ਦਲ ਖ਼ਾਲਸਾ ਤੇ ਸਹਿਯੋਗੀਆਂ ਵੱਲੋਂ ਸ੍ਰੀ ਹਰਿਮੰਦਰ ਸਾਹਿਬ ਦੇ ਬਾਹਰ ਧਰਨਾ ਸ਼ੁਰੂ

ਅੰਮ੍ਰਿਤਸਰ, 3 ਜੂਨ-ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵਲੋਂ 26 ਫਰਵਰੀ 02 ਨੂੰ ਸਾਕਾ ਨੀਲਾ ਤਾਰਾ ਸਮੇਂ ਸ੍ਰੀ ਹਰਿਮੰਦਰ ਸਾਹਿਬ ਵਿਖੇ ਸ਼ਹੀਦ ਹੋਏ ਸਿੰਘਾਂ, ਸਿੰਘਣੀਆਂ ਦੀ ਯਾਦਗਾਰ ਬਨਾਉਣ ਲਈ ਮਤਾ ਪਾਸ ਕੀਤੇ ਜਾਣ ਦੇ ਬਾਵਜੂਦ ਅਜੇ ਤੱਕ ਯਾਦਗਾਰ ਨਾ ਬਣਾਏ ਜਾਣ ਦੇ ਰੋਸ ਵਜੋਂ ਦਲ ਖ਼ਾਲਸਾ ਅਤੇ ਉਸਦੀਆਂ ਸਹਿਯੋਗੀ ਜਥੇਬੰਦੀਆਂ ਨੇ ਸ੍ਰੀ ਹਰਿਮੰਦਰ ਸਾਹਿਬ ਦੇ ਬਾਹਰ ਅੱਜ 72 ਘੰਟੇ ਲਈ ਧਰਨਾ ਸ਼ੁਰੂ ਕੀਤਾ। ਦਲ ਖ਼ਾਲਸਾ ਦੇ ਮੁਖੀ ਹਰਚਰਨਜੀਤ ਸਿੰਘ ਧਾਮੀ, ਸਤਨਾਮ ਸਿੰਘ ਪਾਉਂਟਾ ਸਾਹਿਬ, ਭਾਈ ਕੰਵਰਪਾਲ ਸਿੰਘ ਬਿੱਟੂ, ਭਾਈ ਮੋਹਕਮ ਸਿੰਘ ਤੋਂ ਇਲਾਵਾ ਤਕਰੀਬਨ 100 ਸਿੰਘ ਧਰਨੇ 'ਤੇ ਬੈਠੇ ਹਨ। ਇਸ ਮੌਕੇ ਦਲ ਖ਼ਾਲਸਾ ਵਲੋਂ ਇਕ ਇਸ਼ਤਿਹਾਰ ਵੀ ਜਾਰੀ ਕੀਤਾ ਗਿਆ, ਜਿਸ ਵਿਚ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਾ, ਜਰਨਲ ਸੁਬੇਗ ਸਿੰਘ, ਭਾਈ ਅਮਰੀਕ ਸਿੰਘ ਅਤੇ ਹੋਰ ਸ਼ਹੀਦ ਸਿੰਘਾਂ ਦੀਆਂ ਤਸਵੀਰਾਂ ਹਨ ਅਤੇ ਸ਼੍ਰੋਮਣੀ ਕਮੇਟੀ ਨੂੰ 7 ਸਵਾਲ ਕੀਤੇ ਗਏ ਹਨ। ਸਾਕਾ ਨੀਲਾ ਤਾਰਾ ਨੂੰ 26 ਸਾਲ ਬੀਤ ਚੁੱਕੇ ਹਨ ਅਤੇ ਉਸ ਸਮੇਂ ਸ਼ਹੀਦ ਹੋਏ ਸਿੰਘਾਂ ਦੀ ਯਾਦਗਾਰ ਬਨਾਉਣ ਦਾ ਮਤਾ ਪਾਸ ਕੀਤੇ ਨੂੰ ਸ਼੍ਰੋਮਣੀ ਕਮੇਟੀ ਨੂੰ 8 ਸਾਲ ਬੀਤ ਚੁੱਕੇ ਹਨ, ਪਰ ਹਾਲੇ ਤੱਕ ਸ਼੍ਰੋਮਣੀ ਅਕਾਲੀ ਦਲ ਨੇ ਆਪਣੀ ਭਾਈਵਾਲ ਪਾਰਟੀ ਭਾਜਪਾ ਤੋਂ ਡਰਦਿਆਂ ਸ਼ਹੀਦਾਂ ਦੀ ਯਾਦਗਾਰ ਬਨਾਉਣ ਸਬੰਧੀ ਕੋਈ ਕਦਮ ਨਹੀਂ ਚੁੱਕਿਆ। ਦਲ ਖ਼ਾਲਸਾ ਵਲੋਂ ਸ਼੍ਰੋਮਣੀ ਕਮੇਟੀ ਨੂੰ ਕੀਤੇ ਗਏ 7 ਸਵਾਲਾਂ ਵਿਚੋਂ ਪਹਿਲਾ ਸਵਾਲ ਇਹ ਹੈ ਕਿ 20 ਫਰਵਰੀ 02 ਨੂੰ ਸ਼੍ਰੋਮਣੀ ਕਮੇਟੀ ਵਲੋਂ ਸ਼ਹੀਦਾਂ ਦੀ ਯਾਦਗਾਰ ਬਨਾਉਣ ਸਬੰਧੀ ਕੀਤੇ ਫੈਸਲੇ ਨੂੰ 8 ਵਰ੍ਹੇ ਬੀਤਣ 'ਤੇ ਵੀ ਅਣਗੌਲਿਆ ਕਿਉਂ ਕੀਤਾ ਜਾ ਰਿਹਾ ਹੈ?, ਦੂਜੇ ਸਵਾਲ ਵਿਚ ਪੁੱਛਿਆ ਗਿਆ ਹੈ ਕਿ ਕੌਮ ਜਾਨਣਾ ਚਾਹੁੰਦੀ ਹੈ ਕਿ ਉਹ ਕਿਹੜੀ ਲੁਕਵੀਂ ਸ਼ਕਤੀ ਹੈ ਜੋ ਸ਼੍ਰੋਮਣੀ ਕਮੇਟੀ ਨੂੰ ਬਣਦੀ ਜ਼ਿੰਮੇਵਾਰੀ ਨਿਭਾਉਣ ਤੋਂ ਰੋਕ ਰਹੀ ਹੈ?, ਸ਼੍ਰੋਮਣੀ ਕਮੇਟੀ ਦੀ ਪੰਥ ਪ੍ਰਤੀ ਬੇਰੁਖੀ ਨੂੰ ਕੌਮ ਲਾਪ੍ਰਵਾਹੀ ਸਮਝੇ, ਮੌਕਾ ਪ੍ਰਸਤੀ ਜਾਂ ਹਿੰਦੁਸਤਾਨੀ ਹਕੂਮਤ ਦਾ ਡਰ? , ਅੱਗੇ ਪੁੱਛਿਆ ਗਿਆ ਹੈ ਕਿ ਕੀ ਦਿੱਲੀ ਵਾਂਗ ਸ਼੍ਰੋਮਣੀ ਕਮੇਟੀ ਦਾ ਵੀ ਇਹੀ ਮੰਨਣਾ ਹੈ ਕਿ ਸ਼ਹੀਦਾਂ ਦੀ ਯਾਦਗਾਰ ਬਣਨ ਨਾਲ ਪੰਜਾਬ ਦੀ ਅਖੌਤੀ ਸ਼ਾਂਤੀ ਭੰਗ ਹੋ ਜਾਵੇਗੀ। ਅਗਲਾ ਸਵਾਲ ਹੈ ਕਿ ਕੀ ਅਕਾਲੀ ਦਲ ਦੀ ਭਾਜਪਾ ਨਾਲ ਭਾਈਵਾਲੀ ਇਸ ਕੌਮੀ ਕਾਰਜ ਨੂੰ ਨੇਪਰੇ ਚਾੜ੍ਹਨ ਵਿਚ ਸਭ ਤੋਂ ਵੱਡਾ ਅੜਿੱਕਾ ਤਾਂ ਨਹੀਂ? , ਸਿੱਖਾਂ 'ਤੇ ਢਾਹੇ ਕਾਂਗਰਸੀ ਜ਼ੁਲਮ ਦੀ ਕਹਾਣੀ ਬਿਆਨ ਕਰਦੀ ਸ਼ਹੀਦੀ ਯਾਦਗਾਰ ਉਸਾਰਨ ਵਿਚ ਸ਼੍ਰੋਮਣੀ ਕਮੇਟੀ ਕਿਉਂ ਟਾਲਾ ਵੱਟ ਰਹੀ ਹੈ? , ਕੀ ਸ਼੍ਰੋਮਣੀ ਕਮੇਟੀ ਦੇ ਪ੍ਰਧਾਨ ਪੰਥਕ ਧਿਰਾਂ ਦਾ ਸ਼ਹੀਦੀ ਯਾਦਗਾਰ ਬਣਾਉਣ ਲਈ ਬਾਰ ਬਾਰ ਰੁਕਣਾ ਰਾਜਨੀਤੀ ਹੀ ਲਗਦਾ ਹੈ? ਇਸ ਇਸ਼ਤਿਹਾਰ ਵਿਚ ਸੰਤ ਜਰਨੈਲ ਸਿੰਘ ਭਿੰਡਰਾਂ ਵਾਲਿਆਂ ਦੀ ਤਸਵੀਰ ਤੋਂ ਇਲਾਵਾ ਜਰਨਲ ਸਬੇਗ ਸਿੰਘ ਭਾਈ ਅਮਰੀਕ ਸਿੰਘ ਤੇ ਹੋਰ ਸ਼ਹੀਦਾਂ ਦੀਆਂ ਤਸਵੀਰਾਂ ਹਨ। ਦਲ ਖਾਲਸਾ ਦੇ ਬੁਲਾਰੇ ਭਾਈ ਕੰਵਰਪਾਲ ਸਿੰਘ ਬਿੱਟੂ ਨੇ ਕਿਹਾ ਕਿ ਹਰ ਰੋਜ਼ ਇਕ ਸੌ ਸਿੰਘ ਧਰਨੇ 'ਤੇ ਬੈਠਿਆ ਕਰਨਗੇ।

ਕੋਹੇਨੂਰ ਹੀਰੇ ਉੱਤੇ ਕੇਵਲ ਸਿੱਖ ਕੌਮ ਦਾ ਹੱਕ, ਇਤਿਹਾਸਿਕ ਹੀਰੇ ਦੀ ਪ੍ਰਾਪਤੀ ਲਈ ਮੱਕੜ੍ਹ ਕੌਮੀ ਜਿ਼ੰਮੇਵਾਰੀ ਨਿਭਾਉਣ :- ਮਾਨ

ਚੰਡੀਗੜ੍ਹ, 03 ਜੂਨ :- ਜਦੋਂ ਮਹਾਰਾਜਾ ਦਲੀਪ ਸਿੰਘ ਨਬਾਲਿਗ ਸਨ, ਉਦੋ ਅੰਗਰੇਜ਼ ਹਕੂਮਤ ਸਿੱਖ ਕੌਮ ਨਾਲ ਸੰਬੰਧਿਤ ਬਹੁਤ ਹੀ ਅਮੁੱਲ ਇਤਿਹਾਸਿਕ ਵਸਤਾਂ ਨੂੰ ਲੰਡਨ ਲੈ ਗਈ ਸੀ। ਉਸ ਵਿੱਚ “ਕੋਹੇਨੂਰ ਹੀਰਾ” ਵੀ ਇੱਕ ਸੀ। ਇਹ ਹੀਰਾ ਅਫਗਾਨਿਸਤਾਨ ਦੇ ਬਾਦਸ਼ਾਹ ਸ਼ਾਹ ਸੁਜ਼ਾ ਵੱਲੋ ਮਹਾਰਾਜਾ ਰਣਜੀਤ ਸਿੰਘ ਨੂੰ ਭੇਂਟ ਕੀਤਾ ਗਿਆ ਸੀ। ਇਹ ਲਾਹੌਰ ਦਰਬਾਰ ਦੇ “ਤੋਸ਼ਾਖਾਨਾ” ਵਿੱਚੋਂ ਉਸ ਸਮੇ ਦੇ ਗਵਰਨਰ ਜਨਰਲ ਡਲਹੌਜੀ ਵੱਲੋ ਮਹਾਰਾਣੀ ਵਿਕਟੋਰੀਆ ਨੂੰ ਈਸਟ ਇੰਡੀਆ ਕੰਪਨੀ ਰਾਹੀਂ ਭੇਜਿਆ ਗਿਆ ਸੀ। ਜੋ ਕਿ ਬਰਤਾਨੀਆ ਹਕੂਮਤ ਦੀ ਸਿੱਖਾਂ ਤੋਂ ਵੱਡੀ ਕੀਤੀ ਗਈ ਲੁੱਟ ਸੀ। ਇਸ ਉੱਤੇ ਪਹਿਲੇ ਵੀ ਸਿੱਖ ਕੌਮ ਦਾ ਹੱਕ ਸੀ ਅਤੇ ਅੱਜ ਵੀ ਸਿੱਖ ਕੌਮ ਦਾ ਹੀ ਹੱਕ ਹੈ। ਇਸ ਲਈ ਇਸ “ਕੀਮਤੀ ਇਤਿਹਾਸਿਕ ਹੀਰੇ” ਨੂੰ ਵਾਪਿਸ ਮੰਗਾ ਕੇ ਸ਼੍ਰੀ ਦਰਬਾਰ ਸਾਹਿਬ ਦੇ “ਤੋਸ਼ਾਖਾਨਾ” ਵਿੱਚ ਸੁਰੱਖਿਅਤ ਰੱਖਿਆ ਜਾਵੇ।
ਇਹ ਵਿਚਾਰ ਅੱਜ ਇੱਥੇ ਸ: ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਮਕਾਰਤਾ ਨਾਲ ਭਰੀ ਹਿੰਦ ਹਕੂਮਤ ਵੱਲੋ ਸਿੱਖ ਕੌਮ ਦੀ ਇਸ ਵਿਰਾਸਤ ਨੂੰ ਬਰਤਾਨੀਆ ਤੋਂ ਮੰਗਾ ਕੇ ਆਪਣੇ ਕਬਜ਼ੇ ਵਿੱਚ ਕਰਨ ਦੀ ਰਚੀ ਜਾ ਰਹੀ ਡੂੰਘੀ ਸ਼ਾਜਿਸ ਦੀ ਪੁਰਜ਼ੋਰ ਨਿਖੇਧੀ ਕਰਦੇ ਹੋਏ ਆਪਣੇ ਦਸਤਖਤਾਂ ਹੇਠ ਜਾਰੀ ਕੀਤੇ ਗਏ ਇੱਕ ਬਿਆਨ ਵਿੱਚ ਪ੍ਰਗਟ ਕੀਤੇ। ਉਨ੍ਹਾ ਕਿਹਾ ਕਿ 1984 ਵਿੱਚ ਦਰਬਾਰ ਸਾਹਿਬ ਉੱਤੇ ਕੀਤੇ ਗਏ ਫੌਜੀ ਹਮਲੇ ਦੌਰਾਨ ਹਿੰਦ ਹਕੂਮਤ ਨੇ ਮੰਦਭਾਵਨਾ ਅਧੀਨ ਸਾਡੇ ਬਹੁਤ ਸਾਰੀਆਂ ਕੀਮਤੀ ਇਤਿਹਾਸਿਕ ਵਸਤਾਂ ਅਤੇ ਸਿੱਖ ਰੈਫਰੈਂਸ ਲਾਇਬ੍ਰੇਰੀ ਵਿੱਚੋਂ ਅਮੁੱਲ ਇਤਿਹਾਸਿਕ ਲਿਖਤਾਂ ਨੂੰ ਜ਼ਬਰੀ ਗੈਰ ਕਾਨੂੰਨੀ ਅਤੇ ਗੈਰ ਇਖਲਾਕੀ ਤਰੀਕੇ ਲੁੱਟ ਲਿਆ ਸੀ। ਸਾਡੀ ਪਾਰਟੀ ਅਤੇ ਸਿੱਖ ਕੌਮ ਦੀ ਇਹ ਮੰਗ ਹੈ ਕਿ ਇਨ੍ਹਾ ਅਮੁੱਲ ਵਸਤਾਂ, ਲਿਖਤਾਂ ਅਤੇ ਕੋਹੇਨੂਰ ਹੀਰੇ ਨੂੰ ਤੁਰੰਤ ਸਿੱਖ ਕੌਮ ਦੇ ਸਪੁਰਦ ਕੀਤਾ ਜਾਵੇ। ਇਨ੍ਹਾ ਉੱਤੇ ਹਿੰਦ ਹਕੂਮਤ ਜਾਂ ਬਰਤਾਨੀਆ ਹਕੂਮਤ ਦਾ ਕੋਈ ਹੱਕ ਨਹੀਂ ਕਿ ਉਹ ਹੋਰ ਲੰਮਾ ਸਮਾਂ ਆਪਣੇ ਕੋਲ ਰੱਖਣ। ਉਨ੍ਹਾ ਇਸ ਗੱਲ ਉੱਤੇ ਡੁੰਘਾ ਦੁੱਖ ਅਤੇ ਅਫਸੋਸ ਜਾਹਿਰ ਕੀਤਾ ਕਿ ਹਿੰਦ ਹਕੂਮਤ ਸਾਡੀ ਸਿੱਖ ਕੌਮ ਦੀ ਵਿਰਾਸਤ ਨਾਲ ਸੰਬੰਧਿਤ ਇਸ ਕੋਹੇਨੂਰ ਹੀਰੇ ਨੂੰ ਇੰਨੀ ਦਿਨੀ ਬਰਤਾਨੀਆ ਹਕੂਮਤ ਤੋਂ ਪ੍ਰਾਪਤ ਕਰਨ ਲਈ ਤਰਲੋ ਮੱਛੀ ਹੋ ਰਹੀ ਹੈ, ਜਿਸ ਉੱਤੇ ਉਸਦਾ ਕੋਈ ਰਤੀ ਭਰ ਵੀ ਹੱਕ ਨਹੀਂ ਹੈ। ਜਿਸਨੇ ਐਗਲੋ ਸਿੱਖ ਲੜਾਈ ਸਮੇ ਅੰਗਰੇਜਾਂ ਦਾ ਸਾਥ ਦਿੱਤਾ ਸੀ। ਸ: ਮਾਨ ਨੇ ਆਪਣੇ ਬਿਆਨ ਦੇ ਅੰਤ ਵਿੱਚ ਸਮੁੱਚੀ ਸਿੱਖ ਕੌਮ ਨੂੰ ਅਪੀਲ ਕੀਤੀ ਕਿ ਉਹ ਇਕੱਤਰ ਹੋ ਕੇ ਆਪਣੀਆਂ ਇਨ੍ਹਾ ਮਹਾਨ ਅਮੁੱਲ ਵਸਤਾਂ ਨੂੰ ਫਿਰ ਤੋਂ ਸ਼੍ਰੀ ਦਰਬਾਰ ਸਾਹਿਬ ਦੇ “ਤੋਸ਼ਾਖਾਨਾ” ਵਿੱਚ ਵਾਪਿਸ ਲਿਆਉਣ ਲਈ ਸਮੂਹਿਕ ਤੋਰ ਤੇ ਇਖਲਾਕੀ ਅਤੇ ਕੂਟਨੀਤਿਕ ਤੋਰ ਤੇ ਆਵਾਜ਼ ਉਠਾਉਣ ਦੀ ਜਿ਼ੰਮੇਵਾਰੀ ਨਿਭਾਉਣ ਤਾਂ ਕਿ ਹਿੰਦ ਹਕੂਮਤ ਸਿੱਖ ਕੌਮ ਦੇ ਇਸ ਬਹੁਮੁੱਲੇ ਇਤਿਹਾਸਿਕ ਹੀਰੇ ਨੂੰ ਫਿਰ ਤੋਂ ਕਪਟ-ਛਲ ਨਾਲ ਆਪਣੇ ਕਬਜ਼ੇ ਵਿੱਚ ਨਾ ਲੈ ਸਕੇ।

ਬਹੁਤੇ ਜਿ਼ਲ੍ਹਾ ਚੋਣ ਅਧਿਕਾਰੀ ਤੇ ਸਟਾਫ “ਵੋਟਰ ਫਾਰਮ” ਦੀ ਵੰਡ ਵਿੱਚ ਹੀ ਧੱਕੇਸ਼ਾਹੀ ਤੇ ਵਿਤਕਰੇ ਕਰਨ ਲੱਗੇ :- ਟਿਵਾਣਾ

ਫਤਿਹਗੜ੍ਹ ਸਾਹਿਬ, 3 ਜੂਨ :- “ਸਾਨੂੰ ਪੰਜਾਬ ਦੇ ਅੱਧੇ ਤੋਂ ਵੱਧ ਜਿ਼ਲ੍ਹਿਆਂ ਤੋਂ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੀ ਜਥੇਬੰਦੀ ਅਤੇ ਹੋਰ ਸਿੱਖ ਸੰਗਠਨਾਂ ਵੱਲੋ ਵੱਡੀ ਗਿਣਤੀ ਵਿੱਚ ਫੋਨ ਆਏ ਹਨ ਕਿ ਚੋਣ ਕਮਿਸ਼ਨ ਗੁਰਦੁਆਰਾ ਵੱਲੋ ਨਵੀਆਂ ਸਿੱਖ ਵੋਟਾਂ ਬਣਨ ਲਈ ਜੋ 80 ਲੱਖ ਦੇ ਕਰੀਬ ਵੋਟਰ ਫਾਰਮ ਛਪਵਾ ਕੇ ਪੰਜਾਬ ਵਿੱਚ ਭੇਜੇ ਗਏ ਹਨ, ਉਹ ਸੰਬੰਧਿਤ ਜਿ਼ਲ੍ਹਿਆਂ ਦੇ ਚੋਣ ਅਧਿਕਾਰੀਆਂ ਵੱਲੋ ਵੋਟਰ ਫਾਰਮ ਜਾਰੀ ਕਰਨ ਵਿੱਚ ਵੱਡਾ ਬੇਇਨਸਾਫੀ ਵਾਲਾ ਵਿਤਕਰਾ ਕੀਤਾ ਜਾ ਰਿਹਾ ਹੈ, ਜੋ ਗੈਰ-ਕਾਨੂੰਨੀ ਤੇ ਗੈਰ-ਇਖਲਾਕੀ ਅਮਲ ਹੈ।”
