ਮਹਿੰਗਾਈ ਵਿਰੁੱਧ ਮੁਲਕ ਨਿਵਾਸੀਆਂ ਦੇ ਮਨਾਂ ਵਿੱਚ ਉੱਠ ਰਹੇ ਤੁਫਾਨ ਦੇ ਰੋਸ ਨੂੰ ਸਰਕਾਰ ਸਮਝੇ :- ਮਾਨ

ਫਤਿਹਗੜ੍ਹ ਸਾਹਿਬ, 6 ਜੁਲਾਈ :- “ਤੇਲ, ਡੀਜ਼ਲ, ਪੈਟਰੋਲ, ਰਸੋਈ ਗੈਸ, ਦਾਲਾਂ, ਚੀਨੀ, ਘੀ, ਚਾਹ ਪੱਤੀ ਆਦਿ ਹਰ ਮੁਲਕ ਨਿਵਾਸੀ ਦੀ ਰਸੋਈ ਅਤੇ ਉਨ੍ਹਾ ਦੇ ਵਹੀਕਲ ਵਿੱਚ ਰੋਜ਼ਾਨਾ ਵਰਤੋਂ ਵਿੱਚ ਆਉਣ ਵਾਲੀਆਂ ਵਸਤਾਂ ਦੀਆਂ ਵਧਾਈਆਂ ਗਈਆਂ ਅਸਹਿ ਕੀਮਤਾਂ ਵਿਰੁੱਧ ਮੁਲਕ ਨਿਵਾਸੀਆਂ ਦੇ ਮਨਾਂ ਵਿੱਚ ਬਹੁਤ ਵੱਡਾ ਰੋਸ ਭਰਿਆ ਤੁਫਾਨ ਉੱਠ ਖੜਾ ਹੋ ਰਿਹਾ ਹੈ। ਪੰਜ ਜੁਲਾਈ ਨੂੰ ਸਮੁੱਚੀਆਂ ਵਿਰੋਧੀ ਪਾਰਟੀਆਂ ਵੱਲੋ ਸਮੂਹਿਕ ਤੌਰ ਤੇ ਮਹਿੰਗਾਈ ਵਿਰੁੱਧ “ਭਾਰਤ ਬੰਦ” ਦੇ ਦਿੱਤੇ ਗਏ ਸੱਦੇ ਦੀ ਹੋਈ ਪੂਰਨ ਕਾਮਯਾਬੀ ਤੋਂ ਸਰਕਾਰ ਦੀਆਂ ਬੰਦ ਅੱਖਾਂ ਅਤੇ ਕੰਨ ਖੁੱਲ੍ਹ ਜਾਣੇ ਚਾਹੀਦੇ ਹਨ। ਜਿਸ ਤੋਂ ਮੁਲਕ ਨਿਵਾਸੀ ਇਹ ਮਾਰ ਝੱਲਣ ਤੋਂ ਅਸਮਰੱਥ ਹਨ।”
ਇਹ ਵਿਚਾਰ ਸ: ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਹਰ ਵਸਤੂ ਦੀ ਦਿਨੋ ਦਿਨ ਵੱਧਦੀ ਜਾ ਰਹੀ ਮਹਿੰਗਾਈ ਅਤੇ ਡਾਕਟਰ ਮਨਮੋਹਨ ਸਿੰਘ ਹਕੂਮਤ ਵੱਲੋ ਇਸ ਦਿਸ਼ਾ ਵੱਲ ਕੋਈ ਯੋਜਨਾ ਨਾ ਬਣਾਉਣ ਦੇ ਵਿਰੁੱਧ ਆਪਣੇ ਵਿਚਾਰ ਪ੍ਰਗਟਾਉਂਦੇ ਹੋਏ ਇੱਕ ਬਿਆਨ ਵਿੱਚ ਕਹੇ। ਉਨ੍ਹਾ ਕਿਹਾ ਕਿ ਜੋ ਇਹ ਅਮਨਮਈ ਤਰੀਕੇ ਜ਼ੋਸ਼ ਦੇ ਨਾਲ ਹੋਸ਼ ਨੂੰ ਕਾਇਮ ਰੱਖਦੇ ਹੋਏ ਬੰਦ ਕਾਮਯਾਬ ਹੋਇਆ ਹੈ, ਇਸਦੀ ਭਾਵਨਾ ਨੂੰ ਵੀ ਡਾਕਟਰ ਮਨਮੋਹਨ ਸਿੰਘ ਸਮਝਣ ਅਤੇ ਗਰੀਬ ਅਤੇ ਮੱਧਵਰਗੀ ਮੁਲਕ ਨਿਵਾਸੀਆਂ ਉੱਤੇ ਪਾਏ ਗਏ ਬੋਝ ਨੂੰ ਦੂਰ ਕਰਨ ਲਈ ਅਮਲੀ ਕਾਰਵਾਈ ਕਰਨ। ਉਨ੍ਹਾ ਇਹ ਵੀ ਕਿਹਾ ਕਿ ਸ਼ਾਂਤਮਈ ਤਰੀਕੇ ਇਹ ਹੋਇਆ ਬੰਦ ਕਾਮਯਾਬ, ਤੁਫਾਨ ਉੱਠਣ ਤੋ ਪਹਿਲੇ ਵਾਲੀ ਸ਼ਾਂਤੀ ਦਾ ਇਸ਼ਾਰਾ ਕਰਦੀ ਹੈ। ਲੇਕਿਨ ਦੁੱਖ ਅਤੇ ਅਫਸੋਸ ਹੈ ਕਿ ਡਾਕਟਰ ਮਨਮੋਹਨ ਸਿੰਘ ਨੂੰ ਆਮ ਲੋਕਾਂ ਦੀ ਬਦਤਰ ਜਿ਼ੰਦਗੀ ਬਾਰੇ ਕੋਈ ਜਾਣਕਾਰੀ ਨਹੀਂ। ਸ਼੍ਰੀ ਪ੍ਰਣਬ ਮੁਖਰਜੀ ਇੱਥੋ ਦੇ ਮੁਲਕ ਨਿਵਾਸੀਆਂ ਦੀਆਂ ਮੁਸ਼ਕਿਲਾਂ ਸੰਬੰਧੀ ਵਿਸਥਾਰਿਤ ਜਾਣਕਾਰੀ ਰੱਖਦੇ ਹਨ। ਪਰ ਉਨ੍ਹਾ ਨੇ ਅਤੇ ਮੁਲਕ ਦੀਆਂ ਖੁਫੀਆ ਏਜੰਸੀਆਂ ਨੇ ਡਾਕਟਰ ਮਨਮੋਹਨ ਸਿੰਘ ਦੀ ਸਰਕਾਰ ਨੂੰ ਵੱਧਦੀ ਮਹਿੰਗਾਈ ਵਿਰੁੱਧ ਉੱਠ ਰਹੇ ਤੁਫਾਨ ਦੀ ਕੋਈ ਜਾਣਕਾਰੀ ਨਹੀਂ ਦਿੱਤੀ। ਜਿਸ ਕਾਰਨ ਹਕੂਮਤ ਅਤੇ ਖੁਫੀਆ ਏਜੰਸੀਆਂ ਆਪਣੀਆਂ ਜਿ਼ੰਮੇਵਾਰੀਆਂ ਪੂਰਨ ਕਰਨ ਵਿੱਚ ਅਸਫਲ ਸਾਬਿਤ ਹੋ ਚੁੱਕੀਆਂ ਹਨ। ਉਨ੍ਹਾ ਇਸ ਗੱਲ ਦਾ ਵੀ ਸਖਤ ਵਿਰੋਧ ਕੀਤਾ ਕਿ ਲੋਕਾਂ ਦੇ ਹੱਕਾਂ ਦੀ ਰੱਖਿਆ ਲਈ ਸੰਘਰਸ ਕਰਨ ਵਾਲੇ ਮੇਰੇ ਵਰਗੇ ਇਨਸਾਨਾਂ ਵਿਰੁੱਧ ਸੂਬੇ ਦੇ ਅੰਦਰ ਹੀ ਪੰਜ-ਪੰਜ ਦੇਸ਼ ਧ੍ਰੋਹੀ ਦੇ ਝੂਠੇ ਕੇਸ ਦਰਜ ਕਰ ਦਿੱਤੇ ਜਾਂਦੇ ਹਨ ਤਾਂ ਕਿ ਲੋਕਾਂ ਦੇ ਹੱਕਾਂ ਦੀ ਰੱਖਿਆ ਲਈ ਕੋਈ ਆਵਾਜ਼ ਨਾ ਉਠਾ ਸਕੇ ਅਤੇ ਹਿੰਦੂਤਵ ਤਾਕਤਾਂ ਦੀ ਗੁਲਾਮੀ ਪ੍ਰਵਾਨ ਕਰ ਲਵੇ। ਉਨ੍ਹਾ ਕਿਹਾ ਕਿ ਅਜਿਹੀ ਨਾਹਵਾਚਕ ਸੋਚ ਰੱਖਣ ਵਾਲੇ ਹੁਕਮਰਾਨ ਲੰਮਾ ਸਮਾਂ ਹਕੂਮਤਾਂ ਉਤੇ ਨਹੀਂ ਰਹਿ ਸਕਦੇ ਕਿਉਂਕਿ ਉਨ੍ਹਾ ਨੂੰ ਲੋਕ ਸ਼ਕਤੀ ਦੇ ਅੱਗੇ ਆਖਿਰ ਝੁਕਣਾ ਹੀ ਪਵੇਗਾ ਅਤੇ ਇੱਥੋ ਦੇ ਨਿਵਾਸੀਆਂ ਨੂੰ ਦਰਪੇਸ਼ ਆ ਰਹੀਆਂ ਮੁਸ਼ਕਿਲਾਂ ਮਹਿੰਗਾਈ, ਜੁਲਮ ਜ਼ਬਰ, ਰਿਸ਼ਵਤਖੋਰੀ, ਸਮੱਗਲਿੰਗ ਆਦਿ ਨੂੰ ਰੋਕਣਾ ਹੀ ਪਵੇਗਾ।

ਜਰਨੈਲ ਸਿੰਘ ਬਹਿਲੋਲਪੁਰ ਨੂੰ ਮੌਤ ਦੇ ਮੂੰਹ ਵਿੱਚ ਧਕੇਲਣ ਵਾਲਿਆਂ ਵਿਰੁੱਧ ਤੁਰੰਤ ਐਫ.ਆਈ.ਆਰ ਦਰਜ ਕਰੋ :- ਇਮਾਨ ਸਿੰਘ

ਫਤਿਹਗੜ੍ਹ ਸਾਹਿਬ, 6 ਜੁਲਾਈ :- ਜਿ਼ਲ੍ਹਾ ਫਤਿਹਗੜ੍ਹ ਸਾਹਿਬ ਦੇ ਅਧੀਨ ਪੈਂਦੇ ਥਾਣਾ ਮੁਲੇਪੁਰ ਵਿੱਚ ਬੀਤੇ ਡੇਢ ਹਫਤੇ ਪਹਿਲੇ ਪੁਲਿਸ ਵੱਲੋਂ ਸ: ਜਰਨੈਲ ਸਿੰਘ ਨਿਵਾਸੀ ਬਹਿਲੋਲਪੁਰ ਨੂੰ ਬਿਨ੍ਹਾ ਵਜ੍ਹਾ ਤੰਗ ਪ੍ਰੇਸ਼ਾਨ ਕਰਨ ਦੀ ਵਜ੍ਹਾ ਨਾਲ ਹੋਈ ਦੁਖਾਂਤਿਕ ਮੌਤ ਵਿਰੁੱਧ ਸ: ਇਮਾਨ ਸਿੰਘ ਮਾਨ ਸਰਪ੍ਰਸਤ ਯੂਥ ਅਕਾਲੀ ਦਲ (ਅੰਮ੍ਰਿਤਸਰ) ਦੀ ਅਗਵਾਈ ਹੇਠ ਬੀਤੇ ਦਿਨੀਂ ਜਿ਼ਲ੍ਹਾ ਕਚਹਿਰੀ ਦੇ ਸਾਹਮਣੇ ਸੜਕ ਉੱਤੇ ਜ਼ਬਰਦਸਤ ਰੋਸ ਧਰਨਾ ਮਾਰ ਕੇ ਸੰਬੰਧਿਤ ਅਧਿਕਾਰੀ ਅਰੂੜ ਸਿੰਘ, ਦਵਾਈ ਵਿਕਰੇਤਾ ਸਲੀਮ ਖਾਨ ਅਤੇ ਪੰਜੋਲੀ ਪਿੰਡ ਦੇ ਸਰਪੰਚ ਦਰਬਾਰਾ ਸਿੰਘ ਜੋ ਦੋਵੇਂ ਪੁਲਿਸ ਦੇ ਟਾਉਟ ਹਨ, ਵਿਰੁੱਧ ਕਤਲ ਕੇਸ ਦਰਜ ਕਰਕੇ ਐਫ ਆਈ ਆਰ ਦਰਜ ਕਰਨ ਦੀ ਜ਼ੋਰਦਾਰ ਮੰਗ ਕੀਤੀ ਗਈ ਹੈ। ਏ.ਡੀ.ਸੀ. ਫਤਿਹਗੜ੍ਹ ਸਾਹਿਬ ਨੇ ਆ ਕੇ ਖੁਦ ਪਾਰਟੀ ਕੋਲੋਂ ਇਸ ਸੰਬੰਧੀ ਯਾਦ ਪੱਤਰ ਪ੍ਰਾਪਤ ਕੀਤਾ, ਉਪਰੰਤ ਡਿਪਟੀ ਕਮਿਸ਼ਨਰ ਫਤਿਹਗੜ੍ਹ ਸਾਹਿਬ ਨੇ ਡੈਪੂਟੇਸ਼ਨ ਨੂੰ ਵਿਸ਼ਵਾਸ ਦਿਵਾਇਆ ਕਿ ਜਲਦੀ ਹੀ ਇਸ ਸੰਬੰਧੀ ਐਸ ਡੀ ਐਮ ਫਤਿਹਗੜ੍ਹ ਸਾਹਿਬ ਦੇ ਰਾਹੀਂ ਛਾਣਬੀਣ ਕਰਵਾਈ ਜਾਵੇਗੀ।
