ਯੰਗ ਸਪੋਰਟਸ ਕਲੱਬ ਵਲੋਂ ਕਬੱਡੀ ਨੂੰ ਰੌਜ਼ਰ ਸੈਂਟਰ ਵਿੱਚ ਪਹੁੰਚਣਾ ਇਤਹਾਸਿਕ ਮੰਨਿਆ ਜਾਵੇਗਾ
ਪੰਜਾਬੀ ਡੇਲੀ ਦੇ ਪੱਤਰਕਾਰ ਬੱਬੀ ਮੰਡੇਰ ਦੀ ਕਲਮ ਦੀ ਚਰਚਾ ਰਹੀ
ਕਬੱਡੀ ਕੈਨੇਡਾ ਕੱਪ ਤੇ ਉਨਟਾਰੀਓ ਦਾ ਕਬਜਾ, ਬੀ ਸੀ ਦੀ ਟੀਮ ਵਾਲੇ ਨਿਰਾਜ਼ ਗਏ
ਰੌਜ਼ਰ ਸੈਂਟਰ, ਸੰਤਾ ਬੰਤਾ ਅਤੇ ਘੁੱਗੀ ਦਰਸ਼ਕਾਂ ਦੀ ਗਿਣਤੀ ਨਹੀਂ ਵਧਾ ਸਕੇ

ਟਰਾਂਟੋ/ਸੁਖਮਿੰਦਰ ਸਿੰਘ ਹੰਸਰਾ/ਅਗਸਤ 16-2009- ਯੰਗ ਸਪੋਰਟਸ ਕਲੱਬ ਵਲੋਂ ਕਰਵਾਇਆ ਗਿਆ ਕਬੱਡੀ ਕੈਨੇਡਾ ਕੱਪ ਤੇ ਉਨਟਾਰੀਓ ਦੀ ਟੀਮ ਨੇ ਕਬਜਾ ਕਰ ਲਿਆ ਹੈ, ਜਦੋਂ ਕਿ ਮਾਮੂਲੀ ਵਿਵਾਦ ਦੇ ਬਾਵਜੂਦ ਬੀ ਸੀ ਦੀ ਟੀਮ ਦੂਸਰੇ ਸਥਾਨ ਤੇ ਰਹੀ। ਯੰਗ ਸਪੋਰਟਸ ਕਲੱਬ ਵਲੋਂ ਕਬੱਡੀ ਨੂੰ ਰੌਜ਼ਰ ਸੈਂਟਰ ਵਿੱਚ ਪਹੁੰਚਾਉਣਾ ਇਤਹਾਸਿਕ ਮੰਨਿਆ ਜਾਵੇਗਾ, ਕਿਉਂਕਿ ਕਬੱਡੀ ਦੇ ਇਤਹਾਸ ਵਿੱਚ ਕੈਨੇਡਾ ਦੇ ਸਭ ਤੋਂ ਵੱਡੇ ਸਟੇਡੀਅਮ ਵਿੱਚ ਇਸ ਪੇਂਡੂ ਖੇਡ ਨੂੰ ਐਨਾ ਸਤਿਕਾਰ ਮਿਲਿਆ ਵੇਖ ਕੇ ਹਰ ਪੰਜਾਬੀ ਗਦ ਗਦ ਕਰ ਉੱਠਿਆ। ਨਿਰਸੰਦੇਹ ਇਸ ਕੱਪ ਵਿੱਚ ਆਮ ਕੱਪਾਂਧ ਨਾਲੋਂ ਕੁੱਝ ਜਿਆਦਾ ਮੁਸ਼ਕਲਾਂ ਵੇਖਣ ਨੂੰ ਮਿਲੀਆਂ ਪਰ ਵਿਆਹ ਵਿੱਚ ਅਕਸਰ ਅਿਜਹਾ ਹੋ ਹੀ ਜਾਂਦਾ ਹੈ। ਇਹ ਵੀ ਕਹਿਣਾ ਸਹੀ ਹੋਵੇਗਾ ਕਿ ਇਹ ਕੱਪ, ਕਲੱਬਾਂ ਦੀ ਪ੍ਰਬੰਧ ਕਰਨ ਦੀ ਯੋਗਤਾ ਲਈ ਇਮਤਿਹਾਨ ਮੰਨਿਆ ਜਾਦਾ ਹੈ ਅਤੇ ਹਰ ਮਹਿਮਾਨ, ਖਿਡਾਰੀ, ਸਪਾਂਸਰ ਅਤੇ ਦਰਸ਼ਕ ਕਲੱਬ ਦੀ ਯੋਗਤਾ ਨੂੰ ਪਹਿਲ ਦੇ ਆਧਾਰ ਤੇ ਮਾਪ ਸਕਦਾ ਹੈ। ਅਦਾਰਾ ਡੇਲੀ ਦਾ ਮੁਲਾਂਕਣ ਬੜਾ ਸਪੱਸ਼ਟ ਹੈ ਕਿ ਮਹਿਮਨਾਨਿਵਾਜ਼ੀ ਵਿੱਚ ਕਲੱਬ ਦੀ ਹਾਲਤ ਬੜੀ ਪਤਲੀ ਸੀ। ਜੱਸੀ ਸਰਾਏ ਅਤੇ ਰਾਣਾ ਸਿੱਧੂ ਤੋਂ ਇਲਾਵਾ ਜਿਆਦਾ ਵਲੰਟੀਅਰ ਖੁਦ ਮਹਿਮਾਨਾਂ ਵਾਂਗੂੰ ਵਿਚਰ ਰਹੇ ਸੀ।
ਸਵੇਰੇ ਪ੍ਰੇਡ ਤੋਂ ਬਾਅਦ ਕਬੱਡੀ ਦਾ ਕਾਰਜ ਸ਼ੁਰੂ ਹੋਇਆ ਜਿਸ ਵਿੱਚ ਸਭ ਤੋਂ ਪਹਿਲਾਂ ਅੰਡਰਾ 21 ਦੀਆਂ ਦੋ ਟੀਮਾਂ ਦਾ ਸ਼ੋਅ ਮੈਚ ਹੋਇਆ।
ਪਹਿਲਾਂ ਮੈਚ ਯੂ ਐਸ ਏ ਅਤੇ ਇੰਡੀਆ ਦਰਮਿਆਨ ਹੋਇਆ ਜਿਸ ਵਿੱਚ ਇੰਡੀਆ ਦੀ ਟੀਮ 39-31 ਦੇ ਫਰਕ ਨਾਲ ਜਿੱਤ ਗਈ। ਦੂਸਰਾ ਮੈਚ ਕੈਨੇਡਾ ਵੈਸਟ (ਬੀ ਸੀ) ਅਤੇ ਇੰਗਲੈਂਡ ਦਰਮਿਆਨ ਖੇਡਿਆ ਗਿਆ ਜਿਸ ਵਿੱਚ 30-41 ਦੇ ਫਰਕ ਨਾਲ ਕੈਨੇਡਾ ਵੈਸਟ (ਬੀ ਸੀ) ਦੀ ਟੀਮ ਜੇਤੂ ਰਹੀ। ਤੀਸਰਾ ਮੈਚ ਕੈਨੇਡਾ ਈਸਟ ਅਤੇ ਯੂ ਐਸ ਏ ਦਰਮਿਆਨ ਖੇਡਿਆ ਗਿਆ ਜਿਸ ਵਿੱਚ 29-32 ਸੇ ਫਰਕ ਨਾਲ ਕੈਨੇਡਾ ਈਸਟ ਦੀ ਟੀਮ ਜੇਤੂ ਰਹੀ। ਇਥੇ ਇਹ ਵਰਨਣਯੋਗ ਹੈ ਕਿ ਇਸ ਮੈਚ ਵਿੱਚ ਜਬਰਦਸਤ ਕਬੱਡੀ ਖੇਡੀ ਗਈ ਅਤੇ ਅਮਰੀਕਾ ਦੀ ਟੀਮ ਨੂੰ ਘੱਟੋ ਘੱਟ 8 ਜੱਫੇ ਲੱਗੇ।
ਚੌਥਾ ਮੈਚ ਇੰਗਲੈਂਡ ਅਤੇ ਨਾਰਵੇ ਦਰਮਿਆਨ ਖੇਡਿਆ ਗਿਆ। ਨਾਰਵੇ ਦੀ ਟੀਮ, ਪਾਕਿਸਤਾਨ ਦੀ ਟੀਮ ਨੂੰ ਵੀਜ਼ਾ ਨਾ ਮਿਲਣ ਕਾਰਣ ਖੜੇ ਪੈਰ ਤਿਆਰ ਕਰਨੀ ਪਈ ਸੀ ਜਿਸ ਕਰਕੇ ਇਸ ਟੀਮ ਤੋਂ ਜਿਆਦਾ ਆਸ ਨਹੀਂ ਸੀ ਰੱਖੀ ਜਾ ਸਕਦੀ। ਇਸ ਮੈਚ ਨੂੰ ਇੰਗਲੈਂਡ ਨੇ 32-37 ਦੇ ਫਰਕ ਨਾਲ ਜਿੱਤ ਲਿਆ ਅਤੇ ਇੰਗਲੈਂਡ ਸੈਮੀ ਫਾਈਨਲ ਵਿੱਚ ਪਹੁੰਚ ਗਈ।
ਇਸ ਟੂਰਨਾਮੈਂਟ ਦਾ ਪਹਿਲਾ ਸੈਮੀ ਫਾਈਨਲ ਇੰਡਆ ਅਤੇ ਕੈਨੇਡਾ ਵੈਸਟ ਦਰਮਿਆਨ ਖੇਡਿਆ ਗਿਆ ਜਿਸ ਵਿੱਚ ਵੈਨਕੂਵਰ 38-41 ਦੇ ਫਰਕ ਨਾਲ ਜਿੱਤ ਕੇ ਫਾਈਨਲ ਵਿੱਚ ਪੁੱਜ ਗਈ। ਉਧਰੋਂ ਦੂਸਰਾ ਸੈਮੀ ਫਾਈਨਲ ਕੈਨੇਡਾ ਈਸਟ ਅਤੇ ਇੰਗਲੈਂਡ ਦਰਮਿਆਨ ਹੋਇਆ। ਇੰਗਲੈਂਡ ਦੇ ਗੁਰਦਾਸਪੁਰੀਏ ਮੱਲ ਨੂੰ ਉਨਟਾਰੀਓ ਦੇ ਮੰਗੀ ਵਲੋਂ ਲਾਇਆ ਜੱਫਾ ਇਸ ਮੈਚ ਦਾ ਸਭ ਤੋਂ ਯਾਦਗਾਰ ਜਫਾ ਹੋ ਨਿਬੜਿਆ। ਇਹ ਮੈਚ ਇਕ ਪਾਸੜ ਸੀ ਜਿਸ ਨੂੰ 53-27 ਦੇ ਫਰਕ ਨਾਲ ਉਨਟਾਰੀਓ ਭਾਵ ਕੈਨੇਡਾ ਈਸਟ ਨੇ ਜਿੱਤ ਲਿਆ। ਉਨਟਾਰੀਓ ਦੇ ਸੈਮੀ ਫਾਈਨਲ ਜਿੱਤਣ ਦਾ ਮਤਲਬ ਸੀ ਕਿ ਹੁਣ ਫਾਈਨਲ ਵਿੱਚ ਕੈਨੇਡਾ ਦੀਆਂ ਦੋਵੇਂ ਟੀਮਾਂ ਨੇ ਆਪਸ ਵਿੱਚ ਭਿੜਨਾ ਸੀ। ਇਸ ਪਾਸੇ ਕਿੰਦਾ ਬਿਹਾਰੀਪੁਰੀਆ ਅਤੇ ਗੁਰਲਾਲ ਧਾਵੀ ਸੀ ਅਤੇ ਦੂਸਰੇ ਪਾਸੇ ਸੁਖੀ ਸਰਾਵਾਂ ਵਾਲਾ, ਸਨਦੀਪ ਸੁਰਖਪੁਰੀਆ, ਲੱਖਾ ਅਤੇ ਸੁੱਖੀ ਲੱਖਣਕੇ ਪੱਡਾ ਸੀ। ਇਸ ਟੂਰਨਾਮੈਂਟ ਵਿੱਚ ਸੰਤਾ ਅਤੇ ਬੰਤਾ ਦੀ ਬੋਰਿੰਗ ਆਈਟਮ ਦਰਸ਼ਕਾਂ ਨੂੰ ਪ੍ਰਭਾਵਿਤ ਨਾ ਕਰ ਸਕੀ, ਜਦੋਂ ਕਿ ਗੁਰਪ੍ਰੀਤ ਘੁੱਗੀ ਨੇ ਦਰਸ਼ਕਾਂ ਨੂੰ ਹਸਾ ਹਸਾ ਕੇ ਉਨ੍ਹਾਂ ਦੇ ਢਿੱਡੀਂ ਪੀੜਾਂ ਪਾ ਦਿੱਤੀਆਂ। ਇਸ ਟੂਰਨਾਮੈਂਟ ਵਿੱਚ ਵੱਖ ਵੱਖ ਰਾਜਨੀਤਕਾਂ ਨੇ ਹਾਜਲਰੀ ਲੁਆਈ ਜਿਸ ਤੋਂ ਇਹ ਸਿੱਧ ਹੁੰਦਾ ਹੈ ਕਿ ਰਾਜਨੀਤਕ ਲੋਕ ਕਬੱਡੀ ਦੇ ਮਹੱਤਵ ਨੂੰ ਸਮਝਦੇ ਹਨ।