ਇਹ ਉਪਰੋਕਤ ਵਿਚਾਰ ਅੱਜ ਇੱਥੇ ਭਾਈ ਇਕਬਾਲ ਸਿੰਘ ਟਿਵਾਣਾ ਸਿਆਸੀ ਤੇ ਮੀਡੀਆ ਸਲਾਹਕਾਰ ਅਤੇ ਇੰਚਾਰਜ ਗੁਰਦੁਆਰਾ ਚੋਣਾਂ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਪਾਰਟੀ ਦੇ ਮੁੱਖ ਦਫਤਰ ਤੋਂ ਪੰਜਾਬ ਦੇ ਸਮੁੱਚੇ ਜਿ਼ਲ੍ਹਿਆਂ ਦੇ ਡਿਪਟੀ ਕਮਿਸ਼ਨਰ ਕਮ ਰਿਟਰਨਿੰਗ ਅਫਸਰਾਂ ਨੂੰ ਈਮੇਲ ਸਾਧਨ ਰਾਹੀਂ ਅੱਜ ਭੇਜੇ ਗਏ ਇੱਕ ਖਤ ਵਿੱਚ ਤਕੜਾ ਰੋਸ ਜ਼ਾਹਿਰ ਕਰਦੇ ਹੋਏ ਪ੍ਰਗਟ ਕੀਤੇ। ਸ: ਟਿਵਾਣਾ ਨੇ ਇਸ ਪੱਤਰ ਵਿੱਚ ਅਹਿਮ ਮੁੱਦੇ ਨੂੰ ਉਠਾਉਦੇ ਹੋਏ ਕਿਹਾ ਕਿ ਜੇਕਰ ਗੁਰਦੁਆਰਾ ਚੋਣਾਂ ਦੀ ਪ੍ਰਕ੍ਰਿਆ ਦੀ ਸ਼ੁਰੂਆਤ ਸਮੇ ਅਤੇ ਵੋਟਾਂ ਬਣਨ ਸਮੇਂ ਹੀ ਜੋ ਜਿ਼ਲ੍ਹਿਆਂ ਦੇ ਚੋਣ ਅਧਿਕਾਰੀਆਂ ਵੱਲੋ ਹਾਕਮ ਜਮਾਤ ਬਾਦਲ ਦਲ ਦੇ ਹੱਕ ਵਿੱਚ ਕੰਮ ਕਰਕੇ ਪੱਖਪਾਤੀ ਅਮਲ ਹੋ ਰਿਹਾ ਹੈ, ਇਹ ਅਸਹਿ ਹੈ ਅਤੇ ਅਜਿਹਾ ਕਰਨ ਵਾਲੇ ਅਧਿਕਾਰੀ ਸਿੱਧੇ ਰੂਪ ਵਿੱਚ ਹਾਕਮ ਜਮਾਤ ਬਾਦਲ ਦਲ ਲਈ ਕੰਮ ਕਰ ਰਹੇ ਹਨ। ਕਿਉਂਕਿ ਆਉਣ ਵਾਲੀਆਂ ਗੁਰਦੁਆਰਾ ਚੋਣਾਂ ਵਿੱਚ ਚੋਣਾਂ ਲੜਨ ਵਾਲੀਆਂ ਜਮਾਤਾਂ ਦੀ ਜਿੱਤ-ਹਾਰ ਦਾ ਫੈਸਲਾ ਅਸਲੀਅਤ ਵਿੱਚ ਆਪੋ ਆਪਣੀਆਂ ਵੋਟਾਂ ਬਣਾਉਣ ਵਿੱਚ ਹੀ ਹੋ ਜਾਣਾ ਹੈ। ਉਨ੍ਹਾ ਕਿਹਾ ਕਿ ਜੇਕਰ ਹਾਕਮ ਜਮਾਤ ਬਾਦਲ ਦਲ ਆਪਣੇ ਸਿਆਸੀ ਪ੍ਰਭਾਵ ਦੀ ਦੁਰਵਰਤੋਂ ਕਰਕੇ ਆਪਣੇ ਪੱਖ ਦੀਆਂ ਵੋਟਾਂ ਵੱਡੀ ਗਿਣਤੀ ਵਿੱਚ ਬਣਾਉਣ ਅਤੇ ਵਿਰੋਧੀ ਜਮਾਤਾਂ ਨਾਲ ਸੰਬੰਧਿਤ ਵੋਟਾਂ ਬਣਨ ਦੀ ਗਿਣਤੀ ਨੂੰ ਘਟਾਉਣ ਦੀ ਸ਼ਾਜਿਸ ਵਿੱਚ ਕਾਮਯਾਬ ਹੋ ਗਈ ਤਾਂ ਇਹ ਗੁਰਦੁਆਰਾ ਚੋਣਾਂ ਨਿਰਪੱਖ ਤੇ ਸਾਫ ਸੁੱਥਰੀਆਂ ਕਿਵੇ ਹੋ ਸਕਣਗੀਆਂ? ਉਨ੍ਹਾ ਮੁੱਖ ਚੋਣ ਕਮਿਸ਼ਨਰ ਗੁਰਦੁਆਰਾ ਅਤੇ ਜਿ਼ਲ੍ਹੇ ਦੇ ਰੀਟਰਨਿੰਗ ਅਫਸਰਾਂ ਤੋਂ ਮੰਗ ਕੀਤੀ ਕਿ ਜਿ਼ਲ੍ਹਾ ਚੋਣ ਅਧਿਕਾਰੀ ਅਤੇ ਸਟਾਫ ਵੋਟਾਂ ਬਣਾਉਦੇ ਹੋਏ, ਆਏ ਵੋਟਰ ਫਾਰਮਾਂ ਦੀ ਗਿਣਤੀ ਨੂੰ ਬਰਾਬਰਤਾ ਦੇ ਅਮਲਾਂ ਉੱਤੇ ਪਹਿਰਾ ਦਿੰਦੇ ਹੋਏ ਜਾਰੀ ਕਰਨ ਤਾਂ ਕਿ ਵਿਰੋਧੀ ਜਮਾਤਾਂ ਨਾਲ ਸੰਬੰਧਿਤ ਵੋਟਾਂ ਬਣਨ ਦੀ ਪ੍ਰਕ੍ਰਿਆ ਵਿੱਚ ਕਿਸੇ ਤਰ੍ਹਾ ਦੀ ਵੀ ਬੇਇਨਸਾਫੀ ਨਾ ਹੋ ਸਕੇ ਤੇ ਕਿਸੇ ਵੀ ਸਿਆਸੀ ਜਮਾਤ ਜਾਂ ਸੰਗਠਨ ਨੂੰ ਇਹ ਮਹਿਸੂਸ ਨਾ ਹੋਵੇ ਕਿ ਜਿ਼ਲ੍ਹਿਆਂ ਵਿੱਚ ਕੰਮ ਕਰ ਰਹੇ ਚੋਣ ਅਧਿਕਾਰੀ ਪੱਖਪਾਤੀ ਕਾਰਵਾਈਆਂ ਕਰ ਰਹੇ ਹਨ ਜਾਂ ਹਾਕਮ ਜਮਾਤ ਨੂੰ “ਖੁੱਲ੍ਹਾ ਹੱਥ” ਦੇ ਰਹੇ ਹਨ। ਸ: ਟਿਵਾਣਾ ਨੇ ਸਮੁੱਚੀ ਸਿੱਖ ਕੌਮ ਨੂੰ ਅਤੇ ਪਾਰਟੀ ਵਰਕਰਾਂ ਨੂੰ ਅਪੀਲ ਕਰਦੇ ਹੋਏ ਕਿਹਾ ਕਿ ਉਹ ਬਿਨਾ ਕਿਸੇ ਡਰ ਭੈ ਤੋਂ ਆਪੋ ਆਪਣੀਆਂ ਵੋਟਾ ਬਣਾਉਣ ਦੀ ਜਿ਼ੰਮੇਵਾਰੀ ਨਿਭਾਉਣ। ਜੇਕਰ ਕਿਸੇ ਵੀ ਜਿ਼ਲ੍ਹੇ, ਤਹਿਸੀਲ ਜਾਂ ਸਬ-ਡਵੀਜ਼ਨ ਉੱਤੇ ਸੰਬੰਧਿਤ ਅਧਿਕਾਰੀ ਵੋਟ ਫਾਰਮਾਂ ਦੀ ਵੰਡ ਕਰਨ ਜਾਂ ਹੋਰ ਸੰਬੰਧਿਤ ਕਾਰਵਾਈ ਕਰਨ ਵਿੱਚ ਵਿਤਕਰਾ ਕਰਦਾ ਹੋਵੇ ਤਾਂ ਤੁਰੰਤ ਪਾਰਟੀ ਦੇ ਮੁੱਖ ਦਫਤਰ ਕਿਲ੍ਹਾ ਸ: ਹਰਨਾਮ ਸਿੰਘ ਵਿਖੇ ਸੰਬੰਧਿਤ ਫੋਨ 01763 233764 ਮੋਬਾਈਲ +91 98783 44432 ਜਾਂ ਲਿਖਤੀ ਰੂਪ ਵਿੱਚ ਸਾਡੇ ਈਮੇਲ ਸਅਦ_ਅਮਰਟਿਸਅਰ੍‍ੇਅਹੋ।ਚੋ।ਨਿ ਅਤੇ ਤਿਬਅਲਸਨਿਗਹਟੱਿਅਨਅ੍‍ੇਮਅਲਿ।ਚੋਮ ਤੇ ਸੰਪਰਕ ਕਰਨ। ਤਾਂ ਕਿ ਪਾਰਟੀ ਬਣਦੀ ਕਾਨੂੰਨੀ ਕਾਰਵਾਈ ਕਰ ਸਕੇ।

ਭਾਰਤ ਸਰਕਾਰ ਦੀਆਂ ਏਜੰਸੀਆਂ ਸ਼ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਨੂੰ ਬਦਨਾਮ ਕਰਨ ਦੀਆਂ ਕਰ ਰਹੀਆਂ ਹਨ ਕੌਸ਼ਿਸ਼ਾਂ ‐ ਸ਼.ਅ.ਦ ਅਮਮ੍ਰਿਤਸਰ ਯੂਥ ਵਿੰਗ ਜਰਮਨੀ,br> ਗੁਰਪ੍ਰੀਤ ਭੁੱਲਰ ਵਰਗੇ ਨਵੇਂ ਗੋਬਿੰਦ ਰਾਮ ਅਤੇ ਘੋਟਣੇ ਇੱਕ ਵਾਰ ਫਿਰ ਸਿੱਖ ਨੌਜਵਾਨੀ ਦਾ ਘਾਣ ਕਰਨ ਲਈ ਹਲਕਾਏ