ਸ: ਇਮਾਨ ਸਿੰਘ ਮਾਨ ਨੇ ਆਪਣੀ ਤਕਰੀਰ ਵਿੱਚ ਕਿਹਾ ਕਿ ਪੁਲਿਸ ਕਿਸ ਤਰ੍ਹਾ ਘਟੀਆ ਹੱਥਕੰਡੇ ਵਰਤ ਕੇ ਸਰੀਫ਼ ਅਤੇ ਆਮ ਲੋਕਾਂ ਤੋਂ ਪੈਸੇ ਬਟੋਰਨ ਦੀ ਮਨਸਾ ਨਾਲ ਝੂਠੇ ਕੇਸ ਬਣਾਉਂਦੀ ਹੈ। ਇਸਦੀ ਪ੍ਰਤੱਖ ਮਿਸਾਲ ਉਪਰੋਕਤ ਜਰਨੈਲ ਸਿੰਘ ਦੀ ਹੋਈ ਮੌਤ ਸੱਚ ਨੂੰ ਖੁਦ ਬਿਆਨ ਕਰਦੀ ਹੈ। ਉਨ੍ਹਾ ਕਿਹਾ ਕਿ ਮਿਤੀ 18-06-2010 ਨੂੰ ਉਸਨੂੰ ਮੁਲੇਪੁਰ ਥਾਣੇ ਵਿੱਚ ਬੁਲਾਇਆ ਗਿਆ, ਜਦੋਂ ਕਿ ਸੰਬੰਧਿਤ ਪੁਲਿਸ ਅਧਿਕਾਰੀ ਅਰੂੜ ਸਿੰਘ ਜਿਸਨੇ ਬੁਲਾਇਆ ਸੀ, ਉਹ ਨਾ ਮਿਲਿਆ। ਦੂਸਰੇ ਦਿਨ 19-06-2010 ਫਿਰ ਬੁਲਾਇਆ ਗਿਆ ਅਤੇ ਜਰਨੈਲ ਸਿੰਘ ਨੂੰ ਇਹ ਕਿਹਾ ਗਿਆ ਕਿ ਤੁਹਾਡੇ ਇਲਾਕੇ ਵਿੱਚ ਮੋਟਰਾਂ ਅਤੇ ਟ੍ਰਾਂਸਫਾਰਮਰ ਚੋਰੀ ਹੋਏ ਹਨ। ਉਸ ਸੰਬੰਧੀ ਤਫਤੀਸ ਲਈ ਬੁਲਾਇਆ ਗਿਆ ਹੈ। ਜਦੋਂ ਉਕਤ ਜਰਨੈਲ ਸਿੰਘ ਨੇ ਕਿਹਾ ਕਿ ਇਨ੍ਹਾ ਚੋਰੀਆਂ ਸੰਬੰਧੀ ਮੈਨੂੰ ਕੋਈ ਜਾਣਕਾਰੀ ਨਹੀਂ ਤਾਂ ਉਸਨੂੰ ਅਰੂੜ ਸਿੰਘ ਵੱਲੋਂ ਧਮਕੀ ਦਿੱਤੀ ਗਈ ਕਿ ਜੇਕਰ ਉਸਨੇ 70 ਹਜ਼ਾਰ ਰੁਪਏ ਨਾ ਦਿੱਤੇ ਤਾਂ ਉਸਨੂੰ ਸਬਕ ਸਿਖਾਇਆ ਜਾਵੇਗਾ। ਇਸ ਉਪਰੰਤ ਜਰਨੈਲ ਸਿੰਘ ਅਤੇ ਕੁਝ ਹੋਰ ਬੰਦੇ ਥਾਣੇ ਤੋਂ ਬਾਹਰ ਆਏ ਅਤੇ ਪਾਣੀ ਪੀਤਾ, ਉਪਰੰਤ ਫਿਰ ਸੰਬੰਧਿਤ ਅਧਿਕਾਰੀ ਕੋਲ ਜਾ ਕੇ ਜਰਨੈਲ ਸਿੰਘ ਨੇ ਕਿਹਾ ਕਿ ਹੁਣ ਤੂੰ ਜੋ ਕਰਨਾ ਹੈ ਕਰ ਕਿਉਂਕਿ ਮੇਰਾ ਇਸ ਚੋਰੀ ਵਿੱਚ ਕੋਈ ਲੈਣ-ਦੇਣ ਨਹੀਂ ਹੈ। ਪੁਲਿਸ ਅਧਿਕਾਰੀ ਅਰੂੜ ਸਿੰਘ ਨੇ ਉਸਨੂੰ ਕਿਹਾ ਕਿ ਆਹ ਲਾਠੀਆਂ ਵੇਖ ਕੇ ਤਾਂ ਕੰਧਾਂ ਵੀ ਬੋਲਣ ਲੱਗ ਪੈਂਦੀਆਂ ਹਨ ਤੂੰ ਤਾਂ ਸਭ ਕੁਝ ਮੰਨੇਗਾ, ਉਪਰੰਤ ਜਰਨੈਲ ਸਿੰਘ ਦੇ ਮੂੰਹ ਵਿੱਚੋਂ ਝੱਗ ਡਿੱਗਣ ਲੱਗ ਪਈ ਅਤੇ ਉਸਨੂੰ ਅਮਰ ਹਸਪਤਾਲ ਪਟਿਆਲਾ ਵਿਖੇ ਦਾਖਿਲ ਕਰਵਾਇਆ ਗਿਆ। ਇਸ ਉਪਰੰਤ ਉਸਨੂੰ ਪੀ ਜੀ ਆਈ ਵਿਖੇ ਲੈ ਗਏ। ਜਿੱਥੇ ਉਸਨੂੰ ਮ੍ਰਿਤਕ ਕਰਾਰ ਦੇ ਦਿੱਤਾ ਗਿਆ। ਇੱਥੇ ਇਹ ਵਰਣਨ ਕਰਨਾ ਜ਼ਰੂਰੀ ਹੈ ਕਿ ਇਲਾਕੇ ਦੇ ਮੁਹੱਤਬਰ ਇਨਸਾਨ, ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਅਤੇ ਕਾਂਗਰਸ ਜਮਾਤ ਦੇ ਆਗੂ ਨਿਰੰਤਰ ਉਸ ਦਿਨ ਤੋਂ ਐਫ ਆਈ ਆਰ ਦਰਜ ਕਰਨ ਅਤੇ ਇਨਸਾਫ ਦੇਣ ਦੀ ਮੰਗ ਕਰਦੇ ਆ ਰਹੇ ਹਨ। ਪਰ ਸੰਬੰਧਿਤ ਪੁਲਿਸ, ਇਸ ਕੇਸ ਨੂੰ ਖੁਦਕੁਸ਼ੀ ਸਾਬਿਤ ਕਰਨ ਵਿੱਚ ਲੱਗੀ ਹੋਈ ਹੈ, ਜੋ ਕਿ ਹੋਰ ਵੀ ਬੇਇਨਸਾਫੀ ਦੀ ਗੱਲ ਹੈ। ਉਨ੍ਹਾ ਮੰਗ ਕੀਤੀ ਕਿ ਤੁਰੰਤ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇ ਵਰਨਾ ਪਾਰਟੀ ਨੂੰ ਮਜ਼ਬੂਰ ਹੋ ਕੇ ਇਸ ਕਤਲ ਦੇ ਦੋਸ਼ੀਆਂ ਅਤੇ ਪ੍ਰਸ਼ਾਸਨ ਵਿਰੁੱਧ ਵੱਡਾ ਪ੍ਰੋਗਰਾਮ ਉਲੀਕਣਾ ਪਵੇਗਾ। ਅੱਜ ਦੇ ਧਰਨੇ ਵਿੱਚ ਸੁਰਿੰਦਰ ਸਿੰਘ ਬੋਰਾਂ ਸਦਰ ਏ ਖਾਲਿਸਤਾਨ, ਸਵਰਨ ਸਿੰਘ ਫਾਟਕਮਾਜਰੀ, ਕੁਲਦੀਪ ਸਿੰਘ ਭਲਵਾਨ, ਧਰਮ ਸਿੰਘ ਨੰਦਪੁਰ ਕਲੌੜ, ਲਖਬੀਰ ਸਿੰਘ ਕੋਟਲਾ, ਕੁਲਦੀਪ ਸਿੰਘ ਦੁਭਾਲੀ, ਗੁਰਮੁੱਖ ਸਿੰਘ ਸਮਸਪੁਰ, ਫੌਜਾ ਸਿੰਘ ਧਨੌਰੀ, ਹਰਦੇਵ ਸਿੰਘ ਦੇਬੀ, ਬਲਜਿੰਦਰ ਸਿੰਘ ਤਲਾਣੀਆ, ਕੁਲਵੰਤ ਸਿੰਘ ਝਾਮਪੁਰ, ਜੋਗਿੰਦਰ ਸਿੰਘ ਸੈਪਲਾ, ਹਰਮਲ ਸਿੰਘ ਲਟੌਰ, ਦਰਬਾਰਾ ਸਿੰਘ ਮੰਡੋਫਲ, ਜ਼ੋਰਾ ਸਿੰਘ ਮੁਕਾਰੋਪੁਰ ਆਦਿ ਆਗੂਆਂ ਅਤੇ ਵਰਕਰਾਂ ਨੇ ਭਾਰੀ ਗਿਣਤੀ ਵਿੱਚ ਸਮੂਲੀਅਤ ਕੀਤੀ।

ਘੱਗਰ, ਮਾਰਕੰਡਾ ਤੇ ਮੀਰਾਂਪੁਰ ਚੋਅ ਨੱਕੋ-ਨੱਕ ਭਰੇਪਟਿਆਲਾ ਜ਼ਿਲ੍ਹੇ 'ਚ ਹੜ੍ਹ ਦਾ ਖ਼ਤਰਾ

. ਦੇਵੀਗੜ, 6 ਜੁਲਾਈ-ਘੱਗਰ ਦਰਿਆ ਨਾਲ ਲੱਗਦੇ ਏਰੀਏ ਦੇ ਪਿੰਡਾਂ ਵਿਚ ਕਿਸਾਨਾਂ ਦਾ ਹਜ਼ਾਰਾਂ ਏਕੜ ਝੋਨਾ ਤੇ ਹੋਰ ਫਸਲ ਹੜ੍ਹ ਦੀ ਲਪੇਟ 'ਚ ਆ ਗਈ ਹੈ । ਹੜ੍ਹ ਦੇ ਪਾਣੀ ਦੇ ਵਧਦੇ ਪੱਧਰ ਨੂੰ ਦੇਖਦੇ ਹੋਏ ਇਸ ਇਲਾਕੇ ਦੇ ਲੋਕਾਂ ਨੂੰ ਹੜ੍ਹਾਂ ਦਾ ਖਤਰਾ ਬਣ ਗਿਆ ਹੈ। ਪਟਿਆਲਾ ਦੇ ਹਰਿਆਣਾ ਰਾਜ ਨਾਲ ਲੱਗਦੇ ਪਿੰਡ ਧਰਮਹੇੜੀ, ਮਾਗਟਾਂ, ਸੱਸਾ ਗੁਜਰਾਂ, ਸਸੀ ਬ੍ਰਮਣਾਂ, ਅਲੀਪੁਰ, ਕਰਤਾਰਪੁਰ, ਨੋਗਾਵਾਂ, ਬੋਪੁਰ, ਸੋਗਲਪੁਰ, ਕਸੋਲੀ, ਰਾਮਨਗਰ, ਮੀਰਾਂਪੁਰ, ਜਲਾਹਖੇੜੀ, ਆਦਿ ਦਰਜਨਾਂ ਹੜ ਪ੍ਰਭਾਇਤ ਪਿੰਡਾਂ ਦਾ ਦੌਰਾ ਕਰਨ 'ਤੇ ਪੱਤਰਕਾਰਾਂ ਦੀ ਟੀਮ ਨੇ ਦੇਖਿਆ ਕਿ ਇਸ ਏਰੀਏ ਵਿਚੋਂ ਲੰਘਦਾ ਘੱਗਰ ਦਰਿਆ ਖਤਰੇ ਦੇ ਨਿਸ਼ਾਨ ਤੋਂ ਉਪਰ ਚਲਾ ਗਿਆ ਹੈ ਅਤੇ ਪਾਣੀ ਦਾ ਪੱਧਰ ਲਗਾਤਾਰ ਵਧਦਾ ਹੀ ਜਾ ਰਿਹਾ ਹੈ। ਇਸ ਨਾਲ ਲੱਗਦੇ ਇਨ੍ਹਾਂ ਪਿੰਡਾ ਦੇ ਏਰੀਏ ਵਿਚ ਝੋਨੇ ਦੀ ਹਜ਼ਾਰਾਂ ਏਕੜ ਫਸਲ ਪਾਣੀ 'ਚ ਡੁਬੀ ਪਈ ਹੈ ਅਤੇ ਇਨ੍ਹਾਂ ਲੋਕਾਂ ਨੂੰ ਆਪਣੀ ਜਾਨ ਮਾਲ ਦਾ ਖਤਰਾ ਬਣਿਆ ਹੋਇਆ ਹੈ। ਇਸ ਏਰੀਏ ਵਿਚ ਘੱਗਰ ਦਰਿਆ ਤੋਂ ਇਲਾਵਾ ਹੋਰ ਬਰਸਾਤੀ ਨਦੀਆਂ ਜਿਵੇ ਕਿ ਮੀਰਾਂਪੁਰ ਚੋਆ, ਟਾਂਗਰੀ ਨਦੀ, ਮਾਰਕੰਡਾ, ਪਟਿਆਲਾ ਮੇਨ ਨਦੀ ਆਦਿ ਲੰਘਦੀਆਂ ਹਨ ਜਿਨਾਂ ਦਾ ਪਾਣੀ ਇਕੱਠਾ ਹੋ ਕੇ ਇਸ ਏਰੀਏ ਵਿਚ ਪੂਰੀ ਤਬਾਹੀ ਮਚਾਉਂਦਾ ਹੈ। ਪਿਛਲੇ ਆਏ 93,94 ਹੜ੍ਹਾਂ 'ਚ ਇਸ ਏਰੀਏ ਦੇ ਕੁਝ ਪਿੰਡਾਂ ਦੀ ਤਕਰੀਬਨ 90 ਪ੍ਰਤੀਸ਼ਤ ਫ਼ਸਲ ਤਾ ਹੋਰ ਬਹੁਤ ਜ਼ਿਆਦਾ ਨੁਕਸਾਨ ਹੋਣ ਨੂੰ ਦੇਰ ਨਹੀਂ ਲੱਗੇਗੀ । ਇਨ੍ਹਾਂ ਲੋਕਾਂ ਦਾ ਹੋਰ ਵੀ ਕਹਿਣਾ ਹੈ ਕਿ ਪ੍ਰਸ਼ਾਸਨਿਕ ਅਧਿਕਾਰੀ ਨਹੀਂ ਬਹੁੜਿਆ ਜਿਸ ਨੇ ਹੜ੍ਹ ਦਾ ਜਾਇਜਾ ਲਿਆ ਹੋਵੇ। ਬਾਅਦ ਵਿਚ ਮਿਲੀ ਰਿਪੋਰਟ ਅਨੁਸਾਰ ਪਾਤੜਾਂ ਦੇ ਪਿੰਡ ਜੋਨਪੁਰ ਦੁਗਾਲ ਨੇੜ ਝੰਬੋ ਚੋਅ ਦਾ ਬੰਨ੍ਹ ਟੁੱਟ ਗਿਆ ਜਿਸ ਕਾਰਨ 200 ਏਕੜ ਫਸਲ ਪਾਣੀ ਵਿਚ ਡੁੱਬ ਗਈ ਅਤੇ ਹਰ ਪਾਸੇ ਪਿੰਡਾਂ ਵਿਚ ਪਾਣੀ ਹੀ ਪਾਣੀ ਹੋ ਗਿਅ। ਲੋਕਾਂ ਨੇ ਕਿਹਾ ਕਿ ਸਫਾਈ ਨਾ ਹੋਣ ਕਾਰਨ ਪਾਣੀ ਦੀ ਨਿਕਾਸੀ ਨਹੀਂ ਹੋਈ।

ਸੁਖਵੀਰ ਬਾਦਲ ਵਲੋਂ ਸਿੰਜਾਈ ਮੰਤਰੀ ਜਨਮੇਜਾ ਸਿੰਘ ਸੇਖੋਂ ਨੂੰ ਹੜ ਅਪਰੇਸਨ ਦਾ ਇੰਚਾਰਜ ਥਾਪਿਆ
,font size="4"> ਡੀ ਸੀ ਨੂੰ ਗੜੀ ਤਰਖਾਣਾ ਵਿੱਚ ਕੰਟਰੋਲ ਰੂਮ ਬਣਾਉਣ ਤੇ ਸਪੈਸਲ ਗੁਦਾਵਰੀ ਦੇ ਹੁਕਮ

ਮਾਛੀਵਾੜਾ 6 ਜੁਲਾਈ- ਸੁਸ਼ੀਲ ਸ਼ਰਮਾ- ਮਾਛੀਵਾੜਾ ਇਲਾਕੇ ਦੇ ਹੜ ਨਾਲ ਪ੍ਰਭਾਵਿਤ ਪਿੰਡਾਂ ਦੇ ਲੋਕਾਂ ਦੀ ਖਬਰ ਸਾਰ ਲੈਣ ਆਏ ਪੰਜਾਬ ਦੇ ਉਪ ਮੁੱਖ ਮੰਤਰੀ ਸ ਸੁਖਵੀਰ ਸਿੰਘ ਬਾਦਲ ਦੀ ਆਮਦ ਪੀੜਤ ਲੋਕਾਂ ਨੂੰ ਕੋਈ ਬਹੁਤੀ ਤਸੱਲੀ ਨਾ ਦਿਵਾ ਸਕੀ। ਅੱਜ ਮਾਛੀਵਾੜਾ ਨੇੜਲੇ ਸਰਹਿੰਦ ਨਹਿਰ ਦੇ ਕਿਨਾਰੇ ਵਸੇ ਪਿੰਡ ਗੜੀ ਤਰਖਾਣਾ ਨੇੜੇ ਇੱਕ ਪੈਟਰੋਲ ਪੰਪ ਤੇ ਰੱਖੇ ਗਏ ਪ੍ਰੋਗਰਾਮ ਦੇ ਸਮੇਂ ਤੋਂ ਕਰੀਬ ਤਿੰਨ ਘੰਟੇ ਲੇਟ ਆਏ ਉਪ ਮੁੱਖ ਮੰਤਰੀ ਨੇ ਆਪਣੇ ਸਾਰੇ ਦੌਰੇ ਦਾ ਪ੍ਰੋਗਰਾਮ ਸਿਰਫ ਪੰਜ ਸੱਤ ਮਿੰਟਾਂ ਵਿੱਚ ਹੀ ਮੁੱਕਾ ਦਿੱਤਾ। ਇਲਾਕੇ ਦੇ ਪਤਵੰਤੇ ਸੱਜਣਾ ਤੇ ਅਕਾਲੀ ਆਗੂਆ ਨਾਲ ਮੋਟਾ-ਮੋਟਾ ਹੱਥ ਮਲਾਉਣ ਤੋਂ ਬਾਅਦ ਦੋ ਕੁ ਮਿੰਟਾਂ ਦੇ ਦਿੱਤੇ ਭਾਸਨ ਵਿੱਚ ਉਹਨਾ ਕਿਹਾ ਕਿ ਬਰਸਾਤੀ ਪਾਣੀ ਨੂੰ ਕੰਟਰੋਲ ਕਰਨ ਲਈ ਇੱਕ ਅਪਰੇਸਨ ਕੀਤਾ ਜਾਵੇਗਾ ਤੇ ਅਪਰੇਸਨ ਦੇ ਇੰਨਚਾਰਜ ਪੰਜਾਬ ਦੇ ਸਿੰਜਾਈ ਮੰਤਰੀ ਜਨਮੇਜਾ ਸਿੰਘ ਸੇਖੋਂ ਹੋਣਗੇ ਤੇ ਇਸਦੇ ਨਾਲ ਹੀ ਡਿਪਟੀ ਕਮਿਸਨਰ ਲੁਧਿਆਣਾ ਨੂੰ ਹਦਾਇਤ ਕਰ ਦਿੱਤੀ ਹੈ ਕਿ ਉਹ ਇਥੇ ਇੱਕ ਕੰਟਰੋਲ ਰੂਮ ਬਣਾਉਣ ਜਿਥੋ ਚੌਵੀ ਘੰਟੇ ਪਲ-ਪਲ ਦੀ ਜਾਣਕਾਰੀ ਮਿਲਦੀ ਰਹੇ ਤੇ ਪਟਵਾਰੀ ਵੀ ਸਹੀ ਢੰਗ ਨਾਲ ਹੋਏ ਨੁਕਸਾਨ ਵਾਲੇ ਖੇਤਾਂ ਦੀਆਂ ਗੁਰਦਾਵਰੀਆ ਕਰਕੇ ਜਲਦੀ ਤੋਂ ਜਲਦੀ ਰਿਪੋਰਟ ਭੇਜਣ। ਸ ਬਾਦਲ ਨੇ ਕਿਹਾ ਕਿ 144 ਐਮ ਐਮ ਤੱਕ ਭਾਰੀ ਬਾਰਸ ਪੈਣ ਕਾਰਨ ਹੀ ਇਹ ਸਥਿਤੀ ਵਿਗੜੀ ਹੈ ਪਰ ਇਸ ਤੇ ਜਲਦੀ ਹੀ ਕਾਬੂ ਪਾ ਲਿਆ ਜਾਵੇਗਾ। ਜਿਥੋ ਵੀ ਕਿੱਤੇ ਪੁਲੀਆ ਬਣਾਉਣ ਜਾਂ ਪਾਇਪਾ ਪਾਉਣ ਦੀ ਲੋੜ ਹੋਵੇਗੀ ਉਥੇ ਪਹਿਲ ਦੇ ਅਧਾਰ ਤੇ ਕੰਮ ਚਾਲੂ ਕੀਤਾ ਜਾਵੇਗਾ। ਜਿਮੀਦਾਰ ਭਰਾਵਾ ਨੂੰ ਵੀ ਚਾਹੀਦਾ ਹੈ ਕਿ ਉਹ ਕੋਈ ਇੱਕ ਦੂਜੇ ਨਾਲ ਤਕਰਾਰਬਾਜੀ ਨਾ ਕਰਨ ਜਿਥੋ ਕਿਤੋਂ ਵੀ ਸੜਕ ਤੋੜ ਕੇ ਪਾਣੀ ਅੱਗੇ ਕੱਢਣ ਦੀ ਜਰੂਰਤ ਪੈਂਦੀ ਹੈ ਉਹ ਮੌਕੇ ਦੀ ਨਜਾਕਤ ਦੇਖਦਿਆ ਸੜਕਾਂ ਤੋੜ ਕੇ ਪਾਣੀ ਅੱਗੇ ਕੱਢਿਆ ਜਾਵੇ। ਉਹਨਾ ਬੁੱਢੇ ਨਾਲੇ ਦੀ ਮਾਰ ਹੇਠ ਆਉਦੀਆ ਜਮੀਨਾ ਦੀ ਸਪੈਸਲ ਗੁਦਾਵਰੀ ਕਰਾਉਣ ਵਾਰੇ ਵੀ ਕਿਹਾ ਪਰ ਪੱਤਰਕਾਰਾਂ ਵਲੋਂ ਪਿਛਲੇ ਵੀਹ ਪੱਚੀ ਸਾਲ ਤੋਂ ਬੁੱਢੇ ਨਾਲੇ ਦੀ ਸਫਾਈ ਵਾਰੇ ਕੋਈ ਰਕਮ ਨਾ ਰੱਖਣ ਦਾ ਉਹ ਕੋਈ ਉਤਰ ਨਾ ਦੇ ਸਕੇ ਤੇ ਵੈਸੇ ਵੀ ਕਿਸੇ ਪੱਤਰਕਾਰ ਨੂੰ ਕੋਈ ਤਸੱਲੀ ਬਖਸ ਜਵਾਬ ਨਹੀ ਦਿੱਤਾ। ਬੱਸ ਇਹੋਂ ਕਹਿੰਦੇ ਰਹੇ ਕਿ ਸਿੰਜਾਈ ਮੰਤਰੀ ਨੂੰ ਇੰਚਾਰਜ ਬਣਾ ਦਿੱਤਾ ਤੇ ਡਿਪਟੀ ਨੂੰ ਹਦਾਇਤ ਕਰ ਦਿੱਤੀ ਹੈ। ਉਹਨਾ ਪਾਰਟੀ ਦੇ ਜਥੇਦਾਰਾ ਨੂੰ ਵੀ ਹਦਾਇਤ ਕੀਤੀ ਕਿ ਉਹ ਪੀੜਤ ਪਰਿਵਾਰਾ ਲਈ ਲੰਗਰ-ਪੀਣ ਵਾਲੇ ਪਾਣੀ ਤੇ ਡੰਗਰਾ ਲਈ ਚਾਰੇ ਦਾ ਪ੍ਰਬੰਧ ਕਰਨ ਅਖੀਰ ਵਿੱਚ ਉਹਨਾ ਸਾਰੀ ਗੱਲ ਪ੍ਰਮਾਤਮਾ ਤੇ ਛੱਡਦਿਆਂ ਕਿਹਾ ਕਿ ਜੇਕਰ ਰੱਬ ਦੀ ਕ੍ਰਿਪਾ ਰਹੀ ਤੇ ਮੀਂਹ ਹੋਰ ਨਾ ਪਿਆ ਤਾਂ ਸਥਿਤੀ ਜਲਦੀ ਹੀ ਕਾਬੂ ਹੇਠ ਆ ਜਾਵੇਗੀ। ਇਸ ਮੌਕੇ ਸਾਬਕਾ ਐਮ ਪੀ ਸਰਨਜੀਤ ਸਿੰਘ ਢਿੱਲੋਂ-ਸਮਰਾਲਾ ਤੋ ਵਿਧਾਇਕ ਜਗਜੀਵਨ ਸਿੰਘ ਖੀਰਨੀਆ-ਮਿਲਕ ਪਲਾਂਟ ਲੁਧਿਆਣਾ ਦੇ ਚੈਅਰਮੈਨ ਅਜਮੇਰ ਸਿੰਘ ਭਾਗਪੁਰਾ-ਸਮਾਜ ਸੇਵੀ ਜਥੇਬੰਦੀ ਐਨ ਜੀ ਓ ਪੰਜਾਬ ਦੇ ਪ੍ਰਧਾਨ ਸ੍ਰੀ ਦਰਸਨ ਕੁੰਦਰਾ-ਗੁਰਦਿਆਲ ਸਿੰਘ ਕੁਟਾਲਾ-ਨਗਰ ਕੌਸਲ ਦੇ ਪ੍ਰਧਾਨ ਉਜਾਗਰ ਸਿੰਘ ਬੈਨੀਪਾਲ-ਉਪ ਪ੍ਰਧਾਨ ਦਲਜੀਤ ਸਿੰਘ ਗਿੱਲ-ਬਲਵੀਰ ਸਿੰਘ ਮਾਨ-ਬਾਈ ਨਛੱਤਰ ਸਿੰਘ-ਕੁਲਦੀਪ ਸਿੰਘ ਜਾਤੀਵਾਲ-ਐਸ ਪੀ ਖੰਨਾ-ਡੀ ਐਸ ਪੀ ਸਮਰਾਲਾ ਰਵਿੰਦਰ ਲੂੰਬਾ-ਐਸ ਡੀ ਐਮ ਸਮਰਾਲਾ ਸੁਖਦੇਵ ਸਿੰਘ ਮਾਹਲ-ਐਸ ਐਚ ਓ ਮਾਛੀਵਾੜਾ ਅਨਿਲ ਕੁਮਾਰ ਕੋਹਲੀ ਸਮੇਤ ਬਹੁਤ ਸਾਰੇ ਸਿਵਲ ਤੇ ਪੁਲਿਸ ਅਧਿਕਾਰੀ ਕਰਮਚਾਰੀ ਅਤੇ ਇਲਾਕੇ ਦੇ ਪੰਚ ਸਰਪੰਚ ਹਾਜਰ ਸਨ।

ਬਾਦਲ ਨਾਲੋਂ ਤਾਂ ਡੀ ਸੀ ਚੰਗਾ ਸੀ

ਮਾਛੀਵਾੜਾ 6 ਜੁਲਾਈ- ਸੁਸ਼ੀਲ ਸ਼ਰਮਾ -ਪਿੰਡ ਗੜੀ ਤਰਖਾਣਾ ਨੇੜੇ ਪੰਜਾਬ ਦੇ ਉਪ ਮੁੱਖ ਮੰਤਰੀ ਸੁਖਵੀਰ ਸਿੰਘ ਬਾਦਲ ਨੂੰ ਖੁੱਲੇ ਅਸਮਾਨ ਦੀ ਛੱਤ ਥੱਲੇ ਹੁੰਦੀ ਕਿਣ-ਮਿਣ ਵਿੱਚ ਕੱਪੜੇ ਗਿੱਲੇ ਕਰਵਾ ਕੇ ਵੀ ਇਲਾਕੇ ਦੇ ਲੋਕਾਂ ਦੇ ਹੱਥ ਨਿਰਾਸਾ ਹੀ ਲੱਗੀ ਕਿਉ ਕਿ ਸਵੇਰ ਤੋਂ ਹੀ ਉਡੀਕਦੇ ਲੋਕਾਂ ਨੂੰ ਆਸ ਸੀ ਕਿ ਉਪ ਮੁੱਖ ਮੰਤਰੀ ਫੌਰਨ ਕੋਈ ਮਾਲੀ ਮੱਦਦ ਦੀ ਗੱਲ ਕਰਨਗੇ ਪਰ ਸੁਖਵੀਰ ਬਾਦਲ ਦੀ ਆਮਦ ਤਾਂ ਗਏ ਪਹਿਲਾ ਆਏ ਬਾਅਦ ਵਿੱਚ ਵਾਲੀ ਗੱਲ ਹੋਈ। ਲੋਕ ਤਾਂ ਪਹਿਲਾ ਹੀ ਦੋ ਦਿਨ ਤੋਂ ਪ੍ਰਸਾਸਨਕ ਅਧਿਕਾਰੀਆ ਤੋ ਅੱਕੇ ਪਏ ਸੀ ਜਿਹੜੇ ਪਿਛਲੇ ਦੋ ਦਿਨ ਤੋਂ ਸੁਖਵੀਰ ਬਾਦਲ ਦੇ ਆਉਣ ਦੀਆਂ ਤਿਆਰੀਆ ਵਿੱਚ ਰੁੱਝੇ ਰਹੇ ਪਰ ਲੁੱਟੇ ਫੁੱਟੇ ਗਏ ਲੋਕਾਂ ਲਈ ਕਿਸੇ ਅਧਿਕਾਰੀ ਨੇ ਕੋਈ ਹੀਲਾ ਵਸੀਲਾ ਨਾ ਕੀਤਾ ਨਾ ਕਿਸੇ ਨੇ ਹੁਣ ਤੱਕ ਜੇ ਸੀ ਬੀ ਮਸੀਨਾਂ ਦਾ ਪ੍ਰਬੰਧ ਤੇ ਨਾ ਹੀ ਸਪੈਸਲ ਸਰਕਾਰੀ ਤੌਰ ਤੇ ਰਾਹਤਕਾਮੇ ਲਗਾਏ ਗਏ। ਸੁਖਵੀਰ ਬਾਦਲ ਦੀ ਫੇਰੀ ਨੇ ਵੀ ਲੋਕਾਂ ਨੂੰ ਨਿਰਾਸ ਹੀ ਕੀਤਾ। ਆਮ ਲੋਕ ਇਹ ਕਹਿੰਦੇ ਸੁਣੇ ਗਏ ਕਿ ਇਸ ਨਾਲੋ ਤੋਂ ਡੀ ਸੀ ਦਾ ਦੌਰਾ ਚੰਗਾ ਸੀ ਉਸ ਨਾਲ ਖੁੱਲ ਕੇ ਤਾਂ ਗੱਲਾਂ ਕਰ ਲੈਂਦੇ। ਐਵੇ ਦੋ ਦਿਨ ਅਧਿਕਾਰੀਆ ਤੇ ਕਰਮਚਾਰੀਆ ਦੀ ਭੱਜ ਨੱਠ ਕਰਵਾਈ ਰੱਖੀ ਤੇ ਇਲਾਕੇ ਦੇ ਲੋਕਾਂ ਨੂੰ ਭਰਮਾਇਆ ਗਿਆ। ਬਾਕੀ ਮੁਕਦੀ ਗੱਲ ਬਾਦਲ ਸਾਹਿਬ ਤਾਂ ਆਪ ਹੀ ਅਖੀਰ ਸਾਰੀ ਗੱਲ ਪ੍ਰਮਾਤਮਾ ਤੇ ਛੱਡ ਗਏ ਹਨ। ਸੁਸ਼ੀਲ ਸ਼ਰਮਾ ਸੁਖਬੀਰ ਸਿੰਘ ਬਾਦਲ ਦੀ ਮਾਛੀਵਾੜਾ ਫੇਰੀ ਤੋਂ ਬਾਅਦ ਬੀ.ਕੇ.ਯੂ. ਰਾਜੇਵਾਲ ਦੀ ਅਗਵਾਈ ਹੇਠ ਪਿੰਡਾਂ ਦੇ ਲੋਕਾਂ ਵੱਲੋਂ ਰੋਸ ਧਰਨਾ

ਮਾਛੀਵਾੜਾ 6 ਜੁਲਾਈ- ਸੁਸ਼ੀਲ ਸ਼ਰਮਾ- ਅੱਜ ਜਿਵੇਂ ਹੀ ਪੰਜਾਬ ਦੇ ਡਿਪਟੀ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਇਸ ਇਲਾਕੇ ਦੇ ਹੜ੍ਹ ਪ੍ਰਭਾਵਿਤ ਪਿੰਡਾਂ ਦਾ ਦੌਰਾ ਕਰਕੇ ਵਾਪਸ ਪਰਤੇ ਤਾਂ ਪਿੰਡ ਊਰਨਾ ਦੇ ਭੜਕੇ ਲੋਕਾਂ ਨੇ ਬੀ.ਕੇ.ਯੂ ਦੇ ਪ੍ਰਧਾਨ ਬਲਬੀਰ ਸਿੰਘ ਰਾਜੇਵਾਲ ਦੀ ਅਗਵਾਈ ਹੇਠ ਨੈਸਨਲ ਹਾਈਵੇ ਤੇ ਰੋਸ ਧਰਨਾ ਦਿੱਤਾ। ਇਹ ਲੋਕ ਪਿੰਡ ਊਰਨੇ ਵੱਲ ਸੈਕੜੇ ਏਕੜ੍ਹ ਖੜੀ ਉਪਜਾਊ ਜਮੀਨ ਵਿੱਚ ਹੜ੍ਹ ਦੇ ਪਾਣੀ ਦੇ ਨਿਕਾਸ ਬਾਰੇ ਪ੍ਰਸਾਸ਼ਨ ਅਤੇ ਸੁਖਬੀਰ ਸਿੰਘ ਬਾਦਲ ਵੱਲੋਂ ਕੋਈ ਵੀ ਠੋਸ ਕਾਰਵਾਈ ਨਾ ਕੀਤੇ ਜਾਣ ਖਫ਼ਾ ਹੋਏ ਸਨ। ਇਸ ਦੌਰਾਨ ਭਾਵੇਂ ਪ੍ਰਸ਼ਾਸਨ ਨੇ ਇਨ੍ਹਾਂ ਪੀੜ੍ਹਤ ਲੋਕਾਂ ਨੂੰ ਵਾਰ ਵਾਰ ਇਹ ਵਿਸ਼ਵਾਸ ਦਿਵਾਇਆ ਸੀ ਕਿ ਇਸ ਪਾਣੀ ਦੇ ਨਿਕਾਸ ਲਈ ਲੁਧਿਆਣਾ ਤੋਂ ਪਾਣੀ ਕੱਢਣ ਲਈ ਪੰਪ ਤਿੰਨ ਵਜੇ ਤੱਕ ਪੁੱਜ ਜਾਣਗੇ, ਪਰ ਇਹ ਪੰਪ ਨਹੀਂ ਪੁੱਜੇ। ਸ: ਰਾਜੇਵਾਲ ਨੇ ਇਸ ਲਈ ਲੋਕ ਨਿਰਮਾਣ ਵਿਭਾਗ ਅਤੇ ਵੱਡੀਆਂ ਸੜਕਾਂ ਬਣਾਉਣ ਵਾਲੀਆਂ ਕੰਪਨੀਆਂ ਨੂੰ ਦੋਸ਼ੀ ਠਹਿਰਾਉਂਦੇ ਹੋਏ ਕਿਹਾ ਹੈ ਕਿ ਨੈਸ਼ਨਲ ਹਾਈਵੇ ਵਰਗੀਆਂ ਸੜਕਾਂ ਬਣਾਉਣ ਵਾਲਿਆਂ ਵੱਲੋਂ ਸੜਕਾਂ ਦੇ ਹੇਠੋਂ ਵਿੱਚੀਂ ਪਾਣੀ ਦੇ ਨਿਕਾਸ ਲਈ ਕੋਈ ਪੁਲੀਆ ਬਗੈਰਾ ਬਣਾ ਕੇ ਪੁਖਤਾ ਪ੍ਰਬੰਧ ਨਹੀ ਕੀਤੇ, ਜਿਸ ਕਾਰਨ ਅੱਜ ਹਲਾਤ ਇਥੋਂ ਤੱਕ ਪੁੱਜ ਗਏ। ਉਨ੍ਹਾਂ ਹੋਰ ਕਿਹਾ ਕਿ ਕਾਫੀ ਪਿੰਡਾਂ ਦੇ ਲੋਕਾਂ ਵੱਲੋਂ ਤਾਂ ਸੜਕਾਂ ਤੋੜ ਕੇ ਪਾਣੀ ਦੀ ਨਿਕਾਸੀ ਦੇ ਪ੍ਰਬੰਧ ਕੀਤੇ ਗਏ ਹਨ।

4 ਜੁਲਾਈ ਦੀ ਟਰੇਸੀ ਕੇ ;ਲੀਫੋਰਨੀਆ ਪਰੇਡ ਵਿੱਚ ਵੀ ਸਿੱਖਾ ਨੇ ਭਾਗ ਲਿਆ।