ਉਨਟਾਰੀਓ ਦੇ ਡਿਪਟੀ ਪ੍ਰੀਮੀਅਰ ਜਾਰਜ ਸਮਿਦਰਮੈਨ ਨੇ ਜਿਥੇ ਦਰਸ਼ਕਾਂ ਨੂੰ ਇਸ ਟੂਰਨਾਮੈਂਟ ਲਈ ਵਧਾਈ ਦਿੱਤੀ ਉਥੇ ਉਨ੍ਹਾਂ ਨੇ ਯੰਗ ਸਪੋਰਟਸ ਕਲੱਬ ਨੂੰ 5 ਹਜ਼ਾਰ ਡਾਲਰ ਦੇਣ ਦਾ ਐਲਾਨ ਕਰਕੇ ਇਹ ਸਿੱਧ ਕਰ ਦਿੱਤਾ ਕਿ ਜਾਰਜ ਸਮਿਦਰਮੈਨ ਸਾਡੇ ਭਾਈਚਾਰੇ ਦਾ ਕਿੰਨਾ ਕਦਰਦਾਨ ਹੈ। ਲਿਬਰਲ ਪਾਰਟੀ ਦੇ ਆਗੂ ਮਾਈਕਲ ਇਗਨਾਚੀਅਫ ਤੋਂ ਇਲਾਵਾ ਬੌਨੀ ਕਰਾਂਮਬੀ, ਟਿੱਮ ਉਪਲ, ਅੰਮ੍ਰਿਤ ਮਾਂਗਟ, ਵਿੱਕ ਢਿਲੋਂ, ਵਿੱਕੀ ਢਿਲੋਂ, ਗੁਰਬਖਸ਼ ਸਿੰਘ ਮੱਲੀ, ਕੈਨੇਡਾ ਦੇ ਪਬਲਿਕ ਸੇਫਟੀ ਮਨਿਸਟਰ ਪੀਟਰ ਵੇਨ ਲੋਨ, ਕੰਸਰਵੇਟਿਵ ਪਾਰਟੀ ਦੇ ਪ੍ਰਧਾਨ ਡੌਨ ਪਲਿੱਟ,ਮਿਸੀਸਾਗਾ ਐਰਨਡੇਲ ਦੇ ਐਮ ਪੀ ਬੌਬ ਡੈਕਰਟ ਤੋਂ ਇਲਾਵਾ ਬਰੈਂਪਟਨ ਸਪਰਿੰਗਡੇਲ ਦੇ ਕੰਸਰਵੇਟਿਵ ਉਮੀਦਵਾਰ ਪਰਮ ਨੇ ਸ਼ਮੂਲੀਅਤ ਕੀਤੀ। ਪਰਮ ਗਿੱਲ ਨੇ ਇਸ ਟੂਰਨਾਮੈਂਟ ਨੂੰ ਨੇਪਰੇ ਚਾੜਨ ਵਿੱਚ ਕਾਫੀ ਯੋਗਦਾਨ ਪਾਇਆ ਹੈ। ਪ੍ਰਬੰਧਕਾਂ ਨੇ ਵਾਰ ਵਾਰ ਪਰਮ ਗਿੱਲ ਦਾ ਇਸ ਲਈ ਵੀ ਧੰਨਵਾਦ ਕੀਤਾ, ਕਿ ਇਸ ਕੱਪ ਵਿੱਚ ਆਉਣ ਵਾਲੇ ਖਿਡਾਰੀਆਂ ਨੂੰ ਵੀਜ਼ਾ ਸੇਵਾਵਾਂ ਮੁਹਈਆ ਕਰਾਉਣ ਵਿੱਚ ਪਰਮ ਗਿੱਲ ਨੇ ਅਹਿਮ ਭੂਮਿਕਾ ਨਿਭਾਈ ਹੈ।
ਗੁਰਪ੍ਰੀਤ ਘੁੱਗੀ ਨੇ ਕਿਹਾ ਕਿ ਉਸ ਨੇ ਸਾਰੀ ਜਿ਼ੰਦਗੀ ਕਬੱਡੀ ਵੇਖੀ ਹੈ ਪਰ ਰੌਜ਼ਰਜ਼ ਸੈਂਟਰ ਵਿੱਚ ਹੋ ਰਹੀ ਕਬੱਡੀ ਸਭ ਤੋਂ ਅਹਿਮ ਅਤੇ ਉਪਰ ਹੈ। ਘੁੱਗੀ ਨੇ ਕਿਹਾ ਕਿ ਪਹਿਲਾਂ ਮੈਂ ਰੌਜ਼ਰਜ਼ ਸੈਂਟਰ ਨੂੰ ਸੀ ਐਨ ਟਾਵਰ ਤੋਂ ਵੇਖਿਆ ਸੀ ਕਿ ਆਹ ਕੋਈ ਭਾਡਾ ਜਿਹਾ ਮੂਧਾ ਮਾਰਿਆ ਪਿਆ ਹੈ ਪਰ ਅੱਜ ਇਸਦੇ ਅੰਦਰ ਆ ਕੇ ਇਸਦੀ ਸੁੰਦਰਤਾ ਨੂੰ ਵੇਖਿਆ ਹੈ। ਯੰਗ ਸਪੋਰਟਸ ਕਲੱਬ ਦੀ ਵਿੱਤੀ ਸਮੱਸਿਆ ਬਾਰੇ ਲਤੀਫਾ ਸੁਣਾਇਆ ਕਿ ਸਾਡੇ ਪਿੰਡ ਵਿੱਚ ਕਿਸੇ ਨੇ ਘੜੁੱਕਾ ਪਾ ਲਿਆ। ਮੈਂ ਉਸਨੂੰ ਪੁਛਿਆ ਕਿ ਚਾਚਾ ਕਿਵੇਂ ਕਮਾਈ ਬਗੈਰਾ ਠੀਕ ਠਾਕ ਹੈ ਤਾਂ ਉ ਕਹਿੰਦਾ ਕਿ 400 ਕੁ ਸੌ ਰੁਪਏ ਬਣ ਜਾਦੇ ਹਨ। 200 ਸੌ ਪੁਲੀਸ ਵਾਲੇ ਲੈ ਜਾਂਦੇ ਹਨ ਅਤੇ ਬਾਕੀ ਦਾ ਤੇਲ ਬਗੇਰਾ ਲੱਗ ਜਾਂਦਾ ਹੈ ਤੇ ਆਪਣੇ ਪੱਲੇ ਤਾਂ ਝੂਟੇ ਹੀ ਪੈਂਦੇ ਹਨ ਇਵੇਂ ਯੰਗ ਸਪੋਰਟਸ ਕਲੱਬ ਵਾਲਿਆਂ ਦੇ ਪੱਲੇ ਝੂਟੇ ਹੀ ਪੈਣੇ ਹਨ।
ਗੁਰਪ੍ਰੀਤ ਘੁੱਗੀ ਵਲੋਂ ਸ੍ਰੀ ਗੁਰੂ ਗੋਬਿੰਦ ਸਿੰਘ ਦਾ ਜਿ਼ਕਰ ਕਰਦਿਆਂ ਦੱਸਿਆ ਕਿ ਸਿੱਖ ਕੌਮ ਦੀ ਚੜਦੀ ਕਲਾ ਦਾ ਆਹ ਨਜ਼ਾਰਾ ਹੈ। ਇਸ ਦੇ ਨਾਲ ਹੀ ਗੁਰਪ੍ਰੀਤ ਘੁੱਗੀ ਵਲੋਂ ਸਿੱਖ ਪੰਥ ਦੇ ਕਕਾਰਾਂ ਚੋਂ ਇੱਕ ਕਕਾਰ ਦਾ ਮਜ਼ਾਕ ਬਣਾਇਆ ਗਿਆ। ਇਹੀ ਚੁਟਕਲਾ ਜਦੋਂ ਟਰਾਂਟੋ ਦੇ ਇੱਕ ਕੁਮੈਂਟਰੀਕਾਰ ਨੇ ਸੁਣਾਇਆ ਸੀ ਤਾਂ ਉਸਨੂੰ ਇਸਦੀ ਮੁਆਫੀ ਮੰਗਣੀ ਪਈ ਸੀ। ਕਛਿਹਰੇ ਦਾ ਮਜ਼ਾਕ ਉਡਾਉਣਾ ਲੋਕਾਂ ਨੂੰ ਚਡੰਗਾ ਨਹੀਂ ਲੱਗਿਆ।
ਫਾਈਨਲ ਮੈਚ ਤੋਂ ਪਹਿਲਾਂ ਰਵਾਇਤ ਨੂੰ ਕਾਇਮ ਰੱਖਦਿਆਂ ਮਹਿਮਾਨਾਂ ਅਤੇ ਯਾਰਾਂ ਦੋਸਤਾਂ ਨੂੰ ਕਲੱਬ ਨੇ ਗਰਾਊਂਡ ਵਿੱਚ ਲਿਆਦਾ ਗਿਆ, ਟੀਮਾਂ ਨਾਲ ਹੱਥ ਮਿਲਾਉਣਾ ਅਤੇ ਫੋਟੋ ਸੈਸ਼ਨ ਹੋਇਆ। ਉਪਰੰਤ ਕਲੱਬ ਦੇ ਨਾਮਵਰ ਖਿਡਾਰੀ ਅਤੇ ਸਥਾਨਕ ਅਖਬਾਰ ਦੇ ਮਾਲਕ ਜਗਦੀਸ਼ ਗਰੇਵਾਲ ਨੂੰ ਸੋਨੇ ਦਾ ਤਗਮਾ ਪਾ ਕੇ ਸਨਮਾਨਿਤ ਕੀਤਾ ਗਿਆ।
ਅਖੀਰ ਵਿੱਚ ਫਾਈਨਲ ਮੈਚ ਕੈਨੇਡਾ ਦੀਆਂ ਦੋਹਾਂ ਟੀਮਾਂ ਦੇ ਵਿਚਕਾਰ ਹੋਇਆ। ਕੈਨੇਡਾ ਈਸਟ ਅਤੇ ਕੈਨੇਡਾ ਵੈਸਟ ਦੀਆਂ ਟੀਮਾਂ ਨੇ ਲਗਾਤਾਰ 40 ਮਿੰਟ ਗੇਮ ਲਾਈ ਅਤੇ ਸਿਰਫ 1-1 ਜਫਾ ਹੀ ਲੱਗ ਸਕਿਆ। 44-44 ਦੇ ਬਰਾਬਰ ਅੰਕ ਰਹਿਣ ਤੋਂ ਬਾਅਦ ਫੈਡਰੇਸ਼ਨ ਦੇ ਕਾਨੂੰਨ ਅਨੁਸਾਰ ਪਹਿਲਾਂ 3-3 ਰੇਡਾਂ, ਫਿਰ 2-2 ਰੇਡਾਂ ਅਤੇ ਫਿਰ 1-1 ਰੇਡ ਦਿੱਤੀ ਜਾਂਦੀ ਹੈ। ਇਨਾਂ ਰੇਡਾਂ ਵਿੱਚ ਕੋਈ ਵੀ ਰੇਡਰ ਸਿਰਫ ਇੱਕ ਹੀ ਰੇਡ ਪਾ ਸਕਦਾ ਹੈ। ਇਸ ਮੈਚ ਦੌਰਾਨ ਦੋਹਾਂ ਟੀਮਾਂ ਦੇ 2-2 ਰੇਡਰ ਹੀ ਰੇਡ ਪਾਉਂਦੇ ਰਹੇ ਅਤੇ 3-3 ਰੇਡਰ ਦੋਹਾਂ ਟੀਮਾਂ ਦੇ ਹੀ ਖੜੇ ਹੋ ਕੇ ਵਕਤ ਗੁਜਾਰਦੇ ਰਹੇ। ਪਰ ਅਖੀਰ ਵਿੱਚ ਸਭ ਨੇ ਰੇਡ ਪਾਉਣੀ ਸੀ ਜਿਸ ਕਰਕੇ ਇੱਸ ਅਤਿ ਬੋਰਿੰਗ ਮੈਚ ਵਿੱਚ ਇੱਕ ਦਮ ਉਤਸੁਕਤਾ ਵੱਧ ਗਈ। ਫੈਡਰੇਸ਼ਨ ਦੇ ਇੱਕ ਹੋਰ ਕਾਨੂੰਨ ਦੀ ਅੱਜ ਰੱਜ ਕੇ ਉਲੰਘਣਾ ਹੁੰਦੀ ਰਹੀ। ਉਹ ਸੀ ਕਿ ਕੋਈ ਵੀ ਵਿਅਕਤੀ ਗਰਾਊਂਡ ਵਿੱਚ ਵੜ ਨਹੀਨ ਸਕਦਾ। ਲੋਕਲ ਟੁਰਨਾਮੈਂਟਾਂ ਤੇ ਫੈਡਰੇਸ਼ਨ ਵਲੋਂ ਟਿਕਟਾਂ ਕੱਟੀਆਂ ਜਾਂਦੀਆਂ ਹਨ ਪਰ ਇਥੇ ਹਰ ਕੋਈ ਅੰਦਰ ਜਾ ਕੇ ਕੋਚਿੰਗ ਕਰ ਰਿਹਾ ਸੀ।
3-3 ਰੇਡਾਂ ਦਾ ਸਿਲਸਿਲਾ ਸ਼ੁਰੂ ਹੋ ਗਿਆ। ਦੋਹਾਂ ਟੀਮਾਂ ਨੇ 3-3 ਰੇਡਾਂ ਪਾਈਆਂ ਅਤੇ 1-1 ਜਫਾ ਲੱਗਣ ਤੇ ਮੈਚ ਫਿਰ 47-47 ਅੰਕਾਂ ਤੇ ਬਰਾਬਰ ਰਹਿ ਗਿਆ। ਫਿਰ 2-2 ਰੇਡਾਂ ਪਾਉਣ ਦਾ ਸਿਲਸਿਲਾ ਸ਼ੁਰੂ ਹੋਇਆ। ਬੀ ਸੀ ਦੀ ਟੀਮ ਨੇ 1 ਰੇਡ ਪਾਈ ਅਤੇ ਅੰਕ ਪ੍ਰਾਪਤ ਕਰ ਲਿਆ। ਉਨਟਾਰੀਓ ਦੀ ਟੀਮ ਨੇ ਪਹਿਲੀ ਰੇਡ ਵਿੱਚ ਅੰਕ ਲੈ ਲਿਆ ਅਤੇ ਦੁਸਰੀ ਰੇਡ ਤੇ ਵੀ ਅੰਕ ਪ੍ਰਾਪਤ ਕਰ ਲਿਆ ਪਰ ਇਥੇ ਡਬਲ ਟੱਚ ਦੇ ਅੰਕ ਤੇ ਵਿਵਾਦ ਛਿੜ ਪਿਆ। ਘੋਖ ਕਰਨ ਤੇ ਪਤਾ ਲੱਗ ਕਿ ਡਬਲ ਟੱਚ ਹੋਇਆ ਸੀ ਅਤੇ ਰੈਫਰੀ ਦਾ ਫੈਸਲਾ ਦਰੁਸਤ ਸੀ, ਪਰ ਡੇਢ ਕੁ ਸਕਿੰਟ ਲੇਟ ਫੈਸਲਾ ਦੇਣ ਸਦਕਾ ਬੀ ਸੀ ਦੀ ਟੀਮ ਨੂੰ ਬਹਾਨਾ ਮਿਲ ਗਿਆ। ਫੈਡਰੇਸ਼ਨ ਦੇ ਪ੍ਰਧਾਨ ਨੇ ਅਦਾਰਾ ਡੇਲੀ ਨੂੰ ਦੱਸਿਆ ਕਿ ਰੈਫਰੀ ਬਿਨੇ ਦਾ ਫੈਸਲਾ ਦਰੁਸਤ ਹੈ ਅਤੇ ਇਹੀ ਫੈਸਲਾ ਫੈਡਰੇਸ਼ਨ ਵਲੋਂ ਆਖਰੀ ਮੰਨਿਆ ਜਾ ਰਿਹਾ ਹੈ। ਜਦੋਂ ਕਿ ਬੀ ਸੀ ਦੀ ਟੀਮਮਦੇ ਨੁਮਾਇੰਦੇ ਪੈਰ ਤੇ ਪਾਣੀ ਨਹੀਂ ਸੀ ਪੈਣ ਦੇ ਰਹੇ। ਪੁਲੀਸ ਚੌਕਸ ਹੋ ਗਈ, ਸਕਿਊਰਟੀ ਗਾਰਡ ਪੱਬਾਂ ਭਾਰ ਹੋ ਗਏ। ਚਾਰ ਚੁਫੇਰੇ ਦਸਰਸ਼ਕਾਂ ਵਲੋਂ ਉਤਸੁਕਤਾ ਬਉਜਾਗਰ ਕਰਨ ਲਈ ਰੌਲਾ ਪੈਣ ਲੱਗਾ। ਆਖਿਰ ਉਨਟਾਰੀਓ ਸਪੋਰਟਸ ਫੈਡਰੇਸ਼ਨ ਦੇ ਪ੍ਰਧਾਨ ਨਰਿੰਦਰ ਚਾਹਲ ਨੇ ਮਾਈਕ ਤੇ ਆ ਕੇ ਅਨਾਊਂਸ ਕਰ ਦਿੱਤਾ ਕਿ ਫੈਡਰੇਸ਼ਨ ਰੈਫਰੀ ਦੇ ਫੈਸਲੇ ਨਾਲ ਸਹਿਮਤ ਹੈ। ਉਨ੍ਹਾਂ ਕਿਹਾ ਕਿ ਇਸ ਟੁਰਨਾਮੈਂਟ ਨੂੰ ਸਫਲਤਾ ਦੇਣ ਲਈ ਅਸੀਂ ਬੀਸੀ ਦੀ ਟੀਮ ਨੂੰ ਬੇਨਤੀ ਕਰਦੇ ਹਾਂ ਕਿ ਉਹ ਆਪਣੀ ਰਹਿੰਦੀ ਰੇਡ ਪਾਉਣ। ਬੀ ਸੀ ਦੀ ਟੀਮ ਨੇ ਆਖਰੀ ਰੇਡ ਪਾ ਕੇ ਟੂਰਨਾਮੈਂਟ ਨੂੰ ਸਾਕਾਰਤਮਿਕ ਨੋਟ ਤੇ ਸਮਾਪਤ ਕਰਨ ਵਿੱਚ ਸਹਿਯੋਗ ਦੇਣ ਤੋਂ ਾਿਨਕਾਰੀ ਹੁੰਦਿਆਂ ਇਹੀ ਰੱਟ ਲਾਈ ਰੱਖੀ ਕਿ ਉਨ੍ਹਾਂ ਨਾਲ ਧੱਕਾ ਹੋ ਰਿਹਾ ਹੈ।
ਆਖਿਰ ਉਨਟਾਰੀਓ ਸਪੋਰਟਸ ਫੈਡਰੇਸ਼ਨ ਵਲੋਂ ਉਨਟਾਰੀਓ ਦੀ ਟੀਮ ਨੂੰ ਜੇਤੂ ਕਰਾਰ ਦਿੰਦਿਆਂ ਕੱਪ ਹਵਾਲੇ ਕਰ ਦਿੱਤਾ। ਦੁਸਰੇ ਸਥਾਨ ਦਾ ਕੱਪ ਅਤੇ ਜੇਤੂ ਰਾਸ਼ੀਫਲ ਅਜੇ ਉਨ੍ਹਾਂ ਤੱਕ ਪਹੁੰਚਾਉਣਾ ਬਾਕੀ ਹੈ।
ਪ੍ਰਿਸੀਪਲ ਸਰਵਣ ਸਿੰਘ ਨੇ ਆਪਣਾ ਪ੍ਰਤੀਕਰਮ ਜ਼ਾਹਿਰ ਕਰਦਿਆਂ ਕਿਹਾ ਕਿ ਰੌਜਰਜ਼ ਸੈਂਟਰ ਦੀ ਭੱਲ ਤਾਂ ਬਹੁਤ ਵੱਡੀ ਹੈ ਪਰ ਕਬੱਡੀ ਲਈ ਇਹ ਕੋਈ ਵਧੀਆ ਤਜ਼ਰਬਾ ਨਹੀਂ ਰਿਹਾ।
ਦਰਸ਼ਕਾਂ ਦਾ ਬਹੁਤ ਵੱਡਾ ਇਤਰਾਜ਼ ਸੀ ਕਿ ਖੇਡ ਦਾ ਮੈਟਦਾਨ ਉਨ੍ਹਾਂ ਤੋਂ ਕਾਫੀ ਦੂਰੀ ਤੇ ਪੈਂਦਾ ਹੈ ਜਿਸ ਕਰਕੇ ਉਨ੍ਹਾਂ ਨੂੰ ਸਕਰੀਨ ਹੀ ਵੇਖਣੀ ਪੈਂਦੀ ਹੈ।
ਕੁਮੈਂਟਰੀ ਦੇ ਬਾਬਾ ਬੋਹੜ ਸ੍ਰ. ਦਾਰਾ ਸਿੰਘ ਨੇ ਕਿਹਾ ਕਿ ਰੌਜਰਜ਼ ਸੈਂਟਰ ਦੀਆਂ ਚੰਗੀਆਂ ਗੱਲਾਂਧ ਤਾਂ ਇਹੀ ਹਨ ਕਿ ਇਸ ਵਿੱਚ ਆ ਕੇ ਖੇਡ ਦਾ ਵੈਸੇ ਹੀ ਮਾਣ ਬਹੁਤ ਵੱਧ ਜਾਂਦਾ ਹੈ। ਦੂਸਰੀ ਜੰਬੋ ਸਕਰੀਨ ਬਹੁਤ ਹੀ ਲਾਹੇਵੰਦ ਸਿੱਧ ਹੋਈ ਹੈ। ਪਰ ਇਸ ਦੇ ਬਾਵਜੂਦ ਅੰਦਰ ਹੁੰਮਸ ਕਾਰਣ ਗਰਮੀ ਅਤੇ ਗਰਮੀ ਕਾਰਣ ਖਿਡਾਰੀਆਂ ਨੂੰ ਪਸੀਨਾ ਚੋਣ ਲੱਗ ਪਿਆ ਜਿਸ ਕਰਕੇ ਜਫੇ ਲੱਗਣੇ ਅਸੰਭਵ ਹੋ ਗਏ। ਉਨ੍ਹਾਂ ਕਿਹਾ ਕਿ ਮੈਨੂੰ ਲੱਗਦਾ ਕਿ ਰੌਜਰਜ਼ ਸੈਂਟਰ ਵਿੱਚ ਇਹ ਆਖਰੀ ਹੀ ਟੂਰਨਾਮੈਂਟ ਹੋਣਾ ਚਾਹੀਦਾ ਹੈ।
ਕੁਲ ਮਿਲਾ ਕੇ ਕਬੱਡੀ ਇਤਹਾਸ ਵਿੱਚ ਇਹ ਇਕੱ ਅਜਿਹਾ ਮੀਲ ਪੱਥਰ ਗੱਡਿਆ ਗਿਆ ਹੈ ਇਸ ਨੂੰ ਆਉਣ ਵਾਲੇ ਸਮਿਆਂ ਵਿੱਚ ਯਾਦ ਕੀਤਾ ਜਾਵੇਗਾ। ਇਸ ਲਈ ਯੰਗ ਸਪੋਰਟਸ ਕਲੱਬ ਦੇ ਰਾਣਾ, ਜੱਸੀ ਅਤੇ ਦੂਲੇ ਵਰਗੇ ਘੈਂਟ ਵਰਕਰ ਵਧਾਈ ਦੇ ਪਾਤਰ ਹਨ।

ਬਾਦਲ ਪਰਿਵਾਰ ਵੱਲੋਂ ਸਿੱਖੀ ਪ੍ਰੰਪਰਾਵਾਂ ਨੂੰ ਤੋੜ ਕੇ ਇੱਛਾਵਾਂ ਦੀ ਪੂਰਤੀ ਕਰਨਾ, ਮੰਦਭਾਗੀ ਕਾਰਵਾਈ :- ਮਾਨ

ਫਤਿਹਗੜ੍ਹ ਸਾਹਿਬ, 18 ਅਗਸਤ :- “ਬਾਦਲ ਪਰਿਵਾਰ ਵੱਲੋਂ ਆਪਣੀਆਂ ਪਰਿਵਾਰਿਕ ਅਤੇ ਨਿੱਜੀ ਖੁਸ਼ੀਆਂ ਦੀ ਪ੍ਰਾਪਤੀ ਲਈ ਗੁਰੂ ਘਰਾਂ ਦੇ ਨਿਯਮਾਂ- ਪਰੰਪਰਾਵਾਂ ਨੂੰ ਤੋੜਨਾ ਅਤਿ ਮੰਦਭਾਗੀ ਕਾਰਵਾਈ ਹੈ। ਅਜਿਹਾ ਕਰਕੇ ਬਾਦਲ ਪਰਿਵਾਰ ਧਰਮ ਅਤੇ ਐਸ ਜੀ ਪੀ ਸੀ ਰਾਹੀਂ ਧਾਰਮਿਕ ਸ਼ਕਤੀਆਂ ਦੀ ਦੁਰਵਰਤੋਂ ਕਰ ਰਿਹਾ ਹੈ।”
