ਪੁਲੀਸ ਤਸ਼ੱਦਦ ਝੱਲ ਰਹੇ ਪ੍ਰਗਟ ਸਿੰਘ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇ – ਡੱਲੇਵਾਲ

ਲੰਡਨ- ਪੰਜਾਬ ਸਰਕਾਰ ਸਿੱਖ ਮਾਰੂ ਨੀਤੀਆਂ ਅਨੁਸਾਰ ਸਿੱਖ ਨੌਜਵਾਨਾਂ ਤੇ ਤਸ਼ੱਦਦ ਦਾ ਦੌਰ ਜਾਰੀ ਰੱਖ ਰਹੀ ਹੈ ਹੈ । ਸਿਰਸੇ ਵਾਲੇ ਝੂਠੇ ਸੌਦੇ ਦੇ ਵਪਾਰੀ ਤੇ ਹਮਲਾ ਕਰਨ ਦੇ ਦੋਸ਼ ਵਿੱਚ ਬਖਸ਼ੀਸ਼ ਸਿੰਘ ਬਾਬਾ ਦੀ ਗ੍ਰਿਫਤਾਰੀ ਦੀ ਆੜ ਹੇਠ ਸਿੱਖ ਨੌਜਵਾਨਾਂ ਨੂੰ ਹਰ ਰੋਜ਼ ਹੀ ਘਰਾਂ ਤੋਂ ਚੁੱਕ ਲਿਆ ਜਾਂਦਾ ਅਤੇ ਉਹਨਾਂ ਨੂੰ ਨਜ਼ਾਇਜ਼ ਹਿਰਾਸਤ ਵਿੱਚ ਰੱਖ ਕੇ ਭਾਰੀ ਤਸ਼ੱਦਦ ਕੀਤਾ ਜਾਂਦਾ ਹੈ , ਪ੍ਰਾਪਤ ਰਿਪੋਰਟਾਂ ਅਨੁਸਾਰ ਪੰਜਾਹ ਤੋਂ ਵੱਧ ਸਿੱਖ ਨੌਜਵਾਨ ਹਿਰਾਸਤ ਵਿੱਚ ਲਏ ਜਾ ਚੁੱਕੇ ਹਨ , ਕੁੱਝ ਇੱਕ ਨੂੰ ਉਹਨਾਂ ਦੇ ਵਾਰਸਾਂ ਤੋਂ ਮੋਟੀਆਂ ਰਕਮਾਂ ( ਫਿਰੌਤੀਆਂ ) ਲੈ ਕੇ ਛੱਡ ਦਿੱਤਾ ਜਾਂਦਾ ਹੈ ਅਤੇ ਕੁੱਝ ਖਿਲਾਫ ਪੁਲੀਸ ਆਪਣੇ ਕੋਲੋਂ ਨਜਾਇਜ਼ ਹਥਿਆਰਾਂ ਦੀ ਬਰਾਮਦੀ ਦਾ ਕੇਸ ਪਾ ਕੇ ਜਾਂ ਕਿਸੇ ਹੋਰ ਕੇਸ ਵਿੱਚ ਫਿੱਟ ਕੇ ਜੇਹਲ ਭੇਜ ਦਿੰਦੀ ਹੈ । ਯੂਨਾਈਟਿਡ ਖਾਸਲਾ ਦਲ ਯੂ,ਕੇ ਵਲੋਂ ਪੁਲੀਸ ਦੀ ਇਸ ਦਮਨਕਾਰੀ ਨੀਤੀ ਦਾ ਸਖਤ ਵਿਰੋਧ ਕਰਦਿਆਂ ਮਨੁੱਖੀ ਅਧਿਕਾਰਾਂ ਦੀ ਅਲੰਬਰਦਾਰ ਜਥੇਬੰਦੀਆਂ ਨੂੰ ਆਪਣਾ ਫਰਜ਼ ਪਛਾਨਣ ਦੀ ਅਪੀਲ ਕੀਤੀ ਗਈ ਹੈ । ਦਲ ਦੇ ਜਨਰਲ ਸਕੱਤਰ ਸ੍ਰ , ਲਵਸਿ਼ੰਦਰ ਸਿੰਘ ਡੱਲੇਵਾਲ ਨੇ ਦੋਸ਼ ਲਗਾਇਆ ਕਿ ਪਟਆਲੇ ਜਿਲ੍ਹੇ ਨਾਲ ਸਬੰਧਤ ਸ੍ਰ, ਪ੍ਰਗਟ ਸਿੰਘ ਸਪੁੱਤਰ ਸ੍ਰ, ਬਹਾਲ ਸਿੰਘ ਪਿੰਡ ਭਲਵਾਂ , ਧੂਰੀ ਨੂੰ ਪੁਲੀਸ ਦੇ ਪਿਛਲੇ ਪੰਦਰਾ ਦਿਨ ਤੋਂ ਗੈਰ ਕਨੂੰਨੀ ਹਿਰਾਸਤ ਵਿੱਚ ਰੱਖਿਆ ਹੋਇਆ ਹੈ । ਪੁਲੀਸ ਉਸ ਤੇ ਭਾਰੀ ਤਸ਼ੱਦਦ ਕਰਕੇ ਨਾਭਾ ਗੈਸ ਪਲਾਂਟ ਬੰਬ ਕੇਸ ਵਿੱਚ ਫਸਾਉਣ ਤੋਂ ਇਲਾਵਾ ਹੋਰ ਝੂਠੇ ਕੇਸਾਂ ਵਿੱਚ ਸ਼ਾਮਲ ਹੋਣ ਲਈ ਇਕਬਾਲ ਕਰਵਾ ਰਹੀ ਹੈ । ਜੋ ਕਿ ਬਹੁਤ ਹੀ ਨਿਦਣ ਯੋਗ ਅਤੇ ਭਾਰਤੀ ਲੋਕਤੰਤਰ ਦੇ ਮੱਥੇ ਤੇ ਕਲੰਕ ਦੀ ਨਿਆਂਈਂ ਹੈ । ਖਦਸ਼ਾ ਹੈ ਕਿ ਪੁਲੀਸ ਉਸ ਨੂੰ ਝੂਠੇ ਮੁਕਾਬਲੇ ਵਿੱਚ ਖਤਮ ਕਰ ਸਕਦੀ । ਸ੍ਰ, ਡੱਲੇਵਾਲ ਨੇ ਪ੍ਰਗਟ ਸਿੰਘ ਨੂੰ ਅਦਾਲਤ ਵਿੱਚ ਪੇਸ਼ ਕਰਨ ਦੀ ਮੰਗ ਕਰਦਿਆਂ ਕਿਹਾ ਕਿ ਪੁਲੀਸ ਅਧਿਕਾਰੀ ਅਜਿਹਾ ਕਰਕੇ ਪੈਸਾ ਅਤੇ ਤਰੱਕੀਆਂ ਹਾਸਲ ਕਰਨ ਦੀ ਹੋੜ ਵਿੱਚ ਸ਼ਾਮਲ ਹਨ । ਵਰਨਣਯੋਗ ਹੈ ਕਿ ਪਿਛਲੇ ਢਾਈ ਦਹਾਕਿਆਂ ਦੌਰਾਨ ਸਿੱਖ ਨੌਜਵਾਨਾਂ ਤੇ ਤਸ਼ੱਦਦ ਕਰਕੇ ਉਹਨਾਂ ਨੂੰ ਝੂਠੇ ਪੁਲੀਸ ਮੁਕਾਬਲਿਆਂ ਵਿੱਚ ਸ਼ਹੀਦ ਕਰਨ ਬਦਲੇ ਸਵਰਨੇ ਘੋਟਨੇ ਵਰਗੇ ਅਨੇਕਾਂ ਪੀ.ਪੀ.ਐੱਸ ਵਿਆਕਤੀ ਸਿਪਾਹੀ ਦੇ ਰੈਂਕ ਤੋਂ ਐੱਸ .ਐੱਸ.ਪੀ ਦੇ ਰੈਂਕ ਤੇ ਪਹੁੰਚ ਗਏ ਗਏ ਸਨ । ਜਦਕਿ ਕਿਹਾ ਜਾਂਦਾ ਹੈ ਸੀਨੀਅਰ ਸੁਪਰਡੈਂਟ ( ਐੱਸ .ਐੱਸ.ਪੀ ) ਲਈ ਆਈ.ਪੀ.ਐੱਸ ਦਾ ਹੋਣਾ ਜਰੂਰੀ ਹੂੰਦਾ ਹੈ ।

