਬਜਟ ਕਾਰਜ-ਨੀਤੀ ਦਾ ਅਹਿਮ ਮੁੱਦਾ ਹੈ। ਵਿੱਤ ਮੰਤਰੀ ਨੇ ਸਾਲ 2010-11 ਦੀ ਸਲਾਨਾ ਯੋਜਨਾ ਲਈ ਪਲਾਨ ਤਜਵੀਜ਼ਾਂ ਪੇਸ਼ ਕਰਦਿਆਂ ਦੱਸਿਆ ਕਿ ਸਰਕਾਰ ਨੇ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਲਈ ਪਿਛਲੇ ਸਾਲ ਦੇ 20 ਕਰੋੜ ਰੁਪਏ ਦੇ ਮੁਕਾਬਲੇ ਸਾਲ 2010 ਵਿੱਚ 105 ਕਰੋੜ ਰੁਪਏ ਦਾ ਇਜ਼ਾਫਾ ਕੀਤਾ ਹੈ। ਖੇਤੀਬਾੜੀ ਅਤੇ ਮੁਤੱਲਿਕਾ ਸ਼ੋਅਬਿਆਂ ਵਾਸਤੇ 331 ਕਰੋੜ ਰੁਪਏ ਦਾ ਖ਼ਰਚਾ ਰੱਖਿਆ ਗਿਆ ਹੈ। ਜਿਸ ਦੇ ਤਹਿਤ ਫਸਲ ਕਾਸ਼ਤਕਾਰੀ ਵਾਸਤੇ 107 ਕਰੋੜ ਰੁਪਏ, ਖੇਤੀਬਾੜੀ ਖੋਜ ਅਤੇ ਸਿੱਖਿਆ ਵਾਸਤੇ 105 ਕਰੋੜ, ਪਸ਼ੂ ਪਾਲਣ ਵਾਸਤੇ 47 ਕਰੌੜ ਰੁਪਏ, ਭੌ ਅਤੇ ਜਲ ਸੰਭਾਲ ਵਾਸਤੇ 32 ਕਰੋੜ, ਡੇਅਰੀ ਵਿਕਾਸ, ਮੱਛੀ ਪਾਲਣ ਤੇ ਸਹਿਕਾਰਤਾ ਵਾਸਤੇ 27 ਕਰੋੜ, ਜੰਗਲਾਤ ਅਤੇ ਜੰਗਲੀ ਜੀਵ ਵਾਸਤੇ 13 ਕਰੋੜ, ਦੇ ਫੰਡ ਰੱਖੇ ਗਏ ਹਨ। ਉਨ੍ਹਾਂ ਦੱਸਿਆ ਕਿ ਸਿਹਤ ਤੇ ਡਾਕਟਰੀ ਸਿੱਖਿਆ ਵਾਸਤੇ ਇਸ ਸਾਲ ਐਨ. ਆਰ. ਐਚ. ਐਮ. ਸਮੇਤ 417 ਕਰੋੜ ਰੁਪਏ ਦੀ ਰਕਮ ਮਖ਼ਸੂਸ ਕੀਤੀ ਗਈ ਹੈ। ਇਸ ਦੇ ਨਾਲ ਕੌਮੀ ਪੇਂਡੂ ਸਿਹਤ ਮਿਸ਼ਨ ਦੇ ਲਈ ਖ਼ਰਚਾ 250 ਕਰੋੜ ਰੁਪਏ ਤੋਂ ਵਧਾ ਕੇ 315 ਕਰੋੜ ਰੁਪਏ ਕਰ ਦਿੱਤਾ ਗਿਆ ਹੈ। ਸ਼ਹਿਰੀ ਸਿਹਤ ਬੁਨਿਆਦੀ ਢਾਂਚੇ ਦੇ ਸੁਧਾਰ ਲਈ 36 ਕਰੋੜ ਰੱਖੇ ਗਏ ਹਨ। ਮੈਡੀਕਲ ਸਿੱਖਿਆ ਵਿਭਾਗ ਲਈ 43 ਕਰੋੜ ਰੁਪਏ ਰੱਖਣ ਦੀ ਤਜਵੀਜ਼ ਰੱਖੀ ਗਈ ਹੈ।
ਵਿੱਤ ਮੰਤਰੀ ਨੇ ਕਿਹਾ ਕਿ ਸਮਾਜਿਕ ਸੁਰੱਖਿਆ ਦਾ 746 ਕਰੋੜ ਰੁਪਏ ਦਾ ਖ਼ਰਚਾ ਹੈ। ਮਹੀਨਾਵਾਰ ਬੁਢਾਪਾ ਅਤੇ ਹੋਰ ਪੈਨਸ਼ਨਾਂ ਵਾਸਤੇ ਸਮਾਜਿਕ ਸੁਰੱਖਿਆ ਫੰਡ ਵੱਲ 536 ਕਰੋੜ ਰੁਪਏ ਦਾ ਪ੍ਰਬੰਧ ਹੈ। ਅਨੁਸੂਚਿਤ ਜਾਤੀਆਂ, ਪੱਛੜੀਆਂ ਸ਼੍ਰੇਣੀਆਂ ਦੀ ਭਲਾਈ ਬਾਰੇ ਗੱਲ ਕਰਦਿਆਂ ਵਿੱਤ ਮੰਤਰੀ ਨੇ ਕਿਹਾ ਕਿ ਸੂਬੇ ਵਿਚਲੀ ਅਨੁਸੂਚਿਤ ਜਾਤੀ ਵਸੋਂ ਦੀ ਨਿਸਬਤ ਵਿੱਚ 2611 ਕਰੋੜ ਰੁਪਏ ਦੀ ਰਾਖਵੀਂ ਰਕਮ ਦੀ ਪਲਾਨ ਦਾ 29 ਫੀਸਦੀ ਹਿੱਸਾ, ਅਨੁਸੂਚਿਤ ਜਾਤੀਆਂ ਸਬ ਪਲਾਨ ਬਣਦਾ ਹੈ, ਜਿਸ ਵਿੱਚ 159 ਕਰੋੜ ਰੁਪਏ ਦਾ ਖ਼ਰਚਾ, ਜੋ ਪ੍ਰਾਇਮਰੀ ਵਿਦਿਆਰਥੀਆਂ ਨੂੰ ਹਾਜ਼ਰੀ ਵਜ਼ੀਫਿਆਂ, ਸਕੂਲੇ ਬਸਤੇ, ਵਰਦੀਆਂ ਆਦਿ ਸਮੇਤ ਭਵਨ ਬਗੈਰਾਂ ਬਣਾਉਣ ਲਈ ਰੱਖਿਆ ਗਿਆ ਹੈ। ਔਰਤਾਂ ਦੇ ਨਾਵੇਂ ਜਾਇਦਾਦਾਂ ਦਾ ਇੰਤਕਾਲ ਕਰਨ ਲਈ ਅਸ਼ਟਾਮ ਡਿਊਟੀ 4.4 ਫੀਸਦੀ ਤੋਂ ਘਟਾ ਕੇ 3 ਫੀਸਦੀ ਕਰ ਦਿੱਤੀ ਗਈ ਹੈ। ਬਜਟ ਵਿੱਚ ਦਿਹਾਤੀ ਵਿਕਾਸ ਮਹਿਕਮੇ ਲਈ ਖ਼ਰਚਾ ਸਾਲ 2010-11 ਵਾਸਤੇ ਵਧਾਅ ਦਿੱਤਾ ਗਿਆ ਹੈ। ਜਿਸ ਦੇ ਤਹਿਤ ਮਹਾਤਮਾ ਗਾਂਧੀ ਕੌਮੀ ਪੇਂਡੂ ਰੁਜ਼ਗਾਰ ਗਾਰੰਟੀ ਸਕੀਮ ਵਾਸਤੇ ਮੌਜ਼ੂਦਾ ਸਾਲ ਲਈ 200 ਕਰੋੜ ਰੁਪਏ ਦੇ ਮੁਕਾਬਲੇ 600 ਕਰੋੜ ਰੁਪਏ, ਇੰਦਰਾ ਆਵਾਸ ਯੋਜਨਾ ਦੇ ਤਹਿਤ 72 ਕਰੋੜ ਰੁਪਏ। ਮੈਦਾਨੀ ਇਲਾਕਿਆਂ ਲਈ ਮਕਾਨ ਉਸਾਰੀ ਦੇ ਇਕਾਈ ਖ਼ਰਚੇ ਵਿੱਚ 35,000 ਰੁਪਏ ਤੋਂ 45,000 ਰੁਪਏ ਵਾਧੇ ਦੀ ਤਜਵੀਜ਼ ਹੈ। ਇਸ ਤੋਂ ਇਲਾਵਾ ਬੰਜਰ ਰਕਬੇ ਨੂੰ ਉਪਜਾਊ ਬਣਾਉਣ ਲਈ 42 ਕਰੋੜ ਰੱਖੇ ਗਏ ਹਨ। ਬਜਟ ‘ਚ ਸਿੰਚਾਈ ਸੈਕਟਰ ਤਹਿਤ 645 ਕਰੋੜ ਰੁਪਏ ਦੇ ਖ਼ਰਚ ਨਾਲ ਹੜ੍ਹਾਂ ਅਤੇ ਸੇਮ ਦੇ ਕੰਟਰੋਲ ਦੇ ਨਾਲ-ਨਾਲ ਸਿੰਜਾਈ ਸਮਰੱਥਾ ਵਧਾਉਣ ਵਾਸਤੇ ਨਹਿਰਾਂ ਦੀ ਪਾਣੀ-ਵਰਤੋਂ ਵਧਾਉਣ ਲਈ ਰੱਖੇ ਗਏ ਹਨ। ਇਸ ਤਹਿਤ ਵੱਖ-ਵੱਖ ਨਹਿਰਾਂ ਨੂੰ ਮੁੜ ਪੱਕਾ ਕੀਤਾ ਜਾਵੇਗਾ। ਵਿੱਤ ਮੰਤਰੀ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਨੇ ਆਪਣੇ ਸੂਬੇ ਨੂੰ ਇੱਕ ਬਿਜਲੀ ਵਾਫ਼ਰ ਸੂਬਾ ਬਣਾਉਣ ਲਈ ਇਸ ਵਿੱਚ ਬਿਜਲੀ ਸਮਰੱਥਾ ਪੈਦਾ ਕਰਨ ਦੇ ਇੱਕ ਉਤਸ਼ਾਹਜਨਕ ਮਨਸੂਬੇ ਦੀ ਸ਼ੁਰੂਆਤ ਕੀਤੀ ਹੈ। 3300 ਕਰੋੜ ਰੁਪਏ ‘ਤੇ, ਬਿਜਲੀ ਸੈਕਟਰ ਲਈ ਖ਼ਰਚਾ ਕੁੱਲ ਮਨਸੂਬੇ ਦਾ 35 ਫੀਸਦੀ ਬਣਦਾ ਹੈ। 1980 ਮੈਗਾਵਾਟ ਤਲਵੰਡੀ ਸਾਬੋ, 540 ਮੈਗਾਵਾਟ ਗੋਇੰਦਵਾਲ ਸਾਹਿਬ ਥਰਮਲ ਪਾਵਰ ਪਲਾਂਟ ਅਤੇ 1320 ਮੈਗਾਵਾਟ ਰਾਜਪੁਰਾ ਥਰਮਲ ਪਾਵਰ ਪਲਾਂਟ ਦਾ ਕੰਮ ਚੱਲ ਰਿਹਾ ਹੈ। ਤਿੰਨੇ ਪ੍ਰਾਜੈਕਟਾਂ ਨੂੰ ਨਿੱਜੀ ਸੈਕਟਰ ਵਿੱਚ ਕਾਇਮ ਕੀਤਾ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ, ਅਲਟਰਾ ਮੈਗਾ ਪਾਵਰ ਪ੍ਰਾਜੈਕਟਾਂ ਤੋਂ 2303 ਮੈਗਾਵਾਟ ਦੇ ਬਿਜਲੀ ਖ਼ਰੀਦ ਇਕਰਾਰਨਾਮਿਆਂ ਉਤੇ ਦਸਤਖ਼ਤ ਕੀਤੇ ਜਾ ਚੁੱਕੇ ਹਨ। ਵਿੱਤੀ ਮੰਤਰੀ ਨੇ ਕਿਹਾ ਕਿ 168 ਮੈਗਾਵਾਟ ਵਾਲੇ ਸ਼ਾਹਪੁਰ ਕੰਡੀ ਹਾਈਡਲ ਪ੍ਰਾਜੈਕਟ ਨੂੰ ਇੱਕ ਕੌਮੀ ਪ੍ਰਾਜੈਕਟ ਐਲਾਨਿਆ ਜਾ ਚੁੱਕਾ ਹੈ, ਜੋ ਕਿ ਸਾਲ 2014-15 ਤੱਕ ਮੁਕੰਮਲ ਹੋ ਜਾਵੇਗਾ। ਇਸ ਦਾ ਮਤਲਬ ਇਹ ਹੈ ਕਿ 2680 ਕਰੋੜ ਰੁਪਏ ਦੀ ਕੁੱਲ ਪ੍ਰਾਜੈਕਟ ਲਾਗਤ ਦੀ 90 ਫੀਸਦੀ ਰਕਮ ਲਈ ਵਿੱਤ ਭਾਰਤ ਸਰਕਾਰ ਵੱਲੋਂ ਜੁਟਾਇਆ ਜਾਵੇਗਾ। ਵਿੱਤ ਮੰਤਰੀ ਨੇ ਦੱਸਿਆ ਕਿ ਪੰਜਾਬ ਰਾਜ ਬਿਜਲੀ ਬੋਰਡ ਵੱਲੋਂ ਸਾਲ 2010-11 ਵਿੱਚ ਵੱਖ-ਵੱਖ ਪ੍ਰਾਜੈਕਟ ਲਗਾਉਣ ਦੀ ਤਜਵੀਜ਼ ਉਲੀਕੀ ਗਈ ਹੈ ਅਤੇ ਬਿਜਲੀ ਸੁਧਾਰਾਂ ਲਈ ਤਕਰੀਬਨ 1200 ਕਰੋੜ ਰੁਪਏ ਦੀ ਲਾਗਤ ਦੀ ਤਜਵੀਜ਼ ਰੱਖੀ ਗਈ ਹੈ। ਇਸ ਨਾਲ 1000 ਮੈਗਾਵਾਟ ਬਿਜਲੀ ਦੀ ਮੰਗ ਘਟਣ ਦੀ ਉਮੀਦ ਹੈ। ਬਜਟ ਵਿੱਚ ਟਰਾਂਸਪੋਰਟ ਖੇਤਰ ਤਹਿਤ ਪਟਿਆਲਾ ਵਿਖੇ ਬੱਸ ਸਟੈਂਡ ਦੇ ਪ੍ਰਾਜੈਕਟ ਲਈ 200 ਕਰੋੜ ਰੁਪਏ ਰਾਖਵੇਂ ਰੱਖੇ ਗਏ ਹਨ ਅਤੇ ਬਠਿੰਡਾ ਵਿਖੇ ਬੱਸ ਸਟੈਂਡ ਲਈ ਮੌਜ਼ੂਦਾ ਸਾਲ ਦੌਰਾਨ ਰਾਖਵੇਂ ਰੱਖੇ ਜਾਣ ਦਾ ਮਨਸੂਬਾ ਹੈ। ਵਿੱਤ ਮੰਤਰੀ ਨੇ ਦੱਸਿਆ ਕਿ ਸਰਕਾਰ ਇੱਕ ਪੜਾਅਵਾਰ ਤਰੀਕੇ ਨਾਲ ਬੱਸ ਸਟੈਂਡਾਂ ਦਾ ਆਧੁਨਿਕੀਕਰਨ ਕਰ ਰਹੀ ਹੈ। ਅੰਮ੍ਰਿਤਸਰ, ਜਲੰਧਰ ਅਤੇ ਲੁਧਿਆਣੇ ਵਿੱਚ ਪਹਿਲਾਂ ਹੀ ਨਵੇਂ ਬੱਸ ਸਟੈਂਡ ਉਸਾਰੇ ਜਾ ਚੁੱਕੇ ਹਨ। ਹੁਸ਼ਿਆਰਪੁਰ ਵਿਖੇ 7 ਕਰੋੜ ਰੁਪਏ ਦੀ ਲਾਗਤ ਨਾਲ ਬੱਸ ਸਟੈਂਡ ਮੁਕੰਮਲ ਹੋਣ ਅਧੀਨ ਹੈ। 200 ਕਰੋੜ ਰੁਪਏ ਦੀ ਲਾਗਤ ਨਾਲ ਮੋਹਾਲੀ ਵਿਖੇ ਸਮੁੱਚੇ ਬੱਸ ਸਟੈਂਡ ਕੰਪਲੈਕਸ ਦਾ ਕੰਮ ਚੱਲ ਰਿਹਾ ਹੈ। ਸਾਲ 2009-10 ਦੌਰਾਨ ਮੁਸਾਫਰਾਂ ਨੂੰ 40.20 ਕਰੋੜ ਰੁਪਏ ਦੀ ਮੁਫਤ, ਰਿਆਇਤੀ ਯਾਤਰਾ ਕਰਨ ਦੀ ਸਹੂਲਤ ਦਿੱਤੀ ਗਈ ਹੈ ਅਤੇ ਸਾਲ 2010-11 ਦੌਰਾਨ ਇਸ ਦੇ ਮੁਕਾਬਲੇ 40.80 ਕਰੋੜ ਰੁਪਏ ਮੁਹੱਈਆ ਕੀਤੇ ਗਏ ਹਨ।
ਸਨਅਤੀ ਵਿਕਾਸ ਲਈ ਰੱਖੇ ਗਏ ਬਜਟ ਬਾਰੇ ਦੱਸਦਿਆਂ ਵਿੱਤ ਮੰਤਰੀ ਨੇ ਕਿਹਾ ਕਿ ਮੋਹਾਲੀ ਵਿਖੇ ਐਨ. ਆਈ. ਆਈ. ਐਫ. ਟੀ. ਦੀ ਇਮਾਰਤ ਮੁਕੰਮਲ ਕਰਨ ਲਈ ਅਤੇ ਉਦਯੋਗਿਕ ਬੁਨਿਆਦੀ ਢਾਂਚੇ ਦਾ ਸੁਧਾਰ ਕਰਨ ਲਈ 32 ਕਰੋੜ ਰੁਪਏ ਮੁਹੱਈਆ ਕਰਵਾਏ ਜਾ ਰਹੇ ਹਨ। ਗਿਆਨ ਅਧਾਰਤ ਸੱਨਅਤਾਂ ਲਈ ਮੁਨਾਸਬ ਜ਼ਮੀਨ ਮੁਹੱਈਆ ਕਰਵਾਉਣ ਲਈ ਸੂਬਾ ਸਰਕਾਰ ਨੇ ਰਾਜਪੁਰਾ ਵਿਖੇ 1276 ਏਕੜ ਅਤੇ ਜ਼ਿਲ੍ਹਾ ਕਪੂਰਥਲਾ ਦੇ ਪਿੰਡ ਝੱਲ ਠੀਕਰੀਵਾਲਾ ਵਿਖੇ 226 ਏਕੜ ਜ਼ਮੀਨ ਉਪਰ ਫੈਲੇ ਦੋ ਆਤਮ ਨਿਰਭਰ ਸਾਂਝੀ ਵਰਤੋਂ ਵਾਲੇ ਅਤੇ ਇੰਟੇਗ੍ਰੇਟਿਡ ਇਨਫ਼ਾਰਮੇਸ਼ਨ ਤਕਨਾਲੋਜੀ ਅਤੇ ਨਾਲੇਜ ਇੰਡਸਟਰੀ ਪਾਰਕ ਬਣਾਉਣ ਦਾ ਫੈਸਲਾ ਕੀਤਾ ਹੈ। ਬਜਟ ‘ਚ ਕਲਾ ਅਤੇ ਸੱਭਿਆਚਾਰ ਲਈ ਸਾਲ 2010-11 ਲਈ 82 ਕਰੋੜ ਰੁਪਏ ਦੇ ਫੰਡ ਰੱਖੇ ਗਏ ਹਨ। ਜਿਨ੍ਹਾਂ ਤਹਿਤ ਖਾਲਸਾ ਹੈਰੀਟੇਜ ਕੰਪਲੈਕਸ ਲਈ 61 ਕਰੋੜ ਰੁਪਏ ਸਹਾਇਤਾ ਗਰਾਂਟ ਅਤੇ 15 ਕਰੋੜ ਰੁਪਏ ਦੀ ਮੂਲ ਰਕਮ (ਕਾਰਪਸ ਫੰਡ) , ਸਮਾਰਕਾਂ ਅਤੇ ਕਲਾ ਅਕਾਦਮੀਆਂ ਲਈ 3.5 ਕਰੋੜ ਰੁਪਏ ਰੱਖੇ ਗਏ ਹਨ। ਸੈਰ ਸਪਾਟ ਲਈ ਸਟੇਟ ਮਾਸਟਰ ਪਲਾਨ ਏ. ਡੀ. ਬੀ. ਦੀ ਮਦਦ ਨਾਲ 577 ਕਰੋੜ ਰੁਪਏ ਦੀ ਲਾਗਤ ਨਾਲ ਯੋਜਨਾ ਅਮਲ ਵਿੱਚ ਲਿਆਂਦੇ ਜਾਣ ਦਾ ਪ੍ਰਸਤਾਵ ਹੈ। ਧਾਰਮਿਕ ਸਥਾਨਾਂ ਨਾਲ ਜੁੜੇ ਸਰਕਟਾਂ ਦੇ ਵਿਕਾਸ ਲਈ ਅਗਲੇ ਦੋ ਸਾਲਾਂ ਵਿੱਚ 47 ਕਰੋੜ ਰੁਪਏ ਖ਼ਰਚ ਕੀਤੇ ਜਾਣਗੇ। ਪੰਜਾਬ ਹੈਰੀਟੇਜ ਅਤੇ ਟੂਰਿਜ਼ਮ ਪ੍ਰਮੋਸ਼ਨ ਬੋਰਡ ਇੱਕ ਕੇਂਦਰੀ ਏਜੰਸੀ ਵਜੋਂ 30 ਕਰੋੜ ਰੁਪਏ ਵਾਲਾ ਇਨਕ੍ਰੇਡੀਬਲ ਇੰਡੀਆ ਪੰਜਾਬ ਲਗਜ਼ਰੀ ਟ੍ਰੇਨ ਪ੍ਰਾਜੈਕਟ ਨੂੰ ਅਮਲ ਵਿੱਚ ਲਿਆ ਰਿਹਾ ਹੈ। ਇੰਸਟੀਚਿਊਟ ਆਫ ਹੋਟਲ ਮੈਨੇਜ਼ਮੈਂਟ, ਬਠਿੰਡਾ ਅਤੇ ਫੂਡ ਕਰਾਫਟ ਇੰਸਟੀਚਿਊਟ, ਹੁਸ਼ਿਆਰਪੁਰ ਲਈ 5 ਕਰੋੜ ਰੁਪਏ ਮੁਹੱਈਆ ਕਰਵਾਏ ਜਾ ਰਹੇ ਹਨ। ਬਜਟ ‘ਚ ਸਾਲ 2010-11 ‘ਚ ਸੜਕ ਸੈਕਟਰ ਲਈ 1100 ਕਰੋੜ ਰੁਪਏ ਤੋਂ ਜ਼ਿਆਦਾ ਖ਼ਰਚ ਦੀ ਤਜਵੀਜ਼ ਹੈ। ਇਸੇ ਤਰ੍ਹਾਂ ਬੁਨਿਆਦੀ ਢਾਂਚਾ ਬਣਾਉਣ ਲਈ ਪੀ. ਆਈ. ਡੀ. ਬੀ. ਵੱਲੋਂ ਸਾਲ 2010-11 ਵਿੱਚ 916 ਕਰੋੜ ਰੁਪਏ ਦੀ ਰਕਮ ਦਾ ਪ੍ਰਬੰਧ ਕੀਤਾ ਗਿਆ ਹੈ।
ਦਿਹਾਤੀ ਜਲ-ਸਪਲਾਈ ਅਤੇ ਸਫਾਈ ਲਈ ਸਰਕਾਰ ਦਾ 2012 ਤੱਕ ਸਾਰੀਆਂ ਪੇਂਡੂ ਅਬਾਦੀਆਂ ਨੂੰ ਪੀਣ ਵਾਲਾ ਪਾਣੀ ਮੁਹੱਈਆ ਕਰਨ ਲਈ ਪ੍ਰੋਗਰਾਮ ਵਾਸਤੇ 264 ਕਰੋੜ ਰੁਪਏ ਖ਼ਰਚ ਦੀ ਤਜਵੀਜ਼ ਹੈ। ਸ਼ਹਿਰੀ ਵਿਕਾਸ ਲਈ ਸਥਾਨਕ ਸਰਕਾਰ ਦੇ ਮਹਿਕਮੇ ਵਾਸਤੇ 207 ਕਰੋੜ ਰੁਪਏ ਖ਼ਰਚ ਕਰਨ ਲਈ ਰੱਖੇ ਗਏ ਹਨ। ਵਿੱਤ ਮੰਤਰੀ ਨੇ ਦੱਸਿਆ ਕਿ ਬਜਟ ‘ਚ ਸਿੱਖਿਆ ਖੇਤਰ ਲਈ 2010-11 ਵਿੱਚ ਪਿਛਲੇ ਸਾਲ ਦੇ ਮੁਕਾਬਲੇ 25 ਫੀਸਦੀ ਵਾਧੇ ਨਾਲ 546 ਕਰੋੜ ਰੁਪਏ ਰਾਖਵੇਂ ਰੱਖੇ ਗਏ ਹਨ। ਉਨ੍ਹਾਂ ਦੱਸਿਆ ਕਿ ਸੱਤ ਜ਼ਿਲ੍ਹਿਆਂ ਤੋਂ ਜ਼ਿਆਦਾ ਵਿੱਚ ਫੈਲੇ ਵਿੱਦਿਅਕ ਤੌਰ ‘ਤੇ ਪੱਛੜੇ ਹੋਏ ਬਲਾਕਾਂ ਵਿੱਚ 21 ਨਵੇਂ ਮਾਡਲ ਸਕੂਲ ਅਤੇ ਲੜਕੀਆਂ ਦੇ 21 ਹੋਸਟਲ ਵੀ ਬਣਾਏ ਜਾ ਰਹੇ ਹਨ। ਹਰੇਕ ਦੀ ਪਹੁੰਚ ਵਾਲੀ ਅਤੇ ਮਿਆਰੀ ਸੈਕੰਡਰੀ ਸਿੱਖਿਆ ਲਈ, ਰਾਸ਼ਟਰੀ ਮਾਧਿਆਮਿਕ ਸਿੱਖਿਆ ਅਭਿਆਨ ਦੇ ਤਹਿਤ 70 ਮਿਡਲ ਸਕੂਲਾਂ ਦਾ ਦਰਜਾ ਵਧਾਅ ਕੇ ਉਨ੍ਹਾਂ ਨੂੰ ਸੈਕੰਡਰੀ ਸਕੂਲ ਬਣਾਇਆ ਗਿਆ ਹੈ।
ਬਜਟ ‘ਚ ਪ੍ਰਾਇਮਰੀ ਅਤੇ ਉਚ ਪ੍ਰਾਇਮਰੀ ਸਕੂਲਾਂ ਵਿੱਚ ਬੁਨਿਆਦੀ ਢਾਂਚੇ ਨੂੰ ਵਧੀਆ ਬਣਾਉਣ ਵਾਸਤੇ ਸਰਵ ਸਿੱਖਿਆ ਅਭਿਆਨ ਪ੍ਰੋਗਰਾਮ ਲਈ 355 ਕਰੋੜ ਰੁਪਏ ਰੱਖੇ ਗਏ ਹਨ। ਮਿਡ ਡੇ ਸਕੀਮ ਲਈ 200 ਕਰੋੜ ੁਪਏ, ਜੋ ਕਿ ਸੋਧੇ ਹੋਏ ਨਿਯਮਾਂ ਮੁਤਾਬਕ ਪਿਛਲੇ ਸਾਲ ਦੀ ਰਾਖਵੀਂ ਰਕਮ ਤੋਂ 67 ਫੀਸਦੀ ਵੱਧ ਹੈ, ਸੈਕੰਡਰੀ ਸਕੂਲਾਂ ਲਈ 120 ਕਰੋੜ ਰੁਪਏ, ਐਜੂਸੈਟ ਪ੍ਰੋਗਰਾਮ ਦੇ ਤਹਿਤ 79 ਕਰੋੜ ਰੁਪਏ, ਆਈ. ਸੀ. ਪ੍ਰਾਜੈਕਟ ਅਧੀਨ 75 ਕਰੋੜ ਰੁਪਏ, ਵਿੱਦਿਅਕ ਤੌਰ ਤੇ ਪੱਛੜੇ ਜ਼ਿਲ੍ਹਿਆਂ ਵਿੱਚ 21 ਮਾਡਲ ਸਕੂਲ ਬਣਾਉਣ ਲਈ 60 ਕਰੋੜ ਰੁਪਏ, ਸੈਕੰਡਰੀ ਅਤੇ ਸੀਨੀਅਰ ਸੈਕੰਡਰੀ ਸਕੂਲਾਂ ਵਿੱਚ ਲੜਕੀਆਂ ਦੇ 21 ਹੋਸਟਲਾਂ ਦੀ ਉਸਾਰੀ ਲਈ 40 ਕਰੋੜ ਰੁਪਏ, ਸਾਕਰਸ਼ ਭਾਰਤ ਮਿਸ਼ਨ ਲਈ 2012 ਵਾਸਤੇ 4 ਕਰੋੜ ਰੱਖੇ ਗਏ ਹਨ। ਵਿੱਤ ਮੰਤਰੀ ਨੇ ਦੱਸਿਆ ਕਿ ਸਰਕਾਰ ਨੇ ਪਾਰਟ ਟਾਈਮ ਰੱਖੇ ਉਰਦੂ ਅਧਿਆਪਕਾਂ ਦਾ ਮਾਣ ਭੱਤਾ 500 ਰੁਪਏ ਤੋਂ ਵਧਾਅ ਕੇ 2500 ਰੁਪਏ ਕਰ ਦਿੱਤਾ ਹੈ।
ਉਚੇਰੀ ਸਿੱਖਿਆ ਵਾਸਤੇ ਸਾਲ 2010-11 ਦੀ ਸਲਾਨਾ ਯੋਜਨਾ ਵਿੱਚ 51 ਕਰੋੜ ਰੁਪਏ ਰੱਖੇ ਗਏ ਹਨ, ਤਿੰਨ ਯੂਨੀਵਰਸਿਟੀਆਂ ਲਈ ਸਹਾਇਤਾ ਗਰਾਂਟ ਵਿੱਚ 22 ਫੀਸਦੀ ਵਾਧਾ ਕਰਕੇ ਇਸ ਨੂੰ 63.67 ਕਰੋੜ ਰੁਪਏ ਤੋਂ ਵਧਾਅ ਕੇ 77.75 ਕਰੋੜ ਰੁਪਏ ਕਰ ਦਿਤਾ ਹੈ। ਇਸ ਦੇ ਤਹਿਤ 13 ਮਾਡਲ ਡਿਗਰੀ ਕਾਲਜਾਂ ਲਈ 30 ਕਰੋੜ ਰੁਪਏ, ਰਾਜੀਵ ਗਾਂਧੀ ਨੈਸ਼ਨਲ ਯੂਨੀਵਰਸਿਟੀ ਆਫ਼ ਲਾਅ ਲਈ 20 ਕਰੋੜ ਰੁਪਏ, ਸੁਨਾਮ ਮੋਹਾਲੀ, ਸਰਦੂਲਗੜ੍ਹ ਦੇ ਸਰਕਾਰੀ ਕਾਲਜਾਂ ਅਤੇ ਹੋਮ ਸਾਇੰਸ ਕਾਲਜ, ਕਾਉਣੀ ਤੇ ਮੁਕਸਤਰ ਲਈ 10 ਕਰੋੜ ਰੁਪਏ ਰੱਖੇ ਗਏ ਹਨ। ਇਸੇ ਤਰ੍ਹਾਂ ਬਜਟ ‘ਚ ਖੇਡਾਂ ਅਤੇ ਯੁਵਕ ਸੇਵਾਵਾਂ ਤਹਿਤ ਵੱਖ-ਵੱਖ ਪ੍ਰੋਗਰਾਮਾਂ ਵਾਸਤੇ ਸਲਾਨਾ ਯੋਜਨਾ ਵਿੱਚ 29 ਕਰੋੜ ਰੁਪਏ ਰੱਖਣ ਦੀ ਤਜਵੀਜ਼ ਹੈ। ਬਜਟ ਵਿੱਚ ਪੰਜਾਬ ਦੇ ਵਾਤਾਵਰਣ ਅਤੇ ਮੌਸਮ ਤਬਦੀਲੀ ਲਈ ਸਰਕਾਰ ਨੇ ਸਾਲ 2010-11 ਵਿੱਚ ਬੁੱਢਾ ਨਾਲਾ ਅਤੇ ਪਵਿੱਤਰ ਵੇਂਈ ਦੀ ਸਫਾਈ ਲਈ 12 ਕਰੋੜ ਰੁਪਏ ਦੀ ਵਾਧੂ ਰਕਮ ਖ਼ਰਚ ਕਰਨ ਦੀ ਤਜਵੀਜ਼ ਰੱਖੀ ਹੈ। ਸਤਲੁਜ ਅਤੇ ਘੱਗਰ ਦਰਿਆ ਦੀ ਸਫਾਈ ਲਈ ਸਾਲ 2010-11 ਲਈ 135 ਕਰੋੜ ਰੁਪਏ ਦੀ ਰਾਸ਼ੀ ਰੱਖੀ ਗਈ ਹੈ

ਵੱਧੇ ਹਾਊਸ ਟੈਕਸ ਕਾਰਨ ਸਿਆਸਤ ਗਰਮਾਈ, ਸਾਰੇ ਵਪਾਰੀਆ ਨੂੰ ਲੱਗੇ ਰੁਝਾਉਣ ਚ

ਮਾਛੀਵਾੜਾ 16 ਮਾਰਚ (ਸੁਸ਼ੀਲ ਸ਼ਰਮਾ) ਮੌਜੂਦਾ ਨਗਰ ਕੋਸ਼ਲ ਚੋਣਾ ਦੇ ਨੇੜੇ ਆਉਣ ਦੇ ਬਾਵਜੂਦ ਠੰਡੀ ਪਈ ਰਾਜਨੀਤੀ ਵਿਚ ਅਚਾਨਕ ਸ਼ਹਿਰ ਵਾਸੀਆ ਨੂੰ ਵੱਧੇ ਹਾਊਸ ਟੈਕਸ ਦੇ ਆਏ ਨੋਟਿਸਾ ਨਾਲ ਗਰਮਾਹਟ ਆ ਗਈ ਹੈ ਇੱਕ ਪਾਸੇ ਤਾ ਸੱਤਾਧਾਰੀ ਅਕਾਲੀ ਦਲ ਚੋਣਾ ਦੇ ਸਮੇ ਗਲ ਪਏ ਇਸ ਮੁੱਦੇ ਨੂੰ ਮੁਆਫ ਕਰ ਦੇਣ ਦਾ ਭਰੋਸਾ ਦੇ ਕੇ ਪਿੱਛਾ ਛੁਡਾਉਣ ਦੀ ਜੁਗਤ ਵਿਚ ਹੈ, ਉੱਥੇ ਵਿਰੋਧੀ ਧਿਰ ਕਾਗਰਸ ਵਿਰੋਧੀਆ ਦੀ ਖਿਚਾਈ ਕਰਨੇ ਦੇ ਹੱਥ ਲੱਗੇ ਮੌਕੇ ਨੂੰ ਜੰਮ ਕੇ ਭੁਨਾਉਣ ਦੀ ਕੋਸ਼ਿਸ ਵਿਚ ਹੈ,ਜਦ ਕਿ ਸਥਾਨਕ ਭਾਜਪਾ ਵੀ ਆਪਣੀ ਕੁਰਸੀ ਦੇ ਹਿੱਸੇਦਾਰ ਅਕਾਲੀ ਦਲ ਦਾ ਸਾਥ ਨਾ ਦੇਣ ਦਾ ਮਨ ਬਣਾਈ ਬੈਠੀ ਹੈ। ਆਉਣ ਵਾਲੀਆ ਵਿਧਾਨ ਸਭਾ ਚੋਣਾ ਵਿਚ ਕਾਗਰਸ ਦੀ ਟਿਕਟ ਦੇ ਦਾਅਵੇਦਾਰ ਤੇਜਿੰਦਰ ਸਿੰਘ ਕੂੰਨਰ ਨੇ ਸੱਤਾਧਾਰੀ ਕੋਸ਼ਲ ਪ੍ਰਸ਼ਾਸਨ ਨੂੰ ਆੜੇ ਹੱਥੀ ਲੈਦੇ ਕਿਹਾ ਕਿ ਇੱਕ ਪਾਸੇ ਤਾ ਸ਼ਹਿਰ ਦੇ ਵਿਕਾਸ ਕਰਵਾਉਣ ਦੀ ਜਗ੍ਹਾ ਨਗਰ ਕੋਸ਼ਲ ਪਹਿਲਾ ਹੀ ਮੰਦੀ ਦੀ ਮਾਰ ਝੱਲ ਰਹੇ ਦੁਕਾਨਦਾਰ ਵਰਗ ਨੂੰ ਟੈਕਸਾ ਦੇ ਭਾਰ ਨਾਲ ਦਬਾਉਣ ਲਗੀ ਹੈ ਉੱਥੇ ਰਾਜ ਸਰਕਾਰ ਦੇ ਦੂਜੇ ਵਿਭਾਗ ਸੜਕ ਚੌੜੀ ਕਰਨ ਦੇ ਨਾਮ ਤੇ ਇਹਨਾ ਦਾ ਉਜਾੜਾ ਕਰਨ ਦੀ ਤਿਆਰੀ ਵਿਚ ਹਨ। ਇਸਨੂੰ ਬਰਦਾਸ਼ਤ ਨਹੀ ਕੀਤਾ ਜਾਵੇਗਾ ਚਾਹੇ ਸਾਨੂੰ ਸੰਘਰਸ਼ ਦਾ ਰਾਸਤਾ ਕਿਉ ਨਾ ਚੁਣਨਾ ਪਵੇ ਅਸੀ ਪਿੱਛੇ ਨਹੀ ਹਟਾਗੇ। ਭਾਜਪਾ ਨੇਤਾ ਅਸੋਕ ਸੂਦ ਨੇ ਵੀ ਵਪਾਰੀਆ ਦੇ ਨਾਲ ਖੜ੍ਹੇ ਰਹਿਣੇ ਦਾ ਐਲਾਨ ਕਰਕੇ ਆਪਣੇ ਸਹਿਯੋਗੀ ਅਕਾਲੀ ਦਲ ਦੇ ਲਈ ਖ਼ਤਰੇ ਦੀ ਘੰਟੀ ਵਜਾ ਦਿੱਤੀ ਹੈ। ਜਦ ਕਿ ਨੋਟਿਸ ਮਿਲਣ ਤੇ ਸਹਿਰ ਵਾਸੀ ਵਪਾਰੀਆ ਦੇ ਤੇਬਰ ਦੇਖ ਕੇ ਕੌਸਲ ਪ੍ਰਧਾਨ ਨੇ ਉਨ੍ਹਾ ਨਾਲ ਮੀਟਿੰਗ ਕਰਕੇ ਨਵੇ ਲਾਗੂ ਕੀਤੇ ਟੈਕਸ ਵਾਪਿਸ ਲੈਣ ਦਾ ਵਿਸਵਾਸ ਦਵਾਇਆ। ਭਾਵੇ ਕਿ ਸਾਰੀਆ ਸਿਆਸੀ ਪਾਰਟੀਆ ਨੇ ਇਸ ਨਾਜੁਕ ਮੁੱਦੇ ਤੇ ਵਪਾਰੀਆ ਨਾਲ ਹਮਦਰਦੀ ਜਤਾਉਦਿਆ ਉਹਨਾ ਪੱਖ ਵਿੱਚ ਖੜਾ ਹੋਣੇ ਦੀ ਗੱਲ ਕਹੀ ਹੈ। ਪਰ ਕੌਸਲ ਅਧਿਕਾਰੀ ਨੇ ਵਧੇ ਟੈਕਸ ਸਬੰਧੀ ਗੱਲ ਕਰਨ ਤੇ ਸਪੱਸਟ ਕਰਦਿਆ ਰਾਜਨੀਤਕ ਲੋਕਾ ਦੇ ਸਾਰੇ ਵਾਅਦਿਆ ਤੇ ਪਾਣੀ ਫੇਰਦਿਆ ਕਿਹਾ ਕਿ ਇਹ ਟੈਕਸਾ ਦੇ ਲਈ ਗਠਿਤ ਤਿੰਨ ਮੈਬਰਾ ਵਾਲੀ ਕਮੇਟੀ ਸਿਕਾਇਤ ਦੇ ਅਧਾਰ ਤੇ ਟੈਕਸ ਨੂੰ ਘੱਟ ਤਾ ਕਰ ਸਕਦੀ ਹੈ, ਪਰ ਮੁਆਫ ਨਹੀ ਕਰ ਸਕਦੀ।

ਕਾਰ-ਟਰੱਕ ਦੀ ਸਿੱਧੀ ਟੱਕਰ ਦੋ ਜ਼ਖਮੀ

ਮਾਛੀਵਾੜਾ 16 ਮਾਰਚ (ਸੁਸ਼ੀਲ ਸ਼ਰਮਾ) ਅੱਜ ਇੱਥੇ ਸਥਾਨਕ ਪੁਲਿਸ ਸਟੇਸਨ ਦੇ ਕੁੱਝ ਦੂਰੀ ਤੇ ਹੋਈ ਕਾਰ-ਟਰੱਕ ਟਕਰ ਦੋ ਵਿਅਕਤੀਆ ਦੇ ਗੰਭੀਰ ਰੂਪ ਵਿੱਚ ਫੱਟੜ ਹੋਣ ਦਾ ਸਮਾਚਾਰ ਹੈ। ਇਕੱਤਰ ਕੀਤੀ ਜਾਣਕਾਰੀ ਮੁਤਾਬਕ ਟਰੱਕ ਨੰ ਪੀ ਬੀ 06 ਐਫ 9611 ਮੁੱਖ ਚੌਕ ਵਲੋ ਸਮਰਾਲਾ ਦੀ ਤਰਫ ਜਾ ਰਿਹਾ ਸੀ। ਜਦ ਕਿ ਇੱਕ ਕਾਰ ਨੰ ਪੀ ਬੀ 5 ਐਚ 7075 ਦੂਸਰੇ ਪਾਸੇ ਤੋ ਆ ਰਹੀ ਸੀ। ਕਿ ਦੋਨੋ ਆਪਸ ਵਿੱਚ ਟਕਰਾ ਗਏ। ਟੱਕਰ ਇੰਨੀ ਭਿਆਨਕ ਸੀ ਕਿ ਟਰੱਕ ਦਾ ਅਗਲੇ ਚੱਕੇ ਧੁਰੀ ਨਾਲੋ ਟੁੱਟ ਕੇ ਇੱਕ ਪਾਸੇ ਹੋ ਗਏ ਤੇ ਕਾਰ ਦੇ ਅਗਲੇ ਹਿੱਸੇ ਦੇ ਚਿੱਥੜੇ ਉੜ ਗਏ। ਕਾਰ ਵਿੱਚ ਡਰਾਇਵਰ ਤੇ ਉਸ ਨਾਲ ਬੈਠਾ ਵਿਅਕਤੀ ਗੰਭੀਰ ਰੂਪ ਵਿੱਚ ਸ਼ਖਤ ਜਖ਼ਮੀ ਹੋ ਗਏ। ਇਹਨਾ ਨੂੰ ਪੁਲਿਸ ਮੁਲਾਜਮਾ ਨੇ ਬੜੀ ਮੁਸਕਿਲ ਨਾਲ ਕੱਢ ਕੇ ਸਰਕਾਰੀ ਹਸਪਤਾਲ ਪਹੁੰਚਾਇਆ। ਜਿਥੇ ਉਹਨਾ ਦੀ ਗੰਭੀਰ ਹਾਲਤ ਨੂੰ ਦੇਖਦਿਆ ਨਵਾ ਸਹਿਰ ਦੇ ਵੱਡੇ ਹਸਪਤਾਲ ਰੈਫਰ ਕਰ ਦਿੱਤਾ ਹੈ। ਜਖ਼ਮੀਆ ਦੀ ਪਹਿਚਾਣ ਸੋਢੀ ਰਾਮ ਚੂਹੜਪੁਰ ਤੇ ਜਸਪਾਲ ਰਾਏ ਬਨੂੜ ਕਲਾ ਦੋਵੇ ਜਿਲ੍ਹਾ ਨਵਾ ਸ਼ਹਿਰ ਵੱਜੋ ਹੋਈ ਹੈ। ਟਰੱਕ ਡਰਾਇਵਰ ਮੌਕੇ ਤੇ ਫਰਾਰ ਹੋ ਗਿਆ। ਪੁਲਿਸ ਨੇ ਆਪਣੀ ਕਾਰਵਾਈ ਸੁਰੂ ਕਰ ਦਿੱਤੀ ਹੈ। ਫੋਟੋ ਫਾਇਲ ਨੇਮ; ਮਾਛੀਵਾੜਾ ਕਾਰ ਕੈਪਸ਼ਨ; ਮਾਛੀਵਾੜਾ ਥਾਣੇ ਦੇ ਨੇੜੇ ਹਾਦਸਾ ਗ੍ਰਸਤ ਹੋਏ ਕਾਰ ਤੇ ਟੱਰਕ

ਏਡਸ ਸਬੰਧੀ ਨਾਟਕ ਦਲ-ਦਲ ਵਿਚ ਫੱਸੀ ਜ਼ਿਦਗੀ ਦਾ ਆਯੋਜਨ ਕੀਤਾ

ਮਾਛੀਵਾੜਾ 16 ਮਾਰਚ (ਸੁਸ਼ੀਲ ਸ਼ਰਮਾ) ਇੱਥੇ ਪੁਰਾਣੀ ਸਬਜੀ ਮੰਡੀ ਨੇੜੇ 50 ਸਾਲ ਤੋ ਬੰਦ ਹੋਏ ਚੇਤਰ ਚੋਦਸ ਦੇ ਇਤਿਹਾਸਕ ਮੇਲੇ ਦੀ ਫਿਰ ਸ਼ੁਰੂਆਤ ਹੋ ਗਈ ਸ੍ਰੀ ਗੁਰੂ ਰਵਿਦਾਸ ਚੈਰੀਟੇਬਲ ਟੱਰਟਸ ਤੇ ਇੱਥੋ ਦੇ ਹੀ ਵਾਸੀ ਸੋਢੀ ਪਰਿਵਾਰ ਵੱਲੋ ਕੀਤੇ ਯਤਨਾ ਸਦਕਾ ਇਹ ਮੇਲਾ ਫਿਰ ਸ਼ੁਰੂ ਹੋਇਆ ਤੇ ਹਰ ਸਾਲ ਇਸ ਦਿਨ ਹੀ ਲਗੇਗਾ। ਸਵੇਰੇ ਗੁਰਦੁਆਰਾ ਭਗਤ ਰਵਿਦਾਸ ਵਿਚ ਆਖੰਡ ਪਾਠ ਦੇ ਭੋਗ ਪਾਏ ਗਏ ਤੇ ਇਸ ਮੌਕੇ ਸਮਰਾਲਾ ਦੇ ਸਾਬਕਾ ਕਾਗਰਸੀ ਵਿਧਾਇਕ ਅਮਰੀਕ ਸਿੰਘ ਢਿੱਲੋ ਉਚੇਚੇ ਤੌਰ ਤੇ ਪਹੁੰਚੇ ਤੇ ਪੁਰਾਤਨ ਮੇਲੇ ਫਿਰ ਸ਼ੁਰੂ ਕਰਨ ਲਈ ਖ਼ੁਸ਼ੀ ਦਾ ਇਜਹਾਰ ਕਰਦਿਆ ਉਨ੍ਹਾ ਪ੍ਰਬੰਧਕਾ ਨੂੰ ਵਧਾਈ ਦਿੱਤੀ ਤੇ ਹਰ ਸੰਭਵ ਸਹਾਇਤਾ ਦੇਣ ਦਾ ਵਾਆਦਾ ਕੀਤਾ ਸਾਰਾ ਦਿਨ ਲੋਕਾ ਦਾ ਮੱਥਾ ਟੇਕਣ ਆਉਣ ਲਈ ਆਨਾ ਜਾਨਾ ਲਗਿਆ ਰਿਹਾ ਤੇ ਕੁਸਤੀਆ ਵੀ ਕਰਵਾਈਆ ਗਈਆ ਤੇ ਸ਼ਾਮ ਨੂੰ ਪੰਜਾਬ ਸਟੇਟ ਏਡਸ ਕੰਟਰੋਲ ਸਸਾਇਟੀ ਦੇ ਸਹਿਯੋਗ ਨਾਲ ਚਲਦੇ ਨਗਿੰਦਰ ਕਲਾ ਮੰਚ ਫਰੀਦਕੋਟ ਵੱਲੋ ਏਡਸ ਸਬੰਧੀ ਨੁਕੜ ਨਾਟਕ ਦਲ ਦਲ ਵਿਚ ਙੱਸੀ ਜ਼ਿਦਗੀ ਦਾ ਮੰਚਣ ਕੀਤਾ ਗਿਆ। ਜਿਸ ਦਾ ਉਦਘਾਟਨ ਕਾਗਰਸ ਦੇ ਜਿਲ੍ਹਾ ਜਨਰਲ ਸਕੱਤਰ ਹਰਜਿੰਦਰ ਸਿੰਘ ਗੋਰਾ ਮਾਗਟ ਨੇ ਕੀਤਾ ਨਾਟਕ ਬਹੁਤ ਹੀ ਪ੍ਰਭਾਵਸਾਲੀ ਸੀ ਬਾਦ ਵਿਚ ਸਪੋਕਸਮੈਨ ਦੇ ਪੱਤਰਕਾਰ ਨਾਲ ਗੱਲ ਕਰਦਿਆ ਮੰਚ ਦੇ ਡਾਇਰੈਕਟਰ ਨਗਿੰਦਰ ਰਾਘਵ ਨੇ ਦੱਸਿਆ ਕਿ ਸਾਡੀ ਪ੍ਰੇਮ ਸਿੰਘ,ਚਮਕੌਰ ਸਿੰਘ,ਕਮੇਡੀ ਨਾਮ ਬੇਟੇਮਾਰ,ਸਰਵਣ ਰਾਮ,ਮੈਡਮ ਮਿਨਾਕਸ਼ੀ ਇਨ੍ਹਾ ਦੀ ਪੰਜ ਮੈਬਰੀ ਟੀਮ ਹੈ ਜੇ ਏਡਸ ਪ੍ਰਤੀ ਜਾਗਰੂਕਤਾ ਲਈ ਨਾਟਕ ਖੇਡਦੀ ਹੈ। ਉਹ ਹੁਣ ਤੱਕ ਲੁਧਿਆਣਾ ਜਿਲ੍ਹੇ ਦੇ 200 ਪਿੰਡਾ ਵਿਚ ਨਾਟਕ ਖੇਡਦੇ ਲੋਕਾ ਨੂੰ ਜਾਣਕਾਰੀ ਦਿੰਦੇ ਆ ਰਹੇ ਹਨ ਇਸ ਮੌਕੇ ਹਰਜਿੰਦਰ ਸਿੰਘ ਗੋਰਾ ਮਾਗਟ,ਸੁਖਦੇਵ ਸਿੰਘ ਬਿੱਟੂ, ਸਮੀ ਕੁਮਾਰ ਪਹਿਲਵਾਨ,ਪਰਮਜੀਤ ਸਿੰਘ ਨੀਲੋ,ਨੰਬਰਦਾਰ ਜਸਵੀਰ ਸਿੰਘ ਸੋਢੀ, ਜਿਲਾ ਪ੍ਰੀਸ਼ਦ ਦੇ ਸਾਬਕਾ ਮੈਬਰ ਕੁਲਵਿੰਦਰ ਸਿੰਘ ਮਾਣੇਵਾਲ,ਪੰਚ ਸੁੱਚਾ ਸਿੰਘ, ਰਾਮੇਸ ਕੁਮਾਰ ਬਿੱਟੂ,ਭੁਪਿੰਦਰ ਕੁਮਾਰ ਬਿੱਲਾ,ਚੇਤਨ ਚਰਾਇਆ,ਰਾਕੇਸ ਕੁਮਾਰ ਤੇ ਸੋਨੂੰ ਕੁੰਦਰਾ, ਜਸਵਿੰਦਰ ਸਿੰਘ ਸੋਢੀ ਵੀ ਮੌਜੂਦ ਸਨ।

ਗੁਰਦੁਆਰਾ ਸਾਹਿਬ ਫ਼ਰੀਮਾਂਟ ਸੁਪਰੀਮ ਕੌਂਸਲ ਦੀ ਚੋਣ ਵਿਚ ਸਾਧ ਸੰਗਤ ਸਲੇਟ ਦੀ ਭਾਰੀ ਜਿੱਤ !!

