ਸੁਪਰੀਮ ਕੋਰਟ ਤੇ ਹਾਈ ਕੋਰਟ ਵੱਲੋਂ ਸਾਨੂੰ “ਖਾਲਿਸਤਾਨ” ਦੇ ਪ੍ਰਚਾਰ ਲਈ ਕਾਨੂੰਨੀ ਮਾਨਤਾ ਮਿਲੀ :- ਮਾਨ

ਫਤਿਹਗੜ੍ਹ ਸਾਹਿਬ, 22 ਜਨਵਰੀ :- “ਕਿਉਂਕਿ ਹੁਣ ਸਿੱਖ ਕੌਮ ਨੂੰ ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ ਵੱਲੋ ਤੇ ਹਿੰਦੋਸਤਾਨ ਦੀ ਸੁਪਰੀਮ ਕੋਰਟ ਵਲੋਂ ਹੋਏ ਫੈਸਲਿਆਂ ਅਨੁਸਾਰ ਸਾਨੂੰ “ਖਾਲਿਸਤਾਨ” ਦੀ ਗੱਲ ਜਮਹੂਰੀਅਤ ਤੇ ਅਮਨਮਈ ਤਰੀਕੇ ਕਰਨ ਦੀ ਕਾਨੂੰਨੀ ਮਾਨਤਾ ਮਿਲ ਚੁੱਕੀ ਹੈ। ਹਿੰਦ ਹਕੂਮਤ ਜਾਂ ਇੱਥੋਂ ਦੇ ਸੂਬਿਆਂ ਦੀਆਂ ਪੁਲਿਸ ਫੋਰਸਾਂ ਜਾਂ ਅਰਧ ਸੈਨਿਕ ਬਲ ਸਾਨੂੰ ਆਪਣੇ ਨਵੇ ਬਣਨ ਜਾ ਰਹੇ ਮੁਲਕ ਦਾ ਪ੍ਰਚਾਰ ਕਰਨ ਤੋਂ ਨਾ ਤਾਂ ਰੋਕ ਸਕਦੀਆਂ ਹਨ ਤੇ ਨਾ ਹੀ ਸਾਨੂੰ ਗ੍ਰਿਫਤਾਰ ਕਰ ਸਕਣਗੀਆਂ। ਇਸ ਲਈ ਸੰਤ ਜਰਨੈਲ ਸਿੰਘ ਖਾਲਸਾ ਭਿੰਡਰਾਂਵਾਲਿਆਂ ਦੇ ਜਨਮ ਦਿਨ ਮਨਾਉਣ ਦੀ ਗੱਲ ਨੂੰ ਅੱਗੇ ਵਧਾਉਦੇ ਹੋਏ ਇਸ ਵਾਰੀ ਫਤਿਹਗੜ੍ਹ ਸਾਹਿਬ ਸ਼ਹੀਦਾਂ ਦੀ ਧਰਤੀ ਉੱਤੇ 12 ਫਰਵਰੀ ਨੂੰ ਪੰਜਾਬ ਪੱਧਰ ਦਾ ਇਕੱਠ ਕਰਕੇ ਮਨਾਇਆ ਜਾਵੇਗਾ।” \ ਇਹ ਵਿਚਾਰ ਅੱਜ ਇੱਥੇ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੀ ਜਮਾਤ ਦੇ ਕੌਮੀ ਅਹੁਦੇਦਾਰਾਂ, ਜਿ਼ਲ੍ਹਾ ਜਥੇਦਾਰਾਂ ਤੇ ਮੈਬਰਾਨ ਵਰਕਿੰਗ ਕਮੇਟੀ ਦੀ ਇੱਕ ਹੋਈ ਮੀਟਿੰਗ ਦੀ ਪ੍ਰਧਾਨਗੀ ਕਰਦੇ ਹੋਏ ਸ: ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਆਪਣੀ ਤਕਰੀਰ ਦੌਰਾਨ ਪ੍ਰਗਟ ਕੀਤੇ। ਉਨ੍ਹਾ ਸਮੁੱਚੀ ਸਿੱਖ ਕੌਮ ਤੇ ਦੂਸਰੇ ਧਰਮਾਂ ਤੇ ਕੌਮਾਂ ਨਾਲ ਸੰਬੰਧਿਤ ਲੋਕਾਂ ਨੂੰ ਅਪੀਲ ਕਰਦੇ ਹੋਏ ਕਿਹਾ ਕਿ ਉਹ “ਖਾਲਿਸਤਾਨ” ਦੇ ਸ਼ਬਦ ਨੂੰ ਬਿਲਕੁਲ ਨਫਰਤ ਨਾ ਕਰਨ ਤੇ ਨਾ ਹੀ ਆਪਣੇ ਮਨ ਆਤਮਾ ਵਿੱਚ ਕਿਸੇ ਤਰਾਂ ਦਾ ਡਰ ਭੈ ਰੱਖਣ ਕਿਉਂਕਿ ਪਾਕਿਸਤਾਨ ਤੇ ਹਿੰਦੋਸਤਾਨ ਦੋਵਾਂ ਮੁਲਕਾਂ ਦੇ ਵਿਚਕਾਰ ਬਤੌਰ ਬੱਫਰ ਸਟੇਟ ਦੇ ਹੋਂਦ ਵਿੱਚ ਆਉਣ ਨਾਲ ਕੇਵਲ ਇੱਥੇ ਵੱਸਣ ਵਾਲੇ ਹਰ ਕੌਮ ਧਰਮ ਨਾਲ ਸੰਬੰਧਿਤ ਨਾਗਰਿਕ ਨੂੰ ਬਰਾਬਰਤਾ ਦੇ ਹੀ ਅਧਿਕਾਰ ਪ੍ਰਾਪਤ ਨਹੀਂ ਹੋਣਗੇ ਬਲਕਿ ਸਿੱਖ ਕੌਮ ਦੀ ਇਹ ਸਟੇਟ ਸਮੁੱਚੇ ਏਸ਼ੀਆ ਖਿੱਤੇ ਦੇ ਅਮਨ ਚੈਨ ਨੂੰ ਸਥਾਈ ਤੌਰ ਤੇ ਕਾਇਮ ਕਰਨ ਵਿੱਚ ਮੁੱਖ ਭੂਮਿਕਾ ਨਿਭਾਏਗੀ। ਹਿੰਦੂ ਤੇ ਮੁਸਲਿਮ ਕੌਮ ਵਿੱਚ ਸਦੀਆਂ ਤੋਂ ਚੱਲਦੀ ਆ ਰਹੀ ਦੁਸ਼ਮਣੀ ਨੂੰ ਖਤਮ ਕਰਨ ਵਿੱਚ ਸਹਾਈ ਹੋਵੇਗੀ। ਉਨ੍ਹਾ ਸਮੁੱਚੀ ਸਿੱਖ ਕੌਮ ਨੂੰ ਸੰਬੋਧਿਤ ਹੁੰਦੇ ਹੋਏ ਕਿਹਾ ਕਿ ਉਹ ਦੁਚਿੱਤੀ ਨੂੰ ਛੱਡ ਕੇ ਆਪਣੇ ਮਿੱਥੇ ਨਿਸ਼ਾਨੇ ਤੇ ਕੇਂਦਰਿਤ ਹੋ ਜਾਣ ਕਿਉਂਕਿ ਸਿੱਖ ਕੌਮ ਦੀਆਂ ਸਮੂਹ ਮੁਸ਼ਕਿਲਾਂ ਦਾ ਇੱਕੋ ਇੱਕ ਸਹੀ ਹੱਲ ਹੈ ਖਾਲਿਸਤਾਨ ਦੀ ਜਮਹੂਰੀਅਤ ਤਰੀਕੇ ਸਥਾਪਤੀ।
ਉਨ੍ਹਾ ਸਮੁੱਚੇ ਜਥੇਦਾਰਾਂ ਪਾਰਟੀ ਮੈਬਰਾਂ ਤੇ ਸਿੱਖ ਕੌਮ ਨੂੰ ਆਉਣ ਵਾਲੀਆਂ ਗੁਰਦੁਆਰਾ ਚੋਣਾਂ ਲਈ ਤਿਆਰ ਬਰ ਤਿਆਰ ਰਹਿਣ ਦਾ ਸੱਦਾ ਦਿੰਦੇ ਹੋਏ ਕਿਹਾ ਕਿ ਗੁਰਦੁਆਰਿਆਂ ਦੇ ਪ੍ਰਬੰਧ ਵਿੱਚ ਆਏ ਨਿਘਾਰ ਨੂੰ ਦੂਰ ਕਰਨ, ਮੀਰੀ ਪੀਰੀ ਦੇ ਸਿਧਾਂਤ ਨੂੰ ਕਾਇਮ ਰੱਖਣ, ਸ਼੍ਰੀ ਅਕਾਲ ਤਖਤ ਸਾਹਿਬ ਦੀ ਸਰਵ ਉੱਚਤਾ ਨੂੰ ਪਰਪੱਕ ਕਰਦੇ ਹੋਏ ਸਰਵ ਪ੍ਰਵਾਨਿਤ ਫੈਸਲੇ ਕਰਨ ਦੀ ਮਹਾਨ ਰਵਾਇਤ ਨੂੰ ਬਲ ਦੇਣ ਲਈ ਉਹ ਕਮਰਕੱਸੇ ਕਰ ਲੈਣ। ਉਨ੍ਹਾ ਫਤਿਹਗੜ੍ਹ ਸਾਹਿਬ ਦੇ ਸ਼ਹੀਦੀ ਜੋੜ ਮੇਲੇ, ਮੁਕਤਸਰ ਤੇ ਮੋਗੇ ਦੀਆਂ ਸ਼ਹੀਦੀ ਕਾਨਫਰੰਸਾਂ ਵਿੱਚ ਸਿੱਖ ਕੌਮ ਵਲੋਂ ਦਿੱਤੇ ਸਹਿਯੋਗ ਲਈ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਉਹ ਹਰ ਪਿੰਡ, ਸ਼ਹਿਰ, ਗਲੀ, ਕਸਬੇ ਵਿੱਚ ਆਪੋ ਆਪਣੀ ਕੌਮੀ ਜਿ਼ੰਮੇਵਾਰੀ ਨੂੰ ਪੂਰਨ ਕਰਕੇ ਸਿੱਖ ਕੌਮ ਵਿੱਚ ਸ਼ਾਜਿਸੀ ਢੰਗਾਂ ਨਾਲ ਉਠਾਏ ਗਏ ਵਿਵਾਦਾਂ ਦਾ ਅੰਤ ਵੀ ਕਰਨ ਤੇ ਗੁਰਦੁਆਰਾ ਚੋਣਾਂ ਆਉਣ ਤੇ ਕੌਮੀ ਦਰਦ ਰੱਖਣ ਵਾਲੀਆਂ ਸਖਸੀਅਤਾਂ ਨੂੰ ਅੱਗੇ ਲਿਆਉਣ। ਉਨ੍ਹਾ ਅੰਤ ਵਿੱਚ ਕਿਹਾ ਕਿ ਕਾਂਗਰਸ, ਭਾਜਪਾ ਤੇ ਬਾਦਲ ਦਲੀਆਂ ਨੂੰ ਛੱਡ ਕੇ ਜੋ ਵੀ ਸਿਆਸੀ, ਧਾਰਮਿਕ ਸੰਗਠਨ ਖਾਲਿਸਤਾਨ ਦੇ ਮੁੱਦੇ ‘ਤੇ ਸਾਨੂੰ ਸਾਥ ਦੇਣਾ ਚਾਹੁੰਦੇ ਹਨ, ਉਨ੍ਹਾ ਸਮੁੱਚੀਆਂ ਧਿਰਾਂ ਦਾ ਸਵਾਗਤ ਕੀਤਾ ਜਾਵੇਗਾ। ਅੱਜ ਦੀ ਮੀਟਿੰਗ ਵਿੱਚ ਇਹ ਗੱਲ ਸਪੱਸ਼ਟ ਰੂਪ ਵਿੱਚ ਸਾਹਮਣੇ ਆਈ ਕਿ ਅੱਜ ਪਹਿਲੀ ਵਾਰ ਹਾਜ਼ਰੀਨ ਸਮੁੱਚੇ ਮੈਬਰਾਂ ਨੇ “ਖਾਲਿਸਤਾਨ” ਦੇ ਮੁੱਦੇ ‘ਤੇ ਪੂਰੀ ਦ੍ਰਿੜਤਾ ਨਾਲ ਸ: ਮਾਨ ਦੀ ਸੋਚ ਨਾਲ ਸਹਿਮਤ ਹੁੰਦੇ ਹੋਏ ਆਪਣੇ ਸੰਘਰਸ਼ ਨੂੰ ਅੱਗੇ ਲਿਜਾਉਣ ਵਿੱਚ ਸਹਿਯੋਗ ਦੇਣ ਦਾ ਤਹੱਈਆ ਕੀਤਾ। ਅੱਜ ਦੀ ਮੀਟਿੰਗ ਦੀ ਸਟੇਜ ਦੀ ਸੇਵਾ ਭਾਈ ਇਕਬਾਲ ਸਿੰਘ ਟਿਵਾਣਾ ਸਿਆਸੀ ਤੇ ਮੀਡੀਆ ਸਲਾਹਕਾਰ ਤੇ ਇੰਚਾਰਜ ਗੁਰਦੁਆਰਾ ਚੋਣਾਂ ਨੇ ਬਾਖੂਬੀ ਨਿਭਾਉਦੇ ਹੋਏ ਹਰ ਮੁੱਦੇ ਨੂੰ ਤੇ ਹਰ ਬੁਲਾਰੇ ਦੀ ਸਹੀ ਗੱਲ ਨੂੰ ਸਹੀ ਪ੍ਰਪੇਖ ਵਿੱਚ ਉਜਾਗਰ ਕੀਤਾ। ਅੱਜ ਦੀ ਮੀਟਿੰਗ ਵਿੱਚ ਸ: ਸਿਮਰਨਜੀਤ ਸਿੰਘ ਮਾਨ ਤੋਂ ਇਲਾਵਾ ਭਾਈ ਧਿਆਨ ਸਿੰਘ ਮੰਡ ਸੀ:ਮੀ: ਪ੍ਰਧਾਨ, ਪ੍ਰੋ: ਮਹਿੰਦਰਪਾਲ ਸਿੰਘ, ਜਸਕਰਨ ਸਿੰਘ ਕਾਹਨ ਸਿੰਘ ਵਾਲਾ, ਗੁਰਸੇਵਕ ਸਿੰਘ ਜਵਾਹਰਕੇ, ਗੁਰਿੰਦਰਪਾਲ ਸਿੰਘ ਧਨੋਲਾ, ਮਾਸਟਰ ਕਰਨੈਲ ਸਿੰਘ ਨਾਰੀਕੇ (ਸਾਰੇ ਜ: ਸਕੱਤਰ), ਰਣਜੀਤ ਸਿੰਘ ਰਾਣਾ ਜਥੇ: ਸਕੱਤਰ, ਸੁਰਿੰਦਰ ਸਿੰਘ ਅਕਾਲਗੜ੍ਹ ਬੋਰਾਂ ਸਦਰ ਏ ਖਾਲਿਸਤਾਨ, ਇਮਾਨ ਸਿੰਘ ਮਾਨ ਸਰਪ੍ਰਸਤ ਯੂਥ ਅਕਾਲੀ ਦਲ (ਅੰਮ੍ਰਿਤਸਰ), ਰਣਜੀਤ ਸਿੰਘ ਚੀਮਾਂ ਸਕੱਤਰ, ਗੁਰਜੰਟ ਸਿੰਘ ਪੀ ਏ, ਅਨੂਪ ਸਿੰਘ ਸੰਧੂ ਲੁਧਿਆਣਾ, ਹਰਭਜਨ ਸਿੰਘ ਕਸ਼ਮੀਰੀ ਪਟਿਆਲਾ, ਸੁਰਿੰਦਰ ਸਿੰਘ ਸੱਦੋਵਾਲੀਆ ਬਰਨਾਲਾ, ਅਮਰੀਕ ਸਿੰਘ ਅੰਮ੍ਰਿਤਸਰ, ਕਸ਼ਮੀਰ ਸਿੰਘ ਲੱਖਣਕਲਾਂ ਕਪੂਰਥਲਾ, ਬਲਵਿੰਦਰ ਸਿੰਘ ਮੰਡੇਰ ਮਾਨਸਾ, ਇਕਬਾਲ ਸਿੰਘ ਬਰੀਵਾਲਾ ਮੁਕਤਸਰ, ਗੁਰਦੀਪ ਸਿੰਘ ਖੁਣਖੁਣ ਹੁਸਿ਼ਆਰਪੁਰ, ਮਨਜੀਤ ਸਿੰਘ ਰੇਰੂ ਜਲੰਧਰ, ਦਵਿੰਦਰ ਸਿੰਘ ਖਾਨਖਾਨ ਨਵਾਂਸ਼ਹਿਰ, ਹਰਜੀਤ ਸਿੰਘ ਸੰਜੂਮਾ ਸੰਗਰੂਰ, ਹਰਪਾਲ ਸਿੰਘ ਕੁੱਸਾ ਮੋਗਾ, ਬੀਬੀ ਤੇਜ ਕੌਰ, ਬੀਬੀ ਅਮਨਦੀਪ ਕੌਰ, ਕੁਲਦੀਪ ਸਿੰਘ ਭਾਗੋਵਾਲ ਮੁਹਾਲੀ, ਬਾਬਾ ਅਮਰਜੀਤ ਸਿੰਘ, ਗੁਰਦੀਪ ਸਿੰਘ ਫੱਗੂਵਾਲ, ਸਮੂਹ ਜਿ਼ਲ੍ਹਾ ਜਥੇਦਾਰ ਤੇ ਵਰਕਿੰਗ ਕਮੇਟੀ ਮੈਬਰਾਨ ਨੇ ਵੱਡੀ ਗਿਣਤੀ ਵਿੱਚ ਸਮੂਲੀਅਤ ਕੀਤੀ।

ਦੋ ਹੋਰ ਭਾਰਤੀਆਂ ’ਤੇ ਆਸਟਰੇਲੀਆ ’ਚ ਹਮਲੇ

ਆਸਟਰੇਲੀਆ ਸਰਕਾਰ ਵੱਲੋਂ ਦਿੱਤੇ ਜਾ ਰਹੇ ਭਰੋਸਿਆਂ ਦੇ ਬਾਵਜੂਦ ਉਥੇ ਭਾਰਤੀਆਂ ’ਤੇ ਹੋ ਰਹੇ ਹਮਲੇ ਰੁਕਣ ਦਾ ਨਾਂ ਨਹੀਂ ਲੈ ਰਹੇ। ਤਾਜ਼ਾ ਲੜੀ ਤਹਿਤ ਆਸਟਰੇਲੀਆ ’ਚ ਦੋ ਹੋਰ ਭਾਰਤੀਆਂ ਨੂੰ ਨਿਸ਼ਾਨਾ ਬਣਾਇਆ ਗਿਆ। ਇਨ੍ਹਾਂ ਵਿਚ ਇਕ ਟੈਕਸੀ ਡਰਾਈਵਰ ਵੀ ਸ਼ਾਮਲ ਹੈ। ਜ਼ਿਕਰਯੋਗ ਹੈ ਕਿ ਬੀਤੇ ਕੱਲ੍ਹ ਹੀ ਆਸਟਰੇਲੀਆਈ ਪ੍ਰਧਾਨ ਮੰਤਰੀ ਤੇ ਉਪ-ਪ੍ਰਧਾਨ ਮੰਤਰੀ ਨੇ ਇਕ ਬਿਆਨ ਦਿੰਦਿਆਂ ਆਸਟਰੇਲੀਆ ’ਚ ਵਾਪਰਦੀਆਂ ਅਜਿਹੀਆਂ ਘਟਨਾਵਾਂ ਨੂੰ ਮੰਦਭਾਗਾ ਦੱਸਿਆ ਸੀ। ਇਸ ਦੇ ਨਾਲ ਹੀ ਨਵੀਂ ਦਿੱਲੀ ’ਚ ਆਸਟਰੇਲੀਆਈ ਹਾਈ ਕਮਿਸ਼ਨਰ ਨੇ ਆਸਟਰੇਲੀਆ ਜਾਣ ਲਈ ਪਰਵਾਸ ਨਿਯਮਾਂ ਨੂੰ ਸਫ਼ਤ ਕਰਨ ਦੀ ਗੱਲ ਕਹੀ ਸੀ।