ਰਾਠੌਰ ਦੀ ਪੈਨਸ਼ਨ ਪੱਕੇ ਤੌਰ ‘ਤੇ ਬੰਦ

ਚੰਡੀਗੜ੍ਹ : 30 ਜੂਨ- ਰੁਚਿਕਾ ਨਾਲ ਛੇੜਛਾੜ ਦੇ ਮਾਮਲੇ ਵਿਚ ਦੋਸ਼ੀ ਹਰਿਆਣਾ ਦੇ ਸਾਬਕਾ ਡੀਜੀਪੀ ਐਸ ਪੀ ਐਸ ਰਾਠੌਰ ਦਾ ਪਹਿਲਾਂ ਕੇਂਦਰੀ ਗ੍ਰਹਿ ਮੰਤਰਾਲੇ ਨੇ ਮਾਰਚ ਮਹੀਨੇ ਵਿਚ ਪੁਲਿਸ ਮੈਡਲ ਵਾਪਸ ਲਿਆ ਤੇ ਹੁਣ ਕੇਂਦਰ ਸਰਕਾਰ ਨੇ ਉਸਦੀ ਪੈਨਸ਼ਨ ਪੱਕੇ ਤੌਰ ‘ਤੇ ਬੰਦ ਕਰਨ ਦਾ ਫੈਸਲਾ ਕੀਤਾ ਹੈ। ਕੇਂਦਰ ਸਰਕਾਰ ਨੇ ਇਹ ਫੈਸਲਾ ਰੁਚਿਕਾ ਨਾਲ ਛੇੜਛਾੜ ਮਾਮਲੇ ਵਿਚ ਰਾਠੌਰ ਨੂੰ ਸਜ਼ਾ ਸੁਣਾਏ ਜਾਣ ਤੋਂ ਬਾਅਦ ਲਿਆ ਹੈ। ਪੈਨਸ਼ਨ ਬੰਦ ਕਰਨ ਤੋਂ ਪਹਿਲਾਂ ਕੇਂਦਰ ਸਰਕਾਰ ਨੇ 1965 ਬੈਚ ਦੇ ਆਈਪੀਐਸ ਰਾਠੌਰ ਨੂੰ ਇਕ ਨੋਟਿਸ ਜਾਰੀ ਕੀਤਾ ਸੀ ਕਿ ਕਿਉਂ ਨਾ ਉਨ੍ਹਾਂ ਦੀ ਪੈਨਸ਼ਨ ਬੰਦ ਕਰ ਦਿੱਤੀ ਜਾਵੇ। ਕੇਂਦਰੀ ਗ੍ਰਹਿ ਮੰਤਰਾਲੇ ਨੇ ਇਸ ਤੋਂ ਇਲਾਵਾ ਯੂਨੀਅਨ ਪਬਲਿਕ ਸਰਵਿਸ ਕਮਿਸ਼ਨ ਅਤੇ ਪਰਸੋਨਲ ਵਿਭਾਗ ਤੋਂ ਰਾਠੌਰ ਨੂੰ ਦਿੱਤੀ ਜਾਣ ਵਾਲੀ ਪੈਨਸ਼ਨ ਤੇ ਹੋਰ ਸਹੂਲਤਾਂ ‘ਚ ਕਟੌਤੀ ਕਰਨ ਬਾਰੇ ਰਾਏ ਵੀ ਮੰਗੀ ਸੀ। ਰਾਠੌਰ ਇਸ ਸਮੇਂ ਬੁੜੈਲ ਜੇਲ੍ਹ ਵਿਚ ਬੰਦ ਹਨ, ਜਿਨ੍ਹਾਂ ਦੀ ਜ਼ਮਾਨਤ ‘ਤੇ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਵਿਚ ਸੁਣਵਾਈ ਕੱਲ ਹੋਣੀ ਹੈ। ਦੱਸਣਯੋਗ ਹੈ ਕਿ ਹਰਿਆਣਾ ਦੇ ਸਾਬਕਾ ਡੀਜੀਪੀ ਨੂੰ ਸੀਬੀਆਈ ਦੀ ਅਦਾਲਤ ਨੇ ਟੈਨਿਸ ਦੀ ਖਿਡਾਰਨ 14 ਸਾਲ ਦੀ ਰੁਚਿਕਾ ਗਿਰਹੋਤਰਾ ਨਾਲ 12 ਅਗਸਤ, 1990 ਨੂੰ ਪੰਚਕੂਲਾ ਵਿੱਚ ਛੇੜਛਾੜ ਮਾਮਲੇ ‘ਚ 19 ਸਾਲ ਬਾਅਦ 6 ਮਹੀਨੇ ਦੀ ਕੈਦ ਅਤੇ ਇੱਕ ਹਜ਼ਾਰ ਰੁਪਏ ਜੁਰਮਾਨੇ ਦੀ ਸਜ਼ਾ ਸੁਣਾਈ ਸੀ। ਇਸ ਤੋਂ ਬਾਅਦ ਰਾਠੌਰ ਨੇ ਜ਼ਿਲ੍ਹਾ ਅਤੇ ਸੈਸ਼ਨ ਜੱਜ ਕੋਲ ਇਸ ਫੈਸਲੇ ਦੇ ਖਿਲਾਫ ਅਪੀਲ ਕੀਤੀ ਸੀ, ਪਰ ਅਦਾਲਤ ਨੇ ਰਾਠੌਰ ਦੀ ਅਪੀਲ ਰੱਦ ਕਰਕੇ ਸੀਬੀਆਈ ਵੱਲੋਂ ਵਧ ਸ਼ਜ਼ਾ ਸੁਣਾਏ ਜਾਣ ਦੀ ਅਪੀਲ ‘ਤੇ ਫੈਸਲਾ ਦਿੰਦਿਆਂ ਰਾਠੌਰ ਦੀ ਸਜ਼ਾ 6 ਮਹੀਨੇ ਤੋਂ ਵਧਾ ਕੇ 18 ਮਹੀਨੇ ਕਰ ਦਿੱਤੀ ਸੀ।

ਦੇਸੀ ਰਾਜਨੀਤਕ ਪ੍ਰਧਾਨ ਮੰਤਰੀ ਨੂੰ ਮਿਲੇ
ਕੈਨੇਡਾ ਵਿੱਚ ਕੋਈ ਸਿੱਖ ਅੱਤਵਾਦ ਨਹੀਂ . . . ਧਾਲੀਵਾਲ