ਇਹ ਵਿਚਾਰ ਅੱਜ ਇੱਥੇ ਸ: ਸਿਮਰਨਜੀਤ ਸਿੰਘ ਮਾਨ ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਨੇ ਪ੍ਰਗਟਾਉਂਦੇ ਹੋਏ ਅੱਗੇ ਚੱਲ ਕੇ ਕਿਹਾ ਕਿ ਬੀਬੀ ਸੁਰਿੰਦਰ ਕੌਰ ਬਾਦਲ ਨੇ ਆਪਣੀ ਨਿੱਜੀ ਸਹੂਲਤ ਲਈ ਸ਼੍ਰੀ ਦਰਬਾਰ ਸਾਹਿਬ ਅੰਮ੍ਰਿਤਸਰ ਵਿੱਚ ਪਹਿਲੇ ਗੁਰੂ ਘਰ ਦੇ ਅਸੂਲਾਂ ਨੂੰ ਤੋੜ ਕੇ ਏਅਰ ਕੰਡੀਸ਼ਨ ਲਗਵਾਏ। ਫਿਰ ਉੱਥੇ ਜਦੋਂ ਬੀਬੀ ਸੁਰਿੰਦਰ ਕੌਰ ਬਾਦਲ ਜਾਂਦੇ ਹਨ ਤਾਂ ਪਹਿਲੋਂ ਹੀ ਡਿਊਟੀਆਂ ਉੱਤੇ ਕੀਰਤਨ ਕਰ ਰਹੇ ਰਾਗੀਆਂ ਨੂੰ ਬੰਦ ਕਰਕੇ ਬੀਬੀ ਦੇ ਮਨਪਸੰਦ ਵਾਲੇ ਉਹ ਰਾਗੀ ਲਾਏ ਜਾਂਦੇ ਹਨ, ਜੋ ਰਾਗਾਂ ‘ਤੇ ਆਧਾਰਿਤ ਕੀਰਤਨ ਕਰਨ ਦੀ ਬਜਾਏ ਫਿਲਮੀ ਧੁਨਾਂ ਉੱਤੇ ਕੀਰਤਨ ਕਰਦੇ ਹਨ। ਫਿਰ ਬੀਬੀ ਦੇ ਆਉਣ ਉੱਤੇ ਸਾਹਿਬ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਨੂੰ ਚੌਰ ਕਰਨ ਵਾਲੇ ਸਿੰਘ ਵੀ ਆਪਣੀ ਡਿਊਟੀ ਤੋਂ ਹੱਟ ਕੇ ਬੀਬੀ ਦਾ ਝੁਕ ਕੇ ਸਵਾਗਤ ਕਰਦੇ ਹਨ। ਇਹ ਹੋਰ ਵੀ ਦੁੱਖ ਦੀ ਗੱਲ ਹੈ ਕਿ ਹਰਮਿੰਦਰ ਸਾਹਿਬ ਵਿਖੇ ਪਹਿਲੋਂ ਹੀ ਕੀਰਤਨ ਦਾ ਅਨੰਦ ਲੈ ਰਹੀਆਂ ਬੀਬੀਆਂ ਨੂੰ ਉਠਾ ਕੇ ਉਸ ਸਥਾਨ ਉੱਤੇ ਬੀਬੀ ਸੁਰਿੰਦਰ ਕੌਰ ਬਾਦਲ ਨੂੰ ਬਿਠਾਇਆ ਜਾਂਦਾ ਹੈ ਜੋ ਕਿ ਗੁਰੂ ਘਰ ਦੇ ਬਰਾਬਰਤਾ ਦੇ ਅਸੂਲਾਂ ਦੀ ਘੋਰ ਉਲੰਘਣਾ ਹੈ। ਜਿਸਦੀ ਜਿੰਨੀ ਵੀ ਨਿਖੇਧੀ ਕੀਤੀ ਜਾਵੇ, ਥੌੜੀ ਹੈ।
ਉਹਨਾਂ ਕਿਹਾ ਕਿ ਜਦੋਂ ਮੈਂ ਐਮ ਪੀ ਸੀ ਤਾਂ ਉੱਥੇ ਭਾਜਪਾ ਦੀ ਉਮਾ ਭਾਰਤੀ ਨੇ ਆ ਕੇ ਕਿਹਾ ਸੀ ਕਿ ਦਰਸ਼ਨੀ ਡਿਊੜੀ ਵਿੱਚ ਲੱਗੇ ਸੋਮਨਾਥ ਮੰਦਿਰ ਦੇ ਦਰਵਾਜਿ਼ਆਂ ਨੂੰ ਹਿੰਦੂ ਕੌਮ ਨੂੰ ਵਾਪਿਸ ਕੀਤੇ ਜਾਣ। ਉਦੋਂ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੀ ਜਥੇਬੰਦੀ ਨੇ ਤਕੜਾ ਰੋਸ ਪ੍ਰਦਰਸ਼ਨ ਕਰਦੇ ਹੋਏ ਇਹਨਾਂ ਦਰਵਾਜਿ਼ਆਂ ਨੂੰ ਹਟਾਉਣ ਦਾ ਸਖਤ ਵਿਰੋਧ ਕੀਤਾ ਸੀ। ਹੁਣ ਜੇਕਰ ਐਸ ਜੀ ਪੀ ਸੀ ਦੇ ਮੁਖੀ ਜਾਂ ਬਾਦਲ ਦਲੀਆਂ ਨੇ ਆਪਣੀ ਸਿਆਸੀ ਤਾਕਤ ਦੀ ਦੁਰਵਰਤੋਂ ਕਰਕੇ ਇਹਨਾਂ ਦਰਵਾਜਿ਼ਆਂ ਨੂੰ ਫਿਰ ਤੋਂ ਹਟਾਉਣ ਲਈ ਕੋਈ ਅਮਲੀ ਕਾਰਵਾਈ ਕੀਤੀ ਤਾਂ ਇੱਥੇ ਲਹੂ-ਲੂਹਾਣ ਹੋਣ ਅਤੇ ਪੰਜਾਬ ਦੇ ਹਾਲਤਾਂ ਨੂੰ ਵਿਸਫੋਟਕ ਬਣਾਉਣ ਲਈ ਬਾਦਲ ਪਰਿਵਾਰ ਅਤੇ ਭਾਜਪਾ ਸਿੱਧੇ ਤੌਰ ਤੇ ਜਿੰਮੇਵਾਰ ਹੋਵੇਗੀ। ਸ: ਮਾਨ ਨੇ ਇਸ ਗੱਲ ਤੇ ਵੀ ਗਹਿਰਾ ਦੁੱਖ ਪ੍ਰਗਟ ਕੀਤਾ ਕਿ ਮੁਲਕ ਦੀਆਂ ਅਦਾਲਤਾਂ ਕਾਤਿਲ ਅਤੇ ਬਲਾਤਕਾਰੀ ਸਿਰਸੇ ਵਾਲੇ ਸਾਧ ਨੂੰ ਝੱਟ ਜ਼ਮਾਨਤ ਦੇ ਦਿੰਦੀਆਂ ਹਨ। ਹੁਣ ਪੰਜਾਬ ਐਂਡ ਹਰਿਆਣਾ ਹਾਈਕੋਰਟ ਦੇ ਚੀਫ ਜਸਟਿਸ ਨੇ ਜੋ ਸਿਰਸੇ ਵਾਲੇ ਸਾਧ ਦੀਆਂ “ਨਾਮ ਚਰਚਾਵਾਂ” ਕਰਵਾਉਣ ਹਿੱਤ ਸਰਕਾਰੀ ਸੁਰੱਖਿਆ ਦੇਣ ਦੇ ਹੁਕਮ ਕੀਤੇ ਹਨ, ਇਹ ਕੇਵਲ ਸ਼੍ਰੀ ਅਕਾਲ ਤਖਤ ਸਾਹਿਬ ਵੱਲੋਂ ਹੋਏ ਹੁਕਮਾਂ ਦੀ ਹੀ ਉਲੰਘਣਾ ਨਹੀਂ ਬਲਕਿ ਸਿੱਖ ਕੌਮ ਦੇ ਅੱਲ੍ਹੇ ਜਖਮਾਂ ਉੱਤੇ ਲੂਣ ਛਿੜਕਣ ਅਤੇ ਪੰਜਾਬ ਵਿੱਚ ਖਾਨਾਜੰਗੀ ਕਰਾਉਣ ਦੇ ਤੁਲ ਭਿਆਨਕ ਕਾਰਵਾਈ ਹੈ। ਸ: ਮਾਨ ਨੇ ਮੁਲਕ ਦੇ ਹੁਕਮਰਾਨਾਂ ਅਤੇ ਪੱਖਪਾਤੀ ਫੈਸਲੇ ਕਰਨ ਵਾਲੀਆਂ ਅਦਾਲਤਾਂ ਅਤੇ ਕਾਨੂੰਨ ਨੂੰ ਸੰਬੋਧਿਤ ਹੁੰਦੇ ਹੋਏ ਕਿਹਾ ਕਿ ਅਜਿਹੇ ਇੱਕ ਫਿਰਕੇ ਦੇ ਲੋਕਾਂ ਨੂੰ ਠੇਸ ਪਹੁੰਚਾਉਣ ਵਾਲੇ ਫੈਸਲੇ ਕਰਨ ਵਾਲਿਆਂ ਨੂੰ ਇਹ ਚੇਤੇ ਰੱਖਣਾ ਚਾਹੀਦਾ ਹੈ ਕਿ ਮਰਹੂਮ ਇੰਦਰਾ ਗਾਂਧੀ ਅਤੇ ਰਾਜੀਵ ਗਾਂਧੀ ਨੂੰ ਵੀ ਜ਼ੈਡ ਸੁਰੱਖਿਆ ਪ੍ਰਦਾਨ ਸੀ ਪਰ ਸੁਰੱਖਿਆ ਦਸਤੇ ਉਹਨਾਂ ਨੂੰ ਫਿਰ ਵੀ ਨਾ ਬਚਾ ਸਕੇ।
ਉਹਨਾਂ ਆਪਣੇ ਬਿਆਨ ਦੇ ਅਖੀਰ ਵਿੱਚ ਹਾਈਕੋਰਟ ਦੇ ਚੀਫ ਜਸਟਿਸ ਨੂੰ ਅਪੀਲ ਕਰਦੇ ਹੋਏ ਕਿਹਾ ਕਿ ਸ਼੍ਰੀ ਅਕਾਲ ਤਖਤ ਸਾਹਿਬ ਦੇ ਹੁਕਮਾਂ ਵਿਰੁੱਧ ਦਿੱਤੇ ਗਏ ਖਤਰਨਾਕ ਫੈਸਲੇ ਨੂੰ ਤੁਰੰਤ ਵਾਪਿਸ ਲਿਆ ਜਾਵੇ। ਕਿਉਂਕਿ ਸਿੱਖ ਕੌਮ ਨੂੰ ਪਹਿਲੋਂ ਹੀ ਹਿੰਦੋਸਤਾਨੀ ਅਦਾਲਤਾਂ ਅਤੇ ਅੰਧੇ ਬੋਲੇ ਕਾਨੂੰਨ ਉੱਤੇ ਵਿਸ਼ਵਾਸ ਨਹੀਂ ਹੈ। ਇਸ ਨਵੇਂ ਕੀਤੇ ਗਏ ਅਦਾਲਤੀ ਹੁਕਮ ਜਿਸ ਅਧੀਨ “ਨਾਮ ਚਰਚਾਵਾਂ” ਨੂੰ ਸੁਰੱਖਿਆ ਦੇਣ ਅਤੇ ਪੰਜਾਬ ਸਰਕਾਰ ਵੱਲੋਂ ਭਨਿਆਰੇ ਵਾਲੇ ਅਖੌਤੀ ਸਾਧ ਦਾ ਜਨਮ ਦਿਨ ਮਨਾਉਣ ਲਈ ਸੁਰੱਖਿਆ ਦੇਣ ਦੀਆਂ ਕਾਰਵਾਈਆਂ ਜਾਂ ਹੁਕਮਾਂ ਨੂੰ ਸਿੱਖ ਕੌਮ ਕਤਈ ਪ੍ਰਵਾਨ ਨਹੀਂ ਕਰੇਗੀ ਅਤੇ ਆਪਣੀਆਂ ਸਿੱਖੀ ਮਹਾਨ ਰਵਾਇਤਾਂ ਉੱਤੇ ਪਹਿਰਾ ਦਿੰਦੀ ਹੋਈ ਦੁਸ਼ਮਣਾਂ ਨੂੰ ਆਪਣੇ ਢੰਗਾਂ ਨਾਲ ਨਿਪਟਣ ਦੀ ਅੱਜ ਵੀ ਪੂਰਨ ਸਮਰੱਥਾ ਰੱਖਦੀ ਹੈ। ਇਸ ਲਈ ਬਹਿਤਰ ਇਹੀ ਹੋਵੇਗਾ ਕਿ ਪੰਜਾਬ ਵਿੱਚ ਸਿੱਖ ਵਿਰੋਧੀ ਨਾਮ ਚਰਚਾਵਾਂ ਤੁਰੰਤ ਬੰਦ ਕੀਤੀਆਂ ਜਾਣ ਅਤੇ ਅਖੌਤੀ ਸਾਧਾਂ ਦੀ ਹਿਫਾਜ਼ਤ ਕਰਨੀ ਬੰਦ ਕੀਤੀ ਜਾਵੇ।