ਅੱਜ ਦੇ ਹਮਲਿਆਂ ਸਬੰਧੀ ਜਾਣਕਾਰੀ ਦਿੰਦਿਆਂ ਸਥਾਨਕ ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਪਹਿਲਾ ਹਮਲਾ 25 ਸਾਲਾ ਨੌਜਵਾਨ ’ਤੇ ਉਦੋਂ ਕੀਤਾ ਗਿਆ, ਜਦੋਂ ਉਹ ਦੇਰ ਰਾਤ ਬ੍ਰਿਸਬੇਨ ਦੇ ਦੱਖਣੀ ਇਲਾਕੇ ਮੈਕਗ੍ਰੈਗਰ ’ਚ ਫੋਨ ਬੁੂਥ ’ਤੇ ਕਿਸੇ ਨਾਲ ਗੱਲ ਕਰ ਰਿਹਾ ਸੀ। ਹਮਲਾਵਰਾਂ ਨੇ ਇਸ ਨੌਜਵਾਨ ਦੀ ਕੁੱਟਮਾਰ ਤੋਂ ਇਲਾਵਾ ਉਸਦਾ ਸਮਾਨ ਵੀ ਲੁੱਟ ਲਿਆ।
ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਹਮਲਾਵਰਾਂ ਨੇ ਨੌਜਵਾਨ ਦੇ ਸਿਰ ’ਚ ਘਸੁੰਨ ਮਾਰੇ ਅਤੇ ਉਸ ਦਾ ਪਰਸ ਖੋਹ ਲਿਆ। ਪੁਲਿਸ ਨੇ ਅਜੇ ਤੱਕ ਪੀੜਤ ਨੌਜਵਾਨ ਦੀ ਪਹਿਚਾਣ ਬਾਰੇ ਜਾਣਕਾਰੀ ਨਹੀਂ ਦਿੱਤੀ, ਪਰ ਇੰਨਾ ਜ਼ਰੂਰ ਦੱਸਿਆ ਕਿ ਇਕ ਹਮਲਾਵਰ ਦੇ ਲੰਮੇ-ਕਾਲੇ ਘੁੰਗਰਾਲੇ ਵਾਲ ਸਨ। ਇਸ ਦੇ ਨਾਲ ਹੀ ਉਨ੍ਹਾਂ ਦੱਸਿਆ ਕਿ ਹਮਲਾਵਰਾਂ ਦੀ ਸ਼ਕਲ ਪ੍ਰਸ਼ਾਂਤ ਖੇਤਰ ਦੇ ਲੋਕਾਂ ਨਾਲ ਮਿਲਦੀ ਜੁਲਦੀ ਸੀ।
ਦੂਜੀ ਘਟਨਾ ਅੱਜ ਸਵੇਰੇ ਟੈਕਸੀ ਡਰਾਈਵਰ ਨਾਲ ਵਾਪਰੀ। ਸਥਾਨਕ ਮੀਡੀਆ ਮੁਤਾਬਕ ਬ੍ਰਿਸਬੇਨ ਦੇ ਕੈਰਿੰਡੇਲ ਇਲਾਕੇ ’ਚ 2 ਜਣਿਆਂ ਨੇ ਬਹਿਸ ਤੋਂ ਬਾਅਦ ਭਾਰਤੀ ਟੈਕਸੀ ਡਰਾਈਵਰ ਨੂੰ ਬੁਰੀ ਤਰ੍ਹਾਂ ਕੁੱਟਿਆ ਅਤੇ ਉਸ ਦੀ ਕਾਰ ਦੇ ਸ਼ੀਸ਼ੇ ਭੰਨ ਦਿੱਤੇ। ਇਸ ਕੁੱਟਮਾਰ ’ਚ ਡਰਾਈਵਰ ਦੇ ਚਿਹਰੇ ਤੇ ਖੱਬੀ ਅੱਖ ’ਤੇ ਸੱਟਾਂ ਲੱਗੀਆਂ ਹਨ। ਦੂਜੇ ਪਾਸੇ ਆਸਟਰੇਲੀਆਈ ਸਰਕਾਰ ਨੇ ਇਕ ਵਾਰ ਫਿਰ ਇਨ੍ਹਾਂ ਹਮਲਿਆਂ ਨੂੰ ਆਮ ਘਟਨਾ ਦੱਸਿਆ ਹੈ। ਕਵੀਸਲੈਂਡ ਦੇ ਕਾਰਜਕਾਰੀ ਪ੍ਰਧਾਨ ਮੰਤਰੀ ਐਂਡੀਯੂ ਫਰੇਜ਼ਰ ਨੇ ਕਿਹਾ ਕਿ ਉਹ ਭਾਰਤੀਆਂ ਨੂੰ ਵਿਸ਼ਵਾਸ ਦਿਵਾਉਾਂਦੇ ਨ ਕਿ ਆਸਟਰੇਲੀਆ ਉਨ੍ਹਾਂ ਲਈ ਸੁਰੱਖਿਅਤ ਥਾਂ ਹੈ।

26-11 ਜਿਹੇ ਹਮਲੇ ਦੁਬਾਰਾ ਨਾ ਹੋਣ ਦੀ ਗਰੰਟੀ ਨਹੀਂ : ਗਿਲਾਨੀ

ਇਸਲਾਮਾਬਾਦ, 22 ਜਨਵਰੀ- ਹਰ ਰੋਜ਼ 26/11 ਵਰਗੇ ਹਮਲਿਆਂ ਦਾ ਸਾਹਮਣਾ ਕਰ ਰਹੇ ਪਾਕਿਸਤਾਨ ਨੇ ਅਮਰੀਕਾ ਨੂੰ ਕਿਹਾ ਹੈ ਕਿ ਉਹ ਇਸ ਗੱਲ ਦੀ ਬਿਲਕੁਲ ਗਰੰਟੀ ਨਹੀਂ ਲੈ ਸਕਦਾ ਕਿ ਭਾਰਤ ਵਿਚ ਮੁੰਬਈ ਵਰਗੇ ਹਮਲੇ ਦੁਬਾਰਾ ਨਹੀਂ ਹੋਣਗੇ। ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਯੂਸੁਫ ਰਜ਼ਾ ਗਿਲਾਨੀ ਨੇ ਅੱਜ ਭਾਰਤ ਵਿਚ ਮੁੰਬਈ ਵਰਗੇ ਹਮਲਿਆਂ ਨੂੰ ਰੋਕਣ ਦੀ ਗਰੰਟੀ ਲੈਣ ਤੋਂ ਸਾਫ ਇਨਕਾਰ ਕਰ ਦਿੱਤਾ ਹੈ। ਅਮਰੀਕੀ ਰੱਖਿਆ ਮੰਤਰੀ ਰੋਬਰਟ ਗੇਟਸ ਨਾਲ ਹੋਈ ਗੱਲਬਾਤ ਦੌਰਾਨ ਗਿਲਾਨੀ ਨੇ ਕਿਹਾ ਕਿ ਪਾਕਿਸਤਾਨ 26/11 ਵਰਗੇ ਅਤਿਵਾਦੀ ਹਮਲਿਆਂ ਨੂੰ ਰੋਕਣ ਦੀ ਕੋਈ ਜ਼ਿੰਮੇਵਾਰੀ ਨਹੀਂ ਲੈ ਸਕਦਾ। ਗੇਟਸ ਦੋ ਦਿਨਾਂ ਭਾਰਤ ਯਾਤਰਾ ਤੋਂ ਬਾਅਦ ਪਾਕਿਸਤਾਨ ਦੇ ਦੌਰੇ 'ਤੇ ਪਹੁੰਚੇ ਹਨ। ਗਿਲਾਨੀ ਨੇ ਕਿਹਾ ਕਿ ਅਜਿਹੇ ਹਮਲਿਆਂ ਨੂੰ ਰੋਕਣ ਲਈ ਇਕੋ ਇਕ ਢੰਗ ਇਹ ਹੈ ਕਿ ਦੁਵੱਲੀ ਸ਼ਾਂਤੀ ਗੱਲਬਾਤ ਪ੍ਰਕ੍ਰਿਆ ਨੂੰ ਅਤਿਵਾਦ ਦੇ ਖਿਲਾ/ ਕਾਰਵਾਈ ਨਾਲ ਜੋੜਿਆ ਨਾ ਜਾਵੇ। ਪ੍ਰਧਾਨ ਮੰਤਰੀ ਗਿਲਾਨੀ ਨੇ ਗੇਟਸ ਨੂੰ ਅਤਿਵਾਦੀਆਂ ਫ਼ਿਲਾ/ ਚੁੱਕੇ ਗਏ ਕਦਮਾਂ ਬਾਰੇ ਜਾਣਕਾਰੀ ਦਿੱਤੀ। ਗਿਲਾਨੀ ਨੇ ਦੱਸਿਆ ਕਿ ਅਤਿਵਾਦੀ ਜਥੇਬੰਦੀਆਂ 'ਤੇ ਪਾਬੰਦੀ ਲਗਾਉਣ ਅਤੇ ਉਨ੍ਹਾਂ ਦੇ ਨੈਟਵਰਕ ਨੂੰ ਨਸ਼ਟ ਕੀਤਾ ਜਾ ਚੁੱਕਿਆ ਹੈ। ਭਾਰਤ ਅਨੁਸਾਰ ਮੁੰਬਈ ਹਮਲਿਆਂ ਦੇ ਸੂਤਰਧਾਰ ਅਤੇ ਜਮਾਤ ਉਦ ਦਾਅਵਾ ਦੇ ਮੁਖੀ ਹਾ/ਿਸ ਮੁਹੰਮਦ ਸਈਦ ਦਾ ਨਾਂ ਲਏ ਬਿਨਾਂ ਗਿਲਾਨੀ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਬਿਨਾਂ ਸਬੂਤਾਂ ਤੋਂ ਕਿਸੇ ਖਿਲਾ/ ਕਾਰਵਾਈ ਨਹੀਂ ਕਰ ਸਕਦੀ।ਵਰਣਨਯੋਗ ਹੈ ਕਿ ਗੇਟਸ ਨੇ ਪਾਕਿਸਤਾਨ ਨੂੰ ਚੇਤਾਵਨੀ ਦਿੱਤੀ ਸੀ ਕਿ ਜੇਕਰ ਭਾਰਤ ਵਿਚ ਫਿਰ ਕੋਈ ਅਤਿਵਾਦੀ ਹਮਲਾ ਹੋਇਆ ਤਾਂ ਉਸ ਦੇ ਸਬਰ ਦਾ ਬੰਨ੍ਹ ਟੁੱਟ ਸਕਦਾ ਹੈ ਅਤੇ ਉਹ ਜਵਾਬੀ ਕਾਰਵਾਈ ਕਰ ਸਕਦਾ ਹੈ। ਗੇਟਸ ਨੇ ਕਿਹਾ ਸੀ ਕਿ ਖਤਰਨਾਕ ਅਤਿਵਾਦੀ ਸੰਗਠਨ ਅਲਕਾਇਦਾ ਭਾਰਤ ਦੇ ਖਿਲਾ/ ਸਾਜਿਸ਼ ਰਚ ਰਿਹਾ ਹੈ। ਤਹਿਰੀਕ-ਏ-ਤਾਲਿਬਾਨ ਅਤੇ ਲਸ਼ਕਰ-ਏ-ਤੋਇਬਾ ਵਰਗੇ ਅਤਿਵਾਦੀ ਸੰਗਠਨ ਅਲਕਾਇਦਾ ਦੇ ਇਸ਼ਾਰੇ 'ਤੇ ਕੰਮ ਕਰ ਰਹੇ ਹਨ।

ਲਾਦੇਨ ਦੀ ਮੌਤ ਨਾਲ ਲੜਾਕੇ ਬਹੁਤ ਹੀ ਭਿਆਨਕ ਹਮਲਾ ਕਰਨਗੇ

ਲੰਦਨ 22 ਜਨਵਰੀ - ਜਦੋਂ ਜਾਰਜ ਡਬਲਿਊ ਬੁਸ਼ 2001 ਵਿੱਚ ਅਮਰੀਕਾ ਦੇ ਰਾਸ਼ਟਰਪਤੀ ਬਣੇ ਤਾਂ ਅਲ ਕਾਇਦਾ ਮੁੱਖੀ ਓਸਾਮਾ ਬਿਨ ਲਾਦੇਨ ਕਾਫੀ ਖੁਸ਼ ਸੀ ਕਿਉਂਕਿ ਉਹ ਅਜਿਹਾ ਨੇਤਾ ਚਾਹੁੰਦਾ ਸੀ ਜੋ ਅੱਤਵਾਦ ਦੇ ਵਿਰੁੱਧ ਜੰਗ ਵਿੱਚ ਅਰਬਾਂ ਡਾਕਰ ਖਰਚ ਕਰਕੇ ਦੇਸ਼ ਨੂੰ ਤੋੜ ਦੇਵੇ। ਇਹ ਦਾਅਵਾ ਉਸ ਦੇ ਚੌਥੇ ਪੁੱਤਰ ਉਮਰ ਬਿਨ ਲਾਦੇਨ ਨੇ ਕੀਤਾ। ਉਮਰ ਨੇ ਧਿਮਕੀ ਦਿੱਤੀ ਹੈ ਕਿ ਜਿਊਂਦੇ ਓਸਾਮਾ ਦੀ ਅਮਰੀਕਾ ਨੂੰ ਮਰੇ ਹੋਏ ਓਸਾਮਾ ਨਾਲੋਂ ਜ਼ਿਆਦਾ ਲੋੜ ਹੈ ਕਿਉਂਕਿ ਉਸ ਦੀ ਮੌਤ ਨਾਲ ਲੜਾਕੇ ਬਹੁਤ ਹੀ ਭਿਆਨਕ ਹਮਲਾ ਕਰਨਗੇ। ਉਮਰ ਨੇ ਰੋਲਿੰਗ ਸਟੋਨ ਮੈਗਜ਼ੀਨ ਨੂੰ ਕਿਹਾ ਕਿ ਮੇਰਾ ਪਿਤਾ ਕਾਫੀ ਖੁਸ਼ ਸੀ। ਉਹ ਇਸ ਤਰ੍ਹਾਂ ਦਾ ਰਾਸ਼ਟਰਪਤੀ ਚਾਹੁੰਦਾ ਸੀ ਜੋ ਹਮਲਾ ਕਰਕੇ ਪੈਸਾ ਖਰਚ ਕਰੇ ਅਤੇ ਦੇਸ਼ ਨੂੰ ਤੋੜ ਦੇਵੇ। ਮੇਰਾ ਵਿਚਾਰ ਹੈ ਕਿ ਮੇਰਾ ਪਿਤਾ ਰਾਸ਼ਟਰਪਤੀ ਬਰਾਕ ਓਬਾਮਾ ਦੇ ਮੁਕਾਬਲੇ ਮੈਕਕੇਨ ਨੂੰ ਪਸੰਦ ਕਰਦਾ ਹੈ ਕਿਉਂਕਿ ਮੈਕਕੇਨ ਦੀ ਮਾਨਸਿਕਤਾ ਬਿਲਕੁਲ ਬੁਸ਼ ਵਰਗੀ ਹੈ। ਓਬਾਮਾ ਦੇ ਅਹੁਦਾ ਹਾਸਲ ਕਰਨ ਤੇ ਉਹ ਕਾਫੀ ਨਿਰਾਸ਼ ਹੋਏ। ਉਮਰ ਨੇ ਇਹ ਵੀ ਕਿਹਾ ਕਿ ਉਹ ਸਿਆਂਣੇ ਫੈਸਲੇ ਲਈ ਸਾਬਕਾ ਰਾਸ਼ਟਰਪਤੀ ਬਿਲ ਕਲਿੰਟਨ ਦਾ ਆਦਰ ਕਰਦਾ ਹੈ, ਜਿਨ੍ਹਾਂ ਨੇ ਅਮਰੀਕਾ ਵਿੱਚ ਅਮਰੀਕੀ ਹਿੱਤਾਂ ਤੇ ਹਮਲੇ ਦੇ ਵਿਰੋਧ ਵਿੱਚ ਉਸਦੇ ਪਿਤਾ ਦੇ ਟਰੇਨਿੰਗ ਕੈਂਪ ਤੇ ਕਰੂਜ਼ ਮਿਜ਼ਾਇਲਾਂ ਨਾਲ ਹਮਲਾ ਕੀਤਾ ਸੀ।

ਓਬਾਮਾ ਨੇ ਮੰਨਿਆ ਉਨ੍ਹਾਂ ਨੇ ਲੋਕਾਂ ਨਾਲ ਸਿੱਧਾ ਸੰਪਰਕ ਨਹੀ ਰੱਖਿਆ

ਵਾਸ਼ਿੰਗਟਨ 22 ਜਨਵਰੀ - ਅਮਰੀਕੀ ਰਾਸ਼ਠਰਪਤੀ ਬਰਾਕ ਓਬਾਮਾ ਨੇ ਅਹੁਦਾ ਸੰਭਾਲਣ ਤੋਂ ਬਾਅਦ ਵਾਇਟ ਹਾਊਸ ਵਿੱਚ ਇਕ ਸਾਲ ਪੂਰਾ ਹੋਣ ਤੋਂ ਇਕ ਦਿਨ ਬਾਅਦ ਮੰਨਿਆ ਹੈ ਕਿ ਉਨ੍ਹਾਂ ਨੇ ਅਮਰੀਕੀ ਲੋਕਾਂ ਨਾਲ ਸਿੱਧਾ ਸੰਪਰਕ ਨਹੀ ਰੱਖਿਆ, ਇਸ ਲਈ ਵੋਟਰ ਨਰਾਜ਼ ਅਤੇ ਗੁੱਸੇ ਵਿੱਚ ਹਨ। ਜ਼ਿਕਰਯੋਗ ਹੈ ਕਿ ਉਨ੍ਹਾਂ ਦਾ ਬਿਆਨ ਮੈਸਾਚੁਸੈਟ ਵਿੱਚ ਰਿਪਬਲਿਕਨ ਪਾਰਟੀ ਦੀ ਜਿੱਤ ਤੋਂ ਇਕ ਦਿਨ ਬਾਅਦ ਆਇਆ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਡੈਮੋਕਰੇਟਿਕ ਪਾਰਟੀ ਨੂੰ ਕਾਂਗਰਸ ਵਿੱਚ ਸਿਹਤ ਬਿੱਲ ਜਲਦਬਾਜ਼ੀ ਵਿੱਚ ਪਾਸ ਕਰਵਾਉਣ ਦੀ ਕੋਸ਼ਿਸ਼ ਨਹੀਂ ਕਰਨੀ ਚਾਹੀਦੀ। ਮੈਸਾਚੁਸੈਟ ਵਿੱਚ ਵੋਟਰਾਂ ਵਲੋਂ ਤਕੜਾ ਝਟਕਾ ਦੇਣ ਤੋਂ ਬਾਅਦ ਓਬਾਮਾ ਨੇ ਮੰਨਿਆ ਹੈ ਕਿ ਉਨ੍ਹਾਂ ਦਾ ਕੁਝ ਸੰਕਟਾਂ ਨਾਲ ਨਜਿੱਠਣ ਵਿੱਚ ਉਲਝੇ ਹੋਣ ਕਰਕੇ ਉਨ੍ਹਾਂ ਦਾ ਲੋਕਾਂ ਨਾਲ ਸੰਪਰਕ ਟੁੱਟ ਗਿਆ ਸੀ ਅਤੇ ਇਸ ਦਾ ਇਹ ਕਾਰਨ ਹੈ ਕਿ ਓਬਾਮਾ ਨੇ ਰਿਪਬਲਿਕਨ ਉਮੀਦਵਾਰ ਦੀ ਜਿੱਤ ਤੇ ਹੈਰਾਨੀ ਪ੍ਰਗਟਾਈ ਹੈ ਕਿਉਂਕਿ ਇਸ ਸੀਟ ਤੇ ਲਗਭਗ ਪੰਜ ਦਹਾਕੇ ਤੱਕ ਡੈਮੋਕਰੇਟਿਕ ਪਾਰਟੀ ਦੇ ਐਡਵਟਡ ਕਨੇਡੀ ਦਾ ਕਬਜ਼ਾ ਰਿਹਾ ਸੀ। ਅਮਰੀਕੀ ਟੀ ਵੀ ਚੈਨਲ ਏਬੀਸੀ ਨੈਟਵਰਕ ਨੂੰ ਦਿੱਤੀ ਇੰਟਰਵਿਊ ਵਿੱਚ ਓਬਾਮਾ ਨੇ ਕਿਹਾ ਕਿ ਕਿਸ ਤਰ੍ਹਾਂ ਸਕਾਊਟ ਬਰਾਊਨ ਜਿੱਤੇ ਹਨ। ਮੈਂ ਵੀ ਉਸੇ ਤਰ੍ਹਾਂ ਜਿੱਤਿਆ ਸੀ ਪਰ ਲੋਕ ਗੁੱਸੇ ਅਤੇ ਨਿਰਾਸ਼ ਹਨ।

ਸੁਖਬੀਰ-ਕਾਲੀਆ ਦੋ ਮੈਬਰੀ ਕਮੇਟੀ ਦੇ ਫੈਸਲੇ ਪੰਜਾਬੀਆਂ ਦੀ ਲੁੱਟ-ਖਸੁੱਟ ਦੀ ਪ੍ਰਤੱਖ ਨਿਸ਼ਾਨੀ :- ਮਾਨ

ਚੰਡੀਗੜ੍ਹ, 22 ਜਨਵਰੀ :- ਸ: ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਸੁਖਬੀਰ-ਕਾਲੀਆ ਦੋ ਮੈਬਰੀ ਕਮੇਟੀ ਦੀ ਰਿਪੋਰਟ ਦੇ ਆਧਾਰ ਤੇ ਪੰਜਾਬ ਸਰਕਾਰ ਵੱਲੋਂ ਪੰਜਾਬੀਆਂ ਉੱਤੇ ਟੈਕਸ ਲਾਉਣ ਦੀ ਕਾਰਵਾਈ ਮੱਧਵਰਗ ਤੇ ਗਰੀਬ ਵਰਗ ਉੱਤੇ ਪਾਏ ਜਾਣ ਵਾਲੇ ਮਾਲੀ ਬੋਝ ਨੂੰ ਦਿਸ਼ਾਹੀਣ ਕਰਾਰ ਦਿੰਦੇ ਹੋਏ ਬਾਦਲ ਹਕੂਮਤ ਦੀ ਪੁਰਜ਼ੋਰ ਨਿਖੇਧੀ ਕੀਤੀ ਤੇ ਕਿਹਾ ਕਿ ਅੱਜ ਬਾਦਲ ਹਕੂਮਤ ਵਿੱਚ ਇੱਕ ਵੀ ਅਜਿਹਾ ਵਜ਼ੀਰ ਜਾਂ ਇਨ੍ਹਾ ਦਾ ਸਲਾਹਕਾਰ ਨਹੀਂ ਜੋ ਪੰਜਾਬੀਆਂ ਤੇ ਸਿੱਖ ਕੌਮ ਨੂੰ ਦਰਪੇਸ਼ ਆ ਰਹੀਆਂ ਮਹਿੰਗਾਈ, ਬੇਰੁਜ਼ਗਾਰੀ, ਰਿਸ਼ਵਤਖੋਰੀ, ਜਮਾਖੋਰੀ ਤੇ ਨਸ਼ਾਖੋਰੀ ਆਦਿ ਵੱਡੀਆਂ ਮੁਸ਼ਕਿਲਾਂ ਨੂੰ ਠੱਲ੍ਹ ਪਾਉਣ ਦੀ ਸਮਰੱਥਾ ਬੁੱਧੀ ਰੱਖਦਾ ਹੋਵੇ ਤੇ ਪੰਜਾਬ ਦੇ ਦਿਵਾਲੀਆ ਹੋਏ ਖਜ਼ਾਨੇ ਨੂੰ ਭਰ ਕੇ ਪੰਜਾਬ ਦਾ ਵਿਕਾਸ ਕਰਨ ਲਈ ਇਮਾਨਦਾਰ ਹੋਵੇ। ਉਨ੍ਹਾ ਕਿਹਾ ਕਿ ਸੁਖਬੀਰ ਕਾਲੀਆ ਕਮੇਟੀ ਨੇ ਕਿਸਾਨ, ਦਲਿਤ, ਮਜ਼ਦੂਰ ਤੇ ਆਮ ਸ਼ਹਿਰੀਆਂ ਉੱਤੇ ਟੈਕਸ ਲਗਾ ਕੇ ਅਤਿ ਦੀ ਮਹਿੰਗਾਈ ਦੀ ਬੁਰੀ ਤਰਾ ਮਾਰ ਝੱਲ ਰਹੇ ਇਸ ਵਰਗ ਨੂੰ ਹੋਰ ਕੁਚਲਣ ਦੀ ਅਸਹਿ ਕਾਰਵਾਈ ਕੀਤੀ ਹੈ। ਜਦੋਂ ਕਿ ਸ: ਪ੍ਰਕਾਸ਼ ਸਿੰਘ ਬਾਦਲ, ਸੁਖਬੀਰ ਬਾਦਲ, ਮਨਪ੍ਰੀਤ ਬਾਦਲ, ਸੁਰਿੰਦਰ ਕੌਰ ਬਾਦਲ, ਹਰਸਿਮਰਤ ਕੌਰ ਬਾਦਲ ਤੇ ਬਿਕਰਮਜੀਤ ਸਿੰਘ ਮਜੀਠੀਆ ਦੀ ਜੁੰਡਲੀ ਨਿਰੰਤਰ ਗੈਰ ਕਾਨੂੰਨੀ ਤੇ ਗੈਰ ਸਮਾਜਿਕ ਤਰੀਕੇ ਪੰਜਾਬ ਦੀ ਸਮੁੱਚੀ ਟ੍ਰਾਂਸਪੋਰਟ, ਸਮੁੱਚੇ ਟੀ ਵੀ ਚੈੱਨਲ ਨੈਟਵਰਕ, ਰੇਤ ਤੇ ਬਜਰੀ ਦੇ ਠੇਕਿਆਂ, ਪੰਜਾਬ ਦੇ ਵੱਡੇ ਸ਼ਹਿਰਾਂ ਤੇ ਜੀ ਟੀ ਰੋਡਾਂ ਉਤੇ ਕਾਮਯਾਬੀ ਨਾਲ ਚੱਲ ਰਹੇ ਹੋਟਲਾਂ ਤੇ ਢਾਬਿਆਂ ਦੇ ਕਾਰੋਬਾਰਾਂ ਉੱਤੇ ਜ਼ਬਰੀ ਕਬਜ਼ੇ ਕਰ ਚੁੱਕੀ ਹੈ। ਇਨ੍ਹਾ ਕਾਰੋਬਾਰਾਂ ਨੂੰ ਕਰਨ ਵਾਲੇ ਹਜ਼ਾਰਾਂ ਪਰਿਵਾਰਾਂ ਨਾਲ ਇਨ੍ਹਾ ਨੇ ਜ਼ੋਰ ਜ਼ਬਰੀ ਕਰਕੇ ਬੇਰੁਜ਼ਗਾਰ ਕਰ ਦਿੱਤਾ ਹੈ। ਉਨ੍ਹਾ ਕਿਹਾ ਕਿ ਸੁਖਬੀਰ-ਮਜੀਠੀਆ ਐਂਡ ਕੰਪਨੀ ਵੱਲੋਂ ਇੰਨੀ ਦਿਨੀ ਜੀ ਟੀ ਰੋਡਾਂ ਉੱਤੇ ਚੰਗਾ ਕਾਰੋਬਾਰ ਕਰ ਰਹੇ ਹੋਟਲਾਂ ਦੇ ਮਾਲਿਕਾਂ ਨੂੰ ਕਿਹਾ ਜਾ ਰਿਹਾ ਹੈ ਕਿ ਉਹ ਆਪਣੇ ਹੋਟਲ ਸਾਨੂੰ ਵੇਚ ਦੇਣ। ਜੋ ਅਣਖੀ ਲੋਕ ਅਜਿਹਾ ਕਰਨ ਤੋਂ ਨਾਹ ਕਰ ਰਹੇ ਹਨ, ਉਨ੍ਹਾ ਨੂੰ ਸਿੱਟੇ ਭੁਗਤਣ ਦਾ ਡਰਾਵਾ ਦੇ ਕੇ ਮੌਜੂਦਾ ਕੀਮਤਾਂ ਤੋਂ ਕਿਤੇ ਘੱਟ ਪੈਸੇ ਦੇ ਕੇ ਕਬਜ਼ੇ ਕੀਤੇ ਜਾ ਰਹੇ ਹਨ। ਵੱਖ ਵੱਖ ਵਿਭਾਗਾਂ ਦੇ ਮੁਲਾਜ਼ਮਾਂ ਦੀਆਂ ਤਨਖਾਹਾਂ ਦੇ ਵਧੇ ਸਕੇਲ, ਭੱਤੇ ਤੇ ਹੋਰ ਸਹੂਲਤਾਂ ਉੱਤੇ ਪੰਜਾਬ ਦੀ ਹਕੂਮਤ ਡਾਕਾ ਮਾਰੀ ਬੈਠੀ ਹੈ। ਲੱਖਾਂ ਦੀ ਗਿਣਤੀ ਵਿੱਚ ਅਸਾਮੀਆਂ ਖਾਲੀ ਪਈਆਂ ਹਨ ਕਿਉਕਿ ਇਸ ਜੁੰਡਲੀ ਦੀ ਕੋਈ ਵੀ ਅਗਾਂਹਵਧੂ ਯੋਜਨਾ ਨਾ ਹੋਣ ਕਾਰਨ ਪੰਜਾਬ ਦੇ ਖਜ਼ਾਨੇ ਦੀ ਪਹਿਲੋ ਹੀ ਵੱਡੀ ਪੱਧਰ ਉੱਤੇ ਦੁਰਵਰਤੋਂ ਹੁੰਦੀ ਆ ਰਹੀ ਹੈ।
ਉਨ੍ਹਾ ਪੰਜਾਬ ਨਿਵਾਸੀਆਂ ਤੇ ਸਿੱਖ ਕੌਮ ਨੂੰ ਜ਼ੋਰਦਾਰ ਅਪੀਲ ਕਰਦੇ ਹੋਏ ਕਿਹਾ ਕਿ ਉਹ ਇਸ ਸੁਖਬੀਰ-ਕਾਲੀਆ, ਮਜੀਠੀਆ ਤੇ ਬਾਦਲ ਪਰਿਵਾਰ ਦੇ ਲੋਟੂ ਟੋਲੇ ਵਾਲੀ ਜੁੰਡਲੀ ਨੂੰ ਸਿਆਸੀ, ਧਾਰਮਿਕ ਤੇ ਇਖਲਾਕੀ ਤੌਰ ਤੇ ਪਛਾੜਣ ਲਈ ਆਪੋ-ਆਪਣੀਆਂ ਸਮਾਜਿਕ ਤੇ ਕੌਮੀ ਜਿ਼ੰਮੇਵਾਰੀਆਂ ਪੂਰੀਆਂ ਕਰਨ ਲਈ ਸੰਜੀਦਾ ਵੀ ਹੋਣ ਤੇ ਤਿਆਰ ਵੀ ਰਹਿਣ ਕਿਉਂਕਿ “ਧਾਰਮਿਕ ਤੇ ਇਖਲਾਕੀ ਜੰਗ” ਹੋਣ ਦਾ ਬਿਗਲ ਵੱਜਣ ਵਾਲਾ ਹੈ। ਇਸ ਆਉਣ ਵਾਲੀਆਂ ਗੁਰਦੁਆਰਾ ਚੋਣਾਂ ਵਿੱਚ ਉੱਚੇ ਸੁੱਚੇ ਇਖਲਾਕ ਤੇ ਇਮਾਨਦਾਰੀ ਉੱਤੇ ਪਹਿਰਾ ਦੇਣ ਵਾਲੀਆਂ ਸਖਸੀਅਤਾਂ ਨੂੰ ਅੱਗੇ ਲਿਆ ਕੇ ਗੰਧਲੀ ਹੋਈ ਰਾਜਸੀ ਪ੍ਰਕ੍ਰਿਆ ਨੂੰ ਵੀ ਸਾਫ ਸੁੱਥਰਾ ਕਰਨ ਵਿੱਚ ਆਪਣਾ ਯੋਗਦਾਨ ਪਾਉਣ ਤਾਂ ਕਿ ਅਸੀਂ ਗੁਰੂ ਸਾਹਿਬਾਨ ਦੀ ਵੱਡਮੁੱਲੀ “ਸਰਬੱਤ ਦੇ ਭਲੇ” ਵਾਲੀ ਸੋਚ ਨੂੰ ਦੁਨੀਆ ਪੱਧਰ ਉਤੇ ਲਿਜਾ ਕੇ ਸਿੱਖ ਕੌਮ ਦਾ ਬੋਲਬਾਲਾ ਕਰ ਸਕੀਏ।