ਟਰਾਂਟੋ/ਡੇਲੀ ਬਿਊਰੋ/ਜੂਨ 28-2010- ਭਾਰਤ ਦੇ ਪ੍ਰਧਾਨ ਮੰਤਰੀ ਮਨਮੋਹਣ ਸਿੰਘ ਦੇ ਸੱਦੇ ਤੇ ਕੈਨੇਡਾ ਦੇ ਕੇਂਦਰੀ ਅਤੇ ਸੂਬਾਈ ਦੇਸੀ ਰਾਜਨੀਤਕ ਨਾਸ਼ਤੇ ਤੇ ਉਨ੍ਹਾਂ ਨੂੰ ਮਿਲੇ। ਐਮ ਪੀ ਨਵਦੀਪ ਸਿੰਘ ਬੈਂਸ, ਡਾ. ਰੂਬੀ ਢਾਲਾ, ਗੁਰਬਖਸ਼ ਸਿੰਘ ਮੱਲੀ, ਸੁੱਖ ਧਾਲੀਵਾਲ, ਨੀਨਾ ਗਰੇਵਾਲ, ਟਿਮ ਉੱਪਲ ਅਤੇ ਦਵਿੰਦਰ ਸ਼ੋਰੀ ਤੋਂ ਇਲਾਵਾ ਕੈਨੇਡਾ ਭਰ ਦੇ ਵੱਖ ਵੱਖ ਸੂਬਿਆਂ ਵਿੱਚ ਚੁਣੇ ਗਏ ਐਮ ਪੀ ਪੀਜ਼ ਇਸ ਮੀਟਿੰਗ ਵਿੱਚ ਸ਼ਾਮਲ ਹੋਏ।
ਭਰੋਸੇਯੋਗ ਸੂਤਰਾਂ ਤੋਂ ਪਤਾ ਲੱਗਾ ਹੈ ਕਿ ਇਸ ਮੀਟਿੰਗ ਵਿੱਚ ਦੀਪਕ ਓਬਰਾਏ ਨੇ ਕੈਨੇਡਾ ਸਰਕਾਰ ਵਲੋਂ, ਹਰਿੰਦਰ ਤੱਖੜ ਕੇ ਉਨਟਾਰੀਓ ਸਰਕਾਰ ਦੇ ਮੰਤਰੀ ਦੀ ਹੈਸੀਅਤ ਵਿੱਚ ਅਤੇ ਉੱਜਲ ਦੁਸਾਂਝ ਨੇ ਸੰਬੋਧਨ ਕੀਤਾ। ਇਹ ਤਿੰਨ ਸਪੀਕਰਾਂ ਦੀ ਚੋਣ ਭਾਰਤੀ ਹਾਈ ਕਮਿਸ਼ਨ ਦੇ ਅਮਲੇ ਵਲੋਂ ਕੀਤੀ ਗਈ ਸੀ। ਸ਼ੁਰੂ ਵਿੱਚ ਦੀਪਕ ਓਬਰਾਏ ਨੇ ਸੰਬੋਧਨ ਕੀਤਾ। ਇਸ ਕੈਨੇਡੀਅਨ ਐਮ ਪੀ ਨੂੰ ਕੈਨੇਡਾ ਦਾ ਘੱਟ ਅਤੇ ਭਾਰਤ ਦਾ ਕੁੱਝ ਜਿਆਦਾ ਹੀ ਫਿਕਰ ਰਹਿੰਦਾ ਹੈ। ਕੈਨੇਡਾ ਸਰਕਾਰ ਦੀ ਲਕੀਰ ਨੂੰ ਲੰਮਿਆਂ ਕਰਦਿਆਂ ਇਸਨੇ ਮਨਮੋਹਣ ਸਿੰਘ ਦੇ ਗੋਗੇ ਗਾਏ। ਸ੍ਰੀ ਹਰਿੰਦਰ ਤੱਖੜ ਨੇ ਇਸ ਮੌਕੇ ਸਿੱਖ ਭਾਈਚਾਰੇ ਦੇ ਮਸਲਿਆਂ ਨੂੰ ਬਾਖੂਬੀ ਨਾਲ ਰੱਖਿਆ ਜਿਸ ਵਿੱਚ ਕਾਲੀ ਸੂਚੀ, ਪੀ ਆਰ ਓ, ਪ੍ਰਾਪਰਟੀ ਮਸਲੇ ਅਤੇ ਫਰਾੜ ਵਿਆਹਾਂ ਦੇ ਮਾਮਲੇ ਸ਼ਾਮਲ ਹਨ। ਉਪਰੰਤ ਕੈਨੇਡਾ ਦੀ ਪਾਰਲੀਮੈਂਟ ਵਿੱਚ ਭਾਰਤ ਦੀ ਤੂਤਰੀ ਵਜਾਉਣ ਵਾਲੇ ਸ੍ਰੀ ਉੱਜਲ ਦੁਸਾਂਝ ਨੇ, ਉਨਟਾਰੀਓ ਦੇ ਮੰਤਰੀ ਹਰਿੰਦਰ ਤੱਖੜ ਦੀ ਗੱਲ ਦੀ ਕਾਟ ਕਰਨ ਦੀ ਨਾਕਾਮ ਕੋਸਿ਼ਸ਼ ਕੀਤੀ। ਆਦਤ ਤੋਂ ਮਜ਼ਬੂਰ ਸ੍ਰੀ ਦੁਸਾਂਝ, ਕਿਸੇ ਦੀ ਜ਼ੁਬਾਨ ਚੋਂ ਭਾਰਤੀ ਪ੍ਰਸਾਸ਼ਨ ਦੇ ਖਿਲਾਫ ਗੱਲ ਸੁਣਨ ਨੂੰ ਤਿਆਰ ਨਹੀਂ ਹਨ। ਦੁਸਾਂਝ ਨੇ ਘਸਿਆ ਪਿਟਿਆ ਰਾਗ ਅਲਾਦਪਿਆਂ ਮਨਮੋਹਣ ਸਿੰਘ ਦੇ ਸਿੱਖ ਅੱਤਵਾਦ ਬਾਰੇ ਦਿੱਤੇ ਨਿਰਾਧਾਰ ਬਿਆਨ ਦੀ ਸ਼ਲਾਘਾ ਕੀਤੀ।
ਗੁਰਬਖਸ਼ ਸਿੰਘ ਮੱਲੀ ਨੇ ਅਦਾਰਾ ਡੇਲੀ ਨੂੰ ਦੱਸਿਆ ਕਿ ਹਰ ਮੈਂਬਰ ਨੂੰ ਬਹੁਤਾ ਸਮ੍ਹਾਂ ਨਾ ਮਿਲਣ ਕਾਰਣ ਮਸਲੇ ਦੱਸੇ ਤਾਂ ਗਏ ਪਰ ਪ੍ਰਧਾਨ ਮੰਤਰੀ ਦਾ ਪ੍ਰਤੀਕਰਮ ਜਾਨਣ ਦਾ ਮੌਕਾ ਨਹੀਂ ਮਿਲਿਆ। ਪ੍ਰਧਾਨ ਮੰਤਰੀ ਵਲੋਂ ਕੈਨੇਡਾ ਵਿੱਚ ਆ ਕੇ ਸਿੱਖਾਂ ਨੂੰ ਬਦਨਾਮ ਕਰਨ ਦੇ ਮਨਸੂਬੇ ਨਾਲ ਦਿੱਤੇ ਬਿਆਨ ਨੂੰ ਮੂਲੋਂ ਨਕਾਰਦਿਆਂ ਸੁੱਖ ਧਾਲੀਵਾਲ ਨੇ ਮਨਮੋਹਣ ਸਿੰਘ ਨੂੰ ਦੱਸਿਆ ਕਿ ਉਨ੍ਹਾਂ ਦਾ ਇਹ ਬਿਆਨ ਕਿ ਕੈਨੇਡਾ ਵਿੱਚ ਸਿੱਖ ਅੱਤਵਾਦ ਪਨਪ ਰਿਹਾ ਹੈ “ਗਲਤ” ਹੈ। ਇਹ ਕੈਨੇਡਾ ਵਿੱਚ ਵਸਦੀ ਸਿੱਖ ਕਮਿਊਨਟੀ ਦਾ ਪ੍ਰਤੀਬਿੰਬ ਨਹੀਂ ਹੈ।