ਨਿਰੰਜਣ ਦਾਸ ਵਲੋਂ ਜਹਾਜ਼ ਰਾਹੀਂ ਮਣਾਂ ਮੂੰਹੀ ਡਾਲਰ ਅਤੇ ਸੋਨਾ ਲਿਆਉਣਾ ਰਾਮਾ ਨੰਦ ਦੇ ਕਤਲ ਦਾ ਕਾਰਣ

ਨਵੀਂ ਦਿੱਲੀ, 18 ਅਗਸਤ : ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਵੀਆਨਾ ਦੁਖਾਂਤ ਦੀ ਸਹੀ ਜਾਣਕਾਰੀ ਪ੍ਰਾਪਤ ਕਰਨ ਲਈ ਭੇਜੇ ਗਏ ਦਿੱਲੀ ਹਾਈਕੋਰਟ ਦੇ ਐਡਵੋਕੇਟ ਸੀ ਜੀ.ਕੇ. ਭਾਰਤੀ ਨੇ ਵੀਆਨਾ ਤੋਂ ਵਾਪਿਸ ਆ, ਇਥੇ ਪੱਤਰਕਾਰਾਂ ਨਾਲ ਇਕ ਮੁਲਾਕਾਤ ਦੇ ਦੌਰਾਨ ਉਥੇ ਗੁਰਦੁਆਰਾ ਗੁਰੂ ਰਵਿਦਾਸ (ਟੈਂਪਲ) ਵਿਖੇ ਵਾਪਰੀ ਘਟਨਾ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ। ਉਨ•ਾਂ ਦੱਸਿਆ ਕਿ ਹੈਰਾਨੀ ਦੀ ਗਲ ਇਹ ਹੈ ਕਿ ਵੀਆਨਾ ਦੀ ਪੁਲਿਸ ਨੇ ਸੰਤ ਰਾਮਾਨੰਦ ਦੇ ਕਤਲ ਦੇ ਲਈ ਉਨ•ਾਂ ਸਿੱਖ ਨੌਜਵਾਨਾਂ ਦੇ ਵਿਰੁਧ ਤਾਂ ਮਾਮਲਾ ਦਰਜ ਕਰ ਲਿਆ ਹੈ, ਜਿਨ•ਾਂ ਨੇ ਸੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਅਪਮਾਨ ਹੁੰਦਾ ਵੇਖ ਕੇ ਉਸ ਦਾ ਵਿਰੋਧ ਕੀਤਾ ਸੀ, ਪਰ ਉਨ•ਾਂ ਲੋਕਾਂ ਦੇ ਵਿਰੁੱਧ ਕੋਈ ਮਾਮਲਾ ਦਰਜ ਨਹੀਂ ਕੀਤਾ ਗਿਆ, ਜਿਨ•ਾਂ ਨੇ ਉਹਨਾਂ ਨੌਜਵਾਨਾਂ ਨੂੰ ਰਾਡਾਂ, ਤਲਵਾਰਾਂ, ਆਦਿ ਦੇ ਨਾਲ ਅਧਮੋਇਆ ਕਰਕੇ ਉਨ•ਾਂ ਉਪਰ ਗਰਮਾ-ਗਰਮ ਚਾਹ, ਪਾਣੀ ਤੇ ਦਾਲਾਂ ਪਾ ਕੇ ਮੌਤ ਦੇ ਕਿਨਾਰੇ ਪਹੁੰਚਾ ਦਿੱਤਾ। ਪੁਲਿਸ ਨੇ ਢਾਈ ਸੌ ਦੇ ਲਗਭਗ ਅਜਿਹੇ ਹਥਿਆਰ ਤੇ ਸਮਾਨ ਵੀ ਗੁਰਦੁਆਰੇ ਵਿਚੋਂ ਬਰਾਮਦ ਕੀਤੇ, ਜਿਸ ਦੇ ਨਾਲ ਨੌਜਵਾਨਾਂ ਨੂੰ ਮਾਰਿਆ ਕੁੱਟਿਆ ਤੇ ਜਲਾਇਆ ਗਿਆ ਸੀ। ਐਡਵੋਕੇਟ ਭਾਰਤੀ ਨੇ ਦੱਸਿਆ ਕਿ ਪੰਜਾਬ ਦਾ ਜੋ ਵਿਆਨਾ ਵਿਖੇ ਚਾਰਟਰ ਜਹਾਜ਼ ਬਾਬਾ ਰਾਮਾਨੰਦ ਦੀ ਲੈਣ ਗਿਆ ਸੀ, ਉਸ ਵਿਚ ਸੰਤ ਨਿਰੰਜਨ ਦਾਸ ਨੂੰ ਵੀ ਲੈ ਆਂਦਾ ਗਿਆ, ਜਦ ਕਿ ਪੁੱਛ-ਗਿੱਛ ਲਈ ਉਸਦਾ ਉਥੇ ਟਿਕਿਆ ਰਹਿਣਾ ਜਰੂਰੀ ਸੀ। ਉਨ•ਾਂ ਦੱਸਿਆ ਕਿ ਉਨ•ਾਂ ਨੂੰ ਦੱਸਿਆ ਗਿਆ ਕਿ ਸੰਤ ਨਿਰੰਜਨ ਦਾਸ ਆਪਣੇ ਨਾਲ ਬਿਨ•ਾਂ ਐਲਾਨੇ ਲੱਖਾਂ ਡਾਲਰ ਤੇ ਕਈ ਕਿਲੋ ਸੋਨਾ ਲੈ ਆਇਆ ਹੈ। ਐਡਵੋਕੇਟ ਭਾਰਤੀ ਨੇ ਸੁਆਲ ਉਠਾਇਆ ਕਿ ਕਿਧਰੇ ਇਹ ਧਨ ਦੌਲਤ ਹੀ ਤਾਂ ਬਾਬਾ ਰਾਮਾ ਨੰਦ ਦੇ ਕਤਲ ਦਾ ਕਾਰਣ ਬਣੀ। ਇਸਦੇ ਲਈ ਵੀਆਨਾ ਪੁਲਿਸ ਵੱਲੋਂ ਸੰਤ ਨਿਰੰਜਨ ਦਾਸ ਪਾਸੋਂ ਪੁੱਛ-ਪੜਤਾਲ ਕਰਨੀ ਹੋਵੇਗੀ। ਉਨ•ਾਂ ਇਹ ਵੀ ਦੱਸਿਆ ਕਿ ਜੋ ਰਿਵਾਲਵਰ ਮੌਕੇ ਤੋਂ ਪੁਲਿਸ ਨੇ ਬਰਾਮਦ ਕੀਤਾ ਹੈ, ਉਸ ਵਿਚੋਂ ਅੱਠ ਹੀ ਹੋ ਸਕਦੇ ਸਨ, ਜਦ ਕਿ ਪੁਲਿਸ ਅਨੁਸਾਰ ਮੌਕੇ ਤੇ 15 ਤੋਂ ਵੱਧ ਫਾਇਰ ਹੋਣ ਦੇ ਸਬੂਤ ਮਿਲੇ ਹਨ। ਐਡਵੋਕੇਟ ਜੀ. ਕੇ. ਭਾਰਤੀ ਨੇ ਦੱਸਿਆ ਕਿ ਵੀਆਨਾ ਪੁਲਿਸ ਨੂੰ ਕੁੱਝ ਅੰਤਰ ਰਾਸ਼ਟਰੀ ਤੇ ਭਾਰਤੀ ਕਾਨੂੰਨਾਂ ਅਨੁਸਾਰ ਸੱਚ ਸਾਹਮਣੇ ਲਿਆਉਣ ਦੀ ਕਾਰਵਾਈ ਕਰਨ ਵਾਸਤੇ ਮਜਬੂਰ ਕਰਨਾ ਹੋਵੇਗਾ। ਇਸ ਮੌਕੇ ਤੇ ਮੌਜੂਦ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਤੇ ਸ੍ਯ੍ਰੋਮਣੀ ਅਕਾਲੀ ਦਲ, ਦਿੱਲੀ ਦੇ ਪ੍ਰਧਾਨ ਪਰਮਜੀਤ ਸਿੰਘ ਸਰਨਾ ਨੇ ਕਿਹਾ ਕਿ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਸੱਚਾਈ ਸਾਹਮਣੇ ਲਿਆਉਣ ਅਤੇ ਦੋਸ਼੍ਯੀਆਂ ਨੂੰ ਸਜ਼ਾ ਦੁਆਉਣ ਅਤੇ ਬੇਗੁਨਾਹਾਂ ਨੂੰ ਬਚਾਉਣ ਲਈ ਹਰ ਕ੍ਯੋਿਸ਼ਸ਼ ਕੀਤੀ ਜਾਵੇਗੀ। ਉਨ•ਾਂ ਇਹ ਵੀ ਕਿਹਾ ਕਿ ਜਿਨ•ਾਂ ਪਰਿਵਾਰਾਂ ਦੇ ਬੱਚਿਆਂ ਨੂੰ ਖੋਹਿਆ ਗਿਆ ਹੈ, ਜੇ ਉਨ•ਾਂ ਪਰਿਵਾਰਾਂ ਦਾ ਕੋਈ ਜੀਅ ਆਰਥਿਕ ਤੰਗੀ ਕਾਰਣ ਆਪਣੇ ਬੱਚੇ ਨੂੰ ਮਿਲਣ ਨਹੀਂ ਜਾ ਸਕਦਾ ਤਾਂ ਉਨ•ਾਂ ਦਾ ਪਰਿਵਾਰ ਦਾ ਇਕ ਜੀਅ ਆਪਣੇ ਬੱਚੇ ਨੂੰ ਮਿਲਣ ਜਾਣ ਦਾ ਖਰਚਾ ਗੁਰਦੁਆਰਾ ਕਮੇਟੀ ਕਰਨ ਲਈ ਤਿਆਰ ਹੈ। ਉਹਨਾਂ ਸਪੱ੍ਯਸ਼ਟ ਕੀਤਾ ਕਿ ਸੰਸਾਰ ਦੇ ਕਿਸੇ ਵੀ ਕੋਨੇ ਵਿੱਚ ਵੱਧਦੇ ਸਿੱਖ ਨੂੰ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਤੇ ਸ੍ਯ੍ਰੋਮਣੀ ਅਕਾਲੀ ਦਲ ਵੱਲੋਂ ਲਾਵਾਰਿਸ ਨਹੀਂ ਰਹਿਣ ਦਿੱਤਾ ਜਾਵੇਗਾ। ਇਸ ਪੱਤਰਕਾਰ ਮਿਲਣੀ ਦੌਰਾਨ ਵੀਆਨਾ ਵਿਖੇ ਵੱਧਦੇ ਸਿੱਖਾਂ ਦੇ ਪ੍ਰਤੀਨਿਧੀ ਗੁਰਦੇਵ ਸਿੰਘ, ਜਖਮੀ ਹੋਏ ਸਿੱਖ ਨੌਜਵਾਨਾਂ ਦੇ ਪਿਤਾ, ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਅਤੇ ਸ੍ਯ੍ਰੋਮਣੀ ਅਕਾਲੀ ਦਲ ਦਿੱਲੀ ਦੇ ਮੁਖੀ ਵੱਡੀ ਗਿਣਤੀ ਵਿੱਚ ਹਾਜਰ ਸਨ।