ਫ਼ਰੀਮਾਂਟ-ਕੈਲੇਫ਼ੋਰਨੀਆ (ਬਲਵਿੰਦਰਪਾਲ ਸਿੰਘ ਖ਼ਾਲਸਾ) ਨਾਨਕਸ਼ਾਹੀ ਕੈਲੰਡਰ ਦੇ ਸੰਮਤ 542 ਵਾਲੇ ਨਵੇਂ ਸਾਲ ਵਾਲੇ ਦਿਨ ਸਾਧ ਸੰਗਤ ਸਲੇਟ ਨੇ ਗੁਰਦੁਆਰਾ ਸਾਹਿਬ ਫ਼ਰੀਮਾਂਟ ਸੁਪਰੀਮ ਕੌਂਸਲ ਦੀ ਚੋਣ ਵਿਚ ਦੂਜੀ ਵਾਰ ਭਾਰੀ ਜਿੱਤ ਹਾਸਲ ਕਰਕੇ ਰਿਕਾਰਡ ਕਾਇਮ ਕੀਤਾ ਹੈ। ਇਹ ਚੋਣ ਦੋ ਸਾਲ ਬਾਅਦ ਹੁੰਦੀ ਹੈ। ਇਸ ਚੋਣ ਵਿਚ ਤਿੰਨ ਸਲੇਟਾਂ ਮੈਦਾਨ ਵਿਚ ਸਨ। ਪਹਿਲੇ ਨੰਬਰ ਤੇ ਸਾਧ-ਸੰਗਤ ਸਲੇਟ ਦੂਜੇ ਨੰਬਰ ਤੇ ਪੰਥਕ ਸਲੇਟ ਤੇ ਤੀਜੇ ਨੰਬਰ ਤੇ ਅਜ਼ਾਦ ਉਮੀਦਵਾਰਾਂ ਦੀ ਸਲੇਟ ਮੈਦਾਨ ਵਿਚ ਸੀ। ਸਾਧ ਸੰਗਤ ਸਲੇਟ ਵਿਚਲੇ ਉਮੀਦਵਾਰਾਂ ਤੇ ਇਸਦੇ ਵਿਰੋਧੀਆਂ ਨੂੰ ਕਰਮਵਾਰ ਇਸ ਤਰਾਂ ਵੋਟਾਂ ਪਈਆਂ :

ਸਾਧ ਸੰਗਤ ਸਲੇਟ
ਭਾਈ ਨਿਰਮਲ ਸਿੰਘ ਖ਼ਾਲਸਾ - 2565
ਭਾਈ ਜਸਵਿੰਦਰ ਸਿੰਘ ਜੰਡੀ - 2565
ਭਾਈ ਹਰਜੋਤ ਸਿੰਘ ਖ਼ਾਲਸਾ - 2540
ਭਾਈ ਦਵਿੰਦਰ ਸਿੰਘ ਚਾਨਾ - 2448
ਭਾਈ ਗੁਰਪਾਲ ਸਿੰਘ ਹੰਸਰਾ- 2425

ਪੰਥਕ ਸਲੇਟ
ਭਾਈ ਗੁਰਮੀਤ ਸਿੰਘ ਖ਼ਾਲਸਾ - 2083
ਭਾਈ ਤਾਰਾ ਸਿੰਘ ਗਿੱਲ - 2004
ਭਾਈ ਗੁਰਚਰਨ ਸਿੰਘ ਮਾਨ- 2000
ਭਾਈ ਤਰਸੇਮ ਸਿੰਘ ਬੱਸਾਂਵਾਲੇ- 1962
ਭਾਈ ਗੁਰਮੇਲ ਸਿੰਘ ਬਾਠ- 1904

ਅਜ਼ਾਦ ਸਲੇਟ
ਬੀਬੀ ਹਰਸਿਮਰਤ ਕੌਰ- 231
ਭਾਈ ਅਵਤਾਰ ਸਿੰਘ ਮਿਸ਼ਨਰੀ- 81
ਭਾਈ ਮੁਹਿੰਦਰ ਸਿੰਘ ਔਲਖ- 71
ਕੈਪਟਨ ਜੁਗਰਾਜ ਸਿੰਘ ਧਾਲੀਵਾਲ- 71

ਇਹ ਜਿੱਤ ਸੰਗਤ ਦੀ ਜਿੱਤ ਹੋ ਨਿਬੱੜੀ। ਸਵੇਰ ਤੋਂ ਹੀ ਸੰਗਤ ਦੀਆਂ ਲੰਮੀਆਂ ਲਾਈਨਾਂ ਲੱਗੀਆਂ ਹੋਈਆਂ ਸਨ। ਸੰਗਤਾਂ ਦਾ ਭਾਰੀ ਉਤਸ਼ਾਹ ਵੇਖਣ ਨੂੰ ਮਿਲਿਆ। ਸੰਗਤਾਂ ਵਿਚ ਵਿਸ਼ੇਸ਼ ਕਿਸਮ ਦਾ ਚਾਅ ਸੀ। ਭਾਵੇਂ ਲਾਈਨਾਂ ਵਿਚ ਕਾਫ਼ੀ ਇੰਤਜ਼ਾਰ ਕਰਨਾ ਪਿਆ ਪਰ ਕਿਸੇ ਨੇ ਵੀ ਇਸ ਤੇ ਗਿਲਾ ਨਹੀਂ ਕੀਤਾ। ਬਜ਼ੁਰਗਾਂ ਵਾਸਤੇ ਵੱਖਰੀ ਲਾਈਨ ਦਾ ਪ੍ਰਬੰਧ ਸੀ ਜਿਸ ਵਿਚ ਬਹੁਤਾ ਸਮਾਂ ਨਹੀਂ ਸੀ ਲੱਗਦਾ।
ਸੁਪਰੀਮ ਕੌਂਸਲ ਦੇ ਪਹਿਲੇ ਤੇ ਇਸ ਵਾਰ ਜਿੱਤੇ ਭਾਈ ਨਿਰਮਲ ਸਿੰਘ ਖ਼ਾਲਸਾ ਨੇ ਬੜੀ ਮੇਹਨਤ ਨਾਲ ਲਗਪਗ ਦਸ ਹਜ਼ਾਰ ਸੰਗਤਾਂ ਵਾਸਤੇ ਲੰਗਰ ਤਿਆਰ ਕੀਤੇ। ਕਿਤੇ ਵੀ ਕੋਈ ਅਣਸੁਖਾਂਵੀਂ ਗੱਲ ਵੇਖਣ ਨੂੰ ਨਹੀਂ ਮਿਲੀ। ਤਿੰਨਾਂ ਸਲੇਟਾਂ ਦੇ ਉਮੀਦਵਾਰ ਇਕ ਦੂਜੇ ਨਾਲ ਮਿਲਦੇ ਤੇ ਗੱਲਾਂਬਾਤਾਂ ਕਰਦੇ ਵੇਖੇ ਗਏ। ਠੰਢ ਹੋਣ ਕਰਕੇ ਚਾਹ ਦੇ ਲੰਗਰ ਵੱਖ ਵੱਖ ਥਾਵਾਂ ਤੇ ਲੱਗੇ ਹੋਏ ਸਨ।
ਸ਼ਾਮੀ ਅੱਠ ਵਜੇ ਤੱਕ ਪਹੁੰਚੀ ਸੰਗਤ ਦੀਆਂ ਅੱਠ ਵਜੇ ਤੋਂ ਬਾਅਦ ਵੀ ਵੋਟਾਂ ਪੈਂਦੀਆਂ ਰਹੀਆਂ, ਜਿਸਦਾ ਨਤੀਜਾ ਰਾਤੀਂ ਗਿਆਰਾਂ ਵੱਜ ਕੇ ਪੰਜਾਹ ਪਚਵੰਜਾ ਮਿੰਟ ਤੇ ਬਾਹਰ ਆਇਆ ਤੇ ਜੈਕਾਰਿਆਂ ਦੀ ਗੂੰਜ ਵਿਚ ਸਾਧ ਸੰਗਤ ਸਲੇਟ ਦੀ ਜਿੱਤ ਦਾ ਐਲਾਨ ਕੀਤਾ ਗਿਆ। ਸਭ ਇਕ ਦੂਜੇ ਨੂੰ ਵਧਾਈਆਂ ਦੇ ਰਹੇ ਸਨ। ਖ਼ੁਸ਼ੀਆਂ ਤੇ ਚਾਅ ਸਾਂਭੇ ਨਹੀਂ ਸਨ ਜਾ ਰਹੇ। ਜਿੱਤ ਦੇ ਜੈਕਾਰਿਆਂ ਤੋਂ ਬਾਅਦ ਸਾਰੀ ਸੰਗਤ ਸ਼ੁਕਰਾਨੇ ਦੀ ਅਰਦਾਸ ਵਾਸਤੇ ਦੀਵਾਨ ਹਾਲ ਦੇ ਅੰਦਰ ਗਈ ਜਿਥੇ ਅਰਦਾਸ ਤੋਂ ਬਾਅਦ ਪੰਜ ਜੈਕਾਰੇ ਲਾਏ ਗਏ ਤੇ ਜਿੱਤ ਦੀ ਪ੍ਰਸੰਨਤਾਂ ਵਿਚ ਘਰਾਂ ਨੂੰ ਚਾਲੇ ਪਏ ਗਏ।
ਇਸ ਜਿੱਤ ਨੂੰ ਪ੍ਰਧਾਨ ਭਾਈ ਹਰਜੋਤ ਸਿੰਘ ਖ਼ਾਲਸਾ ਨੇ ਸੰਗਤ ਦੀ ਜਿੱਤ ਕਰਾਰ ਦਿੱਤਾ ਤੇ ਕਿਹਾ ਕਿ ਸਾਧ ਸੰਗਤ ਨੇ ਪਹਿਲੀ ਸੇਵਾ ਪ੍ਰਵਾਨ ਕਰਕੇ ਦੂਜੀ ਵਾਰ ਸੇਵਾ ਦਾ ਮੌਕਾ ਬਖ਼ਸ਼ਿਆ ਹੈ ਜਿਸਦੀ ਉਨਾਂ ਨੂੰ ਖ਼ੁਸ਼ੀ ਵੀ ਹੈ ਤੇ ਜ਼ਿਮੇਵਾਰੀ ਦਾ ਇਹਸਾਸ ਵੀ। ਅਮਰੀਕਨ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਕੋਆਰਡੀਨੇਟਰ ਡਾਕਟਰ ਪ੍ਰਿਤਪਾਲ ਸਿੰਘ ਹੁਰਾਂ ਸਾਧ ਸੰਗਤ ਸਲੇਟ ਨੂੰ ਜਿੱਤ ਤੇ ਵਧਾਈ ਦੇਂਦਿਆਂ ਕਿਹਾ ਕਿ ਇਹ ਜਿੱਤ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੀ ਮਰਿਯਾਦਾ ਦੀ ਜਿੱਤ ਹੈ। ਆਪਣੇ ਬਿਆਨ ਵਿਚ ਉਨਾਂ ਕਿਹਾ ਕਿ ਕਿਸੇ ਵੀ ਤਰਾਂ ਦੀਆਂ ਚੋਣਾਂ ਸਿੱਖ ਮਸਲਿਆਂ ਦਾ ਹੱਲ ਨਹੀਂ ਤੇ ਸਭ ਧਿਰਾਂ ਨੂੰ ਗੁਰੂ ਸਾਹਿਬਾਨ ਦੁਆਰਾ ਦਿੱਤੇ ਮਹਾਨ ਫ਼ਲਸਫ਼ੇ ਅਨੁਸਾਰ ਹੀ ਮਿਲਜੁਲ ਕੇ ਹੱਲ ਕੱਢਦਿਆਂ ਆਪਸੀ ਦੁਬਿਧਾ ਦੂਰ ਕਰਨੀ ਚਾਹੀਦੀ ਹੈ ਤੇ ਇਸ ਵਿਚ ਹੀ ਸਭ ਦਾ ਭਲਾ ਹੈ।
ਸਾਧ ਸੰਗਤ ਸਲੇਟ ਦੀ ਜਿੱਤ ਵਿਚ ਸਖ਼ਤ ਦੌੜ ਭੱਜ ਕਰਨ ਵਾਲੇ ਵੀਰ ਜੈ ਸਿੰਘ ਨੇ ਆਪਣੇ ਬਿਆਨ ਵਿਚ ਇਸ ਜਿੱਤ ਨੂੰ ਸੂਝਵਾਨ ਸੰਗਤਾਂ ਦਾ ਬੇਹੱਦ ਸਿਆਣਾ ਫ਼ੈਸਲਾ ਕਹਿੰਦਿਆਂ ਕਿਹਾ ਕਿ ਇਸ ਨਾਲ ਸਾਡੀ ਸਭ ਦੀ ਜ਼ਿਮੇਵਾਰੀ ਹੋਰ ਵੀ ਵੱਧ ਗਈ ਹੈ। ਸੈਨ ਹੋਜ਼ੇ ਇਲਾਕੇ ਤੋਂ ਸਾਧ ਸੰਗਤ ਸਲੇਟ ਦੇ ਵਡੇ ਸਮਰਥਕ, ਵੋਟਾਂ ਭੁਗਤਾਨ ਵਿਚ ਮਾਹਰ ਅਤੇ ਅਮਰੀਕਨ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਮੀਤ ਪ੍ਰਧਾਨ ਤੇ ਸੈਨ ਹੋਜ਼ੇ ਗੁਰਦੁਆਰਾ ਸਾਹਿਬ ਦੇ ਸਾਬਕਾ ਸਕੱਤਰ ਭਾਈ ਜਸਵੰਤ ਸਿੰਘ ਹੋਠੀ ਨੇ ਇਸ ਜਿੱਤ ਤੇ ਸਭ ਸੰਗਤਾਂ ਨੂੰ ਵਧਾਈ ਦੇਂਦਿਆਂ ਕਿਹਾ ਕਿ ਸੰਗਤ ਨੇ ਫ਼ਰੀਮਾਂਟ ਦੀ ਮੌਜੂਦਾ ਕਮੇਟੀ ਨੂੰ ਦੋਬਾਰਾ ਸੇਵਾ ਦਾ ਮੌਕਾ ਦੇਂਦਿਆਂ ਜੋ ਭਰੋਸਾ ਇਸ ਕਮੇਟੀ ਤੇ ਕੀਤਾ ਹੈ, ਉਸ ਵਿਚ ਇਹ ਕਮੇਟੀ ਪੂਰੀ ਉਤਰੇਗੀ ਤੇ ਸੇਵਾ ਵਿਚ ਕਿਸੇ ਕਿਸਮ ਦੀ ਕਸਰ ਬਾਕੀ ਨਹੀਂ ਛੱਡੇਗੀ।
ਸਿੱਖ ਯੂਥ ਆਫ਼ ਅਮਰੀਕਾ ਦੇ ਸੀਨੀਅਰ ਆਗੂਆਂ ਭਾਈ ਜਸਵਿੰਦਰ ਸਿੰਘ ਜੰਡੀ, ਭਾਈ ਗੁਰਬਚਨ ਸਿੰਘ ਰਾਣਾ, ਭਾਈ ਜਸਜੀਤ ਸਿੰਘ, ਭਾਈ ਗੁਲਵਿੰਦਰ ਸਿੰਘ ਭਿੰਦਾ, ਭਾਈ ਕੁਲਵੰਤ ਸਿੰਘ, ਭਾਈ ਪ੍ਰਿਤਪਾਲ ਸਿੰਘ ਹਨੀ, ਭਾਈ ਇੰਦਰਜੀਤ ਸਿੰਘ, ਜਗਤਾਰ ਸਿੰਘ ਅਨੰਦਪੁਰੀ, ਗੁਰਸ਼ਰਨ ਸਿੰਘ ਹੈਪੀ, ਬਾਬਾ ਸੁਖਵਿੰਦਰ ਸਿੰਘ ਤੇ ਹੋਰ ਬਹੁਤ ਸਾਰੇ ਮੈਂਬਰਾਂ ਨੇ ਇਸ ਜਿੱਤ ਨੂੰ ਸੰਗਤਾਂ ਦੇ ਆਪਸੀ ਸਤਿਕਾਰ ਤੇ ਮਿਲਵਰਤਨ ਨੂੰ ਵਧਾਉਣ ਤੇ ਝੂਠੇ ਪ੍ਰਚਾਰ ਨੂੰ ਹਰਾਉਣ ਲਈ ਕੀਤੀ ਮੇਹਨਤ ਦਾ ਸਿੱਟਾ ਦੱਸਦਿਆਂ, ਸੱਚ ਦੀ ਜਿੱਤ ਉਤੇ ਮੋਹਰ ਲਾਉਣ ਲਈ ਸਿੱਖ ਸੰਗਤਾਂ ਦਾ ਧੰਨਵਾਦ ਕਰਦਿਆਂ ਇਸ ਵਡੀ ਜਿੱਤ ਤੇ ਤਸੱਲੀ ਦਾ ਪ੍ਰਗਟਾਵਾ ਕੀਤਾ।

ਅਦਾਲਤ ਵਲੋਂ ਦੋਸ਼ੀ ਠਹਿਰਾਏ ਗਿੱਲ ਦੀ ਜਨੇਵਾ ਕਨਵੈਨਸ਼ਨ ਵਿੱਚ ਸਮੂਲੀਅਤ ਰੋਕਣ ਲਈ ਨਿੱਤਰੀਆਂ ਸਿੱਖ ਜਥੇਬੰਦੀਆਂ
ਕਮਲਨਾਥ ਨੂੰ ਵੀ ਸਹੀਦੀ ਸਮਾਗਮਾ ਵਿਚ ਸ਼ਾਮਿਲ ਨਹੀਂ ਹੋਣ ਦਿਆਂਗੇ : ਪੰਚ ਪ੍ਰਧਾਨੀ

ਮੋਹਾਲੀ, 15 ਮਾਰਚ - ਸਾਬਕਾ ਪੁਲਿਸ ਮੁਖੀ ਕੇ.ਪੀ.ਐਸ. ਗਿੱਲ ਦੀ ਜੈਨੇਵਾ ਵਿੱਚ ਹੋਣ ਜਾ ਰਹੇ ਮਨੁੱਖੀ ਅਧਿਕਾਰਾਂ ਨਾਲ ਸਬੰਧਿਤ ਕਨਵੈਨਸ਼ਨ ਵਿੱਚ ਅਤੇ 1984 ਦੇ ਸਿੱਖ ਕਤਲੇਆਮ ਦੇ ਦੋਸ਼ਾਂ ਵਿੱਚ ਘਿਰੇ ਭਾਰਤੀ ਮੰਤਰੀ ਕਮਲਨਾਥ ਦੀ ਸ਼ਹੀਦ ਭਗਤ ਸਿੰਘ ਰਾਜਗੁਰੂ ਤੇ ਸੁਖਦੇਵ ਦੀ ਸ਼ਹਾਦਤ ਸਬੰਧੀ ਕੈਨੇਡਾ ਵਿਚ ਹੋਣ ਜਾ ਰਹੇ ਪ੍ਰੋਗਰਾਮ ਵਿਚ ਸ਼ਮੂਲੀਅਤ ਨੂੰ ਰੋਕਣ ਲਈ ਸਿੱਖ ਜਥੇਬੰਦੀਆਂ ਹਰਕਤ ਵਿਚ ਆ ਗਈਆਂ ਹਨ
ਇੰਟਰਫੇਥ ਇੰਟਰਨੈਸ਼ਨਲ ਵਲੋਂ ਜੈਨੇਵਾ ਵਿਚ ਮਨੁੱਖੀ ਅਧਿਕਾਰਾਂ ਸਬੰਧੀ ਹੋ ਰਹੀ ਕਨਵੈਨਸ਼ਨ ਵਿਚ ਸਿੱਖਾਂ ਦਾ ਵੱਡੇ ਪੱਧਰ ’ਤੇ ਖ਼ੂਨ ਖ਼ਰਾਬਾ ਕਰਨ ਵਾਲੇ ਪੰਜਾਬ ਪੁਲਿਸ ਦੇ ਸਾਬਕਾ ਮੁਖੀ ਕੇ.ਪੀ.ਐਸ ਗਿੱਲ ਨੂੰ ਸੱਦਾ ਭੇਜੇ ਜਾਣ ’ਤੇ ਜਿੱਥੇ ਸਿੱਖ ਫ਼ੈਡਰੇਸਨ ਯੂ.ਕੇ. ਨੇ ਇੰਟਰਫੇਥ ਇੰਟਰਨੈਸ਼ਨਲ ਦੇ ਸਕੱਤਰ ਜਨਰਲ ਡਾ. ਚਾਰਲਸ ਗਰੇਵਸ ਨੂੰ ਇਸ ਸਬੰਧੀ ਲਿਖ ਕੇ ਭੇਜਿਆ ਹੈ, ਉ¤ਥੇ ਹੀ ਹੁਣ ਸ਼੍ਰੋਮਣੀ ਅਕਾਲੀ ਦਲ ਪੰਚ ਪ੍ਰਧਾਨੀ ਵੀ ਇਸ ਕਨਵੈਨਸ਼ਨ ਵਿਚ ਗਿੱਲ ਦੀ ਕਿਸੇ ਵੀ ਤਰ੍ਹਾਂ ਦੀ ਸ਼ਮੂਲੀਅਤ ਨੂੰ ਰੋਕਣ ਲਈ ਹਰਕਤ ਵਿਚ ਆ ਗਈ ਹੈ। ਜ਼ਿਕਰਯੋਗ ਹੈ ਕਿ ਕਨਵੈਨਸ਼ਨ ਵਿਚ ਨੁਮਾਇਦਿਆਂ ਵਜੋਂ ਸ਼ਿਰਕਤ ਕਰਨ ਲਈ ਜਿਨਾਂ 17 ਭਾਰਤੀਆਂ ਨੂੰ ਸੱਦਾ ਦਿੱਤਾ ਗਿਆ ਹੈ, ਉਨ੍ਹਾਂ ਵਿਚ ਗਿੱਲ ਦਾ ਨਾਂ ਵੀ ਸ਼ਾਮਿਲ ਹੈ।
ਸ਼੍ਰੋਮਣੀ ਅਕਾਲੀ ਦਲ ਪੰਚ ਪ੍ਰਧਾਨੀ ਦੇ ਸਕੱਤਰ ਜਨਰਲ ਭਾਈ ਹਰਪਾਲ ਸਿੰਘ ਚੀਮਾ ਤੇ ਯੂਥ ਵਿੰਗ ਦੇ ਕੌਮੀ ਜਨਰਲ ਸਕਤਰ ਸੰਦੀਪ ਸਿੰਘ ਕੇਨੇਡੀਅਨ ਨੇ ਕਿਹਾ ਕਿ ਸਬੰਧਿਤ ਸੰਸਥਾ ਨੂੰ ਪੂਰੀ ਜਾਣਕਾਰੀ ਮੁੱਹਈਆਂ ਕਰਵਾਈ ਜਾਵੇਗੀ ਕਿ ਕਿਸ ਤਰ੍ਹਾਂ ਇਸ ਵਿਅਕਤੀ ਨੇ ਬੇਕਸੂਰ ਸਿੱਖਾਂ ਦੇ ਖ਼ੂਨ ਨਾਲ ਅਪਣੇ ਹੱਥ ਰੰਗੇ ਹਨ ਅਤੇ ਅਜਿਹਾ ਵਿਅਕਤੀ ਇਸ ਕਨਵੈਨਸ਼ਨ ਵਿਚ ਇਕ ਦਰਸ਼ਕ ਵਜੋਂ ਵੀ ਭਾਗ ਲੈਣ ਦੇ ਯੋਗ ਨਹੀਂ ਹੋ ਸਕਦਾ। ਇੰਨਾ ਹੀ ਨਹੀਂ ਇਕ ਮਹਿਲਾ ਆਈ.ਏ.ਐਸ. ਵਲੋਂ ਇਸ ਵਿਅਕਤੀ ’ਤੇ ਭੱਦੀ ਛੇੜ-ਛਾੜ ਦੇ ਲਗਾਏ ਗਏ ਦੋਸ਼ਾਂ ਵਿਚ ਹਾਈਕੋਰਟ ਗਿੱਲ ਦੇ ਵਿਰੁੱਧ ਫ਼ੈਸਲਾ ਸੁਣਾ ਚੁੱਕੀ ਹੈ। ਉਨ੍ਹਾਂ ਵਿਸ਼ਵ ਭਰ ਦੇ ਸਿੱਖਾਂ ਨੂੰ ਸੱਦਾ ਦਿੰਦਿਆਂ ਕਿਹਾ ਕਿ ਗਿੱਲ ਦੇ ਇਸ ਕਨਵੈਨਸ਼ਨ ਵਿਚ ਸੱਦੇ ਦੇ ਵਿਰੁੱਧ ਉਪ੍ਰੋਕਤ ਸੰਸਥਾ ਤੱਕ ਵੱਡੇ ਪੱਧਰ ’ਤੇ ਪਹੁੰਚ ਕੀਤੀ ਜਾਵੇ ਕਿਉਂਕਿ ਅਜਿਹੇ ਵਿਅਕਤੀਆਂ ਦੀ ਉਕਤ ਕਨਵੈਨਸ਼ਨ ਵਿਚ ਸ਼ਮੂਲੀਅਤ ‘ਮਨੁੱਖੀ ਅਧਿਕਾਰ’ ਸ਼ਬਦ ਤੇ ਇਸ ਨਾਲ ਜੁੜੀਆਂ ਭਾਵਨਾਵਾਂ ਦਾ ਦਾ ਅਪਮਾਨ ਹੈ। ਉਕਤ ਆਗੂਆਂ ਨੇ ਕਿਹਾ ਕਿ ਗਿੱਲ ਮਨੁੱਖੀ ਅਧਿਕਾਰਾਂ ਸਬੰਧੀ ਕੋਈ ਵਿਚਾਰ ਪੇਸ਼ ਕਰਨ ਜਾਂ ਇਸਦੀ ਨੁਮਾਇੰਦਗੀ ਕਰਨ ਦੇ ਯੋਗ ਨਹੀਂ ਹੈ। ਉਹ ਇਕ ਬੇਕਿਰਕ, ਸੰਵੇਦਹੀਣ ਤੇ ਜ਼ਾਲਮ ‘ਇਨਸਾਨ’ ਹੈ। ਉਹ ਮਨੁੱਖੀ ਅਧਿਕਾਰਾਂ ਬਾਰੇ ਨਹੀਂ ਸਗੋਂ ਇਨ੍ਹਾਂ ਦੇ ਹਨਨ ਬਾਰੇ ਤੇ ਔਰਤਾਂ ਨਾਲ ਭੱਦੀ ਛੇੜਖਾਨੀ ਵਰਗੇ ਸੁਝਾਅ ਦੇ ਸਕਦਾ ਹੈ।
ਇਸਦੇ ਨਾਲ ਹੀ ਉਪ੍ਰੋਕਤ ਆਗੂਆਂ ਨੇ ਕਿਹਾ ਕਿ ਕੇਨੇਡਾ ਵਿਚ ਸ਼ਹੀਦ ਭਗਤ ਸਿੰਘ, ਰਾਜਗੁਰੂ ਅਤੇ ਸੁਖਦੇਵ ਦੀ ਸ਼ਹਾਦਤ ਸਬੰਧੀ ਹੋ ਰਹੇ ਪ੍ਰੋਗਰਾਮ ਵਿਚ ਭਾਰਤੀ ਮੰਤਰੀ ਕਮਲਨਾਥ ਨੂੰ ਕਿਸੇ ਵੀ ਸੂਰਤ ਵਿਚ ਸ਼ਾਮਿਲ ਨਹੀਂ ਹੋਣ ਦਿੱਤਾ ਜਾਵੇਗਾ ਤੇ ਸਥਾਨਕ ਸਿੱਖਾਂ ਵਲੋਂ ਕਰੜਾ ਵਿਰੋਧ ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਕਮਲਨਾਥ 1984 ਦੇ ਸਿੱਖ ਕਤਲੇਆਮ ਵਿਚ ਸ਼ਾਮਿਲ ਰਿਹਾ ਹੈ। ਇਸ ਕਤਲੇਆਮ ਸਬੰਧੀ ਬਣਾਏ ਗਏ ਕਮਿਸ਼ਨਾਂ ਨੇ ਕਮਲਨਾਥ ਦੀ ਸਿੱਖ ਕਤਲੇਆਮ ਵਿਚ ਸ਼ਮੂਲੀਅਤ ਅਤੇ ਕਾਤਲ ਟੋਲਿਆਂ ਨੂੰ ਸਿੱਖਾਂ ਦੇ ਕਤਲ ਕਰਨ ਲਈ ਭੜਕਾਉਣ ਦੀ ਗੱਲ ਮੰਨੀ ਹੈ

“ਹਿੰਦੂਵਾਦ ਤੇ ਹਿੰਦੂਤਵ” ਦੇ ਅਧੀਨ ਹੋ ਕੇ ਮੱਕੜ੍ਹ ਤੇ ਧੁੰਮਾ ਨੇ ਨਾਨਕਸ਼ਾਹੀ ਕੈਲੰਡਰ ਨੂੰ ਫਿਰ ਬਿਕ੍ਰਮੀ ਵਿੱਚ ਬਦਲਿਆ :- ਮਾਨ

ਫਤਿਹਗੜ੍ਹ ਸਾਹਿਬ, 15 ਮਾਰਚ :- ਅੱਜ ਜਥੇਦਾਰ ਗੁਰਬਚਨ ਸਿੰਘ ਸ਼੍ਰੀ ਅਕਾਲ ਤਖਤ ਸਾਹਿਬ ਅਤੇ ਸ਼੍ਰੀ ਅਵਤਾਰ ਸਿੰਘ ਮੱਕੜ੍ਹ ਪ੍ਰਧਾਨ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋ ਧਾਰਮਿਕ ਸ਼ਕਤੀਆਂ ਤੇ ਧਾਰਮਿਕ ਸੰਸਥਾਵਾਂ ਦੀ ਦੁਰਵਰਤੋਂ ਕਰਕੇ ਅੰਮ੍ਰਿਤਸਰ ਤੋਂ ਨਾਨਕਸ਼ਾਹੀ ਕੈਲੰਡਰ ਦੇ ਭੁਲੇਖਾ ਪਾਊ ਨਾਮ ਉੱਤੇ ਜਾਰੀ ਕੀਤੇ ਗਏ ਬਿਕ੍ਰਮੀ ਕੈਲੰਡਰ ਦੀ ਸਿੱਖ ਵਿਰੋਧੀ ਕਾਰਵਾਈ ਉੱਤੇ ਤਿੱਖਾ ਪ੍ਰਤੀਕਰਮ ਪ੍ਰਗਟ ਕਰਦੇ ਹੋਏ ਸ: ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਇੱਕ ਬਿਆਨ ਵਿੱਚ ਵਿਚਾਰ ਪ੍ਰਗਟਾਉਂਦਿਆ ਕਿਹਾ ਕਿ ਪਹਿਲੀ ਗੱਲ ਤਾਂ ਇਹ ਹੈ ਕਿ ਸਿੱਖ ਕੌਮ ਨਾਲ ਸੰਬੰਧਿਤ ਕੋਈ ਵੀ ਫੈਸਲਾ ਸਿੱਖ ਕੌਮ ਦੀਆਂ ਸਮੁੱਚੀਆਂ ਧਾਰਮਿਕ, ਸਿਆਸੀ ਤੇ ਸਮਾਜਿਕ ਜਥੇਬੰਦੀਆਂ ਦੀ ਸਰਵ ਪ੍ਰਵਾਨਿਤ ਰਾਏ ਨਾਲ ਕਰਕੇ ਸ਼੍ਰੀ ਅਕਾਲ ਤਖਤ ਸਾਹਿਬ ਦੀ ਮੋਹਰ ਲਗਾ ਕੇ ਸਿੱਖ ਸੰਗਤਾਂ ਲਈ ਜਾਰੀ ਕੀਤਾ ਜਾਂਦਾ ਹੈ। ਜਦੋਂ ਕਿ ਅੱਜ ਸ਼੍ਰੀ ਮੱਕੜ੍ਹ ਅਤੇ ਜਥੇਦਾਰ ਸ਼੍ਰੀ ਅਕਾਲ ਤਖਤ ਸਾਹਿਬ ਵੱਲੋਂ ਜੋ ਕੈਲੰਡਰ ਜਾਰੀ ਕੀਤਾ ਗਿਆ ਹੈ, ਅਸਲੀਅਤ ਵਿੱਚ ਇਹ ਕੈਲੰਡਰ ਸਿੱਖ ਕੌਮ ਦੀ ਵੱਡੀ ਗਿਣਤੀ ਵੱਲੋ ਪਹਿਲੋ ਹੀ ਰੱਦ ਕੀਤਾ ਗਿਆ ਹੈ ਅਤੇ ਇਸਨੂੰ ਸ਼੍ਰੀ ਗੁਰਬਚਨ ਸਿੰਘ ਜਥੇਦਾਰ ਸ਼੍ਰੀ ਅਕਾਲ ਤਖਤ ਸਾਹਿਬ, ਸ਼੍ਰੀ ਅਵਤਾਰ ਸਿੰਘ ਮੱਕੜ੍ਹ ਤੇ ਬਾਬਾ ਹਰਨਾਮ ਸਿੰਘ ਧੁੰਮਾ ਮੁੱਖ ਸੇਵਾਦਾਰ ਦਮਦਮੀ ਟਕਸਾਲ ਨੇ ਹਿੰਦੂਵਾਦ ਤੇ ਹਿੰਦੂਤਵ ਦੀ ਅਧੀਨਗੀ ਪ੍ਰਵਾਨ ਕਰਕੇ, ਨਾਨਕਸ਼ਾਹੀ ਕੈਲੰਡਰ ਨੂੰ ਬਿਕ੍ਰਮੀ ਵਿੱਚ ਬਦਲਣ ਦੀ ਬੱਜਰ ਗੁਸਤਾਖੀ ਕੀਤੀ ਹੈ, ਜਿਸਨੂੰ ਸਿੱਖ ਕੌਮ ਕਤਈ ਪ੍ਰਵਾਨ ਨਹੀਂ ਕਰੇਗੀ।
ਉਨ੍ਹਾ ਕਿਹਾ ਕਿ ਜੋ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਆਪਣੀ ਮਿਆਦ ਪੁੱਗਾ ਚੁੱਕੀ ਹੈ, ਜਿਸਦਾ ਹੁਣ ਕੋਈ ਵੀ ਵਿਧਾਨਿਕ ਜਾਂ ਇਖਲਾਕੀ ਵਜੂਦ ਨਹੀਂ ਹੈ, ਉਸਦੀ ਐਗਜ਼ੈਕਟਿਵ ਦੇ ਅਹੁਦੇਦਾਰਾਂ ਨੂੰ ਅਜਿਹਾ ਕੋਈ ਫੈਸਲਾ ਲੈਣ ਦਾ ਹੁਣ ਹੱਕ ਹੀ ਬਾਕੀ ਨਹੀਂ ਹੈ ਜੋ ਸਿੱਖ ਕੌਮ ਦੀ ਅਸੀਮਿਤ ਸ਼ਕਤੀ, ਸਰਮਾਏ ਅਤੇ ਵੱਡਮੁੱਲੀ ਸੋਚ ਨੂੰ ਦੋ ਧਿਰਾਂ ਵਿੱਚ ਵੰਡ ਕੇ ਕੌਮੀ ਖਾਨਾਜ਼ੰਗੀ ਵੱਲ ਧਕੇਲੇ। ਉਨ੍ਹਾ ਕਿਹਾ ਕਿ 03 ਜਨਵਰੀ 2010 ਨੂੰ ਨਾਨਕਸ਼ਾਹੀ ਕੈਲੰਡਰ ਨੂੰ ਤਾਨਾਸ਼ਾਹੀ ਢੰਗ ਨਾਲ ਬਿਕ੍ਰਮੀ ਵਿੱਚ ਬਦਲਣ ਦੇ ਕੀਤੇ ਗਏ ਫੈਸਲੇ ਦੀ ਉਦੋ ਹੀ ਫੂਕ ਨਿਕਲ ਗਈ ਸੀ, ਜਦੋਂ ਐਗਜ਼ੈਕਟਿਵ ਦੇ ਗਿਆਰਾਂ ਮੈਬਰਾਂ ਵਿੱਚੋਂ ਵੀ ਇਸ ਮੁੱਦੇ ਉਤੇ ਇੱਕ ਰਾਏ ਨਹੀਂ ਸੀ ਬਣ ਸਕੀ ਅਤੇ ਤਿੰਨ ਮੈਬਰ ਇਸ ਫੈਸਲੇ ਨੂੰ ਨਕਾਰਦੇ ਹੋਏ ਉਪਰੋਕਤ ਮੀਟਿੰਗ ਦਾ ਬਾਈਕਾਟ ਕਰ ਗਏ ਸਨ। ਫਿਰ ਇਸ ਕੀਤੀ ਗਈ ਆਪ ਹੁੱਦਰੀ ਕਾਰਵਾਈ ਉਤੇ ਸਿੱਖ ਕੌਮ ਦੀ ਅਸਹਿਮਤੀ ਉਦੋ ਹੋਰ ਵੀ ਪ੍ਰਪੱਕ ਹੋ ਜਾਂਦੀ ਹੈ ਕਿ ਪੰਜੇ ਤਖਤਾਂ ਦੇ ਜਥੇਦਾਰਾਂ ਨੂੰ ਨਜ਼ਰ ਅੰਦਾਜ਼ ਕਰਕੇ, ਉਨ੍ਹਾ ਪੰਜ ਗ੍ਰੰਥੀਆਂ ਤੋ ਪਾਸ ਕਰਵਾਇਆ ਗਿਆ ਜਿਨ੍ਹਾਂ ਨੂੰ ਸਿੱਖ ਇਤਿਹਾਸ, ਭੂਗੋਲ ਖਗੋਲ ਕੈਲੰਡਰ ਦੇ ਅਹਿਮ ਪੱਖਾਂ ਦੀ ਕੋਈ ਜਾਣਕਾਰੀ ਹੀ ਨਹੀਂ ਸੀ। ਉਨ੍ਹਾ ਕਿਹਾ ਕਿ ਅਸੀਂ ਮੌਜੂਦਾ ਕਾਬਿਜ਼ ਸਿੱਖ ਲੀਡਰਸਿ਼ਪ, ਤਖਤਾਂ ਦੇ ਜਥੇਦਾਰ ਤੇ ਬਾਬਾ ਹਰਨਾਮ ਸਿੰਘ ਧੁੰਮਾ ਆਦਿ ਤੋ ਪੁੱਛਣਾ ਚਾਹਾਂਗੇ ਕਿ ਇਸ ਮੁਲਕ ਦੀ ਪਾਰਲੀਮੈਟ ਜੋ ਹਿੰਦੂਤਵ ਸੋਚ ਦੀ ਅਗਵਾਈ ਕਰਦੀ ਹੈ, ਕੀ ਉਹ ਕਦੀ “ਗਊ-ਹੱਤਿਆ” ਕਰਨ ਦੇ ਹੱਕ ਵਿੱਚ ਬਿੱਲ ਪਾਸ ਕਰ ਸਕਦੀ ਹੈ? ਕੀ ਪਾਕਿਸਤਾਨ ਜਾਂ ਇੱਥੇ ਵਿਚਰਨ ਵਾਲੀ ਮੁਸਲਿਮ ਕੌਮ ਜੁੰਮੇ ਦੀ ਨਮਾਜ਼ ਪੜਨ ਦੀ ਰਵਾਇਤ ਉੱਤੇ ਪਾਬੰਦੀ ਲਾਉਣ ਜਾਂ ਉਸਨੂੰ ਖਤਮ ਕਰਨ ਬਾਰੇ ਕਦੀ ਸੋਚ ਸਕਦੀ ਹੈ? ਇਸ ਲਈ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਜੋ ਕਾਨੂੰਨੀ ਤੌਰ ਤੇ ਹੁਣ ਲੇਮ ਡੱਕ (਼ਅਮੲ ਧੁਚਕ) ਵਿੱਚ ਹੈ, ਅਤੇ ਜੋ ਸਿੱਖ ਕੌਮ ਦੀ ਹੁਣ ਅਗਵਾਈ ਹੀ ਨਹੀਂ ਕਰਦੀ, ਉਸਨੂੰ ਕੀ ਹੱਕ ਹੈ ਕਿ ਉਹ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਜਰਨਲ ਹਾਊਸ ਵੱਲੋ 2003 ਵਿੱਚ ਸਰਬ ਸੰਮਤੀ ਨਾਲ ਪਾਸ ਕੀਤੇ ਗਏ ਨਾਨਕਸ਼ਾਹੀ ਕੈਲੰਡਰ ਨੂੰ ਬਦਲਣ ਦੀ ਕਾਰਵਾਈ ਕਰੇ। ਮੌਜੂਦਾ ਐਸ ਜੀ ਪੀ ਸੀ ਦੇ ਪ੍ਰਧਾਨ ਸ਼੍ਰੀ ਮੱਕੜ੍ਹ ਤੇ ਬਾਬਾ ਹਰਨਾਮ ਸਿੰਘ ਧੁੰਮਾ ਜਾਂ ਕੁਝ ਕੁ ਗਿਣਤੀ ਦੇ ਡੇਰੇਦਾਰਾਂ ਜਿਨ੍ਹਾਂ ਦੀ ਡੂੰਘੀ ਸਾਂਝ ਫਿਰਕੂ ਭਾਜਪਾ ਅਤੇ ਕਾਂਗਰਸ ਜਮਾਤ ਨਾਲ ਹੈ, ਉਨ੍ਹਾ ਨੂੰ ਕਿਸਨੇ ਹੱਕ ਦਿੱਤਾ ਹੈ ਕਿ ਉਹ ਨਾਨਕਸ਼ਾਹੀ ਕੈਲੰਡਰ ਨੂੰ ਬਿਕ੍ਰਮੀ ਵਿੱਚ ਬਦਲ ਕੇ ਸਿੱਖ ਕੌਮ ਨਾਲ ਧੋਖਾ ਵੀ ਕਰੇ ਅਤੇ ਸਿੱਖ ਕੌਮ ਦੀ ਵੱਖਰੀ ਤੇ ਅਣਖੀਲੀ ਪਹਿਚਾਣ ਨੂੰ ਧੁੰਦਲਾ ਕਰਨ ਦੀ ਕਾਰਵਾਈ ਕਰੇ।
ਉਨ੍ਹਾ ਹਿੰਦ ਵਿੱਚ ਤੇ ਬਾਹਰਲੇ ਮੁਲਕਾਂ ਵਿੱਚ ਵਿਚਰ ਰਹੀ ਸਮੁੱਚੀ ਸਿੱਖ ਕੌਮ ਨੂੰ ਸੰਜੀਦਾ ਅਪੀਲ ਕਰਦੇ ਹੋਏ ਕਿਹਾ ਕਿ ਉਹ ਹਿੰਦੂਤਵ ਸੋਚ ਦੇ ਗੁਲਾਮ ਸ਼੍ਰੀ ਬਾਦਲ, ਸ਼੍ਰੀ ਮੱਕੜ੍ਹ ਤੇ ਸ਼੍ਰੀ ਧੁੰਮਾ ਵਰਗੇ ਲੋਕਾਂ ਵਲੋਂ ਅੱਜ ਜਾਰੀ ਕੀਤੇ ਗਏ ਭੁਲੇਖਾ ਪਾਊ ਨਾਨਕਸ਼ਾਹੀ ਕੈਲੰਡਰ ਨੂੰ ਪੂਰੀ ਤਰ੍ਹਾ ਰੱਦ ਕਰਕੇ, ਮਈ 2003 ਵਿੱਚ ਸ਼੍ਰੀ ਅਕਾਲ ਤਖਤ ਸਾਹਿਬ ਵੱਲੋਂ ਸਿੱਖ ਕੌਮ ਲਈ ਜਾਰੀ ਹੋਏ ਨਾਨਕਸ਼ਾਹੀ ਕੈਲੰਡਰ ਅਨੁਸਾਰ ਹੀ ਆਪਣੇ ਦਿਨ ਤੇ ਗੁਰਪੁਰਬ ਮਨਾਉਣ ਅਤੇ ਅਸੀਂ ਭਾਜਪਾ-ਕਾਂਗਰਸ ਦੇ ਇਨ੍ਹਾਂ ਹੱਥਠੋਕਿਆਂ ਦੀਆਂ ਸਿੱਖ ਵਿਰੋਧੀ ਸ਼ਾਜਿਸਾਂ ਨੂੰ ਕਦਾੱਿਚੱਤ ਨੇਪਰੇ ਨਹੀਂ ਚੜਨ ਦੇਵਾਂਗੇ। ਆਉਣ ਵਾਲੀਆਂ ਗੁਰਦੁਆਰਾ ਚੋਣਾਂ ਵਿੱਚ ਅਜਿਹੇ ਸਿੱਖ ਵਿਰੋਧੀ ਚਿਹਰਿਆਂ ਨੂੰ ਕਰਾਰੀ ਹਾਰ ਦੇਣ ਲਈ ਤੇ ਸਿੱਖੀ ਉੱਚ ਸਿਧਾਂਤਾਂ, ਮਰਿਯਾਦਾਵਾਂ ਨੂੰ ਅਮਲੀ ਰੂਪ ਵਿੱਚ ਲਾਗੂ ਕਰਨ ਲਈ ਤਿਆਰ ਬਰ ਤਿਆਰ ਰਹਿਣ।

ਸਿੱਖ ਕੌਮ ਦੇ ਕਾਤਿਲ ਕਮਲ ਨਾਥ ਨੂੰ ਕੈਨੇਡਾ ਹਕੂਮਤ ਬਿਲਕੁਲ ਵੀਜ਼ਾ ਨਾ ਦੇਵੇ :- ਟਿਵਾਣਾ

ਫਤਿਹਗੜ੍ਹ ਸਾਹਿਬ, 15 ਮਾਰਚ :- ਸਾਨੂੰ ਭਰੋਸੇਯੋਗ ਵਸੀਲਿਆਂ ਤੋਂ ਜਾਣਕਾਰੀ ਮਿਲੀ ਹੈ ਕਿ ਹਿੰਦ ਦੇ ਕੇਂਦਰੀ ਵਜ਼ੀਰ ਕਮਲ ਨਾਥ ਆਉਣ ਵਾਲੇ ਦਿਨਾਂ ਵਿੱਚ ਕੈਨੇਡਾ ਦੇ ਦੌਰੇ ਉੱਤੇ ਜਾ ਰਿਹਾ ਹੈ, ਜਿਸਨੇ 1984 ਵਿੱਚ ਸਿੱਖਾਂ ਨੂੰ ਕਤਲ ਕਰਨ ਵਾਲੀ ਟੋਲੀਆਂ ਦੀ ਅਗਵਾਈ ਵੀ ਕੀਤੀ ਸੀ ਅਤੇ ਉਨ੍ਹਾ ਨੂੰ ਹਰ ਤਰ੍ਹਾ ਦਾ ਸਾਜੋ ਸਮਾਨ ਦੇ ਕੇ ਕਤਲੇਆਮ ਕਰਨ ਲਈ ਹੱਲਾਸ਼ੇਰੀ ਦਿੱਤੀ ਸੀ। ਅਜਿਹੇ ਜ਼ਾਲਮ ਕਾਤਿਲ ਨੂੰ ਕੈਨੇਡਾ ਦੀ ਹਕੂਮਤ ਬਿਲਕੁਲ ਵੀਜ਼ਾ ਨਾ ਦੇਵੇ, ਜੇਕਰ ਵੀਜ਼ਾ ਦੇ ਦਿੱਤਾ ਗਿਆ ਹੈ ਤਾਂ ਸਿੱਖ ਕੌਮ ਦੀਆਂ ਭਾਵਨਾਵਾਂ ਨੂੰ ਮੱਦੇਨਜ਼ਰ ਰੱਖਦੇ ਹੋਏ ਕਮਲ ਨਾਥ ਦਾ ਵੀਜ਼ਾ ਤੁਰੰਤ ਰੱਦ ਕਰੇ ਕਿਉਂਕਿ ਕੈਨੇਡਾ ਇੱਕ ਜਮਹੂਰੀਅਤ ਪਸੰਦ ਕੌਮਾਂਤਰੀ ਪੱਧਰ ਉੱਤੇ ਮਨੁੱਖੀ ਹੱਕਾਂ ਦੀ ਰਖਵਾਲੀ ਕਰਨ ਵਾਲਾ ਮੋਢੀ ਮੁਲਕ ਹੈ। ਕੈਨੇਡਾ ਦੇ ਵਜ਼ੀਰ ਏ ਆਜਿ਼ਮ ਸ਼੍ਰੀ ਸਟੀਫਨ ਹਾਰਪਰ ਸਿੱਖ ਕੌਮ ਪ੍ਰਤੀ ਡੂੰਘਾ ਸਨੇਹ ਅਤੇ ਸਤਿਕਾਰ ਰੱਖਦੇ ਹਨ। ਇਸ ਵਿੱਚ ਵੀ ਕੋਈ ਸ਼ੱਕ ਬਾਕੀ ਨਹੀਂ ਕਿ ਉੱਥੋ ਦੇ ਰਹਿਣ ਵਾਲੇ ਸਿੱਖਾਂ ਨੇ ਕੈਨੇਡਾ ਦੇ ਸਰਵ ਪੱਖੀ ਵਿਕਾਸ ਵਿੱਚ ਡੂੰਘਾ ਯੋਗਦਾਨ ਪਾਇਆ ਹੈ ਅਤੇ ਕੈਨੇਡਾ ਹਕੂਮਤ ਦੇ ਸਿੱਖ ਕੌਮ ਨਾਲ ਅੱਛੇ ਡਿਪਲੋਮੈਟਿਕ ਸੰਬੰਧ ਹਨ। ਇਹ ਵਿਚਾਰ ਭਾਈ ਇਕਬਾਲ ਸਿੰਘ ਟਿਵਾਣਾ ਸਿਆਸੀ ਤੇ ਮੀਡੀਆ ਸਲਾਹਕਾਰ ਅਤੇ ਇੰਚਾਰਜ ਗੁਰਦੁਆਰਾ ਚੋਣਾਂ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਕੈਨੇਡਾ ਦੀ ਸਟੀਫਨ ਹਾਰਪਰ ਹਕੂਮਤ ਨੂੰ ਸਿੱਖ ਕੌਮ ਦੇ ਬਿਨ੍ਹਾ ਉੱਤੇ ਜ਼ੋਰਦਾਰ ਅਪੀਲ ਕਰਦੇ ਹੋਏ ਪਾਰਟੀ ਦੇ ਮੁੱਖ ਦਫਤਰ ਤੋਂ ਜਾਰੀ ਕੀਤੇ ਗਏ ਇੱਕ ਬਿਆਨ ਵਿੱਚ ਪ੍ਰਗਟ ਕੀਤੇ। ਉਨ੍ਹਾ ਕੈਨੇਡਾ, ਅਮਰੀਕਾ ਤੇ ਯੂਰਪੀਨ ਮੁਲਕਾਂ ਵਿੱਚ ਵਿਚਰ ਰਹੀ ਸਿੱਖ ਕੌਮ ਨੂੰ ਵੀ ਅਪੀਲ ਕੀਤੀ ਕਿ ਜੇਕਰ ਸਿੱਖ ਕੌਮ ਦਾ ਇਹ ਕਾਤਿਲ ਕੈਨੇਡਾ ਦੇ ਕਿਸੇ ਹਵਾਈ ਅੱਡੇ ਉੱਤੇ ਲੈਡ ਕਰਨ ਵਿੱਚ ਕਾਮਯਾਬ ਵੀ ਹੋ ਜਾਵੇ ਤਾਂ ਉਨ੍ਹਾਂ ਨੂੰ “ਕਮਲ ਨਾਥ ਮੁਰਦਾਬਾਦ ਅਤੇ ਕਮਲ ਨਾਥ ਗੋ ਬੈਕ” ਦੇ ਨਾਅਰਿਆਂ ਨਾਲ ਉਸਨੂੰ ਉੱਥੋ ਵਾਪਿਸ ਜਾਣ ਲਈ ਮਜ਼ਬੂਰ ਕਰ ਦੇਣ ਦੀ ਕੌਮੀ ਜਿ਼ੰਮੇਵਾਰੀ ਨਿਭਾਉਣੀ ਚਾਹੀਦੀ ਹੈ। ਉਨ੍ਹਾ ਆਪਣੇ ਬਿਆਨ ਦੇ ਅਖੀਰ ਵਿੱਚ ਕਿਹਾ ਕਿ ਹਿੰਦੋਸਤਾਨ ਵਿੱਚ ਵਿਚਰ ਰਹੀਆਂ ਘੱਟ ਗਿਣਤੀ ਕੌਮਾਂ ਮੁਸਲਿਮ, ਸਿੱਖ, ਇਸਾਈ ਅਤੇ ਦਲਿਤਾਂ ਦੀ ਸ਼ਾਜਿਸੀ ਢੰਗਾਂ ਨਾਲ ਨਸਲਕੁਸੀ ਕਰਨ ਵਾਲੇ ਹਿੰਦੂਤਵ ਸੋਚ ਦੇ ਆਗੂ ਜਗਦੀਸ਼ ਟਾਈਟਲਰ, ਕਮਲ ਨਾਥ, ਪੀ ਚਿਦੰਬਰਮ, ਅਰੁਣ ਕੁਮਾਰ, ਐਲ ਕੇ ਅਡਵਾਨੀ, ਅਰੁਣ ਸਿੰਘ, ਮੋਦੀ, ਰਾਜ ਨਾਥ ਸਿੰਘ, ਅਸੌਕ ਸਿੰਘਲ, ਪ੍ਰਵੀਨ ਤੋਗੜੀਆ, ਮੋਹਨ ਭਗਵਤ, ਠਾਕਰੇ, ਜੇਟਲੀ ਆਦਿ ਵਰਗੇ ਫਿਰਕੂ ਆਗੂਆਂ ਨੂੰ ਯੂਰਪੀਨ ਮੁਲਕ ਆਪਣੇ ਮੁਲਕਾਂ ਵਿੱਚ ਬਿਲਕੁਲ ਵੀ ਦਾਖਿਲ ਨਾ ਹੋਣ ਦੇਣ ਤਾਂ ਕਿ ਸਮੁੱਚੀ ਦੁਨੀਆ ਦੇ ਅਮਨ ਪਸੰਦ ਅਤੇ ਇਨਸਾਨੀਅਤ ਕਦਰਾਂ ਕੀਮਤਾਂ ਉੱਤੇ ਪਹਿਰਾ ਦੇਣ ਵਾਲੀਆਂ ਦੁਨੀਆ ਦੀਆਂ ਤਾਕਤਾਂ ਤੇ ਲੋਕਾਂ ਨੂੰ ਇਹ ਸੰਦੇਸ਼ ਜਾਵੇ ਕਿ ਮਨੁੱਖਤਾ ਦੇ ਕਾਤਿਲਾਂ ਦਾ ਇਸ ਧਰਤੀ ਉੱਤੇ ਵਿਚਰਨਾ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ। ਸਮੁੱਚੀ ਦੁਨੀਆ ਵਿੱਚ ਅਜਿਹੇ ਚੁੱਕੇ ਜਾਣ ਵਾਲੇ ਕਦਮ ਹੀ ਦਹਿਸ਼ਤਗਰਦੀ ਅਤੇ ਮਨੁੱਖਤਾ ਦਾ ਘਾਣ ਹੋਣ ਵਿੱਚ ਸਹਾਈ ਹੋਣਗੇ।

ਦੋ ਨਾਨਕਸ਼ਾਹੀ ਕੈਲੰਡਰਾਂ ਕਾਰਨ ਸਿੱਖ ਕੌਮ ਦੁਬਿਧਾ 'ਚ
ਸ਼੍ਰੋਮਣੀ ਕਮੇਟੀ ਨੇ ਕੈਲੰਡਰ ਜਾਰੀ ਕਰਨ ਲੱਗਿਆਂ ਸਾਰੇ ਸਿੰਘ ਸਾਹਿਬਾਨ ਨੂੰ ਵੀ ਸੱਦਾ ਨਹੀਂ ਦਿੱਤਾ

ਅੰਮ੍ਰਿਤਸਰ, 15 ਮਾਰਚ -ਸਿਆਸੀ ਅਤੇ ਪੰਥਕ ਆਗੂਆਂ ਵਲੋਂ ਨਾਨਕਸ਼ਾਹੀ ਕੈਲੰਡਰ ਵੱਖ ਵੱਖ ਥਾਵਾਂ ਤੋਂ ਜਾਰੀ ਹੋਣ ਕਰਕੇ ਦੋਹਾਂ ਕੈਲੰਡਰਾਂ ਨੇ ਸਿੱਖ ਪੰਥ ਨੂੰ ਕਸੂਤੀ ਸਥਿਤੀ ਵਿਚ ਫ਼ਸਾ ਦਿੱਤਾ ਹੈ। ਸਿੱਖ ਕੌਮ ਹੁਣ ਦਲ ਖ਼ਾਲਸਾ ਤੇ ਦਿੱਲੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਲੋਂ 2003 ਵਿਚ ਪਾਲ ਸਿੰਘ ਪੁਰੇਵਾਲ ਵਲੋਂ ਤਿਆਰ ਕੀਤੇ ਕੈਲੰਡਰ ਨੂੰ ਮੰਨੇ ਕਿ ਸ਼੍ਰੋਮਣੀ ਕਮੇਟੀ ਵਲੋਂ ਜਾਰੀ ਕੀਤੇ ਤਬਦੀਲੀਆਂ ਵਾਲੇ ਕੈਲੰਡਰ ਨੂੰ ਮੰਨੇ। ਭਾਵੇਂ ਸ਼੍ਰੋਮਣੀ ਕਮੇਟੀ ਵਲੋਂ ਵਿਵਾਦਗ੍ਰਸਤ ਨਾਨਕਸ਼ਾਹੀ ਕੈਲੰਡਰ ਤਬਦੀਲੀਆਂ ਕਰਕੇ ਜਾਰੀ ਕਰ ਦਿੱਤਾ ਹੈ। ਦੂਜੇ ਪਾਸੇ ਅਕਾਲ ਤਖ਼ਤ ਵਲੋਂ ਜਾਰੀ ਕੀਤੇ ਕੈਲੰਡਰ ਨੂੰ ਚੁਣੌਤੀ ਦੇ ਕੇ ਦਿੱਲੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਅਤੇ ਦਲ ਖ਼ਾਲਸਾ ਨੇ ਪਾਲ ਸਿੰਘ ਪੁਰੇਵਾਲ ਵਲੋਂ 2003 ਵਿਚ ਤਿਆਰ ਕੀਤਾ ਨਾਨਕਸ਼ਾਹੀ ਕੈਲੰਡਰ ਵੱਖਰੇ ਤੌਰ 'ਤੇ ਜਾਰੀ ਕੀਤਾ। ਸਿਆਸੀ ਅਤੇ ਪੰਥਕ ਆਗੂਆਂ ਵਲੋਂ ਨਾਨਕਸ਼ਾਹੀ ਕੈਲੰਡਰ ਵੱਖੋ ਵੱਖਰੇ ਜਾਰੀ ਕਰਨ ਕਰਕੇ ਸਿੱਖ ਕੋਮ ਦੁਬਿਧਾ ਵਿਚ ਹੈ। ਇਹ ਕੈਲੰਡਰ ਜਾਰੀ ਹੋਣ ਤੋਂ ਪਹਿਲਾਂ ਵੀ ਵਿਵਾਦਾਂ ਵਿਚ ਘਿਰਿਆ ਰਿਹਾ। ਸੰਤ ਸਮਾਜ ਵਲੋਂ ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਜਥੇਦਾਰ ਅਵਤਾਰ ਸਿੰਘ ਮੱਕੜ ਨਾਲ ਗੰਢ-ਤੁਪ ਕਰਕੇ ਨਾਨਕਸ਼ਾਹੀ ਕੈਲੰਡਰ ਨੂੰ ਬਦਲਣ ਦੀ ਯੋਜਨਾ ਤਿਆਰ ਕੀਤੀ, ਪਰ ਪਹਿਲਾਂ ਕਿਸੇ ਪ੍ਰਧਾਨ ਨੇ ਸੰਤ ਸਮਾਜ ਦੇ ਆਗੂਆਂ ਦੀ ਮੰਨੀ ਹੀ ਨਹੀਂ ਸੀ, ਪਰ ਜਥੇਦਾਰ ਮੱਕੜ ਨੇ ਇਹ ਦੁਹਾਈ ਦਿੱਤੀ ਕਿ ਸਿੱਖ ਕੌਮ ਨੂੰ ਇਕ ਪਲੇਟਫ਼ਾਰਮ 'ਤੇ ਖੜ੍ਹਾ ਕਰਨਾ ਹੈ। ਇਸ ਲਈ ਕੈਲੰਡਰ ਵਿਚ ਤਬਦੀਲੀਆਂ ਕਰਨੀਆਂ ਜ਼ਰੂਰੀ ਹਨ। ਜਥੇਦਾਰ ਮੱਕੜ ਨੇ ਪਹਿਲੇ ਪ੍ਰਧਾਨ ਦੇ ਕੰਮ 'ਤੇ ਕਿੰਤੂ ਪ੍ਰੰਤੂ ਵੀ ਕੀਤੀ। ਸੰਤ ਸਮਾਜ ਵਲੋਂ ਪਾਏ ਗਏ ਦਬਾਅ ਕਾਰਨ ਸ੍ਰੀ ਅਕਾਲ ਤਖ਼ਤ ਸਾਹਿਬ ਤੋਂ ਨਾਨਕਸ਼ਾਹੀ ਕੈਲੰਡਰ ਵਿਚ ਤਬਦੀਲੀਆਂ ਕਰਨ ਲਈ ਪੰਜਾਂ ਤਖ਼ਤ ਸਾਹਿਬਾਨ ਦੇ ਜਥੇਦਾਰਾਂ ਦੀ ਮੀਟਿੰਗ ਸੱਦੀ ਗਈ ਜੋ ਤਖ਼ਤ ਸਾਹਿਬਾਨ ਦੇ ਜਥੇਦਾਰਾਂ ਦੇ ਇਕਜੁਟ ਨਾ ਹੋਣ ਕਾਰਨ ਅਸਫ਼ਲ ਰਹੀ ਅਤੇ ਮੀਟਿੰਗ ਅਗਲੇ ਦਿਨ ਮੁੜ ਸੱਦੀ ਗਈ। ਅਗਲੇ ਦਿਨ ਕੈਲੰਡਰ ਵਿਚ ਤਬਦੀਲੀਆਂ ਕਰਨ ਲਈ ਚਾਰ ਤਖ਼ਤ ਸਾਹਿਬਾਨ ਦੇ ਜਥੇਦਾਰਾਂ ਨੇ ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਦੀ ਸੁਰ ਨਾਲ ਸੁਰ ਮਿਲਾ ਕੇ ਕੈਲੰਡਰ ਵਿਚ ਤਬਦੀਲੀਆਂ ਕਰਨ ਲਈ ਰਜ਼ਾਮੰਦੀ ਪ੍ਰਗਟਾਈ, ਪਰ ਤਖ਼ਤ ਸ੍ਰੀ ਦਮਦਮਾ ਸਾਹਿਬ ਦੇ ਜਥੇਦਾਰ ਭਾਈ ਬਲਵੰਤ ਸਿੰਘ ਨੰਦਗੜ੍ਹ ਪੂਰੀ ਤਰ੍ਹਾਂ ਤਬਦੀਲੀਆਂ ਕਰਨ ਵਿਰੁੱਧ ਅੜ ਗਏ ਤਾਂ ਉਨ੍ਹਾਂ ਪੱਤਰਕਾਰਾਂ ਨੂੰ ਖੁੱਲ੍ਹੇਆਮ ਸ੍ਰੀ ਹਰਿਮੰਦਰ ਸਾਹਿਬ ਦੀ ਪ੍ਰਕ੍ਰਮਾ ਵਿਚ ਕਿਹਾ ਕਿ ਉਹ ਕੈਲੰਡਰ ਵਿਚ ਤਬਦੀਲੀਆਂ ਕਰਨ ਦੇ ਹੱਕ ਵਿਚ ਨਹੀਂ ਹਨ, ਇਸ ਕਰਕੇ ਉਹ ਸਿੰਘ ਸਾਹਿਬਾਨ ਦੀ ਮੀਟਿੰਗ ਵਿਚ ਹੀ ਛੱਡ ਕੇ ਆਏ ਹਨ । ਉਹ ਨਹੀਂ ਚਾਹੁੰਦੇ ਕਿ ਸਿੱਖਾਂ ਦੀ ਹੋਂਦ ਖ਼ਤਮ ਹੋ ਜਾਵੇ। ਸੰਤ ਸਮਾਜ ਅਤੇ ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਦਾ ਜ਼ੋਰ ਫਿਰ ਚਲ ਗਿਆ ਅਤੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਨੇ ਅੰਤ੍ਰਿਮ ਕਮੇਟੀ ਵਲੋਂ ਕੈਲੰਡਰ ਵਿਚ ਕੀਤੀਆਂ ਤਬਦੀਲੀਆਂ 'ਤੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੀ ਮੋਹਰ ਲਗਾਉਣ ਲਈ ਸਿੰਘ ਸਾਹਿਬਾਨ ਦੀ ਮੀਟਿੰਗ ਸੱਦੀ। ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਨੇ ਸ੍ਰੀ ਹਰਿਮੰਦਰ ਸਾਹਿਬ ਦੇ ਗ੍ਰੰਥੀ ਸਿੰਘ ਬੁਲਾ ਲਏ ਪਰ ਫਿਰ ਗਿਆਨੀ ਜਗਤਾਰ ਸਿੰਘ ਇਸ ਮੀਟਿੰਗ ਵਿਚ ਨਹੀਂ ਸੀ ਆਉਣਾ ਚਾਹੁੰਦੇ ਤਾਂ ਉਨ੍ਹਾਂ ਇਕ ਹੋਰ ਜਥੇਦਾਰ ਗ੍ਰੰਥੀ ਸਿੰਘ ਹਰਜਿੰਦਰ ਸਿੰਘ ਨੂੰ ਬੁਲਾ ਲਿਆ। ਫਿਰ ਜਗਤਾਰ ਸਿੰਘ ਵੀ ਮੀਟਿੰਗ ਵਿਚ ਪੁੱਜ ਗਏ ਤਾਂ ਛੇ ਸਿੰਘ ਸਾਹਿਬ ਹੋ ਗਏ। ਜਦੋਂ ਕਿ ਕੱਲ੍ਹ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਲੋਂ ਕੈਲੰਡਰ ਵਿਚ ਤਬਦੀਲੀਆਂ ਕਰਨ ਲਈ ਬਾਕੀ ਤਖਤਾਂ ਦੇ ਜਥੇਦਾਰਾਂ ਨੂੰ ਇਸ ਮੌਕੇ ਸੱਦਣ ਦੀ ਲੋੜ ਨਹੀਂ ਸਮਝੀ ਕਿਉਂਕਿ ਤਖਤ ਦਮਦਮਾ ਸਾਹਿਬ ਦੇ ਜਥੇਦਾਰ ਭਾਈ ਬਲਵੰਤ ਸਿੰਘ ਨੰਦਗੜ੍ਹ ਤਾਂ ਪਹਿਲਾਂ ਹੀ ਕੈਲੰਡਰ ਵਿਚ ਤਬਦੀਲੀਆਂ ਕਰਨ ਦੇ ਹੱਕ ਵਿਚ ਨਹੀਂ ਸਨ।

---

ਖਾਲਸਾ ਪੰਥ ਨੂੰ ਨਾਨਕਸ਼ਾਹੀ ਨਵਾਂ ਸਾਲ ਸੰਮਤ 542 ਦੀ ਮੁਬਾਰਕ !

---

---

“ਦਾ ਲਾਸਟ ਸਨਸੈੱਟ: ਰਾਈਜ਼ ਐਂਡ ਫਾਲ ਆਫ ਦਾ ਲਾਹੌਰ ਦਰਬਾਰ” ਦੇ ਲੇਖਕ ਦੇ ਕਥਨਾਂ ਅਤੇ ਅਮਲਾਂ ਵਿੱਚ ਵੱਡਾ ਅੰਤਰ :- ਅੰਮ੍ਰਿਤਸਰ ਦਲ

ਚੰਡੀਗੜ੍ਹ, 13 ਮਾਰਚ :- “ਕੈਪਟਨ ਅਮਰਿੰਦਰ ਸਿੰਘ ਸਾਬਕਾ ਮੁੱਖ ਮੰਤਰੀ ਪੰਜਾਬ ਵੱਲੋਂ ਲਿਖੀ ਇੰਗਲਿਸ਼ ਵਿੱਚ ਤਾਜ਼ਾ ਕਿਤਾਬ ਦਾ ਲਾਸਟ ਸਨਸੈੱਟ: ਰਾਈਜ਼ ਐਡ ਫਾਲ ਆਫ ਦਾ ਲਾਹੌਰ ਦਰਬਾਰ (The Last Sunset: Rise and Fall the Lahore Darbar) ਨੂੰ ਕੱਲ੍ਹ ਮਿਤੀ 14 ਮਾਰਚ ਨੂੰ ਚੰਡੀਗੜ੍ਹ ਦੇ ਸੈਕਟਰ 17 ਦੇ ਤਾਜ ਹੋਟਲ ਵਿੱਚ ਜਾਰੀ ਕੀਤਾ ਜਾ ਰਿਹਾ ਹੈ। ਜਿਸ ਵਿੱਚ ਉਨ੍ਹਾ ਨੇ ਮਹਾਰਾਜਾ ਰਣਜੀਤ ਸਿੰਘ ਦੇ ਰਾਜ ਪ੍ਰਬੰਧ ਦੇ ਉੱਚੇ-ਸੁੱਚੇ ਇਖਲਾਕ ਵਾਲੀਆਂ ਸਮਾਜਿਕ ਬਰਾਬਰਤਾ ਤੇ ਇਨਸਾਫ ਪਸੰਦ ਖੁਬੀਆਂ ਦਾ ਵਰਣਨ ਕਰਦੇ ਹੋਏ ਉਸ ਸਮੇਂ ਦੇ ਸਿੱਖ ਰਾਜ ਦੀ ਹੋਈ ਚੜ੍ਹਤ ਅਤੇ ਫਿਰ ਨਿਘਾਰ ਦੇ ਕਾਰਨਾਂ ਨੂੰ ਉਜਾਗਰ ਕਰਨ ਦੀਆਂ ਅੱਛੀਆਂ ਗੱਲਾਂ ਤਾਂ ਕੀਤੀਆਂ ਹਨ ਪਰ ਕੈਪਟਨ ਅਮਰਿੰਦਰ ਸਿੰਘ ਦੀ ਆਪਣੀ “ਕਹਿਣੀ ਅਤੇ ਕਰਨੀ” ਭਾਵ ਅਮਲਾਂ ਵਿੱਚ ਬਹੁਤ ਵੱਡਾ ਅੰਤਰ ਹੈ। ਬੇਸੱ਼ਕ ਕੈਪਟਨ ਅਮਰਿੰਦਰ ਸਿੰਘ ਨੇ ਸਿੱਖ ਰਾਜ ਸੰਬੰਧੀ ਕਿਤਾਬ ਲਿਖਣ ਦਾ ਉੱਦਮ ਕੀਤਾ ਹੈ, ਪਰ ਇਹ ਕਿਤਾਬ ਲਿਖਦੇ ਹੋਏ ਉਨ੍ਹਾ ਦਿਲ-ਦਿਮਾਗ ਤੇ ਰੂਹ ਦਿੱਲੀ ਫਿਰਦੀ ਹੈ ਅਤੇ ਗੱਲ ਉਹ ਸਿੱਖ ਰਾਜ ਖਾਲਿਸਤਾਨ ਦੀ ਦਿਖਾਵੇ ਮਾਤਰ ਕਰ ਰਹੇ ਹਨ। ਜਦੋਂ ਕਿ ਮਹਾਰਾਜਾ ਰਣਜੀਤ ਸਿੰਘ ਕਥਨੀ ਅਤੇ ਕਰਨੀ ਦੇ ੳੁੱਚ ਦਰਜੇ ਦੇ ਇਖਲਾਕੀ ਬਾਦਸ਼ਾਹ ਸਨ ਅਤੇ ਉਨ੍ਹਾ ਵਿੱਚ ਬਹੁਤ ਵੱਡੀ ਦ੍ਰਿੜਤਾ ਸੀ। ਇਹੀ ਕਾਰਨ ਹੈ ਕਿ ਉਨ੍ਹਾ ਨੇ ਸਿੱਖ ਰਾਜ (ਖਾਲਿਸਤਾਨ) ਦੀਆਂ ਜੜ੍ਹਾਂ ਕਾਬੁਲ, ਕੰਧਾਰ, ਅਫਗਾਨਿਸਤਾਨ, ਲਾਹੌਰ, ਪਿਸ਼ਾਵਰ, ਜੰਮੂ ਕਸ਼ਮੀਰ ਤੱਕ ਫੈਲਾਈਆ।”
ਇਹ ਵਿਚਾਰ ਅੱਜ ਇੱਥੇ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੀ ਜਥੇਬੰਦੀ ਦੀ ਹੋਈ ਇਕੱਤਰਤਾ ਜਿਸ ਵਿੱਚ ਸਰਬ ਸ਼੍ਰੀ ਭਾਈ ਧਿਆਨ ਸਿੰਘ ਮੰਡ, ਜਥੇਦਾਰ ਭਾਗ ਸਿੰਘ ਸੁਰਤਾਪੁਰ, ਭਾਈ ਰਾਮ ਸਿੰਘ, ਜਥੇਦਾਰ ਸੁਰਿੰਦਰ ਸਿੰਘ ਅਕਾਲਗੜ੍ਹ ਬੋਰਾਂ ਸਦਰ ਏ ਖਾਲਿਸਤਾਨ, ਇਕਬਾਲ ਸਿੰਘ ਟਿਵਾਣਾ, ਪ੍ਰੋ: ਮਹਿੰਦਰਪਾਲ ਸਿੰਘ, ਗੁਰਸੇਵਕ ਸਿੰਘ ਜਵਾਹਰਕੇ, ਜਸਕਰਨ ਸਿੰਘ ਕਾਹਨ ਸਿੰਘ ਵਾਲਾ, ਗੁਰਿੰਦਰਪਾਲ ਸਿੰਘ ਧਨੌਲਾ, ਮਾਸਟਰ ਕਰਨੈਲ ਸਿੰਘ ਨਾਰੀਕੇ, ਅਨੂਪ ਸਿੰਘ ਸੰਧੂ, ਵਰਿੰਦਰ ਸਿੰਘ ਮਾਨ ਯੂਥ ਪ੍ਰਧਾਨ ਅਤੇ ਸਮੁੱਚੀ ਸੀਨੀਅਰ ਲੀਡਰਸਿ਼ਪ ਵਿੱਚ ਉੱਭਰ ਕੇ ਸਾਹਮਣੇ ਆਏ। ਉਨ੍ਹਾ ਕਿਹਾ ਕਿ ਕਿਸੇ ਸਿਆਸੀ ਆਗੂ, ਬੁੱਧੀਜੀਵੀ ਜਾਂ ਲੇਖਕ ਵੱਲੋਂ ਸਟੇਜਾਂ ਉੱਤੇ ਖੜੇ ਹੋੇ ਕੇ ਅਤੇ ਆਪਣੇ ਦੁਆਰਾ ਲਿਖੀਆਂ ਜਾਣ ਵਾਲੀਆਂ ਲਿਖਤਾਂ ਵਿੱਚ ਉੱਚ ਦਰਜੇ ਦੀਆਂ ਗੱਲਾਂ ਕਰਨਾ ਇੱਕ ਕਥਨ ਹੈ ਅਤੇ ਉਨ੍ਹਾ ਗੱਲਾਂ ਉੱਤੇ ਆਪਣੇ ਜੀਵਨ ਵਿੱਚ ਅਮਲ ਕਰਨਾ ਦੂਸਰੀ ਗੱਲ ਹੈ। ਜੇਕਰ ਅਜਿਹੇ ਆਗੂ ਜਾਂ ਲੇਖਕ ਕਹਿਣੀ ਅਤੇ ਕਰਨੀ ਦੇ ਪੂਰਨ ਹੋਣ ਫਿਰ ਤਾਂ ਉਸਦੇ ਬਚਨ ਅਤੇ ਲਿਖੇ ਅਲਫਾਂਜਾਂ ਦਾ ਇਤਿਹਾਸਿਕ ਤੇ ਸਮਾਜਿਕ ਤੌਰ ‘ਤੇ ਅਰਥ ਭਰਪੂਰ ਮਹੱਤਵ ਹੁੰਦਾ ਹੈ। ਪਰ ਜੇਕਰ ਉਸਦੀ ਕਹਿਣੀ ਕੁਝ ਹੋਵੇ ਅਤੇ ਅਮਲ ਹੋਰ ਹੋਣ ਤਾਂ ਅਜਿਹੇ ਲੋਕ ਸਮਾਜ ਅਤੇ ਲੋਕਾਈ ਨੂੰ ਧੋਖਾ ਹੀ ਦੇ ਰਹੇ ਹੁੰਦੇ ਹਨ ਅਤੇ ਅਜਿਹੇ ਆਗੂਆਂ ਜਾਂ ਲੇਖਕਾਂ ਦੀ ਜ਼ਮੀਰ ਦਿਨ ਵਿੱਚ ਇੱਕ ਵਾਰ ਨਹੀਂ ਕਈ ਕਈ ਵਾਰ ਮਰਦੀ ਹੈ। ਅਜਿਹੇ ਆਗੂ ਜਾਂ ਲੇਖਕ ਕਿਸੇ ਵੀ ਸਮਾਜ ਦਾ ਕੁਝ ਵੀ ਸਵਾਰਨ ਦੇ ਸਮਰੱਥ ਨਹੀਂ ਹੋ ਸਕਦੇ।
ਆਗੂਆਂ ਨੇ ਆਪਣੇ ਬਿਆਨ ਦੇ ਅਖੀਰ ਵਿੱਚ ਕਿਹਾ ਕਿ ਕੈਪਟਨ ਅਮਰਿੰਦਰ ਸਿੰਘ ਵੱਲੋ ਲਿਖੀ ਆਪਣੀ ਕਿਤਾਬ ਵਿੱਚ ਗੱਲਾਂ ਤਾਂ ਉੱਚੇ-ਸੁੱਚੇ ਤੇ ਦ੍ਰਿੜਤਾ ਅਤੇ ਸੰਜੀਦਗੀ ਭਰੇ ਸਿੱਖੀ ਇਖਲਾਕ ਦੀਆਂ ਕੀਤੀਆਂ ਗਈਆਂ ਹਨ। ਜਿਸਦੀ ਅਸੀਂ ਸ਼ਲਾਘਾ ਕਰਦੇ ਹਾਂ, ਪਰ ਉਨ੍ਹਾਂ ਦੇ ਆਪ ਦੇ ਅਮਲ ਉਨ੍ਹਾ ਦੀ ਅਸਲ ਤਸਵੀਰ ਪੇਸ਼ ਕਰਦੇ ਹਨ ਕਿ 1 ਮਈ 1994 ਨੂੰ ਸ਼੍ਰੀ ਅਕਾਲ ਤਖਤ ਸਾਹਿਬ ਵਰਗੀ ਸਿੱਖ ਕੌਮ ਦੀ ਮਹਾਨ ਸੰਸਥਾ ਉੱਤੇ ਸਿੱਖ ਕੌਮ ਨਾਲ “ਅੰਮ੍ਰਿਤਸਰ ਐਲਾਨਨਾਮੇ” ਦਾ ਪ੍ਰਣ ਕਰਕੇ ਅਤੇ ਸੋਹਾਂ ਚੁੱਕ ਕੇ ਸਾਹਿਬ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਅਤੇ ਸਿੱਖ ਕੌਮ ਨੂੰ ਪਿੱਠ ਦੇ ਚੁੱਕੇ ਹਨ। ਸ: ਸੁਰਜੀਤ ਸਿੰਘ ਬਰਨਾਲਾ ਤਾਮਿਲਨਾਡੂ ਦੀ ਗਵਰਨਰੀ ਲੈ ਕੇ, ਪ੍ਰੋ: ਮਨਜੀਤ ਸਿੰਘ ਚੇਅਰਮੈਨੀ ਲੈ ਕੇ, ਜਥੇਦਾਰ ਜਗਦੇਵ ਸਿੰਘ ਤਲਵੰਡੀ ਆਪਣੇ ਲੜਕਿਆਂ ਲਈ ਚੁੱਪ ਰਹਿਣ ਵਿੱਚ ਹੀ ਖੁਸ਼ ਹਨ ਅਤੇ ਕਰਨਲ ਜਸਮੇਰ ਸਿੰਘ ਬਾਲਾ ਕਿਸੇ ਧੂੜ ਵਿੱਚ ਗੁਆਚ ਚੁੱਕੇ ਹਨ।

ਕੈਪਟਨ ਅਮਰਿੰਦਰ ਸਿੰਘ ਤੇ ਹੋਰ ਅੰਮ੍ਰਿਤਸਰ ਐਲਾਨਨਾਮੇ ‘ਤੇ ਪ੍ਰਣ ਕਰਦੇ ਹੋਏ।

ਜਦੋਂ ਕਿ ਮਹਾਰਾਜਾ ਰਣਜੀਤ ਸਿੰਘ ਦਾ ਜੀਵਨ ਤਾਂ ਇੱਕ ਸਾਫ ਚਿੱਟੀ ਚਾਦਰ ਵਾਂਗ ਪਾਕ ਸੀ ਅਤੇ ਉਨ੍ਹਾਂ ਵੱਲੋ ਇਨਸਾਨੀ ਤੇ ਸਮਾਜਿਕ ਕਦਰਾਂ ਕੀਮਤਾਂ ਉੱਤੇ ਪਹਿਰਾ ਦੇਣ ਦੀ ਕਾਰਵਾਈ, ਕਿਸੇ ਨਾਲ ਵੀ ਬਦਲੇ ਦੀ ਭਾਵਨਾ ਨਾ ਰੱਖਣਾ ਅਤੇ ਆਪਣੇ ਵੱਲੋਂ ਹੋਈ ਭੁੱਲ ਨੂੰ ਮਹਿਸੂਸ ਕਰਕੇ ਸ਼੍ਰੀ ਅਕਾਲ ਤਖਤ ਸਾਹਿਬ ਨੂੰ ਸਮਰਪਿਤ ਹੋਣ ਦੀਆਂ ਕਾਰਵਾਈਆਂ ਉਨ੍ਹਾਂ ਦੇ ਉੱਚੇ-ਸੁੱਚੇ ਇਖਲਾਕ ਅਤੇ ਕੌਮ ਪੱਖੀ ਦ੍ਰਿੜਤਾ ਭਰੇ ਨਜ਼ਰੀਏ ਨੂੰ ਪ੍ਰਤੱਖ ਰੂਪ ਵਿੱਚ ਸਪੱਸ਼ਟ ਕਰਦੀਆਂ ਹਨ। ਦੂਸਰੇ ਪਾਸੇ ਕੈਪਟਨ ਅਮਰਿੰਦਰ ਸਿੰਘ ਦੇ ਜੇਕਰ ਸਿਆਸੀ ਜੀਵਨ ਉੱਤੇ ਨਿਰਪੱਖਤਾ ਨਾਲ ਝਾਤ ਮਾਰੀ ਜਾਵੇ ਤਾਂ ਉਹ ਕਦੀ ਕਾਂਗਰਸ, ਕਦੀ ਅਕਾਲੀ ਅਤੇ ਕਦੀ ਫਿਰ ਕਾਂਗਰਸ ਵਾਰ ਵਾਰ ਪਾਰਟੀਆਂ ਬਦਲਦੇ ਰਹੇ ਹਨ। ਆਪਣੇ ਸਿਆਸੀ ਵਿਰੋਧੀਆਂ ਬਾਦਲ ਦਲੀਆਂ ਵਿਰੁੱਧ ਤਾਕਤ ਦੀ ਦੁਰਵਰਤੋਂ ਕਰਕੇ ਉਨ੍ਹਾ ਨੂੰ ਦਿਮਾਗੀ ਤੇ ਸਰੀਰਿਕ ਤੋਰ ‘ਤੇ ਤਸੀਹੇ ਦਿੰਦੇ ਰਹੇ ਹਨ। ਜਦੋਂ ਕਿ ਭਾਜਪਾ ਦੇ ਗੈਰ ਇਖਲਾਕੀ ਲੋਕਾਂ ਨਾਲ ਅੰਦਰੂਨੀ ਸਾਂਝ ਰੱਖਦੇ ਰਹੇ ਹਨ। ਗੰਗਾ ਗਏ ਗੰਗਾ ਰਾਮ, ਜਮਨਾ ਗਏ ਜਮਨਾ ਦਾਸ ਦੀ ਮੌਕਾਪ੍ਰਸਤੀ ਵਾਲੀ ਸੋਚ ਉੱਤੇ ਅਮਲ ਕਰਦੇ ਰਹੇ ਹਨ। ਉਨ੍ਹਾ ਕਿਹਾ ਕਿ ਅਜਿਹੇ ਆਗੂ ਕਿਸੇ ਸੂਬੇ ਜਾਂ ਉੱਥੋ ਦੇ ਨਿਵਾਸੀਆਂ ਦੀ ਅਗਵਾਈ ਕਰਨ ਦੇ ਕਦੀ ਵੀ ਸਮਰੱਥ ਨਹੀਂ ਹੋ ਸਕਦੇ। ਉਨ੍ਹਾਂ ਕਿਹਾ ਕਿ ਜੋ ਇਨਸਾਨ ਆਪਣੇ ਦੁਨਿਆਵੀਂ ਰੁਤਬਿਆਂ ਤੇ ਸਿਆਸੀ-ਦੁਨਿਆਵੀਂ ਲਾਲਸਾਵਾਂ ਦਾ ਗੁਲਾਮ ਹੋਵੇ, ਅਜਿਹਾ ਇਨਸਾਨ ਆਪਣੀ ਕੌਮ ਤੇ ਸੂਬੇ ਪ੍ਰਤੀ ਕਦੀ ਵੀ ਸੰਜੀਦਾ ਅਤੇ ਇਮਾਨਦਾਰ ਨਹੀਂ ਹੋ ਸਕਦੇ। ਇਸ ਲਈ ਕਦੀ ਦਿੱਲੀ ਤੇ ਕਦੀ ਤਾਜ ਹੋਟਲ ਚੰਡੀਗੜ੍ਹ ਵਿਖੇ ਉਪਰੋਕਤ ਕਿਤਾਬਾਂ ਰਲੀਜ਼ ਕਰਨ ਦਾ ਢੌਂਗ ਰਚ ਕੇ ਸਿੱਖ ਕੌਮ ਜਾਂ ਪੰਜਾਬ ਸੂਬੇ ਨੂੰ ਕੋਈ ਸਾਰਥਕ ਨਤੀਜੇ ਨਹੀਂ ਦੇ ਸਕਦੇ। ਅਜਿਹੇ ਆਗੂਆਂ ਜਾਂ ਲੇਖਕਾਂ ਤੋਂ ਸਿੱਖ ਕੌਮ ਤੇ ਪੰਜਾਬੀਆਂ ਨੂੰ ਹੋਰ ਵੀ ਵਧੇਰੇ ਸੁਚੇਤ ਰਹਿਣਾ ਪਵੇਗਾ।

ਸੈਕਰਾਮੈਂਟੋ ਦੇ ਗੁਰੂ ਘਰ ਨੂੰ ਭੇਤ ਭਰੀ ਹਾਲਤ ’ਚ ਅੱਗ

ਸੈਕਰਾਮੈਂਟੋ (ਕੈਲੀਫ਼ੋਰਨੀਆ, ਅਮਰੀਕਾ), 13 ਮਾਰਚ- ਇੱਥੋਂ ਦੇ ਦੱਖਣੀ ਇਲਾਕੇ ਵਿੱਚ ਸਥਿਤ ਇੱਕ ਗੁਰਦੁਆਰਾ ਸਾਹਿਬ ਨੂੰ ਬੇਹੱਦ ਭੇਤ ਭਰੀ ਹਾਲਤ ਵਿੱਚ ਅੱਗ ਲੱਗ ਗਈ ਹੈ। ਸੈਕਰਾਮੈਂਟੋ ਮੈਟਰੋਪਾਲਿਟਨ ਫ਼ਾਇਰ ਜ਼ਿਲ੍ਹੇ ਦੇ ਅੱਗ ਬੁਝਾਊ ਅਮਲੇ ਨੇ ਵੀਰਵਾਰ ਰਾਤੀਂ ਸਾਢੇ 11 ਵਜੇ ਪੁੱਜ ਕੇ ਅੱਗ ਉਤੇ ਕਾਬੂ ਪਾਇਆ। ਦਰਅਸਲ, ਹਾਈਵੇਅ 99 ਅਤੇ ਸਟੌਕਟਨ ਬੂਲੇਵਾਰਡ ਨੇੜੇ ਰੇਂਜਵਿਊ ਲੇਨ ਦੇ 7600 ਬਲਾਕ ਵਿੱਚ ਇੱਕ ਘਰ ਨੂੰ ਹੀ ਗੁਰੂ ਘਰ ਦਾ ਰੂਪ ਦਿੱਤਾ ਗਿਆ ਸੀ। ਜਦੋਂ ਤੱਕ ਅੱਗ ਬੁਝਾਉਣ ਵਾਲ਼ਾ ਅਮਲਾ ਉਥੇ ਪੁੱਜਾ, ਤਦ ਤੱਕ ਦੋ ਕਮਰੇ ਬਿਲਕੁਲ ਸੜ ਚੁੱਕੇ ਸਨ। ਅੱਗ ਬੁਝਾਉਣ ਮਗਰੋਂ ਇਸ ਅਮਲੇ ਨੇ ਗੁਰੂ ਘਰ ਦੀ ਇਮਾਰਤ ਦੀ ਚੰਗੀ ਤਰ੍ਹਾਂ ਪੁਣਛਾਣ ਕੀਤੀ ਕਿ ਕਿਤੇ ਕੋਈ ਅੰਦਰ ਫਸਿਆ ਨਾ ਰਹਿ ਗਿਆ ਹੋਵੇ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਘਟਨਾ ਵਾਪਰਨ ਸਮੇਂ ਅੰਦਰ ਸਿਰਫ਼ ਗ੍ਰੰਥੀ ਸ. ਕਸ਼ਮੀਰ ਸਿੰਘ ਸਨ ਜੋ ਕਿ ਧੂੰਏਂ ਵਾਲ਼ਾ ਅਲਾਰਮ ਵੱਜਦਿਆਂ ਹੀ ਇਮਾਰਤ ਵਿਚੋਂ ਬਾਹਰ ਚਲੇ ਗਏ ਸਨ। ਉਨ੍ਹਾਂ ਹੀ 911 ਉਤੇ ਫ਼ੋਨ ਕਰ ਕੇ ਇਹ ਘਟਨਾ ਵਾਪਰਨ ਬਾਰੇ ਪੁਲਿਸ ਨੂੰ ਦੱਸਿਆ ਸੀ। ਫ਼ਾਇਰ ਜ਼ਿਲ੍ਹੇ ਦੇ ਬੁਲਾਰੇ ਕੈਪਟਨ ਰਸਟੀ ਡਿਊਪਰੇਅ ਨੇ ਦੱਸਿਆ ਕਿ ਇਸ ਅਗਨੀ ਕਾਂਡ ਦੀ ਬਹੁਤ ਬਾਰੀਕਬੀਨੀ ਨਾਲ਼ ਜਾਂਚ ਕੀਤੀ ਜਾ ਰਹੀ ਹੈ ਕਿਉਂਕਿ ਅੱਗ ਲੱਗਣ ਦੇ ਕਾਰਨਾਂ ਦਾ ਹਾਲ਼ੇ ਤੱਕ ਕੁੱਝ ਪਤਾ ਨਹੀਂ ਲੱਗ ਸਕਿਆ ਹੈ। ਉਂਝ ਅਲਕੋਹਲ, ਤਮਾਕੂ ਅਤੇ ਅਸਲਾ ਬਾਰੇ ਕੇਂਦਰੀ ਬਿਊਰੋ ਨੂੰ ਇਸ ਘਟਨਾ ਬਾਰੇ ਦੱਸ ਦਿੱਤਾ ਗਿਆ ਹੈ। ਸ. ਕਸ਼ਮੀਰ ਸਿੰਘ ਨੇ ਦੱਸਿਆ ਕਿ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਤੇ ਹੋਰ ਧਾਰਮਿਕ ਪੁਸਤਕਾਂ ਵੀ ਇਸ ਘਟਨਾ ਦੌਰਾਨ ਅਗਨ ਭੇਂਟ ਹੋ ਗਈਆਂ ਹਨ।

ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ)ਅਤੇ ਯੂਥ ਵਿੰਗ ਯੂ.ਕੇ ਵਲੋਂ ਪਾਰਟੀ ਦੇ ਕੌਮਾਂਤਰੀ ਪ੍ਰਧਾਨ ਸ: ਸਿਮਰਨਜੀਤ ਸਿੰਘ ਮਾਨ ਜੀ ਦੇ ਭਾਣਜੇ ਦੀ ਬੇ ਵਕਤੀ ਮੌਤ ਤੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ

ਬੀਤੇ ਦਿਨੀ ਸ਼ੋ੍ਰੁਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਅਤੇ ਯੂਥ ਵਿੰਗ ਯੂ.ਕੇ. ਦੀ ਇੱਕ ਸ਼ੋਕ ਮੀਟਿੰਗ ਹੋਈ ਜਿਸ ਵਿੱਚ ਪਾਰਟੀ ਪ੍ਰਧਾਨ ਮਾ: ਅਵਤਾਰ ਸਿੰਘ ਡਰਬੀ ,ਕੌਂਸਲਰ ਗੁਰਦਿਆਲ ਸਿੰਘ ਅਟਵਾਲ ,ਜਨ: ਸਕੱਤਰ ਸਰਬਜੀਤ ਸਿੰਘ, ਯੂਥ ਵਿੰਗ ਯੂ.ਕੇ ਦੇ ਪ੍ਰਧਾਨ ਭਾਈ ਕੁਲਵੰਤ ਸਿੰਘ ਮੁਠੱਡਾ, ਜਨ: ਸਕੱਤਰ ਭਾਈ ਸਤਿੰਦਰ ਸਿੰਘ ਮੰਗੂਵਾਲ, ਸੂਬਾ ਸਿੰਘ ਲਿੱਤਰਾਂ, ਜਸਵਿੰਦਰ ਸਿੰਘ ਰਾਏ, ਤਜਿੰਦਰ ਸਿੰਘ ਸੰਧੂ, ਜਗਵਿੰਦਰ ਸਿੰਘ, ਰਣਜੀਤ ਸਿੰਘ ਸ਼ੇਰਗਿੱਲ, ਇੰਦਰ ਸਿੰਘ ਸੋਹਲ, ਭਾਈ ਮਲਕੀਤ ਸਿੰਘ ਬਾਬਾ ਬਕਾਲਾ,ਮਨਦੀਪ ਸਿੰਘ ਅਜਨਾਲਾ ਤੇ ਹੋਰ ਬਹੁਤ ਸਾਰੇ ਆਗੂ ਸ਼ਾਮਲ ਹੋਏ। ਮੀਟਿੰਗ ਦੌਰਾਨ ਸਮੁੱਚੇ ਆਗੂਆਂ ਵਲੋਂ ਪਿਛਲੇ ਦਿਨੀ ਪਾਰਟੀ ਦੇ ਕੌਮਾਂਤਰੀ ਪ੍ਰਧਾਨ ਸ: ਸਿਮਰਨਜੀਤ ਸਿੰਘ ਮਾਨ ਦੇ ਭਾਣਜੇ ਸ: ਜੈਕਰਨ ਸਿੰਘ ਜਿਨਾਂ ਦੀ ਮੌਤ ਹਾਰਟ ਅਟੈਕ ਕਾਰਨ ਹੋ ਗਈ ਸੀ ਦੀ ਬੇਵਕਤੀ ਮੌਤ ਤੇ ਡੂੰਘੇ ਅਫਸੋਸ ਦਾ ਪ੍ਰਗਟਾਵਾ ਕੀਤਾ ਗਿਆ ਅਤੇ ਵਿਛੜੀ ਆਤਮਾ ਨੂੰ ਦੇ ਮਿੰਟ ਦਾ ਮੌਨ ਰੱਖਕੇ ਸ਼ਰਧਾਜਲੀ ਭੇਟ ਕੀਤੀ ਗਈ ਉਪਰੋਕਤ ਆਗੂਆਂ ਨੇ ਮਾਨ ਸਾਹਿਬ ਜੀ ਦੇ ਭੈਣਜੀ ਬੀਬੀ ਇੰਦਰਜੀਤ ਕੌਰ ਅਤੇ ਜੀਜੇ ਪ੍ਰਿਤਪਾਲ ਸਿੰਘ ਤੇ ਸਮੁੱਚੇ ਪ੍ਰੀਵਾਰ ਨਾਲ ਵੀ ਹਮਦਰਦੀ ਪ੍ਰਗਟ ਕਰਦੇ ਹੋਏ ਵਾਹਿਗੁਰੂ ਜੀ ਦੇ ਚਰਨਾਂ ਵਿੱਚ ਬੇਨਤੀ ਕੀਤੀ ਕਿ ਵਿਛੜੀ ਹੋਈ ਆਤਮਾ ਨੂੰ ਆਪਣੇ ਚਰਨ ਕਮਲਾਂ ਵਿੱਚ ਨਿਵਾਸ ਬਖਸ਼ਣ ਅਤੇ ਪਿਛੇ ਪ੍ਰੀਵਾਰ ਨੂੰ ਭਾਣਾ ਮਿੱਠਾ ਮੰਨਣ ਦਾ ਬਲ ਬਖਸ਼ਣ

ਪੁਲਿਸ ਅਫਸਰ ਤੇ ਰਿਸ਼ਵਤ ਮੰਗਣ ਤੇ ਝੂਠਾ ਪਰਚਾ ਦਰਜ ਕਰਨ ਦਾ ਦੋਸ਼

ਮਾਛੀਵਾੜਾ 13 ਮਾਰਚ (ਸੁਸ਼ੀਲ ਸ਼ਰਮਾ) ਸਥਾਨਕ ਪੁਲਿਸ ਦੀ ਇਸ ਮਹੀਨੇ ਹੀ ਸ਼ੁਰੂ ਕੀਤੀ ਸੱਟਾ ਵਿਰੋਧੀ ਮੁਹਿੰਮ ਉਤੇ ਉਸ ਸਮੇ ਵੱਡਾ ਪ੍ਰਸ਼ਨ ਚਿੰਨ ਲੱਗ ਗਿਆ ਜਦੋ ਪਿਛਲੇ ਦਿਨੀ ਸੱਟਾ ਲਗਾਉਣ ਦੇ ਦੋਸ਼ਾ ਵਿਚ ਫੜ੍ਹੇ ਗਏ ਕਥਿਤ ਖਾਈਵਾਲ ਨੇ ਧੱਕੇਸ਼ਾਹੀ ਤੋ ਦੁਖੀ ਹੋ ਕੇ ਉੱਚ ਅਧਿਕਾਰੀਆ ਤੋ ਇਨਸਾਫ ਦੀ ਮੰਗ ਕੀਤੀ। ਬਲਵੀਰ ਸਿੰਘ ਵਾਸੀ ਮਲੀਪੁਰ ਥਾਣਾ ਪਾਇਲ ਜੋ ¦ਬੇ ਸਮੇ ਤੋ ਮਾਛੀਵਾੜਾ ਵਿਚ ਕਿਰਾਏ ਦੇ ਮਕਾਨ ਵਿਚ ਰਹਿੰਦਾ ਹੈ ਨੇ ਐਸ ਐਸ ਪੀ ਖੰਨਾ,ਡੀ ਆਈ ਜੀ ਪੁਲਿਸ ਰੇਜ਼ ਲੁਧਿਆਣਾ ਤੇ ਮਨੁੱਖੀ ਅਧਿਕਾਰ ਕਮਿਸ਼ਨ ਪੰਜਾਬ ਨੂੰ ਦਿੱਤੀਆ ਦਰਖਾਸ਼ਤਾ ਵਿਚ ਥਾਣਾ ਮਾਛੀਵਾੜਾ ਦੇ ਮੁੱਖੀ ਉਪਰ ਕਥਿਤ ਤੌਰ ਤੇ ਰਿਸ਼ਵਤ ਮੰਗਣ ਤੇ ਝੂਠਾ ਪਰਚਾ ਦਰਜ ਕਰਨ ਦੇ ਦੋਸ਼ ਲਗਾਏ ਹਨ। ਉੱਚ ਅਫਸਰਾ ਨੂੰ ਭੇਜੀ ਦਰਖਾਸ਼ਤਾ ਦੀ ਕਾਪੀ ਪੱਤਰਕਾਰਾ ਨੂੰ ਦਿੰਦੇ ਹੋਏ ਉਕਤ 50 ਕੁ ਸਾਲਾ ਵਿਅਕਤੀ ਨੇ ਇਨਸ਼ਾਫ ਹਿੱਤ ਮੱਦਦ ਦੀ ਗੁਹਾਰ ਲਗਾਈ। ਬਲਵੀਰ ਸਿੰਘ ਅਨੁਸਾਰ ਇੱਕ ਮਾਰਚ 2010 ਸਾਮ ਕਰੀਬ 6 ਵਜੇ ਪੁਲਿਸ ਨੇ ਉਸਨੂੰ ਡਾਕਖਾਨਾ ਰੋਡ ਤੋ ਚੁੱਕਿਆ ਸੀ ਜਦੋ ਉਹ ਇੱਕ ਦੁਕਾਨ ਕਿਰਾਏ ਤੇ ਲੈਣ ਲਈ ਦੁਕਾਨ ਮਾਲਕ ਦੀ ਉਡੀਕ ਕਰ ਰਿਹਾ ਸੀ। ਉਸਨੂੰ ਥਾਣੇ ਵਿਚ ਲਿਜਾਉਣ ਪਿੱਛੋ ਨਾ ਸਿਰਫ ਧਮਕਾਇਆ ਸਗੋ ਵੀਹ ਹਜ਼ਾਰ ਰਿਸ਼ਵਤ ਦੀ ਮੰਗ ਕੀਤੀ ਕਿ ਨਹੀ ਤਾ ਤੇਰੇ ਤੇ ਪਰਚਾ ਕਰ ਦੇਵਾਗੇ। ਉਹਨਾ ਨੇ ਮੇਰੀ ਤਲਾਸ਼ੀ ਦੌਰਾਨ ਗਿਆਰਾ ਹਜ਼ਾਰ ਇੱਕ ਸੌ ਨੱਬੇ ਰੁਪਏ ਕੱਢ ਲਏ ਜਿਹਨਾ ਵਿਚੋ ਦੱਸ ਹਜ਼ਾਰ ਰੁਪਏ ਮੈ ਦੋ ਦਿਨ ਪਹਿਲਾ 26 ਫਰਬਰੀ ਨੂੰ ਪੰਜਾਬ ਨੈਸ਼ਨਲ ਬੈਕ ਕੂੰਮ-ਕਲਾ ਤੋ ਦੁਕਾਨ ਮਾਲਕ ਨੂੰ ਦੇਣ ਲਈ ਕੱਢਵਾਏ ਸੀ ਮੰਗੀ ਰਿਸ਼ਵਤ ਨਾ ਦੇਣ ਤੇ ਮਾਛੀਵਾੜਾ ਪੁਲਿਸ ਨੇ ਮੇਰੇ ਉਪਰ ਸੱਟੇ ਦੀ ਪਰਚੀ ਇੱਕਠੀ ਕਰਨ ਦੇ ਦੋਸ਼ ਵਿਚ ਦੱਸ ਹਜ਼ਾਰ ਤਿੰਨ ਸੌ ਦੱਸ ਰੁਪਏ ਦੀ ਬਰਾਮਦਗੀ ਦਿਖਾ ਕੇ ਸੱਟੇ ਦਾ ਪਰਚਾ ਦਰਜ ਕਰ ਦਿੱਤਾ । ਬਲਵੀਰ ਸਿੰਘ ਨੇ ਉੱਚ ਅਧਿਕਾਰੀਆ ਨੂੰ ਮੁੜ ਜਾਚ ਦੀ ਅਪੀਲ ਕਰ ਝੂਠਾ ਪਰਚਾ ਦਰਜ ਕਰਨ ਵਾਲੇ ਕਥਿਤ ਦੋਸ਼ੀਆ ਤੇ ਕਾਰਵਾਈ ਦੀ ਮੰਗ ਕੀਤੀ ਹੈ। ਪੁਲਿਸ ਦਾ ਪੱਖ ਉਝ ਪੁਲਿਸ ਵੱਲੋ ਦਰਜ ਮਾਮਲੇ ਦੇ ਤੱਥ ਹੀ ਇਸਨੂੰ ਸੱਕੀ ਬਣਾਉਦੇ ਹਨ। ਪੁਲਿਸ ਵੱਲੋ ਦਰਜ ਐਫ ਆਈ ਆਰ ਨੰਬਰ 47 ਅਨੁਸਾਰ ਕਥਿਤ ਦੋਸ਼ੀ ਨੂੰ ਮੁਖਬਰ ਖਾਸ ਦੀ ਇਤਲਾਹ ਤੇ ਉਸ ਸਮੇ ਪਕੜਿਆ ਜਦੋ ਉਹ ਉੱਚੀ-ਉੱਚੀ ਅਵਾਜਾ ਮਾਰ ਕੇ ਕਹਿ ਰਿਹਾ ਸੀ ਕਿ ਮੇਰੇ ਪਾਸ ਦੜ੍ਹਾ ਸੱਟਾ ਲਗਾਉ ਜੇ ਕਰ ਨੰਬਰ ਨਿਕਲ ਆਇਆ ਤਾ ਇੱਕ ਦੇ 70 ਰੁਪਏ ਦੇਵਾਗਾ ਨਹੀ ਤਾ ਖੁਦ ਹਜ਼ਮ ਕਰ ਲਵਾਗਾ ਸਰੇ ਬਾਜ਼ਾਰ ਸੰਘਣੀ ਆਬਾਦੀ ਵਿਚ ਇੰਝ ਕਰਨਾ ਸੰਭਵ ਨਹੀ,ਇਸ ਤੋ ਇਲਾਵਾ ਇੰਨੀ ਵੱਡੀ ਰਕਮ ਦੀਆ ਪਰਚੀਆ ਦੀ ਬਰਾਮਦਗੀ ਵੀ ਸੱਕ ਪੈਦਾ ਕਰਦੀ ਹੈ ਕਿਉ ਜੋ ਆਮ ਤੌਰ ਤੇ ਸੱਟੇ ਦੇ ਸ਼ੌਕੀਨ ਮਜ਼ਦੂਰੀ ਕਰਨ ਵਾਲਿਆ ਵਿਚੋ ਹੁੰਦੇ ਹਨ,ਜੋ ਵੀਹ- ਪੰਜਾਹ ਤੋ ਵੱਧ ਦੀ ਪਰਚੀ ਨਹੀ ਲਗਾਉਦੇ ਹਨ ਉਹ ਵੀ ਪੱਕੇ ਅੱਡੇ ਤੇ ਭਰੋਸੇ ਵਾਲੇ ਖਾਈਵਾਲ ਕੋਲ ਨਾ ਕਿ ਰਾਹ ਚਲਦੇ ਅਵਾਜ਼ਾ ਮਾਰਨ ਵਾਲੇ ਕੋਲ।

ਸ਼੍ਰੋਮਣੀ ਅਕਾਲੀ ਦਲ ( ਅੰਮ੍ਰਿਤਸਰ) ਅਤੇ ਸ਼੍ਰੋਮਣੀ ਯੂਥ ਅਕਾਲੀ ਦਲ ਯੂ.ਕੇ.ਵਲੋਂ ਬੇਗਮਪੁਰਾ ਟਾਈਮਜ ਦੇ ਸੰਪਾਦਕ ਰਵਿੰਦਰ ਸਿੰਘ ਲਾਡੀ ਨੂੰ ਜਲੰਧਰ ਪੁਲਿਸ ਵਲੋਂ ਗ੍ਰਿਫਤਾਰ ਕਰਨ ਦੀ ਨਿਖੇਧੀ

ਬਰਮਿੰਘਮ (ਪੱਤਰ ਪ੍ਰੇਰਕ) ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਯੂ.ਕੇ. ਦੇ ਪ੍ਰਧਾਨ ਮਾ: ਅਵਤਾਰ ਸ਼ਿੰਘ ਜਨ: ਸਕੱਤਰ ਸਰਬਜੀਤ ਸਿੰਘ , ਸ਼੍ਰੋਮਣੀ ਯੂਥ ਅਕਾਲੀ ਦੇ ਪ੍ਰਧਾਨ ਭਾਈ ਕੁਲਵੰਤ ਸਿੰਘ ਮੁਠੱਡਾ,ਜਨ: ਸਕੱਤਰ ਭਾਈ ਸਤਿੰਦਰ ਸਿੰਘ ਮੰਗੂਵਾਲ , ਮਲਕੀਤ ਸਿਂਘ ਬਾਬਾ ਬਕਾਲਾ ਨੇ ਪ੍ਰੈਸ ਨੂੰ ਜਾਰੀ ਕੀਤੇ ਬਿਆਨ ਵਿੱਚ ਪਿਛਲੇ ਦਿਨੀ ਜਲੰਧਰ ਵਿੱਚ ਰਵੀਦਾਸ ਭਾਈਚਾਰੇ ਵਲੋਂ ਬੇਗਮਪੁਰਾ ਟਾਈਮਜ ਵਿੱਚ ਭਗਤ ਰਵੀਦਾਸ ਜੀ ਦੀ ਦਸਤਾਰ ਵਾਲੀ ਫੋਟੋ ਛਾਪਣ ਤੇ ਮੈਗਜੀਨ ਦੇ ਸੰਪਾਦਕ ਰਵਿੰਦਰ ਸਿੰਘ ਲਾਡੀ ਖਿਲਾਫ ਕੀਤੀ ਸ਼ਕਾਇਤ ਤੇ ਜਲੰਧਰ ਪੁਲਸ ਵਲੋਂ ਸੰਪਾਦਕ ਨੂੰ ਗ੍ਰਿਫਤਾਰ ਕਰਨ ਦੀ ਨਿਖੇਧੀ ਕੀਤੀ ਹੈ ਉਪਰੋਕਤ ਆਗੂਆਂ ਨੇ ਕਿਹਾ ਕਿ ਜਿਂੰਨੇ ਵੀ ਪੁਰਾਤਨ ਰਿਸ਼ੀ ਜਾਂ ਪੀਰ ਪੈਗੰਬਰ ਜਾਂ ਭਗਤ ਹੋਏ ਹਨ ਸਾਰੇ ਹੀ ਕੇਸਾਧਾਰੀ ਤੇ ਦਸਤਾਰ ਧਾਰੀ ਸਨ ਪੁਰਾਤਨ ਸਮੇਂ ਤੋਂ ਲੈ ਕੇ ਹੁਣ ਤੱਕ ਦਸਤਾਰ ਨੂੰ ਇੱਕ ਬਹੁਤ ਹੀ ਸਨਮਾਨ ਯੋਗ ਮੰਨਿਆਂ ਗਿਆ ਹੈ ਅਤੇ ਦਸਤਾਰ ਇਨਸਾਨ ਦੀ ਸ਼ਾਨ ਹੋਇਆ ਕਰਦੀ ਹੈ। ਅਗਰ ਜੇ ਕਰ ਸੰਪਾਦਕ ਨੇ ਆਪਣੇ ਮੈਗਜੀਨ ਵਿੱਚ ਭਗਤ ਰਵੀਦਾਸ ਜੀ ਦੀ ਦਸਤਾਰ ਵਾਲੀ ਫੋਟੋ ਛਾਪ ਦਿੱਤੀ ਤਾਂ ਇਸ ਵਿੱਚ ਰਵੀਦਾਸ ਭਾਈਚਾਰੇ ਨੂੰ ਕੋਈ ਇਤਰਾਜ ਨਹੀਂ ਹੋਣਾ ਚਾਹੀਦਾ ਕਿਉਕਿ ਦਸਤਾਰ ਲਾਹੁਣ ਨੂੰ ਅਪਮਾਨਜਨਕ ਮੰਨਿਆ ਜਾਂਦਾ ਹੈ ਸਗੋਂ ੇ ਦਸਤਾਰ ਨੂੰ ਸਿਰ ਤੇ ਸਜਾਉਣ ਨਾਲ ਤਾਂ ਸ਼ਾਨ ਵਿੱਚ ਵਾਧਾ ਹੂੰਦਾ ਹੈ ਉਪਰੋਕਤ ਆਗੂਆ ਨੇ ਸਮੂੰਹ ਰਵੀਦਾਸ ਭਾਈਚਾਰੇ ਨੂੰ ਨਿਮਰਤਾ ਸਾਹਿਤ ਬੇਨਤੀ ਕੀਤੀ ਹੈ ਕਿ ਅਜਿਹੇ ਮਸਲਿਆਂ ਨੂੰ ਊਛਾਲਣਾ ਕੋਈ ਸਮਝਦਾਰੀ ਨਹੀਂ ਹੈ ਪਰ ਫਿਰ ਵੀ ਜੇ ਉਨਾਂ ਦੇ ਮਨ ਨੂੰ ਕੋਈ ਠੇਸ ਪਹੂੰਚੀ ਹੈ ਤਾਂ ਇਸ ਤਰਾਂ ਦੇ ਮਸਲੇ ਨੂੰ ਮਿਲ ਬੈਠ ਕੇ ਸੁਲਝਾਉਣਾ ਚਾਹੀਦਾ ਹੈ ਨਾ ਕਿ ਆਪਸੀ ਟਕਰਾਅ ਵਾਲੀ ਨੀਤੀ ਅਪਣਾ ਕੇ।

---

ਨਾਨਕਸ਼ਾਹੀ ਕੈਲੰਡਰ ਦੇ ਨਾਮ ਹੇਠ ਬਿਕਰਮੀ ਕੈਲੰਡਰ ਜਾਰੀ ਕਰਨ ਦੀ ਨਿਖੇਧੀ - ਅਮਰੀਕਨ ਗੁਰਦੁਆਰਾ ਪ੍ਰਬੰਧਕ ਕਮੇਟੀ।

ਸੈਨ ਫ਼ਰਾਂਸਿਸਕੋ : (ਬਲਵਿੰਦਰਪਾਲ ਸਿੰਘ ਖ਼ਾਲਸਾ) ਨਾਨਕਸ਼ਾਹੀ ਕੈਲੰਡਰ ਸੰਮਤ 542 ਦੀ ਸਮੂੰਹ ਖਾਲਸਾ ਪੰਥ ਨੂੰ ਵਧਾਈ ਦੇਂਦਿਆਂ ਇਥੇ ਇਹ ਯਾਦ ਕਰਵਾਇਆ ਜਾਂਦਾ ਹੈ ਕਿ ਅਮਰੀਕਨ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਸਮੁੱਚੀ ਸਿੱਖ ਸਾਧ-ਸੰਗਤ ਤੇ ਪੰਥਕ ਜਥੇਬੰਦੀਆਂ ਦੀਆਂ ਸੱਚੀਆਂ ਸੁੱਚੀਆਂ ਭਾਵਨਾਵਾਂ ਦਾ ਸਤਿਕਾਰ ਕਰਦਿਆਂ ਤੇ ਉਨਾਂ ਦੇ ਮੋਢੇ ਨਾਲ ਮੋਢਾ ਜੋੜਦਿਆਂ ਇਹ ਐਲਾਨ ਕਰਦੀ ਹੈ ਕਿ ਉਹ ਬਿਨਾਂ ਸੋਧਾਂ ਵਾਲੇ ਅਸਲੀ ਨਾਨਕਸ਼ਾਹੀ ਕੈਲ਼ੰਡਰ ਨੂੰ ਮਾਨਤਾ ਦੇਂਦਿਆਂ ਹੋਇਆਂ ਸ੍ਰ: ਪਾਲ ਸਿੰਘ ਪੁਰੇਵਾਲ ਦੁਆਰਾ ਬਣਾਏ ਤੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵੱਲੋਂ ਜਾਰੀ ਕੀਤੇ ਗਏ ਨਾਨਕਸ਼ਾਹੀ ਕੈਲੰਡਰ ਨੂੰ ਮਾਨਤਾ ਦੇਂਦੀ ਹੈ ਜੋ 14 ਅਪ੍ਰੈਲ, 2003 ਨੂੰ ਤਖ਼ਤ ਸ੍ਰੀ ਦਮਦਮਾ ਸਾਹਿਬ ਤੋਂ ਜਾਰੀ ਕੀਤਾ ਗਿਆ ਸੀ।
ਦਿੱਲੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਅਮਰੀਕਨ ਗੁਰਦੁਆਰਾ ਪ੍ਰਬੰਧਕ ਕਮੇਟੀ, ਕੈਨੇਡਾ ਅਮਰੀਕਾ ਦੀਆਂ ਪ੍ਰਮੁੱਖ ਸਿੱਖ ਸੁਸਾਇਟੀਆਂ, ਯੌਰਪੀਅਨ ਗੁਰਦੁਆਰਾ ਪ੍ਰਬੰਧਕ ਕਮੇਟੀਆਂ ਸਮੇਤ ਦੁਨੀਆਂ ਭਰ ਦੀਆਂ ਅੱਡ ਅੱਡ ਸਿੱਖ ਸੰਸਥਾਵਾਂ ਨੇ ਸੋਧਾਂ ਦੇ ਨਾਂ ਹੇਠ ਨਾਨਕਸ਼ਾਹੀ ਕੈਲੰਡਰ ਦੇ ਹਿੰਦੂਕਰਨ ਦੇ ਯਤਨਾਂ ਨੂੰ ਪੂਰੀ ਤਰਾਂ ਖਾਰਜ ਕਰਦਿਆਂ ਅਸਲੀ ਨਾਨਕਸ਼ਾਹੀ ਕੈਲੰਡਰ-2003 ਅਨੁਸਾਰ ਹੀ ਗੁਰਪੁਰਬ ਤੇ ਇਤਿਹਾਸਕ ਦਿਹਾੜੇ ਮਨਾਉਂਦੇ ਰਹਿਣ ਦੇ ਮਤੇ ਪਾਸ ਕੀਤੇ ਹਨ।
ਏ.ਜੀ.ਪੀ.ਸੀ ਨੇ ਕਦੇ ਵੀ ਸਿੱਖ ਸਿਧਾਂਤਾਂ ਦੀ ਰੌਸ਼ਨੀ ਤੇ ਅਨੁਭਵ ਵਿਚ ਆਏ ਕਿਸੇ ਵੀਚਾਰ ਜਾਂ ਸੋਧ ਦਾ ਕਦੇ ਵਿਰੋਧ ਕਰਨ ਲਈ ਵਿਰੋਧ ਨਹੀਂ ਕੀਤਾ ਪਰ ਨਾਨਕਸ਼ਾਹੀ ਕੈਲੰਡਰ ਵਰਗੇ ਵਡੇ ਤੇ ਸੂਖ਼ਮ ਮਸਲੇ ਤੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਸਣੇ ਇਸਦੇ ਪ੍ਰਧਾਨ ਤੇ ਭਾਈ ਹਰਨਾਮ ਸਿੰਘ ਧੁੰਮੇ ਵਰਗੇ ਦੋ ਬੰਦਿਆ ਨੂੰ ਬੁਕੱਲ ਵਿਚ ਸਵਾਰਥੀ ਲੱਡੂ ਭੋਰਨ ਦੀ ਹਰਗਿਜ਼ ਇਜਾਜ਼ਤ ਨਹੀਂ ਦਿਤੀ ਜਾ ਸਕਦੀ ਜੋ ਭੁਗੋਲ, ਖਗੋਲ ਤੇ ਕਾਲ-ਸੀਮਾ ਬਾਰੇ ਉਕੱਾ ਹੀ ਗਿਆਨ ਨਹੀਂ ਰਖਦੇ।
ਏ.ਜੀ.ਪੀ.ਸੀ., ਸ਼੍ਰੋਮਣੀ ਕਮੇਟੀ ਦੀ ਐਗਜ਼ੈਕਟਿਵ ਕਮੇਟੀ ਦੇ ਉਨਾਂ ਮੈਂਬਰਾਂ ਦੀ ਪ੍ਰੰਸ਼ਸਾ ਕਰਦੀ ਹੈ, ਜਿਨਾਂ ਨਾਨਕਸ਼ਾਹੀ ਕੈਲੰਡਰ ਦੇ ਮਸਲੇ ਤੇ ਸਹੀ ਪਹੁੰਚ ਅਪਣਾਈ। ਤਖ਼ਤ ਸ੍ਰੀ ਦਮਦਮਾ ਸਾਹਿਬ ਦੇ ਜਥੇਦਾਰ ਬਲਵੰਤ ਸਿੰਘ ਨੰਦਗੜ ਦੀ ਨਾਨਕਸ਼ਾਹੀ ਕੈਲੰਡਰ ਦੀ ਰੂਹ ਨੂੰ ਬਚਾਉਣ ਲਈ ਕੀਤੀ ਹਿੰਮਤ ਤੇ ਸਿਰੜ ਦੀ ਅਮਰੀਕਨ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਪੁਰਜ਼ੋਰ ਪ੍ਰਸ਼ੰਸਾ ਕਰਦੀ ਹੈ।
ਏ.ਜੀ.ਪੀ.ਸੀ. ਦੇ ਪ੍ਰਧਾਨ ਭਾਈ ਯਾਦਵਿੰਦਰ ਸਿੰਘ ਤੇ ਕੋਆਰਡੀਨੇਟਰ ਡਾ: ਪ੍ਰਿਤਪਾਲ ਸਿੰਘ ਦੁਆਰਾ ਜਾਰੀ ਕੀਤੇ ਗਏ ਬਿਆਨ ਵਿਚ ਇਸ ਗੱਲ ਦੀ ਸਖ਼ਤ ਨਿੰਦਿਆਂ ਕੀਤੀ ਗਈ ਹੈ ਕਿ ਕੁਝ ਜਾਹਲ ਕਿਸਮ ਦੇ ਖ਼ੁਦਗ਼ਰਜ਼ ਲੋਕ ਖ਼ਾਲਸਾ ਪੰਥ ਦੇ ਮਹਾਨ ਮੁਕਦੱਸ ਅਸਥਾਨ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਨਾਮ ਦੀ ਗ਼ਲਤ ਵਰਤੋਂ ਆਪਣੇ ਨਿੱਜੀ ਤੇ ਸੁਆਰਥੀ ਹਿੱਤਾਂ ਦੀ ਪੂਰਤੀ ਲਈ ਕਰਨ ਦੀ ਕੋਸ਼ਿਸ਼ ਵਿਚ ਹਨ ਜੋ ਪੂਰੇ ਨਹੀਂ ਹੋਣ ਦਿੱਤੇ ਜਾਣਗੇ। ਸ੍ਰੀ ਅਕਾਲ ਤਖ਼ਤ ਸਾਹਿਬ ਮੀਰੀ-ਪੀਰੀ ਦੇ ਵਿਲੱਖਣ ਸਿਧਾਂਤ ਦਾ ਨਾਮ ਹੈ ਤੇ ਹਰ ਸਿੱਖ ਦਾ ਸਿਰ ਇਸ ਅੱਗੇ ਝੁਕਦਾ ਹੈ ਪਰ ਇਸਦੇ ਸਿਧਾਂਤ ਤੋਂ ਉਲਟ ਚੱਲਣ ਵਾਲਿਆਂ ਤੇ ਦੂਜਿਆਂ ਨੂੰ ਚਲਾਉਣ ਦੀ ਵਕਾਲਤ ਕਰਨ ਵਾਲਿਆਂ ਦੇ ਗ਼ਲਤ ਇਰਾਦੇ ਸਦਾ ਇਤਿਹਾਸ ਦੀ ਧੂੜ ਬਣਦੇ ਰਹੇ ਹਨ ਤੇ ਬਣਦੇ ਰਹਿਣਗੇ।

ਸੈਟਰ ਤੇ ਪੰਜਾਬ ਪੁਲਿਸ ਵੱਲੋਂ ਬਣਾਏ ਗਏ “ਤਿੰਨ ਸੋ ਕੈਟਾਂ” ਦੀ ਜਾਣਕਾਰੀ ਜਨਤਕ ਤੌਰ ਤੇ ਦਿੱਤੀ ਜਾਵੇ :- ਟਿਵਾਣਾ

ਚੰਡੀਗੜ੍ਹ, 12 ਮਾਰਚ :- “ਬੀਤੇ ਸਮੇ ਵਿੱਚ ਜਦੋਂ ਪੰਜਾਬ ਵਿੱਚ ਇੱਕ ਡੂੰਘੀ ਸ਼ਾਜਿਸ ਤਹਿਤ ਸੈਟਰ ਹਕੂਮਤ ਅਤੇ ਪੰਜਾਬ ਪੁਲਿਸ ਦੀ ਸਾਂਝੀ ਗੁਪਤ ਰਾਏ ਨਾਲ ਤਿੰਨ ਸੋ ਦੇ ਕਰੀਬ “ਕਾਲੀਆਂ ਬਿੱਲੀਆਂ” ਦੀ ਭਰਤੀ ਕਰਕੇ ਇੱਥੇ ਮਾਰ ਧਾੜ ਕਰਨ ਅਤੇ ਪੰਜਾਬ ਦੀ ਅਮਨ-ਚੈਨ ਵਾਲੀ ਫਿਜ਼ਾ ਨੂੰ ਗੰਧਲਾ ਕਰਨ ਲਈ ਆਲਮ ਸੈਨਾ ਅਤੇ ਵਿਰਕ ਸੈਨਾ ਆਦਿ ਦੇ ਨਾਮ ਉੱਤੇ ਖੜੀਆਂ ਕੀਤੀਆਂ ਗਈਆਂ ਸਨ। ਉਨ੍ਹਾ ਵਿੱਚੋਂ 85-90% ਇਹ ਪੁਲਿਸ ਕੈਟ ਅੱਜ ਵੀ ਪੰਜਾਬ ਵਿੱਚ ਕਿਸੇ ਨਾ ਕਿਸੇ ਤਰੀਕੇ ਸਰਗਰਮ ਹਨ। ਇਹ ਕੈਟ ਕਿਸੇ ਹੋਰ ਘਿਨੌਣੀ ਸ਼ਾਜਿਸ ਉੱਤੇ ਅਮਲ ਕਰਨ, ਉਸ ਤੋਂ ਪਹਿਲੇ ਹਿੰਦ ਹਕੂਮਤ ਇਨ੍ਹਾ ਪੁਲਿਸ ਕੈਟਾਂ ਦੇ ਨਾਮ, ਪਿੰਡ ਆਦਿ ਬਾਰੇ ਮੁਲਕ ਅਤੇ ਪੰਜਾਬ ਦੇ ਅਖਬਾਰਾਂ ਅਤੇ ਬਿਜਲਈ ਮੀਡੀਏ ਵਿੱਚ ਪੂਰਨ ਬਿਓਰਾ ਦੇ ਕੇ ਜਨਤਕ ਤੌਰ ‘ਤੇ ਜਾਣਕਾਰੀ ਦੇਣ ਦੇ ਫਰਜ਼ ਅਦਾ ਕਰੇ ਤਾਂ ਕਿ ਮੁਲਕ ਨਿਵਾਸੀ ਅਤੇ ਪੰਜਾਬ ਨਿਵਾਸੀ ਇਨ੍ਹਾ ਕਾਲੀਆਂ ਬਿੱਲੀਆਂ ਦੀਆਂ ਕਾਰਵਾਈਆਂ ਤੋ ਸੁਚੇਤ ਰਹਿਣ।”
ਇਹ ਵਿਚਾਰ ਅੱਜ ਇੱਥੇ ਭਾਈ ਇਕਬਾਲ ਸਿੰਘ ਟਿਵਾਣਾ ਸਿਆਸੀ ਤੇ ਮੀਡੀਆ ਸਲਾਹਕਾਰ ਅਤੇ ਇੰਚਾਰਜ ਗੁਰਦੁਆਰਾ ਚੋਣਾਂ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਸੈਟਰ ਤੇ ਪੰਜਾਬ ਦੀਆਂ ਹਕੂਮਤਾਂ ਤੋਂ ਜ਼ੋਰਦਾਰ ਤੇ ਸੰਜੀਦਾ ਮੰਗ ਕਰਦੇ ਹੋਏ ਇੱਕ ਪ੍ਰੈਸ ਬਿਆਨ ਵਿੱਚ ਪ੍ਰਗਟਾਏ। ਉਨ੍ਹਾ ਅੱਗੇ ਚੱਲ ਕੇ ਕਿਹਾ ਕਿ ਜਦੋ ਤੋਂ ਹਿੰਦ ਮੁਲਕ ਆਜਾਦ ਹੋਇਆ ਹੈ, ਉਦੋ ਤੋਂ ਹੀ ਇੱਥੋ ਦੇ ਹੁਕਮਰਾਨ, ਘੱਟ ਗਿਣਤੀ ਕੌਮਾਂ ਮੁਸਲਿਮ, ਸਿੱਖ, ਇਸਾਈ ਤੇ ਦਲਿਤਾਂ ਵਿਰੁੱਧ ਅਤਿ ਘਿਨੌਣੇ ਹੱਥਕੰਡੇ ਅਪਣਾਉਂਦੇ ਸ਼ਾਜਿਸਾਂ ਕਰਦੇ ਆਏ ਹਨ। ਜਿਸ ਨਾਲ ਇੱਥੇ ਵੱਡੇ ਪੱਧਰ ਉੱਤੇ ਮਨੁੱਖੀ ਹੱਕਾਂ ਦਾ ਘਾਣ ਵੀ ਹੋ ਰਿਹਾ ਹੈ ਅਤੇ ਬਹੁਗਿਣਤੀ ਹਿੰਦੂ ਕੌਮ ਘੱਟ ਗਿਣਤੀਆਂ ਨੂੰ ਜਲੀਲ ਵੀ ਕਰਦੀ ਆ ਰਹੀ ਹੈ। ਉਨ੍ਹਾ ਕਿਹਾ ਕਿ ਇਹੀ ਮੁੱਖ ਕਾਰਨ ਹਨ ਕਿ ਅੱਜ ਹਿੰਦ ਦੇ ਅੱਠ-ਦਸ ਸੂਬਿਆਂ ਵਿੱਚ ਹਿੰਦ ਹਕੂਮਤ ਦੀਆਂ ਆਪ ਹੁੱਦਰੀਆਂ ਜਾਲਮਾਨਾ ਕਾਰਵਾਈਆਂ ਵਿਰੁੱਧ ਇੱਥੋ ਦੇ ਨਿਵਾਸੀਆਂ ਵਿੱਚ ਭਾਰੀ ਰੋਸ ਤੇ ਬੇਚੈਨੀ ਪੈਦਾ ਹੋ ਚੁੱਕੀ ਹੈ। ਹਿੰਦ ਹਕੂਮਤ ਇਨ੍ਹਾ ਸੂਬਿਆਂ ਦੀਆਂ ਹਕੂਮਤਾਂ ਨਾਲ ਜਾਂ ਉੱਥੋ ਦੀਆਂ ਫੋਰਸਾਂ ਨਾਲ ਸ਼ਾਜਿਸਾਂ ਰਚ ਕੇ ਇਸ ਉੱਠ ਰਹੇ ਰੋਹ ਅਤੇ ਬਗਾਵਤਾਂ ਨੂੰ ਜ਼ਬਰੀ ਕੁਚਲਣ ਲਈ ਗੈਰ ਕਾਨੂੰਨੀ, ਗੈਰ ਸਮਾਜਿਕ ਅਤੇ ਅਣਮਨੁੱਖੀ ਢੰਗਾਂ ਦੀ ਨਿਰੰਤਰ ਵਰਤੋਂ ਕਰਦੀ ਆ ਰਹੀ ਹੈ। ਜਿਸ ਨਾਲ ਇਸ ਮੁਲਕ ਦੀ ਕਾਨੂੰਨੀ ਵਿਵਸਥਾ ਦੇ ਹਾਲਤ ਅਤਿ ਚਿੰਤਾਜਨਕ ਬਣੇ ਹੋਏ ਹਨ। ਤੇਜ਼ੀ ਨਾਲ ਵੱਧਦੀ ਬੇਰੁਜ਼ਗਾਰੀ, ਮਹਿੰਗਾਈ ਅਤੇ ਆਰਥਿਕ ਕਾਣੀ ਵੰਡ ਦੇ ਵੱਡੇ ਵਿਤਕਰੇ ਬਲਦੀ ਉੱਤੇ ਤੇਲ ਪਾਉਣ ਦਾ ਕੰਮ ਕਰ ਰਹੇ ਹਨ। ਇਸ ਲਈ ਇੱਥੇ ਕਿਸੇ ਵੀ ਸਮੇਂ ਵੱਡਾ ਵਿਸਫੋਟ ਹੋਣ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ। ਇਸ ਲਈ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਮੁਲਕ ਨਿਵਾਸੀਆਂ, ਪੰਜਾਬੀਆਂ ਅਤੇ ਸਿੱਖ ਕੌਮ ਦੇ ਬਿਨ੍ਹਾ ਉੱਤੇ ਇਹ ਮੰਗ ਕਰਦਾ ਹੈ ਕਿ ਅਜਿਹੀਆਂ ਰਚੀਆਂ ਜਾ ਰਹੀਆਂ ਘਿਨੌਣੀਆਂ ਸ਼ਾਜਿਸਾਂ ਉੱਤੇ ਅਮਲ ਕਰਨਾ ਤੁਰੰਤ ਬੰਦ ਕੀਤਾ ਜਾਵੇ ਤੇ ਤਿੰਨ ਸੋ ਦੇ ਕਰੀਬ ਪੰਜਾਬ ਵਿੱਚ ਪੈਦਾ ਕੀਤੇ ਗਏ “ਪੁਲਿਸ ਕੈਟ” ਦੀ ਪਹਿਚਾਣ ਲਈ ਉਨ੍ਹਾ ਦਾ ਪੂਰਨ ਬਿਓਰਾ ਪੰਜਾਬ ਦੇ ਸਮੁੱਚੇ ਅਖਬਾਰਾਂ ਅਤੇ ਬਿਜਲਈ ਮੀਡੀਏ ਰਾਹੀਂ ਫੋਰਨ ਨਸ਼ਰ ਕੀਤਾ ਜਾਵੇ। ਤਾਂ ਕਿ ਪੰਜਾਬ ਨਿਵਾਸੀ ਤੇ ਸਿੱਖ ਕੌਮ ਇਨ੍ਹਾਂ ਦੀਆਂ ਸਮਾਜ ਵਿਰੋਧੀ ਕਾਰਵਾਈਆਂ ਤੋਂ ਸੁਚੇਤ ਵੀ ਰਹੇ ਤੇ ਇੱਥੋ ਦੀ ਅਮਨ-ਚੈਨ ਵਾਲੀ ਫਿਜ਼ਾ ਨੂੰ ਕਾਇਮ ਰੱਖਣ ਲਈ ਆਪਣੇ ਫਰਜਾਂ ਦੀ ਪੂਰਤੀ ਵੀ ਕਰ ਸਕੇ।