ਮੈਂਬਰ ਪਾਰਲੀਮੈਂਟ ਸੁੱਖ ਧਾਲੀਵਾਲ ਨੇ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਨਾਲ ਇਸ ਬੰਦ ਕਮਰਾ ਮੀਟਿੰਗ, ਜਿਸ ਵਿਚ ਹੋਰ ਐਮ. ਪੀ. ਅਤੇ ਐਮ. ਪੀ ਪੀਜ਼ ਵੀ ਸ਼ਾਮਲ, ਆਹਮੋ ਸਾਹਮਣੇ ਪਿਛਲੇ ਕਾਫੀ ਸਮੇਂ ਤੋਂ ਲਟਕਦੇ ਦੋ ਪ੍ਰਮੁੱਖ ਮਸਲੇ ਉਠਾਏ। ਉਹਨਾਂ ਕਿਹਾ ਕਿ ਮੈਂ ਪ੍ਰਧਾਨ ਮੰਤਰੀ ਨੂੰ ਸਪਸ਼ਟ ਕੀਤਾ ਕਿ ਕੈਨੇਡਾ ਦੇ ਸਿੱਖ ਭਾਈਚਾਰੇ ਵਿਚ ਵੱਧ ਰਹੇ ਅੱਤਵਾਦ ਦੇ ਜੋ ਦੋਸ਼ ਉਨ੍ਹਾਂ ਵਲੋਂ ਲਗਾਏ ਜਾ ਰਹੇ ਹਨ, ਉਹ ਬਿਲਕੁਲ ਨਿਰਾਧਾਰ ਹਨ। ਇਹ ਸਿੱਖ ਭਾਈਚਾਰੇ ਨੂੰ ਬਦਨਾਮ ਕਰਨ ਦੀ ਸਾਜ਼ਿਸ਼ ਹੈ। ਇਸ ਮੀਟਿੰਗ ਦਰਮਿਆਨ ਪ੍ਰਧਾਨ ਮੰਤਰੀ ਨੂੰ 1984 ਦੇ ਸਿੱਖ ਕਤਲੇਆਮ ਦੇ ਦੋਸ਼ੀਆਂ ਨੂੰ ਸਜ਼ਾਵਾਂ ਦੇਣ ਦੀ ਮੰਗ ਕਰਦਿਆਂ ਭਾਰਤ ਸਰਕਾਰ ਦੁਆਰਾ ਮੁਲਕ ਵੱਲੋਂ ਵਾਪਰੀਆਂ ਘਟਨਾਵਾਂ ਉੱਤੇ ਮੁਆਫੀ ਮੰਗਣ ਦੀ ਮੰਗ ਰੱਖੀ। ਉਹਨਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ 1984 ਦੇ ਕਤਲੇਆਮ ਦੇ ਪੀੜਤਾਂ ਨੂੰ ਮੁਆਵਜ਼ਾ ਦਿੱਤਾ ਗਿਆ ਹੈ।
ਧਾਲੀਵਾਲ ਨੇ ਕਿਹਾ ਕਿ ਇਸ ਮੁਲਾਕਾਤ ਦਰਮਿਆਨ ਕੈਨੇਡਾ ਵਿਚ ਭਾਰਤੀ ਭਾਈਚਾਰੇ ਖਾਸ ਕਰਕੇ ਸਿੱਖ ਭਾਈਚਾਰੇ ਦੀਆਂ ਉਪਲਬਧੀਆਂ ਬਾਰੇ ਵੀ ਦੱਸਿਆ ਗਿਆ। ਸ੍ਰੀ ਧਾਲੀਵਾਲ ਨੇ ਕਿਹਾ ਕਿ ਇਹ ਮੁਲਾਕਾਤ ਬਹੁਤ ਹੀ ਵਧੀਆ ਅਤੇ ਸੁਖਾਵੇਂ ਮਾਹੌਲ ਵਿਚ ਹੋਈ ਅਤੇ ਅਸੀਂ ਉਹ ਸਾਰੇ ਮਸਲੇ ਉਠਾਏ, ਜਿਹਨਾਂ ਦੀ ਅਜੋਕੇ ਸਮੇਂ ਵਿਚ ਲੋੜ ਹੈ। ਉਹਨਾਂ ਕਿਹਾ ਕਿ ਕੈਨੇਡਾ ਦੇ ਸਿੱਖਾਂ ਨੂੰ ਵੱਖਵਾਦੀ ਦੱਸ ਕੇ ਸਿਰਫ ਬਦਨਾਮ ਹੀ ਕੀਤਾ ਜਾ ਰਿਹਾ ਹੈ, ਜਦਕਿ 1984 ਦੇ ਕਤਲੇਆਮ ਦੇ ਦੋਸ਼ੀਆਂ ਨੂੰ ਕੁਝ ਵੀ ਨਹੀਂ ਕਿਹਾ ਜਾ ਰਿਹਾ। ਉਹਨਾਂ ਕਿਹਾ ਕਿ ਦੋਵੇਂ ਮੁਲਕਾਂ ਵਿਚਕਾਰ ਵਪਾਰਕ ਸਬੰਧ ਇਕ ਵਧੀਆ ਸੰਕੇਤ ਹਨ ਪਰ ਇਸ ਵਿਚਕਾਰ ਸਿੱਖਾਂ ਦੀ ਅਣਦੇਖੀ ਨਹੀਂ ਕੀਤੀ ਜਾ ਸਕਦੀ।
ਇਸ ਮੀਟਿੰਗ ਦਰਮਿਆਨ ਪ੍ਰਧਾਨ ਮੰਤਰੀ ਅਤੇ ਡਾ. ਰੂਬੀ ਢਾਲਾ ਨੇ ਭਾਰਤ ਅਤੇ ਕੈਨੇਡਾ ਵਿਚਕਾਰ ਵਪਾਰਕ, ਸਿੱਖਿਆ ਅਤੇ ਸਿਹਤ ਸਬੰਧੀ ਸੰਭਾਵਨਾਵਾਂ ਉਤੇ ਵਿਚਾਰ ਵਟਾਂਦਰਾ ਕੀਤਾ ਅਤੇ ਦੋਵੇਂ ਮੁਲਕਾਂ ਵਿਚਕਾਰ ਛੋਟਾ ਅਤੇ ਮੱਧਮ ਦਰਜੇ ਦੇ ਵਪਾਰ ਸਬੰਧੀ ਸੰਭਾਵਨਾਵਾਂ ਲੱਭਣ ਬਾਰੇ ਸਹਿਮਤੀ ਜ਼ਾਹਿਰ ਕੀਤੀ।
ਇਸ ਦਰਮਿਆਨ ਡਾ. ਢਾਲਾ ਨੇ ਪ੍ਰਾਪਰਟੀ ਅਧਿਕਾਰ, ਇੰਮੀਗ੍ਰੇਸ਼ਨ ਕੰਸਲਟੈਂਟਸ ਫਰਾਡ ਅਤੇ ਨਕਲੀ ਵਿਆਹਾਂ ਦਾ ਮਸਲਾ ਵੀ ਉਠਾਇਆ। ਢਾਲਾ ਨੇ ਕਿਹਾ ਕਿ ਭਾਰਤ ਕੈਨੇਡਾ ਨਾਲ ਇਕ ਦੁਵੱਲਾ ਐਗਰੀਮੈਂਟ ਕੈਨੇਡਾ ਕਰੇ ਤਾਂ ਜੋ ਸੀਨੀਅਰ ਇੰਮੀਗ੍ਰੈਂਟ ਨੂੰ ਕੈਨੇਡਾ ਵਿਚ ਓਲਡਏਜ਼ ਸਕਿਊਨਰਟੀ ਪੈਨਸ਼ਨ ਮਿਲ ਸਕੇ। ਡਾ. ਢਾਲਾ ਨੇ ਔਰਤਾਂ ਦੀਆਂ ਸਮੱਸਿਆਵਾਂ ਅਤੇ ਨਕਲੀ ਵਿਆਹਾਂ ਬਾਰੇ ਵਿਚਾਰ ਵਟਾਂਦਰਾ ਕੀਤਾ।