ਫਰੈਂਕਫਰਟ 2 ਜੂਨ 2010 ‐ ਸੁਖਪ੍ਰੀਤ ਸਿੰਘ - ਸ਼.ਅ.ਦ ਅਮਮ੍ਰਿਤਸਰ ਯੂਥ ਵਿੰਗ ਜਰਮਨੀ ਦੇ ਹਮਬਰਗ ਯੂਨਿਟ ਦੇ ਜਨਰਲ ਸਕਂਤਰ ਭਾਈ ਗੁਰਮੀਤ ਸਿੰਘ ਬੱਗਾ ਨੇ ਪਿਛਲੇ ਦਿਨੀਂ ਪੰਜਾਬ ਪੁਲਿਸ ਵਲੋਂ ਉਹਨਾਂ ਉੱਪਰ ਲਗਾਏ ਜਾ ਰਹੇ ਅਰੋਪਾਂ ਦਾ ਸਿਰੇ ਤੋਂ ਖੰਡਨ ਕਰਦਿਆਂ ਸਭ ਅਰੋਪਾਂ ਨੂੰ ਮਨਘੜਤ ਅਤੇ ਬੇਬੁਨਿਆਦ ਦੱਸਿਆ।ਉਹਨਾਂ ਕਿਹਾ ਕਿ ਉਹ ਜਮਹੂਰੀਅਤ ਪਸੰਦ ਤਰੀਕੇ ਨਾਲ ਅਜਾਦ ਸਿਂਖ ਰਾਜ ਖਾਲਿਸਤਾਨ ਦੀ ਪ੍ਰਾਪਤੀ ਲਈ ਸ਼ਾਂਤਮਈ ਸੋਚ ਅਪਣਾ ਸ਼.ਅ.ਦ ਅੰਮ੍ਰਿਤਸਰ ਨਾਲ ਲੰਮੇ ਸਮੇ ਤੋਂ ਕੰਮ ਕਰਦੇ ਆ ਰਹੇ ਹਨ ਅਤੇ ਕਰਦੇ ਰਿਹਣਗੇ।ਉਹਨਾਂ ਦੱਸਿਆ ਕਿ ਦਲ ਵਲੋਂ ਕੀਤੇ ਜਾ ਰਹੇ ਅਜਾਦੀ ਦੇ ਪ੍ਰਚਾਰ ਅਤੇ ਉਪਰਾਲੇ ਭਾਰਤ ਸਰਕਾਰ , ਭਾਰਤ ਸਰਕਾਰ ਦੀ ਝੋਲੀਚੁੱਕ ਹਿੰਦੂਵਾਦੀ ਪੰਜਾਬ ਸਰਕਾਰ, ਅਤੇ ਭਾਰਤ ਸਰਕਾਰ ਦੀਆਂ ਏਜੰਸੀਆਂ ਦੇ ਹਜਮ ਨਹੀ ਹੋ ਰਿਹਾ, ਇਹੋ ਕਾਰਨ ਹੈ ਕਿ ਸਮੇਂ ਸਮੇਂ ਤੇ ਉਹਨਾਂ ਅਤੇ ਦਲ ਦੇ ਹੋਰਨਾਂ ਮੈਂਬਰਾਂ ਤੇ ਇਹੋ ਜਿਹੇ ਝੂਠੇ ਅਤੇ ਮਨਘੜਤ ਅਰੋਪ ਲਾ ਸ਼.ਅ.ਦ ਅੰਮ੍ਰਿਤਸਰ ਨੂੰ ਬਦਨਾਮ ਕਰਨ ਦੀਆਂ ਕੋਸ਼ਿਸ਼ਾਂ ਹੋ ਰਹੀਆਂ ਹਨ। ਉਹਨਾਂ ਪਿਛਲੇ ਦਿਨੀ ਦਲ ਦੇ ਇਕ ਹੋਰ ਮੈਂਬਰ ਭਾਈ ਨਿਰਮਲ ਸਿੰਘ ਦੀ ਹੋਈ ਗਿਰਫਤਾਰੀ ਤੇ ਚਾਨਣਾ ਪਾਉਂਦਿਆਂ ਕਿਹਾ ਕਿ ਭਾਈ ਨਿਰਮਲ ਸਿੰਘ ਜੋ ਕਿ ਗਰੀਸ ਦਾ ਵਸਨੀਕ ਹੈ ਅਤੇ ਦਲ ਦਾ ਸਿਰਕਢਵਾਂ ਆਗੂ ਹੈ, ਨੂੰ ਵੀ ਪੰਜਾਬ ਪੁਲਿਸ ਇਹੋ ਜਿਹੇ ਹੀ ਅਰੋਪ ਲਾ ਕੇ ਗਿਰਫਤਾਰ ਕਰ ਅੰਨਾ ਤਸ਼ੱਦਦ ਕੀਤਾ ਜੋ ਹੁਣ ਮੇਰੇ ਤੇ ਲਗਾ ਰਹੀ ਹੈ। ਉਹਨਾਂ ਮਨੱਖੀ ਅਧਿਕਾਰ ਸੰਸਥਾਂਵਾਂ ਕੋਲ ਇਸ ਵੱਲ ਧਿਆਨ ਦੇਣ ਮੰਗ ਵੀ ਦੁਹਰਾਈ।ਉਹਨਾਂ ਕਿਹਾ ਕਿ ਦਲ ਦੇ ਮਹਾਨ ਆਗੂ ਸ.ਸਿਮਰਨਜੀਤ ਸਿੰਘ ਮਾਨ ਵੀ ਪੰਜਾਬ ਅਤੇ ਭਾਰਤ ਸਰਕਾਰ ਦੇ ਇਹਨਾ ਅਣਮਨੁੱਖੀ ਹੱਥਕੰਡਿਆਂ ਦਾ ਸ਼ਿਕਾਰ ਹੋ ਚੁੱਕੇ ਹਨ ਅਤੇ ਹੁਣ ਵੀ ਹੋ ਰਹੇ ਹਨ। ਉਹਨਾਂ ਕਿਹਾ ਕਿ ਦਲ ਵਲੋਂ ਜਰਮਨੀ ਵਿੱਚ ਕੀਤੇ ਜੲ ਰਹੇ ਮੁਜਾਹਿਰੇ, ਖਾਲਿਸਤਾਨ ਦੇ ਪ੍ਰਚਾਰ ਅਤੇ ਭਾਰਤ ਸਰਕਾਰ ਦੀਆਂ ਸਿਂਖਾਂ ਨਾਲ ਕੀਤੀਆਂ ਜਾ ਰਹੀਆਂ ਮਨਆਈਆਂ ਅਤੇ ਵਧੀਕੀਆਂ ਬਾਰੇ ਖੁੱਲ ਕੇ ਬੋਲਣਾ ਅਤੇ ਅੰਤ੍ਰਰਾਂਸ਼ਟਰੀ ਪੱਧਰ ਤੇ ਭਾਰਤ ਸਰਕਾਰ ਦੀਆਂ ਸਿੱਖ ਵਿਰੋਧੀ ਨੀਤੀਆਂ ਨੂੰ ਉਜਾਗਰ ਕਰਨਾ ਹੀ ਉਹਨਾਂ ਦਾ ਅਸਲੀ ਗੁਨਾਹ ਹੈ ਅਤੇ ਇਸੇ ਨੂੰ ਰੋਕਣ ਲਈ ਭਾਰਤ ਸਰਕਾਰ ਇਹੋ ਜਿਹੇ ਝੂਠਾਂ ਦਾ ਸਹਾਰਾ ਲੈਂਦੀ ਹੋਈ ਉਹਨਾਂ ਅਤੇ ਉਹਨਾਂ ਦੇ ਪਰਿਵਾਰ ਨੂੰ ਤੰਗ ਅਤੇ ਪਰੇਸ਼ਾਨ ਕਰ ਰਹੀ ਹੈ।
ਉਹਨਾਂ ਪੰਜਾਬ ਪੁਲਿਸ ਦੇ ਅਫਸਰ ਗੁਰਪ੍ਰੀਤ ਸਿੰਘ ਭੁੱਲਰ ਦੀਆਂ ਮਨਸ਼ਾਂਵਾਂ ਤੇ ਉਂਗਲੀ ਕਰਦਿਆਂ ਕਿਹਾ ਕਿ ਇਹ ਗੱਲ ਪੜਤਾਲ ਕਰਨ ਦੇ ਕਾਬਿਲ ਹੈ ਕਿ ਆਖਿਰ ਭੁੱਲਰ ਹੀ ਹਮੇਸ਼ਾਂ ਹਰ ਐਸੇ ਅਰੋਪ ਦਾ ਸਰੋਤ ਕਿਂੳ ਬਣਦਾ ਹੈ? ਉਹਨਾਂ ਗੁਰਪ੍ਰੀਤ ਸਿੰਘ ਭੁੱਲਰ ਦੀ ਤੁਲਣਾ 80 ਦੇ ਦਹਾਕੇ ਦੇ ਪੰਜਾਬ ਪੁਲਿਸ ਅਫਸਰ ਗੋਬਿੰਦ ਰਾਮ ਨਾਲ ਕਰਦਿਆਂ ਕਿਹਾ ਕਿ ਇਹ ਭੁੱਲਰ ਵੀ ਉਸੇ ਲੜੀ ਦਾ ਇੱਕ ਹਿੱਸਾ ਹੈ ਜੋ ਸਿਰਫ ਆਪਣੇ ਮੋਢਿਆਂ ਤੇ ਲੱਗੇ ਫੀਤਿਆਂ ਦੀ ਗਿਣਤੀ ਵਧਾਉਣ ਲਈ ਬੇਗੁਨਾਹ ਸਿੱਖਾਂ ਤੇ ਤਸ਼ੱਦਦ ਕਰਨੋ, ਸਿੱਖ ਨੌਜਵਾਨੀ ਦਾ ਘਾਣ ਕਰਨੋ ਵੀ ਗੁਰੇਜ ਨਹੀ ਕਰਦੇ।ਉਹਨਾਂ ਕਿਹਾ ਖਾਲਿਸਤਾਨ ਦੀ ਸੰਘਰਸ਼ੀਲ਼ ਲਹਿਰ ਦੌਰਾਨ ਭਾਰਤ ਸਰਕਾਰ ਵਲੋਂ ਮੱਖਣ ਜਲਾਦ, ਸਵਰਨ ਘੋਟਣਾ, ਗੋਬਿੰਦ ਰਾਮ ਅਤੇ ਅਜੀਤ ਸਿੰਘ ਸੰਧੂ ਵਰਗੇ ਅਨੇਕਾਂ ਪੁਲਿਸ ਕਰਮੀਆਂ ਨੂੰ ਸਿੱਖ ਨੌਜਵਾਨੀ ਦਾ ਘਾਣ ਕਰਨ ਦੇ ਖੁੱਲੇ ਅਦੇਸ਼ ਦਿੱਤੇ ਹੋਏ ਸਨ, ਇਸੇ ਤਰਾਂ ਗੁਰਪ੍ਰੀਤ ਸਿੰਘ ਭੁੱਲਰ ਵੀ ਉਹਨਾਂ ਅਦੇਸ਼ਾਂ ਦਾ ਪਾਲਣ ਕਰਨ ਵਾਲਾ ਸਰਕਾਰੀ ਦਰਿੰਦਾ ਲਗਦਾ ਹੈ, ਇਹੋ ਕਾਰਨ ਹੈ ਕਿ ਪਿਛਲੇ ਸਮੇਂ ਦੌਰਾਨ ਜਦ ਵੀ ਕੋਈ ਸਿਂਖ ਨੌਜਵਾਨ ਸਰਕਾਰੀ ਧੱਕੇਸ਼ਾਹੀ ਦਾ ਸ਼ਿਕਾਰ ਹੋਇਆ ਹੈ , ਭੁੱਲਰ ਦਾ ਨਾਮ ਉਸ ਤਬਾਹੀ ਵਿੱਚ ਸ਼ਾਮਿਲ ਹੁੰਦਾ ਹੈ।ਉ੍ਹਹਨਾਂ ਕਿਹਾ ਕਿ ਇਸ ਨਾਮ ਅਤੇ ਪਹਿਰਾਵੇ ਦੇ ਸਿੱਖ ਦੀ ਵਫਾਦਾਰੀ ਉਸ ਕੂੱਤੇ ਵਰਗੀ ਹ ਜੋ ਆਪਣੇ ਮਾਲਕ ਵਲੋਂ ਸੁਂਟੀ ਹਰ ਹੱਡੀ ਤੇ ਪੂਛ ਹਿਲਾਂਉਂਦਾ, ਜਿਸ ਨੂੰ ਸਿਰਫ ਉਸ ਵੱਲ ਸੁੱਟੀ ਹੋਈ ਹੱਡੀ ਨਾਲ ਮਤਲਭ ਹੈ, ਉਸ ਨੂੰ ਕੋਈ ਫਰਕ ਨਹੀ ਕਿ ਉਸਦਾ ਮਾਲਿਕ ਭਾਂਵੇ ਭਾਰਤ ਸਰਕਾਰ ਵਰਗਾ ਦਰਿੰਦਾ ਹੋਏ ਜਾਂ ਫਿਰ ਬਾਦਲ ਚੰਦ ਵਰਗਾ ਤਾਕਤ ਦਾ ਭੁੱਖ ਹੈਵਾਨ।