ਮੁੰਬਈ ਬੰਬ ਕਾਂਡ ਮਾਮਲੇ ਵਿਚ ਸੰਜੇ ਦੱਤ ਨੂੰ ਮਿਲੀ ਰਾਹਤ

ਨਵੀਂ ਦਿੱਲੀ, 12 ਮਾਰਚ -ਬਾਲੀਵੁੱਡ ਅਭਿਨੇਤਾ ਸੰਜੇ ਦੱਤ ਨੂੰ 1993 ਦੇ ਮੁੰਬਈ ਬੰਬ ਕਾਂਡ ਮਾਮਲੇ ਵਿਚ ਉਸ ਸਮੇਂ ਵੱਡੀ ਰਾਹਤ ਮਿਲੀ ਜਦੋਂ ਸੀ.ਬੀ.ਆਈ. ਨੇ ਟਾਡਾ ਦੀ ਵਿਸ਼ੇਸ਼ ਅਦਾਲਤ ਵੱਲੋਂ ਉਨ੍ਹਾਂ ਨੂੰ ਬਰੀ ਕੀਤੇ ਜਾਣ ਦੇ ਫੈਸਲੇ ਨੂੰ ਸੁਪਰੀਮ ਕੋਰਟ ਵਿਚ ਚੁਣੌਤੀ ਨਾ ਦੇਣ ਦਾ ਫੈਸਲਾ ਕੀਤਾ। ਸੀ.ਬੀ.ਆਈ. ਨੇ ਟਾਡਾ ਕਾਨੂੰਨ ਦੇ ਤਹਿਤ ਬਰੀ ਕੀਤੇ ਗਏ 50 ਤੋਂ ਜ਼ਿਆਦਾ ਦੋਸ਼ੀਆਂ ਦੀ ਸੂਚੀ ਵਿਚ ਸੰਜੇ ਦੱਤ ਨੂੰ ਸ਼ਾਮਿਲ ਨਹੀਂ ਕੀਤਾ ਹੈ। ਸੰਜੇ ਨੂੰ ਹਥਿਆਰ ਐਕਟ ਤਹਿਤ 6 ਸਾਲ ਦੀ ਜੇਲ੍ਹ ਦੀ ਸਜ਼ਾ ਸੁਣਾਈ ਗਈ ਹੈ, ਪਰ ਉਨ੍ਹਾਂ ਨੂੰ ਅੱਤਵਾਦੀ ਗਤੀਵਿਧੀਆਂ ਤੇ ਸਾਜਿਸ਼ ਵਿਚ ਸ਼ਾਮਿਲ ਹੋਣ ਦੇ ਦੋਸ਼ਾਂ ਤੋਂ ਮੁਕਤ ਕਰ ਦਿੱਤਾ ਗਿਆ ਹੈ। ਮੁੱਖ ਜੱਜ ਕੇ.ਜੀ. ਬਾਲਾਕ੍ਰਿਸ਼ਣਨ ਦੀ ਪ੍ਰਧਾਨਗੀ ਵਾਲੀ ਤਿੰਨ ਮੈਂਬਰੀ ਬੈਂਚ ਨੇ ਸੈਲੀਸਟਰ ਜਨਰਲ ਗੋਪਾਲ ਸੁਬ੍ਰਮਣੀਅਮ ਦੇ ਅਦਾਲਤ ਵਿਚ ਹਾਜ਼ਰ ਨਾ ਹੋਣ ਦੇ ਕਾਰਨ ਮਾਮਲੇ ਦੀ ਸੁਣਵਾਈ ਮੁਲਤਵੀ ਕਰ ਦਿੱਤੀ।

ਵਿਦੇਸ਼ਾਂ 'ਚ ਨਜ਼ਰਬੰਦ ਪੰਜਾਬੀਆਂ ਦੀ ਰਿਹਾਈ ਲਈ ਪ੍ਰਧਾਨ ਮੰਤਰੀ ਨੂੰ ਮਿਲਾਂਗੇ

ਚੰਡੀਗੜ੍ਹ, 12 ਮਾਰਚ -ਪੰਜਾਬ ਦੇ ਉਪ ਮੁੱਖ ਮੰਤਰੀ ਸ. ਸੁਖਬੀਰ ਸਿੰਘ ਬਾਦਲ ਨੇ ਅੱਜ ਪੰਜਾਬ ਵਿਧਾਨ ਸਭਾ ਵਿਚ ਵਿਸ਼ਵਾਸ ਦੁਆਇਆ ਕਿ ਉਹ ਪੰਜਾਬ ਦੇ ਮੁੱਖ ਮੰਤਰੀ ਨਾਲ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਕੋਲ ਜਾ ਕੇ ਉਨ੍ਹਾਂ ਨੂੰ ਸਪੇਨ ਦੀਆਂ ਜੇਲ੍ਹਾਂ ਵਿਚ ਫਸੇ 37 ਗੈਰ ਕਾਨੂੰਨੀ ਪ੍ਰਵਾਸੀ ਪੰਜਾਬੀਆਂ ਸਮੇਤ ਵਿਦੇਸ਼ਾਂ ਦੀਆਂ ਜੇਲ੍ਹਾਂ ਵਿਚ ਬੰਦੀ ਇਕ ਲੱਖ ਤੋਂ ਵੱਧ ਪੰਜਾਬੀ ਨੌਜਵਾਨਾਂ ਦੀ ਰਿਹਾਈ ਲਈ ਦਖਲ ਅੰਦਾਜ਼ੀ ਦੀ ਮੰਗ ਕਰਨਗੇ। ਪੰਜਾਬ ਵਿਧਾਨ ਸਭਾ ਵਿਚ ਸਿਫ਼ਰ ਕਾਲ ਦੌਰਾਨ ਕਾਂਗਰਸੀ ਐਮ.ਐਲ.ਏ ਸੁਖਪਾਲ ਸਿੰਘ ਖਹਿਰਾ ਵਲੋਂ ਇਹ ਮੁੱਦਾ ਉਠਾਏ ਜਾਣ ਦੇ ਸਬੰਧ ਵਿਚ ਸ. ਬਾਦਲ ਨੇ ਕਿਹਾ ਕਿ ਇਹ ਮੁੱਦਾ ਬਹੁਤ ਗੰਭੀਰ ਹੈ ਅਤੇ ਉਹ ਪ੍ਰਧਾਨ ਮੰਤਰੀ ਨੂੰ ਮਿਲ ਕੇ ਇਸ ਸੰਬਧੀ ਦਖਲਅੰਦਾਜ਼ੀ ਕਰਨ ਦੀ ਮੰਗ ਕਰਨਗੇ ਤਾਂ ਜੋ ਸਾਰੇ ਭਾਰਤੀ ਦੂਤਾਵਾਸਾਂ ਨੂੰ ਵੱਖ-ਵੱਖ ਦੇਸ਼ਾਂ ਦੀਆਂ ਜੇਲ੍ਹਾਂ ਵਿਚ ਬੰਦ ਗੈਰ ਕਾਨੂੰਨੀ ਤਰੀਕੀਆਂ ਨਾਲ ਗਏ ਪੰਜਾਬੀਆਂ ਦੀ ਨਿਸ਼ਾਨਦੇਹੀ ਸੰਬਧੀ ਨਿਰਦੇਸ਼ ਦਿੱਤੇ ਜਾ ਸਕਣ ਅਤੇ ਜੇ ਲੋੜ ਹੋਵੇ ਤਾਂ ਉਨ੍ਹਾਂ ਨੂੰ ਕਾਨੂੰਨੀ ਸਹਾਇਤਾ ਵੀ ਮਿਲ ਸਕੇ। ਉਨ੍ਹਾਂ ਕਾਂਗਰਸੀ ਵਿਧਾਇਕ ਸ. ਖਹਿਰਾ ਨੂੰ ਸਪੇਨ ਦੀਆਂ ਜੇਲ੍ਹਾਂ ਵਿਚ ਫਸੇ 37 ਗੈਰ ਕਾਨੂੰਨੀ ਪ੍ਰਵਾਸੀ ਪੰਜਾਬੀਆਂ ਦੀ ਸੂਚੀ ਦੇਣ ਲਈ ਵੀ ਕਿਹਾ ਤਾਂ ਜੋ ਇਸ ਸੰਬਧੀ ਸਪੇਨ ਦੀ ਸਰਕਾਰ ਨਾਲ ਗੱਲ ਕੀਤੀ ਜਾ ਸਕੇ। ਸ. ਬਾਦਲ ਨੇ ਕਿਹਾ ਕਿ ਉਨ੍ਹਾਂ ਨੂੰ ਪੰਜਾਬੀਆਂ ਦੁਆਰਾ ਗੈਰ ਕਾਨੂੰਨੀ ਤੌਰ 'ਤੇ ਪ੍ਰਵਾਸ ਕੀਤੇ ਜਾਣ ਦੇ ਮਹੱਤਵਪੂਰਨ ਮੁੱਦੇ ਸੰਬਧੀ ਨਿਜੀ ਜਾਣਕਾਰੀ ਉਸ ਵੇਲੇ ਤੋਂ ਹੈ ਜਦੋ ਉਹ ਅਮਰੀਕਾ ਵਿਚ ਪੜ੍ਹਦੇ ਸਨ। ਵਰਨਣਯੋਗ ਹੈ ਕਿ ਸ. ਖਹਿਰਾ ਨੇ ਇਹ ਮਾਮਲਾ ਕੱਲ੍ਹ ਸੰਯੁਕਤ ਰਾਸ਼ਟਰ ਵਲੋਂ ਇਸ ਮਾਮਲੇ ਸੰਬਧੀ ਤਿਆਰ ਕੀਤੀ ਅਤੇ ਪੰਜਾਬ ਦੇ ਮੁੱਖ ਸਕੱਤਰ ਜਾਰੀ ਕੀਤੀ ਗਈ ਰਿਪੋਰਟ ਸੰਬਧੀ ਅਖਬਾਰਾਂ ਵਿਚ ਛਪੀਆਂ ਖਬਰਾਂ ਦੇ ਅਧਾਰ 'ਤੇ ਉਠਾਇਆ।

---

ਮਹਿਲਾ ਬਿੱਲ ਇੱਕ ਇਤਿਹਾਸਕ ਪਹਿਲ ਸਾਬਿਤ ਹੋਵੇਗੀ : ਲਿਬੜਾ

ਮਾਛੀਵਾੜਾ 11 ਮਾਰਚ (ਸੁਸ਼ੀਲ ਸ਼ਰਮਾ) ਦੁਨੀਆ ਦੇ ਸਭ ਤੋ ਵੱਡੇ ਲੋਕਤੰਤਰ ਵਿਚ ਔਰਤਾ ਨੂੰ ਬਰਾਬਰ ਦਾ ਦਰਜਾ ਦੇਣ ਦੇ ਪਿਛਲੇ ਕਈ ਸਾਲਾ ਤੋ ਲਟਕਦੇ ਆ ਰਹੇ ਬਿੱਲ ਨੂੰ ਪਾਸ ਕਰਵਾ ਕਿ ਮੌਜੂਦਾ ਪ੍ਰਧਾਨ ਮੰਤਰੀ ਸ; ਮਨਮੋਹਣ ਸਿੰਘ ਦੀ ਕਾਗਰਸ ਸਰਕਾਰ ਨੇ ਇੱਕ ਇਤਿਹਾਸਕ ਕੱਦਮ ਪੁਟਿਆ ਹੈ। ਅਗਾਮੀ ਸਮੇ ਵਿਚ ਕੋਈ ਵੀ ਔਰਤ ਚਾਹੇ ਕਿਸੇ ਵੀ ਰਾਜਨੀਤਕ ਪਾਰਟੀ ਨਾਲ ਸਬੰਧ ਰੱਖਦੀ ਹੋਵੇ ਜਦੋ ਦੇਸ਼ ਦੀ ਸਭ ਤੋ ਵੱਡੀ ਲੋਕ ਅਦਾਲਤ ਸੰਸਦ ਭਵਨ ਵਿਚ ਦੇਸ਼ ਨੂੰ ਚਲਾਉਣ ਵਿਚ ਆਪਣਾ ਯੋਗਦਾਨ ਦੇਵੇਗੀ ਤਾ ਨਾ ਸਿਰਫ ਦੇਸ਼ ਦੀ ਹਰ ਔਰਤ ਦਾ ਸਿਰ ਫ਼ਖਰ ਨਾਲ ਉੱਚਾ ਹੋਵੇਗਾ ਬਲਕਿ ਪ੍ਰਧਾਨ ਮੰਤਰੀ ਅਹੁੱਦੇ ਤੇ ਰਹਿ ਚੁੱਕੇ ਸਵ; ਰਾਜੀਵ ਗਾਧੀ ਵੱਲੋ 1996 ਵਿਚ ਦੇਖੇ ਗਏ ਸੁਪਨੇ ਨੂੰ ਸੱਚ ਹੋਇਆ ਵੇਖ ਕਿ ਹਰੇਕ ਕਾਗਰਸੀ ਵਰਕਰ ਦਾ ਸੀਨਾ ਗਰਵ ਨਾਲ ਚੌੜਾ ਹੋਵੇਗਾ। ਲੋਕ ਸਭਾ ਸੈਸ਼ਨ ਵਿਚ ਇਸ ਇਤਿਹਾਸਕ ਫੈਸਲੇ ਵਿਚ ਆਪਣਾ ਯੋਗਦਾਨ ਕਰਨ ਉਪਰੰਤ ਫੋਨ ਤੇ ਪੱਤਰਕਾਰਾ ਨਾਲ ਵਿਸ਼ੇਸ ਗੱਲਬਾਤ ਦੌਰਾਨ ਲੋਕ ਸਭਾ ਫਹਿਤਗੜ੍ਹ ਸਾਹਿਬ ਤੋ ਸੰਸਦ ਸੁਖਦੇਵ ਸਿੰਘ ਲਿਬੜਾ ਨੇ ਗੁਰਬਾਣੀ ਦੇ ਸਲੋਕ ਉਚਾਰਦਿਆ ਆਖਿਆ ਕਿ ਸੋ ਕਿਉ ਮੰਦਾ ਆਖਿਆ ਜਿਸ ਜੰਨਮੇ ਰਾਜਾਨ ਦੇ ਵਾਕਾ ਤੇ ਅਮਲ ਕਰਦਿਆ ਕਾਗਰਸ ਪਾਰਟੀ ਨੇ ਔਰਤਾ ਨੂੰ ਬਰਾਬਰੀ ਦਾ ਦਰਜਾ ਦੇ ਕਿ ਸਿੱਧ ਕਰ ਦਿੱਤਾ ਹੈ ਕਿ ਹੁਣ ਉਹ ਸਿਰਫ ਬੱਚੇ ਜੰਮਣ ਲਈ ਹੀ ਨਹੀ ਤੇ ਨਾ ਹੀ ਵੰਸ਼ ਤੋਰਨ ਦੀ ਪਰੰਮਪਰਾ ਨੂੰ ਨਿਭਾਉਣ ਲਈ ਪੁਰਸ਼ ਸਮਾਜ ਔਰਤ ਦਾ ਸ਼ੋਸ਼ਨ ਕਰ ਸਕੇਗਾ। ਔਰਤ ਜਮਾਤ ਹੁਣ ਦੇਸ਼ ਚਲਾਉਣ ਵਿਚ ਸਮੱਰਥ ਹੈ, ਆਪਣੇ ਸੰਸਦ ਸਾਥੀਆ ਲਾਲੂ ਪ੍ਰਸਾਦ ਯਾਦਵ ਤੇ ਮੁਲਾਇਮ ਸਿੰਘ ਯਾਦਵ ਤੇ ਟਿੱਪਣੀ ਕਰਦਿਆ ਬਜੁਰਗ ਸੰਸਦ ਨੇ ਕਿਹਾ ਕਿ ਦਲਿਤ ਸਮਾਜ ਦੇ ਨਾਮ ਤੇ ਸਿਰਫ ਆਪਣਾ ਵੋਟ ਬੈਕ ਚਲੇ ਜਾਣ ਦੇ ਡਰ ਨਾਲ ਇਨ੍ਹਾ ਲੋਕਾ ਨੇ ਨਾ ਸਿਰਫ ਸੰਸਦ ਦਾ ਬਹੁਕੀਮਤੀ ਵਕਤ ਬਰਬਾਦ ਕੀਤਾ ਬਲਕਿ ਇਸ ਇਤਿਹਾਸਕ ਫੈਸਲੇ ਵਿਚ ਰੋੜੇ ਅਟਕਾਉਣ ਦੀਆ ਕੋਸ਼ਿਸ਼ਾ ਵੀ ਕੀਤੀਆ। ਕਾਗਰਸ ਸੁਪਰੀਮੋ ਬੀਬੀ ਸੋਨੀਆ ਗਾਧੀ ਤੇ ਪ੍ਰਧਾਨ ਮੰਤਰੀ ਮਨਮੋਹਣ ਸਿੰਘ ਦਾ ਧੰਨਵਾਦ ਪ੍ਰਗਟ ਕਰਦਿਆ ਲਿਬੜਾ ਨੇ ਕਿਹਾ ਕਿ ਦੇੋਸ਼ ਦੇ ਹੱਕ ਲਈ ਕਿਸੇ ਵੀ ਫੈਸਲੇ ਤੇ ਕਿਸੇ ਵੀ ਕੀਮਤ ਤੇ ਦ੍ਰਿੜ ਰਹਿ ਕੇ ਉਨ੍ਹਾ ਨੇ ਦਰਸਾ ਦਿੱਤਾ ਹੈ ਕਿ ਦੇੋਸ ਵਾਸੀਆ ਅਤੇ ਪਾਰਟੀ ਵੱਲੋ ਸੌਪੀ ਗਈ ਦੇਸ਼ ਦੀ ਕਮਾਨ ਦਾ ਬਿਲਕੁਲ ਸਹੀ ਫੈਸਲਾ ਸਾਬਿਤ ਹੋਇਆ ਹੈ।

ਭਾਰਤੀ ਸੰਵੀਧਾਨ ਅਤੇ ਇਸ ਦੀਆਂ ਕਚਿਹਰੀਆਂ ਸਿੱਖਾਂ ਨੂੰ ਜੇਲਾਂ ਵਿੱਚ ਸੁੱਟਣ ਅਤੇ ਸੂਲੀ ਟੰਗਣ ਵਾਸਤੇ ਹੀ ਹਨ- ਸੁਖਦੀਪ ਸਿੰਘ

ਜਿਵੇਂ ਕਿ ਆਪ ਸਭ ਜਾਣਦੇ ਹੀ ਹੋ ਕਿ 10-03-2010 ਨੂੰ ਦਿੱਲੀ ਹਾਈ ਕੋਰਟ ਨੇ ਸੱਜਣ ਕੁਮਾਰ ਨੂੰ ਜਮਾਨਤ ਦੇ ਦਿੱਤੀ ਹੈ। ਇਸ ਨਾਲ ਭਾਰਤੀ ਸੰਵੀਧਾਨ ਅਤੇ ਇਸ ਦੀਆਂ ਕਚਿਹਰੀਆਂ ਨੇ ਸਾਡੇ ਲਈ ਇੱਕ ਸਾਫ ਅਤੇ ਸਪਸ਼ਟ ਸੁਨੇਹਾ ਦਿੱਤਾ ਹੈ ਕਿ ਇਹ ਸਵਿਧਾਨ ਅਤੇ ਮੁਲਕ ਦੀਆਂ ਕਚਿਹਰੀਆਂ ਸਿਰਫ ਸਿੱਖ ਵਿਰੋਧੀ ਲੋਕਾਂ ਨੂੰ ਬਚਾਉਣ ਅਤੇ ਆਪਣੇ ਹੱਕ ਦੀ ਗੱਲ ਕਰਨ ਵਾਲੇ ਸਿੱਖਾਂ ਨੂੰ ਜੇਲਾਂ ਵਿੱਚ ਸੁੱਟਣ ਅਤੇ ਸੂਲੀ ਟੰਗਣ ਵਾਸਤੇ ਹੀ ਹਨ। ਸਾਰੇ ਹਿੰਦੋਸਤਾਨ ਦੇ ਮੰਤਰੀ, ਜੱਜ, ਰਾਜੇ, ਸਵਿਧਾਨ ਅਤੇ ਕੋਰਟ ਇੱਕ ਥਾਂ ਇਕੱਠੇ ਖੜੇ ਹੋ ਕੇ ਅੱਜ ਸਿੱਖਾਂ ਦੇ ਜਜਬਾਤਾਂ ਦਾ ਸਰੇਆਮ ਮਜਾਕ ਬਣਾ ਰਹੇ ਹਨ। ਪਰ ਦੂਜੇ ਪਾਸੇ ਅਸੀਂ ਹਾਂ ਕਿ ਸਮਝਣ ਦਾ ਨਾਂ ਨਹੀ ਲੈ ਰਹੇ। ਉਹਨਾਂ ਦੀਆਂ ਕਚਿਹਰੀਆਂ ਕਹਿ ਰਹੀਆਂ ਹਨ ਕਿ ਸਿੱਖਾਂ ਦੇ ਗਵਾਹ ਝੂਠੇ ਹਨ, ਉਹਨਾਂ ਦੀ ਸੀ. ਬੀ. ਆਈ. ਉਹਨਾਂ ਦੇ ਖਿਲਾਫ ਪਰਚੇ ਨਹੀਂ ਪਾ ਰਹੀ, ਪਰ ਸਾਨੂੰ ਫੇਰ ਵੀ ਉਹਨਾਂ ਦੀਆਂ ਕਚਿਹਰੀਆਂ ਵਿੱਚੋਂ ਹੀ ਇਨਸਾਫ ਚਾਹੀਦਾ ਹੈ।
ਮੈਂ ਇੱਕ ਗੱਲ ਪੁੱਛਣੀ ਚਾਹੁੰਦਾ ਹਾਂ ਕਿ ਕੀ ਸਾਨੂੰ ਗੁਰੂ ਤੋਂ ਵਿਸ਼ਵਾਸ ਖਤਮ ਹੋ ਗਿਆ ਹੈ ਜੋ ਅਸੀਂ ਅਜਿਹੇ ਲੋਕਾਂ ਦੀਆਂ ਕਚਿਹਰੀਆਂ ਵਿੱਚੋਂ ਇਨਸਾਫ ਦੀ ਮੰਗ ਕਰ ਰਹੇ ਹਾਂ। ਮੈਂ ਨਿੱਜੀ ਤੌਰ ਤੇ ਸਭ ਸਿੰਘ ਭਰਾਵਾਂ ਨੂੰ ਬੇਨਤੀ ਕਰਦਾ ਹਾਂ ਕਿ ਸਾਨੂੰ ਇਹਨਾਂ ਪਾਪੀ ਲੋਕਾਂ ਦੇ ਵਿਰੁੱਧ ਦਾਖਲ ਕੀਤੇ ਸਾਰੇ ਕੇਸ ਵਾਪਿਸ ਲੈ ਲੈਣੇ ਚਾਹੀਦੇ ਹਨ। ਇਸ ਦੇ ਨਾਲ ਸਾਰੀ ਦੁਨੀਆ ਤੱਕ ਸਾਡਾ ਸੁਨੇਹਾ ਪੁੱਜੇਗਾ ਕਿ ਸਾਨੂੰ ਇਸ ਮੁਲਕ ਦੀਆਂ ਸਰਕਾਰਾਂ ਅਤੇ ਕਚਿਹਰੀਆਂ ਇਨਸਾਫ ਨਹੀਂ ਦੇ ਪਾ ਰਹੀਆਂ ਇਸ ਲਈ ਅਸੀਂ ਇਹਨਾਂ ਕੋਰਟਾਂ ਅਤੇ ਸਰਕਾਰਾਂ ਦਾ ਬਾਈਕਾਟ ਕਰਦੇ ਹੋਏ ਹਿੰਦੋਸਤਾਨੀ ਅਦਾਲਤਾਂ ਵਿੱਚ ਚਲਦੇ ਆਪਣੇ ਸਾਰੇ ਮੁਕੱਦਮੇ ਵਾਪਿਸ ਲੈਂਦੇ ਹਾਂ। ਕਿਉਂਕਿ ਇਹ ਅਦਾਲਤਾਂ ਵਿੱਚ ਸਾਨੂੰ ਵਿਸ਼ਵਾਸ ਨਹੀ ਹੈ। ਹੁਣ ਫੈਸਲਾ ਅਕਾਲ ਪੁਰਖ ਦਾ ਹੋਵੇਗਾ ਅਤੇ ਸਜਾ ਅਕਾਲ ਪੁਰਖ ਦੀ ਫੌਜ ਦੇਵੇਗੀ। ਹਾਲੇ ਤੱਕ ਅਕਾਲ ਪੁਰਖ ਦਾ ਫੈਸਲਾ ਇਸ ਨਹੀਂ ਆਇਆ ਕਿਉਂਕਿ ਸਾਨੂੰ ਵਾਹਿਗੁਰੂ ਤੋਂ ਜਿਆਦਾ ਸ਼ਇਦ ਇਹਨਾਂ ਕਚਿਹਰੀਆਂ ਤੇ ਜਿਆਦਾ ਉਮੀਦ ਸੀ। ਅਤੇ ਵਾਹਿਗੁਰੂ ਸਹਾਰਾ ਉਦੋਂ ਬਖਸ਼ਦਾ ਹੈ ਜਦੋਂ ਬੰਦੇ ਦੇ ਆਪਣੇ ਕੀਤੇ ਯਤਨ ਖਤਮ ਹੋ ਜਾਂਦੇ ਹਨ। ਜਿਹੜਾ ਸਵਿਧਾਨ ਇਕ ਸਿੱਖ ਨੂੰ ਸਿੱਖ ਮੰਨਣ ਤੋਂ ਇਨਕਾਰੀ ਹੈ ਅਸੀਂ ਉਸੇ ਸਵਿਧਾਨ ਤੋਂ ਸਿੱਖਾਂ ਦੇ ਹੱਕ ਦਾ ਫੈਸਲਾ ਕਿਵੇਂ ਲੋਚ ਸਕਦੇ ਹਾਂ। ਸੋ ਮੇਰੀ ਸਭ ਭਰਾਵਾਂ ਅੱਗੇ ਬੇਨਤੀ ਹੈ ਕਿ ਆਪਾਂ ਨੂੰ ਵੀ ਇੱਕ ਸੋਚ ਨਾਲ ਆਪਣਾ ਸਾਫ ਟੀਚਾ ਸਾਹਮਣੇ ਰੱਖ ਕੇ ਇੱਕ ਮੁੱਠ ਹੋ ਕੇ ਇਹਨਾਂ ਅਦਾਲਤਾਂ ਦਾ ਬਾਈਕਾਟ ਕਰਨਾ ਚਾਹੀਦਾ ਹੈ। ਬਾਕੀ ਰਹੀ ਗੱਲ ਸੱਜਣ ਕੁਮਾਰ ਵਰਗਿਆਂ ਦੀ ਜਿਹਨਾਂ ਨੂੰ ਪੂਰੇ ਹਿੰਦੋਸਤਾਨੀ ਨਿਆ ਪ੍ਰਨਾਲੀ ਨੇ ਬਚਾਉਣ ਦੀ ਵਾਹ ਲਗਾਈ ਹੋਈ ਹੈ ਉਹਨਾਂ ਨੂੰ ਮੈਂ ਮੀਡੀਏ ਰਾਹੀਂ ਸਾਫ ਸੁਨੇਹਾ ਦਿੰਦਾ ਹਾਂ ਕਿ ਜਿਹੜੇ ਆਪਣੇ ਬਾਪਾਂ ਦੇ ਸਿਰ ਤੇ ਤੁਸੀਂ ਲੋਕ ਅੱਜ ਸਾਨੂੰ ਦੰਦੀਆਂ ਚਿੜਾ ਰਹੇ ਹੋ ਉਹਨਾਂ ਵਿੱਚੋਂ ਕਿਸੇ ਨੇ ਉਂਥੇ ਨਾਲ ਨਹੀਂ ਖੜਨਾਂ ਜਿੱਥੇ ਤੁਹਾਡੇ ਵਰਗਿਆਂ ਨੂੰ ਪੁੱਠੇ ਟੰਗਿਆ ਜਾਂਦਾ ਹੈ। ਇਸ ਸਰਕਾਰ ਦੇ ਸਿਰ ਉਪਰ, ਬਿਕੀ ਹੋਈ ਅਦਾਲਤ ਅਤੇ ਬਿਕੇ ਹੋਏ ਜੱਜਾਂ ਦੇ ਸਿਰ ਉਪਰ, ਅਕਾਲ ਪੁਰਖ ਦੇ ਹੁਕਮ ਨੂੰ ਚੁਨੌਤੀ ਦੇਣ ਦੀ ਜੋ ਭੁੱਲ ਆਪ ਲੋਕ ਕਰ ਚੱਕੇ ਹੋ ਇਸ ਦਾ ਹਰਜਾਨਾ ਭੁਗਤਣ ਲਈ ਵੀ ਤਿਆਰ ਰਹੋ।

ਉਮੀਦਵਾਰਾਂ ਦੀ ਚੋਣ, ਸਿਆਸੀ ਪਾਰਟੀਆਂ ਦੇ ਪ੍ਰਧਾਨਾਂ ਦਾ ਵੱਡਾ ਇਮਤਿਹਾਨ
ਰਾਜ ਸਭਾ, ਸੂਬਿਆਂ ਦੇ ਹੱਕਾਂ ਦੀ ਤਰਜਮਾਨੀ ਕਰਨ
ਵਾਲੀ “ਕੌਸਿਲ ਆਫ਼ ਸਟੇਟ” ਹੈ :- ਮਾਨ

ਚੰਡੀਗੜ੍ਹ, 11 ਮਾਰਚ :- ਸ: ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਪੰਜਾਬ ਦੀਆਂ ਰਾਜ ਸਭਾ ਦੀਆਂ ਖਾਲੀ ਹੋਈਆਂ ਪੰਜ ਸੀਟਾਂ ਦੀ 26 ਮਾਰਚ ਨੂੰ ਹੋਣ ਜਾ ਰਹੀ ਚੋਣ ਉੱਤੇ ਆਪਣੇ ਖਿਆਲਾਤ ਪ੍ਰਗਟਾਉਂਦੇ ਹੋਏ ਕਿਹਾ ਹੈ ਕਿ ਇਹ ਰਾਜ ਸਭਾ ਜੋ ਪਾਰਲੀਮੈਂਟ ਦਾ ਉੱਪਰਲਾ ਸਦਨ ਹੈ, ਸੂਬਿਆਂ ਦੇ ਹੱਕਾਂ ਦੀ ਤਰਜਮਾਨੀ ਕਰਨ ਵਾਲੀ ਉਹ ਕੌਸਿਲ ਆਫ ਸਟੇਟ (ਛੋੁਨਚਲਿ ੋਾ ੰਟਅਟੲਸ) ਹੈ, ਜੋ ਅਮਰੀਕਾ ਦੀ ਸਿਨੇਟ ਦੇ ਬਰਾਬਰ ਰੁਤਬਾ ਰੱਖਦੀ ਹੈ। ਜਦੋਂ ਕਿ ਲੋਕ ਸਭਾ ਦਾ ਹੇਠਲਾ ਸਦਨ ਹੈ ਜੋ ਕਿਸੇ ਮੁਲਕ ਦੇ ਨਿਵਾਸੀਆਂ ਦੇ ਜੀਵਨ ਨਾਲ ਸੰਬੰਧਿਤ ਮੁਸ਼ਕਿਲਾਂ ਦਾ ਹੱਲ ਕਰਨ ਨਾਲ ਸੰਬੰਧ ਰੱਖਦੀ ਹੈ। ਇਹ ਅਮਰੀਕਾ ਦੇ ਹਾਊਸ ਆਫ ਰੀਪ੍ਰੈਂਜਟੇਟਿਵ (੍ਹੋੁਸੲ ੋਾ ੍ਰੲਪਰੲਸੲਨਟਅਟਵਿੲਸ) ਦੇ ਸਮਾਨ ਹੈ। ਉਨ੍ਹਾ ਕਿਹਾ ਕਿ ਰਾਜ ਸਭਾ ਦੀਆਂ ਸੀਟਾਂ ਦੀ ਹੋਣ ਵਾਲੀ ਚੋਣ ਕਾਂਗਰਸ, ਬਾਦਲ ਦਲ ਤੇ ਭਾਜਪਾ ਦੇ ਪ੍ਰਧਾਨਾਂ ਦਾ ਵੀ ਵੱਡਾ ਇਮਤਿਹਾਨ ਹੈ ਕਿ ਉਹ ਆਪੋ ਆਪਣੀਆਂ ਪਾਰਟੀਆਂ ਵੱਲੋ ਇਨ੍ਹਾ ਉਪਰੋਕਤ ਸੀਟਾਂ ਲਈ ਕਿਹੋ ਜਿਹੋ ਉਮੀਦਵਾਰ ਖੜੇ ਕਰਦੀਆਂ ਹਨ? ਜਿੱਥੋ ਤੱਕ ਬਾਦਲ ਦਲ ਵੱਲੋ ਇਨ੍ਹਾ ਸੀਟਾਂ ਲਈ ਉਮੀਦਵਾਰਾਂ ਦੇ ਨਾਮ ਚਰਚਾ ਵਿੱਚ ਹਨ, ਉਨ੍ਹਾ ਵਿੱਚ ਸ਼੍ਰੀ ਨਰੇਸ਼ ਗੁਜਰਾਲ, ਸੁਖਦੇਵ ਸਿੰਘ ਢੀਂਡਸਾ, ਹਰਦੇਵ ਸਿੰਘ ਮੱਤੇਵਾਲ ਤੇ ਸ਼੍ਰੀ ਹਰਚਰਨ ਬੈਂਸ ਦੇ ਨਾਮ ਲਏ ਜਾ ਰਹੇ ਹਨ। ਜਦੋਂ ਕਿ ਸ਼੍ਰੀ ਨਰੇਸ਼ ਗੁਜਰਾਲ ਦੇ ਪਿਤਾ ਸ਼੍ਰੀ ਇੰਦਰ ਕੁਮਾਰ ਗੁਜਰਾਲ ਜੋ ਮੁਲਕ ਦੇ ਵਜ਼ੀਰ ਏ ਆਜਿ਼ਮ ਰਹਿ ਚੁੱਕੇ ਹਨ, ਉਨ੍ਹਾ ਨੇ ਪੰਜਾਬ ਦੇ ਮੁੱਖ ਮਸਲਿਆਂ ਪਾਣੀਆਂ, ਡੈਮਾਂ ਦਾ ਪੂਰਨ ਕੰਟਰੋਲ, ਪੰਜਾਬੀ ਬੋਲਦੇ ਇਲਾਕੇ, ਪੰਜਾਬੀ ਬੋਲੀ, ਪੰਜਾਬ ਨੂੰ ਵੱਡੇ ਉਦਯੋਗ ਦੇਣ, ਬਲਿਊ ਸਟਾਰ ਤੇ ਸਿੱਖਾਂ ਦੇ ਕਾਤਿਲਾਂ ਨੂੰ ਸਜ਼ਾਵਾਂ ਦਿਵਾਉਣ ਲਈ ਆਦਿ ਲਈ ਕੁਝ ਨਹੀਂ ਕੀਤਾ। ਪਰ ਸ: ਬਾਦਲ ਉਸਦੇ ਹੱਕ ਵਿੱਚ ਪ੍ਰਚਾਰ ਕਰਦੇ ਰਹੇ ਹਨ ਕਿ ਸ਼੍ਰੀ ਆਈ ਕੇ ਗੁਜਰਾਲ ਨੇ ਦਹਿਸ਼ਤਗਰਦੀ ਦੌਰਾਨ ਪੰਜਾਬ ਸਿਰ 40 ਹਜ਼ਾਰ ਕਰੋੜ ਰੁਪਏ ਦਾ ਚੜਿਆ ਕਰਜ਼ਾ ਮੁਆਫ ਕੀਤਾ ਸੀ। ਉਸਦੇ ਉਲਟ ਪੰਜਾਬ ਦੇ ਮੌਜੂਦਾ ਖਜ਼ਾਨਾ ਵਜ਼ੀਰ ਸ਼੍ਰੀ ਮਨਪ੍ਰੀਤ ਸਿੰਘ ਬਾਦਲ ਕਹਿ ਰਹੇ ਹਨ ਕਿ ਉਸ ਦਹਿਸ਼ਤਵਾਦ ਵੇਲੇ ਦੇ ਕਰਜ਼ੇ ਦੀਆਂ ਕਿਸ਼ਤਾਂ ਪੰਜਾਬ ਅੱਜ ਵੀ ਭਰ ਰਿਹਾ ਹੈ। ਜਿਸ ਤੋਂ ਸਾਬਿਤ ਹੋ ਜਾਂਦਾ ਹੈ ਕਿ ਸ: ਬਾਦਲ, ਸ਼੍ਰੀ ਗੁਜਰਾਲ ਸੰਬੰਧੀ ਪੰਜਾਬੀਆਂ ਨੂੰ ਗਲਤ ਜਾਣਕਾਰੀ ਦੇ ਰਹੇ ਹਨ। ਸ਼੍ਰੀ ਸੁਖਦੇਵ ਸਿੰਘ ਢੀਂਡਸਾ ਦਾ ਪੁੱਤਰ ਪਹਿਲੇ ਹੀ ਪੰਜਾਬ ਵਿੱਚ ਵਜ਼ੀਰ ਹੈ ਅਤੇ ਸ਼੍ਰੀ ਸੁਖਦੇਵ ਸਿੰਘ ਢੀਂਡਸਾ ਨੇ ਅੱਜ ਤੱਕ ਦਿੱਲੀ ਵਿੱਚ ਬੈਠ ਕੇ ਕਦੀ ਵੀ ਪੰਜਾਬ ਤੇ ਸਿੱਖ ਕੌਮ ਦੇ ਹੱਕਾਂ ਦੀ ਕੋਈ ਰਖਵਾਲੀ ਨਹੀਂ ਕੀਤੀ ਬਲਕਿ ਮੁਤੱਸਵੀ ਜਮਾਤਾਂ ਦੀ ਹਾਂ ਵਿੱਚ ਹਾਂ ਮਿਲਾ ਕੇ ਪੰਜਾਬ ਤੇ ਸਿੱਖ ਕੌਮ ਨਾਲ ਹੋ ਰਹੀ ਬੇਇਨਸਾਫੀ ਦੇ ਭਾਈਵਾਲ ਰਹੇ ਹਨ। ਸ਼੍ਰੀ ਹਰਦੇਵ ਸਿੰਘ ਮੱਤੇਵਾਲ ਅਤੇ ਸ਼੍ਰੀ ਹਰਚਰਨ ਬੈਂਸ ਦੀ ਪੰਜਾਬ ਅਤੇ ਸਿੱਖ ਕੌਮ ਨੂੰ ਕੋਈ ਰਤੀ ਭਰ ਵੀ ਦੇਣ ਨਹੀਂ। ਨਰੇਸ਼ ਗੁਜਰਾਲ ਨੇ ਰਾਜ ਸਭਾ ਵਿੱਚ ਜਾ ਕੇ ਤੇ ਸੁਖਦੇਵ ਸਿੰਘ ਢੀਂਡਸੇ ਨੇ ਲੋਕ ਸਭਾ ਵਿੱਚ ਜਾ ਕੇ ਪੰਜਾਬ ਸੂਬੇ ਨਾਲ ਸੰਬੰਧਿਤ ਉਪਰੋਕਤ ਕਿਸੇ ਇੱਕ ਵੀ ਮੁੱਦੇ ਸੰਬੰਧੀ ਆਵਾਜ਼ ਨਹੀਂ ਉਠਾਈ ਅਤੇ ਨਾ ਹੀ ਅਜਿਹੇ ਲੋਕਾਂ ਕੋਲ ਪੰਜਾਬ ਦੇ ਹੱਕਾਂ ਦੀ ਰਾਖੀ ਕਰਨ ਲਈ ਕੋਈ ਯੋਗਤਾ ਤੇ ਦ੍ਰਿੜਤਾ ਹੈ। ਜਿੱਥੋ ਤੱਕ ਹਰਦੇਵ ਸਿੰਘ ਮੱਤੇਵਾਲ ਦਾ ਨਾਮ ਆਉਂਦਾ ਹੈ, ਉਸਨੇ ਸਿੱਖ ਕੌਮ ਦੇ ਕਾਤਿਲ ਤੇ ਬਲਾਤਕਾਰੀ ਸਿਰਸੇ ਵਾਲੇ ਸਾਧ ਵਿਰੁੱਧ ਕਾਨੂੰਨੀ ਕਾਰਵਾਈ ਨਾ ਕਰਕੇ ਅਤੇ ਜਦੋਂ ਹਾਈਕੋਰਟ ਅਤੇ ਸੁਪਰੀਮ ਕੋਰਟ ਨੇ ਮੈਨੂੰ ਖਾਲਿਸਤਾਨ ਦੇ ਕੇਸਾਂ ਵਿੱਚ ਬਰੀ ਕਰ ਦਿੱਤਾ ਸੀ ਤਾਂ ਇਸ ਮੱਤੇਵਾਲ ਨੇ ਸ: ਬਾਦਲ ਦੇ ਕਹਿਣ ਉੱਤੇ “ਖਾਲਿਸਤਾਨ” ਦੇ ਵਿਰੁੱਧ ਸੁਪਰੀਮ ਕੋਰਟ ਵਿੱਚ ਰਿਟ ਲਗਾ ਕੇ ਖੁਦ ਹੀ ਸਿੱਖ ਕੌਮ ਵਿਰੋਧੀ ਸਾਬਿਤ ਕਰ ਦਿੱਤਾ ਸੀ। ਸ਼੍ਰੀ ਹਰਚਰਨ ਬੈਂਸ ਜੋ ਅਜੇ ਤੱਕ ਆਪਣੇ ਸਿੱਖੀ ਸਰੂਪ ਵਿੱਚ ਪੂਰਾ ਨਹੀਂ, ਮੁੱਢ ਤੋਂ ਨਿਰੰਕਾਰੀ ਰਿਹਾ ਹੈ, ਜਿਸਦੀ ਸਿੱਖ ਕੌਮ ਨੂੰ ਕੋਈ ਵੀ ਦੇਣ ਨਹੀਂ, ਅਜਿਹੇ ਲੋਕ ਰਾਜ ਸਭਾ ਵਿੱਚ ਜਾ ਕੇ ਪੰਜਾਬ ਸੂਬੇ ਦੀ ਕੀ ਪੈਰਵੀ ਕਰਨਗੇ? ਜਿੱਥੋ ਤੱਕ ਕਾਂਗਰਸ ਦੇ ਉਮੀਦਵਾਰ ਸ਼੍ਰੀ ਅਸ਼ਵਨੀ ਕੁਮਾਰ ਤੇ ਬੀਬੀ ਅੰਬਿਕਾ ਸੋਨੀ ਦੀ ਗੱਲ ਹੈ, ਇਹ ਕਦੇ ਪੰਜਾਬ ਵਿੱਚ ਰਹਿੰਦੇ ਹੀ ਨਹੀਂ ਅਤੇ ਨਾ ਹੀ ਇਨ੍ਹਾ ਲੋਕਾਂ ਨੂੰ ਪੰਜਾਬ ਨਾਲ ਕੋਈ ਲਗਾਵ ਹੈ। ਉਨ੍ਹਾ ਕਿਹਾ ਕਿ ਅਖਬਾਰਾਂ ਦੇ ਸੰਪਾਦਕ ਜਿਵੇਂ ਸ਼੍ਰੀ ਐਚ ਕੇ ਦੂਆ ਜਾਂ ਸ: ਬਰਜਿੰਦਰ ਸਿੰਘ ਆਦਿ ਨੂੰ ਰਾਜ ਸਭਾ ਵਿੱਚ ਭੇਜਣ ਦੀ ਕਾਰਵਾਈ ਅਸਲੀਅਤ ਵਿੱਚ ਪ੍ਰੈਸ ਦੀ ਆਜ਼ਾਦੀ ਉੱਤੇ ਵੱਡਾ ਪ੍ਰਸ਼ਨਚਿੰਨ੍ਹ ਲਗਾ ਦਿੰਦੀ ਹੈ। ਕਿਉਂਕਿ ਅਜਿਹੇ ਮੈਬਰ ਬਣਨ ਉਪਰੰਤ ਇਹ ਸੰਪਾਦਕ ਹਕੂਮਤਾਂ ਦੇ ਪੱਖ ਵਿੱਚ ਹੀ ਲਿਖਣਾ ਸ਼ੁਰੂ ਕਰ ਦਿੰਦੇ ਹਨ ਤੇ ਕਲਮ ਦੀ ਦੁਰਵਰਤੋਂ ਕਰਨ ਲੱਗ ਜਾਂਦੇ ਹਨ। ਇਹ ਦੋਵੇ ਐਡੀਟਰ ਵੀ ਪੰਜਾਬ ਨਾਲ ਕਦੀ ਵੀ ਇਨਸਾਫ ਨਹੀਂ ਕਰ ਸਕੇ। ਜਿੱਥੋ ਤੱਕ ਭਾਜਪਾ ਦੀ ਜਮਾਤ ਵੱਲੋ ਇੱਕ ਰਾਜ ਸਭਾ ਮੈਬਰ ਬਣਾਉਣ ਦੀ ਤਜ਼ਵੀਜ ਹੈ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਇਨ੍ਹਾ ਤੋ ਪੁੱਛਣਾ ਚਾਹੇਗਾ ਕਿ “ਬਲਿਊ ਸਟਾਰ” ਦੀ ਫੌਜੀ ਕਾਰਵਾਈ ਅਤੇ ਸਿੱਖ ਕੌਮ ਦੀ ਬਣਾਈ ਗਈ ਕਾਲੀ ਸੂਚੀ ਅਤੇ ਪੰਜਾਬ ਦੀਆਂ ਸਰਹੱਦਾਂ ਉੱਤੇ 540 ਕਿ:ਮੀ: ਲਾਈ ਗਈ ਲੰਬੀ ਕੰਡਿਆਲੀ ਤਾਰ ਜਿਸਨੂੰ ਸਿੱਖ ਕੌਮ ਆਪਣੀ ਰੌਜ਼ਾਨਾ ਦੀ ਅਰਦਾਸ “ਖੁੱਲ੍ਹੇ ਦਰਸ਼ਨ ਦੀਦਾਰੇ ਦੀ ਰੌਸ਼ਨੀ ਵਿੱਚ ਜਰਮਨ ਦੀ ਕੰਧ ਦੀ ਤਰ੍ਹਾ ਖਤਮ ਕਰਾਉਣਾ ਚਾਹੁੰਦੀ ਹੈ, ਕੀ ਭਾਜਪਾ ਦੀ ਜਮਾਤ ਇਹ ਸਭ ਕੁਝ ਕਰਵਾਏਗੀ? ਉਨ੍ਹਾ ਕਿਹਾ ਕਿ ਭਾਜਪਾ ਦੀ ਜਮਾਤ ਪੰਜਾਬ, ਪੰਜਾਬੀ, ਪੰਜਾਬੀਅਤ ਅਤੇ ਸਿੱਖ ਕੌਮ ਲਈ ਨਾ ਤਾਂ ਕਦੇ ਪਹਿਲਾ ਸੁਹਿਰਦ ਹੋਈ ਹੈ ਅਤੇ ਨਾ ਹੀ ਭਵਿੱਖ ਵਿੱਚ ਇਸ ਤੋਂ ਕੋਈ ਉਮੀਦ ਰੱਖੀ ਜਾ ਸਕਦੀ ਹੈ। ਹਿੰਦੂ ਹੁਕਮਰਾਨਾਂ ਨਹਿਰੂ ਅਤੇ ਗਾਂਧੀ ਨੇ ਵੀ ਸਿੱਖਾਂ ਨਾਲ ਝੂਠੇ ਹੀ ਵਾਅਦੇ ਕੀਤੇ ਹਨ, ਸਿੱਖ ਕੌਮ ਨੂੰ ਅਮਲੀ ਰੂਪ ਵਿੱਚ ਕੁਝ ਨਹੀਂ ਦਿੱਤਾ।
ਇਸ ਲਈ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਪੰਜਾਬੀਆਂ ਤੇ ਸਿੱਖ ਕੌਮ ਦੇ ਬਿਨ੍ਹਾ ਉੱਤੇ ਇਹ ਮੰਗ ਕਰਦਾ ਹੈ ਕਿਸੇ ਵੀ ਪੰਜਾਬ ਤੇ ਸਿੱਖ ਵਿਰੋਧੀ ਚਿਹਰੇ ਨੂੰ ਰਾਜ ਸਭਾ ਵਿੱਚ ਬਿਲਕੁਲ ਨਾ ਭੇਜਿਆ ਜਾਵੇ ਜੋ ਉੱਥੇ ਜਾ ਕੇ ਦਿੱਲੀ ਹਕੂਮਤ ਦੀ ਗੋਦ ਵਿੱਚ ਬੈਠ ਕੇ ਤਾਕਤ ਦਾ ਅਨੰਦ ਲੈਣ ਦਾ ਚਾਹਵਾਨ ਹੋਵੇ। ਬਲਕਿ ਅਜਿਹੇ ਇਮਾਨਦਾਰ, ਸੁਹਿਰਦ ਤੇ ਪੰਜਾਬ ਤੇ ਸਿੱਖ ਕੌਮ ਪੱਖੀ ਦ੍ਰਿੜ ਸੋਚ ਰੱਖਣ ਵਾਲੇ ਉਮੀਦਵਾਰ ਬਣਾਏ ਜਾਣ ਜੋ ਅਸਲੀਅਤ ਵਿੱਚ ਪੰਜਾਬ ਨਾਲ ਤੇ ਸਿੱਖ ਕੌਮ ਨਾਲ ਹੋ ਰਹੀਆਂ ਬੇਇਨਸਾਫੀਆਂ ਨੂੰ ਦੂਰ ਕਰਨ ਦੀ ਦ੍ਰਿੜਤਾ ਅਤੇ ਸਮਰੱਥਾ ਰੱਖਦੇ ਹੋਣ ਅਤੇ ਦਿੱਲੀ ਜਾ ਕੇ ਦਿੱਲੀ ਵਾਲਿਆਂ ਦੇ ਹੀ ਬਣ ਕੇ ਨਾ ਰਹਿ ਜਾਣ।

ਮੋਦੀ ਨੂੰ ਗੁਜਰਾਤ ਦੰਗਿਆਂ ਦੇ ਮਾਮਲੇ 'ਚ ਸੰਮਨ ਜਾਰੀ

ਅਹਿਮਦਾਬਾਦ, 11 ਮਾਰਚ- ਗੁਜਰਾਤ ਦੰਗਿਆਂ ਨਾਲ ਜੁੜੇ ਕਈ ਮਾਮਲਿਆਂ ਦੀ ਜਾਂਚ ਕਰ ਰਹੀ ਵਿਸ਼ੇਸ਼ ਜਾਂਚ ਟੀਮ ਨੇ ਸੂਬੇ ਦੇ ਮੁੱਖ ਮੰਤਰੀ ਨਰੇਂਦਰ ਮੋਦੀ ਨੂੰ ਦੰਗਿਆਂ ਨਾਲ ਜੁੜੇ ਇਕ ਮਾਮਲੇ ਵਿਚ ਪੁਛਗਿਛ ਲਈ ਬੁਲਾਇਆ ਗਿਆ ਹੈ। ਵਿਸ਼ੇਸ਼ ਜਾਂਚ ਟੀਮ ਨੇ ਮੋਦੀ ਨੂੰ 21 ਮਾਰਚ ਨੂੰ ਹਾਜ਼ਰ ਹੋਣ ਲਈ ਕਿਹਾ ਹੈ। ਐਸ ਆਈ ਟੀ ਦੇ ਮੁਖੀ ਆਰ ਕੇ ਰਾਘਵਨ ਨੇ ਮੁੱਖ ਮੰਤਰੀ ਨਰੇਂਦਰ ਮੋਦੀ ਨੂੰ ਸੰਮਨ ਜਾਰੀ ਕਰਨ ਦੀ ਪੁਸ਼ਟੀ ਜਾਰੀ ਕੀਤੀ ਹੈ ਅਤੇ ਕਿਹਾ ਕਿ ਇਸ ਦੇ ਬਾਰੇ ਮੁੱਖ ਮੰਤਰੀ ਨੂੰ ਜਾਣਕਾਰੀ ਮਿਲ ਗਈ ਹੈ। ਮੋਦੀ ਨੂੰ ਪਹਿਲੀ ਵਾਰ ਦੰਗਿਆਂ ਨਾਲ ਜੁੜੇ ਕਿਸੇ ਮਾਮਲੇ ਵਿਚ ਪੁਛਗਿਛ ਲਈ ਸੱਦਿਆ ਗਿਆ ਹੈ।

ਜੇ.ਪੀ. ਸੀਮੇਂਟ ਵੱਲੋਂ ਕੈਂਪ ਲਗਾਇਆ
ਬਿਲਡਿੰਗ ਨਿਰਮਾਣ ਸਬੰਧੀ ਜਾਣਕਾਰੀ ਦੇਣਾ ਸ਼ਲਾਘਾਯੋਗ : ਗਿੱਲ

ਮਾਛੀਵਾੜਾ, 11 ਮਾਰਚ (ਸੁਸ਼ੀਲ ਸ਼ਰਮਾ) ਸ਼ਹਿਰ ਵਿਚ ਜੇ.ਪੀ. ਸੀਮੇਂਟ ਵੱਲੋਂ ਆਪਣੇ ਡੀਲਰ ਮੱਕੜ ਬਿਲਡਿੰਗ ਮਟੀਰੀਅਲ ਸਟੋਰ ਦੇ ਸਹਿਯੋਗ ਨਾਲ ਠੇਕੇਦਾਰਾਂ, ਲੋਕਾਂ ਤੇ ਰਾਜ ਮਿਸਤਰੀਆਂ ਨੂੰ ਸੀਮੇਂਟ ਬਾਰੇ ਜਾਣਕਾਰੀ ਦੇਣ ਸਬੰਧੀ ਗਾਹਕ ਜਾਗ੍ਰਿਤੀ ਕੈਂਪ ਲਗਾਇਆ ਗਿਆ ਜਿਸ ਵਿਚ ਕੰਪਨੀ ਦੇ ਇੰਜੀਨੀਅਰ ਲਲਿਤ ਵਾਲੀਆ, ਸੇਲਜ਼ ਮੈਨ ਸੌਰਵ ਢਾਂਡਾ ਵਿਸ਼ੇਸ਼ ਤੌਰ ਤੇ ਪੁੱਜੇ। ਉਨ੍ਹਾਂ ਠੇਕੇਦਾਰਾਂ ਤੇ ਰਾਜ ਮਿਸਤਰੀਆਂ ਨੂੰ ਸੀਮੇਂਟ ਦੀ ਗੁਣਵੱਤਾ ਤੇ ਇਸਨੂੰ ਵਰਤਣ ਦੀ ਵਿਧੀ ਬਾਰੇ ਦੱਸਿਆ ਕਿ ਇਸ ਨੂੰ ਛਾਣੇ ਹੋਏ ਰੇਤੇ ਵਿਚ ਚੰਗੀ ਤਰ੍ਹਾਂ ਰਲਾਉਣਾ ਚਾਹੀਦਾ ਹੈ ਤਾਂ ਜੋ ਇਸਦਾ ਉਪਯੋਗ ਕਰਨ ਸਮੇਂ ਵੱਧ ਤੋਂ ਵੱਧ ਮਜ਼ਬੂਤੀ ਹਾਸਲ ਕੀਤੀ ਜਾ ਸਕੇ ਤੇ ਇਹ ਸੀਮੇਂਟ ਹੋਰਾਂ ਤੇ ਮੁਕਾਬਲੇ ਜੰਗ ਰੋਧਕ ਤੇ ਪਕੜ ਕਰਨ ਵਿਚ ਜਿਆਦਾ ਸਮਰੱਥ ਹੈ।
ਕੰਪਨੀ ਦੇ ਇੰਜੀਨੀਅਰ ਨੇ ਦੱਸਿਆ ਕਿ ਜੇ.ਪੀ. ਸੀਮੇਂਟ ਗਰੁੱਪ 1957 ਵਿਚ ਸਥਾਪਿਤ ਹੋਇਆ ਜੋ ਅੱਜ ਹਿੰਦੋਸਤਾਨ ਵਿਚ ਸੀਮੇਂਟ ਨਿਰਮਾਤਾ ਦੇ ਤੌਰ ਤੇ ਸਭ ਤੋਂ ਵੱਡੀ ਕੰਪਨੀ ਦੇ ਰੂਪ ਵਿਚ ਚੱਲ ਰਹੀ ਹੈ। ਉਨ੍ਹਾਂ ਦੱਸਿਆ ਕੰਪਨੀ ਇੱਕ ਦਿਨ ਵਿਚ 20 ਲੱਖ ਦੇ ਕਰੀਬ ਸੀਮੇਂਟ ਦੀਆਂ ਬੋਰੀਆਂ ਤਿਆਰ ਕਰਦੀ ਹੈ। ਉਨ੍ਹਾਂ ਕਿਹਾ ਕਿ ਇਸ ਗਰੁੱਪ ਵੱਲੋਂ ਦੇਸ਼ ਦੇ ਵਿਕਾਸ ਵਿਚ ਹਿੱਸਾ ਪਾਉਂਦਿਆ ਹੋਇਆ ਆਪਣੇ ਬਿਜਲੀ ਪਲਾਂਟ ਵੀ ਲਗਾਏ ਗਏ ਹਨ ਜਿਨ੍ਹਾਂ ਤੋਂ ਗਰੀਬ 5 ਹਜਾਰ ਮੈਗਾਵਾਟ ਬਿਜਲੀ ਪੈਦਾ ਕਰਕੇ ਸ਼ਹਿਰਾਂ ਤੇ ਪਿੰਡਾਂ ਨੂੰ ਬਿਜਲੀ ਮੁਹੱਈਆ ਕਰਵਾਈ ਜਾਂਦੀ ਹੈ।
ਇਸ ਮੌਕੇ ਨਗਰ ਕੌਸਲ ਉਪ ਪ੍ਰਧਾਨ ਦਲਜੀਤ ਸਿੰਘ ਗਿੱਲ ਨੇ ਆਪਣੇ ਸੰਬੋਧਨ ਵਿਚ ਦੱਸਿਆ ਕਿ ਕੰਪਨੀ ਵੱਲੋਂ ਗਾਹਕ ਕੈਂਪ ਲਗਾ ਕੇ ਜਾਣਕਾਰੀ ਦੇਣਾ ਇੱਕ ਚੰਗਾ ਕੰਮ ਹੈ ਕਿਉਂ੍ਯਕ ਮੌਜੂਦਾ ਮਹਿੰਗਾਈ ਦੇ ਦੌਰ ਵਿਚ ਮਕਾਨਾਂ ਦਾ ਬਣਾਉਣਾ ਕੋਈ ਅਸਾਨ ਕੰਮ ਨਹੀਂ ਹੈ ਇਸ ਲਈ ਇਸ ਵਿਚ ਵਰਤੇ ਜਾਣ ਵਾਲੇ ਮਟੀਰੀਅਲ ਬਾਰੇ ਲੋਕਾਂ ਨੂੰ ਜਾਗਰੂਕ ਹੋਣਾ ਸਮੇਂ ਦੀ ਜਰੂਰਤ ਹੈ ਇਸ ਮੌਕੇ ਨਗਰ ਕੌਸਲ ਪ੍ਰਧਾਨ ਉਜਾਗਰ ਸਿੰਘ ਬੈਨੀਪਾਲ ਤੋਂ ਇਲਾਵਾ ਪੀ ਏ ਡੀ ਬੀ ਦੇ ਚੇਅਰਮੈਨ ਰੁਪਿੰਦਰ ਸਿੰਘ ਬੈਨੀਪਾਲ, ਕਰਮਜੀਤ ਸਿੰਘ ਮਾਂਗਟ, ਜਗਮੋਹਣ ਸਿੰਘ ਟੱਕਰ, ਹਰਬੰਸ ਸਿੰਘ ਬੈਨੀਪਾਲ, ਅਮਰੀਕ ਸਿੰਘ, ਜਥੇਦਾਰ ਕੇਵਲ ਸਿੰਘ ਕੱਦੋਂ, ਡਾ. ਸੰਦੀਪ ਸ਼ਰਮਾ, ਭੁਪਿੰਦਰ ਸਿੰਘ ਆਦਿ ਵੀ ਮੌਜੂਦ ਸਨ

ਸਿੱਖ ਕਤਲੇਆਮ ਦਾ ਮਾਮਲਾ ਸੱਜਣ ਕੁਮਾਰ ਨੂੰ ਜ਼ਮਾਨਤ ਮਿਲੀ

ਨਵੀਂ ਦਿੱਲੀ, 10 ਮਾਰਚ (ਚੜ੍ਹਦੀਕਲਾ ਨਿਊਜ਼ ਸਰਵਿਸ): ਸਿੱਖ ਵਿਰੋਧੀ ਦੰਗਿਆਂ ਵਿਚ ਕਥਿਤ ਭੂਮਿਕਾ ਨਿਭਾਉਣ ਦੇ ਮਾਮਲੇ ਵਿਚ ਕਾਂਗਰਸੀ ਆਗੂ ਸੱਜਣ ਕੁਮਾਰ ਅੱਜ ਦਿੱਲੀ ਦੀ ਇਕ ਅਦਾਲਤ ਵਿਚ ਪੇਸ਼ ਹੋਇਆ, ਜਿਥੇ ਉਸ ਨੂੰ ਜ਼ਮਾਨਤ ਮਿਲ ਗਈ। ਵਧੀਕ ਮੈਟਰੋਪਾਲਿਟਨ ਮੈਜਿਸਟਰੇਟ ਲੋਕੇਸ਼ ਕੁਮਾਰ ਸ਼ਰਮਾ ਨੇ ਬਾਹਰੀ ਦਿੱਲੀ ਸੰਸਦੀ ਖੇਤਰ ਤੋਂ ਸਾਂਸਦ ਰਹਿ ਚੁੱਕੇ ਸੱਜਣ ਕੁਮਾਰ ਨੂੰ ਪੰਜਾਹ ਹਜ਼ਾਰ ਰੁਪਏ ਦੇ ਨਿੱਜੀ ਮੁਚਲਕੇ ਅਤੇ ਉਨੀ ਹੀ ਜ਼ਮਾਨਤ ਰਾਸ਼ੀ ਜਮ੍ਹਾਂ ਕਰਨ 'ਤੇ ਜ਼ਮਾਨਤ ਦੇ ਦਿੱਤੀ। 64 ਸਾਲਾ ਸੱਜਣ ਕੁਮਾਰ ਤੋਂ ਇਲਾਵਾ ਸਿੱਖ ਵਿਰੋਧੀ ਕਤਲੇਆਮ ਵਿਚ ਕਥਿਤ ਭੂਮਿਕਾ ਦੇ ਮਾਮਲੇ ਵਿਚ 7 ਹੋਰ ਦੋਸ਼ੀ ਵੀ ਜ਼ਮਾਨਤ ਲਈ ਅਦਾਲਤ ਵਿਚ ਹਾਜ਼ਰ ਹੋਏ ਅਤੇ ਉਨ੍ਹਾਂ ਨੂੰ ਵੀ ਜ਼ਮਾਨਤ ਦੇ ਦਿੱਤੀ ਗਈ। ਸੱਜਣ ਨੇ ਗ਼ੈਰ ਜ਼ਮਾਨਤੀ ਵਾਰੰਟ ਜਾਰੀ ਹੋਣ ਤੋਂ ਬਾਅਦ 26 ਫਰਵਰੀ ਨੂੰ ਦਿੱਲੀ ਹਾਈ ਕੋਰਟ ਤੋਂ ਅਗਾਊਂ ਜ਼ਮਾਨਤ ਲੈ ਲਈ ਸੀ। ਅਦਾਲਤ ਨੇ ਇਸ ਮਾਮਲੇ ਦੀ ਅਗਲੀ ਸੁਣਵਾਈ ਲਈ 20 ਮਾਰਚ ਦੀ ਮਿਤੀ ਤੈਅ ਕੀਤੀ ਹੈ।

ਜਰਨੈਲ ਸਿੰਘ ਪੱਤਰਕਾਰ 'ਤੇ ਜਾਨਲੇਵਾ ਹਮਲਾ

ਨਵੀਂ ਦਿੱਲੀ, 10 ਮਾਰਚ- 1984 ਦੇ ਸਿੱਖ ਕਤਲੇਆਮ ਦੇ ਮਾਮਲੇ ਵਿਚ ਗ੍ਰਹਿ ਮੰਤਰੀ ਪੀ. ਚਿਦੰਬਰਮ 'ਤੇ ਜੁੱਤਾ ਸੁੱਟਣ ਵਾਲੇ ਪੱਤਰਕਾਰ ਜਰਨੈਲ ਸਿੰਘ ਉਤੇ ਅੱਜ ਉਸ ਸਮੇਂ ਜਾਨਲੇਵਾ ਹਮਲਾ ਹੋਇਆ ਜਦੋਂ ਉਹ ਸਿੱਖ ਕਤਲੇਆਮ ਦੇ ਮਾਮਲੇ ਵਿਚ ਦੋਸ਼ੀ ਸੱਜਣ ਕੁਮਾਰ ਦੀ ਅਦਾਲਤ ਵਿਚ ਪੇਸ਼ੀ ਦੌਰਾਨ ਪੀੜਤ ਪਰਿਵਾਰਾਂ ਦੇ ਸਮਰਥਨ ਵਿਚ ਆਪਣਾ ਰੋਸ ਪ੍ਰਗਟ ਕਰਨ ਪੁੱਜੇ ਸਨ। ਇਕ ਲਿਖਤੀ ਬਿਆਨ ਵਿਚ ਜਰਨੈਲ ਸਿੰਘ ਨੇ ਦੱਸਿਆ ਕਿ ਜਦੋਂ ਉਹ ਸੱਜਣ ਕੁਮਾਰ ਦੀ ਪੇਸ਼ੀ ਮੌਕੇ ਅਦਾਲਤ ਦੇ ਬਾਹਰ ਖੜ੍ਹੇ ਸਨ ਤਾਂ ਆਤਮਾ ਸਿੰਘ ਲੁਬਾਣਾ ਜਿਸ ਦੇ ਖ਼ਿਲਾਫ਼ 1984 ਦੇ ਸਿੱਖ ਕਤਲੇਆਮ ਮਾਮਲੇ ਵਿਚ ਗਵਾਹਾਂ ਨੂੰ ਦੋਸ਼ੀ ਨੇਤਾਵਾਂ ਦੇ ਪੱਖ ਵਿਚ ਪੈਸਾ ਦੇ ਕੇ ਗਵਾਹ ਖਰੀਦਣ ਦੇ ਦੋਸ਼ ਹਨ, ਨੇ ਆਪਣੇ ਸਮਰਥਕਾਂ ਨਾਲ ਮੈਨੂੰ ਘੇਰ ਲਿਆ ਅਤੇ ਧੱਕਾ ਮੁੱਕੀ ਕੀਤੀ ਅਤੇ ਗਾਲ੍ਹਾਂ ਕੱਢੀਆਂ। ਇਹ ਵਿਅਕਤੀ ਪਹਿਲਾਂ ਵੀ ਦੋਸ਼ੀਆਂ ਦੀ ਸ਼ਹਿ 'ਤੇ ਗਵਾਹਾਂ ਨੂੰ ਤੰਗ ਕਰਦਾ ਆ ਰਿਹਾ ਹੈ ਅਤੇ ਅੱਜ ਉਨ੍ਹਾਂ ਦੀ ਸ਼ਹਿ 'ਤੇ ਮੇਰੇ 'ਤੇ ਜਾਨਲੇਵਾ ਹਮਲਾ ਕਰਵਾਇਆ। ਉਨ੍ਹਾਂ ਕਿਹਾ ਕਿ ਮੈਨੂੰ ਇਨ੍ਹਾਂ ਦੋਸ਼ੀਆਂ ਤੋਂ ਜਾਨ, ਮਾਲ ਦਾ ਖਤਰਾ ਹੈ। ਘਟਨਾ ਮੌਕੇ ਪੁਲਿਸ ਵਾਲੇ ਵੀ ਮੌਜੂਦ ਸਨ। ਜਰਨੈਲ ਸਿੰਘ ਨੇ ਦੱਸਿਆ ਕਿ ਮੇਰੇ 'ਤੇ ਹੋਏ ਹਮਲੇ ਮਗਰੋਂ ਪੁਲਿਸ ਮੈਨੂੰ ਚੌਂਕੀ ਲੈ ਗਏ। ਜਰਨੈਲ ਸਿੰਘ ਨੇ ਮੰਗ ਕੀਤੀ ਕਿ ਉਪਰੋਕਤ ਹਮਲਾਵਰਾਂ ਵਿਰੁੱਧ ਸਖ਼ਤ ਕਾਰਵਾਈ ਕੀਤੀ ਜਾਵੇ। ਜਰਨੈਲ ਸਿੰਘ ਨੇ ਕੜਕੜਡੁੰਮਾ ਚੌਂਕੀ 'ਚ ਮਾਮਲਾ ਦਰਜ ਕਰਵਾ ਦਿੱਤਾ ਹੈ।

ਭੀੜ-ਭੜੱਕੇ ਦੇ ਮੱਦੇਨਜਰ ਨਗਰ ਕੌਸਲ ਕਰਮਚਾਰੀਆ ਦਿੱਤਾ ਬਜਾਰਾ ਵਿਚ ਗੇੜਾ

ਮਾਛੀਵਾੜਾ 10 ਮਾਰਚ (ਸੁਸ਼ੀਲ ਸ਼ਰਮਾ) ਸ਼ਹਿਰ ਦੇ ਬਾਜਾਰਾ ਵਿਚ ਭੀੜ-ਭੜੱਕੇ ਦੇ ਮੱਦੇ ਨਜ਼ਰ ਅੱਜ ਫਿਰ ਨਗਰ ਕੌਸਲ ਦੇ ਕਰਮਚਾਰੀਆ ਵੱਲੋ ਇਸੰਪੈਕਟਰ ਪੁਸ਼ਪਿੰਦਰ ਕੁਮਾਰ ਦੀ ਅਗਵਾਈ ਵਿਚ ਕੋਸਲ ਦੀ ਟਰੈਕਟਰ ਟਰਾਲੀ ਲੈ ਕੇ ਗੇੜਾ ਦਿੱਤਾ ਤੇ ਦੁਕਾਨਦਾਰਾ ਵੱਲੋ ਸੜਕ ਤੇ ਰੱਖੇ ਸਮਾਨ ਨੂੰ ਪਿੱਛੇ ਕਰਵਾਇਆ ਤੇ ਨਜਾਇਜ ਪਏ ਸਮਾਨ ਨੂੰ ਨਾ ਪਿੱਛੇ ਕਰਨ ਦੀ ਸੂਰਤ ਵਿਚ ਉਹ ਸਮਾਨ ਨਗਰ ਕੌਸਲ ਦੀ ਟਰਾਲੀ ਵਿਚ ਦਫਤਰ ਪਹੁੰਚਦਾ ਕਰ ਦਿੱਤਾ। ਪਿਛਲੇ ਕਾਫੀ ਸਮੇ ਤੋ ਬਾਜਾਰ ਵਿਚ ਫੜ੍ਹੀਆ ਰੇਹੜੀਆ ਵਾਲੇ ਅਣ ਅਧਿਕਾਰਿਤ ਥਾਵਾ ਤੇ ਖੜ੍ਹੇ ਹੋ ਕੇ ਆਪਣਾ ਮਾਲ ਵੇਚ ਕੇ ਰੋਜ਼ੀ-ਰੋਟੀ ਦਾ ਵਸੀਲਾ ਤਾ ਕਰਦੇ ਹਨ ਪਰ ਇਸ ਨਾਲ ਆਮ ਸ਼ਹਿਰ ਵਾਸੀਆ ਤੇ ਬਾਹਰੋ ਆਉਣ ਵਾਲੇ ਹੋਰ ਲੋਕਾ ਨੂੰ ਕਾਫੀ ਪ੍ਰੇਸਾਨੀਆ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਇਸ ਤਰਾ ਨਗਰ ਕੌਸਲ ਵੱਲੋ ਖਿੱਚੀ ਗਈ ਇੱਕ ਪੀਲੀ ਰੇਖਾ ਤੋ ਅੱਗੇ ਵੱਧ ਕੇ ਕੁਝ ਦੁਕਾਨਦਾਰਾ ਵੱਲੋ ਰੱਖੇ ਸਮਾਨ ਕਾਰਨ ਵੀ ਕਈ ਵਾਰ ਟ੍ਰੈਫਿਕ ਜਾਮ ਹੋ ਜਾਦਾ ਹੈ। ਇਨ੍ਹਾ ਦੋ ਕਾਰਨਾ ਤੋ ਇਲਾਵਾ ਬਾਹਰੋ ਆਉਣ ਵਾਲੇ ਲੋਕ ਵੀ ਆਪਣੀ ਗੱਡੀ ਜਾ ਸਕੂਟਰ ਆਦਿ ਆਪਣੀ ਮਰਜੀ ਨਾਲ ਹੀ ਜਿੱਥੇ ਜੀ ਕਰਦਾ ਹੈ ਉੱਥੇ ਹੀ ਖੜ੍ਹੀ ਕਰ ਜਾਦੇ ਹਨ ਜਿਸ ਨਾਲ ਬਾਜ਼ਾਰ ਵਿਚ ਸਥਿਤੀ ਕਦੇ ਕਦੇ ਇਨ੍ਹੀ ਹਤਾਸ ਭਰੀ ਬਣ ਜਾਦੀ ਹੈ ਕਿ ਇਸਦੀ ਚਰਚਾ ਪਹਿਲਾ ਵੀ ਕਈ ਵਾਰ ਕੀਤੀ ਜਾ ਚੁੱਕੀ ਹੈ। ਭਾਵੇ ਕਿ ਪਿਛਲੇ ਕੁਝ ਸਮੇ ਵਿਚ ਸੁਧਾਰ ਹੋਇਆ ਸੀ ਪਰ ਹੁਣ ਕੁਝ ਦਿਨਾ ਤੋ ਫਿਰ ਭੀੜ-ਭੜਕਾ ਵੱਧ ਜਾਣ ਕਾਰਨ ਕੌਸਲ ਅਧਿਕਾਰੀਆ ਨੇ ਕਰਮਚਾਰੀਆ ਨੂੰ ਨਾਲ ਲੈ ਕੇ ਬਜਾਰ ਵਿਚ ਗੇੜਾ ਦਿੱਤਾ। ਜਿਕਰਯੋਗ ਹੈ ਕਿ ਕੌਸਲ ਅਧਿਕਾਰੀਆ ਵੱਲੋ ਇਹ ਗੇੜਾ ਦੱਸ ਦਿਨਾ ਵਿਚ ਦੂਜੀ ਵਾਰ ਕੱਢਿਆ ਗਿਆ ਹੈ।

ਟੈਕਸ ਵਧਾਉਣ ਦੇ ਵਿਰੋਧ ਵਿਚ ਨਿੱਤਰ ਰਹੀਆ ਨੇ ਕਈ ਸੰਸਥਾਵਾ

ਕੂੰਮਕਲਾ 10 ਮਾਰਚ (ਸੁਸ਼ੀਲ ਸ਼ਰਮਾ) ਸ਼ਹਿਰ ਦੀ ਨਗਰ ਕੌਸਲ ਵੱਲੋ ਪਿਛਲੇ ¦ਬੇ ਸਮੇ ਤੋ ਦੱਬ ਕੇ ਰੱਖੀ ਹਾਊਸ ਟੈਕਸ ਸਬੰਧੀ ਫਾਇਲ ਦਾ ਜਿੰਨ ਬਾਹਰ ਨਿਕਲਆਇਆ ਤਾ ਕੌਸਲ ਹਾਊਸ ਤੇ ਕਾਬਜ ਸੱਤਾਧਾਰੀ ਅਕਾਲੀ ਦਲ ਨੂੰ ਆਪਣਾ ਵੋਟ ਬੈਕ ਖੁਰਨ ਦਾ ਡਰ ਸਤਾਉਣ ਲੱਗਾ ਅਫਸਰ ਸਾਹੀ ਤੇ ਰਾਜਨੀਤਕਾ ਦੀ ਆਪਸੀ ਖਿੱਚੋਤਾਨ ਦੇ ਕਾਰਨ ਆਖਿਰ ਸਰਵ ਉੱਚ ਅਦਾਲਤ ਦੇ ਆਦੇਸਾ ਤੇ ਅਧਾਰਿਤ ਹਾਊਸ ਟੈਕਸ ਵਧਾਉਣ ਵਾਲੇ ਹੁਕਮਾ ਨੂੰ ਲਾਗੂ ਹੁੰਦਿਆ ਆਸ ਮੁਤਾਬਿਕ ਹੀ ਸ਼ਹਿਰ ਵਾਸੀਆ ਵੱਲੋ ਰੋਸ ਦਰਸਾਉਣਾ ਸ਼ੁਰੂ ਹੋ ਗਿਆ ਹੈ ਵੱਖ-ਵੱਖ ਵਪਾਰਕ ਜੱਥੇਬੰਦੀਆ ਵੱਲੋ ਕੌਸਲ ਪ੍ਰਸਾਸਨ ਨੂੰ ਇਹ ਨਾਦਰਸ਼ਾਹੀ ਹੁਕਮ ਵਾਪਸ ਲੈ ਕੇ ਦੁਬਾਰਾ ਤੋ ਹੀ ਪਹਿਲਾ ਵਾਲੇ ਹਾਊਸ ਟੈਕਸ ਵਸੂਲਣ ਦੀ ਮੰਗ ਕੀਤੀ ਗਈ ਹੈ। ਸਹਿਰ ਵਾਸੀਆ ਨੂੰ ਮਿਲੇ ਨੋਟਿਸਾ ਅਨੁਸਾਰ ਤਾ ਕਈ ਕਈ ਗੁਣਾ ਵੱਧਾ ਕੇ ਲਗਾਏ ਗਏ ਟੈਕਸਾ ਸਬੱਧੀ ਇਹ ਆਦੇਸ਼ ਹਾਲਾਕਿ ਨਗਰ ਕੌਸਲ ਨੂੰ ਕਈ ਮਹੀਨੇ ਪਹਿਲਾ ਹੀ ਲਾਗੂ ਕਰਨ ਲਈ ਚਿੱਝੀ ਆ ਗਈ ਸੀ ਪਰ ਵੱਖ-ਵੱਖ ਰਾਜਨੀਤਕ ਮਜਬੂਰੀਆ ਜਿਨ੍ਹਾ ਵਿਚ ਪਿਛੇ ਹੋਈਆ ਲੋਕ ਸਭਾ ਚੋਣਾ ਵੀ ਸਾਮਿਲ ਹਨ ਵਿਭਾਗ ਪਵਿਚ ਇਹ ਫਾਇਲ ਦੱਬੀ ਹੋਈ ਧੂੜ ਫਕਦੀ ਰਹੀ ਹੁਣ ਵੀ ਜੇ ਅਧਿਕਾਰੀਆ ਦਾ ਵੱਸ ਚਲਦਾ ਤਾ ਜਲਦੀ ਹੀ ਆ ਰਹੀਆ ਕੌਸਲ ਚੋਣਾ ਨੂੰ ਦੇਖਦਿਆ ਇਹ ਟੈਕਸ ਦਾ ਭੂਤ ਅਜੇ ਦੱਬਿਆ ਹੀ ਰਹਿਣਾ ਸੀ। ਭਾਜਪਾ ਦੇ ਸਾਬਕਾ ਪ੍ਰਧਾਨ ਤੇ ਸੈਲਰ ਐਸੋਸੀਏਸਨ ਦੇ ਉਪ ਪ੍ਰਧਾਨ ਅਸੋਕ ਸੂਦ ਤੇ ਮਾਛੀਵਾੜਾ ਮੰਡਲ ਦੇ ਪ੍ਰਧਾਨ ਸੰਜੀਵ ਲੀਹਲ ਨੇ ਕਿਹਾ ਹੈ ਕਿ ਸਰਕਾਰ ਨੂੰ ਚਾਹੀਦਾ ਹੈ ਕਿ ਪਹਿਲਾ ਲੱਗੇ ਟੈਕਸਾ ਤੋ ਕੁਝ ਬਾਜਵ ਮਾਤਰਾ ਵਿਚ ਵਾਧਾ ਕਰਕੇ ਸ਼ਹਿਰ ਵਾਸੀਆ ਨੂੰ ਰਾਹਤ ਦਿੱਤੀ ਜਾਵੇ। ਸਾਪ ਕੀਪਰ ਯੂਨੀਅਨ ਦੇ ਪ੍ਰਧਾਨ ਵੀਨੀਤ ਕੁਮਾਰ ਸ਼ਰਮਾ,ਅਗਰਵਾਲ ਸਭਾ ਦੇ ਪ੍ਰਧਾਨ ਸੁਰਿੰਦਰ ਕੁਮਾਰ ਅਗਰਵਾਲ,ਸ੍ਰੀ ਬ੍ਰਾਹਮਣ ਸਭਾ ਦੇ ਪ੍ਰਧਾਨ ਸੰਦੀਪ ਸ਼ਰਮਾ,ਸ੍ਰੀ ਗੁਰੂ ਰਵਿਦਾਸ ਚੈਰੀਟੇਬਲ ਟਰੱਸਟ ਦੇ ਪ੍ਰਧਾਨ ਸੁਖਦੇਵ ਸਿੰਘ ਬਿਟੂ,ਲੋਕ ਸੰਘਰਸ ਕਮੇਟੀ ਦੇ ਪਰਮਜੀਤ ਸਿੰਘ ਨੀਲੋ,ਲੋਕ ਭਲਾਈ ਪਾਰਟੀ ਦੇ ਅਵਤਾਰ ਸਿੰਘ ਮਾਨ,ਰਘਵੀਰ ਸਿੰਘ ਮਾਨ,ਭ੍ਰਿਸਟਾਚਾਰ ਵਿਰੋਧੀ ਫਰੰਟ ਦੇ ਪ੍ਰਧਾਨ ਸੁਖਵਿੰਦਰ ਸਿੰਘ ਗਿਲ,ਤਰਕਸ਼ੀਲ ਸੁਸਾਇਟੀ ਦੇ ਡਾ ਹਰਿੰਦਰ ਕੁਮਾਰ,ਦੁਕਾਨਦਾਰ ਯੂਨੀਅਨ ਗਾਧੀ ਚੌਕ ਦੇ ਦਵਿੰਦਰ ਸਿੰਘ ਬਵੇਜਾ, ਸੁਭਾਸ ਕੁਮਾਰ,ਰਾਮਾਨੰਦ ਕੁਮਾਰ,ਸ੍ਰੀ ਚਰਨ ਕੰਵਲ ਚੌਕ ਤੋ ਦੁਕਾਨਦਾਰ ਐਸੋ; ਤੇ ਅਕਾਲੀ ਆਗੂ ਮਨਜੀਤ ਸਿੰਘ ਮੱਕੜ,ਅਮਨ ਟੇਲਰ ਤੇ ਹੋਰ ਵੀ ਪਤਵੰਤਿਆ ਸਜਣਾ ਨੇ ਮੰਗ ਕਰਦਿਆ ਕਿਹਾ ਹੈ ਕਿ ਟੈਕਸ ਵਿਚ ਰਾਹਤ ਦੇ ਕੇ ਸਰਕਾਰ ਆਪਣਾ ਵੋਟ ਬੈਕ ਫਿਰ ਪੱਕਾ ਕਰ ਸਕਦੀ ਹੈ।

---

ਸ਼੍ਰੋਮਣੀ ਅਕਾਲੀ ਦਲ-ਭਾਜਪਾ ਸਰਕਾਰ ਦਾ ਪਤਨ ਕਿਸੇ ਵੀ ਸਮੇਂ ਹੋ ਸਕਦਾ ਹੈ: ਭੱਠਲ

ਜ¦ਧਰ, 9 ਮਾਰਚ : ਪੰਜਾਬ ਕਾਂਗਰਸ ਵਿਧਾਇਕ ਦਲ ਦੀ ਨੇਤਰੀ ਰਾਜਿੰਦਰ ਕੌਰ ਭੱਠਲ ਨੇ ਦਾਅਵਾ ਕੀਤਾ ਹੈ ਕਿ ਸ਼੍ਰੋਮਣੀ ਅਕਾਲੀ ਦਲ ਦੇ ਕਈ ਵਿਧਾਇਕ ਕਾਂਗਰਸ ਦੇ ਸੰਪਰਕ ਵਿਚ ਹਨ ਜਿਸ ਕਾਰਨ ਸ਼੍ਰੋਮਣੀ ਅਕਾਲੀ ਦਲ-ਭਾਜਪਾ ਸਰਕਾਰ ਦਾ ਪਤਨ ਕਿਸੇ ਵੀ ਸਮੇਂ ਹੋ ਸਕਦਾ ਹੈ। ਇਕ ਪੱਤਰਕਾਰ ਸੰਮੇਲਨ ਨੂੰ ਸੰਬੋਧਨ ਕਰਦੇ ਹੋਏ ਭੱਠਲ ਨੇ ਕਿਹਾ ਕਿ ਵਾਸਤਵ ਵਿਚ ਸ਼੍ਰੋਮਣੀ ਅਕਾਲੀ ਦਲ ਵਿਚ ਕਦੇ ਵੀ ਧਮਾਕਾ ਹੋ ਸਕਦਾ ਹੈ ਕਿਉਂਕਿ ਉਸ ਦੇ ਵਿਧਾਇਕ ਅਪਣੀ ਹੀ ਸਰਕਾਰ ਤੋਂ ਪੀੜਤ ਅਤੇ ਦੁਖੀ ਨਜ਼ਰ ਆ ਰਹੇ ਹਨ। ਇਹ ਪੁੱਛੇ ਜਾਣ ’ਤੇ ਕਿ ਇਨ੍ਹਾਂ ਵਿਧਾਇਕਾਂ ਦੀ ਗਿਣਤੀ ਕਿੰਨੀ ਹੈ, ਉਨ੍ਹਾਂ ਨੇ ਕਿਹਾ ਕਿ ਉਹ ਫਿਲਹਾਲ ਗਿਣਤੀ ਤਾਂ ਨਹੀਂ ਦੱਸਗੀ ਪਰ ਏਨਾ ਜ਼ਰੂਰ ਹੈ ਕਿ ਗੱਠਜੋੜ ਦੇ ਵਿਧਾਇਕ ਰੋਜ਼ਾਨਾ ਕਾਂਗਰਸ ਦੇ ਨਾਲ ਸੰਪਰਕ ਕਰਨ ਵਿਚ ਲੱਗੇ ਹੋਏ ਹਨ। ਉਨ੍ਹਾਂ ਨੇ ਕਿਹਾ ਕਿ ਕਾਂਗਰਸ ਮੌਜੂਦਾ ਸਰਕਾਰ ਨੂੰ ਗਿਰਾਉਣ ਦਾ ਦੋਸ਼ ਅਪਣੇ ਉਪਰ ਨਹੀਂ ਲਵੇਗੀ ਬਲਕਿ ਗੱਠਜੋੜ ਸਰਕਾਰ ਖੁਦ ਹੀ ਅਪਣੇ ਬੋਝ ਨਾਲ ਡਿੱਗ ਜਾਵੇਗੀ। ਭੱਠਲ ਨੇ ਕਿਹਾ ਕਿ ਵਿਧਾਨ ਸਭਾ ਦੇ ਮੌਜੂਦਾ ਸੈਸ਼ਨ ਵਿਚ ਕਾਂਗਰਸ ਦੁਆਰਾ ਸਖਤੀ ਵਾਲਾ ਰੁਖ ਅਖਤਿਆਰ ਕਰਕੇ ਸਰਕਾਰ ਨੂੰ ਉਸ ਦੀ ਨਾਕਾਮੀਆਂ ’ਤੇ ਘੇਰਿਆ ਜਾਵੇਗਾ। ਇਹ ਪੁੱਛੇ ਜਾਣ ’ਤੇ ਕਿ ਕਾਂਗਰਸ ਅਲੱਗ ਅਲੱਗ ਗੁੱਟਾਂ ਵਿਚ ਵੰਡੀ ਹੋਣ ਦੇ ਕਾਰਨ ਪ੍ਰਭਾਵਸ਼ਾਲੀ ਵਿਰੋਧੀ ਧਿਰ ਦੀ ਭ੍ਯੂਮਿਕਾ ਸਦਨ ਵਿਚ ਨਹੀਂ ਨਿਭਾਅ ਰਹੀ ਹੈ ਤਾਂ ਉਨ੍ਹਾਂ ਨੇ ਕਿਹਾ ਕਿ ਪਾਰਟੀ ਸਦਨ ਅਤੇ ਬਾਹਰ ਸਰਕਾਰ ਨੂੰ ਜਨ ਵਿਰੋਧੀ ਨੀਤੀਆਂ ’ਤੇ ਘੇਰ ਰਹੀ ਹੈ। ਹੁਣ ਸਰਕਾਰ ਨੂੰ ਵੈਟ ਦਰਾਂ ਵਿਚ ਵਾਧਾ ਅਤੇ ਸਰਚਾਰਜ ਲਗਾਉਣ, ਕਿਸਾਨਾਂ ਅਤੇ ਦਲਿਤਾਂ ਤੋਂ ਮੁਫ਼ਤ ਬਿਜਲੀ ਸੁਵਿਧਾ ਵਾਪਸ ਲੈਣ, ਡਾਕਟਰਾਂ ਦੀ ਭਰਤੀ ਵਿਚ ਹੋਏ ਘੁਟਾਲੇ ਆਦਿ ਨੂੰ ਲੈ ਕੇ ਘੇਰਿਆ ਜਾਵੇਗਾ। ਭੱਠਲ ਨੇ ਕਿਹਾ ਕਿ ਸਪੀਕਰ ਨੂੰ ਬਦਲਣ ਦੀ ਮੰਗ ਹੁਣ ਇਸ ਲਈ ਨਹੀਂ ਚੁੱਕੀ ਜਾ ਰਹੀ ਕਿਉਂ੍ਯਕਿ ਇਹ ਮਾਮਲਾ ਅਦਾਲਤ ਵਿਚ ਚਲਾ ਗਿਆ ਹੈ। ਵਿਧਾਇਕਾਂ ਦੀ ਤਨਖਾਹ ਅਤੇ ਭੱਤਿਆਂ ਵਿਚ ਵਾਧੇ ਸਬੰਧੀ ਬਿਲ ਨੂੰ ਸਦਨ ਵਿਚ ਲਿਆਉਣ ਸਬੰਧੀ ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਨੂੰ ਪਹਿਲਾਂ ਪੈਨਸ਼ਨਰਾਂ ਨੂੰ ਪੈਨਸ਼ਨ ਅਤੇ ਦਲਿਤਾਂ ਨੂੰ ਸ਼ਗਨ ਸਕੀਮ ਦੇ ਚੈਕ ਦੇਣੇ ਚਾਹੀਦੇ ਹਨ। ਇਹ ਪੁੱਛੇ ਜਾਣ ’ਤੇ ਕਿ ਕੀ ਕਾਂਗਰਸ ਤਨਖਾਹ ਵਾਧੇ ਦੇ ਬਿਲ ਦਾ ਵਿਰੋਧ ਕਰੇਗੀ, ਉਨ੍ਹਾਂ ਨੇ ਕਿਹਾ ਕਿ ਬਿਲ ਆਉਣ ’ਤੇ ਹੀ ਪਾਰਟੀ ਅਪਣਾ ਸਟੈਂਡ ਸਪਸ਼ਟ ਕਰੇਗੀ। ਜਲੰਧਰ ਦੇ ਮੈਡੀਕਲ ਘੁਟਾਲੇ ਸਬੰਧੀ ਉਨ੍ਹਾਂ ਨੇ ਕਿਹਾ ਕਿ ਇਸ ਮਾਮਲੇ ਨੂੰ ਵੇਖਣ ਦੀ ਜ਼ਿੰਮੇਵਾਰੀ ਕਾਂਗਰਸੀ ਵਿਧਾਇਕ ਸੁਖਪਾਲ ਸਿੰਘ ਖਹਿਰਾ ਨੂੰ ਸੌਂਪੀ ਗਈ ਹੈ। ਹਾਈ ਕੋਰਟ ਨੇ ਪਾਰਟੀ ਨੂੰ ਕਿਹਾ ਹੈ ਕਿ ਇਸ ਘੁਟਾਲੇ ਨੂੰ ਜ¦ਧਰ ਵਿਚ ਹੀ ਚੁਣੌਤੀ ਦਿੱਤੀ ਜਾਵੇ। ਉਨ੍ਹਾਂ ਨੇ ਕਿਹਾ ਕਿ ਮਹਿਲਾਵਾਂ ਨੂੰ 33 ਪ੍ਰਤੀਸ਼ਤ ਰਾਖਵਾਂਕਰਨ ਦੇਣ ਦਾ ਬਿਲ ਸਵਾਗਤ ਯੋਗ ਹੈ ਅਤੇ ਰਾਜ ਦੀ ਵਿਧਾਨ ਸਭਾ ਵਿਚ ਭਵਿੱਖ ਵਿਚ ਹੁਣ 117 ਮੈੀਬਰਾਂ ਵਿਚੋਂ ਘੱਟ ਤੋਂ ਘੱਟ 40 ਮਹਿਲਾ ਵਿਧਾਇਕ ਮੌਜੂਦਾ ਰਿਹਾ ਕਰਨਗੀਆਂ।

ਅਧਿਆਤਮਿਕ ਦੇ ਨਾਮ ‘ਤੇ ਲੋਕਾਈ ਦਾ ਸ਼ੋਸਣ ਕਰਨ ਵਾਲੇ ਫਰੇਬੀ ਸਾਧਾਂ, ਡੇਰੇਦਾਰਾਂ ਨੂੰ ਨੱਥ ਪਾਈ ਜਾਵੇ :- ਟਿਵਾਣਾ

ਮੋਰਿੰਡਾ, 9 ਮਾਰਚ :- “ਧਰਮ ਜਾਂ ਅਧਿਆਤਮਿਕਤਾ ਦੇ ਨਾਮ ਉੱਤੇ ਮਕਾਰਤਾ ਭਰੀ ਸੋਚ ਰੱਖਣ ਵਾਲੇ ਫਰੇਬੀ ਸਾਧਾਂ, ਡੇਰੇਦਾਰਾਂ ਜਾਂ ਸਵਾਮੀ ਅਕਸਰ ਹੀ ਭੋਲੀ ਭਾਲੀ ਲੋਕਾਈ ਨੂੰ ਵਹਿਮਾਂ-ਭਰਮਾਂ ਵਿੱਚ ਪਾ ਕੇ ਕੇਵਲ ਉਨ੍ਹਾ ਤੋਂ ਮਾਲੀ, ਧਨ-ਦੌਲਤਾਂ ਦੇ ਸਾਧਨ ਹੀ ਇਕੱਤਰ ਨਹੀਂ ਕਰਦੇ ਬਲਕਿ ਅਜਿਹੇ ਡੇਰਿਆਂ ਜਾਂ ਆਸ਼ਰਮਾਂ ਨੂੰ ਉਹ ਆਪਣੀ ਅਤੇ ਗੈਰ ਇਖਲਾਕੀ ਆਗੂਆਂ ਅਤੇ ਉੱਚ ਅਫਸਰਸ਼ਾਹੀ ਦੀ ਕਾਮ-ਤ੍ਰਿਪਤੀ ਲਈ ਔਰਤ ਜਾਤੀ ਦੀ ਦੁਰਵਰਤੋਂ ਕਰਕੇ ਸਮਾਜ ਵਿੱਚ ਬੀਬੀਆਂ ਦਾ ਵੱਡੇ ਪੱਧਰ ਉੱਤੇ ਸ਼ੋਸਣ ਕਰਨ ਵਿੱਚ ਵੀ ਮਸ਼ਰੂਫ ਹਨ। ਜਿਸਦੀ ਕੇਂਦਰੀ ਪ੍ਰਸ਼ਾਸਨਿਕ ਪੱਧਰ ਉੱਤੇ ਫੌਰੀ ਕਾਰਵਾਈ ਕਰਕੇ ਅਜਿਹੇ ਪਾਖੰਡੀ ਡੇਰੇਦਾਰਾਂ ਸਾਧਾਂ ਜਾਂ ਸਵਾਮੀਆਂ ਨੂੰ ਨੱਥ ਪਾਉਣੀ ਚਾਹੀਦੀ ਹੈ ਤਾਂ ਕਿ ਅਜਿਹੇ ਸਾਧ, ਸਵਾਮੀ ਸਮਾਜਿਕ ਮਾਹੌਲ ਨੂੰ ਗੰਧਲਾ ਨਾ ਕਰ ਸਕਣ।”
ਇਹ ਵਿਚਾਰ ਅੱਜ ਇੱਥੇ ਭਾਈ ਇਕਬਾਲ ਸਿੰਘ ਟਿਵਾਣਾ ਸਿਆਸੀ ਤੇ ਮੀਡੀਆ ਸਲਾਹਕਾਰ ਤੇ ਇੰਚਾਰਜ ਗੁਰਦੁਆਰਾ ਚੋਣਾਂ ਨੇ ਅਖੌਤੀ ਬਾਬੇ ਸਵਾਮੀ ਨਿਤਿਆਨੰਦ ਤੇ ਕ੍ਰਿਪਾਲੂ ਮਹਾਰਾਜ ਦੇ ਡੇਰਿਆਂ ਅਤੇ ਆਸ਼ਰਮਾਂ ਵਿੱਚ ਹੋ ਰਹੇ ਗੈਰ ਸਮਾਜਿਕ ਉਪੱਦਰ ਅਤੇ ਅਮੀਰ, ਅਯਾਸ਼ ਕਿਸਮ ਦੇ ਲੋਕਾਂ ਦੀ ਕਾਮ ਤ੍ਰਿਪਤੀ ਲਈ ਫੈਲਾਏ ਜਾ ਰਹੇ ਗੈਰ ਕਾਨੂੰਨੀ ਕਾਰੋਬਾਰਾਂ ਦੀਆਂ ਕਾਰਵਾਈਆਂ ਦੀ ਸਖਤ ਸ਼ਬਦਾਂ ਵਿੱਚ ਨਿੰਦਾ ਕਰਦੇ ਹੋਏ ਜਾਰੀ ਕੀਤੇ ਗਏ ਇੱਕ ਬਿਆਨ ਵਿੱਚ ਪ੍ਰਗਟਾਏ। ਉਨ੍ਹਾ ਕਿਹਾ ਕਿ ਇੱਕ ਪਾਸੇ ਕੌਮਾਤਰੀ ਤੇ ਮੁਲਕ ਪੱਧਰ ਉੱਤੇ “ਔਰਤ ਵਰਗ” ਨੂੰ ਸਮਾਜ ਵਿੱਚ ਬਰਾਬਰ ਦਾ ਸਨਮਾਨ-ਮਾਨ, ਹੱਕ-ਹਕੂਕ ਦੇਣ ਲਈ ਕਾਨੂੰਨੀ ਚਾਰਜੋਈਆਂ ਹੋ ਰਹੀਆਂ ਹਨ ਅਤੇ ਦੂਸਰੇ ਪਾਸੇ ਉਸੇ ਔਰਤ ਵਰਗ ਜਿਸਦੀ ਕੁੱਖੋਂ ਮਹਾਨ ਗੁਰੂ, ਪੀਰ, ਪੈਗੰਬਰ, ਭਗਤ, ਦੇਵੀ, ਦੇਵਤੇ, ਦਰਵੇਸ਼ਾ ਅਤੇ ਮਹਾਨ ਸਖਸੀਅਤਾਂ ਨੇ ਜਨਮ ਲਿਆ, ਉਸ ਔਰਤ ਵਰਗ ਨੂੰ ਅਜਿਹੇ ਪਾਖੰਡੀ ਲੋਕ ਕਾਮ ਵਾਸਨਾ ਦੀ ਮੂਰਤ ਗਰਦਾਨ ਕੇ ਧਾਰਮਿਕ ਅਤੇ ਅਧਿਆਤਮਿਕ ਦੁਕਾਨਾਂ ਦੇ ਨਾਮ ਉੱਤੇ ਪਰਦੇ ਹੇਠ ਅਯਾਸ਼ੀਆਂ ਦੇ ਵੱਡੇ ਸਕੈਂਡਲ ਕਰ ਰਹੇ ਹਨ। ਉਨ੍ਹਾ ਕਿਹਾ ਕਿ ਇਹ ਹੋਰ ਅਤਿ ਦੁੱਖਦਾਇਕ ਅਤੇ ਸ਼ਰਮਨਾਕ ਵਰਤਾਰਾ ਹੈ ਕਿ ਅਜਿਹੀਆਂ ਕਾਰਵਾਈਆਂ ਵੱਡੇ ਵੱਡੇ ਸ਼ਹਿਰਾਂ ਵਿੱਚ ਉੱਚ-ਅਹੁਦਿਆਂ ਉੱਤੇ ਬਿਰਾਜਮਾਨ ਸਿਆਸੀ ਆਗੂਆਂ ਤੇ ਅਫਸਰਸ਼ਾਹੀ ਦੀਆਂ ਗੁਪਤ ਸਰਪ੍ਰਸਤੀਆਂ ਹੇਠ ਵੱਧ ਫੁੱਲ ਰਹੇ ਹਨ। ਜੋ ਅਕਸਰ ਸਮਾਜਿਕ ਤੇ ਸਿਆਸੀ ਸਟੇਜਾਂ ਉਤੇ ਆਪੋ-ਆਪਣੀਆਂ ਤਕਰੀਰਾਂ ਵਿੱਚ ਆਪਣੇ ਆਪ ਨੂੰ ਵੱਡੇ ਸਮਾਜ ਸੁਧਾਰਕ ਤੇ ਕ੍ਰਾਤੀਕਾਰੀ ਸੋਚ ਦੇ ਮਾਲਕ ਸਾਬਿਤ ਕਰਦੇ ਹਨ।
ਸ: ਟਿਵਾਣਾ ਨੇ ਮੁਲਕ ਦੀ ਸਦਰ ਬੀਬੀ ਪ੍ਰਤਿਭਾ ਪਾਟਿਲ ਤੇ ਇਸ ਮੁਲਕ ਦੇ ਵਜ਼ੀਰ ਏ ਆਜਿ਼ਮ ਡਾ: ਮਨਮੋਹਨ ਸਿੰਘ ਦਾ ਇਸ ਦਿਸ਼ਾ ਵੱਲ ਧਿਆਨ ਕੇਂਦਰਿਤ ਕਰਦੇ ਹੋਏ ਅਪੀਲ ਕੀਤੀ ਕਿ ਇੱਥੋ ਦੇ ਸਮਾਜ ਵਿੱਚ ਉੱਚ ਕਦਰਾਂ ਕੀਮਤਾਂ ਨੂੰ ਕਾਇਮ ਰੱਖਣ ਲਈ ਜ਼ਰੂਰੀ ਹੈ ਕਿ ਉਹ ਮੁਲਕ ਦੇ ਵੱਖ ਵੱਖ ਹਿੱਸਿਆਂ ਵਿੱਚ ਚੱਲ ਰਹੇ ਡੇਰਿਆਂ, ਆਸ਼ਰਮਾਂ ਜਾਂ ਯੋਗਾ ਦੇ ਕੇਂਦਰਾਂ ਦੀਆਂ ਗਤੀਵਿਧੀਆਂ ਉੱਤੇ ਨਜ਼ਰ ਰੱਖਣ ਲਈ ਵੱਖਰੇ ਤੌਰ ਤੇ ਸੈਟਰ ਤੇ ਸੂਬਿਆਂ ਦੇ ਪੱਧਰ ਉੱਤੇ ਇੱਕ ਚੌਕਸੀ ਵਿਭਾਗ ਕਾਇਮ ਕਰੇ ਜੋ ਮੁਲਕ ਦੇ ਕਿਸੇ ਵੀ ਹਿੱਸੇ ਵਿੱਚ ਲੋਕਾਂ ਦੀਆਂ ਧਾਰਮਿਕ ਭਾਵਨਾਵਾਂ ਨਾਲ ਖਿਲਵਾੜ ਕਰਨ ਵਾਲੇ ਅਤੇ ਧਰਮ ਦੇ ਨਾਮ ਉੱਤੇ ਬੀਬੀਆਂ ਦਾ ਸ਼ੋਸਣ ਕਰਨ ਵਾਲੇ ਡੇਰੇਦਾਰਾਂ ਜਾਂ ਸਾਧਾਂ ਵਿਰੁੱਧ ਫੌਰੀ ਕਾਰਵਾਈ ਕਰੇ। ਉਨ੍ਹਾ ਮੌਜੂਦਾ ਪੰਜਾਬ ਦੀ ਬਾਦਲ ਹਕੂਮਤ ਨੂੰ ਵੀ ਇਸ ਮੁੱਦੇ ਉੱਤੇ ਸੁਚੇਤ ਕਰਦੇ ਹੋਏ ਅਪੀਲ ਕੀਤੀ ਕਿ ਪੰਜਾਬ ਦੀ ਗੁਰੂਆਂ, ਪੀਰਾਂ ਅਤੇ ਫਕੀਰਾਂ ਦੀ ਪਵਿੱਤਰ ਧਰਤੀ ਉੱਤੇ ਵੀ ਅੱਜ ਅਜਿਹੇ ਪਾਖੰਡੀ ਡੇਰੇਦਾਰਾਂ ਅਤੇ ਸਾਧਾਂ ਨੇ ਆਪਣੀਆਂ ਦੁਕਾਨਾਂ ਚਲਾਈਆਂ ਹੋਈਆਂ ਹਨ। ਜਿਸ ਨਾਲ ਪੰਜਾਬ ਦੇ ਅਮੀਰ ਸੱਭਿਆਚਾਰ-ਵਿਰਸੇ ਨੂੰ ਇੱਕ ਡੂੰਘੀ ਸ਼ਾਜਿਸ ਤਹਿਤ ਅਜਿਹੇ ਡੇਰਿਆ ਰਾਹੀਂ ਸੱਟ ਮਾਰੀ ਜਾ ਰਹੀ ਹੈ ਅਤੇ ਇਨ੍ਹਾ ਡੇਰਿਆਂ ਦੇ ਬਾਬਿਆਂ ਦੇ ਤਹਿਖਾਨਿਆਂ ਵਿੱਚ ਵੀ ਗੈਰ ਸਮਾਜਿਕ ਕਾਰਵਾਈਆਂ ਹੋਣ ਦੀਆਂ ਸੱਚਾਈਆਂ ਸਾਹਮਣੇ ਆਈਆਂ ਹਨ। ਇਸ ਲਈ ਸ: ਬਾਦਲ ਆਪਣੀ ਕੌਮੀ ਅਤੇ ਸਮਾਜਿਕ ਜਿ਼ੰਮੇਵਾਰੀ ਨੂੰ ਸਮਝਦੇ ਹੋਏ, ਲੋਕਾਂ ਨੂੰ ਗੁੰਮਰਾਹ ਕਰਨ ਵਾਲੇ ਆਰਥਿਕ ਤੇ ਸਰੀਰਿਕ ਤੌਰ ਤੇ ਸ਼ੋਸਣ ਕਰਨ ਵਾਲੇ ਅਤੇ ਫਿਰਕੂ ਨਫਰਤ ਫੈਲਾਉਣ ਵਾਲੇ ਅਜਿਹੇ ਬਾਬਿਆਂ ਦੀਆਂ ਗਤੀਵਿਧੀਆਂ ਤੁਰੰਤ ਬੰਦ ਕਰਨ। ਨਾ ਕਿ “ਵੋਟ-ਸਿਆਸਤ” ਦੇ ਚੱਕਰਵਿਊ ਵਿੱਚ ਫਸ ਕੇ ਪੰਜਾਬ ਦੇ ਅਮੀਰ ਮਾਹੌਲ ਨੂੰ ਕਲੰਕਿਤ ਕਰਨ ਦੀ ਖੁੱਲ੍ਹ ਦੇਣ।

ਪੰਜਾਬ ਦੀਆਂ ਪੰਜ ਰਾਜ ਸਭਾ ਸੀਟਾਂ ਲਈ ਚੋਣ 26 ਮਾਰਚ ਨੂੰ

ਚੰਡੀਗੜ੍ਹ, 9 ਮਾਰਚ- ਪੰਜਾਬ ਦੇ ਮੁੱਖ ਚੋਣ ਦਫ਼ਤਰ ਵਲੋਂ ਪੰਜਾਬ ਦੇ ਰਾਜ ਸਭਾ ਮੈਂਬਰ ਸ੍ਰੀ ਅਸ਼ਵਨੀ ਕੁਮਾਰ, ਸ੍ਰੀ ਨਰੇਸ਼ ਗੁਜਰਾਲ, ਸ੍ਰੀ ਧਰਮਪਾਲ ਅਤੇ ਸ੍ਰੀ ਮਨੋਹਰ ਸਿੰਘ ਗਿੱਲ ਤੇ ਸ੍ਰੀ ਵਰਿੰਦਰ ਸਿੰਘ ਦਾ ਸੇਵਾ ਕਾਲ ਪੂਰਾ ਹੋਣ ਉਪਰੰਤ ਖਾਲੀ ਹੋ ਰਹੀਆਂ ਪੰਜ ਰਾਜ ਸਭਾ ਸੀਟਾਂ ਦੀ ਚੋਣ ਲਈ ਅੱਜ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ ਗਿਆ ਹੈ।ਰਾਜ ਦੀ ਮੁੱਖ ਚੋਣ ਅਧਿਕਾਰੀ ਮੈਡਮ ਕੁਸਮਜੀਤ ਸਿੱਧੂ ਅਨੁਸਾਰ ਨਾਮਜ਼ਦਗੀਆਂ 16 ਮਾਰਚ ਤੱਕ ਭਰੀਆਂ ਜਾ ਸਕਦੀਆਂ ਹਨ ਜਦੋਂ ਕਿ ਜਾਂਚ ਪੜਤਾਲ 17 ਮਾਰਚ ਨੂੰ ਹੋਵੇਗੀ। ਕਾਗਜਾਂ ਦੀ ਵਾਪਸੀ 19 ਮਾਰਚ ਨੂੰ ਹੋ ਸਕੇਗੀ ਅਤੇ ਵੋਟਾਂ 26 ਮਾਰਚ ਨੂੰ ਸਵੇਰੇ 9.00 ਵਜੇ ਤੋਂ 4.00 ਵਜੇ ਤੱਕ ਪੈਣਗੀਆਂ।ਸਕੱਤਰ, ਪੰਜਾਬ ਵਿਧਾਨ ਸਭਾ ਨੂੰ ਇਸ ਚੋਣ ਲਈ ਰਿਟਰਨਿੰਗ ਅਧਿਕਾਰੀ ਨਿਯੁਕਤ ਕੀਤਾ ਗਿਆ ਹੈ ਅਤੇ ਨਾਮਜ਼ਦਗੀਆਂ ਇਨ੍ਹਾਂ ਕੋਲ ਜਨਤਕ ਛੁੱਟੀ ਵਾਲੇ ਦਿਨ ਛੱਡ ਕੇ 9 ਮਾਰਚ ਤੋਂ 16 ਮਾਰਚ ਤੱਕ 11.00 ਵਜੇ ਤੋਂ 3.00 ਵਜੇ ਤੱਕ ਹੋ ਸਕਣਗੀਆਂ। ਮੈਡਮ ਸਿੱਧੂ ਅਨੁਸਾਰ ਸਮੁੱਚੀ ਚੋਣ ਪ੍ਰਕ੍ਰਿਆ 29 ਮਾਰਚ ਤੱਕ ਮੁਕੰਮਲ ਹੋ ਜਾਵੇਗੀ।

ਲੋਕਾਂ 'ਤੇ ਇਹ ਹਿੰਦੀ ਭਾਸ਼ਾ ਥੋਪੀ ਨਹੀਂ ਜਾਣੀ ਚਾਹੀਦੀ: ਠਾਕਰੇ

ਮੁੰਬਈ, 9 ਮਾਰਚ - ਉਤਰ ਭਾਰਤੀਆਂ ਖ਼ਿਲਾਫ਼ ਭੜਕਾਊ ਭਾਸ਼ਣ ਨਾ ਦੇਣ ਦੇ ਸੁਪਰੀਮ ਕੋਰਟ ਦੇ ਨਿਰਦੇਸ਼ ਤੋਂ ਇਕ ਦਿਨ ਬਾਅਦ ਮਹਾਰਾਸ਼ਟਰ ਨਵ ਨਿਰਮਾਣ ਸੈਨਾ ਦੇ ਪ੍ਰਧਾਨ ਰਾਜ ਠਾਕਰੇ ਅੱਜ ਹਿੰਦੀ ਸਬੰਧੀ ਬੋਲੇ ਅਤੇ ਕਿਹਾ ਕਿ ਲੋਕਾਂ 'ਤੇ ਇਹ ਭਾਸ਼ਾ ਥੋਪੀ ਨਹੀਂ ਜਾਣੀ ਚਾਹੀਦੀ। ਉਨ੍ਹਾਂ ਆਪਣੀ ਪਾਰਟੀ ਦੇ ਚੌਥੇ ਸਥਾਪਨਾ ਦਿਹਾੜੇ ਮੌਕੇ ਆਯੋਜਿਤ ਸਮਾਗਮ ਵਿਚ ਪਾਰਟੀ ਵਰਕਰਾਂ ਨੂੰ ਕਿਹਾ ਕਿ ਮੈਂ ਹਿੰਦੀ ਦੇ ਵਿਰੋਧ ਵਿਚ ਨਹੀਂ ਹਾਂ, ਪਰ ਸਾਡੇ 'ਤੇ ਹਿੰਦੀ ਥੋਪੀ ਨਾ ਜਾਵੇ। ਸੁਪਰੀਮ ਕੋਰਟ ਨੇ ਕੱਲ੍ਹ ਰਾਜ ਠਾਕਰੇ ਨੂੰ ਕਿਹਾ ਸੀ ਕਿ ਉਤਰ ਭਾਰਤੀਆਂ ਨੂੰ ਨਿਸ਼ਾਨਾ ਬਣਾ ਕੇ ਭੜਕਾਊ ਭਾਸ਼ਣ ਨਾ ਦੇਣ, ਜਿਸ ਕਾਰਨ ਦੇਸ਼ ਦੇ ਕਈ ਹਿੱਸਿਆਂ ਵਿਚ ਉਨ੍ਹਾਂ ਦੇ ਖ਼ਿਲਾਫ਼ ਅਪਰਾਧਕ ਮਾਮਲੇ ਦਰਜ ਕੀਤੇ ਜਾ ਰਹੇ ਹਨ।

---

ਇੰਗਲੈਂਡ ਵਿੱਚ 21 ਮਾਰਚ ਨੂੰ “ਗਗਨ ਦਮਾਮਾ ਬਾਜਿਉ” ਰਿਲੀਜ਼ ਹੋਵੇਗੀ - ਡੱਲੇਵਾਲ

ਕਾਵੈਂਟਰੀ- ਜੂਨ ਉੱਨੀ ਚੌਰਾਸੀ ਨੂੰ ਭਾਰਤ ਸਕਰਾਰ ਵਲੋਂ ਸ੍ਰੀ ਦਰਬਾਰ ਸਾਹਿਬ ਅੰਮ੍ਰਿਤਸਰ ਤੇ ਕੀਤੇ ਗਏ ਅੱਤ ਵਹਿਸ਼ੀ ਹਮਲੇ ਨੂੰ ਸਿੱਖ ਕੌਮ ਹਮੇਸ਼ਾਂ ਯਾਦ ਰੱਖੇਗੀ ਅਤੇ ਇਸ ਹਮਲੇ ਦੌਰਾਨ ਸਾਹਿਬ ਸ੍ਰੀ ਗੁਰੁ ਗੋਬਿੰਦ ਸਿੰਘ ਜੀ ਵਲੋਂ ਚਲਾਈ ਹੋਈ ਦਮਦਮੀ ਟਕਸਾਲ ਦੇ ਮੁਖੀ ਮਹਾਂਪੁਰਸ਼ ਸਤਿਕਾਰਯੋਗ ਸੰਤ ਜਰਨੈਲ ਸਿੰਘ ਜੀ ਖਾਲਸਾ ਭਿੰਡਰਾਂਵਲਿਆਂ ਦੀ ਲਾਸਾਨੀ ਸ਼ਹਾਦਤ ਅਤੇ ਸਾਥੀ ਸਿੰਘਾਂ ਦੀਆਂ ਬੇਮਿਸਾਲ ਕੁਰਬਾਨੀਆਂ ਨਾਲ ਸਿਰਜੇ ਗਏ ਅਜਾਦ ਸਿੱਖ ਰਾਜ ਖਾਲਿਸਤਾਨ ਦੇ ਨਿਸ਼ਾਨੇ ਦੀ ਪੂਰਤੀ ਵਾਸਤੇ ਸੰਘਰਸ਼ ਜਾਰੀ ਰੱਖਿਆ ਜਾਵੇਗਾ । ਦਿੱਲੀ ਤਖਤ ਤੇ ਬਿਰਾਜਮਾਨ ਕਾਂਗਰਸ ਸਰਕਾਰ ਵਲੋਂ ਘੱਟ ਗਿਣਤੀਆਂ ਨਾਮ ਿਨਿਸ਼ਾਨ ਮਿਟਾ ਕੇ ਹਿੰਦੂ ਰਸ਼ਟਰ ਦੂ ਮੁਦਈ ਫ੍ਰਿਕਾਪ੍ਰਸਤ ਪਾਰਟੀ ਭਾਜਪਾ ਦੀ ਉਕਸਾਹਟ ਅਤੇ ਗੱਦਾਰ ਏ ਆਜ਼ਮ ਲੌੰਗੋਵਾਲ ,ਟੌਹੜਾ ,ਬਾਦਲ , ਬਲਵੰਤੇ ਲੱਡੂ ਵਰਗੇ ਅਖੌਤੀ ਅਕਾਲੀਆਂ ਦੀ ਸਹਿਮਤੀ ਨਾਲ ਕੀਤੇ ਗਏ ਇਸ ਹਮਲੇ ਦਾ ਮੁੱਖ ਮਕਸਦ ਸਿੱਖ ਨਸਲਕੁਸ਼ੀ ਸੀ । ਸਿੱਖਾਂ ਨੂੰ ਇਹ ਅਹਿਸਾਸ ਕਰਵਾਉਣਾ ਸੀ ਕਿ ਉਹ ਭਾਰਤ ਵਿੱਚ ਗੁਲਾਮ ਹਨ । ਇਸ ਹਮਲੇ ਦੌਰਾਨ ਵੀਹਵੀਂ ਸਦੀ ਦੇ ਮਹਾਨ ਸ਼ਹੀਦ ਸੰਤ ਜਰਨੈਲ ਸਿੰਘ ਜੀ ਖਾਲਸਾ ਭਿੰਡਰਾਂਵਲਿਆਂ ਦੀ ਅਗਵਾਈ ਵਿੱਚ ਸਿੰਘਾਂ ਨੇ ਭਾਰਤੀ ਫੌਜ ਦਾ ਅਜਿਹਾ ਡੱਟ ਕੇ ਮੁਕਾਬਲਾ ਕੀਤਾ ਕਿ ਦੁਨੀਆਂ ਦੇ ਇਤਿਹਾਸ ਵਿੱਚ ਬਹਾਦਰੀ ਦੀ ਅਨੋਖੀ ਮਿਸਾਲ ਸਿਰਜ ਦਿੱਤੀ ਗਈ । ਇਸ ਖੂਨੀ ਸਾਕੇ ਸਬੰਧੀ ਸਿੱਖ ਪੰਥ ਦੇ ਮਹਾਨ ਵਿਦਵਾਨ ਡਾਕਟਰ ਸੁਖਪ੍ਰੀਤ ਸਿੰਘ ਉੱਦੋਕੇ ਨੇ ਯੂਨਾਈਟਿਡ ਖਾਲਸਾ ਦਲ ਯੂ,ਕੇ ਅਤੇ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਯੂ,ਕੇ ਦੇ ਸਹਿਯੋਗ ਨਾਲ ਵਿਸ਼ੇਸ਼ ਸੀ.ਡੀ ਤਿਆਰ ਕੀਤੀ ਹੈ । ਯੂਨਾਈਟਿਡ ਖਾਲਸਾ ਦਲ ਯੂ,ਕੇ ਦੇ ਜਨਰਲ ਸਕੱਤਰ ਸ੍ਰ, ਲਵਸਿ਼ੰਦਰ ਸਿੰਘ ਡੱਲੇਵਾਲ ਵਲੋਂ ਜਾਰੀ ਪ੍ਰੈੱਸ ਨੋਟ ਵਿੱਚ ਐਲਾਨ ਕੀਤਾ ਗਿਆ ਕਿ ਸਿੱਖ ਤਵਾਰੀਖ ਵਿੱਚ ਵਾਪਰੇ ਇਸ ਤੀਜੇ ਖੂਨੀ ਘੱਲੂਘਾਰੇ ਨੂੰ ਕਾਲਪਨਿਕ ਤੌਰ ਰੂਪਮਾਨ ਕਰਦੀ ਹੋਈ “ਗਗਨ ਦਮਾਮਾ ਬਾਜਿਉ” ਨਾਮੀਂ ਸੀ.ਡੀ 21 ਮਾਰਚ ਦਿਨ ਐਤਵਾਰ ਨੂੰ ਗੁਰੁ ਨਾਨਕ ਗੁਰਦਵਾਰਾ ਬੈੱਡਫੋਰਡ ਵਿਖੇ ਬਕਾਇਦਾ ਰਿਲੀਜ਼ ਕੀਤੀ ਜਾਵੇਗੀ । ਸ਼ਾਨਾਮੱਤੇ ਸਿੱਖ ਇਤਿਹਾਸ ਨੂੰ ਅਨੋਖੇ ਅੰਦਾਜ਼ ਵਿੱਚ ਪੇਸ਼ ਕਰਦੀ ਹੋਈ ਇਹ ਆਪਣੀ ਕਿਸਮ ਦੀ ਪਹਿਲੀ ਸੀ.ਡੀ ਹੈ ਅਤੇ ਸਿੱਖ ਸੰਗਤਾਂ ਨੂੰ ਇਹ ਸੀ.ਡੀ ਵਿੱਚ ਮੁਫਤ ਉਪਲਬਧ ਕਰਵਾਈ ਜਾਵੇਗੀ। ਜਿਸ ਵਿੱਚ ਭਾਰਤੀ ਫੌਜ ਦਾ ਮੁਕਾਬਲਾ ਕਰਦੇ ਸਿੰਘਾਂ ਨੂੰ ਕਾਲਪਨਿਕ ਤੌਰ ਤੇ ਦਿਖਾਇਆ ਗਿਆ ਹੈ । ਸਿੱਖ ਸੰਗਤਾਂ ਦੀ ਮੌਜੂਦਗੀ ਵਿੱਚ ਯੂਨਾਈਟਿਡ ਖਾਲਸਾ ਦਲ ਯੂ,ਕੇ ਦੇ ਪ੍ਰਧਾਨ ਸ੍ਰ, ਨਿਰਮਲ ਸਿੰਘ ਸੰਧੂ ,ਸ੍ਰ, ਨਿਰੰਜਨ ਸਿੰਘ ਬਾਸੀ , ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਯੂ,ਕੇ ਦੇ ਪ੍ਰਧਾਨ ਸ੍ਰ, ਸੁਖਵਿੰਦਰ ਸਿੰਘ ਖਾਲਸਾ ਅਤੇ ਸ੍ਰ, ਰਜਿੰਦਰ ਸਿੰਘ ਸੰਧੂ ਵਲੋਂ ਰਿਲੀਜ਼ ਕੀਤਾ ਜਾਵੇਗਾ । ਡਾਕਟਰ ਸੁਖਪ੍ਰੀਤ ਸਿੰਘ ਉੱਦੋਕੇ ਨੇ ਸੱਤ ਸਾਲ ਮਿਹਨਤ ਕਰਕੇ ਇਸ ਨੂੰ ਮੁਕੰਮਲ ਕੀਤਾ ਹੈ । ਸਿੱਖ ਜਥੇਬੰਦੀਆਂ ਵਲੋਂ ਇਸ ਸੀ.ਡੀ ਰਿਲੀਜ਼ ਸਮਾਰੋਹ ਵਿੱਚ ਸ਼ਾਮਲ ਹੋਣ ਵਾਸਤੇ ਸਿੱਖ ਸੰਗਤ ਨੂੰ ਸਨਿਮਰ ਅਪੀਲ ਕੀਤੀ ਗਈ ਹੈ ।

ਖ਼ਾਲਿਸਤਾਨ ਦੇ ਸ਼ਹੀਦਾਂ ਦੀਆਂ ਮਾਤਾਵਾਂ ਦੀ ਯਾਦ ਵਿਚ ਸ਼ਰਧਾਂਜਲੀ ਸਮਾਰੋਹ।

ਫ਼ਰੀਮਾਂਟ-ਕੈਲੇਫ਼ੋਰਨੀਆ (ਬਲਵਿੰਦਰਪਾਲ ਸਿੰਘ ਖ਼ਾਲਸਾ) ਖ਼ਾਲਿਸਤਾਨ ਦੇ ਸ਼ਹੀਦ ਪਰਵਾਰਾਂ ਦੀਆਂ ਉਹ ਮਾਤਾਵਾਂ ਜਿਨ੍ਹਾਂ ਅਸਹਿ ਤੇ ਅਕਹਿ ਕਸ਼ਟ ਝੱਲੇ ਪਰ ਸਿੱਖੀ ਤੇ ਅਜ਼ਾਦੀ ਦੇ ਬੂਟੇ ਨੂੰ ਹਰਾ ਭਰਾ ਰਖਿਆ ਦੀ ਯਾਦ ਤੇ ਵਿਸ਼ੇਸ਼ ਤੌਰ ਤੇ ਮਾਤਾ ਗੁਰਦੀਪ ਕੌਰ ਜੀ ਦੇ ਅਕਾਲ ਚਲਾਣਾ ਕਰ ਜਾਣ ਕਰਕੇ ਖ਼ਾਲਿਸਤਾਨ ਦੀ ਯਾਦ ਨੂੰ ਸਮਰਪਿਤ ਗੁਰਦੁਆਰਾ ਸਾਹਿਬ ਫ਼ਰੀਮਾਂਟ ਵਿਚ ਇਸ ਛਨਿੱਛਰਵਾਰ ਸ਼ਾਮ ਨੂੰ ਕੀਰਤਨ ਸਮਾਗਮ ਤੇ ਸ਼ਰਧਾਂਜਲੀ ਸਮਾਰੋਹ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਸਹਿਯੋਗ, ਸਿੱਖ ਜਥੇਬੰਦੀਆਂ ਤੇ ਸਮੂੰਹ ਸੰਗਤਾਂ ਦੇ ਸਾਂਝੇ ਉਦਮ ਸਦਕਾ ਕਰਵਾਏ ਗਏ। ਕੀਰਤਨ ਦੀ ਪ੍ਰਾਰੰਭਤਾ ਗੁਰਦੁਆਰਾ ਸੀਸ ਗੰਜ ਸਾਹਿਬ ਦੇ ਸਾਬਕਾ ਹਜ਼ੂਰੀ ਰਾਗੀ ਭਾਈ ਜੋਗਿੰਦਰ ਸਿੰਘ ਜੋਗੀ ਦੇ ਜਥੇ ਨੇ ਕੀਤੀ। ਖਾਲਸਾ ਸਕੂਲ ਟਰੇਸੀ ਦੇ ਬੱਚਿਆਂ ਸੁਖਸਾਗਰ ਕੌਰ, ਪ੍ਰਭਸ਼ਰਨ ਕੌਰ, ਹਰਜੱਸ ਕੌਰ ਤੇ ਦੀਦਾਰ ਸਿੰਘ ਦੇ ਜਥੇ ਨੇ ਮਿੱਠੀ ਲੈਅ ਵਿਚ ਕੀਰਤਨ ਕੀਤਾ। ਉਪਰੰਤ ਮਾਤਾ ਗੁਰਦੀਪ ਕੌਰ ਜੀ ਦੀਆਂ ਪੋਤਰੀਆਂ ਅੰਮ੍ਰਿਤ ਕੌਰ ਖ਼ਾਲਸਾ ਤੇ ਪੁਨੀਤ ਕੌਰ ਖ਼ਾਲਸਾ ਨੇ ਸਣੇ ਰਾਗਨੀ ਕੌਰ ਦੇ ਕੀਰਤਨ ਨਾਲ ਸੰਗਤਾਂ ਨੂੰ ਨਿਹਾਲ ਕੀਤਾ। ਉਪਰੰਤ ਪ੍ਰੋ: ਦਲਬੀਰ ਸਿੰਘ ਤੇ ਭੈਣ ਜੀ ਪਰਮਿੰਦਰ ਕੌਰ, ਰਾਗਨੀ ਕੌਰ, ਅੰਮ੍ਰਿਤ ਕੌਰ, ਪੁਨੀਤ ਕੌਰ ਦੇ ਵਡੇ ਜਥੇ ਨੇ ਵੈਰਾਗਮਈ ਕੀਰਤਨ ਨਾਲ ਸੰਗਤਾਂ ਨੂੰ ਮਾਤਾਵਾਂ ਦੀ ਕੁਰਬਾਨੀ ਦੇ ਇਹਸਾਸ ਤੇ ਅਕਾਲ ਪੁਰਖ ਦੀ ਰਜ਼ਾ ਨਾਲ ਜੋੜਿਆ। ਇਸ ਜਥੇ ਨਾਲ ਰਾਗਿੰਦਰ ਸਿੰਘ ਨੇ ਉਦਾਸ ਸੁਰਾਂ ਵਾਲੀ ਵਾਇਲਨ ਵਜਾ ਕੇ ਵਾਤਾਵਰਨ ਨੂੰ ਬੇਹੱਦ ਗੰਭੀਰ ਬਣਾ ਦਿਤਾ ਜਿਸ ਨਾਲ ਉਦਾਸੀ, ਵੈਰਾਗ, ਵਿਛੋੜਾ, ਹੁਕਮ ਅੰਦਰਲੇ ਭਾਣੇ ਦੀ ਸੂਖ਼ਮ ਭਾਵਨਾ ਉਜਾਗਰ ਹੋਈ ਮਹਿਸੂਸ ਹੋਈ।ਕੀਰਤਨ ਤੋਂ ਬਾਅਦ ਸ਼ਰਧਾਂਜਲੀ ਸਮਾਰੋਹ ਵਿਚ ਖਾਲਿਸਤਾਨੀ ਮਾਤਾਵਾਂ ਨੂੰ ਸ਼ਰਧਾ ਦੇ ਫ਼ੁੱਲ ਭੇਂਟ ਵਾਲੇ ਬੁਲਾਰਿਆਂ ਵਿਚ ਵਿਸ਼ੇਸ਼ ਤੌਰ ਤੇ ਪਹੁੰਚੇ ਖਾਲਿਸਤਾਨ ਅਫ਼ੇਅਰਜ਼ ਸੈਂਟਰ ਦੇ ਸੰਚਾਲਕ ਡਾ: ਅਮਰਜੀਤ ਸਿੰਘ, ਅਮਰੀਕਨ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਮੀਤ ਪ੍ਰਧਾਨ ਭਾਈ ਜਸਵੰਤ ਸਿੰਘ ਹੋਠੀ, ਏ.ਜੀ.ਪੀ.ਸੀ. ਦੇ ਕੋਆਰਡੀਨੇਟਰ ਡਾ: ਪਰਿੱਤਪਾਲ ਸਿੰਘ, ਯੂਨੀਵਰਸਿਟੀ ਆਫ਼ ਕੈਲੇਫ਼ੋਰਨੀਆ ਬਰਕਲੇ ਵਿਚ ਸਿੱਖ ਸਟਡੀਜ਼ ਦੇ ਪ੍ਰੋ: ਪ੍ਰਭਸ਼ਰਨਦੀਪ ਸਿੰਘ। ਬੁਲਾਰਿਆਂ ਨੇ ਸਿੱਖ ਇਤਿਹਾਸ ਵਿਚ ਮਾਤਾਵਾਂ,ਬੀਬੀਆਂ ਤੇ ਭੈਣਾਂ ਦੀ ਕੁਰਬਾਨੀ ਵਾਲੀ ਸੂਰਤ ਤੇ ਸੀਰਤ ਨੂੰ ਉਜਾਗਰ ਕੀਤਾ। ਪੁਰਾਤਨ ਤੇ ਵਰਤਮਾਨ ਵਰਤਾਰੇ ਵਿਚ ਸਿੱਖ ਕੌਮ ਦੀਆਂ ਮਾਵਾਂ ਉਤੇ ਭਾਰਤ ਸਰਕਾਰ ਵੱਲੋਂ ਹੋਏ ਘੋਰ ਜ਼ੁਲਮਾਂ ਦੀ ਦਾਸਤਾਨ ਨੂੰ ਸੰਗਤਾਂ ਨਾਲ ਸਾਂਝਾ ਕੀਤਾ ਤੇ ਦੱਸਿਆ ਕਿ ਸਿੱਖ ਮਾਵਾਂ ਦੀਆਂ ਅਸੀਸਾਂ ਦੀ ਬਰਕਤ ਬਿਨਾਂ ਸ਼ਹੀਦੀ ਦਾ ਸ਼ਾਨਾਮੱਤਾ ਇਤਿਹਾਸ ਸਿਰਜਣਾ ਢਾਡਾ ਔਖਾ ਹੈ। ਬੁਲਾਰਿਆਂ ਨੇ ਮਾਤਾ ਗੁਰਦੀਪ ਕੌਰ ਨੂੰ ਸ਼ਰਧਾਂਜਲੀ ਦੇਂਦਿਆਂ ਉਨਾਂ ਦੇ ਸਿਰੜ ਤੇ ਸਹਿਜ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ ਕਿ ਸਾਡੀ ਆਉਣ ਵਾਲੀ ਸਿੱਖ ਬੀਬੀਆਂ ਦੀ ਪੀੜੀ ਨੂੰ ਖ਼ਾਲਿਸਤਾਨ ਦੀਆਂ ਮਾਵਾਂ ਭੈਣਾਂ ਦੀ ਕੁਰਬਾਨੀ ਤੋਂ ਪ੍ਰੇਰਨਾ ਲੈ ਕੇ ਰਾਜ ਕਰੇਗਾ ਖ਼ਾਲਸਾ ਦੇ ਸਿਧਾਂਤ ਤੇ ਪਹਿਰਾ ਦੇਣਾ ਚਾਹੀਦਾ ਹੈ ਤੇ ਭਵਿੱਖ ਦੀ ਸਿੱਖ ਪਨੀਰੀ ਵਿਚ ਇਹ ਗੱਲ ਪੱਕਿਆਂ ਕਰ ਦੇਣੀ ਚਾਹੀਦੀ ਹੈ ਕਿ ਹਰ ਸਿੱਖ ਬੱਚਾ ਸਿੱਖ ਰਾਜ ਦਾ ਵਾਰਸ ਹੈ। ਡਾ: ਅਮਰਜੀਤ ਸਿੰਘ ਹੁਰਾਂ ਇਸ ਗੱਲ ਨੂੰ ਮਹੱਤਵਪੂਰਨ ਕਿਹਾ ਕਿ ਮਾਤਾ ਗੁਰਦੀਪ ਕੌਰ ਜੀ ਦੇ ਪਿਤਾ ਜੀ ਵੀ ਸ਼ਹੀਦ ਤੇ ਪੁੱਤਰ ਵੀ ਸ਼ਹੀਦ ਜੋ ਕਿ ਪਰਵਾਰ ਨੂੰ ਸਿੱਖ ਵਿਰਸੇ ਵਿਚੋਂ ਮਿਲੀ ਸ਼ਹੀਦੀ ਪਰੰਪਰਾ ਦੀ ਦਾਸਤਾਨ ਦੀ ਅਗਲੀ ਕੜੀ ਹੈ।ਭਾਈ ਬਲਵਿੰਦਰਪਾਲ ਸਿੰਘ ਨੇ ਮਹਾਨ ਮਾਤਾਵਾਂ ਤੇ ਆਪਣੇ ਮਾਤਾ ਜੀ ਨੂੰ ਯਾਦ ਕਰਦਿਆਂ ਸਭ ਦਾ ਧੰਨਵਾਦ ਕੀਤਾ ਤੇ ਖ਼ਾਲਿਸਤਾਨ ਪ੍ਰਤੀ ਦ੍ਰਿੜਤਾ ਧਾਰਨ ਕਰਨ ਲਈ ਹਰ ਰੋਜ਼ ਅਰਦਾਸ ਬੇਨਤੀ ਕਰਨ ਲਈ ਕਿਹਾ। ਸਟੇਜ ਸਕੱਤਰ ਦੀ ਜ਼ਿਮੇਵਾਰੀ ਵਿਸ਼ੇਸ਼ ਤੌਰ ਤੇ ਗੁਰਦੁਆਰਾ ਸਾਹਿਬ ਫ਼ਰੀਮਾਂਟ ਦੇ ਸੁਪਰੀਮ ਕੌਂਸਲ ਮੈਂਬਰ ਤੇ ਸਿੱਖ ਯੂਥ ਆਫ਼ ਅਮਰੀਕਾ ਦੇ ਮੋਢੀ ਮੈਂਬਰ ਭਾਈ ਜਸਵਿੰਦਰ ਸਿੰਘ ਜੰਡੀ ਹੁਰਾਂ ਨਿਭਾਉਂਦਿਆਂ ਕਿਹਾ ਕਿ ਸਿੱਖ ਸਿਧਾਂਤਾਂ ਲਈ ਕੁਰਬਾਨ ਹੋਣ ਦਾ ਜਜ਼ਬਾ ਮਾਵਾਂ ਹੀ ਬਚਿੱਆਂ ਨੂੰ ਸਿਖਾਉਂਦੀਆਂ ਹਨ। ਤੇ ਮਾਤਾ ਗੁਰਦੀਪ ਕੌਰ ਜੀ ਨੇ ਇਹ ਗੁੜ੍ਹਤੀ ਆਪਣੇ ਛੋਟੇ ਪੁੱਤਰ ਜਸਵਿੰਦਰ ਕੌਰ ਨੂੰ ਦਿਤੀ ਜਿਸ ਕਰਕੇ ਉਹ ਖ਼ਾਲਿਸਤਾਨ ਲਈ ਕੁਰਬਾਨ ਹੋ ਗਏ ਤੇ ਸਿੱਖ ਇਤਿਹਾਸ ਵਿਚ ਆਪਣਾ ਨਾਮ ਅਮਰ ਕਰ ਗਏ। ਕੀਰਤਨ ਸਮਾਗਮ ਤੇ ਸ਼ਰਧਾਂਜਲੀ ਸਮਾਰੋਹ ਵਿਚ ਦਮਦਮੀ ਟਕਸਾਲ, ਸਿੱਖ ਯੂਥ ਆਫ਼ ਅਮਰੀਕਾ, ਕੈਲੇਫ਼ੋਰਨੀਆ ਗਤਕਾ ਦਲ, ਅਖੰਡ ਕੀਰਤਨੀ ਜਥਾ, ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ, ਸ੍ਰੋਮਣੀ ਅਕਾਲੀ ਦਲ ਪੰਚ ਪ੍ਰਧਾਨੀ, ਗੁਰਮਤਿ ਚੇਤਨਾ ਲਹਿਰ ਤੇ ਖ਼ਾਲਿਸਤਾਨ ਦੇ ਸ਼ਹੀਦ ਪ੍ਰਵਾਰਾਂ ਨੇ ਵਿਸ਼ੇਸ਼ ਤੌਰ ਤੇ ਹਿੱਸਾ ਲਿਆ। ਗੁਰਦੁਆਰਾ ਸਾਹਿਬ ਦੀ ਸੁਪਰੀਮ ਕੌਂਸਲ ਦੇ ਮੈਂਬਰ ਭਾਈ ਨਿਰਮਲ ਸਿੰਘ ਖ਼ਾਲਸਾ ਨੇ ਸਮਾਗਮ ਵਿਚ ਸਦਾ ਵਾਂਗ ਲਗੰਰਾਂ ਦੀ ਵਿਸ਼ੇਸ਼ ਸੇਵਾ ਨਿਭਾਈ।

ਪੰਜਾਬ ਵਿਧਾਨ ਸਭਾ 'ਚ ਵੀ ਮਹਿਲਾ ਰਾਖਵਾਂਕਰਨ 'ਤੇ ਹੋਈ ਚਰਚਾ

ਚੰਡੀਗੜ੍ਹ, 8 ਮਾਰਚ-ਔਰਤਾਂ ਲਈ ਰਾਖਵੇਂਕਰਨ ਬਿੱਲ ਦੀ ਚਰਚਾ ਅੱਜ ਪੰਜਾਬ ਵਿਧਾਨ ਸਭਾ ਵਿਚ ਵੀ ਹੋਈ। ਸਿਫਰ ਕਾਲ ਦੇ ਸ਼ੁਰੂ ਹੁੰਦਿਆਂ ਹੀ ਪੰਜਾਬ ਦੀ ਕੈਬਨਿਟ ਮੰਤਰੀ ਲਕਸ਼ਮੀ ਕਾਂਤਾ ਚਾਵਲਾ ਨੇ ਇਹ ਮੁੱਦਾ ਸਦਨ ਵਿਚ ਉਠਾਇਆ। ਉਨ੍ਹਾਂ ਸਦਨ ਦਾ ਧਿਆਨ ਔਰਤ ਦੇ ਰੂਪ ਦੀ ਸੜਕਾਂ ਗਲੀਆਂ ਵਿਚ ਬੇਹੂਦੀ ਨੁਮਾਇਸ਼ ਵੱਲ ਦਿਵਾਉਂਦਿਆਂ ਕਿਹਾ ਕਿ ਸਾਨੂੰ ਸਾਰੇ ਸਦਨ ਨੂੰ ਇਸ ਮੁੱਦੇ ਵੱਲ ਧਿਆਨ ਦੇ ਕੇ ਸਰਬਸੰਮਤੀ ਨਾਲ ਮਤਾ ਪਾਸ ਕਰਨਾ ਚਾਹੀਦਾ ਹੈ। ਮਤਾ ਪਾਸ ਕਰ ਕੇ ਸਾਰਿਆਂ ਜ਼ਿਲ੍ਹਿਆਂ ਦੇ ਡਿਪਟੀ ਕਮਿਸ਼ਨਰਾਂ ਨੂੰ ਇਹ ਹਦਾਇਤ ਕਰਨੀ ਚਾਹੀਦੀ ਹੈ ਕਿ ਮੁੱਖ ਸੜਕਾਂ, ਠੇਕਿਆਂ ਤੇ ਹੋਰ ਇਸ਼ਤਿਹਾਰਾਂ ਜਿਨ੍ਹਾਂ ਵਿਚ ਔਰਤ ਦੀ ਅੱਧਨੰਗੇ ਸਰੀਰ ਦੀ ਨੁਮਾਇਸ਼ ਦੇ ਪੋਸਟਰ ਲੱਗੇ ਹਨ, ਨੂੰ ਤੁਰੰਤ ਹਟਾਏ ਜਾਣ। ਜੇ ਅਜਿਹਾ ਨਹੀਂ ਹੁੰਦਾ ਤਾਂ ਮਹਿਲਾ ਦਿਵਸ ਬੇਟੀ ਦਿਵਸ ਜਾਂ ਰਾਖਵਾਂਕਰਨ ਵਰਗੀਆਂ ਗੱਲਾਂ ਸਭ ਖੋਖਲੀਆਂ ਹਨ। ਜ਼ੀਰੋ ਆਵਰ ਵਿਚ ਬੋਲਦਿਆਂ ਬ੍ਰਹਮ ਬ੍ਰਹਮ ਮਹਿੰਦਰਾ ਨੇ ਇਹ ਮੁੱਦਾ ਚੁਕਿਆ ਕਿ ਸਰਕਾਰ ਕਰੋੜਾਂ ਰੁਪਏ ਦੇ ਇਸ਼ਤਿਹਾਰਾਂ ਵਿਚ ਝੂਠ ਬੋਲਦੀ ਹੈ । ਇਸ 'ਤੇ ਮੰਤਰੀ ਤੀਕਸ਼ਣ ਸੂਦ ਨੇ ਕਿਹਾ ਕਿ ਸੋਨੀਆ ਗਾਂਧੀ ਦੇ ਵੀ ਇਸ਼ਤਿਹਾਰ ਛੱਪਦੇ ਹਨ। ਉਹਨਾਂ ਸਪੱਸ਼ਟ ਕੀਤਾ ਕਿ ਸਰਕਾਰ ਕੋਈ ਗੁੰਮਰਾਹਕੁੰਨ ਪ੍ਰਚਾਰ ਨਹੀਂ ਕਰ ਰਹੀ। ਕਾਂਗਰਸੀ ਵਿਧਾਇਕ ਰਾਣਾ ਸੋਢੀ ਨੇ ਗੁਰੂ ਹਰ ਸਹਾਏ ਇਲਾਕੇ ਵਿਚ ਹੋਏ ਹਾਦਸੇ ਦੇ ਪੀੜਤਾਂ ਨੂੰ ਮੁਆਵਜ਼ਾ ਦੇਣ ਦੀ ਮੰਗ ਕੀਤੀ, ਤਾਂ ਉਪ ਮੰਤਰੀ ਸੁਖਬੀਰ ਬਾਦਲ ਨੇ ਦੱਸਿਆ ਕਿ ਮ੍ਰਿਤਕ ਵਿਅਕਤੀਆਂ ਦੇ ਪਰਿਵਾਰਾਂ ਨੂੰ ਇਕ, ਇਕ ਲੱਖ ਰੁਪਏ ਅਤੇ ਫੱਟੜ ਪਰਿਵਾਰਾਂ ਦਾ ਇਲਾਜ ਮੁਫਤ ਕਰਵਾਇਆ ਜਾ ਰਿਹਾ ਹੈ।