ਗੁਰਬਖਸ਼ ਸਿੰਘ ਮੱਲੀ ਨੇ ਇਸ ਮੀਟਿੰਗ ਵਿੱਚ ਭਾਰਤ ਦੇ ਪ੍ਰਧਾਨ ਮੰਤਰੀ ਨੂੰ ਕਾਲੀਆਂ ਸੂਚੀਆਂ ਦੀ ਹਕੀਕਤ ਪੇਸ਼ ਕਰਨ ਦੀ ਮੰਗ ਕੀਤੀ। ਉਨ੍ਹਾਂ ਕਿਹਾ ਕਿ ਕਾਲੀ ਸੂਚੀ ਵਿੱਚ ਕਿਸ ਮਨੁੱਖ ਦਾ ਨਾਮ ਹੈ ਅਤੇ ਉਸਦਾ ਕੀ ਦੋਸ਼ ਹੈ, ਇਹ ਲੋਕਤੰਤਰੀ ਰਾਜ ਦੀ ਪ੍ਰਕ੍ਰਿਆ ਹੋਣੀ ਚਾਹੀਦੀ ਹੈ। ਏਅਰ ਇੰਡੀਆ ਬੰਬ ਕਾਂਡ ਦੀ ਕੈਨੇਡਾ ਵਲੋਂ ਕਰਵਾਈ ਇਨਕੁਆਰੀ ਨੂੰ ਅਧੂਰੀ ਦੱਸਦਿਆਂ ਮੱਲੀ ਨੇ ਮਨਮੋਹਣ ਸਿੰਘ ਨੂੰ ਕਿਹਾ ਕਿ ਭਾਰਤ ਸੱਚ ਜਾਨਣ ਲਈ ਅੰਤਰਰਾਸ਼ਟਰੀ ਪੱਧਰ ਤੇ ਇਨਕੁਆਰੀ ਕਰਵਾਵੇ। ਸ੍ਰ. ਗੁਰਬਖਸ਼ ਸਿੰਘ ਮੱਲੀ ਨੇ ਪ੍ਰਧਾਨ ਮੰਤਰੀ ਨੂੰ 1984 ਦੀ ਸਿੱਖ ਨਸਲਕੁਸ਼ੀ ਬਾਰੇ ਕਿਹਾ ਕਿ ਕਾਤਲਾਂ ਨੂੰ ਸਜ਼ਾਵਾਂ ਦੁਆਉਣ ਦਾ ਮਾਮਲਾ ਵੀ ਪ੍ਰਧਾਨ ਮੰਤਰੀ ਨਾਲ ਸਾਂਝਾ ਕੀਤਾ। ਉਨ੍ਹਾਂ ਕਿਹਾ ਕਿ ਕਮਿਸ਼ਨ ਤੇ ਕਮਿਸ਼ਨ ਬਿਠਾਉਣ ਦੀ ਬਜਾਏ ਕੋਈ ਠੋਸ ਨਤੀਜੇ ਪੈਦਾ ਕੀਤੇ ਜਾਣ ਅਤੇ ਵਿਕਟਮ ਪ੍ਰੀਵਾਰਾਂ ਦੀ ਮਦਦ ਕੀਤੀ ਜਾਵੇ।
ਇਸ ਤੋਂ ਇਲਾਵਾ ਮੱਲੀ ਨੇ ਦੱਸਿਆ ਕਿ ਮੈਂ ਥੋੜੇ ਸਮ੍ਹੇਂ ਅੰਦਰ ਹੋਰ ਵੀ ਮਸਲੇ ਉਠਾਏ ਹਨ ਜਿੰਨ੍ਹਾਂ ਵਿੱਚ ਐਨ ਆਰੀ ਆਈ ਦੀਆਂ ਜਾਇਦਾਦਾਂ ਬਾਰੇ ਹੋ ਰਹੀਆਂ ਧਾਂਦਲੀਆਂ, ਵਿਆਹਾਂ ਵਿੱਚ ਧੋਖਾਧੜੀ, ਓਲਡਏਜ ਸਕਿਊਰਟੀ ਪੈਨਸ਼ਨ ਲਈ ਭਾਰਤ ਵਲੋਂ ਕੈਨੇਡਾ ਨਾਲ ਦੁਵੱਲੀ ਸੰਧੀ, ਕੈਨੇਡਾ ਦੇ ਨਾਗਰਿਕਾਂ ਨੂੰ ਪੀ ਆਰ ਓ ਭਾਵ ਭਗੌੜੇ ਕਰਾਰ ਦਿੱਤੇ ਜਾਣ ਬਾਰੇ ਜਾਂਚ ਕਰਵਾਉਣੀ ਤਾਂ ਕਿ ਜਾਲ਼ਸਾਜ਼ੀ ਨਾਲ ਦਾਇਰ ਕੀਤੇ ਗਏ ਕੇਸਾਂ ਨੂੰ ਰੱਦ ਕੀਤਾ ਜਾਣਾ ਆਦਿ ਸ਼ਾਮਲ ਹਨ। ਗੁਰਬਖਸ਼ ਸਿੰਘ ਮੱਲੀ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਮਨਮੋਹਣ ਸਿੰਘ ਨੇ ਕਿਸੇ ਗੱਲ ਤੇ ਕੋਈ ਪ੍ਰਤੀਕਰਮ ਨਹੀਂ ਦਿੱਤਾ ਕਿਉਂਕਿ ਸਮ੍ਹਾਂ ਬਹੁਤ ਥੋੜਾ ਸੀ। ਮੱਲੀ ਨੇ ਸਿੱਖ ਅੱਤਵਾਦ ਬਾਰੇ ਪ੍ਰਧਾਨ ਮੰਤਰੀ ਵਲੋਂ ਦਿੱਤੇ ਬਿਆਨ ਬਾਰੇ ਕੋਈ ਚਰਚਾ ਨਹੀਂ ਕੀਤੀ।
ਅਲਬਰਟਾ ਦੇ ਐਮ ਐਲ ਏ ਪੀਟਰ ਸੰਧੂ ਨੇ ਕਿਹਾ ਕਿ ਇਹ ਚੁਣੇ ਗਏ ਦੇਸੀ ਰਾਜਨੀਤਕਾਂ ਦੀ ਪ੍ਰਧਾਨ ਮੰਤਰੀ ਮਨਮੋਹਣ ਸਿੰਘ ਨਾਲ ਮੀਟਿੰਗ ਇੱਕ ਪੱਖੋਂ ਇਤਹਾਸਕ ਸੀ। ਇਸ ਮੀਟਿੰਗ ਨੇ ਸਿੱਧ ਕਰ ਦਿੱਤਾ ਹੈ ਕਿ ਕੈਨੇਡਾ ਵਿੱਚ ਉੱਜਲ ਅਤੇ ਦੀਪਕ ਤੋਂ ਬਿਨ੍ਹਾਂ ਵੀ 2 ਦਰਜਨਾਂ ਚੁਣੇ ਹੋਏ ਨੁਮਾਇੰਦੇ ਹਨ ਜਿਹੜੇ ਸਿੱਖ ਭਾਈਚਾਰੇ ਦੀ ਨੁਮਾਇੰਦਗੀ ਕਰ ਸਕਦੇ ਹਨ।
ਵਰਨਣਯੋਗ ਹੈ ਕਿ ਵਿੱਕ ਢਿਲੋਂ ਤੋਂ ਬਿਨ੍ਹਾਂ ਸਮੂਹ ਮੈਂਬਰ ਇਸ ਮੀਟਿੰਗ ਵਿੱਚ ਸ਼ਾਮਲ ਸਨ ਅਤੇ ਹਰ ਇੱਕ ਨੇ ਮਨਮੋਹਣ ਸਿੰਘ ਨਾਲ 2-3 ਮਿੰਟ ਗੱਲ ਕੀਤੀ ਹੈ। ਇਹ ਵੀ ਮੰਨਿਆ ਜਾ ਰਿਹਾ ਹੈ ਕਿ 2-3 ਭਾਰਤੀ ਕਰਿੰਦੇ ਰਾਜਨੀਤਕਾਂ ਤੋਂ ਬਿਨ੍ਹਾਂ ਬਾਕੀਆਂ ਸਾਰੇ ਮੈਂਬਰਾਂ ਨੇ ਪ੍ਰਧਾਨ ਮੰਤਰੀ ਕੋਲ ਕਾਲੀਆਂ ਸੂਚੀਆਂ, ਸਿੱਖ ਅੱਤਵਾਦ ਦਾ ਝੂਠਾ ਢੰਡੋਰਾ ਅਤੇ ਫਰਾਡ ਵਿਆਹਾਂ ਦਾ ਮੁੱਦੇ ਉਠਾਏ ਹਨ।

ਸ਼ਾਂਤਮਈ ਢੰਗ ਨਾਲ ਆਪਣੇ ਹੱਕ ਮੰਗਣ ਵਾਲੇ ਅੱਤਵਾਦੀ ਨਹੀਂ ਹੁੰਦੇ

ਕਨੇਡਾ ਵਿੱਚ ਪ੍ਰਧਾਨ ਮੰਤਰੀ ਡਾ:ਮਨਮੋਹਣ ਸਿੰਘ ਨੇ ਚਾਣਕਿਯਾ ਨੀਤੀ ਤਹਿਤ ਨਵੰਬਰ84 ਦੇ ਲਈ ਮਾਫੀ ਮੰਗ ਕੇ ਵਿਦੇਸ਼ੀ ਸਰਕਾਰਾਂ ਅੱਗੇ ਹਿੰਦੋਸਤਾਨ ਦਾ ਅਕਸ ਸੁਧਾਰਨ ਦਾ ਯਤਨ ਕੀਤਾ,ਪਰ ਇਹ ਸਿਂਖ ਵਿਰੋਧੀ ਦੰਗੇ ਨਹੀਂ ਬਲਕਿ ਸਿਂਖ ਕਤਲੇਆਮ ਸੀ।ਭਾਰਤ ਦੇ ਦੋਹਾ ਸਦਨਾ ਵਿੱਚ ਇਹ ਮਤਾ ਪਾਸ ਕਰਕੇ ਇਸਦੇ ਪੀੜਤਾਂ ਨੂੰ ਮੁਕੰਮਲ ਰੂਪ ਵਿੱਚ ਇਨਸਾਫ ਦੇਣ ਦੀ ਬਜਾਏ ਮਗਰਮੱਛ ਦੇ ਹੰਝੂ ਵਹਾੳੋਣ ਨਾਲ ਇਹ ਕਲੰਕ ਹਿੰਦ ਹਕੂਮਤ ਦੇ ਮਂਥੇ ਤੋਂ ਨਹੀਂ ਲਹਿਣਾਂ।ਸ਼ਹੀਦਾਂ ਦੇ ਸਿਰਤਾਜ ਗੁਰੁ ਅਰਜਨ ਦੇਵ ਜੀ ਦੀ ਸ਼ਹਾਦਤ ਤੋਂ ਲੈ ਕੇ ਸਿਂਖ ਕੌਮ ਉਪਰ ਜ਼ਬਰ ਜ਼ੁਲਮ ਦੀ ਇਕ ਲੰਬੀ ਦਾਸਤਾਨ ਹੈ।ਪਹਿਲਾਂ ਸਿੰਘਾਂ ਦੀ ਮੁਖਬਰੀ ਕਰਨ ਵਾਲੇ ਦੀਵਾਨ ਚੰਦੂ,ਗੰਗੂ ਅਤੇ ਦੀਵਾਨ ਸੁੱਚਾ ਨੰਦ ਦੇ ਰੂਪ ਵਿੱਚ ਹੀ ਸਨ ਅਫਸੋਸ ਅੱਜ ਸਿਂਖੀ ਸਰੂਪ ਵਿੱਚ ਵੀ ਜਾਬਰ ਤੇ ਮੁਖਬਰ ਵਿਚਰ ਰਹੇ ਹਨ।ਡਾ: ਮਨਮੋਹਣ ਸਿੰਘ ਵਲੋਂ ਪ੍ਰਧਾਨ ਮੰਤਰੀ ਦਾ ਅਹੁਦਾ ਸੰਭਾਲਣ ਮੌਕੇ ਭੋਲੇਪਣ ਵਿੱਚ ਕਈ ਸਿਂਖ ਲੱਡੂ ਵੰਡ ਕੇ ਖੁਸ਼ੀਆਂ ਮਨਾ ਰਹੇ ਸਨ ਕਿ ਅੰਤਰਰਾਸ਼ਟਰੀ ਪਂਧਰ ਤੇ ਦਸਤਾਰਅਤੇ ਸਿਂਖ ਦੀ ਅਮਨਪੰਦ ਨਾਗਰਿਕਾਂ ਵਜੋਂ ਪਹਿਚਾਣ ਬਣੇਗੀ।ਪਰ ਰਾਜ ਸੱਤਾ ਅਤੇ ਪ੍ਰਸ਼ਾਸਨਿਕ ਅਹੁਦਿਆਂ ਦਾ ਨਸ਼ਾਂ ਇਸ ਕਦਰ ਹਾਵੀ ਹੁੰਦਾਂ ਹੈ ਕਿ ਇਨਸਾਨ ਆਪਣੀ ਕੌਮ ਨਾਲ ਗਦਾਰੀ ਕਰਨ ਤੇ ਉਤਾਰੂ ਹੋ ਜਾਂਦਾ ਹੈ।ਇਸੇ ਵਹਿਣ ਵਿੱਚ ਵਹਿ ਕੇ ਡਾ: ਮਨਮੋਹਣ ਸਿੰਘ ਨੇ ਕਨੇਡਾ ਵਿੱਚ ਸਿਂਖਾਂ ਨੂੰ ਅਤਵਾਦੀ ਸਾਬਤ ਕਰਨ ਦਾਹਰ ਹੀਲਾ ਹਰਬਾ ਵਰਤਿਆ ਹੈ।ਪਰ ਕਨੇਡਾ ਦੇ ਸਿੱਖ ਵਧਾਈ ਦੇ ਪਾਤਰ ਹਨ ਜਿਨ੍ਹਾਂ ਨੇ ਵਿਸ਼ਾਲ ਰੋਹ ਮੁਜਾਹਾਰ ਕਰਕੇ ਉਥੋਂ ਦੇ ਰਹਿਣ ਵਾਲੇ ਲੋਕਾਂ ਅਤੇ ਸਰਕਾਰ ਨੂੰ ਕੌਮ ਤੇ ਹੋ ਰਹੇ ਜ਼ੁਲਮ ਤੋਂ ਜਣੂ ਕਰਵਾਈਆ ਹੈ,ਅਤੇ ਪਾਰਲੀਮੈਂਟ ਵਿੱਚ ਪਟੀਸ਼ਨ ਦਾਈਰ ਕਰਵਾਈ ਹੈ।ਸ਼ਾਤਮਈ ਢੰਗ ਨਾਲ ਆਪਣੇ ਹੱਕ ਮੰਗਣ ਵਾਲੇ ਅੱਤਵਾਦੀ ਨਹੀਂ ਹੁੰਦੇ ਸਹੀ ਅਰਥਾਂ ਵਿੱਚ ਡੈਮੋਕ੍ਰੇਟਿਕ ਦੇਸ਼ਾਂ ਦੀਆਂ ਸਰਕਾਰਾਂ ਇਹ ਜਾਣਦੀਆਂ ਹਨ।ਪਰ ਹਿੰਦੋਸਤਾਨ ਵਿੱਚ ਜਿਥੇ ਬਹੁਗਿਣਤੀ ਕੌਮ ਅਤੇ ਘੱਟਗਿਣਤੀ ਕੌੰਮ ਲਈ ਅਲੱਗ ਅਲੱਗ ਕਨੂੰਨੀ ਪਹੁੰਚ ਅਤੇ ਪੈਮਾਨੇ ਅਪਨਾਏ ਜਾਂਦੇ ਹਨ,ਉਥੇ ਕੁਝ ਵੀ ਸੰਭਵ ਹੈ।ਸ਼੍ਰੌਮਣੀ ਅਕਾਲੀ ਦਲ ਅੰਮ੍ਰਿਤਸਰ ਯੂ.

ਰਾਠੌਰ ਨੂੰ ਨਹੀਂ ਮਿਲੀ ਰਾਹਤ, ਸੁਣਵਾਈ ਕੱਲ੍ਹ ਤੱਕ ਲਈ ਟਲੀ

ਚੰਡੀਗੜ੍ਹ, 29 ਜੂਨ : ਰੁਚਿਕਾ ਛੇੜਛਾੜ ਮਾਮਲੇ ਵਿਚ ਲਗਪਗ ਇਕ ਮਹੀਨੇ ਤੋਂ ਬੁੜੈਲ ਜੇਲ੍ਹ ਵਿਚ ਬੰਦ ਹਰਿਆਣਾ ਦੇ ਸਾਬਕਾ ਪੁਲਿਸ ਮੁਖੀ ਐਸ.ਪੀ.ਐਸ. ਰਾਠੌਰ ਨੂੰ ਅਦਾਲਤ ਤੋਂ ਅੱਜ ਵੀ ਕੋਈ ਰਾਹਤ ਨਾ ਮਿਲ ਸਕੀ। ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ ਨੇ ਰਾਠੌਰ ਦੀ ਪਟੀਸ਼ਨ 'ਤੇ ਸੁਣਵਾਈ 1 ਜੁਲਾਈ ਤੱਕ ਲਈ ਟਾਲ ਦਿੱਤੀ ਹੈ। ਇਸ ਪਟੀਸ਼ਨ ਵਿਚ ਰੁਚਿਕਾ ਛੇੜਛਾੜ ਮਾਮਲੇ ਵਿਚ ਦਿੱਤੀ ਗਈ 18 ਮਹੀਨੇ ਦੀ ਸਜ਼ਾ ਨੂੰ ਚੁਣੌਤੀ ਦਿੱਤੀ ਗਈ ਸੀ। ਅੱਜ ਸੁਣਵਾਈ ਦੌਰਾਨ ਰਾਠੌਰ ਦੀ ਵਕੀਲ ਪਤਨੀ ਆਭਾ, ਭੈਣ ਨੀਰਜਾ, ਸੀ.ਬੀ.ਆਈ. ਦੇ ਵਕੀਲ ਅਜੇ ਕੌਸ਼ਿਕ, ਮਾਮਲੇ ਵਿਚ ਸ਼ਿਕਾਇਤਕਰਤਾ ਲੜਕੀ ਅਰਾਧਨਾ ਦੇ ਪਿਤਾ ਆਨੰਦ ਪ੍ਰਕਾਸ਼, ਰੁਚਿਕਾ ਦੇ ਪਿਤਾ ਐਸ.ਸੀ. ਗਿਰਹੋਤਰਾ ਪਰਿਵਾਰ ਦੇ ਵਕੀਲ ਪੰਕਜ ਭਾਰਦਵਾਜ ਅਦਾਲਤ ਵਿਚ ਮੌਜੂਦ ਸਨ।

ਹਿੰਦੂ ਦਹਿਸ਼ਤਗਰਦੀ ਤੇ ਭਾਰਤ ਸਰਕਾਰ ਦੇ ਅਤੱਵਾਦ ਬਾਰੇ ਕੌਣ ਬੋਲੇਗਾ ਪ੍ਰਧਾਨ ਮੰਤਰੀ ਜੀ !

ਸੈਨ ਫ਼ਰਾਂਸਿਸਕੋ (ਬਲਵਿੰਦਰਪਾਲ ਸਿੰਘ ਖ਼ਾਲਸਾ) ਮਨੁੱਖਤਾ ਵਿਰੋਧੀ ਪ੍ਰਣਾਲੀ ਬ੍ਰਾਹਮਣਵਾਦ ਦੇ ਪ੍ਰਬੰਧ ਅਧੀਨ ਚਲਾਏ ਜਾ ਰਹੇ ਭਾਰਤੀ ਦੇਸ਼, ਜੋ 1947 ਵਿਚ ਕਰੋੜਾਂ ਨਿਰਦੋਸ਼ ਲੋਕਾਂ ਦੀਆਂ ਜਾਨਾਂ ਲੈ ਕੇ ਅਖੌਤੀ ਅਜ਼ਾਦ ਹੋਏ ਭਾਰਤ ਦੇਸ਼ ਦੇ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਨੂੰ ਸਿੱਖਾਂ ਦੀ ਬਹਾਦਰੀ, ਜਾਂਬਾਜ਼ੀ ਤੇ ਅਜ਼ਾਦ ਰਹਿਣ ਵਾਲੇ ਮੇਹਨਤੀ ਸੁਭਾਅ ਤੋਂ ਏਨੀ ਚਿੜ ਤੇ ਨਫ਼ਰਤ ਹੋ ਗਈ ਹੈ ਕਿ ਉਨਾਂ ਨੂੰ ਕੈਨੇਡਾ ਵਿਚ ਹਰ ਸੁਖੀ ਵੱਸਦਾ ਸਿੱਖ ਤੇ ਸਿੱਖ ਪਰਵਾਰ ਦਹਿਸ਼ਤਵਾਦੀ ਨਜ਼ਰ ਆਉਣ ਲੱਗ ਪਿਆ ਹੈ, ਇਸੇ ਕਰਕੇ ਉਹ ਜਦੋਂ ਵੀ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਨਾਬ ਹਾਰਪਰ ਨੂੰ ਮਿਲਦਾ ਹੈ ਤਾਂ ਲਗਦੇ ਹੱਥ ਹੀ ਸਿੱਖਾਂ ਨੂੰ ਦਹਿਸ਼ਤ ਪਸੰਦ ਕਹਿਣਾ ਸ਼ੁਰੂ ਕਰ ਦਿੰਦਾ ਹੈ ਤੇ ਅੱਗੋਂ ਕੈਨੇਡਾ ਵਰਗੇ ਮਨੁੱਖੀ ਅਧਿਕਾਰਾਂ ਦੇ ਚੈਂਪੀਅਨ ਦੇਸ਼ ਕੈਨੇਡਾ ਦੇ ਸਾਊ ਤੇ ਸਿਆਣੇ ਪ੍ਰਧਾਨ ਮੰਤਰੀ ਹੱਸ ਕੇ ਟਾਲ ਦਿੰਦੇ ਹਨ, ਕਿਉਂਕਿ ਉਹ ਜਾਣਦੇ ਕਿ ਭਾਰਤ ਦੇ ਪ੍ਰਧਾਨ ਮੰਤਰੀ ਦੇ ਬਿਆਨ ਵਿਚ ਰਤਾ ਭਰ ਵੀ ਸਚਾਈ ਨਹੀਂ।
ਇਸ ਗੱਲ ਨੂੰ ਸਾਰਾ ਜੱਗ ਜਾਣਦਾ ਹੈ ਕਿ ਹਿੰਦੋਸਤਾਨ ਦੀ ਹਕੂਮਤ ਦੇ ਹੱਥ ਸਿੱਖਾਂ, ਇਸਾਈਆਂ, ਦਲਿਤਾਂ, ਮੁਸਲਮਾਨਾਂ ਤੇ ਹੋਰ ਘੱਟ ਗਿਣਤੀਆਂ ਦੇ ਲਹੂ ਨਾਲ ਰੰਗੇ ਹੋਏ ਹਨ। ਸਿੱਖਾਂ, ਦਲਿਤਾਂ, ਮੁਸਲਮਾਨਾਂ ਤੇ ਇਸਾਈਆਂ ਨੂੰ ਲਗਾਤਾਰ ਨਸਲਕੁਸ਼ੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਖ਼ਾਸ ਤੌਰ ਤੇ ਸਿੱਖ ਕੌਮ, ਸਿੱਖ ਧਰਮ, ਸਿੱਖ ਸਭਿਆਚਾਰ, ਪੰਜਾਬੀ ਬੋਲੀ-ਲਿੱਪੀ ਤੇ ਪੰਜਾਬ ਦੀ ਧਰਤੀ ਦੀ ਹੋਂਦ ਹਿੰਦੋਸਤਾਨੀ ਹਾਕਮਾਂ ਕੋਲੋਂ ਖ਼ਤਰਾ ਲਗਾਤਾਰ ਵਧ ਰਿਹਾ ਹੈ। 