ਉਹਨਾਂ ਅਜ ਦੇ ਹਲਾਤਾਂ ਤੇ ਚਾਨਣਾ ਪਾਉਂਦਿਆਂ ਕਿਹਾ ਕਿ ਭਾਰਤ ਸਰਕਾਰ ਦੀਆਂ ਏਜੰਸੀਆਂ ਦਿਨ ਰਾਤ ਜਿੱਥੇ ਸ਼.ਅ.ਦ ਅੰਮ੍ਰਿਤਸਰ ਨੂੰ ਬਦਨਾਮ ਕਰਨ ਵਿੱਚ ਰੁੱਝੀਆਂ ਹੋਈਆਂ ਹਨ ਅਤੇ ਖਾਲਿਸਤਾਨ ਦੀ ਪ੍ਰਾਪਤੀ ਲਈ ਕੰਮ ਕਰ ਰਹੇ ਸਿੰਘਾਂ ਨੂੰ ਆਏ ਦਿਨ ਨਿਸ਼ਾਨਾ ਬਣਾ ਰਹੀਆਂ ਹਨ ਉਥੇ ਇਹ ਏਜੰਸੀਆਂ ਆਮ ਲੋਕਾਂ ਵਿੱਚ ਡਰ ਅਤੇ ਸਿਹਮ ਪੈਦਾ ਕਰ ਆਪਣੀਆਂ ਸਿੱਖ ਵਿਰੋਧੀ ਨੀਤੀਆਂ ਨੂੰ ਵੀ ਅੰਜਾਮ ਦੇ ਰਹੀਆਂ ਹਨ, ਇਹੋ ਕਾਰਨ ਹੈ ਕਿ ਪੰਥ ਦੀ ਨਿਸ਼ਾਨਦੇਹੀ ਅਤੇ ਦਿਸ਼ਾ ਨਿਰਦੇਸ਼ੀ ਦੇ ਸਰੋਤ ਗੁਰੂਘਰਾਂ ਵਿੱਚ ਵੀ ਆਪਣੇ ਏਜੰਟ ਕਾਬਿਜ ਕਰ ਚੁੱਕੀਆਂ ਹਨ ਤਾਂ ਜੋ ਅਜਾਦ ਖਾਲਿਸਤਾਨ ਦੀ ਉੱਠ ਰਹੀ ਹਰ ਅਵਾਜ ਅਤੇ ਹਰ ਕਦਮ ਨੂੰ ਦਬਾਇਆ ਕੁਚਲਿਆ ਜਾ ਸਕੇ।ਕੌਮਾਂ ਦੇ ਇਤਹਾਸ ਕੌਮਾਂ ਦੀ ਪਹਿਚਾਣ ਹੁੰਦੇ ਹਨ, ਇਹਨਾਂ ਦਿਮਾਗੋਂ ਹੀਣਿਆਂ ਨੂੰ ਇਕ ਵਾਰ ਸਿੱਖ ਇਤਹਾਸ ਵੱਲ ਝਾਤੀ ਮਾਰ ਲੈਣੀ ਚਾਹੀਦੀ ਹੈ ਜੋ ਸਿਰਫ ਇਹ ਦੁਹਰਾਉਂਦਾ ਹੈ ਕਿ ਸਿਂਖ ਕੌਮ ਹਮੇਸ਼ਾ ਅਜਾਦ ਰਹੀ ਹੈ ਅਤੇ ਰਹੇਗੀ, ਫਿਰ ਕੀਮਤ ਚਾਹੇ ਸਿਰ ਹੋਣ।
ਉਹਨਾਂ ਅਖੀਰ ਵਿੱਚ ਮੀਡੀਆ ਜੋ ਜਮਹੂਰੀਅਤ ਦਾ ਚੌਥਾ ਥੰਮ ਮੰਨਿਆਂ ਜਾਂਦਾ ਹੈ ਨੂੰ ਵੀ ਖੁੱਲਾ ਸੱਦਾ ਦਿੱਤਾ ਕਿ ਉਹ ਨਿੱਰਪਂਖ ਹੋ ਕਿ ਇਹਨਾਂ ਏਜੰਸੀਆਂ, ਭਾਰਤ ਸਰਕਾਰ, ਬਾਦਲ ਪਰਿਵਾਰ ਅਤੇ ਗੁਰਪ੍ਰੀਤ ਭੁੱਲਰ ਵਰਗੇ ਟੱਟੂਆਂ ਦੀ ਗਿਹਰਾਈ ਨਾਲ ਪੜਤਾਲ ਕਰੇ , ਫਿਰ ਦੁੱਧ ਦਾ ਦੁੱਧ ਅਤੇ ਪਾਣੀ ਦਾ ਪਾਣੀ ਹੋਣਾ, ਵਾਲੀ ਕਹਾਵਤ ਨੂੰ ਸੱਚੀ ਹੁੰਦਾ ਅੱਖੀਂ ਵੇਖ ਲਵੇ। ਅਖੀਰ ਉਹਨਾਂ ਕਿਹਾ ਕਿ ਦੁਨੀਆਂ ਦੀ ਕੋਈ ਤਾਕਤ ਜਾ ਡਰਾਵਾ ਉਹਨਾਂ ਨੂੰ ਆਪਣੇ ਅਜਾਦ ਘਰ ਖਾਲਿਸਤਾਨ ਦੀ ਪ੍ਰਾਪਤੀ ਲਈ ਜੂਝਦੇ ਰਿਹਣ ਤੋ ਰੋਕ ਨਹੀ ਸਕਦੀ, ਅਤੇ ਉਹਨਾਂ ਹਰ ਸਿਂਖ ਨੌਜਵਾਨ ਨੂੰ ਆਪਣੇ ਬਣਦੇ ਫਰਜ ਤੇ ਡਟ ਕੇ ਪਹਿਰਾ ਦੇਣ ਲਈ ਬੇਨਤੀ ਕੀਤੀ। ਖਾਲਿਸਤਾਨ ਜਿੰਦਾਬਾਦ

ਕੈਨੀਡੀਅਨ ਸਰਕਾਰ ਨੇ ਭਾਰਤ ਨੂੰ ਉਸ ਦਾ ਅਕਸ ਵਿਖਾਇਆ

ਸੁਖਦੀਪ ਸਿੰਘ

ਅੱਜ ਦੇ ਤੇਜ ਰਫਤਾਰੀ ਇਲੈਕਟ੍ਰੋਨਿਕ ਯੁੱਗ ਵਿੱਚ ਇਸ ਦੁਨੀਆ ਅੰਦਰ ਵਿਚਰ ਰਹੇ ਹਰ ਮੁਲਕ ਅਤੇ ਹਰ ਸੋਚ ਜਾਂ ਵਿਚਾਰਧਾਰਾ ਵਾਰੇ ਮੀਡੀਆ ਜਾਂ ਪ੍ਰਚਾਰ ਸਾਧਨਾਂ ਦੀ ਹੋਂਦ ਦੇ ਕਾਰਣ ਹਰ ਵਿਅਕਤੀ ਨੂੰ ਆਪਣੇ ਆਲੇ-ਦੁਆਲੇ ਵਾਪਰ ਰਹੀਆਂ ਘਟਨਾਵਾਂ ਦੀ ਜਾਣਕਾਰੀ ਹੋ ਰਹੀ ਹੈ। ਅੱਜ ਕੋਈ ਮੁਲਕ ਜਾਂ ਮੁਲਕ ਦੀ ਸਰਕਾਰ ਕੋਈ ਵੀ ਮਾੜਾ ਜਾਂ ਚੰਗਾ ਕਾਰਜ ਜਾਂ ਫੈਸਲਾ ਕਰਦੀ ਹੈ ਤਾਂ ਇਸ ਵੱਲ ਪੂਰੀ ਦੁਨੀਆ ਦੇ ਸੁਚੇਤ ਲੋਕਾਂ ਦਾ ਧਿਆਨ ਖਿੱਚਿਆ ਜਾਂਦਾ ਹੈ। ਜੇਕਰ ਕੋਈ ਮੁਲਕ ਜਾਂ ਮੁਲਕ ਦੀ ਸਰਕਾਰ ਇਹ ਸੋਚਦੀ ਹੈ ਕਿ ਉਹ ਆਪਣੀ ਪਰਜਾ ਤੇ ਜੋ ਚਾਹੇ ਜੁਲਮ ਕਰਦੀ ਰਹੇ ਅਤੇ ਦੁਨੀਆ ਨੂੰ ਇਸ ਦਾ ਪਤਾ ਨਹੀਂ ਲੱਗੇਗਾ ਜਾਂ ਫੇਰ ਦੁਨੀਆਂ ਨੂੰ ਆਪਣੀ ਝੂਠ ਦੀ ਰਾਜਨੀਤੀ ਦੀ ਵਰਤੋਂ ਕਰਕੇ ਭ੍ਰਮਿਤ ਕਰ ਲਿਆ ਜਾਵੇਗਾ, ਇਹ ਸਿਰਫ ਉਸ ਕਬੂਤਰ ਦੇ ਨਿਆਂਈ ਹੋਵੇਗਾ ਜੋ ਬਿੱਲੀ ਨੂੰ ਵੇਖ ਕੇ ਅੱਖਾਂ ਮੀਚ ਲੈਂਦਾ ਹੈ ਕਿ ਸ਼ਇਦ ਬਿੱਲੀ ਉਸ ਨੂੰ ਹੁਣ ਦੇਖ ਨਹੀਂ ਪਾ ਰਹੀ। ਅੱਜ ਕੈਨੇਡਾ ਵਰਗੇ ਮੁਲਕ ਦਾ ਭਾਰਤੀ ਸੁਰੱਖਿਆ ਏਜੰਸੀਆਂ ਨੂੰ ਅੱਤਬਾਦੀ ਗਰੁੱਪ ਕਹਿਣਾ ਅਤੇ ਵੀਜਾ ਨਾ ਦੇਣਾ ਇਸ ਗੱਲ ਦਾ ਪ੍ਰਤੱਖ ਸਬੂਤ ਹੈ। ਇਸ ਤੋਂ ਪਹਿਲਾਂ ਗੁਜਰਾਤ ਦੇ ਮੁੱਖ ਮੰਤਰੀ ਨਰਿੰਦਰ ਮੋਦੀ ਨੂੰ ਅਮਰੀਕਾ ਨੇ ਵੀਜਾ ਨਹੀ ਸੀ ਦਿੱਤਾ। ਨਰਿੰਦਰ ਮੋਦੀ ਤਾਂ ਚਲੋ ਇੱਕ ਗੁੰਡਾ ਅੰਸਰ ਅਤੇ ਦੰਗੇ ਕਰਵਾਉਣ ਦੇ ਦੋਸ਼ਾਂ ਕਰਕੇ ਵੀਜਾ ਨਾਂ ਲੈ ਸਕਿਆ, ਪਰ ਕਿਸੇ ਮੁਲਕ ਦੀਆਂ ਮੁੱਖ ਸੁਰੱਖਿਆ ਏਜੰਸੀਆਂ ਉਂਪਰ ਅੱਤਬਾਦੀ ਸੰਗਠਨ ਹੋਣ ਜਿਹਾ ਇਲਜਾਮ ਲੱਗਣਾ ਉਸ ਮੁਲਕ ਲਈ ਬਹੁਤ ਹੀ ਮੰਦਭਾਗੀ ਅਤੇ ਸ਼ਰਮਨਾਕ ਗੱਲ ਹੈ। ਬਾਅਦ ਵਿੱਚ ਬੇਸ਼ੱਕ ਕੈਨੇਡਾ ਸਰਕਾਰ ਇਸ ਘਟਨਾ ਲਈ ਆਪਣਾ ਸਟੈਂਡ ਵਾਪਿਸ ਲੈ ਲਵੇ ਪਰ ਇੱਕ ਵਾਰ ਉਹਨਾਂ ਨੇ ਇਹ ਪ੍ਰਤੱਖ ਕਰ ਦਿੱਤਾ ਕਿ ਭਾਰਤੀ ਸੁਰੱਖਿਆ ਏਜੰਸੀਆਂ ਅਤੇ ਸਰਕਾਰ ਆਮ ਨਾਗਰਿਕ ਦੀ ਸੁਰੱਖਿਆ ਕਰਨ ਤੋਂ ਵੱਧ ਆਮ ਨਾਗਰਿਕ ਦੇ ਦਿਲ ਵਿੱਚ ਆਤੰਕ ਪੈਦਾ ਕਰਨ ਵਿੱਚ ਜਿਆਦਾ ਵਿਸ਼ਵਾਸ ਰੱਖਦੀ ਹੈ। ਆਮ ਆਦਮੀ ਨੂੰ ਇੱਥੇ ਦੀਆਂ ਸਰਕਾਰਾਂ ਨੇ ਰੋਟੀ, ਕੱਪੜਾ ਅਤੇ ਮਕਾਨ ਦੀ ਲੋੜ ਪੂਰਤੀ ਵਿੱਚ ਇਸ ਤਰ੍ਹਾਂ ਫਸਾ ਦਿੱਤਾ ਹੈ ਕਿ ਉਸ ਆਦਮੀ ਨੂੰ ਆਪਣੇ ਵਿਰੁੱਧ ਹੁੰਦਾ ਸਰਕਾਰੀ ਅੱਤਬਾਦ ਦਿਸਦਾ ਹੀ ਨਹੀ। ਅੱਜ ਸਰਕਾਰ ਨੇ ਆਮ ਭਾਰਤੀ ਨਾਗਰਿਕ ਨੂੰ ਮਹਿੰਗਾਈ, ਬੇਰੋਜਗਾਰੀ, ਨਸ਼ਾ, ਭੁੱਖਮਰੀ ਅਤੇ ਨਕਲੀ ਦੇਹਧਾਰੀ ਗੁਰੂਆਂ (ਸਰਕਾਰੀ ਏਜੰਟਾਂ) ਦਾ ਸਹਾਰਾ ਲੈ ਕੇ ਧਾਰਮਿਕ ਅਗਿਆਨਤਾ ਵਿੱਚ ਅਜਿਹਾ ਉਲਝਾ ਦਿੱਤਾ ਕਿ ਉਹ ਆਪਣਾ ਸਹੀ ਗਲਤ ਵੀ ਚੰਗੀ ਤਰਾਂ ਨਹੀ ਵਿਚਾਰ ਸਕਦਾ। ਅੱਜ ਭਾਰਤ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਚਾਹੇ ਉਹ ਜੰਮੂ-ਕਸ਼ਮੀਰ ਹੋਵੇ ਜਾਂ ਫੇਰ ਬੰਗਾਲ, ਬਿਹਾਰ, ਛੱਤੀਸਗੜ੍ਹ ਅਤੇ ਝਾਰਖੰਡ ਦਾ ਨਕਸਲਬਾਦ ਨਾਲ ਪ੍ਰਭਾਵਿਤ ਇਲਾਕਾ ਹੋਵੇ ਹਰ ਥਾਂ ਭਾਰਤੀ ਸਰਕਾਰ ਦੀਆਂ ਗਲਤ ਨੀਤੀਆਂ ਅਤੇ ਇੱਕ ਆਮ ਭਾਰਤੀ ਨਾਗਰਿਕ ਲਈ ਦੁਰਭਾਵਨਾ ਦੇ ਕਾਰਣ ਹਿੰਸਾ ਦਾ ਸ਼ਿਕਾਰ ਹਨ। 1947 ਵਿੱਚ ਮੋਹਨਦਾਸ ਕਰਮਚੰਦ ਗਾਂਧੀ ਅਤੇ ਜਵਾਹਰ ਲਾਲ ਨਹਿਰੂ ਵਰਗੇ ਝੂਠ ਦੇ ਪੁਲੰਦਿਆਂ ਦੁਆਰਾ ਕੀਤੇ ਧੋਖੇ ਕਰਕੇ ਦੁਬਾਰਾ ਗੁਲਾਮ ਹੋਈ ਸਿੱਖ ਸਟੇਟ ਪੰਜਾਬ ਵਿੱਚ ਤਾਂ ਸਰਕਾਰੀ ਅੱਤਬਾਦ ਨੇ ਆਪਣੀ ਬੁਲੰਦੀ ਤੱਕ ਪਹੁੰਚਦੇ ਹੋਏ ਸਿੱਖਾਂ ਦੇ ਧੁਰੇ ਸ਼੍ਰੀ ਅਕਾਲ ਤਖਤ ਸਾਹਿਬ ਤੇ ਹੀ 1984 ਵਿੱਚ ਟੈਂਕਾਂ, ਤੋਪਾਂ ਅਤੇ ਕਮਾਂਡੋਆਂ ਤੋਂ ਹੱਲਾ ਕਰਵਾ ਦਿੱਤਾ। ਲੱਖਾਂ ਹੀ ਮਾਸੂਮਾਂ ਦੇ ਲਹੂ ਨਾਲ ਸਰਕਾਰੀ ਸੁਰੱਖਿਆਂ ਏਜੰਸੀਆਂ ਨੇ ਹੱਥ ਰੰਗੇ। ਧੀਆਂ, ਭੈਣਾ ਦੀ ਬੇਪਤੀ ਅਤੇ ਬੱਚੇ, ਬਜੁਰਗਾਂ ਤੇ ਅੱਤ ਦਾ ਜੁਲਮ ਹੋਇਆ। ਇਹੋ ਸਰਕਾਰੀ ਅੱਤਬਾਦ ਦੀ ਗੱਲ ਪੰਜਾਬ ਅਤੇ ਜੰਮੂ-ਕਸ਼ਮੀਰ ਦੀ ਜਨਤਾ ਕਈ ਦਹਕਿਆਂ ਤੋਂ ਕਰਦੀ ਆ ਰਹੀ ਹੈ। ਪਰ ਹਕੂਮਤ ਦੇ ਨਸ਼ੇ ਵਿੱਚ ਹੰਕਾਰੀ ਹੋਏ ਇਹ ਲੋਕ ਕੁਝ ਵੀ ਸੁਨਣ ਲਈ ਤਿਆਰ ਨਹੀਂ ਸਨ। ਪਰ ਹੁਣ ਜਦੋਂ ਕੈਨੇਡਾ ਅਤੇ ਅਮਰੀਕਾ ਨੇ ਸਖਤ ਕਦਮ ਚੁੱਕਦੇ ਹੋਏ ਇਹਨਾਂ ਗੁੰਡਾ ਏਜੰਸੀਆਂ ਦੇ ਮੁਲਾਜਮਾਂ ਨੂੰ ਆਪਣੇ ਦੇਸ਼ ਦਾ ਵੀਜਾ ਦੇਣ ਤੋਂ ਇਨਕਾਰ ਕਰ ਦਿੱਤਾ ਤਾਂ ਹੁਣ ਇਹ ਲੋਕ ਆਮ ਭਾਰਤੀ ਨਾਗਰਿਕ ਦੇ ਸਾਹਮਣੇ ਦੁਹਾਈ ਦੇ ਰਹੇ ਹਨ ਕਿ ਇਹ ਉਹਨਾਂ ਦੇ ਦੇਸ਼ ਦਾ ਅਪਮਾਨ ਕੀਤਾ ਗਿਆ ਹੈ।ਪਰ ਇੱਕ ਗੱਲ ਮੈਂ ਵੀ ਪੂਰੀ ਇਮਾਨਦਾਰੀ ਨਾਲ ਆਪਣੇ ਹਮਵਤਨ ਲੋਕਾਂ ਨੂੰ ਦੱਸਣਾ ਚਾਹੁੰਦਾ ਹਾਂ ਇਹ ਕੋਈ ਅਪਮਾਨ ਨਹੀ ਇੱਕ ਅਟੱਲ ਸਚਾਈ ਹੈ। ਜਿਹੜੀਆਂ ਕੌਮਾਂ ਨੇ ਇਸ ਸਰਕਾਰੀ ਅੱਤਬਾਦ ਨੂੰ ਆਪਣੇ ਸੀਨੇ ਉਂਤੇ ਸਿਹਾ ਹੈ ਉਹੀ ਇਸ ਗੱਲ ਨੂੰ ਸਮਝ ਸਕਦੀਆਂ ਹਨ।
ਇੱਕ ਗੱਲ ਜੋ ਸਮੇਂ ਦੀ ਸਰਕਾਰ ਜਿਸ ਨੇ ‘ਘੱਲੂਘਾਰਾ ਯਾਦਗਾਰੀ ਮਾਰਚ’ ਨੂੰ ਰੋਕਣ ਦਾ ਸਰਕਾਰੀ ਤੌਰ ਤੇ ਕੋਝਾ ਯਤਨ ਕੀਤਾ ਹੈ ਨੂੰ ਸੰਬੋਧਿਤ ਹੋ ਕੇ ਮੈ ਕਹਿਣਾ ਚਾਹੁੰਦਾ ਹਾਂ ਕਿ ਜੇਕਰ ਉਹ ਸੋਚਦੇ ਹਨ ਕਿ ਜੋਰ-ਜਬਰਦਸਤੀ ਨਾਲ ਸਿੱਖਾਂ ਵੱਲੋਂ ਤੋਰੀ ਕੋਈ ਲਹਿਰ ਰੁਕ ਸਕਦੀ ਹੈ ਤਾਂ ਇਹ ਉਹਨਾਂ ਦੇ ਦਿਲਾਂ ਦਾ ਵੱਡਾ ਭੁਲੇਖਾ ਹੈ। ਸਿੱਖਾਂ ਨੇ ਤਾਂ ਮੁੱਠੀ ਭਰ ਗਿਣਤੀ ਹੁੰਦੇ ਹੋਏ ਵੀ ਅਜਿਹੀ ਲਹਿਰ ਚਲਾਈ ਕਿ ਹਿੰਦੋਸਤਾਨ ਨੂੰ 900 ਸਾਲਾਂ ਦੀ ਮੁਗਲ ਗੁਲਾਮੀ ਤੋਂ ਕੱਢ ਕੇ ਬਾਹਰ ਲੈ ਆਂਦਾ। ਪਰ ਆਪਣੀ ਨਲਾਇਕੀ ਕਰਕੇ ਦੁਬਾਰਾ ਅੰਗਰੇਜਾਂ ਹੱਥੋਂ ਗੁਲਾਮ ਹੋਏ ਹਿੰਦੋਸਤਾਨ ਨੂੰ ਪੰਜਾਬ ਦੀ ਇਸ ਪਵਿੱਤਰ ਧਰਤੀ ਤੋਂ ਉਂਠੀ ਸਿੰਘ ਸੂਰਮਿਆਂ ਦੀ ਲਹਿਰ ਨੇ 93% ਤੋਂ ਵੀ ਵੱਧ ਸ਼ਹਾਦਤਾਂ ਦੇ ਕੇ ਦੁਬਾਰਾ ਆਜਾਦੀ ਦਾ ਰਾਹ ਦਿਖਾਇਆ। ਮੁੜ ਪਾਸਾ ਪਲਟਿਆ ਧੋਖੇਬਾਜ ਅਤੇ ਫਰੇਬੀ ਲੀਡਰ ਜਮਾਤ ਨੇ ਸਿੱਖਾਂ ਨੂੰ ਭਾਰਤ ਵਿੱਚ ਆਜਾਦ ਖਿੱਤੇ ਦਾ ਸੁਪਨਾ ਦਿਖਾ ਕੇ ਮੁੜ ਗੁਲਾਮ ਕੀਤਾ। ਪਰ ਪੰਛੀਆਂ ਵਾਂਗ ਖੁੱਲੀ ਹਵਾ ਵਿੱਚ ਉਡਾਰੀਆਂ ਮਾਰਨ ਅਤੇ ਆਪਣੇ ਗੁਰੂੁ ਰੂਪੀ ਚਾਨਣ ਦੇ ਦੁਆਲੇ ਪਤੰਗਿਆਂ ਵਾਂਗ ਖੁਦ ਨੂੰ ਮਿਟਾਉਣ ਦੀ ਤਾਂਗ ਰੱਖਣ ਵਾਲਿਆਂ ਦੀ ਇਸ ਕੌਮ ਤੋਂ ਦੋਬਾਰਾ ਸੰਤ ਜਰਨੈਲ ਸਿੰਘ ਖਾਲਸਾ ਦੀ ਅਗਵਾਹੀ ਵਿੱਚ ਇੱਕ ਲਹਿਰ ਉਂਠੀ ਤਾਂ ਭਾਰਤ ਸਰਕਾਰ ਬਰਦਾਸ਼ਤ ਨਾਂ ਕਰ ਸਕੀ ਅਤੇ ਅਂਤਿਅਤਚਾਰ ਦੀ ਹੱਦ ਨੂੰ ਪਾਰ ਕਰਕੇ ਇਸ ਲਹਿਰ ਨੂੰ ਦਬਾਉਣ ਦਾ ਅਸਫਲ ਯਤਨ ਕੀਤਾ। ਪਰ ਉਹ ਸ਼ਾਇਦ ਭੁੱਲ ਗਏ ਕਿ ਸਿੱਖ ਸ਼ਾਂਤੀ ਵਿੱਚ ਨਹੀਂ ਬਲਕਿ ਆਪਣੇ ਉਂਪਰ ਹੁੰਦੇ ਜੁਲਮਾਂ ਵਿੱਚ ਜਿਆਦਾ ਵਧਦੇ ਅਤੇ ਦ੍ਰਿੜ ਹੁੰਦੇ ਹਨ।ਅੱਜ ਬੌਖਲਾਹਟ ਵਿੱਚ ਆਈ ਭਾਰਤੀ ਸਰਕਾਰ ਪੰਜਾਬ ਦੇ ਕੁਝ ਗੱਦੀਆਂ ਦੇ ਲਾਲਚੀ ਬਿਕਾਊ ਸਿੱਖ ਲੀਡਰਾਂ ਦੇ ਨਾਲ ਮਿਲ ਕੇ ਸਿੱਖਾਂ ਨੂੰ ਕਦੇ ਡੇਰੇਬਾਦ ਦੇ ਜਾਲ ਰਾਹੀਂ, ਕਦੇ ਨਸ਼ਿਆਂ, ਕਦੇ ਗੁਰੂਦੁਆਰਾ ਕਮੇਟੀਆਂ ਅਤੇ ਕਦੇ ਗ੍ਰੰਥਾਂ ਦੇ ਚੱਕਰਾਂ ਵਿੱਚ ਉਲਝਾ ਕੇ ਅਸਲ ਮੁੱਦੇ ਤੋਂ ਸਿੱਖਾਂ ਦਾ ਧਿਆਨ ਹਟਾਉਣ ਦਾ ਨਾਕਾਮ ਯਤਨ ਕਰ ਰਹੀ ਹੈ। ਕਦੇ ਬੇਕਸੂਰ ਸਿੱਖਾਂ ਨੂੰ ਸਿਰਸੇ ਵਾਲੇ ਕੂੜ ਅਸਾਧ ਨੂੰ ਮਾਰਨ ਦੀ ਸਾਜਿਸ਼ ਦੇ ਜੁਰਮ ਵਿੱਚ ਜਾਂ ਫਿਰ ਆਸ਼ੂਤੋਸ਼ ਦੀ ਸੁਰੱਖਿਆ ਲਈ ਫੜ੍ਹ-ਫੜ੍ਹ ਕੇ ਜੇਲਾਂ ਵਿੱਚ ਸੁੱਟ ਰਹੇ ਹਨ। ਪਰ ਇਹ ਇੱਕ ਅਟੱਲ ਸੱਚਾਈ ਹੈ ਕਿ ਸੱਚ, ਧਰਮ ਅਤੇ ਹੱਕਾਂ ਦੀ ਪ੍ਰਾਪਤੀ ਲਈ ਸ਼ੁਰੂ ਹੋਈ ਲਹਿਰ ਨੂੰ ਜੋਰ ਜਬਰਦਸਤੀ ਨਾਲ ਰੋਕਿਆ ਨਹੀਂ ਜਾ ਸਕਦਾ। ਕਿਸੇ ਵੀ ਦੇਸ਼ ਦੀ ਮਜਬੂਤੀ ਲਈ ਉਸ ਦੇਸ਼ ਦੇ ਹਰ ਨਾਗਰਿਕ ਨੂੰ ਬਣਦੇ ਹੱਕ ਦੇਣਾ ਉਸ ਦੇਸ਼ ਦੀ ਸਰਕਾਰ ਦਾ ਮੁਢਲਾ ਫਰਜ ਹੈ। ਅਖੌਤੀ ਤੌਰ ਤੇ ਡੈਮੋਕਰੇਸੀ ਪਰ ਅਸਲ ਤੌਰ ਤੇ ਤਾਨਾਸ਼ਾਹ ਹੋਣਾ ਭਾਰਤੀ ਸਰਕਾਰ ਦੀ ਫਿਦਰਤ ਬਣ ਗਿਆ ਹੈ ਜਿਸ ਕਰਕੇ ਹੀ ਭਾਰਤੀ ਸੁਰੱਖਿਆ ਏਜੰਸੀਆਂ ਦਾ ਅਕਸ ਵੀ ਦੁਨੀਆ ਸਾਹਮਣੇ ਖਰਾਬ ਹੋ ਰਿਹਾ ਹੈ।
ਇੱਕ ਸੁਨੇਹਾ ਕਿਸਾਨ ਵੀਰਾਂ ਲਈ ਜਿਹਨਾਂ ਦੀਆਂ ਜਮੀਨਾਂ ਕਰਜਾ ਨਾ ਵਾਪਿਸ ਹੋਣ ਕਰਕੇ ਸਰਕਾਰ ਨੇ ਬੈਂਕਾਂ ਨੂੰ ਕੁਰਕੀ ਕਰਨ ਦਾ ਹੁਕਮ ਦਿੱਤਾ ਹੈ। ਪੰਜਾਬ ਦੇ ਕਿਸਾਨ ਉਂਪਰ ਕੁੱਲ ਕਰਜਾ ਸਰਕਾਰ ਦੇ ਮੁਤਾਬਿਕ 7500 ਕਰੋੜ ਰੁਪਏ ਦਾ ਹੈ। ਇਸ ਹਿਸਾਬ ਨਾਲ ਤਾਂ ਸਰਕਾਰ ਸਾਰੇ ਪੰਜਾਬ ਦੀ ਜਮੀਨ ਕੁਰਕੀ ਕਰ ਕੇ ਸਰਮਾਏਦਾਰਾਂ ਨੂੰ ਵੰਡ ਦੇਵੇਗੀ। ਸਾਲ 2008-09 ਦੇ ਵਿੱਤੀ ਵਰੇ ਵਿੱਚ ਭਾਰਤ ਸਰਕਾਰ ਨੇ ਪੂਰੇ ਦੇਸ਼ ਦੇ ਕਿਸਾਨਾਂ ਦੇ ਕਰਜੇ ਮੁਆਫ ਕੀਤੇ ਸਨ ਇੱਕ ਪੰਜਾਬ ਦੇ ਕਿਸਾਨਾਂ ਨੂੰ ਛੱਡਕੇ। ਪੰਜਾਬ ਦਾ ਕਿਸਾਨ ਪੂਰੇ ਦੇਸ਼ ਦਾ ਅੰਨਦਾਤਾ ਹੈ। ਉਸ ਕਿਸਾਨ ਨਾਲ ਹੋ ਰਿਹਾ ਇਹ ਧੱਕਾ ਸਹਿਣਯੋਗ ਨਹੀ ਹੈ। ਕਿਸਾਨ ਜੱਥੇਬੰਦੀਆਂ ਕਿਸਾਨਾਂ ਦੇ ਜੇਲਾਂ ਵਿੱਚ ਜਾਣ ਤੋਂ ਬਾਅਦ ਹਰਕਤ ਵਿੱਚ ਆਉਦੀਆਂ ਹਨ ਜਦੋਂ ਕਿ ਉਹਨਾਂ ਨੂੰ ਪਹਿਲਾਂ ਹੀ ਸੁਚੇਤ ਰਹਿਣਾ ਚਾਹੀਦਾ ਹੈ ਅਤੇ ਸਰਕਾਰਾਂ ਤੋਂ ਆਪਣੇ ਹੱਕ ਲੈਣ ਲਈ ਸਾਰੀਆਂ ਕਿਸਾਨ ਜੱਥੇਬੰਦੀਆਂ ਨੂੰ ਇੱਕ ਹੋਣਾ ਚਾਹੀਦਾ ਹੈ। ਕਿਉਂ ਆਪ ਲੋਕ ਇਕੱਠੇ ਹੋ ਕੇ ਸਰਕਾਰ ਨੂੰ ਨਹੀਂ ਕਹਿ ਦਿੰਦੇ ਕਿ ਜਦੋਂ ਬਾਕੀ ਭਾਰਤੀ ਕਿਸਾਨਾਂ ਦਾ ਕਰਜਾ ਮੁਆਫ ਹੋਇਆ ਹੈ ਤਾਂ ਪੰਜਾਬ ਦੇ ਕਿਸਾਨ ਵੀ ਕਰਜਾ ਵਾਪਿਸ ਨਹੀਂ ਕਰਨਗੇ ਅਤੇ ਨਾਂ ਹੀ ਜਮੀਨ ਦੀ ਕੁਰਕੀ ਹੋਣ ਦੇਣਗੇ। ਪਰ ਇਸ ਲਈ ਸਿਰਫ ਕਰਜੇ ਹੇਠ ਅਇਆ ਕਿਸਾਨ ਹੀ ਨਹੀਂ ਸਗੋਂ ਸਾਰੇ ਕਿਸਾਨਾਂ ਨੂੰ ਇੱਕ ਮੰਚ ਉਂਪਰ ਆਉਣਾ ਹੋਵੇਗਾ। ਪਿੰਡ ਵਿੱਚ ਜੇਕਰ ਪੁਲਿਸ ਜਾਂ ਬੈਂਕ ਕਰਮਚਾਰੀ ਆਕੇ ਕਿਸੇ ਕਿਸਾਨ ਭਰਾ ਨਾਲ ਜਬਰਦਸਤੀ ਕਰਦੇ ਹਨ ਤਾਂ ਉਸੇ ਸਮੇਂ ਪੂਰੇ ਪਿੰਡ ਦੀ ਪੰਚਾਇਤ ਨੂੰ ਆਪਸੀ ਪਾਰਟੀਬਾਜੀ ਅਤੇ ਸ਼ਿਕਵੇ ਭੁਲਾਕੇ ਆਪਣੇ ਸਾਥੀ ਕਿਸਾਨ ਦਾ ਸਾਥ ਦੇਣਾ ਚਾਹੀਦਾ ਹੈ ਅਤੇ ਆਏ ਕਰਮਚਾਰੀਆਂ ਨੂੰ ਪਿੰਡ ਵਿੱਚੋਂ ਭਜਾ ਦੇਣਾ ਚਾਹੀਦਾ ਹੈ। ਸਾਡੀ ਇਹਨਾਂ ਕਰਮਚਾਰੀਆਂ ਨੂੰ ਵੀ ਹੱਥ ਜੋੜ ਕੇ ਅਪੀਲ ਹੈ ਕਿ ਸਮੇਂ ਦਾ ਕੁਝ ਪਤਾ ਨਹੀਂ ਹੁੰਦਾ ਕਿਸ ਵਕਤ ਚੰਗਾ ਜਾਂ ਮਾੜਾ ਆ ਜਾਵੇ ਸੋ ਆਪਾਂ ਸਾਰੇ ਭਰਾਵਾਂ ਨੇ ਮਿਲ ਕੇ ਪੰਜਾਬ ਦੀ ਜਮੀਨ ਅਤੇ ਪੰਜਾਬ ਦੇ ਕਿਸਾਨ ਨੂੰ ਬਚਾਉਣਾ ਹੈ। ਕਿਸਾਨ ਵੀਰਾਂ ਅੱਗੇ ਵੀ ਬੇਨਤੀ ਹੈ ਕਿ ਪਾਣੀ ਦੀ ਥੋੜ ਨੂੰ ਸਮਝਦੇ ਹੋਏ ਅਤੇ ਧਰਤੀ ਦੀ ਰਾਖੀ ਲਈ ਝੋਨੇ ਦੀ ਬਿਜਾਈ ਤੋਂ ਸੰਕੋਚ ਕਰਨ। ਯੁੱਥ ਖਾਲਸਾ ਫੈਡਰੇਸ਼ਨ ਸਦਾ ਕਿਸਾਨਾਂ ਦੇ ਮੋਢੇ ਨਾਲ ਮੋਢਾ ਜੋੜ ਕੇ ਖੜੀ ਹੋਵੇਗੀ ਅਤੇ ਹੋਰਨਾਂ ਪੰਥਕ ਅਤੇ ਗੈਰ ਪੰਥਕ ਜੱਥੇਬੰਦੀਆਂ ਨੂੰ ਵੀ ਦੋਵੇਂ ਹੱਥ ਜੋੜ ਬੇਨਤੀ ਹੈ ਕਿ ਸਾਨੂੰ ਕਿਸਾਨਾਂ ਦੀ ਹਰ ਜਾਇਜ ਮੰਗ ਅਤੇ ਜੱਦੋਜਹਿਦ ਵਿੱਚ ਉਹਨਾਂ ਦੇ ਨਾਲ ਖੜਨਾ ਚਾਹੀਦਾ ਹੈ ਅਤੇ ਜਮੀਨਾਂ ਦੀ ਕੁਰਕੀ ਹਰ ਕੀਮਤ ਤੇ ਰੋਕਣੀ ਚਾਹੀਦੀ ਹੈ।
ਭਾਈ ਦਲਜੀਤ ਸਿੰਘ ਬਿੱਟੂ ਨੇ ਅੱਜ ਭਾਈ ਸਿਮਰਨਜੀਤ ਸਿੰਘ ਮਾਨ ਨੂੰ ਇਕੱਠੇ ਇੱਕ ਪਲੇਟਫਾਰਮ ਤੇ ਆਉਣ ਦਾ ਜੋ ਸੱਦਾ ਦਿੱਤਾ ਹੈ ਉਹ ਬਹੁਤ ਹੀ ਸ਼ਲਾਘਾਯੋਗ ਕਦਮ ਹੈ। ਹੁਣ ਮਾਨ ਸਾਹਿਬ ਨੂੰ ਵੀ ਭਾਈ ਬਿੱਟੂ ਦਾ ਇਹ ਸੱਦਾ ਕਬੂਲ ਕਰਕੇ ਸਿੱਖਾਂ ਦੀ ਰਾਜਸੀ ਤਾਕਤ ਨੂੰ ਵਧਾਉਣਾ ਚਾਹੀਦਾ ਹੈ। ਸੋ ਉਹਨਾਂ ਅੱਗੇ ਬੇਨਤੀ ਹੈ ਕਿ ਉਹ ਇਸ ਸੱਦੇ ਨੂੰ ਮੰਨਦੇ ਹੋਏ ਭਾਈ ਬਿੱਟੂ ਦੀ ਪਾਰਟੀ ਨਾਲ ਮਿਲ ਕੇ ਚੋਣਾ ਲੜਨ। ਅੰਤ ਵਿੱਚ ਆਪਣੇ ਸਿੱਖ ਵੀਰਾਂ ਲਈ ਸੁਨੇਹਾ ਕਿ ਆਪਾਂ ਅਰਦਾਸ ਸਮੇਂ ਉਚਾਰਣ ਕਰਦੇ ਹਾਂ ‘ਨਾਨਕ ਨਾਮ ਚੜਦੀ ਕਲਾ ਤੇਰੇ ਭਾਣੇ ਸਰਬੱਤ ਦਾ ਭਲਾ’, ‘ਰਾਜ ਕਰੇਗਾ ਖਾਲਸਾ ਆਕੀ ਰਹੇ ਨਾ ਕੋਈ’ ਅਤੇ ‘ਨਨਕਾਣਾ ਸਾਹਿਬ ਤੇ ਹੋਰ ਗੁਰੂਦੁਆਰਿਆਂ ਗੁਰਧਾਮਾਂ ਦੇ ਜਿੰਨਾ ਤੋਂ ਪੰਥ ਨੂੰ ਵਿਛੋੜਿਆ ਗਿਆ ਹੈ ਦੇ ਖੁੱਲੇ ਦਰਸ਼ਨ ਦਿਦਾਰ ਬਖਸ਼ਣੇ ਜੀ’। ਹੁਣ ਆਪਾਂ ਜੇਕਰ ਇਹਨਾਂ ਕੀਤੀਆਂ ਬੇਨਤੀਆਂ, ਅਰਦਾਸਾਂ ਨੂੰ ਅਮਲੀ ਜਾਮਾਂ ਦਈਏ ਤਾਂ ਸਰਬੱਤ ਦੇ ਭਲੇ ਲਈ ਕਾਮਨਾ ਕੀਤੀ ਤਾਂ ਹੀ ਅਸਰ ਰੱਖਦੀ ਹੈ ਜੇਕਰ ਸਾਡੇ ਵਿੱਚ ਆਮ ਜਨਤਾ ਦਾ ਭਲਾ ਕਰਨ ਦੀ ਰਾਜਸੀ ਤਾਕਤ ਹੋਵੇ। ਇਕੱਲੇ ਧਾਰਮਿਕ ਪ੍ਰਕਿਰਿਆ ਨਾਲ ਅਸੀਂ ਨਕਸਲਬਾਦੀ ਪ੍ਰਭਾਵਿਤ ਖੇਤਰ ਵਿੱਚ ਅੰਨ, ਪਾਣੀ ਅਤੇ ਉਥੋਂ ਦੇ ਲੋਕਾਂ ਦੀ ਬੁਨਿਆਦੀ ਜਰੂਰਤਾਂ ਨੂੰ ਪੂਰਾ ਕਰਕੇ ਉਹਨਾਂ ਨੂੰ ਉਹਨਾਂ ਦੇ ਬਣਦੇ ਹੱਕ ਦੇ ਕਰਕੇ ਸ਼ਾਂਤੀ ਕਾਇਮ ਨਹੀਂ ਕਰ ਸਕਦੇ। ਬਿਨਾਂ ਰਾਜਸੀ ਤਾਕਤ ਤੋਂ ਸੁਰੱਖਿਆ ਏਜੰਸੀਆਂ ਦੀ ਲੋਕ ਭਲਾਈ ਲਈ ਵਰਤੋਂ ਨਹੀ ਹੋ ਸਕਦੀ ਅਤੇ ਬਿਨਾ ਰਾਜਸੀ ਅਤੇ ਫੌਜੀ ਤਾਕਤ ਤੋਂ ਨਨਕਾਣਾ ਸਾਹਿਬ ਦੇ ਖੁੱਲੇ ਰਾਸਤੇ ਨਹੀ ਮਿਲ ਸਕਦੇ।ਇਹ ਵਿਚਾਰ ਆਪ ਸਭ ਨਾਲ ਇਸ ਲਈ ਸਾਂਝੇ ਕੀਤੇ ਹਨ ਤਾਂ ਜੋ ਆਪਾਂ ਇਹਨਾਂ ਤੇ ਅਮਲੀ ਜਾਮਾਂ ਪਹਿਨਾਉਣ ਵੱਲ ਇੱਕ ਮੁੱਠ ਹੋ ਕੇ ਵੱਧ ਸਕੀਏ। ਮੈਂ, ਮੇਰੀ ਛੱਡ ਕੇ ਇੱਕ ਦੂਜੇ ਦੇ ਮੋਢੇ ਨਾਲ ਮੋਢਾ ਜੋੜ ਕੇ ਤੁਰਨਾ ਸਮੇਂ ਦੀ ਮੰਗ ਵੀ ਹੈ ਅਤੇ ਸਿੱਖ ਕੌਮ ਦੀ ਜਰੂਰਤ ਵੀ ਹੈ। ਆਪਸੀ ਗਿਲੇ, ਸ਼ਿਕਵੇ, ਸ਼ੰਕੇ ਸਭ ਪੰਥਕ ਏਕਤਾ ਤੋਂ ਬਹੁਤ ਹੇਠ ਹਨ। ਇਸ ਲਈ ਦੁਨੀਆ ਵਿੱਚ ਮਿਸਾਲ ਬਣ ਕੇ ਉਭਰਨਾ ਹੈ ਅਤੇ ਸਰਬੱਤ ਦੇ ਭਲੇ ਵਾਲਾ ਖਾਲਸਾਈ ਰਾਜ ਦੁਨੀਆ ਤੇ ਕਾਇਮ ਕਰਕੇ ਕੇਸਰੀ ਨਿਸ਼ਾਨ ਸਾਹਿਬ ਪੂਰੀ ਦੁਨੀਆ ਵਿੱਚ ਝੁਲਾਉਣ ਦਾ ਸੁਪਨਾ ਸਦਾ ਦਿਲੋ ਦਿਮਾਗ ਵਿੱਚ ਰੱਖ ਕੇ ਵਾਹਿਗੁਰੂ ਦਾ ਸਿਮਰਨ ਕਰਨਾ ਹੀ ਸਾਡਾ ਧਰਮ ਹੋਣਾ ਚਾਹੀਦਾ ਹੈ।
ਗੁਰਮੁਖੀ ਲਿਪੀ ਦਾ ਸਤਿਕਾਰ ਕਾਇਮ ਰੱਖਦੇ ਹੋਏ ਪੰਜਾਬ ਦੇ ਹਰ ਖੇਤਰ ਵਿੱਚ ਪੰਜਾਬੀ ਭਾਸ਼ਾ ਦੀ ਵਰਤੋਂ ਕਰਨ ਦੀ ਕਿਰਪਾਲਤਾ ਕਰਨੀ ਜੀ। ਆਪਣੀਆਂ ਗੱਡੀਆਂ, ਸਕੂਟਰਾਂ, ਮੋਟਰ-ਸਾਇਕਲਾਂ ਦੀਆਂ ਨੰਬਰ ਪਲੇਟਾਂ ਪੰਜਾਬੀ ਵਿੱਚ ਕਰੋ ਅਤੇ ਹੋਰਨਾਂ ਨੂੰ ਕਰਨ ਲਈ ਪ੍ਰੇਰੋ ਜੀ। “ਵਾਹਿਗੁਰੂ ਜੀ ਕਾ ਖਾਲਸਾ ਵਾਹਿਗੁਰੂ ਜੀ ਕੀ ਫਤਿਹ”