ਮਹਿਲਾ ਰਾਖਵਾਂਕਰਨ ਦਾ ਆਧਾਰ ਸੀਮਤ ਅਰਥਿਕ ਸਥਿਤੀ ਹੋਵੇ : ਪੰਚ ਪ੍ਰਧਾਨੀ

ਸ਼੍ਰੋਮਣੀ ਅਕਾਲੀ ਦਲ ਪੰਚ ਪ੍ਰਧਾਨੀ ਨੇ ਅੱਜ ਇੱਤੇ ਹੋਈ ਇੱਕ ਮੀਟਿੰਗ ਵਿਚ ਮੰਗ ਕੀਤੀ ਹੈ ਕਿ ਮਹਿਲਾ ਰਾਖਵੇਂਕਰਨ ਲਾਭ ਸਿਰਫ ਇਸਦੇ ਅਸਲ ਹੱਕਦਾਰਾਂ ਅਤੇ ਇਕ ਸੀਮਤ ਆਰਥਿਕ ਸਥਿਤੀ ਵਾਲੇ ਪਰਿਵਾਰਾ ਨਾਲ ਸਬੰਧਿਤ ਔਰਤਾਂ ਨੂੰ ਹੀ ਮਿਲਣਾ ਚਾਹੀਦਾ ਹੈ। ਇਹ ਵਿਚਾਰ ਪ੍ਰਗਟਾਉਂਦਿਆਂ ਦਲ ਦੇ ਕੌਮੀ ਪੰਚ ਕੁਲਬੀਰ ਸਿੰਘ ਬੜਾ ਪਿੰਡ, ਸਕੱਤਰ ਜਨਰਲ ਭਾਈ ਹਰਪਾਲ ਸਿੰਘ ਚੀਮਾ ਤੇ ਯੂਥ ਵਿੰਗ ਦੇ ਕੌਮੀ ਜਨਰਲ ਸਕੱਤਰ ਸੰਦੀਪ ਸਿੰਘ ਕੇਨੇਡੀਅਨ ਨੇ ਕਿਹਾ ਹੈ ਕਿ ਲੋਕ ਸਭਾ ਵਿਚ ਪੇਸ਼ ਕੀਤੇ ਗਏ ਮਹਿਲਾ ਰਾਖਵਾਂਕਰਨ ਬਿਲ ਦੇ ਪਾਸ ਹੋਣ ਨਾਲ ਵੀ ਇਸਦਾ ਲਾਭ ਸਿਰਫ਼ ਸਿਅਸਤਦਾਨਾਂ ਜਾਂ ਅਮੀਰ ਵਰਗ ਨਾਲ ਸਬੰਧਿਤ ਔਰਤਾਂ ਨੂੰ ਹੀ ਹੋਵੇਗਾ ਆਮ ਗਰੀਬ ਤਬਕੇ ਦੀਆਂ ਔਰਤਾਂ ਜਿਨ੍ਹਾਂ ਦੇ ਅਧਿਕਾਰਾਂ ਦਾ ਲੰਮੇ ਸਮੇਂ ਤੋਂ ਹਨਨ ਹੋ ਰਿਹਾ ਹੈ, ਨੂੰ ਇਸ ਦਾ ਕੋਈ ਲਾਭ ਨਹੀਂ ਮਿਲ ਸਕੇਗਾ। ਉਨ੍ਹਾਂ ਕਿਹਾ ਕਿ ਸਿਆਸਤ ਵਿਚ ਪਹਿਲਾਂ ਹੀ ਸਥਾਪਿਤ ਪੁਰਸ਼, ਰਾਜਨੀਤੀ ਵਿਚ ਅਪਣੀ ਪਕੜ ਬਣਾਏ ਰੱਖਣ ਲਈ ਰਿਜ਼ਰਵ ਸੀਟਾਂ ’ਤੇ ਅਪਣੇ ਪਰਿਵਾਰ ਵਿਚੋਂ ਹੀ ਔਰਤਾਂ ਨੂੰ ਅੱਗੇ ਲੈ ਆਉਣਗੇ। ਉਨ੍ਹਾਂ ਕਿਹਾ ਕਿ ਪਹਿਲਾਂ ਹੀ ਕਈ ਖੇਤਰਾਂ ਵਿਚ ਰਾਖਵਾਂਕਰਨ ਦੀ ਜੋ ਸਹੂਲਤ ਉਪਲੱਬਧ ਹੈ ਉਸਦਾ ਲਾਭ ਵੀ ਇਸਦੇ ਅਸਲ ਹੱਕਦਾਰਾਂ ਨੂੰ ਅਜੇ ਤੱਕ ਨਹੀਂ ਮਿਲ ਸਕਿਆ। ਇਸਦਾ ਲਾਭ ਵੀ ਉਸ ਸਮਾਜਿਕ ਵਰਗ ਨਾਲ ਸਬੰਧਿਤ ਅਸਰ ਰਸੂਖ ਵਾਲੇ ਅਮੀਰ ਲੋਕ ਹੀ ਲੈ ਜਾਂਦੇ ਹਨ ਜਦ ਕਿ ਜਿਨ੍ਹਾਂ ਲੋਕਾ ਲਈ ਅਸਲ ਵਿਚ ਇਹ ਵਿਵਸਥਾ ਕੀਤੀ ਹੁੰਦੀ ਹੈ ਉਨ੍ਹਾਂ ਨੂੰ ਇਸਦਾ ਕੋਈ ਲਾਭ ਨਹੀਂ ਹੁੰਦਾ। ਉਨ੍ਹਾਂ ਕਿਹਾ ਕਿ ਰਾਖਵੇਂਰਕਨ ਦੀ ਲੁੱਟ ਕਰਨ ਵਾਲੇ ਸਿਆਸਤ ਵਿਚ ਸਥਾਪਿਤ ਗੁਰਦੇਵ ਸਿੰਘ ਬਾਦਲ, ਚਰਨਜੀਤ ਸਿੰਘ ਅਟਵਾਲ, ਬਿਕ੍ਰਮਜੀਤ ਸਿੰਘ ਅਟਵਾਲ, ਸ਼ਮਸ਼ੇਰ ਸਿੰਘ ਦੂਲੋਂ, ਦਰਸ਼ਨ ਸਿੰਘ ਕੇ.ਪੀ., ਚੌਧਰੀ ਜਗਜੀਤ ਸਿੰਘ, ਪਰਮਜੀਤ ਕੌਰ ਗੁਲਸ਼ਨ, ਗੁਲਜ਼ਾਰ ਸਿੰਘ ਰਣੀਕੇ, ਸਰਵਣ ਸਿੰਘ ਫਿਲੌਰ ਅਤੇ ਬਾਬੂ ਜਗਜੀਵਨ ਰਾਮ ਦੀਆਂ ਉਦਾਹਰਣਾਂ ਸਭ ਦੇ ਸਾਹਮਣੇ ਹਨ। ਇਸ ਲਈ ਰਾਖਵੇਂਕਰਨ ਦੀ ਵਿਵਸਥਾ ਜਾਤ ਜਾਂ ਲਿੰਗ ਦੀ ਥਾਂ ਆਰਥਿਕ ਸਥਿਤੀ ਅਨੁਸਾਰ ਕੀਤੀ ਜਾਵੇ ਅਤੇ ਇਸ ਨਾਲ ਇਹ ਮੱਦ ਵੀ ਸ਼ਾਮਿਲ ਹੋਵੇ ਕਿ ਪਹਿਲਾਂ ਹੀ ਕਿਸੇ ਵੀ ਤਰ੍ਹਾਂ ਦੇ ਰਾਖਵੇਂਕਰਨ ਦਾ ਲਾਭ ਲੈ ਚੁੱਕੇ ਪਰਿਵਾਰ ਨਾਲ ਸਬੰਧਿਤ ਵਿਅਕਤੀ ਇਸਦਾ ਲਾਭ ਨਹੀਂ ਲੈ ਸਕੇਗਾ ਤਾਂ ਜ਼ਰੂਰ ਇਸਦਾ ਫਾਇਦਾ ਇਸਦੇ ਅਸਲ ਹੱਕਦਾਰਾਂ ਨੂੰ ਮਿਲਣਾ ਸ਼ੁਰੂ ਹੋ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਭਾਰਤ ਵਿਚ ਜਾਤ-ਪਾਤ ਦੇ ਖ਼ਤਮ ਨਾ ਹੋਣ ਦਾ ਇਕ ਕਾਰਨ ਜਾਤ ਦੇ ਆਧਾਰ ’ਤੇ ਰਾਖਵਾਂਕਰਨ ਹੈ। ਜਾਤ-ਪਾਤ ਹਿੰਦੂ ਸਮਾਜ ਦਾ ਆਧਾਰ ਹੈ ਇਸੇ ਲਈ ਰਾਖਵੇਂਕਰਨ ਦੇ ਜਾਤ ਪਾਤੀ ਆਧਾਰ ਵਾਲੇ ਹਥਿਆਰ ਰਾਹੀਂ ਇਸ ਗੈਰ ਮਾਨਵੀ ਪ੍ਰਥਾ ਨੂੰ ਜ਼ਿੰਦਾ ਰੱਖਿਆ ਜਾ ਰਿਹਾ ਹੈ।

ਮਾਛੀਵਾੜਾ ਨੂੰ ਸਾਹਿਬ ਦਾ ਦਰਜਾ ਦੇਣ ਦਾ ਮੁੱਦਾ ਫਿਰ ਭੱਖਿਆ
ਬਾਬੇ ਨੇ ਥਾ-ਥਾ ਗੇਟ ਬਣਾਉਣ ਦੀ ਕੀਤੀ ਮੰਗ

ਮਾਛੀਵਾੜਾ 08 ਮਾਰਚ (ਸੁਸ਼ੀਲ ਸ਼ਰਮਾ) ਅੱਜ ਸਮਰਾਲਾ ਰੋਡ ਤੇ ਸਥਿਤ ਸਮਾਜ ਸੇਵਾ ਸੰਤ ਦਲ ਦੇ ਦਫਤਰ ਦਾ ਉਦਘਾਟਨ ਸ੍ਰੋਮਣੀ ਯੂਥ ਅਕਾਲੀ ਦਲ ਦੇ ਕੋਮੀ ਜਨਰਲ ਸਕੱਤਰ ਬੱਬੀ ਬਾਦਲ ਦੁਆਰਾ ਕੀਤਾ ਗਿਆ । ਬਾਬਾ ਸੁੱਧ ਸਿੰਘ ਟੂਸੇ ਵਾਲੇ ਦੀ ਸਰਪ੍ਰਸਤੀ ਹੇਠ ਨਵੀ ਬਣਾਈ ਇਹ ਸੰਸਥਾਂ ਵਿੱਚ ਜਿੱਥੇ ਲੋਕ ਭਲਾਈ ਦੇ ਕੰਮ ਕੀਤੇ ਜਾਣਗੇ ਉਥੇ ਹੀ ਕੰਨਿਆਂ ਭਰੂਣ ਹੱਤਿਆ ਰੋਕਣ ਦੇ ਵੀ ਕੰਮ ਕੀਤੇ ਜਾਣਗੇ। ਜਦ ਕਿ ਬਾਬਾ ਸੁੱਧ ਸਿੰਘ ਟੂਸੇ ਵਾਲੇ ਪਹਿਲਾਂ ਹੀ ਕਾਫੀ ਸਮੇ ਤੋ ਨਵ ਜੰਮੀਆਂ ਕੁੜੀਆਂ ਦੀ ਲੋਹੜੀ ਤੇ ਜਰੂਰਤ ਮੰਦ ਕੁੜੀਆਂ ਦੇ ਵਿਆਹ ਕਰਵਾਉਣ ਵਿੱਚ ਸਰਗਰਮ ਰਹੇ ਹਨ । ਅੱਜ ਉਹਨਾਂ ਨੇ ਬੱਬੀ ਬਾਦਲ ਅੱਗੇ ਮੰਗ ਰੱਖੀ ਕੇ ਮਾਛੀਵਾੜਾ ਨੂੰ ਮਾਛੀਵਾੜਾ ਸਾਹਿਬ ਦਾ ਦਰਜਾ ਦਿੱਤਾ ਜਾਵੇ ਜੋ ਕਿ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਵੱਲੋ ਕਈ ਵਾਰ ਮਾਛੀਵਾੜਾ ਦੋਰੇ ਤੇ ਐਲਾਨ ਵੀ ਕੀਤਾ ਜਾ ਚੁੱਕਾ ਹੈ । ਇਸ ਤੋ ਇਲਾਵਾ ਇੱਥੋ ਦੇ ਪ੍ਰਸਿੱਧ ਗੁਰਦੁਆਰੇ ਗਨੀ ਖਾਂ ਨਬੀ ਖਾਂ ਸਾਹਿਬ ਦੀ ਮਹੱਤਤ ਨੂੰ ਸਮਝਦੇ ਹੋਏ ਉਹਨਾਂ ਦੀ ਯਾਦ ਵਿੱਚ ਇੱਕ ਗੇਟ ਦਾ ਨਿਰਮਾਣ ਕੀਤਾ ਜਾਣ ਅਤੇ ਮਾਛੀਵਾੜਾ ਵਰਗੇ ਧਾਰਮਿਕ ਸ਼ਹਿਰ ਨੂੰ ਹੋਰਨਾਂ ਧਾਰਮਿਕ ਆਨੰਦਪੁਰ ਸਾਹਿਬ ਅਤੇ ਅਮ੍ਰਿਤਸਰ ਸਾਹਿਬ ਵਰਗੇ ਸ਼ਹਿਰਾਂ ਦੀ ਤਰਾਂ ਦੁਨੀਆਂ ਭਰ ਵਿੱਚ ਧਾਰਮਿਕ ਰੰਗ ਦੇਣ ਦੀ ਮੰਗ ਵੀ ਕੀਤੀ ਗਈ । ਉਥੇ ਹੀ ਬੱਬੀ ਬਾਦਲ ਨੇ ਮੰਗਾਂ ਮਨਾਉਣ ਦਾ ਅਸ਼ਵਾਸ਼ਣ ਦਿੰਦੇ ਹੋਏ ਕਿਹਾ ਕਿ ਅਜਿਹੀਆਂ ਸਮਾਜਿਕ ਸੰਸਥਾਵਾਂ ਸਮਾਜ ਵਿੱਚ ਸੁੱਧੀ ਕਰਣ ਦਾ ਕੰਮ ਕਰਦੀਆਂ ਹਨ । ਸਮਾਗਮ ਵਿੱਚ ਬੱਬੀ ਬਾਦਲ ਤੇ ਉਹਨਾਂ ਦੇ ਨਾਲ ਆਏ ਸੁਖਦੇਵ ਸਿੰਘ, ਪਰਦੀਪ ਸਿੰਘ, ਅਤੇ ਨਗਿੰਦਰ ਸਿੰਘ ਨੂੰ ਸਰੋਪਾ ਦੇ ਸਨਮਾਨਿਤ ਕੀਤਾ ਗਿਆ ਇਸ ਦੋਰਾਨ 101 ਬਿਰਧ ਔਰਤਾਂ ਨੂੰ ਸ਼ਾਲ ਵੀ ਭੇਟ ਕੀਤੇ ਗਏ ਸਨ। ਇਸ ਮੋਕੇ ਨਗਰ ਕੋਸ਼ਲ ਮਾਛੀਵਾੜਾ ਦੇ ਪ੍ਰਧਾਨ ਉਜਾਗਰ ਸਿੰਘ ਬੈਨੀਪਾਲ, ਉਪ ਪ੍ਰਧਾਨ ਦਲਜੀਤ ਸਿੰਘ ਗਿੱਲ, ਮਨਜੀਤ ਸਿੰਘ ਮੱਕੜ, ਸਿਵ ਕੁਮਾਰ ਸ਼ਿਵਲੀ, ਅਤੇ ਡਾ ਰਾਣਾਂ ਆਦਿ ਮੌਜੂਦ ਸਨ

ਖਾਸ ਤੋਰ ਤੇ ਸਨਮਾਨਿਤ ਕੀਤਾ ਕਬੱਡੀ ਖਿਡਾਰੀ

ਮਾਛੀਵਾੜਾ 08 ਮਾਰਚ (ਸੁਸ਼ੀਲ ਸ਼ਰਮਾ) ਗੁਰੂ ਗੋਬਿੰਦ ਸਿੰਘ ਸਟੇਡੀਅਮ ਵਿੱਚ ਇੱਕ ਪੋਤੇ ਨੇ ਆਪਣੇ ਦਾਦੇ ਦਾ ਸਿਰ ਇੱਜਤ ਨਾਲ ਉੱਚਾ ਕਰ ਦਿੱਤਾ ਜਦ ਹਜਾਰਾਂ ਦੀ ਗਿਣਤੀ ਵਿੱਚ ਉਪਸਥਿਤ ਲੋਕਾਂ ਦੇ ਸਾਹਮਣੇ ਮਨਜੋਤ ਸਿੰਘ ਪੁੱਤਰ ਦਵਿੰਦਰ ਸਿੰਘ ਗਿੱਲ ਨੂੰ ਵਧੀਆ ਖੇਡ ਪ੍ਰਦਰਸ਼ਨ ਕਰਨ ਲਈ ਸਨਮਾਨਿਤ ਕੀਤਾ ਗਿਆ ਮਨਜੋਤ ਸਿੰਘ ਦੇ ਚਾਚਾ ਪਰਮਿੰਦਰ ਸਿੰਘ ਗਿੱਲ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਸਾਡੇ ਪਿਤਾ ਜੀ ਸ੍ਰੀ ਜਮੀਤ ਸਿੰਘ ਗਿੱਲ ਜੀ ਦੀ ਸ਼ੁਰੂ ਤ ਹੀ ਇੱਛਾ ਸੀ ਕਿ ਉਹਨਾਂ ਦਾ ਪੋਤਾ ਖੇਡ ਜਗਤ ਵਿੱਚ ਉਚਾ ਸਥਾਨ ਹਾਸਿਲ ਕਰੇ ਜੋ ਕਿ ਉਹਨਾਂ ਨੂੰ ਸੱਚ ਹੁੰਦਾ ਨਜਰ ਆ ਰਿਹਾ ਹੈ ਸਰਦਾਰ ਹਰਬੰਸ ਸਿੰਘ ਕਬੱਡੀ ਕੋਚ ਦੇ ਅੰਡਰ ਪਰੈਕਟਿਸ ਕਰ ਰਹੇ ਅਤੇ ਸੁਖਮਿੰਦਰ ਸਿੰਘ ਟਿੰਡੀ, ਸਵ ਜੱਗਾ ਸਿੰਘ, ਅਤੇ ਵਿਕਰਮ ਭਨੋਟ ਸਰਪ੍ਰਸਤੀ ਹੇਠ ਤਿਆਰ ਇਹ ਖਿਡਾਰੀ ਨੇ ਸਖਤ ਮਿਹਨਤ ਕਰਕੇ ਥੋੜੇ ਹੀ ਸਮੇ ਵਿੱਚ ਬੜੀ ਮਿਹਨਤ ਨਾਲ ਕਾਫੀ ਉਚਾ ਸਥਾਨ ਹਾਸਿਲ ਕੀਤਾ ਹੈ । ਜੇਲ ਮੰਤਰੀ ਹੀਰਾ ਸਿੰਘ ਗਾਬੜੀਆ ਤੇ ਵਿਧਾਇਕ ਜਗਜੀਵਨ ਸਿੰਘ ਖੀਰਨੀਆਂ ਦੀ ਮੌਜੂਦਗੀ ਵਿੱਚ ਸਰਦਾਰ ਇੰਦਰਜੀਤ ਸਿੰਘ ਬਾਜਵਾ ਦੁਆਰਾ ਸਨਮਾਨਿਤ ਇਹ ਖਿਡਾਰੀ ਜਿੱਥੇ ਸਹਿਰ ਦੀ ਯੁਵਾ ਪੀੜੀ ਲਈ ਸਿੱਖਿਆ ਦਾ ਕੇਦਰ ਬਣਿਆ ਹੋਇਆ ਹੈ । ਉਥੇ ਹੀ ਗੱਭਰੂਆਂ ਨੂੰ ਨਸ਼ੇ ਤੋ ਦੂਰ ਰਹਿਣ ਸੰਦੇਸ਼ ਦਿੰਦਾ ਨਜਰ ਆ ਰਿਹਾ ਹੈ । ਇਸ ਮੋਕੇ ਰੁਪਿੰਦਰ ਸਿੰਘ ਬੈਨੀਪਾਲ ਚੇਅਰਮੈਨ ਪੀ ਏ ਡੀ ਬੀ, ਚਿੱਤਰਕਾਰ ਜਗਦੀਸ਼ ਬਰਾੜ, ਮੰਡੀ ਬੋਰਡ ਦੇ ਚੇਅਰਮੈਨ ਅਜਮੇਰ ਸਿੰਘ ਲੱਖੋਵਾਲ, ਸੰਤੋਖ ਸਿੰਘ ਲੋਗੀਆ, ਅਤੇ ਵਿੱਕੀ ਆਦਿ ਮੋਜੂਦ ਸਨ ।

ਸਿੱਖੀ ਮਹਾਨ ਸੰਸਥਾਵਾਂ ਨੂੰ ਚੁਣੌਤੀ ਨਾ ਦਿੱਤੀ ਜਾਵੇ, “ਦੇਰ ਆਏ ਦਰੁੱਸਤ ਆਏ” ਪ੍ਰੋ: ਦਰਸ਼ਨ ਸਿੰਘ ਜੀ :- ਮਾਨ

ਚੰਡੀਗੜ੍ਹ, 8 ਮਾਰਚ :- ਸ: ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਆਪਣੇ ਵੱਲੋ ਜਾਰੀ ਕੀਤੇ ਗਏ ਇੱਕ ਬਿਆਨ ਵਿੱਚ ਵਿਚਾਰ ਪ੍ਰਗਟਾਉਂਦੇ ਹੋਏ ਕਿਹਾ ਕਿ ਅਸੀਂ ਹਮੇਸ਼ਾ ਇਸ ਸੋਚ ਉੱਤੇ ਦ੍ਰਿੜ ਰਹੇ ਹਾਂ ਕਿ ਸ਼੍ਰੀ ਅਕਾਲ ਤਖਤ ਸਾਹਿਬ, ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਰਗੀਆਂ ਸਿੱਖੀ ਸੰਸਥਾਵਾਂ ਨੂੰ ਕਿਸੇ ਵੀ ਸਿੱਖ ਨੂੰ ਚੁਣੌਤੀ ਨਹੀਂ ਦੇਣੀ ਚਾਹੀਦੀ, ਕਿਉਂਕਿ ਗੁਰੂ ਸਾਹਿਬਾਨ ਅਤੇ ਸਿੰਘਾਂ ਨੇ ਵੱਡੀ ਗਿਣਤੀ ਵਿੱਚ ਮਹਾਨ ਕੁਰਬਾਨੀਆਂ, ਤਿਆਗ ਕਰਕੇ ਅਤੇ ਅਨੇਕਾਂ ਦੁੱਖਾਂ, ਮੁਸ਼ਕਿਲਾਂ ਦਾ ਮੁਕਾਬਲਾ ਕਰਕੇ ਆਪਣੀਆਂ ਅਹੂਤੀਆਂ ਦੇ ਕੇ ਇਹ ਸੰਸਥਾਵਾਂ ਕਾਇਮ ਕੀਤੀਆਂ ਹਨ ਅਤੇ ਸਿੱਖ ਕੌਮ ਲਈ ਉੱਚ ਮਰਿਯਾਦਾਵਾਂ ਅਤੇ ਪ੍ਰੰਪਰਾਵਾਂ ਲਾਗੂ ਕਰਕੇ ਸਿੱਖ ਕੌਮ ਨੂੰ ਇੱਕ ਨਿਯਮਬੱਧ ਜਿ਼ੰਦਗੀ ਜੀਊਣ ਦੀ ਜਾਚ ਸਿਖਾਈ ਹੈ। ਉਨ੍ਹਾ ਕਿਹਾ ਕਿ ਕਿਸੇ ਸਮੇਂ ਜੇਕਰ ਇਨ੍ਹਾ ਸਿੱਖੀ ਸੰਸਥਾਵਾਂ ਉੱਤੇ ਕੁਝ ਗੈਰ ਸਿਧਾਂਤਕ ਲੋਕ ਕਾਬਿਜ਼ ਹੋਣ ਵਿੱਚ ਕਾਮਯਾਬ ਵੀ ਹੋ ਜਾਂਦੇ ਹਨ ਤਾਂ ਉਨ੍ਹਾ ਦੀਆਂ ਗੈਰ ਸਮਾਜਿਕ ਤੇ ਗੈਰ ਧਾਰਮਿਕ ਕਾਰਵਾਈਆਂ ਦਾ ਦਲੀਲ ਸਹਿਤ ਵਿਰੋਧ ਜ਼ਰੂਰ ਕੀਤਾ ਜਾਵੇ ਪਰ ਸਮੁੱਚੀ ਸੰਸਥਾ ਨੂੰ ਬਦਨਾਮ ਕਰਨਾ ਜਾਂ ਅਜਿਹੀਆਂ ਮਹਾਨ ਸੰਸਥਾਵਾ ਨੂੰ ਚੁਣੌਤੀ ਦੇਣ ਦੀਆਂ ਕਾਰਵਾਈਆਂ ਕਿਸੇ ਵੀ ਸਿੱਖ ਨੂੰ ਸੋ਼ਭਾ ਨਹੀਂ ਦਿੰਦਾ।
ਸ: ਮਾਨ ਨੇ ਅੱਗੇ ਚੱਲ ਕੇ ਆਪਣੇ ਬਿਆਨ ਵਿੱਚ ਇਹ ਵੀ ਸਪੱਸ਼ਟ ਕੀਤਾ ਕਿ ਸਿੱਖ ਕੌਮ ਜਾਂ ਸਿੱਖ ਧਰਮ ਕਿਸੇ ਅਖਬਾਰ ਦੇ ਐਡੀਟਰ ਜਾਂ ਕਿਸੇ ਅਖੌਤੀ ਬੁੱਧੀਜੀਵੀ ਦੇ ਹੁਕਮ ਨਾਲ ਨਹੀਂ ਚੱਲਦੇ ਬਲਕਿ ਗੁਰੂ ਸਾਹਿਬਾਨ ਵੱਲੋਂ ਸਿੱਖ ਕੌਮ ਲਈ ਬਣਾਈਆਂ ਗਈਆਂ ਮਹਾਨ ਰਵਾਇਤਾਂ, ਅਸੂਲਾਂ ਅਤੇ ਮਰਿਯਾਦਾਵਾਂ ਉੱਤੇ ਪਹਿਰਾ ਦੇਣ ਦੀ ਬਦੌਲਤ ਹੀ ਹਰ ਮੈਦਾਨ ਫਤਿਹ ਕਰਦੀ ਆਈ ਹੈ ਅਤੇ ਵੱਧਦੀ ਫੁੱਲਦੀ ਆ ਰਹੀ ਹੈ। ਉਨ੍ਹਾ ਕਿਹਾ ਕਿ ਕਈ ਵਾਰ ਅਖਬਾਰਾਂ ਦੇ ਸੰਪਾਦਕਾਂ ਅਤੇ ਆਪੂ ਬਣੇ ਬੁੱਧੀਜੀਵੀਆਂ ਦੇ ਮਨ ਵਿੱਚ ਇਹ ਭਰਮ ਉਤਪੰਨ ਹੋ ਜਾਂਦਾ ਹੈ ਕਿ ਸ਼ਾਇਦ ਸਿੱਖ ਕੌਮ ਜਾਂ ਸਿੱਖ ਧਰਮ ਰੂਪੀ ਗੱਡੀ ਦੇ ਡੱਬਿਆਂ ਦੇ ਉਹ ਇੰਜਣ ਹਨ ਅਤੇ ਉਨ੍ਹਾ ਦੀ ਰਾਏ ਦੀ ਬਦੌਲਤ ਹੀ ਸਿੱਖ ਕੌਮ ਅੱਗੇ ਵੱਧ ਰਹੀ ਹੈ। ਜਦੋਂ ਕਿ ਸਿੱਖ ਕੌਮ ਤਾਂ ਆਪਣੀ “ਸਰਬੱਤ ਦੇ ਭਲੇ” ਵਾਲੀ ਵੱਡਮੁੱਲੀ ਮਨੁੱਖਤਾ ਪੱਖੀ ਸੋਚ ਅਤੇ ਇਨਸਾਨੀਅਤ ਕਦਰਾਂ ਕੀਮਤਾਂ ਉੱਤੇ ਪਹਿਰਾ ਦੇਣ ਦੇ ਉੱਦਮਾਂ ਦੀ ਸਦਕਾ ਅਡੋਲ ਆਪਣੀ ਮੰਜਿ਼ਲ ਵੱਲ ਵੱਧ ਰਹੀ ਹੈ।
ਉਨ੍ਹਾ ਕਿਹਾ ਕਿ ਅਸੀਂ ਤਾਂ ਬਹੁਤ ਪਹਿਲੇ ਤੋਂ ਹੀ ਇਹ ਹੋਕਾ ਦਿੰਦੇ ਆ ਰਹੇ ਹਾਂ ਕਿ ਜਦੋਂ ਵੀ ਸਿੱਖ ਕੌਮ ਵਿੱਚ ਕਿਸੇ ਮੁੱਦੇ ਉੱਤੇ ਵਿਵਾਦ ਉੱਠੇ ਤਾਂ ਉਸਦੇ ਹੱਲ ਲਈ ਨਿਰਪੱਖ ਸੋਚ ਰੱਖਣ ਵਾਲੇ ਅਤੇ ਸੰਜੀਦਾ ਤੌਰ ਤੇ ਅਮਲ ਕਰਨ ਵਾਲੇ ਵਿਦਵਾਨਾਂ ਦੀ ਇੱਕ ਕਮੇਟੀ ਸ਼੍ਰੀ ਅਕਾਲ ਤਖਤ ਸਾਹਿਬ ਦੀ ਰਹਿਨੁਮਾਈ ਹੇਠ ਬਣਾਈ ਜਾਵੇ, ਜੋ ਉਸ ਸਥਾਨ ਉੱਤੇ ਬੈਠ ਕੇ ਦੀਰਘ ਵਿਚਾਰਾਂ ਕਰਨ ਉਪਰੰਤ ਗੁਰਬਾਣੀ ਅਤੇ ਸਿੱਖ ਇਤਿਹਾਸ ਤੋਂ ਸੇਧ ਅਤੇ ਰੌਸ਼ਨੀ ਲੈ ਕੇ ਅਜਿਹੇ ਮਸਲਿਆਂ ਦਾ ਸਰਬ ਸੰਮਤੀ ਨਾਲ ਹੱਲ ਕਰੇ। ਇਸ ਮਾਮਲੇ ਵਿੱਚ ਤਖਤਾਂ ਉੱਤੇ ਬਿਰਾਜਮਾਨ ਜਥੇਦਾਰਾਂ ਨੂੰ ਵੀ ਅਜਿਹੇ ਸਮੇ ਤੁਰੰਤ ਨਿਰਪੱਖਤਾ ਨਾਲ ਕਾਰਵਾਈ ਕਰਦੇ ਹੋਏ ਫੌਰੀ ਕਮੇਟੀ ਬਣਾ ਦੇਣ ਦੇ ਆਪਣੇ ਕੌਮੀ ਫਰਜਾਂ ਨੂੰ ਪੂਰਾ ਕਰਨਾ ਬਣਦਾ ਹੈ ਨਾ ਕਿ ਆਪਣੇ ਸਿਆਸੀ ਆਕਾਵਾਂ ਦੇ ਗੈਰ ਸਿਧਾਂਤਿਕ ਤੇ ਗੈਰ ਸਮਾਜਿਕ ਸਵਾਰਥਾਂ ਭਰੇ ਹੁਕਮਾਂ ਨੂੰ ਮੰਨ ਕੇ ਸਿੱਖ ਕੌਮ ਵਿੱਚ ਗਲਤ ਪਿਰਤਾਂ ਪਾਉਣ ਦੀ ਬਿਮਾਰੀ ਨੂੰ ਉਤਸ਼ਾਹਿਤ ਕਰਨਾ ਚਾਹੀਦਾ ਹੈ। ਉਨ੍ਹਾਂ ਪ੍ਰੋ: ਦਰਸ਼ਨ ਸਿੰਘ ਵਰਗੇ ਉੱਘੇ ਸੋਚਵਾਨ ਵਿਦਵਾਨਾਂ ਵਲੋਂ, ਮੋਹਾਲੀ ਜਾਂ ਜਲੰਧਰ ਤੋਂ ਪ੍ਰਕਾਸਿ਼ਤ ਹੋਣ ਵਾਲੇ ਅਖਬਾਰਾਂ ਦੀ ਅਧੀਨਗੀ ਪ੍ਰਵਾਨ ਕਰਨ ਦੀ ਬਜਾਏ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ, ਸ਼੍ਰੀ ਅਕਾਲ ਤਖਤ ਸਾਹਿਬ ਅਤੇ ਸਿੱਖ ਸੋਚ ਨੂੰ ਸਮਰਪਿਤ ਹੋ ਕੇ ਸਰਗਰਮ ਰਹਿਣ ਦੇ ਪ੍ਰਗਟਾਏ ਗਏ ਤਾਜ਼ਾ ਵਿਚਾਰਾਂ ਦਾ ਭਰਪੂਰ ਸਵਾਗਤ ਕਰਦੇ ਹੋਏ ਕਿਹਾ ਕਿ “ਦੇਰ ਆਏ ਦਰੁੱਸਤ ਆਏ” ਦੀ ਕਹਾਵਤ ਅਨੁਸਾਰ ਪ੍ਰੋ: ਸਾਹਿਬ ਨੇ ਆਪਣੇ ਆਪ ਨੂੰ ਧੜਿਆਂ, ਗਰੁੱਪਾਂ ਤੋਂ ਉਪਰ ਉੱਠ ਕੇ ਉੱਦਮ ਕਰਨ ਲਈ ਜੋ ਤਿਆਰ ਕੀਤਾ ਹੈ, ਇਹ ਫੈਸਲਾ ਸਿੱਖ ਕੌਮ ਤੇ ਸਿੱਖ ਸਮਾਜ ਪੱਖੀ ਹੈ, ਜਿਸਦੀ ਅਸੀਂ ਸ਼ੁਰੂ ਤੋ ਹੀ ਵਕਾਲਤ ਕਰਦੇ ਆ ਰਹੇ ਹਾਂ। ਉਨ੍ਹਾ ਕਿਹਾ ਕਿ ਤਖਤਾਂ ਉੱਤੇ ਬਿਰਾਜਮਾਨ ਮੌਜੂਦਾ ਜਥੇਦਾਰਾਂ, ਨਿਰਪੱਖ ਸੋਚ ਰੱਖਣ ਵਾਲੇ ਵਿਦਵਾਨਾਂ ਨੂੰ ਆਪਣੀ ਸਾਰੀ ਸ਼ਕਤੀ, ਬੁੱਧੀ ਅਤੇ ਸੋਚ ਨੂੰ ਕੇਦਰਿਤ ਕਰਕੇ ਮੌਜੂਦਾ ਸਿੱਖ ਕੌਮ ਵਿੱਚ ਉੱਠੇ ਮੁੱਦਿਆਂ ਜਿਵੇਂ ਨਾਨਕਸ਼ਾਹੀ ਕੈਲੰਡਰ, ਜਥੇਦਾਰਾਂ ਦੀ ਸਰਵ ਪ੍ਰਵਾਨਿਤ ਨਿਯੁਕਤੀ ਤੇ ਸੇਵਾ ਮੁਕਤੀ, ਹੁਕਮਨਾਮਿਆਂ ਦੀ ਮਹੱਤਤਾ ਅਤੇ ਹੋ ਰਹੀ ਦੁਰਵਰਤੋਂ ਨੂੰ ਰੋਕਣ, ਅਨੰਦ ਮੈਰਿਜ ਐਕਟ 1909 ਨੂੰ ਲਾਗੂ ਕਰਵਾਉਣ, ਵਿਧਾਨ ਦੀ ਧਾਂਰਾ 25 ਜੋ ਸਾਨੂੰ ਹਿੰਦੂ ਕਰਾਰ ਦਿੰਦੀ ਹੈ ਉਸਨੂੰ ਖਤਮ ਕਰਾਉਣ, ਡੇਰਾਵਾਦ ਅਤੇ ਗੁਰੂਡੰਮ ਨੂੰ ਦ੍ਰਿੜਤਾ ਨਾਲ ਖਤਮ ਕਰਨ, ਗੋਲਕ ਦੀ ਹੋ ਰਹੀ ਦੁਰਵਰਤੋਂ ਨੂੰ ਰੋਕਣ, ਫਿਰਕੂ ਮੁਤੱਸਵੀ ਤਾਕਤਾਂ ਤੋਂ ਆਪਣੇ ਆਪ ਨੂੰ ਵੱਖਰੇ ਤੌਰ ਤੇ ਸਥਾਪਿਤ ਕਰਨ ਅਤੇ ਸਿੱਖੀ ਵਿੱਿਦਅਕ ਸੰਸਥਾਵਾਂ ਅਤੇ ਸਿਹਤ ਸੰਸਥਾਵਾਂ, ਅਦਾਰਿਆਂ ਦੀ ਮਨੁੱਖਤਾ ਦੀ ਬਹਿਤਰੀ ਲਈ ਵਰਤੋਂ ਕਰਨ ਲਈ “ਸ਼੍ਰੀ ਅਕਾਲ ਤਖਤ ਸਾਹਿਬ” ਦੀ ਸੰਸਥਾ ਉੱਤੇ ਇਕੱਤਰ ਹੋ ਕੇ ਪ੍ਰੋਗਰਾਮ ਬਣਾਉਣਾ ਚਾਹੀਦਾ ਹੈ। ਸ: ਮਾਨ ਨੇ ਆਪਣੇ ਬਿਆਨ ਦੇ ਅਖੀਰ ਵਿੱਚ ਸਿੱਖ ਕੌਮ ਨਾਲ ਸੰਬੰਧਿਤ ਵਿਦਵਾਨਾਂ, ਪੰਥਕ ਸਖਸੀਅਤਾਂ ਅਤੇ ਸਿੱਖ ਕੌਮ ਦੀ ਚੜ੍ਹਦੀ ਕਲਾਂ ਕਰਨ ਦੀ ਸੋਚ ਰੱਖਣ ਵਾਲੀਆਂ ਧਾਰਮਿਕ ਤੇ ਸਮਾਜਿਕ ਜਥੇਬੰਦੀਆਂ ਨੂੰ ਇਹ ਅਪੀਲ ਵੀ ਕੀਤੀ ਕਿ ਉਹ ਵੀ ਅਜਿਹੇ ਵਿਦਵਾਨਾਂ ਅਤੇ ਸੰਪਾਦਕਾਂ ਦੇ ਚੁਗਲ ਵਿੱਚ ਬਿਲਕੁਲ ਨਾ ਆਉਣ ਜੋ ਸਿੱਖ ਕੌਮ ਨੂੰ ਭਰਾ-ਮਾਰੂ ਜੰਗ ਵਿੱਚ ਝੋਕ ਕੇ ਆਪੋ ਆਪਣੇ ਵਪਾਰਿਕ ਤੇ ਸਿਆਸੀ ਸਵਾਰਥਾਂ ਦੀ ਪੂਰਤੀ ਕਰਨਾ ਲੋੜਦੇ ਹਨ। ਬਲਕਿ ਧਾਰਮਿਕ ਤੌਰ ‘ਤੇ ਉਹ ਸਾਹਿਬ ਸ਼੍ਰੀ ਗੁਰੂ ਗੰ੍ਰਥ ਸਾਹਿਬ ਤੇ ਸਿਆਸੀ ਤੌਰ ਤੇ ਸ਼੍ਰੀ ਅਕਾਲ ਤਖਤ ਸਾਹਿਬ ਵਰਗੀ ਮਹਾਨ ਸੰਸਥਾ ਤੋਂ ਸੇਧ ਲੈ ਕੇ ਵਿਚਰਨ। ਕਾਮਯਾਬੀ ਹਰ ਖੇਤਰ ਵਿੱਚ ਉਨ੍ਹਾਂ ਦੇ ਪੈਰ ਚੁੰਮੇਗੀ। ਅਜਿਹਾ ਉੱਦਮ ਕਰਨ ਉਪਰੰਤ ਕੋਈ ਵੀ ਫਿਰਕੂ ਤਾਕਤ ਸਾਨੂੰ ਭਰਾ ਮਾਰੂ ਜੰਗ ਵਿੱਚ ਉਲਝਾਉਣ ਦੇ ਮਨਸੂਬਿਆਂ ਵਿੱਚ ਕਾਮਯਾਬ ਨਹੀਂ ਹੋ ਸਕੇਗੀ।

ਚੇਤਰ ਦੀ ਚੋਦਾਂ ਨੂੰ ਮੇਲਾ

ਮਾਛੀਵਾੜਾ 08 ਮਾਰਚ (ਸੁਸ਼ੀਲ ਸ਼ਰਮਾ) ਕੁਝ ਧਾਰਮਿਕ ਸੰਸਥਾਵਾਂ ਦੇ ਯਤਨਾਂ ਸਦਕਾ ਇਸ ਵਾਰ ਫਿਰ ਹਲਕੇ ਦੇ ਲੋਕ ਚੇਤਰ ਮਹੀਨੇ ਦੀ ਚੋਦਾਂ ਤਾਰੀਕ’ ਨੂੰ ਮਨਾਉਣ ਲਈ ਅਗਾਮੀ 14 ਮਾਰਚ ਨੂੰ ਗੁਰਦੁਆਰਾ ਭਗਤ ਰਵੀਦਾਸ ਜੀ ਵਿੱਚ ਇੱਕਠੇ ਹੋਏ ਗੁਰਦੁਆਰਾ ਟਰਸ਼ਟ ਦੇ ਮੈਬਰਾਂ ਵੱਲੋ ਇਸ ਦੀਆਂ ਤਿਆਰੀਆਂ ਲਈ ਕੀਤੀ ਗਈ ਮੀਟਿੰਗ ਉਪਰੰਤ ਪ੍ਰਧਾਨ ਸੁਖਦੇਵ ਸਿੰਘ ਬਿੱਟੂ ਨੇ ਦੱਸਿਆ ਕਿ ਪਿਛਲੇ 50 ਸਾਲਾਂ ਤੋ ਗਾਇਬ ਹੋ ਚੁੱਕੇ ਇਸ ਧਾਰਮਿਕ ਮੇਲੇ ਨੂੰ ਦੁਬਾਰਾਂ ਸ਼ੁਰੂ ਕਰਦੇ ਹੋਏ ਦੋ ਦਿਨ ਪਹਿਲਾਂ ਸ੍ਰੀ ਆਖੰਡ ਪਾਠ ਸਾਹਿਬ ਜੀ ਦੇ ਪ੍ਰਕਾਸ਼ ਕਰਨ ਉਪਰੰਤ 14 ਨੂੰ ਭੋਗ ਪਾਏ ਜਾਣਗੇ ਅਤੇ ¦ਗਰ, ਬੱਚਿਆਂ ਲਈ ਝੂਲਿਆਂ ਦਾ ਪ੍ਰਬੰਧ ਤੇ ਕੁਸਤੀ ਮੁਕਾਬਲੇ ਵੀ ਕਰਵਾਏ ਜਾਣਗੇ ਇਸ ਮੀਟਿੰਗ ਵਿੱਚ ਸੇਵਾ ਸਿੰਘ, ਜਸਵਿੰਦਰ ਸਿੰਘ ਸੋਢੀ, ਮਹਿੰਦਰ ਸਿੰਘ, ਦੁਰਗਾ ਰਾਮ, ਪਰਮਜੀਤ ਸਿੰਘ ਨੀਲੋ, ਬਲਜੀਤ ਸਿੰਘ ਵੀ ਮੌਜੂਦ ਸਨ ।

ਕਾਲਜ ਵਿਦਿਆਰਥਣਾਂ ਨੇ ਜਾਗਰੂਕ ਰੈਲੀ ਨਿਕਾਲੀ

ਮਾਛੀਵਾੜਾ 08 ਮਾਰਚ (ਸੁਸ਼ੀਲ ਸ਼ਰਮਾ) ਮਹਿਲਾ ਦਿਵਸ ਦੇ ਅਵਸਰ ਤੇ ਲੜਕੀਆਂ ਨੂੰ ਲੜਕਿਆਂ ਦੇ ਬਰਾਬਰ ਦਰਜਾ ਦੇਣ ਦੇ ਸਬੰਧ ਤੇ ਸਮਾਜ ਵਿੱਚ ਫੈਲ ਰਹੇ ਭਰੂਣ ਹੱਤਿਆ ਤੇ ਹੋਰ ਸਮਾਜਿਕ ਕਰੂਤੀਆਂ ਨੂੰ ਜੜ੍ਹ ਤੇ ਉਖਾੜਨ ਲਈ ਨੈਸ਼ਨਲ ਕਾਲਜ ਫਾਰ ਵੋਮੈਨ ਤੇ ਸਕੂਲ ਦੀਆਂ ਵਿਦਿਆਰਥਣਾਂ ਵੱਲੋ ਜਾਗਰੂਕਤਾ ਰੈਲੀ ਨਿਕਾਲੀ ਗਈ ਹੱਥਾਂ ਵਿੱਚ ਤਖਤੀਆਂ ਫੜ੍ਹ ਕੇ ਵਿਦਿਆਰਥਣਾਂ ਨੇ ਇਹ ਰੈਲੀ ਕਾਲਜ ਤੋ ਸ਼ੁਰੂ ਕਰਕੇ ਮੁੱਖ ਚੌਕ, ਗਾਂਧੀ ਚੌਕ ਤੇ ਚਰਨ ਕੰਵਲ ਚੌਕ ਵਿਖੇ ਹੁੰਦਿਆ ਹੋਇਆ ਕਾਲਜ ਆ ਕੇ ਸਮਾਪਤ ਕੀਤੀ । ਫੋਟੋ ਫਾਇਲ : ਮਾਛੀਵਾੜਾ ਰੈਲੀ