ਜਿਨਾਹ ਬਾਰੇ ਜਸਵੰਤ ਦੇ ਵਿਚਾਰਾਂ ਤੋਂ ਭਾਜਪਾ ਨੇ ਪੱਲਾ ਝਾੜਿਆ

ਨਵੀਂ ਦਿੱਲੀ /18 ਅਗਸਤ/ਯੂ ਐਨ ਆਈ : ਭਾਰਤੀ ਜਨਤਾ ਪਾਰਟੀ ਨੇ ਆਪਣੇ ਸੀਨੀਅਰ ਆਗੂ ਜਸਵੰਤ ਸਿੰਘ ਦੀ ਉਸ ਕਿਤਾਬ ਤੋਂ ਖ਼ੁਦ ਨੂੰ ਪੁੂਰੀ ਤਰ੍ਹਾਂ ਵੱਖ ਕਰਨ ਦਾ ਐਲਾਨ ਕੀਤਾ ਹੈ, ਜਿਸ ਵਿੱਚ ਉਨ੍ਹਾਂ ਪਾਕਿਸਤਾਨ ਦੇ ਸੰਸਥਾਪਕ ਮੁਹੰਮਦ ਅਲੀ ਜਿਨਾਹ ਦੀ ਪ੍ਰਸੰਸਾ ਕੀਤੀ ਹੈ। ਭਾਜਪਾ ਦੇ ਕੌਮੀ ਪ੍ਰਧਾਨ ਰਾਜਨਾਥ ਸਿੰਘ ਨੇ ਇਸ ਬਾਰੇ ਟਿੱਪਣੀ ਕਰਦਿਆਂ ਕਿਹਾ ਕਿ ਜਸਵੰਤ ਸਿੰਘ ਵੱਲੋਂ ਲਿਖੀ ਕਿਤਾਬ ‘‘ਜਿਨਾਹ-ਭਾਰਤ, ਵੰਡ, ਸੁਤੰਤਰਤਾ’’ ਵਿੱਚ ਪ੍ਰਗਟਾਏ ਵਿਚਾਰਾਂ ਦੀ ਪਾਰਟੀ ਨੁਮਾਇੰਦਗੀ ਨਹੀਂ ਕਰਦੀ ਹੈ ਤੇ ਪਾਰਟੀ ਕਿਤਾਬ ਦੇ ਵਿਚਾਰਾਂ ਨਾਲੋਂ ਖ਼ੁਦ ਨੂੰ ਵੱਖ ਕਰਦੀ ਹੈ। ਜ਼ਿਕਰਯੋਗ ਹੈ ਕਿ ਜਸਵੰਤ ਸਿੰਘ ਨੇ ਆਪਣੀ ਕਿਤਾਬ ਵਿੱਚ ਵੰਡ ਲਈ ਕਾਂਗਰਸੀ ਆਗੂ ਤੇ ਦੇਸ਼ ਦੇ ਪਹਿਲੇ ਪ੍ਰਧਾਨ ਮੰਤਰੀ ਜਵਾਹਰ ਲਾਲ ਨਹਿਰੂ ਨੂੰ ਜ਼ਿੰਮੇਵਾਰ ਠਹਿਰਾਉਂਦਿਆਂ ਕਿਹਾ ਹੈ ਕਿ ਭਾਰਤ ਵਿੱਚ ‘ਜਿਨਾਹ’ ਦਾ ਜਾਣ ਬੁੱਝ ਕੇ ਮਾੜਾ ਕਿਰਦਾਰ ਪੇਸ਼ ਕੀਤਾ ਗਿਆ ਸੀ। ਜਸਵੰਤ ਸਿੰਘ ਦੇ ਉਲਟ ਲਾਇਨ ਫੜਦਿਆਂ ਰਾਜਨਾਥ ਸਿੰਘ ਨੇ ਕਿਹਾ ਕਿ ‘ਜਿਨਾਹ’ ਨੇ ਹੀ ਭਾਰਤ ਵੰਡ ਵਿੱਚ ਵੱਡਾ ਰੋਲ ਨਿਭਾਇਆ ਸੀ ਤੇ ਜਿਨਾਹ ਵੱਲੋਂ ਅਪਣਾਈ ਰਟ ਕਾਰਨ ਹੀ ਵੱਡੀ ਗਿਣਤੀ ਵਿੱਚ ਲੋਕ ਬੇਘਰ ਹੋ ਗਏ ਸਨ। ਜਸਵੰਤ ਸਿੰਘ ਵੱਲੋਂ ਸਰਦਾਰ ਵੱਲਭ ਭਾਈ ਪਟੇਲ ਨੂੰ ਵੀ ਵੰਡ ਲਈ ਜ਼ਿੰਮੇਵਾਰੀ ਦੱਸੇ ਜਾਣ ਦਾ ਸਖ਼ਤ ਨੋਟਿਸ ਲੈਂਦਿਆਂ ਭਾਜਪਾ ਪ੍ਰਧਾਨ ਨੇ ਕਿਹਾ ਕਿ ਦੇਸ਼ ਦੇ ਪਹਿਲੇ ਗ੍ਰਹਿ ਮੰਤਰੀ (ਸਰਦਾਰ ਪਟੇਲ) ਨੇ ਤਾਂ ਦੇਸ਼ ਦੀ ਏਕਤਾ ਤੇ ਅਖੰਡਤਾ ਕਾਇਮ ਰੱਖਣ ਲਈ ਵੱਡੀ ਜ਼ਿੰਮੇਵਾਰੀ ਨਿਭਾਈ ਸੀ। ਉਨ੍ਹਾਂ ਕਿਹਾ ਕਿ ਸਰਦਾਰ ਪਟੇਲ ਕਾਰਨ ਹੀ ਅੱਜ ਦੇਸ਼ ਇੰਨਾ ਮਜ਼ਬੂਤ ਹੈ। ਸਰਦਾਰ ਪਟੇਲ ਬਾਰੇ ਗੱਲ ਕਰਦਿਆਂ ਰਾਜਨਾਥ ਸਿੰਘ ਨੇ ਕਿਹਾ ਕਿ ਸਰਦਾਰ ਪਟੇਲ ਦੇ ਦੂਰਅੰਦੇਸ਼ੀ ਹੋਣ ਕਾਰਨ ਹੀ ਅਸੀਂ ਅੱਜ ਇਕੱਠੇ ਹਾਂ ਤੇ ਇਸ ਲਈ ਦੇਸ਼ ਵੀ ਉਨ੍ਹਾਂ ਦਾ ਕਰਜ਼ਦਾਰ ਰਹੇਗਾ। ਇਸ ਤੋਂ ਇਲਾਵਾ ਭਾਜਪਾ ਹੈਡਕੁਆਰਟਰ ਵੱਲੋਂ ਜਸਵੰਤ ਸਿੰਘ ਦੇ ਬਿਆਨ ਦਾ ਖੰਡਨ ਕਰਨ ਵਾਲਾ ਭਾਜਪਾ ਦੇ ਕੌਮੀ ਪ੍ਰਧਾਨ ਦੇ ਦਸਤਖ਼ਤਾਂ ਹੇਠ ਇੱਕ ਬਿਆਨ ਵੀ ਜਾਰੀ ਕੀਤਾ ਗਿਆ। ਇਸ ਬਿਆਨ ਵਿੱਚ ਵੀ ਜਸਵੰਤ ਸਿੰਘ ਦੇ ਬਿਆਨ ਤੋਂ ਪਾਰਟੀ ਨੇ ਪਾਸਾ ਵੱਟ ਲਿਆ ਹੈ। ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਕਿਤਾਬ ਵਿੱਚ ਦਿੱਤੇ ਗਏ ਵਿਚਾਰ ਕਿਸੇ ਵੀ ਤਰ੍ਹਾਂ ਨਾਲ ਭਾਜਪਾ ਦੇ ਦ੍ਰਿਸ਼ਟੀਕੋਣ ਦੀ ਨੁਮਾਇੰਦਗੀ ਨਹੀਂ ਕਰਦੇ।

ਪੰਜਾਬ ’ਚ ਹਿੰਦੀ ਬੋਲਣ ਦਾ ਰੁਝਾਨ ਹੁਣ ਸ਼ਹਿਰਾਂ ਤੋਂ ਪਿੰਡਾਂ ’ਚ ਵੜਿਆ
64 ਫੀਸਦੀ ਪੰਜਾਬੀ ਬੋਲਦੇ ਨੇ ਹਿੰਦੀ, ਕਰਿਆਨੇ ਦੀ ਪਰਚੀ ਤੱਕ ਵੀ ਹਿੰਦੀ ਵਿੱਚ ਲਿਖਦੇ ਨੇ ਲਾਲੇ

ਬਟਾਲਾ, ਫਤਿਹਗੜ• ਚੂੜੀਆਂ, 18 ਅਗਸਤ, (ਸਰਵਣ ਸਿੰਘ ਰੋਜ਼ੀ ਸਿੰਘ): 1966 ਵਿੱਚ ਪੰਜਾਬੀ ਬੋਲੀ ਦੇ ਅਧਾਰ ਤੇ ਹੋਏ ਪੰਜਾਬੀ ਸੂਬੇ ਦੇ ਗਠਨ ਵੇਲੇ ਵੀ ਪੰਜਾਬ ਦੀ ਇਹ ਬਦਕਿਸਮਤੀ ਰਹੀ ਸੀ ਕਿ ਪੰਜਾਬ ਦੀਆਂ ਸਰਹੱਦਾਂ ਕੰਢੇ ਵੱਸਦੇ ਬਹੁਤੇ ਲੋਕਾਂ ਆਪਣੀ ਮਾਤ ਭਾਸ਼ਾ ਹਿੰਦੀ ਲਿਖਵਾਈ ਸੀ ਜਿਸ ਦੇ ਅਧਾਰ ਤੇ ਹੀ ਪੰਜਾਬ ਦੇ ਟੋਟੇ ਹੋ ਗਏ ਹੁਣ ਬਦਕਿਸਮਤੀ ਇਹ ਬਣੀ ਪਈ ਹੈ ਕਿ ਪੰਜਾਬ ਅੰਦਰ ਰਹਿੰਦੀ ਕਰੀਬ 64 ਫੀਸਦੀ ਵੱਸੋਂ ਹਿੰਦੀ ਬੋਲਣ ਵਿੱਚ ਆਪਣੀ ਵਡਿਆਈ ਸਮਝਦੀ ਹੈ। ਇਸ 64 ਫੀਸਦੀ ਵੱਸੋਂ ਦਾ ਜਿਆਦਾ ਭਾਗ ਵੱਡੇ ਸ਼ਹਿਰਾਂ ਅਤੇ ਕਸਬਿਆਂ ਵਿੱਚ ਵੱਸਦਾ ਹੈ ਅਤੇ ਪੰਜਾਬੀ ਬੋਲਣ ਨੂੰ ਆਪਣੀ ਹਕਤ ਸਮਝਦਾ ਹੈ। ਹੋਰ ਤਾਂ ਹੋਰ ਇਹ ਹਿੰਦੀ ਹਿੰਦੀ ਨਾ ਹੋ ਕੇ ਹਿੰਦੀ ਅਤੇ ਪੰਜਾਬੀ ਦਾ ਮਿਲਗੁੱਬਾ ਹੈ ਜਿਸ ਨੂੰ ਨਵੇਂ ਅਰਥਾਂ ’ਚ ਪਹਿੰਦੀ ਭਾਸ਼ਾ ਵੀ ਕਿਹਾ ਜਾ ਸਕਦਾ ਹੈ। ਪਹਿੰਦੀ ਬੋਲਣ ਦੀ ਇਹ ਬਿਮਾਰੀ ਪਿੰਡਾਂ ਵਿੱਚ ਵੀ ਆਣ ਅੱਪੜੀ ਹੈ, ਦਸਵੀਂ ਤੋਂ ਅੱਗੇ ਟੱਪੇ ਨੌਜਵਾਨ ਮੁੰਡੇ ਕੁੜੀਆਂ ਅਤੇ ਉਹਨਾਂ ਦੇ ਮਾਪੇ ਆਪੋ ਵਿੱਚ ਹਿੰਦੀ ਵਿੱਚ ਗੱਲ ਕਰਨ ਨੂੰ ਹੀ ਤਰਜੀਹ ਦਿੰਦੇ ਹਨ। ਇਥੇ ਹੀ ਬੱਸ ਨਹੀਂ ਸਗੋਂ ਹੁਣ ਮਾਮੂਲੀ ਕਰਿਆਨੇ ਦਾ ਸੌਦਾ ਵੇਚਣ ਵਾਲਾ ਲਾਲਾ ਵੀ ਆਪਣੇ ਸੌਦੇ ਦਾ ਬਿੱਲ ਦੀ ਪਰਚੀ ਹਿੰਦੀ ਵਿੱਚ ਹੀ ਕੱਟਦਾ ਹੈ। ਸਿਤਮਜਰੀਫੀ ਦੀ ਗੱਲ ਤਾਂ ਇਹ ਹੈ ਕਿ ਸਰਕਾਰੀ ਹੁਕਮਾਂ ਦੇ ਬਾਵਜੂਦ ਬਹੁਤ ਸਾਰਾ ਸਰਕਾਰੀ ਪੱਤਰ ਵਿਹਾਰ, ਰਿਪੋਰਟਾਂ ਆਦਿ ਅੰਗਰੇਜੀ ਵਿੱਚ ਲਿਖੀਆਂ ਅਤੇ ਭੇਜੀਆਂ ਜਾ ਰਹੀਆਂ ਹਨ।
ਸਾਡੀ ਟੀਮ ਵੱਲੋਂ ਅੰਮ੍ਰਿਤਸਰ ਸ਼ਹਿਰ ਦੇ ਵੱਖ ਵੱਖ ਇਲਾਕਿਆਂ ਵਿੱਚ ਇੱਕੋ ਦਿਨ 400 ਵੱਖ ਵੱਖ ਬਰਾਦਰੀ ਨਾਲ ਸਬੰਧਤ ਲੋਕਾਂ ਦੇ ਘਰਾਂ ਦਾ ਜਦ ਦਰਵਾਜਾ ਖੜਕਾਇਆ ਗਿਆ ਤਾਂ 258 ਲੋਕਾਂ ਜਿਨਾਂ ਵਿੱਚ ਬੱਚਿਆਂ ਅਤੇ ਔਰਤਾਂ ਦੀ ਗਿਣਤੀ ਵਧੇਰੇ ਸੀ ਨੇ ਹਿੰਦੀ ਵਿੱਚ ਇਹ ਜਵਾਬ ਦਿੱਤਾ ‘ਜੀ ਆਪਕੋ ਕਿਸਸੇ ਮਿਲਨਾ ਹੈ’, 19 ਲੋਕਾਂ ਨੇ ਅੰਗਰੇਜੀ ਵਿੱਚ ਜਵਾਬ ਦਿੱਤਾ ਅਤੇ ਬਾਕੀ ਬਚਦੇ 123 ਲੋਕਾਂ ਨੇ ਪੰਜਾਬੀ ਵਿੱਚ ਗੱਲ ਕੀਤੀ। ਜ¦ਧਰ ਸਹਿਰ ਵਿੱਚ ਤਾਂ ਇਸ ਤੋਂ ਵੀ ਜਿਆਦਾ ਹੈਰਾਨੀ ਜਨਕ ਅੰਕੜੇ ਵੇਖਣ ਨੂੰ ਮਿਲੇ। ਇਥੇ ਇੱਕ ਕਲੋਨੀ ਜਿਥੇ ਕਿ ਸਿੱਖਾਂ ਦੀ ਗਿਣਤੀ ਜਿਆਦਾ ਹੈ ਅਤੇ ਹਿੰਦੂ ਘਰ ਕੋਈ ਵਿਰਲਾ ਹੀ ਹੈ ਦੇ 100 ਘਰਾਂ ਦਾ ਦਰਵਾਜਾ ਖੜਕਾਇਆ ਗਿਆ ਅਤੇ 74 ਲੋਕਾਂ ਨੇ ਹਿੰਦੀ ਵਿੱਚ ਗੱਲ ਕੀਤੀ ਅਤੇ 4 ਲੋਕਾਂ ਨੇ ਅੰਗਰੇਜੀ ਵਿੱਚ ਅਤੇ ਬਾਕੀ ਨੇ ਪੰਜਾਬੀ ਵਿੱਚ ਜਵਾਬ ਦਿੱਤਾ ਜਦੋਂ ਕਿ ਟੀਮ ਦੇ ਮੈਬਰਾਂ ਵੱਲੋ ਸਿਰਫ ਪੰਜਾਬੀ ਵਿੱਚ ਹੀ ਸਵਾਲ ਪੁਛਿਆ ਗਿਆ ਸੀ। ਪੰਜਾਬੀ ਦੀ ਇਸ ਦੁਰਦਸ਼ਾ ਲਈ ਕੋਈ ਇੱਕ ਬੰਦਾ ਜਿਮੇਵਾਰ ਨਹੀਂ ਹੈ ਸਗੋਂ ਅਸੀਂ ਆਪ ਹੀ ਆਪਣੀ ਮਾਂ ਦਾ ਗਲ ਘੁੱਟਣ ਲਈ ਕਾਹਲੇ ਹੋਏ ਫਿਰਦੇ ਹਾਂ। ਕਈਂ ਹੋਰ ਵੱਡੇ ਸ਼ਹਿਰਾਂ ਦੇ ਪਾਰਕਾਂ ਅਤੇ ਘਰਾਂ ਵਿੱਚ ਬੱਚੇ ਇੱਕ ਦੂਜੇ ਨਾਲ ਹਿੰਦੀ ਵਿੱਚ ਗੱਲਾਂ ਕਰਦੇ ਆਮ ਹੀ ਦੇਖੇ ਜਾ ਸਕਦੇ ਹਨ ਜਦੋਂ ਕਿ ਇਹਨਾਂ ਦੇ ਮਾਪੇ ਆਪਣੇ ਆਪ ਨੂੰ ਪੰਜਾਬੀ ਦੱਸਦੇ ਹਨ। ਬੀਤੇ ਦਿਨੀ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਅੰਮ੍ਰਿਤਸਰ ਵਿਖੇ ਬੀ.ਐਡ ਦੀ ਕੌਸ¦ਿਗ ਸਮੇਂ ਪੰਜਾਬ ਭਰ ਤੋਂ ਕਰੀਬ ਤਿੰਨ ਹਜਾਰ ਵਿਦਿਆਰਥੀ ਪਹੁੰਚੇ ਸਨ ਜਿਨ•ਾਂ ਵਿੱਚੋ ਕਰੀਬ 130 ਮੁੰਡੇ ਕੁੜੀਆਂ ਨਾਲ ਗੱਲ ਬਾਤ ਕਰਨ ਤੇ ਕਰੀਬ 74 ਫੀਸਦੀ ਵਿਦਿਆਰਥੀਆਂ ਨੇ ਹਿੰਦੀ ਵਿੱਚ ਗੱਲ ਕੀਤੀ। ਇਸ ਤੋਂ ਇਲਾਵਾ ਜਿਲ•ਾ ਗੁਰਦਾਸਪੁਰ ਦੇ 01871 ਅਤੇ 01874 ਨਾਲ ਸ਼ੁਰੂ ਹੋਣ ਵਾਲੇ ਬੀ.ਐਸ.ਐਨ.ਐਲ ਦੇ ਬਟਾਲਾ, ਗੁਰਦਾਸਪੁਰ, ਧਾਰੀਵਾਲ, ਆਦਿ ਸਹਿਰਾਂ ਦੇ 100 ਟੈਲੀਫੂਨ ਨੰਬਰ ਮਿਲਾਏ ਜਾਣ ਤੇ 34 ਔਰਤਾਂ, 17 ਬੱਚਿਆਂ ਅਤੇ 9 ਮਰਦਾਂ ਨੇ ਹਿੰਦੀ ਵਿੱਚ ਗੱਲ ਕੀਤੀ ਜਦਕੇ 24 ਔਰਤਾਂ, 16 ਬੱਚਿਆਂ ਅਤੇ 10 ਮਰਦਾਂ ਨੇ ਪੰਜਾਬੀ ਵਿੱਚ ਗੱਲਬਾਤ ਕੀਤੀ। ਦੱਸਣਯੋਗ ਗੱਲ ਤਾਂ ਇਹ ਹੈ ਕਿ ਇਹ ਤਾਂ ਸਿਰਫ ਹਾਲੇ ਸਾਡੇ ਪੱਤਰਕਾਰਾਂ ਵੱਲੋਂ ਆਪਣੇ ਪੱਧਰ ਤੇ ਕੀਤੇ ਸਰਵੇ ਦਾ ਨਤੀਜਾ ਹੈ, ਅਤੇ ਉਹ ਵੀ ਪੰਜਾਬ ਦੇ ਕੁਝ ਜਿਲਿਆਂ ਨਾਲ ਸਬੰਧਤ, ਜੇਕਰ ਕਿਸੇ ਸਰਕਾਰੀ ਜਾਂ ਗੈਰ ਸਰਕਾਰੀ ਸੰਸਥਾ ਵੱਲੋਂ ਗੁਪਤ ਢੰਗ ਨਾਲ ਇਸ ਸਬੰਧੀ ਸਰਵੇ ਕਰਵਾਇਆ ਜਾਵੇ ਤਾਂ ਇਸ ਤੋਂ ਵੱਧ ਖਤਰਨਾਕ ਅਤੇ ਹੈਰਾਨੀਜਨਕ ਅੰਕੜੇ ਸਾਹਮਣੇ ਹੋਣਗੇ। ਸਾਡੀਆਂ ਸਰਕਾਰਾਂ ਤਾਂ ਚੰਡੀਗੜ• ਨੂੰ ਪੰਜਾਬ ਵਿੱਚ ਸ਼ਾਮਿਲ ਕਰਨ ਲਈ ਨਿੱਤ ਦਿਨ ਨਵੀਂ ਬਿਆਨਬਾਜੀ ਕਰਦੀਆਂ ਰਹਿੰਦੀਆਂ ਹਨ ਪਰ ਪੰਜਾਬ ਦੇ ਅੰਦਰ ਕੀ ਹੋ ਰਿਹਾ ਇਸ ਬਾਰੇ ਕਿਸੇ ਨੂੰ ਕੋਈ ਇਲਮ ਨਹੀ ਤੇ ਜਾਂ ਫਿਰ ਇਲਮ ਹੋਣ ਦੇ ਬਾਵਜੂਦ ਇਹਨਾਂ ਰਾਜਨੀਤਿਕ ਲੋਕਾਂ ਨੇ ਕੰਨ ਲਵੇਟੇ ਹੋਏ ਹਨ। ਰੱਬ ਨਾ ਕਰੇ ਜੇ ਹੁਣ ਭਾਸ਼ਾ ਦੇ ਅਧਾਰ ਤੇ ਪੰਜਾਬ ਦੀ ਵੰਡ ਹੋਈ ਤਾਂ ਅਜੋਕੇ ਪੰਜਾਬ ਦਾ ਸਿਰਫ 36 ਫੀਸਦੀ ਹਿੱਸਾ ਹੀ ਬਾਕੀ ਰਹਿ ਜਾਵੇਗਾ ਉਹ ਵੀ ਪਿੰਡਾਂ ਨਾਲ ਸਬੰਧਤ ਇਲਾਕੇ। ਦੁੱਖ ਦੀ ਗੱਲ ਤਾਂ ਇਹ ਹੈ ਕਿ ਸਾਡੇ ਪੰਜਾਬ ਚਾਹੇ ਉਹ ਹਿੰਦੂ ਹੋਣ, ਸਿੱਖ, ਇਸਾਈ ਜਾਂ ਕਿਸੇ ਹੋਰ ਮਜਹਬ ਨਾਲ ਸਬੰਧਤ ਆਪਣੀ ਮਾਂ ਬੋਲੀ ਨੂੰ ਲਿਖਣ ਅਤੇ ਬੋਲਣ ਵਿੱਚ ਸ਼ਰਮ ਕਿਉਂ ਮਹਿਸੂਸ ਕਰਦੇ ਹਨ.? ਪੰਜਾਬ ਵਿੱਚ ਚੱਲ ਰਹੇ ਅਖੌਤੀ ਮਾਡਲ ਸਕੂਲ, ਪੰਜਾਬੀ ਦਾ ਬੇੜਾ ਗਰਕ ਕਰ ਰਹੇ ਹਨ। ਪੰਜਾਬ ਬਹੁਤੇ ਪ੍ਰਾਈਵੇਟ ਅੰਗਰੇਜੀ ਮਾਧਿਅਮ ਸਕੂਲਾਂ ਵਿੱਚ ਪੰਜਾਬੀ ਬੋਲਣ ਤੱਕ ਦੀ ਮਨਾਹੀ ਹੈ ਜਦ ਕੇ ਸਾਡੀਆਂ ਸਰਕਾਰਾਂ ਸਿਰਫ ਕਾਗਜੀਂ ਪੱਤਰੀਂ ਪੰਜਾਬ ਵਿੱਚ ਪੰਜਾਬੀ ਲਾਗੂ ਕਾਨੂੰਨ ਦਾ ਰੋਲਾ ਪਾਈ ਫਿਰਦੀ ਹੈ ਅਤੇ ਕਦੀ ਵੀ ਅਸਲ ਹਕੀਕਤ ਤੋਂ ਪਰਦਾ ਚੁੱਕਣ ਦੀ ਕੋਸ਼ਿਸ ਤੱਕ ਨਹੀਂ ਕੀਤੀ ਜਾਂਦੀ। ਦਿੱਲੀ ਨੋਇਡਾ ਅਤੇ ਕਈ ਹੋਰ ਸਥਾਨਾ ਤੋਂ ਚੱਲਦੇ ਅਖੋਤੀ ਪੰਜਾਬੀ ਚੈਨਲ ਜੋ ਕੇ ਆਪਣੇ ਆਪ ਨੂੰ ਪੰਜਾਬੀ ਦੇ ਪਹਿਰੇਦਾਰ ਅਖਵਾਉਦੇ ਹਨ ਇਹਨਾਂ ਚੈਨਲਾਂ ਦੇ ਪੋਸਟਰ, ਹੋਲਡਿੰਗ ਅਤੇ ਹੋਰ ਸਮੱਗਰੀ ਵਿੱਚ ਪੰਜਾਬੀ ਦਾ ਇੱਕ ਅੱਖਰ ਤੱਕ ਨਹੀਂ ਹੁੰਦਾ। ਇਸੇ ਤਰ•ਾਂ ਪੰਜਾਬੀ ਦੇ ਪੁੱਤਰ ਅਖਵਾਉਦੇ ਕਈਂ ਅਖੌਤੀ ਗਾਇਕਾਂ ਅਤੇ ਗਾਇਕਾਵਾਂ ਦੀਆਂ ਰੀਲਾਂ ਅਤੇ ਸੀ.ਡੀਆਂ ਦੀ ਮਸ਼ਹੂਰੀ ਦੇ ਬੋਰਡ ਅੰਗਰੇਜੀ ਨਾਲ ਭਰੇ ਪਏ ਹੁੰਦੇ ਨੇ। ਇਹ ਸਭ ਤੋਂ ਵੀ ਬੰਦ ਨਜਰ ਹਟਾ ਸਕਦਾ ਹੈ, ਪਰ ਦੁੱਖ ਦੀ ਗੱਲ ਤਾਂ ਇਹ ਹੈ ਕਿ ਸਰਕਾਰ ਵੱਲੋਂ ਛਾਪੇ ਜਾਂਦੀ ਕਈਂ ਤਰ•ਾਂ ਦੀ ਸਮੱਵਰੀ ਵਿੱਚ ਵੀ ਪੰਜਾਬੀ ਨੂੰ ਦੂਜੇ ਨੰਬਰ ਤੇ ਰੱਖਿਆ ਜਾਂਦਾ ਹੈ ਤੇ ਜਾਂ ਫਿਰ ਪੰਜਬੀ ਕਿਤੇ ਹੁੰਦੀ ਹੀ ਨਹੀ, ਪੰਜਾਬ ਰਾਜ ਦੀ ਲਾਟਰੀ ਤੇ ਅੰਗਰੇਜੀ ਦੇ ਮੌਟੇ ਅੱਖਰਾਂ ਵਿੱਚ ਲਿਖਿਆ ਹੁੰਦਾ ਹੈ ਅਤੇ ਹਦਾਇਤਾਂ ਵੀ ਅੰਗਰੇਜੀ ਵਿੱਚ ਹੀ ਹੁੰਦੀਆਂ । ਪੰਜਾਬੀ ਦੀ ਹੋਰ ਰਹੀ ਦੁਰਗਤ ਨੂੰ ਰੋਕਣ ਲਈ ਸਰਕਾਰਾਂ ਨੇ ਤਾਂ ਪਤਾ ਨਹੀਂ ਕੁਝ ਕਰਨਾ ਹੈ ਜਾ ਨਹੀਂ ਪਰ ਇਸ ਗੰਭੀਰ ਮਸਲੇ ਤੇ ਅੱਜ ਹਰ ਪੰਜਾਬੀ ਨੂੰ ਸੋਚਣ ਦੀ ਸਖਤ ਜਰੂਰਤ ਹੈ।

ਗਿਆਨੀ ਗੁਰਦੇਵ ਸਿੰਘ ਝਾਂਮਪੁਰ ਅਕਾਲ ਚਲਾਣਾ ਕਰ ਗਏ।

ਫਰੀਮਾਂਟ: 18 ਅਗਸਤ 2009 ਨੂੰ ਸਵੇਰੇ 10:30 ਗਿਆਨੀ ਗੁਰਦੇਵ ਸਿੰਘ ਝਾਮਪੁਰ ਪਿੰਡ ਝਾਮਪੁਰ ਵਿਖੇ ਅਕਾਲ ਚਲਾਣਾ ਕਰ ਗਏ ਹਨ । ਉਹਨਾਂ ਦੇ 2 ਬੇਟੇ ਕੁਲਵੰਤ ਸਿੰਘ ਝਾਮਪੁਰ ਨੰਬਰਦਾਰ ਯੂਨੀਅਨ ਦੇ ਪ੍ਰਧਾਨ ਅਤੇ ਗੁਰਜੀਤ ਸਿੰਘ ਝਾਮਪੁਰ ਯੂ.ਐਂਸ.ਏ. ਰੇਡੀਓ “ਆਤਮਿਕ ਅਨੰਦ” 1170 ਏ ਐਮ ਦੇ ਹੋਸਟ ਅਤੇ ਇਂਕ ਲੜਕੀ ਰਾਜਿੰਦਰ ਕੌਰ ਹੈ। ਸ. ਗੁਰਦੇਵ ਸਿੰਘ ਝਾਮਪੁਰ 85 ਵਰ੍ਹਿਆਂ ਦੇ ਸਨ ਅਤੇ ਉਹ ਧਾਰਮਿਕ ਖਿਆਲਾਂ ਵਾਲੇ ਇਂਕ ਦਿਆਨਤਦਾਰ ਪੁਰਸ਼ ਵਜੋਂ ਜਾਣੇ ਜਾਂਦੇ ਸਨ।
ਉਹਨਾਂ ਦਾ ਜਨਮ 1924 ਵਿਂਚ ਅਣਵੰਡੇ ਭਾਰਤ ਦੇ ਪੰਜਾਬ ਦੇ ਜਿਲ੍ਹਾ ਲਾਇਲਪੁਰ ਤਹਿਸੀਲ ਸਤਿਆਣਾ ਬੰਗਲਾ, ਪਿੰਡ 38 ਚਂਕ ਵਿਂਚ ਹੋਇਆ ਸੀ। ਉਹਨਾਂ ਨੇ ਮੁਂਢਲੀ ਸਿਂਖਿਆ ਅਂਠਵੀਂ ਤਂਕ ਪ੍ਰਾਪਤ ਕੀਤੀ ਸੀ ਅਤੇ ਅਖੀਰਲੇ ਦਿਨਾਂ ਤਂਕ ਉਹਨਾਂ ਦੀ ਪ੍ਰਮਾਤਮਾ ਨਾਲ ਸੁਰਤੀ ਜੁੜੀ ਰਹੀ ਅਤੇ ਉਹਨਾਂ ਨੇ ਕਦੇ ਵੀ ਕਿਸੇ ਦਾ ਹਂਕ ਨਹੀਂ ਸੀ ਮਾਰਿਆ। ਉਹ ਉੜਦੂ ਅਤੇ ਪੰਜਾਬੀ ਜਾਣਦੇ ਸਨ। ਉਹਨਾਂ ਨੇ ਸਾਰੀ ਉਮਰ ਬਿਲਕੁਲ ਇਂਕ ਨਿਹਾਇਤ ਸ਼ਰੀਫ ਇਨਸਾਨ ਵਾਂਗ ਰਂਬ ਦੀ ਰਜ਼ਾ ਵਿਂਚ ਕਂਟੀ ਅਤੇ ਕਦੇ ਵੀ ਕਿਸੇ ਗਂਲ ਦਾ ਰੋਸਾ ਜਾਂ ਨਿੰਦਾ ਨਹੀ ਕੀਤੀ। ਉਹਨਾਂ ਦੀ ਆਤਮਿਕ ਸ਼ਾਂਤੀ ਲਈ ਲਈ ਪਿੰਡੀ ਝਾਮਪੁਰ ਵਿਖੇ ਹੀ ਦਿਨ ਐਤਵਾਰ ਨੂੰ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਭੋਗ 26 ਅਗਸਤ 2009 ਦਿਨ ਬੁਂਧਵਾਰ ਨੂੰ ਦੁਪਹਿਰ 1 ਵਜੇ ਪੈਣਗੇ।
ਅੱਜ ਉਹਨਾਂ ਦੇ ਅੰਤਮ ਸਸਕਾਰ ਸਮੇਂ ਦੁਖ ਪ੍ਰਗਟ ਕਰਨ ਵਾਲਿਆਂ ਵਿਂਚ ਸਾਬਕਾ ਮੰਤਰੀ ਡਾ. ਹਰਬੰਸ ਲਾਲ, ਅਕਾਲੀ ਦਲ ਅੰਮ੍ਰਿਤਸਰ ਦੇ ਨੁਮਾਇੰਦੇ, ਲੰਬੜਦਾਰਾ ਯੂਨੀਅਨ ਦੇ ਸੂਬਾ ਪ੍ਰਧਾਨ ਤਿਰਲੋਚਨ ਸਿੰਘ ਮਾਨ, ਯੂਨੀਅਨ ਦੇ ਪ੍ਰੈਂਸ ਸਕਂਤਰ ਹਰਬੰਸ ਸਿੰਘ ਈਸ਼ਰਹੇਲ, ਸਰਦਾਰਾ ਸਿੰਘ ਸੰਧਾਰੀ ਮਾਜਰਾ , ਲਾਇੰਸ ਕਲਂਬ ਆਮਖਾਸ ਬਾਗ ਸਰਹਿੰਦ ਅਤੇ ਪੰਜਾਬੀ ਸਂਥ ਸਰਹਿੰਦ ਸਮੇਤ ਅਨੇ ਪੰਚਾਇਤਾਂ ਦੇ ਨਾ ਸ਼ਮਲ ਹਨ ਉਹਨਾਂ ਦੇ ਅਕਾਲ ਚਲਾਣੇ ਨਾਲ ਪ੍ਰੀਵਾਰ ਨੂੰ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ ਵਾਹਿਗੁਰੂ ਦੇ ਚਰਨਾ ,ਚ ਅਰਦਾਸ ਹੈ ਕਿ ਸਰਦਾਰ ਗੁਰਦੇਵ ਸਿੰਘ ਝਾਮਪੁਰ ਦੀ ਆਤਮਾ ਨੂੰ ਸ਼ਾਤੀ ਅਤੇ ਪਰੀਵਾਰ ਨੂੰ ਭਾਣਾ ਮੰਨਣ ਦਾ ਬਲ ਬਖਸ਼ਣ। ਕੁਲਵੰਤ ਸਿੰਘ ਝਾਮਪੁਰ ਨਾਲ ਹਮਦਰਦੀ ਪ੍ਰਗਟ ਕਰਨ ਲਈ ਫੋਨ ਨੰਬਰ 98146-64178 ਅਤੇ ਗੁਰਜੀਤ ਸਿੰਘ ਝਾਮਪੁਰ ਨਾਲ ਦੁਂਖ ਸਾਂਝਾ ਕਰਨ ਲਈ ਫੋਨ ਨੰਬਰ 209-609-4031 ਹੈ।