1984 ਜੂਨ ਤੇ ਨੰਵਬਰ ਵਿਚ ਸਿੱਖ ਕੌਮ ਦਾ ਕਤਲੇਆਮ ਭਾਰਤੀ ਸਰਕਾਰ, ਇਸਦੀ ਫ਼ੌਜ, ਪੁਲੀਸ ਤੇ ਹਿੰਦੂ ਦਹਿਸ਼ਤਗਰਦਾਂ ਦੁਆਰਾ ਕਰਵਾਇਆ ਗਿਆ। ਸਿੱਖਾਂ ਨੂੰ ਕਤਲ ਕਰਨ ਲਈ ਹਥਿਆਰ ਤੱਕ ਭਾਰਤੀ ਸਰਕਾਰ ਨੇ ਕਾਂਗਰਸੀ, ਆਰ.ਐਸ.ਐਸ ਭਾਜਪਾ, ਸ਼ਿਵ ਸੈਨਾ ਤੇ ਬੰਜਰੰਗ ਦਲ ਦੇ ਅੱਤਵਾਦੀਆਂ ਨੂੰ ਦਿੱਤੇ। ਪੁਲੀਸ ਨੇ ਸਿੱਖਾਂ ਨੂੰ ਨਿਹੱਥੇ ਕਰਕੇ ਆਪਣੀ ਹਾਜ਼ਰੀ ਵਿਚ ਹਿੰਦੂ ਦਹਿਸ਼ਤਗਰਦਾਂ ਕੋਲੋਂ ਸਿੱਖਾਂ ਦਾ ਨਸਲਘਾਤ ਕਰਵਾਇਆ। ਹਜ਼ਾਰਾਂ ਨੌਜਵਾਨ ਸਿੱਖ ਭਾਰਤੀ ਸਰਕਾਰ ਦੁਆਰਾ ਝੂਠੇ ਪੁਲਿਸ ਮੁਕਾਬਲਿਆਂ ਵਿਚ ਸ਼ਹੀਦ ਕਰ ਦਿੱਤੇ ਗਏ ਤੇ ਪਰਵਾਰਾਂ ਦੇ ਪਰਵਾਰ ਉਜਾੜ ਦਿੱਤੇ ਗਏ। ਭਾਰਤੀ ਜਨਤਾ ਪਾਰਟੀ ਦੇ ਅਟੱਲ ਬਿਹਾਰੀ ਬਾਜਪੇਈ ਦੇ ਪ੍ਰਧਾਨ ਮੰਤਰੀ ਹੁੰਦਿਆਂ ਗੁਜਰਾਤ ਦੇ ਸਭ ਤੋਂ ਵਡੇ ਸਰਕਾਰੀ ਅੱਤਵਾਦੀ ਮੁੱਖ ਮੰਤਰੀ ਨਰਿੰਦਰ ਮੋਦੀ ਨੇ ਹਜ਼ਾਰਾਂ ਮੁਸਲਮਾਨਾਂ ਦਾ ਪੁਲੀਸ ਦੁਆਰਾ ਤੇ ਹਿੰਦੂ ਦਹਿਸ਼ਤਗਰਦਾਂ ਕੋਲੋਂ ਕਤਲੇਆਮ ਕਰਵਾਇਆ। ਪ੍ਰਧਾਨ ਮੰਤਰੀ ਜੀ,
ਤੁਹਾਡੇ ਪ੍ਰਧਾਨ ਮੰਤਰੀ ਹੁੰਦਿਆਂ ਹੀ ਕੰਧਮਾਲ ਵਿਚ ਇਸਾਈਆਂ ਦਾ ਕਤਲੇਆਮ ਤੁਹਾਡੀ ਪੁਲੀਸ ਤੇ ਹਿੰਦੂ ਉਗਰਵਾਦੀਆਂ ਦੀ ਮਿਲੀਭੁਗਤ ਨਾਲ ਕਰਵਾਇਆ ਗਿਆ। ਉਦੋਂ ਤੁਹਾਡੀ ਜ਼ਬਾਨ ਚੋਂ ਇਕ ਵੀ ਲਫ਼ਜ਼ ਨਹੀਂ ਨਿਕਲਿਆ। ਅਮਰੀਕਾ ਨੇ ਤਾਂ ਸਰਕਾਰੀ ਦਹਿਸ਼ਤਗਰਦ ਨਰਿੰਦਰ ਮੋਦੀ ਨੂੰ ਵੀਜ਼ਾ ਦੇਣ ਤੋਂ ਕੋਰੀ ਨਾਂਹ ਕਰ ਦਿੱਤੀ ਪਰ ਤੁਸੀਂ ਉਸਦੇ ਵੀਜ਼ੇ ਵਾਸਤੇ ਅਮਰੀਕਾ ਸਰਕਾਰ ਦੇ ਤਰਲੇ ਕਰਦੇ ਰਹੇ। ਘੱਟ ਗਿਣਤੀਆਂ ਦੇ ਖ਼ੂਨ ਦੇ ਪਿਆਸੇ ਨਰਿੰਦਰ ਮੋਦੀ ਦੇ ਹੱਕ ਵਿਚ ਖਲੋ ਕੇ ਤੁਸਾਂ ਬਹੁਤ ਵਡਾ ਗੁਨਾਹ ਕੀਤਾ।
ਤੁਸੀਂ ਜੇ ਇਨੇ ਹੀ ਸਾਊ ਤੇ ਈਮਾਨਦਾਰ ਹੁੰਦੇ ਤਾਂ ਹੁਣ ਤੱਕ ਨਰਿੰਦਰ ਮੋਦੀ ਤੇ ਦੂਜੇ ਹਿੰਦੂ ਖੂੰਖਾਰ ਉਗਰਵਾਦੀਆਂ ਨੂੰ ਫ਼ਾਂਸੀ ਦੇ ਦੇਣੀ ਚਾਹੀਦੀ ਸੀ ਪਰ ਕਿਉਂਕਿ ਤੁਹਾਡੀ ਜ਼ਬਾਨ ਬ੍ਰਾਹਮਣਵਾਦੀ ਸਿਸਟਮ ਨੇ ਖਰੀਦ ਲਈ ਹੈ ਇਸ ਲਈ ਤੁਹਾਡੇ ਕੋਲੋਂ ਤੁਹਾਡੇ ਹੀ ਧਰਮ ਭਰਾਵਾਂ ਵਿਰੁੱਧ ਬਿਆਨ ਦੁਆ ਕੇ ਤੁਹਾਨੂੰ ਆਪਣੇ ਭਾਈਚਾਰੇ ਦੇ ਸਿੱਖ ਇਤਿਹਾਸ ਵਿਚ ਕਲੰਕਿਤ ਕੀਤਾ ਜਾ ਰਿਹਾ ਹੈ ਤੇ ਤੁਹਾਨੂੰ ਖ਼ਬਰ ਨਹੀਂ ਤੇ ਜਾਂ ਤੁਸੀਂ ਮਚਲੇ ਹੋ। ਅਸੀਂ ਇਕ ਦਸਤਾਰਧਾਰੀ ਨੂੰ ਸੰਸਾਰ ਦੇ ਮੁਖੀਆਂ ਦੀ ਭੀੜ ਵਿਚ ਮਿਲਦੀ ਪ੍ਰਵਾਨਗੀ ਵੇਖ ਕੇ ਨਾਂ ਬਹੁਤੇ ਖੁਸ਼ ਹੁੰਦੇ ਸੀ ਤੇ ਨਾ ਨਾਰਾਜ਼, ਕਿਉਂਕਿ ਅਸੀਂ ਇਸ ਗੱਲ ਦੀ ਉਡੀਕ ਕਰ ਰਹੇ ਸੀ ਕਿ ਇਹ ਦਸਤਾਰਧਾਰੀ ਪ੍ਰਧਾਨ ਮੰਤਰੀ, ਭਾਰਤ ਸਰਕਾਰ ਦੁਆਰਾ ਗ਼ੁਲਾਮ ਬਣਾ ਕੇ ਰੱਖੀ ਸਿੱਖ ਕੌਮ ਦੀ ਬੇਹਤਰੀ ਵਾਸਤੇ ਕੀ ਬੋਲਦਾ ਹੈ ਪਰ ਹੁਣ ਜਦੋਂ ਤੁਸੀਂ ਅੰਤਰਰਾਸ਼ਟਰੀ ਮੰਚ ਤੇ ਆਪਣੀ ਹੀ ਕੌਮ ਵਿਰੁੱਧ ਕੁਫ਼ਰ ਤੋਲਣਾ ਸ਼ੁਰੂ ਕਰ ਦਿੱਤਾ ਹੈ ਤਾਂ ਸਾਨੂੰ ਹੈਰਾਨੀ ਨਹੀਂ ਹੋਈ ਕਿਉਂਕਿ ਅਸੀਂ ਰਾਸ਼ਟਰਪਤੀ ਜ਼ੈ&%2